❤️ تزوجت_ابنة_عرشي ❤️

46

46

صلى في المسجد .. و رجع للدار ... يحب يشوف صغارو قبل ما يمشي للخدمة ..
حل الباب و دخل . استغرب .. الضوء طافي. ..و ريحة القهوة مفماش ..
تفجع .. قلبو حسسو انو فما حاجة.. دخل لبيتو يلقاها ... ممدودة في الأرض ... لعرق لابها ... تتوجع في سكات ... دموع نازلين من عينيها ....
محمد: نجمة .. شبيك .. شنية لي صاير لا تكون طحت ..
نجمة: شدني الحس يا محمد ... با ش نموت بلوجيعة .. برى هز لولاد لامك ..
و جيب خالتي مبروكة .. هي لي باش تقابلني ..
قام مفجوع يجري .. دق على امو ..
امي امانك اجريلي نجمة باش تولد ..
وه على بنتي .. شصار .. مزال شهر على ولادتها ..
نعرفش برا شوفها .. وأنا شنجيب خالتي مبروكة ..
تعداو ساعات و نجمة تتوجع .. الصغير مقلوب .. باش ينزل بالمقلوب ...وهذا خطر كبير عليها .. محمد .. يصلي في الصالون ... يدعي ربي يسلك وحالها .. امو و نساوين مجموعين عليها .. مرات يسمع صريخها . ومرات دوخ ..ويتفجع يحب يهد عليهم الباب .. تعداو ساعات والنهار طوال عليهم ..
شوي وسمع صوت بكى متع صغير ..
قام من بلاصتو ...الدموع في عينيه .. يحمد في ربي و يشكرو ...
شوي وخرجت امو هازة الصغيرة بين يديها .. والدموع في عينيها ..
شصار أمي ..
تفضل ولدي .. جاتك بنية مزيانة كيف أمها ..
نجمة .. كيفها نجمة ... شبيها حسها سكت .
وحد ربي يا ولدي ..
احكي قتلك ... نجمة بخير ...شبيها مرتي ؟؟؟.