❤️ تزوجت_ابنة_عرشي ❤️

07

7

طلع ... يصلي لفجر في الجامع .... فماش ما يهدى شوي ... صلى ركعات لله لين إذن الصبح .. وقتها بدى الجامع يملى بأهل العرش ...صلاو الناس الكل و مشاو لدار بوه .....
سي عمار : شبيك محمد ...
محمد: شي بابا ... مبارح لولد كان تاعب شوي ... هذاك علاش مرقدناش ..جيت خذيت اريناس تعاون نجمة شوي ... كيف لقيتكم راقدين محبيتش نفجعكم
سي عمار: اي و تو شيعمل
محمد: بقدرة ربي لاباس بابا ...
سي عمار: ايا الحمدلله ...
محمد: ها بابا ... لحقيقة نحب نحكي معاك بحاجة ..
سي عمار: احكي ..
محمد: مش اريناس متسمية على أسد ولد عمي و خطبتهم قريب .... وأحنا ولاد عم و عيلة وحدة ... لي حبيت نقولو مش لازم منها الخطبة و تزيد تستنى أختي .. الحمدلله ربي عاطينا من خيرو ... خلينا نعملو خطبة و غدوتها العرس ...وهكا نرتاحو .. أحسن ما يطلع كلام مبعد .ماك تعرف العرش ..
سي عمار: كلامك صحيح ولدي ... خلي الجمعة الجاية العرس .. وأنا باش نحكي مع عمك و أسد مبعد ... هيا تو اشرب قهوتك وتيسر لخدمتك ....
كمل قهوتو ...ورجع لدارو ... قلبو واجعو على اختو دلولتو ... أما شباش يعمل ... هي غلطت ويلزمها تخلص غلطتها قبل ما تتفضح ويطلع حكم الموت في حقها ...
دخل لقى نجمة تعمل في لفطور..
اسمعني نجمة.... خبرها لي الجمعه الجاية عرسها ... وأنت حاول داويلها بدنها ... قلتلهم لي هي عندي باش تعاونك على الصغير ... لين يلحق العرس وقتها نديها تروح ..
نجمة: وه محمد ... خي شبيك مزروب تلوح الطفلة
محمد: تسكر فمك انت ... الطفلة باش تمشي لدار راجلها و قص ...
طلع من عندهم ماشي للأرض يخدم كيف العادة ...مخلي اريناس وراه جثة الزمن توقف عندها .