Харри Поттер ба хараагдсан хүүхэд

2.8.ХОГВАРТС, ЭМНЭЛГИЙН ХЭСЭГ

8.ХОГВАРТС, ЭМНЭЛГИЙН ХЭСЭГ

Албус эмнэлгийн орон дээр унтана. Харри шаналсан байдалтай хажууд нь сууж байв. Тэдний дээр санаа зовсон байдалтай, нөхөрсөг эрийн зураг байна. Харри нүдээ арчин, сууж босон алхална. Тэр нуруугаа тэнийлгэн суниав.

Тэгээд зурган дээрх эрэгтэйтэй харц тулаад, анхаарал татсан зүйл харагдсан мэт дахин харлаа.

ХАРРИ: Профессор Дамблдор. ДАМБЛДОР: Оройн мэнд, Харри.

ХАРРИ: Таныг санасан шүү. Би захирлын өрөөгөөр орж гарах болгонд, таны зураг хоосон байдаг.

ДАМБЛДОР: Тийм ээ, би ихэвчлэн бусад зургуудаараа зугаалж байдаг. /Албус руу харав/. Тэр зүгээр үү?

ХАРРИ: Тэр 24 цаг ухаангүй байна, Хатагтай Помфри түүний гарыг эмчилж чадна гэж найдаж байгаа. Тэр энэ үнэхээр хачирхалтай тохиолдол бөгөөд, яг л 20 жилийн өмнө хугарсан юм шиг бас буруу эдгэсэн байна гэсэн. Гэхдээ тэр Албусыг зүгээр болно гэж хэлсэн.

ДАМБЛДОР: Хэцүү юм даа, хүү чинь их л өвдөж байгаа байх даа. Харри эхлээд Дамблдор луу, дараа нь Албус руу харав.

ХАРРИ: Би танаас хүүгээ таны нэрээр нэрлэсэн талаар юу гэж бодож байгааг асуугаагүй юм байна?

ДАМБЛДОР: Үнэнээ хэлэхэд, Харри, хөөрхий хүүд хэтэрхий хүнд ачаа үүрүүлсэн юм шиг санагдаж байна.

ХАРРИ: Надад таны тусламж хэрэгтэй байна. Бэйн Албусыг аюултай байдалд орсон байна гэсэн. Би хүүгээ яаж хамгаалах вэ, Дамблдор?

ДАМБЛДОР: Яг л чам шиг, бүх хүмүүс, хүүгээ яаж хамгаалах вэ гэж боддог байх. Бид залуусыг муу зүйлсээс хамгаалж чадахгүй. Шаналал нь зайлшгүй ирэх ёстой зүйл.

ХАРРИ: Тэгээд би хараад л хүлээж байх хэрэг үү?

ДАМБЛДОР: Үгүй дээ. Чи түүнд хэрхэн амьдралтай нүүр тулахыг зааж өгөх хэрэгтэй байх.

ХАРРИ: Яаж? Тэр намайг сонсдоггүй.

ДАМБЛДОР: Магадгүй тэр чамайг өөрийг нь ойлгоосой гэж хүсч байгаа байх.

Харри энэ бүхнийг өөртөө шингээн авахыг хүсч байгаа мэт бодлогоширлоо.

/болгоомжтойгоор/ Зураг байхын сайн бас муу тал нь ... бүгдийг сонсдог. Сургууль дээр, хүмүүсийн ярихыг сонсдог.

ХАРРИ: Тэгээд миний хүү бид хоёрын талаар ямар хов жив байна даа?

ДАМБЛДОР: Хов жив биш, санаа зовсон яриа. Та хоёрыг таарамжгүй байдаг тухай. Албус хэцүү хүү болох тухай. Тэр чамд уурладаг тухай. Би бол үүнийг магадгүй  чамайг түүнийг хайрлах хайрандаа сохорсон гэж дүгнэнэ.