الجز۶ 1 :
(الحوار بالإنجلیزیة )
الشخص : مادموزیل هاحنا وصلنا ... هادي هي جزیرة سیشیل (مع ابتسامة)
* رفعات ندین بنیس راسها بلا وعي ... بالسیف باش کتسمع صوت الشخص وهو کیطفي المحرک دیال القارب دیالو ... وکیخلیه باش ییوقف علی الرصیف الخشبي ... حیت کتعلی وکتنخفض بزاف دیال المراکب مع المواج ... وهي کانت مشغولة بأفکارها الخاصة ... لونها ذابل وغیر ساهیة کیف لا والهموم تراکموا علیها ... ولکن هادشی معناش أنها فقدات جمالها الخارق ....
أخیرا تمکنات من التغلب غلی خداع باها ... مغیکونش هنا رجال بحوایج دیال السهرة علی هاد الجزیرة الصغیرة المعزولة ... ولا رجال عزاب یقنعوها بالزواج منهم ... جوج سیمانات کاملین غادی دیر لي بغات بلا مایحبسها تاواحد ... وواخا هکاک غادی تتبع تعلیمات باها بالحرف !!
شافت فاللابتوب دیالها لی کان حداها وبقات کتلمس فیه ... وهي عندها کل الحماس باش تکمل خدمتها خلال هاد الأسبوعین ... باش تفاجئ باها فاجتماع مجلس الإدارة فی الشهر الجاي ... حیت کان مشغول بزااف بمستوی الغیابات فی مکتب لندن فالعام لی فات ...وطلبات من دائرة شؤون الموظفین فی الشرکة باش اقوم ببحث دقیق فی المشکلة بلا خبارو ... وجابت معاها الملفات ... آملة باش تتمکن خلال هاد الأسبوعین من دراسة الإحصائیات وباش تخرج بإقتراحات مفیدة علی کیفاش اتعالج الموقف ...
الشخص : هادا هو کوخ الحارس ... وأنت فالکوخ رقم 1 ... تماک فوق البحر بشویة
ندین :(فاقت من الگلبة ) ااا ... سمح لیا .. کنت کنفکر .... اوه ... اه .. شفتوا ... وکوخ الحارس فینو ؟؟
الشخص : (شیر لواحد الخط حاني من العشب المرتفع وبعید شویة علی البحر ) مورا دوک الشجر ... الا مالقیتیش تاواحد هناک خودي لي بغیتي
ندین : (ابتاسمات لیه وهي کتحید سترة النجاة اللیمونیة ) اوه ... واخا !ّ
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
