الجزء 28 :
جود (بدا كيمرر صباعو على شعرها ) : هادا سحر ... نتي ساحرة ... ملي كنعنقك بين يدي گاع الألم لي فيا كيمشي !
نادين (حسات بالضعف ...وهمسات): الا كان هادشي لي بغيتي ... سو غنعنقك أطول مدة ممكنة ... وغنعنقك للأبد
جود (تصدم وبعدها عليه بشوية ) : واش عارفة اش كتقولي ؟
نادين (بتاسمات) : اه .. عارفة بالضبط اش كنقول
جود : اوه نادين ... واش أنا كنحلم ؟ التفكير فيك كيقودني للجنون ... شعرك ... كي الحرير وزوين ... وجهك ... عينيك .. كلشي فيك ز.ين ... وهاد الجسد لي كيشهي ... بنيس أنا بغيتك ! (شدها من عنقها ورجعها لصدرو ) .
« كان قلب نادين كيضرب بجهد ... حتى كانت خايفة ليتفركع ... بنيس ... هاهو كيعط ليها بنيس مرة أخرى ... وبلاصة المزاح الائم ... سمعات رنة الرغبة فصوتو ... وحسات بالتوتر ...
نادين : كيفاش بغيتيني من بعد لي قلتيه ليا داك النهار فالشاطئ ... كنتي معصب و ...
جود ؛ لا ... ماكنتش معصب .. اوه .. غير لواحد الوقت .. مانكرش ... ملي شفتك كتبعدي عليا ... بحال شي حورية قمر فضي ... كتجري وشعرك طاير موراك ... عرفت فلمحة وحدة علاش قلتي لي قلتيه ... كنتي كتغاري من ناومي
نادين (حدرات عينيها من الحشمة ) : عندك الحق ... كنت كنغار منها .. سمحليا بزاف ...
جود : ماكانش تا سبب للغيرة ...مابيني وبين ناومي تاحاجة
نادين : واش ... واش ممشيتيش لكوخها ليلة فين نعست أنا فكوخك ؟
جود :لااا ... خديت دوا دالنعاس ونعست تحت النجوم
نادين (رتاحات وفرحات): ولكن كتبانو قراب بزاف
جود : عائلتي وعائلتها كانو جيران .. وباها هو شريكي وهو كبر مني بزااف ... وأرمل من بعد ما تولدات ناومي ... ومربيتها كانت كتجيبها لعندنا بزاف ... داكشي علاش كانت ديما بحال ختي الصغيرة حيت ختي الكبيرة صفاء رباتها تقريبا ... كانت كتقرا علوم الغابات وهي كتهتم بهاد الجزيرة والأكواخ شي 3 سنين .. وكدير خدمتها مزيان
نادين : ممممم باينة كيصحاب ليها العناية بيك جزء من خدمتها
جود : عارفها اش كدير ... وبعض المرات ستاخدمتها باش نبعدك عليا
نادين : بصححح ؟؟؟؟
جود : تعمدت نكون معاها فالبحر ... وتعمدت نخليك تآمني بلي باقي أنا معصب عليك ... واخا كنت بغيتك ... بنيس واش حتى نتي باغياني ؟
نادين (صرطات ريقها ومقدراتش تجاوبو ... واخا كانت عارفة ومن أعماق قلبها بلي عندو الحق .. ودابا معندها فين تهرب ولا تنكر ): اه
هزها جود بين ذراعو .. وتاجه للباب ..
نادين : لفين ؟
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
