الجز۶ 13 :
رجعت للکوخ مع دیک الربعة ...أووه لقیت الحارس قاد الأمور ... اوووه علی الطبلة شي حد خلا باقة دالورد الزرق البري واااعرة بلوني المفضل ... أزرق سماوي ... وکانت ورقة فجنبها مکتوب علیها : <حفلة شوا۶ > غدا مع الستة دالعشیة فکوخي ... الموسیقی غتبقی حتال الصباح ... حسن لیک تجي بنیس ... حیت الا بقیتي فالکوخ مغتقدریش تنعسي ...
لحت الدعوة ... من امتی حارس کیدیر حفلات للضیوف ؟؟ حتی فبلاصة عادیة بحال هادي خاص اکونوا حدود بین الخدامة والسیاح ! واش مدیرو عارف هادشي ؟ وشکون غیشري الماکلة ... أوووف ... اصلا مغنمشیش وغنقولها لیه هاکا ...
أصبحنا وأصبح الملک لله 🥀
شرقات الشمس علی نادین وهي کتعوم هادي نص ساعة ... بعدات علی الرملة شي 20 قدم ... تقلبات علی ظهرها وسدات عینیها ... شویة کتسمع شي مرکب صغیر بعیید ... وطائر النورس ... وصوت المواج ...
- صباح الخیر بنیس ...! کیجاک الما ؟
رفعات راسها بالزربة ... کان کیصحاب لیها کتخیل حتی شافت جسم جود الضخم ... وقلبها بدا یضرب ... قررات کلما زربات علیه باش تتهنی منو کلما کان حسن ... وأفضل طریقة هي تبین لیه أنها ممهتاماش بالهضرة معاه ...
نادین : صباح النور موسیو علوي ... الما دافي
شافتو کیحید التیشورت وصباطو ... وهو ینقز بسروالو للما ... ملي وصل لعندها طلع لعندها وفقدات التوازن دیالها وتقلبات للتحت وقال لیها : عطیني یدیک ... وبلا میتسنا الجواب شدها باش توقف ... وداها للقدام شویة وحیت شربات شویة دلما وبقات کتکح وکتشهق ... وشافت فیه .. کان کیشوف فجسمها ... کانت لابسة بیکیني ... هي موالفة تلبسو فالبلایص العامة عادي ... ولکن دابا وفهاد الموقف المنعزل ... حسات بالاحراج وشحال هاد المثلثات صغییرة لي کتغطي جسمها ...
جود : کنتي کضحکي علیا ؟
نادین : کنضحک علیک ؟ امتی ؟
جود :هادي دقیقه ... کنتي کضحکي علی السباحة دیالی
نادین : لا ... ماکنتش ...
جود : ماشي مشکل ... ماشي نتي أول واحد یضحک علیا
نادین : ماکتعرفش تعوم ؟؟ والیدیک ماکانوش کیصیفطوک تتعلم السباحة ملي کنتي صغیر ؟
جود : والیدیا جراو علیا من الدار فاش کانت عندي 12 لعام
نادین :(هاد الکلمة کانوا بمثابة تقریر لواقع مؤلم ... متیقتش هادشي لي سمعت ... ومافهمتش اش کان کیعنیه فاللول ... ماکاینش شي حد کیجري علی ولدو فهاد العمر ... ولکن ملي شفت الحزن والمرارة فعینیه حسیت بقلبي کیتعصر ) اووه ... جود
مادفعاتوش فاش شد یدیها ... ولا حتی فاش حط یدیه علی خصرها ... وکیفاش تقدر ترفضو وهو ترفض بزاااف فصغرو ... ولکن ملي شدها لیه شهقات ... کان الخاتم بغا یبدا وعمرها شافتو فحیاتها وتمتم :
جود : کاین خطر هنا .. الا بقینا فالما ... والضو محاوطنا
نادین : إما نقطو التیار ولا نخرجو من الما۶
جود : (قربها لعندو کتر ) ماحدنا متقاربین فحنا فأمان
عرفات بلي غیعنقها ... والا بغات تمنعو فأنسب وقت هو دابا ...ولکن قبل ماتبعد راسها علیه ... لقات راسها فوق الرملة ... هبط راسو وضور یدو حولها ... یدیها وبلا متشعر حطاتهوم فوق کتفو .. وعنقاتو بشدة ... الفکرة الوحیدة لي کانت فبالها هي الشفقة ... وهادا هو السبب الوحید لي خلاتو یعنقها
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
