الجز۶ 3 :
لاحت صاکها فوق ناموسیتها لی مفرشة بفراش کحل ... وحلات السلسلة ... باش تحس بمزاجها الخالي من الهموم کیضطرب فجأة وهی کتمد یدها لصورة بإطار فضي فوق ثوب نوم حریري ... هادی صورة آدم شعرو الکحل .. فمو وردي ... عینیه الزرقین لي کیعکسو نفس العناد ... عنقات ندین صورة خوها التوأم بشدة کتحس بألم فقلبها ...
بعینین دامعین ... کتمر صباعها علی الکتبة فوق التصویرة < إلی نصفي الآخر > وکتعقل الیوم لی کتبتها ... عقلات مزیاان بعد الظهر دیال داک الیوم لي سافر فیه لأروبا باش اشارک فسباق السیارات لي دا حیاتو ...
بعض المرات ... کانت کتقول لراسها أن ماشي معقول تحتافظ بالصورة فجنب سریرها... کتاخدها معاها ملی کتسافر ... فکل مرة کانت کتشوف فیها کتحس بقبضة کبیییرة کتعصر قلبها ...
ولکن الصورة کانت کتذکرها دیما بالعذاب لی جسات به وهي کتراقب خوها کیموت ... موتة خایبة !!! داکشي علاش قررات باش ماتوقع فالحب باش ماتکونش ضعیفة ... معرضة لهاد النوع دیال العذاب ...
فالکوزینة ... حلات الروبیني ... ومن بعد بدات تغوت :
اووووووف ... ملي نحلک من المفروض ینزل منک الما !!!!!
شافت فماگانتها ... وضیعات بزاف دیال الوقت ... خاص الحارس اتعامل مع هادي ... کان من الواجب دیالو اصلا اتأکد بلي کاین الما ...رجعات غطا۶ وعا۶ القهوة الجاهزة ... وخرجات .... وصلا للشجر ودازت بین جوج شجرات دیال الصنوبر کبااار .. شافت کوخ قدامها دقات بشویة وتسنات شویة ... لا ... البلاصة مافیهاش السکات گاع ... کاین شي صوت الداخل ... ولکن الصوت ماقدراتش تحددوا ... صوت منتظم ومنخافض ...
دقات الباب عاوتاني ... هاد الخطرة بجهد وغوتات : واااش کاین شي حد هنااا ؟؟؟؟
الصوت باقي کاین ... دفعات الباب ... کانت الکوزینة خاویة وحتی الصالون ... تخلعات وتقدمات بهدو۶ لباب بیت النعاس لی کان محلول ... وطلات للداخل ...
ندین : اووه ... یا ربي !!!
لقات راسها کاینة وسط الغرفة بإحساس مدمر وقلبها کیضرب بجهد ... کان علی السریر متکي علی کرشو ووجهو للتحت ... رجل کیشبه لآدم ... حتی کان کیصحاب ليها بلي کتحلم ...
کان رجل ذو بنیة قویة بزااااف ... مشدود العضلات .. متکي علی وجهو ومسرح فوق الغطا ... وراسو مدفون تحت المخاد ... الصوت لی کانت کتسمع ولا مجهد ... صوت شخیر وماناویش افیق ...
نادین : (تقادا صبرها وغوتات ... الحوار بالانجلیزیة ) هییییه ... نتا !! واش کتخلص باش تنعس ؟؟؟ واخا تفیق ؟؟ اووف معندیش الما
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
