الجزء 27 :
جود : خدمتي كطلب بزاف دالسفر ... ومواعيدي ميمكنش نتنبأ بها ... فالخطوبة ماقالت والو على غيابي المستمر .. ولكن بعد شهر العسل مباشرة قالت ليا بلي بغاتني ناخد مركز تنفيذي فالمدينة ... خدمة من التسعود تال الخمسة ... كيضمن الرجعة ديالي لداري كل ليلة ...
نادين : ولكن ... هادا أمر طبيعي من عروسة جديدة
جود : هي بغاتني معاها ولكن ماشي على قبل الأسباب لي كيصحاب ليك .. بغات تبدلني ... تحولني لراجل لي يخلي صحاباتها احسدوها عليه ملي يمشي معاها للمعارض الفنية والمناسبات الاجتماعية لي كانت دم حياتها ...
« اش قالت ناومي داك النهار ملي هضر على محاولة ميلا باش تغير نمط حياة جود ؟ وكان الأفضل ليها تبدل المدة حيت جود رجل متحكم فنفسو وميمكنش اتغير ... وهاهي كتأكد بلي ناومي عندها الحق »
جود : غنكون دمدومة الا سمحت لراسي نكون مدلل لشي مرا ! مبغيتش نهائيا ... دابزنا بزاااف .. ومبقيتش حاملها تبدلات كتر وكتر ... وأخيرا من بعد عام ونص طلبات الطلاق وأنا فداك الوقت كنت متشوق باش نوافق ولكن طلاقي كان أزمة كبيرة ليا
نادين : بأشمن طريقة ؟
جود : ملي شافت بلي مقدراتش تبدلني كيف بغات .. بغات تشوه سمعتي قدام المحكمة .. داكشي علاش ستاخدمات گاع الحيل والخدع ...وهادشي يمكن نغفرو ليها ... ولكن لي منقدرش نغفرو ليها هو الخيانة لي كتاشفتها بعد الطلاق ... تسنات حتى سالا كولشي وغتانمات الفرصة وهي فرحانة باش تقول لي ملي مقدراتش تقنعني باش نتخلى على خدمتي .. قررات تعاقبني .. كانت كتاكل حبوب منع الحمل بلا خباري (دفع راسو بعنف وبدا يمشي ويجي وهو معصب عروقو خارجين وعينيه حمرين ) ولكن تعطلات بزاااف ... ماكانتش عارفة بلي كانت حاملة ... وملي عرفات مقلتهاش ليا
نادين (تصدمات وحسات بالبرودة ): و اشنو ... اشنو وقع ؟
جود (باختناق) : جهضات ولدنا .. كان دري ... كون بقا عايش كون ولات عندو سبع سنين ... كل مرة كنتمشى فيها فالشاطئ كنتخايلو كيلعب معايا
«من بعد سكت وعطاها بالضهر ... وبدات كتسمع غير صوت طقطقة العافية فالحطب والريح كتحرك ألواح السقف ... شافت نادين فجود والألم باين فيه ... مشات كتجري لجيهتو .. ولكن خافت تصدم من حزنو وقلقو لي مخبيهوم ... دار باش اواجهها .. وفعينيه نظرة ضياع لي خلاتها تبكي ...
جود : اليوم ملي شفت سامنتا .. وشفت ولدها ... سولت راسي شنو نوع المرا لي تزوجتها ... شحال كنت عمى ! وملي شفت توماس الصغير حسيت بقلبي كيتقطع قطع صغيرة ...
نادين (رجعات شعرها للور ومسحات دموعها ... مقدراتش تشوفو معذب وحزين ) : اووه ... اهئ اهئ ... جود .. اهئ اهئ .. كنتمنى لو كانت شيحاجة نقدر نقولها ليك ... اهئ اهئ ... ولا شي حاجة نديرها ... اهئ اهئ حاسة براسي عاجزة ..
جود : اوووه عفاك ... مكنتش قاصد نبكّيك !!!
«جرها لعندو وحط رسها على صدرو ... وهي كانت كتسمع دقات قلبو لي كيضرب بجهد ... وبدات كترتب على ضهرو بحال الا كتواسيه ... اوه كيفاش قدر اساعد على ولادة طفل وهو عارف اش وقع لولدو ؟
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
