الحب التائه

الجزء 30

الجزء 30 :
من بعد مشاو للكوزينة وهي جلسات فواحد الكرسي .. مكورة وهو كيطيب فالفطائر وكيشوف فيها ...
جود : شكون هو ؟ بغيت نعرف .. بغيت نعرف كولشي عليك ... وعليه
نادين (فاقت من الگلبة): اوه ... سمحلي كنت ساهية
جود : مممم كنتي ساهية فيا أكيد ياك ؟
نادين : اه ... كنت كنفكر شحال كنشعر بالأمان معاك
جود : الا كانت الذكرى مبقاتش كتقلقك ... عاودي ليا عليه ... على الشماتة لي سبب ليك بزااف دالألم
نادين : اوه جود ... ماكانش شماتة ... كان ضريف ... ساحر وكولشي كيبغيه وميمكنش يآذي شي حد (لاحظات غمامة فعينيه ... واش الغيرة ؟)
نادين : غنعاود ليك من الأول ولكن واعدني تسمعني
جود : اوك...
نادين: كنا فالمغرب أنا كنت بنت مفششة بزاف وضاربة الدنيا بركلة ففترة المراهقة ... دوزت علاقات عابرة بزااااف وكنت ممسوقاش كنخرج كندور مهم كنت طايشة بزااف وغير كنضحك ماما ميتة..أنا وخويا آدم كنا مفاهمين وكانت عندي ختي نسرين كبر مني بعامين وديما أنا وياها مدابزين ... وصلت ل18 وتعرفت على واحد الشاب سميتو حاتم... عجبني بزاف كان زوين وأخلاقو زوينة ... بقينا على علاقة خمس شهور .. ومن بعد الكلام الزوين و والوهم لي كنت كنعيشو بوحدي كتاشفت أسوء حاجة ... حتى ختي نسرين كتبغيه ... فصراحة أنا مكنتش متأكدة واش كنبغيه ولا ولا ولكن لي متأكدة منو أنه كان كيعجبني ...
جود : وهو شكون كان كيبغي ؟؟
نادين (بابتسامة سخرية) : تاوحدة ... هو باغي غير الفلوس يعني كان كيلعب بينا بزوجات وحنا طحنا فالفخ ديالو ... ملي عرفات ختي بلي كنبغيه مشات عندو وعمرات ليه راسو بكلام مكيسواش وغالط فحقي .. وطبعا هو مع مكنهمو لا أنا ولا هي تيق ولقاها من الجنة والناس ... صافي قنعاتو باش اتزوجوا فأسرع وقت وبابا وافق حيت من نفس الطبقة الغنية .. أنا تاحد متسوق ليا دوزت أكفس أيام فحياتي ... وعرفتي شنو طرا ؟؟
جود : اشنو ؟
نادين :  بعد عام من زواجهوم حاتم مرض مرض خااايب ومات أما ختي تعرضات لكسيدة خايبة وتشللات ... (نزلات دمعة من عينيها) اه وواحد النهر خليناها بوحدها فالفيلا مع الخدامات وملقات مادير ومشات حداهوم للكوزينة ... خرجو وخلاوها وشدات فيها العافية اهئ اهئ اه شفتها بعيني كتحرق قدامي وأنا ماقادرة ندير ليها والو اهئ اهئ حيت كنت أنا سبقتهوم للدار ... شفتها بعيني شفت ختي كتموت وهي مقادة دير والو اهئ اهئ
جود : (مشا عنقها )ششششس صافي صافي متبكيش عفاك
نادين (مسحات دموعها وركزات فعينيه) : بطبيعة الحالة أنا دخلت فصدمة خايبة ... ومن بعدها بابا قرر ازوجني بأي طريقة ... هو مهم يكون عندو حفيد ... جاب ليا عريس ... كان ولد شي صاحبو سميتو زياد... أنا كنت ممهتاماش لهاد التخربيق ... مهم داز الخطوبة ديالنا ...ومن بعد قررت نبدل حياتي لعل وعسى نعيش معاه مزيان ... واحد النهار قالي نمشي معاه باش نختارو أثاث لدارنا .. وافقت ومشيت ...
#يتبع ...