الحب التائه

الجزء 37

الجزء 37 :
عمر (بادلها نفس العناق حتى ضلوعها تلاصقو) : كان بامكاننا نواسيو بعضياتنا ... ولكن الوقت باقي ... نقدرو نهضرو دابا .. نقدرو نواسيو بعضياتنا
نادين (رفعات عينيها لي عامرين بالدموع): بابا ... كنت بغيت نموت اليوم فاش مات خويا آدم ...
عمر (شدها بالجهد وهضر من تحت سنانو): ماتقوليش هاكا ابنتي !!!
نادين (مسحات حناكها بظهر يديها): هادشي لي كنحس بيه دابا ... قلت لجود بلي عمرني غنشوفو ... أنا جرحتو ابابا ... جرحتو ...
عمر (كيمسح شعرها بيديه): ششششششش ... نقدو نصلحوا الأمر ا بنتي ... باقي الحال
نادين : منقدرش ... واش مكتشوفش ؟ منقدرش نخاطر ابابا ... داكشي علاش عمرني غنتزوج ... منقدرش نبغي ونفقد مرة أخرى
عمر (بصوت هادئ): ملي ماتت ماماك تعصبت منها بزاف حملتها مسؤولية العذاب لي مريت بيه .. سولت راسي بزااف .. علاش كان خصها تكون عنيدة ومتهورة ومغامرة ؟ علاش متكونش قانعة .. دير داكشي لي كيديرو صحاباتها ؟ علاش مادوزش وقتها تمشي لمعارض الأزياء ..تبقى فدور التجميل ؟ ومتقبلتش موتها حتى قدرت نجاوب على هاد الأسئلة
نادين : وباش جاوبتي عليها ؟؟
جود : ماماك ماكانتش كدوز وقتها بحال لوخرينات حيت هي سعاد بنيس ... وهادا السبب لي خلاني نبغيها لأول مرة ... هي مرا مكتخافش من الخطر .. بشجاعة كانت كتخطف أنفاسي ... وكون كانت بحال صحاباتها ... مغتخطفش قلبي ... كانت كولشي بالنسبة ليا ا نادين ... داكشي علاش لقيتها فاتنة لأقصى درجة ... ملي فهمت هادشي عرفت بلي كنفضل هاد الأعوام وحنا بزوج حسن كون محصلتش عليها بالمرة ... هادشي علاش تقبلت موتها
ساد الصمت ... وكتسمع غير تكتكة الساعة حتى كسر هاد الصمت سؤال نادين ...
نادين : وآدم ...واش كينطابق عليه نفس الشي ؟ (تلوى قلبها من الألم ملي شافت باها تغيرو ملامح وجهو بمجرد ما دكرات اسم خوها)
عمر : نفس الشي ... ولكن حتى شي ألم كيوازي ألم فقدان ولد !!
نادين (علاش تسنات بزاف باش تشارك حزنها ... ومشاعرها مع باها ؟ وأخيرا همسات): هادي مخاطرة ياك ؟ مخاطرة خاص نتقبلوها ملي تخلي نفسك توقع فالحب
عمر (شاف فيها): مخاطرة قلب ابنتي ... ونتي بوحدك لي يمكن ليك تقرري إلا عندك الشجاعة باش تاخديها
🔥🔥🔥🔥🔥🔥🔥🔥🔥🔥🔥🔥
نزلات نادين من الطوموبيل كتحك نيفها ... فبرا واغا الريح كانت ريحة مواد غريبة ... والأصوات بحال شي طائرات كتنطالق دقة وحدة ...دارت يديها على فمها وقالت للشيفور : نقدر نتعطل شوية
.. خرجات من الاوطيل مع ديك الوحدة ونص وستاغرقات ساعتين دالطريق فالطوموبيل باش توصل من برمنغهام لموقع الخدمة ... الشيفور كان عارف منين يدوز ... حيت الحريق كان طاغي فمصنع الكيماويات بلا سيطرة ...