الجزء 14 :
دابت فحضنو وقلبها كيضرب ... هي شحال هادي مرات من علاقات عابرة بزاااف ... وكانت ممسوقاش حتى مات خوها عاد ولات بحال هكا ... واول مرة تحس بحضن شي رجل ... بعدات عليه بشوية ... وعينيها مسدودين ... حيت ممصدقاش اش وقع دابا ... حلاتهوم بهوء ولقاتو كيشوف فيها وقال : ديما كتصدق ليا !!
اشنووو ؟؟ اش بغا يقصد ؟ وشنو لي كيصدق ليه ؟ ... من بعد مشا فحالو وهي كتراقبو ... وقبل مايوصل للشجر تلفت ليها وغوت : هيييهو ... قبل مانسى ... اجي العشية للحفلة ! غتكون الماكلة زوينة والموسيقى واعرين ... وأول أغنية غتكون ليك ...
مجاوباتوش نادين ... مقدراتش حتى تتحرك ... وكون كان معاها فردي كون قتلاتو فهاد اللحظة !
🔥 وصلات العشية ... 🔥
طفات نادين البيسي ... خدمات غير شوية ... حيت افكارها كانت مشتتة ... كتبغي تركز فخدمتها وفجأة كتلقى راسها كتفكر فعناق جود ... جسمها كيترعد وعرقاان ... مشات للتلاجة شربات الما ومشات باش تصاوب شلاضة ... ولكن شكون خلاها... ريحة اللحم المشوي وصلاتها من الشرجم لي كان محلوول ..
نادين :اوووف صافي نساي ... نتي مغتمشيش ..
بدا صوت الموسيقى وكانت أغنية " thousand years - christine perri " ... اذن هاد الأغنية هي ليها !!!! لا ميمكنش !!! قلبها بدا يضرب بجهد ... بتاسمات بدون شعور .. وهي كتخيل عينين جود الزرقين ملي كان كيدير هاد الأغنية ...فجأة گاع الكره لي كانت كتشعر بيه جيهتو مشا .. وضحكات ... اوووه صافي عتارفي ...
نادين : حتى حاجة مكتستاحق نضيع عليها بحال هاد الحفل ...
مشات لبسات غوب فالغوز قصيرة وهابطة من الكتاف شعرها خلاتو مطلوق ... ومادارت حتى نقطة مايكاب ... جات كتحمق ... ملي كملات كانت كترعد ... شافت راسها فالمرايا ... كانو عينيها كيلمعوو وحنيكاتها حمرين ... عمرها كانت هكا ! تنفساات وخرجات ... الموسيقى كانت مجهدة ... كلما كتقرب كل شبر فجسمها كيترعد كانوا الناس تماك عمرها شافتهوم ... حتى ستاقرات عينيها عليه ... كان لابس تيشورت بيض ودجين ونايفيا ... وااااااو شحال كيبان مبوگص ... قلبها كيضرب خصوصا فاش شافها وبتاسم ابتسامة كسولة
جود : اهلا بنيس ... فرحان حيت جيتي
نادين : هاي ... مممم الريحة زوينة (ضارت لعند سامنتا ) فيناهي الكتكوتة ؟ بلا ماتقولي لي بلي كاينة شي خدمة لرعاية الدراري الصغار هنا !!
سامنتا : كارولين كانت كدير الصداع فاش جينا لهنا ... وخداها جود حطها فوق ناموسيتو مع دبدوب صغيور ونعسات ديك الساع ... فصراحة عمرني شفتها كتنعس بهاد الزربة من قبل !!
نادين : (ضارت لعندو مع ابتسامة ) واااو سعداتك كتعرف تعامل معاهوم
... عيط توم لسامنتا : ساامنتا ... اجي هنا احبيبة ...مشات سامنتا لعند راجلها ... وبقاو بزوج ... هي بقات فنفس الوضعية وحشمانة ... وهو كانو عينيه مركزين عليها وكيبريو ... وعرفات بلي كيتفكر اش وقع بيناتهوم الصباح وبغات تغير الموضوع ..
نادين : خسارة موسيو علوي ... تكون كتعرف تعامل مع الصغار ونتا معندكش ..
غير كملات هاد الجملة وندمات ... لاحظات وجهو كيف تبدل ... وحتى فاش سولاتو واش مزوج ... وزادت دابا برزطاتو ... هو ماشافش فيها نهائيا وبقا كيقلب فاللحم وكيجاوب
جود : اه بصح ...
نادين : هي بغيتيهوم اكونو عندك ؟؟
جود : مممم نقدروا نگولوا ... أنني فكرت فهاد الإمكانية
نادين : ااه ... واش كضن بلي طريقة العيش ديالك ماشي مناسبة باش تكون عائلة ؟؟
جود : (شاف فيها باستغراب ) طريقة عيشي ؟؟؟
نادين : اه ... هنا ماكاين لا صبيطارات لا مدارس ... لا محلات .. هاد الجزيرة معزولة ... وتقدر تناسب واحد ممزوجش ... ولكن لعائلة مكنضنش
جود : ااه فهمت .. هي الا تزوجنا انا وياك ... مثلا .. بغيتي الأمور تتبدل ... بغيتي نتبدل ؟
نادين (قاطعاتو بالزربة ) : نتا وانا ؟؟ اوه الحمد لله بعدا عمرنا غنطيحوا فهاد المشكل .. عالاقل ... ماشي بجوج .. بطبيعة الحال ..من التغيير ... كانت عندي واحد صاحبتي ديما كتقول بلي مستقبالها كيجي قبل كولشي ... وبدلات رأيها فرمشة عين ... وبغات واحد ... وهي دابا مزوجة ... تخلات على خدمتها لي هي وكيلة أموال باش تبقى فالدار مع ولدها وهادي تضحية كبيرة ...
جود : (بتاسم ابتسامة صفرة ) عارف بلي الناس تقدر تغير طريق حياتهوم ... ومغيكونش صعيب عليا حتى انا نغيرها ... المسألة كولها نظرية ... وباش اكونوا عندي ولاد خاصني نلقا مرا لي ترضى تضحي بحال هاد التضحية لي كتهضري عليها ... و ... (هز كتافو .. وخلا كلامو بلا ميكملو )
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
