الجزء 15 :
علاش توترات ؟؟ واش اقدر حيت حساتو كيمعني عليها ؟؟ واش كيهمها الا كان حارس جزيرة معزولة مكيعتابرهاش مناسبة ليه ... وقالت : شحال حاس براسك ومغرور اموسيو علوي ...
جود :(بصوت حاد .. حتى قفزها ) خليك من هادشي ... وحضي معاك الشوا ... غنجيب ليك عصير
سهات وهي كتفكر فهاد التغيير لي ولا فيه ... دغيا بدل الموضوع ...وكيفاش مكتقدرش تسيطر على نفسها ملي كتكون حداه ...
جود (ماد ليها كاس دالعصير ) هيييهو ... هادي حفلة دالشوا ماشي تحضير الأرواح
نادين (رجعات لوعيها ومرضاااتش ... ) : اوه سمحلي ... كنت ساهية
خدات من عندو الكاس وقال ليها : كنضن بلي مسموح للكتاب بالحلم ... وعندوم عالم خيالي كيمشيو ليه اغلب الاوقات ... وكيبقاو يفكرو بزاااف ... كيف غادة القصة ؟؟ باقي هاداك كيبرزطك ؟
نادين (شربات شوية من العصير ) : هو باقي تماك .. ولكن كنظن بلي بديت نولفو ... اه بعدا شكرا على الورد ... كنظن خليتيه ليا
جود : فراسك داك الورد خلاني نفكر فيك ... واخا متأكد بلي مولفة بشي حاجة ما حسن
نادين : هي زوينة ... ولكن عندك الحق .. فالمدينة الرجال كيعرفو يختاروا الورد الحمرين زوينين ولا ...
جود (قاطعها ) : شييييت !!! نتي كتلهيني !!!
مشا بالزربة كيحيد اللحم من فوق العافية وكيحطها فوق واحد اللعبة من الكرتون المقوى ...
جود : كانت غتحرق ! ودابا ... حيت كلامنا كان زوين .. خفت نضطروا نأجلوه ... غنهضرو من بعد ... صافي ؟
نادين (تقلقات ) اه ... واخا
جود (مداهاش فيها بالمرة ): مرحبا بيكووم كااملين ... جا وقت الماكلة .. اجيو وخودوا لي بغيتوا ... سامنتا عافاك سيري للكوخ وجيبي لي بقا ... بنيس تقدري تعاونينا ... الخبز كاين فالفران
مشات على سعدها ووعدها تجيب الخبز ... خاصها تبقا بعيدة عليه ..الاعجاب به حالة معقدة ... وبحال هاد التعقيد ... ماناقصهاش !! ... واحد الشوية خرجات واحد البنت زوييينة بزااف عينيها زرقين وشديدة البياض ... شعرها صفر وطوييل ... وجسمها المنحوت لي كيبينو واحد الكسوة لابساها كولها معرية ... كتبين گاع فخاضها وصدرها ... مشات ديريكت لعند جود : كب ليا عصير ... انا غنشوي لراسي ...
بقات نادين كتشوف فيها وكتعجب من جرأتها ... والنار شاعلة فالداخل ديالها ... خصوصا ملي مشات عنقات جود وحاوطات خصرو بيديها بجوج .. حسات بمشاعر مخلطة بين الغضب والغيرة .. وبدات كومة من الأسئلة كتجي فراسها ...
واش ملي كان معاها فالما الصباح هاد الشهبة كانت كتسناه ؟؟ واش مشا لوحدة اخرى ؟؟ واش كتسكن معاه فالكوخ ؟؟ اشنو العلاقة بيناتهوم ؟
نادين (تحنات لعند سامنتا ) :شكون هادي ؟
سامنتا (ضارت لعندها ) : هادي ناومي ... علاه عمرك تلاقيتي بيها ؟؟ ااه كانت فعطلة ...سافرات قبل ماتوصلي ..وجات اليوم بعد الظهر ... هي زوينة ومثيرة ياك ؟؟ هي ماشي حارسة عادية !!
نادين : حارسة ؟؟ اش كتقولي ؟؟ هاد البلاصة مكتطلبش جوج حراس !!
سامنتا : جوج حراس ؟؟ كاينة غير ناومي
نادين : ولكن ... ولكن جود ؟ ياك هو ..؟
سامنتا : اووه .. جود .. واش كان كيصحاب ليك هو الحارس ؟؟
نادين : ماشي هو الحارس ؟؟ و اش اكون ؟
سامنتا :اووه ... نادين .. كيصحابلي عارفة !! جود هو مول هاد الجزيرة !!
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
