الحب التائه

الجزء 34

الجزء 34 :
نادين : لا ... «وريثة مصانع بنيس العالمية تقع في حب حارس مفلس »
جود (شاف فيها باستغراب ) : وريثة ؟؟ ... واش نتي .. نتي؟؟
نادين (دارت براسها علامة اه )
جود (غوبش وسد عينيه وتغيرات الملامح ديالو): اووووه ... نادين بنيس ... شيييت !!! مصانع بنيس ؟ باك هو عمر بنيس ؟؟؟
نادين :واش كتعرفو؟ كتعرف بابا ؟
جود (ببطء ولامبالاة): تلاقينا ...ماشي بزاف
نادين : كيفاش ؟ فين ؟ عمرني سمعتو ذكر سميتك !!!
جود (عنقها أكثر): حيت ماعارفاش شكون أنا ياك ؟
نادين : بالطبع ماعارفاش ... وعارف بلي معارفاش ! قالت لي سامنتا بلي كتخلي حياتك الخاصة بحال شي لغز .. وتاواحد على الجزيرة عارف فاش خدام ... واش مابانش ليك الوقت جا باش تقولي سرك ؟
جود : سامنتا عندها الحق ... انا كنخلي نفسي مجهول هنا ... ملي كنكون هنا كنبغي نتمتع بعزلة تامة ... تاحد معارفني ... الا ناومي وهادشي كيريحني ..
نادين (غوتات): أنا ماشي مرا صبورة موسيو علوي !!
جود (ضحك) : اوك اوك ... غندخل فصلب الموضوع .. واش سمعتي بشركة العلوي للتأمين ؟
نادين : اه .. حتى كون مكنتش خدامة فيها ... فراه كنسمع بيها ..ومؤخرا عقدو اتفاق تأمين لتغطية مشروع مصنع صلب الحديد فبورتو ريكو مع بابا ...(سكتات كتسمع كلماتها كتعاود فالهوا .. وجمدات فبلاصتها ... بلا الا دمها تحبس ..وتحول لثلج وهمسات : علوي ... أنت هو ؟؟؟؟ اووه لا ... عفاك قول بلي ماشي هو نتا عفااك
جود : نادين .. مالك ؟؟؟
نادين (غوتات): لا ... لا ... قوليا بلي هادشي ماشي بصح ... نتا كتكذب ... كتكذب ...
جود : تهدني عفاك ... تهدني انادين اشنو درت ؟؟؟ عفاك قولي لي اش وقع ؟؟؟
نادين (كافحات باش تمنع الدموع لي تجمعو فداخلها ... خاصها تكون هادئة ... الغوات والبكا مغينفعو بوالو ... شحال مكلخة ! خلات نفسها تبغي ... وتلاقات بأعجوبة مع رجل غيتأكد باش متتألمش مرة أخرى .. صرطات الغصة لي فحلقها وقالت بصوت هادئ ) : صافي تقدر تخليني .. جود ... سمحليا ... ماكانش عليا ندير هكا ... نفقد السيطرة على نفسي ...
خلاها ... ووقفات جنب لافابو وضهرها للشرجم ووجهها كيكشف كل ذرة من عدابها ...
نادين : نتا ختاريتي مهنة خطيرة ... التأمين ، مكافحة الحريق ... أمور كتخلع ... ميمكنش لينا نتنبؤؤ بها ... وخاصك ديما تخاطر