الحب التائه

الجزء 40 والأخير

الجزء 40 :
جود : مسافر ... لا ... مكنتش مسافر ... واش بغيتي نكونو ديما بزوج ؟
نادين (حسات بالفرحة غطرطق منها): اوه ... اه .. جود ... هادشي لي بغيت !!
جود : حبيبة ... هي لي متعاود... (شد وجهها بين يديه .. وهي لفات ذراعها على عنقو وشبكات صباعها ... وبتنهيدة استسلام ذابت على صدرو )
جود(بصوت ملئ بالشوق): بغيت الولاد ا نادين
نادين : عارفة ا حبيبي ... وحتى أنا .. بزاف منهوم
جود : عارف بلي خدمتك مهمة بالنسبة ليك ... وبغيتك تحتافظي بيها ... بغيتك تخصلي على كولشي لي كتبغي ... كولشي لي فايتسطاعتي غنعطيه ليك (ابتسامة مسحورة) ...
فجأة تذكرات الصورة لي تخيلاتها واحد النهار فاش كانت طالعة فالدروج وهازة دري صغيور ... وشافت دابا صورة أخرى ... باقي البيبي بين يديها ولكن مع طفل اخر كيحبو ... و ..
اووه التقرير .. ! نسييتو .. خاصني نقدمو لاجتماع مجلس الإدارة بلاصة ما ...
جود : غنأسس شركة ديالي فلندن ... وغنبني ليك دار فيها بزاف دالبيوت وبيت لولادنا ... غندوزو عطلاتنا فالجزيرة ... وولادنا غيلعبو على الشاطئ ... ولكن بعض المرات غنخليوهوم عند جدودهوم ... باش اكون لينا كوخ بوحدنا
نادين (شافت فيه بخبث): غيدوز وقت طويييل باش نعمرو دوك البيوت ... واش عندك شي اقتراح امتى نبداو ؟
جود (بخبث): ماتقدريش تسناي ياك ؟؟ دوزت جوج سيمانات وأنا كندابز مع العافية ... وبغيتيني دابا نطفي وحدة أخرى واخا ... مغنخليكش تقولي بلي مكنعرفش نتعامل مع ...مرا !!
عرفات وبلا شك ... ومهما كان المستقبل اش مخبي ليهوم ... بلي مغتندمش شي نهار على هاد المخاطرة ... مخاطرة قلبها !!
من بعد أسبوع دارو حفلة خطوبة زوينة وبسيطة ... وجود هداها فستان راقي بالأخمر من تصميم المصمم المشهور گاريمون روفيروس ... جات كتحمق بيه اما جود لبس طقم بالأسود جا بوگوووص
و مفاجأة أخرى .. احم احم جود قدم خاتم الخطوبة من الألماس لنادين فحجر الجيود الغالي والراقي
🔥🔥🔥🔥🔥🔥🔥🔥🔥🔥🔥🔥
اليوم يوم زفاف نادين بنيس و جود العلوي 💍💕
دارو غير عرس بالكسوة البيضة ... مقدروش يديروه مغربي حيت الناس قلال وهي مبغاتش تحط رجليها مزال فالمغرب سوو دوزوه فلندن ... جات سامنتا وتوم وكارولين والفنيكيش ديال توماس ... وحتى ناومي ... نادين كانت فغاية الجمال مكياج فضي وخفيف .. جات كيووت أما جود فالطايح كثر من النايض والنايض كيحبو ... كان لابس طقم لاگري وقاميجة بيضة ... المهم دوزو العرس بخير وعلى خير واخا نادين كانت كتمنى تكون معاها ماما بحال أي بنت .. وختها وخوها 💔 حبسات الدموع فعينيها ... وجود أكيد حس بيها داكشي علاش قرر يدير ليها مفاجأة ملي يقطعو الحلوة ... وداكشي نيت لي وقع قطعوها ورقصوا على أغنية : I will always love you 💕💕💍
مع سالات الأغنية طفاو الضواو ... وتسلط ضو على جود بوحدو كان هاز الميكرو ..
جود : انتباه عفاكوم ... اليوم بغيت نهدي للبنت لي خطفات قلبي ... هدية لي بسييطة فحقها ... هي بصح تستاهل ما كثر (تقدم جيهتها بخطوات ثابتة والضو كيتمشى معاه وشد ليها فيديها )
جود : لو لم تكوني أنتِ في حياتي
كنت اخترعت امرأة مثلك يا حبيبتي
قامتها جميلة طويلة كالسيف
وعينها صافية مثل سماء الصيف

كنت رسمت وجهها على الورق
كنت حفرت صوتها على الورق
كنت جعلت شعرها مزرعة من الحبق
وخصرها قصيدة وثغرها كأس عبق
وكفها حمامة تداعب الماء ولا تخشى الغرق
كنت سهرت ليلة بطولها
أصور ارتعاشة العقد وموسيقى الحلق

لو لم تكوني أنت في لوح القدر
لكنت صورتك بصورة من الصور
كنت استعرت قطعة من القمر
وحفنة من صدف البحر وأضواء السحر
كنت استعرت البحر والمسافرين والسفر
كنت رسمت الغيم من أجل عينيك وراقصت المطر

لو لم تكوني أنتِ في الواقع
كنت اشتغلت أشهراً وأشهراً على الجبين الواسع
على الفم الرقيق والأصابع
كنت رسمت امرأة مثلك يا حبيبتي شفافة اليدين
كنت على أهدابها رميت نجمتين
لكنّ من مثلك يا حبيبتي؟ أين تكون، أين؟
ساد الصمت للحظة ... وعاد بداو التصفيقات كولشي متأثر وكاين لي بكا گاع وبلا منساو غيرة وحسد البنات ...
نادين (الدموع فعينيها ): وااااو .. زوينة بزاف ... ملقيت منقول هههههه كل مرة كتفاجأني(طارت عليه بتعنيقة ) كنبغيييييييييك 💕
وهكا داز العرس ... ودوزوا شهر عسلهم فجزر المالديف ... من بعد جود بدا خدمتو وأسس شريكتو الخاصة وطبعا ضروري من العقبات وخيبات الأمل ولكن لي داير شي حاجة فراسو غيوصل ليها .. ودرجة بدرجة حتى ولا من أنجح رجال الأعمال ... ستاقروا فلندن ... وولدو توام ولد وبنيتة سميتهوم ندى و وليد ... وكل عطلة كيدوزوها فالجزيرة مع سامنتا وراجلها وولادها ... وهكا فعلا مندماتش حيت خاضت هاد المخاطرة ... مخاطرة قلبها ❤