الحب التائه

الجزء 16

الجزء 16 :
بلا شك سامنتا غالطة !!
نادين :مول الجزيرة ؟؟ ولكن الولد لي جابني لهنا شير لهاد الكوخ وقال لي بلي هو ديال الحارس !!
سامنتا :كولشي كيشير لهاد الكوخ بلي كوخ الحارس احبيبة ... وهاد الكوخ كيحط فيه حوايجو وجميع المسائل ديالو .. ملي كيجي لهنا ...كيعجبو بزااف وفصراحة هو مناسب ليه ... وكتسكن فيه ناومي ملي مكيكونش هنا ... وهي دابا كتسكن فكوخ حدا الغابة وغالبا هو مكيبقاش كتر من سيمانة هنا ...
نادين مرضااتش حسات بلي خدعها ... وشحال كانت مكلخة !!! حقدات عليه فهاد اللحظة ...
يد كبيرة وقوية تحطات على كتفها لي خلاتها تقفز .. وضارت بالزربة ...لقاتو واقف موراها وشمس المغيب كتلمع فوق شعرو ..
جود (ببراءة ): مممم واش كاين شي حد كيهضر عليا ؟ وحق الله الا سمعت سميتي
نادين (عرفات من طريقة هضرتو بلي سمع كتر من سميتو ... حيدات ليه يديه بعنف ودفعات الكرسي للور باش توقف وقالت ببرود ) : موسيو علوي غنمشي ... صراحة مكانش عليا نجي ...
من بعد بقا كيتسمع غير صوت خطواتها ... ممشاتش للكوخ ديالها .. بخطوات بطيئة تاجهات لتحت الشجرة فين كانت ديك النهار  قدامها الأمواج وطلقات العنان لدموعها حتى مبقاتش كتشوف ...
نادين : اوووف ... اوووف .. اووف ... مكيسواش مكيسواااش !!
- عندك الحق بنيس ... مكيسواش !
جمدات فبلاصتها وتخلعات ... كان كيصحاب ليها غير كتخيل ... ولكن فقلبها عرفات بلي كاين بصح ... اه كان جود ... كمل هضرتو بحنان : شوفي فيا
نادين (ضورات وجهها ... مابغاتوش اشوف دموعها : سير فحالك ... بعد مني !!
جود (شد كتافها ... واخا عيات متقاومو ... وضورها لجيهتو وسولها بهدوء ) : واش هادشي كون شي فرق ؟
نادين (دارت راسها مكتفهمش ) فرق ؟؟
جود (شد ليها يديها وقال بصوت غليض ) :شي حاجة كتوقع بيناتنا .. ونتي كتقاوميه .. كتحشمي منو ... وكون ماعرفتيش بلي انا ماشي حارس ... واش غيكون فرق ؟
نادين : بطبيعة الحال لا ... خدمتك ماعندها حتى شي علاقة ب ... (سكتات حيت يلاه عاقت باش كتقول )
جود : كملي
نادين (شافت ليه نيشان فعينيه وبتحدي ) وعلاش غيكون فرق ؟
جود :حيت القاعدة عند الناس لي بحالك .. مخصهومش اخالطوا طبقة الحراس ..
نادين (قاطعاتو ببرود ) الناس بحالي ؟ عفاك تقدر تكون واضح فكلامك ؟؟
جود : صعيب نوضح ليك ... وصعيب نحدد ليك ... عندك مظهر محدد ... تصرف محدد ... ميمكنش اكون مصطانع ... نقدروا نسميوها حفرة الا بغيتي ... كتقول ... الأصل والفلوس ... عندها علاقة بالمنزلة العليا لجسمك ... وملي كترفعي راسك للفوق ... بحال الملكات ... وكيفاش كتمشاي ... حتى الطريقة كيفاش كتلبسي حوايجك ...
نادين (بقات كتشوف فيه شحاااال بتعابيير خاوية من أي احساس ) انا كنلبس بحالي بحال كولشي ...
جود : أنا لي كنهضر عليه معندو حتى علاقة بنوع لباسك ... واخا كنضن بلي هاد الكسوة من صنع شي مصمم مشهور وبلا شك عمل يدوي ... وغتكون غلى من داكشي لي كتشد  سامنتا فسيمانة ... ولكن ديما كنسول راسي اش كدير بنت بحالك فهاد البلاصة بحال هادي ... خاصك تكوني فالريفيرا ولا ...