الجزء 24 :
سامنتا : مشا باش اتصل بشي صاحبو عندو هليكوبتر فمطار سانت لوسيا ... وغيطلب منو يصيفط الهليكوبتر باش ياخدوني للمستشفى .. وغيتصل حتى بالطبيب باش ياخد منو التعليمات
نادين (قربات منها وجلسات حداها ومافاهمة والو ): تعليمات ؟؟؟
سامنتا : تعليمات الولادة ... فحالة الا ...
قبل ماتكمل هضرتها ... تجعد وجه سامنتا بالألم وبدات كتغوووت ... وهي ممصدقاش بلي غتولد ... مكان عندها حتى شي شك بلي غتولد بكري ... وبزااف ... حسات برجليها كيترعدو ... مدات نادين يديها باش تشد فيد سامنتا ... والأخيرة ضغطات عليها حتى نادين براسها بدات كتأن من الألم ...
سامنتا : نادين ... ااااااااااه ... كنحس بوحهي كيتحرق .... اااااااه
نادين (مشات بالجرى وجابت زيف فازگ وبدات دوز ليها بيه على وجهها ) : امتى بدا ليك هاد الوجع ؟ وعلاش مقلتيها لحد ؟؟؟
سامنتا (سدات عينيها) : مع الطناش دالليل ... وحتى فالصباح ولكن كان خفيف ... وقلت بلي غيدوز .. ولكن ماحبسش .. صحابلي بلي مغنولد بكري بحال اللول ... داكشي علاش كنت غنتسنى حتال الصباح باش نطلب من جود يديني ... وبدات الأمور كطرا بالزربة
صوت الباب لي تحل وتسد بالجهد .. وقف كلام سامنتا ... بلا شك غيكون غير جود :
سامنتا .. هاني رجعت .. كيف بقيتي ؟؟
(وقف عند باب بيت النعاس وشاف فنادين باستغراب ) : نتي كيفاش دخلتي لهنا ؟؟
نادين (جاوبات ببرود وهدوء ومكتشوفش فيه ): كيما جيتي نتا بالضبط...
سامنتا (سولات بصوت مجهد) : جوووود .. واش تاصلتي بصاحبك ؟
جود : اه .. تاصلت بيه ولكن رفض يصيفط شي بيلوط من عندو فطقس بحال هذا ... داكشي علاش غيجي بنفسو .. الريح قوية بزاف والرؤية زيرو .. ولكن متخافيش كلشي غيكون مزيان
سامنتا : شكرا جود .. (بدات كتعض ففمها)
جود :وتاصلت بالدكتور هوفمن .. وقالي شنو خاصني ندير فحالة ماوصلاتش الطيارة فالوقت
سامنتا(غوتات) :اااااااه ياربيييي ... جا الوجع عاوتااااانييييي اهئ اهئ اهئ
تحركات نادين كتغمس الزيف فالما عوتاني وكتمسح وجهها وشادة فيديها
جود (بصوت متوتر ) :وا .. واش .. عندك خبرة ؟ ... فهاد النوع .. من المواقف ؟؟
نادين (عرفات بلي كيهضر معاها وجاوبات بهدوء) : لا ...
جود : غنشعل الموقد ... الشرجم ديال الكوزينة كان محلول ملي وصلت لهنا ... كان بارد بزاف بحال الثلاجة ...
نادين (شافت فسامنتا لقاتها مرخية وهمسات ): اشنو قال الطبيب ؟؟
جود : قال بلي حملها طبيعي ... والولادة غتكون بلا مشاكل ولكن تصدم حيت غتولد بكري بزااف .. ولكن من بعد ملي شاف كارولين عرف بلي الصدمة اثرات عليها
نادين : وكيف بقات ؟
جود : الطيحة سببات جرح ففمها وخيطوا ليها الغرزات ... واخا ناخذ القنديل بينما نشعل العافية ؟
نادين : اوك
خدا جود القنديل ومشا للكوزينة .. وخلا البيت مظلم .. من بعد ماشعل العافية رجع للبيت وحط القنديل حدا الناموسية .. وهاز معاه ايزار بيض مطوي وبزااف ديال الفاطي وكاشة صغيرة ديال كارولين ... وباكية ديال الكلينيكس .
سامنتا (بصوت كيترعد ) : ج..جود .. غادي .. تحتاج لحوايج للبيبي .. غتلقاها فالمجر .. وحتى ليكوش ديال كاروين ...كنديرهوم ليها ملي كتنعس ... عفاك راه كاين مقص قطعهوم على جوج حيت غيكونوا كبار ...
جود (حط يديه على كتف نادين) : شحال دالوقت بين الوجع ولاخور ؟
نادين :ماشي بزاف
سامنتا (غوتات واحد مولاتي الغوتة وكتنهج ) : واااااااااااااااااااااااااااااااااااااااااااااااااااااااااع ... جاااااي ... جاااااي ...(مهم هادشي راه بلونجلي ☺)
جود (شد كتاف نادين ودورها جهة الكوزينة ) :سيري غسلي يديك .. فركيها مزيان ... غنحتاج ليك
نادين (مصدومة) : علاش ؟
جود :أنا ونتي غنولدوا سامنتا داباا
نادين : خاصها تنعس على ضهرها
جود : عاونيني باش ندوروها ... شوفي الا كانت تماك شي مخدة فالبلاكار وديريها ليها تحت راسها .. وحيدي هاد الكوفر لي وغطيها بهاد ليزار
نادين : واخا (مشات بالخف غسلات يديها وجابت داكشي لي قال ليها ودارتو .. وهمسات وهي مخلوعة ): جود .. ج.. جود .. كنشوف شعرو ..
جود (موجه كلامو لسامنتا وبصوت حنين) : سامنتا .. مادفعيش بزاف .. حبسي
بعد دقائق ... سامنتا بزوزباش كتنفس ونادين غير كتشوف فراس البيبي وهو كيخرج بشوييية... حتال فين بان كاملو .. سامنتا عطات واحد الدفعة قوية باش يخرج كاملوا ..جسمو صغييور وهش وغليوض وكيبكي ... هزو جود ولواه فواحد الفوطة ...
جود : البيبي دري ا سامنتا
نادين بقات غير كتشوف فيه وهو كيبتاسم من قلبو ... كيبحال الا الدري ولدو !!
سامنتا (كتنهج) : واش ... بخير ؟
جود : كامل مكمول
خداتو نادين كتنشفو .. ومن بعد حطاتو حدا مو .. بقات كتبوس فيه .. 💕💕
سامنتا (تنهدات بسعادة .. ورمات راسها على المخاد ) :غنسميه توماس .. بحال باباه .. وغنعيط ليه توماس وماشي توم باش نفرق بيناتهوم
جود (كيهضر مع نادين بشوية): نادين .. اش بان ليك ديري لينا اتاي ؟
نادين : واخا .. هنا ولا دافئ .. ولكن بانت ليا العافية خمدات شوية .. واش ندير فيها الحطب ؟؟
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
