الجزء 19 :
خدات الكاس وبدات تشرب فيه ... وكتحس بالدفء كيسري فجسمها ...
جود : شفتي كون كليتي اللحم لي شويتو ليك گاعما يجيك الجوع ... وگاعما تقلي اللحم و ...
نادين (شدات فطرف بيجامتها حيت حاسة بالذنب ): وكون گاعما طرا هادشي ... سمحليا بزاف ... كيف دازت الحفلة ؟
جود : زوينة
نادين : واش سول شي حد ؟ .. اشنو وقع؟ حيت مرجعتش ليها ..
جود : غير سامنتا
نادين : وشنو قلتي ليها؟
جود : الحقيقة
نادين : الحقيقة ؟؟
جود : قلت ليها بلي طلبت منك تجي معايا ولكن ضربتيني
نادين : قلتي ليها بلي ضربتك ؟؟؟
جود :ولكن راه درتيها !!
نادين :اه .. ولكن كان عندي سبب ياك ؟
جود : واش معرفاهش ؟؟
نادين : نتا عنقتيني ... و ...
جود : اه ... ولكن ماشي شي عنااق ... وياك نتي قلتي كنستاحق خمسة على عشرة ؟
نادين :وايلي انا قلتها ؟؟ ولكن غير كدبت اموسيو علوي
جود : كدبتي ؟؟؟
نادين :اه ... نتا كتستاحق عشرة على عشرة
جود : واش نتي لباس ؟؟
نادين(كانوا عينيها ميقدروش اتحلوا بقوة النعاس ... وكتهضر غير بزز ) اه انا لباس ...ماشي ذوق مني نعس على طبلة فكوزينة شي حد
جا جود هزها وحطها ففراشو وغطاها ... وخرج ومن بعد مبقات كتشوف غير الظلام ...
أصبحنا وأصبح الملك لله 🔥
رمات ناديت الغطا من فوق راسها وكترجع شعرها للور ... وكانت ناومي قبالتها وفيديها القهوة ...
نادين (بابتسامة) : شكرا
راسها عامر بالأسئلة فين جود ؟؟ وعلاش ماشي هو لي جاب ليها القهوة ؟ وعلاش هاد خيتي كتبان كتفتن فالحوايج ديال الرجال ؟؟
نادين :شكرا على القهوة
ناومي (بالنفخة) :جود لي قالها لي
نادين : وفينو ؟
ناومي: مشا يصيد مع توم
نادين (معجبهاش الحال ): ولكن ...
ناومي : ولكن اش ؟
نادين :ماسمعتوش فاق هاد الصباح
ناومي(وعينيها فيهوم لمعة الانتصار) : هاا ... حيت منعسش هنا
نادين فهاد اللحظة حسات بنغزة فقلبها .. تخيلاتو ففراش ناومي .. مقداتش تصبر ورجعات راسها للور وتسندات على مخدتها ...
ناومي : خاصني نبهك .. وعلى قبل مصلاحتك .. ماتطورتيش مع جود .. هو مكيهموهش العلاقات لي كيطولوا
نادين (حسات بتوتر ولكن مبيناتش وجاوبات بحدة ): هيييه جمعي راسك ا لالة ! بان ليا تجاوزتي حدودك !! أنا هنا ضيفة ونتي غير موظفة ... وهادشي ماشي شغلك فهمتي ؟
ناومي : كولهوم كيجيو فالصيف .. باغيين غير الحب بحالك بالضبط ! وملي كيشوفو جود كيلصقوا فيه .. وهو مأدب بزااف ميقضرش يرفضهوم ولا يقوليهوم شي كلمة لي يخليهوم يتقلقوا ... داكشي علاش كنديرها بلاصتو ...
نادين (ضربات بالكاس مع الطبلة حتى تكب وغوتات ) : خرجي عليا من هناااا !!!!
ناومي : اوك ولكن متلومينيش الا تضررتي .. شفتكوم البارح معانقين .. وفكرت بلي حسن ليك تعرفي بلي جود عمرو غيكون جاد مع شي مرا أخرى خصوصا مرا بحالك
نادين (ببرود): اش كتعني بمرا بحالي؟؟
ناومي (بانتصار): نتي تماما .. من نفس طراز مراتو اللولة ... اوه وكتشبهي ليها گاع ... حتى هي عندها شعر كحل قاتم وعينين زوينين ... وجسد كيتناسب مع جمال الوجه ... ولكن ...
نادين (بصدمة ): مراتو اللولة ؟ ماكنتش عارفة بلي كان مزوج !!
ناومي : اووه ... كان متزوج .. وكان من الطبقة الثرية المتعجرفة ... كنت أنا مراهقة داك الوقت .. عائلتي وعائلتو كانو صحاب .. وشفت كولشي لي كيوقع .. كان كيصحابليها راسها ذكية بزااف وبغات تبدلو من بعد الزواج ... ومكانش ساهل عليها وتطلقوا من بعد عامين ... جود العلوي راجل كيحكم راسو وهادشي عمرو يتبدل (خرجات وسدات الباب من وراها ... وخلات نادين غطرطق )
نادين(كتمشي ونجي فالغرفة ): كيفاش حاولات مراتو اللولة تبدلو وباشمن طريقة ؟؟ ياك قالي خاصو هو اللول يلقا مرا لي تستحق التضحية ؟؟ وناومي اش دخلها فهادشي ؟؟ اووووف ....
رجعات للكوخ دوشات وفطرات .. وجلسات كتخدم ولكن الغضب مخلاهاش تركز على التقرير ... من بعد صرااع قررات تركز بزز من راسها وأخيرا قدرات تنقل گاع المعلومات ودخلها .. وبينات الأرقام لي جمعاتها دائرة شؤون الموظفين خلا هاد العام ... البنات كيغيبو بزاف مقارنة مع الرجال ... وسجلات حتى العيالات لي عندهوم ولاد تحت ست سنين .. كاين منهوم لي غيبات مابين خمسين حتى مية يوم فطناش لشهر ... اش غيكون سبب هاد الغياب ؟؟ تنهداات نادين .. و واخا هاد الأسباب كنجي من مرض الولاد ولكن واحد النسبة كانت كتجي بسباب الهموم اليومية للحياة
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
