الجزء 20 :
الإنتاجية والكفاءة كتعاني بزاف ملي كيغيبو العمال ... وملي كيخليو الخدمة مجموعين .. بحال كيما دارو العيالات فالمصنع بسباب ولادهوم ... وتدريب خدامة جداد أمر صعيب بزااف ... وكيفاش غتكون ردة فعل باها وجود وسامنتا الا قتارحات عليهوم إنشاء مركز للعناية بالولاد فالمصنع ولا فمكاتب الشركة ؟؟ باينة غطلع الكلفة كثيرة من كلفة إعادة التدريب !
فجأة تخيلات راسها .. كطلع فالدروج ديال الشركة ...وهي هازة دري صغير بين اديها .. بشعر كحل وعينين زرقين وضحكة زويينة ... كيشبه ليه تمااما ...شهقات بسخط .. ووقفات مشات للثلاجة جبدات عصير كانت صاوباتو .. شداتو بين يديها ورجعات لبلاصتها ... مهما حاولات تركز ... وفكل بلاصة كترجع ليه ... لجود العلوي ... علاش ؟؟
شي حد كيدق بابها .. حسات بالتوتر .. من بعد تحدي جود ليها ... وملي صرفقاتو ... عاونها من بعد .. وهي واثقة مغاديش يسعى ليها دابا ... وخاصها تفرح لهادشي .. واش مناوياش ترجع لدارها وقلبها خاوي كيفما جات ؟ مشات تحل الباب وكانت سامنتا : اهلا نادين ... كارولين ناعسة وتوم جالس معاها .. عرفت الوقت ماشي مناسب ولكن بغيت نسولك اشنو طرا بينك وبين جود ؟
نادين : صباح الخير سامنتا .. كنت كنشرب عصير بارد .. بغيتي ؟
سامنتا : بزااف .. اليوم كاين الصهد بزااف .. ومقدراش نتنفس الجو مخنوق ..
دخلات سامنتا وهي مثقلة .. جلسات على الكرسي مهم راكوم عارفين الجلسة دالحاملات 😂😂 .. وبقات كتشوف فيها
سامنتا : اشنو وقع البارح واش دابزتوا ؟؟
نادين : وكيفاش عرفتي ؟؟ واش أنا شفافة لهاد الدرجة ؟؟
سامنتا : اوه خاصني نعتارف ... دزت عندو قبيلة .. وسولتو نفس السؤال ... وبان لي متوتر وقاليا الفضول قتل المشة .. وعرفت بلي ماشي هو هداك ... هو ديما ناشط
حطات نادين العصير قدام سامنتا وكباتو وجلسات حداها ..
نادين : واش كتعرفيه مزيان ؟
سامنتا : أنا وتوماس تلاقيناه هادي سبع سنين .. من أول ماجينا لهاد الجزيرة .. العطلات ديالنا ديما كتخالف مع المجيات ديالو ولكن كانت كافية باش نوليو صحاب ... حنا مكنعرفوش عليه بزاااف ولكن الله اعمرها دار .. كيما خاصك تشوفي ... صريح بزاف .. ومتفتح ولكن ملي كيوصل الأمر لحياتو كيولي بعيد وغامض وغير ساكت
نادين : واش عارفة فين خدام ؟
سامنتا : نقدر غير نقدّر .. لي عارفة عليه بلي كيسافر فكل أنحاء العالم .. وملي كيجي لهنا كيكون عيان بزاف ... بعض المرات كينعس يوماين مزادية ... هو راجل غامض بزااف
نادين : غامض ؟؟
سامنتا : مشيت للكوخ ديالو بعد الظهر واحد النهار ... باش نعطيه واحد الشهيوة كنت صاوبتها ... ومكانش تماك ولكن الباب كان محلول ... فكرت نحطها ليه فوق الطبلة ... وملي جيت خارحة سمعت صوت راجل فالصالون .. كان كيصحاب لي جود .. دقيت الباب ودخلت ولكن ملقيت تاواحد .. كيصحابلي كنتخيل ... وعاوتاني سمعت داك الصوت وكان جاي من داخل الخزانة .. قلبت ولقيت جهاز الإرسال عالي التوتر .. شي حد كان كيحاول اتاصل به .. وباينة شي حاجة طارئة .. جيت خارجة وتلاقيت بجود وقلت ليه اشنو سمعت وخسر عليا كلمة شكرا صافي بلا ميشرحلي ... ومن بعد مشا بالزربة وغاب كتر من ساعة من بعدها رحل
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
