الحب التائه

الجزء 31

الجزء 31 :
كنختار أنا وياه وتغدينا بزوج ... كولشي داز عادي ... ولكن فاش ركبنا فالطوموبيل قالي عندي ليك مفاجأة :
🔙 فلاش باك 🔙
نادين : فين غنمشيو دابا ؟؟
زياد : عندي ليك مفاجأة متأكد غتعجبك
نادين : وااااو بصح .. اشناهي ؟؟
زياد : هاحنا غنمشيو ليها ... ولكن بشرط
نادين (بابتسامة): اشناهو ؟
زياد : غتغمضي عينيك طول الطريق
نادين (قلبها ممطأنش ومع ابتسامة صفراء) : هههه ... واخا
«غمض ليها عينيها طول الطريق وهي قلبها ممرتاحش ... حبسات الطوموبيل وحيد ليها الغطا على عينيها ... جابها لواحد البلاصة بحال الغابة ... هنا تخلعات بزااف »
نادين ؛ فين جايبني ؟؟؟
زياد : غير بشوية عليك احبيبة هبطي هبطي(هبط .. وجا جيهتها وحل الباب ومد يديه )
نادين (بقات كتخنزر فيه )
زياد : واش مكتيقيش فيا ؟ ... متخافيش هادشي كولو على قبلك احبيبة ... واش مابقيتيش باغا المفاجأة ؟؟
نادين (طولااات فيه الشوفة عاد نزلات )
«بقاو غادين بين الشجر مشادين الادين وهي كمية الرعب لي كانت فيها ديك اللحظة مكتوصفش ... بقاو غاديين حتى كتبان ليها دار كبييرة وزوينة عاد رتاحات نسبيا ... ضار لعندها مع ابتسامة عريضة )
زياد : تارااااا ... هاهي المفاجأة .. غنسكنو هنا
نادين (باستغراب) كيفاش ؟؟؟ واش من نيتك ؟
زياد : ههههههههههه ... اه من نيتي ... هنا حسن ليا بعيد على الصداع والتبرزيط ... كاين غير أنا وياك وبس (غمزها) يلاه ندخلو (شدها من يديها ودخلها ... كانت كبيييرة ولكن كتخلع ... ومسكينة نادين على نيتها فرحات كتنقل من قنت لقنت بحال الفراشة )
زياد : مابغيتيش تشوفي بيت نعاسنا 😉
نادين (حشمات)
زياد (شد يديها وطلعها للبيت خلاها تدخل هي اللولة كان بيت وااااااعر كبيييير ولكن باقي ممقادش مي فيه ناموسية .. وفيه بالكون وكيتسد بباب من الزاج... هي بقات كتشوف فالبيت والضحكة كتبين ليها ضرسة العقل وعينيها كيلمعو ... بينما هي كتستكف البيت هو قفل الباب وكيبتاسم ابتسامة شريرة ... كملات من البيت ومشات كطل من البالكون كان منظر زوين وعالي على الأرض ... جا من وراها وعنقها ودفن راسو فشعرها ... وهي توترات
زياد : عجبك ؟
نادين : اه زوين بزاف ... ا .. يلاه نمشيو (مشات بلا متشوفيه ووصلات لنص الغرفة ..وشدها من شدها وضورها لعندو )
زياد (كيشوف فيها شوفات شهوانية وكينهج ) : نادين ... نادين .. أنا كنبغيك كنبغيييك !
نادين : زياد .. طلقني اش كدير ..
زياد : تشهيتك ا نادين ...
نادين (صرفقااتو) : واش عارف راسك اش كتقوول حمااااار ممربيش شماتة !!!!!
هنا زياد جعر وصرفقها على غفلة وزادها ببونية حت هرس ليها الفك التحتاني والدنيا ولا كاملة دمايات وطيحها فوق الناموسية مكانتش كتبان ليه گاع ... هي كتبكي وتطلب فيه ووالو ...
نادين : اااااااه ... اهئ اهئ اهئ حيد حيد عفااااك اهئ اهئ ... الله يرحم الوااليديين اااااااااااي اهئ اهئ اهئ ... حشوووومة عليييك ...
ووالو بحال الا كتهضر مع الحيط هو جالس كيقطع ليها الحوايج وكيضرب ...وهي خامة كتبكي وكتغوط .. حتى تلفتات لليمن وبانت ليها واحد الفاز بقات كتنتر حتى وصلات ليه وضرباتها بيه قيييييييو وسخف ديك الساع ...ناضت بزز ومع عريانة معقلاش اش كدير .. مشات للباب لقاتو مقفول .. بدات دور فالبيت حتى بان ليها البالكون مشات سورتاتو وگلسات تكونات