الجزء 17 :
نادين (قاطعاتو ) لرجل ذكي بحالك هاد الفكرة مكلخة ... راه قلت ليك اش جاية ندير هنا منين جيت ... عندي،خدمة خاصني نكملها ... وهاد الجزيرة الصغيرة حسيت بيها غطعتيني داكشي لي،بغيت ... ومكيهمنيش الا كنتي ملك ولا حارس ...
قبل متكمل هضرتها جرها لعندو وعنقها بجهد حتى حسات بضلوعها غيطرطقو ...
جود : الا كنتي مكتهتميش ... علاش كنتي متحفظة معايا ؟
نادين :اوووف ... شحال مغرور .. بطبيعة الحال مكتوقعش من كل مرا كدوز من حدا غتزعط فيك ؟
جود (ضحك ) : بامكان الرجل احلم ... لا ا بنيس ... مكنضنش ... ولكن ملي كيكون شي حاجة بين جوج دالناس بحالنا حنا ... من الغباء اننا نتجاهلوه ... وانا ماشي مكلخ ... ونتي ؟
نادين (جاوبات بحدة) : انا ماشي مكلخة ... حيت واقفة مع رجل ...فالواقع هو غريب ... وكنهضرو على ...
فقدات گاع الكلام لي كانت بغات تقول وهو كيمرر أطراف صباعو لعنقها وشعرها ...
جود : حنا ممضطرينش نبقاو غرباء ... انا مبغيتش هكا ... وحتى نتي ماباغاش هكا ... وحيت ديما مدابزين ملي كنهضرو .. علاش منحاولوش بطريقة مختلفة باش نتعارفو كتر ؟
نادين (شهقات) :خليني نمشي .. الا خليتيني غنقول ليك علاش انا متحفظة
جود : بصح ؟؟
بعد عليها ...
نادين :اه ... (سكتات شوية ) .. حيت كنت كنآمن بلي راك غير حارس ومعندك حتى مستوى يعني صفر على عشرة ...
جود : وبنسبة واحد لعشرة وكواحد كيقول بلي هو حارس ..
نادين : ممم اقدر خمسة ... ولا ستة
تسللت صباعو عوتاني لوجهها ومررهوم لعنقها ... حسات بالتبوريشة ...
نادين : لا ... لا ..ماشي خمسة ولا ستة ... بغيت نقول تسعود ...ولا عشرة گاع ... اوووف ... واخا تحبس ... ياك واعدتيني باش تخليني ؟؟:!!!
جود :اوااه علاه واعدتك ؟ هو الاول قولي ليا واش موافقاني ...
نادين : علاياش ؟
جود :هادشي لي كيوقع بيناتنا
نادين : اوك ... اه موافقة .. ولكن .. (شهقات ) هي غير رغبة ...
جود : وشنو الخطأ فالرغبة ؟ علاش كنكرو أحاسيسنا ؟ حنا كباار ...
نادين : الرغبة إحساس حيواني ... وحنا ماشي حيوانات ... عالاقل كنهضر على راسي ...
- هاي ... جود ؟
هاد الصوت خلاها تلف ... بعدات من حضنو وضارت ... كانت ناومي ... من امتى وهي هنا ؟؟
ناومي (بصوت نافذ للصبر ): جود اجي ... بغيتك
جود (شير ليها بيديه وبصوت غليض ): غير سيري ... دابا نجي
جمعات نادين اديها لصدرها باش تكتم احساسسها تجاه ناومي ... هاد الألفة لي بيناتهم فيها إن ... علاش كتشعر هكا تجاه هاد المرا ؟؟؟
جود : اجي معايا
نادين (ضارت براسها علامة النفي )
جود : واش باقي مقلقة مني ؟؟
نادين :لا ... اه ... باقي مقلقة منك ... أنا مكنحملش الرجل الكذاب
جود : ااااه ... ولكن حتى نتي كذابة ... ياك ؟
نادين : اكيد لاا !!!
جود (بابتسامة سخرية ) : نتي ماشي كاتبة ... نتي صارمة وبعقلك .. وباش تكتبي قصص رومانسية خاصك عواطف وأحاسيس ... وهادشي نتي معندكش ! اوه .. كنعتارف فالصباح بينتي شوية ولكن حيت من الواجب ولا الشفقة ... و واخا كانو عندك مشاعر صادقة فداخل قلبك نتي كتخبيها حتى مكتبانش ... وهادشي خايب ... نتي بنت زوينة بزاف ... ولكن ..
نادين : ولكن انا ماشي بحال تمثال أفروديت (أفروديت في الأساطير اليونانية هي إلهة الحب والشهوة والجمال و الإنجاب واخا كيقولوا ليها في الثقافة الحديثة "إلهة الحب"، فهي في الحقيقة مكتقصدش الحب بالمعنى الرومانسي، ولكن المقصود هو إيروس(الحب الجسدي أو الجنسي)وسميتها عند الرومان فينوس.)
جود (باستهزاء): وايلي نتي ماشي تمثال ؟؟
صرفقاتو بكل جهدها ... هي مغتسمح لحتى شي مخلوق باش اقارنها بشي تمثال مافيهش الحياة ... وجاوبات ببرود ...
نادين : اه الا كنتي مكتشوفش ... أنا عندي يدين
بعدات عليه ... وحتى هو مشا اكيد تقلق وماعجبوش الحال وغادر فصمت ... أما نادين تنادم عليها الحال وتمنات كون تبعو وتقول ليه اتسنى ولكن فات الفوت ...
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
