الجزء 36 :
هز عمر بنيس كاس دالعصير وكيشوف فبنتو ... شرب شوية وكيقلب فجيبو على سيگار
عمر : نادين .. كيف دازت العطلة ديالك ؟؟ وفين مشيتي ؟
نادين (تنهدات بعمق): مشيت لجزيرة سيشيل
ساد الصمت ... وشعل عمر السيگاره ديالو ... عضات نادين فشفايفها وبقا كتشوف فالصورة لي كانت فوق المدفئة ... صورة ديال مها بكسوة سهرة بالزرق الملكي والفضي ... الصورة تصورات بذكاء ... ونظرة نفاذ صبر فعينيها الزرقين الصافيين ...نفاذ صبر حيت كانت مضطرة تجلس ثابتة فبلاصة وحدة ... بينما كاين عالم زوين كيتسناها باش تمشي ليه ...
عمر : كيف كانت ديك الجزيرة ... نادين ؟
نادين : كيف كانت ؟ اوه ... غنقول ليك بالضبط ... خلعني واحد الكلب حتى كنت غنموت ... جا لبابي فالليل ... وعاونت واحد المرا باش تولد وسط واحد العاصفة كانت غتمحي الجزيرة من وجه الأرض ... و ... (خدات نفس عميييق ) و ... بغيت رجل كيعيش من مورا مكافحة العافية !
عمر (شاف فيها يعينيه الخضرين مخلطين بالرمادي ومليئة بالتفكير): بغيتي ؟ هههه قوليلي ...واش حتى هو بغاك ؟؟
نادين (بكلمات هادئة): اه ... حتى هو بغاني ... واقيلا (وبدات كتبكي)
🍀الذكرى الحلوة المرّة .. كانت نصل سكين في قلبها 🍀
عمر (بصوت فيه الخوف) : نادين ... نتي كتبكي ؟؟ ماشفتك كتبكي ملي كنتي صغيرة ...
هادشي بصح ... ملي ماتت مها خلات حزنها فنفسها .. ويوم فاش ماتت ختها نسرين نفس الشئ ... وفاش مات آدم حسات بلي حتى هي ماتت ... ومهبطات حتى دمعة ... ولكن وهي كتشوف فعينين باها المحتارة ...حسات بدموعها كيدافعو فعينيها وغتنفاجر فأي لحظة ...
عمر (بصوت متررد على غير عادته): مافهمتش ... الا كنتي كتبغي هاد الراجل .. وهو كيبغيك ... فين المشكل ؟ (جا حداها)
نادين : نتا مافاهمش ياك ؟ كلشي هادشي مرتابط بلي وقع فالماضي اهئ اهئ .. بكيفاش ماتت ماما وخويا اهئ اهئ ..سمحليا اهئ اهئ عارفة ماعمرني هضرت على هادشي .. لا معاك اهئ اهئ ولا مع شي حد اخر اهئ اهئ .. مقدرتش مقدرتش اهئ اهئ اهئ هادشي كيضرني بزاف اهئ اهئ بزاااف اهئ اهئ (هزات راسها وهي كتبكي بصوت مرتفع ... مقدراتش تتحمل مزال )
عمر (والدموع فعينيه): اووه ... ياربي ... عارف شحال صعيب بالنسبة ليك حبيبتي .. ومن ديما كنتمنى نعنقك ونواسيك ... ولكن نتي سديتي على راسك .. كنتي متوترة ... ومتحفظة ..وهاربانة ..
بصيحة ألم جرات نادين ليه وعنقاتو بجهد ودفنات وجهها فصدرو
نادين : عارفة اهئ اهئ عارفة اهئ اهئ ... كنت أنانية حتى فحزني اهئ اهئ اهئ ومافكرتش نهائيا شحال كان بامكاني نواسيك اهئ اهئ
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
