الجزء 26 :
بشوية وبألم ... حيد جود يديه على وجهو .. وبشوية رفع راسو ... كانت نادين غطرطق بالبكا ملي شافت الدموع كتلمع فعينيه .. وخطوطها تخط طريقها على وجهه ... من أو ماذا فعل هذا بالرجل الضاحك الذي تحبه ؟
🥀 اثنان لا تصدقهما أبداً: قلوب الرجال ودموع النساء
واثنان لا تكذبهما أبداً: دموع الرجال وقلوب النساء 🥀
نادين (خدات نفس عميييق باش تهدأ نفسها وهمسات ) : واش هادش عندو علاقة بسامنتا ؟ بالبيبي ؟
جود : تقريبا ...
نادين : واش البيبي ماشي هو هداك ؟ واش كنتي مخبي شي حاجة على سامنتا ؟
جود (سد عينيه شوية ) : اووه ... ياربي .. لا ... الأمر ماشي هكا ... ولكن بشكل غير مباشر
نادين : مافهمتش ...
جود : وكيفاش غتفهمي وأنا ماوضحتش ليك ؟ ... غنبدا ليك من الأول ... ولكن غنشرب القهوة هو الأول .. لا غير جلسي ... انا غنكبها ليا
عرفات نادين بلي خاصو شوية دالوقت باش اجمع أفكارو ... حط الكاس قدامو وشدو بين يديه وقال : سمحيليا حيت بينت هاد الجانب من الضعف .. عارف ماكاين باس هاد الأيام يبكي الراجل ... حتى الأطباء كيشجعو هادشي .. ولكن ملي كيكون الواحد قاصح من أول مرة كيطيح على ركبتو كيقولو ليه الدراري مكيبكيوش وكتولي عادة وصعيب تحيّد ... عقلتي داك الصباح لي شربنا فيه القهوة عند عائلة فولر ؟
نادين :اه
جود : هضرنا على العائلة والدراري ...
نادين : اه باقي عاقلة ... وديك الساع مضحكتيش وبنتي لي بحال الا تقرصتي
جود : نتي مرا شديدة الملاحظة .. واحد النهار .. بغيت ... وتوقعت باش نكون رجل لعائلة ... تزوجت وأنا عندي سبعة وعشرين عام .. ومراتي صغر مني بعام ... ميلا وايت بنت وكيل الأملاك فبرمنغهام .. كانت زوينة وعندها ماضي مافيه حتى عيب وناشطة سياسية محلية ... ظنيت بلي غتكون الزوجة والأم المثالية ... ومنكرش بلي بغيت عائلة ... حلمي يكون عندي ولا نعطيهوم الحب والحنان لي تمتعت بيهوم وأنا باقي صغير ... وأكدات ليا بلي حتى هي كتبغي العائلة ... وبدينا كنستاعدو للانجاب
نادين (حسات بالغيرة وهي كتسمع ليه ) : مدكرتيش الحب ... واش كنتو ...؟ واش بغيتيها ؟ بغيت نقول ...
جود (هز كتافو) : هادا لي كنت كنظن فاللول ... ولكن بالتدريج بديت كنشوفها بنظرة مختلفة ...مابقاتش نفس المرا لي تزوجتها ... تبدلات ... وبزاف
نادين : باشمن طريقة ؟
YOU ARE READING
الحب التائه
Short Storyقصة جديدة (صراحة كنت كتبتها ف 2018)... تحمل في طياتها الرومانسية ... الدراما ... الحزن ... التشويق ...الفرح ...الغيرة ... والأجمل أن القصة كدور فمكان هادئ وراقي وجو ساحر ومشمس ☀🌈 ... لأي واحد أو وحدة كيعجبوه الجزر والأجواء الصافية والهادئة ميترددش...
