This is what we call "LOVE". (Completed )

~အပိုင်း(၃၂)~

" ကျွန်တော့်ကိုသေချာပြောပြပါ
လီယမ် အခြေနေမှန်ကို"

ရောင် တုန်ရီနေသော အသက်ရှူသံဖြင့်
မျက်ရည်များကို အစွမ်းကုန် ထိန်းထားရင်း
မားဗစ်စ်​၏ ကော်လံစအား ဒေါသတကြီး ဆွဲကာ မေး​၏။ မျက်ခမ်းစပ်များမှာလည်း နီရဲ၍နေကာ မျက်ရည်စများ ဝေလာသည်။

" တောင်းပန်ပါတယ် ကျွန်တော့်ကိုအမှန်တိုင်းပြောပါဗျာ ။ သူ အဆင်ပြေတယ်လို့ပြောပေးစမ်းပါ​။ ကျွန်တော်ပြောတာဟုတ်တာမလားဟင်။ လီယမ် သက်သာတယ်မဟုတ်လား အကို ဖြေပါဦး"

ထိန်းသိမ်းနိုင်စွမ်းဆက်မရှိတော့သည့် အခါ
မျက်ရည်များဟာလည်း အထိန်းအကွပ်မရှိ စီးကျလာသည်။ မားဗစ်စ်​၏ ကော်လံ အား ပို၍တင်းကြပ်စွာ ဆွဲလာပြီး အော်ဟစ်င်ိုကြွေးရင်း မေးသည်။ ရောင် မားဗစ်စ်​၏ အဖြေကို ခန့်မှန်းပြီးသားဖြစ်သည်။ လီယမ့်အခြေနေအား တစ်ချက်ကြည့်ရုံဖြင့်သိနိုင်သည်လေ။ သို့ရာတွင်လည်း မားဗစ်စ်ဆီမှ ဆန့်ကျင်ဘက်စကားဖြစ်သော " လီယမ် အဆင်ပြေပါတယ်" ဟူသည့် အဖြေအား
မျှော်လင့်နေမိဆဲသာဖြစ်သည်။ ရောင်အမှန်တရားအားမည်သို့ လက်ခံရပါမည်နည်း။ လက်ခံနိုင်ပါမည်နည်း။

မားဗစ်စ် သည် အသက်မဲ့လျက်ရှိသော သူ​​၏ မျက်ဝန်းတို့ဖြင့် ရောင့်ကိုစိုက်ကြည့်ခြင်းသာတတ်နိုင်သည်။ မားဗစ်စ် ရောင့်အား စိတ်မကောင်းဟန်မျက်ဝန်းတို့ဖြင့် ညင်သာစွာ
ခေါင်းခါပြလိုက်သည်။

" အား မဖြစ်နိုင်ဘူး"
​
ရောင် မားဗစ်စ်​၏ ကော်လံစကို ကိုင်လျက် စောင့်တွန်းကာ အော်ဟစ်နေရင်း ရွက်ဖျင်တဲငယ်တွင်ရှိသော ပစ္စည်းများရိုက်ခွဲပစ်သည်။

" လီယမ် တိုက်ပွဲမှာတာဝန်ထမ်းဆောင်ရင်း
ဒဏ်ရာရသွားတယ်။ သူ့ ဦးနှောက်ထဲမှာ သွေးယိုသွားတယ်"

မြေပြင်ပေါ်၌ ဒူးထောက်လျက်သား ငိုကြွေးနေသော ရောင့်ကို မားဗစ်စ်က အသံခပ်တိုးတိုးဖြင့် ပြောသည်။

" ဘာ သွေးယိုတာ ဟုတ်လား
ဆရာဝန်ခေါ်လေ ဘာလို့ ဆရာ ဝန်မခေါ်တာလဲ
ပြော စမ်း"

ရောင် မြေပြင်ပေါ်မှ ကုန်းထကာ မားဗစ်စ်​၏ ကော်လံအား နောက်တစ်ကြိမ်ဆွဲယူပြီး
မျက်နှာချင်းအပ်ကာ အော်သည်။
မားဗစ်စ်သည် ရောင့်​၏ လုပ်ရက်များအား
တုန့်ပြန်မှုမရှိ။