This is what we call "LOVE". (Completed )

ဇာတ်သိမ်း

2021 October , London.

" လီယမ် က သိပ်ချစ်ဖို့ကောင်းတာပဲဗျာ"

"လီယမ် ကျွန်တော် ဒီမုန့်စားချင်တယ်"

" လီယမ် ကျွန်တော်အေးနေပြီ ဖက်ထားပါဦးလား"

" လီယမ်ရေ အာဘွားပေး"

" လီယမ် ကျွန်တော့်ကို ချစ်ကောချစ်ရဲ့လား"

​အသားဖြူဖြူ လုံးလုံးထိုကောင်လေးသည်
လီယမ့်​၏ အိမ်မက်များဆီသို့ ခိုးဝင်ခဲ့သည်မှာ
7 နှစ်နီးပါးရှိခဲ့ပြီ​။ ထိုအိမ်မက်များသည် စစ်မှန်သည်ဟုခံစားရသည်။ လီယမ် ထိုကဲ့သို့အိမ်မက်များကို အသက် ၁၈ နှစ်အရွယ်တွင်စတင်မက်ခဲ့သည်။ စစဖြစ်ခြင်းတွင်တော့
သတိမထားမိသော်လည်း တစ်ပတ်ခြားကနေ နေ့စဉ်ရက်ဆက်ဖြစ်လာတဲ့အခါ စိုးရိမ်လာတာကြောင့် စိတ်ဆရာဝန်နှင့်ပါပြသော်လည်းအဖြေမရှိခဲ့ ။ စိတ်စွဲလို့မက်သည်ဟုပြောရအောင်လည်း လီယမ်အသိထဲတွင် အာရှသားမရှိ။ အာရှဇာတ်ကားတွေလည်းလီယမ် မကြည့်မိ။ ဆရာဝန်များလုပ်နိုင်သည်ဆိုလို့
လီယမ့်အား စိတ်မထွေဖျားစေရန် အိပ်ရေးမပျက်စေရန်၌သာကူညီနိုင်ခဲ့သည်။

လီယမ့် အသက်၁၆ နှစ်အရွယ်မှစ၍ သူ​၏ နှလုံးသားမှ တစ်စုံတစ်ယောက်အား ရှာဖွေနေသည်ကိုခံစားမိသည်။ လီယမ် ယောင်္ကျားလေးရော မိန်းကလေးနဲ့ပါ ရုပ်ပိုင်းဆိုင်ရာ ထိတွေ့ဖူးသော်လည်း တာဝန်ရှိသလိုခံစားချက်၊ စိတ်မပါနိုင်ပဲ အမြဲတစ်စုံတစ်ယောက်သော သူကိုသာ တောင်းတမိနေတဲ့ခံစားချက်များကြောင့်
dating မလုပ်ခဲ့သည်မှာလည်း collage စတက်ကတည်းက ခုချိန်ထိ တစ်ယောက်တည်းသာ။အိမ်မက်အများစုတွင်
လီယမ်သည် ထိုကောင်လေးနှင့်မြက်ခင်းပြင်ပေါ်တွင်ရှိနေသည်။ အိမ်မက်ထဲတွင်သာ သူ​၏ နှလုံးသားသည်ပြည့်စုံသကဲ့သို့ခံစားရသည်။ ဤအိမ်မက်ကောင်လေး သည်
သူရှာနေမိခဲ့သော သူသာဖြစ်သည်လေ။

လီယမ် သူ​၏ပုံအား ပန်းချီဆရာများအားဆွဲခိုင်း၍ နေရာအနှံ့လိုက်လဲရှာဖွေသော်ညား အချည်းနှီးသာ ။ ရုပ်သာ မြင်ဖူးသော လူတစ်ယောက်ကိုရှာဖို့ဆိုသည်မှာ သန်းကြွယ်သူဌေးတစ်ယောက်အတွက်ပင်လျှင် ခက်ခဲလှပါသည်။
ထို့ကြောင့် လီယမ် လူမှုရေးကိစ္စများကို ကိုဂရုမပြုမိစေရန် အလုပ်တွင်သာ စိတ်လွှဲလုပ်ကိုင်ခဲ့သည့်အတွက် ငယ်ရွယ်ပြီးအောင်မြင်သည့် စီးပွားရေးသမားတစ်ယောက်ဖြစ်နေခဲ့ပြီလေ။