رجعت البيت و قعدت في السرير و بقيت اتذكر في الموقف الحصل قبل شويه ، تلقائياََ لقيت نفسي مبسوطه شديد و مبتسمه للضرس الأخير ....لَـگِنْ الجاب دكتور احمد ميرغني لـ حينا دا شنو؟ .....اخخخ نـًسّْيـت انو ولد خالة ندى و أكيد جا علشان يشوف أبوها العيان و يتابع معاهو ، فجأه كدا حسيت بلبعه في ضهري قلت ياخ مالـ.......سكته لما لقيتا دي أمي، قلت ليها ايوه يا نعمه ضارباني ليه؟ قالت لي يضربك شيطان ان شاء •اللّـہ̣̥، انا قلت ليك شنو يا رنا؟ مش گلّمّتگُ أكتر م̷ـــِْن جلغمية مَـرّھٌ انو تاني ما ألقاك جادعه هدومك دي في السرير صغيره انتي؟
قلت ليها اصلو كلام براحه ماف و م̷ـــِْن دون لِبيع ، هسي ضهري قرب يتشق م̷ـــِْن شدة ما ضربتك حاره ....قالت لي اسوي ليك شنو عاد بت راسها قوي و خمله و وسخانه زيك ما لاقتني، بـ جنس شغلتك دي الخزين سيد اللبن ما بعرسك ، قلت ليها خزين شنو عليك •اللّـہ̣̥! انا الخزين دا كان جاب لي مال قرون كلو و ختاهو قدامي مع بعرسو جنيت انا؟!!!
قالت لي خليك كلامك الكتير دا و قومي سوي لينا ملاح الغدا انا ماشه قريب هنا و جايه ...قلت ليها ماشه وين؟
_ ماشه لأمال دي أبارك ليها و اشوف تجهيزاتهم للعريس، بتها ندى عرسها يوم الجمعه الجايه، غيتو حظها و ربنا يتم ليها على خير جاها مغترب م̷ـــِْن قطر و شنو الما جابو ليها في الشيله يشهد الله جاب مال النار ما تاكلو ، قلت ليها خلاص خلاص فهمنا يا أمي ما توجعي لي قلبي أكتر م̷ـــِْن كدا ، امي طلعت و انا مشيت المطبخ عشان اعمل الملاح و بتزهج في سري يعني ندى دي احسن مني في شنو عشان يعرسها مغترب و انا لٱ، حييييا انا م̷ـــِْن حظي النحس دا
_ بتقولي في شنو يا عاااازه؟!
بسم الله وقفتي قلبي ، في حاجه اسمها استئذان يا عوضيه ، المره الجايه دقي الباب و بعدين تعالي هنا انا مش قلت ليك تاني ما تقولي لي عاااازه ؟! عازه في عينك ان شاء •اللّـہ̣̥ ، رنا عثمان نور الدين ، اسمي دا كلو ما عاجبك؟
ضحكت و قالت لي لَـگِنْ اسم عازه دا مناسب معاك و ثم ثانياََ انا كمان عِنـ.̷̷̸̷̐ـديّ اسم طويييل و عريييض ما عاجبك؟ "مرافي مزمل " تاني إياك تقولي لي عوضيه مفهوم؟
قلت ليها ياخ خلينا م̷ـــِْن الكلام الفارغ دا ، قلبي واجعني شديد يا مرافي حييييا انا م̷ـــِْن حظي الزباله دا > قالت لي بسم الله مالك؟
قلت ليها ندى يا مرافي جاها مغترب ، وااااي انا م̷ـــِْن حظها الحلو، البت دي م̷ـــِْن شافت الدنيا دي فالها السمح مرافقها إلا انا المنحوسه دي
_ غيتو انتي يا رنا! ، بالله عليك خلي البتعملي فيهو دا ، الله أراد ليها كدا عندك اعتراض في حكمة ربنا؟
قلت ليها اففف مـڼـڱ بس دا الفالحه فيهو ياخ انا زهجت م̷ـــِْن گلآمَگ. الواحد دا ، انا بس عايزا اعرف مشكلتي شنو مالي انا؟! ندى دي احسن مني ولا اسمح مِڼـّي؟
_ والله العظيم انا فترت مـڼـڱ عديييل يا رنا و فترت م̷ـــِْن الكلام الما بنتهى معاك ، ما تزهجيني ياخ شايفه نفسك احسن منـِْهـ♡̨̐ـِْا و اسمح منـِْهـ♡̨̐ـِْا معناها امشي و عرسي المغترب الجاها لْـۆ قدرتي! ياخ انتي بتفهمي كيف يا انسانه! الزمن العلينا دا الرجال بقوا يعرسوا المثقفه و المتعلمه و الغنيااااانه ، خطي خطين حمر تحت كلمة غنياااانه دي؟
رجعت لـ ورا و قعدت أبكي، بكيت كدا لمن قلت بس، مرافي جات وقفت جنبي و بقت تواسي فيني قالت لي ولا يهمك و ما تزعلي م̷ـــِْن گلآمَيےّ بس عايزاك تكوني انسانه قنوعه و في الوقت الراهن شيلي فكرة العرس دي م̷ـــِْن بالك و ركزي علي قرايتك و ربنا كريم ...
