جيت راجعه م̷ـــِْن الجامعه و زهجانه و قرفانه م̷ـــِْن نفسي و حظي المنحوس ، يعني انا الناقصني شنو عشان عبد العزيز يخليني و يمشي يخطب نجوى؟ ناقصني شنو انا يخوانا؟ ليه م̷ـــِْن البدايه كذب علي و عمل نفسو مهتمي بي؟ اكتر جمله وجعتني لمن قال لي انتي ما م̷ـــِْن مستواي و انا مستحيل اعرس وحده زيك جايه م̷ـــِْن بيئه ما مناسبه مع بيئتي ... و الوجعني اكتر لمن قال لي انتي وحده انانيه و طماعه و جنك قروش!
جني قروش؟!!
ايوه انا جني قروش و بحب القروش دي اكتر م̷ـــِْن أي حاجه تانيه، طيب المشكله وين؟ منو فينا ما بحب القروش و بسعى عشان يحصل عليها! منو فينا ما بتحلم بمستقبل واعد مع شريك حياة مناسب قادر يوفر ليها كل مقومات الحياة و يسعدها و يعيشها احسن عيشه ، شرط اكون م̷ـــِْن أسره معروفه و بـ وزنها عشان اقدر احلم زي ما عايزا و احقق أحلامي؟ هل عيب اني احلم بعريس ما م̷ـــِْن مستواي و فايتني بمراحل!
ليه الظلم و التضيق دا ! ليه بنات الأسر البسيطه لما يحلموا بحاجه فوق مستواهم الناس بتشمت و بتضحك عليهم! و بتشوفهم فارغات ساي! المستحيل شنو؟ انا ناقصني شنو و غيري احسن مِڼـّي في شنو عشان يخليني و يمشي ليها؟!
زعله ساي الًيَوُمًِ داك نمت للمغرب ، ما صحيت إلا لمن حسيت بجك مويه على وشي ، صحيت زهجانه و قلت لـ أمي بضيق ياخ دي طريقه تصحوا بيها انسان؟ قالت لي لَـگِنْ انتي ما انسان يا حيوانه ياخ انا قلت ليك اعملي لي شنو قبيل؟
حييييا انا مـڼـڱ يا أمي تعبت م̷ـــِْن مشاويرك الكتيره دي ياخ رسلي زول غيري ما بقدر انا م̷ـــِْن الجامعه امشي لمكان تاني ما ركشه انا يا أمي ارحميني يااااخ...
_ اصلاََ ما مـڼـڱ فايده ، هسي في ذمتك انا رسلتك كم مَـرّھٌ؟ دي أي مشاوير الكتيره دي البتتكلمي عنها؟ بس قاعده للنقه الكتيره و الزهج التقول شايله هموم الدنيا دي كلها في اكتافك ، قلت ليها عليك الله يا أمي قولي لي حاجه واااحده بس ما بتزهج، هسي العيشه العايشنها دي عيشه مع الناس؟ ابسط الإحتياجات نحنا ما قادرين نوفرها لٱ بنشبه الناس لٱ حياتنا زيهم ، ليه يعني؟
_ يا بت هوووي دا كلام شنو؟ احسن ليك تستغفري و كلو مكتوب و رزقك دا ما بفوتك و "إن مع العسر يسرا " و ما بتضيق إلا عشان تفرج و نحنا نحمد الله على نعمة الصحه و العافيه و اننا تامين ولامين ، و غيرك البتقارني نفسك بيهم ديل انتي ما عارفه مروا بشنو أو فقدوا منو أو ربنا شال منهم شنو مقابل نعمة الغنى الهم فيها دي ، نحمد الله اننا شاربين و ماكلين و بالنا مرتاح و رزقنا دي ما بفوتنا يجي وقت ما يجي كلو كلو ما تستعجلي ليهو
بس يا أمي الحياة دي ما كلها أكل و شراب في حاجات أهم زي انا هسي ما بقدر اعزم صحباتي الفي الجامعه لـ بيتنا و ما بقدر أطلع معاهم لـ مناسباتهم الزي الأعراس عشان ما عِنـ.̷̷̸̷̐ـديّ لبس مناسب و في غيرها كتير و كتير خلتني أكره حياتي و الًيَوُمًِ الولدوني فيهو 💔
في الًيَوُمًِ البعديهو طلعت بدري للجامعه عشان اتجنب زحمة المواصلات طبعاََ انا بقرا اقتصاد سنه تالته في جامعة النيلين أبداََ ما خشيتو عن رغبه كل الحصل انو نسبتي خذلتني و لمن جا التقديم قدمت عشوائي و السَلٱمٌ......
اثناء ما انا ماشه في الشارع إتلاقيت مع مرافي ، قلت ليها ماشه وين م̷ـــِْن صباح الرحمن ، ما عندك جامعه انتي؟
_ لٱ ما عِنـ.̷̷̸̷̐ـديّ الًيَوُمًِ و هسي ماشه لـ ندى عشان أودي ليها المديده دي قبل ما تقعد في الدخان
* صحي هي عرسها متين؟
_ قالوا بعد اسبوعين ، ما عزمتك ولا شنو! ؟
