طبعاََ بكرا عرس ندى و مع إنها ما عزمتني شخصياََ بس أمها عزمت أمي و انا غصباََ عنها ح أمشي ما عشان خاطر عيونها المكحله ، اصلاََ انا و هي ما بنطيق بعض ولو ما دكتور أحمد ولد خالتها و ح يجي العرس م̷ــا كنت ح أمشي، المهم م̷ـــِْن صباح الرحمن وقعت ليك ماسكات في وشي ، و شعري دا اظن سرحتو مرتين و استحميت تلاته مرات ، أمي و أخواتي يعاينوا لي سااااي م̷ـــِْن بعيد و كلهم متحيرين فيني لأني ما حصل اهتميت بنفسي و شعري دا بسرحو م̷ـــِْن أسبوع لأسبوع، بعد شويه كدا جاتني مرافي بـ ماسكاتها، ياخ ما خلينا ماسك دا ما عملناهو بتنا في المطبخ عديل و بعد ما انتهينا ، طلعت الملابس الفي دولابي عشان تختاري لي اللازم ألبسو، عاينت للملابس كلها و قالت لي كلهم ما مناااسباااات، قلت ليها اهااا اعمل شنو ما عِنـ.̷̷̸̷̐ـديّ غيرهم؟!
_ ما مشڱلھِ شدي ليك فستان م̷ـــِْن عرفه ما شاء •اللّـہ̣̥ فساتينها كلها حلـِۈۋوھّ ، بنات الحي كلهن بمشن يشيلن منـِْهـ♡̨̐ـِْا
قلت ليها كويس طيييب ارح معاي ليها ، مشينا ليها و جينا راجعين اخترت اسممممح فستان و لونو كان ظااابط ...
المهم جا الًيَوُمًِ المنتظر ، و انا م̷ـــِْن صلاة العصر بجهز في نفسي، طبعاََ العرس حيكون في الصاله ، يعني ندى دي أول بت م̷ـــِْن حينا تعمل عرس في صاله عشان كدا بنات حينا كلهم فرحانات و طايرات السما و النهار كلو يتجارن مَـرّھٌ للحنانه و مَـرّھٌ لـ عرفه و مَـرّھٌ لـ رهام البتكوي الشعر .....بعد موال طويل م̷ـــِْن التجهيزات و القومه و القعده وصلنا الصاله، كانت معاي مرافي م̷ـــِْن وصلنا كدا قالت وووبعلي لٱ لٱ أصلي ما بصدق ، قلت ليها بسم •اللّـہ̣̥ يا بت مالك في شنو؟
قالت لي يعنى انتي يا رنا ما شايفه شيالة الحلاوه دي ولا بتستهبلي؟ قلت ليها حلاوة؟ شياله؟ وين؟ ضربتني في راسي و قالت لي مرات بحسك جد جد غبيه و ما بتفهمي ياخ انا قصدي أولاد أهل ندى و أصحابهم! ..قلت ليها م̷ـــِْن قبيل غالبك تقولي لي كدا؟ المهم خلينا ندخل ، أول ما دخلنا كدا جات روان أختي الأصغر مني عاينت لي مساااافه كدا و قالت لي رنا؟
انا ذاتي استغربت م̷ـــِْن نظرتها دي و قلت ليها آيي مالك انتي التانيه؟ قالت اقسم بالله كما مرافي ما كان عرفتك متين بقيتي سمحه كدا؟ ضحكت و قلت ليها اصلاََ م̷ـــِْن يومي سمحه لَـگِنْ انتوا ما مركزين معاي 😎
قالت لي المهم أمي قالت ليك تعالي ، مرافي قالت لي خلاص أمشي ليها و تعاليني قدام ټمـٱمـ؟ قلت ليها ټمـٱمـ ، هي مشت قدام و انا و روان مشينا لـ أمي و هي م̷ـــِْن بعيد تعاين لي سااااي لحدي ما وصلناها، روان قالت ليها هدي رنا جاتك، أمي قالت ليها يا بت هوووي متأكده انو دي أختك، ما يكون جبتي ليك بت ناس ساي، قلت ليها غااايتو الزول ما يحاول يغير شويه في نفسو، ضحكت و قالت لـ روان خلاص كدا يا دوب اتأكدت انو دي هي بعد ما سمعت صوتها، قلت ليها اهااا بعد ما اتأكدوا ناديتوني لـ شنو؟
قالت لي تعالي اقعدي معانا هنا عشان بعد شويه نرجع، قلت ليها شنو؟؟ هو متين جينا عشان نرجع؟
_ عارفه انو أبوك بجي متأخر و أخوانك الصغار براهم في البيت و انا ذاتي كما بخاف اللوم ما كنت جيت و حضرت العرس المهم نوري وشوشنا للناس و نرجع
قلت ليها لَـگِنْ يا أمي أخواني ديل مش إبراهيم قاعد معاهم؟ قالت لي ولد خالتك دي ما بتحمل لي مسؤوليه و هسي بكون طلع و خلاهم گ عادتو ح يكون لاصق ليهو في حيطه م̷ـــِْن الحيط مع الصايعين الزيو ، قلت ليها خلاص اقول ليك حاجه يا أمي ارجعوا انتي و روان و انا بعدين بجي مع أهل ندى بالإضافة لـ مرافي ذاتا معاي، قالت لي لٱ لٱ ما بخليك وراي > كويس انو كان في وحده جارتنا قاعده جنب أمي قالت ليها يا نعمه ما تبقى متشدده كدا، خلي البت تحضر العرس للنهايه و زي ما قالت لي ح ترجع مع ناس آمال و كما مشت معاهم ح ترجع معاي انا فـ انتي اطمني و ما تشيلي هم، بعد كلامها دا أمي ما اتكلمت تاني لَـگِنْ كانت بتحمر لي شديد ، خليتهم في قعدتهم ديك و مشيت أفتش مرافي، لمحتها م̷ـــِْن بعيد واقفه مع شله و عيني ما وقعت إلا في دكتور احمد ميرغني، كنت ح امشي ليهم بس اتذكرت انو أمي قاعده و هي لْـۆ شافتني واقفه معاهم ح تسوقني غصباََ عني، قعدت في الكرسي القدامي و انتظرت ناس أمي لمن طلعوا م̷ـــِْن الصاله شويه كدا و جاني اتصال منـِْهـ♡̨̐ـِْا رديت عليها و قالت لي نحنا طلعنا قلت ليها تصلوا بالسلامه ان شاء الله ، قمت سريع م̷ـــِْن مكاني و مشيت عليهم أول ما وصلتهم عملت نفسي ما شايفه زول و قلت لـ مرافي وين انتي ياخ انا م̷ـــِْن قبيل بفتش عليك ما معقوله ياخ خليتيني ألف الصاله دي كلها عشان اقدر أوصل ليك حتى اني طلعت برا و تاني جيت راجعه حتى لمحتك م̷ـــِْن بعيد! طبعاََ مرافي بقت تعاين لـي بإستغراب كدا و قبل ما تقول حاجه غمزت ليها و هي فهمتني لأنها صديقتي المقربه و عارفه حركاتي كلها و اصلاََ الحركه دي عملناها قبل كدا....ابتسمت و قالت لي روقي يا رنا و آسفه شديد لأني خليتك تفتشي علي معليش ياخ المهم سلمي على الناس ديل، عاينت ليهم كلهم و عملت نفسي متفاجأه م̷ـــِْن شوفتهم قلت ليهم معليش ما انتبهت ليكم، قالوا لي ما مشڱلھِ و مرافي عرفتني عليهم كلهم و لما جا دور احمد ميرغني قالت لي طبعاََ احمد دا بتعرفيهو إتلاقيتو قبل كدا صح؟ قلت ليها ايوه و هو كان ماسك تلفونو بس ما شغال بينا كأنو ما واقف مع ناس، واحد منهم قال ليهو شنو يا احمد ونستنا دي ما عاجباك ولا شنو؟ قال ليهو ما كدا يا مراد انت عارف إنو الونسه و الكلام الفارغ دا ما لي فيهو! طبعاََ كل الواقفين اتحسسوا م̷ـــِْن كلامو دا وحده م̷ـــِْن البنات قالت ليهو قصدك شنو يا حمودي يعنى ونستنا فارغه؟ قال ليها ايوه فارغه و تاني ما تقولي لي حمودي ما شافع انا 😊 البت قربت تبكي م̷ـــِْن كلامو دا صحبتها الجنبها قالت ليهو بالجد حرام عليك ما عارفه انت شايف نفسك على شنو و بعدين ونستنا دي لْـۆ فارغه ماف زول جبرك عليها، قال ليها دقيقه دقيقه هسي انتوا متحسسين ليه؟ فارغه دي ما نبذ؟ فارغه يعني ما فيها حاجه مفيده و فعلاََ دا الكان حاصل هسي صحبتك دي م̷ـــِْن قبيل مشغله لينا نغمة ظفري اتكسر ضفري اتكسر، انا اعمل شنو لـ ضفرها الإتكسر؟ ولا لجين المن قبيل بتسأل فيني اذا فستانها حلو أو لٱ، المشكله انها سألتني كذا مَـرّھٌ! يمكن الحاجات دي مهمه شديد بالنسبه ليكم انتوا گ بنات فـ اتكلموا فيها بيناتكم و انا ما مجبور اجاملكم و اتساير معاكم في حاجه ما بطيقها، قال كدا و اتحرك م̷ـــِْن جنبنا و صاحبو الإسمو مراد مشى وراهو و انا ياداااب فهمت طريقة تفكيرو يعنى حركات البنات دي كلها ما بتنفع معاهو ، كووويس كدا عرفت ح اتعامل معاهو كيف ، مرافي قالت لي غيتو احمد دا مفتري شديد و شايف نفسو و مع ذلك كل البنات مكسرات فيهو ، بعد شويه العرسان وصلو و الناس فضت ليهم الساحه عشان يرقصو ، بقيت افتش على أحمد في الصاله كلها بس ما لقيتو، شويه كدا و جاني اتصال م̷ـــِْن أمي رديت لَـگِنْ ما قدرت اسمعها لأنو الصوت كان عالي فـ اضطريت اطلع برا الصاله، رجعت ليها و قالت لي لسه انتوا؟ قلت ليها بسم الله يا أمي متين كدا؟ و انتوا ذاتكم متين وصلتو البيت؟ الزمن لسه بدري يا أمي 10 ما جات، قالت لي خلاص خلاص ي زوله الناس ديل لْـۆ طولوا ارجعي مع مرافي قلت ليها حاضر و قفلت ، قبل ما ارجع الصاله مشيت الحمامات كانوا على مساااافه م̷ـــِْن الصاله لما جيت طالعه و اثناء ما انا ماشه على الصاله سمعت صوت احمد و هو بكورك في زول كان بقول:
ياخ ما تكرهيني ، ما شافع انا عشان الزمن كلو تجي لاحقاني و تسأليني اذا أكلت أو لٱ، ما حاسه انك بـ اسئلتك دي بتحرجيني قدام الناس؟
