ستظل ملكي

(البارت الثامن و الثلاثون 🦋)

‏انت المميز في عيوني عن الناس
راقي بطبعك وفي صفاتك تعليت

يكفيني اني اكتبك شعر واحساس
ويكفي بأنك مع خفوقي ..

~~~~~~~~~~~~~~~~~~~~~~~~~~~

في منزل ماسة بس ان ابعده ماسة من تحت يد سامر كانوا يقفوا في صالة المنزل ..!!

امال ببكاء و حسرة : منك لله يا سامر اشوف فيك يوم يا بعيد البنت نزلت لوحدها في الشارع و انت مبهدلها من الضرب و من غير شبشب كمان هتروح فين دلوقتي متعرفش حد من الجيران تقعد عنده لحد ما ابوك يجي ..!!

صفاء بحزن : ليه بتعمل كدا دي المفروض تتحمي فيك مش تتحمي منك ليه الضرب و البهدلة دي هي عملت إيه مع انها مظلومة و انت بسلامتك مكدبتش خبر و رايح تضرب فيها ..!!

نسرين بعصبية : اقسم بالله لو حصلها حاجة يا سامر لا اوديك في داهية ما ترجع منها انا مشوفتش اوس** منك بجد ..!!

سامر بغضب : لمي لسانك بدل ما اقل منك ..!!

نسرين بسخرية : تقل من مين يا حبيبي لا سمعني تاني انا اقل منك و من عشرة زيك ينعل اشكالك في الارض ..!!

دلفت نسرين الي غرفتها و هي قالقة علي صديقتها قررت الاتصال علي مراد لكي يجد لها حل ..!!

نسرين بحزن : الو إيه يا مراد انا اسفة صحيتك من النوم بس غصب عني ..!!

مراد بنفي : لا ولا يهمك بس اهم شيء انتي كويسة فيكي حاجة ..!!

نسرين بدموع : ماسة يا مراد بعد ما رجعت سامر عرف بالي حصل دخل الاوضة فضل يضرب فيها بهدلها علي الاخر و نزلت الشارع تجري مش لابسة حاجة في رجليها مكناش قادرين نمنع سامر عنها لحد ما هربت و نزلت الشارع مش عارفين نعمل إيه محدش في البيت لا بابا ولا مازن و عمو يحيي بليز يا مراد اتصرف ..!!

مراد بصدمة : كل دا حصل امتي طب اهدي و انا هتصرف دلوقتي متقلقيش خالص انا هتصرف بعدين اكلمك سلام دلوقتي ..!!

اغلق مراد الهاتف مع نسرين خرج من غرفته ذهب الي غرفة فهد طرق الباب عدة مرات ولا يوجد رد استغرب من عدم وجود رد من فهد لانه نومه خفيف فتح باب الغرفة و دلف ولم يوجد بها احد ..!!!

اغلق باب الغرفة و خرج هبط الي الاسفل بال من المنزل سئل الامن و هو يحاول الاتصال بفهد ..!!

مراد بتساؤل : هو فهد خرج ..!!

احد افراد الامن : ايوا يا بشمهندس فهد بيه خرج من حوالي ساعة و كان باين انو مستجعل ..!!

مراد بقلق : طب تمام شكراً ..!!

بعد محاولات من مراد بالاتصال علي فهد أخيراً استجاب له و رد عليه ..!!

مراد بقلق : فهد انت فين يابني روحت ليك الاوضة مش موجود سألت الامن قال انك خرجت و مش بترد يا فهد انت كويس ..!!