# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ _ ﺍﻟﺴﺎﺑﻊ
ﻟﻤﺎ ﻣﺎﻣﺎ ﺗﻌﺒﺖ ﻫﻠﺒﻪ ﻭﺍﻧﺘﻲ ﺷﺎﻫﺪﻩ ﻉ ﺍﻟﻠﻲ ﺻﺎﺭ ... ﺗﺬﻛﺮﻱ ﻭﻗﺖ ﻓﻘﺪﺕ ﺍﻟﻮﻋﻲ ﻭﺭﻗﺪﺕ ﻓﻲ ﺍﻟﻤﺴﺘﺸﻔﻰ ﺷﻦ ﻗﺎﻝ ﺍﻟﺪﻛﺘﻮﺭ ..
ﺣﻨﺎﻥ ﺑﺼﺪﻣﻪ ﻣﻤﺰﻭﺟﻪ ﺑﺄﻟﻢ : ﻗﺎﻝ ﻗﻠﺒﻚ ﺑﺪﻱ ﻳﺘﻌﺐ ﻣﻦ ﺍﻷﻧﻔﺎﻋﻼﺕ ...
ﻋﺎﺋﺸﻪ ﺑﺒﻜﻲ : ﺑﻌﺪﻫﺎ ﺑﺪﺕ ﺗﺼﻴﺮ ﻣﺸﺎﻛﻞ ﺑﻴﻨﻲ ﻭﺑﻴﻦ ﺃﺳﺎﻣﻪ ﺑﺴﺒﺐ ﺇﻫﻤﺎﻟﻪ .. ﻛﺎﻥ ﻳﻌﺘﺮﻑ ﺑﻐﻠﻄﻪ .. ﻳﻌﺘﺬﺭ .. ﻟﻜﻦ ﻣﺎﻳﺼﻠﺤﺶ ﻣﻦ ﻧﻔﺴﻪ ... ﺑﺪﻳﺖ ﻧﺎﻛﻞ ﻓﻴﻬﺎ ﻓﻨﻔﺴﻲ ﻭﻧﺴﻜﺖ ﻟﻴﻦ ﻣﺮﺓ ﺻﺎﺭﺕ ﺑﻴﻨﻲ ﻭﺑﻴﻨﻪ ﻣﺸﻜﻠﻪ ﻉ ﺧﺎﻃﺮ ﺍﻹﻧﺠﺎﺏ ﺯﻱ ﻣﺎﺗﻌﺮﻓﻲ ﻫﻮ ﻣﺎﻳﺒﻴﺶ ... ﻳﻮﻣﻬﺎ ﻛﺎﻥ ﺍﻟﻨﻘﺎﺵ ﺣﺎﺩ ﻃﻠﻊ ﻭﺧﻼﻧﻲ ﻭﺍﻧﻲ ﻧﺒﻜﻲ ﻭﻣﻨﻬﺎﺭﻩ ... ﺣﺴﻴﺖ ﺑﻌﺪﻫﺎ ﺇﻥ ﺍﻟﻨﻔﺲ ﻏﻢ ﻋﻠﻴﺎ ﻭﻣﻌﺎﺵ ﻧﻨﺪﺭﻱ ﻉ ﺷﻲ ..
ﺣﻨﺎﻥ ﺷﻬﻘﺖ ﻭﺣﻄﺖ ﻳﺪﻫﺎ ﻉ ﻓﻤﻬﺎ ...
ﻋﺎﺋﺸﻪ ﺑﻨﺒﺮﺓ ﺑﺎﻛﻴﻪ : ﺗﺼﻮﺭﻱ ﺍﻧﻲ ﻓﻘﺖ ﻭﻫﻮ ﻣﺶ ﻣﻌﺎﻱ .. ﻳﻐﻤﻰ ﻋﻠﻴﺎ ... ﻧﻔﻘﺪ ﺍﻟﻮﻋﻲ ﻭﻣﺎﻳﻨﺪﺭﻱ ﺑﻴﺎ ﺣﺪ ...
ﺣﻨﺎﻥ ﻗﻌﺪﺕ ﺗﺒﻜﻲ ...
ﻋﺎﺋﺸﻪ ﻣﺴﺤﺖ ﺩﻣﻮﻋﻬﺎ ﻭﻛﻤﻠﺖ : ﺻﺎﺭ ﺍﻟﻠﻲ ﻳﺒﻴﻪ ﺭﺑﻲ ﻭﺣﻤﻠﺖ .. ﺑﺲ ﻟﻤﺎ ﺣﻤﻠﺖ ﻃﺒﻌﺎ ﺍﻟﺪﻛﺘﻮﺭ ﺃﺳﺎﻣﻪ ﻣﺎﻳﻨﺪﺭﻳﺶ ﻋﻠﻴﺎ ﻭﻟﻤﺎ ﻋﺮﻑ ﺍﺿﺎﻳﻖ ﺑﺲ ﺍﺳﺘﺴﻠﻢ ﻟﻸﻣﺮ ﺍﻟﻮﺍﻗﻊ .. ﻭﻹﻧﻪ ﻣﺶ ﻣﺘﺤﻤﺲ ﻟﻠﺤﻜﺎﻳﻪ ﻣﻦ ﺍﻟﺒﺪﺍﻳﻪ ﻗﻌﺪﺕ ﻧﻤﺸﻲ ﻧﺮﺍﺟﻊ ﺑﺮﻭﺣﻲ .. ﻟﻴﻦ ﻓﻴﻮﻡ ﻗﺎﻟﺘﻠﻲ ﺍﻟﺪﻛﺘﻮﺭﺓ ﺍﻧﺘﻲ ﻻﺯﻡ ﺗﻨﺰﻟﻴﻪ ﺍﻟﺤﻤﻞ ﻓﻴﻪ ﺧﻄﺮ ﻋﻠﻴﻚ ﻗﻠﺒﻚ ﺗﺎﻋﺐ ... ﺗﺒﻜﻲ ..... ﺭﻓﻀﺖ ﺭﻓﺾ ﺗﺎﻡ ... ﻭﻣﺎﺑﻴﺘﺶ ﻧﺨﺒﺮﺣﺪ ﻭﺣﻠﻔﺘﻬﺎ ﻫﻲ ﻣﺎﺗﻘﻮﻝ ﻟﺤﺪ ... ﺣﺎﻭﻟﺖ ﻧﺸﻮﻑ ﻣﺸﻜﻠﺔ ﻗﻠﺒﻲ ﺑﺲ ﻣﻊ ﺍﻷﺳﻒ ﻓﺎﺕ ﺍﻷﻭﺍﻥ ...
ﺣﻨﺎﻥ ﺑﺨﻮﻑ ﺷﺪﻳﺪ : ﻓﺎﺕ ﺍﻷﻭﺍﻥ !! ؟ ﺷﻦ ﻗﺼﺪﻙ ..
ﺍﺑﺘﺴﻤﺖ ﻋﺎﺋﺸﻪ ﺑﺄﻟﻢ : ﺣﻨﺎﻥ ... ﺍﻧﺘﻲ ﺃﻡ ﻭﺃﻧﺘﻲ ﺍﻷﺩﺭﻯ ﺑﺎﻟﻠﻲ ﻧﺤﺲ ﺑﻴﻪ ... ﺍﻷﻡ ﺗﺤﺲ ﺑﺎﻷﻣﻮﻣﻪ ﺍﺗﺠﺎﻩ ﻃﻔﻠﻬﺎ ﻣﻦ ﺍﻭﻝ ﻣﺎﺗﻌﺮﻑ ﺑﻮﺟﻮﺩﻩ ﻓﻴﻬﺎ .. ﻣﺶ ﻣﻤﻜﻦ ﻧﻀﺤﻲ ﺑﻴﻪ ﺑﺶ ﻧﻨﻘﺪ ﻧﻔﺴﻲ .. ﺍﺻﻼ ﺃﻧﻲ ﺍﺳﺘﺎﺣﺸﺖ ﺃﻣﻲ ﻫﻠﺒﻪ .... ﻗﻌﺪﺕ ﺗﺒﻜﻲ ... ﻭﻧﺒﻲ ﻧﻜﻮﻥ ﻗﺮﻳﺒﻪ ﻣﻨﻬﺎ ﻭﻧﺒﻴﻬﺎ ﺗﺴﺎﻣﺤﻨﻲ ... ﻣﺎﺗﺖ ﺑﺴﺒﺒﻲ ﻳﺎﺣﻨﺎﻥ ... ﻭﺍﻧﻬﺎﺭﺕ ...
ﻗﺮﺑﺖ ﺣﻨﺎﻥ ﺣﻀﻨﺘﻬﺎ ﻭﻗﻌﺪﺕ ﺗﺒﻜﻲ ﻣﻌﺎﻫﺎ ... ﺁﻻﻻﻡ ﺣﻨﺎﻥ ﺍﺟﺘﻤﻌﺖ ﻋﻠﻴﻬﺎ ﻓﻲ ﻣﺮﻩ ﻭﻗﻠﺒﻬﺎ ﻣﻔﻄﻮﺭ ﻣﻦ ﺍﻟﺤﺰﻥ ... ﺑﻌﺪ ﺷﻮﻳﻪ ﺑﻌﺪﺕ ﻋﺎﺋﺸﻪ ..
ﻋﺎﺋﺸﻪ ﺑﺎﻟﻌﺒﺮﻩ : ﻭﺍﻟﻠﻪ .. ﻭﺍﻟﻠﻪ .. ﺍﻟﻠﻪ .. ﻳﺎﺣﻨﺎﻥ .. ﺗﻄﻠﻊ ﻣﻨﻚ ﺣﺎﺟﻪ ﻣﺶ ﺣﻨﺴﺎﻣﺤﻚ ...
ﺣﻨﺎﻥ ﻗﻌﺪﺕ ﺗﺸﺒﺤﻠﻬﺎ ﻫﻠﺒﻪ ﺑﻌﺪﻳﻦ ﺣﻀﻨﺘﻬﺎ ﻭﻗﺎﻟﺖ : ﺯﻱ ﻣﺎﺗﺒﻲ ... ﺍﻃﻤﻨﻲ ..
ﻭﺣﺘﻰ ﺍﻧﺘﻲ ﻣﺎﻳﻄﻠﻊ ﻣﻨﻚ ﺷﻲ ﻣﻦ ﺍﻟﻠﻲ ﻗﺘﻠﻚ ﻋﻠﻴﻪ ﻟﻴﻦ ﻧﻘﻮﻝ ﺍﻧﻲ ﺑﺮﻭﺣﻲ ..
ﺯﺍﺩﺕ ﺣﻀﻨﺘﻬﺎ ﻋﺎﺋﺸﻪ ﻭﻫﻲ ﺣﺎﺳﻪ ﻭﻛﺄﻧﻬﺎ ﻓﺤﻀﻦ ﺃﻣﻬﺎ ﻭﻗﻌﺪﺕ ﺗﺒﻜﻲ ...
ﻓﺎﺗﺖ ﺍﻟﺴﺎﻋﺎﺕ .. ﻭﺭﻭﺣﺖ ﺣﻨﺎﻥ ﺑﻌﺪ ﺟﻲ ﺃﺳﺎﻣﻪ ﻛﺎﻧﺖ ﻣﻐﻠﻮﻟﻪ ﻣﻨﻪ ﺑﺲ ﻣﺶ ﻗﺎﺩﺭﻩ ﺗﺘﻜﻠﻢ ﻃﻠﻌﺖ ﻭﻫﻮ ﺣﺎﺱ ﺃﻥ ﻓﻲ ﺷﻲ ..
ﺃﺳﺎﻣﻪ : ﺣﻨﺎﻥ ﺧﻴﺮﻫﺎ ﻣﺶ ﻉ ﺑﻌﻀﻬﺎ ...
ﻋﺎﺋﺸﻪ : ﻧﻀﺎﻝ ﻣﺴﺎﻓﺮ ..
ﺃﺳﺎﻣﻪ ﺑﻀﺤﻜﻪ : ﺃﻭﻝ ﻣﺮﻩ؟ !
ﻋﺎﺋﺸﻪ ﺗﻨﻬﺪﺕ ﺑﺄﻟﻢ ﻭﻧﺎﺿﺖ : ﻣﺎﻩ ﺍﻟﺴﻔﺮﻩ ﻃﻮﻳﻠﻪ ﻭﺍﻟﻠﻪ ﺃﻋﻠﻢ ﻳﻮﻟﻲ ﻣﻨﻬﺎ ﻭﻻ ﻻ ... ﻭﺧﺸﺖ ﻟﻠﺪﺍﺭ ..
ﺍﺳﺎﻣﻪ ﻣﺎﻓﻬﻢ ﺷﻲ ﺑﺲ ﻣﺎﺗﻌﺒﺶ ﺭﻭﺣﻪ ﻭﺳﺄﻝ ..
***
ﺭﻭﺣﺖ ﺣﻨﺎﻥ ﺍﻟﺤﻮﺵ .. ﺧﺸﺖ ﻭﻭﻗﻔﺖ ﻗﺪﺍﻡ ﺍﻟﺒﺎﺏ ﺍﻟﺪﺧﻼﻧﻲ ... ﺧﺪﺕ ﻧﻔﺲ ﻋﻤﻴﻖ ... ﻟﺒﺴﺖ ﻗﻨﺎﻉ ﺍﻹﺑﺘﺴﺎﻣﻪ ﻭﻗﺎﻟﺖ : ﺍﻟﻠﻬﻢ ﻻﺣﻮﻝ ﻟﻲ ﻭﻻﻗﻮﺓ ﺇﻻ ﺑﻚ ... ﻭﻓﺘﺤﺖ ﺍﻟﺒﺎﺏ ﺑﺎﻟﻤﻔﺘﺎﺡ ﻭﺧﺸﺖ .. ﻭﺍﻟﻠﻲ ﺗﻮﻗﻌﺎﺗﻪ ﻟﻘﺎﺗﻪ ﺑﻨﺎﺗﻬﺎ ﻳﺴﺘﻨﻮﺍ ﻓﻴﻬﺎ ...
ﺟﻮﻫﺎ ﻃﻮﻝ ...
ﻟﺒﻨﻰ : ﺍﻧﻲ ﺍﻷﻭﻟﻰ .. ﺣﻀﻨﺘﻬﺎ .. ﻛﻞ ﻋﺎﻡ ﻭﺍﻧﺘﻲ ﻭﺑﺎﺑﺎ ﺃﺣﻠﻰ ﻛﻮﺑﻞ ﻧﺸﻮﻓﻪ ﻓﺤﻴﺎﺗﻲ ... ﻭﻋﻄﺘﻬﺎ ﻫﺪﻳﻪ ..
ﺣﻨﺎﻥ ﺗﺒﻠﻊ ﻓﺮﻳﻘﻬﺎ ﻭﺗﺤﺲ ﻓﻴﻪ ﻧﺎﺭﺑﺈﺑﺘﺴﺎﻣﻪ ﻣﺰﻳﻔﻪ : ﺗﺴﻠﻤﻲ ﺣﺒﻴﺒﺘﻲ ﻭﻳﺨﻠﻴﻚ ﻟﻴﺎ ﻳﺎﺭﺏ ...
ﺣﻀﻨﺘﻬﺎ ﺭﻫﻒ : ﺭﺑﻲ ﻳﺤﻔﻈﻜﻢ ﻟﻴﻨﺎ ﻃﻮﻝ ﺍﻟﻌﻤﺮ ... ﺧﻮﺩﻱ ﻳﺎﺃﺣﻠﻰ mother ﻓﻲ ﺍﻟﺒﺸﺮﻳﻪ ...
ﺧﺪﺕ ﻣﻨﻬﺎ ﺣﻨﺎﻥ ﻭﻫﻲ ﺣﺎﺳﻪ ﺍﻟﻤﻮﺕ ﻭﺑﻨﻔﺲ ﺍﻹﺑﺘﺴﺎﻣﻪ : ﺭﺑﻲ ﻳﻔﺮﺣﻨﻲ ﺑﻴﻚ ﻳﺎﺃﺣﻠﻰ ﺩﻛﺘﻮﺭﻩ ﻓﻲ ﺍﻟﺒﺸﺮﻳﻪ ..
ﻟﺒﻨﻰ ﺑﺘﺴﺎﺅﻝ : ﻣﺎﻻ ﻭﻳﻦ ﺑﺎﺑﺎ ...
ﺣﻨﺎﻥ ﺑﺈﺑﺘﺴﺎﻣﻪ ﻣﺮﺗﺒﻜﻪ : ﺳﺎﻓﺮ ..
ﺍﻟﺰﻭﺯ ﺗﻔﺎﺟﺌﻮﺍ ..
ﺭﻫﻒ : ﺍﻣﺘﻰ ؟ !!
ﺣﻨﺎﻥ : ﻣﻊ ﺍﻟﻌﺸﻴﻪ ﻫﻜﻲ ... ﻫﻴﺎ ﺗﺎﻋﺒﻪ ﻭﻧﺒﻲ ﻧﺮﻗﺪ .. ﻧﻮﺿﻮﻧﻲ ﻟﻤﺎ ﻳﺄﺫﻥ ﺍﻟﻌﺸﻲ .. ﻭﻓﺎﺗﺖ ﻣﻦ ﺣﺪﺍﻫﻢ ...
ﺭﻫﻒ ﺣﺎﺳﻪ ﺑﺸﻲ ﻣﺶ ﻃﺒﻴﻌﻲ : ﻣﺎﻣﺎ ...
ﺣﻨﺎﻥ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻣﻦ ﺍﻷﻟﻢ ﻭﺍﻟﺘﻔﺘﺖ : ﻧﻌﻢ ﺑﻨﺘﻲ ..
ﺭﻫﻒ : ﻣﺎﻣﺎ ﺍﻧﺘﻲ ﻛﻮﻳﺴﻪ
ﻟﺒﻨﻰ : ﻛﻴﻒ ﺗﺒﻴﻬﺎ ﺗﻜﻮﻥ ﻛﻮﻳﺴﻪ ﻭﺣﺒﻴﺐ ﺍﻟﻘﻠﺐ ﺑﻌﻴﺪ ﻓﻲ ﻳﻮﻡ ﺯﻱ ﻫﺬﺍ ..
ﺣﻨﺎﻥ " ﺭﺣﻤﺘﻚ ﻳﺎﺍﺭﺏ " ﺍﺑﺘﺴﻤﺖ : ﻣﺎﻓﻴﺎ ﺷﻲ ﻳﺎﻣﺎﻣﺎ ﺍﻃﻤﻨﻲ ... ﻭﺍﻟﺘﻔﺘﺖ ﻭﺭﻛﺒﺖ ﻓﻮﻕ ﻭﻫﻲ ﺣﺎﺳﻪ ﺍﻧﻬﺎ ﺟﺜﻪ ﻣﻦ ﻏﻴﺮ ﺭﻭﺡ ...
ﻟﺒﻨﻰ ﻭﻟﺖ ﻟﻘﺮﺍﻳﺘﻬﺎ ﻋﺎﺩﻱ ... ﺑﺲ ﺭﻫﻒ .. ﻣﺎﻛﺎﻧﺘﺶ ﻣﺮﺗﺎﺣﻪ ﺑﻜﻞ ...
***
ﺧﺸﺖ ﻟﻠﻘﺼﺮ ﻫﻲ ﻭﺍﻟﻤﺮﺑﻴﻪ ﻣﺘﺎﻋﻬﺎ ..
ﻣﻬﺎ : ﺣﺎﺳﻪ ﺣﻨﺎﻱ ﻣﻌﺎﺵ ﺯﻱ ﻗﺒﻞ ..
ﻣﺮﻳﻢ : ﺍﻳﻪ ﻣﺴﻜﻴﻨﻪ ﻫﺪﻫﺎ ﺍﻟﻤﺮﺽ ..
ﻣﻌﺎﻭﻳﻪ ﻛﺎﻥ ﺟﺎﻱ ﻣﻦ ﻣﻜﺘﺒﻪ ﻳﺴﻤﻊ ﻓﻴﻬﻢ ﻳﺪﻭﻭﺍ ...
ﻣﻬﺎ ﺑﻨﺒﺮﻩ ﺑﺎﻛﻴﻪ : ﻛﺎﻥ ﺗﺼﻴﺮ ﺣﺎﺟﻪ ﻓﺤﻨﺎﻱ ﻣﺶ ﻋﺎﺭﻓﻪ ﺷﻦ ﻧﺪﻳﺮ .. ﻫﻲ ﺍﻟﻮﺣﻴﺪﻩ ﺍﻟﻠﻲ ﻗﻌﺪﺕ ﻣﻦ ﺭﻳﺤﺔ ﻣﺎﻣﺎ .. ﺍﻟﻠﻲ ﻣﺎﺷﻔﺘﻬﺎﺵ ﺇﻻ ﻓﻲ ﺍﻟﺼﻮﺭ ..
ﻣﺮﻳﻢ ﺣﻀﻨﺘﻬﺎ : ﺭﺑﻲ ﻳﻄﻮﻝ ﻓﻲ ﻋﻤﺮ ﺣﻨﺎﻙ ﻭﻳﺮﺣﻢ ﺍﻟﻤﺪﺍﻡ ﺳﺎﻣﻴﻪ ..
" ﺭﻭﺣﺘﻮﺍ ..."
ﺑﻌﺪﺕ ﻣﺮﻳﻢ ﻋﻦ ﻣﻬﺎ ...
ﻣﺮﻳﻢ : ﻣﺴﺎﺀ ﺍﻟﺨﻴﺮ ﺍﺳﺘﺎﺫ ﻣﻌﺎﻭﻳﻪ ..
ﻣﻌﺎﻭﻳﻪ ﻫﺰ ﺭﺍﺳﻪ ﺭﺩﺍ ﻋﻠﻴﻬﺎ : ﻣﻬﺎ ﺍﺑﺪﻱ ﻣﻦ ﺗﻮﺍ ﺟﻬﺰﻱ ﻧﻔﺴﻚ ﻟﺤﻔﻠﺔ ﺍﻓﺘﺘﺎﺡ ﺍﻟﻤﺪﻳﻨﻪ ﺍﻟﺴﻜﻨﻴﻪ ﺣﻨﺪﻳﺮ ﺣﻔﻠﻪ ﻫﻨﻲ .. ﻭﺍﻧﺘﻲ ﺗﻮﺍ ﻛﺒﺮﺗﻲ ﻧﺒﻴﻚ ﺗﺨﺸﻲ ﻓﻲ ﺍﻟﻨﺎﺱ ... ﻭﺗﺘﻌﺮﻓﻲ ﻉ ﺷﺨﺼﻴﺎﺕ ﺍﻟﻤﺠﺘﻤﻊ ﺍﻟﻤﻬﻤﻪ ... ﻭﻧﺒﻴﻚ ﺗﻨﻄﻠﻘﻲ ... ﺳﺎﺩﻙ ﺍﻧﻌﺰﺍﻝ ﻓﻲ ﺩﺍﺭﻙ ﺯﻱ ﺍﻟﻌﺰﺍﻳﺰ ... ﻭﺧﻄﻢ ﻣﻦ ﺣﺪﺍﻫﻢ ﻭﻃﻠﻊ ﻣﻦ ﺍﻟﺤﻮﺵ ...
ﻣﻬﺎ ﺗﻨﻬﺪﺕ ﻣﻦ ﻭﺳﻂ ﻗﻠﺒﻬﺎ ﻭﺣﺎﺳﻪ ﺧﻠﻮﻗﻬﺎ ﺍﻃﺒﻘﻮﺍ ..
ﺗﻜﺮﻩ ﺑﻴﺌﺘﻬﺎ ﺍﻟﻠﻲ ﻋﺎﻳﺸﻪ ﻓﻴﻬﺎ ﻭﺗﻜﺮﻩ ﺍﻟﺤﻔﻼﺕ ﻫﺎﺩﻱ ﺍﻟﻤﺒﻨﻴﻪ ﻉ ﺍﻟﻨﻔﺎﺍﻕ ﺍﻹﺟﺘﻤﺎﻋﻲ ﺍﻟﺨﺎﻟﺺ .. ﻭﻋﺎﺭﻓﻪ ﺑﻮﻫﺎ ﺷﻦ ﻳﺒﻲ ﻣﻨﻬﺎ .. ﻳﺒﻴﻬﺎ ﺑﻌﺪ ﻛﻢ ﺳﻨﻪ ﺗﻤﺴﻚ ﻣﻌﺎﻩ ﺧﺪﻣﺘﻪ ﻷﻧﻬﺎ ﺍﻟﻮﺭﻳﺜﻪ ﺍﻟﻮﺣﻴﺪﻩ ﻟﻴﻪ .. ﻭﻫﻲ ﻣﺎﺗﺒﻴﺶ ...
ﺗﻮﺟﻬﺖ ﻟﻠﺪﺭﻭﺝ ﺍﻟﺨﺎﺹ ﺑﻴﻬﻢ ﻭﺭﻛﺒﺖ ﻟﺪﺍﺭﻫﺎ ..
ﻣﺮﻳﻢ ﺗﻨﻬﺪﺕ ﺑﺄﻟﻢ ﻋﻠﻴﻬﺎ ﻭﺗﻮﺟﻬﺖ ﻟﺪﺭﻭﺝ ﺍﻟﺨﺪﻡ .. ﻭﻧﺰﻟﺖ ﺗﺤﺖ ..
ﻃﺒﻌﺎ ﻧﻈﺎﻡ ﻗﺼﺮ ﻣﻌﺎﻭﻳﻪ ﻣﻌﻘﺪ ﺷﻮﻱ ﻛﺒﻴﺮ ﻫﻠﺒﻪ ﻭﻟﻴﻪ ﻣﺪﺍﺧﻞ ﻫﻠﺒﻪ ﻭﻣﺨﺎﺭﺝ .. ﻭﺩﻳﺎﺭ ﻫﻠﺒﻪ .. ﻭﻗﺎﻋﺎﺕ ﻟﻺﺣﺘﻔﺎﻻﺕ .. ﻭﻟﻞﺃﺣﺰﺍﻥ ﺣﺘﻰ ...
ﻭﻧﻈﺎﻣﻪ ﺟﺪﻳﺪ ﺷﻮﻳﻪ ﻓﻲ ﺍﻟﺘﻔﺼﻴﻞ ﺻﻌﺐ ﻧﺸﺮﺣﻪ ..
***
ﻓﻲ ﺍﻟﻠﻴﻞ ..
ﺣﻨﺎﻥ ﺗﻌﺸﺖ ﻣﻊ ﺑﻨﺎﺗﻬﺎ ﺑﺎﻟﺴﻴﻒ ﻭﻭﻟﺖ ﺭﻛﺒﺖ ﻟﺪﺭﺍﻫﺎ ﺳﻜﺮﺗﻬﺎ ﻋﻠﻴﻬﺎ ... ﻭﺑﺪﺕ ﺗﺒﻜﻲ ﻭﺗﺒﻜﻲ ... ﺭﻳﺤﺔ ﺍﻟﺪﺍﺭ ﺭﻳﺤﺘﻪ ﻛﻞ ﺷﻲ ﻓﻲ ﺍﻟﺪﺍﺭ ﻟﻴﻪ .. ﻋﻴﻮﻧﻬﺎ ﻉ ﺑﺮﻓﺎﻧﺎﺗﻪ ... ﻉ ﺑﺎﻟﻄﻮﻩ ﺍﻟﻠﻲ ﻣﻌﻠﻖ ﻉ ﺍﻟﺸﻤﺎﻋﻪ ... ﻉ ﺻﻮﺭﺗﻪ ﺍﻟﻠﻲ ﺣﺪﺍﻫﺎ ﻉ ﺍﻟﻜﺎﻣﺪﻳﻨﻮ ﻉ ﻣﺨﺪﺗﻪ .. ﺍﻟﻠﻲ ﺣﻄﺖ ﺍﻳﺪﻫﺎ ﻋﻠﻴﻬﺎ ﻭﺩﻣﻮﻋﻬﺎ ﺳﻴﻞ ﺧﺪﺗﻬﺎ ﺣﻀﻨﻬﺎ ﻭﺗﺒﻜﻲ ﺑﻘﻬﺮﺓ ... ﻳﺘﺮﺩﺩ ﻓﻲ ﻭﺫﺍﻧﻬﺎ ﻛﻼﻣﻪ ...
>> ﺍﻟﻤﺸﺎﻋﺮ ﻣﺶ ﺑﺈﻳﺪﻳﻨﺎ .. ﻭﺍﻧﻲ ﻟﻴﺎ ﻓﺘﺮﻩ ﻃﻮﻳﻠﻪ ﻫﻠﺒﻪ ﻳﺎﺣﻨﺎﻥ ﻣﻌﺎﺵ ﻧﺤﺲ ﺇﺗﺠﺎﻫﻚ ﺑﻤﺸﺎﻋﺮ ﺍﻟﺤﺐ ﺍﻟﻠﻲ ﺣﺴﻴﺘﻪ ﻣﻦ ﺯﻣﺎﻥ ... ﻭﻣﻦ ﺳﻨﻪ ﺗﻘﺮﻳﺒﺎ ﺧﺸﺖ ﺣﻴﺎﺗﻲ ﻣﺮﺍﻩ ﺗﺎﻧﻴﻪ ﻭﺣﺒﻴﺘﻬﺎ ﻭﻗﺮﺭﺕ ﺍﻧﻲ ﻧﺘﺰﻭﺟﻬﺎ <<..
>> ﺣﺘﻰ ﺇﻧﺘﻲ ﻣﻦ ﺣﻘﻚ ﺗﺸﻮﻓﻲ ﺣﻴﺎﺗﻚ .. ﻟﺬﻟﻚ ﻧﺒﻲ ﻧﻄﻠﻘﻮﺍ ﺑﻬﺪﻭﺀ <<..
ﻋﻀﺖ ﻉ ﺷﺎﺭﺑﻬﺎ ﺑﻘﻮﻩ ﻣﻦ ﺍﻟﻘﻬﺮﺓ ﻟﻴﻦ ﻧﺰﻑ ... ﻣﺤﺮﺭﻫﺎ ﺣﺎﺍﺍﺭﺓ .. ﺍﻟﺮﺍﺟﻞ ﺍﻟﻠﻲ ﺗﺤﺒﻴﻪ ﺯﻭﺟﻚ ﺭﻓﻴﻖ ﻋﻤﺮﻙ ﻋﺸﺮﺓ ﺍﻧﺘﻲ ﻭﻳﺎﻩ ﻋﻄﻴﺘﻴﻪ ﻛﻞ ﺷﻲ ﻣﻦ ﺣﺐ ﻭﺍﻫﺘﻤﺎﻡ ﻭﺣﻨﺎﻥ ... ﻳﺠﻲ ﻓﻲ ﻓﻠﺤﻈﻪ ﻭﻳﻘﻮﻟﻚ ﻣﻌﺎﺵ ﻧﺤﺒﻚ ﻭﻧﺤﺐ ﻏﻴﺮﻙ ﻭﻧﺨﻠﻴﻚ ﺗﺸﻮﻓﻲ ﺣﻴﺎﺗﻚ ﻣﻊ ﻏﻴﺮﻱ ... ﻛﻴﻒ ﻗﺎﻟﻬﺎ ﻫﻜﻲ ﺑﺒﺴﺎﻃﻪ ﻛﻴﻒ ...
ﺷﻮﻳﻪ ﻭﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﻗﺎﻟﺖ " ﺍﻧﺘﻲ ﺃﻗﻮﻯ ﻣﻦ ﻫﻜﻲ ﻳﺎﺣﻨﺎﻥ ﺍﻗﻮﻯ ﻣﻦ ﻫﻜﻲ ... ﻣﺎﻃﻴﺤﻴﺶ ﻉ ﺧﺎﻃﺮ ﺑﻨﺎﺗﻚ ﻣﺶ ﺣﻴﺘﺤﻤﻠﻮﺍ ﻳﺎﺣﻨﺎﻥ ..." ﻣﺴﺤﺖ ﺩﻣﻮﻋﻬﺎ .. ﻭﻧﺎﺿﺖ .. ﺧﺸﺖ ﻟﻠﺤﻤﺎﻡ ﺗﻮﺿﺖ ﻭﻃﻠﻌﺖ ﺻﻠﺖ ﺭﻛﻌﺘﻴﻦ ﻃﻮﺍﺍﺍﺍﺍﺍﻝ ... ﻛﻠﻪﻡ ﺩﻋﺎﺀ .. ﻭﺷﻜﻮﻯ ﻭﻣﻨﺎﺟﺎﻩ ﻓﻲ ﺍﻟﺴﺠﻮﺩ ﻭﻫﻲ ﺗﺒﻜﻲ ... ﺑﻌﺪﻛﻤﻠﺖ ﺻﻼﺓ ﻓﺘﺤﺖ ﺍﻟﻤﺼﺤﻒ ﻭﺑﺪﺕ ﺗﻘﺮﺍ ﻭﺗﻬﺪﺍ ﺷﻮﻱ ﺷﻮﻱ ﻟﻴﻦ ﺭﻗﺪﺕ ﻭﻫﻲ ﺣﺎﺿﻨﻪ ﺍﻷﻣﺎﻥ ﺍﻟﻤﻄﻠﻖ ﻭﺍﻟﺮﺍﺣﻪ ﺍﻟﻠﻲ ﻣﺎﺑﻌﺪﻫﺎ ﺭﺍﺣﻪ ﺍﻟﻤﺼﺤﻒ
ﺑﺎﻟﺰﺑﻂ ﻓﺎﺗﻮﺍ ﻳﻮﻣﻴﻦ ﺣﻀﺮ ﻓﻴﻬﻢ ﻧﻀﺎﻝ ﺍﻟﻤﺆﺗﻤﺮ ﻭﺭﻭﺡ ﻟﻠﻴﺒﻴﺎ ﺑﺲ ﺭﻭﺡ ﻉ ﻓﻨﺪﻕ ... ﺧﻼﺹ ﺑﺎﻟﻨﺴﺒﻪ ﻟﻴﻪ ﺣﻴﺎﺗﻪ ﻣﻊ ﺣﻨﺎﻥ ﺍﻧﺘﻬﺖ ﻭﻭﺟﻮﺩﻩ ﻣﻌﺎﻫﺎ ﻓﻲ ﻧﻔﺲ ﺍﻟﺤﻮﺵ ﻣﻦ ﺑﻌﺪ ﺍﻟﻴﻮﻡ ﻳﻌﺘﺒﺮ ﺧﻴﺎﻧﻪ ﻟﻴﺎﺭﺍ ..
ﺍﺗﺼﻞ ﺑﻴﺎﺭﺍ ﺍﻭﻝ ﻣﺎﺭﻭﺡ ﻭﻗﺎﻟﻠﻬﺎ ﻳﺒﻲ ﻳﺸﻮﻓﻬﺎ ﺿﺮﻭﺭﻱ ...
ﺟﺎﺗﻪ ﻃﻴﺮﺍﻥ ﻟﻠﻤﻘﻬﻰ ﺍﻟﻠﻲ ﺍﺗﻔﻘﻮﺍ ﻳﻘﺎﺑﻠﻬﺎ ﻓﻴﻪ ﻗﺮﻳﺐ ﻫﺒﻠﺖ ﻋﻠﻴﻪ ﻟﻤﺎ ﺷﺎﻓﺎﺗﻪ ﻭﻫﻮ ﺍﻛﺜﺮ .. ﻧﺎﺽ ﻟﻤﺎ ﻗﺮﺑﺖ ﺻﺎﻓﺤﻬﺎ ﺑﺎﻟﻴﺪ ﻭﺗﻤﻨﻰ ﻟﻮ ﻣﺎﺗﺤﻮﻟﺶ ﺍﻳﺪﻫﺎ ﻭﻫﻲ ﻧﻔﺲ ﺍﻟﺸﻲ ..
ﻗﻌﻤﺰﻭﺍ ﻭﻫﺪﺭﺯﻭﺍ ﻉ ﺍﻟﺤﺎﻝ ﻭﺍﻷﺣﻮﺍﻝ ... ﻭﻓﺘﺢ ﻧﻀﺎﻝ ﻣﻮﺿﻮﻉ ﺗﺄﺟﻴﻞ ﺍﻟﻄﻼﻕ ..
ﻳﺎﺭﺍ : ﺷﻨﻮﻭﻭﻭ؟؟ !!!
ﻧﻀﺎﻝ ﻣﻴﻞ ﺭﺍﺳﻪ ﻭﺷﺒﺢ ﺟﻨﺒﻪ ﺑﻌﺪﻳﻦ ﺷﺒﺤﻠﻬﺎ : ﻳﺎﺭﺍ ﺍﺳﻤﻌﻴﻨﻲ ﺑﻬﺪﻭﺀ ﺍﺭﺟﻮﻙ ..
ﻳﺎﺭﺍ ﺍﺑﺘﺴﻤﺖ ﺑﺘﻬﻜﻢ : ﺑﺘﺒﺪﺍ ﺑﺎﻟﺠﻮ ﺍﻟﺒﺎﻳﺦ .. ﺣﺮﻛﺎﺕ ﻧﺴﺎﻭﻳﻦ ﺍﻟﻠﻲ ﺯﻳﻬﺎ ﺍﻧﻲ ﻓﺎﻫﻤﺘﻬﻢ ﻉ ﺍﺳﺎﺱ ﺗﺒﻲ ﺗﺮﺩﻙ ﻟﻴﻬﺎ ...
ﻧﻀﺎﻝ ﺑﻀﺤﻜﻪ : ﻳﺎﺭﺍ .. ﺣﻨﺎﻥ ﻣﺎﺗﻔﻜﺮﺵ ﻫﻜﻲ .. ﺗﺎﻧﻲ ﺷﻲ ﺷﻦ ﺑﺘﺮﺩ ﻳﺎﺭﺍ .. ﻗﺪﻣﻠﻬﺎ ﻉ ﺍﻟﻄﺎﻭﻟﻪ .. ﻳﺎﺭﺍ ... ﺍﻧﻲ ... ﻧﺤﺒﺒﺒﺒﻚ .. ﺷﺪﺩ ﻋﻠﻴﻬﺎ ...
ﻭﺍﺷﺮ ﺑﺴﺒﺎﺑﺘﻪ ﻋﻠﻴﻬﺎ .. ﻧﺤﺒﻚ ﺇﻧﺘﻲ ﻭﺑﺲ ...
ﻳﺎﺭﺍ ﻗﻠﺒﻬﺎ ﻳﺪﻕ ﻭﻏﺼﺐ ﻋﻨﻬﺎ ﺍﺑﺘﺴﻤﺖ ..
ﻧﻀﺎﻝ ﺍﺑﺘﺴﻢ ﻭﻭﺧﺮ ﻉ ﺍﻟﻜﺮﺳﻲ : ﻛﻞ ﻣﺎﻓﻲ ﺍﻟﻤﻮﺿﻮﻉ ﺍﻧﻬﺎ ﺧﺎﻳﻔﻪ ﻉ ﺑﻨﺎﺕ ﻭﺣﺘﻰ ﺍﻧﻲ ﻧﻔﺲ ﺍﻟﺸﻲ ... ﻛﻠﻬﺎ ﺃﻗﻞ ﻣﻦ ﺳﻨﻪ ﻭﻳﺘﻢ ﺍﻟﻄﻼﻕ ..
ﻳﺎﺭﺍ ﺑﺼﺪﻣﻪ : ﺍﻗﻞ ﻣﻦ ﺳﻨﻪ ... ﻻﺍﺍﺍﺍﺍﺍﺍ ﻫﻠﺒﻪ ﻫﻜﻲ ..
ﻗﺪﻡ ﻧﻀﺎﻝ ﻭﺷﺪ ﻳﺪﻫﺎ : ﻳﺎﺭﺍ ﺣﺒﻴﺒﺘﻲ ... ﺍﻧﻲ ﻭﻳﺎﻫﺎ ﺍﻧﻔﺼﻠﻨﺎ ﻣﻦ ﻫﺪﺍﻛﺎ ﺍﻟﻴﻮﻡ ﺟﺖ ﻉ ﻭﺭﻗﻪ ﻣﻦ ﺍﻟﻤﺤﻜﻤﻪ ..!! ﺑﺎﻟﻨﺴﺒﻪ ﻟﻴﺎ ﺣﻨﺎﻥ ﺍﻡ ﺑﻨﺎﺗﻲ ﻭﺑﺲ ... ﺣﺘﻰ ﺍﻟﻴﻮﻡ ﻣﺶ ﺣﻨﺮﻭﺡ ﻟﻠﺤﻮﺵ ﻭﺣﻨﺒﺎﺕ ﻓﻔﻨﺪﻕ ..
ﻳﺎﺭﺍ ﺍﺑﺘﺴﻤﺖ : ﺍﻧﻲ ﻧﺒﻴﻚ ﻟﻴﺎ ﺑﺮﻭﺣﻲ ..
ﺍﺑﺘﺴﻢ ﻧﻀﺎﻝ : ﻭﺍﻧﻲ ﻟﻴﻚ ﺑﺮﻭﺣﻚ ﻣﻦ ﻗﺒﻞ ﻣﺎﻧﺼﺮﺣﻠﻚ ﺑﺎﻟﻠﻲ ﻓﻘﻠﺒﻲ ﻟﻴﻚ ... ﻫﻲ ﻓﺘﺮﻩ ﺑﺴﻴﻄﻪ ﺣﺒﻴﺒﺘﻲ ... ﻭﻛﻞ ﺣﻲ ﻳﻤﺸﻲ ﻑ ﺣﺎﻟﻪ ..
ﻳﺎﺭﺍ ﺳﻜﺘﺖ ﻭﺗﺸﺒﺢ ﻟﻌﻴﻮﻧﻪ ﻭﺑﺲ ..
ﻧﻀﺎﻝ ﺷﺪ ﻉ ﺍﻳﺪﻫﺎ ﺃﻛﺜﺮ : ﺍﻭﺛﻘﻲ ﻓﻴﺎ ...
ﻳﺎﺭﺍ ﺍﺑﺘﺴﻤﺖ : ﺑﺎﻫﻲ ...
ﻧﻀﺎﻝ ﻃﻠﻊ ﻋﻦ ﺷﻌﻮﺭﻩ ﻭﺑﺎﺱ ﺍﻳﺪﻫﺎ ﻳﺎﺭﺍ ﺿﺤﻜﺖ ﺑﺼﺪﻣﻪ .. ﻭﻫﻮ ﻗﺎﻡ ﺭﺍﺳﻪ ﻭﻗﻌﺪ ﻳﺸﺒﺢ ﺣﻮﺍﻟﻴﻪ ﺑﻌﺪﻳﻦ ﺿﺤﻚ ...
ﻧﻀﺎﻝ : ﺣﺒﻴﺒﺘﻲ .. ﻳﻮﻡ ﺍﻟﺨﻤﻴﺲ ..
ﻳﺎﺭﺍ ﺑﺘﺴﺎﺅﻝ : ﺷﻨﻮ ..
ﻧﻀﺎﻝ : ﺣﻨﺘﺰﻭﺟﻮﺍ ...
ﻳﺎﺭﺍ : ﻫﻬﻬﻬﻬﻬﻪ
ﻧﻀﺎﻝ : ﻧﺘﻜﻠﻢ ﺑﺠﺪﻳﺎﺕ ...
ﻳﺎﺭﺍ ﻓﻨﺼﺖ ﻋﻴﻮﻧﻬﺎ : ﻛﻴﻒ ...
ﻧﻀﺎﻝ ﺍﺑﺘﺴﻢ : ﻣﺎﺗﺨﻤﻤﻲ ﻓﻲ ﺷﻲ ... ﻛﻠﻪ ﻋﻠﻴﺎ ... ﻏﺪﻭﻩ ﺑﺈﺫﻥ ﺍﻟﻠﻪ ﻧﺮﻓﻌﻚ ﻧﺪﻳﺮﻭﺍ ﺗﺤﺎﻟﻴﻞ ﺍﻟﺰﻭﺍﺝ .. ﻭﺣﺘﻄﻠﻊ ﻓﻲ ﻧﻔﺲ ﺍﻟﻴﻮﻡ ﻋﻨﺪﻱ ﻣﻌﺎﺭﻓﻲ .. ﻭﺍﻟﻴﻮﻡ ﺍﻟﻠﻲ ﺑﻌﺪﻩ ﻧﻘﺮﻭﺍ ﺍﻟﻔﺎﺗﺤﻪ ..
ﻳﺎﺭﺍ ﺑﻀﺤﻜﻪ : ﻣﺶ ﻣﺼﺪﻗﻪ ...
ﻧﻀﺎﻝ : ﺻﺪﻗﻲ ﻳﺎﺭﻭﺣﻲ ... ﺧﻼﺹ ﻣﻌﺎﺵ ﻧﺒﻲ ﻧﺒﻌﺪ ﻋﻨﻚ ﺍﻛﺜﺮ ﻣﻦ ﻫﻜﻲ .. ﻏﻤﺰﻟﻬﺎ ﺑﻌﻴﻨﻪ .. ﻭﺗﻲ ﺭﻭﺣﻚ ..
ﻳﺎﺭﺍ ﻭﺟﻬﻬﺎ ﺍﺣﻤﺮ ﺍﺑﺘﺴﻤﺖ ﻭﺑﻌﺪﺕ ﻋﻴﻮﻧﻬﺎ ﻋﻨﻪ .. ﻭﻫﻮ ﺿﺤﻚ ...
***
ﻣﻌﺎﻭﻳﻪ ﻳﺪﻭﺭ ﻓﻲ ﻗﺎﻋﺔ ﺍﻹﺣﺘﻔﺎﻻﺕ ... ﻭﻡﻋﺎﻩ ﺇﻗﺒﺎﻝ ﻭﺃﻳﻤﻦ .. ﻭﻧﺎﺱ ﻣﻦ ﺷﺮﻛﺔ ﺗﻨﺴﻴﻖ ﺣﻔﻼﺕ ﻣﻦ ﺑﺮﺍ ﺍﻟﺒﻼﺩ ..
ﻣﻌﺎﻭﻳﻪ : ﻛﻮﻳﺲ ﺃﻗﺒﺎﻝ .. ﻳﻮﻡ ﺍﻟﺴﺒﺖ ﻛﻠﻪ ﻻﺯﻡ ﻳﻜﻮﻥ ﺯﻱ ﻣﺎﻣﺘﺨﻄﻄﻠﻪ ..
ﺇﻗﺒﺎﻝ ﺍﺑﺘﺴﻤﺖ : ﺍﻃﻤﻦ ..
ﺃﻳﻤﻦ : ﻣﻦ ﻧﺎﺣﻴﺔ ﺗﺄﻣﻴﻦ ﺍﻟﻤﻜﺎﻥ ﻛﻞ ﺷﻲ ﺗﻤﺎﻡ ﻭﺍﺗﻔﻘﺖ ﻣﻊ ﺷﺮﻛﻪ **** ﺍﻷﻣﻨﻴﻪ ...
ﻣﻌﺎﻭﻳﻪ : ﻣﻤﺘﺎﺯ ... ﺷﺒﺢ ﻷﻗﺒﺎﻝ .. ﺃﻟﻬﻲ ﺑﻤﻬﺎ ﻳﺎﺇﻗﺒﺎﻝ ...
ﺇﻗﺒﺎﻝ ﺍﺑﺘﺴﻤﺖ : ﺣﺠﺰﺗﻠﻬﺎ ﻓﻲ ﻗﻔﻄﺎﻥ ﻣﻦ **** ﺟﺎﻱ ﻏﺪﻭﺓ ﻭﺗﻮﺍﺑﻌﻪ ﻭﺣﻨﺮﺳﻴﻬﺎ ﻉ ﻛﻞ ﺷﻲ ..
ﺃﻳﻤﻦ " ﺍﻟﻠﻪ ﺃﻋﻠﻢ ﺷﻦ ﺍﻟﻠﻲ ﻳﺪﻭﺭ ﻓﺒﺎﻟﻚ ﻳﺎﻋﻘﺮﺏ ﺍﻟﺸﻤﺲ " ..
ﻣﻌﺎﻭﻳﻪ : ﺗﻤﺎﻡ .. ﻛﻤﻠﻲ ﺷﻐﻠﻚ .. ﺃﻳﻤﻦ ﺗﻌﺎﻟﻰ ﻣﻌﺎﻱ ..
ﺃﻳﻤﻦ : ﻫﻴﺎ .. ﻭﻣﺸﻮﺍ ﻣﻊ ﺑﻌﺾ ﻭﺇﻗﺒﺎﻝ ﻟﻬﺖ ﻣﻊ ﺍﻟﺸﺮﻛﻪ ..
***
ﺣﻨﺎﻥ ﻳﻮﻣﻬﺎ ﻛﻠﻪ ﺳﺮﺣﺎﻧﻪ ﻭﺗﻔﻜﺮ ﻓﻲ ﻫﻠﺒﻪ ﺣﺎﺟﺎﺕ .. ﻓﻲ ﻗﻬﺮﺗﻬﺎ .. ﻓﻲ ﺑﻨﺎﺗﻬﺎ ﻓﻲ ﻋﺎﺋﺸﻪ ... ﻣﺨﻨﻮﻗﻪ ... ﻭﻣﺤﺘﺎﺭﻩ ...
ﻛﺎﻧﺖ ﺗﻤﺜﻞ ﻗﺪﺍﻡ ﺑﻨﺎﺗﻬﺎ ﻓﻲ ﺣﺎﻟﻪ ﻏﻴﺮ ﺍﻟﻠﻲ ﻫﻲ ﻋﺎﻳﺸﺘﻬﺎ .. ﺑﺲ ﺭﻫﻒ ﻣﺎﻛﺎﻧﺘﺶ ﻣﻄﻤﻨﻪ ﺑﻜﻞ .. ﻫﻲ ﺣﺪﺳﻬﺎ ﻗﻮﻱ ﻭﺗﻼﺣﻆ ﻫﻠﺒﻪ ... ﺇﻻ ﻣﻊ ﺍﻟﻤﺴﻜﻴﻦ ﺃﺳﻨﺎﻡ ﻳﺴﺘﺎﻛﺎ ﺣﺪﺳﻬﺎ ﻫﺬﺍ ..
....
ﻓﻲ ﺍﻟﻠﻴﻞ ...
ﻣﻌﺎﻭﻳﻪ ﻓﻲ ﺍﻟﻔﺘﺮﺓ ﻫﺎﺩﻱ ﺑﺎﻟﺬﺍﺕ ﻟﻤﺎ ﻳﺨﺶ ﺍﻟﺸﺘﻲ ﻧﻔﺴﻴﺘﻪ ﺗﺘﻌﺐ ﻹﻥ ﺍﻟﺬﻛﺮﻳﺎﺕ ﺍﻟﻤﺆﻟﻤﻪ ﻣﺶ ﻣﻔﺎﺭﻗﺎﺗﻪ ﺑﻜﻞ .. ﻭﺭﺑﻂ ﻫﺎﻟﺠﻮ ﺑﺄﻟﻢ ﻫﺪﻳﻜﺎ ﺍﻟﺬﻛﺮﻳﺎﺕ ...
ﻧﺰﻝ ﻟﻐﺮﻓﺘﻪ ﺍﻟﺨﺎﺻﻪ ﺧﺶ ﻗﻌﻤﺰ ﻉ ﺍﻟﻜﺮﺳﻲ ﺍﻟﺠﻠﺪ ﻭﻗﻌﺪ ﻳﻔﻜﺮ ﻭﻳﻔﻜﺮ ...
ﻋﻨﺪ ﺣﻨﺎﻥ ...
ﻛﺎﻧﺖ ﻣﺘﻜﻴﻪ ﻉ ﺳﺮﻳﺮﻫﺎ ﻭﺳﺮﺣﺎﻧﻪ ﻭﺗﺸﺒﺢ ﻓﻲ ﺍﻟﻔﺮﺍﻍ ﻭﺩﻣﻮﻋﻬﺎ ﻳﻨﺰﻟﻮﺍ ....
ﺭﻥ ﺗﻠﻴﻔﻮﻧﻬﺎ ﺍﻧﻔﺰﻋﺖ ﺧﺪﺍﺗﻪ ﻣﻦ ﻉ ﺍﻟﻜﻤﺎﺩﻳﻨﻮ ﻭﺍﻧﺼﺪﻣﺖ ﻭﻳﻦ ﻟﻘﺎﺗﻪ ﻫﻮ .. ﺗﻤﻨﺖ ﻟﻮ ﻗﺪﺭﺕ ﺗﻘﻠﻊ
ﻣﻦ ﻣﻜﺎﻧﻪ ﻭﺗﻌﻔﺲ ﻋﻠﻴﻪ ﺍﻟﻠﻲ ﻗﺎﻋﺪ ﻳﺪﻗﻠﻪ ﺑﻌﻨﻒ ﻫﻜﻲ ...
ﺍﺳﺘﺠﻤﻌﺖ ﻗﻮﺗﻬﺎ ﻣﺴﺤﺖ ﺩﻣﻮﻋﻬﺎ ﻭﺭﺩﺕ ...
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﻧﻀﺎﻝ : ﻭﻋﻠﻴﻜﻢ ﺍﻟﺴﻼﻡ .. ﻛﻴﻒ ﺍﻟﺤﺎﻝ ..
ﺣﻨﺎﻥ ﺍﺑﺘﺴﻤﺖ ﺑﺘﻬﻜﻢ : ﺍﻟﺤﻤﺪ ﻟﻠﻪ ..
ﻧﻀﺎﻝ : ﻭﺍﻟﺒﻨﺎﺕ؟
ﺣﻨﺎﻥ : ﺍﻟﺤﻤﺪ ﻟﻠﻪ ﻛﻮﻳﺴﺎﺕ ... ﺍﻛﻴﺪ ﺗﻜﻠﻢ ﻓﻴﻬﻢ ..
ﻧﻀﺎﻝ ﺳﻜﺖ ﺷﻮﻳﻪ ﻭﻗﺎﻝ : ﻻ ﻣﺎﻛﻠﻤﺘﻬﻤﺶ ... ﺣﻨﺎﻥ .. ﻳﻮﻡ ﺍﻟﺨﻤﻴﺶ ﺣﻨﺘﺰﻭﺝ ... ﺧﺒﺮﻳﻬﻢ ﺍﻟﻴﻮﻡ ﺍﻟﻠﻲ ﺑﻌﺪﻩ ﻃﻮﻝ ...
ﺣﻨﺎﻥ ﻣﺶ ﻣﺴﺘﻮﻋﺒﻪ ﻛﻴﻒ ﻳﺘﻜﻠﻢ ﻋﺎﺩﻱ ﻫﻜﻲ ... ﻣﻌﻘﻮﻟﻪ ﻟﻬﺎﻟﺪﺭﺟﻪ ﻫﺎﻳﻨﻪ ﻋﻠﻴﻪ ﻣﺶ ﺣﺎﺱ ﺍﻧﻪ ﻗﺎﺳﻲ ﻋﻠﻴﻬﺎ .. ﻣﻌﻘﻮﻟﻪ ﺭﺩﺕ ﻓﻌﻠﻬﺎ ﺧﻼﺗﻪ ﻳﺘﻮﻗﻊ ﺇﻥ ﺍﻟﻮﺿﻊ ﻋﻨﺪﻫﺎ ﻋﺎﺩﻱ !!.. ﺑﺲ ﻣﺴﺘﺤﻴﻞ ﻳﻜﻮﻥ ﻋﺎﺩﻱ ﻭﻫﻮ ﻋﺎﺭﻑ ﻛﻮﻳﻴﺴﺲ ﺍﻧﻬﺎ ﺗﺤﺒﻪ ﻫﻠﺒﻪ ...
ﺣﻨﺎﻥ ﺗﻤﺎﺳﻜﺖ : ﺍﺣﻤﻢ ... ﺑﺎﻫﻲ .. ﺇﻥ ﺷﺎﺀ ﺍﻟﻠﻪ .. ﻳﻮﻡ ﺍﻟﺠﻤﻌﻪ ﺣﻨﺨﺒﺮﻫﻢ ..
ﻧﻀﺎﻝ : ﺣﻨﺎﻥ ...
ﺣﻨﺎﻥ ﻗﺎﻃﻌﺎﺗﻪ : ﻧﻀﺎﻝ ﻳﻬﻤﻨﻲ ﺑﻨﺎﺗﻲ ﺗﻘﻌﺪ ﺻﻮﺭﺓ ﺑﻮﻫﻢ ﺯﻱ ﻣﺎﻫﻲ ﻓﻨﻈﺮﻫﻢ .. ﻭﻓﺎﻟﻨﻬﺎﻳﻪ .. ﺑﻠﻌﺖ ﺭﻳﻘﻬﺎ ﺍﻟﻤﺮ ... ﺍﻧﺖ ﻣﺎﻏﻠﻄﺘﺶ ..
ﻧﻀﺎﻝ ﺍﺑﺘﺴﻢ : ﺷﻜﺮﺍ ﺣﻨﺎﻥ ...
ﺣﻨﺎﻥ ﺍﺑﺘﺴﻤﺖ ﺑﺄﻟﻢ : ﺍﻟﻌﻔﻮ ...
ﻧﻀﺎﻝ : ﺗﺼﺒﺤﻲ ﻉ ﺧﻴﺮ ..
ﺣﻨﺎﻥ : ﻧﻀﺎﻝ ..
ﻧﻀﺎﻝ : ﻧﻌﻢ ..
ﺣﻨﺎﻥ ﺑﺼﻮﺕ ﻣﺨﻨﻮﻕ : ﺇﻥ ﺷﺎﺀ ﺍﻟﻠﻪ ﺗﻠﻘﻰ ﻓﻴﻬﺎ ﺍﻟﻠﻲ ﻣﺎﻟﻘﻴﺘﺎﺵ ﻋﻨﺪﻱ .. ﻭﺗﺴﻌﺪﻙ ... ﺍﺳﻔﻪ ﻹﻧﻲ ﻛﻨﺖ ﻣﻘﺼﺮﺓ ﻣﻌﺎﻙ ﺑﺸﻜﻞ ﺍﻭ ﺑﺄﺧﺮ ... ﺗﺼﺒﺢ ﻉ ﺧﻴﺮ .. ﻭﺻﻜﺮﺕ ﻃﻮﻝ ..
ﻧﻀﺎﻝ ﺍﻧﺼﺪﻡ ﻣﻦ ﻛﻼﻣﻬﺎ ﻣﺶ ﻋﺎﺭﻑ ﻋﻼﺵ ﺣﺲ ﺑﻨﺒﺾ ﻗﻠﺒﻪ ﻳﺪﻕ ﺑﻘﻮﺓ ... ﺣﻂ ﺗﻠﻴﻔﻮﻧﻬﺎ ﻉ ﺍﻟﻜﺎﻣﺪﻳﻨﻮ .. ﻭﺭﻗﺪ ﻭﺗﻐﻄﺎ ﻭﺣﺎﻭﻝ ﻳﺮﻗﺪ ﻷﻥ ﻏﺪﻭﺓ ﻋﻨﺪﻩ ﻳﻮﻡ ﻃﻮﻳﻞ ..
ﺃﻣﺎ ﻫﻲ ﻃﻮﻝ ﻧﺎﺿﺖ ﻣﻦ ﻣﻜﺎﻧﻬﺎ ﻓﺘﺤﺖ ﺍﻟﺮﻭﺷﻦ ﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ﻭﺗﺤﺎﻭﻝ ﺗﺎﺧﺪ ﻧﻔﺲ ﻭﺩﻣﻮﻋﻬﺎ ﻳﻨﺰﻟﻮﺍ ... ﺷﻮﻳﻪ ﻭﺣﻄﺖ ﺍﻳﺪﻳﻬﺎ ﻉ ﻓﻤﻬﺎ ﻭﺗﺒﻜﻲ ﺑﺼﻤﺖ ﺗﺒﻜﻲ ﺑﺤﺮﻗﻪ ﺷﺪﻳﺪﻩ ..
ﻉ ﺩﻣﻮﻋﻬﺎ ﻳﻌﺰﻑ ﻣﻌﺎﻭﻳﻪ ﻓﻲ ﻧﻐﻤﺎﺕ ﺣﺰﻳﻨﻪ ﻉ ﺍﻟﺒﻴﺎﻧﻮ .. ﻛﺎﻥ ﻳﺤﺎﻭﻝ ﻳﻌﺒﺮ ﻋﻦ ﺣﺰﻧﻪ ﺑﻬﺎﻟﻄﺮﻳﻘﻪ ﻷﻥ ﺩﻣﻌﺘﻪ ﻣﻦ ﺍﻟﺼﻌﺐ ﺗﻨﺰﻝ ﻣﺶ ﻣﻦ ﺍﻟﺼﻌﺐ ﺑﻞ ﻣﺴﺘﺤﻴﻞ .. ﻫﻮ ﺧﺎﻃﺮﻩ ﻳﺒﻜﻲ ﻳﺘﻤﻨﻰ ﻟﻮ ﻳﻘﺪﺭ ﺑﺲ ﺻﻌﺐ ﻫﻠﺒﻪ ﻣﺶ ﻗﺎﺩﺭ ﻳﻨﺰﻝ ﺩﻣﻌﺘﻪ .. ﻳﻌﺰﻑ ﺑﺈﺣﺴﺎﺳﻪ ﻣﻦ ﻗﻠﺒﻪ ﺍﻟﺤﺰﻳﻦ ﺍﻟﻜﺌﻴﺐ .. ﻭﺑﻨﺘﻪ ﻛﺎﻧﺖ ﻭﺍﻗﻔﻪ ﻓﻲ ﺍﻟﺒﺎﻟﻜﻮﻧﻪ ﻭﺗﺴﻤﻊ ﻓﻲ ﻋﺰﻓﻪ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺍﻟﻘﺼﺮ ﻫﺬﺍ ﺑﺮﻏﻢ ﻓﺨﺎﻣﺘﻪ ﻭﻛﺒﺮﻩ ﻟﻜﻨﻪ ﺑﻼﺭﻭﺡ ﺑﻼﺣﻴﺎﻩ .. ﺳﻜﺎﻧﻪ ﻧﻔﺴﻬﻢ ﺣﺎﺳﻴﻦ ﺍﻧﻬﻢ ﻣﺶ ﻋﺎﻳﺸﻴﻦ ﺃﺻﻼ ... ﺃﻭ ﻋﺎﻳﺸﻴﻦ ﻣﻦ ﻗﻠﺔ ﺍﻟﻤﻮﺕ ...
...
ﺭﻫﻒ ﻛﺎﻧﺖ ﺑﺘﻤﺸﻲ ﻷﻣﻬﺎ ﺑﺶ ﺗﻘﻮﻟﻠﻬﺎ ﺍﻧﻬﺎ ﻏﺪﻭﺓ ﺑﺘﺮﻭﺡ ﻉ ﺣﻮﺵ ﺻﺎﺣﺒﺘﻬﺎ ﺑﺶ ﺗﻘﺮﻳﻬﺎ .. ﺑﺲ ﺳﻤﻌﺖ ﺻﻮﺕ ﺑﻜﻲ ﻣﺨﻨﻮﻕ .. ﺷﻘﻬﻪ ﺗﻄﻠﻊ ﻧﺼﻬﺎ ﻭﻳﻨﺒﻠﻊ ﺑﺎﻗﻴﻬﺎ ... ﺿﻴﻘﺖ ﻋﻴﻮﻧﻬﺎ ﺑﺨﻮﻑ ... ﻣﻦ ﺧﻮﻓﻬﺎ ﻟﻔﺖ ﻭﻭﻟﺖ ﻟﻠﺪﺍﺭ .. ﻓﺘﺤﺖ ﺍﻟﺒﺎﺏ ﺷﺒﺤﺖ ﻟﻠﺒﻨﻰ ﻟﻘﺘﻬﺎ ﺭﺍﻗﺪﻩ ... ﺳﻜﺮﺕ ﺍﻟﺒﺎﺏ ﻭﻗﻌﻤﺰﺕ ﻉ ﺳﺮﻳﺮﻫﺎ ﻭﺣﺎﺳﻪ ﺑﺨﻮﻑ ﺷﺪﻳﺪ ... ﺣﺎﺳﻪ ﺑﺤﺎﺟﻪ ﻣﻦ ﺍﻟﺒﺪﺍﻳﻪ ﻛﺎﻧﺖ ﺣﺎﺳﻪ ﺍﻥ ﻓﻲ ﺷﻲ ...
ﻗﻠﺒﻬﺎ ﻣﻘﺒﻮﺽ ﺑﻘﻮﺓ .. ﺧﺪﺕ ﺗﻠﻴﻔﻮﻧﻬﺎ ﻭﺗﻠﻘﺎﺋﻴﺎ ﺍﺗﺼﻠﺖ ﺑﺮﻗﻢ ﻣﻌﻴﻦ ﻭﻣﺶ ﻋﺎﺭﻓﻪ ﻋﻼﺵ ﺍﺗﺼﻠﺖ ﺑﻴﻪ ﻫﻮ ﺗﺤﺪﻳﺪﺍ ...
ﻛﺎﻥ ﻣﻘﻌﻤﺰ ﻉ ﻛﺮﺳﻲ ﻓﻲ ﺩﺍﺭﻩ ﻭﻳﻘﺮﺍ ﻓﻲ ﻛﺘﺎﺏ ﻣﻦ ﺗﺨﺼﺼﻪ ﻣﻦ ﺑﺎﺏ ﺍﻷﻃﻼﻉ .. ﺭﻥ ﺗﻠﻴﻔﻮﻧﻪ ﺷﺒﺤﻠﻪ ﻹﻥ ﻛﺎﻥ ﺑﻌﻴﺪ ﻋﻠﻴﻪ .. ﺗﻨﺒﻞ ﻳﻨﻮﺽ ﻳﺠﻴﺒﻪ .. ﺑﻌﺪﻳﻦ ﻧﺎﺽ ﺑﻤﻠﻞ ﻭﺧﺪﺍﻩ ﻣﻦ ﻉ ﺍﻟﻜﺎﻣﺪﻳﻨﻮ ﻭﺍﻧﺼﺪﻡ ﻭﺧﺎﻑ ﻟﻤﺎ ﺷﺎﻑ ﺍﻹﺳﻢ ﺭﺩ ﻃﻮﻝ ..
ﺃﺳﻨﺎﻡ : ﺭﻫﻒ ..
ﺭﻫﻒ ﻓﻲ ﺑﺎﻟﻜﻮﻧﻪ ﺍﻟﺪﺍﺭ : ﺃﺳﻨﺎﻡ .. ﺍﻧﻲ ﺧﺎﻳﻔﻪ ..
ﺍﺳﻨﺎﻡ ﻗﻠﺒﻪ ﺑﻴﻮﻗﻒ ﻣﻦ ﺧﻮﻓﻪ ﻋﻠﻴﻬﺎ : ﺧﻴﺮﺭﺭﺭﻙ ﺭﺭﺭﻫﻒ ..
ﺭﻫﻒ ﺗﻨﻬﺪﺕ : ﺣﺎﺳﻪ ﻓﻲ ﺷﻲ ﺣﻴﺼﻴﺮ ﺣﺎﺳﻪ ﺑﺨﻮﻑ ﻳﺎﺃﺳﻨﺎﻡ ..
ﺍﺳﻨﺎﻡ ﺑﺨﻮﻑ : ﺭﻫﻒ .. ﻓﻬﻤﻴﻨﻲ ﺑﺎﻟﻠﻪ ﻋﻠﻴﻚ ﺷﻦ ﺻﺎﻳﺮ .. ﺗﺒﻲ ﻧﺠﻴﻚ ...
ﺭﻫﻒ : ﻻﻻ ﻧﺒﻴﻚ ﺗﺴﻤﻌﻨﻲ ﻭﺑﺲ ... ﻣﺶ ﻋﺎﺭﻓﻪ ﺷﻦ ﺣﻴﺼﻴﺮ .. ﺑﺲ ﻗﻠﺒﻲ ﻳﻘﻮﻟﻲ ﺍﻥ ﻓﻲ ﺷﻲ ﻣﺶ ﺣﻠﻮ ﺣﻴﺼﻴﺮ ...
ﺃﺳﻨﺎﻡ ﺗﻨﻬﺪ ﻭﺑﺼﻮﺕ ﻫﺎﺩﻱ : ﺭﻫﻒ ... ﺍﻫﺪﻱ ﺷﻮﻳﻪ ... ﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻫﻴﺎ ..
ﺭﻫﻒ : ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ .
ﺍﺳﻨﺎﻡ ﺍﺑﺘﺴﻢ : ﺑﺎﻫﻲ ﺗﻮﺍ ﺗﺼﻜﺮﻱ ﻣﻦ ﻫﻨﻲ ﺗﻤﺸﻲ ﺗﺘﻮﺿﻲ ﻣﻦ ﻫﻨﻲ ﻭﺗﺼﻠﻲ ﺑﻌﺪﻫﺎ ﺗﻔﺘﺤﻲ ﺍﻟﻤﺼﺤﻒ ﻭﺗﻘﺮﻱ ﻛﻼﻡ ﺭﺑﻲ ﺍﻟﻠﻲ ﻣﺎﻓﻴﺶ ﺷﻲ ﻳﺮﻳﺢ ﺯﻳﻪ ... ﻭﺑﻌﺪﻳﻦ ﺧﺸﻲ ﻓﺮﺍﺷﻚ ﻭﺣﻄﻲ ﺍﻳﺪﻙ ﻉ ﻗﻠﺒﻚ .. ﻭﺭﺩﺩﻱ ﺳﻮﺭﺓ ﺍﻟﺸﺮﺡ ﻟﻴﻦ ﻳﻐﻠﺒﻚ ﺍﻟﻨﻮﻡ .. ﺣﺘﺮﺗﺎﺣﻲ ..
ﺭﻫﻒ ﻃﻤﻨﻬﺎ ﻛﻼﻣﻪ ﻭﺣﺴﺖ ﺑﺮﺍﺣﻪ ﻋﺠﻴﺒﻪ : ﺷﻜﺮﺍ ﺳﻴﻤﻮ ..
ﺃﺳﻨﺎﻡ " ﻳﺎﺭﻭﺡ ﺭﻭﺡ ﺳﻴﻤﻮ :" ﺍﻟﻌﻔﻮ ... ﺍﻧﻲ ﻓﻲ ﺍﻟﺨﺪﻣﻪ ...
ﺭﻫﻒ : ﻣﺎﻋﻨﺪﻳﺶ ﺧﻮﺕ ﻭﻻﺩ ﻟﻜﻦ ﺭﺑﻲ ﻋﻮﺿﻨﻲ ﺑﻴﻚ ﺧﻮ ﺩﻧﻴﺎ ..
" ﻭﺍﺍﺍﺍﺍﻙ ﻣﻨﻚ ﻳﺎﺭﻫﻒ "
ﺍﺳﻨﺎﻡ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﻭﺍﺑﺘﺴﻢ ﺑﻀﻴﻖ : ﻛﻮﻳﺲ ... ﺍﻟﻤﻬﻢ ﺗﻮﺍ ﺩﻳﺮﻱ ﺍﻟﻠﻲ ﻗﺘﻠﻚ ﻋﻠﻴﻪ ...
ﺭﻫﻒ ﺍﺑﺘﺴﻤﺖ : ﺗﻤﺎﻡ ... ﺗﺼﺒﺢ ﻉ ﺧﻴﺮ ...
ﺃﺳﻨﺎﻡ " ﻳﺎﺍﺍﺍﺭﺏ ﺗﻮﻟﻲ ﻣﻦ ﺃﻫﻠﻲ :" ﻭﺍﻧﺘﻲ ﻣﻦ ﺃﻫﻠﻪ
ﺭﻫﻒ ﺻﻜﺮﺕ .. ﻭﻫﻮ ﺻﻜﺮ ﺑﺮﻏﻢ ﺿﻴﻘﻪ ﻣﻦ ﻛﻼﻣﻬﺎ ﺍﻷﺧﻴﺮ ﺑﺲ ﻓﺮﺡ ﺍﻧﻬﺎ ﻟﻤﺎ ﺣﺴﺖ ﺑﺎﻟﺨﻮﻑ ﺍﺗﺼﻠﺖ ﺑﻴﻪ ﻫﻮ ﻃﻮﻝ ...
ﺭﻫﻒ ﻧﻔﺪﺕ ﺍﻟﻠﻲ ﻗﺎﻝ ﻋﻠﻴﻪ ﺑﺎﻟﺤﺮﻑ ﻭﻓﻌﻼ ﺍﺭﺗﺎﺣﺖ ﻭﺧﺪﺍﻫﺎ ﺍﻟﻨﻮﻡ ...
***
ﺍﻟﻴﻮﻡ ﺍﻟﻠﻲ ﺑﻌﺪﻩ ﻛﺎﻥ ﻧﻀﺎﻝ ﻓﺮﺣﺎﻥ ﻭﻫﻮ ﻣﺎﺷﻲ ﻳﺤﻠﻞ ﺗﻘﻮﻝ ﺃﻭﻝ ﻣﺮﺓ ﻳﺘﺰﻭﺝ ﻭﻣﺸﺖ ﻣﻌﺎﻩ ﻳﺎﺭﺍ ﻳﻮﻣﻬﻢ ﻛﻠﻪ ﻛﺎﻥ ﻣﻊ ﺑﻌﺾ ﻭﻣﻌﺎﻫﻢ ﺟﺒﺮ ﺍﻟﻠﻲ ﺧﺪﻱ ﻉ ﻧﻀﺎﻝ ﻭﺣﺒﻪ ﻃﻮﻝ ..
ﻛﺎﻥ ﻛﻞ ﻭﻗﺖ ﺁﺫﺍﻥ .. ﻳﻮﻗﻒ ﻧﻀﺎﻝ ﻉ ﺍﻟﺠﺎﻣﻊ ﻳﺼﻠﻲ .. ﺑﺲ ﻳﺎﺭﺍ ﻻ ...
ﺍﻳﻪ ﻳﺎﺭﺍ ﻣﺎﺗﺼﻠﻴﺶ ... ﻫﻜﻲ ﺑﻌﺾ ﺍﻟﻨﺎﺱ ﺷﺎﻳﻔﻴﻦ ﺍﻟﺒﻌﺪ ﻋﻦ ﺍﻟﺪﻳﻦ ﺍﻫﻢ ﺟﺰﺀ ﻣﻦ ﺻﻮﺭﺓ ﺍﻹﻧﺴﺎﻥ ﺍﻟﻤﺘﺤﺮﺭ ﻭﺍﻟﻤﺘﺤﻀﺮ ...
ﻭﻧﻀﺎﻝ ﻛﺎﻥ ﻧﺎﻭﻱ ﻳﺨﻠﻲ ﻳﺎﺭﺍ ﺗﻘﺮﺏ ﻣﻦ ﺍﻟﺪﻳﻦ ﺑﺲ ﺑﻄﺮﻳﻘﻪ ﻏﻴﺮ ﻣﺒﺎﺷﺮﺓ ..
ﺗﻢ ﺍﻟﻴﻮﻡ ﻭﻛﻞ ﺣﺪ ﻓﻴﻬﻢ ﺗﻮﺟﻪ ﻟﺤﻮﺷﻪ ﻭﻫﻤﺎ ﻛﻠﻬﻢ ﻟﻬﻔﻪ ﻟﻴﻮﻡ ﻏﺪﻭﺍ ...
ﺃﻣﺎ ﺣﻨﺎﻥ ﻓﻜﺎﻧﺖ ﺍﻟﺴﺎﻋﺎﺕ ﺗﻔﻮﺕ ﻋﻠﻴﻬﺎ ﺳﻨﻴﻦ ﻋﺬﺍﺏ .. ﺭﺍﺟﻠﻬﺎ ﺣﺐ ﻋﻤﺮﻫﺎ ... ﺣﻴﺘﺰﻭﺝ ﻏﻴﺮﻫﺎ ﺣﻴﻜﻮﻥ ﻣﻊ ﻏﻴﺮﻫﺎ .. ﺣﺮﻗﺔ ﻗﻠﺒﻬﺎ ﻣﺎﻓﻴﺶ ﺯﻳﻬﺎ ... ﻫﻠﺒﻪ ﻧﺴﺎﻭﻳﻦ ﺟﺮﺑﻮﺍ ﺇﺣﺴﺎﺳﻬﺎ ﻭﻳﻔﻬﻤﻮﺍ ﻋﻠﻴﻬﺎ ﻛﻮﻳﺲ .. ﺭﺑﻲ ﻳﺮﺑﻂ ﻉ ﻗﻠﻮﺑﻬﻢ
ﻧﻴﺮﻭﺯ ﻛﺎﻧﺖ ﻋﻨﺪﻫﺎ ﻳﻮﻣﻬﺎ ﺣﺴﺖ ﺑﻴﻬﺎ ﺇﻧﻬﺎ ﻣﺶ ﻣﺰﺑﻮﻃﻪ ﻭﻉ ﻗﺪ ﻣﺎﺣﺎﻭﻟﺖ ﺗﻔﻬﻢ ﺧﻴﺮﻫﺎ ﺣﻨﺎﻥ ﻛﺎﻧﺖ ﺗﺮﺩ ﺑﺄﺑﺘﺴﺎﻣﻪ " ﺧﻴﺮﻙ ﻧﻴﺮﻭﺯ ﻣﺎﻓﻲ ﺷﻲ ..."
ﻋﺎﺋﺸﻪ ﻟﻴﻠﺘﻬﺎ ﺍﺗﺼﻠﺖ ﺑﻴﻬﺎ ﻭﻗﻌﺪﺕ ﺗﻮﺍﺳﻲ ﻓﻴﻬﺎ ﻭﺣﻨﺎﻥ ﺗﺤﺎﻭﻝ ﺗﺒﺎﻥ ﻋﺎﺩﻳﻪ ﺑﺶ ﻣﺎﺗﺰﻳﺪﺵ ﻋﺎﺋﺸﻪ ﻷﻧﻬﺎ ﻣﺶ ﻧﺎﻗﺼﻪ ...
***
ﺗﺸﺒﺢ ﻟﻠﻘﻔﻄﺎﻥ ﻣﻌﻠﻖ ﻗﺪﺍﻣﻬﺎ ﻗﺼﻴﺮ ﻟﻨﺺ ﺍﻟﻔﺨﺪ ﻟﻮﻧﻪ ﺍﺑﻴﺾ ﻛﺮﻳﻤﻲ ﻭﻇﻬﺮﻩ ﻣﻔﺘﻮﺡ ﻭﻣﻦ ﻏﻴﺮ ﺃﻛﻤﺎﻡ ...
ﻣﻬﺎ ﺑﺼﺪﻣﻪ : ﻫﺬﺍ ﺷﻨﻮ !!! ؟
ﺇﻗﺒﺎﻝ ﺑﺈﺑﺘﺴﺎﻣﻪ : ﻫﺬﺍ ﻗﻔﻄﺎﻥ ﻣﻦ ﺃﺭﻗﻰ ﺩﺍﺭ ﺃﺯﻳﺎﺀ ﻓﺮﻧﺴﻴﻪ .. ﺣﺘﺤﻀﺮﻱ ﺑﻴﻪ ﺣﻔﻠﺔ ﻳﻮﻡ ﺍﻟﺴﺒﺖ ... ﻗﺪﻣﺘﻠﻬﺎ .. ﻻﺯﻡ ﺗﻌﻴﺸﻲ ﺳﻨﻚ ﺣﺒﻴﺒﺘﻲ ﻭﺗﺒﺮﺯﻱ ﺟﻤﺎﻟﻚ ﻭﺍﻧﻮﺛﺘﻚ .. ﻭﻓﻨﻔﺲ ﺍﻟﻮﻗﺖ ﺍﻟﻜﻞ ﻳﺘﻌﺮﻑ ﻉ ﺑﻨﺖ ﻣﻌﺎﻭﻳﻪ ﻋﺒﺪ ﺍﻟﻌﺰﻳﺰ ﺳﻴﺪﺓ ﺍﻷﻋﻤﺎﻝ ﺍﻟﻘﺎﺩﻣﻪ .. ﻛﻴﻒ ﺍﻧﻴﻘﻪ ﻭﺫﻭﻗﻬﺎ ﻋﺎﻟﻲ ﻭﻟﺒﻴﺴﻪ ..
ﺷﺒﺤﺘﻠﻬﺎ ﻣﻬﺎ ﻣﻦ ﻓﻮﻕ ﻟﻠﻮﻃﺎ ﻭﺷﺒﺤﺖ ﻟﻠﻘﻔﻄﺎﻥ ...
ﺇﻗﺒﺎﻝ ﺍﺑﺘﺴﻤﺖ ﺑﻤﻜﺮ : ﺍﻛﺴﺴﻮﺍﺭﺗﻪ ﻭﺣﺬﺍﺋﻪ ﻣﻌﺎﻩ .. ﻳﻠﻼ ﺑﺎﻱ ﻳﺎﺭﻭﺣﻲ ﻻﺯﻡ ﻧﺮﻭﺡ ... ﻣﺸﺖ ﺇﻗﺒﺎﻝ ﻣﺸﻴﺘﻬﺎ ﺍﻟﻤﻐﺮﻭﺭﺓ .. ﻭﻃﻠﻌﺖ ﻣﻦ ﺩﺍﺭ ﻣﻬﺎ ... ﺍﻟﺘﻔﺘﺖ ﺍﺑﺘﺴﻤﺘﻠﻬﺎ ﻭﺳﻜﺮﺕ ﺍﻟﺒﺎﺏ ...
ﻣﻬﺎ ﺷﺒﺤﺖ ﺑﺈﺯﺩﺭﺍﺀ ﺟﻬﺔ ﺍﻟﺒﺎﺏ ﺑﻌﺪﻳﻦ ﺷﺒﺤﺖ ﻟﻠﻘﻔﻄﺎﻥ ﻭﻗﺎﻟﺖ : ﺧﻠﻴﺘﻬﻮﻟﻚ ﺍﻧﺘﻲ ﻋﺮﺽ ﺍﻟﺠﺴﺪ ﻭﺍﻟﻘﺮﻑ ﻫﺬﺍ ﻣﺶ ﻟﻴﺎ ﻭﻻﺣﻨﺪﻳﺮﻩ ...
***
ﺗﺎﻧﻲ ﻳﻮﻡ ..
ﻳﻮﻡ ﺍﻟﺨﻤﻴﺲ ...
ﺍﺻﻌﺐ ﻳﻮﻡ ﺍﺳﻮﺃ ﻳﻮﻡ ﺑﺎﻟﻨﺴﺒﻪ ﻟﺤﻨﺎﻥ .. ﺍﺳﻮﺩ ﻳﻮﻡ ﻓﺤﻴﺎﺗﻬﺎ ..
ﻛﺎﻧﺖ ﺗﻔﻄﺮ ﻣﻊ ﺑﻨﺎﺗﻬﺎ ... ﻭﺍﻟﻐﺮﻱﺏ ﺍﻥ ﺍﺑﺘﺴﺎﻣﺘﻬﺎ ﻣﺎﻓﺎﺭﻗﺘﺶ ﻭﺟﻬﻬﺎ ﻭﻛﺎﻧﺖ ﺗﺒﺼﺮ ﻭﺗﻀﺤﻚ ..
ﻟﺒﻨﻰ ﻛﺎﻧﺖ ﻭﺍﺧﺪﻩ ﺍﻟﻤﻮﺿﻮﻉ ﻋﺎﺩﻱ .. ﺑﺲ ﺭﻫﻒ ﺍﻟﻠﻲ ﺳﻤﻌﺖ ﺻﻮﺕ ﺑﻜﺎﻫﺎ ﻟﻴﻠﺘﻬﺎ ﺯﺍﺩﺕ ﺧﺎﻓﺖ ...
ﺗﺴﻘﺪ ﻓﻴﻬﻢ ﻗﺪﺍﻡ ﺍﻟﺒﺎﺏ
ﺣﻨﺎﻥ ﺑﻀﺤﻜﻪ : ﻣﺎﻓﻴﺶ ﻣﺸﻜﻠﻪ ﺣﺒﻴﺒﺘﻲ .. ﺑﺮﻳﻠﻬﺎ ﻋﺎﺩﻱ ﺑﺲ ﻣﻊ ﺍﻟﻤﻐﺮﺏ ﺗﻜﻮﻧﻲ ﻓﻲ ﺍﻟﺤﻮﺵ ..
ﺭﻫﻒ : ﺣﺎﺿﺮ ...
ﻟﺒﻨﻰ : ﻣﺎﻣﺎ ﺑﺎﺑﺎ ﻣﺎﺯﺍﻝ ﻣﻄﻮﻝ .. ﺑﻜﻞ ﻣﺎﻛﻠﻤﻨﺎﺵ ﻣﻦ ﻟﻤﺎ ﺳﺎﻓﺮ ﺍﻧﻲ ﻭﺭﻫﻒ ...
ﺭﻫﻒ ﺷﺒﺤﺖ ﻟﻠﺒﻨﻰ : ﺍﻳﻪ ﺻﺢ ..
ﺣﻨﺎﻥ ﺍﺑﺘﺴﻤﺖ ﺑﺄﻟﻢ : ﺑﺎﺑﺎ ﻣﺸﻐﻮﻝ ... ﻣﺸﻐﻮﻝ ﻫﻠﺒﻪ ﻭﺳﻔﺮﺗﻪ ﻣﺎﺯﺍﻝ ﻣﻄﻮﻟﻪ ..
ﺑﻨﺎﺗﻬﺎ ﺣﺴﻮﺍ ﺑﺸﻲ ﻣﻦ ﻧﺒﺮﺓ ﺻﻮﺗﻬﺎ ﻣﻼﻣﺢ ﻭﺟﻮﻫﻬﻢ ﺗﻐﻴﺮﺕ ...
ﻫﻲ ﺭﻛﺰﺕ ﻭﺍﺩﺍﺭﻛﺖ ﺍﻟﻤﻮﻗﻒ ﻭﺑﻀﺤﻜﻪ : ﻟﻜﻦ ﻗﺎﻝ ﺣﻴﺮﻭﺡ ﻓﺠﺄﺓ ﺍﻟﻠﻪ ﺃﻋﻠﻢ ... ﺍﻣﺘﻰ ﻭﻛﻴﻒ ﺣﻴﺪﻳﺮﻫﺎ
ﺿﺤﻜﻮﺍ ﺍﻟﺰﻭﺯ ....
ﺣﻨﺎﻥ : ﺍﻣﻤﻢ .. ﻫﻴﺎ ﻋﻄﻠﺘﻮﺍ ... ﻭﺍﻧﺘﻲ ﺑﺎﺻﻚ ﻛﻠﻜﺲ ﺷﻜﻠﻪ ...
ﻟﺒﻨﻰ ﺳﻤﻌﺎﺗﻪ : ﺍﻳﻪ ﻫﻮ ... ﺑﺎﺳﺘﻬﺎ ﻭﻣﺸﺖ ﺗﺠﺮﻱ ...
ﺍﻣﺎ ﺭﻫﻒ ﺷﺒﺤﺖ ﻷﻣﻬﺎ ﻭﺣﻨﺎﻥ ﺗﺸﺒﺤﻠﻬﺎ ﺑﺈﺳﺘﻐﺮﺍﺏ ...
ﺭﻫﻒ ﺣﻀﻨﺖ ﺃﻣﻬﺎ ﻭﺑﻌﺪﺕ : ﺩﻳﺮﻱ ﺑﺎﻟﻚ ﻉ ﺭﻭﺣﻚ ..
ﺣﻨﺎﻥ ﺑﻀﺤﻜﻪ : ﻫﻬﻬﻬﻬﻬﻬﻪ ﺍﻧﺘﻲ ﺍﻟﻠﻲ ﺩﻳﺮﻱ ﺑﺎﻟﻚ ﻉ ﺭﻭﺣﻚ ﻭﻣﺎﺗﻌﻄﻠﻴﺶ ...
ﺭﻫﻒ ﺍﺑﺘﺴﻤﺖ ﻭﻟﻔﺖ ﻭﻣﺸﺖ ﺭﻛﺒﺖ ﺳﻴﺎﺭﺗﻬﺎ ﻭﻃﻠﻌﺖ ﺑﻴﻬﺎ ﻭﺍﻟﺒﺎﺏ ﺗﺼﻜﺮ ﺍﺗﻮﻣﺎﺗﻴﻜﻴﺎ ...
ﺣﻨﺎﻥ ﺳﻜﺮﺕ ﺍﻟﺒﺎﺏ ﺍﻟﺤﻮﺵ ... ﻗﻌﺪﺕ ﺷﺪﺍﺗﻪ ﻭﻭﺍﻗﻔﻪ ﻋﻠﻴﻪ ﻭﺭﺍﺳﻬﺎ ﻟﻮﻃﺎ ﻭﻋﻴﻮﻧﻬﺎ ﻣﻐﻤﻀﺎﺕ ... ﻗﺎﻣﺖ ﺭﺍﺳﻬﺎ ﻭﺍﻟﺘﻔﺘﺖ ... ﺣﻄﺖ ﺍﻳﺪﻳﻬﺎ ﻓﻨﺼﻬﺎ ﻭﺷﺒﺤﺖ ﻟﻠﺤﻮﺵ ... ﻭﻭﺯﻋﺖ ﻧﻈﺮﻫﺎ ﻋﻠﻴﻪ ...
ﺑﻌﺪ ﺷﻮﻱ ...
ﺍﻧﻄﻠﻘﺖ ﺍﺿﻢ ﻓﻴﻪ ...
ﻛﻨﺴﺖ ﺍﻟﺼﺎﻟﻪ ﻛﻠﻬﺎ ﺑﺎﻟﻤﻜﻨﺴﻪ ﺍﻟﻜﻬﺮﺑﺎﺋﻴﻪ ... ﻧﻒﺿﺖ ﺍﻟﻜﻨﺎﺑﺎﺕ ... ﻣﺴﺤﺖ ﺍﻟﻜﺮﺍﺳﻲ ... ﻭﺍﻟﻔﺮﺍﺷﺎﺕ ...
ﺧﺸﺖ ﻟﻠﻤﺮﺑﻮﻋﻪ .. ﺣﻄﺖ ﻣﻨﺎﺩﻳﺮ ﺍﻟﺠﻠﺴﻪ ﻉ ﺑﻌﺾ ﻛﻨﺴﺘﻬﺎ ﻛﻠﻬﺎ .. ﻭﺑﻌﺪﻳﻦ ﻗﻌﺪﺕ ﺗﻨﻔﺾ ﻓﻲ ﺍﻟﻤﻨﺎﺩﻳﺮ ﻭﺭﺟﻌﺖ ﻓﺮﺷﺘﻬﻢ .. ﻭﻟﻤﻌﺖ ﺍﻟﻄﺎﻭﻟﻪ .. ﻭﻣﺴﺤﺖ ﺍﻟﺘﻠﻔﺰﻳﻮﻥ ﺍﻟﻠﻲ ﻓﻴﻬﺎ ..
ﻭﻣﺴﺤﺖ ﺍﻟﺮﻭﺷﻦ .. ﻃﻠﻌﺖ ﻣﻨﻬﺎ ﺳﻜﺮﺗﻬﺎ
ﺗﻮﺟﻬﺖ ﻟﻠﻜﻮﺟﻴﻨﻪ ... ﻗﻠﺒﺖ ﺍﻟﺪﻭﺍﻟﻴﺐ ﻭﻧﻈﻔﺘﻬﻢ .. ﻧﻈﻔﺖ ﺍﻟﺘﻼﺍﺟﻪ ﻭﺍﻟﻔﺮﻳﺰ ... ﺳﻴﻘﺘﻬﺎﻛﻤﻠﺖ ﻭﻃﻠﻌﺖ ..
ﻧﻈﻔﺖ ﺍﻟﺪﺭﻭﺝ ﻭﺭﻛﺒﺖ ﻟﻠﺪﻭﺭ ﺍﻟﺘﺎﻧﻲ ﺑﺎﻟﻤﻜﻨﺴﻪ ﺍﻟﻜﻬﺮﺑﺎﺋﻴﻪ ... ﻛﻨﺴﺎﺗﻪ ﻛﻠﻪ ... ﻭﺿﻤﺎﺗﻪ .. ﺡﺗﻰ ﺍﻟﺒﻼﻛﻮﻧﻪ ... ﺣﻮﻟﺖ ﻣﺰﻫﺮﻳﻪ ﺍﻟﻮﺭﺩ ﺍﻟﻠﻲ ﻓﻴﻬﺎ ﻭﺭﺩ ﺗﻮﻟﻴﺐ ﻳﺎﺑﺲ
ﻧﺰﻟﺖ ﺗﺤﺖ ﺑﻴﻬﺎ ﺗﺤﺖ ﺣﻄﺖ ﺍﻟﻮﺭﺩ ﺍﻟﻠﻲ ﻓﻴﻬﺎ ﻣﻊ ﺑﺎﻗﻲ ﺍﻟﻮﺭﺩ ﺍﻟﻤﺠﻔﻒ ﻭﺍﻟﻔﺎﺯﺍ ﺩﺳﺘﻬﺎ ... ﻣﺸﺖ ﻟﻠﻔﺎﺯﺍ ﻟﻠﻲ ﺗﺤﺖ ﺍﻟﺮﻭﺷﻦ ﻗﻌﺪﺕ ﺗﺸﺒﺤﻠﻬﺎ .. ﺣﻮﻟﺖ ﺍﻟﻮﺭﺩ ﺍﻟﻠﻲ ﻓﻴﻬﺎ ﻭﺣﻄﺖ ﻓﻲ ﻣﻜﺎﻧﻪ ﺍﻟﻮﺭﺩ ﺍﻟﻤﻮﻑ ... ﻗﺮﺭﺕ ﺗﺨﻠﻴﻬﺎ ﻫﻲ ﺑﺲ ﻓﺎﻟﺤﻮﺵ ﻛﻠﻪ .. ﺑﻌﺪﻳﻦ ﺑﺪﺕ ﺗﻠﻤﻊ ﻓﻲ ﺍﻟﺮﻭﺍﺷﻦ ﻛﻠﻬﻢ ...
ﻣﻜﺎﻧﺘﺶ ﻋﺎﻃﻴﻪ ﻧﻔﺴﻬﺎ ﻓﺮﺻﻪ ﺗﺮﺗﺎﺡ ﻗﺼﺪﺍ ..
ﺧﺸﺖ ﻧﻈﻔﺖ ﺍﻟﺤﻤﺎﻣﺎﺕ ﺣﺘﻰ ﺣﻤﺎﻣﺎﺕ ﺍﻟﻀﻴﻮﻑ ...
ﺑﻌﺪﻳﻦ ﻃﻮﻝ ﺭﻛﺒﺖ ﻓﻮﻕ .. ﻭﺭﺟﻠﻴﻬﺎ ﺭﻓﻌﻮﻫﺎ ﻟﺪﺍﺭ ﺍﻟﻨﻮﻡ ﻉ ﺃﺳﺎﺱ ﺑﺘﻨﻈﻔﻬﺎ ...
ﺍﻭﻝ ﻣﺎﻓﺘﺤﺖ .. ﺷﻤﺖ ﺭﻳﺤﺘﻪ ... ﻭﺭﻳﺤﺔ ﺫﻛﺮﻳﺎﺗﻬﺎ ﻣﻌﺎﻩ .. ﻭﺗﺸﺒﺢ ﻟﺪﺍﺭ ﺍﻟﻨﻮﻡ ﺍﻟﻠﻲ ﻋﻤﺮﻫﺎ 15 ﺳﻨﻪ ﺣﺎﺟﻪ ﺻﺢ ﻭﺃﺻﻠﻴﻪ ﺣﻨﺎﻥ ﻣﺎﻛﺎﻧﺘﺶ ﺗﺒﻲ ﺗﻐﻴﺮﻫﺎ ﻛﺎﻧﺖ ﻣﺤﺎﻓﻈﻪ ﻋﻠﻴﻬﺎ ﻛﻮﻳﺲ ..
ﻣﻼﻣﺢ ﻭﺟﻬﻬﺎ ﺗﺒﺪﻟﺖ ﺗﻤﺸﻲ ﺑﺨﻄﻮﺍﺕ ﺛﻘﻴﻠﻪ ﺟﻬﺔ ﺍﻟﺴﺮﻳﺮ ﻗﻌﻤﺰﺕ ﺑﻴﺄﺱ ﻭﺃﺣﺒﺎﻁ ... ﺗﺸﺒﺤﻠﻪﺍ ﻛﻠﻬﺎ ... ﻣﺎﺯﺍﻟﺖ ﻣﺶ ﻣﺴﺘﻮﻋﺒﻪ ﻣﺶ ﻣﺼﺪﻗﻪ ... ﺣﺎﻭﻟﺖ ﺑﺎﻟﻠﻲ ﺩﺍﺭﺍﺗﻪ ﺗﺸﻐﻞ ﻧﻔﺴﻬﺎ ﻭﺗﻬﺮﺏ ﻣﻦ ﺍﻟﻮﺍﻗﻊ ﺍﻷﻟﻴﻢ .. ﺑﺲ ﻣﺎﻗﺪﺭﺗﺶ ... ﺭﻗﺪﺕ ﻉ ﺳﺮﻳﺮﻫﺎ ﺑﺎﻟﺠﻨﺐ ... ﻏﻄﺖ ﺭﻭﺣﻬﺎ ﺑﺎﻟﻮﺭﻏﺎﻥ ﻛﻠﻬﺎ .. ﺗﻜﻤﺸﺖ ﻓﻲ ﺑﻌﻀﻬﺎ ﺗﺤﺖ ﺍﻟﻐﻄﺎ ... ﻭﺑﺪﺕ ﺗﺒﻜﻲ ... ﻣﻌﺎﺵ ﻗﺪﺭﺕ ﺗﻬﺮﺏ ﺃﻛﺜﺮ ﻣﻦ ﻫﻜﻲ ﻣﻦ ﻧﻔﺴﻬﺎ ﻭﻣﻦ ﺍﻟﺤﻘﻴﻘﻪ ﺍﻟﻤﺮﻩ ﺍﻟﻠﻲ ﺣﺘﺼﻴﺮ ﺍﻟﻴﻮﻡ
***
ﺍﻟﻴﻮﻡ ﻣﺎﻣﺸﺘﺶ ﻟﻠﻤﺪﺭﺳﻪ ﺣﺴﺖ ﺑﺘﻌﺐ ... ﻭﻣﺎﺧﺎﻃﺮﻩﺍﺵ ﺗﻤﺸﻲ .. ﺑﻮﻫﺎ ﻣﺎ ﺍﻫﺘﻤﺶ ﻫﻠﺒﻪ ﻟﻠﻤﻮﺿﻮﻉ ... ﻷﻧﻬﺎ ﻗﻠﻴﻞ ﺍﻟﻨﺎﺩﺭ ﻣﺎﺗﻐﻴﺐ ﻣﺶ ﺣﻴﺄﺛﺮ ﻫﺎﻟﻴﻮﻡ ﻭﻫﻮ ﻣﺘﺄﻛﺪ ﺍﻥ ﻫﻲ ﺑﺨﻴﺮ ﺣﺴﺐ ﻣﺎﻗﺎﻟﺘﻠﻪ ﻣﺮﺑﻴﺘﻬﺎ ..
ﻧﺰﻟﺘﻠﻪ ﺗﺒﻲ ﺗﻜﻠﻤﻪ ﺑﺨﺼﻮﺹ ﻣﻮﺿﻮﻉ ﺍﻟﻘﻔﻄﺎﻥ ﻭﻓﺒﺎﻟﻬﺎ ﻣﺴﺘﺤﻴﻞ ﺑﻮﻫﺎ ﻳﺮﺿﻰ ﻣﻬﻤﺎﻛﺎﻥ ﺑﻨﺘﻪ ﺗﻠﺒﺲ ﻫﻜﻲ ﻓﻲ ﻣﺠﻤﻊ ﻣﺨﺘﻠﻂ ...
ﻭﺻﻠﺖ ﻓﻲ ﻣﻜﺘﺒﻪ ﻭﻗﻔﺖ ﻟﻤﺎ ﺳﻤﻌﺎﺗﻪ ﻳﺪﻭﻱ ﻓﺎﻟﺘﻠﻴﻔﻮﻥ ﻭﻭﺍﺿﺢ ﺍﻟﻤﻮﺿﻮﻉ ﻋﻠﻴﻬﺎ ..
ﻣﻌﺎﻭﻳﻪ : ﺍﻟﺒﻨﺖ ﻣﻨﻐﻠﻘﻪ ﻭﺷﺨﺼﻴﺘﻬﺎ ﺿﻌﻴﻔﻪ .. ﻣﺶ ﻋﺎﺭﻑ ﻛﻴﻒ ﻧﺪﻳﺮ ﻣﻌﺎﻫﺎ ....... ﻛﻠﻢﺕ ﺇﻗﺒﺎﻝ ﺗﺘﻮﻟﻰ ﺃﻣﺮﻫﺎ ﻳﻮﻡ ﺍﻟﺤﻔﻠﻪ ....... ﻳﺎﻛﺮﻳﻢ ﺍﻓﻬﻤﻨﻲ ... ﻣﺎﻋﻨﺪﻱﺵ ﻏﻴﺮﻫﺎ ﻭﻋﺎﺭﻑ ﺍﻥ ﺃﻣﻠﻲ ﻛﻠﻪ ﻓﻴﻬﺎ ... ﺑﺲ ﻫﻲ ﺍﻟﺒﺎﻳﻦ ﻣﺶ ﺣﺘﻘﺪﺭ ... ﻣﺎﻋﻨﺪﻫﺎﺵ ﺛﻘﻪ ﺑﻨﻔﺴﻬﺎ ﻭﺗﺘﺤﺮﻙ ﺑﺎﻷﻭﺍﻣﺮ ﻭﺑﺲ ...
ﻣﻬﺎ ﻣﺼﺪﻭﻣﻪ ﻉ ﺍﻵﺧﺮ .. ﻭﻟﻔﺖ ﻭﺑﺘﻮﻟﻲ ﻣﻦ ﺣﻴﺚ ﻣﺎﺃﺗﺖ ..
ﻓﻲ ﺑﺎﻟﻬﺎ " ﺿﻌﻴﻔﻪ .. ﻭﻡﺍﻋﻨﺪﻳﺶ ﺛﻘﻪ ﻧﻔﺴﻲ .. ﻣﻤﻜﻦ ﻛﻼﻣﻪ ﺻﺢ ﺑﺲ ﻣﺎﺳﺄﻟﺶ ﺭﻭﺣﻪ ﺷﻦ ﺍﻟﻠﻲ ﺧﻼﻧﻲ ﻫﻜﻲ ... ﺷﻨﻮ ﻫﺎﻹﻧﺴﺎﻥ ﻫﺬﺍ .. ﻟﻜﻦ ﺑﺎﻫﻲ ﻳﺎﺑﺎﺑﺎ ... ﺣﺘﺸﻮﻑ ﺑﻨﺘﻚ ﻛﻴﻒ ﺗﻜﻮﻥ ﻟﻤﺎ ﺗﺘﺼﺮﻑ ﻣﻦ ﺭﺍﺳﻬﺎ ﻏﻴﺮ ﻳﺠﻲ ﻳﻮﻡ ﺍﻟﺴﺒﺖ ..." ﻭﺭﻛﺒﺖ ﻃﻮﻝ ﻟﺪﺍﺭﻫﺎ ...
***
ﺑﻌﺪ ﺍﻟﻤﻐﺮﺏ ...
ﻟﺒﻨﻰ ﺑﺪﻣﻮﻉ : ﺭﻭﺣﺖ ﻟﻘﻴﺘﻬﺎ ﺭﺍﻗﺪﻩ ﻗﻠﺖ ﺑﺎﻟﻚ ﺗﻌﺒﺎﻧﻪ .. ﻻﻥ ﺍﻟﺤﻮﺵ ﻛﺎﻥ ﻧﻈﻴﻒ ﺑﺰﻳﺎﺩﻩ ... ﻣﻌﻨﺎﻫﺎ ﻛﺎﻧﺖ ﺍﺿﻢ .. ﺭﻗﺪﺕ ﻭﻧﻀﺖ ﻗﺒﻞ ﺍﻟﻌﺼﺮ ... ﺍﺫﻥ .. ﻣﺶﻳﺖ ﺍﻧﻮﺽ ﻓﻴﻬﺎ ﻟﻘﻴﺘﻬﺎ ﺗﺮﻋﺶ ﻭﻋﻴﻮﻧﻬﺎ ﻣﺴﻜﺮﺍﺕ ﺣﻄﻴﺖ ﺍﻳﺪﻱ ﻉ ﺟﺒﻬﺘﻬﺎ ﻟﻘﻴﺘﻬﺎ ﻧﺎﺭ ... ﻛﻠﻤﺖ ﺧﺎﻟﺘﻲ ﻧﻴﺮﻭﺯ ﻭﺟﺖ ﻃﻮﻝ ...
ﺭﻫﻒ ﺑﺒﻜﻲ : ﻭﺍﻟﻠﻪ ﺣﺴﻴﺖ ﺍﻟﻠﻪ ﻓﻴﻬﺎ ﺣﺎﺟﻪ ...
ﻃﻠﻌﺖ ﻣﻦ ﺣﺪﺍﻫﺎ ﻧﻴﺮﻭﺯ ﻭﺟﺘﻬﻢ ..
ﻧﻴﺮﻭﺯ : ﺣﺒﻴﺒﺎﺗﻲ ﺗﺒﻜﻮﺍ !! ؟ﻣﺎﻓﻴﻬﺎ ﺷﻲ ﻣﺎﻣﺎ .. ﺣﺮﺍﺭﺓ ﻋﺎﺩﻱ ﻳﻌﻨﻲ ﻭﺍﻟﺪﻧﻴﺎ ﺻﻘﻌﺖ ...
ﺭﻫﻒ : ﻣﺎﻣﺎ ﻣﺎﺗﻤﺮﺿﺶ ..
ﻧﻴﺮﻭﺯ ﺑﻀﺤﻜﻪ : ﺷﻨﻮ ﻣﺶ ﺑﻨﺎﺩﻣﻪ ﺗﻤﺮﺽ ﺣﺒﻴﺒﺘﻲ ﻋﺎﺩﻱ ... ﺍﻃﻤﻨﻮﺍ ﺣﺒﻴﺒﺎﺗﻲ ﺍﻟﺼﺒﺢ ﺣﺘﻜﻮﻥ ﻛﻮﻳﺴﻪ .. ﻏﻴﺮ ﺍﺳﻬﺮﻭﺍ ﻋﻠﻴﻬﺎ ﺑﻜﻤﺪﺍﺕ ﻣﻴﻪ ﻣﺼﻘﻌﻪ ﻭ ﺧﻞ ﻭﺗﻨﻮﺽ ﺍﻟﺼﺒﺢ ﺯﻱ ﺍﻟﻔﺮﺱ ..
ﺿﺤﻜﻮﺍ ﻣﻦ ﺑﻴﻦ ﺩﻣﻮﻋﻬﻢ ...
ﻧﻴﺮﻭﺯ : ﻫﻬﻬﻬﻬﻬﻬﻬﻪ ... ﻫﻴﺎ ﺣﺒﻴﺒﺎﺗﻲ ﻃﻠﺒﺘﻠﻜﻢ ﻋﺸﻲ ﺗﻌﺸﻮﺍ ﻭﺍﻗﻌﺪﻭﺍ ﺣﺪﺍ ﻣﺎﻣﺘﻜﻢ ... ﺍﻧﻲ ﺑﻨﺮﻭﺡ ﻭﻗﺖ ﻋﻠﻴﺎ ... ﺗﺼﻴﺮ ﺍﻱ ﺣﺎﺟﻪ ﺍﻱ ﺣﺎﺟﻪ ﺍﺗﺼﻠﻮﺍ ﻃﻮﻝ ....
ﻫﺰﻭ ﺭﻭﺳﻬﻢ ﺑﺈﻳﺠﺎﺏ .. ﺳﻠﻤﺖ ﻋﻠﻴﻬﻢ ﻧﻴﺮﻭﺯ ﻭﺳﻘﺪﺗﻬﺎ ﺭﻫﻒ ...
ﻋﻨﺪ ﺍﻟﺒﺎﺏ ..
ﺭﻫﻒ : ﻣﺎﻣﺎ ﻓﻴﻬﺎ ﺣﺎﺟﻪ؟ !!
ﻧﻴﺮﻭﺯ ﺣﺎﺳﻪ ﺍﻥ ﻓﻲ ﺷﻲ ﻣﺎﺗﻌﺮﻓﺎﺵ ﺑﺲ ﺍﻇﺎﻫﺮﺕ ﺑﺎﻟﻌﻜﺲ : ﻻﻻ ﻣﺎﻓﻲ ﺷﻲ ﺣﺒﻴﺒﺘﻲ ﻟﻮﺣﻲ ﻣﻦ ﺭﺍﺳﻚ ﻫﺎﻷﻓﻜﺎﺭ ... ﺑﺎﺳﺖﻫﺎ .. ﻫﻴﺎ ﺯﻱ ﻣﺎﻭﺻﻴﺘﻜﻢ .. ﺗﺼﺒﺤﻮﺍ ﻉ ﺧﻴﺮ ...
ﻭﻣﺸﺖ ..
ﺭﻫﻒ : ﻭﺍﻧﺘﻲ ﻣﻦ ﺃﻫﻠﻪ .. ﻭﺻﻜﺮﺕ ﻭﺭﺍﻫﺎ ﺍﻟﺒﺎﺏ ...
***
ﻋﻨﺪ ﺍﻟﻌﺮﺳﺎﻥ ﺍﻟﻠﻲ ﺣﺒﻮﺍ ﻳﺤﺘﻔﻠﻮﺍ ﺑﺮﻭﺣﻬﻢ ﺑﺰﻭﺍﺟﻬﻢ ﺍﻟﺘﺎﻧﻲ ...
ﺑﻌﺪ ﺣﻄﺖ ﻳﺎﺭﺍ ﺟﺒﺮ ﻋﻨﺪ ﺻﺎﺣﺒﺘﻬﺎ ﺩﺍﻟﻴﺎ .. ﻭﺟﻬﺰﺕ ﺍﻟﺤﻮﺵ ﻛﻠﻪ ..
ﺭﻭﺣﻮﺍ ﻟﻠﺤﻮﺵ ﺑﻌﺪ ﺗﻌﺸﻮﺍ ﺑﺮﺍ ﻭﻛﺎﻧﺖ ﻓﺎﺗﺤﺘﻬﻢ ﺍﻧﻘﺮﺕ ﺑﻌﺪ ﺍﻟﻌﺼﺮ ...
ﺍﻭﻝ ﻣﺎﺧﺸﻮﺍ ...
ﻳﺎﺭﺍ ﺗﺸﺒﺤﻠﻪ ﻭﻫﻮ ﻛﺬﻟﻚ .. ﻧﻈﺮﺍﺕ ﻛﻠﻬﺎ ﺣﺐ ...
ﻳﺎﺭﺍ ﺑﺼﻮﺕ ﻫﺎﺩﻱ ﻭﺑﻌﺸﻖ : ﺃﻧﻲ ﺍﻟﻴﻮﻡ ﺍﻧﻜﺘﺒﻠﻲ ﻋﻤﺮ ﺟﺪﻳﺪ
ﻗﺮﺑﻠﻬﺎ ﻭﺷﺪ ﻳﺪﻫﺎ ﻭﺑﻌﺸﻖ : ﻭﺃﻧﻲ ﺍﻟﻴﻮﻡ ﺍﻧﻮﻟﺪﺕ ﻣﻦ ﺟﺪﻳﺪ .. ﺿﺤﻚ .. ﺯﻱ ﻣﺎﻳﻘﻮﻟﻮﺍ ﻳﻌﻨﻲ ..
ﻳﺎﺭﺍ ﺿﺤﻜﺖ ﺑﻌﺪﻳﻦ ﻗﺮﺑﺖ : ﻧﺤﺒﻚ ..
ﻧﻀﺎﻝ ﺑﻨﻈﺮﺓ ﻟﻬﻔﻪ ﻗﺮﺏ ﺃﻛﺜﺮ : ﻧﻤﻮﺕ ﻋﻠﻴﻚ ... ﻭﺑﺎﺳﻬﺎ ... ﻃﻮﻟﻮﺍ ﻟﺪﻗﺎﻳﻖ .. ﺑﻌﺪﻳﻦ ﻭﺧﺮﻭﺍ ...
ﻧﻀﺎﻝ ﺑﻌﺸﻖ : ﺣﻨﻌﻮﺿﻚ ﻉ ﻛﻞ ﺷﻲ ﻛﻞ ﺷﻲ ...
ﻳﺎﺭﺍ : ﻭﺍﻧﻲ ﺣﻨﺨﻠﻴﻚ ﺳﻌﻴﺪ ﻭﺣﻨﻌﻴﺸﻚ ﺍﻟﺤﺐ ﺍﻟﻠﻲ ﺗﺘﻤﻨﺎﻩ ...
ﺣﻀﻨﻮﺍ ﺑﻌﻀﻬﻢ .. ﺑﻌﺪﻳﻦ ﻗﺎﻣﻬﺎ ﻧﻀﺎﻝ ﻓﻲ ﺣﻀﻨﻪ ﻭﻫﻲ ﺗﻀﺤﻚ .
ﻭﻋﺎﺷﻮﺍ ﻟﻴﻠﺘﻬﻢ ...
ﺭﻗﺪﻭﺍ ﺑﺤﺪﺍ ﺃﻣﻬﻢ ﻛﻞ ﻭﺣﺪﻩ ﻣﻦ ﺟﻬﻪ ﻓﺎﻗﺖ ﺭﻫﻒ .. ﻉ ﺻﻮﺕ ﺍﻣﻬﺎ ﻭﻫﻲ ﺗﺨﺘﺮﻑ ﺷﺎﻓﺘﻬﺎ ﻟﻘﺘﻬﺎ ﺗﺒﻜﻲ ﻭﻫﻲ ﺭﺍﻗﺪﻩ ... ﻭﺗﻘﻮﻝ ﻓﻲ ﻛﻼﻡ ﻣﺶ ﻭﺍﺿﺢ .. ﺣﻄﺖ ﺇﻳﺪﻫﺎ ﻉ ﺟﺒﻬﺘﻬﺎ ... ﺣﺮﺍﺭﺗﻪﺍ ﻧﺰﻟﺖ .. ﻟﻜﻦ ﺍﻟﺒﺎﻳﻦ ﺣﻨﺎﻥ ﺗﺸﻮﻑ ﻓﻲ ﺣﻠﻢ ...
ﺭﻫﻒ ﺑﺨﻮﻑ : ﻣﺎﻣﺎ .. ﻣﺎﻣﺎ ... ﻫﺰﺗﻬﺎ ﺑﺎﻟﺸﻮﻳﻪ ..
ﺣﻨﺎﻥ ﻧﺎﺿﺖ ﻣﻔﺰﻭﻋﻪ ...
ﺭﻫﻒ : ﺍﺳﻔﻪ ..
ﺣﻨﺎﻥ ﻗﻌﺪﺕ ﺗﺸﺒﺤﻠﻬﺎ ﺑﻌﺪﻳﻦ ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ﺍﻟﻠﻲ ﻫﻲ ﻓﻴﻪ ﻭﺷﺒﺤﺖ ﻟﺠﻨﺒﻬﺎ ﻣﻦ ﺟﻬﺔ ﺍﻟﺘﺎﻧﻴﻪ ﻟﻘﺖ ﻟﺒﻨﻰ ﻛﻴﻒ ﺑﺪﺕ ﺗﻔﻴﻖ ...
ﻟﺒﻨﻰ ﺑﺨﻮﻑ : ﺧﻴﺮﻛﻢ ...
ﺣﻨﺎﻥ ﺑﺼﻮﺕ ﻳﺪﻭﺏ ﻃﺎﻟﻊ : ﺷﻦ .. ﺻﺎﺭ
ﺭﻫﻒ : ﻣﺎﻣﺎ ﺍﻧﺘﻲ ﻣﺮﺿﺘﻲ ﺣﺮﺍﺭﺗﻚ ﺍﺭﺗﻔﻌﺖ ﻭﻣﻦ ﺍﻟﻈﻬﺮ ﺭﺍﻗﺪﻩ ﻟﺘﻮﺍ ...
ﺣﻨﺎﻥ ﺑﺨﻠﻌﻪ : ﻗﺼﺪﻙ ﻣﺎﺻﻠﻴﺘﺶ ﺑﻜﻞ " ﺍﻟﻘﻠﺐ ﻟﻤﺎﻳﺘﻌﻠﻖ ﺑﺎﻟﺼﻼﻩ ..." ﺗﺮﺍ ﺣﻮﻟﻲ ﻣﺎﻣﺎ ﻟﺒﻨﻰ ... ﻧﺎﺿﺖ ﻟﺒﻨﻰ ﻭﻧﺎﺿﺖ ﺣﻨﺎﻥ ﻭﻃﻮﻝ ﺗﻮﺟﻬﺖ ﻟﻠﺤﻤﺎﻡ .. ﻭﺑﻨﺎﺗﻬﺎ ﻳﺸﻮﻓﻮﻟﻬﺎ ﺑﻌﺪ ﺷﻮﻱ ... ﻃﻠﻌﺖ ﻭﻟﺒﺴﺖ ﺍﻟﻤﺼﻠﻴﻪ ... ﻭﻓﺮﺷﺖ ﺍﻟﺼﻼﻳﻪ ﻭﺑﺪﺕ ﺗﺼﻠﻲ ...
ﺭﻫﻒ ﺑﺈﺑﺘﺴﺎﻣﻪ : ﺳﺮ ﻗﻮﺓ ﻣﺎﻣﺎ ﻭﺍﺿﺢ ..
ﻟﺒﻨﻰ ﺍﺑﺘﺴﻤﺖ ...
ﺻﻠﺖ ﻛﻞ ﺍﻟﺼﻠﻮﺍﺕ ﺍﻟﻠﻲ ﻓﺎﺗﻮﻫﺎ ﻭﺍﺭﺗﺎﺣﺖ ... ﺳﺒﺤﺎﻥ ﻣﻦ ﺍﻟﻠﻲ ﻧﺴﺎﻫﺎ ﻓﻲ ﻫﺎﻟﻠﺤﻈﺎﺕ ﺃﻟﻤﻬﺎ ... ﻛﻤﻠﺖ ﻭﻧﺎﺿﺖ ﺣﻮﻟﺖ ﺍﻟﻤﺼﻠﻴﻪ ﻟﻘﺖ ﺑﻨﺎﺗﻬﺎ ﻳﺘﺄﻣﻠﻮﺍ ﻓﻴﻬﺎ ... ﺍﺑﺘﺴﻤﺖ ﻭﻗﺮﺑﺖ ﻣﻦ ﺍﻟﺴﺮﻳﺮ ﻭﺧﺸﺖ ﻓﻲ ﻧﺼﻬﻢ ﻭﻓﺘﺤﺖ ﺍﻳﺪﻳﻬﺎ ﻭﺣﻀﻨﺘﻬﻢ ..
ﺣﻨﺎﻥ ﺑﻀﺤﻜﻪ : ﻓﻠﻮﺳﺎﺗﻲ .. ﺳﻬﺮﻭﺍ ﺣﺪﺍ ﺍﻣﻬﻢ ﻭﺭﺩﻭ ﺑﺎﻟﻬﻢ ﻣﻨﻬﺎ ...
ﺿﺤﻜﻮﺍ ﺍﻟﺰﻭﺯ ...
ﺭﻫﻒ : ﻳﺎﺍﺍﺍﻣﺎ ﺳﻬﺮﺗﻲ ﺣﺘﻰ ﺇﻧﺘﻲ ...
ﺣﻨﺎﻥ ﺑﺎﺳﺘﻬﺎ ﻉ ﺭﺍﺳﻬﺎ : ﻭﺍﺟﺒﻲ ...
ﻟﺒﻨﻰ : ﺣﺘﻰ ﺍﺣﻨﻲ ﻭﺍﺟﺒﻨﺎ ...
ﺣﻀﻨﺘﻬﻢ ﺍﻟﺰﻭﺯ ﺯﻳﺎﺩﻩ ﻭﻗﺎﻟﺖ : ﻫﻴﺎ ﺣﺒﻴﺒﺎﺗﻲ ﺧﻞ ﻧﺮﻗﺪﻭﺍ ﻣﻔﻜﺮﻩ ﻏﺪﻭﺓ ﻧﻄﻠﻌﻮﺍ ﺯﺭﺩﺓ ﺣﻨﻲ ﺍﻟﺘﻼﺗﻪ ﻓﻲ ﻣﻜﺎﻥ ﺣﻠﻮ ...
ﻟﺒﻨﻰ ﺑﻌﺪﺕ ﻭﺷﺒﺤﺘﻠﻬﺎ : ﺣﻘﻘﻘﻘﻪ ..!!
ﺣﻨﺎﻥ ﻭﺗﻘﻠﺪ ﻓﻲ ﺻﻮﺗﻬﺎ : ﺍﻳﻪ ﺣﻘﻘﻘﻘﻪ ...
ﺿﺤﻜﻮﺍ ﺍﻟﺘﻼﺗﻪ ..
ﺭﻫﻒ : ﺍﺣﺴﻦ ﺷﻲ ﺧﻞ ﻧﻐﻴﺮﻭﺍ ﺟﻮ ..
ﻟﺒﻨﻰ : ﻳﺎﺭﻳﺖ ﺑﺎﺑﺎ ﻣﻌﺎﻧﺎ ..
ﺭﻫﻒ : ﻣﺮﺓ ﺗﺎﻧﻴﻪ ﺇﻥ ﺷﺎﺀ ﺍﻟﻠﻪ ...
ﺣﻨﺎﻥ ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻫﻴﺎ ﺧﻼﺹ ﺍﺭﻗﺪﻭﺍ ﺍﻟﺴﺎﻋﻪ ...2
ﻏﻤﻀﻮﺍ ﻋﻴﻮﻧﻬﻢ ﻓﻲ ﺣﻀﻨﻬﺎ ﻭﺍﻟﺰﻭﺯ ﻗﺎﻟﻮﺍ : ﺗﺼﺒﺤﻲ ﻉ ﺧﻴﺮ ..
ﻭﻫﻲ ﺭﺩﺕ : ﺍﻧﺘﻢ ﻣﻦ ﺃﻫﻠﻪ ... ﻭﻓﻲ ﻋﻘﻠﻬﺎ ﺗﻔﻜﺮ ﻛﻴﻒ ﺣﺘﻔﺘﺢ ﻣﻊ ﺑﻨﺎﺗﻬﺎ ﻣﻮﺿﻮﻉ ﺯﻭﺍﺝ ﺑﻮﻫﻢ ﻭﻛﻴﻒ ﺣﺘﻜﻮﻥ ﺭﺩﺓ ﻓﻌﻠﻬﻢ ﻏﺪﻭﺓ ...
... ﻳﺘﺒﻊ ....
١٣ / ١٠ / ٢٠٢٠ · Facebook for Android · ﺭ
