ﺍﻟﺘﺎﻟﻲ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 13_
ﺃﺻﻌﺐ ﺃﻳﺎﻡ ﻣﺮﺕ ﻉ ﺣﻨﺎﻥ ﻫﺎﻷﻳﺎﻡ ... ﺃﺳﺒﻮﻉ ﺑﺎﻟﺰﺑﻂ ﻓﺎﺕ ﻉ ﻭﻓﺎﺓ ﻋﺎﺋﺸﻪ .. ﺣﻨﺎﻥ ﻛﺎﻧﺖ ﻓﻲ ﻗﻤﺔ ﺍﻟﺤﺰﻥ ﻋﻠﻴﻬﺎ .. ﺍﻏﻠﺐ ﻭﻗﺘﻬﺎ ﺩﻣﻌﺘﻬﺎ ﻉ ﺧﺪﻫﺎ ﻭﺣﺪﺍ ﻭﻟﺪ ﻋﺎﺋﺸﻪ ﻣﺤﻤﺪ ... ﺍﻟﻠﻲ ﻣﺮﺕ ﺑﻴﻪ ﻋﺎﺋﺸﻪ ﻣﺎﻛﺎﻧﺶ ﺳﺎﻫﻞ ﺑﻐﺾ ﺍﻟﻨﻈﺮ ﻋﻦ ﻛﻮﻧﻬﺎ ﻛﺎﻧﺖ ﻏﺎﻟﻄﻪ .. ﻟﻜﻨﻬﺎ ﺣﺒﺖ ﻣﻦ ﻗﻠﺒﻬﺎ ﻭﻋﺎﻧﺖ ﺑﺮﻭﺣﻬﺎ ﻭﺗﺤﻤﻠﺖ ﻫﻠﺒﻪ ﺣﺎﺟﺎﺕ ﺻﻌﺒﻪ ﺃﻛﺒﺮ ﻣﻦ ﺳﻨﻬﺎ .. ﻫﺎﻟﺸﻲ ﻛﺎﻧﺖ ﺣﻨﺎﻥ ﺷﺎﻫﺪﻩ ﻋﻠﻴﻪ ﻭﻋﺎﺷﺖ ﺟﺰﺀ ﻛﺒﻴﺮ ﻣﻨﻪ ﻣﻌﺎﻫﺎ ...
ﻭﺟﻌﺘﻬﺎ ﻧﻬﺎﻳﺘﻬﺎ ﺑﺮﻏﻢ ﺇﻧﻪ ﻛﻠﻪ ﻣﻜﺘﻮﺏ ﻣﻦ ﻋﻨﺪ ﺍﻟﻠﻪ ﻭﻻﺇﻋﺘﺮﺍﺽ .. ﺑﺲ ﻳﻮﺟﻊ ...
ﺃﺳﺎﻣﻪ ﻗﺎﻋﺪ ﻓﻲ ﺻﺪﻣﻪ ﻭﻟﻶﻥ ﻣﺶ ﻣﺴﺘﻮﻋﺐ ﺇﻟﻰ ﺍﻵﻥ ﻣﺎﺷﺎﻓﺶ ﻭﻟﺪﻩ ﺑﻜﻞ .. ﻋﺎﻳﺶ ﻓﻲ ﺣﺎﻟﺔ ﺗﺄﻧﻴﺐ ﺿﻤﻴﺮ ﻏﻴﺮ ﻋﺎﺩﻳﻪ ﻭﻣﺶ ﻗﺎﺩﺭ ﻳﺴﺎﻣﺢ ﻧﻔﺴﻪ .. ﺑﺮﻏﻢ ﻭﺟﻮﺩ ﻧﻀﺎﻝ ﺟﻨﺒﻪ ﺍﻟﻠﻲ ﺣﺎﻭﻝ ﻳﻬﻮﻥ ﻋﻠﻴﻪ ﻉ ﻗﺪ ﻣﺎﻳﻘﺪﺭ ﺑﺲ ﻣﺎﻓﻴﺶ ﻓﺎﻳﺪﻩ ..
ﻓﻲ ﻳﻮﻡ ...
ﺣﻨﺎﻥ ﻗﺎﻋﺪﻩ ﻣﻊ ﺑﻨﺎﺗﻬﺎ ﻓﻲ ﺣﻮﺵ ﻋﺎﺋﺸﻪ ... ﺗﻠﻢ ﻓﻲ ﺣﻮﺍﻳﺞ ﻋﺎﺋﺸﻪ ﺑﺶ ﺗﺼﺪﻗﻬﻢ ... ﻭﻣﻌﺎﻫﺎ ﻟﺒﻨﻰ ﻭﺭﻫﻒ ..
ﺭﻫﻒ : ﻣﺎﻣﺎ ﺣﻠﻴﺐ ﻣﺤﻤﺪ ﺗﻢ ...
ﺣﻨﺎﻥ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ : ﻛﻴﻒ ﻧﺴﻴﺖ ؟؟
ﻓﻜﺮﺕ ﺷﻮﻳﻪ ﺑﻌﺪﻳﻦ ﻃﻠﻘﺖ ﺍﻟﻠﻲ ﻓﻴﺪﻫﺎ ﻭﻃﻠﻌﺖ ﺑﺮﺍ .. ﺷﺎﻓﺖ ﺍﺳﺎﻣﻪ ﻣﻘﻌﻤﺰ ﻭﺳﺮﺣﺎﻥ ﻛﻌﺎﺩﺗﻪ ﻣﻦ ﻟﻤﺎ ﻣﺎﺗﺖ ﻋﺎﺋﺸﻪ ..
ﺣﻨﺎﻥ ﻗﺪﻣﺘﻠﻪ ﻭﺻﻠﺖ ﻓﻴﻪ : ﻭﺑﻌﺪﻳﻦ ...
ﺍﺳﺎﻣﻪ ﻭﻻ ﻛﻠﻤﻪ ..
ﺣﻨﺎﻥ : ﺍﻧﻲ ﺗﻮﻗﻌﺖ ﺍﻟﻠﻲ ﺻﺎﺭ ﻳﺨﻠﻴﻚ ﺗﻔﻴﻖ ﻭﺗﺤﺲ ﺑﺎﻟﻤﺴﺆﻭﻟﻴﻪ ﺍﻛﺜﺮ ﻭﻣﻤﻜﻦ ﻋﺎﺋﺸﻪ ﺍﻟﻠﻪ ﻳﺮﺣﻤﻬﺎ ﺗﻮﻗﻌﺖ ﻣﻨﻚ ﺗﺼﺤﺎ ﻟﻤﺎ ﺗﺴﻴﺒﻚ ﻟﻸﺑﺪ ... ﺍﺳﺎﺍﺍﺍﻡ
ﻩ ...
ﺍﺳﺎﻣﻪ ﻭﻻﺣﺮﻑ ..
ﺣﻨﺎﻥ ﺧﺒﻄﺖ ﺍﻳﺪﻫﺎ ﺑﻘﻮﻩ ﻉ ﺍﻟﻄﺎﻭﻟﻪ : ﻫﻲ ﻣﺎﺗﺖ ﺧﻼﺹ ﻣﻌﺎﺵ ﻳﻨﻔﻊ ﺍﻟﻠﻲ ﺩﻳﺮ ﻓﻴﻪ ... ﺗﻮﺍ ﺧﻠﻴﻚ ﻓﻲ ﺍﻟﺤﻲ ﻓﻮﻟﺪﻙ ﻭﻟﺪﻙ ﺍﻟﻠﻲ ﻣﺤﺘﺎﺟﻚ ﺍﻧﺖ ﺍﻛﺜﺮ ﻣﻦ ﻏﻴﺮﻙ .. ﻫﻮ ﻣﺴﺆﻭﻟﻴﺘﻚ ﺗﻮﺍ .. ﻭﻫﺎﺩﻱ ﺍﻛﺒﺮ ﻣﺴﺆﻭﻟﻴﻪ ﻳﺘﺤﻤﻠﻬﺎ ﺍﻱ ﺑﻨﻲ ﺁﺩﻡ ﻓﻲ ﺍﻟﺪﻧﻴﺎ ﺳﻮﺍ ﻛﺎﻥ ﺭﺍﺟﻞ ﺍﻭ ﻣﺮﺍﺓ ... ﻧﻮﺽ ﻳﻠﻼ ﻧﻮﺽ .. ﺑﺮﺍ ﺩﻭﺵ ﻭﺣﻠﻖ ﻭﺗﻮﺿﺎ ﻭﺻﻠﻲ ﺭﻛﻌﺘﻴﻦ ﻭﺍﻃﻠﺐ ﺍﻟﺮﺣﻤﻪ ﻟﻌﺎﺋﺸﻪ ﻭﺍﻃﻠﺐ ﻣﻦ ﺭﺑﻲ ﻳﻌﻴﻨﻚ ﻉ ﺻﻮﻥ ﺍﻣﺎﻧﺘﻪ ﻭﺃﻣﺎﻧﺘﻬﺎ ﻭﻟﺪﻙ ﻳﺎﺃﺳﺎﻣﻪ .. ﻣﺤﻤﺪ ...
ﺍﺳﺎﻣﻪ ﺩﻣﻮﻋﻪ ﻧﺰﻟﻮﺍ : ﺍﺧﺘﺎﺭﺕ ﺗﺴﻤﻴﻪ ﻣﺤﻤﺪ ﻉ ﺑﻮﻱ ﺍﻟﻠﻪ ﻳﺮﺣﻤﻪ ... ﺣﺘﻰ ﻭﻫﻲ ﺗﻤﻮﺕ ﺗﻔﻜﺮ ﻓﻴﺎ ... ﻳﺎﺍﺍﺍﻩ ﻳﺎﺣﻨﺎﻥ ﻗﺪﺍﺵ ﻛﻨﺖ ﻭﺍﻃﻲ ﻣﻌﺎﻫﺎ ﻭﻻ ﻣﺮﺓ ﺍﺳﺘﺤﻘﻴﺘﻬﺎ ﻳﺎﺣﻨﺎﻥ ..
ﺣﻨﺎﻥ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﺧﻼﺹ ﺩﺍﻣﻚ ﺍﻋﺘﺮﻓﺖ ﺑﺬﻧﺒﻚ ﻭﻋﺮﻓﺖ ﻏﻠﻄﻚ ﺻﻠﺤﻪ ﻭﻧﻮﺽ ﺷﻮﻑ ﻭﻟﺪﻙ ﺿﻤﻪ ﻭﺷﻤﻪ ﻭﺣﺲ ﺑﻴﻪ ... ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ .. ﻳﺸﺒﻬﻠﻚ ﻫﻠﺒﻪ ﻉ ﻓﻜﺮﻩ ..
ﺍﺳﺎﻣﻪ ﺷﺒﺤﻠﻬﺎ ﻭﺍﺑﺘﺴﻢ ﻭﺩﻣﻮﻋﻪ ﻳﻨﺰﻟﻮﺍ : ﺍﻫﻢ ﺣﺎﺟﻪ ﺧﺸﻤﻪ ﻣﺶ ﻛﺒﻴﺮ ﺯﻱ ﺧﺸﻤﻲ ... ﻣﺎﻧﺒﻴﺶ ﻧﺤﻂ ﺫﻧﺒﻪ ﺣﺘﻰ ﻫﻮ ﻓﺮﻗﺒﺘﻲ
ﺣﻨﺎﻥ ﺑﻀﺤﻜﻪ : ﺧﺶ ﺷﻮﻓﻪ ﺑﺮﻭﺣﻚ ...
ﻉ ﺧﺸﺔ ﻧﻀﺎﻝ ﺍﻟﻠﻲ ﺍﺳﺘﺎﻛﻪ ﻟﻤﺎ ﻟﻘﺎﻫﻢ ﻳﻬﺪﺭﺯﻭﺍ ﻭﻳﻀﺤﻜﻮﺍ .. ﺣﺲ ﺭﻭﺣﻪ ﺳﺨﻦ ﻭﻗﺘﻬﺎ ﺣﺘﻰ ﻣﻼﻣﺢ ﻭﺟﻬﻪ ﺑﺎﻥ ﻋﻠﻴﻬﻢ ﻋﺪﻡ ﺭﺿﺎﻩ ﻉ ﺍﻟﻠﻲ ﺷﺎﻓﻪ ...
ﻧﻀﺎﻝ ﺑﺤﺪﻩ : ﺍﻟﺴﻼﻡ ﻋﻠﻴﻜﻢ ..
ﺍﻟﺰﻭﺯ ﺭﺩﻭﺍ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻣﻠﻬﻢ ﻭﻗﺎﻝ : ﺣﺎﻟﻚ ﺍﺣﺴﻦ ﺍﻟﻴﻮﻡ ...
ﺍﺳﺎﻣﻪ ﺍﺑﺘﺴﻢ : ﺍﻟﺒﺮﻛﻪ ﻓﻲ ﺍﻟﻤﺪﻳﺮﻩ ...
ﺣﻨﺎﻥ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﺟﺖ ﺑﺘﺨﺶ ﺑﻌﺪﻳﻦ ﺍﻟﺘﻔﺖ : ﺍﻳﻪ ﺍﺳﺎﻣﻪ ﺑﻌﺪ ﺍﺩﻳﺮ ﺍﻟﻠﻲ ﻗﻠﺘﻠﻚ ﻋﻠﻴﻪ ﺟﻴﺐ ﺣﻠﻴﺐ ﻟﻤﺤﻤﺪ ..
ﺍﺳﺎﻣﻪ ﺍﺑﺘﺴﻢ : ﺣﺎﺿﺮ ...
ﺧﺸﺖ ﺣﻨﺎﻥ .. ﻭﻧﻀﺎﻝ ﻳﺘﻔﺮﺝ ﻉ ﺍﻟﻤﻮﻗﻒ ﻭﺣﺎﺟﺒﻪ ﻣﺮﻓﻮﻉ ﻻﺇﺭﺍﺩﻳﺎ ﻭﻣﺶ ﻋﺎﺟﺒﻪ ﺑﻜﻞ ﺍﻟﻠﻲ ﻳﺸﻮﻑ ﻓﻴﻪ ..
ﺃﺳﺎﻣﻪ : ﻧﺴﺘﺄﺫﻥ ﻧﻀﺎﻝ ﺷﻮﻳﻪ ﻭﺟﺎﻱ ..
ﻧﻀﺎﻝ : ﺧﻮﺩ ﺭﺍﺣﺘﻚ ..
ﺍﺳﺎﻣﻪ ﺍﺑﺘﺴﻢ : ﺣﺘﻰ ﺍﻧﺖ ﺧﻮﺩ ﺭﺍﺣﺘﻚ ﺍﻟﺤﻮﺵ ﺣﻮﺷﻚ ... ﻭﺧﺶ ﺍﺳﺎﻣﻪ ﺩﺍﺧﻞ ..
ﻧﻀﺎﻝ ﺍﺳﺘﺎﻗﺾ ﺍﻥ ﺣﻨﺎﻥ ﺩﺍﺧﻞ ﻭﺃﺳﺎﻣﻪ ﻛﺬﻟﻚ .. ﺧﺶ ﻃﻮﻝ ﻭﺭﺍﻩ ..
ﺍﺳﺎﻣﻪ ﺗﻮﺟﻪ ﻟﺪﺍﺭﻩ ﻳﺎﺧﺪ ﻓﻲ ﺣﻮﺍﻳﺠﻪ ..
ﺣﻨﺎﻥ ﻓﻲ ﺍﻟﻜﻮﺟﻴﻨﻪ ﻣﻊ ﺑﻨﺎﺗﻬﺎ .. ﻭﺧﺸﻠﻬﻢ ﻧﻀﺎﻝ ..
ﺭﻫﻒ ﺷﺎﻓﺎﺗﻪ : ﻛﻴﻒ ﺣﺎﻟﻚ ﺑﺎﺑﺎ ... ﻟﺒﻨﻰ ﻃﻠﻌﺖ ﻣﻦ ﺣﺪﺍﻩ .. ﻭﻫﻮ ﻳﺸﺒﺢ ﻟﻠﺒﻨﻰ ﻛﻴﻒ ﻃﺎﻟﻌﻪ ﺭﺩ ﻉ ﺭﻫﻒ : ﺍﻟﺤﻤﺪ ﻟﻠﻪ ...
ﺣﻨﺎﻥ : ﺭﻫﻒ ﺑﻨﺘﻲ .. ﺑﻌﺪ ﻳﻄﻠﻊ ﻋﻤﻚ ﺍﺳﺎﻣﻪ ﺣﻄﻲ ﺣﻮﺍﻳﺠﻪ ﻓﺎﻟﻐﺴﺎﻟﻪ ...
ﺭﻫﻒ : ﺣﺎﺿﺮ ...
ﻧﻀﺎﻝ : ﺍﻣﺘﻰ ﻣﺮﻭﺣﻴﻦ ..
ﺣﻨﺎﻥ : ﻣﺶ ﻋﺎﺭﻓﻪ ..
ﻧﻀﺎﻝ ﺑﺤﺰﻡ : ﺍﻟﻴﻮﻡ ﺭﻭﺣﻮﺍ ...
ﺣﻨﺎﻥ ﺷﺒﺤﺘﻠﻪ : ﻝ ..
ﻗﺎﻃﻌﻬﺎ ﻧﻀﺎﻝ : ﻗﻠﺖ ﺭﻭﺣﻮﺍ ... ﻗﻌﺪﺍﻛﻢ ﻫﻨﻲ ﻣﺎﻻﺵ ﻣﻌﻨﻰ ...
ﺣﻨﺎﻥ ﻣﻄﺖ ﺷﻮﺍﺭﺑﻬﺎ ﺑﺈﺳﺘﻴﺎﺀ ﻭﻗﺎﻟﺖ : ﺑﺎﻫﻲ ...
ﻧﻀﺎﻝ ﻃﻠﻊ ﻭﻗﻌﻤﺰ ﺑﺮﺍ ... ﺷﻮﻳﺔ ﻭﻃﻠﻊ ﺍﺳﺎﻣﻪ ... ﻗﻌﻤﺰﻭﺍ ﻫﺪﺭﺯﻭﺍ ﺷﻮﻳﻪ ﻭﻃﻠﻌﻮﺍ ﻣﻊ ﺑﻌﺾ ...
ﺣﻨﺎﻥ ﺗﻠﻢ ﻓﻲ ﺣﺎﺟﺘﻬﺎ ﻭﺣﺎﺟﺔ ﻣﺤﻤﺪ ﻹﻧﻬﺎ ﻧﺎﻭﻳﻪ ﺗﺮﻭﺡ ﺑﻴﻪ ..
ﺭﻫﻒ ﻭﻟﺒﻨﻰ ﻣﻊ ﺑﻌﺾ ﻣﻘﻌﻤﺰﻳﻦ ﺑﺮﺍ ..
ﻟﺒﻨﻰ : ﻭﺍﻟﻠﻪ ... ﻉ ﺃﻱ ﺍﺳﺎﺱ ﻳﺄﻣﺮ ﻓﻴﻬﺎ ... ﻳﻤﺸﻲ ﻳﺘﺄﻣﺮ ﻉ ﻫﺪﻳﻜﺎ ..
ﺭﻫﻒ : ﺧﻴﺮﻙ ﻧﺴﻴﺘﻲ ﻣﺎﻣﺎ ﻗﺎﻋﺪﻩ ﻉ ﺫﻣﺘﻪ ..
ﻟﺒﻨﻰ ﺳﻜﺘﺖ ﻭﻫﻲ ﻣﺶ ﻋﺎﺟﺒﻬﺎ ...
ﻃﻖ ﺑﺎﺏ ﺍﻟﺤﻮﺵ ..
ﺣﻨﺎﻥ ﻣﻦ ﺩﺍﺧﻞ : ﺍﻓﺘﺤﻮﺍ ﻫﺎﺩﻱ ﻧﻴﺮﻭﺯ ...
ﻧﺎﺿﺖ ﻟﺒﻨﻰ ﻭﻓﺘﺤﺖ .. ﺳﻠﻤﻮﺍ ﻉ ﺑﻌﺾ ﻭﺧﺸﻮﺍ ﺍﻟﺰﻭﺯ ...
ﻧﻴﺮﻭﺯ : ﺷﻦ ﺟﻮ ﺭﻫﻮﻓﻪ .. ﻭﺳﻠﻤﺖ ﻋﻠﻴﻬﺎ ..
ﺭﻫﻒ : ﺗﻤﺎﻡ ...
ﻧﻴﺮﻭﺯ : ﻭﻳﻦ ﻣﺎﻣﺎ ... ﻣﻊ ﻣﺤﻤﺪ ..
ﺭﻫﻒ : ﺍﻳﻪ ...
ﻧﻴﺮﻭﺯ : ﺑﺎﻫﻲ ... ﻭﺧﺸﺘﻠﻬﺎ ... ﺷﺎﻓﺘﻪﺍ ﺗﻠﻢ ﻓﻲ ﺑﻀﺎﻋﺘﻬﺎ ﻭﺍﻛﻴﺎﺱ ﺳﻮﺩ ﻛﺒﺎﺭ ﺑﺤﺪﺍﻫﺎ ... ﺳﻠﻤﺖ ﻋﻠﻴﻬﺎ ﻭﻗﺎﻟﺖ ...
ﻧﻴﺮﻭﺯ : ﺑﺘﺮﻭﺣﻲ ..
ﺣﻨﺎﻥ : ﺍﻳﻪ ...
ﻧﻴﺮﻭﺯ : ﻣﺶ ﻗﻠﺘﻲ ﺑﺘﻜﻤﻠﻲ ﺍﺳﺒﻮﻉ ﺗﺎﻧﻲ ...
ﺣﻨﺎﻥ ﺗﻨﻬﺪﺕ : ﻧﻀﺎﻝ ﻗﺎﻝ ﺭﻭﺣﻮﺍ ... ﻋﻨﺪﻩ ﺣﻖ ﻣﺶ ﺣﻠﻮﺓ ﻗﻌﺪﺗﻨﺎ ﺣﺘﻰ ﺍﻟﻨﺎﺱ ﻣﻌﺎﺵ ﺑﺪﺕ ﺗﺠﻲ .. ﻫﻤﺎ ﻳﺪﻭﺏ ﻫﺎﻟﻜﻢ ﺻﺪﻳﻖ ﻭﺻﺪﻳﻘﻪ ﻟﻴﻬﻢ ﻻﺃﻫﻞ ﻭﻻﻧﺎﺱ ..
ﻧﻴﺮﻭﺯ ﺑﺄﻟﻢ : ﺍﻟﻠﻪ ﻳﺮﺣﻤﻬﺎ ... ﻋﻨﺪﻫﺎ 6 ﺧﻮﺕ ﻭﻻﺩ ﻭﻻ ﻭﺍﺣﺪ ﻭﻗﻒ ﻓﻲ ﺟﻨﺎﺯﺗﻬﺎ ...
ﺣﻨﺎﻥ ﺑﺄﺳﻒ : ﻗﻠﻮﺏ ﻣﻦ ﺣﺠﺮ ...
ﻧﻴﺮﻭﺯ : ﻟﻸﺳﻒ ...
ﺷﻮﻳﻪ ﻭﻟﻤﻮﺍ ﺍﻟﺤﺎﺟﺎﺕ ﻭﻃﻠﻌﻮﺍ ﺑﻴﻬﺎ ﺟﺰﺀ ﻓﻲ ﺳﻴﺎﺭﺓ ﺭﻫﻒ ﻭﺟﺰﺀ ﻓﺴﻴﺎﺭﺓ ﻧﻴﺮﻭﺯ ... ﻭﻳﺮﺍﺟﻮ ﻓﻲ ﺃﺳﺎﻣﻪ ﺍﻣﺘﻰ ﻳﺮﻭﺡ ...
ﻧﻴﺮﻭﺯ : ﺯﻋﻤﺎ ﻳﺮﺿﻰ ﻭﻟﺪﻩ ﻳﻘﻌﺪ ﻋﻨﺪﻙ ...
ﺣﻨﺎﻥ : ﻋﻼﺵ ﻫﻮ ﻳﻘﺪﺭ ﻳﺘﺤﻤﻞ ﻣﺴﺆﻭﻟﻴﺘﻪ ﻭﻳﻌﺎﻧﻴﻪ .. ﻭﺍﻟﻠﻪ ﻣﺎﻣﺨﻠﻴﺎﺗﻪ ...
ﺧﺸﻮﺍ ﺃﺳﺎﻣﻪ ﻭﻧﻀﺎﻝ ....
ﺍﺳﺎﻣﻪ ﺷﺎﻓﻬﻢ ﻛﻴﻒ ﻣﻮﺗﻴﻴﻦ ﺃﺭﻭﺍﺣﻬﻢ ﺑﻴﻄﻠﻌﻮﺍ ﺍﺿﺎﻳﻖ ﻫﻠﺒﻪ ..
ﻋﻜﺲ ﻧﻀﺎﻝ ﻓﺮﺡ ﺍﻥ ﺣﻨﺎﻥ ﺳﻤﻌﺖ ﻛﻼﻣﻪ ...
ﺃﺳﺎﻣﻪ ﺍﺑﺘﺴﻢ : ﺧﻼﺹ ﻣﺮﻭﺣﻴﻦ ..
ﺣﻨﺎﻥ : ﺍﻳﻪ ... ﺩﺭﺗﻠﻚ ﻛﻢ ﺣﺎﺟﻪ ﻭﺣﻄﻴﺘﻬﻢ ﻓﻲ ﺍﻟﺜﻼﺟﻪ ﻭﻣﻨﻬﻢ ﺣﺎﻓﻈﺎﺕ ﻓﻲ ﺍﻟﻔﺮﻳﺰ ﺳﺨﻦ ﻭﻛﻮﻝ ...
ﻋﻨﺪﻙ ﺣﻮﺍﻳﺞ ﻣﻐﺴﻮﻻﺕ ﻭﻣﻜﻮﻳﺎﺕ ﻓﻲ ﺍﻟﺪﻭﻻﺏ ﻭﺣﻮﺍﻳﺞ ﺗﺎﻧﻴﺎﺕ ﻏﺴﻠﻨﺎﻫﻢ ﺑﻜﺮﻱ ﻭﻉ ﺍﻟﺤﺒﻞ .. ﺷﻮﻳﻪ ﻭﺩﺧﻠﻬﻢ ... ﻭﺑﺎﻟﻨﺲﺑﻪ ﻟﻤﺤﻤﺪ ﺑﻨﺮﻭﺡ ﺑﻴﻪ ﻣﻌﺎﻱ .. ﺗﺒﻲ ﻭﻻﻣﺎﺗﺒﻴﺶ ..
ﺍﺳﺎﻣﻪ ﻳﺴﻤﻌﻠﻬﺎ ﻭﻳﺸﻮﻓﻠﻬﺎ ﻛﻴﻒ ﺗﺘﻜﻠﻢ ... ﺣﻨﻮﻧﻪ ﻫﺎﻹﻧﺴﺎﻧﻪ ﻭﺗﻔﻜﺮ ﻓﻐﻴﺮﻫﺎ ﻫﻠﺒﻪ .. ﺃﻣﺎ ﻧﻀﺎﻝ ﻓﺤﺲ ﺑﺸﻌﻮﺭ ﻣﺨﻠﻴﻪ ﻳﻨﺤﺮﻕ ...
ﺍﺳﺎﻣﻪ ﺍﺑﺘﺴﻢ : ﺍﺳﺎﺳﺎ ﻛﻨﺖ ﺑﻨﻜﻠﻤﻚ ﻓﻲ ﺣﺎﺟﻪ ﺯﻱ ﻫﺎﺩﻱ ﻭﺗﺤﺸﻤﺖ ﺍﻟﻮﺿﻊ ﺯﻱ ﻣﺎﺗﺸﻮﻓﻮﺍ ﻓﻴﻪ ﻣﺎﻋﻨﺪﻱ ﺣﺪ ﻣﻊ ﺍﻷﺳﻒ ..
ﻧﻴﺮﻭﺯ : ﻻ ﻋﻨﺪﻙ ﻭﺧﻴﺎﺕ ﻭﺑﻨﺎﻭﻳﺖ ﺍﺧﺖ ﺯﻱ ﺍﻟﻌﺴﻞ .. ﺍﻧﺖ ﻏﻴﺮ ﻗﻮﻝ ﺍﻟﻮ ﻧﺒﻲ ﻫﺪﻳﻜﺎ ﺍﻟﺤﺎﺟﻪ ﺗﻠﻘﺎﻫﺎ ﻋﻨﺪﻙ ..
ﺍﺳﺎﻣﻪ ﺑﺈﺑﺘﺴﺎﻣﻪ : ﺑﺎﺭﻙ ﺍﻟﻠﻪ ﻓﻴﻜﻢ ... ﺍﻩ ﺣﻨﺎﻥ ... ﻗﺎﻡ ﺍﻟﺸﻜﺎﺭﻩ .. ﻫﺪﺍ ﺍﻟﺤﻠﻴﺐ ...
ﺣﻨﺎﻥ : ﻛﻮﻳﺲ ... ﻗﺪﻣﺘﻠﻪ ﻓﻴﺪﻫﺎ ﻣﺤﻤﺪ .. ﺧﻮﺩ ﺳﻠﻢ ﻋﻠﻴﻪ ... ﻭﻫﺎﺕ ﺍﻟﺸﻜﺎﺭﺓ .. ﺍﺑﺘﺴﻢ ﺍﺳﺎﻣﻪ ﻭﺧﺪﻱ ﻣﻨﻬﺎﻣﺤﻤﺪ ﻭﻗﻌﺪ ﻳﺸﻮﻓﻠﻪ ﻛﻴﻒ ﺭﺍﻗﺪ ﻭﻋﻴﻮﻧﻪ ﺗﻌﺒﻮﺍ ﺩﻣﻮﻉ ﺑﺎﺳﻪ ﺑﻠﻄﻒ ﺷﺪﻳﺪ ﻭﺷﻢ ﺭﻳﺤﺘﻪ ﻭﺣﺲ ﺭﻭﺣﻪ ﺑﻴﺒﻜﻲ ...
ﻛﻠﻬﻢ ﺗﺄﺛﺮﻭﺍ ﻭﺣﺴﻮﺍ ﺑﻴﻪ ﺣﻴﺒﻜﻲ ..
ﺣﻨﺎﻥ : ﺍﻣﺘﻰ ﺗﺒﻲ ﺗﺸﻮﻓﻪ ﺗﻌﺎﻟﻰ ...
ﻧﻀﺎﻝ : ﺍﺣﻤﻢ .. ﻓﻲ ﺍﻟﻨﻬﺎﺭ ﻃﺒﻌﺎ ...
ﺷﺒﺤﻮﻟﻪ ﻛﻠﻬﻢ ...
ﻣﺎﻋﺪﺍ ﺍﺳﺎﻣﻪ ﺍﻟﻠﻲ ﺭﺩ ﻭﻫﻮ ﻳﺸﺒﺢ ﻟﻮﻟﺪﻩ : ﻛﻠﻬﺎ ﻧﺺ ﺳﺎﻋﻪ ﻓﻲ ﺍﻟﻌﺸﻴﻪ ﻣﺶ ﺣﻨﻜﺘﺮ ...
ﺣﻨﺎﻥ ﺷﺒﺤﺖ ﻟﻨﻀﺎﻝ ﺑﺤﺪﻩ .. ﻭﻫﻮ ﻗﻌﺪ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ ...
ﺳﻠﻤﻮﺍ ﻋﻠﻴﻪ ﻭﻃﻠﻌﻮﺍ ..
ﺣﻨﺎﻥ ﻣﻊ ﻟﺒﻨﻰ ﻭﺭﻫﻒ ﻣﻌﺎﻫﻢ ﺗﺴﻮﻕ ... ﻭﻧﻴﺮﻭﺯ ﻭﺭﺍﻫﻢ ﻭﻧﻀﺎﻝ ...
ﻭﺻﻠﻮﺍ ﻟﻠﺤﻮﺵ ... ﻭﺧﺸﻮﺍ ﻭﻧﻀﺎﻝ ﺧﺶ ﻣﻌﺎﻫﻢ ...
ﺧﺸﻮﺍ ﻟﺪﺍﺧﻞ .. ﺍﻣﺎ ﻧﻀﺎﻝ ﺷﺪ ﺣﻨﺎﻥ ... ﻭﻗﻔﺖ ...
ﺣﻨﺎﻥ : ﺷﻦ ﻓﻲ ....
ﻧﻀﺎﻝ : ﺗﻘﺪﺭﻱ ﻋﻠﻴﻪ ..
ﺣﻨﺎﻥ : ﺷﻦ ﺍﻟﺴﺆﺍﻝ ﻫﺬﺍ ..
ﻧﻀﺎﻝ : ﻗﺼﺪﻱ ﻟﻴﻚ ﻭﻗﺖ ﻉ ﻣﻌﺎﻧﺎﺓ ﺍﻟﺼﻐﺎﺭ ...
ﺣﻨﺎﻥ ﺑﺮﻓﻌﺔ ﺣﻮﺍﺟﺐ : ﻧﻘﺪﺭ ﻣﺎﺗﺨﺎﻓﺶ ..
ﻧﻀﺎﻝ : ﻣﺎﻳﻘﻌﺪﺵ ﺍﺳﺎﻣﻪ ﻣﺎﺷﻲ ﺟﺎﻱ ﻉ ﺍﻟﺤﻮﺵ ﻣﺘﺴﺒﻞ ﺑﻴﻪ ..
ﺣﻨﺎﻥ ﺑﺈﺳﺘﻐﺮﺍﺏ : ﻧﻀﺎﻝ ﺧﻴﺮﻙ !!!
ﻧﻀﺎﻝ ﺑﺮﺑﻜﻪ : ﻣﺎﺧﻴﺮﻧﻲ ﺷﻲ .. ﻭﺭﻓﻊ ﺣﺎﺟﺒﻪ ﻭﻗﺎﻝ .. ﻣﻦ ﺣﻘﻲ ﻧﻘﻮﻝ ﻛﻼﻡ ﺯﻱ ﻫﺬﺍ ﺍﻧﺘﻲ ﻗﺎﻋﺪﻩ ﻉ ﺫﻣﺘﻲ ...
ﺣﻨﺎﻥ ﻣﺎﺧﺎﻃﺮﻫﺎﺵ ﺗﺎﺧﺪ ﻭﺗﻌﻄﻲ ﻣﻌﺎﻩ : ﺍﻃﻤﻦ ﺍﺳﺎﻣﻪ ﻧﻌﺮﻓﻮﻩ ﻣﻦ ﻋﻤﺮ ﻣﺤﺘﺮﻡ ﻭﺭﺍﺟﻞ ﺧﻠﻮﻕ ﻭﻣﺎﻋﻨﺪﺍﺵ ﻓﻲ ﺍﻟﺪﻭﺓ ﺍﻟﻔﺎﺿﻴﻪ .. ﻭﺍﻧﻲ ﻣﺮﺍﻋﻴﻪ ﺭﺑﻲ ﻛﻮﻳﺲ ﻭﺍﻧﺖ ﻋﺎﺭﻑ .. ﻭﺗﻮ ﻳﺎﺭﻳﺖ ﺗﺨﻠﻴﻨﻲ ﻧﺨﺶ ﻷﻧﻲ ﺗﺎﻋﺒﻪ ﻭﺍﻟﻌﻴﻞ ﺑﻴﻨﻮﺽ ﻣﻦ ﺍﻟﺪﻭﺷﻪ .. ﻭﻣﺸﺖ ﻭﺧﻼﺗﻪ ...
ﻫﻮ ﻗﻌﺪ ﻭﺍﻗﻒ ﺷﻮﻳﻪ .. ﺑﻌﺪﻳﻦ ﻟﻒ ﻭﻣﺸﻲ ...
ﺧﺸﺖ ﺣﻨﺎﻥ ﻣﺘﻜﻨﻄﻴﻪ ﺟﺘﻬﺎ ﻧﻴﺮﻭﺯ ﺳﺄﻟﺘﻬﺎ : ﺧﻴﺮﻩ ﺷﻦ ﻳﺒﻲ ...
ﺣﻨﺎﻥ ﺍﺻﻈﺮﺕ ﺗﻜﺬﺏ : ﺷﻲ ﻳﺴﺄﻝ ﻛﺎﻥ ﻧﺒﻮﺍ ﺣﺎﺟﻪ .. ﺧﻞ ﺑﻨﺮﻛﺐ ﻧﺮﻗﺪ ﺗﻌﺒﺎﻧﻪ ..
ﻧﻴﺮﻭﺯ ﺑﺄﺑﺘﺴﺎﻣﻪ : ﺑﺎﻩ ...
ﺭﻛﺒﺖ ﻓﻮﻕ ﻭﻣﺤﺘﺎﺭﻩ ﻭﻳﻦ ﺑﺘﺤﻂ ﻣﺤﻤﺪ ... ﻣﺎﻓﻜﺮﺗﺶ ﻓﻲ ﺣﺎﺟﻪ ﺯﻱ ﻫﺎﺩﻱ ﺑﻜﻞ ...
ﺭﻫﻒ ﺑﺈﺑﺘﺴﺎﻣﻪ : ﺧﻴﺮﻙ ﻣﺎﻣﺎ ﻭﺍﻗﻔﻪ ﻫﻜﻲ ..
ﺣﻨﺎﻥ ﺑﺈﺳﺘﻴﺎﺀ : ﻭﻳﻦ ﺑﻨﺤﻂ ﻣﺤﻤﺪ ...
ﺭﻫﻒ : ﺍﻧﻲ ﻧﻘﻮﻟﻚ ﻭﻳﻦ ﺗﺤﻄﻴﻪ ﺗﻌﺎﻟﻲ ...
ﺣﻨﺎﻥ ﺑﺮﻏﻢ ﺍﺳﺘﻐﺮﺍﺑﻬﺎ ﻣﺸﺖ ﻭﺭﺍﻫﺎ ﻟﻠﺪﺍﺭ ﺍﻟﻔﺎﺿﻴﻪ ﻓﺘﺤﺘﻬﺎ ﻭﻟﻤﺎ ﺷﺎﻓﺘﻬﺎ ﺣﻨﺎﻥ ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﻣﻦ ﺍﻟﺪﻫﺸﻪ ...
ﻛﺎﻧﻮﺍ ﻣﻔﺮﺷﻴﻦ ﺍﻟﺪﺍﺭ ﺑﺘﻔﺮﻳﺸﻪ ﺣﻠﻮﻩ ﻓﻴﻬﺎ ﺩﺍﺭ ﻧﻮﻡ ﻓﺮﺩﻳﻪ ﺣﻠﻮﻩ ﻭﺳﺮﻳﺮ ﺑﻴﺒﻲ ﺣﻠﻮ ﺑﺎﻟﻤﺮﺓ ...
ﻟﺒﻨﻰ ﻓﻲ ﺍﻟﺪﺍﺭ : ﺗﻌﺒﺖ ﻭﺍﻧﻲ ﻧﺨﺘﺎﺭ ...
ﺭﻫﻒ : ﺗﺮﺍ ﺍﺳﻜﺘﻲ ... ﺍﻧﻲ ﻭﺧﺎﻟﺘﻲ ﻧﻴﺮﻭﺯ ﻃﺎﺣﻮﺍ ﺭﺟﻠﻴﻨﺎ ﻭﺣﻨﻲ ﻧﺨﺸﻮﺍ ﻭﻧﻄﻠﻌﻮﺍ ﻭﻧﺪﻭﺭﻭﺍ ﻣﻦ ﻣﺤﻞ ﻟﻤﺤﻞ ﺣﺪﻙ ﺷﻔﺘﻴﻬﻢ ﻑ ﺍﻟﺼﻮﺭ ﻭﻭﺍﻓﻘﺘﻴﻨﺎ ﻓﻲ ﺍﻟﻠﻲ ﺍﺧﺘﺮﻧﺎﻩ ...
ﻧﻴﺮﻭﺯ : ﻫﻬﻬﻬﻬﻬﻬﻬﻬﻬﻬﻪ ..
ﻟﺒﻨﻰ :
ﺣﻨﺎﻥ ﺑﻔﺮﺣﻪ : ﺣﻠﻮﻭﻭﻭﺓ ﺑﺎﻟﻤﺮﺓ ... ﺭﺑﻲ ﻣﺎﻳﺤﺮﻣﻨﻲ ﻣﻨﻜﻢ ﻛﻠﻜﻢ ...
ﻟﻴﻠﺘﻬﺎ ﺣﻨﺎﻥ ﺭﻗﺪﺕ ﻓﻲ ﺩﺍﺭﻫﺎ ﺍﻟﺠﺪﻳﺪﻩ ﻭﻣﺤﻤﺪ ﺭﺍﻗﺪ ﻓﻲ ﺳﺮﻳﺮﻩ ... ﻭﻏﻴﺮ ﻳﻠﻴﻞ ﺍﻟﻠﻴﻞ ﺗﺨﻄﺮ ﺍﻟﻤﻮﺍﺟﻊ ... ﺧﻄﺮﺕ ﻋﻠﻴﻬﺎ ﻋﺎﺋﺸﻪ ﻭﺩﻣﻮﻋﻬﺎ ﻏﺴﻠﻮﺍ ﻣﺨﺪﺗﻬﺎ ﻟﻴﻠﺘﻬﺎ .. ﻭﻭﺍﺟﻌﻬﺎ ﻗﻠﺒﻬﺎ ﺑﺰﺍﻳﺪ ﻉ ﻣﺤﻤﺪ ﺍﻟﻠﻲ ﺍﻣﻪ ﺿﺤﺖ ﺑﺤﻴﺎﺗﻬﺎ ﺑﺶ ﻫﻮ ﻳﻌﻴﺶ ... ﻭﻫﺎﻟﺘﻀﺤﻲﻩ ﺣﺮﻣﺎﺗﻪ ﻣﻦ ﺍﺣﻦ ﻣﺨﻠﻮﻕ ﻋﻠﻴﻪ ﻓﺎﻟﺪﻧﻴﺎ
..
***
ﻣﻘﻌﻤﺰﺓ ﻉ ﺳﺮﻳﺮ ﺣﻨﺎﻫﺎ ﻭﺗﺴﻤﻊ ﻓﻲ ﻧﻘﺎﺵ ﺧﺎﻟﻬﺎ ﻣﻊ ﻣﺮﺗﻪ ﻭﻛﺎﻥ ﻳﻌﻠﻲ ﻓﺼﻮﺗﻪ ﻗﺼﺪﺍ ...
ﻋﺪﻱ ﺧﺎﻝ ﻣﻬﺎ : ﺧﻼﺍﺍﺍﺍﺹ ﺍﻟﻌﺰﻱ ﺗﻢ .. ﻭﺍﻧﻲ ﺍﻟﺤﻮﺵ ﺑﻨﻔﻀﻴﻪ ﻭﺑﻨﺒﻴﻌﻪ ﻗﻮﻟﻴﻠﻬﺎ ﺗﺮﻭﺡ ﻟﻘﺼﺮ ﺑﻮﻫﺎ ...
ﻣﺮﺗﻪ : ﻭﻃﻲ ﺻﻮﺗﻚ ﺣﺮﺍﻡ ﻋﻠﻴﻚ ﺑﻨﺖ ﺍﺧﺘﻚ ﺍﻟﻮﺣﻴﺪﻩ ..
ﻋﺪﻱ ﺑﻌﺼﺒﻴﻪ : ﺍﺧﺘﻲ ﺍﻟﻮﺣﻴﺪﻩ ﺍﻟﻠﻲ ﺑﻮﻫﺎ ﺿﻴﻌﻬﺎ ..
ﻣﺮﺗﻪ : ﻫﻴﺎ ﺷﻦ ﺫﻧﺒﻬﺎ ..
ﻋﺪﻱ : ﺫﻧﺒﻬﺎ ﺍﻧﻬﺎ ﺑﻨﺘﻪ ..
ﻣﻬﺎ ﺗﺴﻤﻊ ﻓﻴﻬﻢ ﻭﻣﻨﺰﻟﻪ ﺭﺍﺳﻬﺎ ﻟﻮﻃﺎ ﻭﺗﺒﻜﻲ ...
ﻣﺮﺗﻪ : ﺑﻪ ﻏﻴﺮ ﺧﻠﻴﻬﺎ ﺍﻟﻴﻮﻡ ﺑﺲ ..
ﻋﺪﻱ : ﻭﻻﺩﻗﻴﻘﻪ ﺯﻳﺎﺩﻩ ... ﻣﺸﻲ ﺑﺴﺮﻋﻪ ﺟﻬﺔ ﺍﻟﺪﺍﺭ ﻓﺘﺤﻬﺎ ﺑﺎﻟﻘﻮﺓ ﻭﺧﺶ : ﻳﻠﻼ ﻧﻮﺿﻲ ﺭﻭﺣﻲ ... ﺩﺭﺗﻲ ﻭﺍﺟﺒﻚ ﻭﺯﻳﺎﺩﻩ .. ﻭﻣﺎﺩﻣﺘﻲ ﺑﻨﺖ ﻫﺬﺍﻛﺎ ﻣﺎﻧﺒﻴﺶ ﻧﻌﺮﻓﻚ ..
ﻣﺮﻳﻢ ﺑﻐﻀﺐ : ﻧﻮﺿﻲ ﺑﻨﺘﻲ ﻧﻮﺿﻲ ..
ﻣﻬﺎ ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻪ .. ﻫﻮ ﺷﺎﻑ ﻓﻴﻬﺎ ﺻﻮﺭﺓ ﺍﺧﺘﻪ ﺍﻟﻠﻲ ﺑﺎﻟﻨﺴﺒﻪ ﻟﻴﻪ ﻛﺎﻧﺖ ﻛﻞ ﺷﻲ ﻭﻋﻼﻗﺘﻪ ﺑﻴﻬﺎ ﻗﻮﻳﻪ ﻫﻠﺒﻪ .. ﻭﻟﻶﻥ ﻣﺶ ﻣﺴﺘﻮﻋﺐ ﻣﻮﺗﻬﺎ ﻭﻃﺮﻳﻘﺔ ﻣﻮﺗﻬﺎ ﺍﻟﻠﻲ ﻣﺘﺄﻛﺪ ﺇﻧﻬﺎ ﻛﺎﻧﺖ ﺇﻧﺘﺤﺎﺭ ...
ﻋﺪﻱ ﺑﻘﺴﻮﺓ : ﻣﺎﺗﺸﺒﺤﻠﻴﺶ ﻫﻜﻲ .. ﻧﻮﻭﻭﻭﻭﺿﻲ ﻫﻴﺎﺍﺍﺍﺍﺍﺍﺍ
ﻧﺎﺿﺖ ﻣﻬﺎ ﻭﻫﻲ ﺗﺒﻜﻲ ﺑﺤﺮﻗﻪ ﻭﻣﻌﺎﻫﺎ ﻣﺮﻳﻢ ﻭﺧﺪﺕ ﺣﺎﺟﺘﻬﺎ ﻭﻃﻠﻌﻮﺍ ﻣﻦ ﺍﻟﺪﺍﺭ ﻣﺘﻮﺟﻬﻴﻦ ﺑﺮﺍ ... ﻟﺤﻘﺘﻬﻢ ﻣﺮﺕ ﻋﺪﻱ .. ﻭﻗﺎﻟﺖ : ﻣﻌﻠﻴﺸﻲ ﺍﻋﺬﺭﻭﻩ ﺑﺮﻏﻢ ﺍﻟﺴﻨﻴﻦ ﺍﻟﻠﻲ ﻓﺎﺗﺖ ﻉ ﻭﻓﺎﺓ ﺳﺎﻣﻴﻪ ﺍﻟﻠﻪ ﻳﺮﺣﻤﻬﺎ ﻟﺘﻮﺍ ﺟﺮﺡ ﻣﻮﺗﻬﺎ ﻣﺎﻃﺎﺑﺶ ...
ﻣﻬﺎ ﻣﺶ ﻗﺎﺩﺭﺓ ﺗﺘﻜﻠﻢ ..
ﻣﺮﻳﻢ : ﺍﻟﻠﻪ ﻳﺴﺎﻣﺤﻪ ﻭﺧﻼﺹ ...
ﻭﻃﻠﻌﻮﺍ ﺭﻭﺣﻮﺍ ...
....
ﻣﺮﻭﺣﻪ ...
ﻭﺍﺣﺪ ﻣﻦ ﺍﻟﺨﺪﻡ ﻓﻲ ﻗﺼﺮﻩ : ﺍﻳﻪ ﺗﻮﺍ ﻛﻠﻤﺘﻨﻲ ﻣﺮﻳﻢ ﻭﻗﺎﻟﺖ ﻣﺮﻭﺣﻴﻦ ..
ﻣﻌﺎﻭﻳﻪ : ﺳﺎﺩ ﺍﻟﻠﻲ ﻗﻌﺪﺍﺗﻪ ﻟﻴﻬﺎ ﻗﺮﻳﺐ ﺷﻬﺮ ﻟﺘﻮﺍ .. ﻭﺍﻣﺘﺤﺎﻧﺎﺕﻫﺎ ﺧﻼﺹ ﻗﺮﺑﻮﺍ ..
ﺳﻤﻊ ﺻﻮﺕ ﺍﻟﺴﻴﺎﺭﻩ ﺧﺎﺷﻪ ...
ﻧﺎﺽ ﻣﻦ ﻛﺮﺳﻴﻪ ﻭﻗﺪﻡ ﻟﻠﺮﻭﺷﻦ ﺷﺒﺤﻬﺎ ﻛﻴﻒ ﻧﺎﺯﻟﻪ ﺗﻔﺎﺟﺄ ﺑﺸﻜﻠﻬﺎ ... ﻛﺎﻧﺖ ﺿﺎﻋﻔﻪ ﻫﻠﺒﻪ .. ﻭﻻﺑﺴﻪ ﺍﻟﺤﺠﺎﺏ .. ﻣﺮﻛﺰﺵ ﻉ ﻟﺒﺴﻬﺎ ﻟﻠﺤﺠﺎﺏ .. ﺭﻛﺰ ﻉ ﺷﻜﻠﻬﺎ ﺍﻟﻠﻲ ﻭﻟﺖ ﻋﻠﻴﻪ .. ﻷﻭﻝ ﻣﺮﺓ ﻣﻌﺎﻭﻳﻪ ﻗﻠﺒﻪ ﻳﺎﻛﻠﻪ ﻫﻜﻲ ... ﺧﺎﻑ ﻋﻠﻴﻬﺎ .. ﻫﻮ ﻣﺶ ﺍﻭﻝ ﻣﺮﺓ ﻳﺨﺎﻑ ﻋﻠﻴﻬﺎ ﺑﺲ ﺍﻭﻝ ﻣﺮﺓ ﻫﺎﻹﺣﺴﺎﺱ ﻳﻜﻮﻥ ﻗﻮﻱ ﻟﻬﺎﻟﺪﺭﺟﻪ ...
ﻣﺎﺑﺎﺵ ﻳﻄﻠﻌﻠﻬﺎ ...
ﺍﻣﺎ ﻫﻲ ﻓﺨﺸﺖ ﻟﻠﻘﺒﺮ ﺯﻱ ﻣﺎﻣﺴﻤﻴﺎﺗﻪ ﻭﺭﻛﺒﺖ ﻟﺪﺍﺭﻫﺎ ﻭﻫﻲ ﺍﺷﺒﻪ ﺑﺎﻟﺠﺜﺔ ﻏﻴﺮ ﺗﺘﺤﺮﻙ ...
ﻓﻲ ﺍﻟﻤﻜﺘﺐ ...
ﻣﻌﺎﻭﻳﻪ : ﺍﻷﺳﺒﻮﻉ ﺍﻟﻠﻲ ﻗﺒﻞ ﺇﻣﺘﺤﺎﻧﺎﺗﻬﺎ ﺗﻤﺸﻲ ﻟﻠﻤﺪﺭﺳﻪ ...
: ﺣﻨﺒﻠﻎ ﻣﺮﻳﻢ ...
ﻣﻌﺎﻭﻳﻪ : ﻛﻮﻳﺲ .. ﻟﺒﺲ ﻧﻈﺎﺭﺍﺗﻪ ﻭﻃﻠﻊ ..
***
ﻣﻜﺎﻟﻤﻪ ﻫﺎﺗﻔﻴﻪ
ﺣﻨﺎﻥ : ﻭﺍﻟﻠﻪ ﻇﺮﻭﻑ ﻳﺎﺃﺳﺘﺎﺩ ﻣﻮﺳﻰ ..
ﻣﻮﺳﻰ : ﻟﻜﻦ ﺍﻧﺘﻲ ﻣﺮﺗﺒﻄﻪ ﻣﻌﺎﻧﺎ ﺑﺸﻐﻞ ﻟﻤﺎ ﺗﺘﺎﺧﺮﻱ ﻫﻜﻲ ﺣﺘﺼﻴﺮ ﻣﺸﺎﻛﻞ .. ﻭﺍﻋﺘﻘﺪ ﺍﻧﺘﻲ ﻣﺎﺗﺮﺿﻴﺶ ﺑﺸﻲ ﺯﻱ ﻫﺬﺍ ..
ﺣﻨﺎﻥ ﺍﻧﺤﺮﺟﺖ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ ﻭﺃﻟﺘﻔﺘﺖ ﻟﺴﺮﻳﺮ ﻣﺤﻤﺪ ﻭﻗﻌﺪﺕ ﺗﺸﺒﺤﻠﻪ ﻛﻴﻒ ﺭﺍﻗﺪ ﻭﺍﺑﺘﺴﻤﺖ : ﺧﻼﺹ ﺃﻥ ﺷﺎﺀ ﺍﻟﻠﻪ ﻣﻦ ﻏﺪﻭﺓ ﺣﻨﻜﻮﻥ ﻓﻲ ﺍﻟﻤﻜﺘﺐ ..
ﻣﻮﺳﻰ : ﻛﻮﻳﺲ ﻳﺎﺑﺎﺵ ﻣﻬﻨﺪﺳﻪ ﻧﺸﻮﻓﻮﻙ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ... ﺍﻟﺴﻼﻡ ﻋﻠﻴﻜﻢ ..
ﻣﻮﺳﻰ : ﻭﻋﻠﻴﻜﻢ ﺍﻟﺴﻼﻡ ..
ﺻﻜﺮﺕ ﺣﻨﺎﻥ ﻭﻗﻌﺪﺕ ﺗﻔﻜﺮ ﺷﻦ ﺍﺩﻳﺮ .. ﻗﻌﺪﺕ ﻣﺎﺷﻴﻪ ﺟﺎﻳﻪ ﻓﻲ ﺍﻟﺪﺍﺭ ﻭﺗﻔﻜﺮ .. ﻟﻴﻦ ﻭﺻﻠﺖ ﻟﺤﺎﺟﻪ ﻭﻓﺮﺣﺖ ﻫﻠﺒﻪ ﻟﻤﺎ ﻓﻜﺮﺕ ﻓﻴﻬﺎ ..
....
ﺗﺎﻧﻲ ﻳﻮﻡ ...
ﺣﻨﺎﻥ : ﺍﻧﻲ ﺟﺎﻳﺘﻚ ﺑﻨﻌﺮﺽ ﻋﻠﻴﻚ ﺍﻟﺨﺪﻣﻪ ﻫﺎﺩﻱ ﻭﺭﺍﺗﺒﻬﺎ ﺣﻴﻨﻔﻌﻚ ﻫﻠﺒﻪ .. ﻫﻲ ﺑﺲ ﻣﺪﻩ ﻗﻌﺎﺩ ﺻﻐﺎﺭﻙ ﻓﻲ ﺍﻟﻤﺪﺭﺳﻪ ﺗﺮﻭﺡ ﺑﻨﺘﻲ ﺍﻟﺼﻐﻴﺮﻩ ﺍﻧﺘﻲ ﺗﺮﻭﺣﻲ ..
ﺳﺎﻟﻤﻪ : ﻭﺍﻟﻠﻪ ﺷﻦ ﺑﻨﻘﻮﻟﻚ ﺍﻟﺤﻖ ﻣﺎﻧﻘﺪﺭﺵ ﻧﻘﻮﻝ ﻻ .. ﻣﺎﺩﺍﻣﻚ ﻓﻲ ﻧﻔﺲ ﺍﻟﺤﻲ ﻫﺎﺩﺍ .. ﺣﺘﻰ ﻉ ﺭﺟﻠﻴﺎ ﻧﻤﺸﻲ .. ﻭﺍﻧﺘﻲ ﺍﻟﻨﺎﺱ ﻛﻠﻬﺎ ﺗﻌﺮﻓﻚ ﻭﺳﻤﻌﺘﻚ ﺯﻱ ﺍﻟﻤﺴﻚ .....
ﺣﻨﺎﻥ ﺑﻔﺮﺣﻪ : ﻛﻮﻳﺲ ﻫﻠﺒﻪ ..
" ﻋﺮﻓﺘﻮﻫﺎ .. ﻫﺎﺩﻱ ﺍﻟﻤﺮﺍﻩ ﺍﻟﻠﻲ ﺣﻨﺎﻥ ﺩﻳﻤﺎ ﺗﺸﺮﻳﻠﻬﺎﺍ ﻓﻲ ﻣﻮﺍﺩ ﻏﺬﺍﺋﻴﻪ ﻭ ﺧﺒﺰﺓ ﻛﻞ ﺻﺒﺢ ﻭﻃﺒﻌﺎ ﺍﻟﻤﺮﺍﻩ ﻣﺎﺗﻌﺮﻓﺶ ﻟﻬﺎﻟﻠﺤﻈﻪ .."
ﺑﺎﻟﺰﺑﻂ ﻓﺎﺗﻮﺍ ﺃﺳﺒﻮﻋﻴﻦ ...
ﺣﻨﺎﻥ ﻗﺎﺳﻤﻪ ﻭﻗﺘﻬﺎ ﺑﻴﻦ ﺍﻟﺨﺪﻣﻪ ﻭﺍﻟﺤﻮﺵ .. ﻭﻣﻮﻓﻘﻪ ﺑﻴﻨﺎﺗﻬﻢ .. ﻭﻣﺤﻤﺪ ﻣﺎﻟﻲ ﻋﻠﻴﻬﺎ ﺣﻴﺎﺗﻬﺎ ﻭﻛﺎﻥ ﺳﺒﺐ ﻓﻲ ﺷﻔﺎﺋﻬﺎ ﻣﻦ ﺟﺮﺣﻬﺎ ﻣﻦ ﻧﻀﺎﻝ .. ﺑﺮﻏﻢ ﺍﻧﻬﺎ ﻗﺎﻋﺪﻩ ﻣﺶ ﻧﺎﺳﻴﻪ ﻋﺎﺋﺸﻪ ﻭﻛﻞ ﻣﺎﺗﺨﺘﻠﻲ ﺑﻨﻔﺴﻬﺎ ﺍﻭ ﻣﻊ ﻣﺤﻤﺪ ﺗﺬﻛﺮﻫﺎ ﻭﺗﺒﻜﻲ ...
ﺍﺳﺎﻣﻪ ﻭﻻ ﻟﻠﺨﺪﻣﻪ .. ﻭﻛﻞ ﻳﻮﻣﻴﻦ ﺗﻼﺗﻪ ﻳﺠﻲ ﻳﺸﻮﻑ ﻭﻟﺪﻩ ﻓﻲ ﺍﻟﺠﻨﺎﻥ ﻭﻣﺎﻳﺨﺸﺶ ﻟﻠﺤﻮﺵ ﺍﺑﺪﺍﻭﻛﺎﻥ ﻳﺮﻭﺡ ﻣﻦ ﻋﻨﺪ ﺣﻨﺎﻥ ﻣﺤﻤﻞ ﺑﺤﺎﻓﻈﺎﺕ ﺍﻟﻤﺎﻛﻠﻪ ... ﻭﺍﻫﺘﻢﺍﻡ ﺣﻨﺎﻥ ﺑﻴﻪ ﻭﺑﻮﻟﺪﻩ ﺣﺒﻪ ﻫﻠﺒﻪ ... ﻭﺍﻟﻠﻪ ﺍﻋﻠﻢ ﺍﺫﺍ ﻛﺎﻥ ﺣﺘﻮﻗﻒ ﻉ ﺍﻹﻫﺘﻤﺎﻡ ﻭﻣﺎﺗﻄﻮﺭﺵ ﻣﻌﺎﻩ ﺍﻟﺤﻜﺎﻳﻪ !...
ﻧﻀﺎﻝ ﻛﺎﻥ ﻳﺤﺲ ﺑﺎﻟﻐﻴﺮﻩ ﻓﻌﻼ ﻭﻳﺎﺭﺍ ﺑﺪﺕ ﺗﺤﺲ ﺍﻧﻪ ﻣﺶ ﻣﺰﺑﻮﻁ ﻣﻊ ﻫﺬﺍ ﻣﺎﺗﺒﻴﺶ ﺗﺒﻴﻦ ﻭﺗﺤﺎﻭﻝ ﻉ ﻗﺪ ﻣﺎﺗﻘﺪﺭ ﺗﺸﻐﻠﻪ ﺑﻴﻬﺎ ...
ﺭﻫﻒ ﺍﻟﻔﺠﻮﺓ ﺑﻴﻨﻬﺎ ﻭﺑﻴﻦ ﺍﺳﻨﺎﻡ ﻛﺒﺮﺕ .. ﻭﻫﺎﻟﺸﻲ ﺧﻼﻫﺎ ﺗﻘﺮﺏ ﻣﻦ ﻣﻬﺎﺏ ﺍﻟﻠﻲ ﻣﻌﺎﺵ ﻓﺘﺢ ﻣﻌﺎﻫﺎ ﺍﻟﻤﻮﺿﻮﻉ ﺑﻜﻞ ﺑﺲ ﻳﺘﻌﺎﻣﻞ ﻣﻌﺎﻫﺎ ﻛﺰﻣﻴﻞ ﻭﺻﺪﻳﻖ ﻓﻲ ﺑﻌﺾ ﺍﻷﺣﻴﺎﻥ .. ﺍﺳﻨﺎﻡ ﻛﺎﻥ ﻳﺸﻮﻑ ﻭﻳﺘﻌﺬﺏ ﺍﻟﻐﻴﺮﺓ ﺣﺎﺭﻗﺎﺗﻪ ﻭﺑﻌﺪﻫﺎ ﻋﻨﻪ ﻣﻌﺬﺑﻪ ﻫﻠﺒﻪ .. ﺑﺲ ﻳﻜﺎﺑﺮ .. ﻭﺍﻟﻤﻜﺎﺑﺮﺓ ﻓﻲ ﺍﻟﺤﺐ ﺗﻌﺬﺏ ﺻﺎﺣﺒﻬﺎ ﺍﻛﺜﺮ ..
ﺑﺎﻟﻨﺴﺒﻪ ﻟﻤﻬﺎ ﺍﻟﻴﻮﻡ ﺍﻭﻝ ﻳﻮﻡ ﻟﻴﻬﺎ ﻓﻲ ﺍﻟﻤﺪﺭﺳﻪ ﺑﻌﺪ ﺍﻧﻘﻄﺎﻉ ﻃﻮﻳﻞ .. ﻭﻫﻲ ﻃﺎﻟﻌﻪ ﻣﻦ ﺍﻟﻘﺼﺮ ﻻﻗﺖ ﺑﻮﻫﺎ ..
ﻛﺎﻥ ﻻﻫﻲ ﺑﺘﻠﻴﻔﻮﻧﻪ .. ﻗﻌﺪﺕ ﺗﺸﺒﺤﻠﻪ ﻫﻠﺒﻪ ﻟﻴﻦ ﻭﺻﻠﺖ ﻓﺎﻟﺴﻴﺎﺭﻩ ﺭﻛﺒﺖ ﻭﺷﺒﺤﺘﻠﻪ ﻣﻦ ﺍﻟﺮﻭﺷﻦ ﻫﻮ ﺟﺖ ﻋﻴﻨﻪ ﻓﻌﻴﻨﻬﺎ ﻧﻈﺮﺓ ﻋﻴﻮﻧﻬﺎ ﻛﺎﻧﺖ ﻏﺮﻳﺒﻪ ﺧﻠﺖ ﻣﻌﺎﻭﻳﻪ ﻳﺸﻮﻓﻠﻬﺎ ﺑﺪﻭﻥ ﻣﺎﻳﺤﻮﻝ ﻋﻴﻮﻧﻪ .. ﻟﻴﻦ ﺗﺤﺮﻛﺖ ﺑﻴﻬﺎ ﺍﻟﺴﻴﺎﺭﻩ ﻭﻭﻃﻠﻌﺖ ...
ﺣﺲ ﺑﺸﻲ ﻏﺮﻳﺐ ﻧﻔﺲ ﺍﻟﺨﻮﻑ ... ﺑﺲ ﺳﺮﻋﺎﻥ ﻣﺎﺗﺠﺎﻫﻞ ﻫﺎﻟﺸﻌﻮﺭ ﻭﻟﻬﻲ ﺑﺎﻟﻤﻜﺎﻟﻤﻪ ...
....
ﻭﺻﻠﺖ ﻣﻬﺎ ﻟﻠﻤﺪﺭﺳﻪ ﻭﺧﺸﺖ ﻟﺤﻘﺖ ﺍﻟﻄﺎﺑﻮﺭ ﻭﻭﻗﻔﺖ .. ﻣﺎﺷﺎﻓﺘﻬﺎﺵ ﻟﺒﻨﻰ ﻛﺎﻧﺖ ﻭﺍﻗﻔﻪ ﻣﻦ ﺍﻟﻘﺪﺍﻡ ...
ﺧﺸﻮﺍ ﻟﻔﺼﻮﻟﻬﻢ .. ﻟﻤﺤﺘﻬﺎ ﻟﺒﻨﻰ ﻣﺎﺻﺪﻗﺘﺶ ﻟﻴﻦ ﻗﺮﺑﺖ ﻣﻨﻬﺎ ﻭﺍﻧﺼﺪﻣﺖ ﻓﻲ ﺷﻜﻠﻬﺎ ﻣﻮﻟﻴﻪ ﺗﻘﻮﻝ ﻣﺠﺒﻮﺩﻩ ﻣﻦ ﻗﺒﺮ ..
ﻟﺒﻨﻰ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﻣﻬﺎ ...
ﻣﻬﺎ ﺩﻣﻮﻋﻬﺎ ﻧﺰﻟﻮﺍ ﻭﺣﻀﻨﺘﻬﺎ ﺑﺎﻟﻘﻮﺓ .. ﻭﻗﻌﺪﺕ ﺗﺒﻜﻲ ...
***
ﻛﺎﻧﺖ ﺗﺸﺮﺡ ﻓﻲ ﺧﺮﻳﻄﺔ ﻓﻴﻼ ﻷﺣﺪ ﺍﻟﺰﺑﺎﻳﻦ ...
ﺍﻟﺮﺍﺟﻞ : ﺑﺼﺮﺍﺣﻪ ﻣﺘﺤﻤﺲ ﻧﺸﻮﻓﻬﺎ ﻉ ﺍﺭﺽ ﺍﻟﻮﺍﻗﻊ ..
ﺣﻨﺎﻥ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ ...
ﻓﻲ ﻭﺣﺪﺓ ﻛﺎﻧﺖ ﺗﺸﻮﻓﻠﻬﺎ ﺑﻐﻞ ﻭﻣﻨﻘﻬﺮﺓ ﻣﻨﻬﺎ ﻉ ﺍﻵﺧﺮ ...
***
ﺷﺮﻛﺔ ﻣﻌﺎﻭﻳﻪ ...
ﻛﺎﻥ ﻓﻲ ﺍﺟﺘﻤﺎﻉ ...
ﻣﻌﺎﻭﻳﻪ : ﻭﺟﻮﺩﻛﻢ ﻣﻌﺎﻱ ﻓﻲ ﻣﺸﺮﻭﻉ ﺍﻟﻤﻨﺘﺠﻊ ﻫﺬﺍ ﻣﻜﺴﺐ ﻛﺒﻴﺮ ﻟﻴﺎ ﻭﻟﻴﻜﻢ ﻭﺍﻟﻤﺸﺮﻭﻉ ﻫﺬﺍ ﺍﻧﻲ ﻣﺮﺍﻫﻦ ﻋﻠﻴﻪ ...
ﻓﻲ ﺯﻭﺯ ﻣﻦ ﺳﻴﺪﺍﺕ ﺍﻷﻋﻤﺎﻝ ﻋﻴﻮﻧﻬﻢ ﻋﻠﻴﻪ ...
ﺍﻻﻭﻟﻰ : ﻣﺶ ﻗﺎﺩﺭﺓ ﻧﺮﻛﺰ ﻉ ﺣﺮﻑ ﻣﻦ ﺍﻟﻠﻲ ﻳﻘﻮﻝ ﻓﻴﻪ ﻓﻀﻴﻊ ..
ﺍﻟﺘﺎﻧﻴﻪ : ﻗﻠﺒﻲ ﻳﺪﻕ ﺑﺸﻜﻞ ﻣﺶ ﻃﺒﻴﻌﻲ ..
ﺍﻻﻭﻟﻰ : ﺍﻧﻲ ﺑﻴﻄﻠﻊ ﺧﻼﺹ ..
ﻣﻌﺎﻭﻳﻪ ﺭﻛﺰ ﻋﻠﻴﻬﻢ ﻛﻴﻒ ﻳﺘﻜﻠﻤﻮﺍ ﻭﻗﺎﻝ ﺑﺤﺪﻩ : ﻟﻮ ﻓﺤﺪ ﻋﻨﺪﻩ ﺣﺎﺟﻪ ﻣﻬﻤﻪ ﻳﺒﻲ ﻳﻘﻮﻟﻬﺎ ﺍﻭ ﻧﻘﻄﻪ ﻣﻬﻤﻪ ﻳﺒﻴﻬﺎ ﺗﺘﻮﺿﺢ ﻳﻘﻮﻝ ...
ﻫﻤﺎ ﻓﻬﻤﻮﺍ ﻭﺍﻧﺤﺮﺟﻮﺍ ﻭﺳﻜﺘﻮﺍ ...
ﺍﻗﺒﺎﻝ " ﻛﺎﻥ ﻣﺶ ﻋﻴﺐ ﺭﻩ ﻧﻀﺖ ﺭﻳﺸﺘﻬﻢ ﻣﻦ ﺷﻌﺮﻫﻢ .."
ﻭﺍﺣﺪ ﻣﻦ ﺍﻟﻤﺴﺎﻫﻤﻴﻦ : ﺑﺎﻫﻲ ﻭﺗﺼﻤﻴﻢ ﺧﺮﻳﻄﺔ ﺍﻟﻤﻨﺘﺠﻊ ﻟﻘﻴﺘﻠﻬﺎ ﻣﻬﻨﺪﺱ ...
ﻣﻌﺎﻭﻳﻪ : ﺇﻟﻰ ﺍﻵﻥ ﻣﺎﻟﻘﻴﺘﺶ ﺣﺪ ﻳﺪﻳﺮ ﺍﻟﻠﻲ ﻧﺒﻴﻪ ﺍﻧﻲ ﺑﺎﻟﺰﺑﻂ .. ﺑﺲ ﻋﻦ ﻗﺮﻳﺐ ﺣﻴﻘﻊ ﺍﺧﺘﻴﺎﺭﻱ ﻉ ﻣﻬﻨﺪﺱ ﻳﻘﺪ ﻣﺸﺮﻭﻉ ﺯﻱ ﻫﺬﺍ ...
***
ﺍﻟﺴﺎﻋﻪ 11
ﺍﻹﺳﺘﺮﺍﺣﻪ ...
ﻟﺒﻨﻰ ﻛﺎﻧﺖ ﺍﺩﻭﺭ ﻉ ﻣﻬﺎ ﻣﺶ ﻻﻗﻴﺘﻬﺎ .... ﻓﺠﺄﺓ ﺷﺎﻓﺖ ﺍﻟﺒﻨﺎﺕ ﻳﺠﺮﻭﺍ ...
ﻟﺒﻨﻰ : ﺷﻦ ﻓﻲ ﺧﻴﺮﻛﻢ ..
ﻭﺣﺪﻩ ﻣﻦ ﺍﻟﺒﻨﺎﺕ : ﻣﻬﺎ ﻭﺍﻗﻔﻪ ﻓﻮﻕ ﺳﻄﺢ ﺍﻟﻤﺪﺭﺳﻪ ﺷﻜﻠﻬﺎ ﺑﺘﻨﺘﺤﺮ ..
ﻟﺒﻨﻰ ﻋﻴﻄﺖ ﻉ ﻃﻮﻝ ﺭﻗﺒﺘﻬﺎ ﻭﻣﺸﺖ ﺗﺠﺮﻱ ﺷﺎﻓﺘﻬﺎ ﻗﺮﻳﺐ ﻣﺎﺗﺖ ..
ﻣﻬﺎ ﻛﺎﻧﺖ ﻭﺍﻗﻔﻪ ﻣﺤﺒﻄﻪ ﻳﺎﺋﺴﻪ ﻣﺪﻣﺮﻩ ﻣﻨﺘﻬﻴﻪ ﻣﺎﻋﺎﺵ ﻋﻨﺪﻫﺎ ﺭﻏﺒﻪ ﻓﻲ ﺍﻟﺤﻴﺎﻩ ... ﻭﺍﻟﺸﻴﻂﺍﻥ ﺍﺳﺘﻐﻞ ﺣﺎﻟﺔ ﺍﻟﺤﺰﻥ ﺍﻟﻠﻲ ﻛﺎﻧﺖ ﻣﺴﻴﻄﺮﻩ ﻉ ﻣﻬﺎ ﻭﻛﺒﺮ ﺍﻟﻬﻮﺍﺟﺲ ﻓﻲ ﻋﻘﻠﻬﺎ ﻭﻭﺻﻠﻬﺎ ﻟﻬﺎﻟﻤﺮﺣﻠﻪ ..
ﻭﺯﻱ ﻣﺎﻗﺎﻝ ﺍﺑﻦ ﺍﻟﻘﻴﻢ ﺍﺣﺐ ﺷﻲ ﻟﻠﺸﻴﻄﺎﻥ ﺣﺰﻥ ﺍﻟﻤﺆﻣﻦ ..
ﺟﺖ ﺍﻟﻤﺪﻳﺮﻩ ﻭﺍﻷﺑﻼﺕ ﻉ ﻗﺪ ﻣﺎﺩﺍﺭﻭ ﻓﻴﻬﺎ ﻭﻛﻠﻤﻮﻫﺎ ﻛﺄﻧﻬﺎ ﻣﺎﺗﺴﻤﻌﺶ ...
ﺍﻟﻤﺪﻳﺮﺓ ﺍﻟﺘﻔﺘﺖ : ﻗﺴﻤﺎ ﺑﺮﺏ ﺍﻟﻌﺰﺓ ﺍﻟﻠﻲ ﺗﺼﻮﺭﻫﺎ ﺗﻔﺼﻞ ﻣﻦ ﺍﻟﻤﺪﺭﺳﻪ .. ﺍﺑﻠﻪ ﻭﺟﻴﻬﻪ ﺷﻮﻓﻴﻬﻢ ﺗﺮﺍ ﺍﻟﻠﻲ ﺗﻠﻘﻲ ﻋﻨﺪﻫﺎ ﺗﻠﻴﻔﻮﻥ ﺧﻮﺩﻳﻪ ..
ﺍﻷﺧﺼﺎﺋﻴﻪ ﺗﻜﻠﻢ ﻓﻲ ﻣﻬﺎ : ﺑﻨﺘﻲ ﻣﺎﺩﻳﺮﺵ ﻫﻜﻲ ﻓﺮﻭﺣﻚ ﺗﺨﺴﺮﻱ ﺩﻧﻴﺘﻚ ﻭﺍﺧﺮﺗﻚ ... ﺗﻌﺬﺑﻲ ﺍﻟﻨﺎﺱ ﺍﻟﻠﻲ ﻳﺤﺒﻮﻙ ﻳﺎﺑﻨﺘﻲ ..
ﻣﻬﺎ ﺗﺒﻜﻲ ... ﻭﺗﻔﻜﺮ ﻓﻲ ﻛﻼﻡ ﺍﻷﺑﻠﻪ " ﻣﻨﻮ ﺍﻟﻠﻲ ﻳﺤﺒﻨﻲ ﻣﻨﻮ ﺍﻟﻠﻲ ﺣﻴﻌﺬﺑﻪ ﻣﻮﺗﻲ .. ﻣﺴﻜﻴﻨﻪ ﺍﻻﺑﻠﻪ ﻫﺎﺩﻱ ..."
ﻣﺎﺭﻛﺰﺗﺶ ﻉ ﻛﻠﻤﺔ ﺗﺨﺴﺮﻱ ﺩﻧﻴﺘﻚ ﻭﺁﺧﺮﺗﻚ ... ﺍﻟﺸﻴﻄﺎﻥ ﻳﺒﺬﻝ ﻓﻲ ﺃﻗﺼﻰ ﺟﻬﺪﻩ ﺑﺎﺵ ﺗﺨﺴﺮﻫﻢ ...
ﺍﻟﻤﺪﻳﺮﻩ : ﻛﻠﻤﺘﻮﺍ ﻭﻟﻲ ﺍﻣﺮﻫﺎ ..
ﺍﻻﺑﻠﻪ : ﺭﻗﻤﻪ ﻣﻘﻔﻞ ..
ﺍﻟﻤﺪﻳﺮﻩ : ﻻﺣﻮﻝ ﻭﻻﻗﻮﺓ ﺇﻻﺑﺎﻟﻠﻪ ..
ﻭﺣﺪﻩ ﻣﻦ ﺍﻟﺒﻨﺎﺕ ﺑﻌﻴﺎﻁ : ﺣﺘﻨﻘﺰ ﻳﺎﺃﺑﻠﻪ ..
ﻋﻴﻄﻮﺍ ﺍﻟﺒﻨﺎﺕ ... ﻭﺍﻻﺑﻼﺕ ﻏﻤﻀﻮﺍ ﻋﻴﻮﻧﻬﻢ ... ﻭﻭﻃﻮﺍ ﺭﻭﺳﻬﻢ ﻟﻮﻃﺎ ...
ﻟﺤﻈﻪ ... ﻭﺍﻟﻜﻞ ﺭﺟﻊ ﺷﺒﺢ ﻓﻮﻕ ﻣﺎﻟﻘﻮﺍ ﺷﻲ .. ﻭﺷﺒﺤﻮﺍ ﻟﻮﻃﺎ
ﻣﺎﻓﻲ ﺷﻲ ... ﺍﻧﺼﺪﻣﻮﺍ ﻭﻣﺎﻓﻬﻤﻮﺍ ﺷﻲ ..
ﻃﻮﻝ ﺍﻟﻤﺪﻳﺮﻩ ﻭﺍﻷﺧﺼﺎﺋﻴﻪ ﺭﻛﺒﻮﺍ ﻓﻮﻕ ... ﻭﻟﻤﺎ ﻭﺻﻠﻮﺍ ﻓﻮﻕ ﺍﻟﺴﻄﺢ ﺍﺗﻔﺎﺟﺌﻮﺍ ﻫﻠﺒﻪ ... ﻟﻘﻮﺍ ﻟﺒﻨﻲ ﻃﺎﻳﺤﻪ ﻭﻓﻮﻗﻬﺎ ﻣﻬﺎ ﺷﺎﺩﺗﻬﺎ ﺑﺈﻳﺪﻳﻬﺎ ﺍﻟﺰﻭﺯ ﺑﻘﻮﺓ ﻭﻳﺒﻜﻮﺍ ﺑﺼﻮﺕ ﻋﺎﻟﻲ ﺯﻱ ﺍﻟﺼﻐﺎﺭ ..
ﺍﻻﺑﻼﺕ ﺗﺄﺛﺮﻭﺍ ﻫﻠﺒﻪ ﺑﺲ ﺧﺪﻭﺍ ﻧﻔﺲ ﻋﻤﻴﻖ ﺑﺮﺍﺣﻪ .. ﺑﻌﺪ ﻣﺎﺭﺑﻲ ﻭﻗﻒ ﺑﻠﻄﻔﻪ ﺣﺪﻭﺙ ﺍﻟﻔﺎﺟﻌﻪ ...
***
ﺑﺎﺵ ﻣﻬﻨﺪﺳﻪ ﻧﺠﻴﺒﻠﻚ ﻣﻌﺎﻱ ﻗﻬﻮﻩ ..
ﺣﻨﺎﻥ ﺑﺈﺑﺘﺴﺎﻣﻪ : ﺍﺩﻳﺮﻱ ﻓﻴﺎ ﺧﻴﺮ ..
ﻃﻠﻌﺖ ﺯﻣﻴﻠﻪ ﺣﻨﺎﻥ ﻭﻗﻌﺪﺕ ﻭﺣﺪﻩ ﺗﺎﻧﻴﻪ ﻣﻌﺎﻫﺎ ﻓﻲ ﺍﻟﻤﻜﺘﺐ ... ﻛﺎﻧﺖ ﻧﺎﻭﻳﻪ ﺗﻜﻠﻤﻬﺎ .. ﺑﺲ ﻓﻮﺕ ﻋﻠﻴﻬﺎ ﻫﺎﻟﻔﺮﺻﻪ .. ﺗﻠﻴﻔﻮﻥ ﺣﻨﺎﻥ ﺍﻟﻠﻲ ﺭﻥ ... ﻭﻛﺎﻥ ﻣﻦ ﻣﺪﺭﺳﺔ ﻟﺒﻨﻰ ﺧﺎﻓﺖ ﻭﺭﺩﺕ ...
ﺣﻨﺎﻥ ﺑﺨﻮﻑ : ﺍﻟﺴﻼﻡ ﻋﻠﻴﻜﻢ ..
ﺍﻟﻤﺪﻳﺮﻩ : ﻭﻋﻠﻴﻜﻢ ﺍﻟﺴﻼﻡ ﺍﺧﺖ ﺣﻨﺎﻥ .. ﻣﻦ ﻓﻀﻠﻚ ﻳﺎﺭﻳﺖ ﺗﺠﻲ ﻟﻠﻤﺪﺭﺳﻪ ﺣﺎﻻ ..
ﺣﻨﺎﻥ ﺍﻟﻤﻴﻪ ﻧﺰﻟﺖ ﻓﻲ ﺭﻛﺎﺑﻬﺎ : ﺑﻨﺘﻲ ﺧﻴﺮﻫﺎ ..
ﺍﻟﻤﺪﻳﺮﻩ : ﻣﺎﺗﺨﺎﻓﻴﺶ ﻣﺎﻓﻴﻬﺎ ﺷﻲ ﻭﺍﻃﻤﻨﻲ ﺗﻤﺎﻣﺎ ﻣﺎﻓﻲ ﺷﻲ ﻳﺨﻮﻑ ﺑﺨﺼﻮﺹ ﺑﻨﺘﻚ ﻓﻲ ﺷﻲ ﺻﺎﺭ ﻣﻊ ﻃﺎﻟﺒﻪ ﻋﻨﺪﻧﺎ ﺍﺳﻤﻬﺎ ﻣﻬﺎ .. ﻭﺑﻨﺘﻚ ﻟﺒﻨﻰ ﻃﻠﺒﺖ ﺍﻧﺎ ﻧﺘﺼﻠﻮﺍ ﺑﻴﻚ ﺑﺶ ﺗﺠﻲ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺟﺎﻳﻪ .. ﺟﺎﻳﻪ ..
ﺣﻨﺎﻥ ﺻﻜﺮﺕ ﻭﻃﻠﻌﺖ ﺗﺠﺮﻱ ﻟﻤﺪﻳﺮ ﺍﻟﻤﻜﺘﺐ ﻭﺧﺪﺕ ﺍﺫﻥ ﻭﺳﻤﺤﻠﻬﺎ ﺗﻄﻠﻊ ...
....
ﻭﺻﻠﺖ ﺣﻨﺎﻥ ﻟﻠﻤﺪﺭﺳﻪ ﻭﺧﺸﺖ ﻃﻮﻝ ... ﻭﻣﺸﺖ ﻟﻐﺮﻓﺔ ﺍﻹﺩﺍﺭﺓ ﻭﺍﻟﻤﺪﻳﺮﻩ ﺭﻓﻌﺘﻬﺎ ﻟﻐﺮﻓﺔ ﺍﻷﺧﺼﺎﺋﻴﻪ .. ﺧﺸﺖ ﻟﻘﺖ ﻣﻬﺎ ﻣﺘﻠﻮﺣﻪ ﻉ ﺍﻟﻜﺮﺳﻲ ﻭﺗﺒﻜﻲ ﻭﺟﻨﺒﻬﺎ ﻟﺒﻨﻰ ﺷﺎﺩﻩ ﻳﺪﻫﺎ ﻭﺗﺒﻜﻲ ...
ﺣﻨﺎﻥ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﺧﻴﺮﻛﻢ ﺷﻦ ﻓﻲ ...
ﻣﻬﺎ ﻟﻤﺎ ﺷﺎﻓﺘﻬﺎ ﻗﻌﺪﺕ ﺗﺒﻜﻲ ﺍﻛﺜﺮ ... ﻭﺣﻨﺎﻥ ﻣﺸﺖ ﺟﻬﺘﻬﺎ ﻗﻌﻤﺰﺕ ﺣﺪﺍﻫﺎ ﻭﺣﻀﻨﺘﻬﺎ ...
***
ﻣﻌﺎﻭﻳﻪ ﻭﺍﻗﻒ ﻳﺸﻮﻑ ﻓﻲ ﻣﻠﻒ ﺑﻌﺪ ﻓﻀﻲ ﻣﻜﺎﻥ ﺍﻹﺟﺘﻤﺎﻉ .
ﺇﻗﺒﺎﻝ ﻛﺎﻧﺖ ﺗﺘﺄﻣﻞ ﻓﻴﻪ ﻛﻴﻒ ﻛﺎﻥ ﻻﺑﺲ ﺳﺮﻭﺍﻝ ﺭﺻﺎﺻﻲ ﻭﺳﻮﺭﻳﻪ ﺯﺭﻕ ﻛﺤﻠﻲ ﻋﻠﻴﻬﺎ ﺟﻠﻲ ﺭﺻﺎﺻﻲ ﻣﺼﻜﺮ ﻛﺎﻧﺖ ﺑﺪﻟﻪ ﻏﻴﺮ ﻫﻮ ﻣﺤﻮﻝ ﺍﻟﺠﺎﻛﻪ ﻭﻛﺎﻥ ﻣﺶ ﻻﺑﺲ ﻗﺮﻭﺍﻃﻪ .. ﺳﻮﺭﻳﺘﻪ ﻧﻈﺎﻣﻬﺎ ﺍﻟﻠﻲ ﻳﺘﺴﻜﺮ ﻟﻠﺮﻗﺒﻪ ...
ﺍﻗﺒﺎﻝ ﻗﺮﻳﺐ ﺗﻬﺒﻞ ﻋﻠﻴﻪ ﻭﻣﺶ ﻗﺎﺩﺭﻩ ﺗﺘﺤﻤﻞ ﺗﺤﺒﻪ ﻭﺗﺒﻴﻪ ﻭﻫﻮ ﺩﻳﻤﺎ ﻳﺼﺪ ﻉ ﻗﺪ ﻣﺎﺩﺍﺭﺕ .. ﻓﻜﺮﺕ ﺗﺤﺎﻭﻝ ﻣﻦ ﺟﺪﻳﺪ .. ﺑﺲ ﺃﻳﻤﻦ ﻋﺪﻭﻫﺎ ﺍﻟﻠﺪﻭﺩ ﺧﺶ ..
ﺃﻳﻤﻦ : ﺍﻧﻲ ﺍﻧﻬﻜﺖ ﺭﺳﻤﻲ ..
ﻣﻌﺎﻭﻳﻪ ﻗﺎﻡ ﺭﺍﺳﻪ : ﻻﻳﺎﻋﺰﻳﺰﻱ ﺷﺪ ﺣﻴﻠﻚ ﺍﻻﻳﺎﻡ ﺍﻟﺠﺎﻳﺔ ﺍﻟﺸﻐﻞ ﺣﻴﺰﻳﺪ ﺍﻛﺜﺮ ...
ﺍﻳﻤﻦ : ﺑﺎﻫﻲ ﺑﺎﺍﺍﺍﻟﻴﺰ ﻳﺎ Boss ﺧﻠﻴﻨﺎ ﻧﺮﺗﺎﺣﻮﺍ ﺷﻮﻱ ﻭﻧﻤﺨﻤﺨﻮﺍ ﻉ ﻗﻬﻴﻮﻩ ...
ﻣﻌﺎﻭﻳﻪ ﺍﺑﺘﺴﻢ : ﻣﺶ ﺣﻨﻘﻮﻝ ﻻ ..
ﺿﺤﻚ ﺍﻳﻤﻦ ﻭﻣﺸﻮ ﻣﻊ ﺑﻌﺾ ﻧﺎﺣﻴﺔ ﻣﻜﺘﺐ ﻣﻌﺎﻭﻳﻪ ﻭﺇﻗﺒﺎﻝ ﺗﺸﺒﺢ ﻻﻳﻤﻦ ﺑﺤﻘﺪ ...
***
ﺣﻨﺎﻥ ﺑﺮﻭﺣﻬﺎ ﻣﻊ ﺍﻷﺧﺼﺎﺋﻴﻪ ..
ﺍﻷﺧﺼﺎﺋﻴﻪ : ﺍﻟﺒﻨﺖ ﻛﺘﻮﻣﻪ ﻫﻠﺒﻪ ﻭﻛﺎﻧﺖ ﺩﻳﻤﺎ ﻣﻨﻄﻮﻳﻪ ﻉ ﻗﺪ ﻣﺎﺣﺎﻭﻟﻨﺎ ﻓﻴﻬﺎ ﻣﺎﻗﺪﺭﻧﺎﺵ ﻧﻄﻠﻌﻮﻫﺎ ﻣﻦ ﺣﺎﻟﺘﻬﺎ .. ﻭﺑﺠﺪﻳﺎﺕ ﻓﺮﺣﻨﺎ ﻛﺄﻋﻀﺎﺀ ﺇﺩﺍﺭﺓ ﻓﻲ ﺍﻟﻤﺪﺭﺳﻪ ﻟﻤﺎ ﻻﺣﻈﻨﺎ ﺍﻟﺘﻐﻴﻴﺮ ﻋﻠﻴﻬﺎ ﺍﻟﻤﺪﻩ ﺍﻷﺧﻴﺮﻩ ﻭﻛﻴﻒ ﻗﺮﺑﺖ ﻣﻦ ﺑﻨﺘﻚ ﻭﻭﻟﻮﺍ ﺃﺻﺪﻗﺎﺀ .. ﺍﻟﻠﻲ ﺧﻼﻫﺎ ﺗﻨﺘﻜﺲ ﺍﻛﻴﺪ ﺻﺎﺭﻟﻬﺎ ﻓﻲ ﻓﺘﺮﺓ ﻏﻴﺎﺑﻬﺎ ﻋﻦ ﺍﻟﻤﺪﺭﺳﻪ ..
ﺣﻨﺎﻥ ﺑﺄﻟﻢ : ﻫﻲ ﻇﺮﻭﻓﻬﺎ ﻗﺎﺳﻴﻪ ﺑﻌﺾ ﺍﻟﺸﻲ .. ﻣﺮﺕ ﺑﺤﺎﺟﺎﺕ ﺑﻨﺎﺕ ﺟﻴﻠﻬﺎ ﻣﺎﻣﺮﻭﺵ ﺑﻴﻬﺎ ﺍﻹ ﻗﻠﻴﻞ ﺍﻟﻨﺎﺩﺭ .. ﻟﺬﻟﻚ ﺣﺎﻟﺘﻬﺎ ﺍﻟﻨﻔﺴﻴﻪ ﺗﺎﻋﺒﻪ ﻟﻬﺎﻟﺤﺪ
ﺍﻷﺧﺼﺎﺋﻴﻪ : ﻉ ﻗﺪ ﻣﺎﺣﺎﻭﻟﻨﺎ ﻧﻮﺻﻠﻮﺍ ﻓﻲ ﺍﻟﺴﻴﺪ ﻣﻌﺎﻭﻳﻪ ﻣﺎﻗﺪﺭﻧﺎﺵ .. ﻭﻛﺄﻧﻦﺍ ﻧﺤﺎﻭﻟﻮﺍ ﻧﻮﺻﻠﻮﺍ ﻓﻲ ﺭﺋﻴﺲ ﺍﻣﺮﻳﻜﺎ .. ﻳﺨﻲ ﻣﻤﻜﻦ ﻫﻮ ﻧﺤﺼﻠﻮﻩ ﻭﺍﻟﺴﻴﺪ ﻣﻌﺎﻭﻳﻪ ﻻ ...
ﺣﻨﺎﻥ ﺗﻨﻬﺪﺕ ﻭﻫﻲ ﺗﻔﻜﺮ ﺑﻌﺪﻳﻦ ﻗﺎﻟﺖ : ﺍﻫﻢ ﺷﻲ ﺗﻮﺍ ﻣﺎﺗﺨﻠﻮﺍ ﺷﻲ ﻣﻦ ﺍﻟﻠﻲ ﺻﺎﺭ ﻳﻄﻠﻊ ﻓﺘﺸﻮﺍ ﺍﻟﻄﺎﻟﺒﺎﺕ ﻭﺗﻠﻴﻔﻮﻧﺎﺗﻬﻢ ﻛﻮﻳﺲ
ﻟﻮ ﻃﻠﻊ ﺷﻲ ﺣﺘﻨﻀﺮ ﺍﻟﺒﻨﺖ ﻭﺑﻮﻫﺎ ﻛﺬﻟﻚ ﻭﻣﺎﺗﻌﺮﻓﻮﺵ ﻛﻴﻒ ﻣﻤﻜﻦ ﺗﻜﻮﻥ ﺭﺩﺓ ﻓﻌﻠﻪ ..
ﺍﻷﺧﺼﺎﺋﻴﻪ : ﺍﻃﻤﻨﻲ .. ﺩﺭﻧﺎ ﺍﻟﻼﺯﻡ ...
ﻃﻠﻌﺖ ﺣﻨﺎﻥ ﻣﻦ ﺍﻟﻤﺪﺭﺳﻪ ﻭﺭﻭﺣﺖ ﺑﻤﻬﺎ ﻭﻟﺒﻨﻰ ﻟﻠﺤﻮﺵ .. ﺭﻗﺪﺕ ﻣﻬﺎ ﻭﻟﺒﻨﻰ ﻣﻌﺎﻫﺎ ... ﻭﺣﻨﺎﻥ ﺭﺟﻌﺖ ﻃﻠﻌﺖ ﺑﻌﺪ ﺍﻃﻤﻨﺖ ﻉ ﻣﺤﻤﺪ ﻭﺳﻘﺪﺕ ﺳﺎﻟﻤﻪ ﻟﺤﻮﺷﻬﺎ ....
ﺭﻛﺒﺖ ﺳﻴﺎﺭﺗﻬﺎ ﻭﻛﺎﻧﺖ ﺗﻔﻜﺮ ﻫﻠﺒﻪ ... ﻟﺤﻈﺎﺕ .. ﺑﻌﺪﻳﻦ ﺩﺍﺭﺕ ﺗﻠﻴﻔﻮﻥ ﻟﺸﺨﺺ ﻣﻌﻴﻦ ..
***
ﻳﺎﺭﺍ : ﺗﻤﺎﻡ ﺑﺲ ﻣﺎﻃﻮﻟﺶ ﻧﻀﺎﻝ ..
ﻧﻀﺎﻝ ﺑﺎﺳﻬﺎﻭﺿﺤﻚ : ﺗﺲ ﻣﺶ ﺣﻨﻄﻮﻝ .. ﺟﺒﺮ ﺍﻟﻴﻮﻡ ﺭﻓﻌﺘﻴﻪ ﻟﺼﺎﺣﺒﺘﻚ ..
ﻳﺎﺭﺍ ﺑﺈﺑﺘﺴﺎﻣﻪ : ﺍﻣﻤﻤﻢ ..
ﻧﻀﺎﻝ ﺿﺤﻚ ﻭﻟﻒ ﻭﻣﺸﻲ ﻭﺻﻞ ﻓﻲ ﺍﻟﺒﺎﺏ ﻭﻗﻒ ﺑﻌﺘﻠﻬﺎ ﺑﻮﺳﻪ ﻭﻃﻠﻊ ﺑﺮﺍ ﻣﻜﺘﺒﻬﺎ ..
ﻭﻫﻲ ﺗﻨﻬﺪﺕ ﻭﺑﻌﺪﻳﻦ ﺍﺳﺘﺎﻗﻀﺖ ﻟﺨﺪﻣﺘﻬﺎ ...
***
ﺑﻌﺪ ﺍﺗﺼﺎﻝ ﺩﺍﺭﺍﺗﻪ ﺗﺴﺄﻝ ﻓﻴﻪ ﻉ ﻣﻜﺎﻥ ﻣﻌﻴﻦ .. ﻭﺻﻠﺖ ﻟﻠﻤﻜﺎﻥ .. ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻗﻌﺪﺕ ﺗﺸﺒﺤﻠﻪ ...
ﺣﻨﺎﻥ " ﻫﺎﺩﻱ ﻗﻠﻌﻪ ﻣﺶ ﺷﺮﻛﻪ ..."
ﺧﺸﺖ ﻣﻦ ﺍﻟﺒﺎﺏ ﺍﻟﺮﺋﻴﺴﻲ .. ﻭﺭﻛﺒﺖ ﺍﻟﺪﺭﻭﺝ ﺍﻟﻄﻮﻳﻞ ﻭﺻﻠﺖ ﻓﻲ ﺍﻟﺒﺎﺏ ﺳﻤﺤﻮﻟﻬﺎ ﺍﻟﺴﻜﻴﻮﺭﺗﻲ ﺗﺨﺶ .. ﺧﺸﺖ ...
ﺍﻟﻤﻜﺎﻥ ﻛﺎﻥ ﻣﺜﻴﺮ ﻟﻺﻧﺘﺒﺎﻩ .. ﺩﻳﻜﻮﺭﻩ ﻭﺗﻔﺼﻴﻠﻪ ... ﺧﺸﺖ ﺑﻌﺪ ﻛﻠﻤﺖ ﻣﻮﻇﻔﺎﺕ ﺍﻹﺳﺘﻌﻼﻣﺎﺕ ....
ﺭﻛﺒﺖ ﺍﻻﺻﻨﺼﻴﺮ ﻭﺻﻠﺖ ﻓﻲ ﺍﻟﺪﻭﺭ ﺍﻟﺘﺎﻧﻲ ﻛﺎﻧﺖ ﺑﺎﻟﻨﺴﺒﻪ ﺍﻟﻠﻲ ﻳﺸﻮﻓﻮﻫﺎ ﺷﻲ ﻏﺮﻳﺐ ﻣﺮﺍﺓ ﻣﺤﺠﺒﻪ ﻓﻲ ﺷﺮﻛﻪ ﺻﺎﺣﺒﻬﺎ ﻳﺮﻓﺾ ﻭﺟﻮﺩ ﺍﻟﻠﻲ ﺯﻳﻬﺎ ﻓﻴﻬﺎ .. ﺑﺲ ﻛﺎﻧﺖ ﻏﺎﻳﻪ ﻓﻲ ﺍﻷﻧﺎﻗﻪ ﻛﺎﻥ ﺍﻟﻠﻮﻥ ﺍﻟﻠﻲ ﻻﺑﺴﺘﻪ ﻋﺎﻛﺲ ﻋﻠﻴﻬﺎ ﻭﺭﺩﻱ ﻓﻲ ﺍﻟﺒﻴﺞ ﻭﻛﺎﻧﺖ ﻣﺸﻴﺘﻬﺎ ﺭﺯﻳﻨﻪ ﻭﻭﺍﺛﻘﻪ ... ﺑﻌﺪ ﺗﺸﺤﻴﻂ ﻭﺗﺸﺤﻴﻂ ﺑﺶ ﻭﺻﻠﻮﻫﺎ ﻟﻠﺪﻭﺭ ﺍﻟﺜﺎﻟﺖ ﻭﻳﻦ ﻣﺎﻓﻲ ﺭﺋﻴﺲ ﻣﺠﻠﺲ ﺍﻹﺩﺍﺭﻩ ﺍﻟﻠﻲ ﻃﺎﻟﺒﻪ ﺗﺸﻮﻓﻪ .... ﻭﺻﻠﺖ ﻓﻲ ﻣﻜﺘﺐ ﺍﻟﺴﻜﺮﺗﻴﺮﻩ .. ﺍﻟﻠﻲ ﺗﻔﺎﺟﺌﺖ ﺍﻭﻝ ﻣﺎﺷﺎﻓﺘﻬﺎ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﺍﻟﺴﻜﺮﺗﻴﺮﻩ : ﻭﻋﻠﻴﻜﻢ ﺍﻟﺴﻼﻡ ..
ﺣﻨﺎﻥ : ﻧﻘﺪﺭ ﻧﻘﺎﺑﻞ ﺍﻷﺳﺘﺎﺫ ﻣﻌﺎﻭﻳﻪ ..
ﺍﻟﺴﻜﺮﺗﻴﺮﻩ : ﻋﻨﺪﻙ ﻣﻮﻋﺪ ﺳﺎﺑﻖ ..
ﺣﻨﺎﻥ : ﻻ ..
ﺍﻟﺴﻜﺮﺗﻴﺮﻩ : ﺍﺳﻔﻪ ﻣﺎﻧﻘﺪﺭﺵ ﻧﺪﺧﻠﻚ ..
ﺣﻨﺎﻥ : ﺑﺲ ﺍﻟﻤﻮﺿﻮﻉ ﺍﻟﻠﻲ ﻧﺒﻴﻪ ﻓﻴﻪ ﺿﺮﻭﺭﻱ ﺟﺪﺍ ..
ﺍﻟﺴﻜﺮﺗﻴﺮﺓ : ﻣﺎﻧﻘﺪﺭﺵ ﻳﺎﻣﺪﺍﻡ ﻣﻦ ﻏﻴﺮ ﻣﻮﻋﺪ ﻣﺴﺘﺤﻴﻞ ﺗﺸﻮﻓﻴﻪ ..
ﺣﻨﺎﻥ ﻗﺪﻣﺘﻠﻬﺎ : ﺍﻟﻤﻮﺿﻮﻉ ﻳﺨﺺ ﺑﻨﺘﻪ ﻣﻬﺎ ..
ﺍﻟﺴﻜﺮﻳﺘﺮﺓ ﺗﻠﺒﻜﺖ ﻭﻣﺎﻋﺮﻓﺘﺶ ﺷﻦ ﺩﻳﺮ : ﺑﺎﻫﻲ ﻗﻌﻤﺰﻱ ﻟﻮﺳﻤﺤﺘﻰ ...
ﻗﻌﻤﺰﺕ ﺣﻨﺎﻥ ...
ﻉ ﺟﻴﺔ ﺍﻗﺒﺎﻝ ...
ﺍﻟﺴﻜﺮﺗﻴﺮﻩ : ﺟﻴﺖ ﺑﻨﻜﻠﻤﻚ ..
ﺃﻗﺒﺎﻝ ﻭﻫﻲ ﺗﺸﺒﺢ ﻟﺤﻨﺎﻥ ﻣﻦ ﻓﻮﻕ ﻟﻠﻮﻃﺎ : ﺷﻦ ﻓﻲ ..
ﺍﻟﺴﻜﺮﺗﻴﺮﺓ : ﺍﻷﺧﺖ ﺗﺒﻲ ﺗﺸﻮﻑ ﺍﺳﺘﺎﺫ ﻣﻌﺎﻭﻳﻪ ﻭﻣﻌﻨﺪﻫﺎﺵ ﻣﻮﻋﺪ ﻭﻗﺎﻟﺖ ﺍﻟﻤﻮﺿﻮﻉ ﺿﺮﻭﺭﻱ ﻭﻳﺨﺺ ﺑﻨﺘﻪ ..
ﺇﻗﺒﺎﻝ : ﺍﺳﺘﺎﺫﻣﻌﺎﻭﻳﻪ ﻣﺶ ﻓﺎﺿﻲ ﺗﻘﺪﺭﻱ ﺗﻘﻮﻟﻴﻠﻲ ﺍﻧﻲ .. ﻣﺶ ﻏﺮﻳﺒﻪ .. ﺍﻧﻲ ﻣﻦ ﻋﻴﻠﺘﻪ ..
ﺣﻨﺎﻥ ﺑﺈﺑﺘﺴﺎﻣﻪ : ﺍﺳﻔﻪ ﻣﺎﻧﻘﺪﺭﺵ ﻧﺘﻜﻠﻢ ﺇﻻ ﻣﻊ ﻫﻮ ﺷﺨﺼﻴﺎ ..
ﺁﻗﺒﺎﻝ ﺗﻨﺮﻓﺰﺕ ﻣﻦ ﺣﻨﺎﻥ ﺑﺲ ﻛﺎﻥ ﻋﻨﺪﻫﺎ ﻓﻀﻮﻝ ﺗﻌﺮﻑ ﺷﻦ ﻓﻲ : ﺃﻭﻛﻲ ... ﺗﻌﺎﻟﻲ ﻣﻌﺎﻱ ...
ﻧﺎﺿﺖ ﺣﻨﺎﻥ ﻭﻣﺸﺖ ﻭﺭﺍﻫﺎ
ﻓﻲ ﺍﻟﻤﻜﺘﺐ ...
ﺍﻳﻤﻦ ﻭﻣﻌﺎﻭﻳﻪ ﻭﺍﻗﻔﻴﻦ ﻳﺸﻮﻓﻮﺍ ﻓﻲ ﻣﻠﻒ ﻭﻳﺘﻨﺎﻗﺸﻮﺍ ﻋﻠﻴﻪ ...
ﺍﻳﻤﻦ : ﺍﻧﺖ ﻛﻠﻤﻬﻢ ﻭﻗﻮﻟﻠﻬﻢ ﺗﻌﺪﻳﻼﺗﻚ ﺣﺘﻤﺎ ﺣﻴﻮﺍﻓﻘﻮﺍ ..
ﻣﻌﺎﻭﻳﻪ : ﺇﻥ ﺷﺎﺀ ﺍﻟﻠﻪ ﻭﻣﺎﻳﻄﻠﻌﻮﻟﻴﺶ ﻓﻲ ﺍﻟﺮﺯ ﻋﻈﺎﻡ ...
ﻃﻖ ﺍﻟﺒﺎﺏ .. ﻭﺧﺸﺖ ﺇﻗﺒﺎﻝ ..
ﺇﻗﺒﺎﻝ : ﺍﺳﺘﺎﺫ ﻣﻌﺎﻭﻳﻪ ﻓﻲ ﻭﺣﺪﻩ ﻃﺎﻟﺒﻪ ﺗﺸﻮﻓﻚ ﺿﺮﻭﺭﻱ ..
ﻣﻌﺎﻭﻳﻪ ﺑﺈﺳﺘﻐﺮﺍﺏ : ﻭﺣﺪﻩ !! ﻣﻦ ﻫﻲ .. ﻭﻋﻨﺪﻫﺎ ﻣﻮﻋﺪ ﻭﻻﻻ ..
ﺇﻗﺒﺎﻝ : ﻣﺎﻗﺎﻟﺘﺶ ﻣﻦ ﻫﻲ ﻭﻣﺎﻋﻨﺪﻫﺎﺵ ﻣﻮﻋﺪ ﺑﺲ ﻗﺎﻟﺖ ﺍﻥ ﺍﻟﻠﻲ ﺗﺒﻴﻚ ﻓﻴﻪ ﻳﺨﺺ ﺑﻨﺘﻚ ...
ﻣﻌﺎﻭﻳﻪ ﺧﺎﻑ .. ﻭﺍﻳﻤﻦ ﺃﺳﺘﻐﺮﺏ ..
ﻣﻌﺎﻭﻳﻪ : ﺩﺧﻠﻴﻬﺎ ...
ﺃﻗﺒﺎﻝ ﻃﻠﻌﺖ ﺷﻮﻳﻪ : ﺗﻔﻀﻠﻲ ...
ﻗﺪﻣﺖ ﺣﻨﺎﻥ ﻭﺧﺸﺖ ....
ﻣﻌﺎﻭﻳﻪ ﻟﻤﺎ ﺷﺎﻓﻬﺎ ... ﺗﻠﺨﺒﻂ .. ﺗﻨﺰﻓﺰ .. ﻋﺼﺐ .. ﺍﺳﺘﻐﺮﺏ .. ﺑﺲ ﻓﻲ ﺣﺎﺟﻪ ﻭﺳﻂ ﻫﺬﺍ ﻛﻠﻪ ﺍﻭﻝ ﻣﺮﺓ ﺗﺼﻴﺮ ... ﺍﻟﻠﻲ ﻉ ﻳﺴﺎﺭ ﺻﺪﺭﻩ ﺣﺮﻛﺘﻪ ﻣﺶ ﻃﺒﻴﻌﻴﻪ ﺑﻜﻞ ..
ﺍﻳﻤﻦ ﺍﻧﺒﻬﺮ ﺑﻴﻬﺎ ﻛﺎﻧﺖ ﺣﻠﻮﺓ ﻭﻋﻨﺪﻫﺎ ﺣﻀﻮﺭ ﻗﻮﻱ ﻭﻣﻤﻴﺰﺓ ﻫﻠﺒﻪ ..
ﻣﻌﺎﻭﻳﻪ ﺻﻜﺮ ﺍﻟﻤﻠﻒ ﻻﺷﻌﻮﺭﻳﺎ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ...
ﺍﻳﻤﻦ : ﻭﻋﻠﻴﻜﻢ .. ﺍﻟﺴﻼﻡ .. ﻭﺭﺣﻤﺔ .. ﺍﻟﻠﻪ .. ﻭﺑﺮﻛﺎﺗﻪ ...
ﺇﻗﺒﺎﻝ ﻻﺣﻈﺘﻬﻢ ﻛﻴﻒ ﺳﻬﻤﻮﺍ ﻓﻴﻬﺎ ﺷﺒﺤﺘﻠﻬﺎ ﺑﺤﺪﻩ : ﺧﺸﻲ ﺧﻴﺮﻙ ﻭﺍﻗﻔﻪ ﻫﻜﻲ ..
ﺣﻨﺎﻥ : ﺻﺎﺣﺐ ﺍﻟﻤﻜﺎﻥ ﻣﺎﻗﺎﻟﻴﺶ ﺧﺸﻲ ..
ﻣﻌﺎﻭﻳﻪ ﺑﺮﻓﻌﺔ ﺣﺎﺟﺐ : ﺍﺳﺘﻨﻲ ﺷﻮﻳﻪ ... ﺗﻠﻔﺖ ﻷﻳﻤﻦ ﻭﻓﺘﺢ ﺍﻟﻤﻠﻒ ﻭﻗﻌﺪ ﻳﻨﺎﻗﺶ ﻓﻴﻪ ﺍﻧﺼﺪﻡ ﻓﻲ ﺍﻟﺤﺮﻛﻪ ﺍﻟﻠﻲ ﺩﺍﺭﻫﺎ ﻣﻌﺎﻭﻳﻪ ﺩﺍﺭ ﺭﻭﺣﻪ ﻣﺮﻛﺰ ﻣﻌﺎﻩ ﻟﻜﻦ ﻳﺴﺮﻗﻠﻬﺎ ﻓﻲ ﺍﻟﻨﻈﺮﺍﺕ ..
ﺑﺲ ﻣﻌﺎﻭﻳﻪ ﻃﻮﻝ ﺍﻟﻮﻗﺖ ﻭﻗﻠﺒﻪ ﻳﺪﻳﺮ ﻓﻲ ﺣﺮﻛﺎﺕ ﻏﺮﻳﺒﻪ ﻋﻠﻴﻪ ﻭﻣﺶ ﻗﺎﺩﺭ ﻳﻔﻬﻢ ﺷﻦ ﺻﺎﺭﻟﻪ ﺑﺎﻟﺰﺑﻂ ..
ﺣﻨﺎﻥ ﺍﺑﺘﺴﻤﺖ ﺗﻬﻜﻤﺎ ﻟﻠﺤﺮﻛﻪ ﺍﻟﻠﻲ ﺩﺍﺭﻫﺎ ﺍﺳﺎﺳﺎ ﻫﻲ ﻛﺎﻧﺖ ﻣﺘﻮﻗﻌﻪ ﻳﺪﻳﺮ ﺷﻲ ﺯﻱ ﻫﺬﺍ .. ﻷﻥ ﺃﻭﻝ ﻟﻘﺎﺀ ﺑﻴﻨﻬﻢ ﻣﻜﺎﻧﺶ ﻟﻄﻴﻒ ﺑﺘﺎﺗﺎ ...
ﺩﻗﺎﻳﻖ ...
ﻭﻛﻤﻞ .. ﺳﻜﺮ ﺍﻟﻤﻠﻒ ﻭﺷﺒﺤﻠﻬﺎ ﺑﻜﺒﺮ : ﺧﺸﻲ ..
ﺣﻨﺎﻥ ﻣﺎﺍﻫﺘﻤﺘﺶ ﻭﻗﺪﻣﺖ .. ﻫﻲ ﺗﻘﺪﻡ ﻭﻗﻠﺒﻪ ﻳﺰﻳﺪ ﻓﻲ ﻣﻌﺪﻝ ﺍﻟﻨﺒﻀﺎﺕ .. ﻭﻛﺎﻥ ﻳﺸﻮﻓﻠﻬﺎ ﺑﻜﺒﺮ ﺑﺲ ﻧﻈﺮﺗﻪ ﻫﺎﺩﻱ ﻛﺎﻧﺖ ﺗﻤﻴﻞ ﻉ ﺷﻲ ﺗﺎﻧﻲ ..
ﺭﻛﺒﺖ ﺍﻟﺪﺭﺟﺘﻴﻦ ﻭﻭﺻﻠﺖ ﻓﻴﻪ ﻛﺎﻥ ﻓﻲ ﺑﻴﻨﺎﺗﻬﻢ ﻣﺴﺎﻓﻪ ..
ﺷﺒﺤﻮﺍ ﻟﺒﻌﺾ ..
ﺣﻨﺎﻥ ﺗﻜﻠﻤﺖ : ﻣﺶ ﺣﻨﺎﺧﺪ ﻣﻦ ﻭﻗﺘﻚ ﻫﻠﺒﻪ ..
ﻣﻌﺎﻭﻳﻪ : ﺍﻧﻲ ﻓﺎﺿﻲ ﺗﻮﺍ .. ﻟﻮ ﻣﻜﻨﺘﺶ ﻓﺎﺿﻲ ﻡ ﺧﻠﻴﺘﻜﺶ ﺗﺎﺧﺪﻱ ﺩﻗﻴﻘﻪ ﻭﺣﺪﻩ ..
ﺣﻨﺎﻥ : ﻭﺍﻧﻲ ﻭﺍﻟﻠﻪ ﻣﺎﻧﻲ ﻓﺎﺿﻴﻪ ﻭﻋﻄﻴﺘﻚ ﻣﻦ ﻭﻗﺘﻲ ﻹﻥ ﺍﻟﻠﻲ ﺟﺎﻳﻪ ﻉ ﺧﺎﻃﺮﻩ ﻳﺴﺘﺎﻫﻞ ﻓﻨﻈﺮﻱ ..
ﺍﻳﻤﻦ " ﺗﺘﻜﻠﻢ ﺑﻘﻮﺓ ﻭﺑﺜﻘﺔ " ..
ﻣﻌﺎﻭﻳﻪ .. ﻟﻒ ﻭﻣﺸﻲ ﺑﻴﻘﻌﻤﺰ ﻭﺭﺍ ﻣﻜﺘﺒﻪ .. ﻫﻲ ﺷﺒﺤﺘﻠﻪ ﻭﺟﺖ ﻋﻴﻨﻬﺎ ﻉ ﻛﺮﺳﻴﻪ ﺍﻟﻤﻤﻴﺰ ﻭﺍﺳﻤﻪ ﺍﻟﻤﻨﻘﻮﺵ ﺃﻋﻼﻩ .. ﺍﺑﺘﺴﻤﺖ .. ﻧﺒﻀﺎﺕ ﻗﻠﺒﻪ ﺗﺴﺎﺭﻋﺖ ﺍﻛﺜﺮ ﻟﻤﺎ ﺷﺎﻑ ﺍﺑﺘﺴﺎﻣﺘﻬﺎ ﺣﻂ ﺭﺟﻞ ﻉ ﺭﺟﻞ .. ﻭﺍﻳﺪﻳﻪ ﻉ ﺍﻳﺪﻳﻦ ﺍﻟﻜﺮﺳﻲ ﻭﻗﺎﻝ : ﺷﻦ ﻋﻨﺪﻙ .
ﺣﻨﺎﻥ ﺷﺒﺤﺖ ﻷﻳﻤﻦ ﻉ ﺟﻨﺐ ﻭﺇﻗﺒﺎﻝ ﻉ ﺟﻨﺐ ﺍﻟﺘﺎﻧﻲ : ﻉ ﺇﻧﻔﺮﺍﺩ ﻟﻮﺳﻤﺤﺖ ..
ﻣﻌﺎﻭﻳﻪ : ﻫﺎﺩﻡ ﺧﻮﺗﻲ ﻣﺎﻳﺪﺭﻕ ﻋﻠﻴﻬﻢ ﺷﻲ .. ﻫﻴﺎ ﺗﻜﻠﻤﻲ ﻭﻣﺎﺗﻌﻄﻠﻨﻴﺶ ..
ﺣﻨﺎﻥ : ﺍﻟﻠﻲ ﺑﻨﻜﻠﻤﻚ ﻓﻴﻪ ﺣﺘﻰ ﻟﻮ ﻛﺎﻧﻮﺍ ﺧﻮﺗﻚ ﺣﻖ ﻗﺪﺍﻣﻬﻢ ﻣﺶ ﺣﻨﺘﻜﻠﻢ ﻓﻴﻪ ...
ﻣﻌﺎﻭﻳﻪ ﻣﺴﺘﻐﺮﺏ ﻭﺧﺎﻑ ﺍﻛﺜﺮ ﻷﻥ ﺍﻟﻤﻮﺿﻮﻉ ﻳﺨﺺ ﻣﻬﺎ ...
ﺍﻳﻤﻦ : ﺧﻼﺹ ﺣﻨﻲ ﻃﺎﻟﻌﻴﻦ ...
ﺍﻳﻤﻦ ﻣﺸﻲ ﻭﺷﺢ ﺇﻗﺒﺎﻝ ﻣﻦ ﺫﺭﺍﻋﻬﺎ ﻭﻃﻠﻌﻮﺍ ﻭﺻﻜﺮ ﺍﻟﺒﺎﺏ ..
ﺇﻗﺒﺎﻝ : ﻋﻼﺵ ﻣﻄﻠﻌﻨﻲ ..
ﺍﻳﻤﻦ : ﺍﻟﻤﻮﺿﻮﻉ ﺧﺎﺹ ﻳﺎﻗﻠﻴﻠﺔ ﺍﻟﺬﻭﻕ ... ﻭﻣﺸﻲ ﻭﺧﻼﻫﺎ ..
ﻭﻫﻲ ﺗﻐﻠﻲ ﻭﻣﺎﺑﺘﺶ ﺗﺘﺤﺮﻙ ﻣﻦ ﻣﻜﺎﻧﻬﺎ ...
ﻓﻲ ﺍﻟﻤﻜﺘﺐ ..
ﻣﻌﺎﻭﻳﻪ : ﺍﻫﻮ ﺍﻹﻧﻔﺮﺍﺩ ﺍﻟﻠﻲ ﺗﺒﻴﻪ ... ﺗﻜﻠﻤﻲ ...
ﻣﺨﻠﻴﻬﺎ ﻭﺍﻗﻔﻪ ﻗﺪﺍﻣﻪ ﻭﻣﻘﺎﻟﺶ ﻗﻌﻤﺰﻱ ﻗﺎﺻﺪ ﻳﻬﻴﻨﻬﺎ ﺑﺲ ﻫﻲ ﻣﺎﺃﻫﺘﻤﺘﺶ ...
ﺣﻨﺎﻥ : ﺟﺎﻳﻪ ﺑﻨﻜﻠﻤﻚ ﻉ ﺷﻲ ﻳﻬﻤﻚ ﺍﻧﺖ ﺑﺎﻟﺪﺭﺟﻪ ﺍﻷﻭﻟﻰ ﻭﻣﻦ ﺍﻟﻤﻔﺮﻭﺽ ﻣﺎﻓﻲ ﺷﻲ ﻣﻬﻢ ﻋﻨﺪﻙ ﺯﻳﻪ .. ﺑﻨﺘﻚ ... ﺩﻣﻚ ﻭﻟﺤﻤﻚ .. ﺍﻟﻠﻲ ﺗﺤﻤﻞ ﺍﺳﻤﻚ ﻭﺻﻔﺎﺗﻚ .. ﺑﻨﺘﻚ ﺍﻟﻠﻲ ﻣﺶ ﻣﺤﺘﺎﺟﻪ ﺣﺪ ﻓﻲ ﺍﻟﺪﻧﻴﺎ ﻗﺪ ﻣﺎﻣﺤﺘﺎﺟﺘﻠﻚ .. ﻟﻜﻦ ﻣﻊ ﺍﻷﺳﻒ ... ﺍﻧﺖ ﺑﺨﻴﻞ ﻋﻠﻴﻬﺎ ﺣﺘﻰ ﺑﻜﻠﻤﺔ ﺑﻨﺘﻲ ..
ﻛﻼﻣﻬﺎ ﻭﺟﻌﻪ ﻫﻠﺒﻪ ﺑﺲ ﺑﻜﺒﺮ ﻭﺗﻬﻜﻢ ﺭﺩ : ﺟﺎﻳﻪ ﺗﻌﻄﻲ ﻓﻴﺎ ﻣﺤﺎﺿﺮﺓ ﻉ ﺍﻷﺑﻮﺓ ﻳﻌﻨﻲ ..
ﺣﻨﺎﻥ : ﺟﺎﻳﻪ ﻧﻔﺘﺤﻠﻚ ﻋﻴﻮﻧﻚ ﻉ ﺣﺎﺟﻪ ﺗﻤﻠﻜﻬﺎ ﺍﻏﻠﻰ ﻣﻦ ﻛﻞ ﺍﻟﻠﻲ ﺷﻔﺘﻪ ﻋﻨﺪﻙ ﻟﻬﺎﻟﻠﺤﻈﻪ .. ﺟﺎﻳﻪ ﻧﻘﻮﻟﻚ ﺑﻨﺘﻚ ﺗﺒﻴﻚ ﺗﺒﻲ ﺑﻮﻫﺎ ﻣﺤﺘﺎﺟﺘﻠﻚ ﺍﻧﺖ ... ﺍﻧﺖ ﻭﺑﺲ ... ﻣﻬﺎ ﻟﻮ ﻫﺮﺑﺖ ﻣﻨﻚ ﻟﻐﻴﺮﻙ .. ﻭﻟﻘﺖ ﻋﻨﺪﻩ ﻣﺤﻨﺔ ﺍﻟﺪﻧﻴﺎ ﻛﻠﻬﺎ .. ﺣﺘﻘﻌﺪ ﻣﺤﺘﺎﺟﻪ ﻟﺤﻨﻚ ﺍﻧﺖ ... ﺣﻨﺎﻥ ﺑﻮﻫﺎ ﺍﻟﻠﻲ ﻣﺎﻓﻴﺶ ﺯﻳﻪ ... ﺍﻧﺖ ﺑﻮﻫﺎ ... ﺑﻮﻫﺎ ﺍﺳﻤﻊ ﺍﻟﻜﻠﻤﻪ ﺑﻘﻠﺒﻚ ﺑﻮﻭﻭﻫﺎ ..
ﻣﻌﺎﻭﻳﻪ ﺣﺲ ﻗﻠﺒﻪ ﻳﻨﻌﺼﺮ ﻋﺼﺮ ﻣﻦ ﻛﻼﻣﻬﺎ ﻭﻗﺎﻝ ﺑﻜﺒﺮ : ﻋﻄﻴﺘﻚ ﻭﻗﺖ ﺯﻳﺎﺩﻩ ﻭﻉ ﺍﻟﻔﺎﺿﻲ ﻳﺎﺭﻳﺖ ﺗﻄﻠﻌﻲ ﻭﻣﻌﺎﺵ ﺗﻮﺭﻳﻨﻲ ﻭﺟﻬﻚ ..
ﺣﻨﺎﻥ ﺷﺒﺤﺘﻠﻪ ﺑﺈﺑﺘﺴﺎﻣﻪ : ﻛﻨﺖ ﻋﺎﺭﻓﻪ ﻧﺘﻴﺠﺔ ﺟﻴﺘﻲ ﻣﺴﺒﻘﺎ .. ﺑﺲ ﺑﻨﻘﻮﻟﻚ ﺍﺧﺮ ﺷﻲ ﻋﻨﺪﻱ .. ﻛﺎﻥ ﻣﻤﻜﻦ ﻗﺒﻞ ﺳﺎﻋﻪ ﻣﻦ ﺗﻮﺍ ﻳﺘﺼﻠﻮﺍ ﺑﻴﻚ ﻭﻳﻘﻮﻟﻮﻟﻚ ﺑﻨﺘﻚ ﻣﺎﺗﺖ ﻣﻨﺘﺤﺮﻩ ..
ﻣﻌﺎﻭﻳﻪ ﺍﻧﺼﺪﻡ ﺻﺪﻣﻪ ﻗﻮﻳﺔ ﺧﻼﺗﻪ ﻳﻨﻮﺽ ﻳﻮﻗﻒ ﺿﻴﻖ ﻋﻴﻮﻧﻪ ﻭﺑﺼﻮﺕ ﻳﺮﻋﺶ : ﺍﻧﺘﻲ ... ﺷﻦ .. ﺗﻘﻮﻟﻲ ..
ﺣﻨﺎﻥ : ﺑﻨﺘﻚ ﺍﻟﻴﻮﻡ ﻛﺎﻧﺖ ﺣﻨﺘﻘﺰ ﻣﻦ ﻓﻮﻕ ﺳﻄﺢ ﻣﺪﺭﺳﺘﻬﺎ ﻟﻮﻻ ﻟﻄﻒ ﺭﺑﻲ ﺑﻴﻬﺎ .. ﺑﻨﺘﻚ ﻭﺍﺻﻠﻪ ﻟﻤﺮﺣﻠﺔ ﻣﺘﻄﻮﺭﺓ ﻫﻠﺒﻪ ﻣﻦ ﺍﻟﻜﺂﺑﻪ ﻭﺍﻟﺤﺰﻥ ﺍﻟﻠﻲ ﺍﻧﺖ ﺗﺴﺒﺒﺘﻠﻬﺎ ﻓﻴﻪ .. ﺣﻂ ﻓﺒﺎﻟﻚ ﻟﻮ ﺻﺎﺭﺗﻠﻬﺎ ﺣﺎﺟﻪ ﺫﻧﺒﻬﺎ ﻓﺮﻗﺒﺘﻚ ﺍﻧﺖ ...
ﻣﻌﺎﻭﻳﻪ ﻛﻼﻣﻬﺎ ﺧﻼﻩ ﻳﺬﻛﺮ ﺍﻟﻠﻲ ﺻﺎﺭ ﻣﻌﺎﻩ ﻣﻦ ﺳﻨﻴﻦ ﺟﺎﺗﻪ ﻧﻔﺲ ﺍﻟﺤﺎﻟﻪ ﺑﺪﻱ ﻳﺮﻋﺶ ﻭﻗﻌﻤﺰ ﻣﻨﻬﺪ ﻉ ﺍﻟﻜﺮﺳﻲ ﻭﺷﺪ ﺭﺍﺳﻪ ...
ﺣﻨﺎﻥ ﺍﻧﺼﺪﻣﺖ ﻭﺧﺎﻓﺖ ﻣﻌﺎﺵ ﻋﺮﻓﺖ ﺷﻦ ﺍﺩﻳﺮ ... ﺟﺖ ﺑﺘﻄﻠﻊ ﺗﻨﺎﺩﻳﻬﻢ ..
ﻣﻌﺎﻭﻳﻪ ﻭﻫﻮ ﻳﺮﻋﺶ : ﻣﺎﺗﻜﻠﻤﻲ ... ﺣﺪ
ﺣﻨﺎﻥ ﺷﺎﻓﺘﻠﻪ ﻭﻫﻲ ﺧﺎﻳﻔﻪ : ﺑﺎﻩ .. ﺷﻦ ﻧﺪﻳﺮ ﻗﻮﻟﻲ .. ﻛﻴﻒ ﻧﺘﺼﺮﻑ ﺍﺭﺟﻮﻙ ...
ﻣﻌﺎﻭﻳﻪ ﻛﺎﻥ ﻳﺴﻤﻊ ﻓﻴﻬﺎ ﻭﺣﺲ ﺑﻨﺒﺮﺓ ﺻﻮﺗﻬﺎ ﺍﺍﻟﺨﺎﻳﻔﻪ ... ﻭﺣﺪﻩ ﺗﺎﻧﻴﻪ .. ﻛﺎﻧﺖ ﻃﻠﻌﺖ ﻭﻣﺎﺩﻭﺭﺗﺎﺵ ﺍﻟﻤﻬﻢ ﺗﻬﺮﺏ ..
ﺣﻨﺎﻥ ﻗﺪﻣﺖ ﻭﻫﻲ ﺑﺘﻤﻮﺕ ﻣﻦ ﺧﻮﻓﻬﺎ : ﺍﺭﺟﻮﻙ ﻗﻮﻟﻲ ﻛﻴﻒ ﻧﻘﺪﺭ ﻧﺴﺎﻋﺪﻙ
ﻭﻫﻮ ﺷﺎﺩ ﺭﺍﺳﻪ ﺍﺷﺮﻟﻬﺎ ﺑﺈﻳﺪﻩ ﺍﻟﻠﻲ ﺗﺮﻋﺶ ﻉ ﻗﺠﺮ ﺣﺪﺍﻩ ...
ﻃﻮﻝ ﻓﺘﺤﺎﺗﻪ ... ﻟﻘﺖ ﻓﻴﻪ ﺑﺎﻛﻮﺍ ﺩﻭﺍ ﻓﺘﺤﺎﺗﻪ ...
ﻋﻄﺎﺗﻪ ﺣﺒﻪ ﻓﻴﺪﻩ ... ﺧﺪﺍﻫﺎ ﻭﺑﻠﻌﻬﺎ ﻃﻮﻝ ...
ﺣﻨﺎﻥ ﻗﻌﺪﺕ ﺗﺸﺒﺤﻠﻪ ﻛﻴﻒ ﻳﺒﻠﻊ ﻓﻴﻬﺎ ﻃﻮﻝ ﻣﻦ ﻏﻴﺮ ﺍﻣﻴﻪ ..
ﺷﻮﻳﻪ ﺍﺳﺘﺮﺧﻰ ﻉ ﺍﻟﻜﺮﺳﻲ ...
ﻫﻲ ﻭﺧﺮﺕ ﻭﻗﺎﻋﺪﻩ ﺗﺸﻮﻓﻠﻪ .. ﻛﻴﻒ ﻋﺎﺭﻕ ﻭﻭﺟﻬﻪ ﺃﺻﻔﺮ ... ﺣﺴﺖ ﻟﺤﻈﺘﻬﺎ ﺍﻥ ﻣﻌﺎﻭﻳﻪ ﺍﻟﻐﻮﻝ ﻓﻨﻈﺮﻫﺎ .. ﻑ ﺣﻘﻴﻘﺘﻪ ﺇﻧﺴﺎﻥ ﻳﺘﻈﺎﻫﺮ ﺑﺎﻟﻘﻮﺓ ﻭﻣﻦ ﺩﺍﺧﻠﻪ ﻣﺪﻣﺮ ﺍﻟﻠﻲ ﺻﺎﺭ ﻗﺪﺍﻣﻬﺎ ﻛﻔﻴﻞ ﻟﻴﺒﻨﻠﻬﺎ ﻫﺬﺍ ﻛﻠﻪ ...
ﻣﻌﺎﻭﻳﻪ ﻭﻫﻮ ﻣﻐﻤﺾ ﻋﻴﻮﻧﻪ ﻭﺑﺼﻮﺕ ﻳﺪﻭﺏ ﻃﺎﻟﻊ : ﻣﻬﺎ .. ﻭﻳﻦ ...
ﺣﻨﺎﻥ ﺑﺤﺰﻥ : ﻋﻨﺪﻱ ﻓﺎﻟﺤﻮﺵ ..
ﻣﻌﺎﻭﻳﻪ ﻓﺘﺢ ﻋﻴﻮﻧﻪ ﺍﻟﺘﺎﻋﺒﺎﺕ ﻭﻗﻌﺪ ﻳﺸﻮﻓﻠﻬﺎ ﻫﻠﺒﻪ ﻭﻫﻲ ﺗﺸﺒﺤﻠﻪ ﺑﻌﻴﻮﻥ ﺣﺰﻳﻨﻪ ﻭﺧﺎﻳﻔﻪ ...
ﻣﻌﺎﻭﻳﻪ : ﺭﻭﺣﻲ .. ﺗﻮﺍ ...
ﺣﻨﺎﻥ ﻫﺰﺕ ﺭﺍﺳﻬﺎ ﺑﺄﻳﺠﺎﺏ ﻭﺧﺪﺕ ﺷﻨﻄﺘﻬﺎ ﻭﺟﺖ ﻃﺎﻟﻌﻪ ..
" ﺍﻟﻠﻲ ﺻﺎﺭ ﻫﻨﻲ ﻳﻘﻌﺪ ﻫﻨﻲ .."
ﺍﻟﺘﻔﺘﺖ ﺷﺒﺤﺘﻠﻪ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﺍﻟﺘﻔﺘﺖ ﺍﻟﻘﺪﺍﻡ ﺍﺳﺘﺠﻤﻌﺖ ﻧﻔﺴﻬﺎ ﻭﻃﻠﻌﺖ ﻭﺻﻜﺮﺕ ﺍﻟﺒﺎﺏ ...
ﻫﻮ ﻻﺇﺭﺍﺩﻳﺎ ﺍﺑﺘﺴﻢ ﺇﺑﺘﺴﺎﻣﻪ ﺧﻔﻴﻔﻪ ..
ﺑﺮﺍ ..
ﻃﻠﻌﺖ ﺣﻨﺎﻥ ﻭﺩﺍﻳﺮﻩ ﺭﻭﺣﻬﺎ ﻋﺎﺩﻳﻪ ﻭﺣﺴﺖ ﺍﻥ ﺍﻗﺒﺎﻝ ﺑﺘﺨﺶ ﻭﻗﻔﺘﻬﺎ : ﻧﺼﻴﺤﻪ ﻣﺎﺗﺨﺸﻴﺶ ﻹﻧﻪ ﻣﻌﺼﺐ ﻫﻠﺒﻪ .. ﻭﻣﺸﺖ ﻭﺧﻠﺘﻬﺎ ..
ﺇﻗﺒﺎﻝ ﺧﺎﻓﺖ ﻭﻣﺸﺖ ﻷﻳﻤﻦ ﺑﺶ ﺗﻘﻮﻟﻪ ﻳﺨﺸﻠﻪ ".. ﺗﺒﻲ ﺗﺤﻄﻪ ﻑ ﻭﺟﻪ ﺍﻟﻤﺪﻓﻊ ﻋﻘﺮﺏ ﺍﻟﺸﻤﺲ "
...
ﺣﻨﺎﻥ ﻭﻫﻲ ﻣﺎﺷﻴﻪ ﻣﺶ ﺭﺍﻳﺢ ﻣﻦ ﺑﺎﻟﻬﺎ ﺍﻟﻠﻲ ﺻﺎﺭ ﺑﻜﻞ ﻭﻣﺶ ﻗﺎﺩﺭﺓ ﺗﻨﺴﻰ ﺣﺎﻟﻪ ﻣﻌﺎﻭﻳﻪ .. ﻃﻠﻌﺖ ﻣﻦ ﺍﻟﺸﺮﻛﻪ ﻭﺭﻛﺒﺖ ﺳﻴﺎﺭﺗﻬﺎ ﺩﺍﺭﺕ ﻧﻈﺮﺓ ﺍﺧﻴﺮﺓ ﻉ ﺍﻟﺸﺮﻛﻪ ﻭﺗﺤﺮﻛﺖ ﻃﻮﻝ .....
... ﻳﺘﺒﻊ .....
.
