ﺍﻟﺘﺎﻟﻲ
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 19_
ﻛﺎﻧﺖ ﻓﻲ ﻣﻜﺘﺒﻬﺎ ﺗﻮﺗﻲ ﻓﻲ ﺭﻭﺣﻬﺎ ﺑﺶ ﺗﻤﺸﻲ ﻟﻠﻤﺤﻜﻤﻪ ﺗﺮﺍﻓﻊ ﻓﻲ ﺟﻠﺴﻪ ﻣﻬﻤﻪ ﻋﻨﺪﻫﺎ ... ﺧﺸﺖ ﺍﻟﺴﻜﺮﺗﻴﺮﻩ ..
ﺍﻟﺴﻜﺮﺗﻴﺮﻩ : ﺃﺳﺘﺎﺫﻩ ﻳﺎﺭﺍ ﺍﻟﻈﺮﻑ ﻫﺬﺍ ﻭﺻﻠﻚ ﺗﻮﺍ ...
ﻳﺎﺭﺍ ﺑﺈﺳﺘﻌﺠﺎﻝ : ﺧﻠﻴﻪ ﻉ ﺍﻟﻤﻜﺘﺐ ﺗﻮ ﺑﻌﺪﻳﻦ ﻧﺸﻮﻓﻪ .. ﻭﻃﻠﻌﺖ ..
ﺣﻄﺖ ﺍﻟﺴﻜﺮﺗﻴﺮﻩ ﺍﻟﻈﺮﻑ ﻉ ﺍﻟﻤﻜﺘﺐ ﻭﻃﻠﻌﺖ ﺳﻜﺮﺕ ﺍﻟﺒﺎﺏ ..
***
ﻗﺒﺮﺹ ..
ﻣﻘﻌﻤﺰﻳﻦ ﻉ ﺍﻟﺒﺤﺮ ﻫﻤﺎ ﻭﺑﻮﻫﻢ ﻳﻬﺪﺭﺯﻭﺍ ...
ﺭﻫﻒ : ﻧﺒﻲ ﻧﺘﺨﺼﺺ ﻣﺦ ﻭﺃﻋﺼﺎﺏ ..
ﻧﻀﺎﻝ : ﻟﻮ ﺍﺧﺘﺮﺗﻲ ﺗﺨﺼﺺ ﺃﺳﻬﻞ ... ﻓﻜﺮﻱ ﺍﻟﻘﺪﺍﻡ ﻓﻲ ﻣﺴﺆﻭﻟﻴﺎﺕ ﺗﺴﺘﻨﻰ ﻓﻴﻚ ..
ﺭﻫﻒ : ﻣﺎﻋﻨﺪﻱ ﺷﻲ ﺍﻫﻢ ﻣﻦ ﻗﺮﺍﻳﺘﻲ ﻭﻃﻤﻮﺣﻲ ﻉ ﺍﻗﻞ ﻳﻀﻴﻊ ﻋﻤﺮﻱ ﻓﻲ ﺣﺎﺟﻪ ﺿﺎﻣﻨﻪ ﺍﻧﻲ ﻣﺶ ﺣﻨﺨﺴﺮﻫﺎ ...
ﻧﻀﺎﻝ ﻭﺟﻬﻪ ﺗﻐﻴﺮ ﻭﻓﻬﻢ ﺗﻠﻤﻴﺢ ﺑﻨﺘﻪ .. ﺍﺿﺎﻳﻖ ﺍﻥ ﺧﻼ ﺑﻨﺘﻪ ﺗﻔﻜﺮ ﺑﺎﻟﻄﺮﻳﻘﻪ ﺍﻟﺴﻠﺒﻴﻪ ﻫﺎﺩﻱ ..
ﻟﺒﻨﻰ ﺍﺑﺘﺴﻤﺖ ﺗﻬﻜﻤﺎ ...
ﺳﻜﺘﻮﺍ ﻭﻣﻌﺎﺵ ﺗﻜﻠﻤﻮﺍ .. ﻗﻄﻊ ﻫﺎﻟﺼﻤﺖ .. ﺭﺳﺎﻟﻪ ﺟﺖ ﻟﻠﺒﻨﻰ ..
ﻟﺒﻨﻰ ﺑﺈﺑﺘﺴﺎﻣﻪ : ﺷﻮﻓﻲ ﺻﻮﺭﺓ ﻣﻬﺎ ﻣﻦ ﺍﻟﻌﻤﺮﻩ .. ﻣﺪﺗﻠﻬﺎ ﺍﻟﺘﻠﻴﻔﻮﻥ ..
ﺧﺪﺍﺗﻪ ﺭﻫﻒ ﻭﺷﺎﻓﺘﻬﺎ ﺍﺑﺘﺴﻤﺖ : ﺍﻟﺤﻤﺪ ﻟﻠﻪ ﺭﺑﻲ ﺍﺳﺘﺠﺎﺏ ﺩﻋﻮﺗﻬﺎ ﻭﻓﺮﺡ ﻗﻠﺒﻬﺎ ﻭﺍﺧﻴﺮﺍ ..
ﻧﻀﺎﻝ ﻣﺮﻛﺰ ﻣﻌﺎﻫﻢ : ﻫﺎﺩﻱ ﺻﺎﺣﺒﺘﻚ ﺑﻨﺖ ﻣﻌﺎﻭﻳﻪ ﻋﺒﺪ ﺍﻟﻌﺰﻳﺰ ..
ﻟﺒﻨﻰ : ﺍﻳﻪ ..
ﻧﻀﺎﻝ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﻫﻮ ﺟﻲ ﻟﻠﺤﻮﺵ ﻗﺒﻞ ﻫﺪﻳﻜﺎ ﺍﻟﻤﺮﺓ؟
ﻟﺒﻨﻰ : ﻣﺎﻣﺎ ﻣﺎﺩﺧﻠﺶ ﻓﺤﺪ ﻏﺮﻳﺐ ﻟﻠﺤﻮﺵ ﺩﻭﻥ ﺍﺫﻧﻚ ﻭﻭﺟﻮﺩﻙ ..
ﻧﻀﺎﻝ : ﻋﻼﺵ ﺗﺘﻜﻠﻤﻲ ﻫﻜﻲ؟ ﺳﺆﺍﻟﻲ ﻋﺎﺩﻱ ﺟﺪﺍ ..
ﻟﺒﻨﻰ : ﺳﺆﺍﻟﻚ ﻳﺎﺑﺎﺑﺎ ﻣﻔﺮﻭﺽ ﻣﺎﻳﻨﺴﺄﻟﺶ ﺃﺻﻼ ...
ﺭﻫﻒ : ﺧﻼﺹ ﻟﺒﻨﻰ ﺧﻴﺮﻙ؟
ﻟﺒﻨﻰ ﻧﺎﺿﺖ : ﺍﻧﻲ ﻧﺨﺶ ﺍﺣﺴﻦ .. ﻭﻣﺸﺖ ..
ﻧﻀﺎﻝ ﺷﺒﺤﻠﻬﺎ ﺑﻌﺪﻳﻦ ﺷﺒﺢ ﻟﺮﻫﻒ ﻭﺑﻐﻀﺐ : ﺳﺎﻳﺮﺕ ﻓﻮﻕ ﻣﻦ ﺍﻟﻼﺯﻡ .. ﻗﻠﺔ ﺍﻷﺩﺏ ﻫﺎﺩﻱ ﺗﺘﻜﺮﺭ ﻣﺮﺓ ﺗﺎﻧﻴﻪ ﺣﻨﺘﻔﺎﻫﻢ ﻣﻌﺎﻫﺎ ﺑﻄﺮﻳﻘﻪ ﺟﺪﻳﺪﻩ ..
ﺭﻫﻒ ﺧﺎﻓﺖ : ﺑﺎﺑﺎ ﺍﻟﻠﻲ ﺻﺎﺭ ﺍﺛﺮ ﻉ ﻟﺒﻨﻲ ﻣﻮﻟﻴﻪ ﻋﺼﺒﻴﻪ ﻫﻠﺒﻪ ..
ﻭﻛﻠﻨﺎ ﻣﻼﺣﻈﻴﻦ ﻭﻧﺤﺎﻭﻟﻮﺍ ﻧﺤﺘﻮﻭﻫﺎ ﻭﺍﻧﺖ ﺑﺎﻟﺬﺍﺕ ﻻﺯﻡ ﺗﺘﺤﻤﻠﻬﺎ .. ﻷﻧﻚ .. ﻭﻣﺎﺗﺰﻋﻠﺶ ﻣﻨﻲ ﻳﺎﺑﺎﺑﺎ .. ﺍﻧﺖ ﺍﻟﺴﺒﺐ ..
ﻧﻀﺎﻝ ﺳﻜﺖ ﻭﻫﻮ ﻣﻀﺎﻳﻖ ﻉ ﺍﻵﺧﺮ ...
***
ﻣﺎﺷﻲ ﻓﻲ ﻣﻤﺮ ﺍﻟﺪﻭﺭ ﺍﻟﺘﺎﻧﻲ .. ﺍﻟﻜﻞ ﻭﺍﻗﻒ ﺍﺳﺘﻌﺪﺍﺩ ﺧﺶ ﻟﻤﻜﺘﺐ ﻣﺤﺪﺩ .. ﻛﻞ ﺍﻟﻠﻲ ﻓﻴﻪ ﻭﻗﻔﻮﺍ ﺍﺷﺮﻟﻬﻢ ﺑﻴﺪﻩ ﺑﺶ ﻳﻘﻌﻤﺰﻭﺍ ...
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﺍﻫﻼ ﺑﻴﻚ ﻳﺎﺁﻣﻨﻪ ﺑﻴﻨﺎﺗﻨﺎ ﻣﻦ ﺟﺪﻳﺪ ..
ﺁﻣﻨﻪ ﻭﻫﻲ ﻣﻨﺪﻫﺸﻪ : ﺷﻜﺮﺍ ... ﺍﺳﺘﺎﺫ ..
ﻣﻌﺎﻭﻳﻪ : ﺍﻟﻌﻔﻮ ... ﻭﻟﻒ ﻭﻃﻠﻊ ..
ﺁﻣﻨﻪ : ﻗﺼﺪﻛﻢ ﻫﻮ ﻧﺎﺯﻝ ﻣﻦ ﻓﻮﻕ ﺑﺶ ﻳﺴﻠﻢ ﻋﻠﻴﺎ ..
: ﺍﺳﺘﺎﺫ ﻣﻌﺎﻭﻳﻪ ﻣﺘﻐﻴﺮ ﺷﻮﻳﻪ ﺍﻟﻔﺘﺮﻩ ﺍﻷﺧﻴﺮﻩ ..
ﺁﻣﻨﻪ ﺍﺑﺘﺴﻤﺖ ﻭﺳﻜﺘﺖ .. ﻭﻫﻲ ﺗﻔﻜﺮ ﻓﻲ ﺍﻟﺴﺒﺐ ﺍﻟﻠﻲ ﺧﻼﻩ ﻳﺮﺟﻌﻬﺎ ﻭﺗﻔﻜﻴﺮﻫﺎ ﻳﻘﻮﺩﻫﺎ ﻧﺎﺣﻴﻪ ﺷﺨﺺ ﻭﺍﺣﺪ ﺑﺲ ..
***
ﻃﻠﻌﺖ ﻓﺒﺎﻟﻜﻮﻧﻪ ﺍﻟﻐﺮﻓﻪ ﻣﺘﺎﻋﻬﺎ ﻫﻲ ﻭﺃﺧﺘﻬﺎ ﻓﻲ ﺍﻟﻔﻨﺪﻕ ... ﺗﺘﻔﺮﺝ ﻉ ﺍﻟﺒﺤﺮ .. ﺳﻤﻌﺖ ﺻﻮﺕ ﻳﻐﻨﻲ ... ﺍﻟﺘﻔﺘﺖ ﺟﻨﺒﻬﺎ .. ﻟﻔﻲ ﺍﻟﺒﺎﻟﻜﻮﻧﻪ ﺍﻟﻠﻲ ﺟﻨﺒﻬﺎ ﻟﻘﺎﺗﻪ ﻫﻮ ﻣﺎﻛﺎﻧﺶ ﻳﺸﺒﺤﻠﻬﺎ ﻛﺎﻥ ﻳﺸﺒﺢ ﻟﻠﺒﺤﺮ ﻭﻳﻐﻨﻲ ﻭﺧﻼﺹ .. ﻗﻌﺪﺕ ﺗﺴﻤﻊ ﻓﻴﻪ ﺍﻷﻏﻨﻴﻪ ﻛﺎﻧﺖ ﻟﻌﺒﺪﺍﻟﺤﻠﻴﻢ ... ﺗﺨﻮﻧﻮﻩ ...
ﺣﺴﺖ ﺑﺄﻧﻪ ﻳﻐﻨﻲ ﻓﻴﻬﺎ ﻣﻦ ﻗﻠﺒﻪ ﻛﺎﻥ ﺻﻮﺗﻪ ﻣﺨﻨﻮﻕ ﺑﻌﺾ ﺍﻟﺸﻲ ... ﻣﺶ ﻋﺎﺭﻓﻪ ﺷﻦ ﺣﺴﺖ ﻭﻗﺘﻬﺎ ﻟﺪﺭﺟﺔ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ .. ﺣﺰﻥ .. ﺃﺛﺮ ﻓﻴﻬﺎ ﺻﻮﺗﻪ ... ﻣﺶ ﻋﺎﺭﻓﻪ ﺷﻨﻮ ﺑﺎﻟﺰﺑﻂ ..
ﻫﻮ ﺗﻨﻬﺪ ﻭﺳﻜﺖ ﺟﺎﻱ ﺑﻴﺨﺶ ﻟﻘﺎﻫﺎ ﻭﺍﻗﻔﻪ ﺗﺸﺒﺤﻠﻪ ...
ﻫﻲ ﺗﻠﺨﺒﻄﺖ ﻭﻏﻴﺮﺕ ﻭﺟﻬﻬﺎ ﺟﻬﺔ ﺍﻟﺒﺤﺮ ...
ﺑﺪﺭ : ﻋﺎﺭﻓﻚ ﻣﻦ ﺍﻷﻭﻝ ﻃﺮﻭﺡ ﺍﺩﻳﺮﻱ ﻓﻴﻬﻢ ﻭﺧﻼﺹ .. ﺑﺶ ﺗﺒﺎﻧﻲ ﺍﻟﺒﻨﺖ ﺍﻟﻮﺍﻭ ﺍﻟﺮﺯﻳﻨﻪ ﻭﻣﺎﻓﻴﺶ ﻣﻨﻚ ...
ﻟﺒﻨﻰ ﺿﻴﻘﺖ ﻋﻴﻮﻧﻬﺎ : ﻳﺎﺭﺑﻲ ... ﺷﻨﻮ ﺍﻟﺼﻮﺕ ﻫﺬﺍ .. ﻓﻲ ﺣﺪ ﻫﻨﻲ ؟؟ !!..
ﺑﺪﺭ ﺗﻀﺤﻚ ﺑﺴﺨﺮﻳﻪ : ﻭﻣﺎﺯﺍﻝ ﻋﺎﻳﺸﻪ ﺍﻟﺪﻭﺭ ﻣﺎﺗﻘﻮﻟﺶ ﺑﻜﺮﻱ ﺷﻮﻳﻪ ﻗﺮﻳﺐ ﻛﻠﻴﺘﻨﻲ ﺑﻌﻴﻮﻧﻚ ..
ﻟﺒﻨﻰ : ﻳﻴﻴﻪ ... ﻃﻠﻊ ﺫﺑﺎﻥ .. ﻛﻴﻒ ﻓﻨﺪﻕ ﺯﻱ ﻫﺬﺍ ﻳﻜﻮﻥ ﻓﻴﻪ ﺫﺑﺎﻥ ... ﺗﻮ ﻧﺒﻠﻎ ﺍﻟﻤﺴﺆﻟﻴﻦ ﺑﺎﻟﻚ ﻳﺒﺨﻮﻩ ﺑﻔﻠﻴﺖ ﻭﻳﻔﻜﻮﻧﺎ ﻣﻨﻪ .. ﺷﻘﻠﺒﺖ ﻋﻴﻮﻧﻬﺎ ﻭﺧﺸﺖ ...
ﺑﺪﺭ ﺗﻨﺮﻓﺰ ﺑﺲ ﺿﺤﻚ ﻏﺼﺐ ﻋﻨﻪ .. ﻭﺧﺶ ..
***
ﻭﻟﺖ ﻳﺎﺭﺍ ﻟﻠﻤﻜﺘﺐ ﺑﻌﺪ ﺗﺮﺍﻓﻌﺖ ﻣﺮﺍﻓﻌﻪ ﻧﺎﺟﺤﻪ ﻛﺎﻟﻌﺎﺩﺓ .. ﻗﻌﻤﺰﺕ ﻭﺭﺍ ﻣﻜﺘﺒﻬﺎ ﺷﺎﻓﺖ ﺍﻟﻈﺮﻑ .. ﺧﺪﺍﺗﻪ ﺷﺎﻓﺎﺗﻪ ﻣﻦ ﺟﻴﻬﺘﻴﻦ ﻣﺎﻟﻘﺘﺶ ﻣﻜﺘﻮﺏ ﻋﻠﻴﻪ ﺷﻲ .. ﻣﻄﺖ ﺷﻮﺍﺭﺑﻬﺎ ﺑﺘﺴﺎﺅﻝ .. ﻓﺘﺤﺖ ﺍﻟﻈﺮﻑ ﻟﻘﺖ CD ﻣﻐﻠﻒ ... ﺣﻮﻻﺗﻪ ﻣﻦ ﺍﻟﻐﻼﻑ ﻭﻗﻌﺪﺕ ﺗﺸﻮﻓﻠﻪ ﺑﻌﺪﻳﻦ ﻃﻠﻌﺖ ﻻﺏ ﺗﻮﺑﻬﺎ ﻣﻦ ﺍﻟﺸﻨﻄﻪ ﻭﻓﺘﺤﺎﺗﻪ ﻭﺣﻄﺖ ﻓﻴﻪ CD...
ﺍﻧﻔﺘﺢ ...
ﺣﻔﻠﻪ ... ﺭﻗﻴﺺ .. ﺧﻤﺮ ... ﺍﻏﺎﻧﻲ .. ﺑﺎﺭ .. ﺍﻳﻪ ﺑﺎﺭ ﻭﻓﻲ ﻭﺣﺪﻩ ﻭﻗﻔﺖ ﻓﺠﺄﺓ ﻓﻲ ﻧﺺ ﺍﻟﺒﺎﺭ ﻭﺍﻟﺒﺎﻳﻦ ﻋﻠﻴﻬﺎ ﺳﺎﻛﺮﻩ .. ﻭﺗﺮﻗﺺ ﻭﻣﻌﺎﻫﺎ ﻭﺍﺣﺪ ﻭﻓﻲ ﻟﻘﻄﺎﺕ ﻏﻴﺮ ﻻﺋﻘﻪ ﺻﺎﺭﺕ ..
ﻳﺎﺭﺍ ﻗﻌﺪﺕ ﺗﺮﻋﺶ ﻣﻊ ﺑﻌﻀﻬﺎ ﺣﻄﺖ ﺍﻳﺪﻫﺎ ﺍﻟﻠﻲ ﺗﺮﻋﺶ ﻉ ﻓﻤﻬﺎ ﻭﺩﻣﻮﻋﻬﺎ ﻳﻄﻴﺤﻮﺍ ﻭﺣﺪﻩ ﻭﺭﺍ ﺍﻟﺘﺎﻧﻴﻪ ..
ﺗﻢ ﺍﻟﻔﻴﺪﻳﻮ ﻭﻓﻲ ﺍﺧﺮﻩ ﻣﻜﺘﻮﺏ ﻛﻼﻡ ..
( ﻣﺬﻛﺮﺓ ﺍﻣﺘﻰ ﺻﺎﺭ ﺍﻟﻴﻮﻡ ﻫﺬﺍ ... ﻭﺷﻦ ﺻﺎﺭ ﺑﻌﺪﻩ .. ﺍﻧﻲ ﻃﻠﻌﺖ ﺷﻬﻢ ﻫﻠﺒﻪ ﻳﺎﺃﺳﺘﺎﺫﻩ ﺍﻟﻠﻲ ﻃﻠﻘﺘﻚ ﺑﺲ .. ﻫﻞ ﻳﺎﺗﺮﻯ ﺭﺍﺟﻠﻚ ﺍﻟﻤﺤﺘﺮﻡ ﻳﻌﺮﻑ ﺑﺸﻲ ﺯﻱ ﻫﺬﺍ ؟ﺣﻨﻌﺮﻓﻮﺍ ﻓﻲ ﺍﻟﺤﻠﻘﻪ ﺍﻟﻘﺎﺩﻣﻪ ﻫﻬﻬﻬﻪ ) .. ﻭﻭﻗﻒ ﺍﻟﻔﻴﺪﻳﻮ ..
ﺳﻜﺮﺕ ﺍﻟﻼﺏ ﺑﻘﻮﺓ ﻭﻫﻲ ﺑﺘﻤﻮﺕ ... ﺑﺎﻟﺴﻴﻒ ﻧﺎﺿﺖ ﺧﺪﺕ ﺷﻨﻄﺘﻬﺎ ﻭﻃﻠﻌﺖ ﻭﺳﻜﺮﺕ ﺍﻟﻤﻜﺘﺐ .. ﻭﺧﻄﻤﺖ ﺣﺪﺍ ﺍﻟﺴﻜﺮﺗﻴﺮﻩ ..
ﻳﺎﺭﺍ ﻭﻫﻲ ﻣﺨﻨﻮﻗﻪ : ﺍﻟﻐﻲ ﻛﻞ ﺷﻲ ﻋﻨﺪﻱ ﺍﻟﻴﻮﻡ ﻭﻏﺪﻭﺓ .. ﻭﻣﺸﺖ ﻃﻮﻝ ..
ﻃﻮﻝ ﺍﻟﻄﺮﻳﻖ ﻭﻫﻲ ﺗﺴﻮﻕ ﻓﻜﺮﺕ ﺗﻨﺘﺤﺮ ﻓﻜﺮﺕ ﻓﻲ ﺍﻛﺜﺮ ﻣﻦ ﻃﺮﻳﻘﻪ ... ﻟﻜﻦ ﻓﻲ ﺍﻷﺧﻴﺮ ﻭﺻﻠﺖ ﻟﺸﻲ ﺗﺎﻧﻲ .. ﻭﺗﻮﺟﻬﺖ ﺑﺴﻴﺎﺭﺗﻬﺎ ﻟﻤﻜﺎﻥ ﻣﻌﻴﻦ ...
ﺑﻌﺪ ﺩﺍﺭﺕ ﻣﺸﻮﺍﺭﻫﺎ ﺧﺪﺕ ﻭﻟﺪﻫﺎ ﺣﻄﺎﺗﻪ ﻋﻨﺪ ﺻﺎﺣﺒﺘﻬﺎ ﻭﺗﺤﺠﺠﺖ ﺍﻧﻬﺎ ﺑﺘﻄﻠﻊ ﺑﺮﺍ ﻃﺮﺍﺑﻠﺲ ... ﺑﻌﺪ ﺣﻄﺎﺗﻪ ﻋﻨﺪﻫﺎ .. ﻭﻟﺖ ﻟﻠﺤﻮﺵ ... ﻟﻮﺣﺖ ﺷﻨﻄﺘﻬﺎ ﻉ ﻃﻮﻝ ﺍﻳﺪﻫﺎ ﻭﺗﻮﺟﻬﺖ ﻟﻠﻤﻄﺒﺦ ﻓﺘﺤﺖ ﻛﻴﺴﻪ ﻣﺤﻄﻮﻃﻪ ﻉ ﺍﻟﺮﺧﺎﻣﻪ ... ﺟﺎﺑﺘﻬﺎ ﻗﺒﻞ ﻟﺘﺮﻓﻊ ﻭﻟﺪﻫﺎ ﻟﺼﺎﺣﺒﺘﻬﺎ .. ﻃﻠﻌﺖ ﻣﻨﻬﺎ ﻣﺬﻫﺐ ﺍﻟﻌﻘﻞ ... ﺃﻡ ﺍﻟﻜﺒﺎﺋﺮ ... ﻭﻃﻠﻌﺖ ﻃﺎﺳﻪ ... ﻭﻗﻌﻤﺰﺕ .. ﻓﺘﺤﺖ ﺍﻟﺸﻴﺸﻪ ﻭﺑﺪﺕ ﺗﺼﺐ ﻭﺗﺸﺮﺏ ..
ﻭﻫﺎﺩﻱ ﺍﻭﻝ ﻣﺮﺓ ﺗﺸﺮﺏ ﻓﻴﻬﺎ ﻣﻦ ﺑﻌﺪ ﺗﻌﺮﻓﺖ ﻉ ﻧﻀﺎﻝ ...
***
ﺭﻭﺣﺖ ﻣﻦ ﺍﻟﺴﻔﺮ ﻭﻫﻲ ﻗﺮﻳﺐ ﺗﻨﻔﺠﺮ ﻣﻦ ﻏﻴﻈﻬﺎ ﺧﺸﺖ ﻟﻠﻔﻴﻼ ..
ﺳﻤﻴﻪ : ﺧﻴﺮﻙ ﺧﺎﺷﻪ ﻫﻜﻲ ﻻﺳﻼﻡ ﻻﻛﻼﻡ ..
ﺇﻗﺒﺎﻝ ﻭﻫﻲ ﻣﺎﺷﻴﻪ : ﻣﻨﻴﻦ ﻃﻠﻌﺖ ﺍﻟﺰﻓﺘﻪ ﻫﺎﺩﻱ ..
ﺳﻤﻴﻪ : ﻗﺘﻠﻚ ﻣﻦ ﺍﻟﺒﺪﺍﻳﻪ ﺩﻳﺮﻟﻪ ﺷﻲ ﻳﺨﻠﻴﻪ ﻳﺤﺼﻞ ...
ﺧﺸﺖ ﻟﺪﺍﺭﻫﺎ : ﻣﺎﻣﺎ ﻣﻴﺔ ﻣﺮﺓ ﻧﻘﻮﻟﻚ ﻣﻌﺎﻭﻳﻪ ﻣﺶ ﻫﻜﻲ ...
ﺳﻤﻴﻪ : ﻭﻋﻼﺵ ﻣﺶ ﺭﺍﺟﻞ .. ﻭﻳﻀﻌﻒ ﺯﻳﻪ ﺯﻱ ﺍﻟﻠﻲ ﻣﻦ ﺟﻨﺴﻪ ﻗﺪﺍﻡ ﺍﻟﻤﺮﺍﺓ ﻭﺍﻷﻧﻮﺛﻪ .. ﻭﺍﻟﺪﻟﻊ ..
ﺇﻗﺒﺎﻝ ﻗﺪﻣﺖ ﻷﻣﻬﺎ : ﻟﻮﻛﺎﻥ ﻣﻌﺎﻭﻳﻪ ﻣﻦ ﺍﻟﻨﻮﻉ ﻫﺬﺍ ﻣﺎﻛﻨﺘﺶ ﺣﺒﻴﺘﻪ ﻣﻦ ﺍﻻﺳﺎﺱ .. ﻭﺗﻮﺍ ﻳﺎﺭﻳﺖ ﺗﻄﻠﻌﻲ ﻭﺗﺨﻠﻴﻨﻲ ﻹﻧﻲ ﻣﺶ ﻃﺎﻳﻘﻪ ﺭﻭﺣﻲ ..
ﺳﻤﻴﻪ ﺷﺒﺤﺘﻠﻬﺎ ﺑﻬﺰﻭﺓ ﻭﻃﻠﻌﺖ ... ﺍﻣﺎ ﺇﻗﺒﺎﻝ ﺧﺸﺖ ﻟﻠﺤﻤﺎﻡ ﺑﺶ ﺗﺎﺧﺪ ﺩﻭﺵ ﺑﺎﻟﻚ ﺗﺒﺮﺩ ﻣﻦ ﻧﺎﺭ ﻏﻀﺒﻬﺎ ﻭﻏﻴﺮﺗﻬﺎ ﺷﻮﻳﻪ ...
***
ﺍﻟﻌﺸﻴﻪ ..
ﺯﻱ ﻣﺎﻧﺤﻜﻴﻠﻚ ﻳﺎﺭﺿﺎ .. ﺑﺪﻝ ﺍﻟﻤﺮﺓ ﻗﺮﻳﺐ 5 ﻭﺍﻧﻲ ﻧﻐﻴﺮﻟﻬﺎ ﻓﻲ ﺩﻳﻜﻮﺭ ﺣﻮﺷﻬﺎ ...
ﺭﺿﺎ ﺑﻀﺤﻜﻪ : ﺗﻠﻘﻴﻬﺎ ﺗﺎﺧﺪ ﻓﻲ ﺭﺍﻱ ﺍﻟﻠﻲ ﺣﻮﺍﻟﻴﻬﺎ ﻭﻛﻞ ﻭﺣﺪﻩ ﺗﻘﻮﻟﻠﻬﺎ ﺣﺎﺟﻪ ﺷﻜﻞ ﻭﻫﻲ ﺗﻐﻴﺮ ...
ﻧﻴﺮﻭﺯ : ﺣﺘﻰ ﺍﻧﻲ ﻓﻜﺮﺕ ﻓﻴﻬﺎ ..
ﺣﻨﺎﻥ : ﻓﻜﻮﻧﺎ ﻣﻦ ﺍﻟﻘﺮﻣﻪ ﻭﻗﻮﻟﻲ ﺭﺿﺎ ﻉ ﺷﻨﻮ ﺍﺳﺘﻘﺮﻳﺖ ..
ﺭﺿﺎ : ﺍﺧﺮ ﺍﻟﺸﻬﺮ ﻣﻮﻟﻲ ﺇﻥ ﺷﺎﺀ ﺍﻟﻠﻪ ..
ﺣﻨﺎﻥ : ﺍﻟﺤﻤﺪ ﻟﻠﻪ ﻭﺍﺧﻴﺮﺍ ﺑﻄﻮﻝ ..
ﺭﺿﺎ ﺑﻀﺤﻜﻪ : ﻭﻗﻮﻟﻲ ﺭﺿﺎ ﻣﺎﻳﻨﻔﻌﺶ ..
ﺣﻨﺎﻥ ﺑﻀﺤﻜﻪ : ﺍﻟﺒﻨﺎﺕ ﺣﻴﻄﻴﺮﻭﺍ ﻣﻦ ﺍﻟﻔﺮﺣﻪ ﻟﻤﺎ ﻳﻌﺮﻓﻮﺍ ...
ﺭﺿﺎ : ﻣﺴﺘﺎﺣﺶ ﻧﺸﻮﻓﻬﻢ ﻛﻴﻒ ﻛﺒﺮﻭﺍ ...
ﻧﻴﺮﻭﺯ : ﻭﻟﻮﺍ ﻋﺮﺍﻳﺲ ﻣﺎﺷﺎﺀ ﺍﻟﻠﻪ ..
ﺭﻥ ﺟﺮﺱ ﺍﻟﺤﻮﺵ ...
ﺭﺿﺎ : ﺧﻠﻮﻧﻲ ﻧﻔﺘﺢ ﺍﻧﻲ ﻫﺎﻟﻤﺮﻩ ..
ﺿﺤﻜﻮﺍ ﺍﻟﺰﻭﺯ ..
ﻣﺸﻲ ﺭﺿﺎ ﻭﻫﻮ ﻳﻀﺤﻚ ﻟﻠﺒﺎﺏ ﻭﻓﺘﺤﻪ ...
ﺍﺳﺎﻣﻪ ﻣﺘﻔﺎﺟﺄ : ﻣﺸﺸﺶ ﻣﻌﻘﻮﻭﻭﻭﻝ ... ﺭﺿﺎﺍﺍ ...
ﺭﺿﺎ ﺑﻀﺤﻜﻪ : ﺍﻫﻼ ﻳﺎﺩﻛﺘﻮﺭ ﻭﺳﻠﻤﻮﺍ ﻉ ﺑﻌﺾ ... ﺩﺧﻠﻪ ﻭﺻﻜﺮ ﺍﻟﺒﺎﺏ .. ﺧﺶ ﺃﺳﺎﻣﻪ ﻭﻫﻮ ﻳﺸﺒﺢ ﻟﺤﻨﺎﻥ ﻭﻛﻞ ﻣﺎﻳﻘﺮﺏ ﻛﻞ ﻣﺎﻳﺤﺲ ﺑﺸﻌﻮﺭ ﺣﻠﻮ ﻫﻠﺒﻪ .. ﻃﻮﻝ ﺍﻟﻄﺮﻳﻖ ﻛﺎﻥ ﻣﺘﻠﻬﻒ ﺑﺶ ﻳﺸﻮﻓﻬﺎ ... ﻓﻲ ﺍﻟﻔﺘﺮﺓ ﺍﻟﻠﻲ ﻏﺎﺏ ﻓﻴﻬﺎ ﺣﺲ ﺭﻭﺣﻪ ﻣﺶ ﻗﺎﺩﺭ ﻳﺘﺤﻤﻞ ﻧﻬﺎﺭ ﻣﺎﻳﺸﻮﻓﻬﺎﺵ ﻓﻴﻪ ﻭﻳﻜﻠﻤﻬﺎ .. ﻟﻴﻬﻢ ﻋﻤﺮ ﺍﺻﺪﻗﺎﺀ ﻭﻛﺎﻥ ﺩﻳﻤﺎ ﻳﺸﻮﻑ ﻓﻴﻬﺎ ﻏﻴﺮ ﻛﻞ ﺍﻟﻨﺴﺎﻭﻳﻦ .. ﺑﺲ ﻣﺸﺎﻋﺮﻩ ﻫﺎﺩﻱ ﺍﻧﻮﻟﺪﺕ ﺑﻌﺪ ﻣﻮﺕ ﻋﺎﺋﺸﻪ .. ﺗﺄﻛﺪ ﻭﻗﺘﻬﺎ ﺍﻥ ﻋﺎﺋﺸﻪ ﻣﺸﺎﻋﺮﻩ ﻟﻴﻬﺎ ﻛﺎﻧﺖ ﻣﺸﺎﻋﺮ ﺍﻋﺠﺎﺏ ﻳﻌﺰﻫﺎ ﺑﺲ ﻳﺤﺒﻬﺎ ﺍﻟﺤﺐ ﺍﻟﻤﻌﺮﻭﻑ ﻻ .. ﻷﻥ ﺍﻟﻠﻲ ﻳﺤﺲ ﺑﻴﻪ ﺣﺎﻟﻴﺎ ﻣﺎﺣﺴﺶ ﺑﻴﻪ ﻣﻊ ﻋﺎﺋﺸﻪ ..
ﺃﺳﺎﻣﻪ ﻛﺎﻥ ﻳﻐﻴﺐ ﻧﻬﺎﺭ ﻛﺎﻣﻞ ﻉ ﻋﺎﺋﺸﻪ ﻭﻣﺎﻳﺤﺴﺶ ﺑﺸﻮﻕ ﻭﻟﻬﻔﻪ ﻟﻴﻬﺎ ﻭﻳﺮﺍﺟﻲ ﺍﻣﺘﻰ ﻳﺮﻭﺡ .. ﺑﻴﻨﻤﺎ ﺗﻮﺍ ﻳﺮﺍﺟﻲ ﺍﻣﺘﻰ ﻳﺄﺫﻥ ﺍﻟﻌﺼﺮ ﺑﺶ ﻳﻤﺸﻲ ﻳﺸﻮﻑ ﻭﻟﺪﻩ ﺍﻭ ﺑﺎﻷﺣﺮﻯ ﺣﻨﺎﻥ ..
ﺃﺳﺎﻣﻪ : ﺍﻟﺴﻼﻡ ﻋﻠﻴﻜﻢ ...
ﺣﻨﺎﻥ ﻭﻧﻴﺮﻭﺯ : ﻭﻋﻠﻴﻜﻢ ﺍﻟﺴﻼﻡ ...
ﺣﻨﺎﻥ : ﺣﻤﺪ ﻟﻠﻪ ﻉ ﺳﻼﻣﺘﻚ ﺍﻣﺘﻰ ﻭﺻﻠﺖ ..
ﺍﺳﺎﻣﻪ ﻗﻌﻤﺰﻭﻫﻮ ﻣﺒﺘﺴﻢ : ﻟﻴﺎ ﺳﺎﻋﻪ ...
ﻧﻴﺮﻭﺯ : ﺣﻤﺪ ﻟﻠﻪ ﻉ ﺍﻟﺴﻼﻣﻪ ..
ﺃﺳﺎﻣﺔ : ﺍﻟﻠﻪ ﻳﺴﻠﻤﻚ ... ﺑﺲ ﺷﻦ ﺍﻟﻤﻔﺎﺟﺂﺕ ﻫﺎﺩﻱ ..
ﺣﻨﺎﻥ ﺑﻀﺤﻜﻪ : ﺭﻳﺘﻪ ﻭﻻ ..
ﺭﺿﺎ ﺑﻀﺤﻜﻪ : ﻭﺍﻟﻠﻪ ﻟﻴﻚ ﻭﺣﺸﻪ ﻳﺎ ﺃﺱ ..
ﺍﺳﺎﻣﻪ : ﺍﻧﺖ ﺍﻛﺜﺮ .. ﺷﻦ ﺟﻮﻙ ﺷﻦ ﻣﺪﺍﻳﺮ ﻏﺎﺩﻱ .. ﻭﺷﻦ ﺟﻮ ﺍﻟﺨﺪﻣﻪ ..
ﺭﺿﺎ : ﻛﻠﻪ ﻋﺎﻝ ﺍﻟﻌﺎﻝ ﺍﻟﺤﻤﺪ ﻟﻠﻪ ..
ﺣﻨﺎﻥ ﻧﺎﺿﺖ : ﻗﻬﻮﺓ ...
ﺍﺳﺎﻣﻪ : ﻻﻗﻌﻤﺰﻱ .. ﺟﺎﻱ ﺑﻨﻜﻠﻤﻚ ﻑ ﻣﻮﺿﻮﻉ ..
ﻗﻌﻤﺰﺕ ﺣﻨﺎﻥ ﻭﻫﻲ ﻣﺴﺘﻐﺮﺑﻪ : ﺧﻴﺮ ﺇﻥ ﺷﺎﺀ ﺍﻟﻠﻪ ..
ﺍﺳﺎﻣﻪ : ﺍﻣﻲ ﻭﺍﺧﺘﻲ ﺟﻮ ﻟﻠﻴﺒﻴﺎ ﺍﻣﺲ ..
ﻧﻴﺮﻭﺯ ﻭﺣﻨﺎﻥ ﺗﻔﺎﺟﺌﻮﺍ ﻉ ﺍﻻﺧﺮ ..
ﺍﺳﺎﻣﻪ : ﺍﻧﻲ ﻉ ﺗﻮﺍﺻﻞ ﻣﻌﺎﻫﻢ .. ﻓﻲ ﻭﻓﺎﺓ ﻋﺎﺋﺸﻪ ﺍﻟﻠﻪ ﻳﺮﺣﻤﻬﺎ ﻣﺎﻗﺪﺭﻭﺵ ﻳﺠﻮﺍ ﺍﻣﻲ ﻛﺎﻧﺖ ﺗﻌﺒﺎﻧﻪ ﻭﻣﺎﺗﻘﺪﺭﺵ ﺗﺮﻛﺐ ﻃﻴﺎﺭﺓ .
ﺑﺲ ﺗﻮﺍ ﺍﻟﺤﻤﺪ ﻟﻠﻪ ﻛﻮﻳﺴﻪ ﻭﻣﺘﻠﻬﻔﻪ ﺗﺸﻮﻑ ﻣﺤﻤﺪ .. ﺷﺒﺤﻠﻪ ﻭﻫﻮ ﺭﺍﻗﺪ ﻋﺎﻟﺠﻠﺴﻪ ﺍﻟﻤﻘﺎﺑﻠﻪ ...
ﺣﻨﺎﻥ ﺍﺿﺎﻳﻘﺖ ﻭﺍﺿﺢ ﺣﻴﺮﻭﺡ ﺑﻴﻪ ﻭﻫﻲ ﺗﻌﻮﺩﺕ ﻋﻠﻴﻪ ﻫﻠﺒﻪ ﻭﻣﻬﻮﻥ ﻋﻠﻴﻬﺎ ﻓﺮﺍﻕ ﻋﺎﺋﺸﻪ ..
ﺃﺳﺎﻣﻪ ﺣﺲ ﺑﻴﻬﺎ : ﻗﺎﻋﺪﻳﻦ ﺍﺳﺒﻮﻋﻴﻦ ﺑﺲ ..
ﺣﻨﺎﻥ ﺍﺑﺘﺴﻤﺖ : ﺍﻟﻤﻬﻢ ﺟﻮ ﻭﺷﻔﺘﻬﻢ ﻭﺗﺸﺒﻌﻮﺍ ﻣﻦ ﺑﻌﺾ ﺷﻮﻳﻪ ... ﺑﻌﺪ ﺳﻨﻴﻴﻦ ﻓﺮﺍﻕ ﻃﻮﻳﻠﻪ ..
ﺍﺳﺎﻣﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﺸﻮﻑ ﻟﻌﻴﻮﻧﻬﺎ : ﺍﻛﻴﺪ ﺣﻨﻌﺰﻣﻜﻢ ﻧﻬﺎﺭ ﺗﺘﻌﺮﻓﻮﺍ ﻋﻠﻴﻬﻢ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ...
***
ﻣﻘﻌﻤﺰ ﻓﻐﺮﻓﺘﻪ ﻓﻲ ﺍﻟﻔﻨﺪﻕ ﻭﻳﻔﻜﺮ ... ﺷﻮﻳﻪ ﻭﺧﺪﻱ ﺗﻠﻴﻔﻮﻧﻪ ﻭﺍﺗﺼﻞ ﻳﻄﻤﻦ ﻋﻠﻴﻬﺎ ...
ﻋﻨﺪﻫﺎ ...
ﻛﺎﻧﺖ ﺗﺸﺮﺏ ﻭﻭﺻﻠﺖ ﻷﻗﺼﻰ ﻣﺮﺍﺣﻞ ﺍﻟﺴﻜﺮ .. ﻭﺍﻟﺘﻠﻴﻔﻮﻥ ﻳﺮﻥ ﻭﻻﻣﻌﺒﺮﺍﺗﻪ .. ﻛﺎﻧﺖ ﺗﺸﺮﺏ ﻭﺗﺒﻜﻲ ﻭﺧﻼﺹ ...
" ﻉ ﺍﺳﺎﺱ ﻳﻨﺴﻮﺍ ﻫﻤﻬﻢ ﻟﻤﺎ ﻳﺸﺮﺑﻮﺍ .. ﻭﻫﻮ ﻳﺰﻳﺪ ﺍﻟﻬﻢ ﻫﻤﻮﻡ "
ﻋﻨﺪ ﻧﻀﺎﻝ ..
ﺍﻧﺸﻐﻞ ﻋﻠﻴﻬﺎ ﻳﺘﺼﻞ ﻭﻳﻌﺎﻭﺩ ﻣﺎﺗﺮﺩﺵ .. ﺍﺗﺼﻞ ﺑﺎﻟﻤﻜﺘﺐ ﻗﺎﻟﻮﻟﻪ ﻃﻠﻌﺖ ﺑﻜﺮﻱ .. ﻣﺎﻟﻘﺎﺵ ﻗﺪﺍﻣﻪ ﻏﻴﺮ ﺍﻧﻪ ﻳﺘﺼﻞ ﺑﺼﺎﺣﺒﺘﻬﺎ ﺍﻟﻠﻲ ﻣﺨﺰﻥ ﺭﻗﻤﻬﺎ ﻋﻨﺪﻩ ﻟﻠﻀﺮﻭﺭﺓ ...
ﻧﻀﺎﻝ : ﺍﻟﺴﻼﻡ ﻋﻠﻴﻜﻢ ﺍﺳﺘﺎﺫﻩ ﺩﺍﻟﻴﺎ ..
ﺩﺍﻟﻴﺎ : ﻭﻋﻠﻴﻜﻢ ﺍﻟﺴﻼﻡ ﺍﻫﻼ ﺍﺳﺘﺎﺫ ﻧﻀﺎﻝ ..
ﻧﻀﺎﻝ : ﺑﻨﻘﻮﻟﻚ .. ﺍﺗﺼﻠﺖ ﺑﻴﺎﺭﺍ ﺍﻛﺜﺮ ﻣﻦ ﻣﺮﻩ ﻣﺎﺗﺮﺩﺵ ﻛﻠﻤﺘﻬﺎ ﻉ ﺍﻟﻤﻜﺘﺐ ﻗﺎﻟﻮﺍ ﻃﻠﻌﺖ ﻗﺒﻞ ﺍﻟﻈﻬﺮ ... ﺍﻧﺸﻐﻠﺖ ﻫﻠﺒﻪ ..
ﺩﺍﻟﻴﺎ ﺍﺳﺘﻐﺮﺑﺖ : ﻫﻲ ﺍﻟﻴﻮﻡ ﺟﺘﻨﻲ ﻭﺣﻄﺖ ﻋﻨﺪﻱ ﻭﻟﺪﻫﺎ ﻭﻗﺎﻟﺖ ﻃﺎﻟﻌﻪ ﺑﺮﺍ ﻃﺮﺍﺑﻠﺲ ﻋﻨﺪﻫﺎ ﺧﺪﻣﻪ ..
ﻧﻀﺎﻝ ﺍﻧﺼﺪﻡ ﻛﻴﻒ ﻣﺎﺗﻘﻮﻻﺵ ﻭﻻﺗﺎﺧﺪ ﺍﺫﻧﻪ ... ﻭﻻﻫﻮ ﻏﺎﺏ ﺍﻟﻘﻂ ﺃﻟﻌﺐ ﻳﺎﻓﺎﺭ ﻃﺎﺭﺗﻠﻪ ﻟﻴﻦ ﺧﻼﺹ ..
ﻧﻀﺎﻝ ﺑﺤﺪﻩ : ﺗﻤﺎﻡ ﻟﻮ ﺣﺼﻠﺘﻴﻬﺎ ﻗﻮﻟﻴﻠﻬﺎ ﺭﺍﺟﻠﻚ ﻳﺴﺄﻝ ﻋﻠﻴﻚ .. ﻭﺻﻜﺮ ﻃﻮﻝ ... ﻭﻫﻮ ﻣﻌﺼﺐ ﻉ ﺍﻵﺧﺮ .. ﻃﻖ ﺑﺎﺏ ﻏﺮﻓﺘﻪ ..
ﻧﻀﺎﻝ ﺑﺎﺳﺘﻴﺎﺀ : ﺗﺲ ... ﻭﻣﺸﻲ ﻟﻠﺒﺎﺏ ﻓﺘﺤﻪ ﻟﻘﻲ ﺑﻨﺎﺗﻪ ..
ﺭﻫﻒ : ﻫﻴﺎ ﺑﺎﺑﺎ ..
ﻧﻀﺎﻝ : ﺑﺮﻭﺍ ﺑﺮﻭﺣﻜﻢ ﺑﻨﺎﺗﻲ .. ﺭﺍﺳﻲ ﻣﺼﺪﻉ ﺷﻮﻱ ..
ﺭﻫﻒ : ﺧﻴﺮﻙ ﺑﺎﺑﺎ ..
ﻧﻀﺎﻝ ﺑﺄﺑﺘﺴﺎﻣﻪ : ﺻﺪﺍﻉ ﻋﺎﺩﻱ ... ﻳﻠﻼ ﺑﺮﻱ ﺍﻧﺘﻲ ﻭﺍﺧﺘﻚ ﻫﻴﺠﻮﺍ ﻭﺗﻌﺸﻮﺍ ﻭﻣﺎ ﺗﻌﻄﻠﻮﺵ ﻓﻲ ﺍﻟﻤﺮﻭﺍﺡ ﻭﻣﺎﺗﺒﻌﺪﻭﺵ .. ﺭﺩﻭﺍ ﺑﺎﻟﻜﻢ ..
ﺭﻫﻒ ﻭﻟﺒﻨﻰ ﺍﺳﺘﻐﺮﺑﻮﺍ ﻫﻮ ﺃﻛﺜﺮ ﻭﺍﺣﺪ ﻛﺎﻥ ﻣﺘﺤﻤﺲ ﻟﻠﻄﻠﻌﻪ ﻫﺎﺩﻱ ﺷﻦ ﻏﻴﺮ ﺭﺃﻳﻪ !
ﺭﻫﻒ : ﺣﺎﺿﺮ ...
ﻧﻀﺎﻝ : ﻣﻊ ﺍﻟﺴﻼﻣﻪ ﺑﺎﺑﺎ ...
ﺭﻫﻒ ﻭﻟﺒﻨﻰ : ﺳﻼﻡ ... ﻭﻣﺸﻮﺍ ﺍﻟﺰﻭﺯ ﻭﻫﻮ ﺻﻜﺮ ﺍﻟﺒﺎﺏ ﻭﻳﻐﻠﻲ ﻣﻦ ﻳﺎﺭﺍ ...
***
ﺑﻌﺪ ﺍﻟﻤﻐﺮﺏ
ﻃﺎﻟﻊ ﺍﺳﺎﻣﻪ ﻭﻓﻲ ﺣﻀﻨﻪ ﻣﺤﻤﺪ ﻭﻓﻴﺪﻩ ﺍﻟﺜﺎﻧﻴﻪ ﺷﻨﻄﺘﻪ ..
ﺣﻨﺎﻥ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﻗﻮﻟﻠﻬﻢ ﻳﺸﺮﺑﻮﻩ ﻓﻠﻴﻪ ﻓﻲ ﺍﻟﻠﻴﻞ ... ﻭﻳﻠﺒﺴﻮﻩ ﺑﺎﻫﻲ ... ﺍﻟﺠﻮ ﻗﺎﻋﺪ ﻣﺼﻘﻊ ..
ﺃﺳﺎﻣﻪ ﺑﺈﺑﺘﺴﺎﻣﻪ : ﺣﺎﺿﺮ ..
ﺣﻨﺎﻥ : ﻭﻳﺮﺩﻭﺍ ﺑﺎﻟﻬﻢ ﻳﺪﻭﺷﻮﻟﻪ ﻭﻳﻌﺮﺿﻮﻩ ﻟﻠﺮﻳﺢ .. ﻗﻮﻟﻠﻬﻢ ﻳﺼﻜﺮﻭﺍ ﺍﻟﺮﻭﺍﺷﻦ ﻛﻠﻬﺎ ..
ﺃﺳﺎﻣﻪ ﺑﻀﺤﻜﻪ : ﺣﺎﺿﺮ ..
ﺣﻨﺎﻥ : ﻭﻗﻮ ..
ﻧﻴﺮﻭﺯ : ﺣﻨﻮﻥ ﺧﻼﺹ ﻋﺎﺩ ﻫﺎﺩﻱ ﺭﺍﺑﻊ ﻣﺮﻩ ﺗﻮﺻﻴﻪ ..
ﺣﻨﺎﻥ ﻭﻓﻤﻬﺎ ﻣﺘﻘﻮﺱ ﻭﺑﺘﺒﻜﻲ : ﻣﺮﺍﺕ ﻳﻨﺴﻰ ..
ﺍﺳﺎﻣﻪ ﻣﺎﺗﺤﻤﻠﺶ : ﺗﺒﻴﻪ ﻳﻘﻌﺪ ﻭﺍﻟﻠﻪ ﻧﺨﻠﻴﻪ ..
ﻧﻴﺮﻭﺯ :
ﺣﻨﺎﻥ ﺍﺑﺘﺴﻤﺖ ﺑﺎﻟﻐﺼﺐ : ﻻﻻ ﺍﺭﻓﻌﻪ ﺣﻔﻴﺪﻫﻢ ﻭﻳﺒﻮﺍ ﻳﺸﻮﻓﻮﻩ ﻭﻳﺸﺒﻌﻮﺍ ﻣﻨﻪ .. ﻏﻴﺮ ﺍﻧﻲ ﻧﺘﻌﻮﺩﺕ ﻋﻠﻴﻪ ﻫﻠﺒﻪ ..
ﺍﺳﺎﻣﻪ : ﺍﺳﺒﻮﻋﻴﻦ ﻭﻳﻮﻟﻴﻠﻚ ...
ﺣﻨﺎﻥ ﻫﺰ ﺭﺍﺳﻬﺎ ﺑﺈﻳﺠﺎﺏ ..
ﻧﻴﺮﻭﺯ : ﻫﻴﺎ ﺧﻼﺹ ﺑﺮﺍ ﺍﺭﻛﺐ ﺳﻴﺎﺭﺗﻚ ﺍﻟﺠﻮ ﺻﻘﻊ ..
ﺣﻨﺎﻥ : ﺍﻳﻪ ﺍﺭﻛﺐ ﻫﻴﺎ ..
ﺍﺑﺘﺴﻢ ﺃﺳﺎﻣﻪ : ﺗﺼﺒﺤﻮﺍ ﻉ ﺧﻴﺮ ..
ﺍﻟﺰﻭﺯ : ﻭﺍﻧﺖ ﻣﻦ ﺍﻫﻠﻪ ..
ﻃﻠﻊ ﺃﺳﺎﻣﻪ ﻣﻦ ﺍﻟﺤﻮﺵ ... ﻭﺣﻨﺎﻥ ﻭﻧﻴﺮﻭﺯ ﻭﺍﻗﻔﺎﺕ ﻳﺮﺍﺟﻮ ﻓﻴﻪ ﺍﻣﺘﻰ ﻳﺘﺤﺮﻙ ...
ﺣﻨﺎﻥ ﺻﺪﺭﻫﺎ ﺿﺎﻳﻖ ﻫﻠﺒﻪ ﻣﺤﻤﺪ ﻭﻟﻰ ﻭﻛﺄﻧﻪ ﻭﻟﺪﻫﺎ ﻣﺶ ﻣﺘﺤﻤﻠﻪ ﺑﻌﺪﻩ ﻟﻤﺎ ﻣﺸﺖ ﺳﻴﺎﺭﺓ ﺃﺳﺎﻣﻪ ﺣﺴﺖ ﻗﻠﺒﻬﺎ ﺑﻴﻄﻠﻊ ..
ﻧﻴﺮﻭﺯ : ﺧﻼﺹ ﺣﻨﻮﻥ ﺧﺸﻲ ..
ﺧﺸﺖ ﺣﻨﺎﻥ ﻭﺩﻣﻮﻋﻬﺎ ﻳﻨﺰﻟﻮﺍ ﻭﺻﻜﺮﺕ ﻧﻴﺮﻭﺯ ﺍﻟﺒﺎﺏ ... ﺑﺮﺍ ﺍﻟﺒﺎﺏ ﻉ ﻣﺴﺎﻓﻪ ﺑﺴﻴﻄﻪ ﻓﻲ ﻧﻔﺲ ﺍﻟﻤﻜﺎﻥ ﻛﺎﻥ ﻓﻲ ﺳﻴﺎﺭﺗﻪ ﻭﺷﺎﻑ ﺍﻟﻤﺸﻬﺪ ﻛﻠﻪ ... ﻋﺼﺐ ﻟﻤﺎ ﺷﺎﻑ ﺍﺳﺎﻣﻪ ﻃﺎﻟﻊ ﻣﻦ ﺍﻟﺤﻮﺵ ﻭﺣﻨﺎﻥ ﺗﺴﻘﺪ ﻓﻴﻪ ﻟﺒﺮﺍ ... ﻭﺍﻟﺴﺆﺍﻝ ﺍﻟﻠﻲ ﻳﺪﻭﺭ ﻓﻲ ﺑﺎﻟﻪ ﺷﻦ ﺷﻜﻞ ﻋﻼﻗﺔ ﺃﺳﺎﻣﻪ ﺑﺤﻨﺎﻥ ... ﻭﻫﻞ ﺍﺳﺎﻣﻪ ﻳﻌﺘﺒﺮ ﻓﻴﻬﺎ ﺻﺪﻳﻘﻪ ﻭﻻﺃﻛﺜﺮ ﻣﻦ ﻫﻜﻲ ﺧﺼﻮﺻﺎ ﺇﻧﻪ ﻻﺣﻆ ﻋﻠﻴﻪ ﻧﻈﺮﺍﺕ ﻏﺮﻳﺒﻪ ﻟﻴﻬﺎ ﻓﻲ ﺍﺧﺮ ﻣﺮﺓ ﺗﻼﻗﻰ ﻣﻌﺎﻩ ﻓﻴﻬﺎ ....
" ﺑﺲ ﻟﺤﻈﻪ ... ﺍﻧﺖ ﻧﺴﻴﺖ ﺍﻧﻬﺎ ﻉ ﺫﻣﺔ ﺭﺍﺟﻞ .. ﻫﻮ ﻧﻔﺴﻪ ﻭﺍﺿﺢ ﺍﻧﻪ ﻳﻐﺎﺭ ﻋﻠﻴﻬﺎ .. ﺑﺮﻏﻢ ﺍﻧﻬﻢ ﺷﺒﻪ ﻣﻨﻔﺼﻠﻴﻦ ﺑﺲ ﺣﺴﻴﺘﻪ ﻣﺶ ﻣﺘﺤﻤﻞ ﻭﺟﻮﺩﻧﺎ ﻳﻮﻣﻬﺎ .. ﺍﺻﻼ ﻣﺶ ﻋﺎﺭﻑ ﻛﻴﻒ ﺳﻴﺒﻬﺎ ﻭﺧﺪﻱ ﻏﻴﺮﻫﺎ ﻏﺒﻲ ﺯﻱ ﻫﺬﺍ ﻛﻴﻒ ﻣﺎﺯﺍﻝ ﻗﺎﻋﺪﻩ ﻉ ﺫﻣﺘﻪ ... ﺑﻪ ﻭﺍﻧﺖ ﺷﻦ ﺩﺧﻠﻚ .. ﺍﻧﺖ ﻋﻼﺵ ﻫﻨﻲ ﺃﺻﻼ .. ﻣﻌﺎﻭﻳﻪ .. ﺍﺻﺤﻰ ﻟﻨﻔﺴﻚ ﺗﺼﺮﻓﺎﺗﻚ ﻏﻠﻂ ﻓﻐﻠﻂ .. ﺑﺎﻫﻲ ﻗﻮﻝ ﻟﻠﺴﻮﺍﻕ ﻳﺘﺤﺮﻙ ﻣﻦ ﻫﻨﻲ .."
ﺗﻨﻬﺪ ﻭﻗﺎﻝ : ﺍﺳﻤﻊ ..
ﺍﻟﺴﻮﺍﻕ : ﻧﻌﻢ ﺍﺳﺘﺎﺫ ..
ﻣﻌﺎﻭﻳﻪ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﺑﺮﺍ ﺟﻴﺒﻠﻨﺎ ﺣﺎﺟﻪ ﻧﺎﻛﻠﻮﻫﺎ ...
ﺍﻟﺴﻮﺍﻕ : ﺣﺎﺿﺮ .. ﺑﺲ ﺷﻦ ﺗﺒﻲ ﺣﻀﺮﺗﻚ ..
ﻣﻌﺎﻭﻳﻪ : ﺍﻱ ﺷﻲ ﺍﻟﻤﻬﻢ ﺣﺎﺟﻪ ﻧﻈﻴﻔﻪ ﻭﺑﺎﻫﻴﻪ ..
ﺍﻟﺴﻮﺍﻕ : ﺣﺎﺿﺮ .. ﻭﻧﺰﻝ ﻣﻦ ﺍﻟﺴﻴﺎﺭﺓﻭﻣﺸﻲ ..
ﻣﻌﺎﻭﻳﻪ ﺷﺒﺢ ﻟﺤﻮﺷﻬﺎ ﻭﺍﺑﺘﺴﻢ " ﻣﺶ ﻗﺎﺩﺭ ﻧﺨﻠﻴﻚ "...
***
ﻓﻲ ﺍﻟﻠﻴﻞ ..
ﻓﺎﻗﺖ ﻉ ﺻﻮﺕ ﺍﻟﺘﻠﻴﻔﻮﻥ ... ﺣﺎﻭﻟﺖ ﺗﻨﻮﺽ ﺑﺲ ﺭﺍﺳﻬﺎ ﻣﺼﺪﻉ ... ﺗﻤﺸﻲ ﺑﺎﻟﺴﻴﻒ ﻟﻠﺘﻠﻴﻔﻮﻥ ﻭﺻﻠﺖ ﻓﻴﻪ ﻭﺧﺪﺍﺗﻪ ﺷﺎﻓﺖ ﺍﻟﺮﻗﻢ ﺧﺎﻓﺖ .. ﺣﺎﻭﻟﺖ ﺗﺴﺘﺠﻤﻊ ﻧﻔﺴﻬﺎ ﻭﺭﺩﺕ ..
ﻳﺎﺭﺍ : ﺁﺍﺍﻟﻮ ..
ﻧﻀﺎﻝ ﺑﻌﺼﺒﻴﻪ : ﺑﺎﻫﻲ ﺍﻟﻠﻲ ﺭﺩﻳﺘﻲ .. ﺷﻦ ﻳﺎﻳﺎﺭﺍ ﻣﻌﺎﺵ ﻓﺈﺣﺘﺮﺍﻡ ﻭﻻﺩﺍﻳﺮﺗﻴﻠﻲ ﺍﻋﺘﺒﺎﺭ ﺗﻄﻠﻌﻲ ﻟﻤﺪﻳﻨﻪ ﺗﺎﻧﻴﻪ ﻭﻻﺗﻘﻮﻟﻲ ﻧﺨﺒﺮﻩ ﺣﺘﻰ ﻓﺮﺳﺎﻟﻪ !! ﻣﻌﻘﻮﻟﻪ ؟ !
ﻳﺎﺭﺍ ﺷﺎﺩﺓ ﺭﺍﺳﻬﺎ : ﺃﺳﻔﻪ .. ﺑﺲ .. ﻛﺎﻥ ﺷﻲ ﻣﺴﺘﻌﺠﻞ ..
ﻧﻀﺎﻝ ﺑﺈﺳﺘﻐﺮﺍﺏ : ﺧﻴﺮﻩ ﺻﻮﺗﻚ؟
ﻳﺎﺭﺍ ﺑﺮﺑﻜﻪ : ﻛﻨﺖ .. ﺭﺍﻗﺪﻩ .. ﻭﺍﻧﺖ ﺗﺘﺼﻞ ...
ﻧﻀﺎﻝ : ﻉ ﺍﻟﻌﻤﻮﻡ ﻟﻤﺎ ﻧﺮﻭﺡ ﻧﺘﻔﺎﻫﻢ ﻣﻌﺎﻙ .. ﺑﺲ ﻓﻲ ﺣﺎﺟﻪ ﺣﻄﻴﻬﺎ ﻓﺮﺍﺳﻚ .. ﺍﻳﻪ ﺍﻧﻲ ﻋﺎﻃﻴﻚ ﺣﺮﻳﺘﻚ ﺑﺲ ﻣﺶ ﻣﻌﻨﻰ ﻫﺬﺍ ﺍﻧﻚ ﻣﺎﺩﻳﺮﻟﻴﺶ ﺍﻋﺘﺒﺎﺭ ﻭﺩﻳﺮﻱ ﻣﺎﻓﻲ ﺭﺍﺳﻚ .. ﺍﻧﺘﻲ ﻣﺘﺰﻭﺟﻪ ﻳﺎ ﺍﺳﺘﺎﺫﻩ ...
ﻳﺎﺭﺍ ﺑﻀﻴﻖ : ﺍﻧﻲ ﺍﺳﻔﻪ ..
ﻧﻀﺎﻝ : ﻳﻼ ﺗﻮﺍ ﺗﺼﺒﺤﻲ ﻉ ﺧﻴﺮ ... ﻭﺻﻜﺮ ..
ﻭﻫﻲ ﺻﻜﺮﺕ ﻭﻗﻌﺪﺕ ﺗﺒﻜﻲ ...
ﻓﺎﺕ ﺍﺳﺒﻮﻉ ...
ﻧﻀﺎﻝ ﺳﺎﻳﺮ ﺑﻨﺎﺗﻪ ﻓﻲ ﺍﻟﺴﻔﺮﻩ ﻣﺴﺎﻳﺮﻩ ﻣﺎﺣﺴﺶ ﺑﻴﻬﺎ .. ﺣﺮﻛﺔ ﻳﺎﺭﺍ ﻋﻜﺮﺗﻠﻪ ﻣﺰﺍﺟﻪ ﺗﻤﺎﻣﺎ ... ﻭﺣﺲ ﻓﻴﻬﺎ ﺑﺄﻫﺎﻧﻪ ..
ﺑﺎﻟﻨﺴﺒﻪ ﻟﻠﺒﻨﺎﺕ ﺍﺳﺘﻤﺘﻌﻮﺍ ﺑﺴﻔﺮﺗﻬﻢ ... ﻭﻟﺒﻨﻰ ﻣﻌﺎﺵ ﺷﺎﻓﺖ ﺑﺪﺭ ﻣﻦ ﺑﻌﺪ ﻫﺪﻳﻜﺎ ﺍﻟﻤﺮﻩ ﻹﻧﻪ ﺳﺎﻓﺮ ﻭﺍﺳﺎﺳﺎ ﻫﻲ ﻣﺶ ﻓﺎﺭﻕ ﻣﻌﺎﻫﺎ ..
ﺣﻨﺎﻥ ﻗﺎﻋﺪﻩ ﺗﺨﺪﻡ ﻉ ﺍﻟﺘﺼﻤﻴﻢ ﻭﻭﺻﻠﺖ ﻟﺸﻜﻞ ﻧﻬﺎﺋﻲ .. ﻏﻴﺎﺏ ﻣﺤﻤﺪ ﺍﺛﺮ ﻓﻴﻬﺎ ﺯﺍﺩﻫﺎ ﻉ ﻏﻴﺎﺏ ﺑﻨﺎﺗﻬﺎ ﺑﺮﻏﻢ ﻭﺟﻮﺩ ﻧﻴﺮﻭﺯ ﻭﺧﻮﻫﺎ ﻣﻌﺎﻫﺎ ﺑﺲ ﺣﺎﺳﻪ ﺍﻧﻬﺎ ﺑﺮﻭﺣﻬﺎ ... ﻛﺎﻧﺖ ﺗﻬﺮﺏ ﻣﻦ ﻫﺎﻟﺸﻌﻮﺭ ﻫﺎﻟﺸﻲ ﺧﻼﻫﺎ ﺗﺮﺳﻢ ﺗﺼﻤﻴﻤﻦ ﻭﻛﻞ ﻭﺍﺣﺪ ﻣﻨﻬﻢ ﺑﺸﻜﻞ .. ﻭﻓﻜﺮﺕ ﺗﻮﺭﻱ ﻣﻌﺎﻭﻳﻪ ﻭﺍﺣﺪ ﻣﻨﻬﻢ ﺑﺲ .. ﻭﺍﻟﺘﺎﻧﻲ ﺗﺤﺘﻔﻆ ﺑﻴﻪ ...
ﻣﻌﺎﻭﻳﻪ ﻣﻦ ﺍﻟﻤﻐﺮﺏ ﻟﺼﺒﺢ ﺍﻟﻴﻮﻡ ﺍﻟﻠﻲ ﺑﻌﺪﻩ ﻭﻫﻮ ﻳﺒﺎﺕ ﺣﺪﺍ ﺣﻮﺷﻬﺎ .. ﻭﻳﺮﺍﻗﺐ ﻓﻴﻬﺎ ﻛﻞ ﺻﺒﺢ ﻭﻫﻲ ﻃﺎﻟﻌﻪ .. ﻭﻫﻲ ﺍﺑﺪﺍ ﻣﺎﺣﺴﺘﺶ ﺑﻴﻪ .. ﺑﺴﺒﺐ ﺍﻟﺤﺮﻛﻪ ﺍﻟﻄﺒﻴﻌﻴﻪ ﻟﻠﺴﻴﺎﺭﺍﺕ ﻛﻞ ﺻﺒﺢ ... ﻭﻹﻥ ﻋﻨﺪﻫﺎ ﺟﻴﺮﺍﻥ ﺃﻏﻠﺒﻬﻢ ﻳﺨﻠﻮﺍ ﻓﻲ ﺳﻴﺎﺭﺗﻬﻢ ﻗﺪﺍﻡ ﺣﻴﺎﺷﻬﻢ .. ﺍﺳﺎﺳﺎ ﻣﺶ ﺧﺎﻃﺮ ﻉ ﺑﺎﻟﻬﺎ ﺍﻥ ﻓﻲ ﺣﺪ ﺣﻴﺮﺍﻗﺒﻬﺎ ﻣﻦ ﺍﻷﺻﻞ ...
ﻫﻮ ﻛﺎﻥ ﻳﻌﺪ ﻓﻲ ﺍﻷﻳﺎﻡ ﻭﻳﺮﺍﺟﻲ ﻓﻴﻮﻡ ﺟﻴﺘﻬﺎ ﺑﻔﺎﺭﻍ ﺍﻟﺼﺒﺮ ... ﺑﺮﻏﻢ ﺍﻧﻪ ﻳﺸﻮﻑ ﻓﻴﻬﺎ ﻛﻞ ﻳﻮﻡ ﺑﺲ ﻣﺎﻛﺎﻧﺶ ﻗﺮﻳﺐ ﻋﻠﻴﻬﺎ ﺯﻱ ﻣﺎﻳﺒﻲ ﻭﻻﻗﺎﺩﺭ ﻳﻜﻠﻤﻬﺎ ﻭﻻﻳﺴﻤﻊ ﺻﻮﺗﻬﺎ ..
ﻳﺎﺭﺍ ﻭﻟﺪﻫﺎ ﻃﻮﻝ ﻓﻲ ﻗﻌﺎﺩﻩ ﻋﻨﺪ ﺻﺎﺣﺒﺘﻬﺎ ﺍﻟﻠﻲ ﺑﺪﺕ ﺗﻀﺎﻳﻖ ﻣﻦ ﺍﻟﻮﺿﻊ .. ﻟﻴﻦ ﻣﺮﺓ ﺭﻭﺣﺖ ﺑﺎﻟﻌﻴﻞ ﻟﺤﻮﺵ ﺍﻣﻪ ﻭﻧﺎﻭﻳﻪ ﺗﻬﺰﺏ ﻳﺎﺭﺍ ﻟﻜﻦ ﺍﻧﺼﺪﻣﺖ ﻟﻤﺎ ﻟﻘﺘﻬﺎ ﻣﺨﻠﻴﻪ ﺍﻟﺤﻮﺵ ﺣﺎﻟﻪ ﺷﻴﺶ ﺳﻜﻴﺮ ﻫﻨﻲ ﻭﻫﻨﻲ ﻭﻭﺿﻊ ﻳﺎﺭﺍ ﻣﺰﺭﻱ ..
ﺩﺍﻟﻴﺎ : ﻣﺶ ﻣﺼﺪﻗﻪ ﺍﻧﻲ ﻣﺶ ﻣﺼﺪﻗﻪ .. ﺭﺟﻌﺘﻲ ﻟﺒﻠﻲ ﻣﻦ ﺍﻭﻝ ﻭﺟﺪﻳﺪ ..
ﻳﺎﺭﺍ : ﻓﻮﺗﻴﻨﻲ ﺩﺍﻟﻴﺎ ..
ﺩﺍﻟﻴﺎ : ﻛﻴﻒ ﻧﻔﻮﺗﻚ ﻛﻴﻒ .. ﻭﺭﺍﺟﻠﻚ ﻣﺮﻭﺡ ﻏﺪﻭﺓ .. ﻋﺎﺩﻱ ﻋﻨﺪﻙ؟ ! ﺗﺒﻲ ﺗﺨﺴﺮﻳﻪ؟ !!
ﻳﺎﺭﺍ ﺑﺪﺕ ﺗﺒﻜﻲ : ﻣﺎﺍﺍﻫﻮ ﺍﻧﻲ ﺩﺭﺕ ﻫﻜﻲ ﻣﻦ ﺧﻮﻓﻲ ﺍﻧﻲ ﻧﺨﺴﺮﻩ ...
ﺩﺍﻟﻴﺎ : ﻳﺎﺭﺍ ﺷﻦ ﻓﻲ ..
ﻳﺎﺭﺍ ﺑﺒﻜﻲ : ﺍﻟﺰﻓﺖ ﺍﻟﺤﻘﻴﺮ ﺇﻟﻴﺎﺱ ﻣﺎﻳﺒﻴﺶ ﻳﺨﻠﻴﻨﻲ ﻓﺤﺎﻟﻲ ﻳﻬﺪﺩ ﻓﻴﺎ ﻭﺑﻌﺘﻠﻲ ﻳﻮﻣﻬﺎ ﻓﻴﺪﻳﻮ ﻫﺬﺍﻛﺎ ﺍﻟﻴﻮﻡ ﺍﻷﺳﻮﺩ ...
ﺩﺍﻟﻴﺎ ﺗﻨﻬﺪﺕ : ﻗﺘﻠﻚ ﻗﺒﻞ ﺍﺣﻜﻲ ﻟﻨﻀﺎﻝ ..
ﻳﺎﺭﺍ : ﺷﻦ ﺑﻨﺤﻜﻴﻠﻪ ﻫﺎﺍﺍﻩ .. ﻧﻘﻮﻟﻪ ﺍﻧﻲ ﻛﻨﺖ ﺑﻨﺖ ﻟﻴﻞ ﻓﻲ ****.. ﻧﻘﻮﻟﻪ ﺍﻥ ﺍﻟﻴﺎﺱ ﺗﺰﻭﺟﻨﻲ ﻟﻤﺎ ﻋﺮﻑ ﺍﻧﻲ ﻟﻴﺒﻴﻪ ﻹﻥ ﻣﺎﺭﺿﺎﺵ ﻉ ﺑﻨﺎﺕ ﺑﻼﺩﻩ ﺣﺎﺟﻪ ﺯﻱ ﻫﺎﺩﻱ ... ﻭﻗﻌﺪ ﻳﻤﻦ ﻋﻠﻴﺎ ﺑﻴﻬﺎ ﻟﻴﻞ ﻧﻬﺎﺭ ﻭﻛﺮﻫﻨﻲ ﻓﻲ ﻧﻔﺴﻲ .. ﻭﺧﻼﻧﻲ ﻣﺪﻣﻨﻪ ﻉ ﻫﺎﻟﺴﻢ .. ﻧﻘﻮﻟﻪ ﺍﻧﻲ ﺧﻨﺖ ﺍﻟﻴﺎﺱ ﻫﺬﺍ ﻋﻼﺵ ﻃﻠﻘﻨﻲ ﺷﻦ ﻧﻘﻮﻭﻭﻭﻟﻪ ..
ﺩﺍﻟﻴﺎ ﺑﻌﺼﺒﻴﻪ : ﻻﺍﺍﺍ ﻗﻮﻟﻴﻠﻪ ﺍﻥ ﺍﻧﺘﻲ ﻛﻨﺘﻲ ﺿﺤﻴﺔ ﺍﺏ ﻭﺍﻡ ﺍﺣﻘﺮ ﻣﻦ ﺑﻌﺾ ﻛﻞ ﻭﺍﺣﺪ ﻓﻴﻬﻢ ﻋﺎﺵ ﺣﻴﺎﺗﻪ ﻭﻟﻮﺣﻮﻙ ﻭﺭﺍ ﻇﻬﺮﻫﻢ ﻭﺧﻠﻮﻙ ﻟﻜﻼﺏ ﺍﻟﺸﻮﺍﺭﻉ ﻓﻲ ﺍﻳﻄﺎﻟﻴﺎ .. ﺧﻠﻮﻙ ﺗﺠﻮﻋﻲ ﻭﺗﻌﻄﺸﻲ ﻭﺗﻌﺮﻱ ﻭﺗﻀﻄﺮﻱ ﺍﻧﻚ ﺗﺨﺪﻣﻲ ﻓﺒﺎﺭ ... ﻗﻮﻟﻠﻴﻪ ﺍﻧﻚ ﻭﺛﻘﺘﻲ ﻓﻲ ﺇﻟﻴﺎﺱ ﻭﻛﻨﺖ ﺗﺤﺴﺎﺑﻴﻪ ﺭﺍﺟﻞ ﺣﻘﺎﻧﻲ ﻭﻗﻠﺘﻲ ﺃﻥ ﺧﻼﺻﻚ ﻉ ﺍﻳﺪﻳﻪ ... ﺗﺰﻭﺟﺘﻴﻪ ﻭﻋﻄﺎﻙ ﻛﻞ ﺷﻲ ﺻﺢ .. ﻟﻜﻦ ﻓﻲ ﺍﻟﻤﻘﺎﺑﻞ ﻗﻌﺪ ﻳﻬﻴﻦ ﻓﻴﻚ ﻭﻳﺬﻛﺮ ﻓﻴﻚ ﻓﻜﻞ ﻭﻗﺖ ﺑﻤﺎﺿﻴﻚ ﻟﻤﺎ ﺗﺮﻓﻀﻲ ﺍﺩﻳﺮﻟﻪ ﺧﺪﻣﻪ ﻏﻴﺮ ﻗﺎﻧﻮﻧﻴﻪ ﻭﻳﺴﺘﻐﻞ ﻓﻲ ﺍﺳﻤﻚ ﺍﻟﻤﻌﺮﻭﻑ ... ﻗﻮﻟﻴﻠﻪ ﺍﻥ ﻫﺪﻳﻜﺎ ﺍﻟﻠﻴﻠﻪ ﻛﻨﺘﻲ ﻓﻴﻬﺎ ﻓﺄﺗﻌﺲ ﺣﺎﻻﺗﻚ ﻟﻤﺎ ﻟﻘﻴﺘﻴﻪ ﻳﺨﻮﻥ ﻓﻴﻚ ﻓﺪﺍﺭ ﻧﻮﻣﻚ ... ﻭﺑﻜﻞ ﻭﻗﺎﺣﻪ ﻗﺎﻟﻚ ﻣﺎﻓﻴﺶ ﻓﺮﻕ ﺑﻴﻨﻚ ﻭﺑﻴﻨﻬﺎ ..
ﻳﺎﺭﺍﺍﻧﺘﻲ ﺍﻧﻈﻠﻤﺘﻲ ﺍﻧﻈﻠﻤﺘﻲ ﻣﺎﻛﻨﺘﻴﺶ ﻇﺎﻟﻤﻪ ...
ﻳﺎﺭﺍ ﺣﻀﻨﺖ ﺻﺎﺣﺒﺘﻬﺎ ﻭﺍﻧﻬﺎﺭﺕ ﺑﺎﻟﺒﻜﻲ ﻭﻭﻟﺪﻫﺎ ﺍﻟﺼﻐﻴﺮ ﻛﺎﻥ ﻳﺸﻮﻑ ﻓﻴﻬﺎ .. ﻗﺮﺏ ﻭﺷﺪ ﺭﺟﻠﻬﺎ ﻭﻗﺎﻝ : ﻣﺎﻣﺎ ﻋﺎﺵ ﺗﺒﻜﻲ .. ﺍﻧﺘﻲ ﺣﺒﻴﺒﺘﻲ ..
ﻳﺎﺭﺍ ﻗﺮﻳﺐ ﻣﺎﺗﺖ ﻟﻤﺎ ﺳﻤﻌﺖ ﻛﻼﻡ ﻃﻔﻠﻬﺎ ﺍﻟﺒﺮﻱﺀ ﺑﻌﺪﺕ ﻋﻦ ﺻﺎﺣﺒﻬﺎ ﻭﻧﺰﻟﺖ ﻟﻮﻟﺪﻫﺎ ﻭﺣﻀﻨﺎﺗﻪ ﺑﻘﻮﺓ ﻭﺟﺒﺮ ﻛﺎﻥ ﻳﺒﻜﻲ ﺣﺘﻰ ﻫﻮ ...
ﺑﻌﺪﻫﺎ ﺍﺗﺼﻠﺖ ﺻﺎﺣﺒﺘﻬﺎ ﺑﻨﺎﺱ ﺟﻮ ﻧﻈﻔﻮﺍ ﺍﻟﺤﻮﺵ ﻭﺑﺎﺗﺖ ﻣﻊ ﻳﺎﺭﺍ ﻟﻴﻠﺘﻬﺎ ...
***
ﺗﺎﻧﻲ ﻳﻮﻡ ...
ﺧﺸﺖ ﻟﻠﻘﺼﺮ ﻭﻧﻔﺴﻴﺘﻬﺎ ﻛﺎﻧﺖ ﺣﻠﻮﻩ ﻭﻣﺮﺗﺎﺣﻪ .. ﺍﺳﺘﺎﺣﺸﺖ ﺑﻮﻫﺎ ﻭﻛﺎﻧﺖ ﻫﺎﺩﻱ ﻓﺮﺻﺘﻬﺎ ﺍﻧﻬﺎ ﺗﺤﻀﻨﻪ .. ﻛﺎﻧﺖ ﺗﺒﻲ ﺗﺤﻀﻨﻪ ﻗﺒﻞ ﺑﺲ ﻣﺎﻟﻘﺘﺶ ﺳﺒﺐ ﺑﺲ ﻫﺎﻟﻤﺮﺓ ﺍﻟﺴﺒﺐ ﻣﻮﺟﻮﺩ ...
ﻫﻮ ﻧﺰﻝ ﻣﻦ ﻓﻮﻕ ﻭﺍﻭﻝ ﻣﺎﺷﺎﻓﻬﺎ ﺍﺑﺘﺴﻢ ﺑﻔﺮﺡ .. ﻫﻲ ﺟﺮﺕ ﻭﺣﻀﻨﺎﺗﻪ ﻃﻮﻝ .. ﻫﻮ ﺍﻧﺼﺪﻡ ﻭﺿﺤﻚ ﻓﻨﻔﺲ ﺍﻟﻮﻗﺖ .. ﻭﺣﻂ ﺍﻳﺪﻩ ﻉ ﻇﻬﺮﻫﺎ ﻭﻗﻌﺪ ﻳﻄﺒﻄﺐ ﻋﻠﻴﻪ ..
ﻣﻌﺎﻭﻳﻪ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ..
ﺑﻌﺪﺕ ﻣﻬﺎ ﻭﺩﻣﻮﻋﻬﺎ ﻧﺎﺯﻻﺕ : ﺍﻟﻠﻪ ﻳﺴﻠﻤﻚ ﺍﺳﺘﺎﺣﺸﺘﻚ ﺑﺎﺑﺎ ..
ﻣﻌﺎﻭﻳﻪ ﻗﻌﺪ ﻳﻤﺴﺤﻠﻬﺎ ﻓﻲ ﺩﻣﻮﻋﻬﺎ : ﺣﺘﻰ ﺍﻧﻲ ... ﺷﺒﺢ ﻟﻤﺮﻳﻢ ﻭﺭﺍﻫﺎ ... ﺣﻤﺪ ﻟﻠﻪ ﻉ ﺳﻼﻣﺘﻚ ..
ﻣﺮﻳﻢ ﺑﺈﺑﺘﺴﺎﻣﻪ : ﺍﻟﻠﻪ ﻳﺴﻠﻤﻚ ﺍﺳﺘﺎﺫ ﻣﻌﺎﻭﻳﻪ ..
ﻣﻌﺎﻭﻳﻪ ﺧﺪﻱ ﻣﻬﺎ ﻣﻦ ﻳﺪﻫﺎ : ﻳﻠﻼ ﺗﻮﺍ ﺑﺮﻱ ﺍﺭﻛﺒﻲ ﺍﺭﺗﺎﺣﻲ .. ﻭﻉ ﺍﻟﻐﺪﻱ ﻧﺘﻼﻗﻮﺍ ﻧﺒﻴﻚ ﺗﺤﻜﻴﻠﻲ ﺷﻦ ﺩﺭﺗﻲ ﺑﺎﻟﺘﻔﺼﻴﻞ ..
ﻣﻬﺎ ﺑﻀﺤﻜﻪ : ﺣﺎﺿﺮ .. ﺑﺎﺳﺎﺗﻪ ﻣﻦ ﺧﺪﻩ ﻭﻣﺸﺖ ﺭﻛﺒﺖ ..
ﻫﻮ ﺍﺑﺘﺴﻢ ... ﻭﺗﻠﻔﺖ ﻟﻠﻔﺎﺯﺍ ﺍﻟﻠﻲ ﻓﻴﻬﺎ ﺍﻟﺘﻮﻟﻴﺐ .. ﺷﺒﺤﻠﻪ ﻫﻠﺒﻪ ﻭﺍﺫﻛﺮ ﺍﻟﻠﻲ ﺻﺎﺭ ﺍﻟﺼﺒﺢ ..
ﻓﻼﺵ ﺑﺎﻙ ..
ﺧﺶ ﻟﻤﺤﻞ ﺍﻟﻮﺭﺩ ﺑﻌﺪ ﻣﺎﻃﻠﻌﺖ ﻣﻨﻪ ...
ﻣﻌﺎﻭﻳﻪ : ﺻﺒﺎﺡ ﺍﻟﺨﻴﺮ ..
ﺍﻟﻌﻢ ﻣﺴﻌﻮﺩ : ﺻﺒﺎﺡ ﺍﻟﺨﻴﺮ ﻳﺎﻭﻟﺪﻱ ..
ﻣﻌﺎﻭﻳﻪ ﺍﺑﺘﺴﻢ : ﺍﻣﻢ .. ﺍﻟﻤﺤﻞ ﻣﺘﺎﻋﻚ ﺣﻠﻮ ﻫﻠﺒﻪ ..
ﺍﻟﻌﻢ ﻣﺴﻌﻮﺩ : ﺑﺎﺭﻙ ﺍﻟﻠﻪ ﻓﻴﻚ ..
ﻣﻌﺎﻭﻳﻪ ﺷﺒﺤﻠﻪ : ﺍﺣﻤﻢ .. ﺍﻟﻠﻲ ﻃﻠﻌﺖ ﻣﻦ ﻋﻨﺪﻙ ﻗﺒﻞ ﺷﻮﻳﻪ ﺑﻨﺘﻚ؟
ﺍﻟﻌﻢ ﻣﺴﻌﻮﺩ ﺍﺑﺘﺴﻢ : ﺯﻱ ﺑﻨﺘﻲ ﻭﺍﻋﺰ ..
ﻣﻌﺎﻭﻳﻪ : ﺷﺒﻪ ﻳﻮﻣﻴﺎ ﻧﺸﻮﻑ ﻓﻴﻬﺎ ﻓﻲ ﺍﻟﻤﺤﻞ ..
ﺍﻟﻌﻢ ﻣﺴﻌﻮﺩ ﺍﺑﺘﺴﻢ : ﺳﻜﺎﻥ ﺍﻟﻤﻨﻄﻘﻪ ﻫﺎﺩﻱ ﻋﺎﺭﻓﻴﻦ ﺣﻨﺎﻥ ﻭﻗﺼﺘﻬﺎ ﻣﻌﺎﻱ .. ﺣﻨﺎﻥ ﻳﺎﻭﻟﺪﻱ ﺍﻟﻠﻲ ﺳﻤﺎﻫﺎ ﺣﻨﺎﻥ ﻣﺎﻏﻠﻂ ...
ﺟﺎﺭﺗﻲ ﻣﻦ ﺳﻨﻴﻦ ﻃﻮﻳﻠﻪ .. ﻛﺎﻧﺖ ﺗﻮﺍﺻﻞ ﻓﻴﻨﺎ ﻭﻧﻮﺍﺻﻠﻮﺍ ﻓﻴﻬﺎ ﻉ ﺍﻳﺎﻡ ﺍﻟﻤﺮﺣﻮﻣﻪ ﺯﻭﺟﺘﻲ ﻭﺑﻨﺘﻲ ﻛﺎﻧﺖ ﺻﺎﺣﺒﺘﻬﺎ .. ﻭﻛﺎﻧﺖ ﺩﻳﻤﺎ ﺗﺴﺄﻝ ﻋﻠﻴﻨﺎ ﻭﺩﻭﺭ ﻓﻴﻨﺎ .. ﻟﻴﻦ ﺟﻲ ﻧﻬﺎﺭ ﺍﻟﻠﻲ ﺑﻨﺘﻲ ﻓﻴﻪ ﻃﻠﻌﺘﻠﻬﺎ ﺑﻌﺜﺔ ﻭﺑﺘﺴﺎﻓﺮ ﺍﻧﻲ ﻭﺍﻣﻬﺎ ﻛﻨﺎ ﺭﺍﻓﻀﻴﻦ ﺑﺲ ﻣﻘﺪﺭﻧﺎﺵ ﻧﻮﻗﻔﻮﺍ ﻓﻮﺟﻪ ﻣﺴﺘﻘﺒﻠﻬﺎ ﺗﺰﻭﺟﺖ ﻭﺳﺎﻓﺮﺕ ﻛﺎﻧﺖ ﺗﺰﻭﺭ ﻓﻴﻨﺎ ﻭﺑﻌﺪﻳﻦ ﻟﻬﺖ ﺑﺤﻴﺎﺗﻬﺎ ﻭﺍﻧﻘﻄﻌﺖ ﻋﻠﻴﻨﺎ ﺑﺎﻟﻤﺮﺓ ﻛﺜﺮ ﺍﻟﻠﻪ ﺧﻴﺮﻫﺎ ﻛﺎﻥ ﺍﺗﺼﻠﺖ ﻣﺮﺓ ﻣﺮﺓ .. ﺯﻭﺟﺘﻲ ﺑﺪﺕ ﺗﺘﻌﺐ ﻣﻦ ﺑﻌﺪﻫﺎ ﻭﺍﻧﻲ ﻣﻌﺎﺵ ﻋﺮﻓﺖ ﻛﻴﻒ ﻧﺪﻳﺮﻟﻬﺎ .. ﻧﻬﺎﺭ ﻣﻦ ﻧﻬﺎﺭﺍﺕ ﺟﺘﻨﺎ ﻓﻴﻪ ﺣﻨﺎﻥ ﺗﻄﻤﻦ ﻋﻠﻴﻨﺎ ﺣﻜﻴﺘﻠﻬﺎ ﻛﻞ ﺷﻲ .. ﻗﺎﻟﺖ ﺍﻧﻬﺎ ﺣﺘﺘﺼﺮﻑ .. ﺣﻄﻴﺖ ﻓﺒﺎﻟﻲ ﺍﻧﻬﺎ ﺣﺘﻜﻠﻢ ﺧﺪﻳﺠﻪ ﺑﻨﺘﻲ ﻭﺗﻌﺎﺭﻛﻬﺎ .. ﺑﺲ ﺑﻌﺪ ﻳﻮﻣﻴﻦ ﺑﺪﺕ ﻳﻮﻣﻴﺎ ﺗﺠﻴﻨﺎ ﻭﺗﺴﺄﻝ ﻋﻠﻴﻨﺎ ﻭﺗﺠﻴﺐ ﻓﻲ ﺑﻨﺎﺗﻬﺎ ﻣﻌﺎﻫﺎ .. ﺣﺒﺘﻬﻢ ﺯﻭﺟﺘﻲ ﻭﺗﻌﻠﻘﺖ ﺑﻴﻬﻢ .. ﻭﻣﻠﻮﺍ ﻋﻠﻴﻬﺎ ﺣﻴﺎﺗﻬﺎ .. ﻗﻌﺪﻧﺎ ﻧﻤﺸﻮﺍ ﻭﻧﺠﻮﺍ ﻉ ﺑﻌﺾ ... ﻭﻓﻌﻼ ﻟﻘﻴﻨﺎ ﻓﺤﻨﺎﻥ ﺍﻟﻠﻲ ﻣﺎﻟﻘﻴﻨﺎﺵ ﻓﻲ ﺑﻨﺘﻨﺎ ﺍﻟﻠﻲ ﻣﻦ ﻟﺤﻤﻨﺎ ﻭﺩﻣﻨﺎ ... ﺑﻌﺪ ﻣﺪﺓ ﺗﻮﻓﺖ ﺯﻭﺟﺘﻲ ﻭﺍﻧﻲ ﺗﻌﺒﺖ ﻫﻠﺒﻪ ﺑﻌﺪ ﻣﻮﺗﻬﺎ ﺑﻨﺘﻲ ﺟﺖ ﻓﻌﺰﻱ ﺍﻣﻬﺎ ﺍﺳﺒﻮﻉ ﺑﻮﻻﺩﻫﺎ ﺍﻟﺰﻭﺯ ﺍﻟﻠﻲ ﺣﺘﻰ ﺍﺷﻜﺎﻟﻬﻢ ﻣﺎﻧﺰﺑﻄﻬﺎ ﻭﻛﺎﻧﺖ ﻗﺎﻋﺪﻩ ﺑﺎﻟﺴﻴﻒ .. ﺳﻜﺮﺕ ﺍﺳﺒﻮﻉ ﻭﺳﺎﻓﺮﺕ ﻭﻣﺎﻓﻜﺮﺗﺶ ﻓﺤﺎﻟﺘﻲ ﻭﻓﻮﺣﺪﺗﻲ ﺑﻜﻞ ... ﺩﻣﻌﻮﺍ ﻋﻴﻮﻧﻪ ﻭﺳﻜﺖ ..
ﻣﻌﺎﻭﻳﻪ ﻣﺘﺄﺛﺮ : ﺍﺳﻒ ..
ﺍﻟﻌﻢ ﻣﺴﻌﻮﺩ : ﻭﻻﻳﻬﻤﻚ ﻳﺎﻭﻟﺪﻱ ... ﺍﻟﻤﻬﻢ ﺣﻨﺎﻥ ﻫﻲ ﺍﻟﻠﻲ ﻓﻜﺮﺕ ﻓﻴﺎ ﻭﻗﻌﺪﺕ ﺗﺘﻔﻘﺪ ﻓﻴﺎ ﻛﻞ ﻳﻮﻡ ﻟﻴﻦ ﺟﻲ ﻳﻮﻡ ﻭﺍﻗﺘﺮﺣﺖ ﻋﻠﻴﺎ ﻣﺸﺮﻭﻉ ﺍﻟﻤﺤﻞ ﻫﺬﺍ .. ﻷﻧﻬﺎ ﺗﻌﺮﻑ ﺣﺒﻲ ﻟﻠﻮﺭﺩ ﻭﺍﻫﺘﻤﺎﻣﻲ ﺑﻴﻪ .... ﺗﺸﺠﻌﺖ ﻭﺩﺭﺗﻪ ﻭﺍﻟﺤﻤﺪ ﻟﻠﻪ ﺗﻐﻴﺮﺕ ﺣﺎﻟﺘﻲ ﺑﻴﻪ .. ﻭﺣﻨﺎﻥ ﻛﻞ ﻳﻮﻡ ﺗﺠﻲ ﺗﻄﻤﻦ ﻋﻠﻴﺎ ﻭﺗﺎﺧﺪ ﻣﻨﻲ ﻓﻲ ﺍﻟﺘﻮﻟﻴﺐ ﺍﻟﻠﻲ ﻛﻨﺖ ﻧﻮﺻﻲ ﻋﻠﻴﻪ ﻣﻦ ﺑﺮﺍ ﻉ ﺧﺎﻃﺮﻫﺎ ...
ﻣﻌﺎﻭﻳﻪ ﻣﻦ ﻏﻴﺮ ﺷﻲ ﺑﻴﻬﺒﻞ ﻋﻠﻴﻬﺎ ﻳﺎﺑﺎﻝ ﺳﻤﻊ ﺍﻟﻘﺼﻪ ﻫﺎﺩﻱ .. ﻳﺘﺴﺎﺋﻞ ﻓﻨﻔﺴﻪ ﻣﻌﻘﻮﻝ ﻓﻲ ﻧﺎﺱ ﻃﻴﺒﻪ ﻟﻬﺎﻟﺪﺭﺟﻪ ﻳﻔﻜﺮﻭﺍ ﻓﻐﻴﺮﻫﻢ ﺩﻳﻤﺎ ﻃﻮﻝ ﺍﻟﻮﻗﺖ ... ﻓﻬﻤﻮﻧﺎ ﺍﻥ ﺍﻟﻄﻴﺒﻪ ﻋﻴﺐ .. ﺑﺲ ﺍﻟﻄﻴﺒﻪ ﻟﻤﺎ ﺗﻜﻮﻥ ﻓﻲ ﻣﻜﺎﻧﻬﺎ ﺍﻟﺼﺢ ﺗﻜﻮﻥ ﺍﺣﻠﻰ ﻣﻴﺰﺓ .. ﻭﺍﻥ ﺍﻟﻘﻠﺐ ﺍﻟﻄﻴﺐ ﺍﻛﺜﺮ ﻗﻠﺐ ﻣﺮﺗﺎﺡ ﻓﺎﻟﺪﻧﻴﺎ ... ﻻﻧﻪ ﻻﻳﻌﺮﻑ ﻳﺤﻘﺪ ﻭﻻﻳﺤﺴﺪ ﻭﻻﻳﻜﺮﻩ ﺳﻠﻴﻢ ﻣﻦ ﻛﻞ ﻫﺎﻷﻣﺮﺍﺽ ..
ﺍﻟﻌﻢ ﻣﺴﻌﻮﺩ : ﺗﻌﺮﻓﻬﺎ ﻳﺎﻭﻟﺪﻱ ..
ﻣﻌﺎﻭﻳﻪ ﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﺍﻟﻌﻢ ﻣﺴﻌﻮﺩ : ﺭﺍﺟﻠﻬﺎ ﺍﻟﻠﻪ ﻳﺴﺎﻣﺤﻪ ﺧﺪﻱ ﻋﻠﻴﻬﺎ ﻭﺍﻧﻲ ﻋﺮﻓﺖ ﻫﺎﻟﺸﻲ ﻣﺘﺄﺧﺮ ﻭﻣﺶ ﻣﻦ ﻫﻲ ... ﻫﻮ ﻭﺍﻟﻠﻪ ﻣﺎﻳﺴﺘﺎﻫﻠﻬﺎ ﻳﻌﻮﺿﻬﺎ ﺭﺑﻲ ﺧﻴﺮ ..
ﻣﻌﺎﻭﻳﻪ ﺍﺑﺘﺴﻢ : ﻋﻼﺵ ﺗﻘﻮﻟﻲ ﻓﻲ ﺍﻟﻜﻼﻡ ﻫﺎﺩﺍ؟
ﺍﻟﻌﻢ ﻣﺴﻌﻮﺩ ﺍﺑﺘﺴﻢ : ﻹﻧﻲ ﺷﻔﺖ ﻓﻌﻴﻮﻧﻚ ﻛﻼﻡ ..
ﻣﻌﺎﻭﻳﻪ ﺿﺤﻚ ﻭﻗﺎﻝ : ﺭﺑﻲ ﻳﺤﻔﻈﻚ .. ﻧﺴﺘﺄﺫﻥ ...
ﺍﻟﻌﻢ ﻣﺴﻌﻮﺩ : ﻣﻊ ﺍﻟﺴﻼﻣﻪ ..
ﺍﻟﻮﻗﺖ ﺍﻟﺤﺎﺿﺮ ...
ﺍﺑﺘﺴﻢ ﻭﺗﻨﻬﺪ ﻭﺗﻮﺟﻪ ﻟﻤﻜﺘﺒﻪ ..
***
ﺍﺣﻜﻮﻟﻲ ﺑﺎﻟﺘﻔﺎﺻﻴﻞ ﺍﻟﻤﻤﻠﻪ ﺷﻦ ﺩﺭﺗﻮﺍ ..
ﺭﻫﻒ ﺑﻀﺤﻜﻪ : ﻋﻨﺪﻧﺎ ﻫﻠﺒﻪ ﻛﻼﻡ ﺗﻮﺍ ﻧﺤﻜﻮﺍ ﻟﻴﻦ ﻧﻨﻔﺨﻮﻟﻚ ﺭﺍﺳﻚ ﻏﻴﺮ ﺗﻮﺍ ﻧﺒﻲ ﻧﺮﺗﺎﺡ ﻣﺎﻣﺎﺗﻲ ..
ﻟﺒﻨﻰ ﺑﻀﺤﻜﻪ : ﺍﻧﻲ ﺗﻮ ﻧﺤﻜﻴﻠﻚ ﻣﺎﻣﺎ .. ﻏﻴﺮ ﻧﺒﺪﻝ ﺣﻮﺍﻳﺠﻲ ﻭﻧﻨﺰﻝ ...
ﻧﻀﺎﻝ : ﻧﺰﻟﺘﻮﺍ ﺣﺎﺟﺎﺗﻜﻢ ﻛﻠﻬﺎ ..
ﺭﻫﻒ : ﺍﻳﻪ ﺑﺎﺑﺎ ... ﻫﻴﺎ ﻟﺒﻨﻰ ﺭﻛﺒﻲ ﻣﻌﺎﻱ ..
ﻟﺒﻨﻰ : ﻫﻴﺎ .. ﻭﺧﺪﻭﺍ ﺷﻨﺎﻃﻴﻬﻢ ﻭﺭﻛﺒﻮﺍ ...
ﻧﻀﺎﻝ ﺭﺍﺟﻬﻢ ﻟﻴﻦ ﺭﻛﺒﻮﺍ ﻭﻗﺪﻡ ﻟﺤﻨﺎﻥ .. ﺣﻨﺎﻥ ﺣﺴﺎﺗﻪ ﻗﺮﺏ ﻫﻠﺒﻪ ﻭﺑﻴﻠﺼﻖ ﻓﻴﻬﺎ ﺑﻌﺪﺕ ... ﻫﻮ ﻗﺘﻼﺗﻪ ﺍﻟﺤﺮﻛﻪ ﺑﺲ ﺑﻠﻌﻬﺎ ...
ﻧﻀﺎﻝ ﻣﺪﻟﻬﺎ ﻛﻴﺲ : ﺗﻔﻀﻠﻲ ..
ﺣﻨﺎﻥ ﺗﺸﺒﺤﻠﻪ : ﻫﺬﺍ ﺷﻨﻲ ..
ﻧﻀﺎﻝ : ﻫﺪﻳﻪ ﺑﺴﻴﻄﻪ ﻣﺶ ﻣﻦ ﻗﻴﻤﺘﻚ ﻃﺒﻌﺎ ...
ﺣﻨﺎﻥ : ﻋﻼﺵ ..
ﻧﻀﺎﻝ : ﺷﻦ ﻫﻮ ﺍﻟﻠﻲ ﻋﻼﺵ .. ﻣﺮﺗﻲ ﻭﺍﺫﻛﺮﺗﻬﺎ ﺑﺸﻲ ..
ﺣﻨﺎﻥ ﺿﻴﻘﺖ ﻋﻴﻮﻧﻬﺎ ﻭﻗﺎﻟﺖ : ﻣﺮﺗﻚ؟ .. ﺷﻜﻠﻚ ﻟﺨﺒﻄﺖ ﺑﻴﻨﻲ ﻭﺑﻴﻨﻬﺎ ..
ﻧﻀﺎﻝ ﻗﺮﺏ : ﺍﻧﺘﻲ ﻣﺮﺗﻲ .. ﺗﺮﻛﺒﻲ ﻭﻻﺗﻨﺰﻟﻲ ﻣﺮﺗﻲ ..
ﺣﻨﺎﻥ ﺑﺼﺪﻣﻪ : ﺷﻦ ﺗﻘﻮﻝ ﺍﻧﺖ !! ﺍﺳﻤﻊ ﻧﻀﺎﻝ ... ﺧﻼﻝ ﺍﻟﻔﺘﺮﺓ ﺍﻟﺠﺎﻳﻪ ﺣﻨﻄﻠﻘﻮﺍ ... ﺑﺘﺼﻜﺮ ﺭﺍﺳﻚ ﺣﻨﺮﻓﻊ ﻗﻀﻴﻪ ..
ﻧﻀﺎﻝ : ﻟﻬﺎﻟﺪﺭﺟﻪ ﺗﺒﻲ ﺗﺨﻠﺼﻲ ..
ﺣﻨﺎﻥ : ﻫﺬﺍ ﻛﻼﻣﻨﺎ ﻣﻦ ﺍﻟﺒﺪﺍﻳﻪ ... ﻧﻀﺎﻝ ﺍﺭﺟﻮﻙ ﺧﻠﻲ ﺍﻹﺣﺘﺮﺍﻡ ﺑﻴﻨﺎ ﻣﻮﺟﻮﺩ ﻭﺧﻠﻴﻨﺎ ﻧﻄﻠﻘﻮﺍ ﺑﻬﺪﻭﺀ ﺯﻱ ﻣﺎﻗﻠﺖ .. ﻭﺍﻫﺘﻢ ﺑﺤﻴﺎﺗﻚ ﺍﻟﻠﻲ ﺍﺧﺘﺮﺗﻬﺎ .. ﺍﻧﻲ ﻣﻌﺎﺵ ﻟﻴﻚ ﻋﻨﺪﻱ ﺷﻲ ﻳﺎﻧﻀﺎﻝ ﻭﻻﺷﻲ .. ﻭﺭﻛﺒﺖ ﻭﺧﻼﺗﻪ ..
ﻫﻮ ﻗﻌﺪ ﻣﺼﺪﻭﻡ ﻫﻮ ﻋﺎﺭﻑ ﺍﻧﻬﺎ ﺗﺤﺒﻪ ﻫﻠﺒﻪ .. ﺷﻦ ﺍﻟﻠﻲ ﻏﻴﺮﻫﺎ ﻫﻜﻲ .. ﻟﺤﻈﺘﻬﺎ ﺣﺲ ﺍﻧﻪ ﺧﻼﺹ ﺣﻨﺎﻥ ﺭﺍﺣﺖ ﻣﻦ ﺑﻴﻦ ﺍﻳﺪﻳﻪ .. ﻣﻌﺎﺵ ﻟﻴﻪ .. ﺑﺲ ﻫﻮ ﻣﺎﻳﺒﻴﺶ ﻳﺼﺪﻕ ﻫﺎﻹﺣﺴﺎﺱ .. ﺭﻛﺐ ﻭﺭﺍﻫﺎ .. ﻭﻣﺸﻲ ﻃﻮﻝ ﻟﺪﺍﺭ ﺍﻟﻨﻮﻡ ﻭﻫﻮ ﻓﻲ ﺣﺎﻟﻪ ﺧﻮﻑ ﻋﺼﺒﻴﻪ ﻏﻀﺐ .. ﻭﺷﻮﻕ .. ﺍﻳﻪ ﺷﻮﻕ .. ﻓﺘﺢ ﺍﻟﺒﺎﺏ ﻭﺍﻧﺼﺪﻡ ﺻﺪﻣﺔ ﺟﺎﺗﻪ ﺯﻱ ﺍﻟﻜﻒ ﺍﻟﻠﻲ ﻓﻴﻘﻪ ..
ﺍﻟﺪﺍﺭ ﻓﺎﺿﻴﻪ ﺗﻤﺎﻣﺎ ﻉ ﺍﻟﺰﻟﻴﺰ ﻣﺎﻓﻴﻬﺎ ﻭﻻﺣﺎﺟﻪ ... ﻗﻌﺪ ﻭﺍﻗﻒ ﻭﻳﺸﺒﺢ ﻣﺶ ﻣﺼﺪﻕ ". ﺧﻼﺹ ﻳﻌﻨﻲ ﺣﻨﺎﻥ ﻃﻠﻌﺎﺗﻚ ﻣﻦ ﺣﻴﺎﺗﻬﺎ ﺑﺬﻛﺮﻳﺎﺗﻚ؟ !"
ﺣﻨﺎﻥ ﻓﺘﺤﺖ ﺑﺎﺏ ﺍﻟﺪﺍﺭ ﻣﺘﺎﻋﻬﺎ ﻭﺟﺖ ﻃﺎﻟﻌﻪ ﺍﻧﺼﺪﻣﺖ ﻟﻤﺎ ﺷﺎﻓﺘﻪ ﻓﻲ ﺩﺍﺭ ﺍﻟﻨﻮﻡ ﻫﻮ ﺗﻠﻔﺖ ﻭﻗﻌﺪ ﻳﺸﺒﺤﻠﻬﺎ ﺑﺄﻟﻢ .. ﺑﻨﺪﻡ .. ﺑﺤﺰﻥ .. ﺑﻌﺘﺎﺏ ..
ﺍﻣﺎ ﻫﻲ ﻓﻜﺎﻧﺖ ﺗﺸﻮﻓﻠﻪ ﺑﺒﺮﻭﺩ ﻣﻤﺰﻭﺝ ﺑﺎﻹﺳﺘﻐﺮﺍﺏ ﻭﻗﺎﻟﺖ : ﺧﻴﺮﻙ ﺗﺒﻲ ﺷﻲ ..
ﻧﻀﺎﻝ ﺍﺑﺘﺴﻢ ﺑﺄﻟﻢ : ﻻﺧﻼﺹ ﻣﺎﻋﺎﺵ ﻋﻨﺪﻱ ﺷﻲ ﻧﺒﻴﻪ ﻣﻦ ﻫﻨﻲ ..
ﺣﻨﺎﻥ : ﻛﻮﻳﺲ ...
ﻧﻀﺎﻝ ﻃﻠﻊ ﻣﻦ ﺍﻟﺪﺍﺭ ﺟﻲ ﺟﻨﺒﻬﺎ ﻗﻌﺪ ﻳﺸﻮﻓﻠﻬﺎ ﻭﻫﻲ ﻣﺎﺑﺘﺶ ﺗﺸﺒﺤﻠﻪ ... ﻣﺸﻲ .. ﻭﻫﻮ ﻣﻘﻬﻮﺭ .. ﺍﻣﺎ ﻫﻲ ﻗﺪﻣﺖ ﻟﺪﺍﺭ ﺍﻟﻨﻮﻡ ﺻﻜﺮﺗﻬﺎ ... ﻭﻣﺸﺖ ﻟﺪﺍﺭ ﺑﻨﺎﺗﻬﺎ ﻋﺎﺩﻱ ﺟﺪﺍ ...
ﻫﻮ ﻃﻠﻊ ﻣﻦ ﺍﻟﺤﻮﺵ ﻭﺣﺎﺱ ﺑﺨﻨﻘﻪ .. ﺭﻛﺐ ﺍﻟﺴﻴﺎﺭﻩ ﻭﺗﻮﺟﻪ ﻃﻮﻝ ﻟﻴﺎﺭﺍ ..
ﺍﻭﻝ ﻣﺎﻧﺰﻝ ﺧﺶ ﺑﺴﺮﻋﻪ ..
ﻳﺎﺭﺍ ﻗﺎﺑﻼﺗﻪ ﻭﺣﻀﻨﺎﺗﻪ ﻭﻫﻮ ﺣﻀﻨﻬﺎ ﻭﻛﺎﻥ ﻓﻲ ﺣﺎﻟﻪ ﻧﻔﺴﻴﺔ ﻣﻠﺨﺒﻄﻪ ﻉ ﺍﻵﺧﺮ ... ﺧﺪﺍﻫﺎ ﻓﻲ ﺣﻀﻨﻪ ﻣﺎﺣﺴﺶ ﺑﻨﻔﺴﻪ ﺷﻦ ﻗﺎﻋﺪ ﻳﺪﻳﺮ ﻣﻌﺎﻫﺎ ﻭﻳﺎﺭﺍ ﻛﺎﻧﺖ ﻣﺘﻔﺎﺟﺌﻪ ﻓﻴﻪ ﻟﻬﺎﻟﺪﺭﺟﻪ ﺍﺳﺘﺎﺣﺸﺘﻬﺎ ﻭﻣﺶ ﻗﺎﺩﺭ ﻳﺼﺒﺮ !! ؟
***
ﻣﺮﺓ ﺗﺎﻧﻴﻪ ﺗﻤﺸﻲ ﻣﻌﺎﻧﺎ ..
ﺣﻨﺎﻥ ﺑﻀﺤﻜﻪ : ﺇﻥ ﺷﺎﺀ ﺍﻟﻠﻪ ...
ﻃﻖ ﺍﻟﺒﺎﺏ ..
ﺭﻫﻒ : ﺧﺎﻟﺘﻲ ﻧﻴﺮﻭﺯ ﻓﻲ ﺣﻮﺵ ﺧﻮﻫﺎ ﻭﻻ ..
ﺣﻨﺎﻥ ﺑﻀﺤﻜﻪ : ﺍﻳﻪ .. ﺧﺶ ..
ﺧﺶ ﺭﺿﺎ .. ﻋﻴﻄﻮﺍ ﺍﻟﺰﻭﺯ ..
ﺭﻫﻒ : ﻳﺎﺭﺑﻲ ﻣﺶ ﻣﺼﺪﻗﻪ ..
ﺭﺿﺎ : ﻫﻬﻬﻬﻬﻬﻬﻬﻬﻬﻬﻬﻪ ..
ﺟﻮﻩ ﻭﺣﻀﻨﻮﻩ ﺍﻟﺰﻭﺯ ﻭﻫﺪﺭﺯﻭﺍ ﻋﻠﻴﻪ ﺷﻮﻳﻪ ..
ﺭﺿﺎ : ﻣﺎﻻ ﻭﻳﻦ ﻧﻀﺎﻝ ...
ﺍﻟﺒﻨﺎﺕ ﻭﺟﻮﻫﻬﻢ ﺗﻐﻴﺮﺕ ﻭﺳﻜﺘﻮﺍ ...
ﺭﺿﺎ : ﺧﻴﺮﻛﻢ .. ﺷﺒﺢ ﻟﺤﻨﺎﻥ ... ﺷﻮﻓﻲ ﺍﻥ ﺣﺎﺳﺲ ﺑﺸﻲ ﻣﺶ ﻃﺒﻴﻌﻲ ﻣﺎﺑﺘﺶ ﻧﺼﺮ ﻋﻠﻴﻚ ﺑﺎﻷﺳﺌﻠﻪ ﻗﻠﺖ ﺣﺘﺘﻜﻠﻢ ﺑﺮﻭﺣﻬﺎ .. ﻟﻜﻦ ﺍﻟﺤﻜﺎﻳﻪ ﺷﻜﻠﻬﺎ ﻛﺒﻴﺮﻩ .. ﻟﻬﺬﺍ ﺗﻜﻠﻤﻲ ﺗﻮﺍ ﻳﺎﺣﻨﺎﻥ ﺷﻦ ﺍﻟﻠﻲ ﺻﺎﻳﺮ ﻭﺍﻧﻲ ﻣﺎﻧﻨﺪﺭﻳﺶ ﻋﻠﻴﻪ
ﺣﻨﺎﻥ ﺷﺒﺤﺘﻠﻪ ﻭﻗﺮﺭﺕ ﺗﺤﻜﻲ ..
***
ﻭﺍﻗﻒ ﺗﺤﺖ ﺍﻟﺪﻭﺵ ﻛﺎﻥ ﻛﺎﺭﻩ ﺭﻭﺣﻪ ﻫﻠﺒﻪ .. ﻣﺎﺣﺴﺶ ﺍﺗﺠﺎﻩ ﻳﺎﺭﺍ ﺑﺄﻱ ﺷﻲ ﻟﻤﺎ ﻛﺎﻥ ﻣﻌﺎﻫﺎ .. ﻣﺶ ﻋﺎﺭﻑ ﻋﻼﺵ ﻫﻜﻲ ﺻﺎﺭﻟﻪ .. ﻭﺗﻮﺍ ﺧﻄﺮ ﻉ ﺑﺎﻟﻪ ﺳﺆﺍﻝ " ﺍﻧﻲ ﺣﺒﻴﺘﻬﺎ ﺣﻖ ﻭﻻ ﺑﺲ ﻛﺎﻧﺖ ﻋﺎﺟﺒﺘﻨﻲ ... ﻳﺎﺭﺍ ﺷﻨﻮ ﺑﺎﻟﻨﺴﺒﻪ ﻟﻴﺎ .. ﺣﺐ ﻭﻻﻧﺰﻭﺓ .. ﻭﻻ ﺷﻨﻮ ﺑﺎﻟﺰﺑﻂ .." ﻗﻌﺪ ﻳﻤﺴﺢ ﻉ ﻭﺟﻬﻪ ﺑﺄﻳﺪﻩ ﺑﻌﻨﻒ ﻭﺍﻟﺤﺮﻛﻪ ﻣﻊ ﺍﻟﻤﻴﻪ ﻛﺎﻧﺖ ﺍﺩﻳﺮ ﻓﻲ ﺻﻮﺕ ﻣﺰﻋﺞ ﺯﻱ ﺻﻮﺕ ﺍﻟﻔﻮﺿﻰ ﺍﻟﻠﻲ ﻓﻴﻬﺎ ﻣﺸﺎﻋﺮﻩ ﺣﺎﻟﻴﺎ ... ﻃﻠﻊ ﻣﻦ ﺍﻟﺪﻭﺵ .. ﻭﻟﺒﺶ ﺍﻟﺪﺷﻤﺒﺮ ... ﻟﻘﻲ ﻳﺎﺭﺍ ﺭﺍﻗﺪﻩ ﻗﻌﺪ ﻳﺸﻮﻓﻠﻬﺎ ﻫﻠﺒﻪ ﺑﻌﺪﻳﻦ ﻏﻤﺾ ﻋﻴﻮﻧﻪ ﻭﺗﻨﻬﺪ ﻓﺘﺤﻬﻢ ﻭﺧﺪﻱ ﺣﻮﺍﻳﺠﻪ ﻟﺒﺴﻬﻢ ﻭﺧﺶ ﻟﺴﺮﻳﺮﻩ .. ﻭﻋﻄﻲ ﻳﺎﺭﺍ ﺑﺎﻟﻮﺟﻪ ﻗﻌﺪ ﻳﺘﺄﻣﻞ ﻭﻛﺄﻧﻪ ﻳﺒﻲ ﻳﺤﺲ ﺑﺎﻟﺸﻌﻮﺭ ﺍﻟﻠﻲ ﻳﺤﺲ ﺑﻴﻪ ﺍﺗﺠﺎﻫﻬﺎ ﻗﺒﻞ .. ﺑﺲ ﻣﺎﻓﻴﺶ ﻓﺎﻳﺪﻩ ... ﺗﻠﻔﺖ ﻭﻋﻄﺎﻫﺎ ﺑﺎﻟﻈﻬﺮ ﻭﺟﺖ ﺑﻴﻦ ﻋﻴﻮﻧﻪ ﺣﻨﺎﻥ ..
< ﻧﻀﺎﻝ ﺍﺭﺟﻮﻙ ﺧﻠﻲ ﺍﻹﺣﺘﺮﺍﻡ ﺑﻴﻨﺎ ﻣﻮﺟﻮﺩ ﻭﺧﻠﻴﻨﺎ ﻧﻄﻠﻘﻮﺍ ﺑﻬﺪﻭﺀ ﺯﻱ ﻣﺎﻗﻠﺖ .. ﻭﺍﻫﺘﻢ ﺑﺤﻴﺎﺗﻚ ﺍﻟﻠﻲ ﺍﺧﺘﺮﺗﻬﺎ .. ﺍﻧﻲ ﻣﻌﺎﺵ ﻟﻴﻚ ﻋﻨﺪﻱ ﺷﻲ ﻳﺎﻧﻀﺎﻝ ﻭﻻﺷﻲ >>
ﻏﻤﺾ ﻋﻴﻮﻧﻪ ﺑﺄﻟﻢ ﻭﺣﺲ ﺑﻘﻠﺒﻪ ﻣﻮﺟﻮﻉ .. ﻭﺧﻴﻴﻲ ﻉ ﺍﻟﺸﻌﻮﺭ ﺑﺎﻟﻨﺪﻡ ﻷﻧﻪ ﺩﻳﻤﺎ ﻳﺠﻲ ﺑﻌﺪ ﻓﻮﺍﺕ ﺍﻵﻭﺍﻥ ...
***
ﺭﺿﺎ ﺑﺤﺪﻩ : ﺧﺴﺎﺭﻩ ﺑﺠﺪ ﺧﺴﺎﺭﺓ .. ﻭﻫﻮ ﺍﻟﻠﻲ ﺧﺴﺮ ﻭﻫﻠﺒﻪ
ﻧﺎﺽ ﻭﻃﻠﻊ ﻣﻦ ﺍﻟﺪﺍﺭ ..
ﺣﻨﺎﻥ ﺗﻨﻬﺪﺕ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ..
ﺭﻫﻒ : ﺯﻋﻤﻪ ﻟﻮ ﺗﻘﺎﺑﻞ ﻣﻊ ﺑﺎﺑﺎ ﺣﻴﺘﺼﺎﺩﻣﻮﺍ ..
ﺣﻨﺎﻥ : ﺍﻃﻤﻨﻲ ﺣﺒﻴﺒﺘﻲ ﻣﺶ ﺣﻴﺼﻴﺮ ﺻﺪﺍﻡ ﻭﻻﺷﻲ .. ﻣﺎﺗﺨﺎﻓﻴﺶ ..
ﻟﺒﻨﻰ : ﻳﺴﺘﺮ ﺍﻟﻠﻪ ... ﺍﻳﻴﻪ .. ﺣﻘﻪ ﻣﻬﺎ ﺭﻭﺣﺖ ﺣﺘﻰ ﻫﻴﺎ .. ﺍﺳﺘﺎﺣﺸﺘﻬﺎ ...
ﺣﻨﺎﻥ ﺑﺈﺑﺘﺴﺎﻣﻪ : ﺣﺘﻰ ﺍﻧﻲ ..
ﺭﻫﻒ : ﺑﺎﻩ ﺑﻨﺮﻗﺪ ..
ﻟﺒﻨﻰ : ﻧﻮﺿﻲ ﻣﺎﻣﺎ ﻧﻮﺿﻲ ﺧﻞ ﺧﻤﻴﺮﺓ ﺍﻟﻨﻮﻡ ﻫﺎﺩﻱ ﺗﺮﻗﺪ ..
ﺭﻫﻒ ﺍﺭﺗﻤﺖ ﻉ ﺍﻟﻤﺨﺪﻩ ﻭﻣﺎﻋﺒﺮﺗﻬﺎﺵ ﻭﺣﻨﺎﻥ ﻧﺎﺿﺖ ﺗﻀﺤﻚ .. ﻃﻠﻌﻮﺍ ﻭﺳﻜﺮﻭﺍ ﺍﻟﺒﺎﺏ ...
ﻓﺎﺕ ﺑﺎﻗﻲ ﺍﻟﻴﻮﻡ ﻋﺎﺩﻱ ...
ﺍﻟﺒﻨﺎﺕ ﻳﻬﺪﺭﺯﻭﺍ ﻉ ﺍﻣﻬﻢ ﻭﺧﺎﻟﻬﻢ ﺷﻦ ﺻﺎﺭ ﻓﻲ ﺳﻔﺮﺗﻬﻢ ﻭﻋﻄﻮﺍ ﻫﺪﺍﻳﺎ ﺍﻣﻬﻢ ﻭﺩﺑﺮﻭﺍ ﻓﻲ ﺣﺎﺟﻪ ﻋﻄﻮﻫﺎ ﻟﺨﺎﻟﻬﻢ ﻣﺠﺎﻣﻠﺔ ﻣﺎﻛﺎﻧﻮﺵ ﺣﺎﺳﺒﻴﻦ ﺣﺴﺎﺑﻪ ..
ﺍﻣﺎ ﻣﻬﺎ ﻓﻜﺎﻧﺖ ﺗﻬﺪﺭﺯ ﻉ ﻣﻌﺎﻭﻳﻪ ﺷﻦ ﺩﺍﺭﺕ ﻟﻤﺎ ﻭﺻﻠﺖ ﻟﻠﻜﻌﺒﻪ ﻭﺷﻦ ﻛﺎﻥ ﺷﻌﻮﺭﻫﺎ ﻭﻟﻤﺎ ﻣﺸﺖ ﻟﻠﻤﺪﻳﻨﻪ ﻭﻟﻤﺎ ﻭﺻﻠﺖ ﻟﻠﻤﺴﺠﺪ ﺍﻟﻨﺒﻮﻱ ﺷﻦ ﻛﺎﻥ ﺷﻌﻮﺭﻫﺎ .. ﻭﻣﻌﺎﻭﻳﻪ ﻳﺴﻤﻌﻠﻬﺎ ﻭﻛﺎﻧﺖ ﻋﻨﺪﻩ ﺭﻏﺒﻪ ﻳﻌﻴﺶ ﻣﺸﺎﻋﺮﻫﺎ ﻫﺎﺩﻱ ﻭﻳﻔﺮﺡ ﺑﻴﻬﺎ ﻫﻜﻲ ...
***
ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻓﻲ ﺍﻟﺸﺮﻛﻪ ..
ﻉ ﻧﺎﺭ ﻳﺴﺘﻨﻰ ﻓﻲ ﺟﻴﺘﻬﺎ ... ﻳﻠﻬﻲ ﻓﺮﻭﺣﻪ ﺑﺶ ﻳﻔﻮﺕ ﺍﻟﻮﻗﺖ ﺍﻟﻠﻲ ﺑﺪﻱ ﻳﺤﺲ ﻓﻴﻪ ﻳﺘﻤﻄﻂ ﻗﺼﺪﺍ ...
ﺟﻲ ﺃﻳﻤﻦ ﻭﺣﺘﻰ ﻫﻮ ﻳﺴﺘﻨﻰ ... ﺑﺶ ﻣﺶ ﺯﻳﻪ ..
ﻣﺠﺮﺑﻴﻦ ﺷﻌﻮﺭ ﺍﻭﻝ ﻣﺮﺓ ﺗﺤﺒﻮﺍ ﻓﻴﻬﺎ ﻛﻴﻒ ﻳﺒﺪﺍ ﻋﻨﺪﻛﻢ ﺷﻌﻮﺭ ﺑﺎﻟﻠﻬﻔﻪ ﻟﺸﻮﻓﺖ ﺍﻟﻠﻲ ﺗﺤﺒﻮﻩ ﻭﺟﻬﺎ ﻟﻮﺟﻪ ﺑﻌﺪ ﻏﻴﺎﺏ .. ﺑﺎﻟﺬﺍﺕ ﻭﺍﻟﺤﺐ ﻣﻜﺘﻮﻡ ﻭﻓﻲ ﺑﺪﺍﻳﺘﻪ ... ﺗﺤﺴﻮﺍ ﻛﻞ ﺣﺎﺟﻪ ﻓﻴﻜﻢ ﺗﺴﺘﻨﻰ ﻓﺸﻮﻓﺘﻪ ﻭﻣﺸﺎﻋﺮﻛﻢ ﻣﻦ ﻗﻮﺗﻬﺎ ﻃﺎﻟﻌﻪ ﻣﻦ ﺍﻟﻘﻠﺐ ﻭﻓﺎﻳﻀﻪ .. ﻭﻣﺶ ﻋﺎﺭﻓﻴﻦ ﻛﻴﻒ ﺗﺘﺤﻜﻤﻮﺍ ﻓﻴﻬﺎ .. ﻫﺬﺍ ﺍﻟﻠﻲ ﻓﻴﻪ ﻣﻌﺎﻭﻳﻪ ﺣﺎﻟﻴﺎ .. ﺷﻌﻮﺭ ﻋﻤﺮﻩ ﻣﺎﺟﺮﺑﻪ ﻭﻻﺣﺴﻪ ..
ﺭﻥ ﺍﻟﺘﻠﻴﻔﻮﻥ ﻗﻠﺒﻪ ﻗﺮﻳﺐ ﻃﻠﻊ ﻣﻦ ﺻﺪﺭﻩ ﻭﺃﻳﻤﻦ ﻓﺰ ﺣﺘﻰ ﻫﻮﻗﺎﻣﻪ ﻭﺭﺩ ..
ﺍﻟﺴﻜﺮﺗﻴﺮﻩ : ﺑﺎﺵ ﻣﻬﻨﺪﺳﻪ ﺣﻨﺎﻥ ﻭﺻﻠﺖ ..
ﻣﻌﺎﻭﻳﻪ ﻃﻠﻊ ﻋﻦ ﺷﻌﻮﺭﻩ : ﺩﺧﻠﻴﻬﺎ ﺷﻦ ﺗﺮﺍﺟﻲ ... ﻭﺻﻜﺮ ﻃﻮﻝ ..
ﺍﻳﻤﻦ ﺑﻠﻬﻔﻪ : ﺟﺖ؟
ﻣﻌﺎﻭﻳﻪ ﺑﻠﻬﻔﻪ ﺍﻛﺒﺮ : ﺍﻳﻪ .. ﺑﻌﺪﻳﻦ ﺍﺳﺘﺎﻗﺾ ﻭﺷﺒﺢ ﻷﻳﻤﻦ ﻭﻗﺎﻝ ﺑﺤﺪﻩ ... ﺍﻳﻤﻦ .. ﺍﻟﺠﻮ ﺍﻟﻠﻲ ﺩﺭﺗﻪ ﺍﺧﺮ ﻣﺮﻩ ﺗﻌﺎﻭﺩﻩ ﺗﺤﻤﻞ ﺍﻟﻠﻲ ﻳﺠﻴﻚ ﻣﻨﻲ .. ﺍﺗﻘﻲ ﺷﺮ ﻏﻀﺒﻲ ..
ﺍﻳﻤﻦ ﺑﺨﻮﻑ ﻭﺍﺳﺘﻐﺮﺍﺏ : ﺣﺎﺿﺮ ﻳﺎ Boss..
ﻃﻖ ﺍﻟﺒﺎﺏ ..
ﺷﺒﺤﻮﻟﻪ ﺍﻟﺰﻭﺯ .. ﺍﻧﻔﺘﺢ ﻭﺍﻟﺰﻭﺯ ﻳﺘﺮﻗﺒﻮﺍ ﻭﺻﺪﻭﺭﻫﻢ ﺗﻌﻠﻰ ﻭﺗﻬﺒﻂ ...
ﺑﺎﻧﺖ ﻋﻠﻴﻬﻢ .. ﻛﺎﻧﺖ ﻏﺎﻳﻪ ﻓﻲ ﺍﻷﻧﺎﻗﻪ ﻃﺎﻟﻌﻪ ﺗﻬﺒﻞ .. ﺍﺑﺘﺴﻤﺖ .. ﻫﻤﺎ ﺍﻟﺰﻭﺯ ﻗﻠﻮﺑﻬﻢ ﻗﺮﻳﺐ ﻭﻗﻔﺖ .. ﻗﺪﻣﺖ ﻭﻗﺎﻟﺖ .. ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﺭﺩ ﺍﻳﻤﻦ : ﻭﻋﻠﻴﻜﻢ ﺍﻟﺴﻼﻡ ..
ﻣﻌﺎﻭﻳﻪ ﺑﻐﺮﻭﺭ : ﻭﻋﻠﻴﻜﻢ ﺍﻟﺴﻼﻡ ..
ﺍﻳﻤﻦ : ﺗﻔﻀﻠﻲ ﻗﻌﻤﺰﻱ ..
ﻣﻌﺎﻭﻳﻪ : ﻣﻦ ﺍﻟﻤﻔﺮﻭﺽ ﻳﻘﻮﻟﻬﺎ ﻫﻨﻲ؟ !
ﺍﻳﻤﻦ ﺳﻜﺖ ...
ﺣﻨﺎﻥ ﺍﺑﺘﺴﻤﺖ ﺑﺘﻬﻜﻢ ..
ﻫﻮ ﺣﻂ ﺭﺟﻞ ﻉ ﺭﺟﻞ ﻭﺍﺗﻜﻰ ﻉ ﻛﺮﺳﻴﻪ ﺷﺒﺢ ﻟﺴﺎﻋﺘﻪ : ﺍﻣﺘﻰ ﺗﺠﻲ ﻫﺎﺩﻱ ..
ﺍﻳﻤﻦ : ﻣﻦ ﺗﻘﺼﺪ ..
ﻣﻌﺎﻭﻳﻪ : ﺇﻗﺒﺎﻝ .. ﻋﻨﺪﻙ ﻋﻠﻢ ﻟﻴﻬﺎ ﻓﻮﻕ ﺍﺳﺒﻮﻉ ﻣﺮﻭﺣﻪ ﻭﻣﺎﺟﺘﺶ ﻟﻠﺸﺮﻛﻪ
ﺍﻳﻤﻦ ﻳﺸﺒﺢ ﻟﺤﻨﺎﻥ ﺍﻟﻠﻲ ﻗﺎﻋﺪﻩ ﻭﺍﻗﻔﻪ : ﺗﻮﺗﺠﻲ ... ﺧﻞ ﻧﺒﺪﻭﺍ ﺣﻨﻲ ﻗﺒﻞ .. ﻭﺗﻮﺗﻠﺤﻖ ﻫﻴﺎ ..
ﻣﻌﺎﻭﻳﻪ : ﺍﻭﻛﻲ .. ﺷﺒﺢ ﻟﺤﻨﺎﻥ ﺩﺍﺭ ﺭﻭﺣﻪ ﻣﺘﻔﺎﺟﺊ .. ﺧﻴﺮﻙ ﻗﺎﻋﺪﻩ ﻭﺍﻗﻔﻪ ﻗﻌﻤﺰﻱ ..
ﺣﻨﺎﻥ ﻗﺪﻣﺖ ﻭﻗﻌﻤﺰﺕ ﻭﺑﺈﺑﺘﺴﺎﻣﻪ : ﺷﻜﺮﺍ ..
ﺃﻳﻤﻦ ﺍﺑﺘﺴﻢ ﻭﻫﻮ ﻳﺸﻮﻓﻠﻬﺎ ...
ﻣﻌﺎﻭﻳﻪ " ﻳﺴﺘﻔﺰﻭﻧﻚ ﻟﻴﺨﺮﺟﻮﺍ ﺃﺳﻮﺀ ﻣﺎﻓﻴﻚ .. ﻧﺒﻲ ﻧﻄﻠﻊ ﻓﻴﻚ ﻋﻴﺐ ﻣﺶ ﻻﻗﻲ ﻧﺒﻲ ﻧﺸﻮﻑ ﻣﻨﻚ ﺣﺎﺟﻪ ﻣﺶ ﺣﻠﻮﺓ ﻣﺶ ﻻﻗﻲ .. ﺍﻧﺘﻲ ﺍﻟﻠﻲ ﺗﺴﺘﻔﺰﻱ ﻓﻴﺎ ﻫﻠﺒﻪ "..
ﺣﻨﺎﻥ : ﻧﺒﺪﻭﺍ ...
ﻣﻌﺎﻭﻳﻪ ﺍﺑﺘﺴﻢ : ﺍﺑﺪﻱ ...
ﺣﻨﺎﻥ ﺩﺍﺭﺕ ﻋﺮﺽ ﺩﺍﺗﺎ ﺷﻮ ﻟﻠﺘﺼﻤﻴﻢ ﻭﺷﺮﺣﺖ ﻋﻠﻴﻪ ﺑﺎﻟﺘﻔﺼﻴﻞ .. ﻛﺎﻥ ﺷﻲ ﻣﺬﻫﻞ .. ﺣﺎﺳﺒﻪ ﺣﺴﺎﺏ ﻛﻞ ﺷﻲ .. ﻫﻮ ﺳﺎﺭﺡ ﻓﻴﻬﺎ ... ﻓﺜﻘﺘﻬﺎ ﺑﻨﻔﺴﻬﺎ ﻓﺜﺒﺎﺗﻬﺎ .. ﻓﺄﺳﻠﻮﺑﻬﺎ ﻓﻘﻮﺗﻬﺎ ... ﻓﻲ ﻟﺒﺴﻬﺎ .. ﻣﺤﺠﺒﻪ ﻣﺤﺘﺸﻤﻪ ﻟﻜﻨﻬﺎ ﻗﻮﻳﻪ ﻭﺍﺛﺒﺘﺖ ﻧﻔﺴﻬﺎ ﻗﺎﻋﺪﻩ ﻣﻊ ﺭﺟﺎﻟﻪ ﻓﻲ ﻣﻜﺘﺐ ﻭﻣﺴﻜﺮ ﻋﻠﻴﻬﻢ ﺍﻟﺒﺎﺏ ﻭﻻﻭﺍﺣﺪ ﻓﻜﺮ ﻓﻴﻬﺎ ﺗﻔﻜﻴﺮ ﺧﺒﻴﺚ .. ﻣﺤﺘﺮﻣﻴﻨﻬﺎ ﻷﺑﻌﺪ ﺣﺪ ﻫﻲ ﻓﺮﺿﺖ ﻫﺎﻷﺣﺘﺮﺍﻡ .. ﻭﺳﺒﺤﺎﻧﻪ ﺭﺑﻲ ﺍﻟﻠﻲ ﻳﺤﺒﻬﻢ ﻳﻌﻄﻴﻬﻢ ﻣﻦ ﻛﻞ ﺷﻲ ﺣﺴﻦ ﻭﻳﺤﻂ ﻣﺤﺒﺘﻬﻢ ﻓﻲ ﻗﻠﻮﺏ ﻛﻞ ﻣﻦ ﻳﻘﺎﺑﻠﻬﻢ .. ﻭﻳﺮﻓﻌﻬﻢ ﻋﻦ ﻛﻞ ﺩﻧﻴﺊ ...
ﻭﻟﺖ ﻗﻌﻤﺰﺕ ﻭﻗﺎﻟﺖ : ﻃﺒﻌﺎ ﺍﺫﺍ ﻓﻲ ﺷﻲ ﺣﺎﺏ ﺗﻌﺪﻟﻪ ﻣﺎﻓﻴﺶ ﻣﺸﻜﻠﻪ ..
ﺍﻳﻤﻦ : ﻣﺎﻓﻲ ﺷﻲ ﻳﺴﺘﺎﻫﻞ ﺍﻟﺘﻌﺪﻳﻞ ﺑﺼﺮﺍﺣﻪ ﺍﻧﺘﻲ ﻣﺶ ﻣﺨﻠﻴﻪ ﻓﺮﺻﻪ ﻟﻠﺘﻌﺪﻳﻞ ..
ﺣﻨﺎﻥ ﺍﺑﺘﺴﻤﺖ : ﺷﻜﺮﺍ .. ﺑﺲ ﻣﺮﺍﺕ ﺍﻟﺴﻴﺪ ﻣﻌﺎﻭﻳﻪ ﻋﻨﺪﻩ ﺭﺍﻱ ﺗﺎﻧﻲ ..
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﺣﺎﻟﻴﺎ ﻻ ...
ﺣﻨﺎﻥ : ﻛﻮﻳﺲ ... ﻳﻌﻨﻲ ﺍﻋﺘﻤﺪﺕ ..
ﻣﻌﺎﻭﻳﻪ : ﺍﻣﻢ ... ﺍﻳﻪ ..
ﺣﻨﺎﻥ : ﺗﻤﺎﻡ ... ﻧﺎﺿﺖ ..
ﻣﻌﺎﻭﻳﻪ " ﺑﺘﻤﺸﻲ ﻫﺎﺩﻱ ﻭﻻﺷﻨﻲ ! ؟ "
ﺣﻨﺎﻥ : ﺗﻮﺍ ﻻﺯﻡ ﻧﻤﺸﻲ ... ﻣﺸﻐﻮﻟﻪ ...
ﻣﻌﺎﻭﻳﻪ : ﺑﺸﻨﻲ ..
ﺣﻨﺎﻥ ﺷﺒﺤﺘﻠﻪ : ﻧﻌﻢ !!
ﻣﻌﺎﻭﻳﻪ : ﺍﻧﺘﻲ ﻣﻔﺮﻭﺽ ﻣﺎﺗﻨﺸﻐﻠﻲ ﺑﺸﻲ ﻏﻴﺮ ﺍﻟﻤﺸﺮﻭﻉ ..
ﺣﻨﺎﻥ : ﺍﻳﻪ ﺻﺢ ﺑﺲ ﻋﻨﺪﻱ ﺗﺸﻄﻴﺒﺎﺕ ﺍﺧﻴﺮﻩ ﻉ ﺍﺧﺮ ﺷﻐﻞ ﺩﺭﺗﻪ ﻓﻲ ﺍﻟﻤﻜﺘﺐ ﻧﻜﻤﻠﻪ .. ﺑﺶ ﻧﻠﻬﻰ ﺑﻤﺸﺮﻭﻋﻜﻢ ..
ﻣﻌﺎﻭﻳﻪ ﺍﺑﺘﺴﻢ ﻭﻧﺎﺽ : ﻻﺯﻡ ﺗﺘﻔﺮﻏﻴﻠﻨﺎ ﺗﻤﺎﻣﺎ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ...
ﺃﻳﻤﻦ : ﺣﺘﺤﺒﻴﻨﺎ ﻭﺍﻟﻠﻪ ..
ﺣﻨﺎﻥ ﺍﺑﺘﺴﻤﺖ ﻭﺳﻜﺘﺖ ..
ﻣﻌﺎﻭﻳﻪ ﺣﻂ ﺍﻳﺪﻩ ﻉ ﻛﺘﻒ ﺍﻳﻤﻦ ﻭﺷﺪ ﻋﻠﻴﻪ ﻭﺍﻳﻤﻦ ﻗﺮﻳﺐ ﻣﺎﺕ ..
ﻓﺠﺄﻩ ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺇﻗﺒﺎﻝ ...
ﻣﻌﺎﻭﻳﻪ ﺷﺒﺤﻠﻬﺎ : ﻣﺎﺯﺍﻝ ﺑﻜﺮﻱ ..
ﺇﻗﺒﺎﻝ ﺑﻀﺤﻜﻪ : ﻏﻴﺮ ﻗﻮﻟﻲ ﺣﻤﺪ ﻟﻠﻪ ﻉ ﺍﻟﺴﻼﻣﻪ ... ﻭﻗﺪﻣﺖ ﻭﺣﻀﻨﺎﺗﻪ .. ﻫﻮ ﺍﻧﺼﻌﻖ .. ﻭﺍﻳﻤﻦ ﺭﻓﻊ ﺣﻮﺍﺟﺒﻪ ..
ﺍﻣﺎ ﺣﻨﺎﻥ ﻭﻃﺖ ﺭﺍﺳﻬﺎ ﻭﻗﻌﺪﺕ ﺗﻠﻢ ﻓﺤﺎﺟﺎﺗﻬﺎ ..
ﻣﻌﺎﻭﻳﻪ ﺑﻌﺪ ﺍﻗﺒﺎﻝ ﻭﺷﺒﺢ ﻟﺤﻨﺎﻥ .. ﻟﻘﺎﻫﺎ ﻣﺶ ﻻﻫﻴﻪ ..
ﻫﻮﺻﺢ ﻋﻨﺪﻩ ﻋﺎﺩﻱ ﺑﺲ ﻫﺬﺍ ﻗﺒﻞ ﻣﺎﻳﻌﺮﻓﻬﺎ ....
ﺇﻗﺒﺎﻝ : ﻟﻴﻚ ﻭﺣﺸﻪ .. ﻭﻣﺪﺕ ﻳﺪﻫﺎ ﺳﻠﻤﺖ ﻉ ﺃﻳﻤﻦ ...
ﻣﻌﺎﻭﻳﻪ ﻋﻴﻮﻧﻪ ﻓﺤﻨﺎﻥ .. ﺑﺲ ﻫﻲ ﻣﺎﻛﺎﻧﺘﺶ ﻣﺪﻭﺭﺓ .. ﺣﻄﺖ ﺷﻨﻄﺔ ﺍﺍﻻﺏ ﻉ ﻛﺘﻔﻬﺎ ﻭﺷﻨﻄﺘﻬﺎ ﺍﻟﻌﺎﺩﻳﻪ ﻓﻴﺪﻫﺎ ..
ﺃﻗﺒﺎﻝ ﺷﺒﺤﺘﻠﻬﺎ ﻣﻦ ﻓﻮﻕ ﻟﻠﻮﻃﺎ : ﺍﻧﺘﻲ ﺍﻟﻤﻬﻨﺪﺳﻪ ﻣﺘﺎﻉ ﺍﻟﻤﺸﺮﻭﻉ ..
ﺣﻨﺎﻥ : ﺍﻳﻪ ...
ﺇﻗﺒﺎﻝ ﻣﺪﺕ ﻳﺪﻫﺎ : ﺍﻫﻼ ..
ﺣﻨﺎﻥ ﺳﻠﻤﺖ ﻋﻠﻴﻬﺎ ﺑﺮﻭﺱ ﺻﻮﺍﺑﻌﻬﺎ .. ﻭﺃﻗﺒﺎﻝ ﺭﻓﻌﺖ ﺣﺎﺟﺒﻬﺎ ﻭﺍﻧﻐﺎﺿﺖ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ...
ﺭﺩ ﺍﻳﻤﻦ : ﻭﻋﻠﻴﻜﻢ ﺍﻟﺴﻼﻡ .. ﻟﻜﻦ ﻣﻌﺎﻭﻳﻪ ﻟﺤﻘﻬﺎ ...
ﺇﻗﺒﺎﻝ ﺷﺒﺤﺘﻠﻪ ﻛﻴﻒ ﻣﺸﻲ .. ﻭﺭﺍﻫﺎ ﻭﻃﻠﻌﻮﺍ ﺍﻟﺰﻭﺯ : ﻏﻴﺮﻛﺎﻥ ﻧﻌﺮﻑ ﻣﻦ ﻫﻲ ﻫﺎﺩﻱ ؟
ﺃﻳﻤﻦ : ﻣﺎﻟﻴﻜﺶ ﺑﻴﻬﺎ ﺩﺧﻞ ﻭﺍﺷﺒﺤﻴﻠﻲ ﻫﻨﻲ ﻟﻮ ﻓﻜﺮﺗﻲ ﺍﺿﺎﻳﻘﻴﻬﺎ ﺑﻜﻠﻤﻪ ﺣﺘﺸﻮﻓﻲ ﻣﻨﻲ ﺍﻟﻠﻲ ﻋﻤﺮﻙ ﻣﺎﺷﻔﺘﻴﻪ ﻭﻣﺸﻲ ﻭﺧﻼﻫﺎ ﻭﺧﺶ ﻟﻤﻜﺘﺒﻪ ﻭﺳﻜﺮ ﺍﻟﺒﺎﺏ ..
ﺇﻗﺒﺎﻝ : ﻳﺎﺍﺍﺍﺣﺒﻴﺒﻲ ...
ﺑﺮﺍ ..
ﻣﻌﺎﻭﻳﻪ : ﺣﻤﺪ ﻟﻠﻪ ﻉ ﺳﻼﻣﺔ ﺑﻨﺎﺗﻚ ..
ﺣﻨﺎﻥ : ﺍﻟﻠﻪ ﻳﺴﻠﻤﻚ .. ﻭﺍﻟﺤﻤﺪ ﻟﻠﻪ ﻉ ﺳﻼﻣﺔ ﻣﻬﺎ ﻭﻋﻤﺮﻩ ﻣﻘﺒﻮﻟﻪ ﺇﻥ ﺷﺎﺀ ﺍﻟﻠﻪ ... ﺍﺑﺘﺴﻤﺖ .. ﻭﺍﻟﻔﺎﻝ ﻟﻴﻚ ..
ﻫﻮ ﻗﻠﺒﻪ ﻣﻦ ﺩﺍﺧﻞ ﺿﺤﻚ ﻟﻤﺎ ﺍﺑﺘﺴﻤﺘﻠﻪ ﻭﻗﺎﻟﺖ ﻛﻠﻤﺘﻬﺎ ﺍﻷﺧﻴﺮﻩ ..
ﻣﻌﺎﻭﻳﻪ : ﺷﻜﺮﺍ ..
ﺣﻨﺎﻥ ﺑﻀﺤﻜﻪ : ﻗﻮﻝ ﺁﻣﻴﻦ ﻣﺶ ﺷﻜﺮﺍ ... ﻫﻴﺎ ﻧﺴﺘﺄﺫﻧﻚ ﻋﻄﻠﺖ ... ﺍﻟﺴﻼﻡ ﻋﻠﻴﻜﻢ ... ﻣﺸﺖ ﻭﻫﻮ ﻭﺍﻗﻒ ﻳﺸﺒﺤﻠﻬﺎ ﻭﻫﺎﻳﻢ " ﺍﻩ ﻟﻮ ﺗﻘﻌﺪﻱ ﻗﺪﺍﻣﻲ ﻃﻮﻝ ﺍﻟﻮﻗﺖ .. ﻧﺮﺗﺎﺡ ﻓﻲ ﻭﺟﻮﺩﻙ ﻭﻧﺘﻌﺐ ﻭﻳﻦ ﺗﻐﻴﺒﻲ ... ﺍﻟﻠﻲ ﺍﻧﻲ ﻓﻴﻪ ﻫﺬﺍ ﻫﻢ ﻛﺒﻴﺮ ... ﺑﺲ ﺣﻠﻮ " ﺗﻨﻬﺪ ﻭﺧﺶ ﻟﻤﻜﺘﺒﻪ ..
... ﻳﺘﺒﻊ
٢٣ / ١٠ / ٢٠٢٠ · Facebook for Android · ﺭﻭ
