❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 29_
ﻛﻤﻠﺖ ﺩﻋﺎﺋﻬﺎ ... ﻗﺮﺕ ﺍﻟﻘﺮﺁﻥ ... ﺑﻌﺪﻫﺎ ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﺸﻮﻑ ﻟﻤﺤﻤﺪ .. ﺳﻤﻌﺖ ﺑﻨﺎﺗﻬﺎ ﻓﻲ ﺍﻟﺪﺍﺭ ﻳﺘﻜﻠﻤﻮﺍ ﺍﺑﺘﺴﻤﺖ ... ﻭﻛﻤﻠﺖ ﻃﺮﻳﻘﻬﺎ ﻭﻧﺰﻟﺖ ﻟﻮﻃﺎ .. ﺧﺸﺖ ﻟﻠﻜﻮﺟﻴﻨﻪ ﺷﺮﺑﺖ ﻣﻴﻪ .. ﻃﻠﻌﺖ .. ﺗﻮﺟﻬﺖ ﻟﻠﺒﺎﺏ ﺍﻟﺤﻮﺵ ﻭﻓﺘﺤﺎﺗﻪ ﻭﺟﺘﻬﺎ ﻧﺴﻤﻪ ﺑﺎﺭﺩﻩ ﻭﺣﻠﻮﺓ ﺍﺑﺘﺴﻤﺖ .. ﻭﻃﻠﻌﺖ ﺑﺮﺍ ... ﺩﺍﺭﺕ ﻧﻈﺮﺓ ﻉ ﺍﻟﺠﻨﺎﻥ .. ﻭﺗﻔﻜﺮ ﻓﻲ ﻋﺰﻭﻣﺔ ﺍﻟﻠﻴﻠﻪ .. ﺑﺲ ﻛﺬﻟﻚ ﺷﺎﻏﻞ ﺑﺎﻟﻬﺎ ﺣﺎﻝ ﺭﻫﻒ ﺑﻨﺘﻬﺎ ﻭﺗﺒﻲ ﺗﺘﺼﺮﻑ ﺑﺲ ﻣﺶ ﻋﺎﺭﻓﻪ ﻛﻴﻒ ...
ﺗﻨﻬﺪﺕ ﻭﺧﺸﺖ ﺩﺍﺧﻞ ...
ﻓﻲ ﻣﻜﺎﻥ ﺗﺎﻧﻲ ..
ﻧﻀﺎﻝ ﺭﻭﺡ ﻟﻠﺤﻮﺵ ﺑﻌﺪ ﻣﺎﺻﻠﻰ ﺍﻟﻔﺠﺮ ... ﺧﺶ .. ﺗﻮﺝﻩ ﻟﻠﺪﺍﺭ ... ﻗﻌﺪ ﻭﺍﻗﻒ ﻓﻲ ﺍﻟﺒﺎﺏ ﻭﻫﻮ ﻳﺸﻮﻓﻠﻬﺎ ﻛﻴﻒ ﻣﻘﻌﻤﺰﺓ ﻉ ﻛﺮﺳﻲ ﻭﻣﺘﻜﻴﻪ ﻉ ﺍﻟﺮﻭﺷﻦ ﻭﺭﺍﻗﺪﻩ ... ﻗﻌﺪ ﻳﺸﺒﺤﻠﻬﺎ ﻫﻠﺒﻪ ... ﺗﻨﻬﺪ .. ﺑﻊﺩﻳﻦ ﻗﺪﻡ ﻟﻠﺪﻭﻻﺏ ﻭﻓﺘﺤﻪ ﻭﻃﻠﻊ ﺷﻨﻄﺘﻪ ﻭﺑﺪﻱ ﻳﻠﻢ ﻓﺤﻮﺍﻳﺠﻪ ﻳﺎﺭﺍ ... ﺳﻤﻌﺖ ﺻﻮﺕ ﺍﻟﻜﺮﻛﺒﻪ .. ﻓﺎﻗﺖ .. ﻭﺗﺤﺎﻭﻝ ﺗﺮﻛﺰ ﻛﻮﻳﺲ ﻟﻘﺎﺗﻪ ﻫﻮ ﻳﻠﻢ ﻓﺤﻮﺍﻳﺠﻪ .. ﻗﻌﺪﺕ ﺗﺸﺒﺤﻠﻪ ﻭﺳﺎﻛﺘﻪ ..
ﻫﻮ ﻛﻤﻞ ﻭﻧﺎﺽ .. ﺗﻠﻔﺖ ﻭﻟﻘﺎﻫﺎ ﺗﺸﺒﺤﻠﻪ .. ﺑﺲ ﻗﻌﺪﺕ ﺳﺎﻛﺘﻪ ..
ﻫﻮ ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﺑﻌﺪﻳﻦ ﺷﺒﺤﻠﻬﺎ ﻭﻗﺎﻝ ..
ﻧﻀﺎﻝ : ﻳﺎﺭﺍ ..
ﻗﻄﻌﺖ ﻋﻠﻴﻪ ﻳﺎﺭﺍ ﻭﻗﺎﻟﺖ : ﺍﻱ ﻛﺎﻥ ﺍﻟﻘﺮﺍﺭ ﺍﻟﻠﻲ ﺧﺪﻳﺘﻪ ﻣﺶ ﺣﻨﻠﻮﻣﻚ ﻋﻠﻴﻪ .. ﻣﻌﺬﻭﺭ ..
ﻧﻀﺎﻝ : ﺍﻧﻲ ﻧﺒﻲ ﻧﻘﻌﺪ ﺑﺮﻭﺣﻲ ﺑﻌﻴﺪ ﻋﻦ ﻛﻞ ﺷﻲ .. ﻭﺑﻌﺪﻳﻦ ﺣﻨﺎﺧﺪ ﻗﺮﺍﺭ ...
ﻳﺎﺭﺍ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻫﻮ ﺧﺪﻱ ﺍﻟﺸﻨﻄﻪ .. ﻭﻃﻠﻊ .. ﻡﻥ ﺣﺪﺍﻫﺎ ..
ﺍﻣﺎ ﻫﻲ ﻟﻔﺖ ﻭﺟﻬﻬﺎ ﻟﻠﺮﻭﺷﻦ ﺣﺴﺖ ﺑﺴﻜﻴﻨﻪ ﻭﻫﺪﻭﺀ ﻭﺭﺍﺣﻪ ﻓﻨﻔﺴﻬﺎ ... ﺷﻮﻳﻪ ﻭﻧﺎﺿﺖ ﻟﻠﺪﻭﻻﺏ ﻃﻠﻌﺖ ﺷﻦ ﺗﻠﺒﺲ ﻭﺗﻮﺟﻬﺖ ﻟﻠﺤﻤﺎﻡ ...
ﺍﻣﺎ ﻧﻀﺎﻝ ﻓﺎﻟﻴﻮﻡ ﺍﻟﻠﻲ ﻗﺒﻠﻪ ﺣﺠﺰ ﻓﺮﺣﻠﻪ ﻟﺒﺮﻳﻄﺎﻧﻴﺎ ﻳﺒﻲ ﻳﻤﺸﻲ ﻟﺨﻮﻩ ﺍﻟﻜﺒﻴﺮ .. ﺍﻧﺴﺎﻥ ﺣﻜﻴﻢ ﻭﻣﻠﺘﺰﻡ ﻭﻳﺨﺪﻡ ﻓﻲ ﺍﻟﻤﺮﻛﺰ ﺍﻹﺳﻼﻣﻲ ﻓﺒﺮﻳﻄﺎﻧﻴﺎ .. ﻣﻤﻜﻦ ﻳﺸﻮﺭ ﻋﻠﻴﻪ ﺷﻮﺭ ﺳﻠﻴﻢ ﻳﻄﻠﻌﻪ ﻣﻦ ﻫﺎﻟﺪﻭﺍﻣﻪ ﺍﻟﻠﻲ ﻟﻮﺡ ﺭﻭﺣﻪ ﻓﻴﻬﺎ ...
***
ﺑﻌﺪ ﺍﻟﻈﻬﺮ ..
ﺃﺳﻨﺎﻡ ﺍﻧﺖ ﺍﻗﺮﺏ ﺷﺨﺺ ﻟﻴﻪ ﻓﻲ ﺍﻟﻌﻴﻠﻪ ﻭﺗﻌﺮﻓﻪ ﻛﻮﻳﺲ .. ﻳﻌﻨﻲ ﺷﻦ ﻫﻲ ﺍﻟﺤﺎﺟﻪ ﺍﻟﻠﻲ ﻣﻤﻜﻦ ﺗﻔﺮﺣﻪ ﻭﺗﺨﻠﻴﻪ ﻳﻔﻚ ﺷﻮﻱ ...
ﺍﺳﻨﺎﻡ ﺑﻀﺤﻜﻪ : ﻧﺪﻯ ﻗﺒﻞ ﻛﻞ ﺷﻲ ﺍﻧﺘﻲ ﻻﺯﻡ ﺗﻘﺘﻨﻌﻲ ﺍﻥ ﻫﺎﺩﻱ ﺷﺨﺼﻴﻪ ﺟﻮﺍﺩ .. ﺍﻧﺴﺎﻥ ﺟﺪﻱ .. ﻣﻌﺎﺵ ﺗﻘﺎﺭﻧﻴﻪ ﺑﺤﺪ ..
ﻧﺪﻯ : ﺍﻧﻲ ﻋﺎﺭﻓﻪ ﻭﻣﺎﻧﺒﻴﺶ ﻧﻘﺎﺭﻧﻪ ﺑﺤﺪ ﺑﺲ ﻧﺒﻲ ﻧﺤﺲ ﺑﺤﺒﻪ ﻭﺍﻫﺘﻤﺎﻣﻪ ﺯﻱ ﻣﻤﺎﺣﺴﺴﺎﺗﻪ ﺑﺤﺒﻲ ﻭﺍﻫﺘﻤﺎﻣﻲ ..
ﺍﺳﻨﺎﻡ : ﺟﻮﺍﺩ ﻳﺤﺒﻚ ﻣﻦ ﻭﺍﻧﺘﻲ ﻃﻮﻟﻚ ﺷﺒﺮ .. ﻳﻌﻨﻲ ﻗﺒﻞ ﻷﻧﺘﻲ ﺗﺤﺒﻴﻪ .. ﻓﻤﻬﻤﺎ ﺩﺭﺗﻲ ﻣﺶ ﺣﻴﺠﻲ ﺷﻮﻳﻪ ﻣﻦ ﺍﻟﻠﻲ ﻳﺤﺲ ﺑﻴﻪ ﺟﻴﻬﺘﻚ .. ﻧﺪﻯ ﺣﺒﻴﻪ ﺯﻱ ﻣﺎﻫﻮ ﻭﻣﺎﺗﻄﻠﺒﻲ ﺷﻲ ﺗﺄﻗﻠﻤﻲ ﻣﻌﺎﻩ .. ﺣﺒﻴﻪ ﺑﻄﺮﻳﻘﺘﻚ ﻭﺧﻠﻴﻪ ﺣﺘﻰ ﻫﻮ ﻳﺤﺒﻚ ﺑﻄﺮﻳﻘﺘﻪ .. ﻭﺍﻧﺘﻢ ﻓﻲ ﺍﻟﻨﻬﺎﻳﻪ ﺗﻜﻤﻠﻮﺍ ﺑﻌﺾ ..
ﻧﺪﻯ ﺍﺑﺘﺴﻤﺖ ﻭﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ﻭﻗﺎﻟﺖ : ﻛﻼﻣﻚ ﻳﻔﺘﺢ ﺍﻟﻨﻔﺲ .. ﺟﻌﺎﻧﻪ ..
ﺍﺳﻨﺎﻡ : ﻫﻬﻬﻬﻬﻬﻪ .. ﺗﻤﺎﻡ ... ﻭﻫﻮ ﺑﻴﺄﺷﺮ ﻟﻠﻘﺮﺳﻮﻥ .. ﺟﻤﺪ ﻭﻫﻮ ﻳﺸﻮﻓﻠﻬﺎ ﻛﻴﻒ ﺧﺎﺷﻪ ﻣﻌﺎﻩ .. ﺑﻠﻊ ﺭﻳﻘﻪ ﻭﻫﻮ ﻳﺸﻮﻑ ﻓﻴﻬﻢ ﻳﻀﺤﻜﻮﺍ ...
ﻧﺪﻯ ﺭﻛﺰﺕ ﻋﻠﻴﻪ ﻭﺷﺒﺤﺖ ﻭﻳﻦ ﻣﺎﻳﺸﺒﺢ : ﺷﻨﻮ ﺳﻴﻤﻮ ﺧﻴﺮﻙ ..
ﺍﺳﻨﺎﻡ : ﺍﺣﻤﻢ .. ﺷﻲ ..
ﻧﺪﻯ : ﺗﻌﺮﻓﻬﻢ ...
ﺍﺳﻨﺎﻡ : ﺍﻳﻪ .. ﻛﺎﻧﻮﺍ ﻳﻘﺮﻭﺍ ﻣﻌﺎﻱ ﻓﻲ ﺍﻟﻜﻠﻴﻪ ..
ﻧﺪﻯ ﺗﻠﻔﺘﺖ : ﻣﺸﺎﺀ ﺍﻟﻠﻪ ﻉ ﺍﻟﻄﺎﻭﻟﻪ ﺍﻟﻠﻲ ﻗﻌﻤﺰﻭﺍ ﻋﻠﻴﻬﺎ .. ﺷﻜﻠﻬﺎ ﻟﻤﻪ ﻋﺎﺋﻠﻴﻪ ... ﺷﺒﺤﺘﻠﻪ .. ﺧﻮﺕ ﻫﻤﺎ ..
ﺍﺳﻨﺎﻡ : ﺗﺲ ..
ﻧﺪﻯ : ﻣﻌﻨﺎﻫﺎ ﻳﺎﺧﺎﻃﺒﻴﻦ ﻳﺎﻣﺘﺰﻭﺟﻴﻦ ..
ﺍﺳﻨﺎﻡ ﺍﺑﺘﺴﻢ ﺑﺄﻟﻢ : ﻭﺍﻧﺘﻲ ﻣﺎﻟﻚ ﺑﻴﻬﻢ ..
ﻧﺪﻯ ﺑﻀﺤﻜﻪ : ﺑﺎﻫﻲ ﺍﻃﻠﺒﻠﻨﺎ ﻫﻴﺎ ..
ﺍﺳﻨﺎﻡ : ﺍﺳﺘﻨﻲ ﺳﻠﻮﻯ ..
ﻧﺪﻯ : ﻛﺎﻥ ﺑﻨﺴﺘﻨﻮﺍ ﺍﺧﺘﻚ ﻳﺎﻗﻌﺎﺩﻩ ﻋﺸﻲ ...
ﺍﺳﻨﺎﻡ ﺿﺤﻚ ﻭﺍﺷﺮ ﻟﻠﻘﺮﺳﻮﻥ ﻭﺟﺎﻫﻢ ﻭﻃﻠﺒﻮﺍ .. ﺑﺲ ﻫﻮ ﻋﻴﻮﻧﻪ ﻏﺼﺐ ﻋﻨﻪ ﻛﺎﻧﻮﺍ ﻳﺸﻮﻓﻮﺍ ﻟﻠﻄﺎﻭﻟﻪ ﺍﻟﻠﻲ ﻣﻘﺎﺑﻠﺘﻬﻢ ﻣﻦ ﺑﻌﻴﺪ ..
ﻉ ﻫﺪﻳﻜﺎ ﺍﻟﻄﺎﻭﻟﻪ ..
ﻛﺎﻧﻮﺍ ﻣﻮﺟﻮﺩﺍﺕ ﻋﻤﺎﺕ ﺍﺳﻨﺎﻡ ﺍﻷﺭﺑﻌﻪ ﻭﺑﻨﺎﺕ ﻭﺣﺪﻩ ﻣﻦ ﻋﻤﺎﺗﻪ ﺍﻟﻠﻲ ﺻﺤﺤﻮﺍ ﻭﺟﻬﻢ ﻭﺟﻮﺍ ﻣﻊ ﺍﻣﻬﻢ ﻷﻥ ﺍﻟﻌﺰﻭﻣﻪ ﻛﺎﻧﺖ ﻟﻌﻤﺎﺗﻪ ﺑﺲ ﻣﻦ ﺩﻭﻥ ﺑﻨﺎﺗﻬﻢ .. ﻭﺍﻣﻪ ﻣﻮﺟﻮﺩﻩ ﻛﺬﻟﻚ ..
ﻋﻴﺎﺩﻩ : ﺷﻨﻮ ﺭﻫﻒ ﺑﻨﺘﻲ ﺍﻣﺘﺤﺎﻧﺎﺗﻚ ﺗﻤﺎﻡ ..
ﺭﻫﻒ ﺍﺑﺘﺴﻤﺖ : ﺍﻳﻪ ﺍﻟﺤﻤﺪ ﻟﻠﻪ ..
ﻣﻬﺎﺏ : ﻣﺎﻳﻨﺨﺎﻓﺶ ﻋﻠﻴﻬﺎ ﻳﺎﺍﻣﻲ ﻫﺎﺩﻱ ﻋﺒﻘﺮﻳﻨﻮ ..
ﻭﺣﺪﻩ ﻣﻦ ﻋﻤﺎﺗﻪ : ﻋﻨﺪﻙ ﺧﻮﺍﺕ ..
ﺭﻫﻒ : ﺍﻳﻪ ﻭﺣﺪﻩ ﺍﺻﻐﺮ ﻣﻨﻲ ..
: ﻭﺣﻠﻮﺓ ﺯﻳﻚ ﻫﻜﻲ ..
ﺗﺤﺸﻤﺖ ﺭﻫﻒ ..
ﻋﻴﺎﺩﻩ ﺑﻐﺮﻭﺭ : ﻛﻨﻴﻨﺘﻲ ﻣﺎﻙ ﻣﺤﺼﻠﻪ ﺯﻳﻬﺎ ﺍﺣﻠﻰ ﺣﺘﻰ ﻣﻦ ﺍﺧﺘﻬﺎ ..
: ﺍﻳﻪ ﻋﺎﺩ ﻣﻦ ﻗﺪﻙ ﻋﺰﻭﺯﺗﻚ ﺗﺸﻜﺮ ﻓﻴﻚ .. ﺭﻩ ﺍﻧﺘﻲ ﻓﻨﻌﻤﻪ ﻏﻴﺮﻙ ﻳﺘﻤﻨﻮﻫﺎ ﻭﺍﻭﻟﻬﻢ ﺍﻧﻲ ..
ﺿﺤﻜﻮﺍ ﻛﻠﻬﻢ ...
ﺍﺧﺖ ﻧﺠﻼﺀ ﺗﻮﺷﻮﺷﻠﻬﺎ : ﻃﺎﻳﺮﻳﻦ ﺑﻴﻬﺎ ﻉ ﺷﻨﻮ ﻣﺶ ﻋﺎﺭﻓﻪ ..
ﻧﺠﻼﺀ : ﺗﻮ ﻧﻄﻴﺮﻫﺎ ﻭﺣﻴﺎﺗﻚ .. ﻭﻗﻌﺪﺕ ﺗﺸﺒﺤﻠﻬﺎ ﺑﺤﻘﺪ ...
: ﺍﻳﻪ ﺭﻫﻒ ﺑﻮﻙ ﺷﻦ ﻳﺨﺪﻡ ..
ﺭﻫﻒ ﺟﺖ ﺑﺘﺮﺩ ﺑﺲ ﻋﺰﻭﺯﺗﻬﺎ ﺗﻜﻠﻤﺖ ..
ﻋﻴﺎﺩﺓ : ﺑﻮﻫﺎ ﻣﻬﻨﺪﺱ ﻧﻔﻂ ﻛﺒﻴﺮ ﻭﻳﺨﺪﻡ ﻓﻲ ﺍﻟﻤﺆﺳﺴﻪ ﺍﻟﻮﻃﻨﻴﻪ ﻟﻠﻨﻔﻂ .. ﻭﺍﻣﻬﺎ ﻣﻬﻨﺪﺳﻪ ﻣﻌﻤﺎﺭﻳﻪ ..
ﺭﻫﻒ ﺍﺑﺘﺴﻤﺖ ﻣﺠﺎﻣﻠﺔ ...
ﻭﻗﻌﺪﻭﺍ ﻳﻬﺪﺭﺯﻭﺍ ... ﻭﻳﺴﺄﻟﻮﺍ ﻓﻴﻬﺎ ﻭﻳﻘﺼﻘﺼﻮﺍ .. ﻭﺍﻏﻠﺐ ﺍﻟﻮﻗﺖ ﻛﺎﻧﺖ ﻋﻴﺎﺩﺓ ﻣﺴﻴﻄﺮﺓ ﻉ ﺍﻟﺠﻠﺴﻪ ﻭﺣﺴﺖ ﺭﻫﻒ ﺍﻥ ﺃﻡ ﻣﻬﺎﺏ ﻣﺮﺍﻩ ﻣﺘﺴﻠﻄﻪ ﺑﻌﺾ ﺍﻟﺸﻲ ﻭﺍﻟﻜﻠﻤﻪ ﻛﻠﻤﺘﻬﺎ .. ﺣﺘﻰ ﻣﻊ ﺣﻤﻮﺍﺗﻬﺎ ...
ﻣﻬﺎﺏ ﻫﻤﺴﻠﻬﺎ : ﺷﻦ ﺟﻮ ﺣﺒﻲ ...
ﺭﻫﻒ ﺍﺑﺘﺴﻤﺖ ﻏﺼﺐ : ﺣﻠﻮ ..
ﻣﻬﺎﺏ : ﺍﻟﺤﻠﻮ ﺍﻧﺘﻲ ..
: ﺷﻦ ﺗﻮﺷﻮﺷﻮ ﻳﺎﻋﺼﺎﻓﻴﺮ ﺍﻟﺤﺐ ..
: ﺭﺩﻱ ﺑﺎﻟﻚ ﻳﺎﻋﻴﺎﺩﻩ ﺭﻩ ﺗﺎﺧﺪ ﻣﻬﺎﺏ ﻣﻨﻚ ..
ﻋﻴﺎﺩﻩ ﺑﻀﺤﻜﻪ : ﻣﺎﻓﻲ ﺣﺪ ﻳﻘﺪﺭ ﻳﺎﺧﺪ ﻣﻨﻲ ﻭﻟﻴﺪﺍﺗﻲ ...
ﺭﻫﻒ : ﺍﻧﻲ ﺣﻨﻌﻴﻨﻪ ﻉ ﺑﺮﻫﺎ ﺍﻛﺜﺮ ﻭﺍﻛﺜﺮ ..
ﻋﻴﺎﺩﻩ ﺍﺑﺘﺴﻤﺖ : ﺳﻠﻢ ﻛﻨﻴﻨﺘﻲ ...
ﻣﻬﺎﺏ ﺍﺑﺘﺴﻢ ﻭﻗﻌﺪ ﻳﺸﺒﺢ ﻟﺮﻫﻒ ﺑﺈﻋﺠﺎﺏ .
: ﻛﻨﺖ ﺍﻧﺒﺼﺮ ﺣﺒﻴﺒﻪ
ﺭﻫﻒ ﺑﺈﺑﺘﺴﺎﻣﻪ : ﻋﺎﺭﻓﻪ .. ﺑﺲ ﺣﺒﻴﺖ ﻧﻄﻤﻦ ﻋﻤﺘﻲ ..
ﻋﻴﺎﺩﺓ ﻋﺠﺒﺘﻬﺎ ﺭﻫﻒ ﻭﺭﺩﻭﺩﻫﺎ ... ﻭﻣﻬﺎﺏ ﺯﺍﺩ ﻫﺒﻞ ﻓﻴﻬﺎ ... ﺑﺲ ﻋﻤﺎﺗﻪ ﺍﻧﻘﺮﺻﻮﺍ ﻣﻨﻬﺎ .. ﻭﻧﺠﻼﺀ ﺗﺸﺒﺤﻠﻬﺎ ﻓﻲ ﺷﺒﺤﺎﺕ ﺳﻢ .. ﻟﻮ ﺍﻟﺸﺒﺤﺎﺕ ﺗﻘﺘﻞ ﺭﻩ ﺭﻫﻒ ﻣﺎﺗﺖ ﻣﻦ ﻳﻮﻡ ﺍﻟﺒﻴﺎﻥ
ﻣﻦ ﺑﻌﻴﺪ ﻛﺎﻥ ﻳﺸﻮﻑ ﺷﻮﻳﻪ ﺷﻮﻳﻪ ﻭﻗﻠﺒﻪ ﻳﻨﺤﺮﻕ ..
ﺟﺖ ﺍﺧﺘﻪ ﻭﻛﺎﻧﺖ ﺗﻬﺪﺭﺯ ﻫﻲ ﻭﺑﻨﺖ ﻋﻤﻬﺎ ﻭﻫﻮ ﺩﺍﻳﺮ ﺭﻭﺣﻪ ﻣﻌﺎﻫﻢ ... ﻫﻮ ﻣﻔﺮﻭﺽ ﻳﺘﺠﺎﻫﻠﻬﻢ .. ﺑﺲ ﻣﺶ ﻗﺎﺩﺭ .. ﻭﻛﻞ ﻣﺎﻳﻘﻴﻢ ﻋﻴﻨﻪ ﻳﻠﻘﺎﻩ ﺗﻀﺤﻚ ﻣﻊ ﻣﻬﺎﺏ ﻭﻫﻮ ﻳﻘﺮﺏ ﻋﻠﻴﻬﺎ ﻭﻳﻬﻤﺴﻠﻬﺎ .. ﻭﻫﺎﻟﺢﺭﻛﻪ ﺗﺨﻠﻲ ﻓﻴﻪ ﻳﺤﺲ ﺑﺎﻟﻨﺎﺭ ﺗﺼﻬﺪ ﻓﻲ ﺻﺪﺭﻩ ...
ﺳﻠﻮﻯ : ﺍﻳﻪ ﺣﻘﻪ .. ﻭﺍﺧﻴﺮﺍ ﻭﺍﻓﻖ ﺗﻮﻓﻴﻖ ﺍﻧﻲ ﻧﺴﻮﻕ ..
ﻧﺪﻯ ﻭﻫﻲ ﺗﺎﻛﻞ : ﺍﻣﻤﻤﻢ .. ﻃﻴﺐ .. ﻓﻴﻚ ..
ﺍﺳﻨﺎﻡ ﻳﻀﺤﻚ ﺑﺈﺯﺩﺭﺍﺀ : ﺗﻲ ﺍﺑﻌﻠﻲ ﻗﺒﻞ ..
ﻧﺪﻯ ﻭﺳﻠﻮﻯ : ﻫﻬﻬﻬﻬﻬﻬﻬﻬﻬﻬﻪ
...
ﻣﻬﺎﺏ : ﻛﻮﻟﻲ ﺣﺒﻲ ﻣﺎﺗﺘﺤﺸﻤﻴﺶ ..
ﺭﻫﻒ : ﺍﻫﻮ ﻧﺎﻛﻞ ..
ﻋﻴﺎﺩﻩ : ﺍﻳﻪ ﺑﻨﻴﺘﻲ ﻛﻮﻟﻲ ﻛﻮﻟﻲ ﺗﺒﻲ ﺯﻳﺎﺩﻩ ﺷﻮﻳﻪ ...
: ﺍﻳﻪ ﻋﻴﺎﺩﻩ ﺗﺤﺐ ﻛﻨﺎﻳﻨﻬﺎ ﻣﺮﺑﺮﺑﺎﺕ .. ﺑﺶ ﺗﺒﺎﻥ ﻋﻠﻴﻬﻢ ﺍﻟﻨﻌﻤﻪ ..
ﻋﻴﺎﺩﻩ : ﺃﻣﺎ ﺑﻨﻌﻤﺔ ﺭﺑﻚ ﻓﺤﺪﺙ ...
ﺭﻫﻒ ﺍﻟﻮﺿﻊ ﻣﺶ ﻋﺎﺟﺒﻬﺎ ﻭﻣﺶ ﻣﺮﺗﺎﺣﻪ .. ﺗﺒﻠﻊ ﻓﻲ ﺍﻟﻠﻘﻤﻪ ﺑﺎﻟﺴﻴﻒ ... ﻗﺎﻣﺖ ﻋﻴﻮﻧﻬﺎ .. ﻭﺍﻧﺼﺪﻣﺖ .. ﺷﺒﺤﺖ ﺍﺳﻨﺎﻡ ﻣﻘﻌﻤﺰ ﻣﻊ ﺍﺧﺘﻪ ﺳﻠﻮﻯ ... ﻭﻭﺣﺪﻩ ﺗﺎﻧﻴﻪ .. ﻭﻗﻠﺒﻬﺎ ﻭﺟﻌﻬﺎ ﻫﻠﺒﻪ ..
ﺗﺸﺒﺢ ﻓﻴﻪ ﻳﻬﺪﺭﺯ ﻭﻳﻀﺤﻚ ﻣﻌﺎﻫﺎ ...
ﺭﻫﻒ " ﺷﻜﻠﻬﺎ ﺧﻄﻴﺒﺘﻪ ..."
ﺃﺳﻨﺎﻡ ﺷﺒﺤﻠﻬﺎ ﻭﺟﺖ ﺍﻟﻌﻴﻦ ﻓﻲ ﺍﻟﻌﻴﻦ ... ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﻭﻣﺶ ﻗﺎﺩﺭﻳﻦ ﻳﺤﻮﻟﻮﺍ ﻋﻴﻮﻧﻬﻢ ﻣﻦ ﻋﻠﻰ ﺑﻌﺾ .. ﻧﻈﺮﺍﺗﻬﻢ ﻛﺎﻧﺖ ﻧﻈﺮﺍﺕ ﻋﺘﺎﺏ .... ﻏﻴﺮﺓ ... ﺷﻮﻕ .. ﺃﻟﻢ ...
ﻧﺪﻯ ﻟﻬﺖ ﺑﺎﻟﻤﺎﻛﻠﻪ ﺑﺲ ﺳﻠﻮﻯ ﺭﻛﺰﺕ ﻉ ﺧﻮﻫﺎ ﻭﺷﺒﺤﺖ ﻭﻳﻦ ﻳﺸﺒﺢ ﻭﺷﺎﻓﺖ ﺭﻫﻒ .. ﺳﻠﻮﻯ ﻣﺎﺗﻌﺮﻓﻬﺎﺵ .. ﺑﺲ ﺭﻫﻒ ﺗﻌﺮﻓﻬﺎ ﻣﻦ ﺍﻟﺼﻮﺭ ﺍﻟﻠﻲ ﻛﺎﻥ ﻳﻮﺭﻳﻠﻬﺎ ﻓﻴﻬﺎ ﺃﺳﻨﺎﻡ .. ﺳﻠﻮﻯ ﺣﺴﺖ ﺍﻥ ﺍﻟﺒﻨﺖ ﺍﻟﻠﻲ ﺧﻮﻫﺎ ﻳﺸﺒﺤﻠﻬﺎ ﺗﻮﺍ ﻫﻲ ﻧﻔﺴﻬﺎ ﺍﻟﺒﻨﻴﻪ ﺍﻟﻠﻲ ﻳﺤﺒﻬﺎ ..
ﺍﻟﺰﻭﺯﻏﻴﺮﻭﺍ ﻋﻴﻮﻧﻬﻢ ﻓﻲ ﻧﻔﺲ ﺍﻟﻠﺤﻈﻪ ﻭﻟﻬﻮﺍ ﺑﺎﻟﻠﻲ ﻫﻤﺎ ﻓﻴﻪ .. ﻭﺍﻟﺰﻭﺯ ﻗﻠﻮﺑﻬﻢ ﻛﺎﻧﺖ ﻣﻮﺟﻮﻋﻪ ..
***
ﺣﻮﻟﻲ ﻣﻦ ﻗﺪﺍﻣﻲ ... ﺩﻓﺘﻬﺎ ﻭﻣﺸﺖ ﻟﺤﺠﺮﺗﻪ ﻓﺘﺤﺖ ﺍﻟﺒﺎﺏ ﺑﻘﻮﺓ ﻭﻭﻗﻔﺖ ﺗﺸﻮﻓﻠﻪ ﺑﺮﻓﻌﺔ ﺣﺎﺟﺐ ... ﻭﻣﺶ ﻣﻬﺘﻤﻪ ﻟﻠﻤﺮﻳﺾ ﺍﻟﻤﻮﺟﻮﺩ ﻋﻨﺪﻩ ..
ﺍﻟﻤﻤﺮﺿﻪ : ﻭﺍﻟﻠﻪ ﻳﺎﺩﻛﺘﻮﺭ ﻗﻠﺘﻠﻬﺎ ﺍﻥ ﻋﻨﺪﻩ ﻣﺮﻳﺾ ..
ﺇﻟﻴﺎﺱ : ﺍﻃﻠﻌﻲ ﺍﻧﺘﻲ ﺗﻮﺍ ..
ﺍﻟﻤﺮﻳﺾ : ﻧﺴﺘﺄﺫﻥ ﻣﻨﻚ ﻳﺎﺩﻛﺘﻮﺭ ..
ﺍﻟﻴﺎﺱ : ﺗﻌﺎﻟﻰ ﻏﺪﻭﺓ ﻓﻲ ﻧﻔﺲ ﺍﻟﻮﻗﺖ ..
ﺍﻟﻤﺮﻳﺾ : ﺑﺎﻫﻲ .. ﺍﻟﺴﻼﻡ ﻋﻠﻴﻜﻢ .. ﻭﻃﻠﻊ .. ﻳﺎﺭﺍ ﻣﺸﺖ ﻭﺭﺍﻩ ﻭﺻﻜﺮﺕ ﺍﻟﺒﺎﺏ ﻭﻗﺪﻣﺘﻠﻪ ﻭﺍﺑﺘﺴﻤﺖ : ﺷﻜﺮﺍ ..
ﺇﻟﻴﺎﺱ ﺭﻓﻊ ﺣﻮﺍﺟﺒﻪ ﺑﺈﺳﺘﻐﺮﺍﺏ ...
ﻳﺎﺭﺍ : ﺣﻮﻟﺖ ﻣﻦ ﻉ ﺻﺪﺭﻱ ﻫﻢ ﻛﺒﻴﺮ ﻭﺧﻠﺼﺘﻨﻲ ﻣﻦ ﺍﻟﺨﻮﻑ ﺍﻟﻠﻲ ﻛﻨﺖ ﻋﺎﻳﺸﻪ ﻓﻴﻪ ... ﺛﺎﻧﻜﻴﻮ ﺍﻟﻴﺎﺳﻮ ..
ﺍﻟﻴﺎﺱ ﻳﺸﺒﺤﻠﻬﺎ ﻭﺣﺎﺟﺒﻪ ﻣﺮﻓﻮﻉ ﻭﺳﺎﻛﺖ ..
ﻳﺎﺭﺍ ﺍﺑﺘﺴﻤﺖ ﺑﺘﺤﺪﻱ : ﺧﻼﺹ ﺗﻮﺍ ﻣﻌﺎﺵ ﻓﻲ ﺷﻲ ﻋﻨﺪﻙ ﺗﺨﻮﻓﻨﻲ ﺑﻴﻪ ... ﻳﺎﺭﻳﺖ ﻣﻌﺎﺵ ﺗﻘﺮﻓﻨﻲ ﺑﺸﻮﻓﺘﻚ ﻣﺮﺓ ﺗﺎﻧﻴﻪ ..
ﻭﻟﻔﺖ ﺑﺘﻄﻠﻊ ..
ﺍﻟﻴﺎﺱ : ﺟﺒﺮ ...
ﻳﺎﺭﺍ ﺑﻠﻌﺖ ﺭﻳﻘﻬﺎ ﺑﺲ ﻗﻮﺕ ﻧﻔﺴﻬﺎ ﻭﺍﻟﺘﻔﺘﺖ ﻭﺭﺩﺕ ﺑﺈﺑﺘﺴﺎﻣﻪ ﻣﺴﺘﻔﺰﺓ : ﺧﻴﺮﻩ .. ﻋﻨﺪ ﺑﻮﻩ ﻭﺣﻨﺎﻩ ﻣﺎﻳﺼﻴﺮﻟﻪ ﺷﻲ ... ﺍﻩ .. ﻣﺎﺗﻨﺴﺎﺵ ﺗﺎﺧﺪ ﺭﻗﻢ misses ﻣﺘﺎﻋﻪ ﺑﺶ ﺗﺴﺄﻝ ﻋﻠﻴﻪ ﺍﻭ ﻫﻤﺎ ﻳﺤﺘﺎﺟﻮﻙ .. ﻭﺍﻫﻮ ﻣﺮﺍﺕ ﺗﻠﻘﺎﻟﻚ ﻓﻴﻬﻢ ﻭﺣﺪﻩ ﺗﻐﻴﺮ ﻣﻌﺎﻫﺎ ﺟﻮ ... ﺗﺸﺎﻭﻭﻭ ﻭﺍﺷﺮﺕ ﺑﻴﺪﻫﺎ ... ﻭﻓﺘﺤﺖ ﺍﻟﺒﺎﺏ ﻭﻃﻠﻌﺖ ..
ﺍﻟﻴﺎﺱ ﺍﻧﻐﺎﺍﺍﺍﺽ ﻉ ﺍﻵﺧﺮ ﻭﻗﺮﺑﻊ ﺑﻴﺪﻩ ﺍﻟﺤﺎﺟﺎﺕ ﺍﻟﻠﻲ ﻉ ﻣﻜﺘﺒﻪ ﻭﻃﻴﺤﻬﻢ ..
***
ﺍﻟﻌﺸﻴﻪ ...
ﺍﻟﻠﻪ ﺍﻷﺟﻮﺍﺀ ﺗﺠﻨﻦ .. ﺍﺣﻠﻰ ﺣﺎﺟﻪ ﺍﻟﺘﻮﻟﻴﺐ ﺍﻟﻠﻲ ﻓﻜﻞ ﺗﺮﻛﻴﻨﻪ ...
ﻟﺒﻨﻰ : ﻋﺸﻖ ﻣﺎﻣﺎ ﻫﺬﺍ ...
ﺣﻨﺎﻥ ﻃﺎﻟﻌﻪ ﺑﺮﺍ ﻭﻓﻴﺪﻫﺎ ﺻﻔﺮﻩ : ﻫﻴﺎ ﺑﺪﺍﻝ ﻣﺎﺗﻬﺪﺭﺯﻭﺍ ﻋﺎﻭﻧﻮﻧﻲ ..
ﻣﻬﺎ ﻭﻟﺒﻨﻰ : ﻫﻴﺎ .. ﻫﻲ ... ﻣﺸﻮﺍ ﺧﺸﻮﺍ ﻭﻗﻌﺪﻭﺍ ﻳﻄﻠﻌﻮﺍ ﻣﻌﺎﻫﺎ ﻓﻲ ﺍﻟﺤﺎﺟﺎﺕ ﺍﻟﻠﻲ ﺗﻮﺗﻲ ﻓﻴﻬﻢ ..
ﻣﻬﺎ ﻭﻫﻲ ﻣﺎﺷﻴﻪ ﺷﺒﺤﺖ ﻟﻠﺘﻠﻔﺰﻳﻮﻥ ﺷﺎﻓﺖ ﺣﻨﺎﻥ ﻭﺟﻨﺒﻬﺎ ﺑﻮﻫﺎ .. ﺍﺑﺘﺴﻤﺖ ﻭﻃﻠﻌﺖ ﺗﺠﺮﻱ : ﺗﻌﺎﻟﻮﺍ ﺷﻮﻓﻮﺍ ..
ﺧﺸﺖ ﻭﺭﺍﻫﺎ ﻟﺒﻨﻰ ﻭﺣﻨﺎﻥ ... ﻭﻳﻦ ﺟﻮﺍ ﻗﺪﺍﻡ ﺗﻠﻔﺰﻳﻮﻥ ﻟﺒﻨﻰ ﺷﻬﻘﺖ ﻭﻣﺸﺖ ﺗﺠﺮﻱ ﺗﻌﻠﻲ ﻓﻲ ﺍﻟﺼﻮﺕ ..
ﻛﺎﻥ ﺗﻘﺮﻳﺮ ﻋﻦ ﺍﻟﻤﺸﺮﻭﻉ ﻓﻲ ﺍﺣﺪ ﺍﻟﺒﺮﺍﻣﺞ ﺍﻟﻤﻬﺘﻤﻪ ﺑﺎﻟﻤﺠﺎﻝ ﻭﺩﺍﻳﺮﻳﻦ ﻣﻘﺎﺑﻠﻪ ﻣﻊ ﺣﻨﺎﻥ ﻭﻣﻌﺎﻭﻳﻪ ﻭﻛﺎﻧﻮﺍ ﻳﺴﺄﻟﻮﺍ ﻓﻲ ﻣﻌﺎﻭﻳﻪ ﻋﻦ ﻓﻜﺮﺓ ﺍﻟﻤﺸﺮﻭﻉ ﻭﻫﻮ ﻳﺠﺎﻭﺏ .. ﻭﺣﻨﺎﻥ ﺗﺸﻮﻓﻠﻪ ... ﻣﺘﻨﺎﺳﻴﻪ ﺗﻤﺎﻣﺎ ﺍﻥ ﻓﻲ ﻛﺎﻣﻴﺮﺍ ﺗﺼﻮﺭ ...
ﻫﻮ ﻛﺎﻧﺖ ﻋﻨﺪﻩ ﺟﺎﺫﺑﻴﻪ ﻋﺎﻟﻴﻪ .. ﻭﻃﺮﻳﻘﺘﻪ ﻓﻲ ﺍﻟﻜﻼﻡ ﺣﻠﻮﺓ ﻭﻣﻤﻴﺰﺓ ﻭﻧﺒﺮﺓ ﺻﻮﺗﻪ ﺧﺎﺻﻪ .. ﺣﻨﺎﻥ ﻏﺼﺐ ﻋﻨﻬﺎ ﺍﻧﺠﺬﺑﺘﻠﻪ ﻭﻗﻌﺪﺕ ﺗﺸﻮﻓﻠﻪ ... ﻭﻃﺒﻌﺎ ﻫﻮ ﻣﺎﺷﺎﻓﺶ ﺍﻟﺸﻲ ﻫﺬﺍ ﺇﻻ ﻭﻫﻮ ﻳﺘﻔﺮﺝ ﻉ ﺍﻟﺘﻠﻔﺰﻳﻮﻥ ..
ﻛﺮﻳﻢ : ﺻﺪﻳﻘﻲ ﺍﻟﻌﺰﻳﺰﺓ .. ﻛﺄﻥ ﺍﻟﻤﻬﻨﺪﺳﻪ ﺍﻟﻠﻲ ﺣﺪﺍﻙ ﻣﻌﺠﺒﻪ ﺑﻴﻚ ..
ﻣﻌﺎﻭﻳﻪ ﺗﻔﺎﺟﺄ : ﻛﻴﻒ ﻋﺮﻓﺖ ..
ﻛﺮﻳﻢ : ﺭﻛﺰ ﻉ ﻧﻈﺮﺍﺗﻬﺎ ..
ﻣﻌﺎﻭﻳﻪ ﻗﻌﺪ ﻳﺸﺒﺢ ﻫﻮ ﺍﺳﺎﺳﺎ ﺣﺴﻬﺎ ﻧﻈﺮﺍﺕ ﻣﺨﺘﻠﻔﻪ ﺑﺲ ﻛﺎﻥ ﻳﻜﺬﺏ ﻓﺮﻭﺣﻪ : ﻋﺎﺩﻱ ﻳﻌﻨﻲ ... ﺗﺸﺒﺢ ﻋﺎﺩﻱ ..
ﻛﺮﻳﻢ : ﺍﻱ ﺣﺪ ﻣﻤﻜﻦ ﺗﻤﺮ ﻋﻠﻴﻪ ﻫﺎﺩﻱ ﺍﻧﻤﺎ ﺍﻧﻲ ﺍﻟﺨﺒﻴﺮ ﻓﻲ ﺍﻟﻨﺴﺎﺀ ﺍﺩﺭﻯ ﺑﻬﺎﻟﻨﻈﺮﺍﺕ ..
ﻣﻌﺎﻭﻳﻪ ﻭﺟﻬﻪ ﻭﻻﺍﺣﻤﺮ ﻟﻤﺠﺮﺩ ﺍﻧﻪ ﺣﺎﻭﻝ ﻳﺼﺪﻕ ﺍﻟﻠﻲ ﻗﺎﻟﻪ ﺻﺎﺣﺒﻪ ..
ﻛﺮﻳﻢ ﺭﻛﺰ : ﺧﻴﺮﻙ ﺗﻘﻮﻝ ﺍﻭﻝ ﻣﺮﺓ ﻣﺮﺍﺓ ﺍﻃﻴﺢ ﻓﻲ ﻏﺮﺍﻣﻚ ..
ﻣﻌﺎﻭﻳﻪ : ﻏﺮﺍﻡ ﺷﻨﻮ ﺍﻧﺖ ﺗﺎﻧﻲ ... ﻫﺎﺩﻱ ﻣﺶ ﺯﻱ ﺍﻱ ﻣﺮﺍﺓ ..
ﻛﺮﻳﻢ ﻗﻌﺪ ﻳﻔﻜﺮ ﻓﻲ ﺍﻟﻜﻠﻤﻪ ﺷﻮﻳﻪ ﺑﻌﺪﻳﻦ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺪﻫﺸﻪ ﻭﺑﺼﻮﺕ ﻋﺎﻟﻲ ﻗﺎﻝ ..nooo:
ﻣﻌﺎﻭﻳﻪ ﺍﻧﺨﻠﻊ ﻭﺷﺒﺤﻠﻪ : ﺧﻴﺮ ﺩﻋﻮﺗﻚ ..
ﻛﺮﻳﻢ nooooooooo: ﻭﻫﻮ ﻳﺄﺷﺮ ﺑﺴﺒﺎﺑﺘﻪ ﻋﻠﻴﻪ ...
ﻣﻌﺎﻭﻳﻪ : ﺗﻲ ﺷﻦ ﻫﻮ ﺍﻟﻠﻲ no ﻳﺎﺯﻓﺖ ﺍﻧﺖ ..
ﻛﺮﻳﻢ ﺍﺷﺮ ﻉ ﺍﻟﺘﻠﻔﺰﻳﻮﻥ : ﻫﻲ ﻫﺎﺩﻱ ..
ﻣﻌﺎﻭﻳﻪ ﺷﺒﺢ ﺍﻟﺘﻠﻔﺰﻳﻮﻥ ﻭﺷﺒﺤﻠﻪ ﻭﻫﻮ ﻣﻠﺨﺒﻂ : ﻣﻦ ﻫﻲ؟ !!
ﻛﺮﻳﻢ ﺑﻀﺤﻜﻪ : ﺍﻟﻠﻲ ﻗﺎﻟﺒﻪ ﺣﺎﻟﻚ ﻭﻣﻐﻴﺮﺍﺗﻚ .. ﻭﻣﺴﺒﺐﺗﻠﻚ ﻫﺎﻻﺕ ﺳﻮﺩ ﺗﺤﺖ ﻋﻴﻮﻧﻚ ﻣﻦ ﺍﻟﺴﻬﺮ ﻓﻠﻴﺎﻟﻴﻬﺎ ..
ﻣﻌﺎﻭﻳﻪ : ﻫﺎﻻﺕ ﺳﻮﺩ؟ ...!! ﺍﻧﺖ ﺷﻦ ﺗﺨﺮﻑ .. ﻳﺎﺭﻳﺖ ﺗﺴﻜﺖ ﻭﺗﺮﻳﺢ ﻭﺫﺍﻧﻲ ﻣﻦ ﺳﻤﺎﻉ ﻗﻄﺎﻓﻚ .. ﻋﻼ ﺻﻮﺕ ﺍﻟﺘﻠﻔﺰﻳﻮﻥ ﻫﺮﻭﺑﺎ ﻣﻦ ﺍﺳﺌﻠﺔ ﺻﺎﺣﺒﻪ ﻭﻫﻮ ﻣﻠﺨﺒﻂ ﻉ ﺍﻵﺧﺮ ..
ﻭﻛﺮﻳﻢ ﻳﻀﺤﻚ ﻋﻠﻴﻪ .
***
ﺑﻌﺪﺍﻟﻤﻐﺮﺏ ...
ﻣﺠﺘﻤﻌﻪ ﻓﻲ ﺟﻨﺎﻧﻬﺎ ﻫﻲ ﻭﺍﻟﻨﺎﺱ ﺍﻟﻠﻲ ﺗﺤﺒﻬﻢ ﻣﻊ ﺿﻴﻮﻓﻬﺎ ﻃﺒﻌﺎ ﺃﻳﻤﻦ ﺣﻂ ﺍﻣﻪ ﻭﺍﺧﺘﻪ ﻭﻣﺸﻮﺍ .. ﻭﻛﺎﻧﺖ ﺍﻟﻘﻌﺪﻩ ﻧﺴﺎﺋﻴﻪ ﺧﺎﻟﺼﻪ ..
ﺗﻌﺎﺭﻓﻮﺍ ﻫﺪﺭﺯﻭﺍ ﻭﺿﺤﻜﻮﺍ ﻭﻛﻠﻮﺍ ﻭﺷﺮﺑﻮﺍ .. ﺳﻴﺮﻳﻦ ﻛﺎﻧﺖ ﺗﺒﺘﺴﻢ ﻃﻮﻝ ﺍﻟﻮﻗﺖ ﻭﺟﻮﻫﺎ ﺗﻐﻴﺮ ﺷﻮﻳﻪ .. ﻋﻜﺲ ﺭﻫﻒ ﺍﻟﻠﻲ ﻛﺎﻥ ﺟﻮﻫﺎ ﻣﺶ ﺣﻠﻮ ﺑﺲ ﺗﺠﺎﻣﻞ ..
ﺍﻡ ﺍﻳﻤﻦ : ﻛﻴﻒ ﺣﺎﻝ ﺑﻮﻙ ﻣﻬﺎ ﺑﻨﺘﻲ ..
ﻣﻬﺎ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ﻛﻮﻳﺲ ..
ﺍﻡ ﺃﻳﻤﻦ : ﻣﺎﺯﺍﻝ ﻣﺶ ﻧﺎﻭﻱ ﻳﻜﺴﺮ ﻋﺰﻭﺑﻴﺘﻪ ..
ﻣﻬﺎ : ﻧﻘﻮﻟﻮﺍ ﻳﺎﺍﺍﺍﺍﺭﺏ ﻋﻦ ﻗﺮﻳﺐ ﻳﻜﺴﺮﻫﺎ ..
ﻧﻴﺮﻭﺯ : ﻣﻌﺎﻧﺎﻫﺎ ﻓﻲ ﺣﻮﻳﺠﻪ ..
ﻣﻬﺎ : ﻳﻌﻨﻲ ..
ﻧﻴﺮﻭﺯ ﺍﺑﺘﺴﻤﺖ : ﺍﻟﻠﻪ ﻳﻮﻓﻖ ﻟﻨﺼﻔﻖ ...
ﻣﻬﺎ ﺑﻀﺤﻜﻪ : ﻳﺎﺭﺏ ..
ﺩﺍﺧﻞ ..
ﻗﻮﻟﻲ ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ... ﻭﺍﻋﺘﺒﺮﻱ ﺍﻟﻠﻲ ﺍﻧﺘﻲ ﻓﻴﻪ ﻣﺮﺣﻠﺔ ﻭﻋﺪﺕ .. ﻭﺍﻥ ﺍﻟﻠﻲ ﺟﺎﻱ ﻣﺮﺣﻠﻪ ﺟﺪﻳﺪﻩ ﻋﻴﺸﻴﻬﺎ ﺑﺸﻜﻞ ﺟﺪﻳﺪ ..
ﺳﻴﺮﻳﻦ : ﻣﺶ ﻗﺎﺩﺭﺓ ﻧﺘﺨﻄﻰ ﻫﺎﻟﻤﺮﺣﻠﻪ ﺑﺶ ﻧﻌﻴﺶ ﻏﻴﺮﻫﺎ ..
ﺣﻨﺎﻥ ﺣﻄﺖ ﺍﻳﺪﻫﺎ ﻉ ﻛﺘﻔﻬﺎ : ﻻﺯﻡ ﺗﺘﺨﻄﻴﻬﺎ .. ﻭﺗﻌﻴﺸﻲ ﻭﺗﻜﻤﻠﻲ ... ﻣﺎﺗﺴﺘﻞ
ﻣﻴﺶ ﻟﻠﻴﺄﺱ ﻭﺍﻟﺤﺰﻥ ﻭﺍﻹﺣﺒﺎﻁ ...
ﺳﻴﺮﻳﻦ : 7 ﺳﻨﻴﻦ ﺭﺍﺣﻮ ﻣﺶ ﺷﻮﻳﻪ ..
ﺣﻨﺎﻥ : ﻭﺑﺘﻜﻤﻠﻲ ﺑﺎﻗﻲ ﻋﻤﺮﻙ ﻭﺍﻧﺘﻲ ﺗﺘﺤﺴﺮﻱ ﻉ 7 ﺳﻨﻴﻦ؟ !!
ﺳﻴﺮﻳﻦ ﺗﻨﻬﺪﺕ ﻭﺳﻜﺘﺖ ...
ﺣﻨﺎﻥ : ﺳﻴﺮﻳﻦ ﺍﻧﺘﻲ ﺣﻠﻮﺓ ﻭﻗﺎﻟﻲ ﺍﻳﻤﻦ ﺍﻧﻚ ﺧﺮﻳﺠﻪ ﻫﻨﺪﺳﺔ ﺩﻳﻜﻮﺭ ... ﻭﻋﻤﺮﻙ ﻣﺎﻭﺻﻠﺶ ﺍﻟﺜﻼﺗﻴﻦ ... ﻳﻌﻨﻲ ﻋﻨﺪﻙ ﻫﻠﺒﻪ ﻣﻤﻴﺰﺍﺕ ﻭﻗﺪﺍﻣﻚ ﻓﺮﺻﻪ ﻟﻠﻌﻮﺽ ... ﻭﻣﻤﻜﻦ ﺍﺣﻠﻰ ﻋﻮﺽ ... ﺗﺨﺪﻣﻲ ﻭﺗﻨﺠﺤﻲ .. ﻭﺍﻃﻮﺭﻱ ﻣﻦ ﻧﻔﺴﻚ ﻭ ﻣﺮﺍﺕ ﻓﻲ ﺧﻀﻢ ﻫﺎﻷﺣﺪﺍﺙ ﻳﺰﺭﻕ ﻓﻲ ﺍﻟﻨﺺ ﺷﺎﺏ ﺳﻤﻮﺡ ﻳﺎﺧﺪﻙ ﻣﻦ ﻳﺪﻙ ﻭﺗﻜﻤﻠﻮﺍ ﺑﺎﻗﻲ ﺍﻟﺤﻴﺎﻩ ﻣﻊ ﺑﻌﺾ ..
ﺳﻴﺮﻳﻦ ﺿﺤﻜﺖ ..
ﺣﻨﺎﻥ ﺑﻀﺤﻜﻪ : ﺍﻟﺤﻴﺎﺓ ﺗﺒﻲ ﺍﻟﻠﻲ ﻳﻮﺍﺟﻬﻬﺎ ﺑﻀﺤﻜﻪ ﺗﺒﻲ ﻣﻦ ﻳﻜﻤﻞ ﻓﻴﻬﺎ ﺑﻘﻮﺓ ﻭﻳﻜﻮﻥ ﻭﺍﺛﻖ ﺑﺮﺑﻲ ﻭﻋﻨﺪﻩ ﻳﻘﻴﻦ ﺑﺄﻧﻪ ﻓﻲ ﻛﻞ ﺷﻲ ﻳﺼﻴﺮ ﺧﻴﺮﻩ ﻭﺇﻧﻪ ﻳﻌﻮﺽ ﺳﺒﺤﺎﻧﻪ ﻭﻋﻠﻴﻪ ﻫﻮ ﺟﺒﺮ ﻛﻞ ﻗﻠﺐ ﻭﺧﺎﻃﺮ ﻣﻜﺴﻮﺭ ... ﻭﺯﻱ ﻣﺎﻗﺎﻝ ﺍﻟﺤﺪﻳﺚ " ﺃﺳﺘﻌﻦ ﺑﺎﻟﻠﻪ ﻭﻻﺗﻌﺠﺰ "
ﺳﻴﺮﻳﻦ : ﺗﻌﺮﻓﻲ ﺍﻧﻲ ﺣﺒﻴﺘﻚ ..
ﺣﻨﺎﻥ : ﻣﻦ ﺍﻭﻝ ﻧﻈﺮﻩ ﻭﻻ ﻣﻦ ﺍﻭﻝ ﻣﻜﺎﻟﻤﻪ ..
ﺳﺮﻳﻦ : ﻫﻬﻬﻬﻬﻬﻬﻬﻬﻪ ...
ﺣﻨﺎﻥ ﺑﻀﺤﻜﻪ : ﺩﻭﻭﻡ ﻳﺎﺭﺑﻲ ﺗﻀﺤﻜﻲ ﻭﻓﺮﺣﺎﻧﻪ .. ﻫﻴﺎ ﺗﻌﺎﻟﻲ ﻃﻠﻌﻲ ﻣﻌﺎﻱ ﺍﻟﻜﻴﻜﻪ ﺍﻟﻤﺼﻘﻌﻪ ﻫﺬﺍ ﻭﻗﺘﻬﺎ ..
ﺳﻴﺮﻳﻦ : ﻫﻴﺎ ...
ﻃﻠﻌﺖ ﺳﻴﺮﻳﻦ ﻫﻴﺎ ﻭﺣﻨﺎﻥ ﻭﻛﺎﻥ ﻳﻀﺤﻜﻮﺍ ﻭﺃﻣﻬﺎ ﻟﻤﺎ ﺷﺎﻓﺘﻬﺎ ﻓﺮﺣﺖ ﻣﻦ ﻭﺳﻂ ﻗﻠﺒﻬﺎ ..
ﺷﻮﻳﻪ ﻭﺟﺎﻫﻢ ﺃﻳﻤﻦ ﺳﻘﺪﺗﻬﻢ ﻭﺳﻠﻤﺖ ﻋﺎﻳﻤﻦ ﻣﻦ ﺑﻌﻴﺪ ﻭﺭﻭﺣﻮﺍ ..
ﻓﻲ ﺍﻟﺴﻴﺎﺭﺓ .
ﺍﻡ ﺍﻳﻤﻦ : ﻋﻠﻴﻚ ﻣﺮﺍﺓ ﻋﻠﻴﻚ ﺑﻨﺎﺕ ﻭﻋﻠﻴﻚ ﻧﺎﺱ ﻣﺎﺷﺎﺀ ﺍﻟﻠﻪ ﺳﻤﺎﺣﺔ ﺍﺳﻠﻮﺏ ﻭﺍﺩﺏ ﻭﺭﻭﺡ ﺣﻠﻮﺓ ..
ﺍﻳﻤﻦ ﻣﺒﺘﺴﻢ ..
ﺳﻴﺮﻳﻦ : ﺣﻨﺎﻥ ﺗﻬﺒﻞ ﺗﺨﺶ ﺍﻟﺨﺎﻃﺮ ﻃﻮﻝ .. ﺍﻟﻜﻼﻡ ﻣﻌﺎﻫﺎ ﻳﺮﻳﺢ ﺳﺒﺤﺎﻥ ﺍﻟﻠﻪ ﺣﺘﻰ ﻭﺟﻬﻬﺎ ﻣﺮﻳﺢ ...
ﺍﻡ ﺍﻳﻤﻦ : ﻋﻠﻴﻨﺎ ﺣﻨﻲ ﺍﻟﻤﺮﺓ ﺍﻟﺠﺎﻳﻪ ﻓﻲ ﺍﻗﺮﺏ ﻭﻗﺖ ﺣﻨﻌﺰﻣﻮﻫﻢ ..
ﺃﻳﻤﻦ ﻳﺒﺘﺴﻢ ﻭﻣﺎﻋﻠﻘﺶ .. ﻋﺎﺟﺒﻪ ﻫﻠﺒﻪ ﺭﺃﻱ ﺍﻣﻪ ﻭﺃﺧﺘﻪ ﻓﺤﻨﺎﻥ ...
ﺑﺲ ﻫﻞ ﻳﺎﺗﺮﻯ ﺣﺘﻘﻌﺪ ﻋﺎﺟﺒﺘﻬﻢ ﻟﻤﺎ ﻳﻌﺮﻓﻮﺍ ﻧﻴﺔ ﺍﻳﻤﻦ ﺍﺗﺠﺎﻫﻬﺎ؟ ..!
***
ﻛﺎﻧﺖ ﻣﻘﻌﻤﺰﺓ ﻓﻲ ﺩﺍﺭﻫﺎ ﺣﺪﺍ ﺍﻟﺮﻭﺷﻦ ﺍﻟﻤﻜﺎﻥ ﺍﻟﻠﻲ ﺍﺭﺗﺒﻂ ﻋﻨﺪﻫﺎ ﺑﺸﻌﻮﺭ ﺣﻠﻮ ﻳﺮﻳﺢ ﻓﻴﻬﺎ .. ﻛﺎﻧﺖ ﺗﺸﻮﻑ ﻓﻲ ﺗﻠﻴﻔﻮﻧﻬﺎ ﻭﻓﺎﺗﺤﻪ ﻉ ﺍﻟﻔﻴﺲ ﻣﺪﺍﻳﺮﻩ ﻗﺮﻭﺏ ﻉ ﺍﻟﻔﻴﺲ .. ﺧﺎﺹ ﺑﺎﻟﻤﺮﺃﺓ ﺗﻨﺰﻝ ﻓﻴﻪ ﻓﻲ ﻣﻨﺎﺷﻴﺮ ﻗﺎﻧﻮﻧﻴﻪ ﺗﻌﺮﻑ ﻓﻴﻬﺎ ﺑﻨﺎﺕ ﺟﻨﺴﻬﺎ ﺍﻟﻠﻲ ﻟﻴﻬﻢ ﻭﻋﻠﻴﻬﻢ ﻭﻛﻴﻒ ﻳﻌﺮﻓﻮﺍ ﻳﺎﺧﺪﻭﺍ ﺣﻘﻬﻢ ﺑﺎﻟﻘﺎﻧﻮﻥ ...
ﻃﻠﻌﺖ ﻣﻦ ﺍﻟﻘﺮﻭﺏ ﺑﻌﺪ ﻣﺎﻧﺰﻟﺖ ﻣﻨﺸﻮﺭ .. ﻗﻌﺪﺕ ﺗﺸﻮﻑ ﻓﻲ ﺍﻟﺼﻔﺤﻪ ﺍﻟﺮﺋﻴﺴﻪ ﻟﻘﺖ ﻛﻞ ﺍﻟﻤﻨﺸﻮﺭﺍﺕ ﻣﻤﻠﻪ ﻭﻧﻔﺲ ﺍﻟﺸﻲ ﺳﻴﺎﺳﻪ ﻓﺴﻴﺎﺳﻪ ... ﻟﻌﻨﺪ ﻣﺎﻃﺎﺣﺖ ﻓﻲ ﻣﻨﺸﻮﺭﻓﻴﺪﻳﻮ ﻣﻤﻮﻝ
ﻛﺎﻥ ﻣﻜﺘﻮﺏ ﻋﻠﻴﻪ ﺍﻟﺼﻼﺓ ... ﻓﺘﺤﺎﺗﻪ ... ﻭﺑﺪﻱ ﻳﺘﻜﻠﻢ ﺍﻟﺪﺍﻋﻴﻪ ﺍﻟﻤﻌﺮﻭﻑ " ﻣﺼﻄﻔﻰ ﺣﺴﻨﻲ " ﻋﻦ ﺍﻟﺼﻼﺓ ﺑﺄﺳﻠﻮﺏ ﺣﻠﻮ ﻭﻣﻤﻴﺰ ﺟﺪﺍ ﻗﻌﺪﺕ ﺗﺴﻤﻊ ﻭﻣﻨﺘﺒﻬﻪ ﻭﺍﻟﻜﻼﻡ ﺟﺬﺑﻬﺎ ﻉ ﺍﻷﺧﺮ ... ﻟﻴﻦ ﺗﻢ ﺍﻟﻔﻴﺪﻳﻮ ... ﻭﻫﻲ ﻣﻜﺎﻧﺘﺶ ﺗﺒﻴﻪ ﻳﺘﻢ ﻃﻠﻌﺖ ﻣﻦ ﺍﻟﻔﻴﺲ ﺧﺸﺖ ﻉ ﺍﻟﻴﻮﺗﻴﻮﺏ ﻭﻛﺘﺒﺖ ﺍﺳﻤﻪ ﻓﻲ ﺍﻟﺒﺤﺚ ﻭﻃﻠﻌﻮﻟﻬﺎ ﻓﻴﺪﻳﻮﺍﺗﻪ ﻭﻗﻌﺪﺕ ﺗﺘﻔﺮﺝ ﻋﻠﻴﻬﻢ ﺑﺈﻧﺘﺒﺎﻩ ﻭﺍﻫﺘﻤﺎﻡ ﺷﺪﻳﺪﻳﻦ ..
ﺣﺘﻰ ﺍﻧﻲ ﺧﺎﻃﺮﻱ ﻟﻜﻦ ﻣﺎﻣﺎ ﻭﺭﺍﻫﺎ ﺧﺪﻣﻪ ﻣﺴﺘﺤﻴﻞ ﺗﺴﺎﻓﺮ ..
ﻟﺒﻨﻰ ﺗﺄﻓﻔﺖ : ﻣﺎﺯﺍﻝ ﻉ ﺭﻣﻀﺎﻥ ﺷﻬﺮ ﻭﻧﺺ ﻧﺤﺼﻠﻮﺍ ﺣﺘﻰ 15 ﻳﻮﻡ ﻧﺮﻓﻬﻮﺍ ﻓﻴﻬﺎ ﻉ ﺍﺭﻭﺍﺣﻨﺎ ﻣﻦ ﻫﻢ ﺍﻷﻣﺘﺤﺎﻧﺎﺕ ﻭﺍﻟﻀﻐﻂ ﺍﻟﻨﻔﺴﻲ ... ﺑﺎﻫﻲ ﻛﻠﻤﻴﻬﺎ ﺭﻫﻮﻓﻪ ﺗﺴﻤﻊ ﻣﻨﻚ ..
ﺭﻫﻒ ﻛﺎﻧﺖ ﺗﺘﺤﺎﺷﻰ ﻑ ﺃﻣﻬﺎ ﺍﻟﻔﺘﺮﻩ ﺍﻷﺧﻴﺮﻩ ﺑﺶ ﻣﺎﺗﻔﺘﺤﻠﻬﺎﺵ ﻣﻮﺿﻮﻉ ﻓﺴﺦ ﺍﻟﺨﻄﻮﺑﻪ ﻓﺘﺤﺠﺠﺖ : ﺗﻮ ﻧﻜﻠﻤﻮﻫﺎ ﺍﻧﻲ ﻭﻳﺎﻙ ﻓﻮﻗﺖ ﺗﺎﻧﻲ .. ﺗﻮ ﻫﻲ ﻗﺪﺍﻡ ﺑﺮﻧﺎﻣﺞ ﻣﺼﻄﻔﻰ ﺣﺴﻨﻲ ﺳﺎﻋﻪ ﻛﺎﻣﻠﻪ ﺧﺎﺭﺝ ﺍﻟﺘﻐﻄﻴﻪ ..
ﻟﺒﻨﻰ : ﺣﻴﻴﻴﻲ ﻧﺴﻴﺘﻪ ﻭﻃﻠﻌﺖ ﻣﻦ ﺍﻟﺪﺍﺭ ﺗﺠﺮﻱ ..
ﻭﺭﻫﻒ ﺿﺤﻜﺖ ... ﻭﻃﻠﻌﺖ ﻣﻌﺎﻫﺎ ...
" ﻣﺼﻄﻔﻰ ﺣﺴﻨﻲ ﺩﺍﻋﻴﻪ ﻭﺳﻄﻲ ﻭﻫﻮ ﻣﻦ ﺍﻟﻨﺎﺱ ﺍﻟﻠﻲ ﻳﻄﺒﻘﻮﺍ ﻓﻲ ﺁﻳﺔ " ﺃﺩﻋﻮﺍ ﺇﻟﻰ ﺳﺒﻴﻞ ﺭﺑﻚ ﺑﺎﻟﺤﻜﻤﺔ ﻭﺍﻟﻤﻮﻋﻈﻪ ﺍﻟﺤﺴﻨﻪ " ﺑﺄﺳﻠﻮﺏ ﺣﻠﻮ ﻭﻗﺮﻳﺐ ﻟﻌﻘﻠﻴﺔ ﺍﻟﺸﺒﺎﺏ ﻧﻨﺼﺤﻜﻢ ﺍﺗﺎﺑﻌﻮ ﺑﺮﻧﺎﻣﺠﻪ ﺍﺳﻤﻪ ﻛﻨﻮﺯ "
***
ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﻣﺎﺷﻲ ﻓﻲ ﺍﻟﻤﻤﺮ ﻣﺘﻮﺟﻪ ﻟﻐﺮﻓﺔ ﺭﺋﻴﺲ ﻣﺠﻠﺲ ﺍﻹﺩﺍﺭﻩ .. ﻃﻠﻌﺖ ﻗﺪﺍﻣﻪ ﺟﺎﻳﻪ ﻣﻦ ﻣﻤﺮ ﺗﺎﻧﻲ ﻳﻮﺻﻞ ﻟﻠﻤﻤﺮ ﺍﻟﻠﻲ ﻫﻮ ﻓﻴﻪ ..
ﺍﻗﺒﺎﻝ : ﺻﺒﺎﺣﻮ ..
ﺃﻳﻤﻦ : ﺍﻫﻼ ...
ﺍﻗﺒﺎﻝ : ﺍﻣﺲ ﺍﺗﺼﻠﺖ ﺑﻴﻚ ﻫﻠﺒﻪ ..
ﺍﻳﻤﻦ : ﻣﺎﻛﻨﺘﺶ ﻓﺎﺿﻲ ..
ﺃﻗﺒﺎﻝ : ﺗﻤﺎﻡ ﺍﻫﻮ ﺷﻔﺘﻚ ﺗﻮ ﻧﺘﻜﻠﻤﻮﺍ ﻭﺟﻪ ﻟﻮﺟﻪ ..
ﺍﻳﻤﻦ : ﺷﻦ ﺗﺒﻲ ..
ﺍﻗﺒﺎﻝ ﻭﻗﻔﺖ : ﻧﺒﻲ ﻧﻌﺮﻑ ﻭﻳﻦ ﻭﺻﻞ ﻣﺸﺮﻭﻉ ﺍﻟﻤﻨﺘﺠﻊ ..
ﺍﻳﻤﻦ ﻭﻗﻒ : ﻭﻋﻼﺵ ﻣﺎﺗﻤﺸﻴﺶ ﺗﺸﻮﻓﻲ ﺑﺮﻭﺣﻚ .. ﻭﺑﻌﺪﻳﻦ ﺍﻣﺲ ﺍﻟﻨﺎﺱ ﻛﻠﻬﺎ ﺗﻔﺮﺟﺖ ﻉ ﺍﻟﺒﺮﻧﺎﻣﺞ ﺍﻟﻠﻲ ﺗﻜﻠﻢ ﻋﻠﻴﻪ ﻭﺍﻛﻴﺪ ﻋﺮﻓﺘﻲ ﻭﻳﻦ ﻭﺻﻞ ..
ﺍﻗﺒﺎﻝ : ﻳﻌﻨﻲ ﻣﺶ ﻣﺒﺎﻟﻐﻪ ﻭﺟﻮ ﻣﺪﺍﻳﺮﻩ ﻣﻌﺎﻭﻳﻪ ﻟﻐﺮﺽ ﺍﻟﺪﻋﺎﻳﻪ ..
ﺍﻳﻤﻦ ﻗﺪﻣﻠﻬﺎ ﻭﺿﻴﻖ ﻋﻴﻮﻧﻪ ﻭﻗﺎﻝ : ﻭﻣﻦ ﺍﻣﺘﻰ ﻣﻌﺎﻭﻳﻪ ﻳﺘﺒﻊ ﻓﻲ ﺍﺳﻠﻮﺏ ﺯﻱ ﻫﺬﺍ .. ﻭﻻﺍﻧﺘﻲ ﺗﻘﺼﺪﻱ ﺍﻟﺒﺶ ﻣﻬﻨﺪﺳﻪ ﺑﻜﻼﻣﻚ ..
ﺍﻗﺒﺎﻝ ﺑﺈﺑﺘﺴﺎﻣﻪ ﺧﺒﻴﺜﻪ : ﺍﻳﻤﻦ ﺷﻦ ﻗﺼﺘﻚ ﺍﻧﺖ .. ﻣﺶ ﻣﺘﺤﻤﻞ ﻓﻴﻬﺎ ﻛﻠﻤﻪ ..
ﺍﻳﻤﻦ ﺷﺒﺤﻠﻬﺎ ﺑﺈﺯﺩﺭﺍﺀ ﻭﻣﺸﻲ ﻭﺧﻼﻫﺎ .. ﻭﻫﻲ ﺍﺑﺘﺴﻤﺖ ﺑﻤﻜﺮ ﻣﻊ ﺭﻓﻌﺖ ﺣﺎﺟﺐ ﻭﻣﺸﺖ ﻭﺭﺍﻩ ...
ﺧﺸﻮﺍ ﻟﻤﻜﺘﺒﻪ ﻭﻛﺎﻥ ﻓﻲ ﺍﺟﺘﻤﺎﻉ ﻣﺼﻐﺮ ﻣﻌﺎﻫﻢ ﻫﻤﺎ ... ﺍﺳﺘﻤﺮ ﻟﺴﺎﻋﻪ .. ﺑﻌﺪﻳﻦ ﻧﺎﺽ ﻣﻌﺎﻭﻳﻪ ﺑﻴﻄﻠﻊ ..
ﻣﻌﺎﻭﻳﻪ : ﺍﻳﻪ ﺍﻳﻤﻦ ... ﺑﺨﺼﻮﺹ ﺳﻴﺮﻳﻦ .. ﻟﻘﻴﺘﻠﻬﺎ ﺣﻞ ..
ﺍﻳﻤﻦ ﺍﺑﺘﺴﻢ : ﺣﻞ ﺷﻨﻲ ..
ﻣﻌﺎﻭﻳﻪ : ﻛﻠﻤﺖ ﺻﺪﻳﻖ ﻟﻴﺎ ﻃﺒﻴﺐ ﻧﻔﺴﻲ ﻛﺒﻴﺮ ﺣﻴﻨﻔﻌﻬﺎ ﻫﻠﺒﻪ ..
ﺍﻳﻤﻦ ﺑﺈﺑﺘﺴﺎﻣﻪ : ﻣﺎﻓﻴﺶ ﺩﺍﻋﻲ .. ﺍﻟﻠﻲ ﺣﻴﺪﻳﺮﻩ ﻫﻮ ﻓﻲ ﺟﻠﺴﺎﺕ ﺍﺧﺘﺼﺮﺍﺗﻪ ﺣﻨﺎﻥ ﻓﻲ 4 ﻣﻜﺎﻟﻤﺎﺕ ﻭﺗﻘﻌﻤﻴﺰﺓ ﻭﺣﺪﻩ ..
ﺍﻗﺒﺎﻝ ﺍﺑﺘﺴﻤﺖ ﺑﺨﺒﺚ : ﻛﻴﻒ؟ !
ﻣﻌﺎﻭﻳﻪ ﻳﺸﺒﺤﻠﻪ ﻭﻳﺴﺘﻨﻰ ﻓﻲ ﺍﻟﺮﺩ ..
ﺍﻳﻤﻦ : ﻋﺰﻣﺖ ﺍﻣﺲ ﺍﻣﻲ ﻭﺍﺧﺘﻲ ﻟﺤﻮﺷﻬﺎ .. ﻭﻛﻠﻤﺖ ﺳﻴﺮﻳﻦ ﺑﺮﻭﺣﻬﺎ ﺑﺶ ﺗﺠﻲ .. ﻭﺳﻴﺮﻳﻦ ﻣﻜﺎﻧﺘﺶ ﺗﺒﻲ ﺗﻄﻠﻊ ﺑﺲ ﺗﺤﺸﻤﺖ ﻣﻨﻬﺎ ... ﻟﻜﻦ ﺳﺒﺤﺎﻥ ﺍﻟﻠﻪ ﺣﻄﻴﺘﻬﺎ ﺑﺸﻜﻞ .. ﻭﺭﻭﺣﺖ ﺑﻴﻬﺎ ﺑﺸﻜﻞ ﺗﺎﻧﻲ ﺣﺘﻰ ﺍﻣﻲ ﺣﺴﻴﺖ ﻧﻔﺴﻴﺘﻬﺎ ﻭﻟﺖ ﺣﻠﻮﺓ ..
ﺍﻗﺒﺎﻝ " ﺯﻳﺪﻭﺍﺍﻧﻔﺨﻮﺍ ﻓﻴﻬﺎ .. ﻣﻼﻙ ﻣﺼﻮﺭ ﺩﺍﻳﺮﻳﻨﻬﺎ ﻭﻣﺮﺍﺕ ﺍﻟﻠﻲ ﻳﻄﻠﻊ ﻣﻨﻬﺎ ﻫﻲ ﻣﺎﻳﻄﻠﻊ ﻣﻦ ﺣﺪ ..."
ﺩﻳﻤﺎ ﺍﻟﻨﺎﺱ ﺍﻟﻐﻴﺮ ﺳﻮﻳﻪ ﻭ ﺍﻟﺨﺒﻴﺜﻪ ﻭﺍﻟﻠﻲ ﻧﻮﺍﻳﺎﻫﻢ ﺳﻮﺩﺍ ﺧﺎﻃﺮﻫﻢ ﻳﺸﻮﻓﻮﺍ ﺍﻟﻜﻞ ﺯﻳﻬﻢ ...
ﻣﻌﺎﻭﻳﻪ ﻭﺻﻠﺖ ﺣﺪﻫﺎ ﻋﻨﺪﻩ
ﺍﻗﺒﺎﻝ ﺍﻃﻠﻌﻲ ..
ﺍﻗﺒﺎﻝ ﺧﺎﻓﺖ : ﺑﺎﻫﻲ .. ﻭﻃﻠﻌﺖ ﻃﻮﻝ ..
ﻣﻌﺎﻭﻳﻪ ﺷﺒﺢ ﻷﻳﻤﻦ ﺑﺤﺪﻩ ﻭﺍﻳﻤﻦ ﻛﺎﻥ ﻳﺸﺒﺤﻠﻪ ﺑﺈﺑﺘﺴﺎﻣﻪ ..
ﻣﻌﺎﻭﻳﻪ : ﻟﻮﻳﻦ ﺗﺒﻲ ﺗﻮﺻﻞ ..
ﺍﻳﻤﻦ ﺑﺈﺳﺘﻌﺒﺎﻁ : ﻓﺸﻨﻲ؟ !
ﻣﻌﺎﻭﻳﻪ : ﺍﻳﻤﻦ .. ﺍﻧﺖ ﻓﺎﻫﻢ ﻋﻠﻴﺎ ﻛﻮﻳﺲ .. ﺷﻦ ﺗﺒﻲ ﻣﻦ ﺣﻨﺎﻥ ..
ﺍﻳﻤﻦ ﻭﺑﻜﻞ ﺟﺮﺃﺓ : ﺍﻟﺰﻭﺍﺝ ..
ﻣﻌﺎﻭﻳﻪ ﻣﻌﺎﺵ ﺷﺎﻑ ﺷﻲ ﻭﺷﺪﻩ ﻣﻦ ﺍﺩﺟﺎﻛﺘﻪ : ﺍﻧﺖ ﺗﺴﻤﻊ ﻓﻲ ﺍﻟﻠﻲ ﺗﻘﻮﻝ ﻓﻴﻪ ..
ﺍﻳﻤﻦ ﺣﻂ ﻳﺪﻩ ﻉ ﻳﺪ ﻣﻌﺎﻭﻳﻪ ﻭﻧﺰﻟﻬﺎ : ﺍﻛﺒﺮ ﻣﻨﻲ ﻭﻣﺪﻳﺮﻱ ﻭﺻﺎﺣﺐ ﻓﻀﻞ ﻋﻠﻴﺎ ﻭﻧﻘﺒﻞ ﻣﻨﻚ ﻛﻞ ﺷﻲ .. ﻟﻜﻦ ﺍﻧﻲ ﻧﺒﻴﻬﺎ ..
ﻣﻌﺎﻭﻳﻪ : ﺗﻲ .. ﺗﻲ ﻳﺎﺑﻨﻲ ﺁﺩﻡ ﺍﻛﺒﺮ ﻣﻨﻚ ..
ﺍﻳﻤﻦ : ﻭﻳﻦ ﺍﻟﻤﺸﻜﻠﻪ .. ﻻﻋﻴﺐ ﻭﻻﺣﺮﺍﻡ ...
ﻣﻌﺎﻭﻳﻪ : ﺷﻮﻑ ﻭﺣﺪﻩ ﺗﻨﺎﺳﺒﻚ .. ﺗﺒﺪﺍ ﺣﻴﺎﺗﻚ ﻣﻌﺎﻫﺎ ﻭﺗﺠﻴﺐ ﻣﻨﻬﺎﺻﻐﺎﺭ ..
ﺍﻳﻤﻦ : ﺍﻧﻲ ﻟﻮ ﻛﻨﺖ ﻣﻔﻜﺮ ﻓﻲ ﺍﻟﺤﻜﺎﻳﻪ ﻫﺎﺩﻱ ﻛﻨﺖ ﻣﺘﺰﻭﺝ ﻣﻦ ﺯﻣﺎﻥ .. ﻟﻜﻦ ﺍﻧﻲ ﻧﺒﻲ ﻧﺘﺰﻭﺝ ﺍﻧﺴﺎﻧﻪ ﺭﺯﻳﻨﻪ ﻭﻋﺎﻗﻠﻪ ﻭﻗﻮﻳﻪ ﻭﻫﺬﺍ ﻛﻠﻪ ﻣﺎﻟﻘﻴﺘﺎﺵ ﺍﻻ ﻓﻴﻬﺎ ..
ﻣﻌﺎﻭﻳﻪ ﻃﺎﺭﺗﻠﻪ ﻟﻴﻦ ﺧﻼﺹ ﺭﻓﻊ ﺳﺒﺎﺑﺘﻪ ﻓﻲ ﻭﺟﻪ ﺍﻳﻤﻦ : ﺣﻮﻝ ﺍﻟﻤﻮﺿﻮﻉ ﻫﺬﺍ ﻣﻦ ﺭﺍﺳﻚ ﺍﺣﺴﻨﻠﻚ ..
ﺍﻳﻤﻦ ﻗﺪﻣﻠﻪ : ﺍﺳﻒ ﻳﺎ Boss ﻣﺶ ﺣﻨﻄﻠﻌﻪ ﻣﻦ ﺭﺍﺳﻲ ..
ﻣﻌﺎﻭﻳﻪ ﺣﻂ ﺍﻳﺪﻩ ﻓﻲ ﺟﻴﺒﻪ ﻭﻗﺎﻝ : ﻟﻮ ﻟﺰﻡ ﺍﻷﻣﺮ ﻧﻘﺼﻪ ﺭﺍﺳﻚ ﻫﺬﺍ ..
ﺍﻳﻤﻦ : ﻫﻬﻬﻬﻬﻬﻬﻪ ... ﻧﻘﻮﻝﻙ ﺣﺎﺟﻪ .. ﺧﻠﻴﻬﺎ ﻋﻠﻴﻬﺎ ﻫﻲ ..
ﻣﻌﺎﻭﻳﻪ ﺿﻴﻖ ﻋﻴﻮﻧﻪ : ﺷﻦ ﻗﺼﺪﻙ؟ !
ﺍﻳﻤﻦ : ﺍﻟﻠﻲ ﻳﻜﺴﺐ ﻗﻠﺒﻬﺎ ﻣﺒﺮﻭﻙ ﻋﻠﻴﻪ ..
ﻣﻌﺎﻭﻳﻪ : ﺷﻦ ﻟﻌﺐ ﺍﻟﺼﻐﺎﺭ ﻫﺬﺍ ...
ﺍﻳﻤﻦ ﺑﺈﺑﺘﺴﺎﻣﻪ : ﻣﺎﻓﻴﺶ ﻏﻴﺮ ﻫﻜﻲ .. ﻭﻻ ﺍﻧﺖ ﻣﺎﺗﺒﻴﺶ ﺗﻜﺴﺒﻪ ..
ﻣﻌﺎﻭﻳﻪ ﺷﺒﺤﻠﻪ ﺑﻐﻞ ﺧﺪﻱ ﺍﻟﺸﻨﻄﻪ ﻭﻟﻒ ﻭﻃﻠﻊ ..
ﻭﺍﻳﻤﻦ ﺍﺑﺘﺴﻢ ﻭﻫﻮ ﻳﻐﻨﻲ .. ﻳﺎﺍﺣﻠﻰ ﻣﻨﻬﻢ .. ﻳﺎﻓﺮﻕ ﻋﻨﻬﻢ .. ﺍﻧﺘﻲ ﺍﻟﻠﻲ ﻓﻴﻬﻢ ﻭﻫﻤﺎ ﻓﻴﻨﻬﻢ ..
***
ﺍﻟﺴﺎﻋﻪ ﻭﺍﺣﺪﻩ ﻇﻬﺮﺍ ..
ﺩﺭﺳﺖ ﺑﺴﻴﺎﺭﺗﻬﺎ ﻗﺪﺍﻡ ﻣﻜﺘﺒﻪ ... ﻧﺰﻟﺖ ﻣﻦ ﺍﻟﺴﻴﺎﺭﻩ .. ﻭﻗﻌﺪﺕ ﺗﻤﺸﻲ ﺑﺨﻄﻮﺍﺕ ﻣﺘﺮﺩﺩﻩ .. ﺧﺸﺖ ﻟﻠﻤﻜﺘﺒﻪ .. ﺍﻟﻠﻲ ﻛﺎﻥ ﻭﺍﻗﻒ ﻓﻴﻬﺎ ﺭﺍﺟﻞ ﻛﺒﻴﺮ ﻓﻲ ﺍﻟﻌﻤﺮ ﻫﻴﺄﺗﻪ ﺗﺒﻴﻦ ﺍﻧﻪ ﻣﻠﺘﺰﻡ .. ﻭﻣﻌﺎﻩ ﻣﺮﺍﻩ ﻛﺒﻴﺮﻩ ﻣﺤﺠﺒﻪ ﻭﺷﺎﺑﻪ ﺻﻐﻴﺮﻩ ﻣﺤﺠﺒﻪ .. ﻭﻓﻲ ﻧﺎﺱ ﻣﻦ ﻧﻔﺲ ﺍﻟﻔﺌﻪ ﻭﺍﻗﻔﻪ ﺗﺸﻮﻑ ﺍﻟﻜﺘﺐ .
ﺗﻮﺟﻬﺖ ﻟﻴﻬﺎ ﺍﻷﻧﻈﺎﺭ ﺍﻭﻝ ﻣﺎﺧﺸﺖ .. ﻛﺎﻧﺖ ﻻﺑﺴﻪ ﺑﻠﻮﺯﺓ ﻳﺎﺟﻮﺭﻳﻪ ﻧﺺ ﻛﻢ ﻉ ﻗﻮﻧﻪ ﻓﻮﺷﻴﺎ ﻗﺼﻴﺮﻩ ﻟﻔﻮﻕ ﺍﻟﺮﻛﺒﻪ .. ﻭﻓﻴﺪﻫﺎ ﺷﻨﻄﻪ ..
ﻧﻈﺮﺍﺕ ﺍﻏﻠﺒﻬﺎ ﺑﻴﻦ ﺍﻹﺯﺩﺭﺍﺀ ﻭﺍﻻﺳﺘﻨﻜﺎﺭ .. ﻫﻲ ﻟﻠﺤﻈﻪ ﺣﺴﺖ ﺭﻭﺣﻬﺎ ﻣﺶ ﻣﺮﻏﻮﺑﻪ ﻓﻲ ﺍﻟﻤﻜﺎﻥ .. ﻭﺟﺖ ﺑﺘﻄﻠﻊ ...
" ﺗﻔﻀﻠﻲ ﺍﺳﺘﺎﺫﻩ .."
ﺷﺒﺤﺖ ﻟﻠﺒﻨﺖ ﺍﻟﻠﻲ ﻛﺎﻧﺖ ﺗﺸﻮﻓﻠﻬﺎ ﺑﺈﺑﺘﺴﺎﻣﻪ ..
ﺍﻟﺒﻨﺖ : ﺗﻔﻀﻠﻲ ..
ﻳﺎﺭﺍ ﺷﺒﺤﺘﻠﻬﺎ ﻭﺷﺒﺤﺖ ﻟﺒﻮﻫﺎ ﻭﺍﻣﻬﺎ ﺍﻟﻠﻲ ﻛﺎﻧﻮﺍ ﻳﺸﻮﻓﻠﻬﺎ ﺑﻨﻈﺮﻩ ﻭﺩ ﻭﺍﻹﺑﺘﺴﺎﻣﻪ ﻉ ﻭﺟﻮﻫﻬﻢ ﻭﺳﻂ ﺍﺳﺘﻐﺮﺍﺏ ﺍﻟﺰﺑﺎﻳﻦ .. ﻛﻴﻒ ﻳﺪﺧﻠﻮﺍ ﻭﺣﺪﻩ " ﺳﺎﻓﺮﺓ " ﻟﻤﻜﺘﺒﻪ ﺇﺳﻼﻣﻴﻪ !!
ﺍﻟﺸﻴﺒﺎﻧﻲ : ﺗﻔﻀﻠﻲ ﻳﺎﺑﻨﺘﻲ ..
ﺍﺑﺘﺴﻤﺖ ﻳﺎﺭﺍ ﻭﺧﺸﺖ
ﺍﻟﺒﻨﺖ : ﻋﻨﺪﻙ ﻃﻠﺐ ﻣﻌﻴﻦ ﻭﻻﺗﺒﻲ ﺗﺸﻮﻓﻲ ﺑﺮﻭﺣﻚ ..
ﻳﺎﺭﺍ : ﺍﺣﻤﻢ .. ﻧﺒﻲ ﻛﺘﺎﺏ ﻳﺤﻜﻲ ... ﻋﻦ ﺍﻟﺼﻼﺓ ..
ﺷﺒﺤﻮﺍ ﻟﺒﻌﻀﻬﻢ ﻭﻫﻤﺎ ﻣﺒﺘﺴﻤﻴﻦ ..
ﺍﻟﺒﻨﺖ : ﺗﻤﺎﻡ ﺗﻌﺎﻟﻲ ﻧﻮﺭﻳﻚ ﻣﺠﻤﻮﻋﻪ ﻭﻧﻌﻄﻴﻚ ﻋﻨﻬﻢ ﻧﺒﺪﻩ ..
ﻳﺎﺭﺍ : ﺍﻧﻲ ﻧﺒﻲ ﻧﻌﺮﻓﻬﺎ ﻛﻮﻳﺲ ﻗﺒﻞ .. ﻧﺒﻲ ﺷﻲ ﻳﻌﺮﻓﻨﻲ ﺑﻴﻬﺎ ..
ﺍﺍﻟﺒﻨﺖ ﺍﺑﺘﺴﻤﺖ : ﻓﺎﻫﻤﻪ ﻋﻠﻴﻚ .. ﻭﻋﻨﺪﻱ ﻟﻴﻚ ﻛﺘﺎﺏ ﺣﻴﻔﻴﺪﻙ ﻫﻠﺒﻪ .. ﺗﻌﺎﻟﻲ ﻣﻌﺎﻱ ... ﻣﺸﺖ ﻭﻳﺎﺭﺍ ﻣﺸﺖ ﻭﺭﺍﻫﺎ ﻭﻛﺎﻧﺖ ﻣﺘﺮﺩﺩﻩ ﺑﻌﺾ ﺍﻟﺸﻲ .. ﺍﻭ ﻣﻤﻜﻦ ﺧﺎﻳﻔﻪ ...
ﺍﻟﺸﻴﺒﺎﻧﻲ : ﺍﻥ ﺷﺎﺀ ﺍﻟﻠﻪ ﺗﻠﻘﻰ ﺍﻟﻠﻲ ﺗﺒﻴﻪ ..
ﺍﻟﻤﺮﺍﺓ : ﺇﻥ ﺷﺎﺀ ﺍﻟﻠﻪ ..
ﺟﺎﻩ ﻭﺍﺣﺪ ﻣﻦ ﺍﻟﺰﺑﺎﻳﻦ : ﻛﻴﻒ ﺍﺩﺧﻞ ﻭﺣﺪﻩ ﺯﻱ ﻫﺎﺩﻱ ﻟﻤﻜﺘﺒﺘﻚ ﻳﺎﺩﻛﺘﻮﺭ ﻳﻮﺳﻒ ..
ﻳﻮﺳﻒ : ﻭﺷﻦ ﺗﺒﻴﻨﻲ ﻧﻠﺰﻫﺎ .. ﺍﺫﺍ ﺭﺏ ﺍﻟﻌﺰﺓ ﻳﺒﻴﻬﺎ ﺗﺨﺶ .. ﺗﺒﻴﻨﻲ ﺍﻧﻲ ﻧﻠﺰﻫﺎ !!
ﺍﻟﺮﺍﺟﻞ ﺳﻜﺖ ﻭﻭﻻ ﻟﻤﻜﺎﻧﻪ ...
***
ﺗﻔﻀﻞ ...
ﺧﺪﻱ ﻃﺎﺳﻪ ﻋﺼﻴﺮ ﺍﻟﻠﻴﻤﻮﻥ ﻭﻗﻌﺪ ﻳﺸﺮﺏ ..
: ﻳﺎﻧﻀﺎﻝ ﻳﺎﺧﻮﻱ ... ﺍﻟﻠﻲ ﺻﺎﺭﻟﻚ ﻫﻮ ﺿﻴﺎﻉ .. ﻟﺨﺒﻄﻪ .. ﻫﻮ ﺍﻧﺖ ﻣﻦ ﺯﻣﺎﻥ ﺍﻟﺤﺎﺟﻪ ﺍﻟﻠﻲ ﺗﺒﻴﻬﺎ ﺍﺩﻳﺮ ﻛﻞ ﺷﻲ ﺗﻘﺪﺭ ﻋﻠﻴﻪ ﺑﺶ ﺗﻮﺻﻠﻠﻬﺎ ﻭﻛﺎﻧﺖ ﻣﻴﺰﺓ ﻓﻴﻚ ﻛﻞ ﺍﻟﻠﻲ ﻭﻭﺻﻠﺘﻠﻪ ﺣﺎﺟﺎﺕ ﺍﺟﺎﺑﻴﻪ .. ﺑﺲ ﻫﺎﻟﻤﺮﺓ ﻫﺎﻟﻤﻴﺰﺓ ﻭﻟﺖ ﻋﻴﺐ .. ﻓﻲ ﺍﻟﻠﻲ ﺩﺭﺗﻪ ﻣﻊ ﻳﺎﺭﺍ .. ﻋﺠﺒﺎﺗﻚ ﻭﺗﺒﻲ ﺗﻮﺻﻠﻠﻬﺎ ﻭﻭﺻﻠﺘﻠﻬﺎ .. ﻭﺗﺨﻠﻲ
ﺕ ﻋﻦ ﺣﻨﺎﻥ ﺑﺶ ﻳﺴﻬﻞ ﻋﻠﻴﻚ ﺗﻮﺻﻞ ﻓﻲ ﻳﺎﺭﺍ ... ﺭﻏﺒﺘﻚ ﺧﻼﺗﻚ ﻣﺎﺗﺸﻮﻓﺶ ﻟﺒﻌﻴﺪ ... ﻭﻣﺎﺍﻧﺘﺐﻫﺘﺶ ﺍﻧﻚ ﺧﺴﺮﺕ ﺍﻟﻤﺮﺍﺓ ﺍﻟﻠﻲ ﺗﺤﺒﻬﺎ ﺑﺼﺪﻕ ..
ﻭﻟﻤﺎ ﻭﺻﻠﺖ ﺍﻟﻠﻲ ﺗﺒﻴﻪ ﻭﻗﻀﻴﺖ ﺍﻟﺮﻏﺒﻪ ... ﺍﺳﺘﺎﻗﺾﺕ ﻣﻦ ﺳﻜﺮﺗﻚ ﻭﺗﺒﻲ ﺗﻮﻟﻲ ﻟﻤﺮﺗﻚ ﻭﺣﻴﺎﺗﻚ ﺍﻷﻭﻟﻰ ﻷﻧﻪ ﻫﻤﺎ ﺍﻟﺤﺐ ﺍﻟﺤﻘﺎﻧﻲ ﺑﺎﻟﻨﺴﺒﻪ ﻟﻴﻚ .. ﻭﻫﻠﺒﻪ ﺭﺟﺎﻟﻪ ﺯﻳﻚ ..
ﻧﻀﺎﻝ : ﺯﻱ ﻛﻼﻡ ﻭﺍﺋﻞ ..
ﺍﺑﺘﺴﻢ : ﻧﻀﺎﻝ ﺍﻧﺖ ﻏﻠﻄﺘﺖ .. ﻟﻜﻦ ﻣﺶ ﻛﻞ ﻏﻠﻂ ﻳﺘﺼﻠﺢ .. ﻭﻣﺶ ﻛﻞ ﺍﻟﻠﻲ ﺍﻧﻜﺴﺮ ﻳﺘﺼﻠﺢ ﺯﻱ ﻣﺎﻳﻘﻮﻟﻮﺍ .. ﺍﻧﺴﻰ ﺣﻨﺎﻥ .. ﻭﺍﻃﻠﻖ ﺳﺮﺍﺣﻬﺎ ... ﺧﻼﺹ ﻣﻌﺎﺵ ﻟﻴﻜﻢ ﻓﻲ ﺑﻌﺾ ﻧﺼﻴﺐ .. ﻟﻜﻦ ﻳﺎﺭﺍ ﻫﻲ ﺍﻟﻠﻲ ﻏﻠﻄﺖ ﻣﻌﺎﻫﺎ ﺍﻛﺜﺮ .. ﻭﻫﻲ ﺍﻟﻠﻲ ﻣﻔﺮﻭﺽ ﺗﺼﻠﺢ ﻏﻠﻄﻚ ﻣﻌﺎﻫﺎ .. ﻭﻣﻤﻜﻦ ﺭﺑﻚ ﻋﻄﺎﻙ ﻓﺮﺻﻪ .. ﻭﻳﺒﻲ ﻳﺴﺘﻌﻤﻠﻚ ﻭﺣﻄﻚ ﻓﻄﺮﻳﻖ ﻫﺎﻟﻤﺮﺍﺓ ﺑﺶ ﻳﺠﺒﺮ ﺑﻴﻚ ﻗﻠﺒﻬﺎ ..
ﻧﻀﺎﻝ ﻗﻌﺪ ﻳﻔﻜﺮ ﻓﻲ ﻛﻼﻡ ﺧﻮﻩ ﺑﻌﺪﻳﻦ ﻗﺎﻝ : ﺑﺲ ﺍﻟﻤﺸﻜﻠﻪ ﺍﻧﻲ ﻗﺎﻋﺪ ﻧﺤﺐ ﺣﻨﺎﻥ ... ﻭﻗﺮﻳﺐ ﻧﻤﻮﺕ ﻋﻠﻴﻬﺎ ﻳﺎﻓﺎﺿﻞ ..
ﻓﺎﺿﻞ : ﺩﺱ ﻫﺎﻟﺤﺐ ﻓﻘﻠﺒﻚ .. ﻭﻻ ﺍﻧﺴﺎﻩ .. ﺧﻼﺹ ﻗﻀﻲ ﺍﻷﻣﺮ ..
ﻧﻀﺎﻝ ﺷﺮﺏ ﺍﻟﻌﺼﻴﺮ ﺩﻓﻌﻪ ﻭﺣﺪﻩ ﻣﻦ ﺣﺮﻗﺔ ﻗﻠﺒﻪ ﻭﻗﻌﺪ ﺳﺎﻛﺖ ﻭﺧﻮﻩ ﻳﺸﺒﺤﻠﻪ ﻭﻣﺒﺘﺴﻢ ..
***
ﺍﻧﺖ ﺗﺸﻮﻑ ﻭﻻ ﻣﺎﺗﺸﻮﻓﺶ .. ﺍﺭﺟﻮﻙ .. ﻣﻌﺎﻭﻳﻪ ﺍﺭﺟﻮﻙ ..
ﻣﻌﺎﻭﻳﻪ : ﺍﻃﻠﻌﻲ ﺍﻗﻠﺒﻲ ﻭﺟﻬﻚ ﻣﻦ ﺍﻟﺸﺮﻛﻪ ﻛﻠﻬﺎ ﻣﻌﺎﺵ ﻧﺒﻲ ﻧﺸﻮﻓﻚ ..
ﺍﻗﺒﺎﻝ ﺑﺒﻜﻲ : ﺣﺮﺍﻡ ﻋﻠﻴﻚ ﻣﻌﺎﻭﻳﻪ ﺣﺮﺍﻡ ﻋﻠﻴﻚ ..
ﻣﻌﺎﻭﻳﻪ : ﺑﺘﻄﻠﻌﻲ ﺑﻜﺮﺍﻣﺘﻚ ﻭﻻﻧﺨﻠﻴﻬﻢ ﻳﻄﻠﻌﻮﻙ ﻣﺶ ﺷﻌﺮﻙ ..
ﺍﻗﺒﺎﻝ ﻗﻌﺪﺕ ﺗﺸﺒﺤﻠﻪ ﺑﺘﻮﺳﻞ ...
ﻣﻌﺎﻭﻳﻪ ﺑﺼﻮﺕ ﻋﺎﻟﻲ : ﺍﻃﻄﻄﻄﻄﻄﻠﻌﻌﻌﻌﻌﻲ ..
ﺍﻧﺘﻔﻀﺖ ﻭﻃﻠﻌﺖ ... ﺗﺠﺮﻱ ﻭﻫﻲ ﺗﺒﻜﻲ .. ﺍﻣﺎ ﻫﻮ ﺯﻓﺮ ﺑﻘﻮﻩ ﻭﻭﻻ ﻗﻌﻤﺰ ﻉ ﻣﻜﺘﺒﻪ ﻓﺘﺢ ﺍﻟﺪﺭﺝ ﺧﺪﻱ ﻣﻨﻪ ﺑﻨﺎﺩﻭﻝ ﺑﻠﻌﻪ ﻣﻦ ﻏﻴﺮ ﻣﻴﻪ .. ﻭﺍﺗﻜﻰ ﻉ ﺍﻟﻜﺮﺳﻲ .. ﻭﻏﻤﺾ ﻋﻴﻮﻧﻪ ..
ﻓﻲ ﻣﻨﺘﺼﻒ ﺍﻟﻠﻴﻞ ..
ﺭﻭﺡ ﻣﺘﺄﺧﺮ ﻟﻠﻘﺼﺮ .. ﻭﻛﺎﻥ ﻣﺮﻫﻖ ﻉ ﺍﻵﺧﺮ .. ﺧﺶ ﻭﺻﻜﺮ ﺍﻟﺒﺎﺏ ..
ﺳﻤﻊ ﺻﻮﺕ ﺳﻴﺎﺭﻩ ﺧﺎﺷﻪ ﻭﻛﺄﻧﻬﺎ ﺗﺴﺘﻄﺮﺏ .. ﻓﺘﺢ ﺍﻟﺒﺎﺏ .. ﻭﻛﺎﻧﻮﺍ ﺭﺟﺎﻟﺘﻪ ﻭﺍﻗﻔﻴﻦ ﻗﺪﺍﻣﻪ ... ﺍﻧﻔﺘﺢ ﺑﺎﺏ ﺍﻟﺴﻴﺎﺭﻩ ﺑﻄﺮﻳﻘﻪ ﻏﺮﻳﺒﻪ
ﻃﻠﻌﺖ ﻣﻨﻬﺎ ﻭﻫﻲ ﺗﺪﻋﺪﻉ .. ﺛﻤﻠﻪ ...
ﻫﻮ ﺍﻧﺼﺪﻡ ﻟﻤﺎ ﺷﺎﻓﻬﺎ .. ﻭﻫﻲ ﻛﺎﻧﺖ ﺗﺸﺒﺤﻠﻪ ﻭﺗﻐﻨﻲ ﻓﻲ ﺃﻏﻨﻴﻪ ﻏﺮﺑﻴﻪ .. ﺗﺤﻜﻲ ﻋﻦ ﺍﻟﺤﺐ ﻭﺍﻟﻌﺬﺍﺏ ..
ﻫﻮ ﻭﺍﻗﻒ ﻳﺸﻮﻓﻠﻬﺎ ﻭﺧﻼﺹ .. ﻫﻲ ﻗﻌﺪﺕ ﺗﺸﺒﺤﻠﻪ ﻭﺗﻐﻨﻲ ﻭﺩﻣﻮﻋﻬﺎ ﻳﻨﺰﻟﻮﺍ ... ﻭﻛﻴﻒ ﺟﺎﻳﻪ ﺑﺘﺮﻛﺐ ﺍﻟﺪﺭﻭﺝ ﻋﺘﺮﺕ ﻭﻃﺎﺣﺖ ﻫﻮ ﻧﺰﻟﻠﻬﺎ ..
ﻣﻌﺎﻭﻳﻪ : ﺍﻗﺒﺎﻝ ..
ﺍﻗﺒﺎﻝ ﺑﺼﻮﺕ ﺭﻛﻴﻚ : ﻧﺤﺒﻚ .. ﻭﻏﻤﻀﺖ ﻋﻴﻮﻧﻬﺎ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺑﻀﺠﺮ ... ﻗﺎﻣﻬﺎ ﻓﻲ ﺣﻀﻨﻪ ... ﻭﺭﻛﺐ ﺑﻴﻬﺎ ﻭﺧﺶ ﻟﻠﻘﺼﺮ ... ﻭﺗﻮﺟﻪ ﺑﻴﻬﺎ ﻟﺪﺍﺭ ﻟﻮﻃﺎ ﻟﻠﻀﻴﻮﻑ .. ﺧﺶ ﺑﻴﻬﺎ ﻟﻠﺪﺍﺭ ﺑﻌﺪ ﻓﺘﺤﺘﻠﻪ ﺍﻟﺨﺪﺍﻣﻪ ﺑﺎﺑﻬﺎ ...
ﻣﻌﺎﻭﻳﻪ : ﺑﺮﻱ ﺗﻮﺍ ..
ﻣﺸﺖ ﺍﻟﺨﺪﺍﻣﻪ ... ﻭﻫﻮ ﺣﻂ ﺍﻗﺒﺎﻝ ﻉ ﺍﻟﺴﺮﻳﺮ .. ﻫﻲ ﻟﻔﺖ ﺍﻳﺪﻳﻬﺎ ﻉ ﺭﻗﺒﺘﻪ ﻭﺣﺎﻭﻟﺖ ﺗﺒﻮﺳﻪ .. ﻫﻮ ﺣﻮﻝ ﺍﻳﺪﻳﻬﺎ ﺑﻌﻨﻒ ....
ﻣﻌﺎﻭﻳﻪ : ﺍﺭﻗﺪﻱ ... ﻳﺎﻣﺼﻴﺒﻪ ...
ﻭﻫﻲ ﺷﺒﻪ ﻣﺶ ﻭﺍﻋﻴﻪ : ﻧﺤﺒﻚ ... ﻧﺒﻴﻚ ..
ﻣﻌﺎﻭﻳﻪ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﺿﺮﺏ ﺍﻳﺪﻳﻪ ﺑﺒﻌﺾ .. ﻭﻃﻠﻊ ﻭﺻﻜﺮ ﺍﻟﺒﺎﺏ ..
ﻭﻣﺸﻲ ﻟﺪﺍﺭﻩ ... ﺩﻭﺵ ﻭﺭﻗﺪ .. ﻭﺍﻭﻝ ﻣﺎﺻﺒﺢ ﺍﻟﺼﺒﺢ ﻧﺎﺽ .. ﺑﻌﺪ ﺍﻟﺮﻭﺗﻴﻦ ﺍﻟﻤﻌﺘﺎﺩ .. ﺩﻭﺵ .. ﻭﻟﺒﺲ .. ﻭﻛﺎﻥ ﺑﻜﺎﻣﻞ ﺍﻧﺎﻗﺘﻪ .. ﻧﺰﻝ . ﻭﺗﻮﺟﻪ ﻟﻠﺪﺍﺭ ﺍﻟﻠﻲ ﻓﻴﻬﺎ ﺍﻗﺒﺎﻝ .. ﻓﺘﺢ ﺍﻟﺒﺎﺏ ﻟﻘﺎﻫﺎ ﻗﺎﻋﺪﻩ ﺭﺍﻗﺪﻩ .. ﺻﻜﺮ ﺍﻟﺒﺎﺏ .. ﻭﺍﺗﺼﻞ ﻃﻮﻝ ﺑﺄﻣﻬﺎ ﻧﺎﺩﻯ ﻣﺮﺓ ﺍﺗﻨﻴﻦ ﺗﻼﺛﻪ ﻟﻴﻦ ﻓﺼﻞ ..
ﺗﺄﻓﻒ .. ﻭﻋﺎﻭﺩ ﻣﻦ ﺟﺪﻳﺪ .. ﺑﻌﺪ ﻧﺎﺩﻯ ﺍﻛﺜﺮ ﻣﻦ ﻣﺮﻩ .. ﺭﺩﺕ ..
ﺳﻤﻴﻪ ﺑﺼﻮﺕ ﻧﺎﻋﺲ : ﺁﺍﺍﻟﻮ ..
ﻣﻌﺎﻭﻳﻪ ﺑﻌﺼﺒﻴﻪ : ﺭﺍﻗﺪﻩ .... ﻣﺎﺷﺎﺀ ﺍﻟﻠﻪ ..
ﺳﻤﻴﻪ ﻧﺎﺿﺖ : ﺷﻦ ﻓﻲ ..
ﻣﻌﺎﻭﻳﻪ : ﺗﻌﺮﻓﻲ ﺑﻨﺘﻚ ﻭﻳﻦ ..
ﺳﻤﻴﻪ ﺍﺗﺜﺎﻭﺑﺖ : ﺭﺍﻗﺪﻩ ...
ﻣﻌﺎﻭﻳﻪ ﺑﺘﻬﻜﻢ : ﺍﻳﻪ ﺭﺍﻗﺪﻩ ﻋﻨﺪﻱ ..
ﺳﻤﻴﻪ ﻓﺮﺣﺖ : ﺑﺠﺪﻳﺎﺕ ..
ﻣﻌﺎﻭﻳﻪ " ﻣﺎﺣﻘﺮﻙ :" ﺭﺍﻗﺪﻩ ﻓﻲ ﺟﻨﺎﺡ ﺍﻟﻀﻴﻮﻑ .. ﺑﻌﺪ ﻣﺎﺟﺘﻨﻲ ﺍﻣﺲ ﻭﻛﺎﻧﺖ ﻣﻄﻔﻴﻪ ﻣﻦ ﺍﻟﺸﺮﺏ .. ﺍﺳﻤﻌﻲ ﻣﻦ ﺍﻷﺧﻴﺮ .. ﺍﻧﻲ ﻣﻌﺎﺵ ﻧﺒﻲ ﻧﻌﺮﻓﻜﻢ ﺧﺎﺭﺝ ﺍﻃﺎﺭ ﺍﻟﻌﻤﻞ .. ﻭﺑﻨﺘﻚ ﻭﺟﻬﻬﺎ ﻓﻲ ﺍﻟﺸﺮﻛﻪ ﻣﻌﺎﺵ ﻧﺒﻲ ﻧﺸﻮﻓﻪ .. ﻭﻧﻮﺿﻲ ﺳﻘﺪﻱ ﺭﻭﺣﻚ ﻭﺗﻌﺎﻟﻲ ﺧﻮﺩﻳﻬﺎ ﻣﻦ ﻫﻨﻲ ... ﻭﺻﻜﺮ ﻋﻠﻴﻬﺎ ..
ﻭﻃﻠﻊ ﻣﻦ ﺍﻟﻘﺼﺮ ﻣﺘﻮﺟﻪ ﻟﻠﺸﺮﻛﻪ ﻣﻦ ﻏﻴﺮ ﻓﻄﻮﺭ ﻣﻦ ﻛﺜﺮ ﻣﺎﻫﻮ ﻣﻌﺼﺐ ..
ﺑﻌﺪ ﺳﺎﻋﻪ ...
ﺟﺖ ﺳﻤﻴﻪ ﻟﻠﻘﺼﺮ ﻭﺭﻓﻌﺘﻬﺎ ﺍﻟﺨﺪﺍﻣﻪ ﻭﻳﻦ ﻣﺎﻣﻮﺟﻮﺩﻩ ﺑﻨﺘﻬﺎ .. ﻧﻮﺿﺘﻬﺎ ﻭﺍﻗﺒﺎﻝ ﻧﺎﺿﺖ ﺑﺎﻟﺴﻴﻒ .. ﻭﺍﻣﻬﺎ ﺗﻬﺰﺏ ﻓﻴﻬﺎ .. ﻣﺶ ﻟﺸﻲ .. ﻏﻴﺮ ﺍﻧﻬﺎ ﺣﺴﺖ ﺑﺎﻹﻫﺎﻧﻪ ﻣﻦ ﻣﻌﺎﻭﻳﻪ ..
ﻣﻬﺎ ﻓﺎﻗﺖ ﻭﻧﺰﻟﺖ ﻟﻮﻃﺎ .. ﺗﻔﺎﺟﺌﺖ ﻟﻤﺎ ﺷﺎﻓﺖ ﺍﻗﺒﺎﻝ ﻭﺳﻤﻴﻪ ..
ﻣﻬﺎ ﻗﺪﻣﺘﻠﻬﻢ : ﺷﻦ ﻓﻲ ..
ﺳﻤﻴﻪ : ﻗﻮﻟﻲ ﺻﺒﺎﺡ ﺍﻟﺨﻴﺮ ..
ﻣﻬﺎ : ﺍﻣﺎ ﺧﻴﺮ ﻫﺬﺍ .. ﺧﻴﺮﻫﺎ ﻫﺎﺩﻱ ﻫﻜﻲ ﺭﺍﻳﺤﻪ .. ﺷﻦ ﺟﺎﺑﻜﻢ ﻉ ﺍﻟﺼﺒﺢ ..
ﺍﻗﺒﺎﻝ ﺍﺑﺘﺴﻤﺖ ﺑﺨﺒﺚ ﻭﻗﺪﻣﺘﻠﻬﺎ : ﻛﻨﺖ ﺑﺎﻳﺘﻪ ﻫﻨﻲ ... ﻏﻤﺰﺗﻠﻬﺎ ﻭﻣﺸﺖ ﻃﻠﻌﺖ ﻣﻦ ﺍﻟﻘﺼﺮ ..
ﻣﻬﺎ ﺍﻧﺼﺪﻣﺖ ﻭﻗﻠﺒﻬﺎ ﻭﺟﻌﻬﺎ ﺍﻟﺘﻔﺘﺖ ﻟﺴﻤﻴﻪ ﻭﻗﺎﻟﺖ ﺑﻐﻀﺐ : ﻟﻤﺎ ﺍﺑﻠﻴﺲ ﻳﺮﺟﻊ ﻳﺨﺶ ﺍﻟﺠﻨﻪ ﺑﻨﺘﻚ ﺣﺘﺨﺶ ﺍﻟﺤﻮﺵ ﻫﺬﺍ ﻓﻲ ﻣﻜﺎﻥ ﺍﻣﻲ ..
ﺳﻤﻴﻪ ﻗﺪﻣﺘﻠﻬﺎ ﻭﺑﺘﻬﻜﻢ : ﺍﻧﻲ ﺍﺳﺎﺳﺎ ﻣﻌﺎﺵ ﻧﺒﻲ ﺑﻨﺘﻲ ﺗﻌﺮﻑ ﺑﻮﻙ ﺑﺶ ﻣﺎﻳﻜﻮﻧﺶ ﻣﺼﻴﺮﻫﺎ ﺯﻱ ﺍﻣﻚ ... ﻭﺗﻤﻮﺕ ﻣﻨﺘﺤﺮﻩ ...
ﻣﻬﺎ ﺍﻧﺼﻌﻘﺖ ﻣﻦ ﺍﻟﻠﻲ ﺳﻤﻌﺎﺗﻪ ﻭﻗﺎﻟﺖ ﺑﺼﻮﺕ ﻣﺨﻨﻮﻕ : ﺍﻧﺘﻲ .. ﻛﺬﺍﺑﻪ ..
ﺳﻤﻴﻪ : ﻻﺣﺒﻴﺒﺘﻲ .. ﻣﺶ ﻛﺬﺍﺑﻪ .. ﺟﺮﺑﻲ ﺍﺳﺄﻟﻲ ﺑﻮﻙ ﻭﻗﻮﻟﻠﻴﻪ ﺍﻣﻲ ﻛﻴﻒ ﻣﺎﺗﺖ .. ﻟﻮﻗﺎﻟﻚ ﻣﺎﺗﺖ ﺑﺤﺎﺩﺙ .. ﺣﻴﻜﻮﻥ ﻗﺎﻳﻠﻚ ﻧﺺ ﺍﻟﺤﻘﻴﻘﻪ .. ﺍﻣﻚ ﻣﺎﺗﺖ ﺑﺤﺎﺩﺙ ﺻﺢ ﺑﺲ ﻣﻨﺘﺤﺮﻩ ﺑﺴﺒﺐ ﺑﻮﻙ ... ﻭﻣﺎﻧﺒﻴﺶ ﺑﻨﺘﻲ ﺗﻠﻘﻰ ﻧﻔﺲ ﺍﻟﻤﺼﻴﺮ ﻣﻊ ﺑﻮﻙ ﺍﻟﻠﻲ ﻣﺎﻳﻌﺮﻓﺶ ﻳﺤﺐ ﺣﺘﻰ ﻧﻔﺴﻪ ... ﻭﺗﻮﺍ ﺑﺎﻱ ﻳﺎﺑﺮﻧﺴﺲ ... ﻭﻃﻠﻌﺖ
ﻭﺧﻠﺖ ﻣﻬﺎ ﺟﺎﻣﺪﻩ ﻓﻲ ﻣﻜﺎﻧﻬﺎ ﻭﻣﺼﺪﻭﻣﻪ ﺍﻛﺒﺮ ﺻﺪﻣﻪ ﻭﺍﻗﻮﻯ ﺻﺪﻣﻪ ﻣﻤﻜﻦ ﺗﺘﻠﻘﺎﻫﺎ ﺑﻨﺖ ﻓﻲ ﻋﻤﺮﻫﺎ ..
... ﻳﺘﺒﻊ ...
٠٨ / ١١ / ٢٠٢٠ · Facebook for Android · ﺭ
