❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ _ ﺍﻟﺘﺎﺳﻊ
ﺩﺍﺭ ﻛﺒﻴﺮﺓ ... ﺩﺍﺭ ﻣﻬﺎ .. ﻫﺪﻭﺀ ﺗﺎﻡ .... ﻗﻄﻊ ﻫﺎﻟﻬﺪﻭﺀ ﺻﻮﺕ ﺍﻟﺒﺎﺏ ﺍﻟﻠﻲ ﺍﻧﻔﺘﺢ ﺑﻘﻮﺓ ... ﻛﺎﻥ ﻫﻮ ﺟﺎﻳﺒﻬﺎ ﻣﻦ ﺫﺭﺍﻋﻬﺎ ﻳﺠﺮ ﻓﻴﻬﺎ ... ﺻﻜﺮ ﺍﻟﺒﺎﺏ ﺑﺮﺟﻠﻪ ﻣﻦ ﺍﻟﺨﻠﻒ ﺑﻘﻮﺓ ﻟﻴﻦ ﺗﻘﺮﺑﻊ ... ﺩﻓﻬﺎ ﺟﻬﺔ ﺍﻟﺴﺮﻳﺮ ﻟﻜﻦ ﻫﻲ ﺷﺪﺕ ﺭﻭﺣﻬﺎ ﻭﻣﺎﻃﺎﺣﺘﺶ ... ﻗﺪﻣﻠﻬﺎ ...
ﻣﻌﺎﻭﻳﻪ ﺑﻨﻈﺮﺓ ﺗﺨﻮﻑ ﻭﻏﻀﺐ ﺷﺪﻳﺪ : ﺷﻦ ﺍﻟﻌﺎﺭ ﺍﻟﻠﻲ ﺩﺭﺗﻴﻪ ﻟﻮﻃﺎ .. ﺷﻦ ﺍﻟﻔﻀﻴﺤﻪ ﺍﻟﻠﻲ ﺩﺭﺗﻬﺎﻟﻲ ... ﺷﻨﻮ ﻫﺬﺍ .. ﻭﺣﻂ ﺍﻳﺪﻩ ﻉ ﺭﺍﺳﻬﺎ ﻭﺟﺒﺪ ﺍﻟﻮﺷﺎﺡ ﺑﻘﻮﺓ ﻭﻟﻮﺣﻪ ﻟﻮﻃﺎ ..
ﻣﻬﺎ ﺷﺒﺤﺖ ﻟﻠﻮﺷﺎﺡ ﺑﻌﺪﻳﻦ ﺷﺒﺤﺘﻠﻪ ﺑﻨﻈﺮﺓ ﺣﺎﺩﻩ ﻭﻷﻭﻝ ﻣﺮﺓ ﻣﻬﺎ ﺗﺮﺩ ﻉ ﺑﻮﻫﺎ ﻭﺑﻘﻮﺓ ﺍﺑﺘﺴﻤﺖ ﺗﻬﻜﻤﺎ : ﺣﺮﻳﻪ ﺷﺨﺼﻴﻪ .. ﺍﻧﻲ ﺣﺮﻩ .. ﺣﺮﻩ ﻧﻠﺒﺲ ﺍﻟﻠﻲ ﻧﻠﺒﺴﻪ ﻧﺪﻳﺮ ﺍﻟﻠﻲ ﻧﺪﻳﺮﻩ .. ﻣﺎﻟﻴﻜﺶ ﺍﻟﺤﻖ ﺗﺘﺤﻜﻢ ﻓﻘﺮﺍﺭﺍﺗﻲ ﻋﻤﺮﻱ 18 ﺳﻨﻪ ﻧﻌﺮﻑ ﺷﻦ ﺩﻳﺮ .. ﻣﺎﺣﺪ ﻳﻮﺟﻬﻨﻲ .. ﺍﻧﻲ ﺣﺮﻩ ... ﻭﻻﺷﻨﻮ ﻳﺎﻣﺘﺤﺮﺭ ﻳﺎﺣﻀﺎﺭﻱ ..
ﻣﻌﺎﻭﻳﻪ ﻣﺼﺪﻭﻡ ﻉ ﺍﻵﺧﺮ ﻭﻋﻴﻮﻧﻪ ﻗﺮﻳﺐ ﻳﻄﻠﻌﻮﺍ ﻣﻦ ﻛﺜﺮ ﻣﺎﺟﺤﻈﻮﺍ ﻓﻴﻬﺎ .. ﻟﻒ ﻭﻣﺸﻲ ﺧﻄﻮﺗﻴﻦ ﺣﻂ ﺍﻳﺪ ﻓﻲ ﻓﻨﺼﻪ ﻭﺍﻟﻴﺪ ﺍﻟﺘﺎﻧﻴﻪ ﻣﺴﺢ ﺑﻴﻬﺎ ﻉ ﻭﺟﻬﻪ ... ﻭﺯﻓﺮ ﺑﻘﻮﺓ .. ﻭﺍﻟﺘﻔﺘﻠﻬﺎ ..
ﻣﻌﺎﻭﻳﻪ ﺑﺤﺪﻩ : ﺣﻈﻚ ﺣﻠﻮ ﺍﻧﻲ ﻣﺸﻐﻮﻝ ﻫﻠﺒﻪ .. ﻭﺍﻧﻲ ﻏﺪﻭﺓ ﻣﺴﺎﻓﺮ ﻭﺣﻨﻄﻮﻝ ﻓﺴﻔﺮﺗﻲ .. ﺑﻨﺒﺮﺓ ﺗﻬﺪﻳﺪ ... ﻟﻜﻦ ﻟﻤﺎ ﻧﺮﻭﺡ ﺣﻨﺘﻔﺎﻫﻢ ﻣﻌﺎﻙ ﺑﺸﻜﻞ ﺗﺎﻧﻲ ... ﺷﻜﻞ ﺃﻧﺘﻲ ﺍﺟﺒﺮﺗﻴﻨﻲ ﻋﻠﻴﻪ .. ﻭﻣﺸﻲ ﺑﺨﻄﻮﺍﺕ ﻛﻠﻬﺎ ﻏﻀﺐ ﻭﻃﻠﻊ ﻭﻗﺮﺑﻊ ﺍﻟﺒﺎﺏ ﻭﺭﺍﻩ ...
ﻣﻬﺎ ﺭﻛﺰﺕ ﻉ ﺍﻟﺒﺎﺏ ﻫﻠﺒﻪ .. ﺑﻌﺪﻳﻦ ﻓﺠﺄﺓ ﻣﻼﻣﺢ ﻭﺟﻬﻬﺎ ﺑﺪﺕ ﺗﺘﺒﺪﻝ ﺍﺭﺗﺴﻤﺖ ﻉ ﻭﺟﻬﻬﺎ ﺇﺑﺘﺴﺎﻣﻪ ﻋﺮﻳﻀﻪ ﺑﻌﺪﻳﻦ ﺿﺤﻜﺖ ... ﻓﺮﺣﺎﻧﻪ ﺍﻳﻪ ﻓﺮﺣﺎﻧﻪ .. ﻭﺍﺧﻴﺮﺍ ﺗﻜﻠﻤﺖ ﻭﺍﺟﻬﺖ ﻃﻠﻌﺖ ﺍﻟﻠﻲ ﻓﻘﻠﺒﻬﺎ .. ﻣﺎﺣﺴﺘﺶ ﺑﺎﻟﺨﻮﻑ ﺑﻜﻞ .
ﻟﻔﺖ ﻟﻠﻮﺷﺎﺡ ﻃﺒﺴﺖ ﺧﺪﺍﺗﻪ ﻭﺍﺭﺗﻤﺖ ﻉ ﺍﻟﺴﺮﻳﺮ ﺑﻔﺮﺡ ﻭﻫﻲ ﺗﻀﺤﻚ ..
***
ﻣﻊ ﺍﻟﺴﺎﻋﻪ ...2
ﺣﻨﺎﻥ ﻛﺎﻧﺖ ﺭﺍﻗﺪﻩ ﻣﻊ ﺑﻨﺎﺗﻬﺎ ﻓﻲ ﺍﻟﺪﺍﺭ ... ﺗﺬﻛﺮ ﻓﻲ ﺍﻟﻠﻲ ﺻﺎﺭ ﺍﻟﻴﻮﻡ ... ﺗﺄﻛﺪﺕ ﺍﻥ ﻫﻲ ﻣﻌﺎﺵ ﻟﻴﻬﺎ ﻣﻜﺎﻥ ﻓﻲ ﺣﻴﺎﺓ ﻧﻀﺎﻝ ﺧﻼﺹ .. ﻭﻟﻮﻻ ﺍﻥ ﻫﻲ ﻃﻠﺒﺖ ﺗﻘﻌﺪ ﻉ ﺫﻣﺘﻪ ﻟﻔﺘﺮﺓ ﻣﺤﺪﺩﻩ .. ﺭﺍﻫﻲ ﻣﻄﻠﻘﻪ ﺗﻮﺍ ... ﻗﺮﺭﺕ ﺇﻥ ﻫﻲ ﻛﺬﻟﻚ ﻻﺯﻡ ﺗﻄﻠﻌﻪ ﻣﻦ ﺣﻴﺎﺗﻬﺎ ﺗﻤﺎﻣﺎ ... ﺧﻼﺹ .. ﻙﻟﻬﺎ ﻓﺘﺮﻩ ﻭﺣﻴﻨﻔﺼﻠﻮﺍ ﺗﻤﺎﻣﺎ ﻋﻦ ﺑﻌﺾ .. ﺧﻼﺹ ﻧﻀﺎﻝ ﻣﺎﺿﻲ ﻭﺻﻔﺤﺘﻪ ﺍﻧﻄﻮﺕ ﻟﻸﺑﺪ ...
***
ﻣﻌﻠﻴﺸﻲ ﻫﻲ ﻓﻲ ﺳﻦ ﺻﻌﺒﻪ ﻭﺍﻟﻠﻲ ﻓﺴﻨﻬﺎ ﺗﺘﻠﺨﺒﻂ ﺍﻓﻜﺎﺭﻫﻢ ﻋﺎﺩﻱ ﻳﻌﻨﻲ ...
ﻣﻌﺎﻭﻳﻪ : ﺃﺣﺮﺟﺘﻨﻲ ﺣﻄﺘﻨﻲ ﻓﻲ ﻣﻮﻗﻒ ﻣﺎﻛﻨﺘﺶ ﻧﺘﻮﻗﻊ ﺍﻧﻲ ﻧﻨﺤﻂ ﻓﻴﻪ ﻓﻌﻤﺮﻱ ..
ﺇﻗﺒﺎﻝ : ﻓﻌﻼ ﻣﻮﻗﻒ ﺻﻌﺐ ﻫﻠﺒﻪ .. ﻛﻴﻒ ﺩﻳﺮ ﻫﻜﻲ ﻓﺒﻮﻫﺎ ..
ﺃﻳﻤﻦ " ﻳﺎﺣﻘﻴﺮﻩ .."
ﻣﻌﺎﻭﻳﻪ : ﺍﺳﻤﻊ ﻛﻠﻢ ﺍﻟﺼﺤﺎﻓﻪ ﺍﻟﻠﻲ ﺟﻮﺍ ﺍﻟﻴﻮﻡ ﻭﺩﺧﻞ ﻓﻴﻬﺎ ﻟﻮﺍﺿﻄﺮﻳﺖ ﻧﺎﺱ ﻣﻦ ﺍﻟﻜﺒﺎﺭ ﺑﺶ ﻣﺎﻳﻨﺸﺮﻭﺍ ﺷﻲ ﻣﻦ ﺍﻟﻤﻬﺰﻟﻪ ﺍﻟﻠﻲ ﺻﺎﺭﺕ ﺍﻟﻴﻮﻡ ..
ﺃﻳﻤﻦ : ﺇﻥ ﺷﺎﺀ ﺍﻟﻠﻪ ...
ﺇﻗﺒﺎﻝ : ﺑﻨﺘﻚ ﻫﺎﺩﻱ ﻻﺯﻡ ﺩﻳﺮﻟﻬﺎ ﺣﻞ ﺳﺮﻳﻊ ﻳﺎﻣﻌﺎﻭﻳﻪ ...
ﺍﻳﻤﻦ ﺑﻌﺼﺒﻴﻪ : ﺍﺳﻜﺘﻲ ﺍﺑﻠﻊ ﻟﺴﺎﻧﻚ ﺍﻟﻠﻲ ﻣﺎﻳﺒﺦ ﻏﻴﺮ ﻓﻲ ﺍﻟﺴﻢ ..
ﻣﻌﺎﻭﻳﻪ : ﺍﻧﺘﻮﺍ ﺍﻟﺰﻭﺯ ﺭﺍﺳﻲ ﻳﻮﺟﻊ ﻓﻴﺎ ﻗﺮﻳﺐ ﻳﻨﻔﺠﺮ ﺍﻃﻠﻌﻮﺍ ﺗﻌﺎﺭﻛﻮﺍ ﺑﺮﺍ ...
ﺷﺒﺤﻮﺍ ﻟﺒﻌﻀﻬﻢ ﺍﻟﺰﻭﺯ ﺑﻐﻞ ﺣﻴﻮﻩ ﻭﻟﻔﻮﺍ ﻃﻠﻌﻮﺍ ..
ﻭﻣﻌﺎﻭﻳﻪ ﺣﻂ ﺍﻳﺪﻩ ﻉ ﺭﺍﺳﻪ ﻭﻏﻤﺾ ﻋﻴﻮﻧﻪ ﺑﺸﺪﻩ ﻣﻦ ﻗﻮﺓ ﺍﻷﻟﻢ ...
ﺑﺮﺍ ..
ﺃﻗﺒﺎﻝ ﺷﺪﺕ ﺫﺭﺍﻉ ﺃﻳﻤﻦ : ﺍﺳﻤﻊ ﻣﺎﺗﺤﻄﺶ ﺭﺍﺳﻚ ﻣﻦ ﺭﺍﺳﻲ ﻭﺍﻟﺰﻡ ﺣﺪﻙ ..
ﺍﻳﻤﻦ ﺷﺒﺢ ﻟﻴﺪﻫﺎ ﺑﺈﺯﺩﺭﺍﺀ ﻭﻧﻔﻀﻬﺎ ﻭﺍﺑﺘﺴﻢ ﺗﻬﻜﻤﺎ ﻭﺧﻼﻫﺎ ﻭﻣﺸﻲ ...
ﺇﻗﺒﺎﻝ : ﻣﺎﻧﺒﺪﺍﺵ ﺍﻗﺒﺎﻝ ﻛﺎﻥ ﻣﺎﻃﻴﺮﺗﻚ ﻳﺎﺗﺎﻓﻪ ..
***
ﺗﺎﻧﻲ ﻳﻮﻡ ...
ﺍﻧﺘﻲ ﻣﺘﺄﻛﺪﻩ ﺍﻧﻚ ﺗﻘﺪﺭﻱ ﺗﻤﺸﻲ ..
ﻟﺒﻨﻰ ﺑﺈﺑﺘﺴﺎﻣﻪ : ﺍﻳﻪ ﻳﺎﻣﺎﻣﺎ ﻣﺎﺗﺨﺎﻓﻴﺶ ﻋﻠﻴﺎ ﺣﺒﻴﺒﺘﻲ ﻭﺣﻀﻨﺘﻬﺎ ﻭﺑﺎﺳﺘﻬﺎ .. ﺩﻣﻌﻮﺍ ﻋﻴﻮﻧﻬﺎ ﺑﺲ ﺷﺪﺕ ﺍﻟﺪﻣﻮﻉ ﻉ ﺧﺎﻃﺮ ﺃﻣﻬﺎ ..
ﺑﻌﺪﺕ ﻟﺒﻨﻰ ﻭﺷﺒﺤﺘﻠﻬﺎ ﺃﻣﻬﺎ ﺑﺄﺑﺘﺴﺎﻣﻪ : ﻫﺎﺩﻱ ﺑﻨﺘﻲ ﺍﻧﻲ ..
ﺍﺑﺘﺴﻤﺖ ﻟﺒﻨﻰ ﻭﻟﻔﺖ ﻭﻣﺸﺖ ﻟﺒﺎﺻﻬﺎ ﻭﻣﺠﺮﺩ ﻣﺎﻟﻔﺖ ﺍﺧﺘﻔﺖ ﺇﺑﺘﺴﺎﻣﺘﻬﺎ ﻭﺩﻣﻮﻋﻬﺎ ﻧﺰﻟﻮﺍ ﻣﺴﺤﺘﻬﻢ ﺑﺴﺮﻋﻪ ﻭﺭﻛﺒﺖ ﻟﺒﺎﺻﻬﺎ ... ﻭﺣﻨﺎﻥ ﺗﻨﻬﺪﺕ ﺑﺄﻟﻢ ﻭﺧﺸﺖ ﺩﺍﺧﻞ ﺷﺒﺤﺖ ﻟﺮﻫﻒ ﺍﻟﻠﻲ ﻛﺎﻧﺖ ﻃﺎﻟﻌﻪ ..
ﺭﻫﻒ : ﻣﺎﺗﺒﻲ ﺷﻲ ﻣﺎﻣﺎ ..
ﺣﻨﺎﻥ : ﺳﻼﻣﺘﻚ ﻳﺎﺩﻛﺘﻮﺭﻩ ..
ﺭﻫﻒ ﺍﺑﺘﺴﻤﺖ ﺑﺎﺳﺖ ﺍﻣﻬﺎ ﻭﻃﻠﻌﺖ ... ﺣﻨﺎﻥ ﻣﻌﺎﻫﺎ ﺑﻌﻴﻮﻧﻬﺎ ... ﺍﻟﺘﻔﺘﺖ ﺭﻫﻒ ﻷﻣﻬﺎ ﺍﺑﺘﺴﻤﺖ ﻭﺑﻌﺘﺖ ﺑﻮﺳﻪ ﻃﺎﻳﺮﻩ .. ﺿﺤﻜﺖ ﺣﻨﺎﻥ .. ﻟﻔﺖ ﺭﻫﻒ ﻭﻧﻔﺲ ﺍﻟﺸﻲ ﺗﻐﻴﺮﺕ ﻣﻼﻣﺢ ﻭﺟﻬﻬﺎ ﻭﺭﻛﺒﺖ ﺍﻟﺴﻴﺎﺭﻩ ... ﻭﺗﺤﺮﻙﺕ ..
ﻃﻮﻝ ﺍﻟﻄﺮﻳﻖ ﻛﺎﻧﺖ ﺭﻫﻒ ﺗﺘﻔﻜﺮ ﻓﻲ ﺍﻟﻜﻼﻡ ﺍﻟﻠﻲ ﺻﺎﺭ ﺑﻴﻨﻬﺎ ﻭﺑﻴﻦ ﺃﺧﺘﻬﺎ ... ﺑﻌﺪ ﺍﻟﻔﺠﺮ ﻓﻲ ﺍﻟﺒﻼﻛﻮﻧﻪ .. ﻭﺍﻣﻪﻡ ﺭﺍﻗﺪﻩ ..
ﻓﻼﺵ ﺑﺎﻙ
ﻟﺒﻨﻰ ﺑﺪﻣﻮﻉ : ﻣﺎﻣﺎ ﺗﺒﻲ ﺗﺒﺎﻥ ﻗﻮﻳﻪ ﻗﺪﺍﻣﻨﺎ ﻉ ﺧﺎﻃﺮﻧﺎ ..
ﺭﻫﻒ : ﺻﺢ .. ﺍﻟﻠﻪ ﺑﺲ ﻳﻌﻠﻢ ﺑﺎﻟﻠﻲ ﺗﺤﺲ ﺑﻴﻪ .. ﻭﺣﺪﻩ ﺗﺎﻧﻴﻪ ﻳﺎﻟﺒﻨﻰ ﺭﺍﻫﻲ ﻣﺎﺧﻠﺖ ﻣﺎﺩﺭﺍﺕ .. ﺭﺍﻫﻲ ﻃﻠﺒﺖ ﺍﻟﻄﻼﻕ .. ﻭﻗﺎﻟﺘﻼ ﺧﻮﺩ ﺑﻨﺎﺗﻚ .. ﻭﻣﺸﺖ ﺷﺎﻓﺖ ﺣﻴﺎﺗﻬﺎ ﻭﺗﺰﻭﺟﺖ ﺑﻌﺪ ﺍﻟﻌﺪﻩ ﻃﻮﻝ ﺑﺶ ﺗﺒﺮﺩ ﻗﻠﺒﻬﺎ .. ﻭﻻﻫﻤﻬﺎ ﺷﻲ ..
ﻟﺒﻨﻰ ﺍﻟﺘﻔﺘﺖ ﻷﻣﻬﺎ ﺗﺸﺒﺤﻠﻬﺎ ﻭﻫﻲ ﺭﺍﻗﺪﻩ : ﻣﺎﻣﺎ ﻣﺎﻓﻴﺶ ﺯﻳﻬﺎ ﻓﻲ ﺍﻟﺪﻧﻴﺎ .. ﻭﺍﺑﺘﺴﻤﺖ ﻭﺩﻣﻮﻋﻬﺎ ﻧﺰﻟﻮﺍ ... ﺷﺒﺤﺖ ﻟﺮﻫﻒ ..
ﻟﺒﻨﻰ : ﺣﺘﻰ ﺍﺣﻨﻲ ﻻﺯﻡ ﻧﻜﻮﻧﻮﺍ ﺍﻗﻮﻯ ﻉ ﺧﺎﻃﺮﻫﺎ .. ﻻﺯﻡ ﻧﻌﻮﺿﻮﻫﺎ .. ﻭﺗﺤﺲ ﺍﻥ ﺗﻌﺒﻬﺎ ﺍﻟﺴﻨﻴﻦ ﻫﺎﺩﻱ ﻛﻠﻬﺎ ﻣﺎﺭﺍﺣﺶ ﻉ ﺍﻟﻔﺎﺿﻲ ...
ﺭﻫﻒ ﺷﺒﺤﺘﻠﻬﺎ ﻭﺍﺑﺘﺴﻤﺖ ...
ﺍﻟﻮﻗﺖ ﺍﻟﺤﺎﺿﺮ ..
ﺗﻨﻬﺪﺕ ﻭﻛﻤﻠﺖ ﻃﺮﻳﻘﻬﺎ ﻟﻠﺠﺎﻣﻌﻪ ...
***
ﻓﻲ ﺍﻟﻤﻄﺎﺭ ...
ﻳﺎﺭﺍ ﻭﻧﻀﺎﻝ ﻳﺴﺘﻨﻮﺍ ﻓﻲ ﻣﻮﻋﺪ ﻃﻴﺎﺭﺗﻬﻢ ..
ﻣﻘﻌﻤﺰﻳﻦ ﺣﺪﺍ ﺑﻌﺾ ﻭﺷﺎﺩﻳﻦ ﻓﺈﻳﺪﻳﻦ ﺑﻌﺾ .. ﻭﻳﻬﺪﺭﺯﻭﺍ ...
ﻳﺎﺭﺍ ﺷﺒﺤﺖ ﺣﺪ ﻭﺗﻔﺎﺟﺄﺕ .. ﻧﻀﺎﻝ ﺷﺒﺢ ﻟﻠﻲ ﺗﺸﺒﺤﻠﻪ ..
ﻧﻀﺎﻝ ﺑﺘﺴﺎﺅﻝ : ﺗﻌﺮﻓﻴﻪ ..
ﻳﺎﺭﺍ ﺷﺒﺤﺖ ﻟﻨﻀﺎﻝ : ﺍﻳﻪ ﻣﻌﺮﻓﻪ ﻗﺪﻳﻤﻪ ..
ﻧﻀﺎﻝ ﺭﻓﻊ ﺣﻮﺍﺟﺒﻪ ..
ﻳﺎﺭﺍ ﺑﻀﺤﻜﻪ : ﻣﺎﺗﻔﻬﻤﺶ ﻏﻠﻂ .. ﻫﻮ .. ﺍﺣﻤﻢ .. ﺍﻣﻪ ﻳﻌﻨﻲ ﻛﺎﻧﺖ ﻣﺮﻳﻀﻪ ﻋﻨﺪ ﺯﻭﺟﻲ ﺍﻟﺴﺎﺑﻖ ...
ﻧﻀﺎﻝ ﺷﺒﺤﻠﻪ : ﺍﻫﺎ ... ﻳﺸﺒﺢ ﻫﻨﻲ ﺷﻜﻠﻪ ﻋﺮﻓﻚ ..
ﻳﺎﺭﺍ ﻧﺎﺿﺖ : ﺍﻳﻪ .. ﻻﺯﻡ ﻧﺴﻠﻢ ﻋﻠﻴﻪ ..
ﻧﻀﺎﻝ ﻳﺸﺒﺤﻠﻬﺎ : ﻟﻬﺎﻟﺪﺭﺟﻪ ..
ﻳﺎﺭﺍ : ﻫﺬﺍ ﺷﺨﺼﻴﻪ ﻣﻬﻤﻪ ﻫﻠﺒﻪ .. ﺷﺪﺍﺗﻪ ﻣﻦ ﻳﺪﻩ .. ﻧﻮﺽ ﻧﻌﺮﻓﻚ ﻋﻠﻴﻪ ..
ﻧﻀﺎﻝ ﻧﺎﺽ ﻣﻌﺎﻫﺎ ﻭﻣﺸﻮﻟﻪ ... ﻭﻭﺻﻠﻮﺍ ﻓﻴﻪ ..
ﻳﺎﺭﺍ : ﺻﺒﺎﺡ ﺍﻟﺨﻴﺮ ﺍﺳﺘﺎﺩ ﻣﻌﺎﻭﻳﻪ ..
ﺍﻟﺘﻔﺘﻠﻬﺎ ﻣﻌﺎﻭﻳﻪ ﺑﺂﺑﺘﺴﺎﻣﻪ : ﺍﻫﻼ ﺍﺳﺘﺎﺫﻩ ﻳﺎﺭﺍ .. ﻛﻴﻒ ﺣﺎﻟﻚ ﻭﻛﻴﻒ ﺣﺎﻝ ﺇﻟﻴﺎﺱ ..
ﻳﺎﺭﺍ ﺷﺒﺤﺖ ﻟﻨﻀﺎﻝ ﻭﺑﻠﻌﺖ ﺭﻳﻘﻬﺎ : ﺍﺣﻤﻢ .. ﺍﻧﻲ ﻭﺇﻟﻴﺎﺱ ﺍﻃﻠﻘﻨﺎ ﻟﻴﻨﺎ ﻓﻮﻕ ﺍﻟﺴﻨﻪ ..
ﻣﻌﺎﻭﻳﻪ ﺭﻓﻊ ﺣﻮﺍﺟﺒﻪ : ﺍﻫﺎ .. ﺍﺳﻒ ..
ﻳﺎﺭﺍ ﺍﺑﺘﺴﻤﺖ : ﻣﺎﻓﻴﺶ ﻣﺸﻜﻠﻪ .. ﻧﻌﺮﻓﻚ ﻉ ﺍﻟﻤﻬﻨﺪﺱ ﻧﻀﺎﻝ ﻣﻮﻇﻒ ﺇﺩﺍﺭﻱ ﻓﻲ ﺍﻟﻤﺆﺳﺴﻪ ﺍﻟﻮﻃﻨﻴﻪ ﻟﻠﻨﻔﻂ .. ﻭﻳﻜﻮﻥ ﺯﻭﺟﻲ .. ﻧﻀﺎﻝ ﻫﺬﺍ ﺭﺟﻞ ﺍﻷﻋﻤﺎﻝ ﺍﻟﻤﻌﺮﻭﻑ ﻣﻌﺎﻭﻳﻪ ﻋﺒﺪ ﺍﻟﻌﺰﻳﺰ ﺍﻟﻬﺎﺩﻱ ..
ﺷﺒﺤﻠﻪ ﻣﻌﺎﻭﻳﻪ ﻭﻧﻀﺎﻝ ﺷﺒﺤﻠﻪ .. ﻭﻳﺎﺳﺒﺤﺎﻥ ﺍﻟﻠﻪ .. ﺍﻹﺛﻨﻴﻦ ﻣﺎﺗﻘﺒﻠﻮﺵ ﺑﻌﺾ ﺑﻜﻞ ..
ﻧﻀﺎﻝ ﻣﺪ ﻳﺪﻩ : ﺃﻫﻼ ....
ﻣﻌﺎﻭﻳﻪ ﺻﺎﻓﺤﻪ ﻭﺣﻴﺎﻩ ﺑﺤﺮﻛﻪ ﺍﻟﺮﺍﺱ ﺑﺪﻭﻥ ﻛﻼﻡ ... ﺷﺪﻭﺍ ﻉ ﺍﻳﺪﻳﻦ ﺑﻌﺾ ﺑﻘﻮﺓ ﻭﻧﻈﺮﺍﺗﻬﻢ ﻟﺒﻌﺾ ﺣﺎﺩﻩ
ﻳﺎﺭﺍ ﺍﺳﺘﻐﺮﺑﺖ ﻓﻴﻬﻢ ﻫﻠﺒﻪ : ﺗﻌﺮﻓﻮﺍ ﺑﻌﺾ ﻗﺒﻞ ..
ﺣﻮﻟﻮﺍ ﺍﻳﺪﻳﻬﻢ .. ﻣﻦ ﺑﻌﺾ ..
ﻣﻌﺎﻭﻳﻪ : ﻻ ..
ﻧﻀﺎﻝ : ﻭﻻ ﺍﻧﻲ ﺗﺸﺮﻓﺖ ﺑﻴﻪ ﻗﺒﻞ ﻫﻜﻲ ..
ﻧﺪﺍﺀ ﺭﺣﻠﺔ ﻣﻌﺎﻭﻳﻪ ...
ﻣﻌﺎﻭﻳﻪ ﺍﺑﺘﺴﻢ ﻣﺠﺎﻣﻠﻪ : ﺳﻌﻴﺪ ﺑﺸﻮﻓﺘﻚ ﺍﺳﺘﺎﺩﻩ ﻳﺎﺭﺍ .. ﺷﺒﺢ ﻟﻨﻀﺎﻝ ﻭﺍﺑﺘﺴﻢ ﻣﻦ ﻓﻮﻕ ﻧﻔﺴﻪ .. ﻭﻣﺸﻲ ..
ﻧﻀﺎﻝ : ﻣﻦ ﺣﺎﺳﺐ ﺭﻭﺣﻪ ﻫﺬﺍ !!
ﻳﺎﺭﺍ : ﺍﻳﻪ ﻫﻮ ﻫﻜﻲ ﺷﺎﻳﻒ ﺭﻭﺣﻪ ﺷﻮﻳﻪ ..
ﻧﺪﺍﺀ ﺭﺣﻠﺘﻬﻢ ....
ﻳﺎﺭﺍ ﺷﺪﺍﺗﻪ ﻣﻦ ﻳﺪﻩ : ﻫﻴﺎ ﺣﺒﻴﺒﻲ ..
ﻧﻀﺎﻝ ﺍﺑﺘﺴﻢ .. ﻭﻣﺸﻮﺍ ﻣﻊ ﺑﻌﺾ ..
***
ﺍﻟﺴﺎﻋﻪ ...11
ﻓﻲ ﺍﻟﻤﺪﺭﺳﻪ ..
ﻭﻗﺖ ﺍﻹﺳﺘﺮﺍﺣﻪ ...
ﻛﺎﻧﺖ ﻟﺒﻨﻰ ﻣﻘﻌﻤﺰﺓ ﺑﺮﻭﺣﻬﺎ ﻭﺗﺒﻜﻲ ﻭﺍﻳﺪﻫﺎ ﻉ ﺳﻠﺴﻠﺘﻬﺎ ﻫﺪﻳﻪ ﺑﻮﻫﺎ ﻓﻲ ﻋﻴﺪﻣﻴﻼﺩﻫﺎ ..
ﻣﻦ ﺑﻌﻴﺪ ﺷﻮﻱ ﺗﺮﺍﻗﺐ ﻓﻴﻬﺎ ﻣﻬﺎ ﺑﻔﻀﻮﻝ ﻭﻣﺴﺘﻐﺮﺑﻪ .. ﺍﻭﻝ ﻣﺮﺓ ﺗﺸﻮﻑ ﻟﺒﻨﻰ ﺑﻬﺎﻟﺤﺎﻟﻪ .. ﻭﺍﺧﺪﻩ ﻋﻠﻴﻬﺎ ﺩﻳﻤﺎ ﺗﺒﺼﺮ ﻭﺟﻮﻫﺎ ﺣﻠﻮ ﻭﺩﻳﻤﺎ ﻣﻊ ﺍﻟﺒﻨﺎﺕ .. ﺍﻭﻝ ﻣﺮﺓ ﺗﺸﻮﻓﻬﺎ ﻣﻨﻌﺰﻟﻪ ﺑﺮﻭﺣﻬﺎ ﻭﺗﺒﻜﻲ ..
ﺗﻔﺎﺟﺄﺕ ﻟﻤﺎ ﺷﺎﻓﺘﻬﺎ ﺟﺒﺪﺕ ﺍﻟﺴﻠﺴﻠﻪ ﻣﻦ ﺭﻗﺒﺘﻬﺎ ﻭﻗﻄﻌﺘﻬﺎ ...
ﻭﺣﻄﺘﻬﺎ ﻓﻲ ﺟﻴﺒﻬﺎ ... ﻣﻬﺎ ﺯﺍﺩﺕ ﺍﺳﺘﻐﺮﺑﺖ .. ﻗﻌﺪﺕ ﺗﺮﺍﻗﺐ ﻓﻴﻬﺎ ﻭﺑﺲ .. ﻟﺒﻨﻲ ﺗﻨﻬﺪﺕ ﻭﻣﺴﺤﺖ ﺩﻣﻮﻋﻬﺎ ﻭﺭﺑﻌﺖ ﺍﻳﺪﻳﻬﺎ ﻭﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ .. ﺟﺖ ﻋﻴﻨﻬﺎ ﻓﻌﻴﻦ ﻣﻬﺎ ...
ﻷﻭﻝ ﻣﺮﺓ ﻣﻬﺎ ﺗﺒﺘﺴﻤﻠﻬﺎ ﺑﺪﻭﻥ ﻣﺎﺗﻠﻒ ﻭﺟﻬﻬﺎ ﻟﺠﻬﻪ ﺗﺎﻧﻴﻪ ..
ﻟﺒﻨﻲ ﺍﺗﻔﺎﺟﺌﺖ ﻭﺭﺩﺗﻠﻬﺎ ﻃﻮﻝ ﺍﻹﺑﺘﺴﺎﻣﻪ ..
ﺭﻥ ﺍﻟﺠﺮﺱ ﻭﻧﺎﺿﻮﺍ ﻃﻮﻝ ﻟﻠﻄﺎﺑﻮﺭ ...
***
ﻭﻗﻔﺖ ﻗﺪﺍﻡ ﻣﺤﻞ ﻣﺠﻮﻫﺮﺍﺕ .. ﺧﺸﺖ ﻃﻮﻝ ...
ﻭﻓﻘﺖ ﻉ ﺻﺎﺣﺒﻬﺎ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ...
ﺍﻟﺮﺍﺟﻞ : ﻭﻋﻠﻴﻜﻢ ﺍﻟﺴﻼﻡ ...
ﺣﻨﺎﻥ ﻃﻠﻊ ﺍﻟﺪﺑﻠﺘﻴﻦ : ﻣﻌﻠﻴﺸﻲ ﻧﺒﻲ ﻧﺼﺮﻓﻬﻢ ..
ﺍﻟﺮﺍﺟﻞ ﺷﺎﻓﻬﻢ ﺗﻔﺤﺼﻬﻢ ﻭﻭﺯﻧﻬﻢ .. ﻭﻋﻄﺎﻫﺎ ﺍﻟﺴﻌﺮ .. ﻭﻭﺍﻓﻘﺖ .. ﺻﺮﻓﺘﻬﻢ ﻭﺧﺪﺕ ﺍﻟﻔﻠﻮﺱ ﻭﻃﻠﻌﺖ ...
ﻣﺸﺖ ﻃﻮﻝ ﻟﻤﺴﺠﺪ ﺗﻌﺮﻓﻪ ﺯﻳﻦ .. ﻛﻠﻤﺖ ﺍﻟﺸﻴﺦ .. ﻭﻋﻄﺎﺗﻪ ﺍﻟﻔﻠﻮﺱ ﻳﺤﻄﻬﻢ ﻓﻲ ﺻﻨﺪﻭﻕ ﺍﻟﺼﺪﻗﻪ ﺍﻟﻠﻲ ﻓﺎﻟﺠﺎﻣﻊ .. ﺍﻟﺼﺪﻗﻪ ﺩﺍﺭﺗﻬﺎ ﻋﻨﻬﺎ ﻭﻋﻦ ﺑﻨﺎﺗﻬﺎ .. ﻭﺑﻌﺪﻳﻦ ﻣﺸﺖ ﻟﻤﺤﻞ ﺃﺛﺎﺙ ﻣﺴﺘﻌﻤﻠﻪ ...
ﺣﻨﺎﻥ : ﺍﻧﺘﻢ ﺗﻌﺎﻟﻮﺍ ﺷﻮﻓﻮﻫﺎ ﻭﺛﻤﻨﻮﺍ ..
ﺍﻟﺮﺍﺟﻞ : ﺣﺎﺿﺮ ...
ﺣﻨﺎﻥ : ﻳﺎﺭﻳﺖ ﺗﻮﺍ ﻟﻮ ﻣﺎﻓﻴﺶ ﻣﺸﻜﻠﻪ ..
ﻭﻓﻌﻼ ﻣﺸﻮﺍ ﻣﻌﺎﻫﺎ ... ﻭﺭﻛﺒﺖ ﻣﻌﺎﻫﻢ ﻟﺪﺍﺭ ﺍﻟﻨﻮﻡ ﻭﻭﺭﺗﻬﺎﻟﻬﻢ .. ﺑﻌﺪ ﻣﺎﻓﻀﺘﻬﺎ ﻛﻠﻬﺎ .. ﺷﺎﻓﻮﻫﺎ ﻭﺗﻤﻨﻮﻫﺎ ﻭﺧﺪﻭﻫﺎ ﻃﻮﻝ ..
ﻣﻘﻌﻤﺰﺓ ﻓﻲ ﺍﻟﺼﺎﻟﻪ ﻭﺗﺘﻔﺮﺝ ﻋﻠﻴﻬﻢ ﻛﻴﻒ ﻳﻄﻠﻌﻮﺍ ﻓﻴﻬﺎ .. ﻭﻛﺎﻧﻬﺎ ﻗﺎﻋﺪﻩ ﺗﻜﺘﺐ ﻓﻲ ﺃﺧﺮ ﺳﻄﺮ ﻓﻲ ﻗﺼﺘﻬﺎ ﻣﻊ ﻧﻀﺎﻝ ... ﻃﻠﻌﺖ ﻣﻌﺎﻫﻢ ﺑﻌﺪ ﻛﻤﻠﻮﺍ ﺧﺪﺕ ﺍﻟﻔﻠﻮﺱ .. ﻭﺷﺒﺤﺖ ﻟﻠﺴﻴﺎﺭﻩ ﺍﻟﻠﻲ ﺭﺍﻓﻌﻪ ﺍﻟﺪﺍﺭ ... ﻟﻴﻦ ﺍﺧﺘﻔﺖ ... ﺧﺸﺖ ﻟﻠﺤﻮﺵ .. ﻃﻮﻝ ﺭﻛﺒﺖ ﻓﻮﻕ .. ﺍﻟﻘﺖ ﻧﻈﺮﻩ ﺍﺧﻴﺮﻩ ﻉ ﺍﻟﺪﺍﺭ ﻭﻫﻲ ﻉ ﺍﻟﺰﻟﻴﺰ ... ﺳﻜﺮﺗﻬﺎ .. ﻭﻣﺸﺖ ﻟﺪﺍﺭ ﻓﺎﺿﻴﻪ .. ﺣﺎﻃﻪ ﻓﻴﻬﺎ ﺷﻨﻄﻪ ﻓﻴﻬﺎ ﺣﻮﺍﻳﺠﻬﺎ .. ﻭﻛﺎﻧﺖ ﺿﺎﻣﻪ ﺣﻮﺍﻳﺠﻪ ﻭﻛﻞ ﺷﻲ ﻳﺨﺼﻪ ﻓﻲ ﺷﻨﺎﻃﻲ ... ﺑﺪﺕ ﺗﻨﺰﻝ ﻓﻴﻬﻢ ﺑﺎﻟﺸﻨﻄﻪ .. ﻭﺣﻄﺘﻬﻢ ﻓﻲ ﺩﺍﺭ ﻓﺎﺿﻴﻪ ﺗﺤﺖ .. ﺗﻨﺰﻝ ﻓﻴﻬﻢ ﺑﺼﻌﻮﺑﻪ ﻣﺶ ﺑﺲ ﻣﻦ ﺛﻘﻠﻬﻢ ﺍﻟﻤﺎﺩﻱ .. ﺣﺘﻰ ﺛﻘﻞ ﺣﻴﺎﻩ ﻣﻠﻴﺎﻧﻪ ﺫﻛﺮﻳﺎﺕ ﻭﺫﻛﺮﻳﺎﺕ .. ﺣﻄﺘﻬﻢ ﻓﻲ ﺍﻟﺪﺍﺭ ﺍﻟﻘﺖ ﻋﻠﻴﻬﻢ ﺍﺧﺮ ﻧﻈﺮﺓ ﻭﺳﻜﺮﺕ ﺍﻟﺪﺍﺭ .. ﻟﻴﻦ ﻳﺠﻲ ﺻﺎﺣﺒﻬﻢ ﻭﻳﺎﺧﺪﻫﻢ ..
ﻭﺑﻬﻜﻲ ﺷﺒﻪ ﺍﻧﺘﻬﻲ ﻧﻀﺎﻝ ﺑﺎﻟﻨﺴﺒﻪ ﻟﺤﻨﺎﻥ ...
***
ﻓﻲ ﺍﻟﻤﺪﺭﺳﻪ ..
ﺣﺼﺔ ﺍﻟﻌﺮﺑﻲ " ﺍﻟﺘﻌﺒﻴﺮ "
ﺍﻷﺑﻠﻪ : ﻭﻃﺒﻌﺎ ﺍﻓﻀﻞ ﺗﻌﺒﻴﺮ ﻛﺘﺎﺑﻲ .. ﻋﻦ ﻣﻮﺿﻮﻉ ﺍﻟﺤﺐ ﻛﺎﻥ ﻟﻠﻄﺎﻟﺒﻪ ".. ﻟﺒﻨﻰ ﻧﻀﺎﻝ ﻋﻮﻥ ..."
ﻟﺒﻨﻰ ﻧﺎﺿﺖ ﺑﺎﻟﺴﻴﻒ .. ﺧﺪﺕ ﺍﻟﻮﺭﻗﻪ ﻣﻦ ﺍﻷﺑﻠﻪ ﻓﻴﻬﺎ ﺩﺭﺟﻪ ﻛﺎﻣﻠﻪ .. ﻭﻟﺖ ﻟﻤﻘﻌﺪﻫﺎ .. ﻭﺣﻄﺖ ﺍﻟﻮﺭﻗﻪ ﻉ ﺍﻟﻤﻘﻌﺪ ﻭﺗﻘﺮﺍ ﻓﻲ ﺍﻟﻜﻼﻡ ﺍﻟﻠﻲ ﻛﺘﺒﺎﺗﻪ .. ﺍﻟﻠﻲ ﻛﺎﻥ ﻛﻠﻪ ﻭﻫﻢ ﻭﻛﺬﺏ ..
ﺍﻷﺑﻠﻪ : ﻣﻮﺿﻮﻋﻚ ﻭﺭﻳﺘﻪ ﻷﺑﻼﺕ ﻭﻋﺠﺒﻬﻢ ﻫﻠﺒﻪ .. ﺗﻌﺒﻴﺮﻙ ﺣﻠﻮ ﻭﻏﻴﺮ ﻋﻦ ﻫﻜﻲ ﻋﺠﺒﻨﺎ ﺟﺪﺍ ﻧﻤﻮﺫﺝ ﺑﻮﻙ ﻭﺃﻣﻚ ﻧﻤﻮﺫﺝ ﻣﺜﺎﻟﻲ ... ﻭﻧﻔﻜﺮﻭﺍ ﻓﻲ ﺣﻔﻞ ﺗﻜﺮﻳﻤﻜﻢ ﻓﻲ ﺍﺧﺮ ﺍﻟﺴﻨﻪ ﻧﻜﺮﻣﻮﺍ ﺑﻮﻙ ﻭﺍﻣﻚ .. ﺍﻟﻌﺎﻡ ﻫﺬﺍ ... ﻳﻌﻨﻲ ﻣﺶ ﺣﻨﺘﻌﺒﻮﺍ ﻭﺣﻨﻲ ﻧﺪﻭﺭﻭﺍ .. ﺍﻟﻤﺮﺓ ﻫﺎﺩﻱ ..
ﻟﺒﻨﻰ ﻭﻫﻲ ﺗﺴﻤﻊ ﻓﻲ ﻛﻼﻡ ﺍﻷﺑﻠﻪ ﺩﻣﻮﻋﻬﺎ ﻳﻨﺰﻟﻮﺍ ﺣﻄﺖ ﺍﻳﺪﻫﺎ ﻉ ﺍﻟﻤﻘﻌﺪ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ .. ﻛﻠﻬﻢ ﺍﻧﺼﺪﻣﻮﺍ ...
ﺍﻷﺑﻠﻪ ﻗﺮﺑﺖ : ﺑﻨﺘﻲ ﺧﻴﺮﻙ ..
ﺧﺸﺖ ﻓﻲ ﻧﻮﺑﻪ ﺑﻜﻲ ﻭﻛﺄﻧﻬﺎ ﻣﺎﺗﺴﻤﻊ ﻓﻲ ﺷﻲ ..
ﻣﻬﺎ ﻣﺶ ﻣﺼﺪﻗﻪ ﺍﻟﻠﻲ ﺗﺸﻮﻑ ﻓﻴﻪ ...
ﺍﻷﺑﻠﻪ : ﻧﻮﺿﻲ ﻳﺎﺳﻠﻤﻰ ﺑﺴﺮﻋﻪ ﻛﻠﻤﻲ ﺍﻷﺧﺼﺎﺋﻴﻪ ﺗﺘﺼﻞ ﺑﺄﻫﻠﻬﺎ ..
ﻟﺒﻨﻰ ﺍﺳﺘﺎﻗﻀﺖ ﻭﺧﺎﻓﺖ .. ﺑﺪﺕ ﺗﻬﺪﺍ ﻭﻗﺎﻣﺖ ﺭﺍﺳﻬﺎ : ﻻﻻ .. ﻣﺎﺗﻜﻠﻤﻮﺍ ... ﺣﺪ ﺍﻧﻲ ... ﻛﻮﻳﺴﻪ ..
ﺍﻷﺑﻠﻪ : ﻛﻴﻒ ﻳﺎﺑﻨﺘﻲ ﻣﺎﺷﻔﺘﻴﺶ ﺣﺎﻟﺘﻚ ﻛﻴﻒ ﻛﻨﺘﻲ ﺗﺒﻜﻲ ...
ﻟﺒﻨﻰ ﺍﺿﻄﺮﺕ ﺗﻜﺬﺏ : ﻻﻏﻴﺮ .. ﺑﺎﺑﺎ ﺳﺎﻓﺮ ﻭﻃﻮﻝ .. ﻭﺍﻧﻲ ﺍﺳﺘﺎﺣﺸﺘﻪ ...
ﺳﻤﻌﺖ ﻭﺣﺪﻩ ﻣﻦ ﺍﻟﺒﻨﺎﺕ ﺗﻬﻤﺲ ﺑﺘﻬﻜﻢ " ﻳﺎﺭﻭﺡ ﺍﻟﺒﺎﺑﺎ ."
ﺑﻠﻌﺘﻬﺎ ﻭﺳﻜﺘﺖ ...
ﺍﻷﺑﻠﻪ ﺑﻌﺪﻡ ﺍﻗﺘﻨﺎﻉ : ﺑﺎﻫﻲ ﺭﺑﻲ ﻳﺮﺩﻩ ﺳﺎﻟﻢ ..
ﺗﻨﻬﺪﺕ ﺑﺮﺍﺣﻪ ﻟﺒﻨﻰ .. ﻭﺷﺒﺤﺖ ﻟﻠﺒﻨﺖ ﺍﻟﻠﻲ ﺟﻨﺒﻬﺎ ﻭﺷﺒﺤﺖ ﺍﻟﻘﺪﺍﻡ ...
ﺍﻣﺎ ﻣﻬﺎ ﺍﺍﻟﻲ ﻓﻲ ﺍﺧﺮ ﻣﻘﻌﺪ ﻓﻲ ﺻﻔﺔ ﺍﻟﺤﻴﻂ .. ﻛﺎﻧﺖ ﺣﺎﺳﻪ ﺍﻥ ﻓﻴﻬﺎ ﺷﻲ ﺗﺎﻧﻲ ..
ﻓﻲ ﺍﻟﻤﺮﻭﺍﺡ ...
ﻛﺎﻧﺖ ﻣﻘﻌﻤﺰﺓ ﻟﺒﻨﻰ ﺑﺮﻭﺣﻬﺎ ﺗﺴﺘﻨﻰ .. ﻭﻣﻬﺎ ﺗﺸﻮﻓﻠﻬﺎ .. ﺟﺎﻳﺘﻬﺎ ﺭﻏﺒﻪ ﺷﺪﻳﺪﻩ ﺗﻨﻮﺽ ﺗﻜﻠﻤﻬﺎ .. ﺣﺴﺖ ﺍﻥ ﻓﻲ ﺣﺎﻟﺔ ﻟﺒﻨﻰ ﺣﺎﻟﻴﺎ ﺷﻲ ﻳﺸﺒﻪ ﺣﺎﻟﺘﻬﺎ ﻫﻲ ... ﻭﻓﻌﻼ ﺑﻌﺪ ﻣﻮﻗﻒ ﺍﻣﺲ ﺑﺪﺕ ﻣﻬﺎ ﻣﻌﺎﺵ ﺗﺘﺮﺩﺩ ﻭﺗﺨﺎﻑ ... ﻧﺎﺿﺖ ﻭﻗﺪﻣﺖ ﻭﺻﻠﺘﻠﻬﺎ ...
ﻣﻬﺎ : ﻣﻤﻜﻦ ﻧﻘﻌﻤﺰ ﺑﺤﺪﺍﻙ ..
ﻟﺒﻨﻰ ﺷﺒﺤﺘﻠﻬﺎ ﻭﻫﻲ ﻣﺘﻔﺎﺟﺌﻪ ﻉ ﺍﻵﺧﺮ : ﺍﻳﻪ .. ﻗﻌﻤﺰﻱ ..
ﻣﻬﺎ ﻗﻌﻤﺰﺕ ﻭﺍﺑﺘﺴﻤﺖ : ﻋﻼﺵ ﺑﻜﻴﺘﻲ ﻫﻜﻲ ﺑﻜﺮﻱ ..
ﻟﺒﻨﻰ ﺷﺒﺤﺘﻠﻬﺎ : ﻭﺍﻧﺖ ﻋﻼﺵ ﺩﻳﻤﺎ ﺗﺒﻜﻲ ..
ﻣﻬﺎ ﺷﺒﺤﺘﻠﻬﺎ ﻭﻫﻲ ﺗﺒﺘﺴﻢ : ﻣﻦ ﺍﻟﻮﺣﺪﻩ .. ﻭﺍﻟﻈﻠﻢ ... ﻭﺍﻟﻖﺳﻮﺓ ...
ﻟﺒﻨﻰ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﻟﻬﺎﻟﺪﺭﺟﻪ ..
ﻣﻬﺎ : ﻣﻬﻤﺎ ﻧﺤﻜﻴﻠﻚ ﻣﺶ ﺣﺘﺼﺪﻗﻲ .. ﻛﻴﻒ ﺍﻧﻲ ﻋﺎﻳﺸﻪ ﻓﻌﺬﺍﺏ ﻧﻔﺴﻲ ﺷﺪﻳﺪ ...
ﻟﺒﻨﻰ ﺩﻣﻮﻋﻬﺎ ﻧﺰﻟﻮﺍ ...
ﺷﺒﺤﺘﻠﻬﺎ ﻣﻬﺎ ﻭﺗﻨﻬﺪﺕ : ﻭﺇﻧﺘﻲ ...
ﻟﺒﻨﻰ : ﺍﻧﻲ ... ﺭﻳﺘﻲ .. ﺍﻟﻠﻲ ﻛﺎﻥ ﻋﺎﻳﺶ ﺣﻴﺎﻩ ﺣﻠﻮﺓ ﻫﻠﺒﻪ ﻭﻛﻠﻬﺎ ﺳﻌﺎﺩﻩ ... ﻭﺗﺼﻴﺮﻟﻪ ﺣﺎﺟﻪ ﺍﺷﺒﻪ ﺑﺎﻟﻔﺎﺟﻌﻪ ﺍﻟﻤﺼﻴﺒﻪ .. ﻭﺳﻜﺘﺖ ﻣﺨﻨﻮﻗﻪ ﺑﻌﺒﺮﺗﻬﺎ ..
ﻣﻬﺎ ﻭﻋﻴﻮﻧﻬﺎ ﺩﻣﻌﻮﺍ : ﺗﻨﻬﻲ ﻫﺎﻟﺴﻌﺎﺩﻩ ...
ﻟﺒﻨﻰ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻﻻ ... ﺗﺒﻴﻦ ﺍﻧﻬﺎ ﻛﺎﻧﺖ ﻛﺬﺑﻪ ﻭﻭﻫﻢ ﻣﻦ ﺍﻷﺳﺎﺱ ..
ﻣﻬﺎ : ﺑﻮﻙ ﻭﻻ ﺃﻣﻚ ..
ﻟﺒﻨﻰ ﺑﺄﻟﻢ : ﺑﺎﺑﺎ ..
ﻣﻬﺎ : ﻫﻬﻬﻬﻬﻬﻬﻬﻬﻬﻬﻪ ..
ﻟﺒﻨﻰ ﺷﺒﺤﺘﻠﻬﺎ ﺑﺈﺳﺘﻐﺮﺍﺏ : ﺧﻴﺮﻙ ﺗﻀﺤﻜﻲ ..
ﻣﻬﺎ : ﻫﻬﻬﻬﻪ .. ﺍﺍﺍﻩ .. ﻣﺎﻩ ﺣﺘﻰ ﺍﻧﻲ ﺳﺒﺐ ﻋﺬﺍﺑﻲ ﺍﻟﺮﺍﺟﻞ ﺍﻟﻠﻲ ﻣﻔﺮﻭﺽ ﻧﻘﻮﻟﻪ ﺑﺎﺑﺎ ..
ﻟﺒﻨﻰ ﺟﺎﻫﺎ ﺍﻟﺒﺎﺹ ﻧﺎﺿﺖ : ﻋﻄﻴﻨﻲ ﺭﻗﻤﻚ ﻣﻬﺎ ..
ﻣﻬﺎ ﺑﻔﺮﺣﻪ : ﺑﺎﻩ .. ﻭﺧﺪﺕ ﺗﻠﻴﻔﻮﻥ ﻟﺒﻨﻰ ﻭﻛﺘﺒﺖ ﺍﻟﺮﻗﻢ ﻭﺳﺠﻼﺗﻪ ﺑﺈﺳﻤﻬﺎ ..
ﻟﺒﻨﻰ ﺧﺪﺕ ﺗﻠﻴﻔﻮﻧﻬﺎ ﻭﺷﺒﺤﺘﻠﻬﺎ ﻭﺃﺑﺘﺴﻤﺖ : ﻧﺘﻼﻗﻮﺍ ﻏﺪﻭﺓ ..
ﻣﻬﺎ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ...
ﺟﺖ ﻟﺒﻨﻰ ﺑﺘﻤﺸﻲ ﻭﻗﻔﺖ : ﻣﻬﺎ .. ﻣﺒﺮﻭﻙ ﺍﻟﺤﺠﺎﺏ .. ﻭﺳﺮﻋﺖ ﻭﺭﻛﺒﺖ ﻟﺒﺎﺻﻬﺎ ..
ﻣﻬﺎ ﻓﺮﺣﺖ ﻫﻠﺒﻪ ﺍﻭﻝ ﺣﺪ ﻳﺒﺎﺭﻛﻠﻬﺎ ﺑﺎﻟﺤﺠﺎﺏ ﻟﺒﻨﻰ .. ﻭﺃﻭﻝ ﻣﺮﺓ ﺣﺪ ﻳﻔﺮﺣﻠﻬﺎ ﺑﺸﻲ ﺩﺍﺭﺍﺗﻪ ﺷﻌﻮﺭ ﻏﻴﺮ ﻋﺎﺩﻱ ﻭﺣﻠﻮ ﻫﻠﺒﻪ ... ﻛﺎﻥ ﻛﻔﻴﻞ ﻳﺨﻠﻲ ﻣﻬﺎ ﺳﻌﻴﺪﻩ ﻉ ﺍﻵﺧﺮ ...
ﻓﺎﺕ ﺑﺎﻟﺰﺑﻂ ﺍﺳﺒﻮﻉ ...
ﻣﻬﺎ ﻭﻟﺒﻨﻰ ﺗﻌﺮﻓﻮﺍ ﻉ ﺑﻌﺾ .. ﺍﻛﺜﺮ .. ﻋﺮﻓﺖ ﻟﺒﻨﻰ ﻗﺼﺔ ﻣﻬﺎ ﻭﻭﺟﻌﺘﻬﺎ ﻫﻠﺒﻪ . ﻭﻣﻬﺎ ﻛﺬﻟﻚ ﻭﺟﻌﻬﺎ ﺍﻟﺤﺎﻝ ﺍﻟﻠﻲ ﻭﺻﻠﻮﻟﻪ ﺍﺏ ﻭﺃﻡ ﻟﺒﻨﻰ ... ﻓﻲ ﻣﺮﺓ ﻟﺒﻨﻰ ﻋﺰﻣﺖ ﻣﻬﺎ ﻟﺤﻮﺷﻬﻢ ... ﺗﻌﺮﻓﺖ ﻉ ﺭﻫﻒ ﻭﺣﻨﺎﻥ ﻭﺗﻌﺮﻓﻮﺍ ﻋﻠﻴﻬﺎ .. ﺣﺒﻮﻫﺎ ﻭﺣﺒﺘﻬﻢ .. ﻭﻟﻔﺘﺖ ﺍﻧﺘﺒﺎﻫﻬﺎ ﻫﻠﺒﻪ ﺣﻨﺎﻥ ﻭﺧﺸﺖ ﻗﻠﺒﻬﺎ .. ﺗﻜﺮﺭﺕ ﺍﻟﺰﻳﺎﺭﻩ .. ﻭﻛﺈﻥ ﺣﻮﺵ ﺣﻨﺎﻥ ﻣﻐﻨﺎﻃﻴﺲ ﻳﺠﺬﺏ ﻓﻴﻬﺎ ﻟﻘﺖ ﺍﻟﺠﻮ ﺍﻷﺳﺮﻱ .. ﻟﻘﺖ ﺍﻟﺤﺐ ﺍﻟﻠﻲ ﻛﺎﻧﺖ ﻓﻘﺪﺍﺗﻪ ﻭﺍﻟﺪﻓﻲ ﻭﺍﻟﺤﻨﺎﻥ ﻭﺗﻤﻨﺖ ﻟﻮ ﻣﺎﺗﺮﻭﺡ ﺑﻜﻞ ...
ﺣﻨﺎﻥ ﺍﻟﻠﻲ ﻛﺎﻧﺖ ﺗﺤﺎﻭﻝ ﺗﺘﺨﻄﻰ ﺍﻟﻠﻲ ﻫﻲ ﻓﻴﻪ ﻻﻫﻴﻪ ﻣﻊ ﻋﺎﺋﺸﻪ ﻭﺍﺗﺎﺑﻊ ﻣﻌﺎﻫﺎ ﻓﻲ ﺣﺎﻟﺘﻬﺎ ﻭﺗﺪﻋﻴﻠﻬﺎ ﻓﻜﻞ ﻭﻗﺖ ﺭﺑﻲ ﻳﻨﺠﻴﻬﺎ ﻭﺗﻘﻌﺪ ﻟﻮﻟﻴﺪﻫﺎ ... ﻋﺎﺋﺸﻪ ﺣﺎﻣﻞ ﺑﻮﻟﺪ
ﺑﻌﺪ ﺍﻷﺳﺒﻮﻉ ...
ﺭﻭﺣﻮﺍ ﻳﺎﺭﺍ ﻭﻧﻀﺎﻝ ﻣﻦ ﻋﺴﻠﻬﻢ ..
ﻭﻧﻀﺎﻝ ﻛﺎﻥ ﻧﺎﻭﻱ ﻳﺮﺗﺎﺡ ﻭﻳﻤﺸﻲ ﻟﺤﻮﺷﻪ ﻭﻳﻮﺍﺟﻪ ﺑﻨﺎﺗﻪ ...
ﺍﻟﻌﺸﻴﻪ ..
ﻳﺎﺭﺍ : ﺇﻥ ﺷﺎﺀ ﺍﻟﻠﻪ ﻳﻜﻮﻧﻮﺍ ﺗﻔﻬﻤﻮﺍ ﻭﺃﻣﻬﻢ ﺩﺍﺭﺕ ﺯﻱ ﻣﺎ ﺃﻧﺖ ﻗﻠﺖ ..
ﻧﻀﺎﻝ : ﺣﺘﻰ ﻟﻮ .. ﻣﺶ ﺳﺎﻫﻞ ﺍﻟﻤﻮﺿﻮﻉ ﻋﻠﻴﻬﻢ ..
ﻳﺎﺭﺍ ﺷﺪﺕ ﺍﻳﺪﻩ : ﺣﺘﻌﺪﻱ ﻉ ﺧﻴﺮ ﻣﺎﺗﺨﺎﻓﺶ ..
ﻧﻀﺎﻝ ﺍﺑﺘﺴﻢ : ﺇﻥ ﺷﺎﺀ ﺍﻟﻠﻪ ..
ﻳﺎﺭﺍ : ﺣﺘﺠﻴﺐ ﺣﻮﺍﻳﺠﻚ ﻛﻠﻬﻢ ﻭﻻ ..
ﻧﻀﺎﻝ ﻫﺰ ﺭﺍﺳﻪ ﺑﺈﺑﺘﺴﺎﻣﻪ : ﺇﻳﻪ ..
***
ﺭﻭﺡ ﻣﻌﺎﻭﻳﻪ ﻣﻦ ﺍﻟﺴﻔﺮ .. ﻓﺎﻟﻈﻬﺮ .. ﻭﻃﻮﻝ ﺍﺭﺗﺎﺡ ..
ﺑﻌﺪ ﺍﻟﻌﺼﺮ ﻧﺎﺽ .. ﺩﻭﺵ ﻭﻟﺒﺲ ﻭﺗﺄﻧﻖ .. ﻭﻧﺰﻝ ﻟﻤﻜﺘﺒﻪ .. ﻭﻛﺎﻥ ﻣﺴﺘﺪﻋﻲ ﺷﺨﺺ ﻣﻦ ﺍﻟﻠﻲ ﻳﺨﺪﻣﻮﺍ ﻋﻨﺪﻩ ..
ﺍﻟﺮﺍﺟﻞ : ﺍﻻﻣﻮﺭ ﺗﻤﺎﻡ .. ﺑﺲ ﻓﻲ ﺷﻲ ﺟﺪﻳﺪ ﺻﺎﺭ ﻣﻌﺎﻫﺎ ﻏﻴﺮ ﺍﻟﻠﻲ ﺍﻧﺖ ﺗﻌﺮﻓﻪ ..
ﻣﻌﺎﻭﻳﻪ ﺑﺈﺳﺘﻐﺮﺍﺏ : ﺷﻨﻮ ..
ﺍﻟﺮﺍﺟﻞ : ﻣﺘﻌﺮﻓﻪ ﻉ ﺑﻨﺖ ﻓﻲ ﺍﻟﻤﺪﺭﺳﻪ ﻭﺭﻭﺣﺖ ﻣﻌﺎﻫﺎ ﻟﺤﻮﺷﻬﻢ 3 ﻣﺮﺍﺕ ..
ﻣﻌﺎﻭﻳﻪ : ﻣﻦ ﺗﻜﻮﻥ ﺍﻟﺒﻨﺖ ﻭﻣﻦ ﻳﻜﻮﻧﻮﺍ ﺃﻫﻠﻬﺎ ...
ﺍﻟﺮﺍﺟﻞ : ﻛﻞ ﺍﻟﻠﻲ ﻋﺮﻓﺘﻪ ﺣﺎﻟﻴﺎ ﺍﻧﻬﺎ ﺑﻮﻫﺎ ﺍﺳﻤﻪ ﻧﻀﺎﻝ ﻋﻮﻥ .. ﻭﺍﻣﻬﺎ ﺣﻨﺎﻥ ﺳﺎﻟﻢ .. ﻭﻋﻨﺪﻫﺎ ﺍﺧﺖ ﻭﺣﺪﻩ ..
ﻣﻌﺎﻭﻳﻪ : ﺷﻦ ﻧﻈﺎﻣﻬﻢ ..
ﺍﻟﺮﺍﺟﻞ : ﻧﺎﺱ ﻧﻈﻴﻔﻪ ﻭﻣﺘﻌﻠﻤﻪ .. ﻭﺳﺎﻛﻨﻴﻦ ﻓﻲ ﺣﻲ ******
ﻓﻲ ﻣﻨﻄﻘﻪ *****
ﻣﻌﺎﻭﻳﻪ : ﺗﻢ ﺧﻠﻴﻚ ﻭﺭﺍﻫﺎ ﻭﻣﺎﺗﻐﻔﻠﺶ ﻋﻨﻬﺎ ...
ﺍﻟﺮﺍﺟﻞ ﺣﻴﺎ ﻣﻌﺎﻭﻳﻪ ﻭﻃﻠﻊ ..
ﻭﻣﻌﺎﻭﻳﻪ ﺗﻨﻬﺪ ﻭﻧﺎﺽ : ﺗﻮ ﻧﺸﻮﻓﻮﺍ ﻣﻦ ﺍﻟﻠﻲ ﻭﺭﺍ ﻏﺴﻴﻞ ﺍﻟﻤﺦ ﺍﻟﻠﻲ ﺻﺎﻳﺮﻟﻚ ﻳﺎﻣﻬﺎ .. ﻭﻳﺎﻭﻳﻠﻚ ﻭﻭﻳﻠﻬﻢ ﻏﻴﺮ ﻧﻄﻴﺢ ﻓﻴﻬﻢ .. ﺧﺪﻱ ﺗﻠﻴﻔﻮﻧﻪ ﻭﻧﻈﺎﺭﺗﻪ ﻭﻃﻠﻊ ..
***
ﻓﺤﻮﺵ ﺣﻨﺎﻥ ...
ﺭﻫﻒ : ﻣﺎﻣﺎ ﻫﻜﻲ ﺑﺎﻫﻲ ..
ﺣﻨﺎﻥ : ﻛﻮﻳﺲ ﺣﺒﻴﺒﺘﻲ .. ﺭﺩﻱ ﺑﺎﻟﻚ ﺗﻨﺴﻲ ﺍﺩﻳﺮﻟﻬﺎ ﺩﻗﻴﻖ ﻭﺍﻧﺘﻲ ﺗﺤﻠﻲ ...
ﺭﻥ ﺟﺮﺱ ﺍﻟﺤﻮﺵ ..
ﺣﻨﺎﻥ ﻧﺎﺿﺖ ﺑﺘﻔﺘﺢ ...
ﻟﺒﻨﻰ : ﺧﻠﻴﻚ ﻣﺎﻣﺎ ﺗﻮﻧﻔﺘﺢ ... ﺍﺑﺘﺴﻤﺖ ﺣﻨﺎﻥ ..
ﻧﺎﺿﺖ ﻟﺒﻨﻰ ﻟﻠﺒﺎﺏ ﻭﻓﺘﺤﺎﺗﻪ ... ﻭﺍﻧﺼﺪﻣﺖ ....
ﻧﻀﺎﻝ ﺑﺈﺑﺘﺴﺎﻣﻪ : ﻟﺒﻮﻧﺘﻲ ...
..... ﻳﺘﺒﻊ .....
١٧ / ١٠ / ٢٠٢٠ · Facebook for Android · ﺭﻭة
