ﺍﻟﺘﺎﻟﻲ
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 14
ﻭﻟﺖ ﺣﻨﺎﻥ ﻟﺨﺪﻣﺘﻬﺎ ﻟﻜﻦ ﻣﻨﻈﺮ ﻣﻌﺎﻭﻳﻪ ﻣﺶ ﻗﺎﺩﺭﺓ ﺗﺸﻴﻠﻪ ﻣﻦ ﺑﺎﻟﻬﺎ .. ﺣﺎﻭﻟﺖ ﺗﺮﻛﺰ ﻓﻲ ﺍﻟﺨﺪﻣﻪ ﻉ ﻗﺪ ﻣﺎﺗﻘﺪﺭ ... ﻭﻛﻞ ﻣﺎﺗﻐﻔﻞ ﺷﻮﻳﻪ ﻳﺠﻲ ﺑﻴﻦ ﻋﻴﻮﻧﻬﺎ ﺑﺎﻟﺬﺍﺕ ﻧﻈﺮﺓ ﻋﻴﻮﻧﻪ ﻟﻴﻬﺎ ﻟﻤﺎ ﻛﺎﻥ ﻓﻬﺪﻳﻜﺎ ﺍﻟﺤﺎﻟﻪ ... ﺣﺴﺖ ﺍﻧﻬﺎ ﺗﻌﺒﺎﻥ ﻭﻳﺘﻌﺬﺏ ﻭﻓﻲ ﻫﻠﺒﻪ ﻭﻫﻠﺒﻪ ﺣﺎﺟﺎﺕ ﺷﺎﻓﺘﻬﻢ ﻓﻌﻴﻮﻧﻪ ﻭﻗﺘﻬﺎ ...
ﺍﻧﺘﻬﻲ ﻭﻗﺖ ﺩﻭﺍﻣﻬﺎ ﻭﺭﻭﺣﺖ ﻟﻠﺤﻮﺵ ... ﺧﺸﺖ ﺑﺴﺮﻋﻪ ﻷﻥ ﺍﻟﺒﺎﻳﻦ ﻉ ﺍﻟﻤﻄﺮ ﺑﺘﺼﺐ ...
ﺩﺍﺧﻞ ...
ﻧﻀﺎﻝ : ﻭﺍﻟﻠﻪ ﻭﻭﻟﻴﺘﻲ ﻳﺎﻓﻨﺎﻧﻪ ﺭﻫﻮﻓﺘﻲ ...
ﺭﻫﻒ : ﺻﺤﺘﻴﻦ ﻉ ﻗﻠﺒﻚ ...
ﻟﺒﻨﻰ ﻣﻘﻌﻤﺰﺓ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ ﺩﺍﻳﺮﻩ ﺭﻭﺣﻬﺎ ﻣﺶ ﻣﻌﺪﻟﻪ ﻟﻜﻨﻬﺎ ﻣﻌﺎﻫﻢ ...
ﺧﺸﺖ ﺣﻨﺎﻥ ...
ﻃﻮﻝ ﻧﻀﺎﻝ ﺷﺒﺢ ﻟﻠﺒﺎﺏ ﻳﺸﻮﻑ ﻓﻴﻬﺎ ﺑﻜﺎﻣﻞ ﺍﻧﺎﻗﺘﻬﺎ ﺷﻨﻄﺔ ﺍﻟﻼﺏ ﺗﻮﺏ ﻉ ﻛﺘﻔﻬﺎ ﻭﺷﻨﻄﺔ ﻋﺎﺩﻳﻪ ﻓﻴﺪﻫﺎ ... ﻭﻣﻔﺘﺎﺡ ﻓﻲ ﺍﻟﻴﺪ ﺍﻟﺘﺎﻧﻴﻪ ... ﻣﺎﻗﺪﺭﺵ ﻳﻨﺰﻝ ﻋﻴﻮﻧﻪ ﻣﻦ ﻋﻠﻴﻬﺎ ... ﺣﺲ ﺍﻟﺰﻣﺎﻥ ﺭﺟﻊ 20 ﺳﻨﻪ ﻟﺘﺎﻟﻲ ...
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﺭﺩﻭﺍ ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ...
ﺣﻨﺎﻥ : ﻣﺤﻤﺪ ﺭﺍﻗﺪ؟
ﺭﻫﻒ : ﺍﻳﻪ ﻏﻴﺮﺗﻠﻪ ﻭﺭﺿﻌﺘﻪ ..
ﺣﻨﺎﻥ ﺑﻀﺤﻜﻪ : ﻧﺠﻴﻬﺎ ﻳﺎﺭﺑﻲ ...
ﻟﺒﻨﻰ : ﻣﺎﻣﺎ ﻣﻬﺎ ﺭﺍﻗﺪﻩ ﻟﺘﻮﺍ ..
ﺣﻨﺎﻥ : ﻣﻌﻠﻴﺸﻲ ﺧﻠﻴﻬﺎ ﺗﺮﻗﺪ ﻭﺗﺮﻳﺢ ﺍﻋﺼﺎﺑﻬﺎ ...
ﻫﺬﺍ ﻛﻠﻪ ﻭﻧﻀﺎﻝ ﻋﻴﻮﻧﻪ ﻋﻠﻴﻬﺎ ...
ﻧﻀﺎﻝ : ﻛﻴﻒ ﺣﺎﻟﻚ ...
ﺣﻨﺎﻥ ﺷﺒﺤﺘﻠﻪ ﻭﻫﻲ ﻣﺎﺷﻴﻪ ﺑﺘﺮﻛﺐ : ﺍﻟﺤﻤﺪ ﻟﻠﻪ ...
ﺭﻥ ﺗﻠﻴﻔﻮﻧﻬﺎ ﻛﺎﻥ ﺍﺳﺎﻣﻪ ﺭﺩﺕ ...
ﺣﻨﺎﻥ ﺭﺍﻛﺒﻪ ﺍﻟﺪﺭﻭﺝ : ﺍﻟﺴﻼﻡ ﻋﻠﻴﻜﻢ
ﺃﺳﺎﻣﻪ : ﻭﻋﻠﻴﻜﻢ ﺍﻟﺴﻼﻡ ... ﻛﻴﻒ ﺣﺎﻟﻜﻢ ..
ﺣﻨﺎﻥ : ﺍﻟﺤﻤﺪﻟﻠﻪ .. ﻭﺍﻧﺖ
ﺍﺳﺎﻣﻪ : ﻣﺎﺷﻴﻪ ﺍﻟﺤﻤﺪ ﻟﻠﻪ ... ﺷﻜﻠﻪ ﺍﻟﻴﻮﻡ ﻣﺶ ﺻﺎﻳﺮ ﻣﻦ ﺍﻟﺠﻴﻪ ﺍﻟﻤﻄﺮ ﺗﺼﺐ ..
ﺣﻨﺎﻥ ﻭﻗﻔﺖ ﻭﺍﻟﺘﻔﺖ ﺷﺒﺤﺖ ﻟﻨﻀﺎﻝ ﺍﻟﻠﻲ ﻛﺎﻥ ﻳﺸﺒﺤﻠﻬﺎ : ﻻﺍﻻ ﺗﻘﺪﺭ ﺗﺠﻲ ﻧﻀﺎﻝ ﻫﻨﻲ ..
ﺍﺳﺎﻣﻪ ﺑﻔﺮﺣﻪ : ﺗﻤﺎﺍﺍﻡ ﺑﻜﻞ .. ﺍﻓﺘﺤﻮﻟﻲ ﺍﻟﺒﺎﺏ ..
ﺣﻨﺎﻥ ﺑﻀﺤﻜﻪ : ﺑﺎﻫﻲ .. ﻭﺻﻜﺮﺕ ...
ﻧﺰﻟﺖ ﻟﻮﻃﺎ : ﻧﻀﺎﻝ ﺍﺳﺎﻣﻪ ﺟﺎﻱ ..
ﻧﻀﺎﻝ ﺑﻀﻴﻖ : ﺑﺎﻩ ...
ﻭﻟﺖ ﺣﻨﺎﻥ ﺭﻛﺒﺖ ﻓﻮﻕ .. ﺧﻄﻤﺖ ﻉ ﺩﺍﺭ ﺑﻨﺎﺗﻬﺎ ﻓﺘﺤﺖ ﺍﻟﺒﺎﺏ ﺑﺎﻟﺸﻮﻳﺔ ﻟﻘﺖ ﻣﻬﺎ ﺭﺍﻗﺪﻩ ﻗﻌﺪﺕ ﺗﺸﺒﺤﻠﻬﺎ .. ﻭﺍﺫﻛﺮﺕ ﺑﻮﻫﺎ .. ﺗﻨﻬﺪﺕ ﻭﺭﺟﻌﺖ ﺳﻜﺮﺕ ﺍﻟﺒﺎﺏ ﻭﻣﺸﺖ ﻟﺪﺍﺭﻫﺎ .. ﺧﺸﺖ .. ﺳﻤﻌﺖ ﺻﻮﺕ ﻣﺤﻤﺪ ﻧﺎﻳﺾ ... ﻗﺮﺑﺘﻠﻪ ﻟﻌﺒﺎﺗﻪ ...
ﺑﻌﺪﻳﻦ ﻏﻴﺮﺕ ﺣﻮﺍﻳﺠﻬﺎ ﺧﺸﺖ ﻟﻠﺤﻤﺎﻡ ﻭﻫﻲ ﻓﻴﻪ ﺃﺫﻥ ﺍﻟﻌﺼﺮ ...
ﻃﻠﻌﺖ ﺻﻠﺖ .. ﺑﻌﺪﻳﻦ ﺧﺪﺕ ﻣﺤﻤﺪ ﻟﺒﺴﺎﺗﻪ ﻟﺒﺴﻪ ﺣﻠﻮﻩ ﻭﻟﻔﺎﺗﻪ ﻓﺒﻄﺎﻧﻴﻪ .. ﻭﺧﺪﺍﺗﻪ ﻭﺑﺘﻨﺰﻝ ﺑﻴﻪ ﻟﻮﻃﺎ ...
ﻟﻮﻃﺎ ...
ﺍﺳﺎﻣﻪ : ﺍﻟﺤﻤﺪ ﻟﻠﻪ ﻣﺎﺷﻴﻪ ﺍﻻﻣﻮﺭ ..
ﻧﻀﺎﻝ : ﻛﻮﻳﺲ ..
ﻉ ﻧﺰﻟﺔ ﺣﻨﺎﻥ ﻣﻦ ﻓﻮﻕ ﻭﻓﻴﺪﻫﺎ ﻣﺤﻤﺪ ﺗﻼﻋﺐ ﻓﻴﻪ ...
ﻋﻴﻮﻧﻬﻢ ﻋﻠﻴﻬﺎ .. ﺃﺳﺎﻣﺔ ﺑﺪﻱ ﻳﺤﺲ ﺑﺸﻌﻮﺭ ﻏﺮﻳﺐ ﻭﺣﻠﻮ ﻫﻠﺒﻪ ﻭﻳﻦ ﻳﺸﻮﻓﻬﺎ .. ﺑﺪﻱ ﻳﺤﺲ ﺭﻭﺣﻪ ﻣﺘﻠﻬﻒ ﻟﺸﻮﻓﺘﻬﺎ ﺍﻛﺜﺮ ﻣﻦ ﻭﻟﺪﻩ .. ﺑﻴﻨﻪ ﻭﺑﻴﻦ ﻧﻔﺴﻪ ﻣﺎﻳﺒﻴﺶ ﻳﻔﻬﻢ ﻫﺎﻟﺸﻌﻮﺭ ﻧﻬﺎﺋﻲ ﻳﺒﻲ ﻳﺤﺴﻪ ﻭﺑﺲ ...
ﻧﻀﺎﻝ ﻣﺶ ﻋﺎﺭﻑ ﻋﻼﺵ ﺑﺪﻱ ﻳﺮﺟﻊ ﻳﻌﻴﺶ ﺑﺸﻌﻮﺭ ﻗﺪﻳﻢ ﻫﻠﺒﻪ ﻟﻴﻪ ﻣﺪﻩ ﻣﺎﻋﺎﺷﺎﺵ ﻧﻬﺎﺋﻲ ﻟﻤﺎ ﻳﺸﻮﻑ ﺣﻨﺎﻥ ...
ﺣﻨﺎﻥ : ﺍﻫﻮ ﺟﻴﺘﻚ ﺑﺎﺑﺎ ﻧﻲ .. ﺗﺎﺣﺸﺘﻚ .. ﻫﻠﺒﻪ ..
ﺿﺤﻜﻮﺍ ﺍﻟﺰﻭﺯ ﻭﺃﺳﺎﻣﻪ ﻧﺎﺽ ﺧﺪﺍﻩ ﻣﻨﻬﺎ ... ﻭﻫﻮ ﻳﺸﻮﻓﻠﻬﺎ ﻭﻫﻲ ﻻﻫﻴﻪ ﺑﻤﺤﻤﺪ ﻭﻧﻀﺎﻝ ﻣﻌﺎﻫﻢ ﻉ ﺍﻟﺨﻂ ﻭﺑﺪﻭﺍ ﺍﻋﺼﺎﺑﻪ ﻳﻮﻟﻌﻮﺍ ..
ﺣﻨﺎﻥ : ﺗﻐﺪﻳﺖ ..
ﺍﺳﺎﻣﺔ ﺑﻀﺤﻜﻪ : ﺣﺘﻰ ﻛﺎﻥ ﺗﻐﺪﻳﺖ ﺑﻨﻘﻮﻝ ﻻ ...
ﺣﻨﺎﻥ ﺑﻀﺤﻜﻪ : ﺭﻫﻮﻓﻪ ﺷﻦ ﺩﺭﺗﻲ ﺍﻟﻴﻮﻡ ..
ﺭﻫﻒ ﺍﻟﻠﻲ ﻛﺎﻧﺖ ﺗﺮﺍﻗﺐ ﻓﻲ ﺍﻟﻤﺸﻬﺪ ﻛﻮﻳﺲ : ﺭﺯ ﺑﺎﻟﺨﻠﻄﻪ ﻭﺩﺟﺎﺝ ﻣﻘﻠﻲ ﻭﺳﻼﻃﻪ ﻣﺸﻮﻳﻪ ..
ﺣﻨﺎﻥ : ﺟﻌﺎﺍﺍﺍﻧﻪ ﻣﻮﺕ .. ﻭﻣﺸﺖ ﺗﺠﺮﻱ ﻟﻠﻜﻮﺟﻴﻨﻪ ...
ﻭﺃﺳﺎﻣﻪ ﻧﺎﺳﻲ ﻧﻔﺴﻪ ﻭﻋﻴﻮﻧﻪ ﻣﻌﺎﻫﺎ ..
ﻧﻀﺎﻝ ﺑﺤﺪﻩ : ﻭﻟﺪﻙ
ﺍﺳﺎﻣﻪ ﺍﻟﺘﻔﺘﻠﻪ : ﺧﻴﺮﻩ؟ !
ﻧﻀﺎﻝ : ﺭﻛﺰ ﻣﻌﺎﻩ ﻣﺶ ﺩﻳﻤﺎ ﺗﺸﻮﻑ ﻓﻴﻪ ﺃﻧﺖ ..
ﺍﺳﺎﻣﻪ ﺭﻓﻊ ﺣﺎﺟﺒﻪ ﻭﻓﻬﻢ ﻋﻠﻴﻪ ﺍﺑﺘﺴﻢ ﻭﺷﺒﺢ ﻟﻮﻟﺪﻩ ...
ﻧﻀﺎﻝ " ﺍﻟﻮﺿﻊ ﻫﺬﺍ ﻣﺎﻳﻨﺒﻠﻌﺶ ﻣﻌﺎﻱ "..
ﺣﻄﺖ ﺣﻨﺎﻥ ﺍﻟﻐﺪﻱ ﻷﺳﺎﻣﻪ ﻭﻫﻲ ﻣﺸﺖ ﺗﻐﺪﺕ ﻓﻲ ﺍﻟﻜﻮﺟﻴﻨﻪ ...
ﻫﺪﺭﺯ ﺍﺳﺎﻣﻪ ﺷﻮﻳﻪ ﻭﺭﻭﺡ ... ﻫﻮ ﺭﻭﺡ ﻣﻦ ﻫﻨﻲ ﻧﻀﺎﻝ ﺧﺶ ﻟﺤﻨﺎﻥ ﻓﻲ ﺍﻟﻜﻮﺟﻴﻨﻪ ﻃﻮﻝ ..
ﺭﻫﻒ ﺑﻬﻤﺲ : ﺑﺲ .. ﻟﺒﻨﻰ ...
ﻟﺒﻨﻲ ﺷﺒﺤﺘﻠﻬﺎ : ﺧﻴﺮﻙ ...
ﺭﻫﻒ : ﻣﺶ ﻣﻼﺣﻈﻪ ﺑﺎﺑﺎ ..
ﻟﺒﻨﻰ ﺑﻨﺮﻓﺰﺓ : ﻻ ..
ﺭﻫﻒ ﺑﻀﺤﻜﻪ : ﺗﻲ ﻏﻴﺮ ﻳﺎﺣﻤﺎﺭﻩ ﺭﻛﺰﻱ ﻣﻌﺎﻱ .. ﺑﺎﺑﺎ ﻣﺶ ﻣﻼﺣﻈﻪ ﺍﻧﻪ ﻳﻐﺎﺭ ...
ﻟﺒﻨﻰ : ﻭﺍﻟﻠﻪ؟ ! ﻉ ﺍﻱ ﺍﺳﺎﺱ .. ﻣﺶ ﻣﻌﺎﺵ ﻳﺤﺒﻬﺎ ﻭﻳﺤﺐ ﻳﺎﺭﺍ ﻣﺘﺎﻋﻪ ..
ﺭﻫﻒ ﺑﻀﺤﻜﻪ : ﻣﺶ ﻋﺎﺭﻓﻪ ﻫﺬﺍ ﺍﻟﻠﻲ ﻣﻼﺣﻈﺎﺗﻪ .. ﻗﺮﻳﺐ ﻭﻟﻊ ﻓﻲ ﻋﻤﻮ ﺃﺳﺎﻣﻪ ...
ﻟﺒﻨﻰ : ﻣﺎﻻﺵ ﺣﻖ ..
ﺭﻫﻒ : ﻛﻢ ﻣﺮﺓ ﺑﻨﺬﻛﺮﻙ ﻳﺎﻫﺒﻠﻪ ﻣﺎﻣﺎ ﻗﺎﻋﺪﻩ ﻣﺮﺗﻪ ...
ﺍﻟﺘﻔﺘﺖ ﺷﺒﺤﺘﻠﻬﻢ ﻛﻴﻒ ﻳﺘﻜﻠﻤﻮﺍ ﻓﻲ ﺍﻟﻜﻮﺟﻴﻨﻪ ﻭﺭﻫﻒ ﻛﺬﻟﻚ ...
ﻓﻲ ﺍﻟﻜﻮﺟﻴﻨﻪ ..
ﺣﻨﺎﻥ : ﻭﻳﻦ ﺗﺒﻴﻪ ﻳﻤﺸﻲ ﺑﻴﻪ ﻳﺤﻄﻪ ﻓﺪﺍﺭ ﺍﻳﺘﺎﻡ ...
ﻧﻀﺎﻝ : ﻳﺘﺰﻭﺝ ﻳﺪﺑﺮ ... ﻳﺠﻴﺒﻠﻪ ﻣﺮﺑﻴﻪ ..
ﺣﻨﺎﻥ : ﺯﻭﺍﺝ ﻣﺶ ﺣﻴﺘﺰﻭﺝ ﻹﻧﻪ ﻣﺶ ﺣﻤﻞ ﻫﺎﻟﻤﺴﺆﻭﻟﻴﻪ .. ﺗﺎﻧﻲ ﺷﻲ ﻣﺴﺘﺤﻴﻞ ﻧﺨﻠﻲ ﻭﻟﺪ ﻋﺎﺋﺸﻪ ﺑﻴﻦ ﺍﻳﺪﻳﻦ ﺣﺪ ﻏﺮﻳﺐ ...
ﻧﻀﺎﻝ : ﺍﺳﻤﻌﻲ ﻣﻦ ﺍﻷﺧﻴﺮ ﺍﻟﻮﺿﻊ ﻣﺶ ﻋﺎﺟﺒﻨﻲ ..
ﺣﻨﺎﻥ ﺑﺤﺪﻩ : ﺣﺘﻰ ﺍﻧﻲ ﻣﺶ ﻋﺎﺟﺒﻨﻲ ..
ﻧﻀﺎﻝ : ﺷﻦ ﻗﺼﺪﻙ؟ !
ﺣﻨﺎﻥ : ﻗﺼﺪﻱ .. ﺍﻥ ﺍﻟﻠﻲ ﺍﺟﻠﺘﻪ ﻣﻦ ﺗﻼﺗﻪ ﺷﻬﻮﺭ .. ﺗﻮﺍ ﺟﻲ ﻭﻗﺘﻪ ..
ﻧﻀﺎﻝ ﻓﻬﻢ ﻗﺼﺪﻫﺎ ﺗﻠﻘﺎﺋﻴﺎ ﻗﺎﻝ : ﺍﺣﻠﻤﻲ !
ﺣﻨﺎﻥ ﺿﻴﻴﻘﺖ ﻋﻴﻮﻧﻬﺎ ﺑﺈﺳﺘﻐﺮﺍﺏ : ﺷﻨﻮ؟ !
ﻧﻀﺎﻝ ﺍﺭﺗﺒﻚ : ﻗﺼﺪﻱ .. ﻣﺎﺯﺍﻝ ﻋﻠﻴﻪ .. ﺷﺒﺢ ﻟﺒﻨﺎﺗﻪ .. ﻭﻟﻠﺒﻨﻰ ﺗﺤﺪﻳﺪﺍ ﺍﻟﻠﻲ . ﻗﻠﺒﺖ ﻭﺟﻬﻬﺎ ﻟﻤﺎ ﺷﺎﻓﻠﻬﺎ ... ﺷﻮﻓﻲ ﻟﺒﻨﻰ .. ﻟﺘﻮﺍ ﻭﺍﺧﺪﻩ ﻣﻮﻗﻒ ﻣﻨﻲ .. ﻳﻌﻨﻲ .. ﺧﻠﻲ ﻧﺤﻠﻬﺎ ﻣﻌﺎﻫﺎ ﻗﺒﻞ ...
ﺣﻨﺎﻥ ﺷﺒﺤﺘﻠﻪ ﻭﻗﺪﻣﺖ : ﻧﻀﺎﻝ ... ﺭﺩ ﺑﺎﻟﻚ ﺗﻨﺴﻰ .. ﺍﻧﻲ ﻭﺍﻧﺖ ﺍﻟﺮﺍﺑﻂ ﺍﻟﻮﺣﻴﺪ ﺑﻴﻨﺎ ﻫﻮ ﺍﻟﺒﻨﺎﺕ ﻭﺑﺲ ... ﻭﻟﻮ ﻛﻨﺖ ﻭﺍﻓﻘﺖ ﻣﻦ ﺍﻟﺒﺪﺍﻳﻪ ﻉ ﻗﺼﺔ ﺍﻟﻄﻼﻕ .. ﺭﺍﻙ ﺯﻳﻚ ﺯﻱ ﺍﺳﺎﻣﻪ ﺗﻮﺍ ﻋﺘﺒﻪ ﺍﻟﺤﻮﺵ ﻣﺎﺗﻌﺘﺒﻬﺎﺵ .. ﻟﺬﻟﻚ .. ﻟﻤﺎ ﺗﺠﻲ ﻫﻨﻲ ﺣﺪﻙ ﺑﻨﺎﺗﻚ ﻓﻘﻂ ... ﻭﺍﻧﻲ ﻣﺮﺍﻋﻴﻪ ﺭﺑﻲ ﻓﻴﻚ ﺍﻧﻲ ﻗﺎﻋﺪﻩ ﻉ ﺫﻣﺘﻚ ... ﻛﻠﻬﺎ ﻣﺪﻩ ﻣﺤﺪﺩﻩ ﻭﻛﻞ ﺣﺪ ﻳﻤﺸﻲ ﻓﺤﺎﻟﻪ .. ﺧﻼﺗﻪ ﻭﻣﺸﺖ ...
ﻫﻮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺭﻛﺒﺖ .. ﺣﺎﺱ ﺑﻀﻴﻖ ﺷﺪﻳﺪ .. ﺍﻟﺘﻔﺖ ﻃﻮﻝ ﻃﻠﻊ ﻣﻦ ﺍﻟﺤﻮﺵ ﺑﺪﻭﻥ ﻣﺎﻳﺴﻠﻢ ﻉ ﺑﻨﺎﺗﻪ ..
ﺭﻫﻒ : ﺗﻌﺮﻓﻲ ﻣﻨﻮ ﺍﻏﺮﺏ ﻣﺨﻠﻮﻗﺎﺕ ﺍﻟﻠﻪ ﻉ ﻭﺟﻪ ﺍﻷﺭﺽ؟
ﻟﺒﻨﻰ ﺑﻀﺤﻜﻪ : ﺍﻟﺮﺟﺎﻟﻪ ...
ﺭﻫﻒ : ﻫﻬﻬﻬﻬﻬﻬﻬﻪ ... ﻭﺍﻟﻠﻪ ﻣﺨﻠﻮﻗﺎﺕ ﻏﺮﻳﺒﻪ ...
***
ﻃﻠﻊ ﻣﻦ ﺍﻟﺸﺮﻛﻪ ﻭﻣﻌﺎﻩ ﻣﺴﺎﻋﺪﻩ ﺑﻴﻴﺮﻭﺣﻮﺍ ...
ﻣﻌﺎﻭﻳﻪ ﺷﺒﺤﻠﻪ : ﺃﻳﻤﻦ ﻓﺎﺿﻲ؟
ﺍﻳﻤﻦ : ﺍﻳﻪ ..
ﻣﻌﺎﻭﻳﻪ : ﺷﻦ ﺭﺍﻳﻚ ﻧﻤﺸﻮﺍ ﻧﺎﻛﻠﻮﺍ ﻓﻲ ﺃﻱ ﻣﻜﺎﻥ ...
ﺍﻳﻤﻦ : ﻣﺎﻋﻨﺪﻳﺶ ﻣﺎﻧﻊ ...
ﻣﻌﺎﻭﻳﻪ ﺍﺑﺘﺴﻢ : ﺗﻌﺎﻟﻰ ﻣﻌﺎﻱ .. ﺧﻠﻴﻬﺎ ﺗﻘﻌﺪ ﺳﻴﺎﺭﺗﻚ ﻏﺪﻭﺓ ﺗﺠﻴﻬﺎ ..
ﺍﻳﻤﻦ ﺑﻀﺤﻜﻪ : ﺗﻢ ﻳﺎ Boss
ﺭﻛﺒﻮﺍ ﺍﻟﺰﻭﺯ ﻟﺴﻴﺎﺭﺓ ﻣﻌﺎﻭﻳﻪ ﻭﺗﺤﺮﻙ ﺑﻴﻬﻢ ﺍﻟﺴﻮﺍﻕ ...
***
ﻧﺎﺿﺖ ﻣﻬﺎ ﻣﻦ ﻧﻮﻣﻬﺎ .. ﻃﻠﻌﺖ ﻣﻦ ﺍﻟﺪﺍﺭ .. ﻭﻫﻲ ﻣﻬﺴﻬﺴﻪ ﺷﻮﻳﻪ .... ﻧﺰﻟﺖ ﻣﻦ ﺍﻟﺪﺭﻭﺝ .. ﺑﺲ ﻛﺎﻧﺖ ﺭﺅﻳﻪ ﻋﻨﺪﻫﺎ ﺷﺒﻪ ﻣﻀﺒﺒﻪ ﺗﺴﻤﻊ ﻓﻴﻬﻢ ﻳﻬﺪﺭﺯﻭﺍ ﻭﻳﻀﺤﻜﻮﺍ .. ﺍﺑﺘﺴﻤﺖ ﻭﺻﻠﺖ ﻓﻲ ﺍﻟﻨﻬﺎﻳﻪ ﺍﻟﺪﺭﻭﺝ ..
ﻟﺒﻨﻰ ﺷﺎﻓﺘﻬﺎ : ﻣﻬﻮﺵ ﻧﻀﺘﻲ ... ﺗﻌﺎﻟﻲ ﺑﺎﻟﻠﻪ ﻋﻠﻴﻚ ﺷﻮﻓﻲ ﺍﻟﻌﺴﻮﻝ ...
ﺣﻨﺎﻥ ﺷﺒﺤﺘﻠﻬﺎ ﺑﻀﺤﻜﻪ : ﺑﺶ ﻃﻴﺤﻲ ﻓﻐﺮﺍﻣﻪ ﺯﻳﻬﺎ ﻭﺗﺘﻌﺎﺭﻛﻮﺍ ﻋﻠﻴﻪ ..
ﻣﻬﺎ ﺗﺒﺘﺴﻢ ﺑﺎﻟﺴﻴﻒ ﺣﺎﺳﻪ ﺭﻭﺣﻬﺎ ﻣﺶ ﻗﺎﺩﺭﻩ ﺗﻮﻗﻒ ﻭﺭﺅﻳﻪ ﺧﻼﺹ ﺷﺒﻪ ﺍﻧﻌﺪﻣﺖ .. ﻟﻴﻦ ﺍﺳﻮﺩﺕ ﺍﻟﺪﻧﻴﺎ ﻭﻃﺎﺣﺖ ﻣﻦ ﻃﻮﻟﻬﺎ ..
***
ﺍﻳﻤﻦ : ﻫﻲ ﺗﺒﻲ ﺗﻘﻌﺪ ﻣﻌﺎﻩ ﻣﺶ ﻗﺎﺩﺭ ﻧﺠﺒﺮﻫﺎ ﺗﺨﻠﻴﻪ ..
ﻣﻌﺎﻭﻳﻪ : ﻟﻮ ﻣﻨﻚ ﻃﻠﻘﺘﻬﺎ ﻣﻨﻪ ﻭﺧﻠﻴﺘﻬﺎ ﺗﺨﺒﻂ ﺭﺍﺳﻬﺎ ﻓﻲ ﺍﻟﺤﻴﻂ ﺗﻌﻴﻂ ﺗﻌﻴﻂ ﺑﻌﺪﻳﻦ ﺗﺴﻜﺖ ..
ﺍﻳﻤﻦ ﺑﻀﺤﻜﻪ : ﻫﺬﺍﻛﺎ ﺍﻧﺖ ﻳﺎﻛﺒﺪﻱ ..
ﻣﻌﺎﻭﻳﻪ ﺿﺤﻚ ...
ﺍﻳﻤﻦ ﻓﺒﺎﻟﻪ ﺣﻨﺎﻥ ﻭﻳﺒﻲ ﻳﻌﺮﻑ ﻣﻦ ﻫﻲ ﻭﻣﻦ ﺍﻭﻝ ﻣﺎﻃﻠﻌﺖ ﻣﻦ ﻋﻨﺪﻩ ﻳﺒﻲ ﻳﺴﺄﻟﻪ ﻭﻣﺶ ﻗﺎﺩﺭ ... ﻹﻥ ﻣﻌﺎﻭﻳﻪ ﻭﻗﺘﻬﺎ ﻣﺰﺍﺟﻪ ﻣﻌﻜﺮ ...
ﺍﻳﻤﻦ : ﺍﺣﻤﻢ .. ﻣﻌﺎﻭﻳﻪ .. ﺑﻨﺴﺄﻟﻚ .. ﻣﻦ ﻫﻲ ﺍﻟﻤﺮﺍﺓ ﺍﻟﻠﻲ ﺟﺎﺗﻚ ﺍﻟﻴﻮﻡ ..
ﻣﻌﺎﻭﻳﻪ ﻟﻤﺎ ﺍﺫﻛﺮﻫﺎ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ : ﻋﻼﺵ ﺗﺴﺄﻝ .
ﺍﻳﻤﻦ : ﺑﺼﺮﺍﺣﻪ ﻭﺣﺪﻩ ﺯﻳﻬﺎ ﺍﺳﺘﻐﺮﺑﺖ ﻣﻦ ﻭﻳﻦ ﺗﻌﺮﻓﻬﺎ ..
ﻣﻌﺎﻭﻳﻪ : ﻛﻴﻒ ﺯﻳﻬﺎ؟
ﺍﻳﻤﻦ : ﻣﺤﺠﺒﻪ ﻫﺬﺍ ﺍﻭﻝ ﺷﻲ .. ﻭﻣﺶ ﻋﺎﺭﻑ ﻳﻌﻨﻲ ﻭﺑﺼﺮﺍﺣﻪ .. ﺣﺴﻴﺘﻬﺎ ﻣﺶ ﻃﺎﻳﻘﺎﺗﻚ ﻭﻻﺍﻧﺖ ...
ﻣﻌﺎﻭﻳﻪ ﺭﻓﻊ ﺣﺎﺟﺒﻪ ﺑﺄﺑﺘﺴﺎﻣﻪ : ﻭﺣﺪﻩ ﺣﺸﺮﻳﻪ ...
ﺍﻳﻤﻦ : ﻳﺎﺭﻳﺖ ﺍﻟﺤﺸﺮﻳﻴﻦ ﻛﻠﻬﻢ ﻫﻜﻲ ...
ﻣﻌﺎﻭﻳﻪ ﺣﺲ ﺑﺸﻲ ﻣﻦ ﺍﻟﻀﻴﻖ ﻟﻤﺎ ﺗﻜﻠﻢ ﺍﻳﻤﻦ ﻋﻠﻴﻬﺎ ﻫﻜﻲ : ﺑﺎﻩ ﺧﻼﺹ ﻏﻴﺮ ﺍﻟﺴﻴﺮﺓ ...
ﺍﻳﻤﻦ ﺑﻀﺤﻜﻪ : ﺯﻱ ﻣﺎﺗﺒﻲ ..
***
ﻓﻲ ﺍﻟﻤﺴﺘﺸﻔﻰ ..
ﺍﻟﺪﻛﺘﻮﺭ : ﺍﻟﻤﺮﻳﻀﻪ ﻋﻨﺪﻫﺎ ﺟﻔﺎﻑ ﻭﺩﻣﻬﺎ ﻧﺎﺯﻝ ﻣﻌﻘﻮﻟﻪ ﻫﻜﻲ ﻛﺎﻧﺖ ﻣﻀﺮﺑﻪ ﻋﻦ ﺍﻟﻄﻌﺎﻡ ﻭﻻﺷﻨﻮ ..
ﺣﻨﺎﻥ : ﻫﻴﺎ ﺗﻤﺮ ﺑﻈﺮﻭﻑ ﺻﻌﺒﻪ ﺷﻮﻳﻪ ..
ﺍﻟﺪﻛﺘﻮﺭ : ﻉ ﺍﻟﻌﻤﻮﻡ ﺣﻨﻲ ﺗﻮﺍ ﺭﻛﺒﻨﺎﻟﻬﺎ ﺗﻐﺪﻳﻪ ﻻﺯﻡ ﺗﻘﻌﺪ ﺍﻟﻴﻮﻡ ﻟﻤﺮﺍﻗﺒﺔ ﺣﺎﻟﺘﻬﺎ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﺍﻟﺪﻛﺘﻮﺭ : ﻻﺑﺎﺱ .. ﻭﻣﺸﻲ ..
ﺣﻨﺎﻥ ﺗﻨﻬﺪﺕ ... ﺗﺒﻲ ﺗﺨﺒﺮ ﺑﻮﻫﺎ .. ﺿﺮﻭﺭﻱ ﻳﻌﺮﻑ .. ﻟﻜﻦ ﻛﻴﻒ ...
ﺣﻨﺎﻥ ﺷﺒﺤﺖ ﻟﻠﺒﻨﻰ : ﺑﻨﺘﻲ ﺗﻠﻴﻔﻮﻧﻬﺎ ﻣﻌﺎﻙ ..
ﻟﺒﻨﻰ : ﻻ ..
ﺣﻨﺎﻥ ﻣﻄﺖ ﺷﻮﺍﺭﺑﻬﺎ ﺑﺈﺳﺘﻴﺎﺀ ﻭﺍﺗﺼﻠﺖ ﺑﺮﻫﻒ ... ﺭﺩﺕ ..
ﺣﻨﺎﻥ : ﺍﻳﻮﻩ ﺭﻫﻒ ...
ﺭﻫﻒ : ﻧﻌﻢ ﻣﺎﻣﺎ ..
ﺣﻨﺎﻥ : ﺑﻨﺘﻲ ﺗﺮﺍ ﺷﻮﻓﻲ ﺗﻠﻴﻔﻮﻥ ﻣﻬﺎ ﻓﻲ ﺩﺍﺭﻛﻢ ..
ﺭﻫﻒ : ﻫﻲ ﺷﻮﻳﻪ ﺧﻠﻴﻚ ﻉ ﺍﻟﺨﻂ .. ﻃﻠﻌﺖ ﺭﻫﻒ ﻣﻦ ﺣﺪﺍ ﻣﺤﻤﺪ ﻭﻣﺸﺖ ﻟﺪﺍﺭﻫﻢ .. ﻗﻌﺪﺕ ﺍﺩﻭﺭ ﻣﺎﻟﻘﺖ ﺷﻲ ... ﺍﺿﻄﺮﺕ ﺗﻔﺘﺶ ﺍﻟﺸﻨﻄﻪ ﻟﻘﺎﺗﻪ ﻓﻴﻬﺎ ... ﻃﻠﻌﺎﺗﻪ ... ﺍﻫﻮ ﻣﺎﻣﺎ ﻟﻘﻴﺘﻪ ..
ﺣﻨﺎﻥ : ﺗﺮﺍ ﺍﻓﺘﺤﻴﻪ ..
ﺭﻫﻒ ﻓﺘﺤﺎﺗﻪ : ﺍﻧﻔﺘﺢ ﻣﻌﺎﻱ ﻣﺎﻓﻴﺸﻲ ﺭﻣﺰ ..
ﺣﻨﺎﻥ : ﻛﻮﻳﺲ ﺧﺸﻲ ﻉ ﻗﺎﺋﻤﺔ ﺍﻷﺳﻤﺎﺀ ﺩﻭﺭﻱ ﻉ ﺭﻗﻢ ﺑﻮﻫﺎ ...
ﺭﻫﻒ ﻣﺎﻟﻘﺘﺶ ﻋﻨﺪ ﻣﻬﺎ ﻏﻴﺮ ﺍﺭﺑﻌﻪ ﺍﺭﻗﺎﻡ ...
ﺍﻟﺴﻮﺍﻕ .. ﻭﻟﺒﻨﻰ ... ﻭﺟﺪﺗﻬﺎ ﺍﻟﻠﻲ ﻣﺎﺗﺖ .. ﻭﻣﻌﺎﻭﻳﻪ ...
ﺭﻫﻒ : ﻓﻲ ﺭﻗﻢ ﺑﺄﺳﻢ ﻣﻌﺎﻭﻳﻪ ...
ﺣﻨﺎﻥ ﺍﺗﻔﺎﺟﺌﺖ ﻟﻤﺎ ﻋﺮﻓﺖ ﺍﻧﻬﺎ ﻣﺴﻤﻴﻪ ﺑﻮﻫﺎ ﺑﺈﺳﻤﻪ : ﺍﻳﻪ ﻫﺬﺍ ﺑﻮﻫﺎ .. ﺍﺑﻌﺘﻴﻠﻲ ﺭﻗﻤﻪ ﻓﺮﺳﺎﻟﻪ ...
ﺭﻫﻒ : ﺑﺎﻩ ...
ﺻﻜﺮﺕ ﺣﻨﺎﻥ ﻭﻗﻌﺪﺕ ﺗﺴﺘﻨﻰ ... ﺟﺘﻬﺎ ﺭﺳﺎﻟﻪ ... ﺷﺒﺤﺖ ﺍﻟﺮﻗﻢ .. ﺧﺪﺕ ﻧﻔﺲ ﻋﻤﻴﻖ ﻭﺍﺗﺼﻠﺖ ﻃﻮﻝ ...
...
ﻣﻌﺎﻭﻳﻪ : ﺍﻧﺖ ﻻﺯﻡ ﺗﻨﻘﺺ ﺷﻮﻳﻪ ..
ﺍﻳﻤﻦ : ﺣﺘﻰ ﺍﻧﻲ ﻫﻜﻲ ﻧﻘﻮﻝ ...
ﺭﻥ ﺗﻠﻴﻔﻮﻧﻪ ﺧﺪﺍﻩ ﻭﻗﻌﺪ ﻳﺸﺒﺢ ﻓﺎﻟﺮﻗﻢ : ﻣﻌﻨﺪﻳﺶ ﻧﻴﻪ ﻧﺮﺩ ﺑﻜﻞ ..
ﺣﻂ ﺍﻟﺘﻠﻴﻔﻮﻥ ...
ﻓﺼﻞ ﻋﻨﺪ ﺣﻨﺎﻥ .. ﻋﺎﻭﺩﺕ ﻣﺮﺓ ﺗﺎﻧﻴﻪ ﻧﺎﺩﻱ ﻟﻴﻦ ﻓﺼﻞ .. ﺭﻥ ﻣﺮﺓ ﺗﺎﻟﺘﻪ ..
ﺍﻳﻤﻦ : ﻣﺮﺍﺕ ﺷﻲ ﺿﺮﻭﺭﻱ ..
ﻣﻌﺎﻭﻳﻪ ﺑﺘﺬﻣﺮ : ﺍﻟﻮﺍﺣﺪ ﻣﺎﻳﺮﺗﺎﺣﺶ ﺑﻜﻞ ... ﺭﺩ ﺑﺤﺪﻩ ..
ﻣﻌﺎﻭﻳﻪ : ﺁﻟﻮﻭ ..
ﺣﻨﺎﻥ ﺳﻜﺮﺕ ﻋﻴﻮﻧﻬﺎ ﻭﺑﻌﺪﺕ ﺍﻟﺘﻠﻴﻔﻮﻥ ﺷﻮﻳﻪ ﺑﻌﺪﻳﻦ ﻗﺮﺑﺎﺗﻪ ﻭﺭﺩﺕ : ﺃﺳﺘﺎﺫ ﻣﻌﺎﻭﻳﻪ ..
ﻣﻌﺎﻭﻳﻪ ﺿﻴﻖ ﻋﻴﻮﻧﻪ ﻭﺷﺒﺢ ﻷﻳﻤﻦ : ﻣﻨﻲ ..
ﺣﻨﺎﻥ : ﺍﻧﻲ ﺣﻨﺎﻥ ...
ﻣﻌﺎﻭﻳﻪ ﻣﺎﻳﻌﺮﻓﺶ ﺍﺳﻤﻬﺎ : ﺍﻳﻪ ﻣﻦ ﺣﻨﺎﻥ ..
ﺣﻨﺎﻥ " ﺍﻟﺼﺒﺮ ": ﺍﻟﻠﻲ ﺟﻴﺘﻚ ﺍﻟﻴﻮﻡ ..
ﻣﻌﺎﻭﻳﻪ ﻹﺭﺍﺩﻳﺎ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ... ﺑﺲ ﺣﺐ ﻳﻬﻴﻨﻬﺎ ﻛﻌﺎﺩﺗﻪ : ﺷﻨﻮ ﻣﺎﺻﺪﻗﺘﻲ ﺷﻜﻠﻚ .. ﺑﺪﻳﺮﻱ ﺻﺤﺒﻪ ...
ﺣﻨﺎﻥ ﺍﻧﺼﺪﻣﺖ ﻓﻲ ﻛﻠﻤﺘﻪ ﻭﻋﺼﺒﺖ ﻉ ﺍﻵﺧﺮ : ﻭﺍﻟﻠﻪ ﺍﻟﻌﻈﻴﻢ ﻟﻮﻻ ﺑﻨﺘﻚ ﺍﻟﻤﺴﻜﻴﻨﻪ ﻣﺎﻛﻨﺖ ﻓﻜﺮﺕ ﻧﻌﺮﻓﻚ ﺣﺘﻰ ... ﺍﺳﻤﻊ ﺑﻨﺘﻚ ﻓﻲ ﻣﺴﺘﺸﻔﻰ *****.. ﻭﺗﻬﻜﻤﺎ ﻗﺎﻟﺖ .. ﻟﻮﻛﻨﺖ ﻓﺎﺿﻲ ﻃﺒﻌﺎ ﺗﻌﺎﻟﻰ ﺷﻮﻓﻬﺎ ﻭﺻﻜﺮﺕ ﻓﻮﺟﻬﻪ ..
ﻫﻮ ﻗﻌﺪ ﻣﺼﺪﻭﻡ ﺑﻌﺪﻳﻦ ﻧﺎﺽ : ﺍﻳﻤﻦ ﺗﻌﺎﻟﻰ ﻣﻌﺎﻱ ...
ﺍﻳﻤﻦ ﺧﺎﻑ ﻭﻧﺎﺽ ﻃﻠﻊ ﻭﺭﺍﻩ ﻃﻮﻝ ..
...
ﻟﺒﻨﻲ ﻧﺎﺿﺘﻠﻬﺎ : ﻣﺎﻣﺎ ﺷﻦ ﻗﺎﻟﻚ ﺑﺶ ﻋﺼﺒﻚ ﻫﻜﻲ ..
ﺣﻨﺎﻥ ﺑﻨﺮﻓﺰﺓ : ﻧﻘﻌﺪﻭﺍ ﻟﻴﻦ ﻳﺠﻲ ﻭﻧﻄﻠﻌﻮﺍ ﻃﻮﻝ ..
ﻟﺒﻨﻰ ﺍﻭﻝ ﻣﺮﺓ ﺗﺸﻮﻑ ﺃﻣﻬﺎ ﻣﻌﺼﺒﻪ ﻫﻜﻲ : ﺑﺎﻫﻲ ..
ﺭﺍﺟﺖ ﻟﻴﻦ ﺷﺒﺤﺎﺗﻪ ﻟﺒﻨﻰ ﺟﺎﻱ ..
ﻟﺒﻨﻰ : ﻣﺎﻣﺎ ﺍﻫﻮﺍ ...
ﺣﻨﺎﻥ ﻛﺎﻧﺖ ﻣﺘﻜﻴﻪ ﻉ ﺣﻴﻂ ﺑﺠﻨﺒﻬﺎ ﻭﻻﻫﻴﻪ ﺑﺘﻠﻴﻔﻮﻧﻬﺎ ﺷﺎﻓﺘﻪ ... ﺷﺒﺤﺖ ﻟﺒﻨﺘﻬﺎ ..
ﺣﻨﺎﻥ : ﻫﻴﺎ ﻧﻮﺿﻲ ...
ﻧﺎﺿﺖ ﻟﺒﻨﻰ ﻣﺎﺷﻴﻪ ﻫﻲ ﻭﺃﻣﻬﺎ ...
ﻭﻣﻌﺎﻭﻳﻪ ﻭﺍﻳﻤﻦ ﺟﺎﻳﻴﻦ ...
ﺍﻳﻤﻦ : ﺭﺍﻗﻴﺘﻠﻬﺎ ..
ﻣﻌﺎﻭﻳﻪ ﻣﺮﻛﺰ ﻋﻠﻴﻬﺎ ﻭﻫﻲ ﻣﺘﺠﺎﻫﻼﺗﻪ .. ﻫﻲ ﻗﺮﺑﺖ .. ﻭﻫﻮ ﻭﻗﻒ ﻗﺪﺍﻣﻬﺎ ..
ﺍﻧﺼﺪﻣﺖ ﻭﻗﻌﺪﺕ ﺗﺸﻮﻓﻠﻪ ..
ﻣﻌﺎﻭﻳﻪ ﺑﺮﻓﻌﺔ ﺣﺎﺟﺐ : ﻭﻳﻦ ﻫﺎﺭﺑﻪ ... ﻗﻮﻟﻴﻠﻲ ﺷﻦ ﺻﺎﺭﻟﻬﺎ ﺑﺎﻟﺰﺑﻂ ..
ﻟﺒﻨﻲ ﺗﺸﺒﺤﻠﻪ ﻭﻛﺎﻥ ﺗﻠﻘﻰ ﺗﻀﺮﺑﻪ ..
ﺣﻨﺎﻥ : ﻫﺎﺭﺑﻪ !! ﻋﻠﻴﻚ ﻣﻨﻄﻖ ... ﺍﺳﺘﻐﻔﺮ ﺍﻟﻠﻪ ﻭﺧﻼﺹ ... ﺑﻨﺘﻚ ﻋﻨﺪﻫﺎ ﺳﻮﺀ ﺗﻐﺬﻳﻪ ﻳﺎﺳﻴﺪ .. ﻭﻗﺮﻳﺐ ﺭﺍﺣﺖ ﻓﻴﻬﺎ ... ﻭﺗﻮﺍ ﺣﻮﻝ ﻣﻦ ﻃﺮﻳﻘﻲ ﺩﻓﺎﺗﻪ ﻭﺧﺪﺕ ﺑﻨﺘﻬﺎ ﻣﻦ ﻳﺪﻫﺎ ﻭﻣﺸﺖ ..
ﺍﻳﻤﻦ ﺑﺈﻋﺠﺎﺏ ﺷﺪﻳﺪ : ﻣﺎﻫﺬﺍ ﻳﺎﻫﺬﺍ ..
ﻣﻌﺎﻭﻳﻪ ﻣﺼﺪﻭﻡ ﻣﻦ ﺍﻟﻠﻲ ﺻﺎﺭ .. ﻭﻣﺶ ﻓﺎﻫﻢ ﻛﻴﻒ ﻗﻌﺪ ﻭﺍﻗﻒ ﻫﻜﻲ ﻭﻣﺎﺩﺍﺭﺵ ﺭﺩﺓ ﻓﻌﻞ ...
ﺃﻳﻤﻦ : ﺧﺎﻃﺮﻱ ﻧﺘﻌﺮﻑ ﻋﻠﻴﻬﺎ ..
ﺗﻠﻔﺘﻠﻪ ﻣﻌﺎﻭﻳﻪ ﻭﺷﺒﺤﻠﻪ ﺑﺤﺪﻩ : ﺧﻠﻴﻚ ﻫﻨﻲ ﻧﺨﺶ ﻧﺸﻮﻑ ﻣﻬﺎ ﻭﻧﺠﻲ ...
ﻣﻌﺎﻭﻳﻪ ﻣﺸﻲ ﻟﻐﺮﻓﺔ ﻣﻬﺎ ﻓﺘﺤﻬﺎ ﺑﺸﻮﻳﻪ ﺷﺎﻓﻬﺎ ﻛﻴﻒ ﺭﺍﻗﺪﻩ ﻭﺷﺎﻑ ﻟﻜﻴﺲ ﺍﻟﺘﻐﺬﻳﻪ ... ﻗﻠﺒﻪ ﻭﺟﻌﻪ ﻫﻠﺒﻪ ﻣﺎﺗﺤﻤﻠﺶ .. ﺻﻜﺮ ﺍﻟﺒﺎﺏ .. ﻭﻗﻌﺪ ﻳﺘﻨﻔﺲ ﺑﺼﻌﻮﺑﻪ .... ﻭﻳﻔﻜﺮ ﻓﺤﺎﻟﺘﻬﺎ ﻭﻛﻴﻒ ﻳﺘﺼﺮﻑ ﻣﻌﺎﻫﺎ ...
ﻓﺎﺗﺖ ﻛﻢ ﺳﺎﻋﻪ ﻭﺗﻤﺖ ﻣﻬﺎ ﺍﻟﺘﻐﺬﻳﻪ ﻓﺎﻗﺖ ﺑﺲ ﻣﺎﻟﻘﺖ ﺣﺪ .. ﻗﻌﺪﺕ ﺑﺮﻭﺣﻬﺎ ﻃﻮﻝ ﺍﻟﻮﻗﺖ ﻭﻣﻌﺎﻭﻳﻪ ﺑﺮﺍ ﻣﺎﺑﺎﺵ ﻳﺨﺸﻠﻬﺎ ...
ﺍﻟﻠﻴﻞ ﺑﻄﻮﻟﻪ ﻭﻫﻮ ﻳﻔﻜﺮ ﻓﻴﻬﺎ ﻫﻮ ﻣﺶ ﻣﻦ ﺍﻟﻨﻮﻉ ﺍﻟﻠﻲ ﻳﺤﻦ ﻭﻳﻄﺒﻄﺐ ... ﻭﻳﺴﺎﻳﺮ .. ﻋﺼﺒﻲ .. ﻭﺟﺎﻑ ﻭﻗﻠﺒﻪ ﻗﺎﺳﻲ ﻫﻠﺒﻪ ... ﺑﺲ ﻫﻮ ﺃﺏ ﻭﻓﻴﻪ ﻋﺎﻃﻔﻪ ﺍﺗﺠﺎﻩ ﺑﻨﺘﻪ ﺑﺲ ﻣﺶ ﻗﺎﺩﺭ ﻳﻌﺒﺮ ﻋﻨﻬﺎ ﻭﻻﻋﺎﺭﻑ ﻛﻴﻒ ... ﺭﻗﺪ ﻭﻫﻮ ﻣﻘﻌﻤﺰ ﻉ ﺍﻟﻜﺮﺳﻲ ...
ﻧﻔﺲ ﺍﻟﻤﻜﺎﻥ ﻳﺴﻤﻊ ﻓﻲ ﺍﺻﻮﺍﺕ ﺍﻟﺸﻬﻘﺎﺕ ﻭﺍﻟﺼﺮﺧﺎﺕ .. ﻭﺍﻟﻨﺎﺱ ﺗﺴﺘﻐﻴﺚ .. ﺑﺲ ﻣﺎﻳﺸﻮﻑ ﻓﻲ ﺣﺪ .. ﻫﻮ ﻓﻲ ﺣﺎﻟﺔ ﺭﻋﺐ ﺷﺪﻳﺪﻩ ﻣﻌﻠﻖ ﻭﻣﺶ ﻋﺎﺭﻑ ﻣﺼﻴﺮﻩ .. ﻭﻗﻌﺪ ﻳﺴﻤﻊ ﻓﻲ ﻛﻼﻡ ﻳﺘﺮﺩﺩ
¤ ﻛﻼ ﺇﻥ ﺍﻹﻧﺴﺎﻥ ﻟﻴﻄﻐﻰ ○ ﺍﻥ ﺭﺁﻩ ﺃﺳﺘﻐﻨﻰ ○ ﺇﻥ ﺇﻟﻰ ﺭﺑﻚ ﺍﻟﺮﺟﻌﻰ ○ ﺃﺭﺃﻳﺖ ﺍﻟﺬﻱ ﻳﻨﻬﻰ ﻋﺒﺪﺍ ﺇﺫﺍ ﺻﻠﻰ ○ ﺃﺭﺃﻳﺖ ﺇﻥ ﻛﺎﻥ ﻋﻠﻰ ﺍﻟﻬﺪﻯ ﺃﻭ ﺍﻣﺮ ﺑﺎﻟﺘﻘﻮﻯ ○ ﺍﺭﺃﻳﺖ ﺇﻥ ﻛﺬﺏ ﻭﺗﻮﻟﻰ ○ ﺃﻟﻢ ﺑﺄﻥ ﺍﻟﻠﻪ ﻳﺮﻯ ○ ﻛﻼ ﻟﺌﻦ ﻟﻢ ﻳﻨﺘﻪ ○ ﻟﻨﺴﻔﻌﻦ ﺑﺎﻟﻨﺎﺻﻴﻪ ○ ﻧﺎﺻﻴﺔ ﻛﺎﺫﺑﺔ ﺧﺎﻃﺌﻪ ○ ﻓﻠﻴﺪﻉ ﻧﺎﺩﻳﻪ ○ ﺳﻨﺪﻉ ﺍﻟﺰﺑﺎﻧﻴﻪ ○ ﻛﻼ ﻻﺗﻄﻌﻪ ﻭﺍﺳﺠﺪ ﻭﺍﻗﺘﺮﺏ ○
ﻛﻼ ﻻﺗﻄﻌﻪ ﻭﺍﺳﺠﺪ ﻭﺍﻗﺘﺮﺏ .. ﻛﻼ ﻻﺗﻄﻌﻪ ﻭﺍﺳﺠﺪ ﻭﺍﻗﺘﺮﺏ ..
ﻭﻗﻌﺪﺕ ﺗﺘﺮﺩﺩ ﻫﺎﻵﻳﻪ ﻭﻫﻮ ﻳﺘﺼﺒﺐ ﻋﺮﻕ ﻣﻦ ﺍﻟﺨﻮﻑ ﻟﻴﻦ ﺷﺎﻑ ﺿﻲ ﻗﻮﻱ ﻗﺪﺍﻣﻪ ﺻﻜﺮ ﻋﻴﻮﻧﻪ ﺑﻌﺪﻳﻦ ﻓﺘﺤﻬﻢ ... ﻭﺷﺎﻑ ﺍﺭﺽ ﺧﻀﺮﺍ ﻗﺪﺍﻣﻪ .. ﻛﻠﻬﺎ ﻣﺰﺭﻭﻋﻪ ﺗﻮﻟﻴﺐ ... ﻣﻦ ﻛﻞ ﺍﻷﻟﻮﺍﻥ ... ﻛﺎﻧﺖ ﺣﻠﻮﺓ ﻫﻠﺒﻪ ... ﻋﻴﻨﻪ ﺭﻛﺰﺕ ﻉ ﺍﻟﺒﻨﻔﺴﺠﻲ ﻣﻨﻬﺎ ... ﻭﻓﻠﺤﻈﻪ .. ﻓﺎﻕ ..
ﻓﺘﺢ ﻋﻴﻮﻧﻪ ﻭﻗﻠﺒﻪ ﻳﺪﻕ ﺑﺄﻗﻮﻯ ﻗﻮﺓ ... ﻳﺴﻤﻊ ﻓﻲ ﺻﻮﺕ ﺍﻟﻨﺒﺾ ﻓﻮﺫﺍﻧﻪ ... ﺧﺪﻱ ﺷﻬﻴﻖ ﻭﺯﻓﻴﺮ .. ﻭﻗﻌﺪ ﻳﻔﻜﺮ ﻓﻲ ﺍﻟﺤﻠﻢ ... ﻭﺍﻵﻳﺎﺕ ﻣﺮﻭﺍ ﻋﻠﻴﻪ ﻗﺒﻞ ﺑﺲ ﻣﺶ ﻋﺎﺭﻑ ﺑﺎﻟﺰﺑﻂ ﻫﻤﺎ ﺷﻨﻮ ..
" ﻣﺎﻧﺒﻴﻜﻤﺶ ﺗﺴﺘﻐﺮﺑﻮﺍ ﻭﺍﻟﻠﻪ ﻓﻲ ﻧﺎﺱ ﻓﻲ ﺑﻴﺌﺘﻬﺎ ﺳﻮﺭﺓ ﺍﻟﻨﺼﺮ ﻣﺎﻳﻌﺮﻓﻮﻫﺎﺵ .. ﻳﺎﺑﺎﻝ ﺍﻟﻌﻠﻖ ... ﻣﻦ ﺑﻌﺪﻫﻢ ﻋﻦ ﺍﻟﺪﻳﻦ "
♡♡♡
ﻓﺎﻗﺖ ﺣﻨﺎﻥ ﻭﺩﺍﺭﺕ ﺭﻭﺗﻴﻨﻬﺎ ﺍﻟﻤﻌﺮﻭﻑ .. ﻭﺟﺘﻬﺎ ﺳﺎﻟﻤﻪ ﻗﻌﺪﺕ ﻣﻊ ﻣﺤﻤﺪ .. ﻃﻠﻌﺖ ﻫﻴﺎ ﻭﺑﻨﺎﺗﻬﺎ ﻭﻣﺸﻮﺍ ﻷﻋﻤﺎﻟﻬﻢ ...
ﺣﻨﺎﻥ ﻓﻲ ﺍﻟﺴﻴﺎﺭﻩ ﻗﻠﺒﻬﺎ ﻣﺶ ﻣﻬﻨﻴﻬﺎ ﺗﺒﻲ ﺗﺸﻮﻑ ﻣﻬﺎ ﺑﺲ ﺧﺎﻳﻔﻪ ﺗﻠﻘﻰ ﺑﻮﻫﺎ ﻏﺎﺩﻱ .. ﻓﺎﺗﺖ ﺍﻟﻤﻮﺿﻮﻉ ﻭﺑﺘﻤﺸﻲ ﻟﺨﺪﻣﺘﻬﺎ .. ﺑﺲ ﻓﻨﺺ ﺍﻟﻄﺮﻳﻖ ﻭﻗﻔﺖ .. ﻭﻏﻴﺮﺕ ﺍﻟﻤﺴﺎﺭ ...
....
ﻓﻲ ﺍﻟﻤﺴﺘﺸﻔﻰ
ﻣﺮﻳﻢ : ﻫﻴﺎ ﺑﻨﺘﻲ ﺍﻟﺒﺴﻲ .. ﺑﺸﻮﻳﻪ ﻋﻠﻴﻚ ..
ﻣﻬﺎ : ﺍﺑﻠﻪ ﻣﺮﻳﻢ .. ﻣﻦ ﺷﻔﺘﻲ ﻟﻤﺎ ﺟﻴﺘﻲ ..
ﻣﺮﻳﻢ ﺑﺈﺑﺘﺴﺎﻣﻪ : ﺑﻮﻙ ﺑﻨﺘﻲ ﻛﺎﻥ ﻗﺎﻋﺪ ﺑﺮﺍ ..
ﻣﻬﺎ : ﺣﻘﻪ؟
ﻣﺮﻳﻢ ﺑﻀﺤﻜﻪ : ﻭﺯﻳﺎﺩﻩ ﺑﺎﺕ ﺍﻟﻠﻴﻞ ﻛﻠﻪ ﻫﻨﻲ .. ﺑﺮﻏﻢ ﺍﻧﻲ ﻣﺴﺘﻐﺮﺑﻪ ﻛﻴﻒ ﺧﻼﻙ ﻓﻲ ﻣﺴﺘﺸﻔﻰ ﻋﺎﻡ .. ﻭﻣﺎﻧﻘﻠﻜﺶ ﻟﻠﻤﺴﺘﺸﻔﻰ ﺍﻟﺨﺎﺹ ﻣﺘﺎﻋﻪ ... ﻋﺎﺩ ﻫﻮ ﻋﻴﺎﻑ ﻟﻠﻤﻠﻴﻮﻥ ..
ﻣﻬﺎ ﺿﺤﻜﺖ : ﺍﻟﻠﻪ ﺍﻋﻠﻢ ...
ﺑﺮﺍ ..
ﺇﻗﺒﺎﻝ ﺗﺸﺒﺢ ﻟﻠﻤﻜﺎﻥ ﻭﺗﺸﻘﻠﺐ ﻓﻌﻴﻮﻧﻬﺎ : ﻛﻴﻒ ﺧﻠﻴﺘﻬﺎ ﻫﻨﻲ ..
ﺍﻳﻤﻦ : ﻭﻳﻦ ﺍﻟﻤﺸﻜﻠﻪ ﺍﻟﻤﺴﺘﺸﻔﻰ ﻧﻈﻴﻒ ﻭﻛﻮﻳﺲ ..
ﺃﻗﺒﺎﻝ : ﺑﺲ ﻫﺎﺩﻱ ﺑﻨﺖ ﻣﻌﺎﻭﻳﻪ ﺍﻟﻬﺎﺩﻱ .. ﻣﺶ ﻫﺬﺍ ﻣﻜﺎﻧﻬﺎ .. ﻣﻦ ﺟﺎﺑﻬﺎ ﻫﻨﻲ ﺍﺻﻼ ..
ﻣﻌﺎﻭﻳﻪ : ﺍﻗﺒﺎﻝ .. ﺍﻓﺼﻠﻲ ﺷﻮﻳﻪ ... ﻛﺴﺮﺗﻴﻠﻲ ﺭﺍﺳﻲ ..
ﺍﻗﺒﺎﻝ : ﺃﺳﻔﻪ ..
ﻭﺻﻠﺖ ﻓﻲ ﺍﻟﻤﻤﺮ ﺗﺸﺒﺢ ﻣﻦ ﺑﻌﻴﺪ .. ﻟﻘﺎﺗﻪ ﻣﻮﺟﻮﺩ
ﺣﻨﺎﻥ " ﺍﺳﺘﻐﻔﺮ ﺍﻟﻠﻪ .. ﻳﻌﻨﻲ ﻧﻮﻟﻲ ﺗﻮﺍ ﻭﻻﻛﻴﻒ ... ﻭﻋﻼﺵ ﻧﻮﻟﻲ ﻣﻦ ﺷﻦ ﺑﻨﺨﺎﻑ .. ﻃﺰ ".. ﺍﺳﺘﺠﻤﻌﺖ ﻧﻔﺴﻬﺎ ﻭﺧﺪﺕ ﻧﻔﺲ ﻋﻤﻴﻖ ﻭﻛﻤﻠﺖ ﻃﺮﻳﻘﻬﺎ ...
ﺍﻳﻤﻦ ﺍﻟﻮﺣﻴﺪ ﺍﻟﻠﻲ ﻛﺎﻥ ﻋﺎﻃﻲ ﺑﺎﻟﻮﺟﻪ ﻭﺍﻗﺒﺎﻝ ﻣﻌﺎﻭﻳﻪ ﻋﺎﻃﻴﻴﻦ ﺑﺎﻟﻈﻬﺮ ..
ﺍﻳﻤﻦ : ﻳﺎﺻﺒﺎﺡ ﺍﻟﺘﻮﻟﻴﺐ ...
ﺣﻨﺎﻥ ﻛﺎﻧﺖ ﺟﺎﻳﻪ ﻭﻓﻴﺪﻫﺎ ﺑﺎﻗﺔ ﺗﻮﻟﻴﺐ ﻣﺸﻜﻠﻪ ﺑﺄﻟﻮﺍﻥ ﻣﺨﺘﻠﻔﻪ ..
ﺍﻟﺘﻔﺘﻮﺍ ﻣﻌﺎﻭﻳﻪ ﻭﺃﻗﺒﺎﻝ ...
ﻣﻌﺎﻭﻳﻪ ﻳﺸﺒﺤﻠﻬﺎ ﻭﻋﻴﻮﻧﻪ ﻣﺶ ﻗﺎﺩﺭ ﻳﺰﻳﺤﻬﻢ ﻣﻦ ﻋﻠﻴﻬﺎ ... ﺗﺠﺎﻫﻠﺘﻬﻢ ﻛﻠﻬﻢ ﻭﺻﻠﺖ ﻓﻲ ﺍﻟﺒﺎﺏ ﻃﻘﺖ ﻭﺧﺸﺖ .. ﻭﺳﻜﺮﺕ ﺍﻟﺒﺎﺏ ﻭﺭﺍﻫﺎ ..
ﻣﻬﺎ ﺑﻔﺮﺣﻪ : ﺧﺎﻟﺘﻲ ﺣﻨﺎﻥ ..
ﺣﻨﺎﻥ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺨﻴﺮﺍﺕ ﻭﺍﻟﻠﻴﺮﺍﺕ ... ﻻﻣﺎﺷﺎﺀ ﺍﻟﻠﻪ ﻭﺟﻬﻚ ﻧﺎﻳﺮ .. ﻭﺳﻠﻤﺖ ﻋﻠﻴﻬﺎ ...
ﻣﻬﺎ : ﺻﺒﺎﺡ ﺍﻟﻮﺭﺩ .. ﺍﺳﻔﻪ ﺳﺒﺒﺘﻠﻜﻢ ﻓﻲ ﻣﺸﻜﻠﻪ ..
ﺣﻨﺎﻥ : ﺑﺎﻟﻠﻪ ﻋﻠﻴﻚ ﺑﻄﻠﻲ ﺍﻟﺠﻮ ﺍﻟﻠﻲ ﺩﻳﺮﻱ ﻓﻴﻪ .. ﻭﺧﻮﺩﻱ ﻣﻨﻲ ..
ﻣﻬﺎ : ﺗﻬﺒﺒﺒﻞ
ﺣﻨﺎﻥ ﺍﺑﺘﺴﻤﺖ .. ﻭﺷﺎﻓﺖ ﻟﻤﺮﻳﻢ ﻭﺳﻠﻤﺖ ﻋﻠﻴﻬﺎ ...
ﻣﻬﺎ : ﻫﺎﺩﻱ ﻣﺮﺑﻴﺘﻲ ﻭﺍﺣﺴﻦ ﻭﺣﺪﻩ ﻓﻲ ﺣﻴﺎﺗﻲ ... ﻓﻬﺪﺍﻛﺎ ﺍﻟﻤﻜﺎﻥ ..
ﻣﺮﻳﻢ ﻋﻀﺖ ﻉ ﺷﺎﺭﺑﻬﺎ ﻭﺿﺤﻜﺖ .. ﻭﺣﻨﺎﻥ ﺿﺤﻜﺖ ﺣﺘﻰ ﻫﻴﺎ
ﻣﻬﺎ ﺑﻀﺤﻜﻪ : ﻭﻫﺎﺩﻱ ﺧﺎﻟﺘﻲ ﺣﻨﺎﻥ ﺍﻟﻠﻲ ﺣﻜﻴﺘﻠﻚ ﻋﻨﻬﺎ ..
ﻣﺮﻳﻢ : ﻓﺮﺻﻪ ﺳﻌﻴﺪﻩ ﺗﺸﻮﻗﺖ ﻧﺸﻮﻓﻚ ﻣﻦ ﻛﻼﻣﻬﺎ ﻋﻨﻚ ..
ﺣﻨﺎﻥ ﺑﻀﺤﻜﻪ : ﺍﺣﺮﺟﺘﻴﻨﻲ ﻳﺎﻣﻬﺎ ..
ﻣﺮﻳﻢ ﻭﻣﻬﺎ : ﻫﻬﻬﻬﻬﻬﻬﻬﻪ
ﺑﺮﺍ ..
ﻳﺴﻤﻌﻮﺍ ﻓﻲ ﺍﻟﻀﺤﻚ .. ﻣﻌﺎﻭﻳﻪ ﺷﺎﺩ ﺭﻭﺣﻪ ﺑﺎﻟﺴﻴﻒ ﻳﺒﻲ ﻳﺨﺶ ..
ﺇﻗﺒﺎﻝ : ﻣﻦ ﻫﻲ ﻫﺎﺩﻱ ﺍﻟﻠﻲ ﻭﺍﺧﺪﻩ ﻭﺟﻪ ﻫﻠﺒﻪ ﻫﻜﻲ ..
ﺃﻳﻤﻦ : ﻫﺎﺩﻱ ﺻﻘﻊ ﻋﻠﻴﻚ ﺣﺎﺟﻪ ﻣﺎﺻﺎﺭﺗﺶ ..
ﻣﻌﺎﻭﻳﻪ ﺑﺤﺪﻩ : ﺍﻳﻤﻦ ... ﻓﻜﺮ ﻓﻲ ﺍﻟﻠﻲ ﺗﻘﻮﻟﻪ ﻗﺒﻞ ﻟﺘﻘﻮﻟﻪ ...
ﺇﻗﺒﺎﻝ ﺭﻓﻌﺖ ﺣﺎﺟﺒﻬﺎ ﻭﺣﺴﺖ ﻛﺄﻧﻪ ﻣﻌﺎﻭﻳﻪ ﻣﻌﺠﺒﺎﺵ ﻛﻼﻡ ﺍﻳﻤﻦ ﻉ ﺣﻨﺎﻥ ...
ﺍﻳﻤﻦ : ﻳﺎﻭﺩﻱ ﻋﺎﺭﻓﻨﻲ ﺍﻧﺖ ﺍﻟﻠﻲ ﻓﻘﻠﺒﻲ ﻉ ﻟﺴﺎﻧﻲ ..
ﻣﻌﺎﻭﻳﻪ : ﻻﻗﻠﺒﻚ ﻻﻟﺴﺎﻧﻚ ﻭﻫﻴﺎ ﺷﻮﻳﻪ ﻭﺑﻨﺮﻭﺡ ﺑﺎﻟﺒﻨﺖ ﻭﻧﻠﻬﻮﺍ ﺑﺨﺪﻣﺘﻨﺎ ..
ﺍﻧﻔﺘﺢ ﺍﻟﺒﺎﺏ ﻭﻃﻠﻌﺖ ﺣﻨﺎﻥ
ﺑﺪﻭﻥ ﻣﺎﺗﺸﺒﺤﻠﻪ : ﻻﺑﺎﺱ ﻋﻠﻴﻬﺎ ..
ﺍﻳﻤﻦ ﻋﻔﻮﻳﺘﻪ ﻻﺣﺪﻭﺩ ﻟﻬﺎ ﻗﺪﻣﻠﻬﺎ : ﺷﻜﺮﺍ ﻻﻧﻚ ﺟﺒﺘﻴﻬﺎ ..
ﺣﻨﺎﻥ ﺑﺈﺳﺘﻐﺮﺍﺏ : ﺍﻟﻌﻔﻮ ..
ﻣﺪ ﻳﺪﻩ : ﻣﻌﺎﻙ ﺍﻳﻤﻦ ﺍﻟﻄﻮﻳﻞ ﻣﺪﻳﺮ ﻣﻜﺘﺐ ﺍﻷﺳﺘﺎﺫ ﻣﻌﺎﻭﻳﻪ ..
ﺣﻨﺎﻥ ﺷﺒﺤﺖ ﻟﻴﺪﻩ ﻭﺍﺑﺘﺴﻤﺖ ﻭﻗﺎﻣﺖ ﺍﻳﺪﻫﺎ ﺣﻄﺘﻬﺎ ﺃﻋﻠﻰ ﻳﺴﺎﺭﺻﺪﺭﻫﺎ : ﻣﺎﻧﺼﺎﻓﺤﺶ ﻓﻲ ﺭﺟﺎﻝ ﻏﻴﺮ ﻣﺤﺎﺭﻣﻲ
ﻣﻌﺎﻭﻳﻪ ﻋﻴﻮﻧﻪ ﻳﻠﻤﻌﻮﺍ ﻟﻤﻊ ﻭﻗﻠﺒﻪ ﻓﻲ .. 3000 ﻗﺒﻞ ﻟﻴﻌﺮﻓﻬﺎ ﺍﻭ ﺷﺎﻑ ﻫﺎﻟﺤﺮﻛﻪ ﻣﻦ ﻏﻴﺮﻫﺎ ﻛﺎﻥ ﻗﺎﻝ ﺍﻧﻬﺎ ﻣﺘﺨﻠﻔﻪ ﻭﺭﺟﻌﻴﻪ .. ﺑﺲ ﻓﻲ ﻫﺎﻟﻤﻮﻗﻒ ﻏﻴﺮ ﻋﺠﺒﺎﺗﻪ ﻉ ﺍﻵﺧﺮ ﺣﺮﻛﺘﻬﺎ ..
ﺍﻳﻤﻦ ﻭﺟﻬﻪ ﻭﻻ ﺍﻟﻮﺍﻥ ﺍﺑﺘﺴﻢ ﺑﺈﺣﺮﺍﺝ ﻭﺣﻂ ﻳﺪﻩ ﻭﺭﺍ ﺭﻗﺒﺘﻪ : ﺍﺳﻒ ..
ﺣﻨﺎﻥ ﺑﺄﺑﺘﺴﺎﻣﻪ : ﻭﻻﻳﻬﻤﻚ ... ﻭﺳﻌﻴﺪﻩ ﺑﻤﻌﺮﻓﺘﻚ .. ﻧﺴﺘﺄﺫﻥ .. ﻭﻣﺸﺖ ..
ﻭﺍﻳﻤﻦ ﻣﺴﻬﻢ ﻓﻴﻬﺎ .. ﻭﻣﻌﺎﻭﻳﻪ ﺿﺎﻳﻊ ﺑﺎﻟﻤﺮﻩ ..
ﺇﻗﺒﺎﻝ : ﻣﺘﺨﻠﻔﻪ ..
ﺍﻳﻤﻦ ﺍﻟﺘﻔﺘﺖ : ﻭﺍﻟﻨﺒﻲ ﺍﺳﻜﺘﻲ ﺍﻧﺘﻲ ﺍﺻﺼﺺ ..
ﺇﻗﺒﺎﻝ : ﻓﻮﻕ ﻣﺎﻫﺰﺑﺎﺗﻚ ﻳﺎﻣﻬﺰﺏ ..
ﺃﻳﻤﻦ ﺑﺎﻟﻌﻜﺲ : ﻛﺒﺮﺕ ﻓﻌﻴﻨﻲ ..
ﻣﻌﺎﻭﻳﻪ : ﺍﻧﺖ ﻭﻳﺎﻫﺎ ﻟﻮﻃﺎ ..
ﺟﻮ ﺑﻴﺘﻜﻠﻤﻮﺍ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﻭﺑﺼﻮﺕ ﺍﻋﻠﻰ : ﻟﻮﻭﻭﻃﺎﺍﺍ ..
ﻫﻤﺎ ﺯﻭﺯ ﺳﻜﺘﻮﺍ ... ﻭﺷﺒﺤﻮﺍ ﻟﺒﻌﺾ ﺑﻐﻞ ﻭﻣﺸﻮ
ﺍﻣﺎ ﻣﻌﺎﻭﻳﻪ ... ﺑﻌﺪ ﻣﺸﻮﺍ .. ﺧﺪﻱ ﻧﻔﺲ ﻭﻭﻫﻮ ﻳﺤﺎﻭﻝ ﻳﺴﻴﻄﺮ ﻉ ﻗﻠﺒﻪ ... ﺗﻮﺟﻪ ﺍﻟﺒﺎﺏ .. ﻭﻃﻖ .. ﻭﻓﺘﺤﻪ ﺷﺒﺢ ﻟﻤﻬﺎ : ﺍﺣﻤﻢ .. ﺷﻨﻮ ﺍﻟﻴﻮﻡ؟
ﻣﻬﺎ ﻓﺮﺣﺖ ﺑﺴﺆﺍﻟﻪ ﺍﻟﻤﺒﺎﺷﺮ ﻋﻦ ﺣﺎﻟﻬﺎ : ﺍﺣﺴﻦ .. ﻭﺍﺑﺘﺴﻤﺖ ..
ﻣﻌﺎﻭﻳﻪ ﺷﺒﺢ ﻟﻤﺮﻳﻢ : ﻫﻴﺎ ...
ﺑﻌﺪ ﺧﺪﻭﺍ ﻭﺭﻗﺔ ﺍﻟﺨﺮﻭﺝ ﻃﻠﻌﻮﺍ ... ﻗﺎﻝ ﻣﻌﺎﻭﻳﻪ ﻷﻳﻤﻦ ﻭﺇﻗﺒﺎﻝ ﻳﺴﺒﻘﻮﻩ ﻉ ﺍﻟﺸﺮﻛﻪ ... ﻭﻫﻮ ﺭﻭﺡ ﺑﻤﻬﺎ ... ﻣﺎﻛﻠﻤﻬﺎﺵ ﺑﻜﻞ ﻃﻮﻝ ﺍﻟﻄﺮﻳﻖ ...
ﻟﻌﻨﺪ ﻭﺻﻠﻮﺍ ﻟﻠﻘﺼﺮ ...
ﺧﺸﻮﺍ ﻭﻛﺎﻥ ﻣﻌﺎﻫﺎ ﻟﻴﻦ ﺭﻛﺒﺖ ﻟﺪﺍﺭﻫﺎ ﻭﺧﺶ ﻣﻌﺎﻫﺎ ...
ﻣﻌﺎﻭﻳﻪ : ﺍﺭﺗﺎﺣﻲ ﻳﻮﻣﻴﻦ .. ﻭﺑﻌﺪﻳﻦ ﺷﺪﻱ ﻓﻘﺮﺍﻳﺘﻚ ﺍﻣﺘﺤﺎﻧﺎﺗﻚ ﺍﺳﺒﻮﻉ ﺍﻟﺠﺎﻱ ...
ﻣﻬﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺣﺎﺿﺮ ..
ﻭﺣﻚ ﺣﺎﺟﺒﻪ ﻭﻛﻤﻞ ﻛﻼﻣﻪ : ﺍﺣﻤﻢ .. ﺑﺎﻟﻨﺴﺒﻪ ﻟﺼﺎﺣﺒﺘﻚ ... ﺍﻣﻤﻢ .. ﻣﺎﻓﻴﺶ ﺑﺎﺱ ﻟﻮﻗﻌﺪﺗﻲ ﺗﻤﺸﻴﻠﻬﺎ ﻭﻫﻲ ﺗﺠﻴﻚ ...
ﻣﻬﺎ ﺷﺒﺤﺘﻠﻪ ﻭﻣﺶ ﻣﺼﺪﻗﻪ ﺍﻟﻠﻲ ﻳﻘﻮﻝ ﻓﻴﻪ ..
ﻣﻌﺎﻭﻳﻪ : ﺍﺣﻤﻢ .. ﻳﻌﻨﻲ ﺣﺴﻴﺘﻬﻢ ﻧﺎﺱ .. ﻛﻮﻳﺴﻪ ... ﻣﺶ ﺑﻄﺎﻟﻴﻦ ﻳﻌﻨﻲ .. ﻣﺴﻤﻮﺣﻠﻚ ﻓﻲ ﺍﻱ ﻭﻗﺖ ﺗﻤﺸﻲ ﻏﺎﺩﻱ .. ﺑﺲ ﺑﻴﺎﺕ ﺑﺮﺍ ﻝ
ﺍﻟﻘﺼﺮ ... ﻻ ..
ﻣﻬﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻓﺮﺣﺎﻧﻪ : ﺷﻜﺮﺍﺍﺍ ..
ﻣﻌﺎﻭﻳﻪ ﺍﺑﺘﺴﻢ ﻧﺺ ﺍﺑﺘﺴﺎﻣﻪ ﻭﺗﻮﺟﻪ ﻟﺒﺎﺏ ﺍﻟﺪﺍﺭ ﻭﻃﻠﻊ ..
ﻧﺎﺿﺖ ﻣﻬﺎ ﺗﺠﺮﻱ ﺣﻀﻨﺖ ﻣﺮﻳﻢ ... ﻭﻫﻲ ﺗﻀﺤﻚ ﻭﺑﻄﻴﺮ ﻣﻦ ﺍﻟﻔﺮﺡ ..
ﻭﻫﺎﺩﻱ ﺍﻭﻝ ﻣﺮﺓ ﻣﻌﺎﻭﻳﻪ ﻳﻔﺮﺡ ﻓﻴﻬﺎ .. ﺑﻨﺘﻪ
.... ﻳﺘﺒﻊ
٢٠ / ١٠ / ٢٠٢٠ · Facebook for Android · ﺭ
