❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 38_
ﻧﻀﺎﻝ ﻣﺎﻛﺎﻧﺶ ﻓﻲ ﺍﻟﺒﻼﺩ ﻟﻤﺎ ﺻﺎﺭ ﺍﻟﺤﺎﺩﺙ ﻟﻮﻟﺪ ﻳﺎﺭﺍ ... ﺑﻌﺪ ﻳﻮﻣﻴﻦ ﻣﻦ ﺍﻟﺤﺎﺩﺙ ﺳﻤﻊ ﻭﺭﻭﺡ ﻃﻮﻝ ... ﻣﻦ ﺍﻟﻤﻄﺎﺭ ﻟﻠﻌﻴﺎﺩﻩ ﺍﻟﻠﻲ ﻧﻘﻠﺖ ﻓﻴﻬﺎ ﻭﻟﺪﻫﺎ .. ﺩﻟﻮﻩ ﻉ ﺍﻟﻐﺮﻓﻪ ﻭﻳﻦ ﻭﺻﻞ ﻓﻴﻬﺎ ﻓﺘﺢ ﺍﻟﺒﺎﺏ ... ﻭﺗﺄﻟﻢ ﻟﻤﺎ ﺷﺎﻓﻪ ﺭﺍﻗﺪ ﻭﻳﺎﺭﺍ ﺭﺍﻗﺪﻩ ﺣﺪﺍﻩ ﻉ ﺣﺎﻓﺔ ﺍﻟﺴﺮﻳﺮ ﻭﺍﻟﺪﻣﻮﻉ ﺗﻨﺰﻝ ﻣﻨﻬﺎ ﻭﻫﻲ ﺭﺍﻗﺪﻩ .. ﻗﺮﺏ ﻣﻨﻬﺎ ﻧﻀﺎﻝ ﻭﻣﺴﺢ ﺩﻣﻮﻋﻬﺎ ﻫﻲ ﻓﺎﻗﺖ ﺷﺎﻓﺎﺗﻪ ﺑﻌﺪﻳﻦ ﻧﺎﺿﺖ ﻗﻌﻤﺰﺕ ﻗﻌﺪﺕ ﺗﺸﺒﺤﻠﻪ ﻭﻫﻮ ﻳﻤﺴﺢ ﻓﺪﻣﻮﻋﻬﺎ .. ﺣﻂ ﺍﻳﺪﻩ ﻭﺭﺍ ﺭﺍﺳﻬﺎ ﻭﻗﺮﺑﻬﺎ ﻟﺼﺪﺭﻩ ﻭﺣﻀﻨﻬﺎ ﻭﻫﻲ ﻗﻌﺪﺕ ﺗﺒﻜﻲ ﺑﺼﻤﺖ ...
***
ﻓﻲ ﺍﻟﻠﻴﻞ ..
ﺭﻫﻒ : ﺳﻴﻤﻮ ..
ﺃﺳﻨﺎﻡ : ﺭﻭﺡ ﺭﻭﺣﻲ ..
ﺭﻫﻒ ﺑﻀﺤﻜﻪ : ﻋﻼﺵ ﻣﺎﻃﻠﻌﺘﺶ ﺍﻟﺒﻌﺜﻪ ...
ﺃﺳﻨﺎﻡ : ﺍﻟﻮﺍﻟﺪ ﺭﺍﻓﺾ ﻧﻄﻠﻊ ﻗﺒﻞ ﻟﻨﺘﺰﻭﺝ ..
ﺭﻫﻒ : ﻭﻋﻼﺵ ..
ﺃﺳﻨﺎﻡ : ﺧﺎﻳﻒ ﻉ ﻭﻟﺪﻩ .. ﻫﻮ ﺍﻧﻲ ﻗﻨﻴﻦ ﺯﻱ ﻣﺎﺗﻌﺮﻓﻲ ﻭﺍﻟﺒﻨﺎﺕ ﻣﺶ ﺣﻴﺨﻠﻮﻧﻲ ﻓﺤﺎﻟﻲ ﻭﻏﺎﺩﻱ ﺍﻟﻮﺿﻊ ﻓﺮﻱ .. ﻭﺗﻌﺮﻓﻲ ﺍﻧﺘﻲ ..
ﺭﻫﻒ ﺑﻐﻴﺾ : ﻣﺒﺒﺮﺭﺭﺭﺩﻙ ﺍﺳﻨﺎﻡ ﺗﺤﺐ ﺗﺤﺮﻗﻠﻲ ﺃﻋﺼﺎﺑﻲ ..
ﺃﺳﻨﺎﻡ : ﻫﻬﻬﻬﻬﻬﻬﻬﻬﻪ .. ﺗﻬﺐﻟﻲ ﻟﻤﺎ ﺗﻐﺎﺭﻱ ﻳﺎﻋﺴﻞ ...
ﺭﻫﻒ ﺿﺤﻜﺖ ﺑﺨﺠﻞ ..
ﺃﺳﻨﺎﻡ : ﻛﻮﻳﺲ ﺍﻧﻚ ﻓﺘﺤﺘﻲ ﺍﻟﻤﻮﺿﻮﻉ ... ﺷﻮﻓﻲ ﻋﻤﺮﻱ .. ﺍﻧﻲ ﺗﻮﺍ ﺑﻌﺪ ﻧﺨﻄﺒﻚ ﺑﺈﺫﻥ ﺍﻟﻠﻪ ﻧﺒﻲ ﻧﻘﺮﺍ ﻓﺎﺗﺤﺘﻚ ﻭﻧﻄﻠﻊ ﺍﻧﻀﻢ ﺃﻣﻮﺭﻱ ﻫﻜﻲ ﺧﻼﻝ 4 ﺷﻬﻮﺭ .. ﺑﻌﺪﻩﻡ ﺍﻟﺰﻭﺍﺝ ﻭﺍﻟﺴﻔﺮ ..
ﺭﻫﻒ ﻗﻌﺪﺕ ﺳﺎﻛﺘﻪ ...
ﺃﺳﻨﺎﻡ : ﺣﺒﻴﺒﻲ ﺧﻴﺮﻙ ﺳﺎﻛﺘﻪ ..
ﺭﻫﻒ : ﻧﻔﻜﺮ ...
ﺍﺳﻨﺎﻡ : ﻋﻤﺮﻱ .. ﺍﻟﻠﻲ ﺗﺒﻴﻪ ﺍﻧﻲ ﻓﻴﻪ ﺍﻟﻠﻲ ﻳﺮﻳﺤﻚ ﻭﻳﻌﺠﺒﻚ ﻧﺪﻳﺮﻩ ..
ﺭﻫﻒ : ﺍﻧﺖ ﺷﻦ ﺍﻟﻠﻲ ﻳﺮﻳﺤﻚ ..
ﺃﺳﻨﺎﻡ : ﺍﻧﻚ ﺗﻜﻮﻧﻲ ﺟﻨﺒﻲ ﻭﻣﻌﺎﻱ ..
ﺭﻫﻒ ﺑﻀﺤﻜﻪ : ﻧﺘﻜﻠﻢ ﺟﺪ ..
ﺍﺳﻨﺎﻡ : ﻭﺣﺘﻰ ﺍﻧﻲ ﻳﺎﻋﻤﺮﻱ ﻧﺘﻜﻠﻢ ﺟﺪ .. ﺭﻫﻒ ﺍﻧﺘﻲ ﺍﻫﻢ ﻋﻨﺪﻱ ﻣﻦ ﻛﻞ ﺷﻲ ...
ﺭﻫﻒ ﺗﻨﻬﺪﺕ : ﺁﺍﺍﺍﻩ ﻳﺎﻗﻠﺒﻲ ...
ﺍﺳﻨﺎﻡ : ﺳﻼﻣﺘﻚ ﻗﻠﺒﻚ ﺍﻟﻠﻲ ﻧﻤﻮﺕ ﻓﻴﻪ ﻫﺬﺍ ..
ﺭﻫﻒ : ﺧﻼﺹ ﺍﺳﻨﺎﻡ ﻣﻌﺎﺵ ﻧﻌﺮﻑ ﺷﻦ ﻧﻘﻮﻝ ﻟﻤﺎ ﺗﻜﻠﻤﻨﻲ ﻫﻜﻲ ..
ﺍﺳﻨﺎﻡ : ﻳﺎﻋﻤﺮﻱ ﻫﺬﺍ ﻗﻠﺒﻲ ﺍﻟﻠﻲ ﻳﺤﻜﻲ .. ﻭﺑﻌﺪﻳﻦ ﺍﻧﻲ ﻟﻴﺎ ﺳﻨﻴﻦ ﻣﻜﺒﻮﺕ ﺧﻠﻴﻨﻲ ﻧﻔﺮﺝ ﻋﻦ ﺍﺳﺎﺭﻳﺮﻱ ..
ﺭﻫﻒ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻪ ..
ﺃﺳﻨﺎﻡ ﺑﻀﺤﻜﻪ : ﺩﻭﻭﻭﻭﻭﻡ ﻳﺎﺭﺏ ﻣﺎﺗﺤﺮﻣﻨﻲ ﻣﻨﻬﺎ ..
ﻟﺒﻨﻰ ﻣﻦ ﺩﺍﺧﻞ : ﺧﺸﻴﻲ ﺻﻘﻊ ..
ﺭﻫﻒ ﺩﺍﺭﺗﻠﻬﺎ ﺣﺮﻛﻪ ﺑﻴﺪﻫﺎ ﻣﺘﺎﻉ ﻓﻮﺗﻴﻨﻲ ...
ﻟﺒﻨﻰ ﺿﺤﻜﺖ ﻭﺍﻧﻄﺮﺣﺖ ﻉ ﺍﻟﺴﺮﻳﺮ ... ﺟﻲ ﺑﻴﻦ ﻋﻴﻮﻧﻬﺎ ﺑﺪﺭ ﺍﺑﺘﺴﻤﺖ ﺍﺫﻛﺮﺕ ﺍﻟﺤﺪﻳﺚ ﺍﻟﻠﻲ ﺻﺎﺭ ﺑﻴﻨﺎﺗﻬﻢ ﺍﺧﺮ ﻣﺮﺓ .. ﻗﻌﺪﺕ ﺗﻔﻜﺮ ﺧﺪﺕ ﺗﻠﻴﻔﻮﻧﻬﺎ ﻭﺧﺸﺖ ﻉ ﺍﻹﻧﺴﺘﺎ ﺩﺍﺭﺕ ﻋﻠﻴﻪ ﺑﺤﺚ ﻟﻘﺎﺗﻪ ... ﻗﻌﻤﺰﺕ ﻉ ﺣﻴﻠﻬﺎ ﻭﻗﻌﺪﺕ ﺗﺸﻮﻑ ﻓﻲ ﺻﻮﺭﻩ ﻭﻓﻴﺪﻳﻮﺍﺗﻪ .. ﻳﺎﻣﺎ ﺻﺪﻋﺘﻠﻬﺎ ﺭﺍﺳﻪ ﺭﻫﻒ ﺑﻔﻴﺪﻳﻮﺍﺗﻪ ﺍﻟﻠﻲ ﺗﺘﻔﺮﺝ ﻋﻠﻴﻬﻢ ﻭﻳﻜﻮﻥ ﻓﻴﻬﻢ ﻳﻐﻨﻲ ... ﺑﺲ ﻛﺎﻥ ﻓﻲ ﻓﻴﺪﻳﻮﺍﺕ ﺗﺎﻧﻴﻪ ﻟﻴﻪ ﻳﺘﻜﻠﻢ ﻓﻴﻪ ﻛﻼﻡ ﺍﻳﺠﺎﺑﻲ ﻭﺣﻠﻮ .. ﺍﻟﺼﻮﺭﺓ ﺍﻟﻠﻲ ﻛﺎﻧﺖ ﺗﺸﻮﻑ ﻓﻴﻪ ﻋﻠﻴﻬﺎ ﺗﻐﻴﺮﺕ ﺗﻤﺎﻣﺎ ... ﻭﻗﻠﺐ ﺭﻫﻒ ﺍﻟﻄﻴﺐ ﺍﻟﺤﻨﻮﻥ ... ﺍﻭﻝ ﻣﺮﺓ ﻳﺠﺮﺏ ﻫﺎﻟﻤﺸﺎﻋﺮ ﻭﻳﻌﻴﺸﻬﺎ ﻳﺪﻕ ﺑﻘﻮﺓ ﺷﺪﻳﺪﻩ ﻭﻫﻲ ﺗﺴﻤﻊ ﻓﻲ ﻛﻼﻣﻪ ﻭﺃﻏﺎﻧﻴﻪ ..
ﻣﻦ ﺟﻬﺔ ﺃﺧﺮﻯ ..
ﻭﺍﻟﻠﻪ ﺍﺣﺴﻦ ﻗﺮﺍﺭ ﺗﺎﺧﺪﻩ ﻓﺤﻴﺎﺗﻚ ﻛﻠﻬﺎ ...
ﻋﺰ ﺍﻟﺪﻳﻦ : ﺑﺎﻫﻲ ﻓﻨﻈﺮﻙ ﻳﺼﻴﺮ ﻣﻨﻲ ... ﻣﻤﻜﻦ ﺗﺸﺒﺤﻠﻲ ...
ﺍﻟﺸﺎﺭﻑ : ﺍﻟﻒ ﻏﻴﺮﻫﺎ ﺣﻴﺘﻤﻨﻮﻙ ..
ﻋﺰ ﺍﻟﺪﻳﻦ : ﺍﻧﻲ ﻣﺎﻧﺒﻴﺶ 1000 ﺍﻟﻠﻲ ﻏﻴﺮﻫﺎ ﻧﺒﻴﻬﺎ ﻫﻲ ﺑﺲ ..
ﺍﻟﺸﺎﺭﻑ ﺑﻀﺤﻜﻪ : ﻛﺎﻧﻚ ﺗﺤﺒﻬﺎ ﻫﻜﻲ ﺿﺤﻲ ﻉ ﺧﺎﻃﺮﻫﺎ ..
ﻋﺰ ﺍﻟﺪﻳﻦ ﻳﻔﻜﺮ ﻓﻲ ﺍﻟﻤﺎﻛﻠﻪ ....
ﺍﻟﺸﺎﺭﻑ : ﻫﻬﻬﻬﻬﻬﻪ ... ﻧﻜﻠﻤﻞﻙ ﺍﻟﻜﺎﺑﺘﻦ ﻣﻴﻠﻮﺩ ﺗﺎﺑﻊ ﻣﻌﺎﻩ ..
ﻋﺰ ﺍﻟﺪﻳﻦ ﻳﺸﺒﺤﻠﻪ ﺑﻀﻴﻖ ..
ﺍﻟﺸﺎﺭﻑ : ﻣﺎﻻ ﺧﻠﻴﻬﺎ ﻟﻠﻔﻨﺎﻥ ﺍﻟﻔﺘﻨﺲ ...
ﻋﺰ ﺍﻟﺪﻳﻦ ﺑﻀﻴﻖ ﺷﺪﻳﺪ : ﺗﻲ .. ﺑﺎﻫﻲ .. ﺷﻮﻓﻠﻦﺍ ﻣﻴﻠﻮﺩ ﻭﻻﻋﺎﺷﻮﺭ .. ﻣﺘﺎﻋﻚ ﻫﺬﺍ ...
ﺍﻟﺸﺎﺭﻑ ﻗﻌﺪ ﻳﻀﺤﻚ ﻭﺷﺪﻩ ﻣﻦ ﺭﻗﺒﺘﻪ ﻣﻦ ﺍﻟﺨﻠﻒ : ﺍﻳﻮﻩ ﻫﻜﻲ ﻳﺎﺭﺍﺟﻞ ﺣﺎﺭﺏ ﻉ ﺧﺎﻃﺮ ﺍﻟﺤﺎﺟﺔ ﺍﻟﻠﻲ ﺗﺒﻴﻬﺎ ...
ﻋﺰ ﺍﻟﺪﻳﻦ ﻗﻌﺪ ﻳﻀﺤﻚ .. ﻭﺑﻴﻦ ﻋﻴﻮﻧﻪ ﺻﻮﺭﺓ ﻟﺒﻨﻰ ..
***
ﺗﺎﻧﻲ ﻳﻮﻡ ...
ﻓﻲ ﻣﻜﺘﺒﻬﺎ ﻣﻘﻌﻤﺰﺓ ﻭﻣﻌﺎﻫﺎ ﺯﻭﺟﻬﺎ ...
ﻳﺎﺭﺍ : ﺣﻨﺨﻠﻴﻬﺎ ﻗﻀﻴﺔ ﺭﺃﻱ ﻋﺎﻡ ...
ﻧﻀﺎﻝ : ﻳﺎﺭﺍ .. ﺍﻧﻲ ﻣﻌﺎﻙ ﻓﺄﻱ ﺷﻲ ﺍﺩﻳﺮﻳﻪ .. ﺑﺲ ﻻﺯﻡ ﺧﻄﻮﺗﻚ ﻫﺎﺩﻱ ﺗﻜﻮﻥ ﻣﺪﺭﻭﺳﻪ ..
ﻳﺎﺭﺍ ﺍﺑﺘﺴﻤﺖ : ﻣﺪﺭﻭﺳﻪ ﻛﻮﻳﺲ ﻭﺣﺘﺸﻮﻑ ﺍﻟﻨﺘﺎﻳﺞ ..
ﻧﻀﺎﻝ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﻳﺎﺭﺍ ﺗﻨﻬﺪﺕ : ﺇﻥ ﺷﺎﺀ ﺍﻟﻠﻪ ...
***
ﺣﻨﺎﻥ ... ﺑﺶ ﻣﻬﻨﺪﺱ ﻣﻮﺳﻰ ﻳﺒﻴﻚ ﻓﻲ ﻣﻜﺘﺒﻪ ..
ﺣﻨﺎﻥ : ﺗﻤﺎﻡ .. ﻧﺎﺿﺖ ﺣﻨﺎﻥ ﻭﻣﺸﺖ ﻟﻤﻜﺘﺐ ﻣﻮﺳﻰ .. ﻃﻘﺖ ﺍﻟﺒﺎﺏ
ﻣﻮﺳﻰ : ﺗﻔﻀﻠﻲ ...
ﻓﺘﺤﺖ ﺍﻟﺒﺎﺏ ﻭﺧﺸﺖ ﻭﺗﻠﺨﻄﺒﺖ ﻣﺮﺓ ﻭﺣﺪﻩ ..
ﻣﻮﺳﻰ : ﺧﻴﺮﻙ ﻭﺍﻗﻔﺔ ﻓﺎﻟﺒﺎﺏ ؟ !!
ﺣﻨﺎﻥ ﺧﺸﺖ ...
ﻣﻮﺳﻰ : ﻗﻌﻤﺰﻱ ..
ﺣﻨﺎﻥ ﻗﻌﻤﺰﺕ ..
ﻣﻮﺳﻰ : ﺍﻟﺴﻴﺪ ﻣﻌﺎﻭﻳﻪ ﺟﺎﻱ ﻟﻤﺸﺮﻭﻉ ﺟﺪﻳﺪ ﻭﻣﺶ ﺑﺲ ﻃﺎﻟﺒﻚ ﺑﺎﻹﺳﻢ .. ﺟﺎﻙ ﺑﺮﻭﺣﻪ ..
ﺣﻨﺎﻥ ﺷﺒﺤﺘﻠﻪ : ﺷﻜﺮﺍ ﻟﺜﻘﺘﻚ ﺑﺸﻐﻠﻲ .. ﺑﺲ ﺯﻱ ﻣﺎ ﺗﻌﺮﻑ ﻳﺎﺑﺶ ﻣﻬﻨﺪﺱ ﺃﻧﻲ ﻣﺸﻐﻮﻟﻪ ﺍﻟﻔﺘﺮﺓ ﻫﺎﺩﻱ ..
ﻣﻌﺎﻭﻳﻪ ﺭﻓﻊ ﺣﺎﺟﺒﻪ ..
ﻣﻮﺳﻰ : ﺍﻛﻴﺪ ﻭﻣﻘﺪﺭ ﺑﺲ ﻣﺶ ﺣﻴﻌﺼﺐ ﻋﻠﻴﻚ ﻭﺗﻘﺪﺭﻱ ..
ﺣﻨﺎﻥ ﺗﻨﻬﺪﺕ ...
ﻣﻌﺎﻭﻳﻪ : ﺍﻧﻲ ﻣﺶ ﺣﻨﺮﻏﻤﻬﺎ ﻟﻮ ﻫﻲ ﻣﺎﺗﺒﻴﺶ .. ﻣﺎﻓﻴﺶ ﻣﺸﻜﻠﻪ ﺗﻮ ﻧﺸﻮﻑ ﺣﺪ ﺗﺎﻧﻲ .. ﻧﺎﺽ ... ﺍﻟﺲﻻﻡ ﻋﻠﻴﻜﻢ ..
ﻣﻮﺳﻰ ﻧﺎﺽ ﻭﻫﻮ ﻳﺸﻮﻑ ﻟﺤﻨﺎﻥ ﻣﺪ ﻳﺪﻩ .. ﻭﻣﺸﻲ ﺳﻘﺪ ﻣﻌﺎﻭﻳﻪ ﻟﻴﻦ ﻃﻠﻊ ﻭﻻﻟﻬﺎ : ﺧﻴﺮﻙ ...
ﺣﻨﺎﻥ : ﻣﺸﻐﻮﻟﻪ ﻫﻠﺒﻪ ﻭﺃﻧﺖ ﻋﺎﺭﻑ
ﻣﻮﺳﻰ : ﺣﻨﺎﻥ ﺍﻧﺘﻲ ﻛﻠﻤﺘﻴﻨﻲ ﺍﻟﻴﻮﻡ ﻭﻗﻠﺘﻲ ﺍﻧﻚ ﻣﺶ ﺣﺘﻤﺸﻲ ﻟﻠﺸﺮﻛﻪ ﺇﻻ ﻓﻲ ﺍﻹﺟﺘﻤﺎﻋﺎﺕ ﺍﻟﺸﻬﺮﻳﻪ ﺍﻟﻠﻲ ﺗﺨﺺ ﺍﻟﻤﺸﺮﻭﻉ .. ﻭﺗﻮﺍ ﺗﺮﻓﻀﻲ ﺍﻟﺨﺪﻣﻪ ﻣﻌﺎﻫﻢ ﻣﺮﺓ ﺗﺎﻧﻴﻪ ﺑﺮﻏﻢ ﺟﻴﺔ ﺍﻟﺴﻴﺪ ﻣﻌﺎﻭﻳﻪ ﺑﻨﻔﺴﻪ ﻭﻫﺎﺩﻱ ﻣﺎﺩﺍﺭﻫﺎﺵ ﻣﻊ ﺣﺪ ﻣﻦ ﻗﺒﻞ ..
ﺣﻨﺎﻥ : ﻣﺎﻓﻲ ﺷﻲ ﻏﻴﺮ ﺍﻟﻠﻲ ﻗﻠﺘﻬﻮﻟﻚ ..
ﻣﻮﺳﻰ : ﺑﺮﺍﺣﺘﻚ ... ﺗﻘﺪﺭﻱ ﺗﺮﺟﻌﻲ ﻟﻤﻜﺘﺒﻚ ..
ﺣﻨﺎﻥ ﻧﺎﺿﺖ ﻭﻃﻠﻌﺖ ﻣﻦ ﺍﻟﻤﻜﺘﺐ ﻭﺩﻣﻮﻋﻬﺎ ﻋﺒﻮﺍ ﻋﻴﻮﻧﻬﺎ ﺣﺎﺳﻪ ﺭﻭﺣﻬﺎ ﻣﺨﻨﻮﻗﻪ ﻭﺗﺒﻲ ﺗﺒﻜﻲ .. ﻗﺎﻣﺖ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﻨﻴﺮﻭﺯ ﻋﻄﺎﻫﺎ ﻣﻘﻔﻞ ..
ﻣﺶ ﻗﺎﺩﺭﺓ ﺗﺮﺟﻊ ﻟﻤﻜﺘﺒﻬﺎ ﻣﻦ ﺍﻟﻀﻴﻘﻪ ﺍﻟﻠﻲ ﻫﻲ ﻓﻴﻬﺎ ﻭﺩﻣﻮﻋﻬﺎ ﺍﻟﻠﻲ ﺣﻴﻄﻴﺤﻮﺍ .. ﻣﺎﻓﻴﺶ ﻏﻴﺮﻩ ﺑﺎﺑﻪ ﺩﻳﻤﺎ ﻣﻔﺘﻮﺡ ﻭﻋﻤﺮﻫﺎ ﻣﺎﻟﺠﺌﺘﻠﻪ ﻓﺤﺎﺟﻪ ﻭﺭﺩﻫﺎ ﻣﺸﺖ ﺗﻮﺿﺖ ﻭﺧﺸﺖ ﻟﻤﺼﻠﻰ ﺍﻟﻤﻜﺘﺐ ﻭﺻﻠﺖ ﺭﻛﻌﺘﻴﻦ ﻓﻀﻔﻀﺖ ﻓﻴﻬﻢ ﻟﻠﻪ .. ﻭﺩﻋﺖ ﻣﻦ ﻗﻠﺒﻬﺎ ﻭﺑﻌﺪ ﻛﻤﻠﺖ ﻃﻠﻌﺖ ﻣﻦ ﺍﻟﻤﺼﻠﻰ ﻭﻭﻟﺖ ﻟﻤﻜﺘﺒﻬﺎ ...
ﻣﻌﺎﻭﻳﻪ ﺍﺿﺎﻳﻖ ﻉ ﺍﻵﺧﺮ ﻣﻦ ﺗﺼﺮﻓﻬﺎ ﻣﻌﺎﺵ ﻓﻬﻤﻬﺎ ﻣﺮﺓ ﻳﺤﺴﻬﺎ ﻗﺮﻳﺒﻪ ﻭﻣﺮﻩ ﺑﻌﻴﺪﻩ .. ﻭﻟﻤﺎ ﺭﺩﺍﺗﻪ ﻗﺪﺍﻡ ﻣﻮﺳﻰ ﺣﺲ ﺍﻧﻪ ﻣﺎﻳﺴﻮﻯ ﻋﻨﺪﻫﺎ ﺷﻲ .. ﻃﻮﻝ ﻣﺸﻲ ﻟﻠﺸﺮﻛﻪ ..
ﻓﻲ ﺍﻟﺠﺎﻣﻌﻪ ..
ﺗﻤﺖ ﺍﻟﻤﺤﺎﺿﺮﺓ ﺍﻟﻠﻲ ﻛﺎﻧﺖ ﻋﻨﺪﻫﺎ ... ﻃﻮﻝ ﻧﺎﺿﺖ ﻣﻦ ﻣﻜﺎﻧﻬﺎ ﻭﻣﺸﺘﻠﻪ ..
ﻟﺒﻨﻰ : ﻋﺰ .. ﺷﻦ ﺟﻮ ..
ﻋﺰ ﺍﻟﺪﻳﻦ : ﺍﻟﺤﻤﺪ ﻟﻠﻪ .
ﻟﺒﻨﻰ ﺑﻀﻴﻖ : ﻋﺰ ﺍﻧﻲ ﻏﻠﻄﺘﺖ ﻓﻴﻚ ﻭﻻﺯﻋﻠﺘﻚ ...
ﻋﺰ ﺍﻟﺪﻳﻦ ﻫﺰ ﺭﺍﺳﻪ ﺑﺎﻟﻨﻔﻲ ..
ﻟﺒﻨﻰ : ﺑﺎﻩ ﻋﻼﺵ ﻣﺘﻐﻴﺮ ﻫﻜﻲ ﻣﻌﺎﻱ ..
ﻋﺰ ﺍﻟﺪﻳﻦ ﺷﺒﺤﻠﻬﺎ : ﻋﺎﺩﻱ ﺯﻱ ﻗﺒﻞ ..
ﻟﺒﻨﻰ : ﻻﻣﺶ ﺯﻱ ﻗﺒﻞ ﺍﻧﺖ ﻣﺘﻐﻴﺮ ﻫﻠﺒﻪ ..
ﻋﺰ : ﺣﺘﻰ ﺍﻧﺘﻲ ﻣﺘﻐﻴﺮﻩ ﻫﻠﺒﻪ ..
ﻟﺒﻨﻰ : ﺃﻧﻲ؟ !!
ﻋﺰ : ﺍﻳﻪ ..
ﻟﺒﻨﻰ : ﻛﻴﻒ؟
" ﻳﺎﺑﻨﺎﺕ ﺗﻌﺎﻟﻮﺍ ﺷﻮﻓﻮﺍ ﺑﺪﺭ ﺍﻟﻤﻨﺼﻮﺭﻱ ﺟﺎﻳﺐ ﻣﻌﺎﻩ ﺍﻟﻌﺎﺯﻑ ﺍﻟﺘﺮﻛﻲ ﺍﻟﻠﻲ ﻣﻌﺎﻩ ﺍﻟﻔﺮﻗﻪ ﻭﻳﻐﻨﻮﺍ ﻓﻲ ﺍﻟﺴﺎﺣﻪ .."..
ﻟﺒﻨﻰ ﺍﻟﺘﻔﺘﺖ ﺧﻄﻤﺖ ﺣﺪﺍﻫﺎ ﻣﻬﺎ : ﻫﻴﺎ ﻧﻤﺸﻮﺍ ..
ﻟﺒﻨﻰ : ﻟﺤﻈﻪ ﺑﺲ .. ﻭﻣﺸﺖ ﻃﻮﻝ ﺧﺪﺕ ﺣﺎﺟﺎﺗﻬﺎ ﻭﻃﻠﻌﺖ ﻣﻬﺎ ﺑﺴﺮﻋﻪ ... ﻭﻧﺴﺖ ﺗﻤﺎﻣﺎ ﻋﺰ ﺍﻟﺪﻳﻦ .. ﺍﻟﻠﻲ ﺣﺲ ﺭﻭﺣﻪ ﻭﻻﺣﺎﺟﻪ .. ﻣﺠﺮﺩ ﺳﻤﻌﺖ ﺍﺳﻢ ﺑﺪﺭ ﻧﺴﺖ ﻛﻞ ﺷﻲ ...
ﻫﻮ ﺩﻣﻌﺘﻪ ﻓﻌﻴﻨﻪ ﺷﺎﺩﻫﺎ ﺑﺼﻌﻮﺑﻪ ﻧﺎﺽ .. ﻭﻃﻠﻊ ﻣﻦ ﺍﻟﻤﺪﺭﺝ ﻭﻣﺸﻲ ﻣﻨﺪﻓﻊ ﻭﻗﻠﺒﻪ ﺍﻟﻤﺠﺮﻭﺡ ﻭﺍﺟﻌﻪ ﻭﺟﻬﺘﻪ ﻛﺎﻧﺖ ﺍﻟﻜﺎﻓﺘﻴﺮﻳﺎ ... ﺧﺶ ﻭﻟﻤﺎ ﺟﻲ ﺑﻴﻄﻠﺐ ... ﺟﺖ ﺑﻴﻦ ﻋﻴﻮﻧﻪ ﺑﺮﻏﻢ ﻛﻞ ﺷﻲ ﻋﻨﺪﻩ ﻓﻴﻬﺎ ﺃﻣﻞ .. ﺭﺍﻭﺋﺢ ﺗﺴﻬﻒ ﻳﺸﻢ ﻓﻴﻬﺎ ... ﺑﺲ ﻷﻭﻝ ﻣﺮﺓ ﻳﺘﻐﻠﺐ ﻉ ﻫﻮﻯ ﻧﻔﺴﻪ ﻭﻃﻠﻊ ﻣﻦ ﺍﻟﻜﺎﻓﺘﻴﺮﻳﺎ ... ﻳﻤﺸﻲ ﻭﻳﻘﺎﻭﻡ ﻓﻨﻔﺴﻪ ﺍﻟﻠﻲ ﺗﻘﻮﻟﻪ ﻭﻟﻲ ﺑﺲ ﻫﻮ ﻗﻌﺪ ﻳﺴﻤﻊ ﻟﻌﻘﻠﻪ ﻭﻗﻠﺒﻪ ﺍﻟﻠﻲ ﻳﻘﻮﻟﻮﻟﻪ ﺇﻳﺎﻙ ﺗﻮﻟﻲ ... ﻟﻴﻦ ﻟﻘﻲ ﺭﻭﺣﻪ ﻓﻜﻠﻴﺔ ﺍﻟﻌﻠﻮﻡ ﻭﻫﻮ ﻣﺶ ﺣﺎﺱ ﺑﺎﻟﻤﺴﺎﻓﻪ ﺍﻟﻠﻲ ﻗﻄﻌﻬﺎ .. ﺍﺗﻔﺎﺟﺄ ﻫﻠﺒﻪ ﻭﺿﺤﻚ ﺑﻔﺮﺡ ﺩﺍﺭ ﺍﻧﺠﺎﺯﻳﻦ ﻓﻲ ﻣﺮﺓ .. ﻣﺎﻓﺸﺶ ﻏﻠﻪ ﻓﻲ ﺍﻟﻤﺎﻛﻠﻪ .. ﻭﻣﺸﻲ ﻣﺴﺎﻓﻪ ﻣﺎﻓﻜﺮﺵ ﺍﺑﺪﺍ ﻗﺒﻞ ﻳﻤﺸﻲ ﺣﺘﻰ ﺭﺑﻌﻬﺎ .. ﻭﺣﺲ ﺃﻥ ﺍﻟﻤﻮﺿﻮﻉ ﺳﺎﻫﻞ ﻣﺶ ﺯﻱ ﻣﺎﻫﻮ ﻛﺎﻥ ﺷﺎﻳﻔﻪ ﺻﻌﺐ ﺑﻞ ﻣﺴﺘﺤﻴﻞ ..
ﻓﻲ ﺍﻟﻮﻗﺖ ﻧﻔﺴﻪ ..
ﺑﺪﺭ ﻛﺎﻥ ﻳﻐﻨﻲ ﻣﻊ ﺍﻟﻌﺎﺯﻑ ﺍﻟﻠﻲ ﻛﺎﻥ ﻳﻌﺰﻑ ﻉ ﺍﻟﺴﺎﺯ " ﺁﻟﻪ ﻣﻮﺳﻴﻘﻴﻪ ﺗﺮﻛﻴﻪ .." ﻭﺑﺪﺭ ﻳﻐﻨﻲ ﻓﺄﻏﺎﻧﻲ ﻟﻴﻪ ﻉ ﺃﻧﻐﺎﻡ ﻫﺎﻵﻟﻪ ﺍﻟﻤﻤﻴﺰﺓ ﺟﻤﻮﻉ ﻣﺠﺘﻤﻌﻴﻦ ﺣﻮﺍﻟﻴﻪ ﻭﻳﺼﻮﺭﻭﺍ ﻓﻴﻪ ﺑﻨﻘﺎﻻﺗﻬﻢ ..
ﻭﻟﺒﻨﻰ ﻛﺎﻧﺖ ﻣﻨﺴﺠﻤﻪ ﻣﻌﺎﻩ ﻭﻫﺎﻳﻤﻪ ﻓﻴﻪ ..
ﺑﻌﺪ ﻛﻤﻞ ..
ﺑﻌﺪ ﺍﻟﺘﺼﻔﻴﻖ ﺍﻟﺤﺎﺭ ﻭﺍﻟﺘﺼﻔﻴﺮ ﻭﺍﻟﺘﺸﺠﻴﻊ .. ﺍﻧﻔﻀﻮﺍ ﺍﻟﺠﻤﻬﻮﺭ ﺍﻟﻠﻲ ﺣﻮﺍﻟﻴﻪ .. ﻭﺟﻮﻩ ﺍﻟﻤﻌﺠﺒﻴﻦ ﻭﺍﻟﻤﻌﺠﺒﺎﺕ ﻳﺼﻮﺭﻭﺍ ﻭﻟﺒﻨﻰ ﻭﻣﻬﺎ ﻭﺍﻗﻔﻴﻦ ﻣﻦ ﺑﻌﻴﺪ ﻭﻳﺸﻮﻓﻮﻟﻪ ..
ﻣﻬﺎ ﺗﺸﺒﺢ ﻟﻠﺒﻨﻰ : ﺭﺣﺘﻲ ﻓﻲ ﺧﺒﺮ ﻛﺎﻥ ...
ﻟﺒﻨﻰ : ﺷﻨﻮ؟
ﻣﻬﺎ : ﺍﻧﺘﻲ ﻳﺎﺃﺳﺘﺎﺫﺓ ﻗﺪﺍﺵ ﻟﻴﺎ ﻣﻼﺣﻈﺎﺗﻚ ﺭﻩ .
ﻟﺒﻨﻰ ﺷﺒﺤﺘﻠﻬﺎ ﻭﺑﻌﺪﻳﻦ ﺷﺒﺤﺖ ﻟﺒﺪﺭ ﻭﺍﺑﺘﺴﻤﺖ ..
ﻣﻬﺎ ﺑﻀﺤﻜﻪ : ﺳﺒﺤﺎﻥ ﺍﻟﺬﻱ ﻳﻐﻴﺮ ..
ﻟﺒﻨﻰ ﺷﺒﺤﺘﻠﻬﺎ ﻉ ﺟﻨﺐ ﻭﺳﻜﺘﺖ ..
ﺑﺪﺭ ﺳﻠﻢ ﻉ ﺍﻟﻤﻌﺠﺒﺎﺕ ﺍﻟﻠﻲ ﻛﺎﻥ ﻳﺼﻮﺭﻭﺍ ﻣﻌﺎﻩ .. ﻭﺟﺎﻫﺎ .. ﻫﻮ ﻭ ﺍﻟﻌﺎﺯﻑ ..
ﻟﺒﻨﻰ ﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ : ﺟﺎﻳﻴﻦ ﻫﻨﻲ ..
ﻣﻬﺎ ﺿﺤﻜﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ : ...Yes
ﺑﺪﺭ؛ ﻣﺴﺎﺀ ﺍﻟﺨﻴﺮ ..
ﺍﻟﺰﻭﺯ : ﻣﺴﺎﺀ ﺍﻟﻨﻮﺭ .
ﺑﺪﺭ : ﻧﻌﺮﻓﻜﻢ ﺑﺄﺻﻼﻥ ..
ﻣﻬﺎ : ﻧﻌﺮﻓﻪ ﺷﻔﺘﻪ ﻫﻠﺒﻪ ﻓﻲ ﻓﻴﺪﻳﻮﺍﺗﻚ ﻭﻧﺘﺎﺑﻊ ﻓﻴﻪ ﻉ ﺣﺴﺎﺑﻪ .. ﻣﺶ ﻋﺎﺩﻱ ..
ﺍﺻﻼﻥ : ﺻﻬﻴﺘﻲ ..
ﻟﺒﻨﻰ ﻭﻣﻬﺎ ﺑﻀﺤﻜﻪ : ﺳﻠﻤﻚ ..
ﺍﺻﻼﻥ ﺿﺤﻚ .. ﻭﺑﺪﺭ ﺍﺑﺘﺴﻢ : ﻳﻔﻬﻢ ﻋﻠﻴﻨﺎ ﻭﻣﺘﻌﻠﻢ ﻳﺘﻜﻠﻢ ﺑﻠﻬﺠﺘﻨﺎ ..
ﻟﺒﻨﻰ ﺍﺑﺘﺴﻤﺖ ...
ﺑﺪﺭ : ﻫﻴﺎ ﺗﻮﺍ ﻧﺨﻠﻮﻛﻢ ... ﺷﺒﺢ ﻟﻠﺒﻨﻰ ﺍﺑﺘﺴﻢ
ﻟﺒﻨﻰ : ﺍﺣﻤﻢ .. ﺑﺘﺮﻭﺡ .. ﻗﺺﺩﻱ ﻣﺮﻭﺣﻴﻦ ﻳﻌﻨﻲ ..
ﺑﺪﺭ ﺑﻀﺤﻜﻪ : ﺑﻨﻮﺻﻠﻪ ﻟﺴﻴﺎﺭﺗﻪ ﻭﻣﻮﻟﻲ ..
ﻟﺒﻨﻰ ﺍﺑﺘﺴﻤﺖ ﺑﺨﺠﻞ ﻭﻭﻃﺖ ﻋﻴﻮﻧﻬﺎ ﻟﻮﻃﺎ ...
ﺑﺪﺭ ﻣﺸﻲ ﻣﻊ ﺻﺎﺣﺒﻪ ... ﻭﻣﻬﺎ ﻗﻌﺪﺕ ﺗﻨﺎﺷﺐ ﻓﻲ ﻟﺒﻨﻰ ﻭﺗﺒﻴﻬﺎ ﺗﻌﺘﺮﻓﻠﻬﺎ ﻭﻓﻌﻼ ﻟﺒﻨﻰ ﻗﺎﻟﺖ ﺍﻧﻬﺎ ﺍﻋﺠﺒﺖ ﺑﻴﻪ ﻫﻠﺒﻪ ...
ﺑﻌﺪ ﺷﻮﻳﻪ ﻭﻻ ﺑﺪﺭ ﺩﻭﺭ ﻋﻠﻴﻬﺎ ﻭﻟﻘﺎﻫﺎ ﻣﻘﻌﻤﺰﺓ ﺣﺪﺍ ﻣﻬﺎ ... ﻣﻬﺎ ﻭﺯﻋﺖ ﺭﻭﺣﻬﺎ ﻟﻤﺎ ﺷﺎﻓﺘﻪ ﻣﺸﺖ ﻭﻫﻮ ﻣﺸﻲ ﻟﻠﺒﻨﻰ ﻭﻗﻌﻤﺰ ﻣﻌﺎﻫﺎ ﻭﺑﺪﻭﺍ ﻳﻬﺪﺭﺯﻭﺍ ...
ﻭﺗﻤﺮ ﺍﻷﻳﺎﻡ ﻭﺗﻄﻮﺭ ﻋﻼﻗﺔ ﺑﺪﺭ ﺑﻠﺒﻨﻰ ﻭﺑﺪﻱ ﻳﺠﻲ ﻟﻠﻜﻠﻴﻪ ﻳﻮﻣﻴﺎ ﻉ ﺧﺎﻃﺮﻫﺎ ﻭﻛﺎﻧﺖ ﺗﺸﺠﻊ ﻓﻴﻪ ﻟﺒﻨﻰ ﺑﺶ ﻳﻘﺮﺍ ﻭﻳﺘﺨﺮﺝ ﻭﻫﻮ ﻓﻌﻼ ﺗﺸﺠﻊ ﻳﺪﻳﺮ ﻓﻲ ﺃﻱ ﺷﻲ ﺗﻘﻮﻟﻪ ﻋﻠﻴﻪ ﻹﻧﻬﺎ ﺧﺸﺖ ﻗﻠﺒﻪ ﻏﺼﺐ ﻋﻨﻪ ... ﻭﺑﺪﺕ ﺍﻟﻜﻠﻴﻪ ﻣﺮﻛﺰﺓ ﻉ ﺑﺪﺭ ﺃﻭﻝ ﻣﺮﺓ ﻳﻨﺸﺪ ﻟﺒﻨﺖ ﻫﻜﻲ ﺑﺤﻜﻢ ﺷﻬﺮﺗﻪ ﻭﺍﻟﺒﻨﺎﺕ ﺍﻟﻠﻲ ﻳﺠﺮﻭﺍ ﻓﻲ ﺟﺮﺗﻪ ﻭﻫﻮ ﻣﺶ ﻣﺪﻭﺭ ....
ﻉ ﺟﻬﺔ ﺗﺎﻧﻴﻪ ﻛﺎﻥ ﻋﺰ ﺍﻟﺪﻳﻦ ﻋﺎﻳﺶ ﻋﺬﺍﺏ ﺷﺪﻳﺪ ﻭﻣﻨﻘﻬﺮ ﻫﻠﺒﻪ .. ﺑﺲ ﺍﻟﻠﻲ ﻫﻮ ﻓﻴﻪ ﺗﺄﺛﻴﺮﻩ ﻋﻠﻴﻪ ﻛﺎﻥ ﺍﻳﺠﺎﺑﻲ .. ﺣﺎﻭﻝ ﻳﻐﻴﺮ ﻣﻦ ﻧﻔﺴﻪ ﻹﻥ ﺷﺎﻑ ﺇﻥ ﺍﻟﻌﺎﺋﻖ ﺍﻟﻠﻲ ﺑﻴﻨﻪ ﻭﺑﻴﻦ ﺍﻱ ﺷﻲ ﻳﺒﻴﻪ ﻭﺯﻧﻪ ﺍﻟﺰﺍﻳﺪ ﻭﻻﺯﻡ ﻳﺘﺨﻠﺺ ﻣﻨﻪ ...
ﻓﻴﻮﻡ .
ﻛﺎﻥ ﻣﺎﺷﻲ ﺑﻴﺮﻭﺡ ..
" ﻋﺰ ... ﻋﺰ .... ﻋﺰ "
ﻛﺎﻥ ﻋﺎﺭﻑ ﻫﻲ ﺍﻟﻠﻲ ﺗﻨﺎﺩﻱ ﻳﺒﻲ ﻳﺘﺠﺎﻫﻠﻬﺎ ﺯﻱ ﻣﺎﻫﻲ ﻣﺶ ﻣﺪﻭﺭﺍﺗﻪ ﻃﻮﻝ ﺍﻟﻤﺪﻩ ﺍﻟﻠﻲ ﻓﺎﺗﺖ ...
ﻟﺒﻨﻰ ﺑﻨﺒﺮﺓ ﺣﺰﻳﻨﻪ : ﻋﺰ .... ﺍﻧﺎﺩﻱ ﻓﻴﻚ ...
ﻫﻮ ﻣﺎﺗﺤﻤﻠﺶ ﻏﻤﺾ ﻋﻴﻮﻧﻪ ﺑﺸﺪﻩ ﻭﻭﻗﻒ ...
ﺟﺎﺗﻪ ﻭﻭﻗﻔﺖ ﻗﺪﺍﻣﻪ : ﻣﻌﻘﻮﻟﻪ ﻫﺬﺍ ﻛﻠﻪ ﻭﻣﺎﺗﺴﻤﻌﺶ ﻓﻴﺎ ..
ﻋﺰ : ﺍﺳﻒ ﺑﺲ ﻛﻨﺖ ﻣﺴﺘﻌﺠﻞ ...
ﻟﺒﻨﻰ : ﻧﺒﻲ ﻧﻌﺮﻑ ﺧﻴﺮﻙ ﺗﻐﻴﺮﺕ ﻋﻠﻴﺎ ﻫﻜﻲ .. ﻭﻗﺎﻟﺖ ﺑﻀﺤﻜﻪ .. ﻭﻻﺑﻌﺪ ﺩﺭﺕ ﺍﺻﺤﺎﺏ ﺟﺪﺩ ﻓﺘﺘﻨﻲ ...
ﻋﺰ ﺍﺑﺘﺴﻢ ﻣﺠﺎﻣﻠﻪ : ﺍﻳﻪ ﺧﻼﺹ ﻃﺎﺣﺖ ﻣﻮﺿﺘﻚ .
ﻟﺒﻨﻰ ﺑﺈﺑﺘﺴﺎﻣﻪ : ﻣﻦ ﻭﺭﺍ ﻗﻠﺒﻚ ﻋﺎﺭﻓﻪ ..
ﻋﺰ ﺷﺒﺢ ﻟﻌﻴﻮﻧﻬﺎ : ﺍﻧﺖ ﺍﻟﻠﻲ ﻣﻌﺎﺵ ﺑﺪﻳﺘﻲ ﺍﺩﻭﺭﻱ .. ﻣﻬﺎ ﻳﻮﻣﻴﺎ ﺗﻬﺪﺭﺯ ﻋﻠﻴﺎ ﻭﺗﺴﺄﻝ ﻉ ﺣﺎﻟﻲ ﻭﺍﻧﺖ ﻣﺸﻐﻮﻟﻪ ..
ﻟﺒﻨﻰ ﺗﺤﺸﻤﺖ ..
ﻋﺰ ﺑﺄﻟﻢ : ﻫﻮ ﺑﺪﺭ ﺭﺍﺟﻞ ﻛﻮﻳﺲ ..
ﻟﺒﻨﻰ ﺑﺤﻤﺎﺱ : ﻫﻠﺒﻪ ﻳﺎﻋﺰ .. ﻣﺎﻛﻨﺘﺶ ﻧﺤﺴﺎﺑﻪ ﻫﻜﻲ ﺑﻜﻞ ..
ﻋﺰ ﺗﻘﻮﻝ ﻣﻦ ﻳﻌﺼﺮ ﻓﻲ ﻗﻠﺒﻪ : ﺍﻳﻪ ﻗﺘﻠﻚ ﻗﺒﻞ ... ﺭﺑﻲ ﻳﻮﻓﻘﻚ ...
ﻟﺒﻨﻰ ﺍﺑﺘﺴﻤﺖ ﺑﺨﺠﻞ ﺑﻌﺪﻳﻦ ﻏﻴﺮﺕ ﺍﻟﻤﻮﺿﻮﻉ : ﻣﺴﺘﻌﺪ ﻟﻺﻣﺘﺤﺎﻧﺎﺕ ...
ﻋﺰ ﺍﺑﺘﺴﻢ ﺑﺄﻟﻢ : ﺇﻳﻪ ...
***
ﺧﻼﻝ ﻫﺎﻷﻳﺎﻡ ﺍﻟﻠﻲ ﻣﺮﺕ ﺣﻨﺎﻥ ﺗﻐﻴﺮﺕ ﺗﻐﻴﺮ ﻣﻔﺎﺟﺊ ﻣﻊ ﻣﻌﺎﻭﻳﻪ ﻭﻗﻄﻌﺖ ﺭﺟﻠﻬﺎ ﻣﻦ ﺍﻟﺸﺮﻛﻪ ﺣﺘﻰ ﺍﻹﺟﺘﻤﺎﻉ ﺍﻟﺸﻬﺮﻱ ﺣﻀﺮﻩ ﺍﻟﻤﻬﻨﺪﺱ ﻣﻮﺳﻰ ﺑﺮﻭﺣﻪ .. ﻛﻞ ﺍﻟﻠﻲ ﺧﻄﺮ ﻓﻲ ﺑﺎﻟﻪ ﻭﻗﺘﻬﺎ ﺍﻧﻬﺎ ﺣﺘﻮﻟﻲ ﻟﺮﺍﺟﻠﻬﺎ ... ﻟﻜﻦ ﻋﺪﺗﻬﺎ ﺗﻤﺖ ﻭﻫﺎﻟﺸﻲ ﻣﺎﺻﺎﺭﺵ ﻣﻨﻪ ..
ﺣﺘﻲ ﻣﻨﻴﻦ ﻓﻀﻮﺍ ﻓﻲ ﺭﻫﻒ .. ﺍﺳﺘﻘﺒﻞ ﻧﻀﺎﻝ ﺃﻫﻞ ﺃﺳﻨﺎﻡ ﻓﻲ ﺣﻮﺵ ﺃﻫﻠﻪ ... ﺯﻱ ﻣﺎﺧﺒﺮﺍﺗﻪ ﻣﻬﺎ ...
ﻣﻌﺎﻭﻳﻪ : ﻣﺶ ﻋﺎﺭﻑ ﺷﻦ ﺍﻟﻠﻲ ﺻﺎﺭ ﻓﺠﺄﺓ ... ﺑﻨﻨﺠﻦ ﻳﺎﺃﻳﻤﻦ ..
ﺃﻳﻤﻦ ﻳﺸﺒﺤﻠﻪ ﻭﻓﻲ ﻛﻼﻡ ﻳﺒﻲ ﻳﻘﻮﻟﻪ ﻭﻗﺮﺭ ﻳﻘﻮﻟﻪ : ﺍﻧﻲ ﺷﺒﻪ ﻋﺎﺭﻑ ﻋﻼﺵ ..
ﻣﻌﺎﻭﻳﻪ : ﺗﻲ ﺑﺎﻫﻲ ﺗﻜﻠﻢ ﺷﺎﻳﻒ ﺣﺎﻟﻲ ﻣﻦ ﺑﻜﺮﻱ ﻭﺳﺎﻛﺖ ...
ﺃﻳﻤﻦ : ﻧﺎﺩﻱ ﺁﻣﻨﻪ ﻗﺒﻞ ..
ﻣﻌﺎﻭﻳﻪ ﺍﺳﺘﻐﺮﺏ ﻭﺩﺍﺭ ﻗﺎﻟﻪ ﻋﻠﻴﻪ ﺃﻳﻤﻦ ... ﻭﺷﻮﻳﻪ ﻭﺟﺖ ﺁﻣﻨﻪ ...
ﺃﻳﻤﻦ : ﺁﻣﻨﻪ ﻗﻮﻟﻲ ﻟﻤﻌﺎﻭﻳﻪ ﺍﻟﻠﻲ ﺳﻤﻌﺘﻴﻪ ﺍﻟﻠﻲ ﻗﺎﻋﺪ ﻳﺘﻨﺎﻗﻞ ﻓﻲ ﺍﻟﺸﺮﻛﻪ ..
ﻣﻌﺎﻭﻳﻪ ﻣﺴﺘﻐﺮﺏ ﻫﻠﺒﻪ : ﺗﻜﻠﻤﻲ ﻳﺎﺁﻣﻨﻪ ..
ﺁﻣﻨﻪ : ﺍﺣﻤﻢ .. ﻣﻦ ﻓﺘﺮﻩ ﻗﺮﻳﺐ ﺷﻬﺮ ﺑﺪﺕ ﺗﻄﻠﻊ ﺩﻭﺓ ﻓﻲ ﺍﻟﺸﺮﻛﻪ ﻉ ﺇﻥ ﻓﻲ ... ﻋﻼﻗﻪ ﺑﻴﻨﻚ ﻭﺑﻴﻦ ﺍﻟﻤﻬﻨﺪﺳﻪ ﺣﻨﺎﻥ .. ﻭﺇﻥ ﻫﺎﻟﻌﻼﻗﻪ ﺳﺮﻳﻪ .. ﻭﻛﺎﻧﺖ ﻣﻦ ﻗﺒﻞ ﻟﺘﻄﻠﻖ ..
ﻣﻌﺎﻭﻳﻪ ﺑﺼﺪﻣﻪ : ﺷﻨﻮﻭﻭﻭ؟؟؟
ﺁﻣﻨﻪ ﺑﻠﻌﺖ ﺭﻳﻘﻬﺎ : ﻭﺑﺪﻭﺍ ﻳﻘﻮﻟﻮﺍ ﻓﻲ ﻛﻼﻡ ﻣﺶ ﻛﻮﻳﺲ ﻉ ﺍﻟﺒﺶ ﻣﻬﻨﺪﺳﻪ .. ﻭﺍﻧﻲ ﺑﺤﻜﻢ ﻋﻼﻗﺘﻲ ﺑﻴﻬﺎ ﺧﺒﺮﺗﻬﺎ ﻣﺎﺭﺿﻴﺘﺶ ﻓﻴﻬﺎ ﺍﻟﻜﻼﻡ ﺍﻟﻠﻲ ﺳﻤﻌﺘﻪ ﻭﻗﻠﺘﻠﻬﺎ ﻻﺯﻡ ﺗﺘﺼﺮﻑ ..
ﺃﻳﻤﻦ ﺷﺒﺢ ﻟﻤﻌﺎﻭﻳﻪ ﻟﻘﺎﻩ ﻳﺤﻚ ﻓﻲ ﻟﺤﻴﺘﻪ ﻭﻫﺎﺩﻱ ﺍﻟﺤﺮﻛﻪ ﻣﻌﺮﻭﻑ ﺑﻴﻬﺎ ﻟﻤﺎ ﻳﻮﺻﻞ ﻷﻗﺼﻰ ﻣﺮﺍﺣﻞ ﺍﻟﻐﻀﺐ ...
ﺿﺮﺏ ﺑﺈﻳﺪﻩ ﻉ ﻃﺎﻭﻟﺔ ﺍﻟﻤﻜﺘﺐ ﻭﻧﺎﺽ : ﻛﻞ ﺍﻟﻠﻲ ﻳﺨﺪﻣﻮﺍ ﻫﻨﻲ ﻧﺒﻴﻬﻢ ﻓﻲ ﻗﺎﻋﺔ ﺍﻟﻤﺴﺮﺡ ﺍﻟﻠﻲ ﺗﺤﺖ ﺑﺪﻭﻥ ﺍﺳﺘﺜﻨﺎﺀ ...
...
ﺟﻤﻌﻬﻢ ﻛﻠﻬﻢ ... ﻭﻫﺰﺑﻬﻢ ﻭﺗﻜﻠﻢ ﻉ ﻋﻼﻗﺔ ﺍﻟﻘﺮﺍﺑﻪ ﺍﻟﻠﻲ ﺗﺮﺑﻄﻪ ﺑﻴﻚ ﻭﺗﻜﻠﻢ ﻉ ﺃﺧﻼﻗﻚ .. ﻭﻉ ﺍﻧﻚ ﻛﻨﺖ ﺍﻟﺴﺒﺐ ﻓﻲ ﺗﻐﻴﻴﺮ ﻛﺒﻴﺮ ﺻﺎﺭ ﻓﺤﻴﺎﺗﻪ ... ﻭﻗﺎﻝ ..
. ﺳﻜﺘﺖ ..
ﻧﻴﺮﻭﺯ : ﻛﻤﻠﻲ ...
ﺁﻣﻨﻪ : ﻗﺎﻝ ...
ﻓﻼﺵ ﺑﺎﻙ
ﻣﻌﺎﻭﻳﻪ : ﻭﻧﻘﻮﻟﻬﺎ ﺑﺼﺮﺍﺣﻪ ﺍﻟﻤﺮﺍﺓ ﻫﺎﺩﻱ ﻟﻮ ﺗﺮﺿﻰ ﺗﻜﻤﻞ ﺣﻴﺎﺗﻬﺎ ﻣﻌﺎﻱ ﺣﻨﻜﻮﻥ ﺍﻛﺜﺮ ﺍﻧﺴﺎﻥ ﻣﺤﻈﻮﻅ ﻓﻲ ﺍﻟﺪﻧﻴﺎ ... ﻫﻮ ﺍﻧﻲ ﻧﻄﻮﻝ ... ﻟﻜﻦ ﻫﻲ ﻣﻦ ﺍﺣﺘﺮﺍﻣﻬﺎ ﺍﻟﺸﺪﻳﺪ ﻟﻨﻔﺴﻬﺎ ﻣﺎﺗﺠﺮﺃﺗﺶ ﻧﻌﺒﺮ ﻋﻦ ﺭﻏﺒﺘﻲ ﺍﻟﺼﺎﺩﻗﻪ ﻭﺍﻟﻠﻲ ﻏﺮﺿﻲ ﻣﻨﻬﺎ ﺷﺮﻳﻒ
ﺍﻟﻮﻗﺖ ﺍﻟﺤﺎﺿﺮ ..
ﻧﻴﺮﻭﺯ : ﺭﻭﻭﻭﻭﺭﻭﻭﻭﻭﻭﺭ .. ﺣﻂ ﻳﺪﻫﺎ ﻉ ﻓﻢ ﻧﻴﺮﻭﺯ ..
ﺣﻨﺎﻥ ﻭﺟﻬﻬﺎ ﺍﺣﻤﺮ : ﺍﺳﻜﺘﻲ ﻳﺎﻫﻤﻲ ..
ﺁﻣﻨﻪ ﺗﻀﺤﻚ ..
ﺣﻨﺎﻥ ﺣﻮﻟﺖ ﻳﺪﻫﺎ : ﻋﻠﻰ ﺷﻨﻮ ﺗﻀﺤﻜﻮﺍ ﻭﻓﺮﺣﺎﻧﻴﻦ ﻉ ﺍﺳﺎﺱ ﻫﻮ ﺭﻗﻌﻬﺎ ...
ﻧﻴﺮﻭﺯ : ﺍﻟﺮﺍﺟﻞ ﻃﻠﺐ ﺍﻳﺪﻙ ﺃﻣﺎﻡ ﺍﻟﻤﻸ ﻣﻦ ﺍﻟﻘﻮﻡ ﻭﻭﺭﺍﻫﻢ ﻗﺪﺍﺵ ﺍﻧﺘﻲ ﻣﺮﺍﺓ ﻣﺤﺘﺮﻣﻪ ﻭ ﺗﺴﺘﺤﻘﻲ ﺍﺍﻟﻠﻲ ﻣﻌﺎﻭﻳﻪ ﺍﻟﻬﺎﺩﻱ ﻳﺪﻳﺮ ﻉ ﺧﺎﻃﺮﻙ ﻫﻜﻲ ..
ﺁﻣﻨﻪ : ﻓﻌﻼ ﺍﻟﺸﺮﻛﻪ ﻛﻠﻬﺎ ﻗﻌﺪﺕ ﺗﻘﻮﻝ ﻓﻨﻔﺲ ﺍﻟﻜﻼﻡ ..
ﺣﻨﺎﻥ ﺑﺘﻤﻮﺕ ﻣﻦ ﺍﻟﺨﺠﻞ ﻭﺍﻹﺣﺮﺍﺝ ..
ﺁﻣﻨﻪ ﺍﺑﺘﺴﻤﺖ : ﻓﻲ ﻣﺸﺮﻭﻉ ﺳﻠﺴﻠﺔ ﻓﻨﺎﺩﻕ ﻧﺎﻭﻱ ﻳﺪﻳﺮﻩ ﻭﻳﺒﻴﻚ ﺍﻧﺘﻲ ﺍﻟﻠﻲ ﺗﺼﻤﻤﻲ ﺷﻜﻠﻪ ﻭﻣﺶ ﻣﺘﻨﺎﺯﻝ ﻋﻨﻚ ﻭﻗﺎﻟﻲ ﺗﺒﻲ ﻧﺠﻴﻬﺎ ﻣﺮﺓ ﺗﺎﻧﻴﻪ ﻟﻠﻤﻜﺘﺐ ﺣﺎﺿﺮ ..
ﺣﻨﺎﻥ ﺣﻄﺖ ﺍﻳﺪﻫﺎ ﻉ ﻭﺟﻬﻬﺎ ﻣﻦ ﺧﺠﻠﻬﺎ ﻭﻫﻲ ﺗﺒﺘﺴﻢ ..
ﻧﻴﺮﻭﺯ : ﺍﻟﺮﺍﺟﻞ ﻫﺬﺍ ﻳﺠﻨﻦ ﻳﺎﻧﺎﺱ ..
ﺣﻨﺎﻥ ﺿﺎﻳﻘﺘﻬﺎ ﺍﻟﻜﻠﻤﻪ ﺣﻮﻟﺖ ﻳﺪﻫﺎ ﻭﺷﺒﺤﺖ ﻟﻨﻴﺮﻭﺯ ..
ﻧﻴﺮﻭﺯ ﺷﺒﺤﺘﻠﻬﺎ ﻭﺿﺤﻜﺖ : ﺣﻲ ﻉ ﺍﻟﺸﺒﺤﻪ ...
ﺁﻣﻨﻪ ﺑﻀﺤﻜﻪ : ﻏﺮﻧﺎ ﻣﻌﻨﺎﻫﺎ ..
ﻧﻴﺮﻭﺯ : ﻭﻫﺎﺩﺍ ﺷﻨﻮ ﻣﻌﻨﺎﻩ ﻳﺎﺁﻣﻨﻪ ..
ﺁﻣﻨﻪ : ﻣﻌﻨﺎﻩ ...
ﻧﺎﺿﺖ ﺣﻨﺎﻥ ﻭﻫﻲ ﻣﺘﺤﺸﻤﻪ ﻭﻣﻌﺼﺒﻪ : ﻣﺒﺮﺩﻛﻢ ﺍﻧﺘﻲ .. ﻭﻳﺎﻫﺎ .. ﻭﻡﺷﺖ ﻟﻠﻜﻮﺟﻴﻨﻪ ﻭﺁﻣﻨﻪ ﻭﻧﻴﺮﻭﺯ ﻣﻴﺘﺎﺕ ﺑﺎﻟﻀﺤﻚ ..
***
ﻧﻬﺖ ﺍﻟﻤﻜﺎﻟﻤﻪ ﻭﺣﻀﻨﺖ ﺍﻟﺘﻠﻴﻔﻮﻥ ...
ﺭﻫﻒ ﺑﻀﺤﻜﻪ : ﻫﺬﺍ ﺑﺪﺭ ﺍﻟﻤﻨﺼﻮﺭﻱ ﺍﻟﻠﻲ ﺩﻣﻪ ﺭﺯﻳﻦ ﻭﻣﺎﻳﻨﻬﻀﻤﺶ ﻭﻣﺶ ﻋﺎﺭﻓﻪ ﺷﻨﻮ ..
ﻟﺒﻨﻰ ﺑﻀﺤﻜﻪ : ﺍﻛﺒﺮ ﻏﻠﻂ ﺗﺤﻜﻤﻲ ﻉ ﺍﻟﻨﺎﺱ ﻣﻦ ﻗﺒﻞ ﻟﺘﻌﺮﻓﻴﻬﻢ ..
ﺭﻫﻒ ﺑﺘﺴﻬﻮﻳﻚ : ﺁﺍﺍﺍﺍﻩ ﻳﺎﺍﺍﺍﺭﺑﻲ .... ﺑﺎﻩﻱ ﻗﻮﻟﻴﻠﻲ .. ﺻﺮﺣﺘﻮﺍ ﻟﺒﻌﺾ ﺑﻤﺸﺎﻋﺮﻛﻢ ...
ﻟﺒﻨﻰ ﺍﺑﺘﺴﻤﺖ ﺑﺨﺠﻞ : ﻟﺘﻮﺍ ﻻ ...
ﺭﻫﻒ : ﺍﻧﺖ ﻣﺘﺄﻛﺪﻩ ﻣﻦ ﻣﺸﺎﻋﺮﻩ ..
ﻟﺒﻨﻰ : ﻉ ﺣﺴﺐ ﻣﺎﻧﺸﻮﻑ ﺣﻜﻤﺖ ... ﺣﺎﺳﻪ ﺍﻧﻪ ﻓﻴﻪ ﺷﻲ ﻗﻮﻱ ﻣﻦ ﺟﻴﻬﺘﻲ ..
ﺭﻫﻒ : ﺇﻥ ﺷﺎﺀ ﺍﻟﻠﻪ ﺧﻴﺮ ﻳﺎﺭﺏ ..
ﻟﺒﻨﻰ : ﺇﻥ ﺷﺎﺀ ﺍﻟﻠﻪ .. ﺃﻫﻢ ﺷﻲ ﺗﻮﺍ ﺍﻧﺘﻲ .. ﻓﺎﺗﺤﺘﻚ ﺍﻟﺠﻤﻌﻪ ..
ﺭﻫﻒ ﺿﺤﻜﺖ ﺑﺨﺠﻞ ﺑﻌﺪﻳﻦ ﺗﻨﻬﺪﺕ ..
ﻟﺒﻨﻰ : ﻫﻬﻬﻬﻬﻬﻬﻬﻬﻪ ..
***
ﻛﺮﻳﻢ : ...OMG
ﻣﻌﺎﻭﻳﻪ : ﺑﺘﺒﺪﺍ ﺑﺎﻟﺘﻔﺎﻫﻪ ..
ﻛﺮﻳﻢ : ﻻﻭﺍﻟﻠﻪ ﻧﺘﻜﻠﻢ ﺟﺪ .. ﺧﺎﻃﺮﻱ ﻧﺘﻌﺮﻑ ﻋﻠﻴﻬﺎ ﺍﻟﻤﺮﺍﺓ ﺍﻟﻠﻲ ﺩﺍﺭﺕ ﻓﻴﻚ ﺍﻧﺖ ﻫﻜﻲ ..
ﻣﻌﺎﻭﻳﻪ : ﻻﺗﺘﻌﺮﻑ ﻋﻠﻴﻬﺎ ﻻﺗﺘﻌﺮﻑ ﻋﻠﻴﻚ ..
ﻛﺮﻳﻢ ﺑﻀﺤﻜﻪ : ﻳﺎﻟﻄﻴﻒ ﺍﻧﺖ ﻣﻦ ﻗﺒﻞ ﻣﺎﺗﻨﻘﺮﺑﺶ ﻳﺎﺑﺎﻝ ﺣﺒﻴﺖ ﻭﺑﺪﻳﺖ ﺗﻐﺎﺭ ... ﻻﻳﺎﺳﻴﺪﻱ ﻣﻌﺎﺵ ﻧﺒﻲ ﻧﺘﻌﺮﻑ ﻉ ﺣﺪ ..
ﻣﻌﺎﻭﻳﻪ ﺑﺮﻓﻌﺔ ﺣﺎﺟﺐ ﻭﺿﺤﻜﻪ : ﺍﻳﻮﻩ ﻫﻜﻲ .. ﺍﺗﻌﺪﻝ ...
ﻛﺮﻳﻢ ﻫﺰ ﺭﺍﺳﻪ ﺍﻳﻤﻴﻦ ﻭﺍﻳﺴﺎﺭ ﻭﻗﻌﺪ ﻳﻀﺤﻚ ..
⚘⚘⚘
ﺗﺎﻧﻲ ﻳﻮﻡ ..
ﻣﺎﺷﻴﻪ ﻭﻗﻠﺒﻬﺎ ﻳﺪﻕ ﺑﻘﻮﺓ ... ﻭﺻﻠﺖ ﻓﻲ ﺍﻟﺒﺎﺏ ﻭﻃﻘﺖ .. ﺍﺫﻧﻮﻟﻬﺎ ﺑﺎﻟﺪﺧﻮﻝ ﻭﺧﺸﺖ ...
ﻛﺎﻧﺖ ﻣﺘﺠﻨﺒﺔ ﺗﺸﺒﺤﻠﻪ : ﺍﻟﺴﻼﻡ ﻋﻠﻴﻜﻢ ..
ﻫﻮ ﺍﺑﺘﺴﻢ ﻭﻳﺸﻮﻓﻠﻬﺎ ﻭﺭﺩ ﻣﻊ ﺭﺋﻴﺴﻬﺎ ﻓﻲ ﺍﻟﻌﻤﻞ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻣﺖ ... ﻭﻗﻌﻤﺰﺕ ﻣﻘﺎﺑﻼﺗﻪ ﻭﺗﺸﺒﺢ ﻟﺮﺋﻴﺴﻬﺎ ..
ﻣﻮﺳﻰ : ﺑﺶ ﻣﻬﻨﺪﺳﻪ ﺍﻟﺴﻴﺪ ﻣﻌﺎﻭﻳﻪ ﺟﻲ ﻣﺮﺓ ﺗﺎﻧﻴﻪ ﻭﻃﻠﺒﻚ ﺑﺎﻹﺳﻢ ﻟﻠﻤﺮﺓ ﺍﻟﺜﺎﻟﺜﻪ ...
ﻣﻌﺎﻭﻳﻪ : ﺇﻥ ﺷﺎﺀ ﺍﻟﻠﻪ ﻧﺤﻈﻮﺍ ﺑﺸﻮﻳﻪ ﻣﻦ ﻭﻗﺘﻬﺎ ﻭﺗﺨﻠﻴﻨﺎ ﻣﻦ ﺿﻤﻦ ﻣﺸﻐﻮﻟﻴﺎﺗﻬﺎ ..
ﺣﻨﺎﻥ ﺷﺒﺤﺘﻠﻪ ﻉ ﺟﻨﺐ ﻭﺷﺒﺤﺖ ﻟﻤﻮﺳﻰ : ﻣﺎﻓﻴﺶ ﻣﺸﻜﻠﻪ ...
ﻣﻮﺳﻰ ﺍﺑﺘﺴﻢ : ﺍﻧﻲ ﻫﺎﻟﻤﺮﺓ ﻣﺶ ﺣﻴﻜﻮﻥ ﻟﻴﺎ ﺃﺩﻧﻰ ﻋﻼﻗﻪ ﺑﺎﻟﻤﺸﺮﻭﻉ ﻫﺬﺍ ﺍﻧﺘﻲ ﺗﻘﺪﺭﻳﻪ ﺑﺮﻭﺣﻚ .. ﺑﺲ ﻣﺎﻓﻴﺶ ﺑﺎﺱ ﻟﻮﺍﺳﺘﺸﺮﺗﻲ ...
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺷﺒﺤﺖ ﻟﻤﻌﺎﻭﻳﻪ : ﺍﻟﻤﻜﺎﻥ ...
ﻣﻌﺎﻭﻳﻪ : ﻫﻨﻲ ﻓﻲ ﺍﻟﻌﺎﺻﻤﻪ ﺗﺤﺪﻳﺪﺍ ﻓﻲ ****
ﻗﻌﺪﻭﺍ ﻳﺘﻜﻠﻤﻮﺍ ﺍﻟﺰﻭﺯ .. ﺷﻮﻳﻪ ﻭﻣﻮﺳﻰ ﻃﻠﻊ ﻭﺧﻼﻫﻢ .. ﻭﻟﻤﺎ ﻃﻠﻊ ﺣﻨﺎﻥ ﺧﺎﻓﺖ ﻭﺗﻠﺨﺒﻄﺘﺖ ﺑﺲ ﺗﻤﺎﺳﻜﺖ ... ﻭﻛﻤﻠﻮﺍ ﻛﻼﻣﻬﻢ ..
ﺣﻨﺎﻥ : ﺗﻤﺎﻡ .. ﺧﻼﻝ ﺍﻟﻔﺘﺮﺓ ﻫﺎﺩﻱ ﺣﻨﺨﺪﻡ ﻋﻠﻴﻪ ..
ﻣﻌﺎﻭﻳﻪ : ﺧﻮﺩﻱ ﻭﻗﺘﻚ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻗﻌﺪﻭﺍ ﺳﺎﻛﺘﻴﻦ ﻫﻮ ﻳﺸﺒﺤﻠﻬﺎ ﻭﻫﻲ ﺗﺸﺒﺢ ﻟﻮﻃﺎ ... ﺑﻌﺪﻳﻦ ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻧﻪ ﻭﻫﻮ ﻳﺒﺘﺴﻢ .. ﻏﻴﺮﺕ ﻋﻴﻮﻧﻬﺎ ﻃﻮﻝ ...
ﻣﻌﺎﻭﻳﻪ : ﺑﺎﻫﻲ ﻷﻣﺘﻰ ..
ﺣﻨﺎﻥ ﺷﺒﺤﺘﻠﻪ : ﺷﻨﻮ؟
ﻣﻌﺎﻭﻳﻪ : ﻣﻌﺎﻣﻠﺘﻚ ﻫﺎﺩﻱ ...
ﺣﻨﺎﻥ : ﻋﺎﺩﻳﻪ ﻣﻌﺎﻣﻠﺘﻲ ﺧﻴﺮﻫﺎ؟
ﻣﻌﺎﻭﻳﻪ ﻧﺰﻝ ﺭﺟﻠﻪ ﺍﻟﻠﻲ ﻛﺎﻥ ﺣﺎﻃﻬﺎ ﻉ ﺭﺟﻠﻪ ﺍﻟﺘﺎﻧﻴﻪ .. ﻭﺣﻂ ﻣﺮﺍﻓﻘﻪ ﻉ ﺭﻛﺎﺑﻪ ﻭﺷﺒﻚ ﺻﻮﺍﺑﻊ ﺍﻳﺪﻳﻪ ﻓﻲ ﺑﻌﺾ ﻭﻗﻌﺪ ﻳﺸﻮﻓﻠﻬﺎ : ﺣﻨﺎﻥ ﺍﻧﻲ ﺟﺎﻱ ﻧﺘﻜﻠﻢ ﺑﺠﺪﻳﻪ ﻓﻲ ﺍﻟﻤﻮﺿﻮﻉ .. ﺍﻧﻲ ﺍﻧﺴﺎﻥ ﺩﻏﺮﻱ ﻻﻧﻌﺮﻑ ﻧﻠﻒ ﻭﻻﻧﺪﻭﺭ .. ﻭﻃﺎﻟﻤﺎ ﻋﺎﺭﻑ ﺍﻥ ﺍﻟﻠﻲ ﺑﻨﺪﻳﺮﻩ ﺻﺢ ﻣﺎﻧﺘﺮﺩﺩﺵ ﻓﻴﻪ .. ﺍﻋﺘﻘﺪ ﻭﺻﻠﻚ ﺍﻟﻠﻲ ﺻﺎﺭ ﻣﻦ ﻳﻮﻡ ﻓﻲ ﺍﻟﺸﺮﻛﻪ .. ﻭﻭﺻﻼﺗﻚ ﺭﻏﺒﺘﻲ ﺍﻟﻠﻲ ﺻﺮﺣﺖ ﺑﻴﻬﺎ ﻗﺪﺍﻡ ﺍﻟﻜﻞ ..
ﺣﻨﺎﻥ ﻗﺎﻃﻌﺎﺗﻪ : ﻭﻫﺬﺍ ﺻﺢ ﻓﻲ ﻧﻈﺮﻙ ..
ﺍﺑﺘﺴﻢ : ﻭﺻﺢ ﺍﻟﺼﺢ ... ﻗﻠﺘﻬﺎ ﻭﻗﺘﻬﺎ ﺑﻄﺮﻳﻘﻪ ﻭﺗﻮﺍ ﺑﻨﻘﻮﻟﻬﺎ ﺑﻄﺮﻳﻘﻪ ﺗﺎﻧﻴﻪ ... ﺣﻨﺎﻥ ..
ﺣﻨﺎﻥ ﻏﻤﻀﺖ ﻋﻴﻮﻧﻬﺎ : ﺍﺳﺘﻨﻰ !!!
ﻣﻌﺎﻭﻳﻪ ﺑﺮﻓﻌﺔ ﺣﻮﺍﺟﺐ : ﺧﻴﺮﻙ ..
ﺣﻨﺎﻥ ﻓﺘﺤﺖ ﻋﻴﻮﻧﻬﺎ ﻭﺷﺒﺤﺘﻠﻪ : ﻣﺶ ﺗﻮﺍ ..
ﻣﻌﺎﻭﻳﻪ ﺑﻀﺤﻜﻪ ﺍﺳﺘﻐﺮﺍﺏ : ﺷﻨﻮ ﺍﻟﻠﻲ ﻣﺶ ﺗﻮﺍ؟
ﺣﻨﺎﻥ ﻭﻭﺟﻬﻬﺎ ﺃﺣﻤﺮ : ﻋﻼﺵ ﺍﻧﺖ .. ﺷﻦ ﺗﺒﻲ ﺗﻘﻮﻝ ..
ﻣﻌﺎﻭﻳﻪ ﺍﺑﺘﺴﻢ ﺑﻤﻜﺮ : ﺗﺘﺰﻭﺟﻴﻨﻲ
ﺣﻨﺎﻥ ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﺑﻌﺪﻳﻦ ﺿﺮﺑﺖ ﺧﺪﻫﺎ ﺑﻜﻔﻬﺎ ﻭﻧﺎﺿﺖ ﺑﺴﺮﻋﻪ ﺑﺘﻄﻠﻊ ..
ﻣﻌﺎﻭﻳﻪ ﻧﺎﺽ ﻳﻀﺤﻚ ﻭﻟﺤﻖ ﻋﻠﻴﻬﺎ ﺑﺴﺮﻋﻪ ﻭﺟﻲ ﻗﺪﺍﻣﻬﺎ : ﺷﻦ ﻧﻔﻬﻢ ..
ﺣﻨﺎﻥ ﻭﻃﺖ ﺭﺍﺳﻬﺎ ﻭﻭﺟﻬﻬﺎ ﺍﺣﻤﺮ ﺯﻱ ﺍﻟﻨﺎﺭ : ﻣﺶ ﺗﻮﺍ ... ﺩﻓﺎﺗﻪ ﻭﻣﺸﺖ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ...
ﻭﻫﻮ ﻳﻀﺤﻚ : ﻛﺎﻥ ﻣﺶ ﺗﻮﺍ ﺍﻣﺘﻰ ﺑﺎﻫﻲ ... ﻫﻬﻬﻬﻬﻪ ... ﺗﻮﺍ ﻭﻻﺑﻌﺪﻳﻦ .. ﺍﻹﺟﺎﺑﻪ ﻭﺻﻼﺗﻚ ﻳﺎﻣﻌﺎﻭﻳﻪ ... ﺗﻨﻬﺪ ... ﺧﺶ ﻋﻠﻴﻪ ﺍﻟﻤﻬﻨﺪﺱ ﻣﻮﺳﻰ .
ﻣﻮﺳﻰ ﺑﻀﺤﻜﻪ : ﺗﻔﺎﻫﻤﺘﻮﺍ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺑﺈﺑﺘﺴﺎﻣﻪ : ﺍﻳﻪ ..
ﺧﻼﻝ ﻫﺎﻟﻔﺘﺮﺓ .. ﺍﻧﻘﻠﺒﺖ ﺍﻟﺪﻧﻴﺎ ﺑﻘﻀﻴﺔ ﺍﻟﺤﺎﺩﺙ ﺍﻟﻠﻲ ﺍﻭﺩﻱ ﺑﺤﻴﺎﺓ ﻃﻔﻠﻪ ﺻﻐﻴﺮﻩ .. ﻭﺍﻟﺼﻘﻮﺍ ﺗﻬﻤﺔ ﻗﺘﻠﻬﺎ ﺑﺸﺨﺺ ﺑﺮﻱﺀ ... ﻭﺍﻥ ﺍﻟﻘﺎﺗﻞ ﺍﻟﺤﻘﻴﻘﻲ ﻫﻮ ﻭﻟﺪ ﻭﺍﺣﺪ ﻣﻦ ﺍﻟﻤﺴﺆﻭﻟﻴﻦ ﻓﻲ ﺍﻟﺒﻼﺩ .. ﻭﺍﻥ ﺍﻟﻤﺤﺎﻣﻴﻪ ﺍﻟﻠﻲ ﺍﺩﺍﻓﻊ ﻋﻦ ﺍﻟﺸﺎﺏ ﺍﻟﻤﻔﺘﺮﻯ ﻋﻠﻴﻪ ﻭﺍﻟﻠﻲ ﻛﺸﻔﺖ ﺍﻟﺤﻘﻴﻘﻪ ... ﻭﻛﺸﻔﺖ ﺗﻮﺍﻃﺆ ﺍﻷﺏ ﺍﻟﻠﻲ ﺑﺎﻉ ﺩﻡ ﺑﻨﺘﻪ ﻉ ﺧﺎﻃﺮ ﺍﻟﻔﻠﻮﺱ ﻭﺗﻮﺍﻃﺆ ﺍﻟﻘﺎﺿﻲ ﺍﻟﺴﺎﺑﻖ ﻓﻲ ﺍﻟﻘﻀﻴﻪ ﻭﺗﺴﺒﺒﺖ ﻓﻲ ﺍﻟﻘﺒﺾ ﻉ ﺍﻟﻤﺠﺮﻡ ﺍﻟﺤﻘﻴﻘﻲ ﺑﻌﺪ ﻣﺤﺎﻭﻟﻪ ﻫﺮﻭﺑﻪ ﺧﺎﺭﺝ ﺍﻟﺒﻼﺩﺍﻧﺘﻘﻤﻮﺍ ﻣﻨﻬﺎ ﺑﺘﻜﺮﺍﺭ ﻧﻔﺲ ﺍﻟﺠﺮﻳﻤﻪ ﻣﻊ ﻭﻟﺪﻫﺎ ﺍﻟﻠﻲ ﺧﻠﻮﻩ ﻳﻌﺎﻧﻲ ﻋﻤﺮﻩ ﻛﻠﻪ ﻉ ﻛﺮﺳﻲ ﻣﺘﺤﺮﻙ ... ﺗﺤﺮﻙ ﺍﻟﺮﺃﻱ ﺍﻟﻌﺎﻡ ﺑﻘﻮﺓ ﺧﻼ ﺭﺟﺐ ﻳﺨﺴﺮ ﻣﻨﺼﺒﻪ ﺑﻌﺪﻳﻦ ﺍﻟﻘﻮﺍ ﺍﻟﻘﺒﺾ ﻋﻠﻴﻪ ﻓﻬﺎﻟﻘﻀﻴﻪ ..
ﻫﻮ ﻭﺃﺏ ﺍﻟﻄﻔﻠﻪ ﻭﺇﻟﻴﺎﺱ ﻃﻠﻴﻘﻬﺎ ﺍﻟﻠﻲ ﺍﻧﺬﻛﺮ ﺍﺳﻤﻪ ﻓﻲ ﺍﻟﺘﺤﻘﻴﻘﺎﺕ .. ﻭﻛﺬﻝ
ﻙ ﻛﻞ ﻣﻦ ﺗﻮﺍﻃﺆ ﻭﺷﺎﺭﻙ ﻓﻲ ﻫﺎﻟﺠﺮﻳﻤﻪ ..
ﻃﻠﻌﺖ ﻳﺎﺭﺍ ﻣﻦ ﺍﻟﻤﺤﻜﻤﻪ ﻭﻫﻲ ﺗﺸﻌﺮ ﺑﻨﺸﻮﺓ ﺃﻛﺒﺮ ﺍﻧﺘﺼﺎﺭ ﺗﺤﻘﻘﻠﻬﺎ ﻓﺤﻴﺎﺗﻬﺎ ﻛﻠﻬﻢ ﻧﺎﻟﻮﺍ ﺟﺰﺍﺋﻬﻢ .. ﻭﻗﻔﺖ ﺧﺪﺕ ﺗﻔﺲ ﻋﻤﻴﻖ ﻭﺷﺒﺤﺖ ﻓﻮﻕ " ﻟﻮﻻﻙ ﻣﺎﻛﺎﻥ ﺻﺎﺭ ﺷﻲ ... ﺳﺒﺤﺎﻧﻚ ... ﻥﺣﺒﻚ ..."
ﺗﻼﻗﺖ ﻣﻊ ﺍﺏ ﻭﺃﻡ ﺭﺍﺿﻲ ﻭﻣﻌﺎﻫﻢ ﺭﺍﺿﻲ ﻭﺷﻜﺮﻭﻫﺎ ﻫﻠﺒﻪ ﻭﺩﻋﻮﻟﻬﺎ ﺩﻋﻮﺍﺕ ﺣﻠﻮﺓ ﻛﻠﻬﺎ ﺗﺸﺮﺡ ﺍﻟﺼﺪﺭ .. ﺑﻌﺪﻫﺎ ﻣﺸﺖ ﻟﺴﻴﺎﺭﺗﻬﺎ ﻟﻘﺖ ﻧﻀﺎﻝ ﻗﺪﺍﻣﻬﺎ ﺍﺑﺘﺴﻤﺖ ﻭﻗﺮﺑﺖ ﻣﻨﻪ ..
ﻧﻀﺎﻝ : ﻧﻬﻨﻴﻚ ..
ﻳﺎﺭﺍ ﺍﺑﺘﺴﻤﺖ : ﻛﻠﻪ ﺑﻔﻀﻞ ﺭﺑﻲ ...
ﻧﻀﺎﻝ : ﺍﻟﺤﻤﺪ ﻟﻠﻪ .. ﻋﺎﺯﻣﻜﻢ ﺍﻧﺘﻲ ﻭﺟﺒﺮ .. ﻋﺰﻭﻣﻪ ﻏﻴﻴﻴﻴﺮ ..
ﻳﺎﺭ ﺍﺑﺘﺴﻤﺖ؛ ﻳﺎﺍﺍﺍﺭﻳﺖ ﺍﻫﻢ ﺷﻲ ﺗﻐﻴﺮ ﺟﻮ ﻭﻟﺪﻱ ..
ﻧﻀﺎﻝ ﺍﺑﺘﺴﻢ : ﺍﻛﻴﺪ ﻫﻮ ﺃﻫﻢ ﻭﺍﺣﺪ ..
ﻳﺎﺭﺍ ﺿﺤﻜﺖ ﻭﺭﻛﺒﺖ ﺳﻴﺎﺭﺗﻬﺎ ﻭﻫﻮﺭﻛﺐ ﺳﻴﺎﺭﺗﻪ ﻭﻃﻠﻌﻮﺍ ﻭﺭﺍ ﺑﻌﺾ ..
ﻭﺗﻤﻀﻲ ﺍﻷﻳﺎﻡ ...
ﻟﺒﻨﻰ ﻛﺎﻧﺖ ﺗﻤﺘﺤﻦ ﻫﻲ ﻭﻣﻬﺎ ... ﻭﻛﺎﻧﺖ ﻋﺎﻳﺸﻪ ﺍﺣﻠﻰ ﺍﻳﺎﻣﻬﺎ ﻣﻊ ﺑﺪﺭ ﻭﺗﺮﺍﺟﻲ ﺍﻣﺘﻰ ﻳﺠﻲ ﺍﻟﻴﻮﻡ ﺍﻟﻠﻲ ﻳﻌﺘﺮﻓﻠﻬﺎ ﻓﻴﻪ .. ﻭﻛﺎﻧﺖ ﺗﺒﻲ ﻗﺒﻞ ﻟﻴﺘﻢ ﺍﻟﺴﻤﺴﺘﺮ ﻳﻜﻮﻥ ﻛﻞ ﺷﻲ ﻭﺍﺿﺢ ...
ﻗﺘﻴﺒﻪ : ﺑﺪﺭ ﺍﻧﺖ ﺗﻤﺎﻃﻞ ..
ﺑﺪﺭ : ﻧﻤﺎﻃﻞ ﺷﻨﻮ .. ﻛﻠﻪ ﻣﺎﺷﻲ ﺗﻤﺎﻡ ..
ﻗﺘﻴﺒﻪ : ﻛﻴﻒ ﻣﺎﺷﻲ ﺗﻤﺎﻡ .. ﺍﻟﺴﻤﺴﺘﺮ ﺗﻢ !!!!
ﺑﺪﺭ : ﻳﺎﺭﺍﺟﻞ .. ﻛﻠﻤﺘﻲ ﻛﻠﻤﻪ .. ﺍﻧﺖ ﻏﻴﺮ ﻭﺗﻴﻠﻲ ﺍﻟﺴﻴﺎﺭﺓ ﻭﺍﻟﻴﺨﺖ ﻭﺿﺤﻚ ..
ﻗﺘﻴﺒﻪ : ﺍﻭﻛﻲ ﻧﺼﺒﺮﻭﺍ .. ﻭﻛﻠﻪ ﻭﺍﺗﻲ ﻣﺎﺗﺨﻤﻤﺶ ..
ﺑﺪﺭ ﺑﻀﺤﻜﻪ : ﻛﻮﻳﺲ .. ﻫﻲ ﺃﻧﻲ ﻣﺎﺷﻲ ... ﺳﻼﻡ .. ﻭﻡﺷﻲ ... ﻭﻗﺘﻴﺒﻪ ﻳﺸﺒﺤﻠﻪ .. ﺷﻮﻳﻪ ﻭﺟﺎﻩ ﻫﺎﺩﻱ ..
ﻫﺎﺩﻱ : ﺷﻦ ﺻﺎﺭ ..
ﻗﺘﻴﺒﻪ : ﺷﻜﻠﻪ ﻛﺒﺪ ﻓﻴﻬﺎ ... ﻭﻳﻤﺎﻃﻞ ﻗﺎﻋﺪ .. ﻳﻤﺸﻲ ﻓﻴﺎ ﻭﺧﻼﺹ ..
ﻫﺎﺩﻱ : ﻭﺷﻦ ﺑﺪﻳﺮ ...
ﻃﻠﻊ ﻗﺘﻴﺒﻪ ﺗﻠﻴﻔﻮﻧﻪ ﻭﺳﻜﺮ ﻉ ﺍﻟﺘﺴﺠﻴﻞ : ﺗﻮ ﻧﺮﺑﻴﻪ ....
ﻫﺎﺩﻱ ﺷﺒﺢ ﻟﻠﺘﻠﻴﻔﻮﻥ ﻭﺍﺑﺘﺴﻢ ﺗﻬﻜﻤﺎ ...
....
ﻋﺰ ﺍﻟﺪﻳﻦ : ﻏﻴﺮ ﺑﺎﻟﻠﻪ ﻋﻠﻴﻚ ﻳﺎﻣﻬﺎ ﺧﻠﻴﻚ ﻣﻌﺎﻱ ﺻﺮﻳﺤﻪ ..
ﻣﻬﺎ : ﺍﻳﻪ ﺗﺤﺒﻪ ﻳﺎﻋﺰ ﺍﻟﺪﻳﻦ ...
ﻋﺰ ﺍﻟﺪﻳﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﺩﻣﻌﺘﻪ ﻋﺒﺖ ﻋﻴﻨﻪ ...
ﻣﻬﺎ : ﺍﻧﺖ ﺍﻧﺴﺎﻥ ﻛﻮﻳﺲ ﻫﻠﺒﻪ ﻭﺣﺘﻠﻘﻰ ﺍﻟﻠﻲ ﺗﺤﺒﻚ ﻭﺗﺤﺒﻬﺎ ..
ﻋﺰ ﺍﺑﺘﺴﻢ ﺑﺄﻟﻢ : ﺷﻜﺮﺍ ﻣﻬﺎ ... ﺭﺑﻲ ﻳﻮﻓﻘﻬﺎ ﻭﻳﻮﻓﻘﻚ ..
ﻣﻬﺎ ﺍﺑﺘﺴﻤﺖ ﺑﺄﻟﻢ : ﻧﺸﻮﻓﻚ ﺍﻟﺴﻤﺴﺘﺮ ﺍﻟﺠﺎﻱ ..
ﻋﺰ ﻫﺰ ﺭﺍﺳﻪ ﺑﺈﻳﺠﺎﺏ ﻭﺍﺑﺘﺴﻢ : ﺳﻼﻡ ... ﻣﺸﻲ ... ﻭﻣﻬﺎ ﻟﻔﺖ ﻭﻣﺸﺖ ﺷﺎﻓﺖ ﻟﺒﻨﻰ ﺟﺎﻳﻪ ...
ﻣﻬﺎ : ﺧﻴﺮﻙ ﻋﻄﻠﺘﻲ ﻫﻜﻲ ..
ﻟﺒﻨﻰ : ﺑﻜﻞ ﺍﻹﻣﺘﺤﺎﻥ ﻫﺎﻟﻤﺮﻩ ﺻﻌﺐ ﺷﻮﻱ ..
ﻣﻬﺎ : ﺍﻧﺘﻲ ﺍﻟﻠﻲ ﺧﺎﻳﻔﻪ ﺯﻳﺎﺩﻩ ..
ﻟﺒﻨﻰ : ﻣﻤﻜﻦ ... ﺷﻔﺘﻲ ﻋﺰ ..
ﻣﻬﺎ : ﺍﻳﻪ .. ﺗﻮﺍ ﻛﻴﻒ ﺭﻭﺡ ..
ﻟﺒﻨﻰ : ﺷﻦ ﺩﺍﺭ ...
ﻣﻬﺎ : ﻗﺎﻝ ﺣﻞ ﻛﻮﻳﺲ ... ﻻﺣﻈﺘﻲ ﺍﻧﻪ ﺗﻐﻴﺮ .. ﻭﻭﺯﻧﻪ ﻧﺰﻝ ..
ﻟﺒﻨﻰ ﺑﺈﺑﺘﺴﺎﻣﻪ : ﺍﻳﻪ ﻭﻓﺮﺣﺘﻠﻪ ﻫﻠﺒﻪ ..
ﻣﻬﺎ ﺍﺑﺘﺴﻤﺖ ﺑﻀﻴﻖ : ﻫﺎ ﻧﺮﻭﺣﻮﺍ ..
ﻟﺒﻨﻰ ﺗﻨﻬﺪﺕ ﺑﻀﻴﻖ : ﺍﻳﻪ .. ﺑﺪﺭ ﺑﻌﺖ ﺭﺳﺎﻟﻪ ﻭﻗﺎﻝ ﺍﻧﻪ ﺭﻭﺡ .. ﻣﺸﻐﻮﻝ .. ﻛﻨﺖ ﻣﺘﺄﻣﻠﻪ ﺑﺲ ﻳﻠﻼ ... ﻣﺎﺯﺍﻝ ﻓﻲ ﻭﻗﺖ ﻃﻮﻳﻞ ﻗﺪﺍﻣﻨﺎ .. ﺿﺤﻜﺖ ..
ﻣﻬﺎ ﺍﺑﺘﺴﻤﺖ : ﺻﺢ ....
ﻃﻠﻌﻮﺍ ﻫﻤﺎ ﺍﻟﺰﻭﺯ ﻣﻊ ﺑﻌﺾ .. ﻭﻫﻤﺎ ﻣﺎﺷﻴﻴﻦ ﺗﻠﻘﺎﻫﻢ ﻗﺘﻴﺒﻪ ..
ﻟﺒﻨﻰ : ﺍﺳﺘﻐﻔﺮ ﺍﻟﻠﻪ ..
ﻣﻬﺎ : ﻟﻮﺳﻤﺤﺖ ﺣﻮﻝ ...
ﻗﺘﻴﺒﻪ : ﻧﺒﻲ ﻧﺎﺧﺪ ﻣﻦ ﻭﻗﺘﻚ ﺷﻮﻳﻪ ﺑﺲ ..
ﻟﺒﻨﻰ : ﻭﻻﺣﺘﻰ ﺗﺎﻧﻴﻪ ..
ﻗﺘﻴﺒﻪ ﻭﻗﻒ ﻗﺪﺍﻣﻬﺎ : ﺍﻧﻲ ﻣﺶ ﻋﺎﺟﺒﻚ ﻷﻧﻲ ﺻﺎﻳﻊ ﻭﻓﺎﺿﻲ ﻭﻣﺘﺎﻉ ﺑﻨﺎﺕ .. ﻭﺭﻓﻀﺘﻲ ﺣﺘﻰ ﺻﺪﺍﻗﺘﻲ ﻟﻬﺎﻟﺴﺒﺐ .. ﺑﺲ ﻓﻲ ﺍﻟﻤﻘﺎﺑﻞ ﻃﺤﺘﻲ ﻓﻮﺍﺣﺪ ﻣﺎﻳﻔﺮﻕ ﻋﻨﻲ ﻓﺸﻲ ..
ﻟﺒﻨﻰ ﺷﺒﺤﺘﻠﻪ ﺑﺤﺪﻩ : ﺷﻦ ﻗﺼﺪﻙ ..
ﻗﺘﻴﺒﻪ؛ ﺑﺪﺭ ﺍﻟﻤﻨﺼﻮﺭﻱ .. ﺻﺎﺣﺒﻲ .. ﺍﻟﻤﻌﺮﻭﻑ ﻓﻲ ﻗﺮﻭﺑﻨﺎ ﺍﻧﻬﺎ ﻗﺎﻫﺮ ﺍﻟﺮﻫﺎﻥ ... ﻣﺎﻓﻴﺶ ﺑﻨﺖ ﻳﺮﺍﻫﻨﻨﺎ ﻋﻠﻴﻬﺎ ﺇﻻ ﻭﻳﺠﻴﺐ ﺭﺍﺳﻬﺎ ...
ﻟﺒﻨﻰ ﺑﺪﺕ ﺗﺮﻋﺶ : ﻫﺎﺍﺍﻩ ... ﺑﻨﺼﺪﻗﻚ ﺍﻧﻲ ﺗﻮﺍ !!..
ﻗﺘﻴﺒﻪ ﺍﺑﺘﺴﻢ ﺑﺘﻬﻜﻢ : ﺍﻧﺘﻲ ﺍﻛﺒﺮ ﺭﻫﺎﻥ ﺑﺎﻟﻨﺴﺒﻪ ﻟﻴﻪ .. ﻭﻋﻨﺪﻩ ﺗﺴﻮﻱ ﺳﻴﺎﺭﺗﻲ ﺍﻟﺒﻮﺭﺵ ﻣﻮﺩﻳﻞ ﺍﻟﺴﻨﻪ ﻫﺎﺩﻱ ﻭﻳﺨﺖ ﻓﻲ ﺩﺑﻲ .. ﻫﺬﺍ ﺍﺍﻟﻲ ﺭﺍﻫﻦ ﺑﻴﻪ ﻣﻌﺎﻱ ﻋﻠﻴﻚ ...
ﻟﺒﻨﻰ ﺩﻓﺎﺗﻪ .. ﻭﻭﻣﺸﺖ ﺑﺲ ﻭﻗﻔﺖ ﻟﻤﺎ ﺳﻤﻌﺖ ﺗﺴﺠﻴﻞ ﺷﻐﻠﻪ ﻗﺘﻴﺒﻪ ﻋﻦ ﺃﻭﻝ ﻣﺮﺓ ﻟﻤﺎ ﺍﺗﻔﻖ ﻓﻴﻬﺎ ﻣﻊ ﺑﺪﺭ ﻉ ﻟﺒﻨﻲ ...
ﻟﺒﻨﻰ ﺍﻟﺘﻔﺘﺖ ﻭﻗﻌﺪﺕ ﺗﺴﻤﻊ ﻭﻣﺼﺪﻭﻣﻪ ﺑﻘﻮﺓ ﻣﺶ ﻣﺼﺪﻗﻪ ﻭﺩﺍﻧﻬﺎ ...
ﻗﺘﻴﺒﻪ ﻳﺄﺷﺮﻟﻬﺎ ﺑﺤﻮﺍﺟﺒﻪ ﻉ ﺍﻟﺘﻠﻴﻔﻮﻥ .. ﻣﻬﺎ ﺣﺎﻃﻪ ﺍﻳﺪﻫﺎ ﻉ ﻓﻤﻬﺎ ﻣﺶ ﻣﺼﺪﻗﻪ .. ﺗﻢ ﺍﻟﺘﺴﺠﻴﻞ .. ﻭﻗﺘﻴﺒﻪ ﻗﺎﻝ : ﻟﻜﻦ ﻫﺬﺍ ﻃﺎﺯﺓ ﻣﺎﻻﺵ ﺳﺎﻋﻪ .. ﻓﺘﺢ ﺗﺴﺠﻴﻞ ﺗﺎﻧﻲ ﻛﺎﻥ ﻟﻜﻼﻣﻪ ﻫﻮ ﻭﺑﺪﺭ ﻗﺒﻞ ﺷﻮﻱ ..
ﻣﻬﺎ ﺷﺪﺕ ﻉ ﺍﻳﺪ ﻟﺒﻨﻰ ﻭﻟﺒﻨﻰ ﺩﻣﻮﻋﻬﺎ ﻛﺎﻧﻮﺍ ﻳﻨﺰﻟﻮﺍ ﻭﺣﺎﺳﻪ ﺭﻭﺣﻬﺎ ﺑﺘﻤﻮﺕ ...
ﺗﻢ ﺍﻟﺘﺴﺠﻴﻞ ﻭﻗﺘﻴﺒﻪ ﻗﺎﻝ : ﻛﺎﻧﺖ ﻋﻨﺪﻱ ﻓﻴﻚ ﻧﻴﻪ ﻷﻧﻚ ﺻﻌﺒﻪ ﻭﺍﻧﻲ ﻧﻤﻮﺕ ﻓﻨﻮﻋﻴﺘﻚ ﻭﻋﻤﺮﻱ ﻣﺎﺟﺮﺑﺘﻬﺎ .. ﺑﺲ ﺑﻌﺪ ﻣﺎﻃﻴﺤﻚ ﺑﺪﺭ ﻧﻴﺘﻲ ﻃﺎﺭﺕ ﻭﺑﺪﻳﺘﻲ ﺯﻳﻚ ﺯﻱ ﻏﻴﺮﻙ ﻓﻨﻈﺮﻱ ... ﻛﻠﻜﻢ ﺯﻱ ﺑﻌﺾ .. ﻣﺸﻲ ﻗﺘﻴﺒﻪ ﻭﺧﻼ ﻟﺒﻨﻰ ﺣﺎﺳﻪ ﺑﻀﻴﺎﻉ ﺗﺎﻡ ﻭﻣﺶ ﻗﺎﺩﺭﺓ ﺗﺴﺘﻮﻋﺐ .. ﻛﻴﻒ ﺍﻧﺨﺪﻋﺖ ﻫﻜﻲ .. ﻛﻴﻒ ﺳﻠﻤﺖ ﻗﻠﺒﻬﺎ ﺑﺴﻬﻮﻟﻪ .. ﻛﻴﻒ ﻛﺎﻧﺖ ﻣﺠﺮﺩ ﺣﺎﺟﻪ ﺗﺮﺍﻫﻨﻮ ﻋﻠﻴﻬﺎ ﻭﻻﺩ ﺻﻴﻊ ﺗﺎﻓﻬﻴﻦ ...
ﻣﻬﺎ : ﻟﺒﻨﻰ !
ﻟﺒﻨﻰ ﺑﺼﻮﺕ ﻣﺨﻨﻮﻕ : ﻫﻴﺎ ﻧﺮﻭﺣﻮﺍ ..
ﻣﻬﺎ ﻭﺩﻣﻮﻋﻬﺎ ﻳﻨﺰﻟﻮﺍ : ﻫﻴﺎ ...
ﻣﻬﺎ ﺷﺪﺗﻬﺎ ﻣﻦ ﻳﺪﻫﺎ ﻭﻣﺸﻮﺍ ﻟﺴﻴﺎﺭﺓ ﻣﻬﺎ ﺭﻛﺒﺘﻬﺎ ﻭﺻﻜﺮﺕ ﺍﻟﺒﺎﺏ .. ﻭﺭﻛﺒﺖ ﻣﻬﺎ ﻭﺗﺤﺮﻛﻮﺍ ...
.... ﻳﺘﺒﻊ ..
٢
