موسم التوليب

الجزء الاخير

❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ _ ﺍﻷﺧﻴﺮ ‏( 41 ‏) ﺍﻟﻘﺴﻢ ﺍﻟﺜﺎﻧﻲ
ﺗﺎﻧﻲ ﻳﻮﻡ ..
ﻃﻠﻌﻮﺍ ﻟﻠﻤﻄﺎﺭ ﻃﻴﺎﺭﺗﻬﻢ ﺍﻟﺼﺒﺢ ... ﺭﻛﺒﻮﺍ ﺍﻟﻄﻴﺎﺭﺓ ..
ﺣﻨﺎﻥ : ﻣﺎﺯﺍﻝ ﻣﺎﺗﺒﻴﺶ ﺗﻘﻮﻟﻲ ﻭﻳﻦ ؟
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﺗﺲ .. ﺗﻮ ﺇﻥ ﺷﺎﺀ ﺍﻟﻠﻪ ﻧﻮﺻﻠﻮﺍ ﻭﺣﺘﻌﺮﻓﻲ؟
ﺣﻨﺎﻥ ﺍﺗﻜﺖ ﻉ ﻛﺘﻔﻪ : ﺑﺎﻫﻲ ..
ﻫﻮ ﺍﺑﺘﺴﻢ .. ﻭﻗﻌﺪﻭﺍ ﻳﻬﺪﺭﺯﻭﺍ ﻟﻴﻦ ﺧﺪﺍﻫﻢ ﺍﻟﻨﻮﻡ ﻭﺭﻗﺪﻭﺍ ﻭﺃﻭﻝ ﻣﺎﻗﺮﺑﺖ ﺗﻬﺒﻂ ﺍﻟﻄﻴﺎﺭﺓ ﻧﻮﺿﺘﻬﻢ ﺍﻟﻤﻀﻴﻔﻪ ..
ﻧﺰﻟﻮﺍ ﻣﻦ ﺍﻟﻄﻴﺎﺭﺓ ﻭﺣﻨﺎﻥ ﺗﻀﺤﻚ ..
ﺣﻨﺎﻥ : ﻫﻮﻟﻨﺪﺍ ...
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﺷﻦ ﺭﺍﻳﻚ ..
ﺣﻨﺎﻥ ﺍﺑﺘﺴﻤﺖ : ﺣﻠﻮﺓ ... ﺑﺲ ﺣﺎﺳﻪ ﺍﻥ ﻓﻲ ﻗﺼﺪ ﻟﻴﻚ ﻣﻦ ﻭﺭﺍ ﺍﺧﺘﻴﺎﺭﻫﺎ ...
ﻣﻌﺎﻭﻳﻪ ﺑﺎﺱ ﺍﻳﺪﻫﺎ ﻭﺍﺑﺘﺴﻢ : ﺍﻳﻪ ...
ﺭﻛﺒﻮﺍ ﺗﺎﻛﺴﻲ ﺩﻟﻪ ﻣﻌﺎﻭﻳﻪ ﻉ ﻣﻜﺎﻥ ﻣﻌﻴﻦ ..
ﺣﻨﺎﻥ : ﻣﺶ ﻓﻨﺪﻕ ؟
ﻣﻌﺎﻭﻳﻪ ﻫﺰ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺒﺘﺴﻢ ..
ﺣﻨﺎﻥ ﺗﺸﺒﺤﻠﻪ ﻉ ﺟﻨﺐ ﻭﻫﻲ ﺗﻀﺤﻚ ...
ﻭﺻﻠﻮﺍ ﻟﻠﻤﻜﺎﻥ ... ﻭﻧﺰﻟﻠﻬﻢ ﺳﻮﺍﻕ ﺍﻟﺘﺎﻛﺴﻲ ﺷﻨﺎﻃﻴﻬﻢ ﻟﺒﺎﺏ ﻣﻨﺘﺠﻊ ...
ﺣﻨﺎﻥ : ﻣﺎﺷﺎﺀ ﺍﻟﻠﻪ .. ﻳﻬﺒﻞ ﺍﻟﻤﻜﺎﻥ ..
ﻣﻌﺎﻭﻳﻪ : ﺍﺻﺒﺮﻱ ﻟﻴﻦ ﺗﺨﺸﻲ ..
ﺟﺎﻫﻢ ﻭﺍﺣﺪ ﻣﻦ ﺍﻟﻌﺎﻣﻠﻴﻦ ﺩﺧﻠﻠﻬﻢ ﺷﻨﺎﻃﻴﻬﻢ .. ﻭﺧﺶ ﻫﻮ ﻭﻳﺎﻫﺎ ...
ﺍﻟﻤﻜﺎﻥ ﻛﻠﻪ ﺧﻀﺎﺭ ﺗﻘﻮﻝ ﺟﻨﻪ ﻭﻓﻴﻪ ﺍﺷﺒﻪ ﺑﺎﻟﺸﺎﻟﻴﻬﺎﺕ ﻣﻨﺎﻇﺮﻫﻢ ﺯﻱ ﺍﻷﻛﻮﺍﺥ ﺍﻟﺨﺸﺒﻴﻪ ﻭﺣﻠﻮﺓ ﻫﻠﺒﻪ .. ﺣﻨﺎﻥ ﻣﻨﺒﻬﺮﺓ ﺑﺎﻟﻤﻜﺎﻥ ﻭﻫﻮ ﻳﺸﻮﻓﻠﻬﺎ ﻛﻴﻒ ﺗﺘﻔﺮﺡ ﻭﻓﺮﺣﺎﻥ ﺍﻧﻪ ﻋﺠﺒﻬﺎ .. ﻭﺻﻠﻮﺍ ﻟﻠﻤﻜﺎﻥ ﺍﻟﻠﻲ ﺑﻴﻘﻌﺪﻭﺍ ﻓﻴﻪ .. ﻛﺎﻥ ﺷﻜﻠﻪ ﻣﻦ ﺩﺍﺧﻞ ﺣﻠﻮ ﻫﻠﺒﻪ .. ﻟﻮﻃﺎ ﺻﺎﻟﻪ .. ﻓﻲ ﺍﺧﺮﻫﺎ ﺩﺭﻭﺝ ﺧﺸﺒﻲ ﻳﺮﻓﻊ ﻟﻤﻜﺎﻥ ﻓﻴﻪ ﺳﺮﻳﺮ ﺯﻭﺟﻲ ﻭﺩﻭﻻﺏ ...
ﺣﻨﺎﻥ : ﺣﻠﻮ ﻫﻠﺒﻪ ..
ﻣﻌﺎﻭﻳﻪ : ﻋﺠﺒﻚ ..
ﺣﻨﺎﻥ : ﻫﻠﻠﻠﺒﻪ ..
ﻣﻌﺎﻭﻳﻪ ﺑﺎﺳﻬﺎ ﻣﻦ ﺧﺪﻫﺎ ﻭﻃﻮﻝ ﻭﻫﻲ ﻣﺒﺘﺴﻤﻪ ... ﺑﻌﺪ
ﻣﻌﺎﻭﻳﻪ : ﻧﺒﻲ ﻧﻔﺮﺣﻚ ﻭﻧﺨﻠﻴﻚ ﺗﺸﻮﻓﻲ ﻣﻌﺎﻱ ﻛﻞ ﺷﻲ ﺣﻠﻮ .. ﺯﻱ ﻣﺎ ﺧﻠﺘﻴﻨﻲ ﻧﺸﻮﻑ ﻣﻌﺎﻙ ﻛﻞ ﺷﻲ ﺣﻠﻮ ..
ﺣﻨﺎﻥ ﻣﺒﺘﺴﻤﻪ ﻭﺧﻼﺹ ..
ﻣﻌﺎﻭﻳﻪ : ﻫﻴﺎ ﺭﻭﺡ ﻗﻠﺒﻲ ﻏﻴﺮﻱ ﻭﺍﺭﺗﺎﺣﻲ ..
ﺣﻨﺎﻥ : ﻭﺍﻧﺖ ..
ﻣﻌﺎﻭﻳﻪ : ﺍﻧﻲ ﺷﻮﻳﻪ ﻭﺟﺎﻱ ..
ﺣﻨﺎﻥ : ﻭﻳﻦ ﻣﺎﺷﻲ ..
ﻣﻌﺎﻭﻳﻪ : ﻓﻲ ﺟﺎﻣﻊ ﻗﺮﻳﺐ ﻣﻦ ﻫﻨﺎﻳﺎ ﺑﻨﻠﺤﻖ ﻧﺼﻠﻲ ﻓﻴﻪ ﺟﻤﻊ ﻭﻗﺼﺮ ﺍﻟﻈﻬﺮ ﻭﺍﻟﻌﺼﺮ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺒﺘﺴﻢ ..
ﻣﺸﻲ ﻭﻫﻲ ﻏﻴﺮﺕ ﻭﺩﻭﺭﺕ ﻉ ﺍﻟﺤﻤﺎﻡ ﻭﻟﻘﺎﺗﻪ ﺗﻮﺿﺖ ﻭﻃﻠﻌﺖ ﺻﻠﺖ ﻭﺩﻋﺖ ﺭﺑﻲ ﻭﺣﻤﺪﺍﺗﻪ ﻭﺷﻜﺮﺍﺗﻪ ﻉ ﻛﻞ ﺷﻲ ﺣﻠﻮ ﻋﺎﻳﺸﺎﺗﻪ ﻭﺩﻋﺖ ﻟﺮﺍﺟﻠﻬﺎ ... ﻭﺑﻌﺪﻳﻦ ﺗﻤﺪﺩﺕ ﻉ ﺍﻟﺴﺮﻳﺮ ﻭﻫﻲ ﺗﺬﻛﺮ ﻓﻲ ﺭﺑﻬﺎ ﻟﻴﻦ ﺧﺪﺍﻫﺎ ﺍﻟﻨﻮﻡ ..
ﺷﻮﻳﻪ ﻭﺭﻭﺡ .. ﺧﺶ .. ﻭﺗﻮﺟﻪ ﻟﻠﺪﺭﻭﺝ ﺭﻛﺐ ﺷﺎﻓﻬﺎ ﺭﺍﻗﺪﻩ ﺍﺑﺘﺴﻢ ..
ﻏﻴﺮ ﺣﻮﺍﻳﺠﻪ ﻭﺗﻤﺪﺩ ﺟﻨﺒﻬﺎ ﻭﺧﺪﺍﻫﺎ ﻓﻲ ﺣﻀﻨﻪ ..
ﻫﻲ ﺷﺒﻪ ﻓﺎﻗﺖ : ﺣﺒﻴﺒﻲ
ﻫﻮ ﺿﺤﻚ : ﺍﺍﺍﻩ ﻳﺎﻗﻠﺒﻲ ﺁﺍﺍﺍﻩ ... ﻫﻲ ﺿﺤﻜﺖ ﻭﺧﺸﺖ ﻓﺤﻀﻨﻪ ﻭﺭﻗﺪﺕ ﻭﻫﻮﺣﻀﻨﻬﺎ ﻭﻏﻤﺾ ﻋﻴﻮﻧﻪ ﺷﻮﻳﻪ ﻭﺟﺎﻩ ﺍﻟﻨﻮﻡ ﻭﺭﻗﺪ ..
ﻭﻻﺃﻱ ﻛﻠﻤﺔ ﺣﺐ ﺍﺗﻘﺎﻟﺖ ﻓﻴﻮﻡ ﻣﺎﺑﻴﻦ ﺍﺗﻨﻴﻦ
ﺗﺴﻮﻯ ﺣﻼﻭﺓ ﻛﻠﻤﻪ ﻣﻨﻚ ﻗﻠﺘﻬﺎﻟﻲ ..
ﻋﺪ ﻳﻼ ﻛﺪﺍ ﺗﺎﻧﻲ ﻭﺗﺎﻟﺖ ﺍﻧﻲ ﻗﻠﺒﻲ ﻛﻠﻮﺍ ﺣﻨﻴﻦ
ﻭﻻﻳﻄﻔﻲ ﻧﺎﺭﻭﺍ ﺣﺒﻴﺒﻲ ﻏﻴﺮ ﻟﻮﻋﺪﺗﻬﺎﻟﻲ ..
ﻋﺎﺭﻑ ﺑﺘﻌﻤﻞ ﻓﻴﺎ ﺇﻳﻪ ﻛﻠﻤﺔ ﺣﺒﻴﺒﻲ ..
ﺯﻱ ﺍﻟﻠﻲ ﺃﻭﻝ ﻣﺮﺓ ﺑﻴﺤﺲ ﺑﺄﻣﺎﻥ ..
ﺧﻠﻴﻚ ﻣﻌﺎﻳﺎ ﺧﻠﻴﻚ ﻣﻌﺎﻳﺎ
ﻳﺎﺣﺒﻴﺒﻲ ﻣﻬﻤﺎ ﻛﺎﻥ
ﺧﻠﻴﻚ ﻣﻌﺎﻳﺎ
ﻳﺎﺣﻠﻢ ﻋﻤﺮﻱ ﺍﻟﻠﻲ ﻓﺨﻴﺎﻟﻲ ﻣﻦ ﺯﻣﺎﻥ ..
***
ﺭﻫﻮﻓﺘﻲ ..
ﻃﻠﻌﺖ ﺭﻫﻒ ﻣﻦ ﺍﻟﻜﻮﺟﻴﻨﻪ : ﻫﻼ ﺣﺒﻴﺒﻲ ﺍﻧﺎ ﻫﻨﻲ ..
ﻗﺮﺏ ﻣﻨﻬﺎ ﻭﺣﺎﻭﻃﻬﺎ ﻣﻦ ﺧﺼﺮﻫﺎ ﻭﺿﻤﻬﺎ ﻟﻴﻪ ﻭﺑﺎﺳﻬﺎ : ﺷﻦ ﺧﺎﺷﺔ ﺍﻟﻜﻮﺟﻴﻨﻪ ﺍﻟﻴﻮﻡ ..
ﺭﻫﻒ ﺑﻀﺤﻜﻪ : ﺑﻨﻌﺸﻴﻚ ﺑﺈﻳﺪﻳﺎ ..
ﺧﺪﻱ ﺍﻳﺪﻳﻬﺎ ﻭﺑﺎﺳﻬﻢ ﻭﻗﺎﻟﻠﻬﺎ : ﺗﻌﺎﻟﻲ ﺷﻮﻳﻪ ..
ﻗﻌﻤﺰﻭ ﺍ ﻉ ﺍﻟﺼﺎﻟﻮﻥ ..
ﺍﺳﻨﺎﻡ : ﺭﻭﺡ ﺭﻭﺣﻲ ﺗﻮﺍ ﺍﻧﻲ ﻧﻘﺮﺍ ﻭﺍﻧﺘﻲ ﺑﺘﻘﻌﺪﻱ ﻓﺎﺿﻴﻪ ﺍﻏﻠﺐ ﻭﻗﺘﻚ ... ﻓﻔﻜﺮﺗﻠﻚ ﻓﺤﺎﺟﻪ ..
ﺭﻫﻒ : ﺷﻨﻮ ..
ﺍﺳﻨﺎﻡ : ﺍﺩﻳﺮﻱ ﻫﻨﻲ ﺍﻣﺘﺤﺎﻥ ﻗﺒﻮﻝ ﺑﺶ ﺗﻜﻤﻠﻲ ﺩﺭﺍﺳﺎﺕ ﻋﻠﻴﺎ ﻭﺗﻤﺎﺭﺳﻲ ﺍﻟﻄﺐ ..
ﺭﻫﻒ : ﺑﺲ ﺍﺳﻨﺎﻡ ﻟﺘﻮﺍ ﻣﺎﺧﺪﻳﺘﺶ ﻣﻠﻔﻲ ﻣﻦ ﻏﺎﺩﻱ ﺍﺳﺎﺳﺎ ﻣﺎﺯﺍﻝ ﺍﻟﺘﺨﺮﺝ ..
ﺍﺳﻨﺎﻡ : ﺍﻧﺘﻲ ﻛﻤﻠﺘﻲ ﻭﺍﻟﻠﻲ ﻣﺎﺯﺍﻝ ﻫﻮ ﺣﻔﻞ ﺍﻟﺘﺨﺮﻳﺞ ﺍﻟﺮﺑﻴﻊ ﺍﻟﺠﺎﻱ .. ﻭﻭﺭﺍﻗﻚ ﺳﺎﻫﻞ ﻧﺠﻴﺒﻬﻢ ﻣﻦ ﻏﺎﺩﻱ ﺑﻌﺪ ﺗﻄﻠﻊ ﺍﻟﻨﺘﻴﺠﻪ .. ﺍﻧﻲ ﻧﺘﻜﻠﻢ ﻉ ﺑﻌﺪﻳﻦ ﻣﺶ ﺗﻮﺍ .. ﺗﻮﺍ ﻋﻨﺪﻱ ﻟﻴﻚ ﺷﻲ ﺗﺎﻧﻲ ..
ﺭﻫﻒ : ﺷﻨﻮ ..
ﺃﺳﻨﺎﻡ : ﺗﺎﺧﺪﻱ ﻛﻮﺭﺱ ﻟﻐﻪ ﻫﻨﻲ ﺑﺶ ﻳﺒﺪﺍ ﻋﻠﻴﻚ ﺳﺎﻫﻞ ﻟﻤﺎ ﺗﻘﺮﻱ .. ﺍﻧﻲ ﻓﻲ ﺍﻟﻔﺘﺮﺓ ﺍﻟﻠﻲ ﻛﻨﺖ ﻓﻴﻬﺎ ﻫﻨﻲ ﺧﺪﻳﺖ ﻛﻮﺭﺱ ﻟﻐﻪ ..
ﺭﻫﻒ ﺍﺑﺘﺴﻤﺖ : ﺣﻠﻮ ..
ﺍﺳﻨﺎﻡ : ﻳﻌﻨﻲ ﺧﻼﺹ ﻧﺴﺠﻠﻚ ..
ﺭﻫﻒ : ﻳﺲ ... ﻧﺎﺿﺖ .. ﺧﻞ ﻧﻮﺽ ﻧﺸﻮﻑ ﺍﻟﻜﻮﺷﻪ ..
ﺍﺳﻨﺎﻡ ﻧﺎﺽ ﺷﺪﻫﺎ ﻭﻗﺮﺑﻬﺎ ﻟﻴﻪ : ﻭﺍﻟﻜﻮﺷﻪ ﺍﻟﻠﻲ ﻉ ﻳﺴﺎﺭ ﺻﺪﺭﻱ ﻛﻴﻒ ﻳﺼﻴﺮﻓﻴﻪ ..
ﺭﻫﻒ ﺑﻀﺤﻜﻪ : ﻧﺘﻌﺸﻮﺍ ﻭﻧﺸﻮﻓﻪ ﻫﻮ ﺑﻌﺪﻳﻦ ...
ﺍﺳﻨﺎﻡ : ﺑﺎﻫﻲ ﺩﻳﺮﻱ ﻋﻠﻴﻪ ﻃﻠﻪ ..
ﺭﻫﻒ : ﺳﻴﻴﻤﻮ ...
ﺍﺳﻨﺎﻡ : ﺭﻭﺡ ﺭﻭﺣﻲ .. ﻭﺑﺎﺳﻬﺎ ﻭﻣﺎﺑﺎﺵ ﻳﻄﻠﻘﻬﺎ ﻟﻴﻦ ﻫﻲ ﺩﻓﺎﺗﻪ ﺑﺼﻌﻮﺑﻪ ..
ﺭﻫﻒ : ﺍﻝ .. ﻛﻮﺷﻪ .. ﻭﻣﺸﺖ ﺗﺠﺮﻱ ..
ﺍﻣﺎ ﻫﻮ ﻓﻀﺤﻚ ﻭﻗﻌﻤﺰ ﻭﺗﻨﻬﺪ ﺗﻨﻬﻴﺪﻩ ﻣﻦ ﻭﺳﻂ ﻗﻠﺒﻪ ..
***
ﺑﻄﻞ ﺣﺒﻴﺐ ﻣﺎﻣﺎ ..
ﺟﺒﺮ : ﻣﺎﻣﺎ ﻧﺒﻲ ﻧﻠﻌﺐ ﺑﺎﻟﺪﺭﺍﺟﻪ ..
ﻳﺎﺭﺍ ﺷﺪﺕ ﺩﻣﻌﺘﻬﺎ ﻭﺍﺑﺘﺴﻤﺖ ﺑﺎﻟﻐﺼﺐ : ﻟﻤﺎ ﺗﺼﺢ ﺣﺒﻴﺒﻲ ﺣﺘﻠﻌﺐ ﺑﺎﻟﺪﺭﺍﺟﻪ ﻭﺍﻧﻲ ﻣﻌﺎﻙ ﺣﻨﺸﺮﻱ ﺩﺭﺍﺟﻪ ﻛﺒﻴﺮﺓ ﻭﻧﺪﻳﺮﻭﺍ ﺳﺒﺎﻕ ﺑﺎﻫﻲ ..
ﺟﺒﺮ ﻫﺰ ﺭﺍﺳﻪ ﺑﺈﻳﺠﺎﺏ ﻭﻓﺪﺍﺧﻠﻪ ﺣﺰﻥ ﻛﺒﻴﺮﻫﻮ ﺻﺢ ﻃﻔﻞ ﺑﺲ ﺇﺣﺴﺎﺳﻬﻢ ﻗﻮﻱ ﻭﻳﺤﺴﻮﺍ ﺑﺤﺰﻥ ﺍﻟﻠﻲ ﺣﻮﺍﻟﻴﻬﻢ ...
ﺭﻗﺪﺍﺗﻪ ﻭﺧﺪﺕ ﺍﻟﺼﻔﺮﺓ ﻧﺎﺿﺖ ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﻣﺎﺷﻴﻪ ﻟﻠﻜﻮﺟﻴﻨﻪ ﺷﺒﺤﺖ ﻧﻀﺎﻝ ﻣﻘﻌﻤﺰ ﻗﺪﺍﻣﻪ ﺍﻟﻼﺏ ﺗﻮﺏ ﺑﺲ ﻛﺎﻥ ﺳﺮﺣﺎﻥ ﺍﺑﺘﺴﻤﺖ ﺑﻀﻴﻖ .. ﻭﻣﺸﺖ ﻟﻠﻜﻮﺟﻴﻨﻪ ﺣﻄﺖ ﺍﻟﺼﻔﺮﺓﻭﻣﺸﺘﻠﻪ ..
ﻗﻌﻤﺰﺕ : ﻧﻀﺎﻝ ..
ﻧﻀﺎﻝ ﺷﺒﺤﻠﻬﺎ : ﺍﻣﻢ ..
ﻳﺎﺭﺍ : ﺍﺣﻤﻢ .. ﺍﻧﻲ ﺣﻨﺎﺧﺪ ﺍﺟﺎﺯﺓ ﻃﻮﻳﻠﻪ .. ﻧﺒﻲ ﻧﻄﻠﻊ ﺑﺠﺒﺮ ﺑﺮﺍ ﻧﺸﻮﻑ ﺣﺎﻟﺘﻪ ...
ﻧﻀﺎﻝ ﻫﺰ ﺭﺍﺳﻪ ﺑﺈﻳﺠﺎﺏ : ﻗﺮﺍﺭ ﻛﻮﻳﺲ .. ﻭﺑﺎﻟﻤﺮﺓ ﺗﺒﻌﺪﻱ ﻋﻦ ﻫﻨﻲ ﻭﺗﻐﻴﺮ ﻧﻔﺴﻴﺘﻚ ﻭﻧﻔﺴﻴﺘﻪ ..
ﻳﺎﺭﺍ : ﻳﻌﻨﻲ ﻣﺎﺗﻔﻜﺮﺵ ﺗﻤﺸﻲ ﻣﻌﺎﻧﺎ ..
ﻧﻀﺎﻝ : ﺍﺣﻤﻢ .. ﺗﺴﺘﺲ ﻭﺭﺍﻱ ﺧﺪﻣﻪ ﻫﻠﺒﻪ ﻭﺍﻟﺘﺮﻗﻴﻪ ﻛﺒﺮﺕ ﺍﻟﻤﺴﺆﻭﻟﻴﻪ ﺯﻱ ﻣﺎﺗﻌﺮﻓﻲ ..
ﻳﺎﺭﺍ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻧﺎﺿﺖ ﻭﻫﻲ ﻓﻄﺮﻳﻘﻬﺎ ﻟﺪﺍﺭ ﻭﻗﻔﺖ ﻭﻗﺎﻟﺖ : ﺑﻌﺪ ﻣﺎﻧﺮﻭﺣﻮﺍ ﻛﻞ ﺷﻲ ﻣﺄﺟﻞ ﺣﻴﻨﺪﺍﺭ ..
ﻧﻀﺎﻝ ﻭﻫﻮ ﻳﺸﺒﺤﻠﻬﺎ ﺍﺑﺘﺴﻢ ﺗﻬﻜﻤﺎ ﻭﻗﺎﻝ : ﺗﻤﺎﻡ ...
ﻏﻤﻀﺖ ﻋﻴﻮﻧﻬﺎ ﺑﺄﻟﻢ ﻭﻓﺘﺤﺘﻬﻢ ﻭﻧﺰﻟﺖ ﻣﻨﻬﺎ ﺩﻣﻌﻪ ﻭﻣﺸﺖ ﻟﻠﺪﺍﺭ ...
***
ﻫﻮﻟﻨﺪﺍ
ﻓﻲ ﺍﻟﻠﻴﻞ ..
ﻭﺍﻗﻒ ﻉ ﺍﻟﺮﻭﺷﻦ ﻳﺸﻮﻑ ﻓﻲ ﺍﻟﺠﻮ ﺍﻟﻠﻲ ﺑﺮﺍ ﻭﻳﺮﺍﺟﻲ ﻓﻴﻬﺎ ﺑﻴﺘﻌﺸﻮﺍ ﺑﺮﺍ ...
ﻟﺒﺴﺖ ﻭﺗﺄﻧﻘﺖ ﻭﻟﻘﺎﺗﻪ ﻭﺍﻗﻒ ﺣﺎﻁ ﺍﻳﺪﻳﻪ ﻓﺠﻴﻮﺑﻪ ﻭﻛﺎﻥ ﺑﻜﺎﻣﻞ ﺃﻧﺎﻗﺘﻪ .. ﻗﻌﺪﺕ ﺗﺘﺄﻣﻞ ﻓﻴﻪ ﻭﻫﻲ ﻣﺒﺘﺴﻤﻪ .. ﺣﺒﺖ ﺗﺨﺘﻠﺲ ﻟﺤﻈﺎﺕ ﻭﻫﻲ ﺗﺘﺄﻣﻞ ﻓﻴﻪ ... ﺟﺬﺍﺏ ﻟﻠﻐﺎﻳﻪ ... ﺗﺸﺒﺤﻠﻪ ﻭﻗﻠﺒﻬﺎ ﻳﺪﻕ ﻭﺃﺫﻛﺮﺕ ﺍﻭﻝ ﻟﻘﺎﺀ ﺑﻴﻨﻬﺎ ﻭﺑﻴﻨﻪ
>> ".. ﻳﺎﺳﻼﻡ ..."
ﻫﺎﺩﻡ ﺍﻟﻨﻤﺎﺫﺝ ﺍﻟﻠﻲ ﺣﻀﺮﺗﻚ ﻣﺤﺘﻜﻪ ﺑﻴﻬﻢ ﻭﻻﺑﺪﻩ ﻋﻨﺪﻫﻢ ﻭﻣﻐﻴﺮﻳﻠﻚ ﻋﻘﻠﻚ ﻭﻳﺒﻮﻙ ﺗﻜﻮﻧﻲ ﺯﻳﻬﻢ ﺭﺟﻌﻴﻪ ﻭﻣﺘﺨﻠﻔﻪ .. ﻭﺍﻟﻠﻪ ﺃﻋﻠﻢ ﻣﺎﻳﻄﻠﻌﻮﺵ ﺩﻭﺍﻋﺶ ﻋﺎﺭﻓﻴﻦ ﺍﻧﺘﻲ ﻣﻨﻮ ﻭﺑﻨﺖ ﻣﻨﻲ ﻭﻳﺴﺘﻐﻠﻮﺍ ﻓﻴﻚ ..
ﺣﻨﺎﻥ ﺳﺎﻛﺘﻪ ﻣﺎﺗﺒﻴﺶ ﺗﻐﻠﻂ ﻓﻲ ﺍﻟﺪﻭﻩ ..
ﻣﻬﺎﺑﻐﻀﺐ : ﺍﻳﻪ ﺩﻳﻤﺎ ﻫﻜﻲ ﻓﻲ ﻧﻈﺮﻙ ﺍﻧﻲ ﺿﻌﻴﻔﻪ ﻭﻣﺎﻧﻤﺸﻴﺶ ﺇﻻ ﺑﺎﻷﻭﺍﻣﺮ ﻷﻧﻚ ﻫﻜﻲ ﺭﺑﻴﺘﻨﻲ .. ﻫﺎﺩﻱ ﺗﺮﺑﻴﺘﻚ ...
ﻣﻌﺎﻭﻳﻪ : ﺍﻃﻠﻌﻲ ﺍﻃﻠﻌﻲ ... ﺍﻷﻣﺎﻛﻦ ﻫﺎﺩﻱ ﺍﺧﺮ ﻣﺮﺓ ﺗﺨﺸﻴﻬﺎ ... ﻭﺗﻮ ﻧﺘﺼﺮﻑ ﻣﻌﺎﻛﻢ ..
ﺣﻨﺎﻥ ﺑﺤﺪﻩ : ﺗﺘﺼﺮﻑ ﻣﻊ ﻣﻨﻲ ﻭﻟﺸﻨﻲ !! ﺣﻀﺮﺗﻚ ﻣﺶ ﻣﺮﻛﺰ ﻉ ﻧﻔﺴﻚ ﻣﻦ ﺍﻟﺼﺒﺢ ﻭﺍﻧﺖ ﺗﺘﻜﻠﻢ ﻋﻦ ﺍﻟﺘﺨﻠﻒ ﻭﺍﻟﺮﺟﻌﻴﻪ ﻭﺍﻟﺪﻭﺍﻋﺶ ﻭﺗﺘﻬﻢ ﺑﻴﻬﻢ ﻫﺬﺍ ﻭﻫﺪﺍﻛﺎ .. ﺑﺼﺮﺍﺣﻪ ﻣﺶ ﺷﺎﻳﻔﻪ ﺣﺪ ﻫﻨﻲ ﺗﺜﺒﺖ ﻋﻠﻴﻪ ﻫﺎﻹﺗﻬﺎﻣﺎﺕ ﻭﺍﻟﺼﻔﺎﺕ ﻏﻴﺮﻙ ..
ﻣﻌﺎﻭﻳﻪ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﻭﺭﻓﻊ ﺣﻮﺍﺟﺒﻪ : ﻭﺍﻟﻠﻪ .. ﻗﺪﻣﻠﻬﺎ ... ﺗﻌﺮﻓﻲ ﺍﻧﻲ ﻧﻘﺪﺭ ﺗﻮﺍ ﻧﺘﻬﻤﻚ ﺑﺨﻄﻔﻬﺎ ﻭﻣﺤﺎﻭﻟﺔ ﺯﺭﻉ ﺃﻓﻜﺎﺭ ﺃﺭﻫﺎﺑﻴﻪ ﻓﻌﻘﻠﻬﺎ ﻭﻧﺮﻓﻌﻚ ﻭﺭﺍ ﺍﻟﺸﻤﺲ ..
ﺣﻨﺎﻥ ﺍﺑﺘﺴﻤﺖ ﺗﻬﻜﻤﺎ : ﻭﺍﻧﻲ ﻧﻘﺪﺭ ﻧﺒﻠﻎ ﻋﻨﻚ ﻭﻧﻘﻮﻝ ﺟﺎﻱ ﻳﺘﻬﺠﻢ ﻉ ﺣﻮﺷﻲ ﻭﻳﺒﻲ ﻳﺎﺧﺪ ﺑﻨﺘﻪ ﻗﺼﺮﺍ ﻭﻫﻲ ﻫﺎﺭﺑﻪ ﻣﻨﻪ ﻷﻧﻪ ﻳﻌﻨﻒ ﻓﻴﻬﺎ ﻧﻔﺴﻴﺎ .. ﻭﻳﻌﺎﻣﻞ ﻓﻴﻬﺎ ﻭﻛﺄﻧﻬﺎ ﺟﺰﺀ ﻣﻦ ﻣﻤﺘﻠﻜﺎﺗﻪ ﻣﺶ ﺑﻨﺘﻪ .. ﻭﻳﺎﻣﺤﻼ ﺍﻟﺤﻜﺎﻳﻪ ﻟﻮ ﺍﻧﺘﺸﺮﺕ ﻓﻲ ﻣﻮﺍﻗﻊ ﺍﻟﺘﻮﺍﺻﻞ .. ﻓﻀﻴﺤﻪ ..
ﻣﻌﺎﻭﻳﻪ ﻣﺼﺪﻭﻡ ﻭﻳﺸﺒﺤﻠﻬﺎ ﺑﻐﻞ ﻭﺧﺎﻃﺮﻩ ﻳﻀﺮﺑﻬﺎ : ﻣﻬﺎﺍﺍﺍﺍﺍﺍﺍ ... ﺍﻁﻟﻌﻲ ﻫﻴﺎ ...
ﺣﻨﺎﻥ : ﻣﺎﻧﺨﺎﻓﺶ ﻣﻦ ﺍﻟﺼﻮﺕ ﺍﻟﻌﺎﻟﻲ ﻉ ﻓﻜﺮﻩ .. ﻭﺍﻟﺒﻨﺖ ﻣﺶ ﺣﺘﻄﻠﻊ ﻣﻦ ﻫﻨﻲ ﺇﻻ ﺑﺈﺭﺍﺩﺗﻬﺎ ... ﻟﺬﻟﻚ ... ﺧﻮﺩ ﻣﺸﺎﺣﻄﻴﻚ ﺍﻟﻠﻲ ﺟﺎﻳﺒﻬﻢ ﻭﺗﻮﻛﻞ ﻉ ﺍﻟﻠﻪ ﻭﻣﺎﺗﻔﺘﺤﺶ ﻉ ﺭﻭﺣﻚ ﺑﺎﺏ ﻣﺶ ﺣﺘﻘﺪﺭ ﺗﺼﻜﺮﻩ ...
ﻣﻌﺎﻭﻳﻪ ﻭﺻﻠﺖ ﻋﻨﺪﻩ ﺣﺪﻫﺎ : ﻣﻬﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ <<..
>> ﺣﻨﺎﻥ : ﺣﺒﻴﺒﺘﻲ ﻣﺎﺗﺨﺎﻓﻴﺶ ﻣﺎﻓﻲ ﺷﻲ ﻳﺨﻮﻑ .. ﺷﺒﺤﺘﻠﻪ .. ﻓﻲ ﻗﺎﻧﻮﻥ ﻓﻲ ﻫﺎﻟﺒﻼﺩ ﻭﺣﺎﺟﺎﺕ ﺗﺎﻧﻴﻪ ﻏﻴﺮﻩ ...
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﺑﺸﺪﻩ ﻭﻓﺘﺤﻬﻢ ﻭﻗﺎﻝ : ﻧﺴﺘﻨﻰ ﻓﻴﻚ ﺑﺮﺍ ... ﻭﻟﻒ ﻭﻃﻠﻊ ﻭﻫﻮ ﻣﺎﺷﻲ ﺟﺖ ﻋﻴﻨﻪ ﻉ ﻭﺭﺩ ﺍﻟﺘﻮﻟﻴﺐ ﺍﻟﺒﻨﻔﺴﺠﻲ ﻗﻌﺪ ﻳﺸﺒﺤﻠﻪ ﻫﻠﺒﻪ ﻭﻫﻮ ﻣﺎﺷﻲ ﻭﺍﻟﺘﻔﺖ ﻟﺤﻨﺎﻥ ﺷﺒﺤﻠﻬﺎ ﺷﺒﺤﺔ ﺗﺨﻮﻑ ﻭﻫﻲ ﺷﺒﺤﺘﻠﻪ ﺑﺤﺪﻩ ﻭﺭﻓﻌﺔ ﺣﺎﺟﺐ ..
ﻟﻒ ﻭﺟﻬﻪ ﺍﻟﻘﺪﺍﻡ ﻭﻃﻠﻊ <<...
ﺇﺑﺘﺴﻤﺖ ... ﻗﺪﻣﺘﻠﻪ ﻭﺟﺖ ﻭﺭﺍﻩ ﻭﻗﺮﺑﺖ ﻭﺣﻀﻨﺎﺗﻪ ..
ﻫﻮ ﺍﺗﻔﺎﺟﺄ ﺍﺑﺘﺴﻢ ﻭﻏﻤﺾ ﻋﻴﻮﻧﻪ ...
ﻣﻌﺎﻭﻳﻪ : ﺷﻜﻠﻚ ﻣﺎﺗﺒﻴﻨﺎﺵ ﻧﻄﻠﻌﻮﺍ ..
ﺣﻨﺎﻥ ﻭﻫﻲ ﻣﻐﻤﻀﻪ ﻋﻴﻮﻧﻬﺎ : ﻻﻧﺒﻲ ... ﺑﺲ ﺧﻠﻴﻨﻲ ﻫﻜﻲ ﺷﻮﻳﻪ ..
ﻣﻌﺎﻭﻳﻪ ﺑﻀﺤﻜﻪ : ﺗﻌﺮﻓﻲ ... ﺍﻟﻠﻲ ﺩﻳﺮﻳﻪ ﻓﻴﻪ ﻓﻮﻕ ﻃﺎﻗﻪ ﻗﻠﺒﻲ ﻭﺍﻟﻠﻪ .. ﻧﺒﻲ ﻗﻠﺐ ﺗﺎﻧﻲ ..
ﺣﻨﺎﻥ : ﻣﻤﻜﻦ ﺗﺴﻜﺖ ﺷﻮﻳﻪ ... ﻭﺷﺪﺕ ﻋﻠﻴﻪ .
ﻣﻌﺎﻭﻳﻪ : ﻫﻬﻬﻬﻬﻬﻬﻬﻬﻬﻪ ... ﺱﻛﺘﺖ ﻫﺎﻩ ..
ﺣﻨﺎﻥ ﺗﻐﻨﻲ :
ﺷﺎﻳﻒ ﺍﻟﺒﺤﺮ ﺷﻮ ﻛﺒﻴﺮ ..
ﻛﺒﺮ ﺍﻟﺒﺤﺮ ﺑﺤﺒﻚ ..
ﺷﺎﻳﻒ ﺍﻟﺴﻤﺎ ﺷﻮﺑﻌﻴﺪﻩ
ﺑﻌﺪ ﺍﻟﺴﻤﺎ ﺑﺤﺒﻚ ..
ﻛﺒﺮ ﺍﻟﺒﺤﺮ ﻭﺑﻌﺪ ﺍﻟﺴﻤﺎ
ﺑﺤﺒﻚ ﻳﺎﺣﺒﻴﺒﻲ ﻳﺎﺣﺒﻴﺒﻲ ﺑﺤﺒﻚ ..
ﻧﻄﺮﺗﻚ ﻧﺪﻫﺘﻚ ﺃﻧﺎ ﺭﺳﻤﺘﻚ ﻉ ﺍﻟﻤﺸﺎﻭﻳﺮ
ﻳﺎﻫﻢ ﺍﻟﻌﻤﺮ ﻳﺎﺩﻣﻊ ﺍﻟﺰﻫﺮ ﻳﺎﻣﻮﺍﺳﻢ ﺍﻟﻌﺼﺎﻓﻴﺮ
ﻣﺎ ﺃﻭﺳﻊ ﺍﻟﻐﺎﺑﻪ ﻭﺳﻊ ﺍﻟﻐﺎﺑﻪ ﻗﻠﺒﻲ ..
ﻳﺎﻣﺼﻮﺭ ﻉ ﺑﺎﺑﻲ ﻭﻣﺼﻮﺭ ﺑﻘﻠﺒﻲ ..
ﺷﺎﻳﻒ ﺍﻟﺒﺤﺮ ﺷﻮ ﻛﺒﻴﺮ ﻛﺒﺮ ﺍﻟﺒﺤﺮ ﺑﺤﺒﻚ ..
ﺷﺎﻳﻒ ﺍﻟﺴﻤﺎ ﺷﻮﺑﻌﻴﺪﻩ ﺑﻌﺪ ﺍﻟﺴﻤﺎ ﺑﺤﺒﻚ ..
ﻛﺒﺮ ﺍﻟﺒﺤﺮ ﻭﺑﻌﺪ ﺍﻟﺴﻤﺎ ﺑﺤﺒﻚ ﻳﺎﺣﺒﻴﺒﻲ ﻳﺎﺣﺒﻴﺒﻲ ﺑﺤﺒﻚ ..
ﻧﻄﺮﺗﻚ ﺳﻨﻲ ﻭﻳﺎﻳﻄﻮﻝ ﺳﻨﻲ
ﻭﺃﺳﺄﻝ ﺷﺠﺮ ﺍﻟﺠﻮﺯ
ﺷﻮﻓﻚ ﺑﺎﻟﺼﺤﻮ ﺟﺎﻱ ﻣﻦ ﺍﻟﺼﺤﻮ
ﻭﺿﺎﻳﻊ ﺑﻮﺭﻕ ﺍﻟﻠﻮﺯ
ﻣﺎﺃﺯﻫﺮ ﺍﻟﺪﻣﻌﻪ ﺍﻧﺎ ﺩﻣﻌﻪ ﺑﺪﺭﺑﻚ ..
ﺑﺪﻱ ﺍﻧﺪﺭ ﺷﻤﻌﻪ ﻭﺗﺨﻠﻴﻨﻲ ﺣﺒﻚ ..
ﺷﺎﻳﻒ ﺍﻟﺒﺤﺮ ﺷﻮﻛﺒﻴﺮ ﻛﺒﺮ ﺍﻟﺒﺤﺮ ﺑﺤﺒﻚ
ﺷﺎﻳﻒ ﺍﻟﺴﻤﺎ ﺷﻮﺑﻌﻴﺪﻩ ﺑﻌﺪ ﺍﻟﺴﻤﺎ ﺑﺤﺒﻚ ..
ﻛﺒﺮ ﺍﻟﺒﺤﺮ ﻭﺑﻌﺪ ﺍﻟﺴﻤﺎ ﺑﺤﺒﻚ ﻳﺎﺣﺒﻴﺒﻲ ﻳﺎﺣﺒﻴﺒﻲ ﺑﺤﺒﻚ
ﻣﻌﺎﻭﻳﻪ : ﻳﺎﺍﺍﺍﺍﺍﺍﺍﺍﻩ ﻳﺎﺭﺏ .. ﺍﻧﻲ ﺷﻦ ﺩﺍﻳﺮ ﻓﻲ ﺣﻴﺎﺗﻲ ﻣﻦ ﺣﺎﺟﻪ ﺑﺎﻫﻴﻪ ﺑﺶ ﺍﻛﺮﻣﺘﻨﻲ ﻟﻬﺎﻟﺤﺪ ...
ﺣﻨﺎﻥ ﻭﺧﺮﺕ ﻭﺟﺖ ﺟﻨﺒﻪ : ﺍﻧﺖ ﻃﻴﺐ ﻣﻦ ﺩﺍﺧﻠﻚ ﻭﺭﺑﻲ ﻋﺎﺭﻓﻚ ... ﺭﺯﻗﻨﻲ ﺑﻴﻚ ..
ﻗﻌﺪ ﻳﺸﻮﻓﻠﻬﺎ ﻭﻫﻲ ﺗﺸﻮﻑ ﺑﺮﺍ ...
ﻣﻌﺎﻭﻳﻪ : ﺣﻨﺎﻥ .. ﺍﻧﻲ ﻧﻌﺸﻘﻚ
ﺣﻨﺎﻥ ﺷﺒﺤﺘﻠﻪ ﻭﺍﺑﺘﺴﻤﺖ ....
ﻗﺮﺏ ﻣﻨﻬﺎ ﻭﺣﻀﻨﻬﺎ ﻭﻫﻲ ﺣﻀﻨﺎﺗﻪ ﻭﻗﻌﺪﻭﺍ ﻟﺤﻈﺎﺕ ﻻﻫﻮ ﻳﺒﻲ ﻳﺴﻴﺒﻬﺎ ﻭﻻﻫﻲ ﺗﺒﻲ ﺗﺴﻴﺒﻪ ...
ﻣﻌﺎﻭﻳﻪ : ﻓﻮﺗﻴﻬﺎ ﺍﻟﻄﻠﻌﻪ ..
ﺣﻨﺎﻥ : ﻧﺨﻠﻮﻫﺎ ﻏﺪﻭﺓ ﺇﻥ ﺷﺎﺀ ﺍﻟﻠﻪ ..
ﻣﻌﺎﻭﻳﻪ ﺑﻌﺪﻫﺎ ﻭﻗﻌﺪ ﺷﺎﺩﻫﺎ : ﺑﺈﺫﻥ ﺍﻟﻠﻪ ﻏﺪﻭﻩ ﻳﻮﻡ ﻛﺎﻣﻞ ﺑﺮﺍ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺒﺘﺴﻤﻪ : ﺍﻟﻤﻬﻢ ﻣﻌﺎﻙ ..
ﻣﻌﺎﻭﻳﻪ : ﺗﻲ ﺧﻼﺹ ﺍﺳﻜﺘﻲ ﺍﺳﻜﺘﻲ ﺑﻨﺎﻛﻠﻚ ﺭﻩ ... ﻭﺑﺪﻱ ﻳﺒﻮﺱ ﻓﻴﻬﺎ ﻉ ﺧﺪﻭﺩﻫﺎ ﻭﻋﻴﻮﻧﻬﺎ ﻭﺧﺸﻤﻬﺎ ﻭﻓﻲ ﺍﻷﺧﻴﺮ ﺑﻮﺳﻪ ﻃﻮﻭﻭﻭﻭﻳﻠﻪ ... ﻭﻟﻢﺍ ﺑﻌﺪ ... ﻗﺎﻣﻬﺎ ...
ﺣﻨﺎﻥ : ﻫﻬﻬﻬﻬﻬﻬﻬﻬﻬﻪ ... ﻻﻻ ... ﻧﺨﺎﻑ ..
ﻣﻌﺎﻭﻳﻪ ﺑﻀﺤﻜﻪ : ﻣﻦ ﺷﻦ ﺧﺎﻳﻔﻪ ﺭﺍﻙ ﻓﻲ ﺣﻀﻦ ﺍﻛﺜﺮ ﺑﻨﺎﺩﻡ ﻳﺤﺒﻚ ﻓﻲ ﺍﻟﺪﻧﻴﺎ ..
ﺣﻀﻨﺎﺗﻪ ﻭﻫﻲ ﺗﻀﺤﻚ ﻭﺭﻛﺒﻬﺎ ﻓﻮﻕ ....
ﻣﻌﺎﻭﻳﻪ ﻷﻭﻝ ﻣﺮﺓ ﻳﻌﻴﺶ ﺍﻟﻤﺸﺎﻋﺮ ﻫﺎﺩﻱ ﻭﻳﺤﺴﻬﺎ .. ﻷﻭﻝ ﻣﺮﺓ ﻳﺤﺐ .. ﻭﺣﺐ ﻛﺒﻴﺮ ﻣﻦ ﻭﺳﻂ ﻗﻠﺒﻪ ﻭﻓﻲ ﻓﺘﺮﺓ ﻣﺘﺄﺧﺮﺓ ﻣﻦ ﺣﻴﺎﺗﻪ ﺑﻌﺪ ﻣﺎﻟﻘﻲ ﺍﻹﻧﺴﺎﻧﻪ ﺍﻟﻠﻲ ﻋﻠﻤﺎﺗﻪ ﺍﻟﺤﺐ ﻭﻣﻌﻨﺎﻩ ..
ﻭﻋﺎﻳﺶ ﻣﺸﺎﻋﺮﻩ ﺑﻘﻮﺓ ﻭﻣﺎﻳﺒﻴﺶ ﻳﺪﺱ ﻣﻨﻬﺎ ﺃﻱ ﺷﻲ ...
ﺗﺎﻧﻲ ﻳﻮﻡ ...
ﺑﻌﺪ ﺻﻼﺓ ﺍﻟﻔﺠﺮ ..
ﻟﺒﺴﻮﺍ ﺍﻟﺰﻭﺯ ﻭﻃﻠﻌﻮﺍ ...
ﻓﻄﺮﻭﺍ ﻓﻲ ﻣﻄﻌﻢ ﺍﻟﻤﻨﺘﺠﻊ .. ﺑﻌﺪﻳﻦ ﻃﻠﻌﻮﺍ ﻣﻨﻪ ..
ﺍﺩﻫﻮﺭﻭﺍ ﻓﻲ ﻫﻠﺒﻪ ﺍﻣﺎﻛﻦ ﻛﺎﻧﻮﺍ ﻳﺼﻮﺭﻭﺍ ﻫﻠﺒﻪ ... ﻭﻳﻬﺪﺭﺯﻭﺍ ﻭﻛﺎﻧﻮﺍ ﻳﺘﻌﺮﻓﻮﺍ ﻉ ﺑﻌﺾ ﺃﻛﺜﺮ ﻭﺃﻛﺜﺮ .. ﻭﻃﺒﻌﺎ ﺍﻫﻢ ﺷﻲ ﻓﻲ ﺍﻟﺠﻮﻟﻪ ﻣﺎﻧﺴﻮﺵ ﺭﺑﻬﻢ ﺍﻟﻠﻲ ﺟﻤﻌﻬﻢ ﻭﻋﻴﺸﻬﻢ ﻫﺎﻟﻠﺤﻈﺎﺕ ﺍﻟﺤﻠﻮﺓ ... ﻓﻲ ﻭﻗﺖ ﻛﻞ ﺻﻼﺓ ﻳﺴﻴﺒﻮﺍ ﻛﻞ ﺷﻲ ﻭﻳﻤﺸﻮﺍ ﻳﺼﻠﻮﺍ ..
ﻣﻌﺎﻭﻳﻪ ﻛﺎﻥ ﻳﻬﺪﺭﺯ ﻣﻌﺎﻫﺎ ﻓﻲ ﺍﻣﻮﺭ ﺍﻟﺪﻳﻦ ﻫﻠﺒﻪ ﻭﻛﺎﻧﻮﺍ ﻳﺘﻨﺎﻗﺸﻮﺍ ﻓﻲ ﻫﻠﺒﻪ ﺣﺎﺟﺎﺕ ﻭﻣﻌﺎﻭﻳﻪ ﻳﺰﻳﺪ ﻳﻌﺮﻑ ﺍﻛﺜﺮ ﺍﻣﻮﺭ ﻛﺎﻧﺖ ﻏﺎﻳﺒﻪ ﻋﻨﻪ ﺗﻤﺎﻣﺎ ..
ﻗﺒﻞ ﺍﻟﻐﺮﻭﺏ ..
ﺭﻓﻌﻬﺎ ﻟﻤﻜﺎﻥ ...
ﻣﻌﺎﻭﻳﻪ : ﺑﻨﺪﻳﺮﻟﻚ ﺟﻮ ﺍﻷﻓﻼﻡ ﺍﻟﻘﺪﻳﻤﻪ ﺗﻮﺍ ...
ﺣﻨﺎﻥ ﺑﻀﺤﻜﻪ : ﻛﻴﻒ ..
ﻣﻌﺎﻭﻳﻪ : ﻏﻤﻀﻲ ﻋﻴﻮﻧﻚ ..
ﺣﻨﺎﻥ : ﻫﻬﻬﻬﻬﻬﻬﻪ ..
ﻣﻌﺎﻭﻳﻪ ﺑﻀﺤﻜﻪ : ﺳﺎﻳﺮﻳﻨﻲ ﻫﻴﺎ ..
ﺣﻨﺎﻥ : ﻫﺎﺍﺍﻩ .. ﻏﻤﻀﺖ ﻋﻴﻮﻧﻬﺎ ... ﺑﺎﺳﻬﺎ ..
ﺣﻨﺎﻥ ﻓﺘﺤﺖ ﻋﻴﻮﻧﻬﺎ : ﻫﻮ ﻫﺬﺍ ؟ !
ﻣﻌﺎﻭﻳﻪ ﺑﻀﺤﻜﻪ : ﻭﻫﺬﺍ ﺷﻮﻳﻪ ....
ﺣﻨﺎﻥ : ﻫﻬﻬﻬﻬﻬﻬﻪ .. ﻳﺎﺑﺎﺭﺩ ..
ﻣﻌﺎﻭﻳﻪ : ﻫﻬﻬﻬﻬﻪ ... ﺍﻧﺒﺼﺮ ﻋﻠﻴﻚ .. ﻏﻤﻀﻲ ﻋﻴﻮﻧﻚ ﺑﺠﺪ ﻫﺎﻟﻤﺮﺓ ..
ﺣﻨﺎﻥ ﺷﺒﺤﺘﻠﻪ ﺑﻨﺺ ﻋﻴﻦ ﺑﻌﺪﻳﻦ ﻋﻴﻮﻧﻬﺎ ...
ﺣﺎﻭﻃﻬﺎ ﺑﺈﻳﺪﻳﻪ ﻭﻗﻌﺪ ﻳﻤﺸﻲ ﻓﻴﻬﺎ : ﺣﻨﺎﻥ ﻋﺎﺭﻓﻚ ﻧﺰﻳﻬﻪ ﻭﺃﻣﻴﻨﻪ ﺭﺩﻱ ﺑﺎﻟﻚ ﺗﻔﺘﺤﻲ ﻋﻴﻮﻧﻚ ..
ﺣﻨﺎﻥ : ﻭﺍﻟﻠﻪ ﻣﺼﻜﺮﺗﻬﻢ ﺑﻘﻮﺓ ...
ﻣﻌﺎﻭﻳﻪ ﺷﺎﻓﻠﻬﺎ ﻭﻗﻌﺪ ﻳﻀﺤﻚ : ﻣﺎﺗﻔﺘﺤﻴﺶ ﻟﻴﻦ ﻧﻘﻮﻟﻚ ... ﺍﻫﻮ ﺧﻼﺹ ﻭﺻﻠﻨﺎ ... ﺍﺻﺒﺮﻱ ﺷﻮﻳﻪ .. ﻭﻗﻔﻬﺎ .. ﻭﺑﻌﺪ ...
ﺣﻨﺎﻥ : ﻫﺎﻩ .. ﺷﻨﻮ ..
ﻣﻌﺎﻭﻳﻪ؛ ﺍﻓﺘﺤﻲ ﻋﻴﻮﻧﻚ ..
ﺍﻧﻔﺘﺤﻮﺍ ﻋﻴﻮﻧﻬﺎ ﻉ ﻭﺳﻌﻬﻢ ﻭﻓﻤﻬﺎ ﺷﻮﻳﻪ .. ﻣﺬﻫﻮﻟﻪ ﻭﻣﺒﻬﻮﺭﻩ ﻭﻣﺶ ﻣﺼﺪﻗﻪ ﻋﻴﻮﻧﻬﺎ ﻣﻦ ﺟﻤﺎﻝ ﺍﻟﻤﻨﻈﺮ ﺍﻟﻠﻲ ﺗﺸﻮﻑ ﻓﻴﻪ ..
ﺍﺭﺽ ﻛﺒﻴﺮﻩ ﻛﻠﻬﺎ ﻭﺭﺩ ﺗﻮﻟﻴﺐ ﻣﻦ ﺍﻟﻮﺍﻥ ﻣﺨﺘﻠﻔﺔ ..
ﺍﻟﻤﻜﺎﻥ ﻭﻛﺄﻧﻪ ﺍﺷﺒﻪ ﺑﺠﻨﺔ .. ﺟﻨﺔ ﺗﻮﻟﻴﺐ ﺣﻠﻮﺓ ﻫﻠﺒﻪ .. ﺣﻠﻮﺓ ﺑﺎﻟﻤﺮﺓ ..
ﺣﻨﺎﻥ ﻧﺴﺖ ﻧﻔﺴﻬﺎ ﻭﻗﺪﻣﺖ ﻭﺧﺸﺖ ﺩﺍﺧﻞ ﻭﻗﻌﺪﺕ ﺗﺸﻮﻑ ﻓﻴﻬﻢ ﺗﺸﻢ ﻓﻴﻬﻢ ﻭﺗﺘﻔﺤﺺ ﻓﻴﻬﻢ ﺑﺤﺬﺭ ﺗﺨﺎﻑ ﺗﺄﺫﻳﻬﻢ ..
ﻫﻮ ﻳﺸﺒﺤﻠﻬﺎ ... ﻭﻗﻠﺒﻪ ﺑﻴﻔﺮ ﻣﻦ ﺻﺪﺭﻩ ﻟﻮ ﻫﺎﻟﻮﺭﺩ ﺑﺠﻤﺎﻟﻪ ﺧﻼ ﺍﻟﻤﻜﺎﻥ ﺟﻨﻪ .. ﻫﻲ ﺍﻟﻮﺭﺩﺓ ﺍﻟﻠﻲ ﻃﻠﻌﺖ ﻓﻲ ﺣﻴﺎﺗﻪ ﺍﻟﺒﺎﺭﺩﺓ ﻭﺧﻠﺘﻬﺎ ﺟﻨﻪ ﺑﺠﻤﺎﻝ ﻗﻠﺒﻬﺎ ﻭﺭﻭﺣﻬﺎ ...
ﻣﻌﺎﻭﻳﻪ " ﻭﻳﻦ ﻛﻨﺘﻲ ﺍﻧﺘﻲ ﻣﺎﻃﻠﻌﺘﻴﺶ ﻓﻲ ﺣﻴﺎﺗﻲ ﻗﺒﻞ ﻫﻜﻲ ﻋﻄﻠﺘﻲ ﻫﻠﺒﻪ .. ﺑﺲ ﺍﻟﺤﻤﺪ ﻟﻠﻪ ﻓﻲ ﺍﻟﻨﻬﺎﻳﻪ ﺟﻴﺘﻲ " ..
ﻭﻧﻨﺸﺪ ﻓﻴﻚ ﻳﺎﺷﺒﻪ ﺍﻟﻐﺰﺍﻟﻪ
ﺯﻭﻟﻚ ﻭﻳﻦ ﻏﺎﻳﺐ ﻣﻦ ﺳﻨﻴﻦ ..
ﻓﻲ ﻣﻠﻘﺎﻙ ﺟﺪﺩﻫﻦ ﺍﻣﺎﻟﻪ ..
ﻭﺟﻬﻚ ﺧﻴﺮ ﻳﺎﺿﺎﻭﻱ ﺍﻟﺠﺒﻴﻦ ..
ﻭﻓﺎﺕ ﺍﻟﻮﻗﺖ ﻓﻲ ﺿﺤﻜﻪ ﻭﺩﻻﻟﻪ ..
ﺍﺣﻠﻰ ﺟﻮ ﻭﺍﻏﻠﻲ ﻋﺎﺷﻘﻴﻦ
ﺭﻭﻋﺔ ﺳﻬﺮ ﻭﺃﻭﺻﺎﻓﻚ ﻓﺒﺎﻟﻪ ..
ﺇﺣﺴﺎﺱ ﺍﻟﻔﺮﺡ ﻗﺒﻠﻚ ﻛﺎﻥ ﻭﻳﻦ ...
ﺻﺪﻓﺔ ﻋﻤﺮ ﻣﺎﻛﻨﺘﻲ ﻓﺒﺎﻟﻪ ..
ﻭﻫﻮ ﺑﺸﻮﻕ ﺫﺍﻳﺐ ﻣﻦ ﺳﻨﻴﻦ ...
****
ﺑﻌﺪ ﻳﻮﻣﻴﻦ ..
ﻣﺎﻣﺎ ﻧﺴﺘﻨﺎ ﺑﺎﻟﻤﺮﺓ ..
ﻣﻬﺎ : ﺑﺎﺑﺎ ﻣﺶ ﺧﻴﺮ ﻣﻨﻬﺎ ...
ﻟﺒﻨﻰ ﺑﻀﺤﻜﻪ : ﺧﻠﻴﻬﻢ ﻳﻨﺴﻮﺍ ﺷﻮﻳﻪ ﻭﻳﺬﻛﺮﻭﺍ ﺍﺭﻭﺍﺣﻬﻢ ﺍﻟﻠﻲ ﻳﺎﻣﺎ ﻧﺴﻮﻫﺎ ..
ﻣﻬﺎ : ﺻﺪﻗﺘﻲ ... ﺍﻟﻜﻠﻴﻪ ﻫﻨﻲ ﺣﺎﺟﻪ ﺗﺎﻧﻴﻪ ..
ﻟﺒﻨﻰ : ﻃﺒﻌﺎ ﺃﻟﻤﺎﻧﻴﺎ ﺣﺘﻰ ﻫﻲ ..
ﻣﻬﺎ ﺷﺒﺤﺘﻠﻪ : ﻣﺎﺗﻘﻮﻟﻴﻠﺶ ﻉ ﺷﻦ ﺍﺩﻭﺭﻱ ﻣﻦ ﺑﻜﺮﻱ ﻭﺍﻧﺘﻲ ﺗﺸﺒﺤﻲ ﻫﻨﻲ ﻭﻫﻨﻲ . ..
ﻟﺒﻨﻰ ﻭﺟﻬﻬﺎ ﺍﺣﻤﺮ : ﺷﻦ ﺑﻨﺪﻭﺭ ﻳﻌﻨﻲ ﻧﺸﻮﻑ ﻓﻲ ﺍﻟﻜﻠﻴﻪ ..
ﻣﻬﺎ : ﻓﻮﺟﻮﻩ ﺍﻟﻨﺎﺱ؟؟
ﻟﺒﻨﻰ : ﺍﻳﻪ ﺍﻟﻨﺎﺱ ﻣﻦ ﺿﻤﻨﻬﺎ ...
ﻣﻬﺎ : ﺍﻫﺎﺍﺍﺍ .. ﻗﺘﻴﻠﻲ ..
ﻟﺒﻨﻰ ﺷﺒﺤﺘﻠﻬﺎ ﻉ ﺟﻨﺐ ﻭﺳﻜﺘﺖ ...
ﻣﻬﺎ ﺿﺤﻜﺖ ﻭﻗﻌﺪﺕ ﺍﺩﻭﺭ ﺣﺘﻰ ﻫﻲ ....
" ﺻﺒﺎﺡ ﺍﻟﺨﻴﺮ "
ﻟﺒﻨﻰ ﻃﻮﻝ ﺍﻟﺘﻔﺘﺖ ﻭﺍﺑﺘﺴﻤﺖ ﻣﻦ ﻗﻠﺒﻬﺎ ﻟﻤﺎ ﺷﺎﻓﺎﺗﻪ ..
ﻫﻮ ﺭﻓﻊ ﻧﻈﺎﺭﺍﺗﻪ ﻭﻗﻌﺪ ﻳﺸﻮﻓﻠﻬﺎ ..
ﻣﻬﺎ ﺗﺸﻮﻓﻠﻬﻢ ﻭﺍﺑﺘﺴﻤﺖ : ﺻﺒﺎﺡ ﺍﻟﻮﺭﺩ ..
ﻟﺒﻨﻰ : ﺍﺣﻤﻢ ﺻﺒﺎﺡ ﺍﻟﺨﻴﺮ ..
ﻋﺰ : ﻣﻦ ﺑﻜﺮﻱ ﻧﺪﻭﺭ ﻓﻴﻜﻢ ..
ﻣﻬﺎ : ﺣﺘﻰ ﺣﻨﻲ ﻭﺷﺒﺤﺖ ﻟﻠﺒﻨﻰ ﺍﻟﻠﻲ ﺷﺒﺤﺘﻠﻬﺎ ﻭﻭﺟﻬﻬﺎ ﺗﺤﻤﺮ ..
ﻋﺰ ﺑﺈﺑﺘﺴﺎﻣﻪ : ﻛﻮﻳﺲ ﺍﻫﻮ ﻟﻘﻴﻨﺎ ﺑﻌﺾ .. ﻟﺒﻨﻰ ﺷﺒﺤﺘﻠﻪ ﻭﻫﻮ ﺍﺑﺘﺴﻢ ...
ﻣﻬﺎ : ﺑﻤﺎ ﺇﻧﻚ ﺳﺎﺑﻘﻨﺎ ﻫﻨﻲ ﺷﻦ ﺭﺍﻳﻚ ﺗﻌﺮﻓﻨﺎ ﻉ ﺍﻟﻜﻠﻴﻪ ..
ﻋﺰ : ﻭﻫﺬﺍ ﺍﻟﻠﻲ ﺑﻨﺪﻳﺮﻩ ...
ﻣﺸﻮﺍ ﺍﻟﺘﻼﺗﻪ ﻣﻊ ﺑﻌﺾ ﻭﻗﻌﺪ ﻋﺰ ﻳﻮﺭﻱ ﻓﻴﻬﻢ ﻓﻲ ﺍﻟﻜﻠﻴﻪ .. ﻭﻟﻤﺎ ﻳﺨﻄﻢ ﺣﺪﺍ ﻣﺠﻤﻮﻋﻪ ﻻﺯﻡ ﻳﺴﻠﻢ ﻋﻠﻴﻪ ﺣﺪ ﻃﻠﺒﻪ ﻋﺮﺏ ﺃﻭ ﺍﺟﺎﻧﺐ .. ﻻﺣﻈﺖ ﻟﺒﻨﻰ ﺍﻟﺘﻐﻴﻴﺮ ﺍﻟﻜﺒﻴﺮ ﻋﻠﻴﻪ .. ﻛﻴﻒ ﺍﺟﺘﻤﺎﻋﻲ ﻭﺷﺨﺼﻴﺘﻪ ﻣﻮﻟﻴﻪ ﺣﻠﻮﺓ ﻭﻗﻮﻳﻪ ﻭ ﺍﺳﻠﻮﺑﻪ ﻓﻲ ﺍﻟﻜﻼﻡ ﻭﺍﻧﻄﻼﻗﻪ ﻓﻴﻪ ... ﻫﺬﺍ ﻏﻴﺮ ﺟﺴﻤﻪ ﺍﻟﻠﻲ ﺗﻐﻴﺮ ﺗﻤﺎﻣﺎ ﻭﻭﻻ ﺭﻳﺎﺿﻲ ... ﻣﺶ ﻋﺰ ﺍﻷﻭﻝ ﺑﻜﻞ ...
ﻣﻬﺎ : ﻳﺎﺍﺍﻩ ﻋﻨﺪﻙ ﺷﻌﺒﻴﻪ ﻫﻨﻲ ..
ﻋﺰ ﺍﺑﺘﺴﻢ : ﻣﺶ ﻟﻬﺎﻟﺪﺭﺟﻪ ..
ﻣﻬﺎ : ﻻ ﺑﺎﻟﻌﻜﺲ ﺍﻧﺖ ﻣﺶ ﻧﻔﺴﻚ ﻋﺰ ﺑﻜﻜﻜﻞ ..
ﻋﺰ : ﻋﻼﺵ ﻗﺒﻞ ﻛﻨﺖ ﻣﻨﺒﻮﺫ؟ !
ﻣﻬﺎ : ﻻﻻ ﻭﺍﻟﻠﻪ ﻣﺎﻫﺬﺍ ﻗﺼﺪﻱ .. ﺍﻟﻠﻲ ﻧﻘﺼﺪﻩ ..
ﻋﺰ : ﻫﻬﻬﻬﻬﻬﻬﻬﻬﻪ .. ﺍﻧﺐﺻﺮ ﻋﻠﻴﻚ ﺧﻴﺮﻙ ..
ﻟﺒﻨﻰ ﺿﺤﻜﺖ ..
ﻋﺰ ﺷﺒﺤﻠﻬﺎ : ﺑﺎﻫﻲ ﺍﻟﻠﻲ ﺳﻤﻌﻨﺎ ﺻﻮﺗﻚ ..
ﻟﺒﻨﻰ ﺿﺤﻜﺖ : ﺍﺣﻤﻢ .. ﺍﻟﻘﺮﺍﻳﻪ ﺳﺎﻫﻠﻪ ﻫﻨﻲ ..
ﻋﺰ : ﻣﺎﻓﻴﺶ ﺣﺎﺟﻪ ﺳﺎﻫﻠﻪ ﻻﻫﻨﻲ ﻭﻻﻏﺎﺩﻱ .. ﺷﺪﻱ ﺑﺲ ..
ﻟﺒﻨﻰ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻛﻤﻠﻮﺍ ﺩﻭﺍﻣﻬﻢ ﻓﻲ ﺍﻟﻜﻠﻴﻪ ﻣﻊ ﺑﻌﺾ ﻭﻋﺰ ﻓﻲ ﺑﺎﻟﻪ ﻳﺒﻲ ﻳﻌﺮﻑ ﺷﻦ ﺻﺎﺭ ﺑﻴﻨﻬﺎ ﻭﺑﻴﻦ ﺑﺪﺭ ...
***
ﺑﻌﺪ ﺗﻼﺗﻪ ﺃﻳﺎﻡ ..
ﺭﻭﺡ ﻗﻠﺒﻲ ﻣﺎﺯﺍﻝ ﺧﺎﻃﺮﻙ ﺑﺘﺎﺧﺪﻱ ﺣﺎﺟﺎﺕ ﺗﺎﻧﻴﻪ ..
ﺣﻨﺎﻥ : ﻻﻻﺧﻼﺹ ﻛﻠﻪ ﺧﺪﻳﺘﻪ ..
ﻣﻌﺎﻭﻳﻪ : ﻗﻠﺒﻲ ﻣﺎﺗﺨﻠﻲ ﺷﻲ ﻓﺨﺎﻃﺮﻙ ..
ﺣﻨﺎﻥ : ﺗﺴﻠﻤﻠﻲ ﻳﺎﺭﺏ ... ﻛﻞ ﺍﻟﻠﻲ ﻧﺒﻴﻪ ﺧﺪﻳﺘﻪ ﻳﺎﻏﺎﻟﻲ ..
ﻣﻌﺎﻭﻳﻪ ﺣﻀﻨﻬﺎ ..
ﺣﻨﺎﻥ ﺑﻀﺤﻜﻪ : ﺗﻌﺒﺎﻧﻪ ﻭﺍﻟﻠﻪ
ﻣﻌﺎﻭﻳﻪ : ﻛﻼﻣﻚ ﻋﺴﻞ ﻭﺍﻧﺘﻲ ﻋﺴﻞ ﻣﺎﻧﻘﺪﺭﺵ ﻧﻘﺎﻭﻡ ..
ﺣﻨﺎﻥ ﺑﺈﺑﺘﺴﺎﻣﻪ : ﺑﺎﻫﻲ ﺑﻨﺮﻗﺪ ..
ﻣﻌﺎﻭﻳﻪ : ﻫﻴﺎ ﺗﻌﺎﻟﻲ ... ﻗﺎﻣﻬﺎ ﻭﺣﻄﻬﺎ ﻉ ﺍﻟﺴﺮﻳﺮ ... ﻭﺭﻗﺪ ﺟﻨﺒﻬﺎ ﻭﺧﺪﺍﻫﺎ ﻓﺤﻀﻨﻪ ..
ﺣﻨﺎﻥ : ﻛﻨﺖ ﻣﺨﻄﻂ ﻟﻜﻞ ﺷﻲ .... ﺍﺳﺒﻮﻉ ﻫﻨﻲ ﻭﺍﻷﺳﺒﻮﻉ ﺍﻟﻠﻲ ﺑﻌﺪﻩ ﻋﻤﺮﺓ ..
ﻣﻌﺎﻭﻳﻪ : ﺍﻳﻪ ... ﻳﺎﺭﻳﺖ ﻫﺎﻷﺳﺒﻮﻋﻴﻦ ﻳﻜﻮﻧﻮﺍ ﺍﻟﻌﻤﺮ ﻛﻠﻪ ...
ﺣﻨﺎﻥ : ﺍﻟﺤﺎﺟﻪ ﺣﻠﻮﺓ ﻧﺤﺴﻮﺍ ﺑﺤﻼﻭﺗﻬﺎ ﻷﻧﻬﺎ ﻣﺎﻃﻮﻟﺶ ...
ﻣﻌﺎﻭﻳﻪ :: ﻓﻠﺴﻔﺘﻚ ﻓﻲ ﺍﻟﺤﻴﺎﺓ ﻏﺮﻳﺒﻪ ..
ﺣﻨﺎﻥ ﻧﺎﺿﺖ ﻭﻗﻌﺪﺕ ﺗﺸﺒﺤﻠﻪ : ﻣﺶ ﻓﻠﺴﻔﻪ ﻫﺬﺍ ﻭﺍﻗﻊ .. ﺍﻟﺪﻧﻴﺎ ﺍﺳﺎﺳﺎ ﺩﺍﺭ ﺍﺑﺘﻼﺀ .. ﻳﻌﻨﻲ ﻣﺶ ﺣﻴﻜﻮﻥ ﻓﻴﻬﺎ ﺳﻌﺎﺩﻩ ﺩﺍﻳﻤﻪ .. ﺯﻱ ﻣﺎﻣﻔﻴﻬﺎﺵ ﺣﺰﻥ ﺩﺍﻳﻢ .. ﺣﻨﻲ ﻻﺯﻡ ﻧﻌﻴﺸﻮﻫﺎ ﻉ ﻫﺎﻷﺳﺎﺱ ﻭﺣﺎﻃﻴﻦ ﻓﻲ ﺭﺍﺳﻨﺎ ﺍﻥ ﺍﻟﺠﻨﻪ ﻓﻲ ﺍﻵﺧﺮﺓ ﻫﻲ ﺍﻟﻤﻜﺎﻥ ﺍﻟﻮﺣﻴﺪ ﺍﻟﻠﻲ ﺍﻟﺴﻌﺎﺩﻩ ﻓﻴﻪ ﻣﺴﺘﺤﻴﻞ ﺗﻨﺘﻬﻲ ..
ﻣﻌﺎﻭﻳﻪ : ﻛﻼﻣﻚ ﺑﺮﻏﻢ ﺍﻧﻪ ﺣﻖ .. ﻟﻜﻦ ﺧﻮﻓﻨﻲ ..
ﺣﻨﺎﻥ ﺣﻄﺖ ﺭﺍﺳﻬﺎ ﻉ ﺻﺪﺭﻩ : ﻣﺎﺗﺨﺎﻓﺶ .. ﺧﻠﻲ ﻗﻠﺒﻚ ﻗﻠﺐ ﻣﺆﻣﻦ ﺳﻠﻤﻬﺎ ﻟﺮﺑﻲ ﻓﻜﻞ ﻭﻗﺖ ﻭﺍﻧﺖ ﻓﺮﺣﺎﻥ ﻭﺍﻧﺖ ﻣﻀﺎﻳﻖ ..
ﻣﻌﺎﻭﻳﻪ ﺯﺍﺩ ﺣﻀﻨﻬﺎ : ﻧﺒﻴﻪ ﻳﺨﻠﻴﻚ ﻟﻴﺎ ﻭﺑﺲ ... ﻣﺴﺘﻌﺪ ﻧﺘﺤﻤﻞ ﻛﻞ ﺷﻲ ﻭﺍﻧﺘﻲ ﺟﻨﺒﻲ ...
ﺣﻨﺎﻥ ﺯﺍﺩﺕ ﺣﻀﻨﺎﺗﻪ : ﻧﺤﺒﻚ ..
ﻣﻌﺎﻭﻳﻪ : ﻧﻤﻮﺕ ﻓﻴﻚ ..
ﻣﺮ ﺃﺳﺒﻮﻉ ...
ﻣﺸﻮﺍ ﻟﻠﻌﻤﺮﺓ ﻭﻫﺎﺩﻱ ﺍﻭﻝ ﺯﻳﺎﺭﺓ ﻳﺪﻳﺮﻫﺎ ﻣﻌﺎﻭﻳﻪ ﻟﺒﻴﺖ ﺭﺑﻪ ﺳﺒﺤﺎﻧﻪ .. ﻛﺎﻧﺖ ﺍﻟﺮﺣﻠﻪ ﻫﺎﺩﻱ ﻏﻴﺮ ﻋﻨﺪﻩ ﻋﻦ ﻛﻞ ﺭﺣﻠﺔ ﺳﻔﺮ ﺳﺎﻓﺮﻫﺎ ﻗﺒﻞ ﻫﻜﻲ .. ﻛﺎﻧﺖ ﺳﻔﺮﺓ ﺍﻟﻌﻤﺮ ﺍﻟﻠﻲ ﻏﻴﺮﺕ ﻓﻲ ﻣﻌﺎﻭﻳﻪ ﻫﻠﺒﻪ .. ﻭﻗﻮﺕ ﺇﻳﻤﺎﻧﻪ ﻭﺻﻠﺘﻪ ﺍﻟﻘﻠﺒﻴﻪ ﺑﺎﻟﻠﻪ .. ﻭﺣﻨﺎﻥ ﺟﻨﺒﻪ ﻭﻣﻌﺎﻩ .. ﻟﻤﺎ ﻗﻌﺪ ﻳﺪﻋﻲ ﻋﻨﺪ ﺍﻟﻜﻌﺒﻪ " ﻳﺎﺭﺏ ﻣﺎﻓﻴﺶ ﺣﺎﺟﻪ ﺭﻏﺒﺘﻬﺎ ﺇﻻ ﻭﺻﻠﺘﻠﻬﺎ .. ﺣﺘﻰ ﺍﻏﻠﻰ ﺍﻣﻨﻴﻪ ﻋﻨﺪﻱ ﻛﻞ ﻣﺮﺓ ﻧﺤﺲ ﺍﻧﻚ ﻋﻄﻴﺘﻬﺎﻟﻲ ﻗﺒﻞ ﻟﻨﻄﻠﺒﻬﺎ .. ﻧﺘﻮﺳﻞ ﻟﻴﻚ ﺍﻧﻚ ﺗﺨﻠﻴﻬﺎ ﻟﻴﺎ ﻭﻣﺎﺗﺤﺮﻣﻨﻲ ﻣﻨﻬﺎ ﻟﻠﺤﻈﻪ ﻳﺎﺭﺏ ﻭﺣﺪﻙ ﺍﻷﻋﻠﻢ ﻗﺪﺍﺵ ﻗﻠﺒﻲ ﺣﺒﻬﺎ ﺍﺣﻔﻈﻬﺎﻟﻲ ﻳﺎﺍﺍﺍﺭﺏ "
ﺭﻭﺣﻮﺍ ﻟﻠﻴﺒﻴﺎ .. ﻭﺃﻭﻝ ﻣﺎﻭﺻﻠﻮﺍ ﻟﻠﻘﺼﺮ ﻃﻮﻝ .. ﺻﻠﻮﺍ ﻭﺃﺭﺗﺎﺣﻮﺍ ...
ﻭﺑﻌﺪ ﺍﻟﻤﻐﺮﺏ ﻣﺸﻮﺍ ﻣﻊ ﺑﻌﺾ ﻟﺤﻮﺵ ﺃﻫﻞ ﻧﻀﺎﻝ ..
ﻣﻌﺎﻭﻳﻪ : ﻣﺶ ﻻﺯﻡ ﻧﺨﺶ ...
ﺣﻨﺎﻥ : ﻻﻛﻴﻒ ﻣﺎﺗﺨﺸﺶ .. ﺍﻧﻲ ﺑﻨﻬﺪﺭﺯ ﻋﻠﻴﻬﻢ ﺷﻮﻳﻪ ﻣﺶ ﺣﻨﺎﺧﺪ ﺣﻤﻮﺩﻱ ﻃﻮﻝ ﻭﻧﺮﻭﺡ .. ﻭﺑﻌﺪﻳﻦ ﻫﻤﺎ ﺑﺮﻭﺣﻬﻢ ﺣﻴﺰﻋﻠﻮﺍ ﻟﻤﺎ ﻳﻌﺮﻓﻮﺍ ﺍﻧﻚ ﺟﻴﺖ ﻭﻗﺎﻋﺪ ﺑﺮﺍ ...
ﻣﻌﺎﻭﻳﻪ : ﻳﻌﻨﻲ ﻣﺎﻓﻴﻬﺎﺵ ﺇﺣﺮﺍﺝ ..
ﺣﻨﺎﻥ : ﻫﻤﺎ ﻧﺎﺱ ﻃﻴﺒﻪ ﻭﻣﻌﺘﺒﺮﻳﻨﻲ ﺑﻨﺘﻬﻢ ﻗﺒﻞ ﺍﻱ ﺷﻲ .. ﻭﺣﺒﻮﻙ ﻫﻠﺒﻪ ﻣﻦ ﻗﺒﻞ ﻣﺎﻳﻌﺮﻓﻮﻙ ..
ﻣﻌﺎﻭﻳﻪ ﺍﺑﺘﺴﻢ : ﻛﻴﻒ؟
ﺣﻨﺎﻥ ﺑﻐﺮﻭﺭ ﻣﺼﻄﻨﻊ : ﻣﺎﺩﺍﻡ ﺍﻧﻲ ﺍﺧﺘﺮﺗﻚ ﺍﻛﻴﺪ ﺣﻴﺤﺒﻮﻙ ..
ﻣﻌﺎﻭﻳﻪ ﺑﻀﺤﻜﻪ : ﻋﺪﻳﺘﻚ ﺷﻜﻠﻲ ...
ﺣﻨﺎﻥ : ﻫﻬﻬﻬﻬﻬﻪ .. ﻣﻦ ﻋﺎﺷﺮ ﻗﻮﻣﺎ ... ﻫﻴﺎ ﺣﺒﻴﺒﻲ ﺍﻧﺰﻝ ..
ﻣﻌﺎﻭﻳﻪ ﻋﺾ ﻉ ﺷﺎﺭﺑﻪ : ﺗﻌﺮﻓﻲ ﺍﻣﺘﻰ ﺗﻘﻮﻟﻲ ﻛﻼﻡ ﺣﻠﻮ ..
ﺣﻨﺎﻥ ﻧﺰﻟﺖ ﻭﻫﻲ ﺗﻀﺤﻚ ﻭﻫﻮ ﻧﺰﻝ ﻳﻀﺤﻚ ﻭﺭﺍﻫﺎ ...
ﻭﻗﻔﻮﺍ ﻓﻲ ﺍﻟﺒﺎﺏ .. ﺭﻧﺖ ﺣﻨﺎﻥ ﺍﻷﻧﺘﺮﻓﻮﻥ ... ﺭﺩﺕ ﻋﻠﻴﻬﺎ ﻋﺎﺗﻜﻪ ﻭﻗﺎﻟﺖ ﺍﺗﻔﻀﻠﻮﺍ ﺍﻧﻔﺘﺢ ﺍﻟﺒﺎﺏ .. ﻭﺧﺸﻮﺍ .. ﻭﺻﻠﻮﺍ ﻓﻲ ﺍﻟﺒﺎﺏ ﺍﻟﺪﺧﻼﻧﻲ ﻟﻘﻮﺍ ﺟﺎﺑﺮ ﻭﻋﺎﺗﻜﻪ ﻭﺍﻗﻔﻴﻦ ﻳﺴﺘﻨﻮﺍ ﻓﻴﻬﻢ ﻭﻣﻌﺎﻫﻢ ﺣﻤﻮﺩﻱ ﺍﻟﻠﻲ ﺣﻀﻦ ﺣﻨﺎﻥ ﺍﻭﻝ ﻣﺎﺷﺎﻓﻬﺎ ..
ﺳﻠﻤﻮﺍ ﻋﻠﻴﻬﻢ ﻭﺗﺤﻤﺪﻭﻟﻬﻢ ﺑﺎﻟﺴﻼﻣﻪ ...
ﻭﺩﺧﻠﻮﻫﻢ ﻭﻗﻌﻤﺰﻭﺍ ...
ﻛﺎﻧﺖ ﺍﻟﺘﻘﻌﻤﻴﺰﺓ ﺭﺳﻤﻴﻪ ﺷﻮﻳﻪ ﻃﺒﻴﻌﻲ ﻓﻲ ﺑﻌﺾ ﺍﻟﺤﻮﺍﺟﺰ ﺑﻴﻨﻬﻢ ﻭﺑﻴﻨﻪ ﻏﻴﺮ ﺇﻧﻬﺎ ﺃﻭﻝ ﻣﺮﺓ ..
ﺷﻮﻳﻪ ﻭﺍﻧﻔﺘﺢ ﺑﺎﺏ ﺍﻟﺤﻮﺵ ..
ﺣﻨﺎﻥ ﺟﻤﺪﺕ ﻓﻲ ﻣﻜﺎﻧﻬﺎ ﻭﺑﻮ ﻭﺃﻡ ﻧﻀﺎﻝ ﻗﻌﺪﻭﺍ ﻳﺮﺍﺟﻮ ﺍﻣﺘﻰ ﻳﺨﺶ ﻭﻣﻌﺎﻭﻳﻪ ﺗﻨﺮﻓﺰ ...
ﺧﺶ ﻭﺍﻧﺼﺪﻡ ﻭﺗﻠﺨﺒﻂ ﻭﻣﻌﺎﺵ ﻋﺮﻑ ﺷﻦ ﻳﺪﻳﺮ ﺭﺟﻞ ﺩﺍﺧﻞ ﻭﺭﺟﻞ ﺑﺮﺍ ..
ﻧﻀﺎﻝ ﺑﺮﺑﻜﻪ : ﺍﻟﺴﻼﻡ ﻋﻠﻴﻜﻢ .. ﺷﻮﻳﻪ ﻭﺟﺎﻱ ... ﻣﺸﻲ ﻃﻮﻝ ..
ﺍﻟﻤﻮﻗﻒ ﻛﺎﻥ ﺧﻴﻴﻴﻴﻴﻲ ﻫﻠﺒﻪ .. ﻭﻣﻌﺎﻭﻳﻪ ﺣﺲ ﺑﺈﺣﺮﺍﺝ ﺷﺪﻳﺪ ... ﻧﺎﺽ .. ﻭﺣﻨﺎﻥ ﻧﺎﺿﺖ ﻭﻫﻲ ﺗﺸﺒﺤﻠﻪ
ﻣﻌﺎﻭﻳﻪ ﻣﺘﺼﻨﻊ ﺍﻹﺑﺘﺴﺎﻣﻪ : ﺷﻜﺮﺍ ﻟﺤﺴﻦ ﺍﻟﻀﻴﺎﻓﻪ .. ﺑﺎﺭﻙ ﺍﻟﻠﻪ ﻓﻴﻜﻢ ..
ﻧﺎﺿﻮﺍ ﺟﺎﺑﺮ ﻭﻋﺎﺗﻜﻪ ...
ﺟﺎﺑﺮ : ﺍﻫﻼ ﻭﺳﻬﻼ ﺑﻴﻚ ﻓﺄﻱ ﻭﻗﺖ ..
ﻋﺎﺗﻜﻪ : ﻣﺮﺣﺒﺘﻴﻦ ﺑﻴﻚ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ﺑﻤﺠﺎﻣﻠﻪ : ﻫﻴﺎ ﺣﻨﺎﻥ ..
ﺣﻨﺎﻥ : ﺣﺎﺿﺮ ... ﺳﻠﻤﺖ ﻋﻠﻴﻬﻢ ﻭﺷﻜﺮﺗﻬﻢ .. ﻭﺧﺪﺕ ﺷﻨﻄﺔ ﻣﺤﻤﺪ .. ﻭﻃﻠﻌﺖ ﻭﺭﺍ ﻣﻌﺎﻭﻳﻪ ﺍﻟﻠﻲ ﻛﺎﻧﺖ ﺭﺍﻗﻴﺘﻠﻪ ﺭﺳﻤﻲ ﻭﻫﻮ ﻣﺎﺷﻲ ﻳﺤﻚ ﻓﻠﺤﻴﺘﻪ ... ﻃﻠﻌﻮﺍ ﺑﺮﺍ ..
ﺧﺪﻱ ﺍﻟﺸﻨﻄﻪ ﻣﻨﻬﺎ ﻭﺣﻄﻬﺎ ﻣﻦ ﺍﻟﺨﻠﻒ ﻭﺭﻛﺐ ﺑﻌﺪ . ﻣﺎﻫﻲ ﻭﻣﺤﻤﺪ ﺭﻛﺒﻮﺍ ...
ﺷﻐﻞ ﺍﻟﺴﻴﺎﺭﻩ ﻭﺗﺤﺮﻛﻮﺍ ﻭﻧﻀﺎﻝ ﺷﺎﻓﻬﻢ ﻣﻦ ﺑﻌﻴﺪ ﻭﺩﻣﻌﺘﻪ ﻓﻌﻴﻨﻪ ..
ﻓﻲ ﺍﻟﺴﻴﺎﺭﻩ ..
ﺣﻨﺎﻥ ﺗﺸﺒﺤﻠﻪ ﻛﻴﻒ ﻣﻌﺼﺐ ﻭﻃﻮﻝ ﺍﻟﻮﻗﺖ ﺣﺎﺟﺒﻪ ﻣﺮﻓﻮﻉ ..
ﺣﻨﺎﻥ : ﻣﻌﺎﻭﻳﻪ ..
ﻣﻌﺎﻭﻳﻪ : ﺣﻨﺎﻥ ﺗﻮﺍ ﺍﺳﻜﺘﻲ ﻟﻮ ﺳﻤﺤﺘﻲ ﻣﺎﻧﺒﻴﺶ ﻧﺴﻤﻊ ﺣﺲ ..
ﺣﻨﺎﻥ ﺳﻜﺘﺖ ﻭﺣﻀﻨﺖ ﺣﻤﻮﺩﻱ ﻻﻧﻪ ﺧﺎﻑ ...
ﻗﻌﺪﻭﺍ ﺳﺎﻛﺘﻴﻦ ﻟﻴﻦ ﻭﺻﻠﻮﺍ ﻟﻠﻘﺼﺮ ...
ﺧﺸﻮﺍ ﻭﺭﻛﺒﻮﺍ ﻓﻮﻕ ﻣﺠﺮﺩ ﻣﺎﻭﺻﻠﻮﺍ ﻟﻠﺪﻭﺭ ﺍﻟﺘﺎﻧﻲ ..
ﻣﻌﺎﻭﻳﻪ : ﺩﺧﻠﻴﻪ ﻟﺪﺍﺭﻩ ﻭﺗﻌﺎﻟﻲ ...
ﺭﻓﻌﺖ ﻣﺤﻤﺪ ﻭﺣﻄﺎﺗﻪ ﻑ ﺩﺍﺭﻩ ﻭﺣﻄﺘﻠﻪ ﺍﻷﻟﻌﺎﺏ ﻭﻃﻠﻌﺖ .. ﻣﺸﺘﻠﻪ ..
ﻣﻌﺎﻭﻳﻪ ﻭﻫﻮ ﺣﺎﻁ ﺍﻳﺪﻳﻪ ﻓﻨﺼﻪ ﺷﺒﺤﻠﻬﺎ ﺑﺤﺪﻩ : ﻣﺸﻲ ﻟﺤﻮﺷﻬﻢ ﻣﻌﺎﺵ ﻓﻲ .. ﻭﻟﻮ ﺍﺿﻄﺮﻳﺘﻲ ﺗﻤﺸﻲ ﻓﺎﻟﻀﺮﻭﺭﺓ ﺍﻟﻘﺼﻮﻯ .. ﺑﺶ ﺍﻟﻤﻮﻗﻒ ﺍﻟﺰﻓﺖ ﺍﻟﻠﻲ ﺻﺎﺭ ﺍﻟﻴﻮﻡ ﻣﻌﺎﺵ ﻳﺘﻌﺎﻭﺩ .. ﻭﻛﻼﻣﻲ ﻏﻴﺮ ﻗﺎﺑﻞ ﻟﻠﻨﻘﺎﺵ ... ﻣﺸﻲ ﻭﺧﻼﻫﺎ ﻭﻧﺰﻝ ﻟﻮﻃﺎ ..
ﻫﻮ ﻋﻨﺪﻩ ﺍﻟﺤﻖ ﺑﺲ ﺍﺳﻠﻮﺑﻪ ﻓﺎﻟﻜﻼﻡ ﻣﻌﺎﻫﺎ ﻣﺎﻋﺠﺒﻬﺎﺵ ﺑﻜﻞ ﻭﺧﻼﻫﺎ ﺗﺎﺧﺪ ﻣﻨﻪ ﻣﻮﻗﻒ ﺳﻤﻌﺖ ﺻﻮﺕ ﺍﻵﺫﺍﻥ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ ﻭﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﻣﺸﺖ ﺑﺘﺘﻮﺿﺎ ﺑﺶ ﺗﺼﻠﻲ ..
ﺍﻣﺎ ﻫﻮ ﻣﻦ ﻟﻤﺎ ﻣﺸﻲ ﻭﺧﻼﻫﺎ ﻭﻗﻠﺒﻪ ﻳﺄﻧﺐ ﻓﻴﻪ ﻉ ﺍﺳﻠﻮﺑﻪ ﻣﻌﺎﻫﺎ .. ﻭﻋﺎﺭﻑ ﻭﻣﺘﺄﻛﺪ ﺍﻧﻬﺎ ﺯﻋﻠﺖ .. ﺑﺲ ﻣﺶ ﺑﻴﺪﻩ ﻳﻌﺸﻘﻬﺎ ﻭﻳﻐﺎﺭ ﻋﻠﻴﻬﺎ ﻭﻣﺶ ﻣﺘﺤﻤﻞ ﻧﻈﺮﺓ ﻋﻴﻦ ﻓﻴﻬﺎ ﻣﻦ ﺍﻱ ﺭﺍﺟﻞ ﻳﻜﻮﻥ ﻓﻴﻬﺎ ﺍﻱ ﻧﻮﻉ ﻣﻦ ﺍﻟﻤﺸﺎﻋﺮ .. ﺳﻤﻊ ﺍﻷﺫﺍﻥ ﺭﻛﺐ ﺳﻴﺎﺭﺗﻪ ﻭﻃﻮﻝ ﻟﻠﺠﺎﻣﻊ .. ﺑﺶ ﻳﻬﺪﺍ ﻭﻳﺮﺗﺎﺡ
***
ﻃﻠﻌﺖ ﻣﻦ ﺍﻟﺤﻤﺎﻡ ﻭﻫﻲ ﻓﺮﺣﺎﻧﻪ ﺑﻄﻴﺮ ...
ﺷﺒﺤﺎﺗﻪ ﻟﻘﺎﺗﻪ ﻳﺸﻮﻓﻠﻬﺎ ﻭﻋﻴﻮﻧﻪ ﻛﻠﻬﻢ ﺷﻮﻕ ...
ﺭﺿﺎ : ﺗﻌﺎﻟﻲ ﺣﺒﻴﺒﻲ ..
ﻣﻬﺎ ﺟﺎﺗﻪ ﻭﻗﻌﻤﺰﺕ ﻣﻘﺎﺑﻠﻪ ﻭﻫﻮ ﺭﺍﻗﺪ ..
ﻣﻬﺎ : ﺭﻭﺿﻲ ..
ﺭﺿﺎ : ﻗﻠﺒﻲ .
ﻣﻬﺎ ﺑﻀﺤﻜﻪ : ﺷﻜﻠﻲ ... ﺣﺎﻣﻞ ...
ﻗﻌﻤﺰ ﻉ ﺣﻴﻠﻪ ؛ ﻣﺘﺄﻛﺪﻩ ..
ﻣﻬﺎ ﺑﻀﺤﻜﻪ : ﺷﺒﻪ ﻣﺘﺄﻛﺪﻩ .. ﻋﺮﻓﺖ ﻣﻦ ﺍﻹﺧﺘﺒﺎﺭ .. ﺑﺲ ﺣﻨﺘﺄﻛﺪ ﻟﻤﺎ ﻧﺤﻠﻞ ..
ﺭﺿﺎ ﺑﻔﺮﺣﻪ؛ ﻣﻦ ﺍﻟﺼﺒﺢ ﻧﺮﻓﻌﻚ ..
ﻣﻬﺎ : ﻗﺼﺪﻙ ﻓﺮﺣﺖ؟ !!
ﺭﺿﺎ : ﻓﺮﺣﺖ !! ﺑﻨﻄﻴﺮ ﻣﻦ ﺍﻟﻔﺮﺣﻪ ﺑﻨﺠﻨﺢ .. ﺗﻌﺎﻟﻲ ﻳﺎﺳﻤﺤﻪ .. ﺣﻀﻨﻬﺎ ﻭﻗﻌﺪ ﻳﺒﻮﺱ ﻓﻴﻬﺎ ﻭﻫﻲ ﺗﻀﺤﻚ ..
ﺍﻛﺜﺮ ﺷﻲ ﻣﺘﺸﻮﻗﺘﻠﻪ ﺑﻮﻫﺎ ﻟﻤﺎ ﻳﻌﺮﻑ ﺍﻟﺨﺒﺮ ﻛﻴﻒ ﺣﺘﻜﻮﻥ ﺭﺩﺓ ﻓﻌﻠﻪ ...
ﺑﻮﻫﺎ ﺍﻟﻠﻲ ﻗﻌﺪ ﻳﻔﻜﺮ ﻓﻲ ﻃﺮﻳﻘﺔ ﻳﺮﺿﻲ ﺑﻴﻬﺎ ﺣﺒﻴﺒﺘﻪ ﺍﻟﻠﻲ ﺯﻋﻠﻬﺎ ﻭﻫﻤﺎ ﻣﺎﻟﻴﻬﻤﺶ ﻫﻠﺒﻪ ﻣﺘﺰﻭﺟﻴﻦ ..
ﻓﻲ ﺍﻟﻘﺼﺮ ...
ﺭﻗﺪﺕ ﺣﻤﻮﺩﻱ ﻭﻃﻠﻌﺖ ﻣﻦ ﺩﺍﺭﻫﺎ ﻭﻫﻲ ﺗﺨﻤﻢ ﻓﻴﻪ ﺯﻋﻤﻪ ﻭﻳﻦ ﻣﺸﻲ ...
ﻗﻌﻤﺰﺕ ﻉ ﺍﻟﺼﺎﻟﻮﻥ ﻭﻫﻲ ﺗﺴﺘﻨﻰ ...
ﻫﻮ ﺟﻲ .. ﺧﺶ ﻭﺭﻛﺐ ﻓﻮﻕ ﺷﺎﻓﻬﺎ ﻣﻘﻌﻤﺰﺓ ﻭﺳﺮﺣﺎﻧﻪ ...
ﻓﻴﺪﻩ ﻛﺎﻧﺖ ﻭﺭﺩﺓ ﻭﺣﺪﻩ ﻭﻣﻌﺮﻭﻓﻪ ﻣﻦ ﺍﻣﺎ ﻧﻮﻉ ... ﺗﻨﺤﻨﺢ ..
ﻣﻌﺎﻭﻳﻪ : ﺍﺣﻤﻢ .. ﺍﻟﺴﻼﻡ ﻋﻠﻴﻜﻢ ..
ﺗﻠﻔﺖ ﺷﻔﺘﻠﻪ : ﻭﻋﻠﻴﻜﻢ ﺍﻟﺴﻼﻡ ... ﻧﺎﺿﺖ ﻭﻗﺪﻣﺖ ﻭﻭﺍﺿﺢ ﻉ ﻭﺟﻬﻬﺎ ﺍﻟﺰﻋﻞ ... ﺗﻌﺸﻴﺖ ..
ﻣﻌﺎﻭﻳﻪ ﻭﻫﻮ ﻳﺸﻮﻓﻠﻬﺎ : ﺗﺴﺘﺲ ...
ﺣﻨﺎﻥ : ﺗﻮ ﻧﻨﺰﻝ ﻧﺪﻳﺮﻟﻚ ﻋﺸﻲ ...
ﺟﻲ ﻗﺪﺍﻣﻬﺎ ... ﻭﻫﻲ ﻣﺎﺑﺘﺶ ﺗﺸﺒﺤﻠﻪ .. ﻗﺎﻟﺖ : ﺗﺒﻲ ﺣﺎﺟﻪ ...
ﻣﻌﺎﻭﻳﻪ : ﻧﺒﻴﻚ ﺗﺴﺎﻣﺤﻴﻨﻲ .. ﻭﺗﺎﺧﺪﻱ ﻣﻨﻲ ﻫﺎﺩﻱ ..
ﺣﻨﺎﻥ ﺷﺒﺤﺘﻠﻪ : ﺑﺒﺴﺎﻃﻪ ﻫﻜﻲ ...
ﻣﻌﺎﻭﻳﻪ ﺗﻨﻬﺪ ﻭﻫﻮ ﻳﺸﻮﻓﻠﻬﺎ ﺑﻨﻈﺮﺓ ﺍﺳﻒ ..
ﺣﻨﺎﻥ : ﻫﻮ ﺍﻧﺖ ﻣﻌﺎﻙ ﺣﻖ ﻣﺎﻧﻠﻮﻣﻜﺶ .. ﻭﺃﻱ ﺭﺍﺟﻞ ﻓﻲ ﻣﻜﺎﻧﻚ ﺣﻴﺪﻳﺮ ﻫﻜﻲ ﻣﻦ ﺣﻘﻪ .. ﻟﻜﻦ ﺍﺳﻠﻮﺑﻚ ﻣﻌﺎﻱ ﻫﻮ ﺍﻟﻠﻲ ﺯﻋﻠﻨﻲ .. ﻛﻠﻤﺘﻨﻲ ﺑﻄﺮﻳﻘﻪ ﻭﻣﺎﺗﺎﺧﺬﻧﻴﺶ ﻉ ﺍﻟﻠﻲ ﺑﻨﻘﻮﻟﻪ .. ﻛﻠﻤﺘﻨﻲ ﺑﺪﻭﻥ ﺍﺣﺘﺮﺍﻡ .. ﻣﺎﻛﺄﻧﻴﺶ ﻣﺮﺗﻚ ...
ﻣﻌﺎﻭﻳﻪ ﺷﺒﺢ ﻓﻮﻕ ﺑﻌﺪﻳﻦ ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﺷﺎﻓﻠﻪ : ﺻﺢ ﻛﻼﻣﻚ ﺍﺳﻠﻮﺑﻲ ﻣﺎﻛﺎﻧﺶ ﻛﻮﻳﺲ .. ﺑﺲ ﺍﻧﻲ ﻟﻤﺎ ﻧﻌﺼﺐ ﻣﺎﻧﻌﺮﻓﺶ ﺷﻦ ﻧﻘﻮﻝ ﻭﺍﻧﺘﻲ ﺍﺩﺭﻯ ﺑﻴﺎ ... ﻭﺑﻌﺪﻳﻦ ﺍﻧﻲ ﻏﺮﺕ ... ﺍﻧﺤﺮﻗﺖ ﻣﻦ ﺍﻟﻐﻴﺮﺓ ﻣﺎﺗﺤﻤﻠﺘﺶ ... ﺣﻄﻲ ﻧﻔﺴﻚ ﻓﻤﻜﺎﻧﻲ ﻭﺣﺘﻌﺬﺭﻳﻨﻲ ..
ﺣﻨﺎﻥ : ﻗﺘﻠﻚ ﺍﻧﻲ ﻋﺎﺫﺭﺍﺗﻚ ﺑﺲ ﺃﺳﻠﻮﺑﻚ ﺧﻼﻧﻲ ﻧﺨﺎﻑ ﻣﻨﻚ ...
ﻣﻌﺎﻭﻳﻪ : ﻻﻣﺎﺗﺨﺎﻓﻴﺶ ... ﺍﻥﻱ ﻣﻌﺎﻙ ﺻﻮﺕ ﺑﺲ ﺻﺪﻗﻴﻨﻲ .. ﻣﺎﻧﺘﺤﻤﻠﺶ ﻓﻴﻚ ﻧﻈﺮﺓ ﺍﺿﺮﻙ ﻳﺎﺑﺎﻝ ﺍﻟﻜﻼﻡ .. ﺍﺳﻒ ﺍﺭﺟﻮﻙ ﺳﺎﻣﺤﻴﻨﻲ ﻭﺧﻮﺩﻱ ﻫﺎﺩﻱ ﻋﺎﺩ ...
ﺣﻨﺎﻥ ﺷﺒﺤﺖ ﻟﻠﻮﺭﺩﻩ ﻭﻣﺪﺕ ﻳﺪﻫﺎ ﻭﺧﺪﺗﻬﺎ ﻭﺷﺒﺤﺘﻠﻪ : ﺑﺎﻫﻲ ﻫﺎﻟﻤﺮﻩ ﺣﻨﻌﺪﻳﻬﺎ ..
ﻣﻌﺎﻭﻳﻪ ﺑﻀﺤﻜﻪ : ﻋﻼﺵ ﻛﺎﻥ ﻋﺎﻭﺩﺗﻬﺎ ﺷﻦ ﺩﻳﺮﻱ ..
ﺣﻨﺎﻥ ﺑﺮﻓﻌﺔ ﺣﻮﺍﺟﺐ : ﺍﻧﺖ ﺗﺒﻲ ﺗﻌﺎﻭﺩﻫﺎ !! ؟ ..
ﻣﻌﺎﻭﻳﻪ : ﻫﻬﻬﻬﻬﻬﻬﻬﻬﻬﻬﻬﻬﻪ ... ﺍﻧﺒﺼﺮ ﻋﻠﻴﻚ ... ﺑﺎﻫﻲ ﺷﻮﻓﻲ ﻟﻠﻮﺭﺩﺓ ﺷﻦ ﻓﻴﻬﺎ ..
ﺣﻨﺎﻥ ﺷﺒﺤﺖ ﻟﻠﻮﺭﺩﺓ ﺑﺈﺳﺘﻐﺮﺍﺏ ﺷﺎﻓﺘﻬﺎ ﻣﻦ ﺩﺍﺧﻞ ﻟﻘﺖ ﻓﻴﻬﺎ ﺯﻱ ﺍﻟﺨﺎﺗﻢ ﻃﻠﻌﺎﺗﻪ ... ﻛﺎﻥ ﺩﺑﻠﻪ ..
ﻣﻌﺎﻭﻳﻪ : ﻫﺎﺩﻱ ﺑﺶ ﺍﻱ ﺣﺪ ﻳﺸﻮﻓﻬﺎ ﻳﻌﺮﻑ ﺍﻧﻚ ﻣﻠﻚ ﺧﺎﺹ ..
ﺣﻨﺎﻥ ﺑﺮﻓﻌﺔ ﺣﺎﺟﺐ : ﻣﻠﻚ ﺧﺎﺹ؟ !
ﻣﻌﺎﻭﻳﻪ ﺑﺄﺑﺘﺴﺎﻣﻪ : ﺍﻳﻪ ﻣﻠﻜﻲ ﻣﻠﻚ ﻗﻠﺒﻲ .. ﻭﺭﺍﻟﻬﺎ ﺍﻳﺪﻩ ﺯﻱ ﻣﺎﺍﻧﻲ ﻣﻠﻜﻚ ﺍﻟﺨﺎﺹ
ﺣﻨﺎﻥ ﺍﺑﺘﺴﻤﺖ : ﺑﺎﻫﻲ ﺧﻠﻴﻨﻲ ﻧﻨﺰﻝ ﻧﺪﻳﺮﻟﻚ ﻋﺸﻲ ..
ﻣﻌﺎﻭﻳﻪ : ﻻ ..
ﺣﻨﺎﻥ : ﻣﺎﺗﺒﻴﺶ ﺗﺘﻌﺸﺎ ..
ﻣﻌﺎﻭﻳﻪ ﺑﺈﺑﺘﺴﺎﻣﻪ ﻣﺎﻛﺮﻩ : ﻧﺒﻲ ﻧﺘﻌﺸﺎ ﺑﺲ ﻣﺶ ﺍﻟﻌﺸﻲ ﺍﻟﻠﻲ ﻧﻌﺮﻓﻮﻩ ..
ﺣﻨﺎﻥ ﻓﻬﻤﺖ ﻋﻠﻴﻪ : ﺍﻧﻲ ﺗﻌﺒﺎﻧﻪ ..
ﻣﻌﺎﻭﻳﻪ ﺣﻀﻨﻬﺎ ﻭﻗﺎﻣﻬﺎ : ﻣﺶ ﺣﺘﻌﺮﻓﻲ ﺗﻬﺮﺑﻲ ..
ﺣﻨﺎﻥ : ﻫﻬﻬﻬﻬﻬﻬﻬﻬﻬﻬﻬﻪ ... ﺣﻲ ﻋﻠﻴﺎ ﻧﺰﻟﻨﻲ ..
ﻣﻌﺎﻭﻳﻪ ﻣﻌﺪﻟﺶ ﻋﻠﻴﻬﺎ ﻭﺧﺶ ﺑﻴﻬﺎ ﻟﺪﺍﺭﻫﻢ
ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﺍﻟﺰﻭﺯ ﻣﺸﻮﺍ ﻟﻠﺸﺮﻛﻪ ﻭﻫﺬﺍ ﺍﻭﻝ ﻳﻮﻡ ...
ﺍﻭﻝ ﻣﺎﺧﺸﻮﺍ ﻭﺍﻟﻤﺒﺎﺭﻛﺎﺕ ﺗﻬﻞ ﻋﻠﻴﻬﻢ ﻣﻦ ﺍﻱ ﺣﺪ ﻳﻘﺎﺑﻠﻬﻢ ﻣﻦ ﺍﻟﻤﻮﻇﻔﻴﻦ .. ﺍﻭﻝ ﻣﺎﻭﺻﻠﻮﺍ ﺍﻟﺪﻭﺭ ﺍﻟﺜﺎﻟﺖ ﺗﻘﺎﺑﻠﻮﺍ ﻣﻊ ﺍﻗﺒﺎﻝ ﺍﻟﻠﻲ ﻟﻤﺎ ﺷﺎﻓﺘﻬﻢ ﻟﻮ ﻓﻴﺪﻫﺎ ﺍﻟﻤﻮﺕ ﻃﻠﻘﺘﻬﺎ ﻋﻠﻴﻬﻢ ﻫﻤﺎ ﺍﻟﺰﻭﺯ ﺑﺲ ﻟﺒﺴﺖ ﻭﺟﻪ ﺍﻟﻤﻼﻙ ﺍﻟﺒﺮﺉ ..
ﺇﻗﺒﺎﻝ ﺑﺄﺑﺘﺴﺎﻣﻪ ﻣﺰﻳﻔﻪ : ﻣﺒﺮﻭﻙ ﻣﺒﺮﻭﻙ ﻳﺎﻋﺮﺳﺎﻥ .. ﺳﻠﻤﺖ ﻉ ﺣﻨﺎﻥ ﻭﺑﺎﺳﺘﻬﺎ .. ﻣﺒﺮﻭﻙ ﻳﺎﻋﺮﻭﺳﻪ ...
ﺣﻨﺎﻥ ﺑﺈﺑﺘﺴﺎﻣﻪ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺃﻗﺒﺎﻝ ﺳﻠﻤﺖ ﻉ ﻣﻌﺎﻭﻳﻪ ﺟﺎﻳﻪ ﺑﺘﺒﻮﺳﻪ ﺑﻌﺪﻫﺎ ﺻﻤﺘﺘﻬﺎ ﺍﻟﻠﻘﻄﻪ ﺑﺲ ﻣﺸﺘﻬﺎ ... ﺿﺤﻜﺖ ﺑﺰﻳﻒ ﻭﻗﺎﻟﺖ : ﻋﻨﺪﻙ ﺣﻖ ﺍﻧﺖ ﺭﺍﺟﻞ ﻣﺘﺰﻭﺝ ﺗﻮﺍ ﺧﻼﺹ .. ﻣﺒﺮﻭﻙ ﻋﻠﻴﻚ ..
ﻣﻌﺎﻭﻳﻪ : ﺍﻟﻠﻪ ﻳﺒﺎﺭﻙ ﻓﻴﻚ ﺷﻜﺮﺍ ..
ﺣﻨﺎﻥ : ﻋﻘﺒﺎﻟﻚ ..
ﺍﻗﺒﺎﻝ ﺑﺈﺑﺘﺴﺎﻣﻪ ﻣﺘﺼﻨﻌﻪ : ﺷﻜﺮﺍ ... ﻫﻴﺎ ﻋﻦ ﺍﺫﻧﻜﻢ
ﻣﻌﺎﻭﻳﻪ : ﺍﺫﻧﻚ ﻣﻌﺎﻙ .. ﺷﺪ ﻳﺪ ﺣﻨﺎﻥ ﻭﻣﺸﻮﺍ ﻭﻫﻲ ﺩﺍﺭﺕ ﺭﻭﺣﻬﺎ ﻣﺎﺷﻴﻪ ﻭﺗﻠﻔﺘﺖ ﺷﺎﻓﺘﻬﻢ ﻛﻴﻒ ﻳﺘﻜﻠﻤﻮﺍ ﺑﻴﻀﺤﻜﻮﺍ ".. ﺗﻬﻨﻮﻝﻛﻢ ﻫﺎﻟﻴﻮﻣﻴﻦ ﻫﻨﺎﻛﻢ ﻣﺶ ﺣﻴﺪﻭﻡ "...
ﺧﺸﻮﺍ ﻟﻠﻤﻜﺘﺐ ﻭﺷﻮﻳﻪ ﻭﻃﻖ ﺍﻟﺒﺎﺏ ﻭﺧﺶ ﺃﻳﻤﻦ ..
ﺍﻳﻤﻦ ﺑﻀﺤﻜﻪ؛ ﻋﺮﺳﺎﻧﻨﺎ ﺍﻟﺤﻠﻮﻳﻦ .. ﺍﻫﻼ ﺑﻜﻢ ..
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﻭﺑﻴﻚ ﻳﺎﺳﻴﺪﻱ .. ﺳﻠﻤﻮﺍ ﻉ ﺑﻌﺾ ..
ﺍﻳﻤﻦ : ﻣﺒﺎﺭﻙ ..
ﻣﻌﺎﻭﻳﻪ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺃﻳﻤﻦ ﺷﺒﺢ ﻟﺤﻨﺎﻥ : ﻣﺒﺎﺭﻙ ﻳﺎﺑﺶ ﻣﻬﻨﺪﺳﻪ ﻭﺭﺑﻲ ﻳﻌﻴﻨﻚ ﻋﻠﻴﻪ ..
ﺣﻨﺎﻥ ﺑﻀﺤﻜﻪ : ﺍﻟﻠﻪ ﻳﺒﺎﺭﻙ ﻓﻴﻚ .. ﻭﺑﻌﺪﻳﻦ ﻫﻮ ﻣﺎﻓﻴﺶ ﺯﻳﻪ ﻓﻲ ﺍﻟﺪﻧﻴﺎ ﺭﺑﻲ ﻳﺤﻔﻈﻪ ...
ﻣﻌﺎﻭﻳﻪ ﺍﺑﺘﺴﻢ ﺑﺈﺳﺘﻔﺰﺍﺯ ﻭﺭﻓﻊ ﺣﺎﺟﺒﻪ ﺍﻟﻴﺴﺎﺭ ..
ﺍﻳﻤﻦ ﺑﻀﺤﻜﻪ : ﻻ ﺑﺎﻟﻠﻪ ﻋﻠﻴﻚ ﻣﺶ ﻧﺎﻗﺺ ﻧﻔﺨﻪ ﻫﻮ ﻣﻦ ﺯﻣﺎﻥ ﺳﻨﻔﻮﺭ ﻣﻐﺮﻭﺭ ﻉ ﻗﻮﻟﺘﻚ ...
ﻣﻌﺎﻭﻳﻪ ﺷﺒﺤﻠﻬﺎ ﺑﺈﺳﺘﻐﺮﺍﺏ ..
ﺣﻨﺎﻥ ﺿﺤﻜﺖ ...
ﻃﻘﺖ ﻓﺎﺩﻳﻪ ﺍﻟﺒﺎﺏ ﻭﺧﺸﺖ : ﺍﻹﺟﺘﻤﺎﻉ ﺣﻴﺒﺪﺍ ﺑﻌﺪ 5 ﺩﻗﺎﻳﻖ ..
ﻣﻌﺎﻭﻳﻪ : ﺗﻤﺎﻡ ..
ﻣﺸﻮﺍ ﻟﻺﺟﺘﻤﺎﻉ ... ﺍﻟﻠﻲ ﻗﻌﺪﻟﻤﺪﺓ ﺳﺎﻋﺘﻴﻦ ... ﺑﻌﺪ ﻣﺎﺗﻢ ..
ﻃﻠﻌﻮﺍ ﻭﻫﻮ ﻭﻳﺎﻫﺎ ﻭﻟﻮﺍ ﻟﻠﻤﻜﺘﺐ ..
ﺣﻨﺎﻥ : ﺧﻼﺹ ﻗﺮﻳﺒﺎ ﺣﺘﻔﺘﺘﺤﻪ ..
ﻣﻌﺎﻭﻳﻪ : ﻣﺎﺯﺍﻝ ﺷﻮﻳﻪ ﻻﺯﻡ ﻳﺼﻜﺮ ﺍﻟﻤﺪﺓ ﺍﻟﻠﻲ ﻣﺤﺪﺩﻫﺎ ﻟﻴﻪ ..
ﺣﻨﺎﻥ ﺑﺈﺑﺘﺴﺎﻣﻪ : ﺣﻠﻮ ﺍﻟﺘﺄﻧﻲ ﻓﻲ ﺣﺎﺟﺎﺕ ﺯﻱ ﻫﺎﺩﻱ ... ﻓﺘﺤﺖ ﺍﻟﻼﺏ ﻭﻛﺎﻥ ﻋﺎﻟﻖ ﺑﺎﻟﻨﺖ ﺟﺎﻫﺎ ﺍﺗﺼﺎﻝ ﺳﻜﺎﻳﺐ .. ﻓﺘﺤﺖ ﻟﻘﺘﻬﻢ ﻣﻬﺎ ﻭﺭﺿﺎ
ﺣﻨﺎﻥ ﺑﺈﺑﺘﺴﺎﻣﻪ : ﻫﻼ ﻫﻼ ... ﻣﻌﺎﻭﻳﻪ ﺷﺒﺤﻠﻬﺎ ..
ﻣﻬﺎ : ﻛﻴﻒ ﺣﺎﻟﻜﻢ .. ﻣﻌﺎﻭﻳﻪ ﻟﻤﺎ ﺳﻤﻊ ﺻﻮﺗﻬﺎ ﻃﻠﻊ ﻣﻦ ﻭﺭﺍ ﻣﻜﺘﺒﻪ ﻭﺟﻲ ﻭﻗﻒ ﺟﻨﺐ ﺣﻨﺎﻥ ...
ﺣﻨﺎﻥ : ﺍﻟﺤﻤﺪ ﻟﻠﻪ ﻛﻴﻒ ﺣﺎﻟﻜﻢ ﺍﻧﺘﻢ ..
ﻣﻬﺎ : ﺍﻟﺤﻤﺪ ﻟﻠﻪ .. ﺑﺎﺑﺎ ﻗﻌﺪﺕ ﺗﺒﻌﺘﻠﻪ ﻓﻲ ﺑﻮﺳﺎﺕ .. ﻭﻫﻮ ﻳﻀﺤﻚ ..
ﻣﻌﺎﻭﻳﻪ : ﺣﺒﻴﺒﺘﻲ ﺍﻣﻮﻭﻭﺍﻩ .. ﻛﻴﻒ ﺣﺎﻟﻜﻢ ..
ﺭﺿﺎ : ﺍﻟﺤﻤﺪ ﻟﻠﻪ ﺑﺨﻴﺮ ﻳﺎﻋﻤﻲ .. ﻛﻴﻒ ﺣﺎﻟﻜﻢ ﺍﻧﺘﻢ ..
ﻣﻌﺎﻭﻳﻪ : ﺍﻟﺤﻤﺪ ﻟﻠﻪ ... ﺷﻨﻮ ﻣﻬﺎ ﻣﻌﺎﻙ ..
ﺭﺿﺎ : ﻭﻧﻌﻢ ﺍﻟﺘﺮﺑﻴﻪ ...
ﻣﻌﺎﻭﻳﻪ ﺍﺑﺘﺴﻢ : ﺗﺴﻠﻢ ...
ﺭﺿﺎ : ﺣﻨﻲ ﻛﻠﻤﻨﺎﻛﻢ ﻧﺒﻮﺍ ﻧﺒﻠﻐﻮﻛﻢ ﺑﺨﺒﺮ ﺣﻠﻮ ..
ﻣﻌﺎﻭﻳﻪ ﻭﺣﻨﺎﻥ ﻳﺴﻤﻌﻮﺍ ﺑﺈﻧﺘﺒﺎﻩ : ﺷﻦ ﻫﻮ؟؟ !!
ﺭﺿﺎ : ﺗﻘﻮﻟﻲ ﺍﻧﺘﻲ ﻭﻻﺍﻧﻲ ..
ﻣﻬﺎ ﺑﺈﺑﺘﺴﺎﻣﻪ ﺧﺠﻮﻟﻪ : ﺍﻧﻲ ﻧﻘﻮﻝ ... ﺑﺎﺑﺎ
ﻣﻌﺎﻭﻳﻪ : ﻧﻌﻢ ﺑﻨﺘﻲ ..
ﻣﻬﺎ : ﺣﺘﻮﻟﻲ ﺟﺪ ...
ﺣﻨﺎﻥ ﺿﺤﻜﺖ ﺑﻔﺮﺣﻪ : ﻳﺎﺍﺍﺍﺍﺍﻩ ﻳﺎﺭﺑﻲ ...
ﻣﻌﺎﻭﻳﻪ ﺍﻟﺨﺒﺮ ﻛﺎﻥ ﻗﻮﻱ ﻋﻠﻴﻪ ﻓﺮﺣﻪ ﻫﻠﺒﻪ ﻭﺗﺄﺛﺮ ﻟﻴﻦ ﺧﻼﺹ ﺑﺲ ﺗﻤﺎﺳﻚ : ﻣﺒﺎﺭﻙ ﻳﺎﻗﻠﺒﻲ .. ﺑﺠﺪﻳﺎﺕ .. ﻣﻦ ﻓﺮﺣﺘﻲ ﻣﺶ ﻋﺎﺭﻑ ﺷﻦ ﻧﻘﻮﻝ ..
ﻣﻬﺎ : ﻓﺮﺣﺖ ﻫﻠﺒﻪ؟ !
ﺩﻣﻌﺘﻪ ﻋﺒﺖ ﻋﻴﻨﻪ : ﺍﻳﻪ ﻳﺎﻋﻤﺮﻱ ﻫﻠﺒﻪ ﻭﺍﻟﻠﻪ .. ﻓﻮﻕ ﻣﺎﺗﺘﺼﻮﺭﻱ .. ﻭﻭﺧﺮ ﻣﻦ ﻉ ﺍﻟﻼﺏ ..
ﺣﻨﺎﻥ ﻗﻌﺪﺕ ﺗﺸﺒﺤﻠﻪ ﻛﻴﻒ ﺑﻌﺪ ﻭﻋﻄﺎﻫﺎ ﺑﺎﻟﻈﻬﺮ ﻭﺍﻳﺪﻳﻪ ﻓﺠﻴﻮﺑﻪ ..
ﺭﺿﺎ : ﻣﻬﺎ ﺣﺒﻲ ﺧﻼﺹ ..
ﺣﻨﺎﻥ : ﺣﺒﻴﺒﺘﻲ ﻣﻬﺎ ...
ﺭﺿﺎ ﺣﻀﻨﻬﺎ : ﺧﻼﺹ ﺣﻨﺎﻥ ﺑﻨﺼﻜﺮ ﺗﻮﺍ ..
ﺣﻨﺎﻥ : ﺑﺎﻫﻲ .. ﺻﻜﺮﺕ ﻭﻣﺸﺖ ﻟﻤﻌﺎﻭﻳﻪ ..
ﺣﻨﺎﻥ : ﻣﻌﺎﻭﻳﻪ ..
ﻣﻌﺎﻭﻳﻪ ﻟﻒ ﻭﺟﻬﻪ ﻋﻨﻬﺎ ﻭﻗﻌﺪ ﻳﻤﺴﺢ ﻓﺪﻣﻮﻋﻪ .. ﻫﻲ ﺟﺖ ﻗﺪﺍﻣﻪ ﻭﺷﺪﺕ ﻭﺟﻬﻪ ﺑﺈﻳﺪﻳﻬﺎ : ﺣﺒﻴﺒﻲ ...
ﻣﻌﺎﻭﻳﻪ ﻗﻌﺪ ﻳﺸﺒﺤﻠﻬﺎ : ﺍﻟﺨﺒﺮ ﻣﻦ ﻓﺮﺣﺘﻲ ﺑﻴﻪ ﺩﻣﻌﺘﻲ ﻏﻠﺒﺘﻨﻲ ...
ﺣﻨﺎﻥ ﺣﻀﻨﺎﺗﻪ ﻭﻗﻌﺪﺕ ﺗﻤﺸﻲ ﻉ ﻇﻬﺮﻩ ﻭﻫﻮ ﺣﺎﺿﻨﻬﺎ ﺑﻘﻮﺓ ...
ﺑﻌﺪﻳﻦ ﺑﻌﺪﺕ : ﻧﺴﻴﺖ ﺣﻨﻲ ﻭﻳﻦ ..
ﻣﻌﺎﻭﻳﻪ : ﻏﻴﺮ ﺷﻦ ﺫﻛﺮﻙ ...
ﺣﻨﺎﻥ ﺑﻀﺤﻜﻪ : ﺣﻮﻝ ...
ﻣﻌﺎﻭﻳﻪ : ؛ﺗﺲ ..
ﺣﻨﺎﻥ : ﻣﻌﺎﺍﺍﻭﻳﻪ ..
ﻣﻌﺎﻭﻳﻪ ﻗﺮﺏ ﻣﻨﻬﺎ ..
ﺣﻨﺎﻥ ﺑﺼﻮﺕ ﻳﺪﻭﺏ ﻃﺎﻟﻊ : ﺣﻨﻲ ... ﻣﺶ .... ﻭﺑﺎﺳﻬﺎ ﻭﻫﻲ ﻣﺶ ﻗﺎﺩﺭﺓ ﺗﻘﺎﻭﻣﻪ ... ﻧﺴﻮﺍ ﺍﻟﻤﻜﺎﻥ ﺍﻟﻠﻲ ﻫﻤﺎ ﻓﻴﻪ ... ﻟﻴﻦ ﺫﻛﺮﺗﻬﻢ ﺍﻟﻠﻲ ﻓﺘﺤﺖ ﺍﻟﺒﺎﺏ ﻉ ﻏﻔﻠﻪ ﻭﺷﺎﻓﺘﻬﻢ ...
ﺑﻌﺪﻭﺍ ﺑﺴﺮﻋﻪ ﺣﻨﺎﻥ ﻋﻄﺖ ﺑﺎﻟﻈﻬﺮ ﻭﻫﻲ ﺑﺘﻤﻮﺕ ﻣﻦ ﺍﻹﺣﺮﺍﺝ ...
ﻭﻫﻮ ﻋﺼﺐ ﻉ ﺍﻵﺧﺮ ..
ﻣﻌﺎﻭﻳﻪ ﺑﻌﺼﺒﻴﻪ ﻭﺻﻮﺕ ﻋﺎﻟﻲ : ﺧﺎﺷﻪ ﺯﺭﻳﺒﻪ؟ !!!
ﺍﻗﺒﺎﻝ ﺑﺼﺪﻣﻪ ﻭﺧﻮﻑ : ﻣﺶ ﻗﺼﺪﻱ ...
ﻣﻌﺎﻭﻳﻪ : ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ .. ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ .. ﺗﺘﻜﺮﺭ ﻣﺮﺓ ﺗﺎﻧﻴﻪ ﻭﺟﻬﻚ ﻫﻨﻲ ﻣﻌﺎﺵ ﻧﺒﻲ ﻧﺸﻮﻓﻪ .
ﺇﻗﺒﺎﻝ : ﺍﺳﻔﻪ .... ﻣﺸﺖ ﻭﺻﻜﺮﺕ ﺍﻟﺒﺎﺏ ..
ﺣﻨﺎﻥ : ﻋﻼﺵ ﻛﻠﻤﺘﻬﺎ ﻫﻜﻲ .. ﺣﺘﻰ ﺣﻨﻲ ﻏﻠﻄﻨﺎ ﻫﺬﺍ ﻣﻜﺎﻥ ﻋﻤﻞ .. ﻭﺑﻌﺪﻳﻦ ﻫﻲ ﻣﺘﻌﻮﺩﻩ ﺗﺨﺶ ﻋﻠﻴﻚ ﻫﻜﻲ ..
ﻣﻌﺎﻭﻳﻪ : ﻻﻣﺶ ﻣﺘﻌﻮﺩﻩ .. ﻣﺎﺣﺪ ﻳﺨﺶ ﻋﻠﻴﺎ ﻗﺒﻞ ﻳﻄﻖ ﺍﻟﺒﺎﺏ ﻭﻻﺍﻱ ﺣﺪ ﺣﺘﻰ ﺃﻳﻤﻦ ﺍﻟﻠﻲ ﺑﻴﻨﻲ ﻭﺑﻴﻨﻪ ﺣﻴﻂ ﻭﺍﺣﺪ ..
ﺣﻨﺎﻥ : ﺑﺎﻫﻲ ﺧﻼﺹ ﺍﻫﺪﻯ ...
ﻣﻌﺎﻭﻳﻪ ﺯﻓﺮ ﺑﻘﻮﺓ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ...
ﻓﺎﺕ ﺑﺎﻟﺰﺑﻂ ﺷﻬﺮ ﻛﺎﻣﻞ ..
ﻋﺎﻳﺸﻴﻦ ﻓﻴﻪ ﺍﻟﻜﻞ ﺣﻴﺎﺓ ﻣﺴﺘﻘﺮﺓ ... ﻭﺣﻨﺎﻥ ﻭﻣﻌﺎﻭﻳﻪ ﻋﺎﻳﺸﻴﻦ ﺍﺣﻠﻰ ﻗﺼﺔ ﺣﺐ ... ﻭﻛﻞ ﻣﺎﻟﻪ ﺣﺒﻬﻢ ﻟﺒﻌﺾ ﻳﺰﻳﺪ ﺍﻛﺜﺮ ﻭﺃﻛﺜﺮ ...
ﻓﻲ ﻟﻴﻠﻪ ...
ﻣﻘﻌﻤﺰﺓ ﻉ ﺍﻟﻜﻨﺒﻪ ﻭﻫﻮ ﻣﺘﻮﺳﺪ ﺭﺟﻠﻬﺎ ﻭﻳﺸﺒﺤﻠﻬﺎ ﻭﻳﻬﺪﺭﺯﻭﺍ ..
ﻣﻌﺎﻭﻳﻪ : ﺧﺪﻳﺘﻲ ﺣﺎﺟﺎﺗﻚ ﻛﻠﻬﻢ ﻣﻦ ﺍﻟﺤﻮﺵ ...
ﺣﻨﺎﻥ : ﺍﻳﻪ .. ﺑﺲ ﺍﻟﻴﻮﻡ ﺟﺘﻨﻲ ﻧﺠﻼ ﻟﻠﺤﻮﺵ ..
ﻣﻌﺎﻭﻳﻪ : ﻣﻦ ﻧﺠﻼ ؟ !
ﺣﻨﺎﻥ : ﺍﻟﻤﻬﻨﺪﺳﻪ ﺍﺍﻟﻠﻲ ﺗﺨﺪﻡ ﻣﻊ ﺍﻗﺒﺎﻝ ﻭﻫﻲ ﺯﻣﻴﻠﺘﻲ ﻓﻲ ﺍﻟﺨﺪﻣﻪ ...
ﻣﻌﺎﻭﻳﻪ : ﺧﻴﺮﻫﺎ ..
ﺣﻨﺎﻥ ﺗﻨﻬﺪﺕ : ﺟﺎﻳﻪ ﺗﺴﺘﺴﻤﺢ ﻣﻨﻲ ..
ﻣﻌﺎﻭﻳﻪ ﺑﺈﺳﺘﻐﺮﺍﺏ : ﻉ ﺷﻨﻮ ...
ﺣﻨﺎﻥ : ﻗﺎﻟﺘﻠﻲ ﺍﻥ ﻫﻲ ﺍﻟﻠﻲ ﻃﻠﻌﺖ ﻋﻠﻴﺎ ﺍﻟﺪﻭﺓ ﻓﻲ ﺍﻟﺸﺮﻛﻪ ..
ﻣﻌﺎﻭﻳﻪ : ﻋﻼﺵ ﺍﺩﻳﺮ ﻫﻜﻲ ﺷﻦ ﺑﻴﻨﻚ ﻭﺑﻴﻨﻬﺎ ..
ﺣﻨﺎﻥ : ﻫﻲ ﻣﻦ ﻗﺒﻞ ﻭﺍﺧﺪﻩ ﻣﻨﻲ ﻣﻮﻗﻒ ﻭﻓﺒﺎﻟﻬﺎ ﺍﻧﻲ ﺧﺪﻳﺖ ﻣﻨﻬﺎ ﻣﻜﺎﻧﻬﺎ ﻟﻤﺎ ﺟﻴﺖ ﻟﻠﻤﻜﺘﺐ ..
ﻣﻌﺎﻭﻳﻪ : ﺣﺴﺪ ﻳﻌﻨﻲ ..
ﺣﻨﺎﻥ : ﺍﻣﻢ .. ﻭﻗﺎﻟﺖ .. ﺳﻜﺖﺕ ..
ﻣﻌﺎﻭﻳﻪ : ﺷﻦ ﻗﺎﻟﺖ ..
ﺣﻨﺎﻥ : ﻗﺎﻟﺖ ﺍﻥ ﻫﻲ ﺍﻟﻞ ... ﻃﻖ ﺑﺎﺏ ﺍﻟﺪﺍﺭ ﺑﻘﻮﺓ ...
ﻣﻌﺎﻭﻳﻪ : ﺷﻦ ﻫﺬﺍ ... ﻧﺎﺽ ﻭﺗﻮﺟﻪ ﻟﻠﺒﺎﺏ ﻭﻓﺘﺤﻪ .. ﻟﻘﻲ ﺍﻟﺨﺪﺍﻣﻪ ..
ﺍﻟﺨﺪﺍﻣﻪ؛ ﻳﺎﺳﻴﺪﻱ ﺍﻟﺒﻮﻟﻴﺲ ﻟﻮﻃﺎ ..
ﻣﻌﺎﻭﻳﻪ ﺑﺼﺪﻣﻪ : ﺷﻦ ﻫﻮ؟؟ !!!
ﻧﺰﻝ ﻣﻌﺎﻭﻳﻪ ﻭﺣﻨﺎﻥ ﻣﻌﺎﻩ ...
ﻣﻌﺎﻭﻳﻪ : ﻛﻴﻒ ﺗﺠﻮﺍ ﻭﺗﺨﺸﻮﺍ ﻫﻨﻲ ﻫﻜﻲ ..
ﺍﻟﻀﺎﺑﻂ : ﺣﻨﻲ ﺧﺸﻴﻨﺎ ﺑﻜﻞ ﺍﺣﺘﺮﺍﻡ ﻳﺎﺳﻴﺪ ﻣﻌﺎﻭﻳﻪ ..
ﻣﻌﺎﻭﻳﻪ : ﺷﻦ ﺗﺒﻮﺍ ..
ﺍﻟﻀﺎﺑﻂ : ﺍﻟﻤﺪﺍﻡ ..
ﺣﻨﺎﻥ ﺍﻧﺼﺪﻣﺖ ...
ﻣﻌﺎﻭﻳﻪ ﺣﻂ ﺣﻨﺎﻥ ﻭﺭﺍﻩ : ﺷﻦ ﺗﺨﺮﻑ ﺍﻧﺖ؟؟ !!!
ﺍﻟﻀﺎﺑﻂ : ﺿﺮﻭﺭﻱ ﺗﺠﻲ ﻣﻌﺎﻧﺎ ﻳﺎﺳﻴﺪ ﻭﻻﺣﻨﻀﻄﺮﻭﺍ ﻧﺎﺧﺪﻭﻫﺎ ﻗﺼﺮﺍ ..
ﻣﻌﺎﻭﻳﻪ : ﺗﺎﺧﺪ ﻣﻨﻲ ﻗﺼﺮﺍ ... ﺍﻟﺰﻡ ﺣﺪﻙ ..
ﺍﻟﻀﺎﺑﻂ : ﺳﻴﺪ ﻣﻌﺎﻭﻳﻪ ﻟﻮﺳﻤﺤﺖ ..
ﺣﻨﺎﻥ ﺑﺼﺪﻣﻪ : ﻋﻼﺵ ...
ﺍﻟﻀﺎﺑﻂ : ﻟﻤﺎ ﺗﺠﻲ ﻣﻌﺎﻧﺎ ﺣﺘﻌﺮﻓﻲ ...
🍃🍃
ﺳﻤﺤﻮﻟﻬﺎ ﺗﻐﻴﺮ ﻭﺭﻓﻌﻮﻫﺎ ... ﻭﻣﻌﺎﻭﻳﻪ ﻭﺭﺍﻫﻢ ﺑﺎﻟﺴﻴﺎﺭﻩ ﻭﻫﻮ ﺑﻴﻨﺠﻦ ﻣﺶ ﻓﺎﻫﻢ ﺷﻲ ... ﻣﺶ ﻣﺴﺘﻮﻋﺐ ﺍﻟﻠﻲ ﺻﺎﺭ ...
ﻓﻲ ﺍﻟﺘﺤﻘﻴﻖ ..
ﺍﻟﻤﺤﻘﻖ : ﺍﻟﺴﺎﻋﻪ 7:30 ﻭﻳﻦ ﻛﻨﺘﻲ ..
ﺣﻨﺎﻥ : ﻛﻨﺖ ﻓﻲ ﺍﻟﻄﺮﻳﻖ ﻣﺮﻭﺣﻪ ﻣﻦ ﺣﻮﺷﻲ ﺍﻷﻭﻝ ﻟﻠﻘﺼﺮ ..
ﺍﻟﻤﺤﻘﻖ : ﻣﻌﻨﺎﻫﺎ ﻗﺒﻠﻬﺎ ﻛﻨﺘﻲ ﻓﺤﻮﺷﻚ ﺍﻷﻭﻝ ..
ﺣﻨﺎﻥ : ﺍﻳﻪ ...
ﺍﻟﻤﺤﻘﻖ : ﺟﺎﺗﻚ ﻧﺠﻼ ﺍﻟﺼﺎﻓﻲ ﻓﻲ ﺣﻮﺷﻚ ﺍﻣﺲ ..
ﺣﻨﺎﻥ : ﺍﻳﻪ ...
ﺍﻟﻤﺤﻘﻖ : ﻓﻲ ﻧﺎﺱ ﺷﺎﻓﻮﻙ ﻟﻤﺎ ﺟﻴﺘﻲ ﻟﺤﻮﺷﻚ .. ﻭﺷﺎﻓﻮ ﻧﺠﻼ ﻟﻤﺎ ﺟﺎﺗﻚ .. ﻧﻔﺴﻬﻢ ﺷﺎﻓﻮﻫﺎ ﻃﻠﻌﺖ ﻭﺑﻌﺪ 10 ﺩﻗﺎﻳﻖ ﻭﻟﺖ ﻭﻣﻌﺎﺵ ﻃﻠﻌﺖ ...
ﺣﻨﺎﻥ : ﻛﻴﻒ ؟؟؟ !!! ﻭﻟﺖ !!! ؟؟
ﺍﻟﻤﺤﻘﻖ : ﺍﻳﻪ ﻭﻟﺖ ... ﻭﺍﻧﺘﻲ ﺍﻟﺴﺎﻋﻪ 7:30 ﻗﻠﺘﻲ ﺍﻧﻚ ﻓﻲ ﺍﻟﻄﺮﻳﻖ ﻭﻫﻲ ﻓﻨﻔﺲ ﺍﻟﻮﻗﺖ ﻛﺎﻧﺖ ﻓﺤﻮﺷﻚ ...
ﺣﻨﺎﻥ ﻣﺼﺪﻭﻣﻪ : ﺑﺎﻫﻲ .. ﻫﻮ ﺷﻦ ﺍﻟﻠﻲ ﺻﺎﺭ ﺑﺎﻟﺰﺑﻂ ..
ﺍﻟﻤﺤﻘﻖ : ﻳﻌﻨﻲ ﺍﻧﺘﻲ ﻣﺎﺗﻌﺮﻓﻴﺶ ﺍﻥ ﻧﺠﻼ ﺍﻟﺼﺎﻓﻲ ﻟﻘﻮﻫﺎ ﻣﺤﺮﻭﻗﻪ ﻓﺤﻮﺷﻚ ﺍﻷﻭﻝ ﺍﻟﻠﻲ ﺣﺘﻰ ﻫﻮ ﺍﻧﺤﺮﻕ ﺑﺎﻟﻜﺎﻣﻞ ...
ﺣﻨﺎﻥ ﺍﻧﺼﻌﻘﺖ ﻭﺷﻬﻘﺖ ﺑﺼﻮﺕ ﻋﺎﻟﻲ ...
ﺍﻟﻤﺤﻘﻖ ﻫﺰ ﺭﺍﺳﻪ ﺑﺈﻳﺠﺎﺏ : ﺍﻧﺘﻲ ﻣﺘﻬﻤﻪ ﺑﺠﺮﻳﻤﻪ
ﻗﺘﻞ ﻧﺠﻼ ﺍﻟﺼﺎﻓﻲ ..
.... ﻳﺘﺒﻊ ....