ﻴﻦ ﺍﻳﺪﻳﻜﻢ ﺍﻟﻘﺴﻢ ﺍﻷﺧﻴﺮ ﻣﻦ ﺃﺧﺮ ﺟﺰﺀ ﻟﺮﻭﺍﻳﺔ ..
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
ﺍﻟﻨﻬﺎﻳﻪ
ﻓﻲ ﻧﻬﺎﻳﺔ ﺍﻟﺘﺤﻘﻴﻘﺎﺕ ﻣﻊ ﺣﻨﺎﻥ .. ﺍﻣﺮﺕ ﺍﻟﻨﻴﺎﺑﻪ ﺑﺤﺠﺰﻫﺎ 15 ﻳﻮﻡ ﻷﻥ ﻛﻞ ﺷﻲ ﺿﺪﻫﺎ ﻣﻊ ﺍﻷﺳﻒ ... ﺟﺎﺭﻫﻢ ﺷﻬﺪ ﺑﻮﺟﻮﺩﻫﺎ ﻓﻲ ﺍﻟﺤﻮﺵ 7:30 ﻭﻗﺎﻝ ﺍﻥ ﻛﺎﻥ ﻣﻮﺟﻮﺩ ﻗﺪﺍﻡ ﺍﻟﺤﻮﺵ ﻃﻮﻝ ﺍﻟﻮﻗﺖ ﻭﻣﺎﺭﺍﻫﺎﺵ ﻭﻫﻲ ﻃﺎﻟﻌﻪ ﺧﻼﻝ ﻫﺪﻳﻜﺎ ﺍﻟﺴﺎﻋﻪ ﻣﻦ ﺍﻟﺰﻣﺎﻥ ...
ﻣﻌﺎﻭﻳﻪ ﺯﻱ ﻣﻦ ﺭﻓﻌﻪ ﻭﻭﺻﻠﻪ ﻟﺴﺎﺑﻊ ﺳﻤﻲ ﺑﻌﺪﻳﻦ ﻃﻠﻘﻪ ﻳﻬﻮﻱ ﻟﻸﺭﺽ .. ﻣﺎﺑﺎﺵ ﻳﺮﻭﺡ ﻟﻠﺤﻮﺵ ﺑﻜﻞ ﻭﻣﺼﺪﻭﻡ ﺻﺪﻣﻪ ﻗﻮﻳﻪ ...
ﻫﻮ ﺃﻛﻴﺪ ﻣﺶ ﻣﺼﺪﻕ ﺍﻷﺗﻬﺎﻡ ﻭﻭﺍﺛﻖ ﻣﻦ ﺑﺮﺍﺋﺘﻬﺎ ﺑﺲ ﺷﻦ ﺍﻟﻠﻲ ﻳﺜﺒﺖ ﻫﺎﻟﺒﺮﺍﺀﺓ ﻭﺍﻟﺒﺼﻤﺎﺕ ﺍﻟﻠﻲ ﺍﻧﺮﻓﻌﺖ ﻛﺎﻧﺖ ﺑﺼﻤﺎﺕ ﺣﻨﺎﻥ ﺑﺲ ﻓﻲ ﺍﻟﺤﻮﺵ ... ﻭﺍﻟﺨﺒﺮﺍﺀ ﺍﺛﺒﺘﻮﺍ ﺍﻥ ﻧﺠﻼ ﻣﺎﺗﺖ ﺑﺪﺧﺎﻥ ﻣﺘﺎﻉ ﺍﻟﺤﺮﻳﻖ ... ﻭﺳﺒﺐ ﺍﻟﺤﺮﻳﻖ ﺍﻧﺒﻮﺑﺔ ﺍﻟﻐﺎﺯ ...
ﻣﺮﻭﺍ 15 ﻳﻮﻡ ...
ﻣﺎﺑﺎﺵ ﻳﺨﺶ ﻟﻠﻘﺼﺮ ﻣﻦ ﺑﻌﺪ ﺍﻟﻠﻲ ﺻﺎﺭ ﻗﻌﺪ ﻓﻲ ﺣﻮﺍﺯﺓ ﺻﺎﺣﺒﻪ ﻛﺮﻳﻢ ﺍﻟﻠﻲ ﻛﺎﻥ ﻣﺴﺎﻓﺮ .. ﻣﻌﺎﻭﻳﻪ ﺍﻟﺼﺪﻣﻪ ﺍﻟﻠﻲ ﺻﺎﺭﺗﻠﻪ ﺧﻼﺗﻪ ﺿﻌﻴﻒ ﻫﻠﺒﻪ ﻣﺎﻟﻘﺎﺵ ﻣﻜﺎﻥ ﻳﻠﺠﺄﻟﻪ ﺇﻻ ﻣﻜﺎﻥ ﻭﺍﺣﺪ ...
ﻣﺸﻲ ﻟﻠﺠﺎﻣﻊ ﺍﻟﻠﻲ ﺇﻣﺎﻣﻪ ﻛﺎﻥ ﻳﻮﻧﺲ ﻣﻦ ﺭﻣﻀﺎﻥ ﻣﺎﻣﺸﺎﻻﺵ ..
ﺧﺶ ﻭﻫﻮ ﻣﻜﺴﻮﺭ ﻭﻣﺘﺤﻄﻢ .. ﺣﺘﻰ ﻣﺤﺎﻣﻴﻪ ﻣﺎﻗﺪﺭﺵ ﻳﺪﻳﺮ ﺷﻲ ﻭﻗﺎﻟﻪ ﺍﻥ ﻛﻞ ﺷﻲ ﺿﺪﻫﺎ ﻭﻣﺎﻓﻴﺶ ﻏﻴﺮ ﺍﻧﻪ ﻳﻨﻘﺾ ﺣﻜﻢ ﺍﻹﻋﺪﺍﻡ ﻟﻮ ﺻﺪﺭ ﻹﻧﻪ ﻣﺎﻓﻴﺶ ﺩﻟﻴﻞ ﺛﺎﺑﺖ ﻋﻠﻴﻬﺎ ..
ﻗﻌﻤﺰ ﻭﺩﻣﻮﻋﻪ ﻳﻨﺰﻟﻮﺍ ﺷﺎﻓﻪ ﻳﻮﻧﺲ ﺍﺗﻔﺎﺟﺄ ﻭﺟﺎﻩ ﺑﺴﺮﻋﻪ ..
ﻳﻮﻧﺲ : ﺧﻴﺮﻙ ﻳﺎﻭﻟﺪﻱ ..
ﻣﻌﺎﻭﻳﻪ : ﻣﻜﺴﻮﺭ ﻳﺎﺷﻴﺦ ..
ﻳﻮﻧﺲ ﻗﻌﻤﺰ : ﺍﻟﻠﻪ ﻳﺒﻌﺪ ﻋﻨﻚ ﺍﻟﻜﺴﺮ ...
ﻣﻌﺎﻭﻳﻪ ﺷﺒﺤﻠﻪ ﻭﺑﻨﺒﺮﺓ ﺃﻟﻢ : ﻧﺒﻲ ﻧﻌﺮﻑ .. ﻫﻮ ﺭﺑﻲ ﻣﺶ ﻏﻔﻮﺭ؟ !!
ﻳﻮﻧﺲ : ﺳﺒﺤﺎﻧﻪ ﺍﻳﻪ ﻏﻔﻮﺭ ﻏﻔﺎﺭ ﺗﻮﺍﺏ ﺭﺣﻴﻢ ..
ﻣﻌﺎﻭﻳﻪ : ﺑﺎﻫﻲ ﺍﻹﻧﺴﺎﻥ ﺍﻟﻠﻲ ﺣﻴﺎﺗﻪ ﺗﻜﻮﻥ ﻣﻠﻴﺎﻧﻪ ﺫﻧﻮﺏ ﻭﺑﻌﻴﺪ ﻋﻦ ﺭﺑﻲ ﻭﺑﻌﺪﻳﻦ ﻳﺮﺟﻌﻠﻪ ﻭﻳﺴﺘﻐﻔﺮ ﻭﻳﺘﻮﺏ .. ﺭﺑﻲ ﻳﻐﻔﺮﻟﻪ ﻭﻻ ﻳﻌﺎﻗﺒﻪ ﻉ ﺃﻓﻌﺎﻟﻪ ﻗﺒﻞ؟
ﻳﻮﻧﺲ : ﺭﺑﻚ ﻏﻔﻮﺭ ﻭﻟﻮ ﺑﻠﻐﺖ ﺫﻧﻮﺑﻚ ﻋﻨﺎﻥ ﺍﻟﺴﻤﺎﺀ ﻭﺟﻴﺘﻪ ﻭﺍﺳﺘﻐﻔﺮﺕ ﻭﺗﺒﺖ ﺑﻘﻠﺐ ﺻﺎﻓﻲ ﺣﻴﻐﻔﺮﻟﻚ ﻭﻳﺘﻮﺏ ﻋﻠﻴﻚ .. ﻭﻳﻤﺤﻲ ﺫﻧﻮﺑﻚ .. ﻻﻭﻳﺒﺪﻟﻪﺍ ﺣﺴﻨﺎﺕ ..
ﻣﻌﺎﻭﻳﻪ : ﺑﺎﻫﻲ ﻋﻼﺵ ﺻﺎﺭ ﻣﻌﺎﻱ ﺍﻟﻌﻜﺲ .. ﻋﻼﺵ ﻳﻌﺎﻗﺐ ﻓﻴﺎ ﺗﻮﺍ ﻋﻼﺵ ﺣﺮﻣﻨﻲ ﻣﻦ ﺍﻛﺜﺮ ﺣﺎﺟﻪ ﺣﺒﻴﺘﻬﺎ ﻭﺗﻤﻨﻴﺘﻬﺎ ﻓﺤﻴﺎﺗﻲ ﻋﻼﺵ ﻋﻄﻬﺎﻟﻲ ﺑﻌﺪﻳﻦ ﺧﺪﺍﻫﺎ ﻣﻨﻲ ... ﻣﻌﻨﺎﻫﺎ ﻫﻮ ﻣﺎﻏﻔﺮﻟﻴﺶ ﻫﻮ ﺗﻮﺍ ﻳﻌﺎﻗﺐ ﻓﻴﺎ ﻭﻳﻌﺬﺏ ﻓﻴﺎ ..
ﻳﻮﻧﺲ ﺍﺑﺘﺴﻢ : ﺑﺎﻟﻌﻜﺲ ﺗﻤﺎﻣﺎ .. ﻫﻮ ﺗﻮﺍ ﻳﺒﻲ ﻳﻘﺮﺑﻚ ﺍﻛﺜﺮ ﻭﺃﻛﺜﺮ ..
ﻭﻳﻐﻔﺮﻟﻚ ﻭﻳﺰﻳﺪﻙ ﺃﺟﺮ ..
ﻣﻌﺎﻭﻳﻪ ﻣﺴﺢ ﺩﻣﻮﻋﻪ : ﻛﻴﻒ؟ !!
ﻳﻮﻧﺲ : ﺍﻧﺖ ﺑﻌﺪ ﺍﻟﺘﻮﺑﻪ ﻭﺍﻟﺮﺟﻮﻉ ﻓﻲ ﻣﺮﺣﻠﻪ ﻣﻬﻤﻪ ﻻﺯﻡ ﺗﻤﺮ ﺑﻴﻬﺎ ﻫﻲ ﻣﺮﺣﻠﻪ ﺍﻹﺑﺘﻼﺀ .. ﺍﻹﻣﺖﺣﺎﻥ .. ﺍﻧﺖ ﺗﻮﺍ ﻓﻲ ﺍﻣﺘﺤﺎﻥ ﻣﻦ ﺭﺑﻚ .. ﻳﺒﻲ ﻳﺨﺘﺒﺮ ﺇﻳﻤﺎﻧﻚ ﻭﻗﻮﺓ ﺍﺳﺘﻌﺎﻧﺘﻚ ﺑﻴﻪ ﺍﻟﺤﺎﺟﻪ ﺍﻟﻠﻲ ﻗﻠﺖ ﺍﻧﺖ ﺧﺪﺍﻫﺎ ﻣﻨﻚ ﺣﻴﺮﺩﻫﺎﻟﻚ ﻟﻮ ﻧﺠﺤﺖ ﻓﻲ ﺍﻹﺧﺘﺒﺎﺭ ﻭﻣﻤﻜﻦ ﺣﺘﻰ ﻟﻮ ﻣﺎ ﻧﺠﺤﺘﺶ ﻳﺮﺩﻫﺎ ﻟﻜﻦ ﻭﺍﻧﺖ ﻭﻗﺘﻬﺎ ﺧﺴﺮﺕ ﺍﺟﺮ ﺻﺒﺮﻙ ﻉ ﻫﺎﻷﺧﺘﺒﺎﺭ ...
ﺳﺒﺤﺎﻧﻪ ﻗﺎﻝ ﻓﻲ ﺑﺪﺍﻳﺔ ﺳﻮﺭﺓ ﺍﻟﻌﻨﻜﺒﻮﺕ ..
} ﺍﺣﺴﺐ ﺍﻟﻨﺎﺱ ﺍﻥ ﻳﺘﺮﻛﻮﺍ ﺍﻥ ﻳﻘﻮﻟﻮﺍ ﺁﻣﻨﺎ ﻭﻫﻢ ﻻﻳﻔﺘﻨﻮﻥ ...{
ﺍﻟﺪﻧﻴﺎ ﺩﺍﺭ ﺍﺑﺘﻼﺀ ﻳﺎﻭﻟﺪﻱ ... ﻭﺍﻧﺖ ﻻﺯﻡ ﺗﺴﻠﻢ ﻓﻴﻬﺎ ﺃﻣﺮﻙ ﻟﻠﻪ ﻓﻴﺴﺮﻙ ﻭﻋﺴﺮﻙ ..
ﻣﻌﺎﻭﻳﻪ ﺍﺫﻛﺮ ﺍﻥ ﺳﻤﻊ ﻫﺎﻟﻜﻼﻡ ﻣﻨﻬﺎ
>> . ﺍﻟﺪﻧﻴﺎ ﺍﺳﺎﺳﺎ ﺩﺍﺭ ﺍﺑﺘﻼﺀ .. ﻳﻌﻨﻲ ﻣﺶ ﺣﻴﻜﻮﻥ ﻓﻴﻬﺎ ﺳﻌﺎﺩﻩ ﺩﺍﻳﻤﻪ .. ﺯﻱ ﻣﺎﻣﻔﻴﻬﺎﺵ ﺣﺰﻥ ﺩﺍﻳﻢ <<..
>> ﻣﺎﺗﺨﺎﻓﺶ .. ﺧﻠﻲ ﻗﻠﺒﻚ ﻗﻠﺐ ﻣﺆﻣﻦ ﺳﻠﻤﻬﺎ ﻟﺮﺑﻲ ﻓﻜﻞ ﻭﻗﺖ ﻭﺍﻧﺖ ﻓﺮﺣﺎﻥ ﻭﺍﻧﺖ ﻣﻀﺎﻳﻖ <<..
ﻣﻌﺎﻭﻳﻪ ﺍﺑﺘﺴﻢ ﺑﺄﻟﻢ ..
ﻳﻮﻧﺲ : ﻧﻮﺽ ﻳﺎﻭﻟﺪﻱ ﻧﻮﺽ ﺍﺳﺘﻌﻴﻦ ﺑﻴﻪ ﻭﻓﻮﺽ ﺍﻷﻣﺮ ﻟﻴﻪ ﺍﺑﻜﻲ ﻭﺍﺷﻜﻲ ﻭﻋﻨﺪﻩ ﺣﺘﻠﻘﻰ ﺍﻟﻔﺮﺝ ...
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻧﺎﺽ ﺗﻮﺟﻪ ﻟﻤﻜﺎﻥ ﺍﻟﻮﺿﻮﺀ ﺗﻮﺿﺎ ﻭﺭﺟﻊ ﺧﺶ ﺻﻠﻰ ﻭﺩﻋﻲ ﻭﺷﻜﻲ ﻭﻃﻠﻊ ﻛﻞ ﺍﻟﻠﻲ ﻓﻲ ﻗﻠﺒﻪ ﻭﻫﻮ ﻭﺍﺛﻖ ﻭﻣﺘﺄﻛﺪ ﺇﻥ ﺭﺑﻲ ﻣﺶ ﺣﻴﺮﺩﻩ ...
ﺣﺎﺷﺎﻩ ﻳﺮﺩ ﺣﺪ ﻭﻗﻒ ﻉ ﺑﺎﺑﻪ ﻭﻗﺼﺪﻩ ...
***
ﺧﻼﺹ ﻳﺎﻧﻴﺮﻭﺯ ﺑﺘﻘﺘﻠﻲ ﺭﻭﺣﻚ ﺑﺎﻟﺒﻜﻲ ..
ﻧﻴﺮﻭﺯ : ﻣﺶ ﻗﺎﺩﺭﻩ ﻳﺎﺯﻫﻴﺮ .. ﺭﻩ ﻫﺎﺩﻱ ﺍﺧﺘﻲ ﺻﺎﺣﺒﺔ ﻋﻤﺮﻱ .. ﺍﺍﺍﻩ ﻳﺎﺭﺏ ﻋﻼﺵ ﻳﺼﻴﺮ ﻓﻴﻬﺎ ﻫﻜﻲ .. ﻫﻴﺎ ﻧﻴﺘﻬﺎ ﺩﻳﻤﺎ ﺻﺎﻓﻴﻪ ﻭﻗﻠﺒﻬﺎ ﺍﺑﻴﺾ ﻭﻋﻤﺮﻫﺎ ﻣﺎﺁﺫﺕ ﺣﺪ ..
ﺯﻫﻴﺮ : ﻭﺍﻧﻲ ﻧﺸﻬﺪﻟﻬﺎ ﻭﻋﺎﺭﻓﻬﺎ .. ﺑﺲ ﻫﺬﺍ ﻗﻀﺎﺀ ﻭﻗﺪﺭ .. ﻭﺍﻟﻠﻪ ﺍﻋﻠﻢ ﺍﻟﺨﻴﺮﻩ ﻭﻳﻦ ... ﺍﺩﻋﻴﻠﻬﺎ ﻳﺎﻧﻴﺮﻭﺯ ﺍﺩﻋﻠﻴﻬﺎ ..
***
ﺗﺎﻧﻲ ﻳﻮﻡ ﺍﻟﺼﺒﺢ ..
ﺗﻮﺟﻪ ﻟﺴﺠﻦ ﺍﻟﻨﺴﺎﺀ ﺑﺶ ﻳﺸﻮﻓﻬﺎ ﺑﺮﻏﻢ ﺍﻥ ﺍﻟﺰﻳﺎﺭﺓ ﻣﻤﻨﻮﻋﻪ ﻫﺬﺍﻛﺎ ﺍﻟﻴﻮﻡ ﺑﺲ ﻫﻮ ﻋﺮﻑ ﻛﻴﻒ ﻳﺪﺑﺮﻫﺎ ..
ﻓﻲ ﺍﻟﺴﺠﻦ ..
ﻣﻘﻌﻤﺰﺓ ﺗﻘﺮﺍ ﻓﻲ ﺍﻟﻘﺮﺁﻥ ﻭﺍﻟﻤﺤﺒﻮﺳﺎﺕ ﺍﻟﻠﻲ ﻣﻌﺎﻫﺎ ﻛﻞ ﻭﺣﺪﻩ ﻻﻫﻴﻪ ﺑﺤﺎﺟﻪ ..
: ﻣﺶ ﻭﺟﻪ ﺍﺟﺮﺍﻡ ﺑﻜﻞ
: ﻭﺍﺿﺢ ﻋﻠﻴﻬﺎ ﻣﺮﺍﺓ ﻧﻈﻴﻔﻪ ..
: ﻣﺎﺗﻨﺪﺭﻭﺵ ﻣﺮﺍﺕ ﻓﻲ ﺳﺒﺐ ﻗﻮﻱ ﺧﻼﻫﺎ ﺗﻘﺘﻞ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺍﻟﺴﺠﺎﻧﻪ ..
ﺍﻟﺴﺠﺎﻧﻪ : ﺣﻨﺎﻥ ﺳﺎﺳﻲ .. ﺯﻳﺎﺭﺓ ..
ﺣﻨﺎﻥ ﺻﻜﺮﺕ ﺍﻟﻤﺼﺤﻒ ﻭﻧﺎﺿﺖ ﻃﻠﻌﺖ ﻣﻊ ﺍﻟﺴﺠﺎﻧﻪ ﺭﻓﻌﺘﻬﺎ ﻟﻤﻜﺎﻥ ﺍﻟﺰﻳﺎﺭﺓ ..
ﺧﺸﺖ ﻭﻟﻤﺎ ﺷﺎﻓﺘﻪ ﺭﺳﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ﻭﺍﻇﺎﻫﺮﺕ ﺑﺎﻟﻘﻮﺓ .. ﻭﻫﻮ ﻟﻤﺎ ﺷﺎﻓﻬﺎ ﻗﻠﺒﻪ ﺗﻘﻮﻝ ﻣﻦ ﻳﻤﺰﻕ ﻓﻴﻪ ﺗﻤﺰﻳﻖ .
ﻃﻠﻌﺖ ﺍﻟﺴﺠﺎﻧﻪ ﻭﺣﻨﺎﻥ ﻣﺸﺖ ﻗﻌﻤﺰﺕ ﻗﺒﺎﻟﺘﻪ ﻭﻫﻮ ﻗﻌﻤﺰ ﻭﻳﺸﻮﻓﻠﻬﺎ ﻭﻗﺮﻳﺐ ﻳﻤﻮﺕ ﻋﻠﻴﻬﺎ ..
ﻣﻌﺎﻭﻳﻪ ﺑﺼﻮﺕ ﻣﺨﻨﻮﻕ : ﻛﻴﻒ .. ﺣﺎﻟﻚ ..
ﺣﻨﺎﻥ ﺑﺈﺑﺘﺴﺎﻣﻪ : ﺧﻴﺮﻙ ﺗﺘﻜﻠﻢ ﻫﻜﻲ .. ﺻﻮﺗﻚ ﺍﻟﻠﻲ ﻧﺤﺐ ﻧﺴﻤﻌﻪ ﺣﺎﺩ ﻭﻗﻮﻱ ..
ﻣﻌﺎﻭﻳﻪ : ﺑﻨﻤﻮﺕ ﻣﻦ ﻏﻴﺮﻙ ..
ﺣﻨﺎﻥ : ﻣﻌﺎﺍﺍﻭﻳﻪ .. ﺣﺒﻴﺒﻲ ﺧﻴﺮﻙ .. ﻣﻌﻘﻮﻟﻪ ﻫﻜﻲ .. ﻭﺍﻟﻠﻪ ﻣﺎ ﺧﻤﻤﺖ ﻓﻴﻚ ﻗﻠﺖ ﻗﻮﻱ ﻭﻳﺘﺤﻤﻞ ﺧﻤﻤﺖ ﻓﻲ ﻛﻞ ﺍﻟﻨﺎﺱ ﺃﻻ ﺃﻧﺖ ... ﻣﻌﻘﻮﻟﻪ ﺗﺨﻴﺐ ﻇﻨﻲ ..
ﻣﻌﺎﻭﻳﻪ : ﺍﻧﻲ ﻋﺎﻳﺶ ﺑﻴﻚ ﺍﻧﺘﻲ ﺍﻧﺘﻲ ﺭﻭﺣﻲ ﻣﺎﻧﻘﺪﺭ ﻉ ﺷﻲ ﻣﻦ ﻏﻴﺮﻙ ..
ﺣﻨﺎﻥ ﺑﺤﺰﻡ : ﻫﺬﺍ ﻭﺍﻧﻲ ﻋﺎﺑﻴﻪ ﻋﻠﻴﻚ ﻭﻗﻠﺖ ﻟﻤﺎ ﺑﻨﺸﻮﻓﻪ ﺣﻨﻘﻮﻯ ﺍﻛﺜﺮ .. ﻭﻫﻮ ﻣﻦ ﺑﻌﺪ ﺭﺑﻲ ﺣﻴﻬﻮﻥ ﻋﻠﻴﺎ ﻣﺼﺎﺑﻲ ﻫﺬﺍ !!! ﺻﺪﻣﺘﻨﻲ ﻓﻴﻚ ..
ﻣﻌﺎﻭﻳﻪ ﺣﻂ ﺭﺍﺳﻪ ﺑﻴﻦ ﺍﻳﺪﻳﻪ ..
ﺣﻨﺎﻥ ﺍﺑﺘﺴﻤﺖ ﺑﺄﻟﻢ : ﺣﺒﻴﺒﻲ ﺍﺷﺒﺤﻠﻲ .. ﻗﺎﻡ ﺭﺍﺳﻪ ﻭﻗﻌﺪ ﻳﺸﻮﻓﻠﻬﺎ .. ﺑﺈﺫﻥ ﺍﻟﻠﻪ ﺣﻨﻄﻠﻊ ﻭﻧﺮﺟﻊ ﻟﺤﻀﻨﻚ ﻣﺮﺓ ﺗﺎﻧﻴﻪ ﻭﺟﻨﺒﻚ ﻭﻣﻌﺎﻙ .. ﺑﺲ ﻫﻲ ﺷﺪﺓ ﺍﺧﺘﺒﺎﺭ ﻟﻴﻨﺎ ﻭﻻﺯﻡ ﻧﻌﺪﻭﻩ .. ﻻﺯﻡ ﻧﻜﻮﻧﻮﺍ ﻗﺪﻩ ﺑﺶ ﺭﺑﻚ ﻳﻜﺮﻣﻨﺎ ﻓﻲ ﺍﺧﺮ ﺻﺒﺮﻧﺎ ﻛﻞ ﺧﻴﺮ ..
ﻣﻌﺎﻭﻳﻪ ﺍﺑﺘﺴﻢ ﺑﺄﻟﻢ ..
ﺣﻨﺎﻥ ﺑﻀﺤﻜﺔ : ﻳﺎﺭﺍﺟﻞ ﺍﻧﺖ .. ﻧﺤﺒﻚ ﺭﺍﺍﺍﻫﻮ .. ﻧﺤﺐ ﻋﺼﺒﻴﺘﻚ ﻭﻗﻮﺗﻚ ﺣﺘﻰ ﺗﻜﺒﺮﻙ ﻧﺤﺒﻪ ﻧﺤﺐ ﺛﻘﺘﻚ ﺑﻨﻔﺴﻚ ﻧﺤﺐ ﺣﺪﻩ ﺻﻮﺗﻚ ﻭﻧﺒﺮﺗﻚ ﺍﻟﻮﺍﺛﻘﻪ ﻭﺍﻧﺖ ﺗﺘﻜﻠﻢ .. ﻧﺤﺐ ﻣﻌﺎﻭﻳﻪ ﺍﻟﻠﻲ ﻧﻈﺮﺓ ﻋﻴﻨﻪ ﺧﻮﻓﺘﻨﻲ ﺑﺲ ﺑﻌﺪﻳﻦ ﻋﺸﻘﺘﻬﺎ .. ﻧﺤﺒﻚ ﻣﻌﺎﻭﻳﻪ ﺍﻟﻬﺎﺩﻱ ﺍﻟﻠﻲ ﻳﺸﺮﺏ ﻗﻬﻮﺗﻪ ﻓﻲ ﻓﻨﺠﺎﻥ ﺍﻟﻄﺎﻭﻭﺱ .. ﻭﻳﻘﻌﻤﺰ ﻉ ﻛﺮﺳﻲ ﻣﻠﻜﻲ ﻣﻨﻘﻮﺵ ﻋﻠﻴﻪ ﺍﺳﻤﻪ .. ﻧﻤﻮﺕ ﻓﻴﻚ ﺑﺘﻔﺎﺻﻴﻠﻚ ﻫﺎﺩﻱ ﻧﺒﻴﻚ ﺩﻳﻤﺎ ﻫﻜﻲ .. ﻣﻌﺎﻭﻳﻪ ﺍﻟﻬﺎﺩﻱ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﻭﺍﺑﺘﺴﻢ ﻭﻗﺎﻝ : ﺗﻌﺮﻓﻲ ﻓﺸﻦ ﺧﺎﻃﺮﻱ ﺗﻮﺍ ..
ﺣﻨﺎﻥ ﺿﺤﻜﺖ ﺑﺨﺠﻞ : ﻋﺎﺭﻓﻪ ﺍﺳﻜﺖ ..
ﻣﻌﺎﻭﻳﻪ : ﻫﻬﻬﻬﻬﻬﻬﻪ .... ﺑﺈﺫﻥ ﺍﻟﻠﻪ ﺣﺘﻄﻠﻌﻲ ﻣﻦ ﻫﻨﻲ .. ﻭﺣﻨﺨﻠﺼﻪ ﻣﻨﻚ ﻛﻠﻪ ...
ﺣﻨﺎﻥ ﻭﻃﺘﺖ ﻋﻴﻮﻧﻬﺎ ﻭﻫﻲ ﺑﺘﻤﻮﺕ ﻣﻦ ﺍﻟﺨﺠﻞ ..
ﻭﺷﻮﻳﻪ ﻭﺟﺖ ﺍﻟﺴﺠﺎﻧﻪ ..
ﺣﻨﺎﻥ : ﺍﻣﻨﺘﻚ ﻉ ﻧﻔﺴﻚ .. ﻭﻉ ﺣﻤﻮﺩﻱ ﻣﻌﺎﻭﻳﻪ ﺑﺎﻟﻠﻪ ﻋﻠﻴﻚ ..
ﻣﻌﺎﻭﻳﻪ : ﺍﻃﻤﻨﻲ ﻓﻲ ﺍﻟﺤﻔﻆ ﻭﺍﻟﺼﻮﻥ ..
ﺍﻟﺴﺠﺎﻧﻪ : ﻫﻴﺎ ..
ﻣﻌﺎﻭﻳﻪ : ﺑﺎﻟﺸﻮﻳﻪ ﻣﺶ ﻫﻜﻲ ..
ﺣﻨﺎﻥ : ﻫﺬﺍ ﺷﻐﻠﻬﺎ ﺧﻼﺹ ﺳﻼﻡ ... ﻭﻣﺸﺖ ﻭﺭﻭﺣﻪ ﻣﺸﺖ ﻣﻌﺎﻫﺎ ...
ﻃﻠﻊ ﻣﻦ ﺍﻟﺴﺠﻦ ﻟﻠﺸﺮﻛﻪ ﺍﻟﻄﻮﻝ ..
ﻓﻲ ﺍﻟﺸﺮﻛﻪ ...
ﺃﻳﻤﻦ : ﻋﺎﺭﻑ ﺍﻟﺼﺤﺎﻓﻪ ﻭﻣﻮﺍﻗﻊ ﺍﻟﺘﻮﺍﺻﻞ ﺍﻧﺖ ﻣﺎﺻﺪﻗﻮﺍ .. ﻭﺍﻟﻠﻲ ﺻﺎﺭ ﺧﻼ ﻧﺎﺱ ﺗﻮﻗﻒ ﺗﻌﺎﻣﻠﻬﺎ ﻣﻌﺎﻧﺎ ..
ﻣﻌﺎﻭﻳﻪ : ﻓﻲ ﺳﺘﻴﻦ ﺩﺍﻫﻴﻪ ﻣﺎﻫﻤﻨﻲ ﻓﻴﻬﻢ ﻭﺍﺣﺪ ..
ﻃﻖ ﺍﻟﺒﺎﺏ ..
ﻣﻌﺎﻭﻳﻪ : ﺧﺶ
ﺧﺸﺖ ﺇﻗﺒﺎﻝ ...
ﺍﻗﺒﺎﻝ : ﻗﻠﺒﻲ ﻋﻨﺪﻛﻢ .. ﺍﻟﻠﻲ ﺻﺎﺭ ﻣﺼﻴﺒﻪ ﻛﺒﻴﺮﺓ ﺭﺑﻲ ﻳﺨﻠﺼﻜﻢ ﻣﻨﻬﺎ ..
ﻣﻌﺎﻭﻳﻪ ﺍﻛﺘﻔﻲ ﺑﻬﺰ ﺭﺍﺳﻪ ﺑﺈﻳﺠﺎﺏ ..
ﺇﻗﺒﺎﻝ : ﺑﺎﻫﻲ ﺷﻦ ﺻﺎﺭﻓﻴﻬﺎ ﺗﻮﺍ ...
ﺍﻳﻤﻦ : ﺍﻳﻪ ﺷﻦ ﺻﺎﺭ ..
ﻣﻌﺎﻭﻳﻪ : ﺍﻟﺠﻠﺴﻪ ﺍﺧﺮ ﺍﻟﺸﻬﺮ ﻭﻣﺎﻓﻴﺶ ﻣﺒﺸﺮﺍﺕ ..
ﺃﻳﻤﻦ : ﻛﺎﻥ ﻧﻌﺮﻑ ﺷﻦ ﺭﻓﻊ ﻧﺠﻼ ﻟﻴﻬﺎ ﻳﻮﻣﻬﺎ ..
ﻣﻌﺎﻭﻳﻪ : ﻗﺎﻟﺘﻠﻲ ﺗﺴﺘﺴﻤﺢ ﻣﻨﻬﺎ ﻉ ﺍﻟﺪﻭﺓ ﺍﻟﻠﻲ ﻃﻠﻌﺖ ﻉ ﺣﻨﺎﻥ ﻛﺎﻧﻚ ﻣﺬﻛﺮ ﻫﻲ ﺍﻟﻠﻲ ﻃﻠﻌﺘﻬﺎ ..
ﺃﻳﻤﻦ : ﻋﻼﺵ ..
ﻣﻌﺎﻭﻳﻪ : ﺍﻟﻠﻲ ﻓﻬﻤﺘﻪ ﺍﻥ ﻓﻲ ﺑﻴﻨﺎﺗﻬﻢ ﺣﺴﺪ ﻓﻲ ﺍﻟﺨﺪﻣﻪ ﻭﻫﻜﻲ ﻳﻌﻨﻲ ..
ﺃﻗﺒﺎﻝ : ﺻﺢ ﻧﺠﻼ ﻣﺎﻛﺎﻧﺘﺶ ﺗﺤﺐ ﺣﻨﺎﻥ .. ﺑﺲ ﻣﺎﺷﻔﺘﺶ ﺣﻨﺎﻥ ﺍﺣﺘﻜﺖ ﺑﻴﻬﺎ ﻗﺒﻞ ..
ﻣﻌﺎﻭﻳﻪ : ﺁﺍﺍﺍﺍﺥ .. ﺗﻮ ﻫﺬﺍ ﻛﻠﻪ ﻗﻄﺎﻑ ﻓﺎﺭﻍ .. ﺍﻧﻲ ﻧﺒﻲ ﺍﻱ ﺷﻲ ﻳﺜﺒﺖ ﺍﻥ ﺣﻨﺎﻥ ﻣﺎﺩﺭﺗﻬﺎﺵ ﻭﺑﺲ ...
ﺍﻗﺒﺎﻝ : ﺍﻃﻤﻦ ﺣﺘﻄﻠﻊ ﺍﻧﻲ ﻣﺘﺄﻛﺪﻩ ﻫﻲ ﻃﻴﺒﻪ ﻭﺭﺑﻲ ﻣﺎﻳﺨﻠﻴﻬﺎﺵ ..
ﻣﻌﺎﻭﻳﻪ : ﺇﻥ ﺷﺎﺀﺍﻟﻠﻪ ..
ﺇﻗﺒﺎﻝ : ﻧﺴﺘﺄﺫﻥ ... ﻭﻟﻔﺖ ﻭﻃﻠﻌﺖ .. ﺃﻳﻤﻦ ﻛﺎﻥ ﻳﺸﺒﺤﻠﻬﺎ ﻃﻮﻝ ﺍﻟﻮﻗﺖ ..
ﺃﻳﻤﻦ : ﻣﺶ ﻣﻄﻤﻨﻠﻬﺎ ..
ﻣﻌﺎﻭﻳﻪ : ﺻﺢ ﻫﻲ ﻣﺎﺗﺤﺒﻬﺎﺵ ﻭﻣﻤﻜﻦ ﺗﻜﻮﻥ ﻓﻲ ﻏﻴﺮﻩ ﺑﺲ ﻣﺎﺗﻮﺻﻠﺶ ﻟﻬﻨﻲ ﺍﻗﺒﺎﻝ ﺍﺟﺒﻦ ﻣﻦ ﻫﻜﻲ ..
ﺍﻳﻤﻦ ﻣﻂ ﺷﻮﺍﺭﺑﻪ ﺑﻌﺪﻡ ﺍﻗﺘﻨﺎﻉ ﻭﺳﻜﺖ ..
ﻣﺮﺕ ﺍﻷﻳﺎﻡ
ﺑﻨﺎﺕ ﺣﻨﺎﻥ ﻣﺎﺳﻤﻌﻮﺵ ﺑﺎﻟﻠﻲ ﺻﺎﺭ ﺍﺍﻟﻠﻲ ﺳﻤﻌﻮﺍ ﺭﺿﺎ ﻭﺃﺳﻨﺎﻡ ﺍﻟﻠﻲ ﻛﺎﻧﻮﺍ ﻳﺤﺎﻭﻟﻮﺍ ﻣﻨﻊ ﻭﺻﻮﻝ ﺍﻟﺨﺒﺮ ﻟﻴﻬﻢ ..
ﺭﺿﺎ : ﺑﻨﻨﺠﻦ ﻳﺎﺃﺳﻨﺎﻡ ﻣﺶ ﻋﺎﺭﻑ ﺷﻦ ﻻﺯﻡ ﻧﺪﻳﺮ ﻛﻴﻒ ﻧﺘﺼﺮﻑ .. ﺍﻋﺼﺎﺑﻲ ﺗﻌﺒﺖ ﻭﺑﺪﻳﺖ ﻧﺰﻋﻞ ﻓﻲ ﻣﻬﺎ ﻭﻫﻲ ﻓﻮﺿﻌﻬﺎ ﻫﺬﺍ ..
ﺍﺳﻨﺎﻡ : ﺣﺎﻭﻝ ﺗﺘﻤﺎﺳﻚ ﺑﺎﻟﻠﻪ ﻋﻠﻴﻚ .. ﺍﻣﺲ ﺑﺲ ﺣﺘﻰ ﺍﻧﻲ ﻋﺮﻓﺖ ﺍﻥ ﺭﻫﻒ ﺣﺎﻣﻞ ﻭﺍﻟﻴﻮﻡ ﻣﻨﺸﻐﻠﻪ ﻉ ﺍﻣﻬﺎ ﻉ ﻗﺪ ﻣﺎﺍﺗﺼﻠﺖ ﺑﻴﻬﺎ ﻣﺎﻳﺮﺩ ﺣﺪ .. ﺍﺿﻄﺮﻳﺖ ﻧﻜﺬﺏ ﻋﻠﻴﻬﺎ ﻭﻧﻘﻮﻟﻠﻬﺎ ﻛﻠﻤﺘﻬﻢ ﻭﻟﻘﻴﺘﻬﻢ ﻣﺴﺎﻓﺮﻳﻦ ﻟﺸﻐﻞ ﻭﻻﻫﻴﻴﻦ ..
ﺭﺿﺎ : ﻷﻣﺘﻰ ﺑﺎﻫﻲ ..
ﺃﺳﻨﺎﻡ : ﻟﻴﻦ ﻳﻔﺮﺟﻬﺎ ﺭﺑﻚ ..
ﺭﺿﺎ : ﻣﺼﻴﺒﻪ ﻛﺒﻴﺮﺓ ﻫﺎﺩﻱ ﺟﺮﻳﻤﺔ ﻗﺘﻞ ..
ﺃﺳﻨﺎﻡ ﺗﻨﻬﺪ ﻭﺳﻜﺖ ..
ﺭﻥ ﺍﻟﺘﻠﻴﻔﻮﻥ ﺍﺳﻨﺎﻡ ﺷﺎﻓﻪ : ﺭﻫﻒ .. ﻫﻴﺎ ﻧﻮﺽ ﺭﻭﺡ ..
ﺭﺿﺎ ﻧﺎﺽ ﺑﺎﻟﺴﻴﻒ ﻭﺭﻭﺣﻮﺍ ﺍﻟﺰﻭﺯ ﻭﻛﻞ ﻭﺍﺣﺪ ﺣﺎﻣﻞ ﻉ ﻗﻠﺒﻪ ﻫﻢ ﺯﻱ ﺍﻟﺠﺒﺎﻝ ..
***
ﻧﻀﺎﻝ ﺭﻭﺡ ﻣﻦ ﺍﻟﺴﻔﺮ ﺑﻌﺪ ﺳﻤﻊ ﻭﻃﻮﻝ ﻣﺸﻲ ﻟﻠﻨﻴﺎﺑﻪ .. ﻳﺴﺄﻝ ﻋﻦ ﺗﻔﺎﺻﻴﻞ ﺍﻟﻘﻀﻴﻪ ﻭﺑﻠﻐﻪ ﻭﻛﻴﻞ ﺍﻟﻨﻴﺎﺑﻪ ﻋﻨﻬﺎ ..
ﻓﻲ ﺍﻟﺸﺮﻛﻪ ..
ﻓﺎﺩﻳﻪ : ﺳﻴﺪ ﻣﻌﺎﻭﻳﻪ ﻓﻲ ﻭﺍﺣﺪ ﺑﺮﺍ ﻳﺒﻲ ﻳﺸﻮﻓﻚ ..
ﻣﻌﺎﻭﻳﻪ : ﻣﻦ ﻫﻮ؟
ﻓﺎﺩﻳﻪ : ﻧﻀﺎﻝ ﻋﻮﻥ ..
ﻣﻌﺎﻭﻳﻪ : ﻫﺬﺍ ﺍﻟﻠﻲ ﻛﺎﻥ ﻧﺎﻗﺼﻨﻲ .. ﺍﺳﺘﻐﻔﺮ ﺍﻟﻠﻪ .. .. ﺧﻠﻴﻪ ﻳﺨﺶ ..
ﻃﻠﻌﺖ ﻭﺷﻮﻳﻪ ﻭﺧﺶ ﻧﻀﺎﻝ ..
ﻣﻌﺎﻭﻳﻪ ﻗﻌﺪ ﻣﻘﻌﻤﺰ ﻓﻜﺮﺳﻴﻪ ﻗﺪﻣﻠﻪ ﻭﻗﻌﻤﺰ ﻃﻮﻝ ﻭﺣﻂ ﺭﺟﻞ ﻉ ﺭﺟﻞ ﻭﻋﻴﻮﻧﻪ ﺍﺩﻭﺭ ﻓﻲ ﺍﻟﻤﻜﺎﻥ ...
ﻣﻌﺎﻭﻳﻪ ﺑﺤﺪﻩ : ﺃﻱ ﺧﺪﻣﻪ
ﻧﻀﺎﻝ : ﻣﻘﻌﻤﺰ ﻋﺎﺩﻱ ﻭﺗﺨﺪﻡ ﻭﺃﻣﻮﺭﻙ ﺗﻤﺎﻡ ﻭﻻﻛﺄﻥ ﻓﻲ ﻓﻮﺣﺪﺓ ﻳﻨﻘﺎﻟﻠﻬﺎ ﻣﺮﺗﻚ ﻣﻠﻮﺣﺔ ﻓﻲ ﺍﻟﺴﺠﻦ ﻇﻠﻢ ﻭﻣﻤﻜﻦ ﻳﻨﺤﻜﻢ ﻉ .....
ﻣﻌﺎﻭﻳﻪ ﺑﻐﻀﺐ ﺷﺪﻳﺪ : ﺍﻧﻲ ﻣﺴﺘﺒﻴﻊ ﻭﺣﻖ ﺍﻟﻠﻪ .. ﻣﺎﺗﻄﻠﻌﺶ ﻣﻦ ﻫﻨﻲ ﻧﺎﺧﺪ ﻓﻴﻚ ﺇﻋﺪﺍﻡ ﻭﻻﻫﺎﻣﻨﻲ ﺷﻲ ..
ﻧﻀﺎﻝ : ﻉ ﺍﻟﻌﻤﻮﻡ ﺍﻧﻲ ﻣﻦ ﺟﺎﻱ ﻧﺘﺸﺎﻛﻞ ﻣﻌﺎﻙ ... ﺟﺎﻱ ﻧﺒﻲ ﻧﺴﺘﺄﺫﻥ ﻣﻨﻚ ﻧﺰﻭﺭﻫﺎ
ﻣﻌﺎﻭﻳﻪ : ﻻﺗﺰﻭﺭﻫﺎ ﻭﻻﺗﺠﻲ ﺟﻨﺐ ﺍﻟﻤﻜﺎﻥ ﺍﻟﻠﻲ ﻫﻲ ﻓﻴﻪ ﻣﺎﺗﺨﻠﻨﻴﺶ ﻧﺘﻬﻮﺭ ﻳﺎﺑﻨﻲ ﺁﺩﻡ ﺃﻧﺖ ...
ﻧﻀﺎﻝ ﺷﺒﺢ ﺍﻟﻘﺪﺍﻡ ﻭﺗﻨﻬﺪ : ﺑﺎﻫﻲ ﻛﻴﻒ ﻳﺼﻴﺮ ﻓﻴﻬﺎ ﺗﻮﺍ ..
ﻣﻌﺎﻭﻳﻪ ﺑﺄﻟﻢ : ﺣﻨﺤﺎﻭﻝ ﺑﻜﻞ ﺟﻬﺪﻱ ﻧﻄﻠﻌﻬﺎ ﻓﻲ ﺍﻗﺮﺏ ﻭﻗﺖ ...
ﻧﻀﺎﻝ ﻧﺎﺽ : ﻉ ﺍﻟﻌﻤﻮﻡ .. ﻧﺒﻴﻚ ﻣﺎﺗﻨﺴﺎﺵ ﻫﻲ ﺍﻡ ﺑﻨﺎﺗﻲ ﻟﻮ ﺣﻀﺮﺗﻚ ﻋﺠﺰﺕ ﻋﻦ ﺍﻧﻚ ﺍﺩﻳﺮﻟﻬﺎ ﺣﻞ ﺍﻧﻲ ﺣﻨﺘﺼﺮﻑ ... ﻭﻟﻒ ﻭﺗﻮﺟﻪ ﻟﻠﺒﺎﺏ ﻭﻃﻠﻊ ..
ﻣﻌﺎﻭﻳﻪ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ .. ﺧﺒﻂ ﺑﺈﻳﺪﻩ ﻉ ﺍﻟﻄﺎﻭﻟﻪ ﺑﺎﻟﻘﻮﺓ ... ﺃﺳﺘﻐﻔﺮ ﺍﻟﻠﻪ ..
***
ﺧﺶ ﻟﻠﺤﻮﺵ ﻭﻫﻮ ﻳﺴﻤﻊ ﻓﻲ ﺻﻮﺕ ﺑﻜﻲ .. ﺧﺎﻑ ﻟﻴﻜﻮﻥ ﺍﻟﻠﻲ ﻓﺒﺎﻟﻪ ﺻﺎﺭ .. ﻗﺪﻡ ﻭﻟﻘﺎﻫﺎ ﻣﻘﻌﻤﺰﺓ ﻫﻲ ﻭﺍﺧﺘﻬﺎ ﻭﻣﺮﺕ ﺧﺎﻟﻬﺎ ﻭﺗﻼﺗﻪ ﻳﺒﻜﻮﺍ ﺑﺎﻟﻌﺒﺮﻩ ..
ﺷﺎﻓﺎﺗﻪ ﻧﺎﺿﺖ ﻭﻣﺸﺘﻠﻪ : ﻛﻨﺖ .. ﺗﻌﺮﻑ .. ﻭﻻ ..
ﺃﺳﻨﺎﻡ ﺳﻜﺖ ..
ﺭﻫﻒ ﺑﺒﻜﻲ : ﻛﻴﻒ ﻣﺎﺗﻘﻮﻟﻴﺶ ﻛﻴﻴﻴﻒ؟
ﻟﺒﻨﻰ ﺑﺒﻜﻲ : ﺍﻣﻨﺎ ﻓﻲ ﻣﺼﻴﺒﺔ ﺯﻱ ﻫﺎﺩﻱ ﻭﺣﻨﻲ ﻣﺎﻧﻌﺮﻓﻮﺵ ..
ﺃﺳﻨﺎﻡ ﺑﺄﻟﻢ : ﻏﻴﺮ ﻭﺣﺪﻭ ﺭﺑﻲ ..
ﺭﻫﻒ : ﻧﺒﻲ ﻧﺮﻭﺡ .. ﺩﺑﺮﻟﻲ ..
ﺃﺳﻨﺎﻡ ﺣﻀﻨﻬﺎ : ﺗﻌﺎﻟﻲ ﺣﺒﻴﺒﺘﻲ ... ﺧﺪﺍﻫﺎ ﻭﻗﻌﻤﺰﻫﺎ ﺣﺪﺍﻩ .. ﺍﺳﻤﻌﻮﻧﻲ ..
ﺧﺎﻟﺘﻲ ﺣﻨﺎﻥ ﻫﻲ ﺍﻟﻠﻲ ﻃﻠﺒﺖ ﺍﻥ ﺣﻨﻲ ﻣﺎﻧﺨﺒﺮﻭﻛﻤﺶ .. ﻹﻥﻫﺎ ﺗﻌﺮﻑ ﻭﺿﻌﻜﻢ ..
ﺭﻫﻒ : ﻗﺼﺪﻙ ﻋﺮﻓﺖ ﺑﺤﻤﻠﻲ ؟ !
ﺃﺳﻨﺎﻡ ﻫﺰ ﺭﺍﺳﻪ ﺑﺈﻳﺠﺎﺏ ...
ﺭﻫﻒ ﺧﺸﺖ ﺣﻀﻨﻪ ﻭﻗﻌﺪﺕ ﺗﺒﻜﻲ ﺍﻛﺜﺮ : ﻧﺒﻲ ﻧﻤﺸﻴﻠﻬﺎ
ﺃﺳﻨﺎﻡ : ﻳﺎﺭﻭﺣﻲ ﺍﻫﺪﻱ ﻭﺿﻌﻚ ﻣﺎﻳﺴﻤﺤﻠﻜﺶ ﺑﺎﻟﺴﻔﺮ ﻻﺇﻧﺘﻲ ﻭﻻﻣﻬﺎ .. ﻭﺣﻨﺎﻥ ﻗﺎﻟﺖ ﻣﺎﻧﺒﻴﻬﻤﺶ ﻳﺮﻭﺣﻮﺍ ﺣﺘﻰ ﻟﻮ ﻋﺮﻓﻮﺍ ﻓﻲ ﺣﺎﻟﺔ ﺯﻱ ﻫﺎﺩﻱ ﻣﺎﺗﺒﻴﻜﻤﺶ ﺗﺸﻮﻓﻮﻫﺎ ..
ﻟﺒﻨﻰ : ﺍﻧﻲ ﻣﺎﻓﻲ ﺷﻲ ﻳﻤﻨﻌﻨﻲ ﻧﺒﻲ ﻧﺮﻭﺡ ..
ﺃﺳﻨﺎﻡ : ﺍﻧﺘﻲ ﺑﺎﻟﺬﺍﺕ ﻻ .. ﻫﻲ ﻫﻜﻲ ﻗﺎﻟﺖ ﺻﺪﻗﻮﻧﻲ .. ﺗﻮﻧﻜﻠﻢ ﺭﺿﺎ ﻭﺗﺘﺄﻛﺪﻭﺍ ﻣﻦ ﻛﻼﻣﻲ ..
ﻟﺒﻨﻰ : ﻛﻴﻒ ﻫﻜﻲ ﺑﺎﻫﻲ ﻛﻴﻒ ﻫﻲ ﻓﻤﺤﻨﻪ ﺯﻱ ﻫﺎﺩﻱ ﻭﺣﻨﻲ ﻣﺶ ﻣﻌﺎﻫﺎ ﻛﻴﻒ ﺗﺠﻲ ﻳﺎﻧﺎﺱ ﺑﺎﻟﻠﻪ ﻋﻠﻴﻜﻢ ..
ﻣﻬﺎ ﺷﺪﺗﻬﺎ ﻭﺣﻀﻨﺘﻬﺎ ﻭﺗﺤﺎﻭﻝ ﺗﻬﺪﻳﻬﺎ : ﻓﺎﻫﻤﺘﻬﺎ ﻣﺎﺗﺒﻴﻜﻤﺶ ﺗﺘﺄﺫﻭﺍ ﻣﻦ ﺷﻮﻓﺘﻬﺎ ﺑﻬﺎﻟﺤﺎﻟﻪ ﻭﻣﻦ ﻛﻼﻡ ﺍﻟﻨﺎﺱ ﻏﺎﺩﻱ ..
ﺃﺳﻨﺎﻡ : ﺻﺢ
ﻣﻬﺎ : ﺗﻮﺍ ﻣﺎﻓﻴﺶ ﺑﺈﻳﺪﻳﻨﺎ ﻏﻴﺮ ﺍﻧﻨﺎ ﻧﺪﻋﻮﻟﻬﺎ ﺍﻟﺪﻋﺎﺀ ﻭﺑﺲ ...
ﺗﻤﺮ ﺍﻷﻳﺎﻡ ..
ﻭﺍﻟﻜﻞ ﻓﻲ ﺣﺎﻟﻪ ﺻﻌﺒﻪ ﻫﻠﺒﻪ ..
ﻣﻌﺎﻭﻳﻪ ﻻﻟﻴﻠﻪ ﻟﻴﻞ ﻭﻻﻧﻬﺎﺭﻩ ﻧﻬﺎﺭ .. ﻣﺎﻳﻬﺪﺍﺵ ﺷﻮﻳﻪ ﻏﻴﺮ ﻟﻤﺎ ﻳﺴﺠﺪ ﻟﺮﺑﻪ ﻭﻳﺪﻋﻴﻪ ﻳﻤﺪﻩ ﺑﺎﻟﻘﻮﺓ ﺑﺶ ﻳﻘﻌﺪ ﻭﺍﻗﻒ ﻉ ﺭﺟﻠﻴﻪ ﻣﺮﺓ ﻣﺮﺓ ﻳﻤﺸﻲ ﻟﻠﻘﺼﺮ ﻳﺸﻮﻑ ﻓﻲ ﻣﺤﻤﺪ ﺍﻟﻠﻲ ﻭﻻﺗﺤﺖ ﻣﺴﺆﻭﻟﻴﺔ ﻣﺮﻳﻢ ﺣﺎﻟﻴﺎ ... ﻭﻛﺎﻥ ﺣﺘﻰ ﻫﻮ ﻳﻬﻮﻥ ﻋﻠﻴﻪ ﺷﻮﻳﻪ ﺑﺪﻱ ﻳﺨﺶ ﻗﻠﺒﻪ ﻭﻳﺤﺒﻪ ﻭﻳﺤﺲ ﺍﺗﺠﺎﻫﻪ ﺑﺄﺣﺴﺎﺱ ﺣﻠﻮ ﻫﻠﺒﻪ ..
ﻧﻀﺎﻝ ﻗﻌﺪ ﻳﺴﺄﻝ ﻓﻲ ﺃﻫﻞ ﺍﻟﻘﺎﻧﻮﻥ ﻋﻦ ﻭﺿﻊ ﺣﻨﺎﻥ ﻭﺷﻦ ﻣﻤﻜﻦ ﻳﺼﻴﺮ ﻟﻠﻲ ﻓﺤﺎﻟﺘﻬﺎ ﻭﻛﻠﻬﻢ ﻳﻌﻄﻮﺍ ﻓﻴﻪ ﻧﻔﺲ ﺍﻷﺟﺎﺑﻪ ﻛﻞ ﺍﻷﺩﻟﻪ ﺿﺪﻫﺎ ﻭﻭﺿﻌﻬﺎ ﺻﻌﺐ ﻟﻠﻐﺎﻳﻪ ...
ﺭﻫﻒ ﻭﻟﺒﻨﻰ ﺣﺎﻟﺘﻬﻢ ﺻﻌﺒﻪ ﺑﺲ ﺃﺳﻨﺎﻡ ﻛﺎﻥ ﻳﺪﻳﺮ ﻓﺠﻬﺪﻩ ﻣﻊ ﺭﻫﻒ ﺑﺶ ﻳﻬﻮﻥ ﻋﻠﻴﻬﺎ ..
ﻭﻣﻦ ﺟﻬﺔ ﺗﺎﻧﻴﻪ ﻋﺰ ﺍﻟﻠﻲ ﻭﻻﻗﺮﻳﺐ ﻫﻠﺒﻪ ﻉ ﻟﺒﻨﻰ ﻟﻤﺎ ﻋﺮﻑ ﺍﻟﻠﻲ ﺻﺎﺭ ﻭﺍﻗﻒ ﻣﻌﺎﻫﺎ ﺑﻜﻞ ﻣﺎﻳﻘﺪﺭ ﻭﻳﺤﺎﻭﻝ ﻳﻘﻮﻳﻬﺎ ﻭﻳﺸﺪ ﻣﻦ ﺃﺯﺭﻫﺎ .. ﺯﻱ ﻣﺎﺩﺍﺭﺕ ﻣﻌﺎﻩ ﻫﻲ ﻓﻴﻮﻡ ﻣﻦ ﺍﻷﻳﺎﻡ ...
ﻣﻬﺎ ﻋﻜﺴﻬﻢ ﻛﺎﻧﺖ ﺗﺨﻔﻒ ﻉ ﺭﺿﺎ ﻭﺗﻌﻄﻲ ﻓﻴﻪ ﻓﻲ ﺃﻣﻞ ﻗﻮﻱ ﺍﻥ ﺍﺧﺘﻪ ﺣﺘﻄﻠﻊ ﻣﻦ ﻫﺎﻟﻤﺤﻨﻪ ﻭﻗﺎﻟﺘﻠﻪ ﺍﻥ ﺍﻟﻌﻴﻞ ﺣﺘﺨﻠﻲ ﺣﻨﺎﻥ ﻫﻲ ﺍﻟﻠﻲ ﺗﺴﻤﻴﻪ .. ﻣﻦ ﺑﺎﺏ ﺗﻬﻮﻳﻦ ﻋﻠﻴﻪ ﻭﻟﻮ ﺑﺸﻲ ﺑﺴﻴﻂ ..
ﺟﻲ ﻳﻮﻡ ﺍﻟﻤﺤﻜﻤﻪ ..
ﻭﺍﻟﻠﻲ ﺣﻀﺮﻭﻫﺎ ﻃﺒﻌﺎ ﻣﻌﺎﻭﻳﻪ ...
ﻭﻧﻴﺮﻭﺯ ﻭﻣﻌﺎﻫﺎ ﺭﺍﺟﻠﻬﺎ ﻭﻧﻀﺎﻝ ﻭﺃﻳﻤﻦ ... ﺑﺲ ﺍﻟﻜﻞ ﻻﺣﻆ ﺍﺧﺘﻔﺎﺀ ﺍﺳﺎﻣﻪ ﻋﻦ ﺍﻟﻤﺸﻬﺪ .. ﺍﺳﺎﻣﻪ ﺍﻟﻠﻲ ﻛﺎﻥ ﻳﻌﺎﻧﻲ ﻣﻦ ﺟﺮﻋﺎﺕ ﺍﻟﻜﻴﻤﺎﻭﻱ ﻭﻣﺎ ﻳﻨﺪﺭﻳﺶ ﻉ ﺍﻟﺪﻧﻴﺎ ﻭﻣﺎﻓﻴﻬﺎ ...
ﺧﺸﻮﺍ ﻟﻘﺎﻋﺔ ﺍﻟﻤﺤﻜﻤﻪ ...
ﻭﺷﻮﻳﻪ ﻭﺩﺧﻠﻮﺍ ﺣﻨﺎﻥ ﻭﺍﻟﻜﻞ ﻳﺸﻮﻓﻮﻟﻬﺎ .. ﻭﻫﻲ ﻛﺎﻧﺖ ﺗﻈﺎﻫﺮ ﺑﺎﻟﻘﻮﺓ ﻭﺍﻟﺜﺒﺎﺕ ... ﺷﺒﺤﺖ ﻟﻨﻴﺮﻭﺯ ﺍﻟﻠﻲ ﻛﺎﻧﺖ ﺷﺎﺩﻩ ﺩﻣﻮﻋﻬﺎ ﺍﺑﺘﺴﻤﺖ ﺣﻨﺎﻥ ﻭﻧﻴﺮﻭﺯ ﺭﺩﺗﻬﺎ ... ﻋﻴﻮﻧﻬﺎ ﺟﻮ ﻉ ﺃﻳﻤﻦ ﺍﻟﻠﻲ ﺍﺑﺘﺴﻢ ﻭﻫﻲ ﺭﺩﺗﻠﻪ ﻧﻔﺲ ﺍﻵﺑﺘﺴﺎﻣﻪ .. ﺷﺒﺤﺖ ﻟﻨﻀﺎﻝ ﺍﻟﻠﻲ ﺍﺑﺘﺴﻢ ﺑﺄﻟﻢ ﻭﻫﻲ ﺳﻠﻤﺖ ﻋﻠﻴﻪ ﺑﺤﺮﻛﻪ ﺍﻟﺮﺍﺱ .. ﻭﺧﻠﺖ ﺍﺧﺮ ﻧﻈﺮﻫﺎ ﻟﺤﺒﻴﺒﻬﺎ ﻹﻧﻬﺎ ﻛﺎﻧﺖ ﺗﺒﻲ ﺗﺘﻤﻠﻰ ﻣﻨﻪ ﻫﻮ ﻟﻮﻗﺖ ﺍﻃﻮﻝ ﻛﺎﻧﻮﺍ ﻳﺸﻮﻓﻮﺍ ﻟﺒﻌﺾ ﻭﻋﻴﻮﻧﻬﻢ ﺗﺤﻜﻲ ﻋﻦ ﺷﻮﻗﻬﻢ ﻟﺒﻌﺾ ﻭﻋﻦ ﻋﺬﺍﺑﻬﻢ ﻓﻲ ﺍﻟﺒﻌﺪ .. ﻭﻋﻦ ﺧﻮﻓﻬﻢ ﻟﻮ ﻃﻮﻝ ﻫﺎﻟﺒﻌﺪ .. ﻭﻋﻦ ﺧﻮﻑ ﻛﻞ ﻭﺍﺣﺪ ﻓﻴﻬﻢ ﻉ ﺍﻟﺘﺎﻧﻲ ...
ﻗﻄﻊ ﻫﺎﻟﻨﻈﺮﺓ ﺩﺧﻮﻝ ﺍﻟﻘﺎﺿﻲ ﻭﺍﻋﻀﺎﺀ ﺍﻟﻤﺤﻜﻤﻪ ﻣﻌﺎﻩ ...
ﺣﻨﺎﻥ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﺑﺪﺕ ﺍﻟﺠﻠﺴﻪ .. ﻭﺗﻜﻠﻢ ﻭﻛﻴﻞ ﺍﻟﻨﻴﺎﺑﻪ .. ﺑﻌﺪﻩ ﺍﻟﻤﺤﺎﻣﻲ ﺍﻟﻠﻲ ﻣﻮﻛﻠﻪ ﻣﻌﺎﻭﻳﻪ ﺣﺎﻭﻝ ﺟﻬﺪﻩ ﻓﻲ ﺍﻟﻤﺮﺍﻓﻌﻪ ﻭﺍﻟﻘﺎﺿﻲ ﻛﺎﻥ ﻳﺴﻤﻌﻮﺍ .. ﻭﺍﻟﻘﻠﻮﺏ ﻛﺎﻧﺖ ﺍﺩﻕ ﺑﺨﻮﻑ ﺷﺪﻳﺪ ...
ﻃﻠﻊ ﺍﻟﻘﺎﺿﻲ ﻭﺍﻟﻠﻲ ﻣﻌﺎﻩ ﺑﺶ ﻳﺘﺸﺎﻭﺭ ﻫﻮ ﻭﺍﻟﻠﻲ ﻣﻌﺎﻩ ﻓﻲ ﺍﻟﺤﻜﻢ ..
ﻭﺣﻨﺎﻥ ﺗﺸﺒﺢ ﻟﻠﻲ ﻳﺤﺒﻮﻫﺎ ﻭﺍﻻﺑﺘﺴﺎﻣﻪ ﻣﺎﻓﺎﺭﻗﺘﺶ ﻭﺟﻬﻬﺎ ﺗﺒﻲ ﺗﻘﻮﻳﻬﻢ ﻭﻃﺎﻟﺒﻪ ﻣﻦ ﺭﺑﻲ ﻳﻘﻮﻳﻬﺎ ﻫﻲ ...
ﺧﺶ ﺍﻟﻘﺎﺿﻲ ﻭﺍﻟﻠﻲ ﻣﻌﺎﻩ .. ﻭﺣﻜﻤﻪ ﻛﺎﻥ ﺍﻟﻤﻌﺮﻭﻑ ﻟﻴﻬﻢ ﻷﻥ ﻛﻞ ﺷﻲ ﺿﺪﻫﺎ ... ﺍﻹﻋﺪﺍﻡ ... ﺑﺲ ﺍﻟﺤﻜﻢ ﻗﺎﺑﻞ ﻟﻠﻨﻘﺾ .. ﻭﺍﻟﻤﺤﺎﻣﻲ ﻫﺬﺍ ﺍﻭﻝ ﺷﻲ ﺩﺍﺭﻩ ﺑﻌﺪ ﻃﻠﻌﻮﺍ ﻣﻦ ﺍﻟﺠﻠﺴﻪ ...
ﻣﻌﺎﻭﻳﻪ : ﻭﺭﺏ ﺍﻟﻜﻮﻥ ﻧﻄﻠﻌﻬﺎ ﺣﺘﻄﻠﻊ ﻣﻨﻬﺎ ﺑﺈﺫﻥ ﺍﻟﻠﻪ ﺣﺘﻄﻠﻊ ...
ﺍﻳﻤﻦ : ﺇﻥ ﺷﺎﺀ ﺍﻟﻠﻪ ... ﺭﻛﺒﻮﺍ ﺍﻟﺴﻴﺎﺭﺓ ﻭﺃﻳﻤﻦ ﺍﻟﻠﻲ ﻳﺴﻮﻕ ﻷﻥ ﺣﺎﻟﺔ ﻣﻌﺎﻭﻳﻪ ﺻﻌﺒﻪ ...
ﻧﻴﺮﻭﺯ ﻛﺎﻧﺖ ﻣﻨﻬﺎﺭﺓ ﺭﻭﺣﺖ ﻣﻊ ﺭﺍﺟﻠﻬﺎ ﻭﻫﻲ ﺗﺒﻜﻲ ﺑﺎﻟﻌﺒﺮﻩ ...
ﺃﻣﺎ ﻧﻀﺎﻝ ﻓﻜﺎﻥ ﺣﺎﺱ ﺑﻀﻴﻖ ﺷﺪﻳﺪ ﻣﺎﻓﻴﺪﻩ ﺷﻲ ...
ﻣﻊ ﻣﺮﻭﺭ ﺍﻷﻳﺎﻡ ﻣﺎﻓﻲ ﺷﻲ ﺟﺪﻳﺪ ﻭﺍﻟﻮﺿﻊ ﺯﺍﺩ ﺻﻌﻮﺑﻪ ..
ﻭﺍﻟﻤﺤﺎﻣﻲ ﻭﺻﻞ ﻟﻤﻌﺎﻭﻳﻪ ﺍﻥ ﺍﻟﻄﺮﻳﻖ ﻣﻊ ﺍﻷﺳﻒ ﻣﺴﺪﻭﺩﻩ ..
ﺑﺲ ﺳﺒﺤﺎﻥ ﻣﻦ ﻗﻮﻯ ﻗﻠﺒﻪ ﻭﺧﻼ ﻋﻨﺪﻩ ﻳﻘﻴﻦ ﺗﺎﻡ ﺍﻧﻬﺎ ﺣﺘﻄﻠﻊ ﻣﻨﻬﺎ .. ﻛﺎﻥ ﻛﻞ ﻟﻴﻠﻪ ﻓﻲ ﺍﻟﺠﺎﻣﻊ ﻳﺼﻠﻲ ﻓﻲ ﺍﻟﻘﻴﺎﻡ ﻭﺍﻟﻔﺠﺮ ﻏﺎﺩﻱ ﻭﻣﺘﻤﺴﻚ ﺑﺎﻟﻘﺮﺁﻥ ﺑﻘﻮﺓ ... ﻣﺎﻳﻄﻠﻊ ﻣﻦ ﻏﺎﺩﻱ ﺇﻻ ﻭﻫﻮ ﺃﻗﻮﻯ ﺑﻬﻠﺒﻪ ﻭﻳﻘﻴﻨﻪ ﻳﺰﻳﺪ ..
***
ﻳﺎﻭﺧﻴﺘﻲ ﻣﺎﻗﻮﻯ ﻗﻠﺒﻚ ..
ﺣﻨﺎﻥ ﺑﺈﺑﺘﺴﺎﻣﻪ : ﺭﺑﻲ ﻣﺶ ﺣﻴﺨﻠﻴﻨﻲ ...
: ﻭﺍﻟﻠﻪ ﻣﻦ ﺍﻷﻭﻝ ﻗﻠﺘﻬﺎ ﻭﺟﻬﻚ ﻣﺶ ﻭﺟﻪ ﺍﺟﺮﺍﻡ ﺑﻜﻞ ...
: ﻓﻲ ﺣﺪ ﻣﺪﺑﺮﻫﺎﻟﻚ ﻛﻮﻳﺲ ..
ﺣﻨﺎﻥ ﺗﻨﻬﺪﺕ : ﻛﺎﻥ ﻧﻌﺮﻑ ﻣﻨﻮ ﻫﺬﺍ ﺍﻟﻠﻲ ﻳﻜﺮﻫﻨﻲ ﻟﻬﺎﻟﺪﺭﺟﻪ ..
: ﺩﻭﺭﻱ ﻉ ﺍﻛﺜﺮ ﺣﺪ ﻭﻳﻦ ﺗﺸﻮﻓﻴﻪ ﻣﺎﺗﺮﺗﺎﺣﻴﺶ ﻭﺍﻧﺘﻲ ﻣﻌﺎﻩ ﻭﺗﺤﺴﻲ ﻓﺸﺒﺤﺎﺗﻪ ﺑﺮﻭﺣﻬﻢ ﻳﻘﺘﻠﻮﺍ ﻓﻴﻚ ...
ﺣﻨﺎﻥ ﻗﻌﺪﺕ ﺗﻔﻜﺮ : ﻫﻮ ﺍﻳﻪ ﻣﺎﻓﻲ ﺣﺪ ﻣﺎﻋﻨﺪﺍﺵ ﺣﺪ ﻣﺎﻳﻜﺮﻫﺎﺵ ﺑﺲ ﻣﺶ ﻟﻬﺎﻟﺪﺭﺟﻪ ..
: ﻻﻓﻲ ﺑﺎﻟﺬﺍﺕ ﻛﺎﻧﻬﻮ ﺣﺎﺳﺪ ﻭﺣﺎﻗﺪ ..
ﺣﻨﺎﻥ ﻗﻌﺪﺕ ﺗﻔﻜﺮ ﻓﻲ ﺍﻟﻜﻼﻡ ﻭﺑﺲ ..
***
ﻛﻴﻒ ﻳﻌﻨﻲ ﻓﻬﻤﻨﻲ !! ؟
ﺍﻟﻤﺤﺎﻣﻲ : ﻳﺎﺳﻴﺪ ﻣﻌﺎﻭﻳﻪ ﺍﻟﻮﺿﻊ ﻣﻌﻘﺪ ﻟﻠﻐﺎﻳﻪ ﻭﺍﻟﻘﻀﻴﻪ ﻣﻊ ﺍﻷﺳﻒ ﺧﺎﺳﺮﺓ ..
ﻣﻌﺎﻭﻳﻪ : ﻭﺍﺿﺢ ﺍﻧﻲ ﻃﻮﻝ ﻫﺎﻟﺴﻨﻴﻦ ﻛﻨﺖ ﻋﺎﺑﻲ ﻉ ﺍﻟﺸﺨﺺ ﺍﻟﻐﻠﻂ
ﺍﻟﻤﺤﺎﻣﻲ : ﺍﻧﻲ ﺩﺭﺕ ﻫﻠﺒﻪ ﻳﺎﺳﻴﺪ ﻣﻌﺎﻭﻳﻪ ﻟﻴﻚ ﻭﻟﻬﺎﻟﻤﻜﺎﻥ ﻳﺎﺭﻳﺖ ﻣﺎﺗﺠﺤﺪﺵ ﺟﻬﺪﻱ ﻃﻮﻝ ﻫﺎﻟﺴﻨﻴﻦ ..
ﻣﻌﺎﻭﻳﻪ : ﺗﺘﺠﻤﻞ ﻋﻠﻴﺎ ﻭﻻﻛﻴﻒ؟ !! ﻫﺎﺩﻱ ﺧﺪﻣﺘﻚ ﻭﺍﻟﻠﻲ ﺗﺎﺧﺪ ﻓﻴﻪ ﻋﻠﻴﻬﺎ ﻣﺶ ﺷﻮﻳﻪ ..
ﺍﻳﻤﻦ : ﺍﺳﺘﺎﺫ؟ !!!
ﺍﻟﻤﺤﺎﻣﻲ : ﻣﺎﻻ ﺍﻧﻲ ﻧﻘﻮﻟﻚ ﺣﻨﻨﺴﺤﺐ ﻣﻦ ﺍﻟﻘﻀﻴﻪ ﻭﺷﻮﻑ ﻏﻴﺮﻱ
ﻣﻌﺎﻭﻳﻪ : ﺣﻨﺸﻮﻑ ﻏﻴﺮﻙ ﻭﺟﻬﻚ ﻫﻨﻲ ﻣﻌﺎﺵ ﻧﺒﻲ ﻧﺸﻮﻓﻪ ..
ﺍﻟﻤﺤﺎﻣﻲ ﺷﺒﺤﻠﻪ ﺑﻐﻞ ﻭﻃﻠﻊ ...
ﺍﻳﻤﻦ : ﻣﺶ ﻫﻜﻲ ﻳﺎﻣﻌﺎﻭﻳﻪ ..
ﻣﻌﺎﻭﻳﻪ : ﺗﻲ ﻳﻤﺸﻲ ﻓﻲ ﺳﺘﻴﻦ ﺩﺍﻫﻴﻪ ﺷﻦ ﻫﻮ ﺍﻟﻠﻲ ﺩﺍﺭﻩ ﻳﻌﻨﻲ ... ﺍﺳﻤﻊ ﻣﻦ ﺗﻮﺍ ﺩﻭﺭﻟﻲ ﻉ ﺍﺳﻢ ﺍﻫﻢ ﻣﺤﺎﻣﻲ ﻓﻲ ﺍﻟﺒﻼﺩ ﺑﺄﺳﺮﻉ ﻭﻗﺖ ..
ﺃﻳﻤﻦ : ﺣﺎﺿﺮ .. ﻭﻃﻠﻊ ﻣﻦ ﺣﺪﺍﻩ ...
***
ﻓﺘﺢ ﺍﻟﺒﺎﺏ ﻭﺧﺶ ﻟﻠﺤﻮﺵ ﺍﻟﻠﻲ ﻛﺎﻥ ﺍﻣﺎﻧﻪ ﻋﻨﺪﻩ ﻣﺮﺓ ﻣﺮﺓ ﻳﺪﻳﺮ ﻋﻠﻴﻪ ﻓﻄﻠﻪ .. ﺗﻔﺎﺟﺄ ﻟﻤﺎ ﻟﻘﻲ ﺍﻷﺿﻮﻳﻪ ﻣﻔﺘﻮﺣﻪ ﻫﻮﻣﺘﺄﻛﺪ ﺍﻧﻪ ﻛﺎﻥ ﻣﺼﻜﺮﻫﺎ ...
ﻗﺪﻡ ﺑﻌﺪ ﺻﻜﺮ ﺍﻟﺒﺎﺏ ﺷﻮﻳﻪ ﻭﻗﺎﺑﻼﺗﻪ ...
ﻧﻀﺎﻝ : ﺣﻤﺪ ﻟﻠﻪ ﻉ ﺍﻟﺴﻼﻣﻪ .. ﺧﻴﺮﻙ ﻣﺎﻗﻠﺘﻴﺶ ﻛﻨﺖ ﺟﻴﺘﻚ ﺍﻟﻤﻄﺎﺭ
ﻳﺎﺭﺍ : ﺍﻟﻠﻪ ﻳﺴﻠﻤﻚ ﻣﺎﻓﻴﺶ ﻣﺸﻜﻠﻪ ﻋﺎﺩﻱ ...
ﻧﻀﺎﻝ : ﻛﻴﻒ ﺣﺎﻟﻚ ﻭﺣﺎﻝ ﺟﺒﺮ ...
ﻳﺎﺭﺍ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ...
ﻧﻀﺎﻝ : ﺷﻦ ﻗﺎﻟﻮﻟﻚ ﻏﺎﺩﻱ ..
ﻳﺎﺭﺍ : ﺍﻱ ﻣﺮﺣﻠﺔ ﻋﻼﺝ ﻻﺯﻡ ﺗﻜﻮﻥ ﺑﻌﺪ ﻣﺎﻳﻜﺒﺮ ﺷﻮﻳﻪ .. ﺗﻮﺍ ﻻﺯﻡ ﻧﺨﺪﻡ ﻉ ﺍﻟﻌﺎﻣﻞ ﺍﻟﻨﻔﺴﻲ ..
ﻧﻀﺎﻝ : ﺍﻟﻤﻬﻢ ﺍﻧﻪ ﺣﻴﺘﻌﺎﻟﺞ ...
ﻳﺎﺭﺍ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﺷﺒﺤﺘﻠﻪ؛ ﻭﺍﻧﺖ ﻛﻴﻒ ﺣﺎﻟﻚ ..
ﻧﻀﺎﻝ ﺗﻨﻬﺪ : ﻣﺎﺷﻴﻪ .. ﺍﺣﻤﻢ .. ﺍﻟﺤﻤﺪ ﻟﻠﻪ ..
ﻳﺎﺭﺍ : ﺻﺎﻳﺮﺓ ﻣﻌﺎﻙ ﺣﺎﺟﻪ ...
ﻧﻀﺎﻝ ﺍﺑﺘﺴﻢ ﺗﻬﻜﻤﺎ : ﻣﺶ ﻻﺯﻡ ﻧﻘﻮﻟﻚ ﻣﺎﻧﺒﻴﻜﺶ ﺗﻀﺎﻳﻘﻲ ﻣﻨﻲ ..
ﻳﺎﺭﺍ ﺍﺑﺘﺴﻤﺖ : ﺣﺎﺟﻪ ﺗﺨﺼﻬﺎ ...
ﻧﻀﺎﻝ ﺗﻨﻬﺪ : ﺣﻨﺎﻥ ﻣﺤﺒﻮﺳﻪ ﻳﺎﻳﺎﺭﺍ ...
ﻳﺎﺭﺍ ﺑﺈﺳﺘﻐﺮﺍﺏ : ﻣﺤﺒﻮﺳﻪ؟ !!!!
ﻧﻀﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ...
***
ﺍﻟﻴﻮﻡ ﺍﻟﻠﻲ ﺑﻌﺪﻩ ....
ﻓﻲ ﺍﻟﺸﺮﻛﻪ ..
ﻃﻘﺖ ﺍﻟﺴﻜﺮﺗﻴﺮﺓ ﻉ ﺍﻟﻤﻜﺘﺐ ... ﺧﺸﺖ ﺑﻌﺪ ﻣﺎﺃﺫﻧﻠﻬﺎ ﺑﺎﻟﺪﺧﻮﻝ ..
ﻓﺎﺩﻳﻪ : ﻓﻲ ﻭﺣﺪﻩ ﺑﺮﺍ ﺗﺒﻲ ﺗﺸﻮﻑ ﺣﻀﺮﺗﻚ ... ﻗﺎﻟﺖ ﺍﻧﻬﺎ ﻣﺤﺎﻣﻴﻪ ..
ﻣﻌﺎﻭﻳﻪ ﺑﺈﺳﺘﻐﺮﺍﺏ : ﺩﺧﻠﻴﻬﺎ ..
ﻓﺎﺩﻳﻪ : ﺣﺎﺿﺮ .. ﻃﻠﻌﺖ ﻭﺑﻌﺪ ﺷﻮﻳﻪ ﺍﻧﻔﺘﺢ ﺍﻟﺒﺎﺏ .. ﺗﻔﺎﺟﺄ ﻣﻌﺎﻭﻳﻪ ﻣﻦ ﺍﻟﻠﻲ ﺷﺎﻓﻪ ..
ﻣﻌﺎﻭﻳﻪ : ﺗﻔﻀﻠﻲ ...
ﻗﺪﻣﺖ ﻭﻗﻌﻤﺰﺕ : ﻛﻴﻒ ﺣﺎﻟﻚ ﺳﻴﺪ ﻣﻌﺎﻭﻳﻪ ..
ﻣﻌﺎﻭﻳﻪ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ...
ﻳﺎﺭﺍ : ﻣﺘﺄﺳﻔﻪ ﺟﺪﺍ ﻉ ﺍﻟﻠﻲ ﺻﺎﺭﻟﻜﻢ ﺳﻤﻌﺖ ﺍﻣﺲ ﺑﺲ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺘﺄﻟﻢ ..
ﻳﺎﺭﺍ : ﻭﻳﻦ ﻭﺻﻞ ﻣﻌﺎﻫﺎ ﺍﻟﻤﺤﺎﻣﻲ ..
ﻣﻌﺎﻭﻳﻪ : ﺍﻧﺴﺤﺐ ﻣﻦ ﺍﻟﻘﻀﻴﻪ ..
ﻳﺎﺭﺍ : ﺍﻧﺴﺤﺐ؟ !!
ﻣﻌﺎﻭﻳﻪ : ﻣﺎﻗﺪﺭﻫﺎﺵ ..
ﻳﺎﺭﺍ ﺗﻨﻬﺪﺕ : ﻛﻮﻳﺲ ﺳﻬﻞ ﻋﻠﻴﺎ ﺍﻟﻠﻲ ﻛﻨﺖ ﺟﺎﻳﻪ ﻉ ﺧﺎﻃﺮﻩ ..
ﻣﻌﺎﻭﻳﻪ ﺷﺒﺤﻠﻬﺎ ﺑﺄﺳﺘﻐﺮﺍﺏ ..
ﻳﺎﺭﺍ ﺷﺒﺤﺘﻠﻪ : ﺍﻧﻲ ﻧﺒﻲ ﻧﻜﻮﻥ ﻣﺤﺎﻣﻴﻪ ﺣﻨﺎﻥ ﻓﻲ ﻫﺎﻟﻘﻀﻴﻪ ..
ﻣﻌﺎﻭﻳﻪ ﺗﻔﺎﺟﺄ ﻉ ﺍﻵﺧﺮ ..
ﻳﺎﺭﺍ ﺍﺑﺘﺴﻤﺖ : ﻋﺎﺭﻓﻪ ﺍﻧﻚ ﻣﺘﻔﺎﺟﺄ .. ﻟﻠﻌﻠﻢ ﻧﻀﺎﻝ ﻣﺎﻳﻌﺮﻓﺶ ...
ﻣﻌﺎﻭﻳﻪ : ﺷﻦ ﺍﻟﻠﻲ ﻳﺨﻠﻴﻚ ﺍﺩﺍﻓﻌﻲ ﻋﻨﻬﺎ ﻭﺍﻧﺘﻢ ﺍﻟﺰﻭﺯ ﻓﻲ ﺑﻴﻨﺎﺗﻜﻢ ﺣﺴﺎﺳﻴﺎﺕ ..
ﻳﺎﺭﺍ : ﺻﺢ ﻭﻟﻶﻥ ﻣﻮﺟﻮﺩﻩ ﺑﺲ ﻟﻤﺮﺗﻚ ﻣﻌﺎﻳﺎ ﻣﻮﻗﻒ ﻟﻴﻦ ﻧﻤﻮﺕ ﻣﺎﻧﻨﺴﺎﻩ ﺩﺍﻓﻌﺖ ﻋﻠﻴﺎ ﻓﻲ ﻣﻮﻗﻒ ﺻﻌﺐ ﺍﺻﻌﺐ ﻣﻮﻗﻒ ﺗﻌﺮﺿﻠﻪ ﻓﺤﻴﺎﺗﻲ ... ﻭﺍﻧﻲ ﻧﺒﻲ ﻧﺮﺩﻟﻬﺎ ﻫﺎﻟﻤﻌﺮﻭﻑ ..
ﻣﻌﺎﻭﻳﻪ : ﻣﻮﻗﻒ ﺷﻨﻮ؟ !
ﻳﺎﺭﺍ : ﻳﺎﺭﻳﺖ ﺗﻌﺬﺭﻧﻲ ﻣﺶ ﺣﻨﻘﻮﻝ .. ﺑﺲ ﺍﻧﺖ ﻗﻮﻟﻠﻬﺎ ﻗﺎﻟﺘﻠﻚ ﻳﺎﺭﺍ ﻣﺎﺗﺒﻴﺶ ﻳﻜﻮﻥ ﻓﺮﻗﺒﺘﻬﺎ ﺟﻤﻴﻞ ﻣﻦ ﺣﺪ ﻭﻳﺎﺭﻳﺖ ﺗﻮﺍﻓﻖ ﻭﺗﻮﻛﻠﻨﻲ .. ﻭﺑﺈﺫﻥ ﺍﻟﻠﻪ ﺣﻨﻄﻠﻌﻬﺎ ﻣﻨﻬﺎ ..
ﻣﻌﺎﻭﻳﻪ ﺣﺲ ﻣﻦ ﻋﻴﻮﻧﻬﺎ ﺍﻧﻬﺎ ﺗﺘﻜﻠﻢ ﺑﺜﻘﻪ ﻭﺍﻧﻬﺎ ﻗﺎﺩﻩ ﺍﻟﻤﻮﺿﻮﻉ ﻓﻌﻼ ..
ﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ...
....
ﻻ ﺍﻟﻮﺟﻪ ﻧﺎﻳﺮ ﺍﻟﻴﻮﻡ ..
ﻣﻌﺎﻭﻳﻪ : ﻟﻤﺎ ﻧﺸﻮﻓﻚ ﻳﻨﻮﺭ ﺑﺮﻭﺣﻪ ..
ﺣﻨﺎﻥ ﺍﺑﺘﺴﻤﺖ؛ ﻛﻴﻒ ﺣﺎﻟﻚ ..
ﻣﻌﺎﻭﻳﻪ : ﺣﺎﻟﻲ ﻣﻦ ﻏﻴﺮﻙ ﻣﺎﺗﺴﺄﻟﻴﺶ ﻋﻠﻴﻪ ..
ﺣﻨﺎﻥ : ﻻﺑﻨﺴﺄﻝ .. ﻣﻌﺎﻭﻳﻪ ﻣﺎﺗﺨﻠﻴﺶ ﻗﻠﺒﻲ ﻣﺸﻐﻮﻝ ..
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﻻﻧﺒﻴﻪ ﻳﻘﻌﺪ ﻣﺸﻐﻮﻝ ﺑﻴﺎ ﺍﻧﻲ ﺑﺲ ..
ﺣﻨﺎﻥ ﺿﺤﻜﺖ ﺑﺨﺠﻞ : ﺑﺎﻫﻲ ﻭﺍﻟﺒﻨﺎﺕ ﺷﻦ ﺣﺎﻟﻬﻢ ..
ﻣﻌﺎﻭﻳﻪ : ﻣﺎﺗﺨﻤﻤﻲ ﻓﻲ ﺷﻲ ﻛﻠﻬﻢ ﺑﺨﻴﺮ ﻭﻣﺤﻤﺪ ﻓﻲ ﺍﺣﺴﻦ ﺣﺎﻝ ..
ﺣﻨﺎﻥ : ﺍﻟﺤﻤﺪ ﻟﻠﻪ .. ﺑﺲ ﺑﻮﻩ ﻭﻳﻨﻪ ﻣﻌﻘﻮﻝ ﻣﺶ ﻋﺎﺭﻑ ﺑﺎﻟﻠﻲ ﺻﺎﺭﻟﻲ ..
ﻣﻌﺎﻭﻳﻪ : ﺍﺣﻤﻢ .. ﻣﺶ ﻋﺎﺭﻑ .. ﻗﺎﻟﻮﺍ ﺍﻧﻪ ﻣﺴﺎﻓﺮ ..
ﺣﻨﺎﻥ : ﻃﺒﻌﺎ ﻭﻻﻛﺈﻧﻪ ﻣﺴﻴﺐ ﻭﺭﺍﻩ ﻋﻴﻞ ﻻﺯﻡ ﻳﺸﻮﻓﻪ ﻭﻳﺴﺄﻝ ﻋﻠﻴﻪ ..
ﻣﻌﺎﻭﻳﻪ : ﻣﻄﻤﻦ ﻋﻠﻴﻪ ﻣﻌﺎﻧﺎ ...
ﺣﻨﺎﻥ : ﻣﺎﺩﺍﻓﻌﺶ ﻋﻨﻪ ﻣﺶ ﺳﺎﺩ ﺍﻟﻮﻟﺪ ﺍﻧﺤﺮﻡ ﻣﻦ ﺍﻣﻪ ﻋﻼﺵ ﻳﻨﺤﺮﻡ ﻣﻦ ﺑﻮﻩ ﻭﻫﻮ ﻋﺎﻳﺶ ..
ﻣﻌﺎﻭﻳﻪ : ﺍﻫﺪﻱ ﺣﺒﻴﺒﺘﻲ .. ﻣﻤﻜﻦ ﻟﻴﻪ ﻇﺮﻭﻓﻪ ..
ﺣﻨﺎﻥ : ﻣﺎﻓﻴﺶ ﺍﻋﺬﺍﺭ .. ﺍﻧﻲ ﺧﺎﻳﻔﻪ ﻉ ﻫﺎﻟﻮﻟﺪ ﻣﻌﺎﺵ ﻋﻨﺪﻩ ﻏﻴﺮ ﺑﻮﻩ ﺗﻮﺍ ..
ﻣﻌﺎﻭﻳﻪ : ﺑﺎﻟﻠﻪ ﻋﻠﻴﻚ ﻣﻌﺎﺵ ﺗﺘﻜﻠﻤﻲ ﻫﻜﻲ .. ﻋﻨﺪﻩ ﺍﻧﻲ ﻭﺍﻧﺘﻲ .. ﺣﺘﻄﻠﻌﻴﻠﻪ ﻭﺣﻨﻌﻮﺿﻮﻩ ﺣﻨﻲ ﺍﻟﺰﻭﺯ ﻋﻦ ﻛﻞ ﺷﻲ ...
ﺣﻨﺎﻥ : ﺣﺘﻰ .. ﻟﻮ ﻣﺎ ..
ﻣﻌﺎﻭﻳﻪ : ﺍﺳﺴﺴﻜﻜﺘﻲ ..
ﺣﻨﺎﻥ ﺗﻨﻬﺪﺕ ...
ﻣﻌﺎﻭﻳﻪ : ﺍﻧﻲ ﺍﻟﻴﻮﻡ ﺟﺎﻳﻚ ﻭﻧﺒﻲ ﻧﻘﻮﻟﻚ ﺍﻥ ﻓﻲ ﻣﺤﺎﻣﻲ ﺗﺎﻧﻲ ﺣﻴﻤﺴﻚ ﺍﻟﻘﻀﻴﻪ ..
ﺣﻨﺎﻥ : ﻟﻬﺎﻟﺪﺭﺟﻪ ﺻﻌﺒﻪ؟ !!
ﻣﻌﺎﻭﻳﻪ : ﻫﺬﺍﻛﺎ ﺍﻟﻠﻲ ﺣﻤﺎﺭ ..
ﺣﻨﺎﻥ ﺑﻀﺤﻜﻪ : ﻣﻌﺎﻭﻳﻪ ..
ﻣﻌﺎﻭﻳﻪ ﺿﺤﻚ ﺑﻌﺼﺒﻴﻪ : ﺧﻠﻴﻨﺎ ﻣﻨﻪ ﺗﻮﺍ ... ﺍﻟﻤﻬﻢ ﻫﻲ ﻣﺤﺎﻣﻴﻪ ﺑﻤﻌﻨﻰ ﺍﻭﺿﺢ ..
ﺣﻨﺎﻥ : ﻣﺤﺎﻣﻴﻪ؟ !
ﻣﻌﺎﻭﻳﻪ : ﻳﺎﺭﺍ ﻣﺤﻤﻮﺩ ..
ﺣﻨﺎﻥ ﺍﺗﻔﺎﺟﺌﺖ ...
ﻣﻌﺎﻭﻳﻪ : ﺍﺗﻔﺎﺟﺌﺖ ﺯﻳﻚ ﺑﺲ ﻗﺎﻟﺘﻠﻲ ﻧﻮﺻﻠﻚ ﺍﻧﻬﺎ ﻣﺎﺗﺒﻴﺶ ﻳﻜﻮﻥ ﻓﺮﻗﺒﺘﻬﺎ ﺟﻤﻴﻞ ﻣﻦ ﺣﺪ ..
ﺣﻨﺎﻥ ﺍﺫﻛﺮﺕ ﺍﻟﻤﻮﻗﻒ ﺍﻟﻠﻲ ﺻﺎﺭ ﻭﺍﺑﺘﺴﻤﺖ ..
ﻣﻌﺎﻭﻳﻪ : ﺧﺎﻃﺮﻱ ﻧﻌﺮﻑ ﺷﻦ ﻫﻮﺍﻟﻤﻮﻗﻒ ﺍﻟﻠﻲ ﺻﺎﺭ ﺑﻴﻨﺎﺗﻜﻢ ..
ﺣﻨﺎﻥ ﺑﺈﺑﺘﺴﺎﻣﻪ : ﻣﺶ ﻣﻬﻢ ﺗﻮﺍ ....
ﻣﻌﺎﻭﻳﻪ ﺍﺑﺘﺴﻢ : ﻳﻌﻨﻲ ﻣﻮﺍﻓﻘﻪ ﺍﻧﻚ ﺗﻮﻛﻠﻴﻬﺎ ..
ﺣﻨﺎﻥ ﺷﺒﺤﺘﻠﻪ ﻫﻠﺒﻪ .. ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ
ﻣﻦ ﻟﻤﺎ ﺧﺪﺕ ﻳﺎﺭﺍ ﺗﻮﻛﻴﻞ ﺍﻟﻘﻀﻴﻪ ﻭﻫﻲ ﻗﺎﻋﺪﻩ ﺗﺠﺮﻱ ﻋﻠﻴﻬﺎ ..
ﻛﺎﻧﺖ ﺗﻔﻜﺮ ﻓﻴﻬﺎ ﺑﻌﻤﻖ ... ﻭﺍﺩﻭﺭ ﻉ ﻧﻘﻄﺔ ﺗﺠﻤﻊ ﺣﻨﺎﻥ ﻭﻧﺠﻼﺀ ﺑﺸﺨﺺ ﻳﻜﻮﻥ ﻛﺎﺩﻟﻬﻢ ﺍﻹﺛﻨﻴﻦ ﻫﺎﻟﻤﻜﻴﺪﻩ ﻗﺘﻞ ﻭﺣﺪﻩ ﻭﻭﺭﻁ ﺍﻟﺘﺎﻧﻴﻪ ... ﻭﺟﻤﻌﺖ ﻫﻠﺒﻪ ﺍﺷﺨﺎﺹ ﻣﻊ ﺑﻌﺾ .. ﻭﻗﻌﺪﺕ ﻟﻴﻠﻪ ﻛﺎﻣﻠﻪ ﻭﻫﻲ ﺗﻔﻜﺮ ﻭﺗﺤﺎﻭﻝ ﺗﺮﺑﻂ ﺑﻌﺾ ﺍﻷﺣﺪﺍﺙ ﺑﺄﺷﺨﺎﺹ ﻣﻌﻴﻨﻴﻦ ...
ﺑﺲ ﺍﻭﻝ ﺷﻲ ﻓﻜﺮﺕ ﺍﺩﻳﺮﻩ .. ﻫﻲ ﺍﻧﻬﺎ ﺗﺸﻮﻑ ﺟﺎﺭﻫﻢ ﺍﻟﻠﻲ ﺷﻬﺎﺩﺗﻪ ﺑﺎﻟﻨﺴﺒﻪ ﻟﻴﻬﺎ ﺗﺤﺘﻬﺎ ﻣﻠﻴﻮﻥ ﺧﻂ ...
ﻣﺸﺖ ﻟﺤﻮﺷﻪ ﺍﻟﻠﻲ ﻛﺎﻥ ﻳﻀﺮﺏ ﻳﻘﻠﺐ ﻭﻭﺍﺿﺢ ﺍﻧﻬﻢ ﻳﺼﻴﻨﻮﺍ ﻓﻴﻪ ﻭﺍﻟﻠﻲ ﻭﺍﻗﻒ ﻉ ﺍﻟﻌﻤﺎﻝ ﺷﺎﺏ ﺻﻐﻴﺮ ..
ﻳﺎﺭﺍ : ﺍﻟﺴﻼﻡ ﻋﻠﻴﻜﻢ ..
ﺍﻟﺸﺎﺏ : ﻭﻋﻠﻴﻜﻢ ﺍﻟﺴﻼﻡ ﺗﻔﻀﻠﻲ ...
ﻳﺎﺭﺍ : ﺗﺼﻴﻨﻮﺍ ﻓﻴﻪ ...
ﺍﻟﺸﺎﺏ : ﺍﻳﻪ .. ﻭﻧﺎﻭﻳﻴﻦ ﻧﺒﻴﻌﻮﻩ ..
ﻳﺎﺭﺍ ﺑﺈﺳﺘﻐﺮﺍﺏ : ﻭﻋﻼﺵ ﺗﺨﺴﺮﻭﺍ ﻉ ﺻﻴﺎﻧﺘﻪ ..
ﺍﻟﺸﺎﺏ ﺑﻀﺤﻜﻪ : ﺑﻮﻱ ﻣﺎﻳﻌﺮﻓﺶ ﻳﺨﺴﺮ ... ﺍﻧﺘﻲ ﺣﻀﺮﺗﻚ ﺳﻤﻌﺘﻲ ﻭﺗﺒﻲ ﺗﺸﺮﻱ؟ ..
ﻳﺎﺭﺍ : ﺍﻧﻲ ﺻﺪﻓﻪ ﺟﻴﺖ ﻭﺷﻔﺖ ﺍﻟﺤﻮﺵ ﻣﻦ ﺑﺮﺍ ﻛﺘﻔﺼﻴﻠﻪ ﻭﻋﺠﺒﻨﻲ ﺑﺲ ﺗﻔﺎﺟﺌﺖ ﺑﺎﻟﺼﻴﺎﻧﻪ ..
ﺍﻟﺸﺎﺏ : ﺗﺒﻲ ﻧﻌﻄﻴﻚ ﻋﻨﻮﺍﻥ ﺑﻮﻱ ﺗﺘﻔﺎﻫﻤﻲ ﻣﻌﺎﻩ ..
ﻳﺎﺭﺍ : ﺍﻭﻛﻲ ﺑﺲ ﻟﻴﺶ ﻫﻮ ﻣﺎﻳﺠﻴﺶ ﻫﻨﻲ ﻧﺘﻔﺎﻫﻢ ﻣﻌﺎﻩ ..
ﺍﻟﺸﺎﺏ : ﺑﻮﻱ ﻣﺎﻳﺤﺒﺶ ﺍﻟﺘﺨﺒﻴﻂ ﻭﺍﻟﺪﻭﺷﻪ ﻭﺍﻟﻮﻗﻔﻪ ﻉ ﺍﻟﻌﻤﺎﻝ ... ﻣﻦ ﻟﻤﺎ ﺑﺪﺕ ﺍﻟﺼﻴﺎﻧﻪ ﻣﺎﺟﺎﺵ ﺇﻻ ﻣﺮﺓ ﻭﺣﺪﻩ ..
ﻳﺎﺭﺍ : ﻗﺪﺍﺵ ﻟﻴﻜﻢ ﺗﺼﻴﻨﻮﺍ ﻓﻴﻪ ..
ﺍﻟﺸﺎﺏ : ﻓﻮﻕ ﺍﻟﺘﻼﺛﻪ ﺷﻬﻮﺭ ..
ﻳﺎﺭﺍ : ﺍﻫﺎ .. ﺑﺎﻫﻲ ﺍﺧﺮ ﺳﺆﺍﻝ .. ﻓﻲ ﺣﻮﺵ ﻫﻨﻲ ﻣﺤﺮﻭﻕ ﺷﻦ ﺣﻜﺎﻳﺘﻪ ..
ﺍﻟﺸﺎﺏ : ﻫﺬﺍ ﺣﻜﺎﻳﺘﻪ ﺣﻜﺎﻳﻪ ﺻﺎﺭﺕ ﻓﻴﻪ ﺟﺮﻳﻤﻪ .. ﻟﻘﻮﺍ ﻓﻴﻪ ﻣﺮﺍﺓ ﺩﺍﺧﻞ ﺍﻧﺤﺮﻗﺖ ﻓﻮﺳﻄﻪ ﻭﺑﻮﻱ ﻛﺎﻥ ﺷﺎﻫﺪ ﻉ ﻫﺬﺍﻛﺎ ﺍﻟﻴﻮﻡ ..
ﻳﺎﺭﺍ : ﻣﺶ ﻗﻠﺖ ﻣﺎﻳﺠﻴﺶ ﻣﻦ ﻟﻤﺎﺑﺪﺕ ﺍﻟﺼﻴﺎﻧﻪ ..
ﺍﻟﺸﺎﺏ : ﺍﻳﻪ ﻭﻗﺘﻠﻚ ﻣﺮﺓ ﻭﺣﺪﻩ ﺟﻲ ﻭﻛﺎﻥ ﻣﺼﺮﻳﻤﺸﻲ ﻳﻮﻣﻬﺎ ﻗﺎﻝ ﻧﺒﻲ ﻧﺸﻮﻑ ﺍﻟﺨﺪﻣﻪ ﺑﺮﻭﺣﻲ .. ﺑﻀﺤﻜﻪ .. ﺡﺭﻳﺺ ﻉ ﻓﻠﻮﺳﻪ ...
ﻳﺎﺭﺍ ﻗﻌﺪﺕ ﺗﻔﻜﺮ ..
ﺍﻟﺸﺎﺏ : ﻓﻮﺗﻴﻪ ﺍﻟﺤﻮﺵ ﻫﺬﺍﻛﺎ ﺧﻴﺮﻟﻚ .. ﻭﻟﻮﺗﺒﻲ ﻧﻬﺎﺭ ﻧﻔﻀﻮﺍ ﺣﻮﺷﻨﺎ ﺗﺸﻮﻓﻴﻪ ﺑﺮﺍﺣﺘﻚ ...
ﻳﺎﺭﺍ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺇﻥ ﺷﺎﺀ ﺍﻟﻠﻪ ﺗﻮ ﻧﻮﻟﻲ ... ﺳﻼﻡ ..
ﻣﺸﺖ ﻳﺎﺭﺍ ﻭﻫﻲ ﻃﺎﻟﻌﺔ ﺑﻨﺘﻴﺠﻪ ﻣﻦ ﺟﻴﺘﻬﺎ ﻭﻣﻦ ﻫﻨﻲ ﺣﺘﺒﺪﺍ ..
****
ﻭﺍﺛﻘﻪ ﻣﻦ ﻧﻔﺴﻬﺎ ﻫﻠﺒﻪ ..
ﻛﺮﻳﻢ : ﺍﻥ ﺷﺎﺀ ﺍﻟﻠﻪ ﺍﻟﻔﺮﺝ ﻉ ﺍﻳﺪﻳﻬﺎ ..
ﻣﻌﺎﻭﻳﻪ : ﻳﺎﺭﺏ ..
ﻛﺮﻳﻢ : ﺍﻳﻪ ﺣﻖ ﺍﻟﺪﻛﺘﻮﺭ ﺍﻟﻠﻲ ﻛﻠﻤﺘﻨﻲ ﻋﻠﻴﻪ ﻟﻘﻴﺘﻪ ..
ﻣﻌﺎﻭﻳﻪ ﺑﺄﻧﺘﺒﺎﻩ : ﺍﻳﻪ ﻭﺷﻦ ﺻﺎﻳﺮ ﻓﻴﻪ ..
ﻛﺮﻳﻢ : ﻣﻊ ﺍﻷﺳﻒ .. ﺍﻳﺎﻣﻪ ﺍﻷﺧﻴﺮﻩ ..
ﻣﻌﺎﻭﻳﻪ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﻛﺮﻳﻢ : ﻭﺿﻌﻪ ﻣﻦ ﻟﻤﺎ ﺟﻲ ﻏﺎﺩﻱ ﺣﺮﺝ ﻟﻴﻪ ﻣﺪﻩ ﺍﻟﻤﺮﺽ ﻣﺘﻤﻜﻦ ﻣﻨﻪ ... ﺿﺮﺑﻠﻪ ﺍﻟﺤﻮﺍﺱ .. ﻭﻋﻦ ﻗﺮﻳﺐ ﺣﻴﻨﻌﻤﻰ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﺑﺎﻟﻢ ﻭﻓﺘﺤﻬﻢ : ﺇﻥ ﻟﻠﻪ ﻭﺍﻥ ﺇﻟﻴﻪ ﺭﺍﺟﻌﻮﻥ ..
***
ﺣﺒﻴﺒﻲ ..
ﺃﺳﻨﺎﻡ ﻭﻫﻮ ﺣﺎﺿﻨﻬﺎﻭﻫﻤﺎ ﻣﻘﻌﻤﺰﻳﻦ ﻉ ﺍﻟﺴﺮﻳﺮ : ﺭﻭﺡ ﺭﻭﺣﻲ ..
ﺭﻫﻒ : ﻣﺎﻣﺎ ﺣﺘﻄﻠﻊ ﻭﻻ؟ .
ﺍﺳﻨﺎﻡ : ﻣﺎﺩﺍﻣﻨﺎ ﻧﺪﻋﻮﻟﻬﺎ ﺣﺘﻄﻠﻊ ﺑﺈﺫﻥ ﺍﻟﻠﻪ ... ﻭﺑﻌﺪﻳﻦ ﻳﺎﻋﻤﺮﻱ ﺍﻣﻚ ﻣﺮﺍﺓ ﺗﺨﺎﻑ ﺭﺑﻲ ﻭﺍﺩﻳﺮ ﻓﻲ ﺍﻟﺨﻴﺮ ﻭﺭﺑﻚ ﻳﻘﻮﻝ
} ﻭﻣﻦ ﻳﺘﻖ ﺍﻟﻠﻪ ﻳﺠﻌﻞ ﻟﻪ ﻣﺨﺮﺟﺎ { ﻭﺭﺑﻚ ﻻﻳﺨﻠﻒ ﺍﻟﻤﻴﻌﺎﺩ ..
ﺭﻫﻒ ﺣﻀﻨﺎﺗﻪ : ﻳﺎﺍﺍﺍﺭﺏ ..
ﺍﺳﻨﺎﻡ ﺯﺍﺩ ﺣﻀﻨﻬﺎ ﻭﻗﻌﺪ ﻳﻄﺒﻄﺐ ﻋﻠﻴﻬﺎ ..
...
ﻟﺒﻨﻰ : ﻭﻧﻌﻢ ﺑﺎﻟﻠﻪ ..
ﻋﺰ : ﺗﻤﺎﻡ ﺗﻮﺍ ﺍﺭﻗﺪﻱ ﻭﺳﻠﻤﻴﻬﺎ ﻟﺮﺑﻚ ﻏﺪﻭﺓ ﻋﻨﺪﻙ ﺍﻣﺘﺤﺎﻥ ﻻﺯﻡ ﺗﻔﺮﺣﻲ ﺍﻣﻚ ﺑﺘﻔﻮﻗﻚ .. ﻫﻲ ﺑﺤﺎﺟﺔ ﺍﻷﺧﺒﺎﺭ ﺍﻟﺤﻠﻮﺓ ..
ﻟﺒﻨﻰ ﺍﺑﺘﺴﻤﺖ : ﺍﻥ ﺷﺎﺀ ﺍﻟﻠﻪ ..
ﻋﺰ : ﻣﺎﺗﺒﻲ ﺷﻲ ..
ﻟﺒﻨﻰ : ﺳﻼﻣﺘﻚ .... ﻋﺰ ..
ﻋﺰ : ﻧﻌﻢ ...
ﻟﺒﻨﻰ : ﺷﻜﺮﺍ
ﻋﺰﺍﺑﺘﺴﻢ : ﺍﻟﻌﻔﻮ ﺗﺼﺒﺤﻲ ﻉ ﺧﻴﺮ ..
ﻟﺒﻨﻰ : ﻭﺍﻧﺖ ﻣﻦ ﺍﻫﻠﻪ ﺻﻜﺮﺕ ... ﻭﺣﻄﺖ ﺭﺍﺳﻬﺎ ﻉ ﺍﻟﻤﺨﺪﻩ ﻭﻏﻤﻀﺖ ﻋﻴﻮﻧﻬﺎ ﻭﻓﻲ ﻗﻠﺒﻬﺎ ﺃﻣﻞ ﻛﺒﻴﺮ ﺑﺎﻟﻠﻪ .. ﺍﻥ ﺍﻟﻔﺮﺝ ﻗﺮﻳﺐ ..
...
ﻭﻟﺪ ﻭﻻﺑﻨﺖ ﺍﻟﻠﻲ ﻳﺠﻲ ﻣﻦ ﺭﺑﻲ ﺣﻠﻮ ... ﻭﻣﻨﻚ ﺍﻧﺘﻲ ﻳﺎﺣﻠﻮ ..
ﻣﻬﺎ ﺍﺑﺘﺴﻤﺖ : ﻧﺒﻲ ﻋﻴﻮﻧﻪ ﻣﻠﻮﻧﺎﺕ ﺯﻱ ﻋﻴﻮﻧﻚ ﻭﺍﻟﺒﺎﻗﻲ ﻧﺒﻴﻪ ﺯﻱ ﺑﺎﺑﺎ ..
ﺭﺿﺎ : ﻫﻬﻬﻬﻬﻬﻬﻬﻪ ... ﻻﺏﺍﺭﻙ ﺍﻟﻠﻪ ﻓﻴﻚ ﻓﻀﻠﺘﻲ ﻋﻠﻴﺎ ..
ﻣﻬﺎ : ﻫﻬﻬﻬﻬﻬﻪ ... ﺍﺍﺍﻩ .. ﻳﺎﺭﺏ ﺗﻔﺮﺡ ﻗﻠﻮﺑﻨﺎ ﺑﻄﻠﻌﺔ ﺧﺎﻟﺘﻲ ﺣﻨﺎﻥ ﻭﺗﻜﻮﻥ ﻣﻌﺎﻱ ﻟﻤﺎ ﻧﺠﻴﺐ ﻭﻫﻲ ﺍﻟﻠﻲ ﺗﺴﻤﻴﻪ ..
ﺭﺿﺎ : ﻣﺼﺮﺓ ﺍﻧﻪ ﻭﻟﺪ ..
ﻣﻬﺎ : ﺇﺣﺴﺎﺳﻲ ﻫﻜﻲ ﻳﻘﻮﻝ ...
ﺭﺿﺎ : ﻧﺠﻴﻬﺎﻟﻲ ﻫﻲ ﻭﺍﺣﺴﺎﺳﻬﺎ ... ﻭﺑﺎﺳﻬﺎ ﻭﻫﻲ ﺗﻀﺤﻚ ..
ﻛﻞ ﻭﺍﺣﺪ ﻳﻬﻮﻥ ﻉ ﺍﻟﻠﻲ ﻳﺤﺒﻪ ﻭﺟﻌﻪ .. ﻭﻫﺎﺩﻱ ﻧﻌﻤﺔ ﻭﺟﻮﺩ ﺍﻟﻨﺎﺱ ﺍﻟﻠﻲ ﺗﺤﺒﻚ ﺣﻮﺍﻟﻴﻚ ﻳﺨﻔﻔﻮﺍ ﻋﻠﻴﻚ ﻭﻗﺖ ﺿﻴﻘﻚ ﻭﻳﻔﺮﺣﻮﺍ ﻣﻌﺎﻙ ﻭﻗﺖ ﻓﺮﺣﻚ ...
***
ﺑﻌﺪ ﻛﻢ ﻳﻮﻡ
ﺣﻨﺎﻥ ﺳﺎﺳﻲ .. ﺯﻳﺎﺭﺓ ..
ﺣﻨﺎﻥ ﻧﺎﺿﺖ ﻭﻃﻠﻌﺖ ﻣﻊ ﺍﻟﺴﺠﺎﻧﻪ ﻭﺻﻠﺖ ﻟﻤﻜﺎﻥ ﺍﻟﺰﻳﺎﺭﺓ ﻓﺘﺤﺖ ﺍﻟﺴﺠﺎﻧﻪ ﺍﻟﺒﺎﺏ ﻭﺩﺧﻠﺘﻬﺎ .. ﺍﺗﻔﺎﺟﺌﺖ ﻟﻤﺎ ﺷﺎﻓﺖ ﺍﻟﺰﺍﺋﺮ ..
ﻗﺪﻣﺖ ﻭﻗﻌﻤﺰﺕ ...
ﻳﺎﺭﺍ : ﻛﻴﻒ ﺣﺎﻟﻚ ..
ﺣﻨﺎﻥ : ﺍﻟﺤﻤﺪ ﻟﻠﻪ .. ﻭﺍﻧﺘﻲ ..
ﻳﺎﺭﺍ : ﺍﻟﺤﻤﺪ ﻟﻠﻪ .. ﻣﺎﺟﻴﺘﻜﺶ ﻗﺒﻞ ﻷﻥ ﻛﺎﻥ ﻋﻨﺪﻱ ﻓﻜﺮﺓ ﻛﺎﻣﻠﻪ ﻉ ﺍﻟﻘﻀﻴﻪ ﺑﺲ ﻫﺎﻟﻤﺮﺓ ﻋﻨﺪﻱ ﻛﻢ ﺳﺆﺍﻝ ﻭﻧﺒﻲ ﺍﺟﺎﺑﺘﻚ ﺿﺮﻭﺭﻱ ..
ﺣﻨﺎﻥ : ﺗﻔﻀﻠﻲ ..
ﻳﺎﺭﺍ : ﺍﻟﻠﻲ ﻋﺮﻓﺘﻪ ﺍﻥ ﻧﺠﻼ ﻛﺎﻧﺖ ﻣﺘﺤﺴﺴﻪ ﻣﻨﻚ ﺑﻤﻌﻨﻰ ﺍﺩﻕ ﻣﺎﺗﺤﺒﻜﺶ ﻧﻬﺎﺋﻲ ﺷﻦ ﺟﺎﺑﻬﺎ ﻟﺤﻮﺷﻚ ﻳﻮﻣﻬﺎ ..
ﺣﻨﺎﻥ : ﻗﺎﻟﺖ ﺍﻧﻬﺎ ﺟﺎﻳﻪ ﺗﺴﺘﺴﻤﺢ ﻣﻨﻲ ..
ﻳﺎﺭﺍ : ﻋﻠﻲ ...
ﺣﻨﺎﻥ : ﻉ ﺍﻧﻬﺎ ﻃﻠﻌﺖ ﻋﻠﻴﺎ ﺩﻭﺓ ﻣﺶ ﻛﻮﻳﺴﻪ .. ﻭﻉ ﺳﺒﺐ ﺗﺎﻧﻲ ﺻﺪﻣﺖ ﻟﻤﺎ ﻋﺮﻓﺘﻪ ..
ﻳﺎﺭﺍ : ﺍﻥ ﻫﻲ ﺍﻟﻠﻲ ﺳﺮﻗﺖ ﺗﺼﻤﻴﻢ ﺍﻟﻔﻨﺪﻕ ﻣﻨﻚ ..
ﺣﻨﺎﻥ : ﺻﺢ .. ﺑﺲ ﻛﻴﻒ ﻋﺮﻓﺘﻲ .. ﺍﻧﻲ ﺣﺘﻰ ﻟﻤﻌﺎﻭﻳﻪ ﻣﺎﻗﻠﺘﺶ ..
ﻳﺎﺭﺍ ﺍﺑﺘﺴﻤﺖ : ﺭﺟﻞ ﺍﻷﻋﻤﺎﻝ ﺍﻟﻠﻲ ﺣﻴﻨﻔﺪ ﺗﺼﻤﻴﻤﻚ ﺍﻟﻤﺴﺮﻭﻕ ﺗﻌﺮﻓﻲ ﻣﻦ ﻣﺸﺎﺭﻛﻪ ﺣﺎﻟﻴﺎ ...
ﺣﻨﺎﻥ : ﻣﻨﻲ ..
ﻳﺎﺭﺍ : ﺳﻤﻴﺔ ﺍﻟﻤﺤﻤﻮﺩﻱ .. ﻭﺍﻟﺪﺓ ﺍﻗﺒﺎﻝ ...
ﺣﻨﺎﻥ ﺑﺼﺪﻣﻪ : ﻗﺼﺪﻙ .. ﺗﺲ ﺗﺲ ﺗﺲ ... ﺗﺒﻲ ﺍﻟﺼﺮﺍﺣﻪ ﺣﻨﻲ ﺷﻜﻴﻨﺎ ﻓﻴﻬﺎ ﺑﺲ ﻣﺎﻟﻘﻴﻨﺎﺵ ﻟﻴﻬﺎ ﻣﺼﻠﺤﻪ ﻭﻗﺘﻬﺎ ..
ﻳﺎﺭﺍ : ﺍﻟﺸﺮﺍﻛﻪ ﻣﺎﻛﺎﻧﺘﺶ ﻣﻌﻠﻨﻪ ﺑﻄﻠﺐ ﻣﻦ ﺳﻤﻴﻪ ﻟﻬﺎﻟﺴﺒﺐ ﻣﺎﻋﺮﻑ ﺣﺪ .. ﻭﺍﻧﻲ ﻟﻴﺎ ﻃﺮﻗﻲ ﺍﻟﻠﻲ ﺧﻠﺘﻨﻲ ﻧﻌﺮﻑ ...
ﺣﻨﺎﻥ : ﺑﺲ ﻧﺒﻲ ﻧﻔﻬﻢ ﻋﻼﺵ ﺍﻗﺒﺎﻝ ﻣﻤﻜﻦ ﺗﺮﺗﻜﺐ ﺟﺮﻡ ﺯﻱ ﻫﺬﺍ ﻓﻲ ﻧﺠﻼ ..
ﻳﺎﺭﺍ : ﺣﻨﺎﻥ ﻧﻌﺮﻓﻚ ﺫﻛﻴﻪ .. ﻛﺎﻧﺖ ﻋﺎﺭﻓﻪ ﺍﻥ ﻧﺠﻼ ﺟﺎﻳﺘﻚ ﻭﺣﺘﻌﺘﺮﻓﻠﻚ ..
ﺣﻨﺎﻥ : ﻭﺷﻦ ﺍﻟﻠﻲ ﻋﺮﻓﻬﺎ ﺍﻧﻲ ﺣﻨﻜﻮﻥ ﻓﻲ ﺍﻟﺤﻮﺵ ﻳﻮﻣﻬﺎ ﻭﻛﻴﻒ ﺍﺭﺗﻜﺒﺖ ﺟﺮﻳﻤﺘﻬﺎ ﻭﻋﻼﺵ ﻭﻟﺖ ﻧﺠﻼﺀ ﺑﻌﺪ ﻣﺎﺃﻧﻲ ﻃﻠﻌﺖ ... ﻫﻠﺒﻪ ﺃﺳﺌﻠﻪ ﺗﺒﻲ ﺍﺟﺎﺑﻪ ..
ﻳﺎﺭﺍ ﺑﺈﺑﺘﺴﺎﻣﻪ؛ﻫﺎﺩﻱ ﻭﻇﻴﻔﺔ ﺿﺎﺑﻂ ﺍﻟﺘﺤﻘﻴﻖ .. ﺟﺎﻳﻪ ﻧﺒﻲ ﻧﻘﻮﻟﻚ ﺣﺎﺟﻪ ﺍﻟﺠﻠﺴﻪ ﺍﻟﻠﻲ ﺣﺘﻜﻮﻥ ﺑﻌﺪ ﺍﺳﺒﻮﻋﻴﻦ ﻫﻲ ﺍﺧﺮ ﺟﻠﺴﻪ .. ﻭﺑﺈﺫﻥ ﺍﻟﻠﻪ ﺣﺘﻄﻠﻌﻲ ... ﻧﺎﺿﺖ ..
ﺣﻨﺎﻥ ﻧﺎﺿﺖ ﻣﻌﺎﻫﺎ : ﻭﺍﺛﻘﻪ ﻫﻠﺒﻪ ..
ﻳﺎﺭﺍ ﺍﺑﺘﺴﻤﺖ : ﺑﺮﺑﻲ ﻗﺒﻞ ﻧﻔﺴﻲ .. ﻣﺎﻧﺒﺪﺍﺵ ﻳﺎﺭﺍ ﻣﺤﻤﻮﺩ ﻛﺎﻥ ﻣﺎﺧﻠﻴﺘﺶ ﺍﻟﻘﺎﺿﻲ ﻳﺤﻜﻢ ﺑﺒﺮﺍﺋﺘﻚ ﺍﻟﺠﻠﺴﻪ ﺍﻟﺠﺎﻳﻪ ... ﺍﻟﺴﻼﻡ ﻋﻠﻴﻜﻢ ...
ﺣﻨﺎﻥ ﻗﻌﺪﺕ ﺗﺸﻮﻓﻠﻬﺎ ﻟﻴﻦ ﻃﻠﻌﺖ ﻭﺍﺑﺘﺴﻤﺖ ... ﺟﺘﻬﺎ ﺍﻟﺴﺠﺎﻧﻪ ﻭﻃﻠﻌﺘﻬﺎ ﻃﻮﻝ ...
ﺑﻌﺪ ﺃﺳﺒﻮﻋﻴﻦ ...
ﻓﻲ ﺍﻟﻤﺤﻜﻤﻪ ...
ﻣﻌﺎﻭﻳﻪ : ﻣﺘﻔﺎﺋﻞ ﻷﺑﻌﺪ ﺣﺪ ..
ﺃﻳﻤﻦ : ﺣﺘﻰ ﺍﻧﻲ .. ﻳﺎﺭﺍ ﻭﺍﺛﻘﻪ ﻣﻦ ﻧﻔﺴﻬﺎ ﻫﻠﺒﻪ ..
ﻣﻌﺎﻭﻳﻪ ﺷﺒﺤﻠﻪ ﺑﺸﻚ ﺑﻌﺪﻳﻦ ﺍﺑﺘﺴﻢ ﻭﺷﺒﺢ ﺍﻟﻘﺪﺍﻡ ..
ﺷﻮﻳﻪ ﻭﺟﻲ ﻧﻀﺎﻝ ﺍﻟﻠﻲ ﻗﻠﺐ ﺟﻮ ﻣﻌﺎﻭﻳﻪ ﻭﺑﻌﺪﻩ ﻧﻴﺮﻭﺯ ﻭﺭﺍﺟﻠﻬﺎ ﻭﻫﺎﻟﻤﺮﺓ ﺟﻲ ﺍﻟﻤﻬﻨﺪﺱ ﻣﻮﺳﻰ ﻣﻌﺎﻫﻢ ﺍﻟﻠﻲ ﺑﺮﺍﺀﺓ ﺣﻨﺎﻥ ﻣﻤﻜﻦ ﺗﺮﺩﻟﻪ ﺷﻮﻳﻪ ﻣﻦ ﺳﻤﻌﺔ ﻣﻜﺘﺒﻪ ﺍﻟﻠﻲ ﺭﺍﺣﺖ ﺑﻌﺪ ﺍﻟﻠﻲ ﺻﺎﺭ ..
ﻳﺎﺭﺍ ﺟﺖ : ﺍﻟﺴﻼﻡ ﻋﻠﻴﻜﻢ ..
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ ..
ﻳﺎﺭﺍ : ﺷﻮﻳﻪ ﻭﻧﺨﺸﻮﺍ .. ﺷﺒﺤﺖ ﻟﻤﻌﺎﻭﻳﻪ ... ﺣﺘﺮﻭﺡ ﺑﻴﻬﺎ ﻧﻮﻋﺪﻙ ..
ﻣﻌﺎﻭﻳﻪ ﺍﺑﺘﺴﻢ ﻭﻧﻀﺎﻝ ﺷﺒﺤﻠﻬﺎ ﻫﻠﺒﻪ ﻭﺍﺑﺘﺴﻢ ..
ﺃﻳﻤﻦ : ﻣﻦ ﺍﻟﺒﺪﺍﻳﻪ ﻛﺎﻥ ﻻﺯﻡ ﻧﻔﻜﺮﻭﺍ ﻓﻴﻚ ..
ﻳﺎﺭﺍ ﺷﺒﺤﺘﻠﻪ ﻭﺍﺑﺘﺴﻤﺖ ﻭﻫﻮ ﺍﺑﺘﺴﻤﻠﻬﺎ ...
ﻧﺎﺩﻭﺍ ﻋﻠﻴﻬﻢ ﻭﺧﺸﻮﺍ ...
ﺷﻮﻳﻪ ﻭﺩﺧﻠﻮﺍ ﺣﻨﺎﻥ .. ﺷﺒﺤﺖ ﻷﺣﺒﺎﺑﻬﺎ ﻛﻠﻬﻢ ﺑﻌﺪﻳﻦ ﺷﺒﺤﺖ ﻟﻴﺎﺭﺍ ﺍﻟﻠﻲ ﺣﻴﺘﻬﺎ ﺑﺤﺮﻛﺔ ﺍﻟﺮﺍﺱ ﻭﺭﺩﺗﻠﻬﺎ ﺣﻨﺎﻥ ﺍﻟﺘﺤﻴﻪ ..
ﺧﺶ ﺍﻟﻘﺎﺿﻲ ﻭﺍﻷﻋﻀﺎﺀ ﻣﻌﺎﻩ ﻭﺑﺪﺕ .. ﺍﻟﺠﻠﺴﻪ ..
ﻭﻗﻔﺖ ﻳﺎﺭﺍ ﻭﺑﺪﺕ ﻣﺮﺍﻓﻌﺘﻬﺎ ﺑﻌﺪ ﻃﻠﺐ ﻣﻨﻬﺎ ﺍﻟﻘﺎﺿﻲ ..
ﻭﻛﺎﻥ ﻛﻼﻣﻬﺎ ﻛﻠﻪ ﻋﻦ ﺣﺠﺞ ﻗﻮﻳﻪ ﻭﻛﺎﻧﺖ ﺗﺘﻜﻠﻢ ﺑﻨﻘﺎﻁ ﻣﻬﻤﻪ ﻣﺤﺎﻣﻴﻪ ﻣﺘﻤﻜﻨﻪ ﻭﻣﻤﺘﺎﺯﺓ ...
ﻳﺎﺭﺍ : ﻭﺯﻱ ﻣﺎﻣﻮﺟﻮﺩ ﻗﺪﺍﻣﻚ ﺳﻴﺪﻱ ﺍﻟﺮﺋﻴﺲ ﻫﺎﺩﺍ ﻣﺎﻳﺜﺒﺖ ﺣﺠﻢ ﺍﻟﻤﺒﻠﻎ ﺍﻟﻠﻲ ﺍﻭﺩﻉ ﺑﺤﺴﺎﺑﻪ ﺧﻼﻝ ﻫﺎﻟﻔﺘﺮﺓ ... ﻭﻃﺒﻌﺎ ﺑﻌﺪ ﺍﻟﻘﺒﺾ ﻋﻠﻴﻪ ﻭﺍﻋﺘﺮﺍﻓﻪ ﺑﺸﻬﺎﺩﺗﻪ ﺯﻭﺭ ﻫﻮ ﺍﻟﻴﻮﻡ ﺣﻴﻜﻮﻥ ﺷﺎﻫﺪ ﻟﺼﺎﻟﺢ ﻣﻮﻛﻠﺘﻲ ﻓﻲ ﺍﻟﻘﻀﻴﻪ ..
ﺍﻟﻘﺎﺿﻲ : ﺩﺧﻠﻪ ﺍﻟﺸﺎﻫﺪ ﻓﺘﺤﻰ ﻣﺤﻔﻮﻅ ..
ﺧﺶ ﺟﺎﺭ ﺣﻨﺎﻥ ﺍﻟﻠﻲ ﺍﻧﺼﺪﻡ ﻧﻀﺎﻝ ﻟﻤﺎ ﺷﺎﻓﻪ ﺻﺢ ﻋﻼﻗﺘﻬﻢ ﺑﺎﻟﺠﻴﺮﺍﻥ ﺳﻄﺤﻴﻪ .. ﻟﻜﻦ ﺷﻦ ﺍﻟﻠﻲ ﺧﻼﻩ ﻳﺪﻳﺮ ﻓﻲ ﺣﻨﺎﻥ ﻫﻜﻲ ... ﻭﻫﻲ ﻋﻤﺮﻫﺎ ﻣﺎﻭﺻﻠﺖ ﻓﻴﻬﻢ ...
ﺍﻟﻘﺎﺿﻲ : ﺷﻦ ﺍﻟﻠﻲ ﺧﻼﻙ ﺗﺸﻬﺪ ﺯﻭﺭ ﻳﺎﻓﺘﺤﻲ ..
ﻓﺘﺤﻲ ﻭﺍﻟﻨﺪﻡ ﻗﺎﻟﻪ : ﻓﻲ ﻳﻮﻡ ﺟﺘﻨﻲ ﻟﻠﺨﺪﻣﻪ ﻭﺣﺪﻩ ﻭﻛﺎﻥ ﺑﺎﻳﻦ ﻋﻠﻴﻬﺎ ﺑﻨﺖ ﻧﻌﻤﻪ .. ﻗﻌﺪﺕ ﺗﻜﻠﻢ ﻓﻴﺎ ﻉ ﻋﻘﺎﺭﺍﺕ ﺑﺤﻜﻢ ﺧﺪﻣﺘﻲ ﻓﻬﺎﻟﻤﺠﺎﻝ ... ﺑﻌﺪﻫﺎ ﺑﺪﺕ ﺗﻘﻮﻟﻲ ﻋﻦ ﺍﻟﺪﻳﻮﻥ ﺍﻟﻠﻲ ﻋﻠﻴﺎ ﻭﻋﻦ ﺍﻟﻘﺮﺽ ﺍﻟﻠﻲ ﻭﺍﺧﺪﻩ ... ﻭﺻﺪﻣﺘﻨﻲ ﻛﻴﻒ ﻋﺮﻓﺖ ﻫﺎﻟﺤﺎﺟﺎﺕ ﻫﺎﺩﻱ ﻛﻠﻬﺎ ﻋﻨﻲ ﻭﺍﻧﻲ ﻣﺪﺭﻗﻬﺎ ﺣﺘﻰ ﻉ ﺯﻭﺟﺘﻲ .. ﻗﺎﻟﺘﻠﻲ ﻣﺴﺘﻌﺪﻩ ﺍﻧﻬﺎ ﺗﺨﻠﺼﻨﻲ ﻣﻦ ﻫﺎﻟﻬﻢ ﻣﻘﺎﺑﻞ ﺧﺪﻣﻪ ﻧﺪﻳﺮﻫﺎﻟﻬﺎ ... ﻭﺍﻧﻲ ﻣﺎﺻﺪﻗﺖ ﻷﻧﻲ ﻛﻨﺖ ﻣﻬﺪﺩ ﺑﺎﻟﺤﺒﺲ .. ﺧﺒﺮﺗﻨﻲ ﺑﺎﻟﻠﻲ ﺗﺒﻴﻪ ﻣﻨﻲ ﻭﺍﻧﻲ ﺧﻔﺖ ﻫﻠﺒﻪ ﻭﻣﺎﺭﺿﻴﺘﺶ ﻓﻲ ﺍﻟﺒﺪﺍﻳﻪ ﺑﻌﺪﻳﻦ ﺍﻏﺮﺗﻨﻲ ﺑﻔﻠﻮﺱ ﺯﻳﺎﺩﻩ .. ﻭﺍﻧﻲ ﺿﻌﻔﺖ ... ﻭﻗﺒﻠﺖ ...
ﻳﺎﺭﺍ : ﺗﺴﻤﺤﻠﻲ ﺳﻴﺪﻱ ..
ﺍﻟﻘﺎﺿﻲ ﻫﺰ ﺭﺍﺳﻪ ﺑﺈﻳﺠﺎﺏ ..
ﻳﺎﺭﺍ : ﺷﻨﻮ ﺍﻟﻠﻲ ﺻﺎﺭ ﻳﻮﻣﻬﺎ ﺑﺎﻟﺰﺑﻂ ..
ﻓﺘﺤﻲ : ﻳﻮﻣﻬﺎ ﺟﺎﺭﺗﻨﺎ ﺟﺖ ﺑﻌﺪ ﺍﻟﻌﺼﺮ ﻟﺤﻮﺷﻬﺎ ﻭﺟﺖ ﺍﻟﻤﺮﺍﺓ ﺍﻟﻠﻲ ﻣﺎﺗﺖ ﺣﺘﻰ ﻫﻲ ﺑﻌﺪﻫﺎ ﺑﻘﻴﺲ ﺭﺑﻊ ﺳﺎﻋﻪ ... ﺷﻮﻳﻪ ﻭﻃﻠﻌﺖ ﺍﻟﻤﺮﺍﺓ .. ﺑﻌﺪﻫﺎ ﺏ 5 ﺩﻗﺎﻳﻖ ﻃﻠﻌﺖ ﺟﺎﺭﺗﻨﺎ ﻭﻫﻲ ﺭﺍﻛﺒﻪ ﺳﻴﺎﺭﺗﻬﺎ ﻭﻣﺸﺖ .. ﺑﻌﺪ ﺷﻮﻱ ﻭﻟﺖ ﺍﻟﻤﺮﺍﺓ ﺍﻟﻠﻲ ﻣﺎﺗﺖ ﻭﺧﺸﺖ ﻟﻠﺤﻮﺵ ..
ﻳﺎﺭﺍ : ﻛﻴﻒ ﺧﺸﺖ ..
ﻓﺘﺤﻲ ﺷﺒﺢ ﻟﺤﻨﺎﻥ : ﺍﻟﻠﻲ ﻋﺮﻓﺘﻪ ﺍﻥ ﺍﻟﻤﺮﺍﺓ ﺍﻟﻠﻲ ﺍﺗﻔﻘﺖ ﺍﻧﻲ ﻭﻳﺎﻫﺎ ﻛﺎﻥ ﻋﻨﺪﻫﺎ ﻣﻔﺘﺎﺡ ﺣﻮﺷﻚ ... ﻷﻧﻬﺎ ﺳﺄﻟﺘﻨﻲ ﻗﺪﺍﺵ ﻓﻲ ﻣﺪﺧﻞ ﻟﻠﺤﻮﺵ ﻣﺘﺎﻋﻜﻢ ...
ﺣﻨﺎﻥ ﻣﺬﻫﻮﻟﻪ ﻣﻦ ﺍﻟﻠﻲ ﺗﺴﻤﻊ ﻓﻴﻪ .. ﻭﻧﻀﺎﻝ ﻣﺼﺪﻭﻡ ﺍﻣﺎ ﻣﻌﺎﻭﻳﻪ ﻓﻜﺎﻥ ﻓﻲ ﺍﻗﺼﻰ ﻣﺮﺍﺣﻞ ﺍﻟﻐﻀﺐ ..
ﻳﺎﺭﺍ : ﺗﻌﺮﻑ ﺍﺳﻤﻬﺎ ﺍﻛﻴﺪ ..
ﻓﺘﺤﻲ : ﻫﻲ ﻓﺎﻻﻭﻝ ﻗﺎﻟﺘﻠﻲ ﺍﺳﻢ ﺗﺎﻧﻲ ﺑﺲ ﺍﻧﻲ ﻋﺮﻓﺖ ﻣﻦ ﻭﺭﺍﻫﺎ ﺍﺳﻤﻬﺎ ﺍﻟﺤﻘﺎﻧﻲ .. ﻷﻧﻬﺎ ﺟﺘﻨﻲ ﻣﺘﺤﺠﺒﻪ ﻭﻗﺘﻬﺎ .. ﻭﺍﻧﻲ ﺗﺒﻌﺘﻬﺎ ﺑﻌﺪ ﺗﺎﻧﻲ ﻣﺮﺓ ﺗﻼﻗﻴﻨﺎ ﻓﻴﻬﺎ ﻛﻨﺖ ﻧﺒﻲ ﻧﻌﺮﻓﻬﺎ ﻣﻦ ﺗﻜﻮﻥ ﻭﻣﻨﻴﻦ ﺳﺄﻟﺖ ﺍﻛﺜﺮ ﻃﻠﻌﺖ ﻣﺶ ﻣﺘﺤﺠﺒﻪ ﻭﺍﺳﻤﻬﺎ ﻣﺶ ﻣﻨﻰ ﺯﻱ ﻣﺎﻗﺎﻟﺘﻠﻲ .. ﺳﻤﺎﻫﺎ ﺇﻗﺒﺎﻝ ﻋﺒﺪﺍﻟﻠﻪ ..
ﺍﻳﻤﻦ ﺍﺑﺘﺴﻢ ﺑﺘﻬﻜﻢ ﻭﻣﻌﺎﻭﻳﻪ ﻏﻤﺾ ﻋﻴﻮﻧﻪ ﺑﺸﺪﻩ ﻭﻓﺘﺤﻬﻢ ...
ﺍﻟﻘﺎﺿﻲ : ﻋﻨﺪﻙ ﺍﺳﺌﻠﻪ ﺗﺎﻧﻴﻪ ..
ﻳﺎﺭﺍ : ﻻ ﺧﻼﺹ ..
ﻓﺘﺤﻲ : ﺑﻨﻘﻮﻝ ﺣﺎﺟﻪ ﺑﺲ .. ﺷﺒﺢ ﻟﺤﻨﺎﻥ ﺳﺎﻣﺤﻴﻨﻲ ﻟﻮﻻ ﺍﻟﻌﻮﺯﺓ ﻣﺎﺩﺭﺗﻬﺎ ... ﺣﻨﺎﻥ ﻏﻴﺮﺕ ﻋﻴﻮﻧﻬﺎ ﻋﻨﻪ ..
ﻃﻠﻊ ﻓﺘﺤﻲ ﻭﺍﻟﻘﺎﺿﻲ ﻃﻠﻊ ﻳﺘﺸﺎﻭﺭ ...
ﻣﻌﺎﻭﻳﻪ ﺷﺒﺢ ﻟﻴﺎﺭﺍ ﻭﺍﺑﺘﺴﻢ .. ﻭﻳﺎﺭﺍ ﺷﺒﺤﺘﻠﻪ ﻭﺍﺑﺘﺴﻤﺖ ﺑﻌﺪﻳﻦ ﺷﺒﺤﺖ ﻟﻨﻀﺎﻝ ﺍﻟﻠﻲ ﻛﺎﻥ ﻣﺒﺘﺴﻢ ﺑﺲ ﻧﻈﺮﺗﻪ ﻏﺮﻳﺒﻪ .. ﺷﺒﺤﺖ ﻟﺤﻨﺎﻥ ﺍﻟﻠﻲ ﺍﺑﺘﺴﻤﺘﻠﻬﺎ .. ﻭﻳﺎﺭﺍ ﺍﺑﺘﺴﻤﺖ ...
ﺷﻮﻳﻪ ﻭﺧﺶ ﺍﻟﻘﺎﺿﻲ ﻭﺑﻌﺪ ﻣﻘﺪﻣﻪ ﻧﻄﻖ ﺑﺎﻟﺤﻜﻢ ..
ﺍﺍﻗﺎﺿﻲ : ﺑﻌﺪ ﺍﻟﻤﺴﺘﺠﺪﺍﺕ ﺍﻟﻠﻲ ﻃﺮﺃﺕ ﻉ ﺍﻟﻘﻀﻴﻪ ﻭﺍﻷﺩﻟﺔ ﺍﻟﺠﺪﻳﺪﻩ ﻭﺷﻬﺎﺩﺓ ﺍﻟﺸﺎﻫﺪ ﺍﻟﻠﻲ ﻧﻔﻴﺖ ﻭﺟﻮﺩ ﺍﻱ ﻋﻼﻗﻪ ﻟﻠﻤﺘﻬﻤﻪ ﺣﻨﺎﻥ ﺳﺎﺳﻲ ﺑﻘﺘﻞ ﺍﻟﻤﺠﻨﻲ ﻋﻠﻴﻬﺎ ﻧﺠﻼ ﺍﻟﺼﺎﻓﻲ ﻭﻭﺟﻮﺩ ﻣﺘﻬﻢ ﺍﺧﺮ ﻓﻲ ﺍﻟﻘﻀﻴﻪ ﻭﻫﻨﺎﻙ ﻣﺎﻳﺜﺒﺖ ﺍﺭﺗﻜﺎﺑﻪ ﻟﻬﺎ .. ﺣﻜﻤﺖ ﺍﻟﻤﺤﻜﻤﻪ ﺣﻀﻮﺭﻳﺎ ﻉ ﻣﺘﻬﻤﻪ ﺣﻨﺎﻥ ﺳﺎﻟﻢ ﺳﺎﺳﻲ .. ﺑﺎﻟﺒﺮﺍﺀﺓ ﻣﻦ ﺍﻟﺘﻬﻤﻪ ﺍﻟﻤﻮﺟﻪ ﺇﻟﻴﻬﺎ ﺭﻓﻌﺖ ﺍﻟﺠﻠﺴﻪ ..
ﻳﺎﺭﺍ ﺧﺪﺕ ﻧﻔﺲ ﻋﻤﻴﻖ ﻭﺷﺒﺤﺖ ﻓﻮﻕ ﺑﻌﺪﻳﻦ ﻏﻤﻀﺖ ﻋﻴﻮﻧﻬﺎ ﻭﻗﺎﻟﺖ ﻓﻲ ﺳﺮﻫﺎ " ﺍﻟﺤﻤﺪ ﻟﻠﻪ .."
ﺣﻨﺎﻥ ﻧﺰﻟﻮﺍ ﺩﻣﻮﻋﻬﺎ ﻭﻫﻲ ﺗﺴﺒﺢ ﻭﺗﺴﺘﻐﻔﺮ ﺍﻥ ﺭﺑﻲ ﻧﺼﺮﻫﺎ ﻭﻓﺮﺝ ﺍﺳﺮﻫﺎ ﻭﺑﺮﺋﻬﺎ .. ﻓﺮﺣﺔ ﻣﻌﺎﻭﻳﻪ ﻻﺗﻮﺻﻒ .. ﻭﻧﻀﺎﻝ ﻛﺬﻟﻚ ﻭﻧﻴﺮﻭﺯ ﺍﻟﻠﻲ ﻣﺎﺗﺤﻤﻠﺘﺶ ﻭﻗﻌﺪﺕ ﺗﺰﻏﺮﻁ ﻓﻲ ﺍﻟﻘﺎﻋﻪ ..
ﺑﺮﺍ ﺍﻟﻤﺤﻜﻤﻪ ..
ﻳﺎﺭﺍ ﻣﺎﺷﻴﻪ ﻟﺴﻴﺎﺭﺗﻬﺎ ..
" ﻳﺎﺭﺍ ..."
ﺍﺑﺘﺴﻤﺖ ﻭﺍﻟﺘﻔﺘﺖ : ﻧﻌﻢ ..
ﻧﻀﺎﻝ ﺑﺄﺑﺘﺴﺎﻣﻪ : ﻣﺸﻜﻮﺭﺓ ﻉ ﺍﻟﻠﻲ ﺩﺭﺗﻴﻪ ..
ﻳﺎﺭﺍ : ﻫﺬﺍ ﻭﺍﺟﺒﻲ ...
ﻧﻀﺎﻝ : ﺍﺣﻤﻢ .. ﻳﺎﺭﺍ .. ﺍﻧﺖﻱ ﺍﻧﺴﺎﻧﻪ ﺍﻧﻈﻠﻤﺖ ﻓﻲ ﺣﻴﺎﺗﻬﺎ ﻫﻠﺒﻪ ﻟﻜﻦ ﻣﺎﻓﻲ ﺣﺪ ﻇﻠﻤﻚ ﻗﺪﻱ ... ﻏﻠﻄﺘﺖ ﻣﻌﺎﻙ ﻭﻓﻲ ﺣﻘﻚ .. ﻭﻳﺎﺭﻳﺖ ﺗﺴﺎﻣﺤﻴﻨﻲ ... ﻃﻠﻊ ﻣﻦ ﺟﻴﺒﻪ ﻭﺭﻗﻪ ﻭﻋﻄﻬﺎﻟﻬﺎ ..
ﻳﺎﺭﺍ ﻛﺎﻧﺖ ﻋﺎﺭﻓﻪ ﺧﺪﺗﻬﺎ ﻭﻗﺮﺗﻬﺎ ﻭﺍﺑﺘﺴﻤﺖ ﻭﺍﻟﺪﻣﻌﻪ ﻋﺒﺖ ﻋﻴﻨﻬﺎ : ﺣﺘﻰ ﺍﻧﻲ ﻏﻠﻄﺘﺖ ﻟﻤﺎ ﺳﻤﺤﺖ ﻟﻨﻔﺴﻲ ﺍﻥ ﻧﻘﺮﺏ ﻣﻨﻚ ﻭﻧﺮﺗﺒﻂ ﺑﻴﻚ ... ﻓﻜﺮﺕ ﺑﻤﺸﺎﻋﺮﻱ ﻭﺑﺲ ﻭﻣﺎﻗﺪﺭﺗﺶ ﺣﺠﻢ ﺍﻟﻜﺎﺭﺛﻪ ﺍﻟﻠﻲ ﻛﻨﺖ ﻧﺪﻳﺮ ﻓﻴﻬﺎ ﻟﻤﺎ ﺧﺪﻳﺖ ﺭﺍﺟﻞ ﻣﻦ ﻣﺮﺗﻪ ﻭﺻﻐﺎﺭﻩ .. ﻋﺮﻓﺖ ﻣﺘﺄﺧﺮ ﺍﻧﻚ ﻋﻤﺮﻙ ﻣﺎﺣﺒﻴﺖ ﻏﻴﺮ ﺣﻨﺎﻥ ﻭﻻﺣﺘﺤﺐ ﻭﺍﻧﻬﺎ ﺗﺴﺘﺎﻫﻞ ﻣﺤﺒﺘﻚ ﻟﻴﻬﺎ ﻭﻧﺪﻣﻚ ﻋﻠﻴﻬﺎ ..
ﻧﻀﺎﻝ : ﻭﺍﻧﺘﻲ ﺗﺴﺘﺎﻫﻠﻲ ﻛﻞ ﺧﻴﺮ ﻳﺎﻳﺎﺭﺍ ... ﺭﺑﻲ ﻳﺸﻔﻲ ﺟﺒﺮ ﻭﻳﻔﺮﺣﻚ ﺑﻴﻪ .. ﻭﻳﺒﻌﺘﻠﻜﻢ ﺍﻳﺎﻡ ﺣﻠﻮﺓ ...
ﻳﺎﺭﺍ : ﺷﻜﺮﺍ ..
....
ﻛﺎﻥ ﻭﺍﻗﻒ ﻳﺴﺘﻨﻰ ﻉ ﻧﺎﺭ ﺍﻣﺘﻰ ﺗﻄﻠﻊ ﻛﻞ ﺷﻲ ﻛﺎﻥ ﻭﺍﺗﻲ ﻭﺑﻤﻌﺎﺭﻓﻪ ﺧﻼﻫﺎ ﺗﻄﻠﻊ ﻣﻦ ﺍﻟﻤﺤﻜﻤﻪ ﻃﻮﻝ ﻣﻌﺎﻩ ...
ﻃﻠﻌﺘﻠﻪ .. ﻭﻫﻮ ﺧﺪﻱ ﻧﻔﺲ ﻋﻤﻴﻖ ﻭﺗﻨﻬﺪ ﻣﻦ ﻭﺳﻂ ﻗﻠﺒﻪ ... ﻫﻲ ﺗﻤﺸﻴﻠﻪ ﻭﻫﻮ ﻗﻠﺒﻪ ﻳﻀﺮﺏ ﺑﻘﻮﺓ ...
ﻧﻴﺮﻭﺯﺣﺒﺖ ﺗﺨﻠﻴﻪ ﻳﺘﺸﺤﻄﻂ .. ﻣﺸﺖ ﺣﻀﻨﺖ ﺣﻨﺎﻥ ..
ﺣﻨﺎﻥ ﺑﻀﺤﻜﻪ : ﻳﺎﻣﺠﺮﻣﻪ ..
ﻧﻴﺮﻭﺯ ﺑﻀﺤﻜﻪ : ﺧﻠﻴﻪ ﻳﻮﻟﻊ ﻣﻦ ﺍﻟﺸﻮﻕ ..
ﺣﻨﺎﻥ : ﺣﺮﺍﻡ ﻋﻠﻴﻚ ..
ﻧﻴﺮﻭﺯ : ﻳﺎﺣﻨﺎ ﻋﻠﻴﺎ ..
ﺣﻨﺎﻥ : ﻫﻬﻬﻬﻬﻬﻬﻬﻬﻪ ..
ﻫﻮ ﻓﺎﻫﻢ ﻭﻗﻌﺪ ﻳﻀﺤﻚ ... ﺑﻌﺪﺕ ﻧﻴﺮﻭﺯ ﻭﻫﻮ ﻃﻮﻝ ﻗﺪﻡ ﻭﺣﻀﻨﻬﺎ ﻓﻨﺺ ﺍﻟﺸﺎﺭﻉ ..
ﺣﻨﺎﻥ : ﻣﻌﺎﺍﺍﺍﻭﻳﻪ ..
ﻣﻌﺎﻭﻳﻪ ﻭﻫﻮ ﺣﺎﺿﻨﻬﺎ : ﺑﻼ ﻣﻌﺎﻭﻳﻪ ﺑﻼﻣﻌﺘﻮﻕ .. ﺍﺳﻜﺘﻲ ﺗﺮﺑﺤﻲ ..
ﺣﻨﺎﻥ ﺗﻀﺤﻚ ﻭﺧﻼﺹ ..
ﺑﻌﺪ ﺷﻮﻳﻪ ﺧﺪﺍﻫﺎ ﻭﻣﺎﺷﻴﻦ ﺑﻴﺮﻛﺒﻮﺍ ﺍﻟﺴﻴﺎﺭﺓ ...
ﺣﻨﺎﻥ ﺷﺎﻓﺖ ﻳﺎﺭﺍ ﻭﺍﻗﻔﻪ ﻉ ﻧﻀﺎﻝ : ﻟﺤﻈﻪ ﻣﻌﺎﻭﻳﻪ ..
ﻣﺸﺖ ﺟﻴﻬﺘﻬﻢ ﻭﺻﻠﺖ ﻓﻴﻬﻢ : ﻳﺎﺭﺍ ..
ﻳﺎﺭﺍ ﺍﻟﺘﻔﺘﺖ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ..
ﺣﻨﺎﻥ ﻗﻌﺪﺕ ﺗﺸﻮﻓﻠﻬﺎ ﻫﻠﺒﻪ ﻭﺑﻌﺪﻳﻦ ﻗﺪﻣﺖ ﻭﺣﻀﻨﺘﻬﺎ ..
ﻳﺎﺭﺍ ﺍﻧﺼﺪﻣﺖ ... ﻭﺣﻨﺎﻥ ﻣﺶ ﻋﺎﺭﻓﻪ ﺑﺸﻦ ﺣﺴﺖ ﻟﺤﻈﺘﻬﺎ ﺑﺲ ﻗﻌﺪﺕ ﺗﺒﻜﻲ ﺑﺎﻟﺼﻮﺕ ..
ﻳﺎﺭﺍ ﺣﻄﺖ ﺍﻳﺪﻳﻬﺎ ﻋﻠﻴﻬﺎ ﻭﺣﺘﻲ ﻫﻲ ﺑﺪﺕ ﺗﺒﻜﻲ ....
ﻣﻌﺎﻭﻳﻪ ﻭﻧﻀﺎﻝ ﺷﺒﺤﻮﺍ ﻟﺒﻌﺾ ﺑﺈﺳﺘﻐﺮﺍﺏ ..
ﻭﺃﻳﻤﻦ ﻛﺎﻥ ﻳﺸﻮﻑ ﻣﻦ ﺑﻌﻴﺪ ﻭﻫﻮ ﻣﺒﺘﺴﻢ ..
ﺑﻌﺪﻭﺍ ﻭﻛﻞ ﻭﺣﺪﻩ ﻣﺴﺤﺖ ﺩﻣﻮﻋﻬﺎ ...
ﺣﻨﺎﻥ : ﺑﺎﺭﻙ ﺍﻟﻠﻪ ﻓﻴﻚ ﻉ ﻛﻞ ﺷﻲ ..
ﻳﺎﺭﺍ ﻭﻫﻲ ﺗﺮﺷﻒ : ﻭﻓﻴﻚ ﺑﺎﺭﻙ ﺍﻟﻠﻪ .. ﺭﺩﻳﺘﻠﻚ ﻣﻌﺮﻭﻓﻚ ﺑﺲ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺒﺘﺴﻤﻪ : ﺭﺑﻲ ﻳﻮﻓﻘﻚ ..
ﻳﺎﺭﺍ : ﻭﺇﻳﺎﻙ ...
ﺣﻨﺎﻥ ﺍﻟﺘﻔﺘﺖ : ﻫﻴﺎ .. ﻣﻌﺎﻭﻳﻪ ﺷﺪﻫﺎ ﻣﻦ ﻳﺪﻫﺎ ﻣﺸﻮﺍ ..
ﻳﺎﺭﺍ ﺍﻟﺘﻔﺘﺖ ﻟﻨﻀﺎﻝ ﻟﻘﺎﺗﻪ ﻳﺸﺒﺤﻠﻬﻢ ﻭﺍﻟﺪﻣﻌﻪ ﻓﻌﻴﻨﻪ .. ﺍﺑﺘﺴﻤﺖ ﺑﺄﻟﻢ : ﻧﺸﻮﻓﻚ ﻉ ﺧﻴﺮ ..
ﻧﻀﺎﻝ : ﺇﻥ ﺷﺎﺀ ﺍﻟﻠﻪ .. ﻓﻲ ﺍﻣﺎﻥ ﺍﻟﻠﻪ ..
ﻳﺎﺭﺍ : ﻣﻊ ﺍﻟﺴﻼﻣﻪ ..
ﻣﺸﻲ ﻧﻀﺎﻝ ﻟﺴﻴﺎﺭﺗﻪ ﻭﻳﺎﺭﺍ ﻣﻌﺎﻩ ﺑﻌﻴﻮﻧﻬﺎ ﻟﻴﻦ ﻣﺸﻲ .. ﻭﻛﻴﻒ ﺟﺖ ﺑﺘﻔﺘﺢ ﺳﻴﺎﺭﺗﻬﺎ ﺣﺪ ﺷﺪﺍﻟﺒﺎﺏ .. ﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ ..
ﺃﻳﻤﻦ ﺍﺑﺘﺴﻢ : ﺍﺣﻤﻢ .. ﻟﻮ ﻣﺎﻓﻴﻬﺎﺵ ﻣﺸﻜﻠﻪ ﻣﻤﻜﻦ ﻧﺎﺧﺪ ﻛﺮﺗﻚ ﺍﻟﻠﻲ ﻓﻴﻪ ﻋﻨﻮﺍﻥ ﻣﻜﺘﺒﻚ .. ﻣﺮﺍﺕ ﻧﺤﺘﺎﺟﻚ ..
ﻳﺎﺭﺍ : ﻣﺎﻻ ﻧﺎﻭﻱ ﺗﺮﺗﻜﺐ ﺟﺮﻳﻤﻪ ..
ﺍﻳﻤﻦ ﺑﻀﺤﻜﻪ : ﻣﻤﻜﻦ ...
ﻳﺎﺭﺍ : ﻣﺎﻧﺪﺍﻓﻌﺶ ﻋﻦ ﻣﺠﺮﻣﻴﻦ ..
ﺍﻳﻤﻦ : ﻻﻭﺍﻟﻠﻪ ﺍﻧﻲ ﺍﻧﺴﺎﻥ ﻣﺴﺎﻟﻢ ﺗﻌﺮﻓﻲ ﻋﻠﻴﺎ ﺑﺶ ﺗﺘﺄﻛﺪﻱ ..
ﻳﺎﺭﺍ ﺭﻓﻌﺖ ﺣﻮﺍﺟﺒﻬﺎ ﺑﺘﻌﺠﺐ .. ﻭﻫﻮ ﺍﺑﺘﺴﻢ ..
ﺧﺶ ﻫﻮ ﻭﻳﺎﻫﺎ ﻟﻠﻘﺼﺮ ...
ﻧﺰﻟﻮﺍ ﻣﻦ ﺍﻟﺴﻴﺎﺭﺓ ﻭﺍﻟﻠﻲ ﻳﻘﺎﺑﻠﻬﻢ ﻣﻦ ﺍﻟﺤﺮﺱ ﻳﺘﺤﻤﺪﻟﻬﺎ ﺑﺎﻟﺴﻼﻣﻪ ..
ﺧﺸﺖ ﻟﻠﻘﺼﺮ ﻭﺍﻟﺨﺪﺍﻣﺎﺕ ﺑﺪﻭﺍ ﻳﺰﻏﺮﻃﻮﺍ ﻭﻫﻲ ﺗﻀﺤﻚ ﻭﻣﻌﺎﻭﻳﻪ ﻣﺒﺘﺴﻢ ... ﺗﺤﻤﺪﻭﻟﻪﺍ ﺑﺎﻟﺴﻼﻣﻪ .. ﺟﺘﻬﺎ ﻣﺮﻳﻢ ﻣﻊ ﺣﻤﻮﺩﻱ ﻗﻌﺪﺕ ﺗﺤﻀﻦ ﻓﻴﻪ ﻭﺗﺒﻮﺱ ﻭﻣﺎﺑﺘﺶ ﺗﺨﻠﻴﻪ .. ﺣﻀﻨﺎﺗﻪ ﻭﺭﻛﺒﺖ ﺑﻴﻪ ﻓﻮﻕ ... ﻭﻫﻲ ﺗﻼﻋﺐ ﻭﺗﺒﻮﺱ ..
ﻣﻌﺎﻭﻳﻪ : ﻫﻠﺒ?
