# ﻣﻮﺳﻢ _ ﺍﻟﺘﻮﻟﻴﺐ
# ﺍﻟﺠﺰﺀ 28
# ﺟﻤﺎﻥ _ ﻓﺮﻳﺪ
# ﻣﻌﺠﺒﻴﻦ _ ﺟﻤﺎﻥ _ ﻓﺮﻱﺩ
ﻧﺎﺿﺖ ﻣﻦ ﺍﻟﺴﺮﻳﺮ .. ﻭﻗﺪﻣﺘﻠﻪ .. ﻗﻮﺕ ﻧﻔﺴﻬﺎ ﻭﺑﻨﻈﺮﺓ ﺑﺎﻟﻈﺎﻫﺮ ﺗﺒﺎﻥ ﻭﺍﺛﻘﻪ .. ﺑﺲ ﻫﻲ ﻣﻦ ﺩﺍﺧﻞ ﻣﺪﻣﺮﺓ ...
ﻳﺎﺭﺍ : ﻣﻤﻜﻦ ﺗﺴﻤﻌﻨﻲ ...
ﻧﻀﺎﻝ : ﻭﺍﻧﻲ ﺳﺄﻟﺘﻚ ﻷﻧﻲ ﻧﺒﻲ ﻧﺴﻤﻊ ﻣﻨﻚ ..
ﻳﺎﺭﺍ ﺧﺪﺕ ﻧﻔﺲ ﻭﺑﺪﺕ ﺗﺤﻜﻲ ...
***
ﻣﻘﻌﻤﺰ ﻣﻊ ﺭﺋﻴﺴﻪ ﻓﻲ ﺍﻟﻤﻜﺘﺐ .. ﺭﺋﻴﺴﻪ ﻳﻄﻠﻊ ﻉ ﻣﻠﻒ .. ﺍﻣﺎ ﻫﻮ ﻓﻜﺎﻥ ﺳﺎﺭﺡ .. ﻳﻜﻠﻢ ﻓﻴﻪ ﺭﺋﻴﺴﻪ ﺍﺳﺘﻐﺮﺏ ﻟﻤﺎ ﻣﺎﺳﻤﻌﺶ ﺭﺩﻩ .. ﻗﺎﻡ ﺭﺍﺳﻪ ﻭﺷﺎﻓﻪ ﺳﺎﺭﺡ ..
ﻣﻌﺎﻭﻳﻪ : ﺃﻳﻤﻤﻤﻦ ..
ﺃﻳﻤﻦ ﺍﺳﺘﺎﻗﺾ : ﻧﻌﻢ ..
ﻣﻌﺎﻭﻳﻪ : ﻣﺎﺗﻘﻮﻟﻴﺶ ﺧﻴﺮﻙ ﻣﺶ ﻋﺎﺟﺒﻨﻲ ﺑﻜﻞ ﺍﻟﻴﻮﻣﻴﻦ ﺍﻷﺧﻴﺮﺍﺕ ..
ﺃﻳﻤﻦ ﺗﻨﻬﺪ : ﺳﻴﺮﻳﻦ ... ﺣﺎﻟﺘﻬﺎ ﺯﺍﺩﺕ ﺳﻮﺀ ..
ﻣﻌﺎﻭﻳﻪ : ﺍﺧﺘﻚ ﻫﺎﺩﻱ ﻣﺶ ﻋﺎﺭﻑ ﻛﻴﻒ ﺗﻔﻜﺮ ﻭﺍﺣﺪ ﺯﻱ ﻫﺬﺍ ﻣﻔﺮﻭﺽ ﻟﻴﻞ ﻭﻧﻬﺎﺭ ﺗﺮﻗﺺ ﻣﻦ ﺍﻟﻔﺮﺣﻪ ﺍﻟﻠﻲ ﺍﻓﺘﻜﺖ ﻣﻨﻪ ..
ﺍﻳﻤﻦ : ﻫﻲ ﺍﻟﻠﻲ ﻗﺎﻫﺮﻫﺎ ﺍﻟﻌﻤﺮ ﺍﻟﻠﻲ ﺿﺎﻉ ﻣﻌﺎﻩ 7 ﺳﻨﻴﻦ ﻣﺶ ﺷﻮﻳﻪ ..
ﻣﻌﺎﻭﻳﻪ : ﻟﻮ ﻛﻨﺖ ﺣﻤﺮﺕ ﻋﻴﻨﻚ ﻭﻣﺎﺧﻠﻴﺘﻬﺎﺵ ﺗﺎﺧﺪﻩ ﺭﻩ ﻣﺶ ﻫﺬﺍ ﺣﺎﻟﻬﺎ ... ﺍﺣﻴﺎﻧﺎ ﻟﻤﺎ ﺗﻌﻄﻴﻬﻢ ﺍﻟﺤﺮﻳﻪ ﺯﻳﺎﺩﻩ ﻳﺘﻤﺎﺩﻭﺍ ﻓﻲ ﺍﻟﻐﻠﻂ ﻭﻳﻀﺮﻭﺍ ﺍﻧﻔﺴﻬﻢ ﻷﻧﻬﻢ ﻳﺤﻜﻤﻮﺍ ﺑﺎﻟﻌﺎﻃﻔﻪ ﺍﻛﺜﺮ ﻣﻦ ﺍﻟﻌﻘﻞ ..
ﺃﻳﻤﻦ : ﺍﻫﻮ ﺻﺎﺭ ﺍﻟﻠﻲ ﺻﺎﺭ ﺗﻮﺍ .. ﻧﺒﻴﻬﺎ ﺗﻄﻠﻊ ﻣﻦ ﻫﺎﻟﺤﺎﻟﻪ ﺍﻣﻲ ﺗﺎﻋﺒﻪ ﻓﺠﺮﺗﻬﺎ ..
ﻃﻖ ﺍﻟﺒﺎﺏ ...
ﻣﻌﺎﻭﻳﻪ : ﺗﻔﻀﻞ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ : ﺍﻟﺴﻼﻡ ﻋﻠﻴﻜﻢ ..
ﻗﻌﺪ ﻳﺸﻮﻓﻠﻬﺎ ﻭﻋﻴﻮﻧﻪ ﻣﻦ ﻓﺮﺣﺘﻬﻢ ﺿﺤﻜﻮﺍ ﺑﺲ ﻭﺟﻬﻪ ﻻ .. ﺗﻤﺎﻟﻚ ﻧﻔﺴﻪ : ﻭﻋﻠﻴﻜﻢ ﺍﻟﺴﻼﻡ ..
ﺍﻳﻤﻦ ﺑﺈﺑﺘﺴﺎﻣﻪ : ﻭﻋﻠﻴﻜﻢ ﺍﻟﺴﻼﻡ ..
ﺣﻨﺎﻥ ﻗﺪﻣﺖ ﻭﻭﻗﻔﺖ ﻗﺪﺍﻡ ﺍﻟﻤﻜﺘﺐ ..
ﻣﻌﺎﻭﻳﻪ ﺍﺷﺮ ﺑﻴﺪﻩ : ﺗﻔﻀﻠﻲ ﻗﻌﻤﺰﻱ ..
ﻗﻌﻤﺰﺕ ﺣﻨﺎﻥ : ﺷﻜﺮﺍ ..
ﺍﻳﻤﻦ : ﻋﺎﺵ ﻣﻦ ﺷﺎﻓﻚ ..
ﺣﻨﺎﻥ ﺑﺈﺑﺘﺴﺎﻣﻪ : ﺗﺴﻠﻢ .. ﻛﻴﻒ ﺣﺎﻟﻚ ..
ﺍﻳﻤﻦ ﺍﺑﺘﺴﻢ : ﺍﻟﺤﻤﺪ ﻟﻠﻪ ..
ﺣﻨﺎﻥ : ﻭﺳﻴﺮﻳﻦ ﺷﻦ ﺣﺎﻟﻬﺎ
ﻣﻌﺎﻭﻳﻪ ﺍﻧﺼﺪﻡ ...
ﺍﻳﻤﻦ : ﺍﻫﻮ ﻣﺎﺷﻲ ﺍﻟﺤﺎﻝ ..
ﺣﻨﺎﻥ : ﺗﻮ ﺑﻌﺪﻳﻦ ﻧﺘﻜﻠﻤﻮﺍ .. ﺍﻟﻤﻬﻢ ﺗﻮﺍ ﺧﻠﻮﻧﺎ ﻓﻲ ﺍﻟﺸﻐﻞ ..
ﻣﻌﺎﻭﻳﻪ ﻣﻨﻐﺎﻅ : ﺑﺎﻫﻲ ﺍﻟﻠﻲ ﺍﺫﻛﺮﺗﻲ ﺣﻀﺮﺗﻚ ﺍﻧﻚ ﻓﻲ ﻣﻜﺎﻥ ﺷﻐﻞ ..
ﺣﻨﺎﻥ : ﻋﻨﺪﻙ ﺣﻖ ﺍﺳﻔﻪ .. ﻣﺪﺗﻠﻪ ﻣﻠﻒ .. ﻫﺬﺍ ﺗﻘﺮﻳﺮ ﺗﺎﻡ ﻋﻦ ﺍﻟﺨﺪﻣﻪ ﻓﻲ ﺍﻟﻤﻮﻗﻊ ﻣﻦ ﺍﻭﻝ ﻳﻮﻡ ﻟﻬﺎﻟﻠﺤﻈﻪ ..
ﻣﻌﺎﻭﻳﻪ ﺧﺪﺍﻩ ﻭﻣﺎﺑﺎﺵ ﻳﺸﺒﺤﻠﻬﺎ .. ﺍﻳﻤﻦ ﺷﺒﺤﻠﻪ ﻭﺩﺍﺭﻟﻬﺎ ﺣﺮﻛﻪ ﺑﻌﻴﻮﻧﻪ ﻭﻛﺄﻧﻪ ﻳﻘﻮﻟﻠﻬﺎ ﻣﻌﻠﻴﺸﻲ .. ﻭﻫﻲ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻣﻌﺎﻭﻳﻪ : ﺗﻤﺎﻡ .. ﺍﻟﻤﻬﻨﺪﺱ ﻣﻮﺳﻰ ﻣﺎﺯﺍﻝ ﻣﺎﺭﻭﺣﺶ ..
ﺣﻨﺎﻥ : ﻏﺪﻭﺓ ﺇﻥ ﺷﺎﺀ ﺍﻟﻠﻪ ﻣﺮﻭﺡ ..
ﺭﻥ ﺍﻟﺘﻠﻴﻔﻮﻥ ﻗﺎﻡ ﻣﻌﺎﻭﻳﻪ ﺍﻟﺴﻤﺎﻋﻪ : ﺷﻨﻲ ....... ﺗﻤﺎﻡ ﺩﺧﻠﻴﻬﺎ .. ﻭﺻﻜﺮ ...
ﻣﻌﺎﻭﻳﻪ : ﻓﻲ ﻗﻨﺎﺓ ﺗﻠﻔﺰﻳﻮﻧﻴﻪ ﺣﺪﻳﺮ ﺗﻘﺮﻳﺮ ﻋﻦ ﺍﻟﻤﺸﺮﻭﻉ ﻏﺪﻭﺓ ﻻﺯﻡ ﺗﻜﻮﻧﻲ ﻣﻮﺟﻮﺩﻩ .. ﻋﻨﺪﻙ ﺍﻟﺸﺠﺎﻋﻪ ﺗﻮﻗﻔﻲ ﻗﺪﺍﻡ ﺍﻟﻜﺎﻣﻴﺮﺍ ﻭﺗﺘﻜﻠﻤﻲ ..
ﺣﻨﺎﻥ ﺷﺒﺤﺘﻠﻪ : ﻭﻗﻔﺖ ﻗﺪﺍﻡ ﺍﻟﻠﻲ ﻳﺮﻫﺒﻮﺍ ﺍﻛﺜﺮ ﻣﻦ ﺍﻟﻜﺎﻣﻴﺮﺍ ﻭﺗﻜﻠﻤﺖ ..
ﻣﻌﺎﻭﻳﻪ ﻓﻬﻢ ﻗﺼﺪﻫﺎ ﻭﺍﺑﺘﺴﻢ : ﺗﻤﺎﻡ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺳﻤﻴﻪ ﺑﻌﻨﻄﺰﺗﻬﺎ ﻻﺑﺴﻪ ﺑﺪﻟﻪ ﻗﻮﻧﺘﻬﺎ ﻗﺼﻴﺮﻩ ﻭﺭﺟﻠﻴﻬﺎ ﺑﺎﻳﻦ ﻓﻴﻬﻢ ﺍﻟﺘﺮﻫﻼﺕ " ﺍﻟﻮﺣﺪﻩ ﻻﺯﻡ ﺗﺤﺘﺮﻡ ﺳﻨﻬﺎ ﻭﺍﻟﻠﻲ ﺩﺍﺭﻩ ﻓﻴﻬﺎ ﺍﻟﻌﻤﺮ .. ﻭﺗﻌﻴﺶ ﻛﻞ ﻋﻤﺮ ﻭﺣﺎﻟﺘﻪ .. ﻭﺇﻻ ﺣﺘﻜﻮﻥ ﻋﺰﻭﺯ ﻣﺘﺼﺎﺑﻴﻪ ﻭﻣﻨﻈﺮﻫﺎ ﻏﻴﺮ ﻣﻘﺒﻮﻝ "...
ﻧﺎﺿﻠﻬﺎ ﻣﻌﺎﻭﻳﻪ ... ﻭﺍﻳﻤﻦ ﻧﺎﺽ ﻣﻦ ﻣﻜﺎﻧﻪ ..
ﻗﺪﻡ ﻣﻌﺎﻭﻳﻪ ﻭﺳﻠﻢ ﻋﻠﻴﻬﺎ ﻭﻫﻲ ﺳﻠﻤﺖ ﻋﻠﻴﻪ ﺑﺎﻟﺨﺪ .. ﻫﻮ ﻗﺮﻳﺐ ﺧﺶ ﻓﻲ ﺣﻮﺍﻳﺠﻪ ﻭﻳﻔﻜﺮ ﺑﺲ ﻓﻨﻈﺮﺓ ﺣﻨﺎﻥ ...
ﻣﻌﺎﻭﻳﻪ : ﺍﺣﻤﻢ .. ﺗﻔﻀﻠﻲ ﻗﻌﻤﺰﻱ ...
ﻗﻌﻤﺰﺕ ﺳﻤﻴﻪ ﻓﻲ ﻣﻜﺎﻥ ﺍﻳﻤﻦ ﻭﻗﻌﺪﺕ ﺗﺸﺒﺢ ﻟﺤﻨﺎﻥ ﺑﻨﻈﺮﺍﺕ ﺍﺯﺩﺭﺍﺀ ...
ﺣﻨﺎﻥ ﺍﺳﺘﻐﺮﺑﺖ ﻓﻲ ﻧﻈﺮﺗﻬﺎ ..
ﻣﻌﺎﻭﻳﻪ ﻭﻻ ﻟﻜﺮﺳﻴﻪ : ﺍﻫﻼ ﻭﺳﻬﻼ ﺑﻴﻚ
ﺳﻤﻴﻪ : ﺍﻫﻠﻴﻦ ﺑﻴﻚ .. ﻟﻴﺎ ﻭﻗﺖ ﻉ ﺍﻟﺠﻴﺔ ﻟﻠﺸﺮﻛﻪ .. ﺗﻐﻴﺮﺕ ﻫﻠﺒﻪ ﺭﺍﻗﻲ ﻣﻦ ﻳﻮﻣﻚ ﻭﺗﻮﺍﻛﺐ ﻓﻲ ﺍﻟﻮﻗﺖ ..
ﻣﻌﺎﻭﻳﻪ ﺑﺈﺑﺘﺴﺎﻣﻪ : ﺷﻜﺮﺍ ..
ﺳﻤﻴﻪ ﺷﺒﺤﺖ ﻟﺤﻨﺎﻥ ﻭﺍﺷﺮﺕ ﺑﺴﺒﺎﺑﺘﻬﺎ ﻋﻠﻴﻬﺎ ﺑﻄﺮﻳﻘﻪ ﻣﻬﻴﻨﻪ : ﺍﻧﺘﻲ ﺍﻟﻤﻬﻨﺪﺳﻪ ﻣﺘﺎﻉ ﻣﺸﺮﻭﻉ ﺍﻟﻤﻨﺘﺠﻊ ..
ﻣﻌﺎﻭﻳﻪ ﺿﺎﻳﻘﺎﺗﻪ ﺍﻟﺤﺮﻛﻪ : ﻫﺎﺩﻱ ﺍﻟﺒﺶ ﻣﻬﻨﺪﺳﻪ ﺣﻨﺎﻥ ﺻﺎﺣﺒﺔ ﺍﻣﻴﺰ ﺗﺼﻤﻴﻢ ﻣﻦ ﺑﻴﻦ ﻛﻞ ﺍﻟﻤﺸﺎﺭﻳﻊ ﺍﻟﻠﻲ ﻧﻔﺬﺗﻬﺎ ﺷﺮﻛﺎﺗﻨﺎ ﺇﻟﻰ ﺍﻵﻥ ..
ﺍﻳﻤﻦ ﺍﺑﺘﺴﻢ ..
ﻭﺣﻨﺎﻥ ﻗﺎﻟﺖ : ﺷﻜﺮﺍ ...
ﺳﻤﻴﻪ : ﺍﻫﺎ .. ﻛﻮﻳﺲ .. ﺍﻟﻤﻬﻢ ﻣﻌﺎﻭﻳﻪ ﺟﺎﻳﺘﻚ ﺍﻟﻴﻮﻡ ﺑﺶ ﻧﺘﻜﻠﻤﻮﺍ ﻓﻲ ﺍﻟﺸﻐﻞ ﺍﻟﻠﻲ ﺑﻴﻨﺎﺗﻨﺎ ... ﺷﺒﺤﺖ ﻟﺤﻨﺎﻥ ﻭﺃﻳﻤﻦ ..
ﺣﻨﺎﻥ ﻧﺎﺿﺖ : ﺍﻧﻲ ﻧﺴﺘﺄﺫﻥ ... ﺍﻟﺴﻼﻡ ﻋﻠﻴﻜﻢ ..
ﻣﻌﺎﻭﻳﻪ : ﻏﺪﻭﺓ ﺍﻟﺴﺎﻋﻪ 11 ﺗﻜﻮﻧﻲ ﻓﻲ ﺍﻟﻤﻮﻗﻊ ... ﻭﻋﻠﻴﻜﻢ ﺍﻟﺴﻼﻡ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻟﻔﺖ ﺑﺘﻄﻠﻊ ..
ﺍﻳﻤﻦ : ﻧﺴﺘﺄﺫﻥ ... ﻭﻟﺤﻘﻬﺎ ..
ﻣﻌﺎﻭﻳﻪ ﻋﺼﺐ ﻉ ﺍﻷﺧﺮ ...
ﺳﻤﻴﻪ ﺗﺸﺒﺤﻠﻪ ﻛﻴﻒ ﻳﺸﺒﺢ ﻟﻠﺒﺎﺏ : ﻣﻌﺎﻭﻳﻪ ..
ﻣﻌﺎﻭﻳﻪ ﺷﺒﺤﻠﻬﺎ : ﺍﺣﻤﻢ .. ﻣﻌﺎﻙ ...
...
ﻏﺪﻭﺓ ﺍﻧﻲ ﺑﻨﺪﻳﺮ ﺯﻱ ﺍﻟﺤﻔﻠﻪ ﺍﺍﻟﺼﻐﻴﺮﻩ ﻉ ﺧﺎﻃﺮ ﺑﻨﺎﺗﻲ ﻛﻤﻠﻮﺍ ﺍﻣﺘﺤﺎﻧﺎﺗﻬﻢ ... ﺟﻴﺒﻬﺎ ﻭﺟﻴﺐ ﺍﻟﻮﺍﻟﺪﻩ ﻭﺗﻌﺎﻟﻮﺍ ..
ﺍﻳﻤﻦ : ﻣﺮﺍﺕ ﻣﺎﺗﺠﻴﺶ ..
ﺣﻨﺎﻥ : ﺍﻧﻲ ﺣﻨﻜﻠﻤﻬﺎ ﺑﺮﻭﺣﻲ ..
ﺍﻳﻤﻦ : ﻫﻴﺎ ﺑﺼﺮﺍﺣﻪ ﻣﻌﺎﺵ ﺑﺪﺕ ﺗﺤﻜﻲ ﻣﻊ ﻏﻴﺮﻙ ﻟﻬﺬﺍ ﻛﻠﻤﻴﻬﺎ ﺍﻧﺘﻲ ﻃﻮﻝ ...
ﺣﻨﺎﻥ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ .. ﻫﻲ ﻋﻦ ﺇﺫﻧﻚ ...
ﺍﻳﻤﻦ : ﻣﻊ ﺍﻟﺴﻼﻣﻪ ..
ﺣﻨﺎﻥ ﻣﺸﺖ ﻭﺍﻳﻤﻦ ﻭﺍﻗﻒ ﻳﺸﻮﻓﻠﻬﺎ ﻭﻣﺒﺘﺴﻢ ﻭﺣﺲ ﺭﻭﺣﻪ ﺣﻴﻮﺻﻞ ﻟﻠﻲ ﻳﺒﻴﻪ
" ﺍﻳﻤﻦ ﻣﻦ ﻟﻤﺎ ﻋﺮﻑ ﺑﺤﻜﺎﻳﻪ ﻗﻀﻴﻪ ﺍﻟﻄﻼﻕ ﻭﻫﻮ ﻓﻜﺮ ﺭﺳﻤﻲ ﻓﻲ ﺍﻹﺭﺗﺒﺎﻁ ﻣﻦ ﺣﻨﺎﻥ ﺑﺲ ﻻﺯﻡ ﻳﻘﺮﺑﻠﻬﺎ ﻗﺒﻞ ﻭﺗﻜﻮﻥ ﻓﻲ ﻣﻘﺪﻣﺎﺕ ﺗﺴﻬﻞ ﻋﻠﻴﻪ ﺍﻟﻤﻮﺿﻮﻉ ﺑﻌﺪ ﺗﻄﻠﻖ ﺣﻨﺎﻥ .. ﻓﻌﻼ ﻫﻮ ﺧﺎﻳﻒ ﻉ ﺍﺧﺘﻪ
ﻭﺍﻟﻠﻲ ﻋﺮﻓﻪ ﻋﻦ ﺣﻨﺎﻥ ﺧﻼﻩ ﻳﺘﺸﺠﻊ ﻭﻳﺤﻜﻴﻠﻬﺎ ﻉ ﺣﺎﻟﺔ ﺍﺧﺘﻪ ﻓﻤﺮﺓ ﻟﻤﺎ ﻣﺸﺎﻟﻬﺎ ﻟﻠﻤﻜﺘﺐ ﺑﺪﻭﻥ ﻋﻠﻢ ﻣﻌﺎﻭﻳﻪ .. ﻭﺣﻨﺎﻥ ﻭﺟﻌﺘﻬﺎ ﺍﺧﺖ ﺍﻳﻤﻦ ﻭﺣﺒﺖ ﺗﺴﺎﻋﺪﻫﺎ ﻉ ﻗﺪ ﻣﺎﺗﻘﺪﺭ .. ﻭﺍﻳﻤﻦ ﺷﺎﻑ ﺍﻥ ﻫﺎﺩﻱ ﺍﻧﺴﺐ ﻓﺮﺻﻪ ﺑﺶ ﻳﺘﻘﺮﺏ ﻣﻦ ﺣﻨﺎﻥ .. ﻣﻊ ﺍﻟﻌﻠﻢ ﺍﻳﻤﻦ ﺍﺻﻐﺮ ﻣﻦ ﺣﻨﺎﻥ ﺏ 6 ﺳﻨﻴﻦ "...
***
ﺍﻧﺘﻲ ﻣﻊ ﺍﻷﺳﻒ ﻭﺣﺪﻩ ﻛﺬﺍﺑﻪ ..
ﻳﺎﺭﺍ : ﻣﺎﻛﺬﺑﺘﺶ ﻋﻠﻴﻚ .. ﺍﻧﻲ ﺍﺳﺎﺳﺎ ﻣﺎﺟﺒﺘﻠﻜﺶ ﺳﻴﺮﺓ ﺑﺎﻟﺸﻲ ﻫﺬﺍ ..
ﻧﻀﺎﻝ ﺍﺑﺘﺴﻢ ﺗﻬﻜﻤﺎ : ﺍﺩﻫﻰ ﻭﺍﻣﺮ .. ﺧﺪﻋﺘﻴﻨﻲ ..
ﻳﺎﺭﺍ : ﻧﻀﺎﻝ ﺍﻧﺖ ﻣﺎﺳﺄﻟﺘﺶ ﻭﺍﻧﻲ ﻟﻘﻴﺖ ﺍﻥ ﻣﺎﻓﻴﺶ ﺩﺍﻋﻲ ﻧﺤﻜﻴﻠﻚ ﻣﺎﺿﻲ ﻭﺭﺍﺡ ﻟﺤﺎﻟﻪ ..
ﻧﻀﺎﻝ ﻧﺎﺽ ﻭﻗﺮﺑﻊ ﺑﺄﻳﺪﻩ ﻉ ﺍﻟﺰﻳﺎﻧﻪ : ﻣﺎﺿﻲ ﺷﻨﻲ ... ﻗﺮﺏ ﻣﻨﻬﺎ ﻭﻫﻮ ﺷﺎﺩ ﺍﻟﺸﻴﺸﻪ .. ﻫﺬﺍ ﺷﻦ ﻳﺪﻳﺮ ﻓﻲ ﺍﻟﻜﻮﺟﻴﻨﻪ .. ﻭﻓﻐﻴﺎﺑﻲ ...
ﻓﻐﻴﺎﺑﻲ .. ﻭﺍﻟﻠﻪ ﺍﻋﻠﻢ .. ﺍﻟﻠﻪ ﺍﻋﻠﻢ ﺷﻦ ﻓﻲ ﻏﻴﺮ ﻫﻜﻲ ..
ﻳﺎﺭﺍ ﺑﻌﺼﺒﻴﻪ : ﺍﺳﻜﻜﻜﺖ ... ﺍﻧﻲ ﻣﺎﻧﺨﻮﻭﻭﻧﺶ .. ﺍﻧﻲ ﻣﺶ ﻭﺣﺪﻩ ﻋﺎﻫﺮﻩ .. ﺍﺳﻜﻜﻜﻜﺖ ...
ﻧﻀﺎﻝ ﺑﺼﻮﺕ ﺍﻋﻠﻰ : ﻫﻴﻴﻴﻴﻴﻴﻪ .. ﻣﺎﺗﻌﻠﻴﺶ ﺻﻮﺗﻚ ... ﻣﺎﻟﻴﻜﺶ ﺣﻖ ﺗﺘﻜﻠﻤﻲ ﺍﺻﻼ .. ﺍﻟﻠﻲ ﺣﻜﻴﺘﻴﻬﻮﻟﻲ ﻋﻨﻚ .. ﻳﺒﻴﻦ ﻫﻜﻲ ... ﺑﺎﺭﺍﺕ ... ﺩﻋﺎﺭﻩ ... ﺑﻠﻲ ﺍﺳﻮﺩ ... ﺍﻧﺘﻲ ... ﺍﻧﺘﻲ .. ﺍﺳﺘﻐﻔﺮ ﺍﻟﻠﻪ ﻭﺧﻼﺹ ..
ﻳﺎﺭﺍ ﺍﻧﻬﺎﺭﺕ ﻭﻗﻌﺪﺕ ﺗﺒﻜﻲ ... ﻭﻗﺎﻟﺖ : ﻗﻮﻟﻬﺎ ... ﻋﺎﻫﺮﺓ .. ﻭﺳﺨﻪ .. ﺍﻭ ﻏﻠﻄﻪ ﻉ ﻗﻮﻟﺘﻚ ... ﺍﻟﻠﻲ ﺧﺴﺮﺍﺗﻚ ﺍﻟﻤﺮﺍﻩ ﺍﻟﻄﺎﻫﺮﻩ ﻭﺍﻟﻌﻔﻴﻔﻪ ﺍﻟﻤﺜﺎﻟﻴﻪ ﺍﻟﻠﻲ ﻣﺎﻓﻴﺶ ﻣﻨﻬﺎ ...
ﻧﻀﺎﻝ : ﺧﻠﻴﻚ ﻓﻲ ﻧﻔﺴﻚ ﻣﺎﺗﺠﺒﻴﺶ ﺳﻴﺮﺓ ﺣﺪ ﺗﺎﻧﻲ ..
ﻳﺎﺭﺍ : ﺍﻫﺎ ﻣﺎﺗﺒﻴﻨﺶ ﻧﻮﺳﺦ ﺳﻴﺮﺗﻬﺎ ﺑﻜﻼﻣﻲ ﻋﻨﻬﺎ .. ﺍﻟﻤﺤﺘﺮﻣﻪ ﺍﻟﻤﻠﺘﺰﻣﻪ .. ﺍﻟﻠﻲ ﺗﺮﺑﺖ ﻓﻲ ﺑﻴﺌﻪ ﻣﺘﻮﻓﺮﻟﻬﺎ ﻓﻴﻬﺎ ﻛﻞ ﺷﻲ ﻛﺎﻥ ﻋﻨﺪﻫﺎ ﺍﺏ ﻭﺃﻡ ﻳﺤﺒﻮﻫﺎ ﻭﺭﺑﻮﻫﺎ ﻭﺭﻋﻮﻫﺎ ﻭﺧﺎﻓﻮﺍ ﻋﻠﻴﻬﺎ .. ﺣﺘﻰ ﺍﻧﺖ ﺗﺮﺑﻴﺖ ﻓﻲ ﻋﻴﻠﻪ ﺳﻮﻳﻪ ﻉ ﺍﻳﺪﻳﻦ ﺍﺏ ﻭﺍﻡ ﺻﺎﻟﺤﻴﻦ .. ﻣﺎﺷﻔﺘﺶ ﻭﺍﻧﺖ ﻓﻲ ﻋﻤﺮ 6 ﺳﻨﻴﻦ .. ﺑﻮﻙ ﻭﻫﻮ ﺟﺎﻳﺐ ﺭﺟﺎﻟﻪ ﻟﻠﺤﻮﺵ ﻳﻠﻌﺐ ﻣﻌﺎﻫﻢ ﻓﻲ ﺍﻟﻘﻤﺎﺭ ... ﻭﻳﺨﻠﻲ ﻓﻲ ﺍﻣﻚ .. ﺗﻘﻌﻤﺰ ﻣﻌﺎﻫﻢ ... ﻣﺎﻋﺸﺘﺶ ﻓﻲ ﺣﻮﺵ ﺷﺒﻪ ﻣﺘﻬﺎﻟﻚ .. ﻻﻳﺄﻭﻳﻚ ﻣﻦ ﺻﻘﻊ ﻭﻻﻣﻦ ﻧﻮ .. ﻣﺎﺭﻭﺣﺘﺶ ﻣﻦ ﺍﻟﻤﺪﺭﺳﻪ ﻓﻴﻮﻡ ﺟﻌﺎﻥ ﺗﺒﻲ ﺗﺎﻛﻞ ﻭﻣﺎﺗﻠﻘﺎﺵ ﻓﻲ ﺣﻮﺷﻜﻢ ﻣﺎﺗﺴﺪ ﺑﻴﻪ ﺟﻮﻉ ﺑﻄﻨﻚ ﻭﺗﻘﻌﺪ ﻳﻮﻡ ﻛﺎﻣﻞ ﻣﻦ ﻏﻴﺮ ﻣﺎﻛﻠﻪ .. ﻣﺎﺷﻔﺘﺶ ﺑﻮﻙ ﻭﻫﻮ ﻳﺠﻴﺐ ﻓﻲ ﺍﻟﻨﺴﺎﻭﻳﻦ ﻟﻠﺤﻮﺵ ﻭﻳﺨﻮﻥ ﻓﺄﻣﻚ ﻓﻰ ﺩﺍﺭ ﻧﻮﻣﻬﺎ .. ﻣﺎﻧﻠﺰﻳﺘﺶ ﺍﻛﺜﺮ ﻣﻦ ﻣﺮﺓ ﻓﻲ ﺍﻟﺸﺎﺭﻉ ﻑ ﻋﺰ ﺍﻟﻠﻴﻞ ﻭﺑﺘﺖ ﻣﻊ ﺍﻟﻜﻼﺏ ﺍﻟﻀﺎﻟﻪ ... ﺗﺸﻬﻖ ﻭﺗﺒﻜﻲ .. ﻣﺎﻫﺮﺑﺘﺶ ﺍﻣﻚ ﻣﻊ ﺻﺎﺣﺒﻬﺎ ﻭﺧﻼﺗﻚ ﺗﻮﺍﺟﻪ ﻣﺼﻴﺮﻙ ﻣﻊ ﺍﺏ ﻣﺎﻳﻌﺮﻑ ﺷﻲ ﻋﻦ ﺍﻷﺑﻮﺓ .. ﻟﺰﻧﻲ ﻭﻗﺎﻟﻲ ﻣﻌﺎﺵ ﻟﻴﺎ ﺑﻴﻚ ﻋﻼﻗﻪ ﻭﻻﻧﺒﻲ ﻧﺸﻮﻓﻚ .. ﻣﺎﻓﻘﺪﺗﺶ ﻭﻋﻴﻚ ﻣﻦ ﺍﻟﺠﻮﻉ .. ﻣﺎﺻﺎﺑﻜﺶ ﺟﻔﺎﻑ ﻣﻦ ﺍﻟﻌﻄﺶ ﻭﺍﻃﺮﻳﺖ ﺗﺸﺮﺏ ﻣﻦ ... ﻭﺳﻜﺘﺖ ... ﻋﺸﺘﻮﺍ ﺍﻟﻠﻲ ﺍﻧﻲ ﻋﺸﺘﻪ ﺷﻔﺘﻮﺍ ﺍﻟﻠﻲ ﺍﻧﻲ ﺷﻔﺘﻪ ﻋﺎﻧﻴﺘﻮﺍ ﺍﻟﻠﻲ ﺍﻧﻲ ﻋﺎﻧﻴﺘﻪ ... ﺣﺘﻰ ﻟﻤﺎ ﺧﺪﻣﺖ ﻓﻲ ﻫﺎﻟﺨﺪﻣﻪ ﺍﻟﻮﺍﻃﻴﻪ ﻭﻋﺮﻓﺖ ﺍﻟﻴﺎﺱ ﺍﻟﻠﻲ ﻟﻠﺤﻈﻪ ﺻﺪﻗﺖ ﺍﻧﻪ ﺣﺒﻨﻲ ﻭﺣﻴﺘﺰﻭﺟﻨﻲ ﻭﻳﻄﻠﻌﻨﻲ ﻣﻦ ﺍﻟﻠﻲ ﺍﻧﻲ ﻓﻴﻪ .. ﻓﻌﻼ ﺗﺰﻭﺟﺘﻪ ﻭﻛﻤﻠﺖ ﻗﺮﺍﻳﺘﻲ ﻭﻧﺠﺤﺖ ﻭﺗﺤﺪﻳﺖ ﺍﻟﻤﺎﺿﻲ ﻣﺘﺎﻋﻲ ﻛﻠﻪ .. ﻟﻜﻦ ﻫﻮ ﻣﻊ ﺍﻷﺳﻒ ﻛﺎﻥ ﻻﺯﻡ ﻳﺬﻛﺮﻧﻲ ﺑﻴﻪ ﻛﻞ ﻣﺎﺗﺴﻨﺤﻠﻪ ﺍﻟﻔﺮﺻﻪ ... ﻛﺎﻥ ﻛﻞ ﻣﺎﻳﻄﻠﺐ ﻣﻨﻲ ﻧﺪﻳﺮﻟﻪ ﺧﺪﻣﻪ ﻏﻴﺮ ﻗﺎﻧﻮﻧﻴﻪ ﻭﻧﺴﺘﻐﻞ ﻣﻜﺎﻧﺘﻲ ﻧﺮﻓﺾ .. ﻳﻌﺎﻳﺮﻧﻲ ﺑﺎﻟﻤﺎﺿﻲ ﻭﻳﻘﻮﻟﻲ ﺍﻟﻠﻲ ﺩﺭﺗﻬﻮﻟﻚ ﻛﻠﻪ ﻻﺯﻡ ﺗﻌﻄﻴﻨﻲ ﻣﻘﺎﺑﻠﻪ ﺍﻟﻤﺎﺿﻲ ﺍﻟﻠﻲ ﻛﻨﺖ ﻧﺤﺎﻭﻝ ﻧﻨﺴﺎﻩ ﺑﺎﻟﺸﺮﺏ ﺍﻟﻠﻲ ﺍﺩﻣﻨﺖ ﻋﻠﻴﻪ ﻟﻔﺘﺮﻩ ﻭﺳﻴﺒﺘﻪ ﻣﺠﺮﺩ ﻣﺎﻋﺮﻓﺘﻚ .. ﻣﺎﻗﺎﺑﻠﺘﺶ ﻓﻲ ﺣﻴﺎﺗﻲ ﺣﺪ ﻛﺎﻥ ﺻﺎﻓﻲ ﻭﻧﻈﻴﻒ .. ﻏﻴﺮﻙ ﺍﻧﺖ ﺍﻧﺖ ﻳﺎﻧﻀﺎﻝ ﻳﻠﻠﻲ ﻭﺟﻮﺩﻙ ﻭﻗﺮﺑﻚ ﻭﺣﺒﻚ ﻏﻴﺮﻭﺍ ﻓﻴﺎﺭﺍ ﻫﻠﺒﻪ ﺣﺎﺟﺎﺕ .. ﻭﺧﻠﻮﻫﺎ ﺗﺤﺲ ﺍﻧﻬﺎ ﺍﻧﺜﻰ ﻭﻣﺮﺍﺓ ﺗﻨﺤﺐ ﻟﺸﺨﺼﻬﺎ ... ﻣﺶ ﻟﺠﺴﻤﻬﺎ ﺍﻭﻣﻜﺎﻧﺘﻬﺎ .. ﺑﺲ ﻣﻊ ﺍﻷﺳﻒ ﺣﺘﻰ ﺍﻧﺖ ﻃﻠﻌﺖ ﺯﻳﻬﻢ ﺣﺘﻰ ﺍﻧﺖ ... ﻗﻌﻤﺰﺕ ﻉ ﺍﻟﺴﺮﻳﺮ ﺑﻬﺪﺓ ﻭﻗﻌﺪﺕ ﺗﺒﻜﻲ ﺑﺤﺮﻗﻪ ..
ﺍﻣﺎ ﻧﻀﺎﻝ ﻣﻦ ﻫﻮﻝ ﺍﻟﺼﺪﻣﻪ ﻭﻣﻦ ﻫﻮﻝ ﺍﻟﻠﻲ ﺳﻤﻌﻪ ﻣﺎﻗﺪﺭﺵ ﻳﻘﻮﻝ ﺣﺮﻑ .. ﺍﻧﺴﺤﺐ ﻣﻦ ﺣﺪﺍﻫﺎ ﻭﻃﻠﻊ ﻣﻦ ﺍﻟﺤﻮﺵ ﻛﻠﻪ ..
***
ﺭﻭﺣﺖ ﺣﻨﺎﻥ ﻟﻠﺤﻮﺵ ﻭﺗﺴﻤﻊ ﻓﻲ ﺍﺻﻮﺍﺕ ﺍﻟﻀﺤﻚ .. ﻗﺪﻣﺖ ﻟﻠﺒﻨﺎﺕ ﺍﻟﻠﻲ ﻛﺎﻧﻮﺍ ﻣﻘﻌﻤﺰﺍﺕ ﻓﻲ ﺍﻟﺼﺎﻟﻪ ﻭﻳﻬﺪﺭﺯﻭﺍ ..
ﺣﻨﺎﻥ ﺑﺈﺑﺘﺴﺎﻣﻪ : ﺍﻟﺴﻼﻡ ﻋﻠﻴﻜﻢ ...
ﻛﻠﻬﻢ : ﻭﻋﻠﻴﻜﻢ ﺍﻟﺴﻼﻡ .. ﺍﻫﻼ ﻣﻬﻤﻮﻫﻪ ﻛﻴﻒ ﺍﻟﺤﺎﻝ .. ﻣﻬﺎ ﺟﺘﻬﺎ ﻭﺳﻠﻤﺖ ﻋﻠﻴﻬﺎ ﻭﺭﺩﺕ : ﺍﻟﺤﻤﺪ ﻟﻠﻪ ..
ﺭﻫﻒ : ﻓﺮﺣﺎﻧﺎﺕ ﺍﻟﻠﻲ ﻛﻤﻠﻮﺍ ﺍﻣﺘﺤﺎﻧﺎﺗﻬﻢ ..
ﺣﻨﺎﻥ : ﺑﺎﻟﺘﻮﻓﻴﻖ ﻭﺍﻟﻨﺠﺎﺡ .. ﺁﺍﺍﺍﺍﺍﻱ ..
ﺍﻟﺒﻨﺎﺕ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺣﻨﺎﻥ : ﻳﺎﺷﺮﻳﺮ ﻫﻜﻲ ﺍﺩﻳﺮ ﻓﻲ ﻣﺎﻣﺎ ..
ﻟﺒﻨﻰ : ﺣﺘﻰ ﺍﻧﻲ ﻛﻠﻴﺖ ﻣﻨﻪ ﺧﺒﻄﻪ ﺑﻜﺮﻱ ..
ﺭﻫﻒ : ﻣﻦ ﻟﻤﺎ ﺩﺭﺗﻮﻟﻪ ﻫﺎﻟﺠﺮﺍﻱ ﻭﻫﻮ ﻳﺪﻗﺪﻕ ﻓﻴﻨﺎ
ﺣﻨﺎﻥ ﺗﺤﺎﻭﻝ ﺗﻘﻴﻤﻪ ﻣﻦ ﺟﺮﺍﻱ ﻋﻴﻂ : ﺧﻼﺹ ﺧﻼﺹ .. ﺍﻗﻌﺪ ﺷﻮﻳﻪ ﺗﺎﻧﻴﻪ .. ﺭﺩﻭﺍ ﺑﺎﻟﻜﻢ ﻋﻠﻴﻪ ﻳﺒﻨﺎﺕ ﺭﻩ ﻳﺪﻳﺮ ﻟﺮﻭﺣﻪ ﺣﺎﺟﻪ ..
ﻟﺒﻨﻰ : ﻣﺎﻋﻨﺪﻩ ﻣﺎﻳﺪﻳﺮ ﺍﻟﻠﻲ ﻫﻨﺎﻙ ﻗﻤﻨﺎﻩ ﻣﻦ ﻗﺪﺍﻣﻪ ﺧﻠﻪ ﻳﺴﻄﺮﺏ ﺯﻱ ﻣﺎ ﻳﺒﻲ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻪ
ﺭﻛﺒﺖ ﺣﻨﺎﻥ ﻓﻮﻕ .. ﻭﺯﻱ ﻣﺎﻳﻘﻮﻟﻮﺍ ﺭﺍﺣﺖ ﺍﻟﺴﻜﺮﺓ ﻭﺟﺖ ﺍﻟﻔﻜﺮﻩ .. ﺗﻔﻜﺮ ﻓﻲ ﺍﺳﺎﻣﻪ ﻭﻳﻦ ﻏﺎﻳﺐ ﻫﺎﻟﻤﺪﻩ .. ﻭﻻﺳﺄﻝ ﻭﻻﺩﻭﺭ ..
ﺗﻨﻬﺪﺕ ﻭﻗﺎﻟﺖ " ﺇﻥ ﺷﺎﺀ ﺍﻟﻠﻪ ﺧﻴﺮ " ﻭﺧﺸﺖ ﻟﺪﺍﺭﻫﺎ ...
***
ﺑﻌﺪ ﺍﻟﻌﺼﺮ ..
ﻣﺎﻓﻴﺶ ﻣﻘﺎﺭﻧﻪ ﺑﻴﻨﻚ ﻭﺑﻴﻨﻬﺎ .. ﺍﻧﺘﻲ ﺻﻐﻴﺮﺓ ﻭﺣﻠﻮﺓ ﻭ open maind ﻭﻫﻲ ﻛﺒﻴﺮﻩ ﺣﺘﻰ ﺍﻟﺘﺠﺎﻋﻴﺪ ﺑﺎﻳﻨﻪ ﻓﻮﺟﻬﻬﺎ ﻭﻭﺣﺪﻩ ﻣﺴﻜﺮﺓ ﻗﺎﻋﺪﻩ ﻋﺎﻳﺸﻪ ﻓﻲ ﺍﻟﻌﻬﺪ ﺍﻟﻌﺜﻤﺎﻧﻲ ... ﻓﺮﺍﻳﻚ ﻣﻦ ﻓﻴﻜﻢ ﺗﻨﺎﺳﺐ ﻣﻌﺎﻭﻳﻪ ﺍﻛﺜﺮ ..
ﺇﻗﺒﺎﻝ ﻭﻫﻮ ﺗﺒﻜﻲ : ﻣﻌﺎﻭﻳﻪ ﻳﺎﻣﺎﻣﺎ ﻣﺶ ﺷﺎﻳﻔﻨﻲ ﻣﺶ ﺷﺎﺍﻳﻔﻨﻲ ...
ﺳﻤﻴﻪ : ﻓﻲ ﺳﺘﻴﻦ ﺩﺍﻫﻴﻪ ﺧﻼﺹ ﻣﻌﺎﺵ ﺗﺸﻮﻓﻴﻪ ﺣﺘﻰ ﺍﻧﺘﻲ
ﺍﻗﺒﺎﻝ ﺷﺒﺤﺘﻠﻬﺎ ﻭﺑﺘﻬﻜﻢ : ﻏﺮﻳﺒﻪ ﻗﺒﻞ ﺍﻧﺘﻲ ﺗﺴﻌﻲ ﺍﻛﺜﺮ ﻣﻨﻲ ﻓﺰﻭﺍﺟﻲ ﻣﻦ ﻣﻌﺎﻭﻳﻪ .. ﺷﻦ ﺍﻟﻠﻲ ﻏﻴﺮ ﺭﺍﻳﻚ ..
ﺳﻤﻴﻪ : ﺳﻌﻴﺖ ﻟﺸﻲ ﺯﻱ ﻫﺬﺍ ﻭﺣﺘﻰ ﺳﻌﻴﺖ ﺍﻥ ﺧﻮﻙ ﻗﺼﻲ ﻳﻘﺮﺏ ﻣﻦ ﻣﻬﺎ ... ﻟﻜﻦ ﻣﺎﻓﻴﺶ ﻓﺎﻳﺪﻩ .. ﻣﺶ ﺑﺎﻟﺴﻴﻒ ﺧﻼﺹ ...
ﺣﻄﺖ ﺍﻳﺪﻫﺎ ﻉ ﺍﻳﺪ ﺑﻨﺘﻬﺎ .. ﻣﺎﺗﻬﻠﻜﻴﺶ ﺭﻭﺣﻚ ﻳﺎﻣﺎﻣﺎ ... ﺷﻮﻓﻲ ﺣﻴﺎﺗﻚ ﻣﻊ ﻏﻴﺮﻩ ..
ﺷﺒﺤﺖ ﻷﻣﻬﺎ ﺑﺤﺪﻩ ﻭﺩﻣﻮﻋﻬﺎ ﺗﻨﺰﻝ ﻭﺣﻮﻟﺖ ﻳﺪﻫﺎ ﻭﻗﺎﻟﺖ : ﻣﻊ ﻏﻴﺮﻩ ﻻ .. ﻳﺎﻫﻮ ﻳﺎﻻ .. ﻭﻫﻮ ﻣﺶ ﺣﻴﻜﻮﻥ ﻟﻐﻴﺮﻱ ... ﺍﻃﻠﻌﻲ ﻭﺧﻠﻴﻨﻲ ..
ﻧﺎﺿﺖ ﺍﻣﻬﺎ ﻭﻫﺰﺕ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﻃﻠﻌﺖ ...
***
ﻃﺎﻟﻊ ﻣﻦ ﺍﻟﺸﺮﻛﻪ ﻭﺃﻳﻤﻦ ﻣﻌﺎﻩ ﻭﻳﺴﺘﻨﻮﺍ ﻓﺴﻴﺎﺭﺍﺗﻬﻢ ..
ﻣﻌﺎﻭﻳﻪ : ﺃﻳﻤﻦ ... ﻣﻨﻴﻦ ﺗﻌﺮﻑ ﺣﻨﺎﻥ ﺍﺧﺘﻚ ..
ﺍﻳﻤﻦ ﻭﻫﻮ ﻳﺸﺒﺢ ﻟﻠﻄﺮﻳﻖ : ﺍﻧﻲ ﻋﺮﻓﺘﻬﺎ ﺑﻴﻬﺎ ..
ﻣﻌﺎﻭﻳﻪ : ﻋﻼﺵ ...
ﺍﻳﻤﻦ : ﺗﻌﺮﻑ ﺍﻧﺖ ﺣﺎﻝ ﺳﻴﺮﻳﻦ ﻭﺣﺴﻴﺖ ﺍﻥ ﺣﻨﺎﻥ ﺗﻘﺪﺭ ﺍﺩﻳﺮ ﺷﻲ ..
ﻣﻌﺎﻭﻳﻪ ﺑﺘﻬﻜﻢ : ﻋﻼﺵ ﺩﻛﺘﻮﺭﺓ ﻧﻔﺴﻴﻪ ﻭﻣﺎﻋﻨﺪﻧﺎﺵ ﻋﻠﻢ ..
ﺍﻳﻤﻦ ﺍﺑﺘﺴﻢ ﻭﺷﺒﺤﻠﻪ : ﻫﻲ ﺗﻤﺮ ﺑﺤﺎﻟﻪ ﺗﺸﺒﻪ ﺣﺎﻟﺘﻬﺎ ﻭﻫﻲ ﺗﺨﻄﺖ ﺍﺯﻣﺘﻬﺎ ﺑﻘﻮﺓ ... ﺣﺘﺴﺎﻋﺪ ﺳﻴﺮﻳﻦ ﻷﻧﻬﺎ ﺗﻔﻬﻢ ﻋﻠﻴﻬﺎ ..
ﻣﻌﺎﻭﻳﻪ : ﺍﻫﺎ ... ﺍﻧﺖ ﻭﻳﻦ ﺷﻔﺘﻬﺎ ﺍﺳﺎﺳﺎ ..
ﺍﻳﻤﻦ ﺷﺒﺢ ﻟﺴﻴﺎﺭﺗﻪ ﺍﻟﻠﻲ ﺟﺎﺑﻮﻫﺎﻟﻪ ﺗﻮﺟﻬﺎﻟﻬﺎ ﻭﺭﺩ ﻉ ﻣﻌﺎﻭﻳﻪ : ﻣﺸﻴﺘﻠﻬﺎ ﺍﻟﻤﻜﺘﺐ ... ﺍﺑﺘﺴﻢ .. ﺗﺸﺎﻭ ﻳﺎ Boss...
ﺭﻛﺐ ﺳﻴﺎﺭﺗﻪ ﻭﻣﺸﻲ ... ﻭﻣﻌﺎﻭﻳﻪ ﻳﺸﺒﺢ ﻟﻠﺴﻴﺎﺭﻩ ﻭﻫﻲ ﺗﻤﺸﻲ ﺑﺤﺪﻩ ... ﺑﻌﺪﻳﻦ ﺗﻮﺟﻬﻪ ﻟﺴﻴﺎﺭﺗﻪ ﻭﺭﻛﺐ ﻭﺗﺤﺮﻙ ﺑﻴﻪ ﺍﻟﺴﻮﺍﻕ ...
***
ﺑﻌﺪ ﺍﻟﻤﻐﺮﺏ ...
ﺭﻥ ﺟﺮﺱ ﺍﻟﺤﻮﺵ ﻣﺸﺖ ﺣﻨﺎﻥ ﻓﺘﺤﺖ ﺍﻟﺒﺎﺏ ..
ﺣﻨﺎﻥ ﺍﺑﺘﺴﻤﺖ ﻣﺠﺎﻣﻠﻪ : ﺍﻫﻼ ﻭﻟﺪﻱ ..
ﻣﻬﺎﺏ ﺑﺈﺑﺘﺴﺎﻣﻪ : ﺍﻫﻠﻴﻦ ﻋﻤﺘﻲ ﻛﻴﻒ ﺣﺎﻟﻚ ﻭﺣﺎﻝ ﻋﻤﻲ ...
ﺣﻨﺎﻥ : ﺍﻟﺤﻤﺪ ﻟﻠﻪ ﻭﻟﺪﻱ .. ﺗﻔﻀﻞ ..
ﻣﻬﺎﺏ ﺧﺶ ﻭﺣﻨﺎﻥ ﺻﻜﺮﺕ ﺍﻟﺒﺎﺏ ..
ﺣﻨﺎﻥ : ﺧﺶ ﻭﻟﺪﻱ ﺧﺶ .. ﻭﻣﺸﺖ ﻭﻫﻮ ﻭﺭﺍﻩ ﻗﻌﻤﺰﺍﺗﻪ ﻉ ﺍﻟﺼﺎﻟﻮﻥ ..
ﺣﻨﺎﻥ : ﻟﺤﻈﻪ ﺍﻧﺎﺩﻱ ﺭﻫﻒ ..
ﻣﻬﺎﺏ : ﺑﺎﻫﻲ ..
ﺭﻛﺒﺖ ﺣﻨﺎﻥ ﻓﻮﻕ .. ﻃﻘﺖ ﻉ ﺍﻟﺒﺎﺏ .. ﻟﻘﺖ ﻟﺒﻨﻰ ﺭﺍﻗﺪﻩ ﻭﺭﻫﻒ ﻣﻘﻌﻤﺰﺓ ﻓﻲ ﺍﻟﺒﻼﻛﻮﻧﻪ ﻭﺣﺎﻃﻪ ﺍﻟﺴﻤﺎﻋﺎﺕ .. ﻣﺸﺘﻠﻬﺎ ..
ﺣﻨﺎﻥ ﺿﺮﺑﺘﻬﺎ ﻉ ﻛﺘﻔﻬﺎ ﺑﺼﻮﺍﺑﻌﻬﺎ : ﺭﻫﻒ .. ﻣﺎﻣﺎ ..
ﺭﻫﻒ ﺗﻠﻔﺘﺖ ﻷﻣﻬﺎ ﻭﺣﻮﻟﺖ ﺍﻟﺴﻤﺎﻋﺎﺕ : ﻧﻌﻢ ﻣﺎﻣﺎ ..
ﺣﻨﺎﻥ : ﺧﻄﻴﺒﻚ ﺟﻲ ..
ﺭﻫﻒ ﺿﻴﻘﺖ ﻋﻴﻮﻧﻬﺎ ﻭﻗﺎﻟﺖ : ﻗﺎﻟﻲ ﺑﻴﺠﻲ ﻭﺍﻧﻲ ﻧﺴﻴﺖ ﺑﺎﻟﻤﺮﺓ ... ﻧﺎﺿﺖ ﺷﺪﺗﻬﺎ ﺍﻣﻬﺎ ﻣﻦ ﻳﺪﻫﺎ ..
ﺣﻨﺎﻥ : ﺭﻫﻒ ﻗﺎﻋﺪﻩ ﻉ ﺍﻟﺒﺮ ...
ﺭﻫﻒ ﺍﺑﺘﺴﻤﺖ ﺑﺄﻟﻢ ﻃﺒﻄﺒﺖ ﻉ ﺍﻳﺪ ﺍﻣﻬﺎ ﻭﻣﺸﺖ .. ﻟﺒﺴﺖ ﻭﺷﺎﺣﻬﺎ ...
ﻭﻧﺰﻟﺖ ...
ﻣﻬﺎﺏ ﺍﻭﻝ ﻣﺎﺷﺎﻓﻬﺎ ﻧﺎﺽ ﻗﺪﻣﺘﻠﻪ ﺳﻠﻤﺖ ﻋﻠﻴﻪ ﻭﻗﻌﻤﺰﺕ ..
ﺭﻫﻒ : ﻣﻌﻠﻴﺸﻲ ﻧﺰﻟﺖ ﻫﻜﻲ .. ﻏﻴﺮ ﻣﺎﻋﻨﺪﻳﺶ ﺧﻠﻮﻕ ﻧﻠﺒﺲ ﺣﺎﺳﻪ ﺭﻭﺣﻲ ﺗﺎﻋﺒﻪ ﻣﻦ ﺍﻹﻣﺘﺤﺎﻧﺎﺕ ...
ﻣﻬﺎﺏ : ﻭﻻﻳﻬﻤﻚ ﻳﺎﻗﻠﺒﻲ ﻓﻜﻞ ﺣﺎﻻﺗﻚ ﺗﻬﺒﻠﻲ
ﺣﻨﺎﻥ ﻓﻲ ﺍﻟﻜﻮﺟﻴﻨﻪ ﺗﻮﻳﺘﻠﻪ ﻓﻲ ﺍﻟﻀﻴﺎﻓﻪ .. ﻛﻤﻠﺖ ﻭﺟﺘﻬﻢ
ﻣﻬﺎﺏ : ﻋﻼﺵ ﻣﺘﻌﺒﻪ ﺭﻭﺣﻚ ..
ﺣﻨﺎﻥ : ﺗﻌﺒﻚ ﺭﺍﺣﻪ .. ﻣﺎﻓﻲ ﺷﻲ ﻣﻦ ﻗﻴﻤﺘﻚ ..
ﻣﻬﺎﺏ : ﺗﺴﻠﻤﻲ .. ﻣﺎﻻ ﻭﻳﻦ ﻋﻤﻲ ﻧﻀﺎﻝ ..
ﺣﻨﺎﻥ ﺗﻔﺎﺟﺌﺖ ﺑﺴﺆﺍﻟﻪ ﻭﺷﺒﺤﺖ ﻟﺮﻫﻒ ﺍﻟﻠﻲ ﻭﺟﻬﻬﺎ ﺍﻧﺨﻄﻒ ﻟﻮﻧﻪ .. ﺍﺑﺘﺴﻤﺖ ﺑﺮﺑﻜﻪ ﻭﻗﺎﻟﺖ : ﻋﻤﻚ ﻣﺴﺎﻓﺮ ...
ﻣﻬﺎﺏ : ﺍﻫﺎ .. ﻏﻴﺮ ﻗﺒﻞ ﻛﻨﺖ ﻧﺒﻲ ﻧﺎﺧﺪ ﺍﺫﻧﻪ ﻭﺍﺫﻧﻚ .. ﻏﺪﻭﺓ ﻣﺪﺍﻳﺮ ﻋﺰﻭﻣﻪ ﺯﻱ ﺍﻟﺰﺭﺩﻩ ﻟﻌﻤﺎﺗﻲ ﻓﻲ ﻣﻨﻬﻢ ﻣﺎﺟﻮﺵ ﻓﻲ ﺍﻟﺒﻴﺎﻥ ﻓﺄﻧﻲ ﻧﺒﻲ ﺭﻫﻒ ﺗﺠﻲ ﻭﺑﺎﻟﻤﺮﻩ ﻳﺘﻌﺮﻓﻮﺍ ﻋﻠﻴﻬﺎ ﺍﻛﺜﺮ ..
ﺣﻨﺎﻥ ﺷﺒﺤﺖ ﻟﺮﻫﻒ ﻭﺑﻌﺪﻳﻦ ﺷﺒﺤﺘﻠﻪ : ﻓﻲ ﺍﻟﻨﻬﺎﺭ ﻭﻻﻓﺎﻟﻠﻴﻞ ..
ﻣﻬﺎﺏ : ﻓﻲ ﺍﻟﻨﻬﺎﺭ .. ﻏﺪﻱ ...
ﺣﻨﺎﻥ ﻓﻜﺮﺕ ﺑﻌﺪﻳﻦ ﻗﺎﻟﺖ : ﺃﻧﻲ ﻣﺎﻋﻨﺪﻳﺶ ﻣﺸﻜﻠﻪ .. ﺗﻮ ﻧﺒﻠﻎ ﺑﻮﻫﺎ ﺑﻌﺪﻳﻦ ﻭﻫﻲ ﺗﺮﺩ ﻋﻠﻴﻚ ..
ﻣﻬﺎﺏ ﺍﺑﺘﺴﻢ : ﺗﻤﺎﻡ ...
ﻗﻌﺪ ﻋﻨﺪﻫﻢ ﻫﺪﺭﺯ ﺷﻮﻳﻪ ﺑﻌﺪﻳﻦ ﺭﻭﺡ ..
ﺣﻨﺎﻥ : ﻛﻴﻒ ﻣﺎﻳﻌﺮﻓﺶ ﺑﻮﺿﻌﻲ ﺍﻧﻲ ﻭﺑﻮﻙ ..
ﺭﻫﻒ : ﻣﺎﺑﺘﺶ ﻧﻘﻮﻟﻪ .
ﺣﻨﺎﻥ : ﻭﻋﻼﺵ؟
ﺭﻫﻒ ﺳﻜﺘﺖ ..
ﺣﻨﺎﻥ؛ ﺍﻧﻲ ﻧﺴﺄﻝ؟ !
ﺭﻫﻒ : ﻣﺎﻫﻮ .. ﻫﻤﺎ ﻋﻴﻠﺘﻬﻢ ﻳﻌﻨﻲ ﻳﺪﻗﻘﻮﺍ ﻓﻲ ﺍﻟﺤﺎﺟﺎﺕ ﻫﺎﺩﻱ ..
ﺣﻨﺎﻥ ﻗﺪﻣﺘﻠﻬﺎ : ﺍﻟﺤﺎﺟﺎﺕ ﻫﺎﺩﻱ !! ﻛﻴﻒ ﻳﻌﻨﻲ ..
ﺭﻫﻒ ﺳﻜﺘﺖ ..
ﺣﻨﺎﻥ ﺧﺪﺕ ﻧﻔﺲ ﻭﻗﺎﻟﺖ : ﺷﻮﻓﻲ ﻳﺎﺑﻨﺘﻲ ﺍﻧﻲ ﻭﺑﻮﻙ ﻋﺎﺟﻼ ﺍﻭ ﺍﺟﻼ ﺣﻨﻄﻠﻘﻮﺍ ﻭﺣﺘﻤﺎ ﺧﻄﻴﺒﻚ ﻭﻋﻴﻠﺘﻪ ﺣﻴﻌﺮﻓﻮﺍ ﻭﺍﻟﻠﻲ ﺧﺎﻳﻔﻪ ﻣﻨﻪ ﺣﻴﺼﻴﺮ .. ﺑﻨﺘﻲ ﺣﻄﻲ ﻋﻘﻠﻚ ﻓﺮﺍﺳﻚ ..
ﺭﻫﻒ ﻣﺎﺑﺘﺶ ﺗﺮﺩ ﺍﻛﺘﻔﺖ ﺑﺎﻟﺼﻤﺖ ﻭﺍﻷﻧﺴﺤﺎﺏ ﻭﺭﻛﺒﺖ ﻓﻮﻕ ..
ﺣﻨﺎﻥ " ﻳﺎﺭﻳﺘﻨﻲ ﻧﻘﺪﺭ ﻧﺠﺒﺮﻙ ﻭﻧﻔﺮﺽ ﻋﻠﻴﻚ ﺷﻲ "
ﺭﻥ ﺍﻟﺠﺮﺱ ..
ﺣﻨﺎﻥ : ﻣﻨﻲ ﺗﺎﻧﻲ ... ﻭﻣﺸﺖ ﻓﺘﺤﺖ ... ﻭﺷﻬﻘﺖ ..
ﺍﺳﺎﻣﻪ : ﻫﻬﻬﻬﻬﻬﻬﻬﻬﻪ
ﺣﻨﺎﻥ : ﺍﺿﺤﻚ ﺍﻳﻪ ﺍﺿﺤﻚ ﻳﺎﺑﺎﺭﺩ ﻳﻠﻲ ﻣﺎﺗﺤﺴﺶ ﻻﺗﻘﻴﻢ ﺗﻠﻴﻔﻮﻥ ﻻﺗﻘﻮﻝ ﺍﻧﺖ ﻭﻳﻦ ﻭﺷﻦ ﺩﺍﻳﺮ ﻻﺗﺴﺄﻝ ﻉ ﻭﻟﺪﻙ ..
ﺍﺳﺎﻣﻪ ﺍﺑﺘﺴﻢ : ﺍﻧﺸﻐﻠﺖ ﻫﻠﺒﻪ .. ﻓﻮﻕ ﻣﺎﺗﺘﺼﻮﺭﻱ ..
ﺣﻨﺎﻥ : ﺷﻦ ﺍﻟﻠﻲ ﺷﺎﻏﻠﻚ ﻟﻬﺎﻟﺤﺪ ..
ﺍﺳﺎﻣﻪ ﺗﻨﻬﺪ : ﺍﻟﻠﻲ ﻛﻨﺖ ﻓﻴﻪ ﻳﺨﻠﻴﻨﻲ ﻧﻨﺴﻰ ﺣﺘﻰ ﺍﺳﻤﻲ ..
ﺣﻨﺎﻥ ﺑﺨﻮﻑ : ﻋﻼﺵ ﻭﻳﻦ ﻛﻨﺖ ..
ﺍﺳﺎﻣﻪ : ﻣﻤﻜﻦ ﻧﺘﻜﻠﻢ ﻣﻌﺎﻙ ﺷﻮﻱ .. ﺧﺎﻃﺮﻱ ﻧﻔﻀﻔﺾ ..
ﺣﻨﺎﻥ : ﺑﺎﻫﻲ ﻗﻌﻤﺰ ﻓﻲ ﺍﻟﺠﻨﺎﻥ ﺷﻮﻳﻪ ﻭﺟﺎﻳﻪ ..
ﺍﺳﺎﻣﻪ ﺍﺑﺘﺴﻢ ﻭﻣﺸﻲ ﻗﻌﻤﺰ ﻉ ﻛﺮﺳﻲ ﻓﻲ ﺍﻟﺠﻨﺎﻥ .. ﻭﺣﻨﺎﻥ ﻃﻠﻌﺖ ﺑﻌﺪ ﺷﻮﻱ ﻭﻣﻌﺎﻫﺎ ﺻﻔﺮﻩ .. ﺣﻄﺘﻬﺎ ﻉ ﺍﻟﻄﺎﻭﻟﻪ ﻭﻗﻌﻤﺰﺕ ..
ﺍﺳﺎﻣﻪ ﺑﻀﺤﻜﻪ : ﻫﺬﺍ ﺷﻨﻮ ..
ﺣﻨﺎﻥ : ﺗﻌﺸﺎ .. ﻣﻨﻈﺮﻙ ﺭﺍﻳﺢ ﺣﺎﻟﻪ ﻭﺿﺎﻋﻒ ﻫﻠﺒﻪ ..
ﺍﺳﺎﻣﻪ : ﻭﺍﻟﻠﻪ ﺍﻟﻠﻲ ﺭﻳﺘﻴﻪ ﻣﺎﻣﺨﻠﻲ ﻋﻨﺪﻱ ﻧﻴﻪ ﻓﺸﻲ ..
ﺣﻨﺎﻥ : ﻭﻳﻦ ﻛﻨﺖ ..
ﺍﺳﺎﻣﻪ : ﻣﺸﻴﺖ ﻟﻸﺭﺩﻥ ...
ﺣﻨﺎﻥ : ﻗﻠﺖ ﻣﺴﺎﻓﺮ ﺧﺪﻣﻪ ﻣﺎﻗﻠﺘﺶ ﺑﺘﺸﻮﻑ ﺍﻫﻠﻚ ..
ﺍﺳﺎﻣﻪ : ﺍﻳﻪ .. ﺳﺎﻓﺮﺕ ﻏﺎﺩﻱ ﺧﺪﻣﻪ ﺍﺳﺎﺳﺎ .. ﻛﻨﺖ ﻃﺒﻴﺐ ﻣﺘﻄﻮﻉ ﻓﻲ ﻣﺨﻴﻤﺎﺕ ﺍﻟﻨﺎﺯﺣﻴﻦ ﻣﻦ ﻧﺎﺱ ﺑﻼﺩﻱ ..
ﺣﻨﺎﻥ ﺍﺿﺎﻳﻘﺖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺍﺳﺎﻣﻪ : ﺍﻟﻠﻲ ﻧﺸﻮﻓﻮﺍ ﻓﻴﻪ ﻓﻲ ﺍﻟﺘﻠﻔﺰﻳﻮﻥ ﻣﺎﺑﻴﻨﺶ ﺭﺑﻊ ﻣﻌﺎﻧﺎﺗﻬﻢ ﺍﻟﺤﻘﻴﻘﻴﻪ .. ﻋﺬﺍﺏ ﺑﻤﻌﻨﻰ ﺍﻟﻜﻠﻤﻪ .. ﻋﺬﺍﺏ ﻧﻔﺴﻲ ﺟﺴﺪﻱ .. ﺟﻤﻴﻊ ﺍﻧﻮﺍﻉ ﺍﻟﻌﺬﺍﺏ ... ﺑﺲ ﺗﻌﺮﻓﻲ ﺍﺷﺪﻫﻢ ﺍﻣﺎ ﻫﻮ ... ﺍﻹﻫﺎﻧﻪ ﻭﺍﻟﺬﻝ ﺑﺴﺒﺐ ﺍﻟﺘﺸﺮﺩ .. ﻭﺍﻟﻨﺎﺱ ﻣﻦ ﺍﻟﻌﺎﺯﺓ ﻏﺎﺩﻱ ﺑﻴﺎﻛﻠﻮﺍ ﺑﻌﻀﻬﻢ .. ﻛﻞ ﺍﻟﺪﻭﻝ ﺍﻟﻠﻲ ﻧﺰﺣﻮﺍ ﻋﻨﺪﻫﻢ ﻣﻌﺎﺵ ﻗﺪﺭﻭﺍ ﻳﺘﺤﻤﻠﻮﻫﻢ ﺑﺪﻭﺍ ﻳﺠﻠﻮﺍ ﻓﻴﻬﻢ ﻗﺴﺮﺍ ..
ﺣﻨﺎﻥ ﺩﻣﻮﻋﻬﺎ ﻧﺰﻟﻮﺍ ...
ﺍﺳﺎﻣﻪ : ﻳﻘﻮﻟﻚ ﻣﺎﺣﺪ ﻳﻤﻮﺕ ﻣﻦ ﺍﻟﺠﻮﻉ ﻭﺍﻧﻲ ﺷﻬﺪﺕ ﻉ ﻣﻮﺕ ﻧﺎﺱ ﻣﻦ ﺍﻟﺠﻮﻉ .. ﻭﻣﻦ ﺍﺗﻔﻪ ﺍﻷﻣﺮﺍﺽ ..
ﺗﻌﺮﻓﻲ ﻗﺎﺑﻠﺖ ﺭﺍﺟﻞ ﺣﺎﻟﺘﻪ ﺑﺎﻟﻮﻳﻞ .. ﻛﺎﻥ ﻋﻨﺪﻩ 3 ﺻﻐﺎﺭ ﻭﻛﻠﻬﻢ ﻣﺎﺗﻮﺍ ﻣﻦ ﺍﻟﺼﻘﻊ .. ﻭﺯﻭﺟﺘﻪ ﺗﻮﻓﺖ ﻗﺒﻠﻬﻢ ﻭﻫﻲ ﺗﺠﻴﺐ ﻓﻲ ﺍﻟﻌﻴﻞ ﺍﻟﺘﺎﻟﺖ .. ﺍﻟﻠﻲ ﺍﺛﻨﺎﺀ ﻭﻻﺩﺗﻪ ﻣﺎﻟﻘﺘﺶ ﻣﺴﺘﺸﻔﻰ ﺗﺴﺘﻘﺒﻠﻬﺎ ﻷﻧﻬﺎ ﻧﺎﺯﺣﻪ ﺳﻮﺭﻳﻪ ..
ﺣﻨﺎﻥ ﺑﺼﺪﻣﻪ ﻭﺩﻣﻮﻋﻬﺎ ﺳﻴﻞ : ﻟﻬﺎﻟﺪﺭﺟﻪ؟ !!
ﺍﺳﺎﻣﻪ : ﻭﺍﻛﺜﺮ .. ﺍﺑﺘﺴﻢ ﺗﻬﻜﻤﺎ .. ﺛﻘﻠﻮﺍ ﻋﻠﻴﻬﻢ ﻣﺎﻩ ... ﺍﺍﺍﺍﻩ ﻣﺮﺍﺭ ﻳﺎﺣﻨﺎﻥ ﻭﻗﻬﺮﻩ .. ﺍﻟﻮﺍﺣﺪ ﻳﻜﻮﻥ ﻋﺎﻳﺶ ﻣﻌﺰﺯ ﻣﻜﺮﻡ ﻓﻲ ﺣﻮﺷﻪ .. ﻭﻓﻠﺤﻈﻪ ﻳﻠﻘﻰ ﺭﻭﺣﻪ ﻫﺎﺭﺏ ﻭﻣﺘﺸﺮﺩ ﻉ ﺣﺪﻭﺩ ﺍﻟﺪﻭﻟﻪ ﻫﺎﺩﻱ ﻭﻫﺪﻳﻜﺎ .. ﻓﻲ ﻣﻨﻬﻢ ﻗﺎﻟﻮﻟﻲ ﻳﺎﺭﻳﺘﻨﺎ ﻗﻌﺪﻧﺎ ﻓﻲ ﺣﻴﺎﺷﻨﺎ ﻭﻣﺘﻨﺎ ﻓﻴﻬﻢ ﻭﻻ ﺍﻧﺬﻟﻴﻨﺎ ﻫﺎﻟﺬﻝ ..
ﺣﻨﺎﻥ ﻭﻫﻲ ﺗﺒﻜﻲ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .. ﺣﺘﻰ ﻫﻨﻲ ﻭﺍﻧﺖ ﺷﺎﻫﺪ ﻉ ﺍﻟﺤﺮﻭﺏ ﺍﻟﻠﻲ ﺻﺎﺭﺕ ﻭﻣﻦ ﻫﻤﺎ ﺿﺤﺎﻳﺎﻫﺎ ﻭﺷﻦ ﺻﺎﺭ ﻓﻲ ﺍﻟﻨﺎﺱ .. ﻓﻮﻃﻨﻪ ﻣﺘﺸﺮﺩ .. ﻓﻮﻃﻨﻪ ﻣﺘﻐﺮﺏ .. ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ...
ﺍﺳﺎﻣﻪ : ﺍﻟﻠﻪ ﻳﻨﺘﻘﻢ ﻣﻦ ﺍﻣﺮﺍﺀ ﺍﻟﺤﺮﺏ ﻭﺍﻟﻠﻲ ﻳﺪﻋﻤﻮﺍ ﻓﻴﻬﻢ .
ﺣﻨﺎﻥ : ﺍﻟﻠﻬﻢ ﺁﺍﺍﺍﻣﻴﻦ ...
ﻗﻌﺪﻭﺍ ﻳﻬﺪﺭﺯﻭﺍ ﻭﻏﻴﺮﻭ ﺍﻟﻤﻮﺿﻮﻉ ﻭﺣﺎﻭﻟﺖ ﺣﻨﺎﻥ ﺗﻐﻴﺮ ﻣﻦ ﻧﻔﺴﻴﺔ ﺍﺳﺎﻣﻪ ﺷﻮﻳﻪ .. ﺗﻌﺸﺎ ﺑﻌﺪ ﺣﻨﺎﻥ ﻏﺼﺒﺖ ﻋﻠﻴﻪ .. ﻭﺭﻭﺡ ..
ﺍﻣﺎ ﻫﻲ ﻓﻨﻔﺴﻴﺘﻬﺎ ﺗﻌﺒﺖ ﻣﻦ ﺍﻟﻠﻲ ﺳﻤﻌﺎﺗﻪ ...
ﺧﺸﺖ ﻏﺴﻠﺖ ﺍﻟﻤﺎﻋﻴﻦ ﻭﺭﻛﺒﺖ ﻟﺪﺍﺭﻫﺎ ﺗﻮﺿﺖ ﻭﺻﻠﺖ ﻭﺩﻋﺖ ﻟﻜﻞ ﺍﻟﻤﻨﻜﻮﺑﻴﻦ ﻭﺍﻟﻤﻈﻠﻮﻣﻴﻦ ﻣﻦ ﻭﺳﻂ ﻗﻠﺒﻬﺎ .. ﺑﻌﺪ ﻛﻤﻠﺖ ﺧﺸﺖ ﺳﺮﻳﺮﻫﺎ ﻭﺣﻀﻨﺖ ﻣﺤﻤﺪ ﻭﺭﻗﺪﺕ ..
***
ﻳﺎﺭﺍ ﻟﻴﻠﺘﻬﺎ ﻛﻤﻠﺘﻬﺎ ﻛﻠﻬﺎ ﺑﻜﻲ ﻭﺑﺮﻏﻢ ﻧﻔﺴﻴﺘﻬﺎ ﺍﻟﺘﺎﻋﺒﻪ ﻭﻭﺟﻮﺩ ﺍﻟﺸﺮﺏ ﻓﻲ ﺣﻮﺷﻬﺎ ﻣﺎﻗﺮﺑﺘﺶ ﻣﻨﻪ ﻧﻬﺎﺋﻲ ...
ﻓﻲ ﻋﺰ ﺃﻟﻤﻬﺎ ﺳﻤﻌﺖ ﺁﺫﺍﻥ ﺍﻟﻔﺠﺮ ... ﻛﺄﻧﻬﺎ ﻷﻭﻝ ﻣﺮﺓ ﺗﺴﻤﻊ ﺁﺫﺍﻥ ﻓﺤﻴﺎﺗﻬﺎ ...
ﺍﻟﻠﻪ ﺃﻛﺒﺮ ﺍﻟﻠﻪ ﺃﻛﺒﺮ ...
ﺍﻟﻠﻪ ﺃﻛﺒﺮ ﺍﻟﻠﻪ ﺃﻛﺒﺮ .
ﺗﻜﺮﺭﺕ ﺍﺭﺑﻊ ﻣﺮﺍﺕ ﻭﻛﺄﻧﻬﺎ ﺗﻮﺻﻞ ﻓﻲ ﺭﺳﺎﻟﻪ .. ﺍﻥ ﺍﻟﻠﻪ ﺍﻛﺒﺮ ﻣﻦ ﻛﻞ ﺷﻲ ﺷﺎﻏﻠﻨﺎ ﻓﻲ ﺍﻟﺪﻧﻴﺎ ... ﻣﻦ ﻛﻞ ﻫﻤﻮﻣﻨﺎ .. ﻣﻦ ﻛﻞ ﺫﻧﻮﺑﻨﺎ ... ﻣﻦ ﻛﻞ ﺣﺪ ﻇﻠﻤﻨﺎ ﻭﺁﺫﺍﻧﺎ ... ﺍﻛﺒﺮ ﻣﻦ ﻛﻞ ﺃﺣﺰﺍﻧﻨﺎ ﻭﺃﻭﺟﺎﻋﻨﺎ ..
ﺃﺷﻬﺪ ﺃﻥ ﻻﺇﻟﻪ ﺇﻻ ﺍﻟﻠﻪ ...
ﺃﺷﻬﺪ ﺃﻥ ﻻﺇﻟﻪ ﺇﻻﺍﻟﻠﻪ ...
ﻻﺇﻟﻪ ﺇﻻ ﺍﻟﻠﻪ .. ﻣﺎﻟﻨﺎﺵ ﻏﻴﺮﻩ ﻣﻌﺒﻮﺩ .. ﻣﺎﻟﻨﺎﺵ ﻏﻴﺮﻩ ﻗﺎﺿﻲ ﺣﻮﺍﺋﺠﻨﺎ ... ﻣﺎﻟﻨﺎﺵ ﻏﻴﺮﻩ ﻳﻄﻔﻲ ﻧﺎﺭﻗﻠﻮﺑﻨﺎ ﻭﻳﺮﻳﺤﻨﺎ .. ﻣﺎﻟﻨﺎﺵ ﻏﻴﺮﻩ ﻋﺎﺭﻓﻨﺎ ﻭﻋﺎﺭﻑ ﺷﻦ ﻧﺤﺴﻮﺍ ﻭﺷﻦ ﻫﻮ ﺍﻟﻠﻲ ﻧﻤﺮﻭﺍﺑﻴﻪ
◇ ﺃﻻ ﻳﻌﻠﻢ ﻣﻦ ﺧﻠﻖ ﻭﻫﻮ ﺍﻟﻠﻄﻴﻒ ﺍﻟﺨﺒﻴﺮ ◇
ﺃﺷﻬﺪ ﺃﻥ ﻣﺤﻤﺪ ﺭﺳﻮﻝ ﺍﻟﻠﻪ ..
ﺃﺷﻬﺪ ﺃﻥ ﻣﺤﻤﺪ ﺭﺳﻮﻝ ﺍﻟﻠﻪ ..
ﻣﺤﻤﺪ ﻧﺒﻴﻨﺎ ﺍﻟﻠﻲ ﻋﻠﻤﻨﺎ ﻭﻋﺮﻓﻨﺎ ﻣﻦ ﻫﻮ ﺍﻟﻠﻪ ﻣﻦ ﺍﻟﺮﺣﻤﻦ ﺍﻟﺮﺣﻴﻢ ﻣﻦ ﻫﻮ ﺍﻟﻘﻮﻱ ﺍﻟﻌﺰﻳﺰ .. ﻋﻠﻤﻨﺎ ﻛﻴﻒ ﻧﺘﻘﺮﺑﻮﺍ ﻟﻴﻪ ﻭﻛﻴﻒ ﻧﺤﺒﻮﻩ ﻭﻛﻴﻒ ﻳﺤﺒﻨﺎ ...
◇ ﺇﻥ ﻛﻨﺘﻢ ﺗﺤﺒﻮﻥ ﺍﻟﻠﻪ ﻓﺄﺗﺒﻌﻮﻧﻲ ﻳﺤﺒﺒﻜﻢ ﺍﻟﻠﻪ ◇
ﺣﻲ ﻉ ﺍﻟﺼﻼﺓ ...
ﺣﻲ ﻉ ﺍﻟﺼﻼﺓ ...
ﺍﻟﺼﻼﺓ .. ﺍﻟﺼﻠﻪ .. ﺣﺒﻞ ﺍﻟﻮﺻﻞ .. ﺑﻴﻨﺎ ﻭﺑﻴﻦ ﻣﺎﻟﻚ ﻫﺎﻟﻜﻮﻥ .. ﺍﻟﺼﻼﺓ ﻣﺶ ﻣﺠﺮﺩ ﻋﺒﺎﺩﺓ ﻧﺄﺩﻭﻫﺎ ﻭﺧﻼﺹ ... ﺍﻟﺼﻼﺓ .. ﺗﺮﺑﻴﻪ .. ﺭﺍﺣﻪ .. ﺣﺐ ... ﻣﺼﺪﺭ ﺍﻟﻘﻮﺓ ﻓﻌﺰ ﺍﻟﻀﻌﻒ ... ﺍﻟﺼﻼﺓ ﺗﻨﻬﻰ ﻋﻦ ﺍﻟﻔﺤﺸﺎﺀ ﻭﺍﻟﻤﻨﻜﺮ .. ﺍﻟﺼﻼﺓ ﻫﻲ ﺍﻛﺴﺠﻴﻦ ﺍﻱ ﻣﺆﻣﻦ ﻋﺎﺑﺪ ﻋﺎﺭﻑ ﺑﺎﻟﻠﻪ .. ﺍﻟﺼﻼﺓ .. ﺑﺪﻭﻧﻬﺎ ﻣﺎﻳﺼﺢ ﺷﻲ ... ﻭﻻﻳﻘﺒﻞ ﺍﻱ ﻋﻤﻞ ... ﺣﺘﻰ ﻟﻮ ﻛﻨﺎ ﻏﺎﺭﻗﻴﻦ ﻓﻲ ﺍﻟﺬﻧﻮﺏ ﺻﻼﺗﻨﺎ ﻣﺎﻧﺨﻠﻮﻫﺎﺵ ﻹﻧﻬﺎ ﺣﺘﻘﻮﻣﻨﺎ ﻳﻮﻣﺎ ﻣﺎ ..
ﺣﻲ ﻉ ﺍﻟﻔﻼﺡ ...
ﺣﻲ ﻉ ﺍﻟﻔﻼﺡ ..
ﺍﻟﺼﻼﺓ ﻫﻲ ﺍﻟﻔﻼﺡ ... ﺍﻟﻠﻲ ﻳﺼﻠﻲ ﺑﻘﻠﺒﻪ ﻭﺟﻮﺍﺭﺣﻪ .. ﺣﻴﻔﻠﺢ ﺩﻧﻴﺎ ﻭﺁﺧﺮﻩ .. ﻫﺬﺍ ﻭﻋﺪ ﺍﻟﻠﻪ ﻭﻻﻳﺨﻠﻒ ﺍﻟﻠﻪ ﻭﻋﺪﻩ ..
ﺍﻟﻠﻪ ﺃﻛﺒﺮ ..
ﺍﻟﻠﻪ ﺍﻛﺒﺮ ..
ﻳﺮﺟﻊ ﻭﻳﺬﻛﺮ ﻓﻴﻨﺎ ﺑﺄﻧﻪ ﺍﻛﺒﺮ ﻣﻦ ﻛﻞ ﺷﻲ ....
ﻻﺇﻟﻪ ﺇﻻ ﺍﻟﻠﻪ ...
ﻭﺍﻧﻨﺎ ﻣﺎﻟﻨﺎﺵ ﻏﻴﺮﻩ ..
ﻳﺎﺭﺍ ﻛﺎﻧﺖ ﺣﺎﺳﻪ ﺑﺸﻌﻮﺭ ﻏﺮﻳﺐ ﺗﺴﻠﻞ ﻟﻘﻠﺒﻬﺎ .. ﺷﻌﻮﺭ ﺣﻠﻮﻭﻭ .. ﺷﻌﻮﺭ ﺧﻼﻫﺎ ﺗﻨﻮﺽ ﻣﻦ ﺳﺮﻳﺮﻫﺎ ﻭﺗﻮﻗﻒ ﻉ ﺍﻟﺮﻭﺷﻦ ﺍﻟﻤﻔﺘﻮﺡ .. ﻭﻫﻲ ﺗﺸﻢ ﻓﻲ ﺭﻳﺤﺔ ﺍﻟﻬﻮﺍﺀ ﺍﻟﻨﻘﻲ ﻣﺘﺎﻉ ﺍﻟﻔﺠﺮ .. ﺭﻓﻌﺖ ﺭﺍﺳﻬﺎ ﻓﻮﻕ ﻭﻗﺎﻟﺖ ...
" ﺍﻧﺖ ﺑﺲ ﺍﻟﻠﻲ ﻛﻨﺖ ﺷﺎﻫﺪ ﻉ ﻛﻞ ﺷﻲ .. ﻭﺍﻧﺖ ﺑﺲ ﺍﻟﻠﻲ ﺗﻌﺮﻑ ﻟﻮﻛﻨﺖ ﻇﺎﻟﻤﻪ ﺍﻭ ﻣﻈﻠﻮﻣﻪ .. ﺍﻧﺖ ﺑﺲ ﺍﻟﻠﻲ ﻗﻌﺪﺗﻠﻲ ﺗﻮﺍ ... ﻋﺎﺭﻓﻪ ﺭﻭﺣﻲ ﻣﺎﻧﺴﺘﺎﻫﻠﺶ ... ﺑﺲ ﺍﺭﺟﻮﻙ ﺳﺎﻋﺪﻧﻲ .. ﻳﺎﺭﺏ ﻣﺎﻟﻴﺶ ﻏﻴﺮﻙ "...
☆ ﻳﺎﺭﺏ ﺃﻗﺒﻞ ﺩﻋﻮﺗﻲ ﻭﺫﻟﻲ ﻭﺧﻀﻮﻋﻲ
ﻛﻠﻤﺎ ﺍﻓﻜﺮ ﻓﻲ ﺍﻟﺤﺴﺎﺏ ﺗﻨﺰﻝ ﺩﻣﻮﻋﻲ ...
ﺁﻣﻨﺖ ﺑﻴﻚ ﻗﺮﺑﻨﻲ ﻟﻴﻚ ﺍﻟﺪﻧﻴﺎ ﺳﺤﺮﺍﻧﻲ ..
ﻳﺎﻃﻮﻝ ﻋﺬﺍﺑﻲ ﻓﻲ ﺑﻌﺪﻱ ﻋﻨﻚ ﻳﺎﻛﺜﺮ ﻣﺎﺑﺎﻋﺎﻧﻲ ..
ﻭﺍﻧﺎ ﻋﺎﺭﻑ ﺃﻧﻲ ﻣﻬﻤﺎ ﺑﺄﻧﺴﻰ ﻣﺶ ﺑﺘﻨﺴﺎﻧﻲ ..
ﻓﻮﺀ ﻣﻦ ﺍﻟﻠﻲ ﺍﻧﺖ ﻓﻴﻪ
ﺭﺑﻚ ﺩﻳﻤﺎ ﺟﻨﺒﻚ ﻟﻮ ﻧﺎﺩﻳﺘﻮﺍ ﺣﺘﻼﻗﻴﻪ ..
ﺟﺎﻳﺰ ﺩﺍ ﺍﺧﺘﺒﺎﺭ ﺭﻛﺰ ﻓﻲ ﺍﻹﺟﺎﺑﻪ ..
ﻭﻗﻮﻝ ﻳﺎﺭﺏ ﻭﺧﻮﺫ ﻗﺮﺍﺭ ...
..... ﻳﺘﺒﻊ
٠٨ / ١١ / ٢٠٢٠ · Facebook for Android · ﺭﻭﺍ
