ﺕ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 26_
ﻣﺶ ﻋﺎﺭﻓﻪ ﻛﻴﻒ ﻭﺻﻠﺖ ﻟﻠﺤﻮﺵ ... ﻧﺎﺯﻟﻪ ﻣﻦ ﺍﻟﺴﻴﺎﺭﺓ .. ﻣﻠﺨﺒﻄﻪ ﻉ ﻣﺘﺤﺸﻤﻪ .. ﻉ ﻣﺸﺎﻋﺮ ﻣﺶ ﻭﺍﺿﺤﻪ ... ﻭﻗﻔﺖ ﻗﺪﺍﻡ ﺍﻟﺒﺎﺏ .. ﺧﺪﺕ ﻧﻔﺲ ﻋﻤﻴﻖ ﻭﺗﻤﺎﻟﻜﺖ ﻧﻔﺴﻬﺎ .. ﻭﻓﺘﺤﺖ ﺍﻟﺒﺎﺏ ... ﺧﺸﺖ ﻣﺎﻟﻘﺖ ﺣﺪ ﺷﺎﻓﺖ ﺍﻟﺴﺎﻋﻪ ﻓﻴﺪﻫﺎ ﻛﺎﻧﺖ ﺍﻟﻌﺸﺮﻩ ..
ﺭﻛﺒﺖ ﻓﻮﻕ .. ﻣﺸﺖ ﻟﺪﺍﺭﻫﺎ ﻟﻘﺖ ﻟﺒﻨﻰ ﺭﺍﻗﺪﻩ ﻉ ﺍﻟﺴﺮﻳﺮ ﻭﺣﺪﺍﻫﺎ ﻣﺤﻤﺪ ... ﺍﺑﺘﺴﻤﺖ ﻭﻗﺪﻣﺘﻠﻬﺎ ..
ﺣﻨﺎﻥ : ﻟﺒﻨﻰ ... ﻟﺒﻨﻰ ...
ﻟﺒﻨﻰ ﺑﺪﺕ ﺗﻔﻴﻖ : ﻣﺎ .. ﻣﺎ ..
ﺣﻨﺎﻥ : ﻧﻮﺿﻲ ﺣﺒﻴﺒﺘﻲ .. ﺍﺭﻗﺪﻱ ﻓﻲ ﺩﺍﺭﻛﻢ ..
ﻟﺒﻨﻰ ﻧﺎﺿﺖ .. ﻭﺑﺪﺕ ﺗﻤﺸﻲ ﻣﺸﻴﺔ ﺍﻟﻠﻲ ﺩﺭﻭﺧﻪ ﺍﻟﻨﻮﻡ ...: ﺗﺼﺒﺤﻲ ﻉ ﺧﻴﺮ ﻣﺎﻣﺎ ..
ﺣﻨﺎﻥ : ﻭﺍﻧﺘﻲ ﻣﻦ ﺍﻫﻠﻪ .. ﻣﺸﺖ ﻭﺭﺍﻫﺎ ﻭﻗﻔﺖ ﻓﻲ ﺍﻟﺒﺎﺏ ﺗﺄﻛﺪﺕ ﺇﻥ ﻟﺒﻨﻰ ﺧﺸﺖ ﻟﺪﺭﺍﻫﺎ ..
ﺧﺸﺖ ﻫﻲ ﻭﺻﻜﺮﺕ ﺍﻟﺒﺎﺏ ﻭﺍﺫﻛﺮﺕ ﺍﻟﻠﻲ ﺻﺎﺭ ... ﺗﻠﺨﺒﻄﺘﺖ ﻣﺮﺓ ﺗﺎﻧﻴﻪ .. ﻃﻮﻝ ﻓﺘﺤﺖ ﺍﻟﺪﻭﻻﺏ ﻃﻠﻌﺖ ﺣﻮﺍﻳﺠﻬﺎ ﺧﺸﺖ ﺩﻭﺷﺖ .. ﻃﻠﻌﺖ .. ﻭﺻﻠﺖ .. ﺑﻌﺪ ﻛﻤﻠﺖ ﺻﻼﺓ ... ﻗﺮﺕ ﻗﺮﺁﻥ .. ﺻﻜﺮﺕ ﺍﻟﻤﺼﺤﻒ ﻭﻫﻲ ﺗﻔﻜﺮ .. ﻧﺎﺿﺖ ﺣﻄﺎﺗﻪ ﻓﻲ ﻣﻜﺎﻧﻪ ﻭﺣﻮﻟﺖ ﻣﻼﻳﺘﻬﺎ ﻭﺧﺸﺖ ﺳﺮﻳﺮﻫﺎ .. ﻭﻗﺎﻋﺪﻩ ﺗﻔﻜﺮ .. ﻗﺎﻟﺖ ﻓﻨﻔﺴﻬﺎ " ﺍﻟﺒﺎﻳﻦ ﺍﻧﻲ ﺗﻌﺎﻣﻠﺖ ﻣﻌﺎﻩ ﺑﻠﻄﻒ ﺍﻛﺜﺮ ﻣﻦ ﺍﻟﻼﺯﻡ .. ﻻﺯﻡ ﻧﻐﻴﺮ ﺍﻟﻤﻌﺎﻣﻠﻪ ﺗﻤﺎﻣﺎ ﻫﻮ ﺷﺨﺺ ﺑﻴﻨﻲ ﻭﺑﻴﻨﻪ ﺧﺪﻣﻪ ﻭﺑﺲ ﻭﻣﻦ ﻫﻨﻲ ﻭﻏﺎﺩﻱ ﻉ ﻫﺎﻷﺳﺎﺱ ﺣﻨﻌﺎﻣﻠﻪ "... ﺗﻨﻬﺪﺕ ﻭﻗﺎﻟﺖ : ﺍﻟﻠﻬﻢ ﻻﺗﺆﺍﺧﺬﻧﺎ ﺇﻥ ﻧﺴﻴﻨﺎ ﺃﻭ ﺍﺧﻄﺄﻧﺎ ... ﻭﻏﻤﻀﺖ ﻋﻴﻮﻧﻬﺎ ﻭﺑﺪﺕ ﺗﺮﻗﺪ ..
ﻋﻨﺪﻩ ﻫﻮ ﺍﻟﻠﻲ ﺭﻭﺡ ﻭﻫﻮ ﻧﺎﺩﻡ ﺍﺷﺪ ﺍﻟﻨﺪﻡ ﻉ ﺍﻟﻠﻲ ﻗﺎﻟﻪ ﻭﻳﺴﺄﻝ ﻓﻲ ﻧﻔﺴﻪ ﻛﻴﻒ ﻣﺎﻗﺪﺭﺵ ﻳﺘﺤﻜﻢ ﻓﺮﻭﺣﻪ ﻭﺗﻬﻮﺭ ﻫﻜﻲ .. ﺍﻟﻠﻲ ﻗﺎﻟﻪ ... ﺣﻴﺒﻨﻲ ﺣﺎﺟﺰ ﺟﺪﻳﺪ ﺑﻴﻨﻪ ﻭﺑﻴﻨﻬﺎ ﻭﻫﺎﻟﺤﺎﺟﺰ ﻛﺒﻴﺮ ﻭﺣﻴﺴﻜﺮ ﻋﻠﻴﻪ ﺍﻱ ﻣﺨﺮﺝ ﺃﻣﻞ ﻳﻮﺻﻠﻪ ﻟﻴﻬﺎ ... ﻹﻧﻪ ﻋﺎﺭﻑ ﺷﻦ ﺣﺘﻜﻮﻥ ﺭﺩﺓ ﻓﻌﻞ ﻭﺣﺪﻩ ﺯﻱ ﺣﻨﺎﻥ ﻉ ﻛﻼﻡ ﺯﻱ ﻫﺬﺍ
ﻗﻌﺪ ﺗﺤﺖ ﺩﻭﺵ ﺳﺎﻋﻪ ﻛﺎﻣﻠﻪ ﻭﻫﻮ ﻳﻔﻜﺮ ﻭﻳﺎﻛﻞ ﻓﻲ ﺑﻌﻀﻪ .. ﻃﻠﻊ ﻣﻦ ﺍﻟﺪﻭﺵ ﻟﺒﺲ ﻭﻧﺰﻝ ﻟﻐﺮﻓﺘﻪ ﺍﻟﺨﺎﺻﻪ .. ﺗﻮﺟﻪ ﻟﻠﻤﻨﻈﻮﻣﻪ ﺣﻂ ﻭﺍﺣﺪ ﻣﻦ ﺳﻴﺪﻳﻬﺎﺕ ﻭﺷﻐﻠﻬﻢ ﻉ ﻣﻘﻄﻮﻋﻪ ﻣﻮﺳﻴﻘﻪ ﻷﺣﺪ ﺍﻟﻤﻮﺳﻘﻴﻴﻦ ﺍﻟﻤﺸﻬﻮﺭﻳﻦ ﻓﻲ ﺍﻟﻌﺎﻟﻢ .. ﻭﺗﻮﺟﻪ ﻟﻜﺮﺳﻴﻪ ﺍﻟﺠﻠﺪ ﻭﺍﺗﻜﻰ ﻋﻠﻴﻪ ﻭﻏﻤﺾ ﻋﻴﻮﻧﻪ ﻭﻗﻌﺪ ﻳﺴﻤﻊ .. ﺑﺲ ﻣﻊ ﺍﻷﺳﻒ ﻷﻭﻝ ﻣﺮﺓ ﻣﺎﻳﺤﺴﺶ ﺑﺎﻟﺮﺍﺣﻪ ﻟﻤﺎ ﻳﺴﻤﻊ ﺍﻟﻤﻮﺳﻴﻘﻰ ﺍﻟﻠﻲ ﻳﺤﺒﻬﺎ ..
***
ﺗﺎﻧﻲ ﻳﻮﻡ
ﺍﻟﺴﺎﻋﻪ 5:30 ﻣﺴﺎﺀﺍ
ﺭﺿﺎ : ﻣﺶ ﻣﻄﻮﻝ ﻫﻠﺒﻪ ﻉ ﻓﻜﺮﻩ ..
ﻣﻬﺎ ﺑﺈﺑﺘﺴﺎﻣﻪ : ﻋﻼﺵ؟
ﺭﺿﺎ ﺑﻀﺤﻜﻪ : ﺗﺴﺘﻌﺒﻄﻲ ﻳﺎﺣﻠﻮﺓ ..
ﻣﻬﺎ ﺑﺈﺑﺘﺴﺎﻣﻪ ﺧﺠﻮﻟﻪ : ﻋﻼﺵ ﺑﻨﺴﺘﻌﺒﻂ ﻣﺶ ﻓﺎﻫﻤﻪ ﺣﻖ ﻳﻌﻨﻲ ﻋﻼﺵ ﺗﻘﻮﻟﻲ ﻣﺶ ﻣﻄﻮﻝ؟
ﺭﺿﺎ : ﻻﻉ ﻫﻜﻲ ﺍﻧﺘﻲ ﺗﺴﺘﻐﺒﻲ ﻣﺮﺓ ﻭﺣﺪﻩ
ﻣﻬﺎ : ﻫﻬﻬﻬﻬﻬﻬﻬﻬﻬﻪ
ﻳﺸﻮﻓﻮﺍ ﻓﻴﻬﻢ ﻣﻦ ﺩﺍﺧﻞ ﻭﻣﺒﺘﺴﻤﻴﻦ ﻭﻳﻌﻠﻘﻮﺍ ﻋﻠﻴﻬﻢ ...
ﻟﺒﻨﻰ : ﻃﺎﻟﻌﻴﻦ ﻉ ﺑﻌﺾ ﻫﻠﺒﻪ ..
ﺭﻫﻒ : ﺍﻳﻪ ﺣﻠﻮﻳﻦ ..
ﺣﻨﺎﻥ : ﺑﺼﺮﺍﺣﻪ ﻛﻨﺖ ﺧﺎﻳﻔﻪ ﺭﺿﺎ ﻳﺘﺰﻭﺝ ﻭﺣﺪﻩ ﻣﺶ ﻣﻦ ﻫﻨﻲ .. ﻣﺶ ﻋﻨﺼﺮﻳﻪ ﺑﺲ ﻛﻨﺖ ﻧﺒﻲ ﻣﺮﺗﻪ ﻭﺣﺪﻩ ﻗﺮﻳﺒﻪ ﻋﻠﻴﻨﺎ ﻧﻔﻬﻤﻮﺍ ﻋﻠﻴﻬﺎ ﻭﺗﻔﻬﻢ ﻋﻠﻴﻨﺎ .. ﺇﻥ ﺷﺎﺀ ﺍﻟﻠﻪ ﺭﺑﻲ ﻳﺴﺨﺮﻟﻪ ﺍﻟﺤﺎﻝ ﻣﻊ ﻣﻬﺎ ..
ﺭﻫﻒ : ﺗﺘﻮﻗﻌﻮﺍ ﺑﻮﻫﺎ ﻳﻮﺍﻓﻖ ..
ﻟﺒﻨﻰ : ﻫﺬﺍ ﺍﻛﺜﺮ ﺷﻲ ﻣﻮﺧﻮﻓﻨﻲ ..
ﺣﻨﺎﻥ ﻭﻳﻦ ﺟﺖ ﺳﻴﺮﺓ ﻣﻌﺎﻭﻳﻪ ﺗﻠﺨﺒﻄﺖ ﻭﺣﺴﺖ ﺑﻨﻔﺲ ﺍﻟﺸﻌﻮﺭ ﻭﺍﺫﻛﺮﺕ ﻛﻠﻤﺘﻪ ﺍﻟﻠﻲ ﻗﺎﻟﻬﺎﻟﻬﺎ ﻭﻭﺟﻬﻬﺎ ﻭﻻ ﺍﺣﻤﺮ ﻭﻓﻀﻠﺖ ﺍﻧﻬﺎ ﻣﺎﺗﻌﻠﻘﺶ ...
ﻭﺩﻋﻮﺍ ﺭﺿﺎ ﺍﻟﻠﻲ ﺭﻓﺾ ﺍﻧﻬﻢ ﻳﻤﺸﻮﺍ ﻣﻌﺎﻩ ﻟﻠﻤﻄﺎﺭ ﻷﻧﻪ ﻣﺎﻳﺤﺒﺶ ﻟﺤﻈﺎﺕ ﺍﻟﻮﺩﺍﻉ ﺍﻟﻠﻲ ﺗﻜﻮﻥ ﻏﺎﺩﻱ .. ﺣﻨﺎﻥ ﻋﻴﻮﻧﻬﺎ ﺩﻣﻌﻮﺍ .. ﻫﻮ ﻫﺬﺍ ﺍﻟﺸﺨﺺ ﺍﻟﻮﺣﻴﺪ ﺍﻟﻠﻲ ﻗﻌﺪﻟﻬﺎ ﻣﻦ ﺭﻳﺤﺔ ﺑﻮﻫﺎ ﻭﺃﻣﻬﺎ ﻫﻮ ﺍﻫﻠﻬﺎ ﻭﻋﺰﻭﺗﻬﺎ ﻟﻤﺎ ﻳﻐﻴﺐ ﺗﺤﺲ ﺑﻤﻜﺎﻧﻪ ﺍﻟﻔﺎﺿﻲ ﺑﺮﻏﻢ ﻏﻴﺎﺑﻪ ﺍﻟﻄﻮﻳﻞ ﻋﻨﻬﺎ ...
ﺭﻭﺣﺖ ﻣﻬﺎ ﻳﻮﻣﻬﺎ ﻭﻫﻲ ﺣﺎﺳﻪ ﺑﻔﻘﺪﺓ ﺭﺿﺎ ... ﺷﻌﻮﺭ ﺧﻴﻴﻲ ..
ﺍﻣﺘﻰ ﺗﺮﺗﺎﺡ ﻟﺤﺪ ﻭﺗﺤﺐ ﻗﺮﺑﻪ ﻣﻨﻚ ﻭﺗﺘﻌﻮﺩ ﻉ ﻭﺟﻮﺩﻩ ﻓﺤﻴﺎﺗﻚ ﻭﻳﻐﻴﺐ ﻋﻨﻚ .. ﻓﻐﻴﺎﺑﻪ ﺗﺤﺲ ﻗﺪﺍﺵ ﻭﻻ ﻣﻬﻢ ﻓﻲ ﺣﻴﺎﺗﻚ ﻭﺧﺪﻱ ﺣﻴﺰ ﻛﺒﻴﺮ ﻓﻴﻬﺎ ﻭﺗﺤﺲ ﺇﻥ ﻓﻲ ﺣﺎﺟﻪ ﻣﻨﻚ ﻏﺎﺑﺖ ﻣﻌﺎﻩ ﻟﻤﺎ ﻳﻐﻴﺐ ...
ﺍﻭﻝ ﻣﺎﺧﺸﺖ ...
ﻟﻘﺖ ﺑﻮﻫﺎ ﺑﻴﻄﻠﻊ ..
ﻣﻬﺎ : ﺍﻟﺴﻼﻡ ﻋﻠﻴﻜﻢ ..
ﻣﻌﺎﻭﻳﻪ : ﻭﻋﻠﻴﻜﻢ ﺍﻟﺴﻼﻡ ... ﺧﻴﺮﻙ ﻭﺟﻬﻚ ﻣﻘﻠﻮﺏ ..
ﻣﻬﺎ ﺑﺮﺑﻜﻪ : ﻻﺍﻋﺎﺩﻱ .. ﺑﺲ ﺗﻌﺮﻑ ﺍﻹﻣﺘﺤﺎﻧﺎﺕ ﺍﻟﻨﺼﻔﻴﻪ ﻗﺮﻳﺐ ﺗﺒﺪﺍ ﻭﺧﺎﻳﻔﻪ ﺷﻮﻳﻪ ..
ﻣﻌﺎﻭﻳﻪ : ﺍﺣﻤﻢ .. ﺑﺎﻫﻲ ﻭﻳﻦ ﻛﻨﺘﻲ ..
ﻣﻬﺎ ﺍﺑﺘﺴﻤﺖ : ﻫﻮ ﻣﻜﺎﻥ ﻭﺍﺣﺪ ﻣﺎﻧﺤﺒﺶ ﻧﻤﺸﻲ ﻟﻐﻴﺮﻩ ..
ﻣﻌﺎﻭﻳﻪ : ﺑﺎﻫﻲ ﻭﺷﻦ ﺣﺎﻟﻬﻢ ..
ﻣﻬﺎ : ﺧﻠﻴﺘﻬﺎ ﺗﺒﻜﻲ ..
ﻣﻌﺎﻭﻳﻪ ﺑﺨﻮﻑ : ﻋﻼﺵ !
ﻣﻬﺎ ﺑﺈﺑﺘﺴﺎﻣﻪ : ﺧﻮﻫﺎ ﺍﻟﻴﻮﻡ ﺳﺎﻓﺮ ..
ﻣﻌﺎﻭﻳﻪ : ﺍﻫﺎ ... ﺑﺎﻫﻲ .. ﻫﻲ ﺗﺒﻜﻲ ﻫﻠﺒﻪ؟
ﻣﻬﺎ ﺑﻀﺤﻜﻪ : ﻻﻻ ﺩﻣﻴﻌﺎﺕ ﺑﺴﻴﻄﻪ ﻳﻌﻨﻲ ﻋﺎﺭﻑ ﺍﻟﻮﺩﺍﻉ ﻭﺍﻟﺠﻮ ﻫﺬﺍ ﺍﻧﻲ ﺑﺮﻭﺣﻲ ﺗﺄﺛﺮﺕ ﻭﻋﻴﻮﻧﻲ ﺩﻣﻌﻮﺍ ..
ﻣﻌﺎﻭﻳﻪ ﺗﻨﻬﺪ : ﺑﺎﻫﻲ ﺧﺸﻲ ﻫﻴﺎ ..
ﻣﻬﺎ : ﺑﺎﺑﺎ ..
ﻣﻌﺎﻭﻳﻪ : ﺍﻣﻢ ..
ﻣﻬﺎ : ﻛﺎﻧﻚ ﺗﺒﻲ ﺗﺤﻜﻲ ﺍﻧﻲ ﻣﻮﺟﻮﺩﻩ ..
ﻣﻌﺎﻭﻳﻪ ﻗﻌﺪ ﻳﺸﺒﺤﻠﻬﺎ ﻫﻠﺒﻪ ﺑﻌﺪﻳﻦ ﻗﺮﺏ ﻣﻨﻬﺎ ﺑﺎﺱ ﺭﺍﺳﻬﺎ ﻭﺑﻌﺪ ﻭﻃﻠﻊ ..
ﻣﻬﺎ ﺣﺴﺖ ﺑﺸﻌﻮﺭ ﺣﻠﻮ ﻫﻠﺒﻪ ﺍﻭﻝ ﻣﺮﺓ ﻳﺪﻳﺮﻫﺎ ﻋﻤﺮﻩ ﻣﺎﻗﺮﺏ ﻣﻨﻬﺎ ﻫﻜﻲ ... ﺣﺴﺖ ﺣﻨﺎﻥ ﺍﻟﺪﻧﻴﺎ ﻛﻠﻬﺎ ﻓﻴﻪ .. ﻧﺰﻟﻮﺍ ﺩﻣﻮﻋﻬﺎ ﻭﻫﻲ ﺗﺒﺘﺴﻢ ﻭﺗﺸﻮﻑ ﻓﻲ ﺍﻟﺴﻴﺎﺭﺓ ﻣﺘﺎﻋﻪ ﺗﻄﻠﻊ ﻣﻦ ﺍﻟﻘﺼﺮ .. ﺧﺸﺖ ﻭﺻﻜﺮﺕ ﺍﻟﺒﺎﺏ ..
***
ﺯﻱ ﻣﺎﻧﺤﻜﻴﻠﻚ ...
ﻟﺒﻨﻰ : ﻣﻌﻘﻮﻟﻪ ﻳﻄﻠﻊ ﻫﻜﻲ
ﺭﻫﻒ : ﻋﻤﺮﻱ ﻣﺎﻻﺣﻈﺖ ﻋﻠﻴﻪ ﺍﻟﺤﺮﻛﺎﺕ ﻫﺎﺩﻱ ..
ﻟﺒﻨﻰ : ﻣﺮﺍﺕ ﻳﻜﻮﻥ ﻓﻲ ﺳﺒﺐ ﺧﻼﻩ ﻳﻘﻮﻝ ﻫﻜﻲ .. ﺑﺼﺮﺍﺣﻪ ﺍﺳﻨﺎﻡ ﻭﻟﺪ ﻣﺤﺘﺮﻡ ﺷﻜﻠﻪ ﻣﺶ ﺷﻜﻞ ﻭﺍﺣﺪ ﻣﺘﺎﻉ ﺑﻨﺎﺕ .. ﺍﻧﺘﻲ ﻟﻴﻚ ﺳﻨﻴﻦ ﺗﻌﺮﻓﻴﻪ ﺭﻫﻒ ...
ﺭﻫﻒ ﺗﻨﻬﺪﺕ : ﻭﺍﻟﻠﻪ ﻣﺎﻧﻌﺮﻑ ﺍﺫﺍ ﻛﻨﺖ ﻓﻌﻼ ﻧﻌﺮﻓﻪ .. ﻣﺮﺍﺕ ﻓﻲ ﺟﻮﺍﻧﺐ ﻣﺨﻔﻴﻪ ﻓﺤﻴﺎﺗﻪ ﻣﺶ ﺩﻳﻤﺎ ﻣﻌﺎﻩ ﺍﻧﻲ ..
ﻟﺒﻨﻰ : ﺍﻟﻮﻟﺪ ﺍﻟﻤﻠﻌﺐ ﻭﻻﻣﺘﺎﻉ ﺍﻟﺒﻨﺎﺕ ﻳﺒﺎﻥ ﻋﻠﻴﻪ ﻳﺒﺎﻥ ﻣﺎﻋﻨﺪﻩ ﻣﺎﻳﺪﺭﻕ ﺑﺎﻟﺬﺍﺕ ﻓﻲ ﺍﻟﺠﺎﻣﻌﻪ ﺍﻟﻤﻠﻴﺎﻧﻪ ﺑﻨﺎﺕ .. ﺑﻌﺪﻳﻦ ﻗﻮﻟﻴﻠﻲ ﺍﻧﺘﻲ ﻋﻼﺵ ﺷﺎﻏﻠﻚ ﺍﻟﻤﻮﺿﻮﻉ ..
ﺭﻫﻒ ﺑﺮﺑﻜﻪ : ﻋﺎﺩﻱ .. ﻳﻌﻨﻲ ﻫﺪﺭﺯﺕ ﻭﺧﻼﺹ ﻻﺷﺎﻏﻠﻨﻲ ﻻﺷﻲ ..
ﻟﺒﻨﻰ : ﻛﻨﺖ ﻧﺤﺴﺎﺑﻪ ﻳﺤﺒﻚ ﻷﻥ ﺗﺼﺮﻓﺎﺗﻪ ﻧﻈﺮﺍﺗﻪ ﻛﻞ ﺷﻲ ﻓﻴﻪ ﻳﻘﻮﻝ ﻫﻜﻲ ..
ﺭﻫﻒ ﻗﻠﺒﻬﺎ ﻗﻌﺪ ﻳﺪﻕ ﻭﺍﺫﻛﺮﺕ ﺍﺧﺮ ﻣﺮﺓ ﻟﻤﺎ ﺗﻼﻗﺖ ﻫﻴﺎ ﻭﻳﺎﻩ ﻓﻲ ﺍﻟﻤﺴﺘﺸﻔﻰ ﻭﺷﺎﻓﻬﺎ ﺗﺒﻜﻲ ﺷﻦ ﺩﺍﺭ ..
ﻟﺒﻨﻰ ﻛﻤﻠﺖ : ﻟﻜﻦ ﺷﻜﻠﻪ ﻳﻌﺘﺒﺮ ﻓﻴﻚ ﺯﻱ ﺍﺧﺘﻪ ﺑﺲ ..
ﺭﻫﻒ ﺷﺒﺤﺖ ﻟﻠﺒﻨﻰ ﻭﺑﻌﺪﻳﻦ ﺷﺒﺤﺖ ﻟﻠﺘﻠﻔﺰﻳﻮﻥ ﻭﻋﻠﺖ ﺍﻟﺼﻮﺕ ...
ﺣﻨﺎﻥ ﻫﺬﺍﻛﺎ ﺍﻟﻴﻮﻡ ﻛﻤﻠﺖ ﻟﻴﻠﻬﺎ ﻭﻫﻲ ﺗﻔﻜﺮ ﻛﻴﻒ ﺍﺩﻳﺮ ﺣﺪﻭﺩ ﺑﻴﻨﻪ ﻭﺑﻴﻦ ﻣﻌﺎﻭﻳﻪ ﻷﻥ ﺍﻟﻠﻲ ﺻﺎﺭ ﺍﺧﺮ ﻣﺮﻩ ﺑﻴﻨﻠﻬﺎ ﺍﻧﻬﺎ ﻫﻲ ﺍﻟﻠﻲ ﻋﻄﺎﺗﻪ ﻣﺠﺎﻝ ﺑﺶ ﻳﻘﻮﻝ ﻫﻜﻲ .. ﻭﻓﺎﻟﻨﻬﺎﻳﻪ ﻫﻲ ﻣﺮﺍﺓ ﻉ ﺫﻣﺔ ﺭﺍﺟﻞ ﻻﺯﻡ ﺗﺮﺩ ﺑﺎﻟﻬﺎ ﻣﻦ ﺗﺼﺮﻓﺎﺗﻬﺎ ... ﻭﺑﻌﺪ ﻃﻮﻝ ﺗﻔﻜﻴﺮ ... ﻭﺻﻠﺖ ﻟﺸﻲ ..
ﺗﺎﻧﻲ ﻳﻮﻡ
ﺣﻀﺮﺗﻚ ﺭﺋﻴﺴﻲ ﻭﻻﺯﻡ ﺗﻜﻮﻥ ﻣﻮﺟﻮﺩ ﻓﻲ ﻣﻮﻗﻊ ﺍﻟﻤﺸﺮﻭﻉ ﻣﻌﺎﻱ ..
ﻣﻮﺳﻰ : ﺍﻧﻲ ﻣﺶ ﺷﺎﻳﻒ ﺍﻥ ﻓﻲ ﺩﺍﻋﻲ ﺍﻧﺘﻲ ﻛﻞ ﻳﻮﻡ ﺗﺠﻲ ﺗﺮﺍﺟﻌﻲ ﻣﻌﺎﻱ ﺍﻟﻤﺨﻄﻂ ﻭﻟﻮ ﻟﻘﻴﺖ ﻓﺸﻲ ﻳﺒﻲ ﺗﻌﺪﻳﻞ ﻧﻌﺪﻟﻪ .. ﻭﺍﻧﺘﻲ ﺗﻜﻤﻠﻲ ﺍﻟﺒﺎﻗﻲ ﻣﻌﺘﻤﺪ ﻋﻠﻴﻚ ..
ﺣﻨﺎﻥ : ﺗﻤﺎﻡ ﻣﺎﻓﻴﺶ ﻣﺸﻜﻠﻪ .. ﺑﺲ ﺍﻟﻤﺸﺮﻭﻉ ﻛﺒﻴﺮ ﻭﻭﺟﻮﺩﻙ ﻓﻴﻪ ﻣﻌﺎﻱ ﺿﺮﻭﺭﻱ ..
ﻣﻮﺳﻰ : ﺍﻭﻛﻲ .. ﻣﺎﻓﻴﺶ ﻣﺸﻜﻠﻪ .. ﺍﻳﻪ .. ﻓﻲ ﻣﺸﺮﻭﻉ ﺗﺎﻧﻲ ﺣﺘﻨﻔﺪﻩ ﺍﻟﺸﺮﻛﻪ ﻧﻔﺴﻬﺎ ﻣﺸﺮﻭﻉ ﻣﺪﻳﻨﻪ ﺃﻟﻌﺎﺏ ﻭﻃﻠﺒﺖ ﺍﻟﻤﻬﻨﺪﺳﻪ ﻧﺠﻼﺀ ﺑﺶ ﺗﺼﻤﻢ ﺍﻟﻤﺨﻄﻂ ﻣﺘﺎﻋﻬﺎ
ﺣﻨﺎﻥ ﺍﺳﺘﻐﺮﺑﺖ : ﻣﺎﻋﻨﺪﻳﺶ ﻋﻠﻢ ﺑﺸﻲ ﺯﻱ ﻫﺬﺍ ..
ﻣﻮﺳﻰ : ﺷﺮﻳﻜﺔ ﺍﻟﺴﻴﺪ ﻣﻌﺎﻭﻳﻪ ﻫﻲ ﺍﻟﻤﺴﺆﻭﻟﻪ ﻋﻦ ﺍﻟﻤﺸﺮﻭﻉ ﺍﻟﻤﺪﺍﻡ ﺳﺎﻣﻴﻪ ..
ﺣﻨﺎﻥ : ﻣﺎﻧﻌﺮﻓﻬﺎﺵ .. ﺍﻟﻤﻬﻢ ﺍﻧﻲ ﻭﻳﺎﻙ ﺍﺗﻔﻘﻨﺎ؟
ﻣﻮﺳﻰ ﺑﺈﺑﺘﺴﺎﻣﻪ : ﺍﺗﻔﻘﻨﺎ ...
ﻭﻓﻌﻼ ﺑﺪﻱ ﺍﻟﻤﻬﻨﺪﺱ ﻣﻮﺳﻰ ﻳﺠﻲ ﻟﻠﻤﻮﻗﻊ ﻭﻳﺠﻲ ﻓﻤﻜﺎﻥ ﺣﻨﺎﻥ ﻟﻤﻌﺎﻭﻳﻪ ﻷﺟﺘﻤﺎﻋﺎﺕ ﺍﻟﻌﻤﻞ ﺍﻟﻠﻲ ﺗﺨﺺ ﺍﻟﻤﺸﺮﻭﻉ ..
ﻣﻌﺎﻭﻳﻪ ﺍﺿﺎﻳﻖ ﻫﻠﺒﻪ ﻭﻛﺎﻥ ﻋﺎﺭﻑ ﺍﻥ ﺭﺩﺕ ﻓﻌﻠﻬﺎ ﻉ ﺍﻟﻠﻲ ﻗﺎﻟﻪ ﻟﻴﻬﺎ ﻣﺶ ﺣﺘﻜﻮﻥ ﺍﻗﻞ ﻣﻦ ﻫﻜﻲ .. ﻭﺍﺻﺒﺢ ﻧﺎﺩﺭﺍ ﻣﺎﻳﺸﻮﻑ ﻓﻴﻬﺎ ﻭﻟﻮﺷﺎﻓﻬﺎ ﻟﻤﺎ ﻳﻤﺸﻲ ﻳﺸﻮﻑ ﺍﻟﻤﻮﻗﻊ ﻭﻛﺎﻥ ﻳﺘﻌﺎﻣﻞ ﻣﻌﺎﻫﺎ ﺑﺮﺳﻤﻴﻪ ﺷﺪﻳﺪﻩ ﻭﻫﻲ ﻛﺬﻟﻚ ..
ﻣﺮﻭﺍ ﺑﺎﻟﺰﺑﻂ ﺷﻬﺮﻳﻦ ...
ﺑﻌﺪ ﻃﻠﻊ ﻓﻴﻬﻢ ﻧﻀﺎﻝ ﻣﻦ ﺍﻟﻤﺴﺘﺸﻔﻰ ﺭﺟﻊ ﻳﻤﺎﺭﺱ ﺣﻴﺎﺗﻪ ﻋﺎﺩﻱ ﺍﻟﻠﻲ ﺗﻐﻴﺮ ﻋﻠﻴﻪ ﻫﻮ ﻣﻮﺍﻋﻴﺪ ﺍﻷﺩﻭﻳﻪ ﺍﻟﻠﻲ ﻻﺯﻡ ﻳﺎﺧﺪﻫﻢ ﺑﺈﻧﺘﻈﺎﻡ ﻭﻳﺎﺭﺍ ﻣﻬﺘﻤﻪ ﺑﻴﻪ ﻫﻠﺒﻪ .. ﻭﻫﻮ ﻋﺎﺩﻱ ﻣﻌﺎﻫﺎ ﺑﺲ ﻣﺶ ﺯﻱ ﻗﺒﻞ ..
ﺑﻨﺎﺗﻪ ﻳﺰﻭﺭﻭﺍ ﻓﻴﻪ ﻫﻠﺒﻪ ﻭﻭﻗﺖ ﻭﺟﻮﺩﻫﻢ ﻳﺎﺭﺍ ﺗﻄﻠﻊ ﻣﻦ ﺍﻟﺤﻮﺵ ﻷﻧﻬﺎ ﻣﺶ ﻗﺎﺩﺭﺓ ﺗﺘﺤﻤﻞ ﺍﺳﻠﻮﺏ ﻟﺒﻨﻰ ﻣﻌﺎﻫﺎ ..
ﺣﻨﺎﻥ ﻭﻣﻌﺎﻭﻳﻪ ﻉ ﺣﺎﻟﻬﻢ ﻧﻔﺴﻪ ... ﻣﻌﺎﻭﻳﻪ ﺷﺒﻪ ﻣﻌﺎﺵ ﻳﺸﻮﻑ ﻓﻴﻬﺎ ﻭﻫﺎﻟﺸﻲ ﻣﺘﻌﺒﻪ ﻫﻠﺒﻪ ﺣﺎﺱ ﺑﺎﻟﻮﺣﺪﻩ ﻭﺃﻭﻝ ﻣﺮﺓ ﻳﺤﺲ ﺑﻴﻬﺎ ﻫﻜﻲ ﻳﺤﺎﻭﻝ ﻳﺸﻐﻞ ﻧﻔﺴﻪ ﺑﺎﻟﺨﺪﻣﻪ ﻭﺍﻟﺴﻔﺮ .. ﻟﻜﻦ ﻣﻊ ﺍﻷﺳﻒ ﻛﻞ ﻣﺎﻳﺒﻌﺪ ﻛﻞ ﻣﺎﻟﺤﻜﺎﻳﻪ ﺗﺼﻌﺐ ﻋﻠﻴﻪ ﺍﻛﺜﺮ ﻭﻳﺤﺲ ﻓﺮﻭﺣﻪ ﻳﺒﻲ ﻳﻘﻌﺪ ﻓﻲ ﺍﻟﻤﻜﺎﻥ ﺍﻟﻠﻲ ﻓﻴﻪ ﻭﺧﻼﺹ ﺣﺘﻰ ﻟﻮ ﻣﺎﻳﺸﻮﻓﺶ ﻓﻴﻬﺎ .. ﺑﺘﺴﺄﻟﻮﺍ ﻫﻮ ﻣﺶ ﻳﻘﻌﺪ ﺗﺤﺖ ﺣﻮﺷﻬﺎ ﻛﻞ ﻟﻴﻠﻪ؟ﻫﻮ ﺑﻄﻞ ﻳﻤﺸﻲ ﻏﺎﺩﻱ .. ﺑﺶ ﻳﺴﺎﻋﺪ ﻧﻔﺴﻪ ﻓﻲ ﻣﻘﺎﻭﻣﺔ ﻣﺸﺎﻋﺮﻩ ﻻﻧﻪ ﻟﻮ ﺍﺳﺘﻤﺮ ﻳﺸﻮﻑ ﻓﻴﻬﺎ ﻭﻫﻮ ﻣﺶ ﻗﺎﺩﺭ ﻳﻄﻮﻝ ﺣﺘﻰ ﻳﺘﻜﻠﻢ ﻣﻌﺎﻫﺎ ﺣﻴﺘﻌﺬﺏ ﺑﺰﻳﺎﺩﻩ ...
ﺣﻨﺎﻥ ﻛﺎﻧﺖ ﻣﺮﺗﺎﺣﻪ ﻟﻮﺿﻌﻬﺎ ﺍﻟﺠﺪﻳﺪ ﻭﻣﻨﺸﻐﻠﻪ ﺑﺨﺪﻣﺘﻬﺎ ﻋﺎﺩﻱ ﻭﺑﺤﻴﺎﺗﻬﺎ ﺯﻱ ﻗﺒﻞ ...
ﻣﻬﺎ ﻛﺎﻧﺖ ﺗﺴﺘﻌﺪ ﻟﻺﻣﺘﺤﺎﻧﺎﺕ ﻫﻲ ﻭﻟﺒﻨﻰ ﺷﻬﺎﺩﺓ ﺛﺎﻧﻮﻳﻪ .. ﻭﻛﺎﻧﺖ ﺗﻬﺪﺭﺯ ﻣﺮﻩ ﻣﺮﻩ ﻉ ﺭﺿﺎ ﺳﻜﺎﻳﺐ ﻭﻫﻮ ﻛﺎﻥ ﻣﻀﺎﻳﻘﻪ ﺍﻟﻮﺿﻊ ﻷﻧﻪ ﻳﺴﺘﺎﺣﺶ ﻓﻴﻬﺎ ﻫﻠﺒﻪ ﻭﻫﻲ ﻻﻫﻴﻪ ﻋﻨﻪ ﺑﺎﻟﻘﺮﺍﻳﻪ .. ﻭﻛﺬﻟﻚ ﺑﺤﺎﻝ ﺑﻮﻫﺎ ﺍﻟﻠﻲ ﺣﺎﻭﻟﺖ ﺗﻌﺮﻑ ﺧﻴﺮﻩ ﺍﻏﻠﺐ ﻭﻗﺘﻪ ﻣﻀﺎﻳﻖ ﻭﻳﺴﺮﺡ ﻭﻣﺰﺍﺟﻪ ﻣﻌﻜﺮ .. ﺑﺲ ﻣﻌﺎﻭﻳﻪ ﻛﺎﻥ ﻳﺴﻜﺮ ﻋﻠﻴﻬﺎ ﺍﻟﻤﻮﺿﻮﻉ ﻗﺒﻞ ﻟﺘﻔﺘﺤﻪ ...
ﺍﻣﺎ ﺭﻫﻒ ﺍﻟﻠﻲ ﺗﻌﻮﺩﺕ ﻉ ﻭﺟﻮﺩ ﻣﻬﺎﺏ ﻓﺤﻴﺎﺗﻬﺎ ﻭﻛﺎﻧﺖ ﻣﻨﺴﺠﻤﻪ ﻣﻌﺎﻩ ﻣﺎﻛﺎﻧﺘﺶ ﺗﺤﺲ ﺍﺗﺠﺎﻫﻪ ﺑﻤﺸﺎﻋﺮ ﺣﺐ ... ﻷﻥ ﻣﺸﺎﻋﺮ ﺍﻟﺤﺐ ﻣﺎﺗﺤﺴﺶ ﺑﻴﻬﺎ ﺇﻻ ﻟﻤﺎ ﺗﺸﻮﻑ ﺃﺳﻨﺎﻡ ﺻﺪﻓﻪ ﺍﻭ ﺗﺴﻤﻊ ﺍﻱ ﺷﻲ ﻋﻨﻪ .. ﺑﺲ ﻛﺎﻧﺖ ﻣﺴﺘﻤﺮﺓ ﻓﻲ ﺣﺎﻟﺔ ﺍﻟﻀﻴﺎﻉ ﺍﻟﻠﻲ ﻓﻴﻬﺎ ﻭﺷﺎﻏﻠﻪ ﻧﻔﺴﻬﺎ ﺑﻤﻬﺎﺏ ..
ﺍﺳﺘﺎﺀ ﻟﺆﻱ ﻫﻠﺒﻪ ﻣﻦ ﺗﻌﺎﻣﻠﻬﺎ ﻣﻌﺎﻩ ﻗﻄﻌﺎﺗﻪ ﻭﻭﻟﺖ ﺗﺘﺠﻨﺐ ﻓﻲ ﺍﻟﻜﻼﻡ ﻣﻌﺎﻩ ﻭﻋﺮﻑ ﻣﻦ ﺗﻘﻮﻯ ﺍﻧﻪ ﺑﺴﺒﺐ ﻣﻬﺎﺏ ﻭﻃﺎﺭﺗﻠﻪ ﺍﻛﺜﺮ .. ﻣﻦ ﻏﻴﺮ ﺷﻲ ﻣﺎﻳﺤﺒﺎﺵ ﻭﺯﺍﺩ ﻛﺮﻫﻪ ﻟﻤﺎ ﺧﺪﻱ ﻣﻦ ﺻﺎﺣﺒﻪ ﺣﺒﻴﺒﺔ ﻋﻤﺮﻩ ﻭﻛﺎﻥ ﺳﺒﺐ ﻓﻲ ﻋﺬﺍﺑﻪ ..
ﻓﻲ ﻳﻮﻡ ..
ﺭﻫﻒ ﻭﺗﻘﻮﻯ ﻳﻘﺮﻭﺍ ﻭﻣﻘﻌﻤﺰﻳﻦ ﺗﺤﺖ ﺍﻟﺸﺠﺮﻩ ..
ﺭﻫﻒ : ﻓﻬﻤﺘﻲ ﺗﻮﺗﻲ ..
ﺗﻘﻮﻯ ﺑﺈﺑﺘﺴﺎﻣﻪ : ﻳﺲ ..
ﺭﻫﻒ ﺑﻀﺤﻜﻪ : ﻛﻮﻳﺲ .. ﺍﻣﻢ ﺗﻮﺗﻲ ..
ﺗﻘﻮﻯ : ﺷﻨﻮ ..
ﺭﻫﻒ : ﺑﻴﺎﻧﻲ ﺍﺧﺮ ﺍﻷﺳﺒﻮﻉ ﺍﻟﺨﻤﻴﺲ ..
ﺗﻘﻮﻯ ﺍﺿﺎﻳﻘﺖ ﺑﺲ ﺑﻴﻨﺖ ﺍﻟﻌﻜﺲ : ﻣﺒﺮﻭﻙ ﺣﺒﻴﺒﺘﻲ ..
ﺭﻫﻒ : ﺍﻟﻠﻪ ﻳﺒﺎﺭﻙ ﻓﻴﻚ ﻭﺍﻟﻔﺎﻝ ﻟﻴﻚ ﻳﺎﺭﺏ ..
ﺗﻘﻮﻯ : ﺗﺴﻠﻤﻲ ﺣﺒﻴﺒﺘﻲ ..
ﻉ ﺟﻴﺔ ﻟﺆﻱ ﺍﻟﻠﻰ ﻗﻌﻤﺰ ﻃﻮﻝ ﺟﻨﺐ ﺗﻘﻮﻯ : ﻣﺮﺣﺒﺎ ..
ﺍﻟﺰﻭﺯ ﺭﺩﻭﺍ : ﺍﻫﻼ ... ﻳﺎﻫﻼ ..
ﻟﺆﻱ : ﻋﺎﺵ ﻣﻦ ﺷﺎﻓﻚ ﻳﺎﺁﻧﺴﻪ ﺭﻫﻒ ﻫﻼﻝ ﻋﻴﺪ ﻣﻮﻟﻴﻪ ..
ﺭﻫﻒ ﺑﻤﺠﺎﻣﻠﻪ : ﻻﻫﻴﻪ ﻓﻲ ﺍﻟﻘﺮﺍﻳﻪ ﻭﺍﻹﻣﺘﺤﺎﻧﺎﺕ ..
ﺗﻘﻮﻯ : ﺷﻨﻮ ﻗﺎﻋﺪﻳﻦ ﺗﻮﺗﻮﺍ .
ﻟﺆﻱ : ﺍﻳﻪ ﺍﺗﺤﺎﺩ ﺍﻟﻄﻠﺒﻪ ﻗﺎﻟﻮﺍ ﺑﻴﺪﻳﺮﻭﻩ ﻓﻲ ﻣﺴﺮﺡ ﻓﻨﺪﻕ *******
ﺭﻫﻒ : ﺣﻔﻞ ﺍﻟﺘﺨﺮﺝ !!
ﻟﺆﻱ : ﺍﻳﻪ ..
ﺟﺎﻳﻬﻢ ﺍﺳﻨﺎﻡ ﺍﻟﻠﻲ ﻛﺎﻥ ﺣﺘﻰ ﻫﻮ ﻳﺴﺘﻌﺪ ﻟﺤﻔﻞ ﺍﻟﺘﺨﺮﺝ ﺗﺸﺠﻊ ﻭﻗﺪﻣﻠﻬﻢ ..
ﺃﺳﻨﺎﻡ ﺑﺪﻭﻥ ﻣﺎﻳﺸﺒﺤﻠﻬﺎ : ﺍﻟﺴﻼﻡ ﻋﻠﻴﻜﻢ ..
ﺭﻫﻒ ﻗﻠﺒﻬﺎ ﻳﺪﻕ ﺯﻱ ﺍﻟﻌﺎﺩﻩ ﻭﺗﻀﺎﻳﻖ ﺩﻳﻤﺎ ﻣﻦ ﺭﺩﻩ ﻓﻌﻠﻬﺎ ﻫﺎﺩﻱ ﻛﻞ ﻣﺎﺗﺸﻮﻓﻪ ...
ﺭﺩﻭﺍ ﻋﻠﻴﻪ : ﻭﻋﻠﻴﻜﻢ ﺍﻟﺴﻼﻡ .. ﻭﻗﻌﻤﺰ ﺣﺪﺍ ﻟﺆﻱ ..
ﻟﺆﻱ : ﺳﻤﻌﺖ ﺑﺤﻔﻞ ﺍﻟﺘﺨﺮﺝ ﻭﻳﻦ ﺑﻴﺪﻳﺮﻭﻩ ..
ﺍﺳﻨﺎﻡ : ﺍﻳﻪ ﻫﻜﻲ ﺍﻓﻀﻞ ..
ﺭﻫﻒ ﺗﺸﺒﺤﻠﻪ ﻛﻴﻒ ﻣﺘﺠﺎﻫﻠﻬﺎ ﻭﻣﺎﻳﺒﻴﺶ ﻳﺸﺒﺤﻠﻬﺎ ﺍﻧﻐﺎﺿﺖ ..
ﺗﻘﻮﻯ : ﺍﻟﻠﻪ ﺑﻨﻬﻴﺠﻮﺍ ..
ﻟﺆﻱ ﺑﻀﺤﻜﻪ : ﻫﺎﺩﺍ ﺍﻟﻠﻲ ﺗﺒﻴﻪ ﺍﻧﺘﻲ ..
ﺍﺳﻨﺎﻡ ﺑﻀﺤﻜﻪ : ﺧﻠﻴﻬﺎ ﺗﻬﻴﺞ ﻓﺮﺣﺎﻧﻪ ﺑﻴﻚ ﻳﺎﺭﺍﺟﻞ ..
ﺿﺤﻜﻮﺍ ﺍﻟﺘﻼﺛﻪ ..
ﺭﻫﻒ ﻣﻀﺎﻳﻘﻪ ﻫﻠﺒﻪ ﻭﻣﻦ ﺿﻴﻘﻬﺎ ﻗﺎﻟﺖ : ﻓﻜﺮﺓ ﻣﻬﺎﺏ ..
ﺷﺒﺤﻮﻟﻬﺎ ﻭﺍﺳﻨﺎﻡ ﻗﻠﺒﻪ ﺍﻧﺘﺨﺺ ..
ﻟﺆﻱ ﺷﺒﺤﻠﻪ ﻭﺷﺒﺤﻠﻬﺎ ﻭﺑﺘﻬﻜﻢ ﻗﺎﻝ : ﻻﻳﺎﺷﻴﺨﻪ .. ﺻﺎﺭ ﻓﻜﺮﺗﻪ ﻫﻬﻬﻬﻪ ﻣﺶ ﺣﺎﺟﻪ ﺟﺪﻳﺪﻩ ﻉ ﻓﻜﺮﻩ ..
ﺭﻫﻒ ﺗﻨﺮﻓﺰﺕ ﻣﻦ ﺍﺳﻠﻮﺑﻪ : ﻣﺎﻗﻠﺘﺶ ﻫﻜﻲ ﻧﻘﺼﺪ ﺍﻥ ﻫﻮ ﺍﻗﺘﺮﺡ ﻋﻠﻴﻬﻢ ﻳﺪﻳﺮﻭﻩ ﻓﻲ ﻓﻨﺪﻕ ﺯﻱ ﻣﺎﺗﻌﺮﻑ ﺍﻟﻔﻨﺪﻕ ﻣﻠﻚ ﻟﻌﻤﻪ ﻭﺑﺎﻟﺒﻼﺵ ﺣﺐ ﻳﻬﺪﻱ ﻭﻟﺪ ﺧﻮﻩ ﺍﻟﻬﺪﻳﻪ ﻫﺎﺩﻱ ﺑﻤﻨﺎﺳﺒﻪ ﺍﻟﺘﺨﺮﺝ
ﻟﺆﻱ ﺑﺴﺨﺮﻳﻪ : ﺑﺪﺭﻳﻠﻨﺎ ﻓﻴﻬﺎ ﺟﻮ ﺧﺘﺸﻴﺒﻲ ﺷﻜﻠﻚ ..
ﺍﺳﻨﺎﻡ : ﺧﻼﺹ ﻟﺆﻱ ..
ﻟﺆﻱ ﺿﺤﻚ ﺑﺘﻬﻜﻢ ﻭﺳﻜﺖ ..
ﺭﻫﻒ ﺍﺿﺎﻳﻘﺖ ﻉ ﺍﻵﺧﺮ : ﻋﻼﺵ ﺗﺘﻜﻠﻢ ﻣﻌﺎﻱ ﺑﺎﻷﺳﻠﻮﺏ ﻫﺬﺍ ..
ﻟﺆﻱ : ﺷﻮﻓﻲ ﺭﻭﺣﻚ ﺍﻧﺘﻲ ﻛﻴﻒ ﻭﻟﻴﺘﻲ .. ﺗﻐﻴﺮﺗﻲ ﻫﻠﺒﻪ ﻳﺎﺭﻫﻒ
ﺭﻫﻒ : ﻛﻴﻒ ﺗﻐﻴﺮﺕ ﺗﺮﺍ ..
ﺗﻘﻮﻯ : ﺧﻴﺮﻛﻢ ﺷﻦ ﺟﺎﻛﻢ ﺧﻼﺹ ﻏﻴﺮﻭﺍ ﺍﻟﻤﻮﺿﻮﻉ ..
ﺍﺳﻨﺎﻡ ﺑﻀﻴﻖ : ﻟﺆﻱ ﺍﺳﻜﺖ ﺧﻼﺹ ..
ﺭﻫﻒ : ﻻﻣﺎﺗﺴﻜﺘﺎﺵ ﺧﻠﻴﻪ ﻳﺘﻜﻠﻢ ﻧﺒﻲ ﻧﻌﺮﻑ ﻗﺼﺪﻩ ..
ﻟﺆﻱ ﺍﺑﺘﺴﻢ ﺑﺘﻬﻜﻢ ﻭﺯﻉ ﻧﻈﺮﻩ ﻉ ﻣﻜﺎﻥ ﺷﺎﻑ ﻣﻬﺎﺏ ﻳﺸﺒﺢ ﺟﻴﻬﺘﻬﻢ ﻭﺑﺎﻳﻦ ﻋﻠﻴﻪ ﻣﻌﺼﺐ : ﺍﻫﻮﺍ ﻗﺼﺪﻱ ..
ﺷﺒﺤﻮﺍ ﻭﻳﻦ ﻣﺎﻳﺸﺒﺢ ﻟﺆﻱ .. ﺍﺳﻨﺎﻡ ﺟﺖ ﻋﻴﻨﻪ ﻓﻌﻴﻦ ﻣﻬﺎﺏ ﻭﺷﺒﺤﻠﻪ ﺑﻐﻞ ...
ﺭﻫﻒ ﺿﻴﻘﺖ ﻋﻴﻮﻧﻬﺎ ﻭﺷﺒﺤﺖ ﻟﻠﺆﻱ : ﻭﺍﻟﻤﻌﻨﻲ ..
ﻟﺆﻱ : ﺍﻟﻤﻌﻨﻰ ﻳﺎ ﺍﺧﺖ ﺍﻧﻚ ﺗﻐﻴﺮﺗﻲ ﻋﻠﻴﻨﺎ ﻉ ﺧﺎﻃﺮﻩ ﺣﻨﻲ ﺍﻟﻠﻲ ﺯﻱ ﺧﻮﺗﻚ ﻳﺎﺭﻫﻒ ﻭﻳﺎﻣﺎ ﻛﺎﻧﺖ ﺑﻴﻨﻨﺎ ﻣﻮﺍﻗﻒ ﻛﻨﺎ ﻓﻴﻬﺎ ﺍﻋﺰ ﻣﻦ ﺍﻟﺨﻮﺕ ﻟﻮﺣﺘﻴﻬﺎ ﻭﺭﺍ ﻇﻬﺮﻙ ﻭﺑﺪﻳﺘﻲ ﺗﺘﻌﺎﻣﻠﻲ ﻣﻌﺎﻧﺎ ﻛﺄﻧﻚ ﻣﺎﺗﻌﺮﻓﻴﻨﺎﺵ ﻉ ﺧﺎﻃﺮﻩ ﻭﻳﺎﺭﻳﺘﻪ ﻳﺴﺘﺎﻫﻞ ..
ﺭﻫﻒ ﻃﺎﺭﺗﻠﻬﺎ ﻭﻧﺎﺿﺖ : ﻷﺧﺮ ﻣﺮﻩ ﺗﻜﻠﻤﻨﻲ ﺑﺎﻷﺳﻠﻮﺏ ﻫﺬﺍ ﻭﺭﺩ ﺑﺎﻟﻚ ﺗﻐﻠﻂ ﻓﻲ ﻣﻬﺎﺏ ﻗﺪﺍﻣﻲ ..
ﺍﺳﻨﺎﻡ ﺷﺒﺢ ﻟﻤﻬﺎﺏ ﻭﻛﺎﻥ ﻳﻠﻘﻰ ﻳﻘﺘﻠﻪ ..
ﺗﻘﻮﻯ ﻧﺎﺿﺖ : ﺭﻫﻮﻓﻪ ﺧﻼﺹ ﻟﺆﻱ ﻣﺎﻳﻘﺼﺪﺵ ..
ﻟﺆﻱ ﻧﺎﺽ : ﻧﻘﺼﺪ ﻭﻧﺺ ﻣﻬﺎﺏ ﻫﺬﺍ ﻭﺍﺣﺪ ﻣﺘﻜﺒﺮ ﻭﻳﺘﻌﺎﻣﻞ ﻣﻊ ﻏﻴﺮﻩ ﺑﻐﺮﻭﺭ ﻉ ﺍﻟﻔﺎﺿﻲ ﺍﻧﺒﻮﻟﻪ ﻣﻌﺒﻴﻪ ﻫﻮﺍ .. ﻭﻣﺎﻓﻲ ﺣﺪ ﻗﺎﺑﻠﻪ ..
ﺭﻫﻒ ﺑﻌﺼﺒﻴﻪ : ﺍﺣﺘﺮﻡ ﻧﻔﺴﻚ ﻭﺍﻟﺰﻡ ﺣﺪﻙ ﻟﺆﻱ ﻣﻬﺎﺏ ﻣﺤﺘﺮﻡ ﻭﺧﻠﻮﻕ ﺍﻗﻞ ﺷﻲ ﻣﺶ ﺑﻮﺟﻬﻴﻦ ﻭﺍﻧﺴﺎﻥ ﻭﺍﺿﺢ ..
ﻣﺎﻓﻬﻤﻮﺵ ﻣﻦ ﺗﻘﺼﺪ ﺑﻜﻠﻤﺘﻬﺎ ﻫﺎﺩﻱ ..
ﺍﺳﻨﺎﻡ ﺑﻐﻀﺐ : ﺧﻴﺮﻛﻢ ﺍﻧﺘﻲ ﻭﻳﺎﻩ ﺷﻦ ﺟﻮ ﺍﻟﺼﻐﺎﺭ ﻫﺬﺍ
ﺭﻫﻒ ﺷﺒﺤﺘﻠﻪ ﺣﺴﺖ ﺍﻧﻬﺎ ﺣﺼﻠﺖ ﻓﺮﺻﺘﻬﺎ ﻓﻴﻪ : ﺍﻧﺖ ﺑﺎﻟﺬﺍﺕ ﺗﺼﻜﺮ ﻓﻤﻚ ﻭﺗﺴﻜﺖ ﻭﻣﺎﺗﺘﻜﻠﻤﺶ ﻣﺮﻩ ﻭﺣﺪﻩ ﺍﺳﺎﺳﺎ ﻛﻠﻪ ﻣﻨﻚ ﻧﺰﻟﻮﺍ ﺩﻣﻮﻋﻬﺎ ﻭﻣﺸﺖ ﻭﺧﻠﺘﻬﻢ ...
ﺍﻟﺘﻼﺗﻪ ﺍﻧﺼﺪﻣﻮﺍ ﺑﺲ ﺍﺳﻨﺎﻡ ﺑﺰﺍﻳﺪ ..
ﺷﺒﺤﻮﺍ ﻟﻤﻬﺎﺏ ﻭﻫﻮ ﻻﺣﻘﻬﺎ ﻭﻋﻄﺎﻫﻢ ﻧﻈﺮﻩ ﺯﻱ ﺍﻟﺴﻢ ﻭﻫﻮ ﺧﺎﻃﻢ ﻣﻦ ﺣﺪﺍﻫﻢ ..
ﺗﻘﻮﻯ ﻭﻟﺆﻱ ﺷﺒﺤﻮﺍ ﻷﺳﻨﺎﻡ ﺍﻟﻠﻲ ﻉ ﻭﺟﻬﻪ ﺑﺎﻳﻨﻪ ﻣﻼﻣﺢ ﺍﻟﺼﺪﻣﻪ .. ﺑﻬﺪﻭﺀ ﻣﺸﻲ ﻭﺧﻼﻫﻢ ﺣﺘﻰ ﻫﻮ ﻭﻃﻠﻊ ﺑﺮﺍ ﺍﻟﻜﻠﻴﻪ ..
ﺗﻘﻮﻯ : ﻟﺆﻱ ... ﻻﺣﻈﺖ ..
ﻟﺆﻱ : ﺣﺘﻰ ﺍﻧﺘﻲ ﺭﻛﺰﺗﻲ؟ !!
ﺷﺒﺤﻮﺍ ﻟﺒﻌﻀﻬﻢ ...
ﺗﻘﻮﻯ : ﺭﻫﻒ ﺗﺤﺒﻪ ...
ﻟﺆﻱ ﺿﺤﻚ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻭﺧﻼﺹ ...
...
ﺷﻦ ﻗﺎﻟﻮﻟﻚ ﻗﻮﻟﻲ ﻗﺴﻤﺎ ﺑﺎﻟﻠﻪ ﺍﻟﻠﻲ ﺑﻜﺎﻙ ﻧﺤﺮﻕ ﺭﻭﺣﻪ ..
ﺭﻫﻒ ﺗﻤﺴﺢ ﻓﺪﻣﻮﻋﻬﺎ : ﺍﻫﺪﺍ ﻣﺎﻓﻲ ﺷﻲ ﻋﺮﻛﻪ ﻋﺎﺩﻳﻪ ..
ﻣﻬﺎﺏ : ﻛﻴﻒ ﻋﺮﻛﻪ ﻋﺎﺩﻳﻪ ﻭﺍﻧﺘﻲ ﺗﺒﻜﻲ ﻫﻜﻲ !! ﺭﻫﻒ ﻣﻦ ﺍﻷﺧﻴﺮ ﺍﻗﻄﻌﻲ ﺍﻣﻬﻢ ﻫﻤﺎ ﺍﻟﺰﻭﺯ ﺗﺸﺒﺤﻴﻬﻢ ﺟﺎﻳﻴﻦ ﻣﻦ ﻃﺮﻳﻖ ﺍﻧﺘﻲ ﻣﺎﺷﻴﻪ ﻓﻴﻬﺎ ﻏﻴﺮ ﻃﺮﻳﻘﻚ ...
ﺭﻫﻒ ﺑﺄﻟﻢ : ﻭﻫﺬﺍ ﺍﻟﻠﻲ ﺑﻴﺼﻴﺮ ... ﺷﺒﺤﺘﻠﻪ .. ﺧﻠﻴﻨﺎ ﻣﻦ ﻫﺬﺍ ﻛﻠﻪ ﺗﻮﺍ ﻭﻗﻮﻟﻲ ﻣﻦ ﺑﻴﺠﻲ ﻣﻦ ﺍﻫﻠﻚ ﻓﻲ ﺍﻟﺒﻴﺎﻥ ﻉ ﺷﻨﻮ ﺍﺳﺘﻘﺮﻳﺘﻮﺍ ..
ﻣﻬﺎﺏ ﺍﺑﺘﺴﻢ : ﺍﺍﺍﻩ ... ﻏﻴﺮ ﺍﻣﺘﻰ ﻳﺠﻲ ﻳﻮﻡ ﺍﻟﺨﻤﻴﺲ ﻭﻧﻠﺒﺴﻬﺎﻟﻚ ..
ﺭﻫﻒ ﺍﺑﺘﺴﻤﺖ ﺑﺎﻟﺴﻴﻒ : ﻫﻴﺎ ﻗﻮﻟﻲ ﻣﻦ ﺑﻴﺠﻲ ...
ﺍﺳﻨﺎﻡ ﻃﻮﻝ ﺍﻟﻄﺮﻳﻖ ﻛﺎﻥ ﻣﺨﻨﻮﻕ .." ﺷﻜﻠﻬﺎ ﻛﺮﻫﺎﺗﻚ ﻳﺎ ﺍﺳﻨﺎﻡ ﻣﺶ ﻣﻨﻬﺎ ﻣﻦ ﻫﻮ ... ﻟﻜﻦ ﻭﺍﺿﺢ ﺍﻧﻬﺎ ﺗﺤﺒﻪ ﻛﻴﻒ ﺍﺩﺍﻓﻊ ﻋﻠﻴﻪ ﻭﻣﺶ ﺭﺍﺿﻴﻪ ﻓﻴﻪ ﻛﻠﻤﻪ .. ﺁﺍﺍﺍﻩ ﻳﺎﺍﺍﺍﺭﺑﻲ .. ﻃﻠﻌﻬﺎ ﻣﻦ ﻗﻠﺒﻲ ﻧﺘﻮﺳﻞ ﻟﻴﻚ " ﺿﺮﺏ ﺑﺄﻳﺪﻩ ﻉ ﺍﻟﺪﻭﻣﺎﻥ ﻭﻭﻗﻒ ﺍﻟﺴﻴﺎﺭﺓ ﺣﺪﺍ ﺍﻟﺠﺎﻣﻊ ﻷﻥ ﺍﻟﻈﻬﺮ ﻗﺮﻳﺐ .. ﻧﺰﻝ ﻭﺧﺶ .. ﻭﻓﻘﻠﺒﻪ ﻫﻠﺒﻪ ﻛﻼﻡ ﻳﺒﻲ ﻳﻘﻮﻟﻪ ﻟﺮﺑﻪ ﺍﻛﺜﺮ ﻣﻦ ﻋﺎﻟﻢ ﺑﺤﺎﻟﻪ ...
ﻣﺮﺕ ﺍﻷﻳﺎﻡ ﻭﺟﻲ ﻳﻮﻡ ﺍﻟﺨﻤﻴﺲ ..
ﺟﺎﺑﻮﺍ ﺷﺮﻛﺔ ﺗﺠﻬﻴﺰ ﻣﻨﺎﺳﺒﺎﺕ ﺗﻨﺴﻖ ﻟﺤﻔﻠﺔ ﺍﻟﺨﻄﻮﺑﻪ ﺍﻟﻠﻲ ﺑﻴﺪﺭﻭﻫﺎ ﻓﻲ ﺍﻟﺠﻨﺎﻥ .. ﻭﺣﻨﺎﻥ ﻭﺍﻗﻔﻪ ﻉ ﺭﻭﺳﻬﻢ ﻭﺗﺸﻮﻑ ﻓﻲ ﻛﻞ ﺷﻲ ..
ﺭﻫﻒ ﻓﻲ ﺍﻟﻤﺰﻳﻦ ﻣﻌﺎﻫﺎ ﺗﻘﻮﻯ ﻭﻟﺒﻨﻰ ﻭﻣﻬﺎ .....
ﻛﺎﻧﺖ ﺭﻫﻒ ﻣﺶ ﺣﺎﺳﻪ ﺑﺸﻲ ... ﺍﺩﻳﺮ ﻓﻜﻞ ﺷﻲ ﻣﻦ ﻏﻴﺮ ﻧﻴﻪ ﻭﺗﻘﻮﻯ ﻛﺎﻧﺖ ﺗﺮﺍﻗﺐ ﻓﻴﻬﺎ ﻭﺗﺸﺒﺢ ﻓﻴﻬﺎ ﻛﻴﻒ ﺳﺮﺣﺎﻧﻪ ﻭﻳﺪﻭﺏ ﺗﻬﺪﺭﺯ ... ﺟﺘﻬﺎ ﻭﻗﻔﺖ ﻋﻠﻴﻬﺎ ..
ﺗﻘﻮﻯ : ﺧﻴﺮﻙ ﺭﻫﻮﻓﻲ ﻧﺤﺲ ﻓﻴﻚ ﻣﺘﻐﺸﺸﻪ ..
ﺭﻫﻒ ﺍﺑﺘﺴﻤﺖ ﻣﺠﺎﻣﻠﻪ : ﻋﺎﺩﻱ ﻣﺎﻓﻲ ﺷﻲ ..
ﺗﻘﻮﻯ : ﺑﺎﻫﻲ ﺧﻴﺮﻙ ﻣﺎﺗﺒﺎﻧﻴﺶ ﻓﺮﺣﺎﻧﻪ ..
ﺭﻫﻒ ﺑﻀﺤﻜﻪ : ﺷﻦ ﺗﺒﻴﻨﻲ ﻧﺰﻏﺮﻁ ..
ﺗﻘﻮﻯ : ﺍﻧﻲ ﻗﺼﺪﻱ ﻭﺟﻬﻚ ﻳﺒﺎﻥ ﻋﻠﻴﻪ ﺍﻟﺘﻌﺎﺳﻪ ..
ﺭﻫﻒ ﻗﻠﺒﻬﺎ ﻭﺟﻌﻬﺎ : ﺗﻌﺎﺳﻪ ﺷﻨﻮ ﺍﻧﺘﻲ ﺍﻟﺘﺎﻧﻴﻪ ﺷﻦ ﺍﻟﻜﻼﻡ ﺍﻟﻠﻲ ﺗﻘﻮﻟﻴﻠﻲ ﻓﻴﻪ ﻓﻴﻮﻡ ﺯﻱ ﻫﺬﺍ ...
ﺗﻘﻮﻯ : ﺍﺳﻔﻪ ﺣﺒﻴﺒﺘﻲ .. ﺑﺲ ﺗﻌﺮﻓﻴﻨﻲ ﻗﺪﺍﺵ ﻧﺤﺒﻚ ﻭﻧﻌﺘﺒﺮ ﻓﻴﻚ ﺃﻛﺜﺮ ﻣﻦ ﺍﺧﺘﻲ ...
ﺭﻫﻒ ﺷﺪﺕ ﺍﻳﺪ ﺗﻘﻮﻯ ﻭﺩﻣﻮﻋﻬﺎ ﻋﺒﻮﺍ ﻋﻴﻮﻧﻬﺎ : ﻋﺎﺭﻓﻪ ﻭﺣﺘﻰ ﺍﻧﻲ ﻭﺍﻟﻠﻪ .. ﺍﻃﻤﻨﻲ ﻣﺎﻓﻴﺎ ﺷﻲ ﻏﻴﺮ ﻣﺘﻮﺗﺮﺓ ﺷﻮﻳﻪ ﺑﺲ ..
ﺟﺖ ﺍﻟﻤﺰﻳﻨﻪ : ﻣﻌﻠﻴﺸﻲ ﺑﻨﺒﺪﺍ ﺑﺎﻟﻤﻜﻴﺎﺝ ..
ﺗﻘﻮﻯ : ﺍﻭﻛﻲ .. ﺟﺖ ﺑﺘﺴﻴﺐ ﺍﻳﺪ ﺭﻫﻒ .. ﺭﻫﻒ ﺷﺪﺕ ﻉ ﺍﻳﺪﻫﺎ .. ﺗﻘﻮﻯ ﺷﺒﺤﺘﻠﻬﺎ .. ﺭﻫﻒ ﺍﺑﺘﺴﻤﺖ ﺑﺄﻟﻢ ﻭﺳﻴﺒﺖ ﻳﺪﻫﺎ .. ﻭﺗﻘﻮﻯ ﻭﻟﺖ ﻟﻤﻜﺎﻧﻬﺎ ﻭﻫﻲ ﺗﻔﻜﺮ ﻓﺤﺎﻝ ﺻﺎﺣﺒﺘﻬﺎ ...
ﺑﺪﺕ ﺍﻟﻤﺰﻳﻨﻪ ﺗﻤﻴﻜﺞ ﻓﻲ ﺭﻫﻒ ﻭﺍﻟﺒﻨﺎﺕ ﺣﺘﻰ ﻫﻤﺎ ﻻﻫﻴﺎﺕ ﺑﻤﻜﻴﺎﺟﻬﻢ ..
ﻭﺻﻠﺖ ﺍﻟﻤﺰﻳﻨﻪ ﻓﻲ ﻋﻴﻮﻥ ﺭﻫﻒ ..
ﺍﻟﻤﺰﻳﻨﻪ : ﻋﻴﻮﻧﻚ ﺣﻠﻮﺍﺕ .. ﻣﺎﺷﺎﺀ ﺍﻟﻠﻪ .. ﻟﻜﻦ ﻣﺶ ﺯﻱ ﻋﻴﻮﻥ ﺍﺑﻠﻪ ﺣﻨﺎﻥ ..
ﺭﻫﻒ : ﻋﻴﻮﻧﻲ ﺯﻱ ﻋﻴﻮﻥ ﺑﺎﺑﺎ ..
ﺍﻟﻤﺰﻳﻨﻪ ﺍﺑﺘﺴﻤﺖ؛ ﺍﻫﺎ ..
ﺭﻫﻒ ﻫﺎﻟﺤﺪﻳﺚ ﺧﻄﺮ ﻋﻠﻴﻬﺎ ﺫﻛﺮﻯ ﻋﻤﺮﻫﺎ 4 ﺳﻨﻴﻦ ..
ﻓﻼﺵ ﺑﺎﻙ ..
ﻛﺎﻧﺖ ﻛﻴﻒ ﻣﺘﻌﺮﻓﻪ ﻉ ﺍﺳﻨﺎﻡ ﻭﻟﺆﻱ ﻭﻛﺎﻧﻮﺍ ﻣﻘﻌﻤﺰﻳﻦ ﺗﺤﺖ ﺍﻟﺸﺠﺮﻩ ﻧﻔﺴﻬﺎ ﺍﻟﻠﻲ ﺍﻧﻌﺮﻓﺖ ﺑﻌﺪﻳﻦ ﺑﺸﺠﺮﻩ ﻗﺮﻭﺏ ﺍﺳﻨﺎﻡ ...
ﻛﺎﻧﻮﺍ ﻳﻬﺪﺭﺯﻭﺍ ﻭﺍﺳﻨﺎﻡ ﻋﻴﻮﻧﻪ ﻋﻠﻴﻬﺎ ﻫﻲ ﺭﻛﺰﺕ ﻭﺗﻌﻘﺪﺕ ..
ﺭﻫﻒ : ﻋﻼﺵ ﺗﺸﺒﺤﻠﻲ ﻫﻜﻲ ..
ﺍﺳﻨﺎﻡ ﺑﺄﺑﺘﺴﺎﻣﻪ : ﻋﻴﻮﻧﻚ ﺣﻠﻮﺍﺕ ..
ﺭﻫﻒ ﺍﺑﺘﺴﻤﺖ ﺑﺨﺠﻞ ..
ﻟﺆﻱ : ﺗﻌﺎﻛﺲ ﻋﻴﻨﻲ ﻋﻴﻨﻚ ..
ﺗﻘﻮﻯ ﺿﺤﻜﺖ ..
ﺍﺳﻨﺎﻡ : ﻣﺶ ﻗﺼﺪﻱ .. ﻟﻜﻦ ﺣﻖ ﻋﻴﻮﻧﻬﺎ ﺣﻠﻮﺍﺕ ... ﻟﻤﻦ ﻃﺎﻟﻌﻪ ﻓﻴﻬﻢ ..
ﺭﻫﻒ : ﺑﺎﺑﺎ ..
ﺗﻘﻮﻯ : ﺷﻜﻠﻪ ﺑﻮﻙ ﻃﺮﻑ ..
ﺭﻫﻒ : ﺍﺣﻠﻰ ﺭﺟﻞ ﻓﻲ ﺍﻟﺪﻧﻴﺎ ..
ﺍﺳﻨﺎﻡ : ﺣﺘﻰ ﺣﻨﻰ ﺣﻠﻮﻳﻦ ..
ﺿﺤﻜﻮﺍ ﻛﻠﻬﻢ ...
ﺭﻫﻒ : ﺑﺎﻩ ﻣﻤﻜﻦ ﺗﻨﻮﺿﻮﺍ ﻻﻥ ﻭﺍﺿﺢ ﻣﺎﻋﻨﺪﻛﻢ ﻣﺎﺩﻳﺮﻭﺍ ﺧﻠﻮﻧﺎ ﻧﻘﺮﻭﺍ ..
ﻟﺆﻱ : ﻧﻘﺮﻭﻛﻢ " ﻭﻗﺘﻬﺎ ﻛﺎﻧﺖ ﺑﺪﺍﻳﻪ ﺍﻋﺠﺎﺑﻪ ﺑﺘﻘﻮﻱ "
ﺍﺳﻨﺎﻡ ﺍﺑﺘﺴﻢ ﻟﻠﺆﻱ : ﺍﻳﻪ ﺍﻧﺖ ﻗﺮﻱ ﺗﻘﻮﻯ ﻭﺍﻧﻲ ﺭﻫﻒ ..
ﻟﺆﻱ : ﺍﺣﻠﻰ ﺳﻴﻤﻮ ﻭﺍﻟﻠﻪ ..
ﺗﻘﻮﻯ ﺍﺑﺘﺴﻤﺖ ﺑﺨﺠﻞ ... ﻭﺭﻫﻒ ﻛﺎﻧﺖ ﻣﺮﻛﺰﻩ ﻋﻠﻴﻬﻢ ﻭﺗﻀﺤﻚ ﺷﺒﺤﺖ ﻷﺳﻨﺎﻡ ﻏﻤﺰﻟﻬﺎ ﻭﺿﺤﻜﻮﺍ ﺍﻟﺰﻭﺯ ...
ﺍﻟﻮﻗﺖ ﺍﻟﺤﺎﺿﺮ ..
ﺍﻟﻤﺰﻳﻨﻪ : ﺗﺲ ﺗﺲ ﺗﺲ .. ﺧﻴﺮﻙ ..
ﺭﻫﻒ ﺩﻣﻮﻋﻬﺎ ﻳﻨﺰﻟﻮﺍ ..
ﺍﻟﻤﺰﻳﻨﻪ : ﺍﻫﺪﻱ ﺣﺒﻴﺒﺘﻲ ﺍﻫﺪﻱ .
ﺭﻫﻒ ﻟﻤﺎ ﺳﻤﻌﺖ ﻛﻠﻤﺖ ﺍﻫﺪﻱ ﺑﺪﺕ ﺗﺒﻜﻲ ..
ﺷﺎﻓﻮﻫﺎ ﺍﻟﺒﻨﺎﺕ ﻭﻧﺎﺿﻮﻟﻬﺎ ...
ﻟﺒﻨﻰ : ﺧﻴﺮﻙ ..
ﺗﻘﻮﻯ : ﺧﻴﺮﻙ ﺭﻫﻮﻓﻪ ...
ﺍﻟﻤﺰﻳﻨﻪ : ﺟﻴﺒﻮﻟﻬﺎ ﻣﻴﻪ ...
ﻣﻬﺎ ﻣﺸﺖ ﺗﺠﺮﻱ ﺟﺎﺑﺘﻠﻬﺎ ﻣﻴﻪ : ﺧﻮﺩﻱ ﺭﻫﻮﻓﻪ ﺍﺷﺮﺑﻲ ..
ﺭﻫﻒ ﺧﺪﺕ ﺍﻟﺸﻴﺸﻪ ﻭﻗﻌﺪﺕ ﺗﺸﺮﺏ ... ﺑﻌﺪﻳﻦ ﻫﺪﺕ ﺷﻮﻳﻪ ..
ﺍﻟﻤﺰﻳﻨﻪ ﺗﺒﻲ ﺗﻐﻴﺮﻟﻬﺎ ﺟﻮﻫﺎ : ﺭﻫﻮ ﺑﻴﺎﻥ ﻣﺶ ﺍﻟﺪﺧﻠﻪ ..
ﺿﺤﻜﻮﺍ ﺍﻟﺒﻨﺎﺕ ﻭﺣﺘﻰ ﻫﻲ ﺿﺤﻜﺘﻬﺎ ﺍﻟﻜﻠﻤﻪ ..
ﺍﻟﻤﺰﻳﻨﻪ : ﻧﻮﺿﻲ ﺣﺒﻴﺒﻪ ﺍﻏﺴﻠﻲ ﻭﺟﻬﻚ ﺧﻞ ﻧﻌﺎﻭﺩﻭﺍ ﺍﻟﻤﻜﻴﺎﺝ ﺑﺴﺮﻋﻪ ﻣﻌﺎﺵ ﻓﻲ ﻭﻗﺖ ..
ﻧﺎﺿﺖ ﺭﻫﻒ : ﺑﺎﻫﻲ .. ﻭﻣﺸﺖ ﻣﻌﺎﻫﺎ ﺗﻘﻮﻯ ﻟﻠﺤﻤﺎﻡ ﺑﺶ ﺗﻐﺴﻞ ﻭﺟﻬﻬﺎ ..
ﻟﺒﻨﻰ : ﻣﺶ ﻗﺘﻠﻚ ﻣﺎﺗﺒﻴﺸﻲ ..
ﻣﻬﺎ : ﺑﺎﻫﻲ ﻛﺎﻥ ﻣﺎﺗﺒﻴﺸﻲ ﻋﻼﺵ ﺗﻮﺍﻓﻖ ﻋﻠﻴﻪ ﻣﻦ ﺍﻟﺒﺪﺍﻳﻪ ..
ﻟﺒﻨﻰ : ﺗﺒﻲ ﺗﻨﺴﻰ ﺑﻴﻪ ﺍﻟﻠﻲ ﺗﺤﺒﻪ ..
ﻣﻬﺎ : ﻏﻠﻄﺖ ﻏﻠﻄﻪ ﻛﺒﻴﺮﻩ ..
ﻟﺒﻨﻰ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺴﺘﺎﺀﻩ ﻭﻭﻟﻮﺍ ﺍﻟﺰﻭﺯ ﻟﻤﻜﺎﻧﻬﻢ ..
ﻓﻲ ﺍﻟﺤﻮﺵ ..
ﻛﺎﻥ ﻛﻞ ﺷﻲ ﻭﺍﺗﻲ ... ﻭﺍﻟﻨﺎﺱ ﺑﺪﺕ ﺗﺠﻲ .. ﻭﺣﻨﺎﻥ ﺍﺩﻳﺮ ﻓﻲ ﺗﺸﻚ ﻉ ﻛﻞ ﺷﻲ ..
ﻧﻀﺎﻝ ﺣﻂ ﻳﺎﺭﺍ ﺍﻟﻠﻲ ﺍﺻﺮﺕ ﺗﺠﻲ ﻣﻌﺎﻩ ... ﻭﻣﺸﻲ ﻣﻦ ﺍﻟﺒﺎﺏ ﺍﻟﺨﻠﻔﻲ ﻟﻠﺤﻮﺵ ﻟﻘﺎﻫﻢ ﻳﺪﺧﻠﻮﺍ ﻓﻲ ﺣﺎﺟﺎﺕ ﻭﺷﺎﻑ ﺭﺿﺎ ..
ﻧﻀﺎﻝ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ..
ﺭﺿﺎ ﻣﻦ ﻓﻮﻕ ﻧﻔﺴﻪ : ﺍﻟﻠﻪ ﻳﺴﻠﻤﻚ ..
ﺣﻨﺎﻥ ﺟﺖ : ﻫﺎﻩ ﺟﺒﺘﻮﺍ ﻛﻞ ﺷﻲ .. ﺷﺒﺤﺖ ﻟﻨﻀﺎﻝ : ﺟﻴﺖ ..
ﻧﻀﺎﻝ ﻳﺸﻮﻓﻠﻬﺎﻭﻗﺮﻳﺐ ﻳﺎﻛﻠﻬﺎ ﺑﻌﻴﻮﻧﻪ : ﺍﺍﻳﻪ ..
ﻫﻲ ﻻﺣﻈﺖ ﻧﻈﺮﺗﻪ ﺑﻌﺪﻳﻦ ﺷﺒﺤﺖ ﻟﺨﻮﻫﺎ : ﺟﺒﺘﻮﺍ ﻛﻞ ﺷﻲ ..
ﺭﺿﺎ ﻭﻫﻮ ﻳﺸﻮﻑ ﻟﻨﻀﺎﻝ ﺑﺤﺪﻩ ﻣﻦ ﻓﻮﻕ ﻟﻠﻮﻃﺎ : ﺍﻳﻪ ..
ﺣﻨﺎﻥ : ﺗﻤﺎﻡ ..
ﻧﻀﺎﻝ ﺍﺿﺎﻳﻖ ﺍﻧﻬﺎ ﻣﻌﺘﻤﺪﻩ ﻉ ﺧﻮﻫﺎ ﻓﻲ ﻫﺎﻟﻤﻨﺎﺳﺒﻪ ﻭﻣﺶ ﻣﺪﻭﺭﺍﺗﻪ ﻭﻻﻛﺄﻧﻬﺎ ﺑﻨﺘﻪ ﺍﻟﻠﻲ ﺍﻟﻴﻮﻡ ﺑﻴﺎﻧﻬﺎ .. ﻋﻴﻮﻧﻪ ﻣﻌﺎﻫﺎ ﻭﻫﻲ ﺧﺎﺷﻪ ﻟﻴﻦ ﺍﺧﺘﻔﺖ ..
ﻭﺻﻠﺖ ﺭﻫﻒ ﻭﻧﻀﺎﻝ ﻫﻮ ﺍﻟﻠﻲ ﻣﺸﻲ ﺟﺎﺑﻬﺎ .. ﺍﻭﻝ ﻣﺎﺧﺸﺖ ﺳﻠﻤﺖ ﻉ ﺍﻣﻬﺎ ﻭ ﻧﻴﺮﻭﺯ ﻭﺣﻨﺎﻫﺎ ﺣﻮﻟﺖ ﺍﻟﻜﺎﺏ ﻭﺍﻧﺒﻬﺮﻭﺍ ﺑﻴﻬﺎ ﻃﺎﻟﻌﻪ ﻗﻤﺮ ﺗﻬﺒﻞ ..
ﻗﻌﻤﺰﺕ ﻉ ﺍﻟﻜﻮﺷﻪ ﻭﺍﻟﻤﻌﺎﺯﻳﻢ ﺍﻋﺠﺒﻮﺍ ﺑﻴﻬﺎ ﻫﻠﺒﻪ ..
ﻟﺒﻨﻰ : ﻭﺟﻪ ﺍﻟﺒﻠﻲ ﻫﺎﺩﻱ ﺷﻦ ﺟﺎﺑﻬﺎ ..
ﻧﻴﺮﻭﺯ : ﻫﻬﻬﻬﻬﻬﻬﻬﻬﻬﻪ ﻳﻌﻄﻴﻚ ﺍﻟﻬﻨﻲ ﻳﺎﻟﺒﻮﻧﻪ ..
ﻣﻬﺎ : ﻫﻬﻬﻬﻬﻬﻪ ﺣﻴﻮﺍﻧﻪ ..
ﻟﺒﻨﻰ : ﻟﺒﺴﺘﻬﺎ ﺍﻟﻌﺎﺭ .. ﺍﻧﻲ ﻣﺶ ﻋﺎﺭﻓﻪ ﻛﻴﻒ ﺑﺎﺑﺎ ﻓﻀﻞ ﻭﺣﺪﻩ ﺯﻱ ﻫﺎﺩﻱ ﻉ ﻣﺎﻣﺎ ..
ﻧﻴﺮﻭﺯ : ﻣﺎﺗﺄﺧﺪﻧﻴﺶ ﻟﺒﻮﻧﺘﻲ .. ﺫﻭﻗﻪ ﻃﺎﺡ ..
ﻟﺒﻨﻰ : ﻭﻋﻼﺵ ﺑﻨﺄﺧﺬﻙ ﻣﺎﻛﺬﺑﺘﻴﺶ ..
ﻛﺎﻧﺖ ﺍﻟﺤﻔﻠﻪ ﺣﻠﻮﻩ ﻣﻦ ﺟﻤﻴﻊ ﺍﻟﻨﻮﺍﺣﻲ .. ﺑﺲ ﺭﻫﻒ ﻣﺎﻛﺎﻧﺘﺶ ﺣﺎﺳﻪ ﺑﻮﻻ ﺣﺎﺟﻪ ﺗﺒﺘﺴﻢ ﻣﺠﺎﻣﻠﻪ ﻭﺧﻼﺹ ﻭﺗﻘﻮﻯ ﻣﺮﻛﺰﺓ ﻣﻌﺎﻫﺎ ..
ﺷﻮﻳﻪ ﻭﻳﺴﻤﻌﻮﺍ ﻓﻲ ﺍﻟﻜﻼﻛﺴﺎﺕ .. ﻣﻬﺎﺏ ﻭﺃﻫﻠﻪ ﺟﻮ .. ﺧﺸﻮﺍ ﻭﺣﻨﺎﻥ ﻛﺎﻧﺖ ﺗﺴﺘﻘﺒﻞ ﻓﻴﻬﻢ ﻫﻴﺎ ﻭﻋﺰﻭﺯﺗﻬﺎ .. ﻭﺍﻡ ﻣﻬﺎﺏ ﻋﺠﺒﻮﻫﺎ ﻫﻠﺒﻪ ﻭﻋﺠﺒﻬﺎ ﺍﻟﻨﻈﺎﻡ ﻭﺍﻟﺘﻨﺴﻴﻖ ﻣﺘﺎﻉ ﺍﻟﺤﻔﻠﻪ ﻭﻗﺮﻳﺐ ﻃﺎﺭﺕ ﺑﺮﻫﻒ ﻟﻤﺎ ﺷﺎﻓﺘﻬﺎ ﻛﻴﻒ ﻃﺎﻟﻌﻪ .. ﺍﻡ ﻣﻬﺎﺏ ﻣﺮﺍﻩ ﻣﺘﺎﻉ ﻣﻈﺎﻫﺮ ﻋﻴﻠﺔ ﻣﻬﺎﺏ ﻳﻤﺸﻮﺍ ﻉ ﺍﻟﻔﻠﻮﺱ ... ﻭﺃﻣﻪ ﺧﺪﺕ ﻟﻮﻻﺩﻫﺎ ﻉ ﺫﻭﻗﻬﺎ ﻧﺎﺱ ﻣﻦ ﻣﺴﺘﻮﺍﻫﻢ .. ﻭﺑﺮﻏﻢ ﺍﻥ ﺣﺎﻟﺔ ﺍﻫﻞ ﺭﻫﻒ ﻣﻴﺴﻮﺭﺓ ﻟﻜﻨﻬﻢ ﻧﺎﺱ ﺭﺍﻗﻴﻪ ﻭﻣﺘﻌﻠﻤﻪ ﻭﻫﺬﺍ ﺍﻟﻠﻲ ﻋﺠﺒﻬﺎ ﻓﻴﻬﻢ .. ﻛﺎﻧﺖ ﺷﺎﻳﻔﻪ ﺭﻭﺣﻬﺎ ﺑﻴﻬﻢ ﻫﻠﺒﻪ ..
ﺍﻟﻤﻔﺎﺟﺄﺓ .. ﺍﻥ ﻭﺣﺪﻩ ﻣﻦ ﺍﻗﺮﺑﺎﺀ ﻣﻬﺎﺏ ﺗﻜﻮﻥ ﻧﺠﻼﺀ ﺍﻟﻠﻲ ﺗﺨﺪﻡ ﻣﻊ ﺣﻨﺎﻥ ﻓﻲ ﺍﻟﻤﻜﺘﺐ ﺗﻜﻮﻥ ﺑﻨﺖ ﻋﻤﺘﻪ .. ﺣﻨﺎﻥ ﺗﻔﺎﺟﺌﺖ ﻟﻤﺎ ﺷﺎﻓﺘﻬﺎ ﺑﺲ ﺧﻠﺖ ﺭﻭﺣﻬﺎ ﻋﺎﺩﻳﻪ .. ﻟﻜﻦ ﻧﺠﻼﺀ ﺍﻧﺼﺪﻣﺖ ﻭﺯﺍﺩﺕ ﺍﻧﻐﺎﺿﺖ ﻫﻲ ﻛﺎﻧﺖ ﺗﺒﻲ ﻣﻬﺎﺏ ﻷﺧﺘﻬﺎ ﺑﺲ ﻣﻬﺎﺏ ﺍﺧﺘﺎﺭ ﻭﺣﺪﻩ ﻏﻴﺮﻫﺎ ﻫﺎﻟﻮﺣﺪﻩ ﺗﻜﻮﻥ ﺑﻨﺖ ﺍﻛﺜﺮ ﺍﻧﺴﺎﻧﻪ ﺗﻜﺮﻫﻬﺎ ...
ﺑﻌﺪ ﻣﺎﺗﻌﺸﻮﺍ ﺟﻲ ﺍﻟﻮﻗﺖ ﺍﻟﻠﻲ ﺑﻴﺨﺶ ﻓﻴﻪ ﻣﻬﺎﺏ ﻳﻠﺒﺲ ﺭﻫﻒ .. ﻟﺒﺴﺘﻬﺎ ﺍﻣﻬﺎ ﺍﻟﻜﺎﺏ .. ﻭﺧﺶ ﻣﻬﺎﺏ ..
ﻗﻌﺪﻭﺍﻳﺰﻏﺮﻃﻮﺍ ﺧﻼﺗﻪ ﻭﻋﻤﺎﺗﻪ ﻭﺣﺎﻟﺘﻬﻢ ﺣﺎﻟﻪ ..
ﻗﺪﻡ ﻟﺮﻫﻒ ﻭﻗﻌﻤﺰ ﺣﺪﺍﻫﺎ ﻭﻫﻮ ﺍﺳﻌﺪ ﺍﻧﺴﺎﻥ ﻓﻲ ﺍﻟﺪﻧﻴﺎ ﺍﻟﻠﻲ ﻳﺤﺒﻬﺎ ﻭﺗﻤﻨﺎﻫﺎ ﻣﻠﻜﻪ ..
ﻭﻗﻔﻮﺍ ﻭﺑﺪﻱ ﻳﻠﺒﺲ ﻓﻴﻬﺎ ﻓﻲ ﺍﻟﺪﺑﻠﻪ ..
ﻣﻬﺎﺏ : ﻫﺬﺍ ﻭﻳﻦ ﺍﺭﺗﺎﺡ ﻗﻠﺒﻲ ..
ﺭﻫﻒ ﺍﺑﺘﺴﻤﺘﻠﻪ ﻣﺠﺎﻣﻠﻪ ﻭﺣﺎﺳﻪ ﺭﻭﺣﻬﺎ ﻣﺨﻨﻮﻗﻪ ...
ﻟﻤﺎ ﻟﺒﺴﻬﺎ ﺍﻧﻄﻠﻘﺖ ﺍﻟﺰﻏﺎﺭﻳﻂ ...
ﺍﻟﺰﻏﺎﺭﻳﻂ .. ﺍﻟﻠﻲ ﻛﺎﻥ ﻳﺴﻤﻊ ﻓﻴﻬﺎ ﻭﻫﻮ ﺑﺮﺍ ﻗﺪﺍﻡ ﺣﻮﺷﻬﺎ ﺑﻤﺴﺎﻓﻪ ﻛﺎﻧﺖ ﺍﺻﻮﺍﺕ ﺍﻟﻔﺮﺡ ﻫﺎﺩﻱ ﺍﺷﺒﻪ ﺑﺴﻜﺎﻛﻴﻦ ﺗﻘﻄﻊ ﻓﻘﻠﺒﻪ ..
ﻟﺆﻱ ﺑﺄﻟﻢ : ﻧﻤﺸﻮﺍ ..
ﺍﺳﻨﺎﻡ ﻭﺩﻣﻮﻋﻪ ﻣﻌﺒﻴﺎﺕ ﻋﻴﻮﻧﻪ ﻭﻫﻮ ﺣﺎﺑﺴﻬﻢ ﺑﻘﻮﺓ : ﻻ ..
ﻟﺆﻱ ﺷﺒﺤﻠﻪ : ﻋﻼﺵ ﺗﻘﻬﺮ ﻓﺮﻭﺣﻚ ﺣﺮﺍﻡ ﻋﻠﻴﻚ ﻧﻔﺴﻚ ﻳﺎﺑﻨﻲ ﺁﺩﻡ ..
ﺍﺳﻨﺎﻡ : ﻟﺆﻱ ... ﺍﺳﺴﺴﻜﺖ ..
ﻟﺆﻱ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﺳﻜﺖ ..
ﺩﺍﺧﻞ ..
ﺧﺸﺖ ﺣﻨﺎﻥ ﻣﻊ ﺍﻟﻌﺎﻣﻼﺕ ﻭﻫﻤﺎ ﻳﻄﻠﻌﻮﺍ ﻓﻲ ﺍﻟﻄﻮﺭﻃﻪ .. ﻃﻠﻌﻮﺍ ﻭﻟﻤﺎ ﺟﺖ ﺑﺘﻄﻠﻊ ﻣﻌﺎﻫﻢ ﻓﻲ ﺣﺪ ﺳﺤﺒﻬﺎ ﻣﻦ ﻳﺪﻫﺎ ...
ﺑﺮﺍ ..
ﻃﻠﻌﻮﺍ ﺍﻟﻄﻮﺭﻃﺎ ﻭﺑﺪﻭﺍ ﻳﻘﺼﻮﺍ ﻓﻴﻬﺎ ﻣﻬﺎﺏ ﻭﺭﻫﻒ ﻭﺍﻟﺘﺼﻮﻳﺮ ﺍﺷﺘﻐﻞ ...
ﻳﺎﺭﺍ ﺍﺩﻭﺭ ﺑﻌﻴﻮﻧﻬﺎ ﻓﺤﻨﺎﻥ ﻣﺎﻟﻘﺘﻬﺎﺵ ﺍﺳﺘﻐﺮﺑﺖ .. ﻟﻌﺐ ﺍﻟﻔﺎﺭ ﻓﻌﺒﻬﺎ ﺧﺼﻮﺻﺎ ﻭﺍﻧﻬﺎ ﻋﺎﺭﻓﻪ ﺍﻥ ﻧﻀﺎﻝ ﻣﻮﺟﻮﺩ ..
ﺩﺍﺧﻞ ..
ﺣﻨﺎﻥ : ﺣﻮﻝ ﻳﺪﻙ .. ﻋﻴﺐ ﻋﻠﻴﻚ ﺷﻦ ﺍﻟﺤﺮﻛﺎﺕ ﻫﺎﺩﻱ .
ﻧﻀﺎﻝ ﺭﻓﻊ ﺣﺎﺟﺒﻪ : ﻋﻴﺐ !!! ﻋﻼﺵ ﻣﺘﻨﺎﺳﻴﻪ ﺍﻧﻚ ﻣﺮﺍﺓ ﻣﺘﺰﻭﺟﻪ ﻧﺎﺳﻴﻪ ﺍﻧﻲ ﺭﺍﺟﻠﻚ ﻭﺍﻧﺘﻲ ﻣﺮﺗﻲ ..
ﺣﻨﺎﻥ : ﺍﺳﺘﻐﻔﺮ ﺍﻟﻠﻪ .. ﻧﻔﺲ ﺍﻹﺳﻄﻮﺍﻧﻪ ..
ﻧﻀﺎﻝ : ﺣﻨﺎﻥ ﺍﺭﺟﻮﻙ ﺍﺳﻤﻌﻴﻨﻲ ...
ﺣﻨﺎﻥ ﺑﻀﺠﺮ : ﻧﻀﺎﻝ ﺑﺎﻟﻠﻪ ﻋﻠﻴﻚ ﺍﺭﺟﻊ ﻟﻌﻘﻠﻚ .. ﻭﺣﻮﻝ ﻳﺪﻙ ﻭﺧﻠﻴﻨﻲ ﻧﻄﻠﻊ ﻟﻨﺎﺱ ﺑﻼ ﻋﺎﺭ ...
ﻧﻀﺎﻝ ﻃﺎﺭﺗﻠﻪ ﺟﺒﺪﻫﺎ ﻣﻦ ﺧﺼﺮﻫﺎ ﻟﻴﻪ ..
ﺣﻨﺎﻥ ﺑﺼﺪﻣﻪ : ﺍﻧﺖ ﻫﺒﻠﺖ؟ !!!
ﻧﻀﺎﻝ : ﺍﻳﻪ ﻫﺒﻠﺖ ... ﺍﻧﺘﻲ ﻣﺮﺗﻲ ﻭﺍﻧﻲ ﻧﺤﺒﻚ ﻧﺤﺒﻚ ﺣﻨﺎﻥ ﻭﻋﻤﺮﻱ ﻣﺎﺣﺒﻴﺖ ﻏﻴﺮﻙ ..
ﺣﻨﺎﻥ ﺑﺼﺪﻣﻪ : ﺧﻴﺮ ﺑﻼﻙ ﺍﻧﺖ ﻭﺍﻟﻠﻲ ﻗﺎﻋﺪﻩ ﺑﺮﺍ ﺷﻨﻮ ..
ﻧﻀﺎﻝ ﺑﻠﻬﻔﻪ : ﻏﻠﻄﻪ ﻭﻧﺎﺩﻡ ﻋﻠﻴﻬﺎ ..
ﺣﻨﺎﻥ : ﻏﻠﻄﻪ؟ !!..
ﻧﻀﺎﻝ : ﺍﻳﻪ ﺍﻧﻲ ﻣﺎﺣﺒﻴﺖ ﻭﻻﺣﻨﺤﺐ ﺣﺪ ﻏﻴﺮﻙ .. ﺍﻧﺘﻲ ﻋﻤﺮﻱ ﻭﺭﻭﺣﻲ ﻛﻴﻒ ﺩﺭﺕ ﻓﻴﻚ ﻫﻜﻲ ﻣﺶ ﻋﺎﺭﻑ .. ﻛﻞ ﺍﻟﻠﻲ ﻧﻌﺮﻓﻪ ﺍﻧﺘﻲ ﻧﺤﺒﻚ ﻭﻣﻴﺖ ﻋﻠﻴﻚ .. ﻭﺟﻲ ﺑﻴﺒﻮﺳﻬﺎ ..
ﺩﻓﺎﺗﻪ ﺑﻜﻞ ﻗﻮﺗﻬﺎ ﻭﻋﻄﺎﺗﻪ ﻛﻒ ﻉ ﻭﺟﻬﻪ ﻭﻗﺎﻟﺖ : ﻃﺎﺡ ﺍﻹﺣﺘﺮﺍﻡ ﺍﻟﻠﻲ ﺑﻴﻨﻲ ﻭﺑﻴﻨﻚ .. ﻃﺤﺖ ﻣﻦ ﻋﻴﻨﻲ ﻳﺎﻧﻀﺎﻝ .. ﻭﻣﺸﺖ ..
ﻫﻮ ﺍﻧﻘﻬﻬﻬﻬﻬﻬﺮ ﻉ ﺍﻵﺧﺮ ... ﻣﺴﺢ ﺑﺈﻳﺪﻩ ﻉ ﻭﺟﻪ ﻭﻃﻠﻊ ...
ﻭﻻﻭﺍﺣﺪ ﻓﻴﻬﻢ ﺣﺲ ﺑﻴﺎﺭﺍ ﺍﻟﻠﻲ ﻛﺎﻧﺖ ﻣﺪﺭﻗﻪ ﻓﻲ ﺍﻟﺘﺮﻛﻴﻨﻪ ﻭﺳﻤﻌﺖ ﺍﻟﻠﻲ ﺻﺎﺭ ﻭﺩﻣﻮﻋﻬﺎ ﻳﻨﺰﻟﻮﺍ ﺑﺼﺪﻣﻪ ..
...
ﺭﻭﺣﻮﺍ ﻣﻬﺎﺏ ﻭﺃﻫﻠﻪ .. ﻭﺍﻟﻨﺎﺱ ﺣﺘﻰ ﻫﻤﺎ ﺑﺪﻭﺍ ﻳﺮﻭﺣﻮﺍ ... ﺭﻫﻒ ﺭﻛﺒﺖ ﻟﺪﺍﺭﻫﺎ ﺗﺒﺪﻝ ..
ﻟﺒﻨﻰ ﻭﻣﻬﺎ ﻣﻊ ﺣﻨﺎﻥ ﻭﻧﻴﺮﻭﺯ ﻟﻮﻃﺎ ...
ﻟﺒﻨﻰ : ﻗﺎﻟﻚ ﺑﺎﻫﻲ ..
ﻣﻬﺎ ﺑﺈﺑﺘﺴﺎﻣﻪ : ﺍﻳﻪ ..
" ﺣﻨﺎﺍﺍﻥ "..
ﻣﻬﺎ ﺭﻋﺸﺖ ﻭﻓﻨﺼﺖ ﻋﻴﻮﻧﻬﺎ ﻭﻗﻠﺒﻬﺎ ﻳﺪﻕ .. ﻭﻫﻤﺎ ﺷﺒﺤﻮﻟﻬﺎ ﻭﺿﺤﻜﻮﺍ ..
ﺣﻨﺎﻥ : ﻧﻌﻤﻤﻢ ..
ﺭﺿﺎ : ﻧﺨﺶ ﻋﺎﺩﻱ ..
ﺣﻨﺎﻥ ﺑﻀﺤﻜﻪ : ﻻﻣﺶ ﻋﺎﺩﻱ ..
ﺭﺿﺎ ﺑﻀﺤﻜﻪ : ﻏﻴﺮ ﺯﻳﺪﻱ ﻓﻜﺮﻱ ﺑﺎﻟﻚ ﻋﺎﺩﻱ ..
ﻣﻬﺎ ﺑﺘﺘﺒﺨﺮ ﻣﻦ ﺍﻟﺨﺠﻞ ﻭﻧﻴﺮﻭﺯ ﻭﻟﺒﻨﻰ ﻳﻀﺤﻜﻮﺍ ..
ﺣﻨﺎﻥ : ﻣﺎﻓﻴﻬﺎﺵ ﺗﻔﻜﻴﺮ ﻟﻒ ﻭﺍﺭﺟﻊ ﻣﻦ ﻭﻳﻦ ﻣﺎﺟﻴﺖ ..
ﺭﺿﺎ : ﻫﻬﻬﻬﻬﻬﻬﻬﻪ ﺭﺑﻲ ﻳﺴﺎﻣﺤﻚ .. ﻭﻣﺸﻲ ..
ﺣﻨﺎﻥ ﺷﺒﺤﺘﻠﻬﻢ : ﺍﺭﻛﺒﻮﺍ ﺑﺪﻟﻮﺍ ﻭﺍﻧﺰﻟﻮﺍ ﻋﺎﻭﻧﻮﻧﻲ .. ﻭﺍﻧﺘﻲ ﻧﻴﺮﻭﺯ ﺍﺭﻛﺒﻲ ﻣﻌﺎﻫﻢ ..
ﺭﻛﺒﻮﺍ ﺑﺪﻟﻮﺍ .. ﻭﻧﺰﻟﻮﺍ ﻭﺭﻫﻒ ﻣﺎﻧﺰﻟﺘﺶ ﻗﺎﻟﺖ ﺗﺒﻲ ﺗﺮﻗﺪ ..
ﺍﺗﻜﺖ ﻓﻲ ﺳﺮﻳﺮﻫﺎ ﻭﻫﻲ ﺗﺸﺒﺢ ﻟﻠﺪﺑﻠﻪ ﻭﻣﻀﺎﻳﻘﻪ ﻫﻠﺒﻪ ﺭﻥ ﺗﻠﻴﻔﻮﻧﻬﺎ ﻛﺎﻥ ﻣﻬﺎﺏ .. ﺍﺿﺎﻳﻘﺖ ﺃﻛﺜﺮ .. ﺑﺲ ﺍﺧﺘﺎﺭﺕ ﺗﺮﺩ ﻋﻠﻴﻪ ﺑﺎﻟﻚ ﺗﺘﺨﻠﺺ ﻣﻦ ﺷﻌﻮﺭ ﺍﻟﻀﻴﻘﻪ ﺍﻟﻠﻲ ﻣﻼﺯﻣﻬﺎ ..
***
ﻧﻀﺎﻝ ﻟﻤﺎ ﺭﻭﺡ ﻛﺎﻥ ﺗﻌﺒﺎﻥ ﻫﻠﺒﻪ ﻭﻳﺎﺭﺍ ﺑﺮﻏﻢ ﺟﺮﺣﻬﺎ ﻣﻨﻪ ﺑﺲ ﻋﻔﺴﺖ ﻉ ﻛﺮﺍﻣﺘﻬﺎ ﻭﻗﻌﺪﺕ ﻣﻌﺎﻩ ﻋﻄﺎﺗﻪ ﺩﻭﺍﻩ ﻭﺭﻗﺪﺍﺗﻪ ﻓﺤﻀﻨﻬﺎ ﻭﻻﻛﺄﻧﻬﺎ ﺳﻤﻌﺖ ﺣﺎﺟﻪ ﻭﻓﻲ ﺩﺍﺧﻠﻬﺎ ﺗﻘﻮﻝ " ﻣﺶ ﺣﻨﺴﺘﺴﻠﻢ ﻭﻧﺨﺴﺮﻙ ﻷﻧﻲ ﻧﺴﻴﺖ ﺷﻦ ﻣﻌﻨﻰ ﻛﻠﻤﺔ ﺧﺴﺎﺭﺓ ﻣﻦ ﺯﻣﺎﻥ ﺣﻨﺘﺤﺪﻯ ﻛﻞ ﺷﻲ ﻭﻧﺤﺎﻓﻆ ﻋﻠﻴﻚ "..
***
ﻭﺍﻗﻒ ﺑﺎﻟﺴﻴﺎﺭﺓ ﻭﻣﺘﻜﻲ ﻉ ﻛﺮﺳﻴﻬﺎ ﺍﻟﻠﻲ ﻧﺰﻟﻪ ﻣﻐﻤﺾ ﻋﻴﻮﻧﻪ ﻭﻳﺴﻤﻊ ﻓﻲ ﺻﻮﺕ ﺍﻷﻣﻮﺍﺝ .. ﻭﺻﻮﺕ ﺩﻗﺎﺕ ﻗﻠﺒﻪ ﺍﻟﻤﺠﺮﻭﺡ ..
ﻟﻮﻳﻘﺪﺭ ﻳﺨﻠﺺ ﻣﻦ ﻫﺎﻟﺤﺐ ﺍﻟﻠﻲ ﻋﺬﺑﻪ ... ﻟﻮ ﻳﻘﺪﺭ ﻳﺨﻠﻲ ﻗﻠﺒﻪ ﻳﻨﺴﺎﻫﺎ .. ﻟﻮﻳﻘﺪﺭ ﻳﻄﻠﻌﻬﺎ ﻣﻦ ﺣﻴﺎﺗﻪ .. ﺑﺲ ﻟﻸﺳﻒ ﻣﺎﻳﻘﺪﺭﺵ ..
ﺍﻟﻠﻲ ﺣﺐ ﺣﺐ ﺣﻘﻴﻘﻲ ﺍﻟﻨﺴﻴﺎﻥ ﻋﻨﺪﻩ ﺣﺎﺟﻪ ﻣﺴﺘﺤﻴﻠﻪ ﺣﺘﻰ ﺑﻌﺪ 20 ﺳﻨﻪ ﻳﻘﻌﺪ ﻫﺎﻟﺤﺐ ﻣﺪﺍﻳﺮ ﻓﻲ ﻗﻠﺒﻪ ﻋﻼﻣﻪ ﻛﻞ ﻣﺎﺗﺠﻲ ﻗﺪﺍﻣﻪ ﺣﺎﺟﻪ ﺍﺫﻛﺮﻩ ﺑﻴﻪ ﻳﻨﻮﺽ ﻋﻠﻴﻪ ﻗﻠﺒﻪ ﻭﻳﺘﻮﺟﻊ ..
ﺍﺳﻨﺎﻡ ﺣﺐ ﺭﻫﻒ ﺑﻜﻞ ﻣﺎﻓﻴﻪ .. ﻛﺎﻥ ﻳﻘﻮﻝ ﻫﺎﺩﻱ ﻋﻤﺮﻱ ﺍﻟﺠﺎﻱ .. ﺣﺘﻜﻮﻥ ﻣﺮﺗﻲ ﻭﺃﻡ ﺻﻐﺎﺭﻱ ﺣﺘﻜﺒﺮ ﻣﻌﺎﻱ ﻭﻧﻜﺒﺮ ﻣﻌﺎﻫﺎ ﺣﻨﻜﻮﻥ ﻣﻮﻻ ﺑﻴﺘﻬﺎ ﻭﻫﻲ ﺭﻓﻴﻘﺔ ﺩﺭﺑﻲ .. ﺣﻨﻌﻴﺶ ﺑﻴﻬﺎ ﻭﻟﻴﻬﺎ ..
ﺑﺲ ﻟﻼﺳﻒ ﻓﻠﺤﻈﻪ ﻛﻞ ﺷﻲ ﻳﺮﻳﺢ ﻣﻨﻪ .. ﻏﻴﺮﻩ ﺧﺪﻱ ﻣﻨﻪ ﺣﻠﻤﻪ ﻭﺍﻏﻠﻰ ﺍﻣﻨﻴﻪ ﻋﻨﺪﻩ .. ﻭﺗﻮﺍ ﻫﻮ ﺣﺎﺳﺲ ﻧﻔﺴﻪ ﻋﺎﻳﺶ ﻭﺧﻼﺹ .. ﺣﻴﻜﻤﻞ ﺣﻴﺎﺗﻪ ﺣﻴﻘﺮﺍ ﺣﻴﻨﺠﺢ ﺑﺲ ﻛﻞ ﺷﻲ ﻓﻲ ﺣﻴﺎﺗﻪ ﺣﻴﻮﻟﻲ ﺑﻼﻃﻌﻢ ﻭﺑﻼﻟﻮﻥ .. ﻛﻠﻪ ﺷﻲ ﻋﺎﺩﻱ ﻋﺎﺩﻱ ﺟﺪﺍ ...
ﻗﺎﻡ ﺗﻠﻴﻔﻮﻧﻪ ﻭﻓﺘﺢ ﻉ ﺻﻮﺭﺗﻬﺎ ﻭﻗﻌﺪ ﻳﺘﺄﻣﻞ ﻓﻴﻬﺎ ﻭﻗﺎﻝ ﺑﺼﻮﺕ ﺗﺎﻋﺐ : ﺁﺍﺍﺍﺍﺍﺍﻩ ﻳﺎﺭﻫﻒ ﻋﻼﺵ ﺩﺭﺗﻲ ﻓﻴﺎ ﻫﻜﻲ .. ﺍﺧﺮ ﺣﺪ ﺗﻮﻗﻌﺖ ﻳﻜﻮﻥ ﻋﺬﺍﺏ ﻗﻠﺒﻲ ﻣﻨﻪ ﻫﻮ ﺍﻧﺘﻲ ﺍﺧﺮﻣﻦ ﺗﻮﻗﻌﺘﻪ ﻳﻘﺘﻠﻨﻲ ﺑﺎﻟﺤﻴﻲ ﺍﻧﺘﻲ ﻟﻜﻦ ﻣﻬﻤﺎ ﺍﺩﻳﺮﻱ ﻓﻴﺎ .. ﻧﺤﺒﻚ .. ﻧﺤﺒﻚ ﻳﺎﺭﻭﺡ ﺭﻭﺣﻲ .. ﻧﺰﻝ ﺗﻠﻴﻔﻮﻧﻪ ﻭﻏﻤﺾ ﻋﻴﻮﻧﻪ ﻭﻧﺰﻟﺖ ﻣﻨﻬﻢ ﺩﻣﻌﻪ ﺗﺤﺮﻕ ... ﺩﻣﻌﺔ ﻗﻬﺮ ﻭﺣﺴﺮﺓ
ﺗﻤﻀﻲ ﺍﻻﻳﺎﻡ ﻭﺍﻟﺤﻴﺎﺓ ﻣﺎﺷﻴﻪ ﺯﻱ ﻣﺎﻫﻲ ..
ﺣﻨﺎﻥ ﺭﻓﻌﺖ ﻗﻀﻴﻪ ﻃﻼﻕ ﻭﺗﺴﺘﻨﻰ ﻓﻲ ﻣﻮﻋﺪ ﺍﻟﺠﻠﺴﻪ ﻭﺇﻟﻰ ﺍﻵﻥ ﻣﺎﻭﺻﻠﺶ ﻟﻨﻀﺎﻝ ﺍﺧﻄﺎﺭ ﺍﻟﻤﺤﻜﻤﻪ ﻭﻣﺎﻳﻨﺪﺭﻱ ﻉ ﺷﻲ ..
ﻭﻳﺎﺭﺍ ﻣﻜﻤﻠﻪ ﻣﻌﺎﻩ ﺍﻟﺤﻴﺎﻩ ﻋﺎﺩﻱ ﺑﺲ ﺍﻟﻤﺴﺎﻓﻪ ﺑﻴﻨﺎﺗﻬﻢ ﻭﻟﺖ ﻛﺒﻴﺮﺓ ..
ﺭﻫﻒ ﺯﻱ ﻗﺒﻞ ﻣﺎﺗﻐﻴﺮ ﻋﻠﻴﻬﺎ ﺷﻲ .. ﻭﻣﻬﺎﺏ ﻣﺤﺎﻭﻃﻬﺎ ﻭﻳﻦ ﻣﺎﺗﻤﺸﻲ ﺣﺘﻰ ﻭﻫﻮ ﻓﻲ ﺍﻟﻤﺴﺘﺸﻔﻰ ﻳﻜﻠﻢ ﻓﻴﻬﺎ ﺑﺎﻟﺘﻠﻴﻔﻮﻥ .. ﺑﺲ ﻫﻲ ﺷﻲ ﻣﺶ ﺣﺎﺳﻪ ﺍﺗﺠﺎﻫﻪ ﺑﻮﻻ ﺣﺎﺟﻪ ﻭﻣﺎﺷﺎﻓﺘﺶ ﺍﺳﻨﺎﻡ ﻧﻬﺎﺋﻲ ﻣﻦ ﺍﺧﺮ ﻣﺮﺓ .. ﻭﻻﻫﻮ ﺷﺎﻓﻬﺎ ﻭﻻﺟﻲ ﺟﻴﻬﺘﻬﺎ ...
ﻣﻬﺎ ﻫﻲ ﻭﺭﺿﺎ ﺳﻤﻦ ﻉ ﻋﺴﻞ ﻭﻣﺎﻓﻴﺶ ﺍﺣﻠﻰ ﻣﻨﻬﻢ
ﺍﻣﺎ ﺑﻮ ﻣﻬﺎ ﻓﻜﺎﻥ ﻋﺬﺍﺑﻪ ﻳﺰﻳﺪ ﻳﻮﻡ ﻋﻦ ﻳﻮﻡ ... ﻭﻳﺸﻐﻞ ﻓﻲ ﻧﻔﺴﻪ ﻭﺧﻼﺹ ﻭﻓﺒﺎﻟﻪ ﺟﻤﻠﻪ ﺑﺪﻱ ﻳﻜﺮﺭ ﻓﻴﻬﺎ ﻭﻳﻦ ﻳﺬﻛﺮﻫﺎ " ﻣﺎﻟﻴﺶ ﻓﻲ ﺍﻟﻄﻴﺐ ﻧﺼﻴﺐ "...
***
ﺍﻟﻠﻲ ﺗﺤﺒﻴﻪ ﺍﻋﺰﻣﻴﻪ ﻳﺎﻗﻠﺒﻲ ..
ﺭﻫﻒ : ﺧﺎﻟﺘﻲ ﻧﻴﺮﻭﺯ
ﻣﻬﺎﺏ : ﺗﺄﻧﺲ ﻭﺗﺸﺮﻑ ..
ﺭﻫﻒ : ﻛﻮﻳﺲ ... ﺍﻳﻪ ﺣﻘﻪ ﺑﻴﺠﻲ ﺑﺪﺭ ﺍﻟﻤﻨﺼﻮﺭﻱ ..
ﻣﻬﺎﺏ ﺑﺤﺪﻩ : ﺭﻫﻬﻬﻒ ..
ﺭﻫﻒ : ﻫﻬﻬﻬﻬﻬﻬﻬﻪ ..
ﻣﻬﺎﺏ ﻗﻌﺪ ﻳﻀﺤﻚ ﺣﺘﻰ ﻫﻮ ..
ﺑﻌﺪ ﻛﻤﻠﺖ ﺍﻟﻤﻜﺎﻟﻤﻪ ﻣﺸﺖ ﻷﻣﻬﺎ ﻓﻲ ﺍﻟﺪﺍﺭ ...
ﺭﻫﻒ : ﻣﺎﻣﺎ ...
ﺣﻨﺎﻥ : ﺗﻌﺎﻟﻰ ﻫﻨﻲ ﺗﻌﺎﻟﻲ ..
ﺭﻫﻒ ﺷﺪﺕ ﻣﺤﻤﺪ ﺍﻟﻠﻲ ﺑﺪﻱ ﻳﻤﺮﺩ : ﺗﻌﺎﻟﻰ ﻳﺎﻓﺰﻏﻮﻝ ﺍﻧﺖ .. ﻋﻄﺎﺗﻪ ﻟﺤﻨﺎﻥ ..
ﺣﻨﺎﻥ : ﺳﻼﻣﺘﻪ ﻣﻮﻟﻲ ﻣﺘﻌﺐ ﻛﻴﻒ ﻣﺪﺍﻳﺮﻩ ﻣﻌﺎﻩ ﺳﺎﻟﻤﻪ ..
ﺭﻫﻒ : ﻭﺍﺧﺪﻩ ﻉ ﺍﻟﺼﻐﺎﺭ ﻋﻨﺪﻫﺎ 4 ﻣﺎﺷﺎﺀ ﺍﻟﻠﻪ ..
ﺣﻨﺎﻥ : ﺭﺑﻲ ﻳﺤﻔﻈﻬﻢ .. ﺧﻴﺮﻙ ﻣﺎﻣﺎ ﻓﺸﻦ ﺗﺒﻴﻨﻲ ..
ﺭﻫﻒ : ﺑﻨﻘﻮﻟﻚ ﻣﻬﺎﺏ ﻗﺎﻟﻲ ﺍﻋﺰﻣﻲ ﺍﻟﻠﻲ ﺗﺒﻴﻪ ..
ﺣﻨﺎﻥ : ﺑﻪ .. ﺍﻣﺘﻰ ﻧﻤﺸﻮﺍ ﻏﺪﻭﻩ ..
ﺭﻫﻒ : ﺍﻟﺘﺴﻌﻪ ﺑﺎﺍﻟﺰﺑﻂ ﻧﻜﻮﻧﻮﺍ ﻏﺎﺩﻱ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ..
***
ﻋﻠﻘﺖ ﺑﺪﻟﻪ ﻭﻟﺪﻫﺎ ﻉ ﺍﻟﺪﻭﻻﺏ ..
ﻫﺎﻧﻴﻪ : ﻋﻘﺒﺎﻝ ﺑﺪﻟﺔ ﻋﺮﺳﻚ ..
ﺍﺳﻨﺎﻡ ﺍﺧﻔﻰ ﺿﻴﻘﻪ ﺑﺈﺑﺘﺴﺎﻣﻪ : ﺗﺴﻠﻤﻲ ﻳﺎﻏﺎﻟﻴﻪ .. ﻭﺑﺎﺱ ﺭﺍﺳﻬﺎ ..
ﺍﻣﻪ ﺣﺴﺖ ﺑﻴﻪ .. ﻗﻠﺐ ﺍﻷﻡ ﺯﻱ ﻣﺎﻳﻘﻮﻟﻮﺍ ﻃﺒﻄﺒﺖ ﺑﺈﻳﺪﻫﺎ ﻉ ﻛﺘﻔﻪ ﻭﻃﻠﻌﺖ ﻣﻦ ﺍﻟﺪﺍﺭ ﺑﻌﺪ ﻣﺎﻗﺎﻟﺘﻠﻪ ﺗﺼﺒﺢ ﻉ ﺧﻴﺮ ﻭﻫﻮﺭﺩ ﻭﺍﻧﺘﻲ ﻣﻦ ﺍﻫﻠﻪ ..
ﻭﺗﻤﺪﺩ ﻉ ﺳﺮﻳﺮﻩ ﻭﻏﻤﺾ ﻋﻴﻮﻧﻪ ﻭﻳﺤﺎﻭﻝ ﻳﺮﻗﺪ ﻻﻥ ﻏﺪﻭﺓ ﻭﺭﺍﻩ ﻳﻮﻡ ﺣﺎﻓﻞ ...
ﺗﺎﻧﻲ ﻳﻮﻡ ..
ﻓﻲ ﺍﺣﺪ ﺍﻛﺒﺮ ﻓﻨﺎﺩﻕ ﺍﻟﻌﺎﺻﻤﻪ .. ﻓﻲ ﺍﻟﻤﺴﺮﺡ ﻣﺘﺎﻋﻪ ..
ﻋﺪﺩ ﺍﻟﺤﻀﻮﺭ ﺷﺒﻪ ﺍﻛﺘﻤﻞ ﻭﺍﻟﻜﺮﺍﺳﻲ ﺗﻌﺒﻮﺍ .. ﻭﺑﺪﺕ ﺍﻟﺘﺠﻬﻴﺰﺍﺕ ﻉ ﺍﻟﺴﺘﻴﺞ ﻟﻠﻔﻨﺎﻥ ﺍﻟﻠﻲ ﺣﻴﺒﺪﺍ ﻭﺻﻠﺘﻪ ﺍﻟﻐﻨﺎﺋﻴﻪ ﺑﻌﺪ ﻟﺤﻈﺎﺕ ..
ﻟﺒﻨﻰ ﻛﺎﻧﺖ ﻓﻲ ﻭﺣﺪﻩ ﻣﻦ ﻣﻤﺮﺍﺕ ﺍﻟﻔﻨﺪﻕ ﺗﺸﻮﻑ ﺭﻭﺣﻬﺎ ﻓﻲ ﺍﻟﻤﺮﺍﻳﻪ ﻭﺗﺴﺎﻭﻱ ﻓﺸﻌﺮﻫﺎ .. ﻛﺎﻧﺖ ﻻﺑﺴﻪ ﺑﻠﻮﺯﻩ ﺧﻀﺮﺍ ﺯﻳﺘﻴﻪ ﺣﻠﻮﺓ ﻣﺤﺸﻴﻪ ﻓﻲ ﺳﺮﻭﺍﻝ ﺍﺳﻮﺩ ﻧﻈﺎﻡ ﺍﻟﺴﺮﺍﻭﻳﻞ ﺍﻟﻮﺍﺳﻊ .. ﺷﻌﺮﻫﺎ ﻛﺎﻥ ﻣﻀﻤﻮﻡ ﻟﻔﻮﻕ .. ﻣﻨﺰﻟﺔ ﺧﺼﻼﺕ ﻉ ﻭﺟﻬﻬﺎ ﺍﻟﻠﻲ ﻛﺎﻥ ﺧﺎﻟﻲ ﺗﻤﺎﻣﺎ ﻣﻦ ﺍﻟﻤﻜﻴﺎﺝ ...
ﻓﻲ ﻧﻔﺲ ﺍﻟﻮﻗﺖ ..
ﺭﺍﻛﺒﻪ ﻛﻮﻳﺲ ﻳﺎﻓﻨﺎﻥ ..
ﺑﺪﺭ ﻳﺴﺎﻭﻱ ﻓﻲ ﺟﻬﺎﺯ ﺍﻟﺼﻮﺕ ﻓﻲ ﻭﺫﻧﻪ : ﺍﻳﻪ ﺗﻤﺎﻡ ﻳﺎﺟﻤﻌﻪ ﻳﻌﻄﻴﻚ ﺍﻟﺼﺤﻪ ..
ﺟﻤﻌﻪ : ﺣﻨﻲ ﻓﻲ ﺍﻟﺨﺪﻣﻪ ..
ﺑﺪﺭ : ﺗﺴﻠﻢ .. ﻭﻫﻮ ﻣﺎﺷﻲ ﻗﺎﻡ ﻋﻴﻮﻧﻪ ﻭﺷﺎﻓﻬﺎ ﺍﺑﺘﺴﻢ ﺑﻤﻜﺮ " ﺍﻫﻼ ﺍﻫﻼ "... ﺟﻤﻌﻪ ﺍﺳﺒﻘﻨﻰ ﺟﺎﻳﻚ ..
ﺟﻤﻌﻪ : ﺗﻢ .. ﻭﻣﺸﻲ ..
ﺑﺪﺭ ﻗﺪﻡ ﺑﺪﻭﻥ ﺗﺤﺲ ...
ﻟﺒﻨﻰ : ﻫﻜﻲ ﺗﻤﺎﻡ .. ﺧﺪﺕ ﺗﻠﻴﻔﻮﻧﻬﺎ ﻭﺑﺪﺕ ﺗﺼﻮﺭ ﻭﻫﻮ ﻭﺍﻗﻒ ﻣﺘﻜﻲ ﻉ ﺍﻟﺤﻴﻂ ﻭﻳﺸﻮﻓﻠﻬﺎ ...
ﻟﺒﻨﻰ ﻻﻫﻴﻪ ﺑﺎﻟﺘﺼﻮﻳﺮ ﻭﻣﻨﺴﺠﻤﻪ .. ﻓﺠﺄﺓ ﺍﻧﻘﻄﻊ ﻋﻠﻴﻬﺎ ﺍﻧﺴﺠﺎﻣﻬﺎ ﻟﻤﺎ ﺳﻤﻌﺖ ..
ﻳﺎﺑﺘﺎﻉ ﺍﻟﻨﻌﻨﺎﻉ ﻳﺎﻣﻨﻌﻨﻊ ﻳﺎﻣﻨﻌﻨﻊ ﻳﺎﺍﺍﺍﺍﺍﺍﻣﻨﻌﻨﻊ ... ﻫﺎﺕ ﻫﺪﻳﻪ ﻟﻤﺘﺪﻟﻊ .. ﺍﺩﻟﻊ ... ﺍﺩﻟﻊ ..
ﻫﻲ ﻗﻌﺪﺕ ﻣﻔﻨﺼﻪ ﻭﺗﺸﺒﺢ ﻟﺘﻠﻴﻔﻮﻧﻬﺎ ﻟﻜﻦ ﺳﺮﻋﺎﻥ ﻣﺎﺗﺒﺪﻟﺖ ﻣﻼﻣﺤﻬﺎ ... ﻭﺗﻠﻔﺘﺖ ﺷﺒﺤﺘﻠﻪ ... ﻋﻄﺎﺗﻪ ﺷﺒﺤﻪ ﻣﻦ ﺭﺍﺳﻪ ﻟﺮﺟﻠﻴﻪ ﺷﺒﺤﻪ ﺍﺯﺩﺭﺍﺀ .. ﻭﺑﻌﺪﻳﻦ ﺷﻘﻠﺒﺖ ﻋﻴﻮﻧﻬﺎ ﻭﻣﺸﺖ ﻭﺧﻼﺗﻪ ..
ﺑﺪﺭ : ﻫﻬﻬﻬﻬﻬﻬﻬﻬﻬﻪ ... ﺟﻮ ﻋﻠﻴﻬﺎ ﺍﻟﻔﺮﺧﻪ ﻫﺎﺩﻱ ...
ﺧﺸﺖ ﻃﻮﻝ ﻟﺒﻨﻰ ﻭﻣﺸﺖ ﻟﻤﻜﺎﻧﻬﺎ ﺑﺤﺪﺍ ﺃﻣﻬﺎ ...
ﺣﻨﺎﻥ : ﻭﻳﻦ ﻛﻨﺘﻲ ..
ﻟﺒﻨﻰ ﺑﺮﺑﻜﻪ : ﺳﺎﻭﻳﺖ ﺷﻌﺮﻱ ﻭﺟﻴﺖ .. ﻭﻳﻦ ﺭﻫﻒ ..
ﺣﻨﺎﻥ : ﺑﺤﺪﺍ ﻋﺰﻭﺯﺗﻬﺎ ..
ﺷﺒﺤﺘﻠﻬﻢ ﻟﺒﻨﻰ : ﻫﺎﻟﻤﺮﺍﺓ ﻣﺎﺷﺎﻳﻔﻪ ﺭﻭﺣﻬﺎ ...
ﻧﻴﺮﻭﺯ : ﻫﻬﻬﻬﻬﻬﻬﻬﻪ ﻟﻴﻦ ﺧﻼﺹ ..
ﺣﻨﺎﻥ : ﺗﻼﻗﻴﺘﻮﺍ ﻋﺎﺩ ﺍﻧﺘﻢ ﺗﻤﻮﺗﻮﺍ ﻓﻲ ﺍﻟﻘﺮﻣﻪ ...
ﻟﺒﻨﻰ : ﻣﺶ ﻗﺮﻣﻪ ﺑﺲ ﺍﻧﻲ ﻗﻠﺖ ﺭﺍﻳﻲ ﻓﻴﻬﺎ ..
ﻧﻴﺮﻭﺯ ﺑﻀﺤﻜﻪ : ﺣﻘﻬﺎ ﺍﻟﺒﻨﺖ ﺗﻘﻮﻝ ﺭﺍﻳﻬﺎ ﻣﺶ ﻗﺮﻣﻪ ﻫﺎﺩﻱ ..
ﺣﻨﺎﻥ : ﺧﻼﺹ ﺍﺳﻜﺘﻮﺍ ﺭﻫﻒ ﺟﺎﻳﻪ ...
ﺯﻱ ﻣﺎﺗﻌﺮﻓﻮﺍ ﺑﻌﺾ ﺍﻟﻤﺴﺎﺭﺡ ﻳﻜﻮﻧﻮﺍ ﻓﻴﻬﻢ ﻛﺮﺍﺳﻲ ﺍﻟﺤﻀﻮﺭ ﺑﻴﻨﺎﺗﻬﻢ ﻓﺎﺻﻞ ﺩﺭﻭﺝ ...
ﺍﻫﻞ ﻣﻬﺎﺏ ﻣﻘﻌﻤﺰﻳﻦ ﻓﻲ ﺟﻬﻪ ﻭﺃﻫﻞ ﺭﻫﻒ ﻓﺠﻬﻪ ﺗﺎﻧﻴﻪ ..
ﺭﻫﻒ ﻭﻫﻲ ﻣﺎﺷﻴﻪ ﻟﻠﺠﻬﻪ ﺍﻟﻠﻲ ﻓﻴﻬﺎ ﺃﻣﻬﺎ ﺍﻧﺨﺒﻄﺘﺖ ﺑﺤﺪ .. ﻭﻳﻦ ﻗﺎﻣﺖ ﺭﺍﺳﻬﺎ ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﻭﺗﺸﺒﺢ ﺑﺈﻋﺠﺎﺏ ﺷﺪﻳﺪ
ﺍﺳﻨﺎﻡ ﻭﻫﻮ ﻳﺸﻮﻑ ﻟﻌﻴﻮﻧﻬﺎ ﺍﻟﻠﻲ ﺍﺳﺘﺎﺣﺸﻬﻢ ﻗﺎﻝ : ﺍﺳﻒ .. ﺍﺧﺘﻲ .. ﻭﻣﺸﻲ .. ﻫﻲ ﻗﺮﻳﺐ ﻣﺎﺗﺖ ﻣﻦ ﻛﻠﻤﺘﻪ .. ﻭﺍﺳﻠﻮﺑﻪ ﻣﻌﺎﻫﺎ ﻛﺄﻧﻪ ﻋﻤﺮﻩ ﻣﺎﻋﺮﻓﻬﺎ ﻭﻻﺷﺎﻓﻬﺎ ﻓﺤﻴﺎﺗﻪ .. ﻛﻤﻠﺖ ﻃﺮﻳﻘﻬﺎ ﻭﻗﻌﻤﺰﺕ ﻓﻜﺮﺳﻴﻬﺎ .. ﻭﻫﻲ ﻣﺨﻨﻮﻗﻪ ﺑﺪﻣﻌﺘﻬﺎ .. ﺗﺒﻲ ﺗﺒﻜﻲ ﺑﺲ ﺻﻌﺐ ﻣﺎﺗﻘﺪﺭﺵ ...
ﺍﻣﻬﺎ ﺭﻛﺰﺕ ﻋﻠﻴﻬﺎ ﻭﻣﺴﺘﻐﺮﺑﻪ ﻭﻟﺒﻨﻰ ﺷﺒﻪ ﻋﺎﺭﻓﻪ ﺍﻟﻠﻲ ﻓﻴﻬﺎ ..
ﻫﻮ ﻗﻌﻤﺰ ﻣﻊ ﺍﻟﺨﺮﻳﺠﻴﻦ ﻭﺍﻟﻤﻮﻗﻒ ﺍﻟﻠﻲ ﺻﺎﺭ ﺧﻼﻩ ﻓﻲ ﺣﺎﻟﻪ ﻳﺮﺛﻰ ﻟﻬﺎ .. ﻗﻌﺪ ﻳﺸﺒﺢ ﺍﻟﻘﺪﺍﻡ ﻭﻳﺤﺎﻭﻝ ﻳﺮﺟﻊ ﻟﻄﺒﻴﻌﺘﻪ ..
🍁🍁🍁
ﺑﺪﺕ ﺍﻟﺤﻔﻠﻪ ..
ﻭﻃﻠﻊ ﺑﺪﺭ ﺍﻟﻤﻨﺼﻮﺭﻱ ﻉ ﺳﺘﻴﺞ ﻭﺑﺪﻭﺍ ﻳﺼﻔﻘﻮﺍ ﺑﺤﺮﺍﺭﻩ ﻭﻳﺼﻔﺮﻭﺍ ..
ﻃﺒﻌﺎ ﺍﻷﻏﺎﻧﻲ ﻛﻠﻬﺎ .. ﻉ ﺍﻟﻨﺠﺎﺡ ﻭﺍﻟﻄﻤﻮﺡ ﻣﻦ ﻣﺠﻤﻮﻋﻪ ﺍﻏﺎﻧﻲ ﺑﺪﺭ ﺍﻟﻬﺎﺩﻓﻪ .. ﻭﻫﺎﻟﻤﺮﺓ ﻫﻮ ﻛﺎﻥ ﻓﻴﻬﺎ ﺑﺄﺳﻠﻮﺏ ﺗﺎﻧﻲ ﻷﻥ ﺍﻟﺤﻔﻠﻪ ﻓﻴﻬﺎ ﺩﻛﺎﺗﺮﻩ ﻭﺃﻭﻟﻴﺎﺀ ﺍﻣﺮ ﻭﺍﻟﻤﻨﺎﺳﺒﻪ ﺭﺳﻤﻴﻪ ..
ﺗﻘﻮﻯ ﻫﻲ ﻭﺭﻫﻒ ﻳﻐﻨﻮﺍ ﻣﻌﺎﻩ .. ﺍﺳﻨﺎﻡ ﻛﺎﻥ ﻳﺴﺮﻗﻠﻬﺎ ﻓﻲ ﺍﻟﻨﻈﺮ ﻭﻳﺒﺘﺴﻢ ﻻﺇﺭﺍﺩﻳﺎ ﻉ ﺗﻔﺎﻋﻠﻬﺎ ﻣﻌﺎﻩ .. ﺑﺮﻏﻢ ﺍﻧﻪ ﻏﺎﻳﺮﺍﻥ ﻓﻨﻔﺲ ﺍﻟﻮﻗﺖ ..
ﺗﻤﺖ ﺍﻷﻏﻨﻴﻪ ﺣﻴﺎﻫﻢ ﺑﺪﺭ ﻉ ﺗﻔﺎﻋﻠﻬﻢ ﻭﻗﻌﺪ ﺑﻌﻴﻮﻧﻪ ﻳﺪﻭﺭ ﺑﻴﻦ ﺍﻟﺤﻀﻮﺭ " ﻉ ﺑﺘﺎﻉ ﺍﻟﻨﻌﻨﺎﻉ " ﻭﻟﻘﺎﻫﺎ ﺷﻘﻠﺒﺖ ﻋﻴﻮﻧﻬﺎ ﻃﻮﻝ ﻭﻫﻮ ﻗﻌﺪ ﻳﻀﺤﻚ ..
ﺣﻨﺎﻥ : ﻣﺎﺷﺎﺀ ﺍﻟﻠﻪ ﻋﻠﻴﻪ ﺍﻏﺎﻧﻲ ﺣﻠﻮﻩ ﻭﺻﻮﺗﻪ ﺣﺴﺎﺱ ..
ﻧﻴﺮﻭﺯ : ﺻﺢ ..
ﻟﺒﻨﻰ ﻗﻌﺪﺕ ﺗﺸﺒﺤﻠﻪ ﻟﻤﺎ ﺳﻤﻌﺖ ﺭﺃﻱ ﺍﻣﻬﺎ ﻓﻴﻪ ... ﻫﻮﺳﺎﻭﻯ ﺳﻤﺎﻋﺘﻪ ﺍﻟﻠﻲ ﻓﻮﺫﻧﻪ ﻭﺗﻠﻔﺖ ﻟﻠﺠﻤﻬﻮﺭ ﺑﻴﻐﻨﻲ ﺍﺧﺮ ﺍﻏﻨﻴﻪ .. ﺟﺖ ﻋﻴﻨﻪ ﻓﻌﻴﻨﻬﺎ ﻫﻲ ﻏﻴﺮﺕ ﻋﻴﻮﻧﻬﺎ ﻭ ﻫﻮ ﺍﺑﺘﺴﻢ .. ﻭﺑﺪﻱ ﻳﻐﻨﻲ ..
ﺣﻮﺍﻟﻲ ﺳﺎﻋﻪ ﺇﻻ ﺭﺑﻊ ﻏﻨﻰ ﻓﻴﻬﻢ ﺑﺪﺭ ﺍﺧﺮ ﺷﻲ ﺣﻴﺎ ﺍﻟﺠﻤﻬﻮﺭ ﻭﻫﻨﻰ ﺍﻟﺨﺮﻳﺠﻴﻦ ﻭﻫﻮ ﺟﺎﻱ ﺑﻴﻨﺰﻝ ﻣﻦ ﺍﻟﻤﺴﺮﺡ ﺷﺒﺢ ﻟﻠﺒﻨﻰ ﻭﻏﻤﺰﻟﻬﺎ ﻭﻣﺸﻲ ..
ﺭﻫﻒ ﺷﺒﺤﺖ ﻟﻠﺒﻨﻰ ﻭﻟﺒﻨﻲ ﻗﺎﻟﺖ ﻓﻲ ﻧﻔﺴﻬﺎ " ﺳﺨﻴﻒ "...
ﺣﻨﺎﻥ ﻭﻧﻴﺮﻭﺯ ﻛﺎﻧﻮﺍ ﻳﻬﺪﺭﺯﻭﺍ ﻣﺶ ﻻﻫﻴﻴﻦ ...
🌷🌷🌷
ﺭﻛﺐ ﻋﻤﻴﺪ ﺍﻟﻜﻠﻴﻪ ﻉ ﻣﻨﺼﻪ ﺑﻴﻘﻮﻝ ﺍﻟﻜﻠﻤﻪ ﻟﻠﻄﻠﺒﻪ ﺑﻬﺎﻟﻤﻨﺎﺳﺒﻪ ..
ﻭﻫﻮ ﻳﺘﻜﻠﻢ ﻓﻲ ﻧﺎﺱ ﻣﺮﻛﺰ ﻣﻌﺎﻩ ﻭﻧﺎﺱ ﻣﺎﺗﻨﺪﺭﻳﺶ ﻋﻠﻴﻪ ﺷﻦ ﻳﻘﻮﻝ ﺍﺻﻼ ..
ﺭﻫﻒ ﺷﻜﻞ ﺍﺳﻨﺎﻡ ﺑﻴﻦ ﻋﻴﻮﻧﻬﺎ ﺑﺎﻟﺒﺪﻟﻪ ﻭﺭﻳﺤﺔ ﻋﻄﺮﻩ ﻗﺎﻋﺪﻩ ﻋﺎﻟﻘﻪ ﻓﻴﻬﺎ ...
ﺷﺒﺤﺖ ﻉ ﺍﻟﺠﻨﺐ ﻗﻌﺪﺕ ﺍﺩﻭﺭ ﻓﻴﻪ .. ﻟﻘﺎﺗﻪ ﻣﻨﺴﺠﻢ ﻣﻊ ﻛﻠﻤﻪ ﺍﻟﺪﻛﺘﻮﺭ ﻭﻳﺸﺒﺤﻠﻪ .. ﻗﻌﺪﺕ ﺗﺘﺄﻣﻞ ﻓﻴﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ .. ﻏﻴﺮﺕ ﻋﻴﻮﻧﻬﺎ ﻟﺨﻄﻴﺒﻬﺎ ﻻﻗﺎﺗﻪ ﻣﻨﺴﺠﻢ ﺣﺘﻰ ﻫﻮ ﻣﻊ ﺍﻟﺪﻛﺘﻮﺭ .. ﻟﻜﻦ ﺍﺣﺴﺎﺳﻬﺎ ﺍﺗﺠﺎﻫﻪ ﺻﻔﺮ ﺷﺒﺤﺖ ﺍﻟﻘﺪﺍﻡ ...
ﻫﻲ ﺷﺒﺤﺖ ﺍﻟﻘﺪﺍﻡ .. ﻭﺷﻮﻳﻪ ﻭﺃﺳﻨﺎﻡ ﻟﻒ ﻭﺟﻬﻪ ﺟﻬﺘﻬﺎ ﻭﻗﻌﺪﻳﺸﻮﻓﻠﻬﺎ ﻗﺮﻳﺐ ﻳﻤﻮﺕ ﻋﻠﻴﻬﺎ ... ﻛﺎﻥ ﻣﺨﻄﻂ ﻓﻬﺎﻟﻴﻮﻡ ﻳﺼﺎﺭﺣﻬﺎ ﺑﻤﺸﺎﻋﺮﻩ ﻭﻳﻌﺮﺽ ﻋﻠﻴﻬﺎ ﺗﺘﺰﻭﺟﻪ .. ﻟﻜﻦ ..
ﺗﺄﺗﻲ ﺍﻟﺮﻳﺎﺡ 🌬 ﺑﻤﺎﻻﺗﺸﺘﻬﻲ ﺍﻟﺴﻔﻦ 🛳...💔
💎💎💎
ﺗﻢ ﺍﻟﺪﻛﺘﻮﺭ ﻛﻠﻤﺘﻪ ... ﻭﺟﻲ ﻭﻗﺖ ﺗﻮﺯﻳﻊ ﺍﻟﺸﻬﺎﺩﺍﺕ ..
🎓 ﺑﺪﻭﺍ ﻳﺴﻤﻮﺍ ﻓﻲ ﺍﺳﻤﺎﺀ ﺍﻟﺨﺮﻳﺠﻴﻦ ﻭﻳﻮﺯﻋﻮﺍ ﻓﻲ ﺍﻟﺸﻬﺎﻳﺪ ..
ﻭﻛﻞ ﻃﺎﻟﺐ ﺍﻭ ﻃﺎﻟﺒﻪ ﻳﺮﻛﺒﻮﺍ ﻓﺮﺣﺘﻬﻢ ﻣﺶ ﺳﺎﻳﻌﺘﻬﺎ ﺍﻟﺪﻧﻴﺎ ﻫﻤﺎ ﻭﺃﻫﺎﻟﻴﻬﻢ .. ﻭﺣﻨﺎﻥ ﻛﺎﻧﺖ ﺗﺸﻮﻓﻠﻬﻢ ﻭﻣﺘﻠﻬﻔﻪ ﻟﻠﻴﻮﻡ ﺍﻟﻠﻲ ﺗﺸﻮﻑ ﻓﻴﻪ ﺭﻫﻒ ﺯﻳﻬﻢ ... ﻭﺗﻌﻴﺶ ﺣﺎﻟﺔ ﺍﻟﻔﺮﺡ ﺍﻟﻠﻲ ﻋﺎﻳﺸﺎﺗﻬﺎ ﺍﻣﻬﺎﺕ ﺍﻟﺨﺮﻳﺠﻴﻦ ..
ﻃﺒﻌﺎ ﺍﻟﺤﻜﺎﻳﻪ ﻃﻮﻟﺖ ﻫﻠﺒﻪ .. ﺗﻮﺯﻳﻊ ﺍﻟﺸﺎﻫﻴﺪ ﻉ ﺍﻷﻗﺴﺎﻡ ﻣﺘﺎﻉ ﺍﻟﻜﻠﻴﻪ .. ﺍﻟﻘﺎﺋﻤﻴﻦ ﻉ ﺍﻟﺤﻔﻞ ﺣﺒﻮﺍ ﺗﻜﻮﻥ ﺗﺴﻤﻴﺔ ﺍﻟﻄﻠﺒﻪ ﺍﻷﻭﺍﺋﻞ ﻉ ﺍﻟﻜﻠﻴﻪ ﻣﻤﻴﺰﺓ ﻭﺧﺼﻮﺻﺎ ﺍﻥ ﺍﻟﻠﻲ ﺟﺎﻳﺐ ﺍﻷﻭﻝ ﻉ ﺟﺎﻣﻌﺔ ﻃﺮﺍﺑﻠﺲ ﻛﺎﻣﻠﻪ ﻣﻦ ﻛﻠﻴﺘﻬﻢ ...
ﺑﺪﻭﺍ ﻳﺴﻤﻮﺍ ﻓﻲ ﺍﻟﻌﺸﺮﻩ ﺍﻷﻭﺍﺋﻞ .. ﻣﻦ ﺍﻟﻌﺎﺷﺮ ﻟﻸﻭﻝ ..
ﺳﻤﻮﺍ 7 ﺍﺳﻤﺎﺀ ... ﻭﻭﺻﻠﻮﺍ ﻓﻲ ﺍﻟﺜﺎﻟﺖ ..
: ﺍﻟﺤﺎﺻﻞ ﻉ ﺍﻟﺘﺮﺗﻴﺐ ﺍﻟﺜﺎﻟﺖ ﺍﻟﻄﺎﻟﺐ .... ﻟﺆﻱ ﺍﻟﻌﻤﺮﺍﻧﻲ ..
ﺗﻘﻮﻯ ﻗﻌﺪﺕ ﺗﺼﻔﻖ ﺯﻱ ﺍﻟﻤﺠﻨﻮﻧﻪ ﻭﺩﻣﻮﻋﻬﺎ ﻳﻨﺰﻟﻮﺍ ﻭﻓﺨﻮﺭﺓ ﺑﻴﻪ ﻫﻠﺒﻪ .. ﻭﺭﻛﺐ ﻉ ﺍﻟﻤﺴﺮﺡ ﺣﻴﺎ ﺍﻫﻠﻪ ﻭﺍﻟﺤﻀﻮﺭ ﺍﻟﻠﻲ ﻳﺼﻔﻘﻮﺍ ﻭﺍﺑﺘﺴﻢ ﺑﺤﺐ ﻟﺘﻘﻮﻯ ﺍﻟﻠﻲ ﺑﻌﺘﺘﻠﻪ ﺑﻮﺳﻪ ﻃﺎﻳﺮﻩ ﻭﻫﻮ ﺗﺤﺸﻢ .. ﺭﻫﻒ ﻭﻟﺒﻨﻰ ﺿﺤﻜﻮﺍ ﻋﻠﻴﻬﺎ ...
ﺑﻌﺪ ﻣﺎﺳﻤﻮﺍ ﻟﺆﻱ ﻗﻌﺪ ﺍﻟﺘﺮﺗﻴﺐ ﺍﻻﻭﻝ ﺑﻴﻦ ﺯﻭﺯ ...
ﻣﻬﺎﺏ .. ﻭﺍﺳﻨﺎﻡ ..
ﻭﺍﻟﻠﻲ ﺟﺎﻳﺐ ﺍﻷﻭﻝ ﻉ ﺍﻟﻜﻠﻴﻪ ﺣﻴﻜﻮﻥ ﺑﺎﻟﻄﺒﻊ ﻫﻮ ﺍﻷﻭﻝ ﻉ ﺍﻟﺠﺎﻣﻌﻪ ..
ﻗﻌﺪ ﺍﻟﺪﻛﺘﻮﺭ ﺍﻟﻠﻲ ﻳﺴﻤﻲ ﻳﺸﻮﻓﻠﻬﻢ ..
ﻭﺭﻫﻒ ﻣﻦ ﻗﻠﺒﻬﺎ ﺗﺒﻴﻬﺎ ﻷﺳﻨﺎﻡ ﻣﺶ ﻟﻤﻬﺎﺏ ..
ﺍﻟﺰﻭﺯ ﻛﺎﻧﻮﺍ ﻳﺸﻮﻓﻮﺍ ﻟﻠﺪﻛﺘﻮﺭ ﺍﻟﻠﻲ ﻗﻌﺪ ﻳﺘﺒﺮﺩ ﻋﻠﻴﻬﻢ ﻭﻳﻀﺤﻚ ..
ﺑﻌﺪ ﻟﺤﻈﺎﺕ ﻣﻦ ﺑﺮﺍﺩﺓ ﺍﻟﺪﻛﺘﻮﺭ 😂..
ﻗﺮﺭ ﻳﺴﻤﻲ ﺍﻷﻭﻝ ...
: ﺍﻟﺤﺎﺻﻞ ﻉ ﺍﻟﺘﺮﺗﻴﺐ ﺍﻷﻭﻝ ﺑﺘﻘﺪﻳﺮ ﻣﻤﺘﺎﺯ ﻭﺑﻨﺴﺒﻪ 99.9 %...
ﺿﺤﻚ ﻭﻗﺎﻝ ... ﻗﺮﻳﺐ ﻭﻻ ﺩﻳﺘﻮﻝ .. ﻭﻗﻌﺪ ﻳﻀﺤﻚ " ﺑﺮﺍﺩﻩ ﻣﺶ ﻗﺘﻠﻜﻢ 😒"...
ﻛﻤﻞ ﺍﻟﺪﻛﺘﻮﺭ : ﺍﻟﻄﺎﻟﺐ .. ﺳﻜﺖ ﻭﺷﺒﺤﻠﻬﻢ ﺍﻟﺰﻭﺯ ... ﺍﺳﻨﺎﻡ ﺭﺷﻴﺪ ﺍﻟﻜﻌﺒﺎﺯﻱ ...
ﺭﻫﻒ ﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ﻭﺩﻣﻮﻋﻬﺎ ﻧﺰﻟﻮﺍ ﺑﻔﺮﺡ ﺷﺪﻳﺪ .. ﺗﻘﻮﻯ ﺷﺒﺤﺘﻠﻬﺎ ﻭﺍﻧﺼﺪﻣﺖ ﺑﺮﺩﺓ ﻓﻌﻠﻬﺎ ...
ﻧﺎﺽ ﺃﺳﻨﺎﻡ ﻭﺭﻛﺐ ﻉ ﺍﻟﻤﻨﺼﻪ ﻭﺧﺪﻱ ﺷﻬﺎﺩﺗﻪ ﻭﻛﺎﻧﻮﺍ ﻋﻴﻮﻧﻪ ﻉ ﺍﻣﻪ ﻭﺑﻮﻩ ﺍﻟﻠﻲ ﺩﻣﻌﺖ ﻋﻴﻮﻧﻬﻢ .. ﻭﻃﻠﺐ ﻣﻨﻪ ﺍﻟﻌﻤﻴﺪ ﻳﻘﻮﻝ ﻛﻠﻤﻪ .. ﻭﻗﻒ ﻭﺑﺪﻱ ﻳﺘﻜﻠﻢ : ﺍﻭﻻ ﺍﻟﺤﻤﺪ ﻟﻠﻪ ﺍﻟﺬﻱ ﺑﻨﻌﻤﺘﻪ ﺗﺘﻢ ﺍﻟﺼﺎﻟﺤﺎﺕ .. ﻛﻠﻪ ﺑﻔﻀﻞ ﺍﻟﻠﻪ .. ﺛﻢ ﺍﻟﺰﻭﺯ ﺍﻟﻠﻲ ﻧﺸﺒﺢ ﻓﻲ ﺩﻣﻮﻉ ﺍﻟﻔﺮﺡ ﻭﺍﻟﻔﺨﺮ ﻓﻌﻴﻮﻧﻬﻢ .. ﺑﻮﻱ ﺍﻟﺪﻛﺘﻮﺭ ﺭﺷﻴﺪ ﺍﻟﻜﻌﺒﺎﺯﻱ .. ﻭﺍﻣﻲ ﺍﻟﺪﻛﺘﻮﺭﺓ ﻫﺎﻧﻴﻪ ﺷﻴﺸﻨﻖ .. ﺩﻋﻤﻮﻧﻲ ﻭﻛﺒﺮﻭﺍ ﻓﻴﺎ ﺣﻠﻤﻲ ﻭﻭﺻﻠﺖ ﻟﻠﻬﺎﻟﺤﻈﻪ ﻫﺎﺩﻱ .. ﻭ ﺍﻋﻀﺎﺀ ﻫﻴﺌﺔ ﺍﻟﺘﺪﺭﻳﺲ .. ﻭﺻﺤﺎﺑﻲ ﻭﺍﻟﻨﺎﺱ ﺍﻟﻐﺎﻟﻴﻪ ﻋﻠﻴﺎ .." ﺗﺠﻨﺐ ﻳﺸﺒﺢ ﻟﺮﻫﻒ ".. ﻭﻧﺘﻤﻨﻰ ﻣﻦ ﺍﻟﻠﻪ ﺍﻧﻪ ﻳﻨﻔﻌﻨﻲ ﻭﻳﻨﻔﻊ ﺑﻴﺎ ... ﻭﺷﻜﺮﺍ ...
ﺻﻔﻘﻮﻟﻪ ﺑﺤﺮﺍﺭﺓ .. ﻭﻫﻮ ﻧﺰﻝ ﻭﻭﻟﻼ ﻟﻤﻜﺎﻧﻪ ... ﻭﺭﻫﻒ ﻋﻴﻮﻧﻬﺎ ﻋﻠﻴﻪ ﺑﺘﻤﻮﺕ ..
ﺗﻘﻮﻯ ﺑﺼﺪﻣﻪ : ﺭﻫﻒ ... ﺍﻧﺘﻲ ...
ﺭﻫﻒ ﺷﺒﺤﺘﻠﻬﺎ : ﺍﻧﻲ ﻭﻻﺷﻲ ... ﻭﻻﺷﻲ ﻳﺎﺗﻘﻮﻯ .. ﺍﺳﻜﺘﻲ ..
ﺗﻘﻮﻱ ﺳﻜﺘﺖ ﻭﻫﻲ ﻣﺼﺪﻭﻣﻪ ... ﺷﻮﻳﻪ ﻭﺳﻤﻮﺍ ﺍﺳﻢ ﻣﻬﺎﺏ ﺍﻟﻠﻲ ﻃﺎﺭﺗﻠﻪ ﻉ ﺍﻵﺧﺮ ﻭﺍﺑﺘﺴﻢ ﻣﺠﺎﻣﻠﻪ ... ﻭﻳﺪﻭﺏ ﺗﻜﻠﻢ ﻭﻧﺰﻝ ... ﻭﺷﺒﺢ ﻟﺮﻫﻒ ﺍﻟﻠﻲ ﺍﺑﺘﺴﻤﺘﻠﻪ ﻣﺠﺎﻣﻠﻪ ﻭﻫﻮ ﺭﺩﻟﻬﺎ ﺍﻻﺑﺘﺴﺎﻣﻪ ...
ﺗﻤﺖ ﺍﻟﺤﻔﻠﻪ ﻭﻗﺎﻟﻮﻟﻬﻢ ﻳﺘﻮﺟﻬﻮﺍ ﻟﻠﺒﺮﺍ .. ﺑﺶ ﻳﺎﺧﺪﻭﺍ ﺍﻟﺼﻮﺭ ...
ﺣﻨﺎﻥ : ﻟﺒﻨﻰ ﺗﻌﺎﻟﻲ ..
ﺟﺘﻬﺎ ﻟﺒﻨﻰ : ﻧﻌﻢ ﻣﺎﻣﺎ ..
ﺣﻨﺎﻥ : ﺍﺧﺘﻚ ﺧﻴﺮﻫﺎ ..
ﻟﺒﻨﻰ ﺑﺮﺑﻜﻪ : ﺧﻴﺮﻫﺎ ﻣﺎﻓﻴﻬﺎ ﺷﻲ ..
ﺣﻨﺎﻥ : ﺗﻮ ﻧﺮﻭﺣﻮﺍ ﻭﻧﻌﺮﻑ ﺑﺮﻭﺣﻲ ...
ﻃﻠﻌﻮﺍ ﺑﺮﺍ ﻭﻃﻠﻌﺖ ﺭﻫﻒ ﻣﻊ ﺗﻘﻮﻯ ﻭﻗﻌﺪﻭﺍ ﻳﺸﺒﺤﻮﺍ ﻓﻲ ﺍﻟﺨﺮﻳﺠﻴﻦ ﻛﻴﻒ ﺍﺟﺘﻤﻌﻮﺍ ﺑﺶ ﻳﺎﺧﺪﻭﺍ ﺻﻮﺭﺓ ﺟﻤﺎﻋﻴﻪ ...
ﺻﻮﺭﻭ
٠٨ / ١١ / ٢٠٢٠ · Facebook for Android · ﺭ
