🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 15_
ﻣﺮﺕ ﺍﻷﻳﺎﻡ ﻭﺍﻟﺤﺎﻝ ﻛﻤﺎ ﻫﻮ ﻋﻠﻴﻪ .. ﺍﻹﻣﺘﺤﺎﻧﺎﺕ ﺑﺪﺕ ﻣﺪﺍﺭﺱ ﻭﺟﺎﻣﻌﺎﺕ ...
ﻳﻮﻣﻴﺎ ﻣﻬﺎ ﻓﻲ ﺣﻮﺵ ﺣﻨﺎﻥ ﺗﻘﺮﺍ ﻫﻲ ﻭﻟﺒﻨﻰ .. ﺗﺮﻭﺡ ﻣﻊ ﻟﺒﻨﻰ ﻣﻦ ﺍﻟﻤﺪﺭﺳﻪ ﻭﺗﺮﻭﺡ ﻟﻘﺼﺮ ﺑﻮﻫﺎ ﺑﻌﺪ ﺁﺫﺍﻥ ﺍﻟﻌﺸﺎﺀ ..
ﻭﻣﻌﺎﻭﻳﻪ ﻛﺎﻥ ﻻﻫﻲ ﺑﻤﺸﺮﻭﻋﻪ ﻓﻲ ﻫﺎﻟﻔﺘﺮﺓ .. ﻭﻟﻶﻥ ﻉ ﻗﺪ ﻣﺎﻛﻠﻤﻮﻟﻪ ﻣﻬﻨﺪﺳﻴﻦ ﻋﺮﺏ ﻭﺃﺟﺎﻧﺐ ﻣﺎﻓﻲ ﺣﺪ ﺟﺎﺏ ﺍﻟﻠﻲ ﻓﺒﺎﻝ ﻣﻌﺎﻭﻳﻪ .. ﻭﻫﻜﻲ ﺍﻟﻤﺸﺮﻭﻉ ﺣﻴﺘﺄﺧﺮ ﻓﻲ ﺗﻨﻔﻴﺪﻩ ﻭﻣﺶ ﻓﻲ ﺻﺎﻟﺤﻪ ﻭﻻﺻﺎﻟﺢ ﺷﺮﻛﺎﺋﻪ ﻓﻴﻪ ..
***
ﻓﻲ ﻟﻴﻠﻪ ..
ﻣﺤﻤﺪ ﻛﺎﻥ ﻳﻌﻴﻂ ﻭﻣﺎﺑﺎﺵ ﻳﺴﻜﺖ ﺑﻜﻞ ...
ﺣﻨﺎﻥ ﻭﺍﺧﺪﺗﻪ ﻓﺤﻀﻨﻬﺎ ﻭﻣﺎﺷﻴﻪ ﺑﻴﻪ ﻭﺟﺎﻳﻪ ..
ﺭﻫﻒ : ﺧﻴﺮﻩ ﻳﺎﻣﺎﻣﺎ ..
ﺣﻨﺎﻥ : ﺑﻄﻨﻪ ﺷﻜﻠﻬﺎ ﻏﺎﺯﺍﺕ ﻣﻦ ﺍﻟﺤﻠﻴﺐ ...
ﺭﻫﻒ : ﺍﻟﻔﻠﻴﻪ ﻛﻮﻳﺴﻪ ﻟﻴﻪ ﻭﻻ ..
ﺣﻨﺎﻥ : ﺍﻳﻪ ﺻﺢ ..
ﺭﻫﻒ ﻧﺎﺿﺖ : ﻣﺎﺷﻴﻪ ﻧﺪﻳﺮﻫﻮﻟﻪ ..
ﺣﻨﺎﻥ : ﺑﻨﺘﻲ ﻏﺪﻭﺓ ﻋﻨﺪﻙ ﺍﻣﺘﺤﺎﻥ ﺑﺮﻱ ﺍﺭﻗﺪﻱ ...
ﺭﻫﻒ ﺑﻀﺤﻜﻪ : ﻣﺎﺗﺨﻤﻤﻴﺶ ﺍﻧﻲ ﺣﺘﻰ ﻟﻮ ﺭﻗﺪﺕ ﻣﺎﺧﺮ ﻟﻤﺎﻳﺒﺪﺍ ﻋﻨﺪﻱ ﺍﻣﺘﺤﺎﻥ ﺍﻧﻮﺽ ﺑﻜﺮﻱ ﺗﻠﻘﺎﺋﻴﺎ ...
ﺣﻨﺎﻥ ﺍﺑﺘﺴﻤﺖ : ﺑﺎﻩ ﺩﻳﺮﻱ ﺍﻟﻔﻠﻴﻪ ﻭﺑﺮﻱ ﺍﺭﻗﺪﻱ ﻃﻮﻝ ...
ﺭﻫﻒ : ﺑﺎﻩ ... ﻭﻧﺰﻟﺖ ﺗﺤﺖ ﻃﻮﻝ ﻏﻠﺘﻠﻪ ﻓﻠﻴﻪ .. ﻭﺻﺒﺘﻬﺎ ﻓﻲ ﺍﻟﺮﺿﺎﻋﻪ ﻭﺣﻄﺖ ﺍﻟﺮﺿﺎﻋﻪ ﻓﻲ ﻣﻴﻪ ﻣﺼﻘﻌﻪ ﺑﺶ ﺗﺒﺮﺩﻫﺎ ... ﻭﺭﻓﻌﺖ ﺍﻟﺼﻮﻧﻴﻪ ﻷﻣﻬﺎ ... ﺍﻫﻮ ﻣﺎﻣﺎ ﺣﻄﻴﺘﻬﺎ ﻓﻲ ﻣﻴﻪ ﻣﺼﻘﻌﻪ ﺑﺶ ﺗﺒﺮﺩ ..
ﺣﻨﺎﻥ ﺍﺑﺘﺴﻤﺖ : ﺗﺴﻠﻤﻴﻠﻲ .. ﺣﺒﻴﺒﺘﻲ ﻳﻠﻼ ﺑﺮﻱ ﺃﺭﻗﺪﻱ ..
ﺭﻫﻒ : ﺑﺎﻩ .. ﻣﺎﻣﺎ ﺗﺒﻲ ﺍﻱ ﺣﺎﺟﻪ ﻛﻠﻤﻴﻨﻲ ..
ﺣﻨﺎﻥ ﺑﻀﺤﻜﻪ : ﺑﺎﻩ ﺑﺮﻱ ﺍﺭﻗﺪﻱ ..
ﺭﻫﻒ : ﺑﺎﻩ ﺗﺼﺒﺤﻲ ﻉ ﺧﻴﺮ ..
ﺣﻨﺎﻥ : ﻭﺍﻧﺘﻲ ﻣﻦ ﺍﻫﻠﻪ ..
ﻭﻟﺖ ﺭﻫﻒ ﻟﺪﺍﺭﻫﺎ ... ﺧﺸﺖ ﻟﺴﺮﻳﺮﻫﺎ ﺗﺤﺎﻭﻝ ﺗﺮﻗﺪ .. ﺑﺲ ﺧﻮﻓﻬﺎ ﻣﻦ ﺇﻣﺘﺤﺎﻥ ﻏﺪﻭﺓ ﻣﺨﻠﻴﻬﺎ ﻗﺎﻟﻘﻪ ﻭﻣﻄﻴﺮ ﺍﻟﻨﻮﻡ ﻣﻦ ﻋﻴﻮﻧﻬﺎ .. ﺭﻫﻒ ﻣﺎﻛﺎﻧﺘﺶ ﺗﺨﺎﻑ ﻣﻦ ﺍﻟﺮﺳﻮﺏ ﻻ ... ﻛﺎﻧﺖ ﺗﺨﺎﻑ ﻣﺎﺗﺴﻜﺮﺵ ﺍﻟﺪﺭﺟﻪ ... ﻷﻧﻬﺎ ﺯﻱ ﻣﺎﻗﻠﺖ ﻗﺒﻞ ﺩﻣﺎﻏﻬﺎ ﻓﻠﺘﻪ ...
ﻗﻌﺪﺕ ﻫﻜﻲ ﻟﻴﻦ ﺭﻗﺪﺕ ﻗﺒﻞ ﺍﻟﻔﺠﺮ ﺑﺴﺎﻋﻪ ...
ﻭﻣﺠﺮﺩ ﺁﺫﻥ ﺍﻟﻔﺠﺮ ﻧﻮﺿﺘﻬﺎ ﻟﺒﻨﻰ ﺗﺼﻠﻲ .. ﻧﺎﺿﺖ ﺑﺎﻟﺴﻴﻒ ﻋﻴﻮﻧﻬﺎ ﺑﻴﺘﺴﻜﺮﻭﺍ ... ﺗﻮﺿﺖ ﻭﺻﻠﺖ ... ﻭﻭﻟﺖ ﺭﻗﺪﺕ ﻷﻥ ﻣﺎﺯﺍﻝ ﺳﺎﻋﺘﻴﻦ ﻉ ﻭﻗﺖ ﺍﻷﻣﺘﺤﺎﻥ ...
ﺍﻟﺼﺒﺢ ...
ﻟﺒﻨﻰ ﺗﻼﻋﺐ ﻓﻲ ﻣﺤﻤﺪ : ﻫﻜﻲ ﺍﻣﺲ ﻣﺎﺧﻠﺘﻴﻨﺎﺵ ﻧﺮﻗﺪﻭﺍ ﻳﺎﺷﻮﻳﻄﻴﻦ ..
ﺣﻨﺎﻥ ﺑﻀﺤﻜﻪ : ﺍﺧﺘﻚ ﻭﻳﻦ ...
ﻟﺒﻨﻰ : ﻗﺎﻟﺖ ﺍﻣﺘﺤﺎﻧﻬﺎ ﺳﺎﻋﻪ ﺗﺎﻧﻴﻪ ﻣﺎﺯﺍﻝ ...
ﺭﻥ ﺍﻟﺠﺮﺱ ﻛﺎﻧﺖ ﺳﺎﻟﻤﻪ ..
ﺣﻨﺎﻥ ﻓﺘﺤﺘﻠﻬﺎ ﻭﺳﻠﻤﺖ ﻋﻠﻴﻬﺎ ﻭﺧﺸﺖ ...
ﺣﻨﺎﻥ : ﻗﻌﻤﺰﻱ ﺍﻓﻄﺮﻱ ...
ﺳﺎﻟﻤﻪ : ﺑﺎﺭﻙ ﺍﻟﻠﻪ ﻓﻴﻚ ﻓﻄﺮﺕ ..
ﺣﻨﺎﻥ : ﻏﻴﺮ ﺯﻳﺪﻱ ﻭﺯﻱ ﻣﺎﻳﻘﻮﻟﻮﺍ ﺯﻳﺎﺩﺓ ﺍﻟﺨﻴﺮ ﺧﻴﺮﻳﻦ ...
ﺿﺤﻜﺖ ﺳﺎﻟﻤﻪ ...
ﺣﻨﺎﻥ : ﺑﻨﺘﻲ ﺍﻟﻜﺒﻴﺮﻩ ﻗﺎﻋﺪﻩ ﻓﻮﻕ .. ﺑﺎﻟﻠﻪ ﻟﻤﺎﺗﺠﻲ ﺍﻟﺴﺎﻋﻪ 8:30 ﻧﻮﺿﻴﻬﺎ ..
ﺳﺎﻟﻤﻪ : ﺣﺎﺿﺮ ...
ﻃﻠﻌﺖ ﺣﻨﺎﻥ ﻭﺑﻌﺪﻫﺎ ﻟﺒﻨﻰ ...
ﻭﻗﻌﺪﺕ ﺳﺎﻟﻤﻪ ﻓﻄﺮﺕ ﻭﻏﺴﻠﺖ ﺍﻟﻤﺎﻋﻴﻦ ﻭﻟﻬﺖ ﻣﻊ ﻣﺤﻤﺪ ... ﺭﻗﺪﺍﺗﻪ ﻭﺧﺪﺍﻫﺎ ﺍﻟﻨﻮﻡ ﻭﺭﻗﺪﺕ ﻣﻌﺎﻩ .. ﻭﺭﻫﻒ ﻓﻲ ﺳﺎﺑﻊ ﻧﻮﻣﻪ ...
ﻓﻲ ﺍﻟﺠﺎﻣﻌﻪ ..
ﺍﻟﺴﺎﻋﻪ 8:55
ﺗﻘﻮﻯ : ﻣﺎﺗﺮﺩﺵ ﺍﻟﻬﻢ ﺍﻷﺣﺮﻑ ﺍﻷﻣﺘﺤﺎﻥ ﺑﻴﺒﺪﺍ ...
ﺯﻣﻴﻠﺔ ﻟﻴﻬﻢ : ﺑﺎﻟﻚ ﺻﺎﻳﺮﻩ ﻣﻌﺎﻫﺎ ﺣﺎﺟﻪ ..
ﺗﻘﻮﻯ : ﻳﺴﺘﺮ ﺍﻟﻠﻪ .. ﻛﻴﻒ ﻳﻌﻨﻲ ﺑﻴﺮﻳﺢ ﻋﻠﻴﻬﺎ ﺍﻹﻣﺘﺤﺎﻥ؟؟ !!
ﺟﺘﻬﻢ ﻭﺣﺪﻩ : ﻫﻴﺎ ﻳﺎﺑﻨﺎﺕ ﺧﺸﻮﺍ ...
...
ﺭﻫﻒ ﻧﺎﺿﺖ ﺯﻱ ﺍﻟﻤﺨﻠﻮﻋﻪ ﺷﺎﻓﺖ ﺍﻟﺴﺎﻋﻪ ﻗﺮﻳﺐ ﺟﺘﻬﺎ ﺍﻟﺠﻠﻄﻪ
ﺗﺠﺮﻱ ﺯﻱ ﺍﻟﻤﻬﺒﻮﻟﻪ .. ﻭﻫﻲ ﺗﺒﻜﻲ ﻭﺗﻔﺮﻓﺶ .. ﻟﻘﺖ ﻓﻮﻕ 20 ﻣﻜﺎﻟﻤﻪ ﻣﻦ ﺗﻘﻮﻯ .. ﻭﻫﻲ ﻣﻦ ﺫﻫﺎﺏ ﺍﻟﺸﻴﺮﻩ ﺧﻠﺖ ﺗﻠﻴﻔﻮﻧﻬﺎ ﺻﺎﻣﺖ ..
ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﺒﻜﻲ ﻧﺰﻟﺖ ﺗﺠﺮﻱ ... ﻭﻃﻠﻌﺖ ﻣﻦ ﺍﻟﺤﻮﺵ ﻭﻗﺮﺑﻌﺖ ﺍﻟﺒﺎﺏ ﻟﻴﻦ ﻓﺎﻗﻮﺍ ﻣﻦ ﺍﻟﺨﻠﻌﻪ ﺳﺎﻟﻤﻪ ﻭﻣﺤﻤﺪ ﻭﺑﺪﻱ ﺑﻮﺻﻠﺔ ﺍﻟﻌﻴﺎﻁ ...
....
ﻗﺮﻳﺐ ﺩﺍﺭﺕ ﺣﺎﺩﺙ ﻣﻦ ﻛﺜﺮ ﻣﺎﺗﺠﺮﻱ .. ﻭﺳﺒﻬﺎ ﺳﺘﻪ ﻭﺳﺘﻴﻦ ﻭﺍﺣﺪ ﻓﻲ ﺍﻟﻄﺮﻳﻖ ﻭﻫﻲ ﺗﺒﻜﻲ .. ﻟﻴﻦ ﻭﺻﻠﺖ ﻓﻲ ﺍﻟﻜﻠﻴﻪ .. ﺍﻟﺴﺎﻋﻪ 9:30 ﻭﺍﻹﻣﺘﺤﺎﻥ ﺳﺎﻋﻪ ﻭﻧﺺ ...
ﻭﺍﻟﺪﻛﺘﻮﺭ ﻣﺘﺎﻉ ﺍﻟﻤﺎﺩﻩ ﺍﺣﺮﻑ ﺍﺻﺮﻑ .. ﻭﺻﻠﺖ ﻓﻲ ﺑﺎﺏ ﺍﻟﻘﺎﻋﻪ ﻃﻘﺖ ﻭﺑﺘﺨﺶ ..
ﺍﻟﺪﻛﺘﻮﺭ : ﻭﻟﻲ ﻭﻟﻲ .. ﺍﻃﻠﻌﻲ ﻣﻦ ﻭﻳﻦ ﻣﺎﺟﻴﺘﻲ ..
ﺭﻫﻒ : ﻳﺎﺩ ....
ﺍﻟﺪﻛﺘﻮﺭ : ﺍﻃﻠﻌﻲ ﻳﺎﺭﻫﻒ ...
ﺭﻫﻒ ﻋﺎﺭﻓﻪ ﻣﺴﺘﺤﻴﻞ ﻳﻘﺘﻨﻊ ﻭﺍﻟﻠﻲ ﻳﻨﺎﻗﺸﻪ ﻳﻌﺎﻧﺪ ﻣﻌﺎﻩ ..
ﺭﻫﻒ ﻃﻠﻌﺖ ﻭﻫﻲ ﺗﺒﻜﻲ ﻫﻠﺒﻪ ... ﻉ ﺟﻴﺔ ﺍﺳﻨﺎﻡ ﻳﺒﺪﺍ ﺇﻣﺘﺤﺎﻧﻪ ﺍﻟﺴﺎﻋﻪ ﻋﺸﺮﺓ ﻓﺎﻟﻤﺎﺩﻩ ﺍﻟﻮﺣﻴﺪﻩ ﺍﻟﻠﻲ ﻗﻌﺪﺗﻠﻪ .. ﻟﻘﺎﻫﺎ ﺗﺒﻜﻲ .. ﻧﺴﻲ ﻛﻞ ﺷﻲ ﻭﺍﺫﻛﺮ ﺑﺲ ﺍﻥ ﺍﻟﻠﻲ ﺗﺒﻜﻲ ﻫﺎﺩﻱ ﺭﻭﺣﻪ ﺍﻟﻠﻲ ﻋﺎﻳﺶ ﺑﻴﻬﺎ ..
ﺟﺎﻫﺎ ﻳﺠﺮﻱ : ﺭﻫﻒ ﺧﻴﺮﻙ ﺷﻦ ﻓﻲ ..
ﺭﻫﻒ ﺷﺒﺤﺘﻠﻪ ﻭﺑﻌﺒﺮﺗﻬﺎ : ﻋﻄﻠﺖ ... ﻣﺎﺑﺎﺵ .. ﻳﺪﺧﻠﻨﻲ ... ﻭﻗﻌﺪﺕ ﺗﺒﻜﻲ ...
ﺃﺳﻨﺎﻡ : ﺧﻼﺹ ﺍﻫﺪﻱ .. ﺣﺘﻨﺤﻞ ..
ﻣﺸﻲ ﻃﻖ ﻉ ﺍﻟﺒﺎﺏ .. ﻭﻛﻠﻢ ﺍﻟﺪﻛﺘﻮﺭ ﺑﺮﻏﻢ ﺣﺒﻪ ﻷﺳﻨﺎﻡ ﻭﺗﻘﺪﻳﺮﻩ ﻟﻴﻪ ﺻﻜﺮ ﺭﺍﺳﻪ ... ﻃﻠﻊ ﺍﺳﻨﺎﻡ ﻣﻌﺼﺐ ﻫﻠﺒﻪ ..
ﺭﻫﻒ ﺑﺒﻜﻲ : ﺧﻼﺹ .. ﺭﺍﺣﺖ ...
ﺍﺳﻨﺎﻡ ﻗﻠﺒﻪ ﻳﺘﻤﺰﻕ ﺗﻤﺰﻳﻖ : ﺍﺳﻜﺘﻲ .. ﻣﺎﺗﻘﻮﻟﻴﺶ ﻫﻜﻲ .. ﻭﺭﺏ ﺍﻟﻌﺰﺓ ﺍﻣﺘﺤﺎﻧﻚ ﺣﺪﻳﺮﻳﻪ ... ﻏﻴﺮﺑﺎﻟﻠﻪ ﻋﻠﻴﻚ ﻫﺪﻱ ﺭﻭﺣﻚ .. ﺧﺪﺍﻫﺎ ﻣﻦ ﻳﺪﻫﺎ ﻭﻗﻌﻤﺰﻫﺎ ﻉ ﻛﺮﺳﻲ ... ﺷﻮﻳﻪ ﻭﺟﺎﻱ ..
ﻭﻃﻮﻝ ﻣﺸﻲ ﺟﺮﻱ ﺭﻛﺐ ﻓﻮﻕ ... ﻭﻣﺸﻲ ﻟﻤﻜﺘﺐ ﺍﻟﻌﻤﻴﺪ ﻗﺒﻞ ﻟﻴﺨﺶ ﺍﺗﺼﻞ ﺑﺒﻮﻩ ﻷﻧﻪ ﺩﻛﺘﻮﺭ ﻣﻌﺮﻭﻑ ﻫﻠﺒﻪ ﻭﻟﻴﻪ ﻗﺪﺭﻩ ﻭﺍﺣﺘﺮﺍﻣﻪ ﻭﺻﺪﻳﻖ ﺍﻟﻌﻤﻴﺪ .. ﻭﺿﺤﻠﻪ ﺍﻟﻠﻲ ﺻﺎﺭ ...
ﺧﺶ ﺍﺳﻨﺎﻡ ﺑﻌﺪ ﻛﻤﻞ ﺍﻟﻤﻜﺎﻟﻤﻪ ... ﻛﻠﻢ ﺍﻟﻌﻤﻴﺪ ﻭﺣﻜﺎﻟﻪ ﻭﺷﻮﻳﻪ ﻭﺍﺗﺼﻞ ﺑﻮﻩ ﻭﺍﺳﻨﺎﻡ ﻳﺸﻮﻑ ﻓﻲ ﺍﻟﺴﺎﻋﻪ .. ﻣﺎﻳﻔﻜﺮﺵ ﻓﺈﻣﺘﺤﺎﻧﻪ ﻻ ﻓﺈﻣﺘﺤﺎﻧﻬﺎ ﻫﻲ ..
ﻛﻤﻞ ﺍﻟﻌﻤﻴﺪ ﺍﻟﻤﻜﺎﻟﻤﻪ ﻭﻧﺰﻝ ﻣﻌﺎﻩ ...
ﺭﻫﻒ ﺍﻟﻠﻲ ﻗﺮﻳﺐ ﺗﻤﻮﺕ ﻭﻓﺎﻗﺪﻩ ﺍﻷﻣﻞ ... ﺷﺎﻓﺖ ﺍﻟﻌﻤﻴﺪ ﻣﻊ ﺃﺳﻨﺎﻡ .. ﺧﺸﻠﻪ ﺍﻟﻌﻤﻴﺪ ﻭﺍﺳﻨﺎﻡ ﺟﺎﻫﺎ ..
ﺍﺳﻨﺎﻡ : ﺑﺈﺫﻥ ﺍﻟﻠﻪ ﺣﺪﻳﺮﻳﻪ ...
ﺭﻫﻒ ﺑﺮﺟﺎﺀ : ﻳﺎﺍﺍﺭﺏ ..
ﺷﻮﻳﻪ ﻭﻃﻠﻊ ﺍﻟﻌﻤﻴﺪ ﻭﻣﻌﺎﻩ ﺍﻟﺪﻛﺘﻮﺭ ..
ﺍﻟﺪﻛﺘﻮﺭ : ﺭﻫﻒ ﺍﻧﺘﻲ ﻃﺎﻟﺒﻪ ﻣﻨﻀﺒﻄﻪ ﺗﺘﺄﺧﺮﻱ ﻧﺺ ﺳﺎﻋﻪ ﻣﺎﻓﻴﺶ ﻋﻨﺪﻱ ﺷﻲ ﺣﻴﺸﻔﻌﻠﻚ ﻭﻳﺨﻠﻴﻨﻲ ﻧﺪﺧﻠﻚ ﺑﺲ ﻫﺎﻟﻤﺮﻩ ﻉ ﺧﺎﻃﺮ ﺍﻟﺪﻛﺘﻮﺭ ﻣﺤﻤﺪ .. ﺧﺸﻲ ﺑﺴﺮﻋﻪ ...
ﺭﻫﻒ ﺗﻘﻮﻝ ﻣﻴﺖ ﻭﺭﺩﻭﻟﻪ ﺍﻟﺮﻭﺡ ﺧﺸﺖ ﻃﻮﻝ ﺗﺠﺮﻱ ...
ﻭﺍﺳﻨﺎﻡ ﻫﺬﺍ ﻭﻳﻦ ﺍﺭﺗﺎﺡ ...
ﺍﻟﺪﻛﺘﻮﺭ ﺿﺤﻚ ﻭﺧﺶ ... ﻭﺍﻟﻌﻤﻴﺪ ﺍﺑﺘﺴﻢ ﻭﻣﺸﻲ ..
ﺍﺳﻨﺎﻡ ﺍﺫﻛﺮ ﺍﻣﺘﺤﺎﻧﻪ ﻭﻣﺸﻲ ﻳﺠﺮﻱ .. ﻓﺎﺕ ﻣﻨﻪ ﺭﺑﻊ ﺳﺎﻋﻪ .. ﺳﻤﺤﻮﻟﻪ ﻳﺨﺶ ﻭﺧﺶ ﺩﺍﺭﻩ ...
***
ﻣﻘﻌﻤﺰﺓ ﻓﻲ ﻣﻜﺘﺒﻬﺎ ﺗﺸﻮﻑ ﻓﻲ ﻣﻠﻒ ﻭﺣﺪﻩ ﻣﻦ ﺍﻟﻘﻀﺎﻳﺎ ..
ﻃﻖ ﺍﻟﺒﺎﺏ ...
ﻳﺎﺭﺍ : ﺗﻔﻀﻞ ...
ﻓﺘﺢ ﺍﻟﺒﺎﺏ ﻭﺧﺶ .. ﻭﺻﻜﺮﻩ ﻭﺭﺍﻩ ...
ﻳﺎﺭﺍ ﻣﺶ ﻣﻨﺘﺒﻬﻪ ...
" ﺃﺳﺘﺎﺍﺍﺍﺍﺍﺍﺣﺸﺸﺸﺸﺘﻚ "
ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ ﻭﺭﻓﻌﺖ ﺭﺍﺳﻬﺎ ﻭﺗﺸﺒﺢ ﺑﺤﻘﺪ ...
ﺇﻟﻴﺎﺱ ﺑﺈﺳﺘﻔﺰﺍﺯ : ﻭﺍﺳﺘﺎﺣﺸﺖ ﺍﻟﻨﻈﺮﺓ ﻣﺘﺎﻋﻚ ﻫﺎﺩﻱ .. ﻭﺍﺳﺘﺎﺣﺸﺖ ﺍﻳﺎﺍﺍﺍﻣﻨﺎ ... ﻭﺍﺳﺘﺎﺣﺸﺸﺸﺖ ﻟﻴﺎﺍﺍﺍﻟﻴﻨﺎ ... ﻭﺃﺳﺘﺎﺍﺍﺍﺣﺸﺖ ﻫﺪﻳﻜﺎ ﺍﻻﻳﺎﻡ ﺍﻟﻠﻲ ﺗﻼﻗﻴﻨﺎ ﻓﻴﻬﺎ ﻑ ******... ﺍﺍﺍﺍﺍﻩ ﻭﻳﻦ ﺃﻳﺎﻣﻚ ﻳﺎﺑﺎﺍﺍﺍﺭ ****.. ﺍﻳﺎﺍﺍﺍﻡ ﺍﻟﺒﻨﻴﻪ ﺍﻟﺴﻤﺮﺍ ﺍﻟﻠﻲ ﻛﺎﻧﺖ ﻭﺍﻗﻔﻪ ﺗﻘﺪﻡ ﻓﻲ ﺍﻟﻮﺳﻜﻲ ﻭﺍﻟﺒﻴﺮﺍ ...
ﻭﺧﺸﺖ ﺭﺍﺳﻲ .... ﻭﻭﻭﻭ ...
ﻳﺎﺭﺍ ﻭﺩﻣﻮﻋﻬﺎ ﻳﻨﺰﻟﻮﺍ : ﺻﻜﻜﻜﻜﺮ ﻓﻤﻚ ﺍﺳﻜﻜﻜﻜﻜﻜﻜﺖ ...
ﺧﺸﺖ ﺍﻟﺴﻜﺮﺗﻴﺮﻩ ﺗﺠﺮﻱ : ﺧﻴﺮ ﺍﺳﺘﺎﺩﻩ ﻳﺎﺭﺍ ﺗﺒﻲ ﻧﺒﻠﻎ ﻓﻴﻪ ..
ﺇﻟﻴﺎﺱ ﺑﺘﻬﻜﻢ : ﺍﻳﻪ ﺑﻠﻐﻲ ﻓﻴﺎ ﻣﺎﻋﻨﺪﻳﺶ ﻣﺸﻜﻠﻪ ..
ﻳﺎﺭﺍ : ﺍﻃﻠﻌﻲ ﻳﺎﻧﻬﻰ ..
ﻧﻬﻰ ﻃﻠﻌﺖ ﻭﻫﻲ ﺗﺸﺒﺢ ﻹﻟﻴﺎﺱ ﺑﻘﺮﻑ ﻭﺻﻜﺮﺕ ﺍﻟﺒﺎﺏ ...
ﻳﺎﺭﺍ : ﺷﻦ ﺗﺒﻲ ﻣﻨﻲ ﻳﺎﺣﻘﻴﺮ ..
ﺇﻟﻴﺎﺱ : ﺣﻘﻴﺮ !!! ﺍﻩ ﻳﺎﻭﻛﺎﻻ ﻳﺎﻧﻜﺎﺭﺓ ... ﻧﺴﻴﺘﻲ ﺟﻤﻴﻠﻲ ﺍﻟﻠﻲ ﻓﺮﻗﺒﺘﻚ .. ﻧﺴﻴﺘﻲ ﺍﻥ ﺍﻟﺤﻘﻴﺮ ﻫﺬﺍ ﻫﻮ ﺍﻟﻠﻲ ﺍﻧﺘﺸﻠﻚ ﻣﻦ ﻫﺬﺍﻛﺎ ﺍﻟﺨﻤﺮ ﻭﺧﻼﻙ ﻳﺎﺭﺍ ﺍﻟﻠﻲ ﺗﻮﺍ ... ﺣﻮﻟﻚ ﻣﻦ ﺑﻨﺖ ﻛﺎﻧﺖ ﻣﺠﺮﺩ ﺗﺴﻠﻴﻪ ﻟﻠﺼﻌﺎﻟﻴﻚ ﻓﻲ ﺍﻟﺒﺎﺭﺍﺕ ﻟﻤﺤﺎﻣﻴﻪ ﻟﻴﻬﺎ ﺍﺳﻤﻬﺎ ﻭﻭﺯﻧﻬﺎ ... ﻟﻜﻦ ﺍﻧﺘﻲ ﺑﺸﻦ ﻗﺎﺑﻠﺘﻴﻨﻲ ... ﻣﺠﺮﺩ ﻣﺎﻗﻮﻳﺘﻲ ﺍﻭﻝ ﻣﻦ ﺍﺫﻳﺘﻴﻪ ﻛﺎﻥ ﺍﻧﻲ ...
ﻳﺎﺭﺍ : ﻣﺎﻣﻠﻴﺘﺶ ﻭﺍﻧﺖ ﺗﻐﻨﻲ ﻓﻲ ﻧﻔﺲ ﺍﻷﻏﻨﻴﻪ ﻣﺎﻣﻠﻴﺘﺶ ... ﺍﻧﺖ ﺧﺪﻳﺖ ﻣﻘﺎﺑﻞ ﻛﻞ ﺷﻲ ﺩﺭﺗﻪ ﻭﺍﺳﺘﻔﺪﺕ ﻫﻠﺒﻪ ﻣﻦ ﻧﺠﺎﺣﻲ .. ﻣﺶ ﺍﻧﺖ ﺍﻟﻠﻲ ﺩﻳﺮ ﺣﺎﺟﻪ ﺑﻼﺵ ﻳﺎﺇﻟﻴﺎﺱ ﻭﻻﺷﻬﺎﻣﻪ ﻭﻛﺮﻡ ﻣﻨﻚ ﻹﻧﻚ ﻣﺎﺗﻌﺮﻓﺶ ﺍﻟﺤﺎﺟﺎﺕ ﻫﺎﺩﻱ ...
ﺇﻟﻴﺎﺱ : ﺍﻫﺎ ﻳﻌﺮﻓﻬﻢ .. ﻧﻀﺎﻝ ... ﺍﻟﻠﻲ ﻣﺘﺰﻭﺝ ﻗﺒﻠﻚ ﻣﺮﺍﺓ ﺯﻱ ﺍﻟﺬﻫﺐ ﻭﺑﺪﻟﻬﺎ ﺑﻴﻚ ... ﻳﺎﻓﺎﺍﺍﻟﺼﻮ .. ﻓﺎﺍﺍﻟﺼﻮ ...
ﻳﺎﺭﺍ ﻗﺮﻳﺐ ﺗﻤﻮﺕ ﻣﻦ ﺗﻠﻤﻴﺤﺎﺗﻪ ﻭﺗﺘﻤﻨﻰ ﻟﻮ ﺗﻘﺪﺭ ﺗﻘﺘﻠﻪ ﻭﺗﻔﺘﻚ ﻣﻨﻪ ..
ﺇﻟﻴﺎﺱ : ﺍﻣﻤﻢ ... ﺍﺳﻒ ﻳﺎﺑﻴﺒﻲ ... ﻣﺎﻧﻘﺪﺭﺵ ﻧﻄﻮﻝ ﻣﻌﺎﻙ ﺍﻛﺜﺮ ﻣﻦ ﻫﻜﻲ ... ﻣﺮﺓ ﺗﺎﻧﻴﻪ ﻳﺎﺭﻭﺣﻲ ﻧﻘﻌﺪ ﻣﻌﺎﻙ ﻟﻴﻦ ﺗﻤﻠﻲ ﻣﻨﻲ .. ﺑﺎﻳﺎﺍﺍﺍﺍﺕ ... ﻳﺎ ﺟﻴﻨﻔﻴﺮ ... ﺍﺍﺍﻩ ﻗﺼﺪﻱ ﻳﺎﺍﺍﺍﺭﺍ ...
ﻭﻟﻒ ﻭﻃﻠﻊ .. ﻭﻫﻲ ﺍﻧﻬﺪﺕ ﻉ ﺍﻟﻜﺮﺳﻲ ﻭﻗﻌﺪﺕ ﺗﺒﻜﻲ ...
***
ﻟﻠﺤﻈﻪ ﺣﺴﻴﺖ ﺭﻭﺣﻲ ﺑﻨﻤﻮﺕ ﻳﺎﺗﻘﻮﻯ ..
ﺗﻘﻮﻯ : ﺣﺘﻰ ﺍﻧﻲ ﻣﻦ ﻛﺜﺮ ﻣﺎﻧﺨﻤﻢ ﻓﻴﻚ ..
ﺭﻫﻒ : ﺍﻟﻠﻲ ﺩﺍﺭﻩ ﺍﺳﻨﺎﻡ ﻻﺧﺮ ﻳﻮﻡ ﻓﻌﻤﺮﻱ ﻣﺎﺣﻨﻨﺴﺎﻩ ... ﺻﺢ ﻫﻮ ﻳﻨﺮﻓﺰ ﻓﻴﺎ .. ﻟﻜﻦ ﻣﺎﺭﻳﺘﺶ ﺍﻃﻴﺐ ﻣﻦ ﻗﻠﺒﻪ ﻭﻻ ﺍﺣﺴﻦ ﻣﻦ ﺍﺧﻼﻗﻪ ..
ﺗﻘﻮﻯ : ﻭﻗﻨﻴﻦ ﻫﻠﺒﻪ ﻭﻋﻴﻮﻧﻪ ﺯﺭﻕ ﻭﻣﻦ ﻋﻴﻠﻪ ﻣﻌﺮﻭﻓﻪ ... ﻭﺃﻟﻒ ﺑﻨﺖ ﺗﺘﻤﻨﻰ ﻳﺸﻮﻓﻠﻬﺎ ﻏﻴﺮ ﻫﻮﻣﺎﻳﺸﻮﻓﺶ ﺇﻻ ﻓﻮﺣﺪﻩ ﺑﺲ
ﺭﻫﻒ : ﺍﻳﻪ ﺗﻮﺗﻲ ﻗﻮﻟﻴﻠﻲ ﻣﻦ ﻫﻴﺎ ﺑﺎﻟﻚ ﻧﻘﺪﺭ ﻧﺴﺎﻋﺪﻩ ﻭﻧﻘﺮﺏ ﺑﻴﻨﻬﻢ ..
ﺗﻘﻮﻯ ﺑﻨﻔﺎﺫ ﺍﻟﺼﺒﺮ : ﻳﺎﺭﻳﺘﻚ ﻣﺎﺧﺸﻴﺘﻲ ﺍﻹﻣﺘﺤﺎﻥ ﻭﻻ ﺻﺎﺭ ﻣﻨﻚ .. ﻭﻧﺎﺿﺖ ﻣﻦ ﺣﺪﺍﻫﺎ ﻭﺧﻠﺘﻬﺎ ...
ﺭﻫﻒ : ﻛﺎﻥ ﻧﻌﺮﻑ ﺧﻴﺮﻫﺎ ﻭﻳﻦ ﻧﺠﻴﺒﻠﻬﺎ ﻫﺎﻟﺴﻴﺮﺓ ﺭﺩﺓ ﻓﻌﻠﻬﺎ ﺗﻜﻮﻥ ﻫﻜﻲ ... ﻛﺎﻥ ﻣﺶ ﻧﻌﺮﻑ ﺍﻧﻬﺎ ﻫﻲ ﻭﻟﺆﻱ ﻳﺤﺒﻮﺍ ﺑﻌﺾ ﺭﻩ ﻗﻠﺖ ﺗﺒﻴﻪ ...
ﻉ ﺟﻴﺔ ﻣﻬﺎﺏ ...
ﻣﻬﺎﺏ : ﺷﻦ ﺍﻟﻠﻲ ﺳﻤﻌﺘﻪ ﻫﺬﺍ؟
ﺭﻫﻒ : ﻭﺍﻟﻠﻪ ﺍﻟﻴﻮﻡ ﻋﻦ ﻗﺮﻳﺐ ﻣﺘﺖ ..
ﻣﻬﺎﺏ ﻗﻌﻤﺰ : ﺑﻌﻴﺪ ﺍﻟﺴﻮ ﻋﻠﻴﻚ .. ﺍﻟﻤﻬﻢ ﺍﻧﺤﻠﺖ ..
ﺭﻫﻒ : ﺍﻳﻪ ﺍﻟﺤﻤﺪ ﻟﻠﻪ ...
ﻣﻦ ﺑﻌﻴﺪ ﻳﺸﻮﻓﻠﻬﻢ ﻭﻣﻌﺎﻩ ﺻﺎﺣﺒﻪ ..
ﺍﺳﻨﺎﻡ : ﻣﺎﻓﻴﺶ ﻓﺎﻳﺪﻩ ﻳﺎﺻﺎﺣﺒﻲ ﻣﺎﺗﺒﻴﺶ ﺗﻔﻬﻢ ... ﺍﻭ ﻣﻤﻜﻦ ﺗﻜﻮﻥ ﻓﺎﻫﻤﻪ ﻟﻜﻦ ﻓﻲ ﻏﻴﺮﻱ ﻓﻘﻠﺒﻬﺎ ...
ﻟﺆﻱ : ﺧﻼﺹ ... ﻃﻠﻌﻬﺎ ﻣﻦ ﺭﺍﺳﻚ ... ﻭﺍﺭﺗﺎﺡ ﻛﺎﻥ ﻫﻜﻲ ..
ﺃﺳﻨﺎﻡ ﺗﻨﻬﺪ : ﻭﻫﺬﺍ ﺍﻟﻠﻲ ﺣﻴﺼﻴﺮ ...
***
ﺧﺎﺷﻪ ﻟﻤﻜﺘﺒﻬﺎ ﻭﻫﻲ ﺗﺴﺘﻐﻔﺮ ... ﻗﻌﻤﺰﺕ ...
ﻗﺪﻣﺘﻠﻬﺎ ﺯﻣﻴﻠﺘﻬﺎ ﺍﻟﻠﻲ ﻣﻌﺎﻫﺎ ..
: ﺩﺍﻣﻚ ﺩﺍﻳﺮﻩ ﺭﻭﺣﻚ ﺷﻴﺨﻪ ﻭﺗﺨﺎﻓﻲ ﺭﺑﻚ .. ﻋﻼﺵ ﺗﻘﻄﻌﻲ ﻓﻲ ﺭﺯﻕ ﻏﻴﺮﻙ ..
ﺣﻨﺎﻥ ﺭﻓﻌﺖ ﺣﻮﺍﺟﺒﻬﺎ ﺑﺪﻫﺸﻪ : ﺗﻜﻠﻤﻲ ﻓﻴﺎ؟ !!!
ﻧﺠﻼﺀ : ﺍﻳﻪ ... ﻧﻜﻠﻤﻚ ﻓﻴﻚ .. ﻫﻮ ﻓﻲ ﺣﺪ ﻏﻴﺮﻙ ﻣﻌﺎﻱ ﻫﻨﻲ !!
ﺣﻨﺎﻥ : ﺍﻫﺎ .. ﻣﺶ ﺣﻨﺮﺩ ﻋﻠﻴﻚ ﻛﻼﻣﻚ ﻣﺎﻳﻌﻨﻴﻨﻴﺶ ..
ﻧﺠﻼﺀ ﻗﺪﻣﺖ ﺍﻛﺜﺮ : ﻣﺎﺗﺎﻛﻠﻴﺶ ﻟﻘﻤﺔ ﻏﻴﺮﻙ ﻭﺍﺷﺒﻌﻲ ﻳﺎﺳﺮﻙ ..
ﺣﻨﺎﻥ : ﻻﺣﻮﻝ ﻭﻻﻗﻮﺓ ﺇﻻﺑﺎﻟﻠﻪ ... ﺷﺒﺤﺘﻠﻬﺎ .. ﺷﻮﻓﻲ .. ﺍﺣﻨﻲ ﻫﻨﻲ ﻧﺨﺪﻣﻮﺍ ﻟﻤﻜﺎﻥ ﻭﺍﺣﺪ ﻣﺎﻓﻲ ﺣﺪ ﻳﺨﺪﻡ ﺑﺮﻭﺣﻪ .. ﺑﺲ ﻛﻞ ﻭﺍﺣﺪ ﻳﺜﺒﺖ ﻧﻔﺴﻪ .. ﺍﺧﺪﻣﻲ ﻉ ﺭﻭﺣﻚ ﻭﺃﺛﺒﺘﻲ ﻧﻔﺴﻚ ﻭﻣﺎﺗﻬﺪﺭﻳﺶ ﻃﺎﻗﺘﻚ ﻓﻲ ﺣﺎﺟﺎﺕ ﻓﺎﺭﻏﻪ ... ﻣﻌﻠﻴﺸﻲ ﻣﺸﻐﻮﻟﻪ ... ﻗﻌﻤﺰﺕ ﻉ ﻣﻜﺘﺒﻬﺎ ﻭﻓﺘﺤﺖ ﺍﻟﻼﺏ ﻭﺑﺪﺕ ﺗﺨﺪﻡ ﻭﻧﺠﻼﺀ ﺗﺸﺒﺤﻠﻬﺎ ﺑﺤﻘﺪ ﺷﺪﻳﺪ ﻭﻭﻟﺖ ﻟﻤﻜﺘﺒﻬﺎ ...
***
ﻣﻘﻌﻤﺰ ﻓﻲ ﻣﻜﺘﺒﻪ ﻻﻫﻲ ﺑﺎﻟﺨﺪﻣﻪ ... ﺟﺎﻩ ﻣﺪﻳﺮ ﻣﻜﺘﺒﻪ ﻭﻣﺴﺎﻋﺪﻩ ﻓﻲ ﻧﻔﺲ ﺍﻟﻮﻗﺖ ...
ﺃﻳﻤﻦ : ﻋﻤﻚ ﻭﻭﻟﺪﻩ ﺑﺮﺍ ﻳﺒﻮ ﻳﺸﻮﻓﻮﻙ ..
ﻗﺎﻡ ﻋﻴﻮﻧﻪ ﻓﻲ ﺃﻳﻤﻦ ﺑﻌﺪﻳﻦ ﻭﺯﻉ ﻧﻈﺮﻩ ﻉ ﻣﻜﺘﺒﻪ ﻭﻗﺎﻝ : ﺩﺧﻠﻮﻫﻢ ..
ﻗﺎﻡ ﺍﻳﻤﻦ ﺍﻟﺘﻠﻴﻔﻮﻥ ﻭﻛﻠﻢ ﺍﻟﺴﻜﺮﺗﻴﺮﻩ ﻭﻗﺎﻟﻠﻬﺎ ﺍﺩﺧﻠﻬﻢ ...
ﺍﻳﻤﻦ : ﺗﺘﻮﻗﻊ ﻋﻼﺵ ﺟﺎﻳﻴﻦ ..
ﻣﻌﺎﻭﻳﻪ : ﻳﺴﺘﺴﻤﺤﻮﺍ ..
ﺍﻳﻤﻦ ﺑﻀﺤﻜﻪ : ﻭﺍﻧﺖ ﺣﺘﻌﻄﻴﻬﻢ ﺍﻟﻘﺎﺿﻴﻪ ..
ﻣﻌﺎﻭﻳﻪ ﺍﺑﺘﺴﻢ ﺗﻬﻜﻤﺎ ...
ﻃﻖ ﺍﻟﺒﺎﺏ ﻭﺧﺶ ﻋﻤﻪ ﻭﻭﻟﺪ ﻋﻤﻪ ... ﻗﺪﻣﻮﺍ ﻟﻴﻦ ﻭﺻﻠﻮﺍ ﻓﻲ ﻣﻜﺘﺒﻪ ..
ﺍﻟﻌﻢ : ﺍﻟﺴﻼﻡ ﻋﻠﻴﻜﻢ ..
ﻣﻌﺎﻭﻳﻪ : ﻭﻋﻠﻴﻜﻢ ﺍﻟﺴﻼﻡ ... ﻗﻌﻤﺰﻭﺍ ...
ﻗﻌﻤﺰﻭﺍ ﺍﻟﺰﻭﺯ ...
ﻭﻟﺪ ﻋﻤﻪ : ﺣﻨﻲ ﺟﺎﻳﻴﻦ ﻭﺍﻧﺖ ﻋﺎﺭﻑ ﻣﻘﺼﺪﻧﺎ ...
ﻣﻌﺎﻭﻳﻪ : ﻻ ﻣﺶ ﻋﺎﺭﻑ ..
ﺷﺒﺤﻮﺍ ﻟﺒﻌﺾ ..
ﺍﻟﻌﻢ : ﻳﺎﻭﻟﺪﻱ .. ﺍﻟﻠﻲ ﺻﺎﺭ ﺻﺎﺭ ... ﺣﻨﻲ ﺿﺮﺑﻨﺎ ﻭﺍﻧﺖ ﺭﺩﻳﺖ ﺍﻟﻀﺮﺑﻪ ﺧﻼﺹ ... ﺍﻧﺖ ﻭﺻﻠﺘﻨﺎ ﻟﻮﺿﻊ ﺳﻲﺀ ﺑﺸﻜﻞ ﻣﺎﺗﺘﺼﻮﺭﺍﺵ .. ﻧﺴﻴﺖ ﺍﻟﺪﻡ ﺍﻟﻠﻲ ﻳﺮﺑﻄﻨﺎ ﺑﺒﻌﺾ ..
ﻣﻌﺎﻭﻳﻪ : ﺍﻧﺘﻢ ﺍﻟﻠﻲ ﻧﺴﻴﺘﻮﺍ ..
ﻭﻟﺪ ﻋﻤﻪ : ﺣﻨﻲ ﻣﺶ ﺟﺎﻳﻴﻦ ﻧﺘﻌﺎﺗﺒﻮﺍ ﻳﺎﺑﻮﻱ .. ﺟﺎﻳﻴﻦ ﻧﺤﻠﻮﻫﺎ ﺑﻴﻨﺎﺗﻨﺎ ﻭﻧﻨﻬﻮﺍ ﺍﻟﻤﺸﺎﻛﻞ .. ﻭﻧﺨﻠﻮﻙ ﻑ ﺣﺎﻟﻚ ﻭﺗﺨﻠﻴﻨﺎ ﻓﺤﺎﻟﻨﺎ ..
ﻣﻌﺎﻭﻳﻪ ﻳﺸﺒﺤﻠﻬﻢ ﺍﻟﺰﻭﺯ ﻭﺷﺒﺢ ﻷﻳﻤﻦ ﺗﻨﻬﺪ ﻭﻗﺎﻝ : ﺗﻤﺎﻡ ﻭﺍﻧﻲ ﻫﺬﺍ ﺍﻟﻠﻲ ﻧﺒﻴﻪ ..
ﺃﻳﻤﻦ ﺗﻔﺎﺟﺄ .. ﻭﻣﺶ ﻫﻮ ﺑﺲ ﺣﺘﻰ ﻋﻤﻪ ﻭﻭﻟﺪ ﻋﻤﻪ ..
ﺍﻟﻌﻢ : ﻳﻌﻨﻲ ﻳﺎﻭﻟﺪﻱ ﺧﻼﺹ .. ﺗﺨﻠﻴﻨﺎ ﻧﺨﺪﻣﻮﺍ ﻉ ﺣﺎﻟﻨﺎ ..
ﻣﻌﺎﻭﻳﻪ : ﻭﺍﻧﺘﻢ ﻓﺤﺎﻟﻜﻢ ﻭﺍﻧﻲ ﻓﺤﺎﻟﻲ ﻭﺗﻨﺴﻰ ﺗﻤﺎﻣﺎ ﺍﻧﻲ ﻭﻟﺪ ﺧﻮﻙ ...
ﺍﻟﻌﻢ ﺷﺒﺢ ﻟﻮﻟﺪﻩ : ﻉ ﻛﻴﻔﻚ ...
ﻭﻟﺪ ﻋﻤﻪ : ﻉ ﺍﻟﻌﻤﻮﻡ ﻣﺸﻜﻮﺭ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ...
***
ﺑﻌﺪ ﺍﻟﻌﺼﺮ ..
ﺭﻭﺣﺖ ﻟﻠﺤﻮﺵ ﻭﻧﻔﺴﻴﺘﻬﺎ ﺗﺎﻋﺒﻪ ﻫﻠﺒﻪ .. ﻣﺎﺷﻴﻪ ﻭﻣﺘﻮﺟﻬﻪ ﻟﻠﺪﺍﺭ ﺳﻤﻌﺖ ﺻﻮﺕ ﺯﻭﺟﻬﺎ ﻳﻜﺒﺮ ... ﻭﻟﺖ ﻟﻠﺼﺎﻟﻪ ﺷﺎﻓﺎﺗﻪ ﻻﻗﺎﺗﻪ ﻳﺼﻠﻲ ﻭﺍﻟﻠﻲ ﻓﺎﺟﺌﻬﺎ ﺍﻥ ﻃﻔﻠﻬﺎ ﺍﻟﻠﻲ ﻋﻤﺮﻩ 5 ﺳﻨﻮﺍﺕ ... ﻭﺍﻗﻒ ﺟﻨﺒﻪ ﻭﻳﻘﻠﺪ ﻓﻴﻪ .. ﻗﻌﺪﺕ ﺗﺘﻔﺮﺝ ﻋﻠﻴﻬﻢ ﻭﺗﺘﻤﻨﻰ ﻟﻮ ﻛﺎﻧﺖ ﻋﺮﻓﺖ ﻧﻀﺎﻝ ﻣﻦ ﺯﻣﺎﻥ ﻭﻟﻮ ﻛﺎﻥ ﺟﺒﺮ ﻭﻟﺪﻫﺎ ﻣﻨﻪ ... ﻛﺎﻥ ﻣﻤﻜﻦ ﻳﻜﻮﻥ ﻟﺤﻴﺎﺗﻬﺎ ﻃﻌﻢ ﺗﺎﻧﻲ ﺣﻠﻮ ﺑﺎﻟﻤﺮﻩ ... ﺗﻨﻬﺪﺕ ﻭﻭﻟﺖ ﻟﺪﺍﺭﻫﺎ ﻭﻫﻲ ﻓﻲ ﺣﺎﻟﺔ ﺣﺰﻥ ﺷﺪﻳﺪﻩ ...
***
ﻗﻌﺪﻭﺍ ﻳﻮﻣﻴﻦ ﺑﺲ ..
ﺣﻨﺎﻥ : ﻭﺗﺒﺪﺍ ﻋﻄﻠﺔ ﻧﺺ ﺍﻟﺴﻨﻪ ..
ﻣﻬﺎ : ﺍﻳﻪ ..
ﺣﻨﺎﻥ : ﺍﻣﻤﻢ ..
ﻟﺒﻨﻰ : ﻣﺎﻣﺎ ﻣﺶ ﻓﺒﺎﻟﻚ ﺷﻲ ﻟﻠﻌﻄﻠﻪ ...
ﺣﻨﺎﻥ : ﻻ ﺍﻟﺤﻖ ..
ﻣﻬﺎ : ﻣﺶ ﻋﺎﺭﻓﻪ ﺷﻦ ﺑﺪﻳﺮ ﺍﻟﺴﻨﻪ ﻫﺎﺩﻱ ﺍﻟﺴﻨﻮﺍﺕ ﺍﻟﻠﻲ ﻓﺎﺗﻮﺍ ﻛﻨﺖ ﻧﻘﻌﺪ ﻣﻊ ﺣﻨﺎﻱ ﺍﻟﻠﻪ ﻳﺮﺣﻤﻬﺎ ... ﻭﻋﻴﻮﻧﻬﺎ ﺩﻣﻌﻮﺍ
ﺣﻨﺎﻥ : ﺍﻟﻠﻪ ﻳﺮﺣﻤﻬﺎ ...
ﻟﺒﻨﻰ : ﺣﺘﻰ ﺣﻨﻲ ﺗﻐﻴﺮ ﻋﻠﻴﻨﺎ ﺍﻟﻮﺿﻊ ﻣﺶ ﺯﻱ ﻗﺒﻞ ..
ﺣﻨﺎﻥ ﺑﺘﻐﻴﺮ ﺍﻟﺠﻮ : ﻫﻴﺎ ﻳﺎﻧﻜﺪﻳﺎﺕ ﺍﻧﺘﻢ ﻓﻜﻮﻧﻲ ﻣﻦ ﺍﻟﺪﺭﺍﻣﺎ ﺗﺮﺍ .. ﻭﻧﻮﺿﻮﺍ ﻣﻌﺎﻱ ﻧﺪﻳﺮﻭﺍ ﺑﺎﻥ ﻛﻴﻚ ..
ﻟﺒﻨﻰ : ﻫﻬﻬﻬﻬﻬﻬﻬﻬﻬﻪ .. ﺍﺿﺤﻚ ﻣﺎﻣﺎ ﺗﺤﺴﺎﺑﻨﺎ ﻓﻲ ﺍﻻﺑﺘﺪﺍﺋﻲ ..
ﺣﻨﺎﻥ : ﺷﻨﻮ ﺣﺒﻴﺒﺘﻲ ﻣﺶ ﻛﺎﻥ ﺍﻟﺴﻨﻪ ﺍﻟﺠﺎﻳﻪ ﺑﺘﺨﺸﻲ ﺍﻟﺠﺎﻣﻌﻪ ﻣﻌﻨﺎﻫﺎ ﻛﺒﺮﺗﻲ .. ﻗﺎﻋﺪﻩ ﺯﻏﻨﻮﻧﻪ ﻓﻨﻈﺮﻱ ... ﻭﻣﺸﺖ ﻟﻠﻜﻮﺟﻴﻨﻪ ..
ﻣﻬﺎ ﺑﺄﺑﺘﺴﺎﻣﻪ : ﺭﺑﻲ ﻳﺤﻔﻈﻬﺎﻟﻜﻢ ...
ﻟﺒﻨﻰ : ﺳﻠﻤﻚ ﻣﻬﻮﺷﻪ ﻭﻳﺤﻔﻈﻚ ﻟﻴﻨﺎ ﺣﺘﻰ ﺇﻧﺘﻲ ..
ﺿﺤﻜﺖ ﻣﻬﺎ ..
ﺧﺸﻮﺍ ﻣﻊ ﺣﻨﺎﻥ ﺩﺍﺭﻭﺑﺎﻥ ﻛﻴﻚ .. ﺍﻟﻠﻲ ﺑﺎﻟﻌﺴﻞ ﻭﺍﻟﻠﻲ ﺑﺎﻟﺸﻜﻼﻃﻪ ﻭﺍﻟﻠﻲ ﺑﺎﻟﻤﺮﺑﻰ ...
ﺭﻥ ﺗﻠﻴﻔﻮﻥ ﻣﻬﺎ ...
ﻣﻬﺎ : ﻫﺬﺍ ﺑﺎﺑﺎ ..
ﺣﻨﺎﻥ ﺷﺒﺤﺘﻠﻬﺎ ﻭﻓﺮﺣﺖ ﻟﻤﺎ ﺳﻤﻌﺘﻬﺎ ﻗﺎﻟﺖ ﺑﺎﺑﺎ ﺑﺄﺭﻳﺤﻴﻪ ..
ﺭﺩﺕ ﻣﻬﺎ ..
ﻣﻬﺎ : ﺍﻳﻮﻩ ..... ﺍﻳﻪ ﺧﻼﺹ .... ﺑﺎﻩ .... ﺗﻤﺎﻡ ...... ﻣﻊ ﺍﻟﺴﻼﻣﻪ ... ﻭﺻﻜﺮﺕ ..
ﻟﺒﻨﻰ : ﺑﺘﺮﻭﺣﻲ ..
ﻣﻬﺎ : ﺍﻳﻪ ﺧﻼﺹ ﻫﺬﺍﻛﺎ ﻫﻮ ﺍﻟﻤﻐﺮﺏ ﺑﻴﺬﻥ ...
ﻣﻬﺎ ﻣﺸﺖ ﻟﺒﺴﺖ ﻭﺷﺎﺣﻬﺎ ﻭﺧﺪﺕ ﺷﻨﻄﺘﻬﺎ ﺳﻠﻤﺖ ﻋﻠﻴﻬﻢ ﻭﻃﻠﻌﺖ ...
ﺣﻨﺎﻥ : ﺣﻴﻲ .. ﺩﺍﺭﺍﺗﻪ ﻭﻣﺎﺫﻗﺎﺗﻪ ... ﻣﺸﺖ ﺣﻨﺎﻥ ﺷﻜﻠﺖ ﻣﻦ ﺍﻟﺒﺎﻥ ﻛﻴﻚ ﺑﺴﺮﻋﻪ ﻭﺣﻄﺎﺗﻪ ﻓﻲ ﺑﺎﻛﻮ ﻭﻃﻠﻌﺖ ﻭﺭﺍ .. ﻣﻬﺎ ..
ﺑﺮﺍ ..
ﻣﻌﺎﻭﻳﻪ ﻛﺎﻥ ﻓﻲ ﺍﻟﺴﻴﺎﺭﻩ ﻭﻣﻘﺎﻟﺶ ﻟﺒﻨﺘﻪ ﺍﻧﻪ ﺟﺎﻱ ﻳﺒﻲ ﻳﻔﺎﺟﺌﻬﺎ ..
ﻃﻠﻌﺖ ﻣﻬﺎ ... ﺷﺎﻓﻬﺎ ﺷﻮﻳﻪ ﻭﻃﻠﻌﺖ ﺣﻨﺎﻥ ﺍﺑﺘﺴﻢ ﺑﺪﻭﻥ ﺇﺭﺍﺩﻩ ﻭﺣﻮﻝ ﻧﻈﺎﺭﺍﺗﻪ ﻭﻗﻌﺪ ﻣﺮﻛﺰ ﻓﻴﻬﺎ " ﻃﺒﻌﺎ ﺍﻟﺴﻴﺎﺭﺓ ﻣﻈﻠﻤﻪ "..
ﻣﻬﺎ ﺑﻀﺤﻜﻪ : ﺻﺤﻴﺘﻲ ..
ﺣﻨﺎﻥ : ﺗﻌﺒﺘﻲ ﻓﻴﻪ ﺣﺘﻰ ﺍﻧﺘﻲ ..
ﻣﻬﺎ ﺑﺎﺳﺘﻬﺎ : ﺭﺑﻲ ﻳﺤﻔﻈﻚ ﻭﺧﻼﺹ ...
ﺣﻨﺎﻥ ﺑﻀﺤﻜﻪ : ﻭﻳﺤﻔﻈﻚ ﺣﺘﻰ ﺃﻧﺘﻲ ...
ﻣﻌﺎﻭﻳﻪ ﻟﻤﺎ ﺷﺎﻑ ﺑﻨﺘﻪ ﺟﺎﻳﻪ ﺩﺍﺭ ﺭﻭﺣﻪ ﻣﺮﻛﺰ ﻓﺘﻠﻴﻔﻮﻧﻪ ..
ﺭﻛﺒﺖ ﻭﺗﻔﺎﺟﺌﺖ : ﺍﺍﺍﻩ ﻫﻬﻬﻬﻬﻬﻬﻬﻪ ..
ﻣﻌﺎﻭﻳﻪ ﺷﺒﺤﻠﻬﺎ : ﻣﻔﺎﺟﺄﺓ ﺳﺎﺭﺓ ﻭﻻ ﻣﻨﻜﺪﻩ ..
ﻣﻬﺎ ﺑﻀﺤﻜﻪ : ﺍﻛﻴﺪ ﺳﺎﺭﻩ ﻭﺳﻌﺎﺩ ﻭﺍﻣﺎﻝ ﻣﻌﺎﻫﻢ ..
ﻣﻌﺎﻭﻳﻪ ﺍﺑﺘﺴﻢ ﻭﻗﺎﻝ ﻟﻠﺴﻮﺍﻕ : ﺗﺤﺮﻙ ...
ﺩﺍﺭ ﻧﻈﺮﻩ ﺍﺧﻴﺮﻩ ﻉ ﺍﻟﺒﺎﺏ ﻟﻘﺎﻩ ﻣﺼﻜﺮ ﺗﻨﻬﺪ ﻭﻟﺒﺲ ﻧﻈﺎﺭﺍﺗﻪ ...
ﺭﻓﻊ ﻣﻌﺎﻭﻳﻪ ﻣﻬﺎ ﻟﻤﻄﻌﻢ ﻳﺘﻌﺸﻮﺍ ﻓﻴﻪ ﻣﺤﺠﻮﺯ ﻓﻴﻪ ﻣﻜﺎﻥ ﺧﺎﺹ .. ﻣﻬﺎ ﻃﺎﺭﺕ ﻣﻦ ﺍﻟﻔﺮﺣﻪ ﺑﺎﻟﻤﻔﺎﺟﺄﺓ ﻭﻓﻲ ﻗﻠﺒﻬﺎ ﺗﺤﻤﺪ ﻓﻲ ﺭﺑﻲ ﺃﻟﻒ ﻣﺮﺓ ﺍﻟﻠﻲ ﺍﺳﺘﺠﺎﺏ ﻟﺪﻋﻮﺍﺗﻬﺎ
ﻗﻌﻤﺰﻭﺍ ﻭﻃﻠﺒﻮﺍ ...
ﻣﻌﺎﻭﻳﻪ : ﻣﺎﺯﺍﻝ ﻳﻮﻣﻴﻦ ..
ﻣﻬﺎ : ﺍﻳﻪ ...
ﻣﻌﺎﻭﻳﻪ : ﻛﻮﻳﺲ ... ﻣﺶ ﻣﻔﻜﺮﻩ ﻓﺤﺎﺟﻪ ﻟﻠﻌﻄﻠﻪ ..
ﻣﻬﺎ ﺑﺨﻮﻑ : ﻣﻔﻜﺮﻩ .. ﺑﺲ ﻣﺮﺍﺕ ﻣﺎﺗﻌﺠﺒﻜﺶ ..
ﻣﻌﺎﻭﻳﻪ : ﺣﺘﻰ ﻟﻮ ﻣﺎﻋﺠﺒﺘﻨﻴﺶ ﻣﺎﺗﺘﺮﺩﺩﻳﺶ ﻗﻮﻟﻲ ..
ﻣﻬﺎ ﺍﺑﺘﺴﻤﺖ ﻭﺗﺸﺠﻌﺖ : ﻧﺒﻲ ﻧﻤﺸﻲ ﻟﻠﻌﻤﺮﻩ ..
ﻣﻌﺎﻭﻳﻪ ﺷﺒﺤﻠﻬﺎ ﻫﻠﺒﻪ ﻭﻫﻲ ﺗﺮﺍﺟﻲ ﻓﻲ ﺭﺩﻩ ..
ﻣﻌﺎﻭﻳﻪ : ﺗﻤﺎﻡ ...
ﻣﻬﺎ ﺑﻔﺮﺣﻪ : ﺷﻜﺮﺍ ﺷﻜﺮﺍ ﺷﻜﺮﺍ ..
ﻣﻌﺎﻭﻳﻪ : ﻋﻔﻮﺍ ﺃﻭﺱ ﺛﻼﺗﻪ ...
ﻣﻬﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﻋﻨﺪﻙ ﻋﻠﻢ ﺍﻧﻚ ﺗﻬﺒﻞ ..
ﻣﻌﺎﻭﻳﻪ ﺑﻐﺮﻭﺭ : ﻗﺪﻳﻤﻪ ..
ﻣﻬﺎ ﺍﺑﺘﺴﻤﺖ " ﺳﺒﺤﺎﻧﻚ ﻳﺎﺭﺏ ﻣﺎﻳﺼﻌﺐ ﻋﻠﻴﻚ ﺷﻲ ﺗﻘﻮﻝ ﺭﻓﻌﺖ ﺑﻨﺎﺩﻡ ﻭﺣﻄﻴﺖ ﻏﻴﺮﻩ "..
ﻣﻌﺎﻭﻳﻪ : ﺍﺣﻤﻢ .. ﻣﻬﺎ ..
ﻣﻬﺎ : ﻧﻌﻢ ..
ﻣﻌﺎﻭﻳﻪ ﺣﻚ ﺣﺎﺟﺒﻪ : ﺃﺍﺍﺍ .. ﻫﺎﺩﻱ .. ﺍﻟﻤﺮﺍﺓ ... ﺍﻡ ﺻﺎﺣﺒﺘﻚ ..
ﻣﻬﺎ : ﺧﺎﻟﺘﻲ ﺣﻨﺎﻥ ..
ﻣﻌﺎﻭﻳﻪ ﺑﺈﺳﺘﻌﺒﺎﻁ : ﺍﺳﻤﻬﺎ ﺣﻨﺎﻥ !! ﺍﻳﻪ ﻫﻲ ﻫﺎﺩﻱ ..
ﻣﻬﺎ ﺑﺈﺑﺘﺴﺎﻣﻪ : ﺧﻴﺮﻫﺎ ..
ﻣﻌﺎﻭﻳﻪ ﺍﺗﻜﺎ ﻉ ﺍﻟﻜﺮﺳﻲ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﺷﺒﺢ ﻟﺒﻨﺘﻪ : ﺷﻦ ﻭﺿﻌﻬﺎ .. ﻳﻌﻨﻲ .. ﺍﺭﻣﻠﻪ ﻣﻄﻠﻘﻪ ﺷﻨﻮ ﺑﺎﻟﺰﺑﻂ ..
ﻣﻬﺎ : ﺷﺒﻪ ﻣﻄﻠﻘﻪ ..
ﻣﻌﺎﻭﻳﻪ ﺿﻴﻖ ﻋﻴﻮﻧﻪ ﺑﺈﺳﺘﻐﺮﺍﺏ : ﺷﺒﻪ .. ﻣﻄﻠﻘﻪ !! ؟
ﻣﻬﺎ : ﺷﻦ ﺑﻨﻘﻮﻟﻚ ... ﻗﺼﻪ ﻏﺮﻳﺒﻪ ﺷﻮﻱ .. ﺭﺍﺟﻠﻬﺎ ﻣﻦ ﺣﻮﺍﻟﻲ 4 ﺷﻬﻮﺭ .. ﺗﺰﻭﺝ ﻭﺣﺪﻩ ﺗﺎﻧﻴﻪ ﻭﻋﺎﻳﺶ ﻣﻊ ﺗﺎﻧﻴﻪ .. ﻭﻫﻤﺎ ﻣﺘﻔﻘﻴﻦ ﻉ ﺍﻟﻄﻼﺍﻕ ﺑﺲ ﺑﻌﺪ ﻣﺎﻟﺒﻨﺎﺕ ﻳﺘﺠﺎﻭﺯﻭﺍ ﺍﻟﺴﻨﻪ ﻫﺎﺩﻱ ﻓﻘﺮﺍﻳﺘﻬﻢ ﻭﻳﻜﻮﻧﻮﺍ ﺗﻌﻮﺩﻭﺍ ﻉ ﻭﺿﻊ ...
ﻣﻌﺎﻭﻳﻪ : ﺍﻫﺎ ... ﻳﻌﻨﻲ ﻫﻲ ﻣﺶ ﻛﻮﻳﺴﻪ ﻫﻠﺒﻪ ﺯﻱ ﻣﺎﻧﺘﻲ ﺗﻘﻮﻟﻲ ... ﻣﻄﻠﻌﺘﻴﻬﺎ ﺍﺣﺴﻦ ﺍﻟﺒﺸﺮ ﻓﻲ ﺍﻟﺪﻧﻴﺎ ..
ﻣﻬﺎ ﺑﻀﺤﻜﻪ : ﺗﻌﺮﻑ ﻗﺎﺑﻠﺖ ﺭﺍﺟﻠﻬﺎ ﻣﺮﻩ ﻭﺣﺪﻩ ﻭﻛﺎﻧﺖ ﻋﻨﺪﻱ ﺍﻣﻨﻴﻪ ﻧﺴﺄﻟﻪ ﺷﻦ ﻛﺎﻥ ﻳﺘﻌﺎﻃﻰ ﻟﻤﺎ ﺳﻴﺒﻬﺎ ﻭﺗﺰﻭﺝ ﻋﻠﻴﻬﺎ .. ﻭﺣﺪﻩ ﺯﻳﻬﺎ .. ﺫﻭﻕ ﻭﺍﺧﻼﻕ ﻭﺩﻳﻦ ﻭﻋﻠﻢ ﻭﺣﻨﻮﻧﻪ ﻭﻃﻴﺒﻪ ﻟﻴﻦ ﺧﻼﺹ ... ﻭﺣﻠﻮﺓ ﻋﺴﻞ ﻣﺎﺗﻌﻄﻴﻬﺎ ﻋﻤﺮﻫﺎ .. ﻛﻴﻒ ﻭﺣﺪﻩ ﺯﻱ ﻫﺎﺩﻱ ﻳﺎﺧﺪ ﻋﻠﻴﻬﺎ ...
ﻣﻌﺎﻭﻳﻪ ﺭﻓﻊ ﺣﻮﺍﺟﺒﻪ ﻭﻭﻗﻠﺒﻪ ﻳﺪﻕ : ﺍﻭﻭﻭﻑ ﻟﻬﺎﻟﺪﺭﺟﻪ !!
ﻣﻬﺎ : ﻭﺍﻟﻠﻪ ﻣﺎﺯﺩﺕ ﺣﺎﺟﻪ ﻣﻦ ﻋﻨﺪﻱ .. ﺍﻧﺖ ﻣﺎﺗﻌﺮﻓﻬﺎﺵ ﻋﻦ ﻗﺮﺏ ﺯﻳﻲ ..
ﻣﻌﺎﻭﻳﻪ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﺷﻦ ﺷﻬﺎﺩﺗﻬﺎ ..
ﻣﻬﺎ : ﻭﺍﺧﺪﻩ ﻣﺎﺟﺴﺘﻴﺮ ﻓﻲ ﺍﻟﻬﻨﺪﺳﻪ ﺍﻟﻤﻌﻤﺎﺭﻳﻪ ﻣﻦ ﺟﺎﻣﻌﻪ ****** ﻓﻲ ﺃﻟﻤﺎﻧﻴﺎ ..
ﻣﻌﺎﻭﻳﻪ ﺗﻔﺎﺟﺄ : ﺗﺨﺪﻡ ؟
ﻣﻬﺎ : ﻟﻴﻬﺎ ﺷﻬﺮﻳﻦ .. ﻓﻲ ﻣﻜﺘﺐ ﻫﻨﺪﺳﻲ ...
ﻣﻌﺎﻭﻳﻪ ﻓﻜﺮ ﻭﺍﺑﺘﺴﻢ ﺑﻤﻜﺮ : ﻛﻮﻳﺲ ...
ﺟﺎﺑﻮﻟﻬﻢ ﺍﻟﻤﺎﻛﻠﻪ ﻭﺑﺪﻭﺍ ﻳﺘﻌﺸﻮﺍ ...
***
ﻳﺎﺭﺍ ﻣﺮﻳﻀﻪ ..
ﻳﺎﺭﺍ ﺭﺍﻗﺪﻩ ﻓﻲ ﺳﺮﻳﺮﻫﺎ : ﺗﻌﺒﺎﻧﻪ ﻣﻦ ﺿﻐﻂ ﺍﻟﺨﺪﻣﻪ ﻭﺍﻟﻴﻮﻡ ﺑﺮﻭﺣﻪ ﺭﺍﻓﻌﺖ ﻓﻴﻪ ﻓﺄﺭﺑﻌﻪ ﺟﻠﺴﺎﺕ ..
ﻧﻀﺎﻝ : ﺑﺎﻩ .. ﺍﺭﺗﺎﺣﻲ ﻭﻟﻮ ﺣﺴﻴﺘﻲ ﺑﺸﻲ ﻧﺎﺩﻳﻨﻲ .. ﺍﻧﻲ ﻣﻘﻌﻤﺰ ﺑﺮﺍ ﻧﺨﺪﻡ .. ﻭﺟﺒﺮ ﺗﻌﺸﺎ ﻭﺭﻗﺪ ..
ﻳﺎﺭﺍ : ﻧﺤﺒﻚ ..
ﻧﻀﺎﻝ ﺍﺑﺘﺴﻢ ﺑﺎﺳﻬﺎ ﻉ ﺭﺍﺳﻬﺎ ﻭﻏﻄﺎﻫﺎ : ﺍﺭﺗﺎﺣﻲ ﺗﻮﺍ ..
ﻳﺎﺭﺍ ﺍﺑﺘﺴﻤﺖ ﻭﻏﻤﻀﺖ ﻋﻴﻮﻧﻬﺎ .. ﻭﻫﻮ ﺻﻜﺮ ﺍﻟﻀﻲ .. ﻭﻃﻠﻊ ﻭﺻﻜﺮ ﺍﻟﺒﺎﺏ .. ﻫﻮ ﺻﻜﺮ ﺍﻟﺒﺎﺏ ﻣﻦ ﻫﻨﻲ ﻭﻫﻲ ﺍﻧﻬﺎﺭﺕ ﺑﺎﻟﺒﻜﻲ ﺑﺼﻤﺖ ﺷﺪﻳﺪ ...
***
ﺗﺘﻜﺴﻞ ﻉ ﺍﻟﻜﻨﺒﻪ ﻗﺪﺍﻡ ﺍﻟﺘﻠﻔﺰﻳﻮﻥ ..
ﻟﺒﻨﻰ : ﻣﺎﺯﺍﻝ ﺧﺎﻃﺮﻙ ﺗﺮﻗﺪﻱ !! ؟
ﺭﻫﻒ : ﻧﺎﺩﻣﻪ ﺍﻧﻲ ﺭﻗﺪﺕ ﺍﺳﺎﺳﺎ .. ﻧﻜﺮﻫﻬﺎ ﻧﻮﻣﺔ ﺑﻌﺪ ﺍﻟﻌﺼﺮ ...
ﺟﺘﻬﻢ ﺣﻨﺎﻥ ﺟﺎﻳﺒﻪ ﺳﺤﻠﺐ .. ﻋﻄﺘﻬﻢ ﺍﻟﺰﻭﺯ ﻭﺧﺪﺕ ﺣﺘﻰ ﻫﻲ ﻭﻗﻌﻤﺰﺕ ..
ﺭﻫﻒ ﺳﺎﻭﺕ ﺗﻘﻌﻤﻴﺰﺗﻬﺎ : ﻛﺎﻥ ﻧﻘﻮﻟﻠﻜﻢ ﺷﻦ ﺻﺎﺭﻟﻲ ﺍﻟﻴﻮﻡ ...
ﺣﻨﺎﻥ ﺑﺄﻧﺘﺒﺎﻩ : ﺧﻴﺮ ﺇﻥ ﺷﺎﺀ ﺍﻟﻠﻪ ..
ﺭﻫﻒ : ﻫﺬﺍ ﻳﺎﺣﻨﻪ ..... ﻭﺣﻜﺘﻠﻬﻢ ﻉ ﺍﻟﻠﻲ ﺻﺎﺭ ﺑﺎﻟﺘﻔﺼﻴﻞ ...
ﺣﻨﺎﻥ : ﺑﺎﺭﻙ ﺍﻟﻠﻪ ﻓﻴﻪ ﺭﺑﻲ ﻳﺒﺎﺭﻛﻠﻪ ﻓﻲ ﺷﺒﺎﺑﻪ ﻭﻋﻤﺮﻩ ﺍﻧﻲ ﺍﻟﻮﻟﻴﺪ ﻫﺬﺍ ﺩﻳﻤﺎ ﻳﻌﺠﺐ ﻓﻴﺎ .. ﻭﺍﻫﺘﻤﺎﻣﻪ ﺑﻴﻚ ﺧﺎﺹ ..
ﻟﺒﻨﻰ ﺍﺑﺘﺴﻤﺖ .. ﺳﻤﻌﻮﺍ ﺻﻮﺕ ﻋﻴﺎﻁ ﻣﺤﻤﺪ ﺣﻨﺎﻥ ﻧﺎﺿﺘﻠﻪ ﻃﻮﻝ ..
ﻟﺒﻨﻰ : ﻓﻬﻤﺘﻲ ﻗﺼﺪ ﻣﺎﻣﺎ ..
ﺭﻫﻒ : ﺷﻦ ﻧﻔﻬﻢ ﺑﺎﻟﺰﺑﻂ ...
ﻟﺒﻨﻰ : ﻳﺎﻋﺒﻴﻄﻪ ﻟﻤﺎ ﻗﺎﻟﺘﻠﻚ ﻣﻬﺘﻢ ﺑﻴﻚ ﺍﻫﺘﻤﺎﻡ ﺧﺎﺹ ..
ﺭﻫﻒ : ﺍﻳﻪ ﻭﺍﻟﻤﻌﻨﻲ ..
ﻟﺒﻨﻰ : ﺍﺧﺘﻲ ﺣﺒﻴﺒﺘﻲ ﺍﻧﺘﻲ ﻛﻴﻒ ﻳﻘﻮﻟﻮﺍ ﻋﻠﻴﻚ ﻧﺎﺑﻐﻪ ﻣﺶ ﻋﺎﺭﻓﻪ .. ﻳﺎﺣﻤﺎﺭﺓ ﻳﺎﻏﺒﻴﻪ ﺍﺳﻨﺎﻡ ﻳﺤﺒﻚ ..
ﺭﻫﻒ : ﺍﻳﻪ ﻋﺎﺭﻓﻪ ..
ﻟﺒﻨﻰ : ﻛﻴﻒ ﻋﺎﺭﻓﻪ .. ﻋﺎﺭﻓﻪ ﺍﻧﻪ ﻳﺤﺒﻚ ﻭﻳﺒﻴﻚ ﻭﻋﺎﺩﻱ ..
ﺭﻫﻒ ﺍﻧﺼﺪﻣﺖ : ﻟﺤﻈﻪ ﺍﻧﺘﻲ ﺷﻦ ﻗﺼﺪﻙ ..!
ﻟﺒﻨﻰ : ﺍﻣﺎﺍﺍﻥ ﻳﺎﺭﺑﻲ ... ﻳﺎﻏﺒﻴﻪ .. ﺍﺳﻨﺎﻡ ﻳﺤﺒﻚ ﺍﻟﻠﻲ ﻳﺪﻳﺮ ﻓﻴﻪ ﺃﺳﻨﺎﻡ ﻳﺪﻳﺮﻟﻚ ﻓﻴﻪ ﺣﺪ ﺗﺎﻧﻲ ﺗﻌﺮﻓﻴﻪ ... ﻓﻲ ﺣﺪ ﻣﻬﺘﻢ ﺑﻴﻚ ﺯﻱ ﺍﻫﺘﻤﺎﻣﻪ ﻫﻮ .. ﺣﺮﻛﺔ ﺍﻟﻴﻮﻡ ﺧﻴﺮ ﺩﻟﻴﻞ ...
ﺭﻫﻒ ﻗﻌﺪﺕ ﺗﺮﺍﺟﻊ ﻓﻲ ﺗﺼﺮﻓﺎﺗﻪ ﻛﻠﻬﺎ ﻣﻦ ﻭﻗﺖ ﻃﻮﻳﻞ .. ﻓﻌﻼ ﺍﺳﻨﺎﻡ ﻛﺎﻥ ﻳﺘﻌﺎﻣﻞ ﻣﻌﺎﻫﺎ ﻣﻌﺎﻣﻠﻪ ﻏﻴﺮ ...
< ﺭﻫﻒ .. ﺍﻧﺘﻲ ﺗﻬﻤﻴﻨﻲ ﻫﻠﺒﻪ .. ﻟﻮ ﻣﺎﻧﻬﻤﻜﺶ ﻭﻣﺎﻧﺠﻴﺶ ﻓﻲ ﺑﺎﻟﻚ ﺗﺴﺄﻟﻲ ﻋﻠﻴﺎ .. ﺍﻧﻲ ﺍﻟﻌﻜﺲ ﺍﺗﺠﺎﻫﻚ ..>>
ﻛﻞ ﺷﻲ ﻣﺮ ﻗﺪﺍﻣﻬﺎ ﺑﺎﻟﺘﻔﺎﺻﻴﻞ ... ﺍﻧﺪﻫﺸﺖ ﻫﻠﺒﻪ .." ﻣﻌﻘﻮﻟﻪ ﻛﻨﺖ ﻏﺒﻴﻪ ﻟﻬﺪﺭﺟﻪ .. ﺣﻴﻴﻴﻴﻲ ... ﻫﻮ ﻫﺬﺍ ﻋﻼﺵ ﻳﻌﺎﻣﻞ ﻓﻴﺎ ﻫﻜﻲ ﺍﻟﻤﺪﻩ ﺍﻷﺧﻴﺮﻩ ﻻﻧﻪ ﻏﺎﺭ ﻣﻦ ﻣﻬﺎﺏ !!! ﻳﺎﺍﺍﺍﺭﺑﻲ ﺣﻴﻴﻲ ﻋﻠﻴﻚ ﺩﻣﺎﻍ ﺩﻣﺎﻏﻲ ..." ﻭﺟﻬﻬﺎ ﺍﺣﻤﺮ ﻭﻗﻠﺒﻬﺎ ﻗﻌﺪ ﻳﺪﻕ ﻭﻣﺶ ﻣﺼﺪﻗﻪ ﺑﻜﻞ ...
ﺗﺎﻧﻲ ﻳﻮﻡ ..
ﻛﺎﻧﺖ ﻣﺘﻠﻬﻔﻪ ﺗﻤﺸﻲ ﺍﻟﻜﻠﻴﻪ .. ﻭﻛﺄﻧﻬﺎ ﻣﺎﺻﺪﻗﺖ ﻋﺮﻓﺖ ﺷﻲ ﺯﻱ ﻫﺬﺍ .. ﺑﺮﻏﻢ ﺍﻧﻬﺎ ﻋﻤﺮﻫﺎ ﻣﺎﻋﺮﻓﺖ ﻋﻦ ﺷﻌﻮﺭﻫﺎ ﺍﺗﺠﺎﻩ ﺍﺳﻨﺎﻡ ﻏﻴﺮ ﺍﻧﻪ ﺷﻌﻮﺭ ﺍﺧﻮﻩ ﻭﺻﺪﺍﻗﻪ .. ﺑﺎﻩ ﺩﺍﻣﻪ ﻫﻜﻲ ﻋﻼﺵ ﻓﺮﺣﺖ ﻟﻤﺎ ﺑﺎﻧﻠﻬﺎ ﻋﻜﺲ ﺍﻟﻠﻲ ﻛﺎﻧﺖ ﺷﺎﻳﻔﺎﺗﻪ؟ !..
ﻭﺻﻠﺖ ﻟﻠﻜﻠﻴﻪ ﻭﻓﻲ ﺷﻌﻮﺭ ﺣﻠﻮ ﺟﺪﻳﺪ ﻋﻠﻴﻬﺎ ... ﻣﺴﻴﻄﺮ ﺳﻴﻄﺮﻩ ﺗﺎﻣﻪ ...
ﺷﺎﻓﺎﺗﻪ .. ﻟﻘﺎﺗﻪ ﻭﺍﻗﻒ ﻣﻊ ﻟﺆﻱ ... ﺍﺑﺘﺴﻤﺖ ﻣﻦ ﻗﻠﺒﻬﺎ ﻭﻗﺪﻣﺘﻠﻬﻢ ..
ﺭﻫﻒ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺨﻴﺮ ..
ﺍﻟﺰﻭﺯ ﺭﺩﻭﺍ : ﺻﺒﺎﺡ ﺍﻟﻨﻮﺭ ..
ﺍﺳﻨﺎﻡ : ﻫﻲ ﺍﻧﻲ ﻣﺎﺷﻲ ..
ﺭﻫﻒ ﺗﻼﺷﺖ ﺍﺑﺘﺴﺎﻣﺘﻬﺎ : ﺍﺳﻨﺎﻡ ﻣﻤﻜﻦ ﺷﻮﻳﻪ ..
ﺍﺳﻨﺎﻡ ﺷﺒﺤﻠﻬﺎ ﻭﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﻳﺎﺭﻳﺖ ﺑﺴﺮﻋﻪ ﻷﻥ ﻋﻨﺪﻱ ﺗﻄﺒﻴﻖ ﺑﻜﺮﻱ ..
ﺭﻫﻒ : ﻣﺶ ﺣﻨﻌﻄﻠﻚ ..
ﻟﺆﻱ ﺣﺲ ﺑﺸﻲ ﻏﺮﻳﺐ : ﺗﻤﺎﻡ ﺍﻧﻲ ﻣﺎﺷﻲ ﻧﺘﻼﻗﻮﺍ ..
ﺭﻫﻒ ﺷﺒﺤﺖ ﻻﺳﻨﺎﻡ ﻭﺍﺑﺘﺴﻤﺖ : ﺍﺳﻨﺎﻡ .. ﺍﻧﺖ ﻋﻼﺵ ﺩﺭﺕ ﻣﻌﺎﻱ ﻫﻜﻲ ﺍﻣﺲ ﻗﺮﻳﺐ ﺭﻳﺤﺖ ﻋﻠﻴﻚ ﺍﻣﺘﺤﺎﻧﻚ ﺑﺴﺒﺒﻲ .. ؟
ﺃﺳﻨﺎﻡ ﺍﺑﺘﺴﻢ : ﺍﻧﺘﻲ ﺯﻱ ﺍﺧﺘﻲ .. ﻳﻌﻨﻲ ﻟﻮ ﻋﻨﺪﻱ ﺍﺧﺖ ﻭﺭﻳﺘﻬﺎ ﻓﻬﺎﻟﻤﻮﻗﻒ ﻧﺨﻠﻴﻬﺎ ..
ﺭﻫﻒ ﺿﻴﻘﺖ ﻋﻴﻮﻧﻬﺎ ﺑﺈﺳﺘﻐﺮﺍﺏ : ﺍﻳﻪ ﺻﺢ .. ﺍﻛﻴﺪ ﻣﺶ ﺣﺘﺨﻠﻴﻬﺎ .. ﺑﻪ ﺳﺆﺍﻝ ﺗﺎﻧﻲ ..
ﺃﺳﻨﺎﻡ : ﺷﻦ ﻫﻮ ..
ﺭﻫﻒ ﺗﻨﻬﺪﺕ ﻭﻗﻌﺪﺕ ﺗﺸﺒﺢ ﻟﻌﻴﻮﻧﻪ ﺑﺲ ﻭﻗﺎﻟﺖ : ﻣﻦ ﻫﻲ ﺍﻟﺒﻨﺖ ﺍﻟﻠﻲ ﺗﺤﺒﻬﺎ ..
ﺃﺳﻨﺎﻡ " ﻭﻣﺎﺯﺍﻝ ﺗﺴﺄﻟﻲ ﻓﻬﺎﻟﺴﺆﺍﻝ ﺍﻟﻐﺒﻲ ... ﻭﻣﺶ ﺣﻨﺮﺩ ﺍﻻ ﺑﻨﻔﺲ ﺍﺳﻠﻮﺑﻲ ﻓﻲ ﺍﻟﺴﺆﺍﻝ ﺍﻷﻭﻝ ": ﻭﺣﺪﻩ ﻣﺎﺗﻌﺮﻓﻴﻬﺎﺵ .. ﻣﻦ ﺍﻟﻌﻴﻠﻪ ..
ﺭﻫﻒ ﺍﻧﺼﺪﻣﺖ ﺣﺴﺖ ﺑﺮﻭﺣﻬﺎ ﻓﻤﻮﻗﻒ ﺧﻴﻴﻴﻲ ﻫﻠﺒﻪ .. ﻭﺣﺴﺖ ﺣﺘﻰ ﺑﺨﻴﺒﻪ ﺍﻣﻞ ﻭﻧﺪﻡ ﺍﻧﻬﺎ ﺍﻗﺘﻨﻌﺖ ﺑﻜﻼﻡ ﺍﺧﺘﻬﺎ : ﺍﻫﺎ ... ﻧﺤﺴﺎﺑﻬﺎ ﻫﻨﻲ .. ﻗﻠﺖ ﻧﺮﺩﻟﻚ ﺍﻟﻤﻌﺮﻭﻑ ﺑﻤﻌﺮﻭﻑ ..
ﺍﺳﻨﺎﻡ ﺍﺑﺘﺴﻢ ﺑﺘﻬﻜﻢ : ﻣﺎﻧﺒﻲ ﻣﻨﻚ ﺷﻲ ﻳﺎﺭﻫﻒ .. ﻭﺗﻮﺍ ﻋﻦ ﺍﺫﻧﻚ ﻣﺴﺘﻌﺠﻞ ﻭﻣﺸﻲ ﻣﻦ ﺣﺪﺍﻫﺎ .. ﺑﺲ ﻫﻲ ﻭﻗﺘﻬﺎ ﺣﺴﺖ ﺇﻥ ﻓﻲ ﺣﺎﺟﻪ ﻣﻨﻬﺎ ﻣﺸﺖ ﻣﻌﺎﻩ ﻭﺩﻣﻮﻋﻬﺎ ﻃﻮﻝ ﻧﺰﻟﻮﺍ ..
ﻓﺎﺕ ﻳﻮﻡ ﻭﺭﻫﻒ ﺗﻐﻴﺮ ﺣﺎﻟﻬﺎ ... ﻣﻦ ﺍﻟﻴﻮﻡ ﺍﻟﻠﻲ ﻗﻠﺒﻪ ﻭﺷﻌﻮﺭﻫﺎ ﺍﺗﺠﺎﻩ ﺃﺳﻨﺎﻡ ﺗﻐﻴﺮ ﺗﻤﺎﻣﺎ .. ﻳﻌﻨﻲ ﻭﻛﺄﻥ ﻣﺸﺎﻋﺮﻫﺎ ﻛﺎﻧﺖ ﻣﺘﻨﻜﺮﻩ ﺑﺰﻱ ﺍﻷﺧﻮﻩ ﻭﺍﻟﺼﺪﺍﻗﻪ ﻭﻓﻲ ﺍﻟﺤﻘﻴﻘﻪ ﻫﻲ ﻣﺸﺎﻋﺮ ﺣﺐ ﻣﻦ ﻧﻮﻉ ﺍﺧﺮ ... ﻣﻜﺎﻧﺘﺶ ﻓﺎﻫﻤﺘﻬﺎ ..
ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﺍﻟﻌﺼﺮ ..
ﻳﺎﺭﺍ : ﻫﻠﺒﻪ ﻣﻮﻟﻲ ﺍﻟﻤﺸﻲ ﻏﺎﺩﻱ؟
ﻧﻀﺎﻝ : ﻭﻫﻠﺒﻪ ﻣﻮﻟﻴﻪ ﻣﺮﻛﺰﻩ ﻉ ﺍﻟﻤﻮﺿﻮﻉ ﻭﻣﻜﺒﺮﺗﻴﻪ .. ﻋﺎﺭﻓﻪ ﺍﻥ ﻋﻨﺪﻱ ﺑﻨﺎﺕ ﻭﺑﻨﺸﻮﻓﻬﻢ ﺍﻣﺘﻰ ﻧﺴﺘﺎﺣﺸﻬﻢ ..
ﻭﺍﻟﻴﻮﻡ ﺍﺧﺮ ﻳﻮﻡ ﻓﻲ ﺍﻣﺘﺤﺎﻧﺎﺕ ﻟﺒﻨﻰ ﻭﻧﺒﻲ ﻧﺬﻭﺏ ﺍﻟﺜﻠﺞ ﺍﻟﻠﻲ ﺑﻴﻨﻲ ﻭﺑﻴﻨﻬﺎ .. ﻭﻗﻌﺪ ﻳﺒﺦ ﻓﻲ ﺑﺮﻓﺎﻧﻪ ﻏﺴﻞ ﺭﻭﺣﻪ ﻏﺴﻞ ..
ﻳﺎﺭﺍ : ﻛﺢ ﻛﺢ ﻛﺢ ... ﺩﻭﺷﺖ ﺑﻴﻪ ..
ﻧﻀﺎﻝ ﺣﻄﻪ : ﺍﺣﻤﻢ .. ﻧﺤﺒﻪ ﺍﻟﻌﻄﺮ ﻫﺬﺍ ﺗﻌﺮﻓﻴﻨﻲ " ﺣﻨﺎﻥ ﺗﺤﺒﻪ "
ﻳﺎﺭﺍ : ﺍﻭﻛﻲ .. ﺍﻣﺘﻰ ﻣﺮﻭﺡ ..
ﻧﻀﺎﻝ : ﻓﻲ ﺍﻟﻠﻴﻞ ﺍﻛﻴﺪ .. ﺷﺎﻑ ﺭﻭﺣﻪ ﻉ ﺍﻟﻤﺮﺍﻳﻪ .. ﻭﺍﻟﺘﻔﺖ ﺑﺎﺳﻬﺎ ﻭﻃﻠﻊ ...
ﻳﺎﺭﺍ ﺭﺍﻓﻌﻪ ﺣﻮﺍﺟﺒﻬﺎ ﻭﻣﺴﺘﻐﺮﺑﻪ ﻑ ﺣﺎﻟﻪ ﻭﻣﺎﺗﺒﻴﺶ ﺣﺎﻟﻴﺎ ﺗﻔﻜﺮ ﻓﻴﻤﺎ ﻭﺭﺍﺀ ﺫﻟﻚ ..
***
ﻳﺎﺭﺑﻲ ﺍﺣﻠﻰ ﺷﻌﻮﺭ ...
ﻣﻬﺎ : ﺧﺎﻃﺮﻱ ﻧﺮﻗﺪ ﻳﻮﻣﻴﻦ ﻉ ﺑﻌﺾ ..
ﻟﺒﻨﻰ : ﺯﻳﻚ .. ﻧﺮﻗﺪ ﻭﻳﻨﻮﺿﻮﻧﻲ ﻟﻤﺎ ﺍﺗﻢ ﺍﻟﺴﻨﻪ ﻭﻳﻘﻮﻟﻮﻟﻲ ﻟﺒﻨﻲ ﻧﻮﺿﻲ ﺭﺍﻙ ﻧﺠﺤﺘﻲ ﻣﻤﺘﺎﺯ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻧﻔﺘﺢ ﺍﻟﺒﺎﺏ ﻭﺧﺶ ﻧﻀﺎﻝ ..
ﻧﻀﺎﻝ ﺑﺈﺑﺘﺴﺎﻣﻪ : ﺍﻟﺴﻼﻡ ﻋﻠﻴﻜﻢ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻡ ﻭﻗﻌﻤﺰ ﺟﻨﺐ ﻟﺒﻨﻰ ﻭﺣﻂ ﺍﻳﺪﻩ ﻭﺭﺍﻫﺎ ﻉ ﺣﺎﻓﺔ ﺍﻟﻜﻨﺒﻪ .. ﻭﻳﺸﺒﺤﻠﻬﺎ : ﺍﻳﻪ ﻛﻴﻒ ﺣﺎﻟﻜﻢ .. ﻟﺒﻨﻰ ﺷﺎﺩﻩ ﺭﻭﺣﻬﺎ ﺑﺎﻟﺴﻴﻒ ﻣﺴﺘﺎﺣﺸﻪ ﺑﻮﻫﺎ ﺑﺲ ﻗﺎﻋﺪﻩ ﺯﻋﻼﻧﻪ ﻉ ﺍﻣﻬﺎ ..
ﺭﻫﻒ : ﺍﻟﺤﻤﺪ ﻟﻠﻪ ..
ﻣﻬﺎ : ﻛﻴﻒ ﺣﺎﻟﻚ ﻋﻤﻮ ﻧﻀﺎﻝ ...
ﻧﻀﺎﻝ ﺷﺒﺤﻠﻬﺎ ﻭﺍﺑﺘﺴﻢ : ﺍﻟﺤﻤﺪ ﻟﻠﻪ ﺑﻨﺘﻲ ﺍﻧﺘﻲ ﻛﻴﻒ ﺣﺎﻟﻚ ..
ﻣﻬﺎ ﺑﺈﺑﺘﺴﺎﻣﻪ ﺍﻟﺤﻤﺪ ﻟﻠﻪ ..
ﺣﻨﺎﻥ ﻧﺎﺿﺖ : ﻗﻬﻮﺓ ..
ﻧﻀﺎﻝ : ﻭﺳﻂ ﺯﻱ ﻣﺎﺩﻳﺮﻱ ﻓﻴﻬﺎ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺧﺸﺖ ..
ﻓﻬﺎﻟﻮﻗﺖ ..
ﺩﺭﺳﺖ ﺳﻴﺎﺭﺓ ﻗﺪﺍﻡ ﺍﻟﺤﻮﺵ ...
ﺍﻧﻔﺘﺢ ﺍﻟﺒﺎﺏ ﺍﻟﺨﻠﻔﻲ .. ﻭﻧﺰﻝ ﻣﻨﻬﺎ .. ﻗﻌﺪ ﻭﺍﻗﻒ ﻳﺸﺒﺢ ﻓﻲ ﺍﻟﺒﺎﺏ ﻭﻣﺘﺮﺩﺩ ﻫﻠﺒﻪ ﺑﺲ ﺑﻌﺪﻳﻦ ﺣﺴﻢ ﺍﻣﺮﻩ ..
ﺍﻟﺴﻮﺍﻕ : ﺍﺳﺘﺎﺫ ﻣﻌﺎﻭﻳﻪ .. ﻧﻤﺸﻲ ﻭﻻﻧﻘﻌﺪ ..
ﻣﻌﺎﻭﻳﻪ ﻭﻫﻮ ﻳﺸﺒﺢ ﻟﻠﺤﻮﺵ : ﺍﻣﺸﻲ ...
ﻣﺸﻲ ﺍﻟﺴﻮﺍﻕ ﻭﻣﻌﺎﻭﻳﻪ ﻗﺪﻡ ﺷﺒﺢ ﻟﻠﺴﻴﺎﺭﻩ ﺍﻟﻤﺪﺭﺳﻪ ﻗﺪﺍﻡ ﺍﻟﺒﺎﺏ ﺍﻟﺨﺎﺭﺟﻲ ﺍﻟﻠﻲ ﻛﺎﻥ ﻣﺮﺩﻭﺩ .. ﻗﺪﻡ ﻟﻠﺒﺎﺏ ﺩﻓﻪ ﻭﺧﺶ ... ﻭﺯﻉ ﻧﻈﺮﻩ ﻉ ﺍﻟﺠﻨﺎﻥ ﻛﻠﻪ ﻭﻫﻮ ﻣﺎﺷﻲ ... ﻟﻌﻨﺪ ﻭﺻﻞ ﻓﻲ ﺍﻟﺒﺎﺏ ﺍﻟﺪﺧﻼﻧﻲ ..
ﺩﺍﺧﻞ ..
ﻧﻀﺎﻝ : ﻗﺒﺮﺹ ﺣﻠﻮﺓ .. ﻧﻔﻜﺮ ﻧﻤﺸﻮﻟﻬﺎ ﺷﻦ ﺭﺍﻳﻜﻢ ..
ﻟﺒﻨﻰ ﺑﺤﺪﻩ : ﺣﻨﻲ ﺑﺲ .. ﻣﺎﻧﺒﻮﺵ ﺯﻳﺎﺩﻩ ﻋﺪﺩ ..
ﺭﻫﻒ ﻓﻨﺼﺖ ﻓﻴﻬﺎ ﺑﻀﺤﻜﻪ ﻭﻣﻬﺎ ﺷﺪﺕ ﺿﺤﻜﺘﻬﺎ ﺣﺘﻰ ﻫﻲ ..
ﺭﻥ ﺍﻟﺠﺮﺱ ..
ﺣﻨﺎﻥ ﻣﻦ ﺍﻟﻜﻮﺟﻴﻨﻪ : ﺍﻛﻴﺪ ﺃﺳﺎﻣﻪ ..
ﻧﺎﺽ ﻧﻀﺎﻝ ﻭﺑﺤﺪﻩ : ﺗﻮ ﻧﻔﺘﺤﻮﻟﻪ ..
ﺣﻨﺎﻥ ﻫﺰﺕ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ..
ﺗﻮﺟﻪ ﻧﻀﺎﻝ ﻟﻠﺒﺎﺏ ﻟﻤﺎ ﻓﺘﺤﻪ ..
ﻣﻌﺎﻭﻳﻪ ﺍﻟﻠﻲ ﺣﺎﻁ ﺍﻳﺪﻩ ﻓﺠﻴﻮﺑﻪ ﻟﻤﺎ ﺷﺎﻓﻪ ﺣﺲ ﺍﻧﻪ ﺷﺎﻳﻔﻪ ﻗﺒﻞ ﺍﺳﻌﻔﺎﺗﻪ ﺫﺍﻛﺮﺗﻪ ﺑﺎﻟﻤﻮﻗﻒ ﻭﺍﻧﺼﺪﻡ ..
ﺍﻣﺎ ﻧﻀﺎﻝ ﺍﻟﻠﻲ ﺍﻧﺼﺪﻡ ﻃﻮﻝ ﺍﻭﻝ ﻣﺎﺷﺎﻓﻪ ﻷﻧﻪ ﻋﺮﻓﻪ ﻣﺎﻧﺴﺎﺷﻲ ﺑﻜﻞ ﻻﻥ ﻟﻘﺎﺋﻬﻢ ﻛﺎﻥ ﺣﺎﺩ ﺑﻌﺾ ﺍﻟﺸﻲ .. ﻭﻏﺮﻭﺭ ﻣﻌﺎﻭﻳﻪ ﻛﺎﻥ ﻣﺴﺘﻔﺰ ... ﻗﻌﺪ ﻳﺪﻭﺭ ﻓﺒﺎﻟﻪ ﺳﺆﺍﻝ ﻭﺍﺣﺪ " ﻫﺬﺍ ﺷﻦ ﺟﺎﺑﻪ ﻫﻨﻲ " ﻭﻫﻮ ﻧﻔﺲ ﺍﻟﺴﺆﺍﻝ ﺍﻟﻠﻲ ﻳﺪﻭﺭ ﻓﻲ ﺑﺎﻝ ﻣﻌﺎﻭﻳﻪ ﻭﺍﻟﻠﻲ ﻋﻨﺪﻩ ﻟﻴﻪ ﺇﺟﺎﺑﻪ ﻳﺘﻤﻨﺎﻫﺎ ﺗﻜﻮﻥ ﻏﻠﻂ ...
... ﻳﺘﺒﻊ
٢٠ / ١٠ / ٢٠٢٠ · Facebook for Android · ﺭﻭﺍ
