ﺍﻟﺘﺎﻟﻲ
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 18_
ﺍﻟﻄﺮﻳﻖ ﻃﻮﻳﻠﻪ .. ﻻﺯﻡ ﻣﺎﺗﻘﺼﺮﻫﺎ ﺍﻟﻬﺪﺭﺯﺓ ... ﻫﻲ ﺍﺳﺎﺱ ﺭﺍﻓﻀﻪ ﺗﺤﻮﻝ ﻭﺟﻬﻬﺎ ﻣﻦ ﺍﻟﺮﻭﺷﻦ .. ﻭﻫﻮ ﻳﺸﻮﻓﻠﻬﺎ ﻉ ﺍﻟﺠﻨﺐ .. ﻳﺒﻲ ﻳﻐﺘﻨﻢ ﺍﻟﻔﺮﺻﻪ ﺳﺎﻋﻪ ﻭﻧﺺ ﻛﺎﻣﻠﻪ ﻓﻲ ﺟﻨﺒﻪ ﺣﺘﻰ ﻟﻮ ﻛﺎﻧﺖ ﻓﻲ ﺑﻴﻨﺎﺗﻬﻢ ﻣﺴﺎﻓﻪ .. ﺍﻟﻤﻬﻢ ﻣﻮﺟﻮﺩﻩ ﺍﻟﻤﻬﻢ ﻳﺸﻮﻑ ﻓﻴﻬﺎ ..
ﻣﻌﺎﻭﻳﻪ " ﻧﺒﻲ ﻧﻜﻠﻤﻬﺎ ﻧﺒﻲ ﻧﺴﻤﻊ ﺻﻮﺗﻬﺎ ﻧﺒﻴﻬﺎ ﺗﺸﻮﻓﻠﻲ .. ﺧﻠﺘﻨﻲ ﻃﻤﺎﻉ ﻧﺒﻲ ﻭﻧﺒﻲ ﻭﻧﺒﻲ ... ﻣﻨﻬﺎ ﻫﻲ ﺑﺲ .. ﻣﺶ ﻋﺎﺭﻑ ﺷﻦ ﻳﻌﻨﻲ ﺍﻟﻠﻲ ﺍﻧﻲ ﻓﻴﻪ ﻫﺬﺍ .. ﺣﺘﻰ ﻋﻴﻮﻧﻲ ﺭﻏﻢ ﻋﻨﻲ ﻳﺸﻮﻓﻮﻟﻬﺎ ﻣﺎﻳﺒﻮﺵ ﻳﻐﻴﺮﻭﺍ ﺍﻟﻨﻈﺮ ﻋﻨﻬﺎ .."... ﺃﻭﻭﻭﻭﻭﻑ ..
ﺣﻨﺎﻥ ﺷﺒﺤﺘﻠﻪ ﻟﻤﺎ ﺗﺄﻓﻒ ﺑﺼﻮﺕ ﻋﺎﻟﻲ ..
ﻫﻮ ﺗﻠﺨﺒﻂ ﻭﺍﻧﺤﺮﺝ : ﺍﺣﻤﻢ .. ﺍﻟﻄﺮﻳﻖ ﻃﻮﻳﻠﻪ ... ﻭﻣﻤﻠﻪ ﺑﺪﻭﻥ ﺷﻲ .. ﻗﺼﺪﻱ ﻳﻌﻨﻲ .. ﻫﺪﺭﺯﺓ ﻣﺜﻼ ﺗﻘﺼﺮﻫﺎ ...
ﺣﻨﺎﻥ ﺗﺸﺒﺢ ﺍﻟﻘﺪﺍﻡ : ﻋﻼﺵ ﻗﺒﻞ ﻣﻦ ﻛﺎﻥ ﻳﻬﺪﺭﺯ ﻋﻠﻴﻚ ﻟﻤﺎﺗﻤﺸﻲ ﻃﺮﻳﻖ ﻃﻮﻳﻠﻪ ..
ﻣﻌﺎﻭﻳﻪ : ﺃﻳﻤﻦ ... ﻭﺇﻗﺒﺎﻝ ﻣﻌﺎﻭﻧﺔ ﺍﻳﻤﻦ ...
ﺣﻨﺎﻥ : ﺍﻫﺎ ﺍﻟﺒﻨﺖ ﺍﻟﺸﻘﺮﺍ ..
ﻣﻌﺎﻭﻳﻪ ﺍﺑﺘﺴﻢ : ﺍﻳﻪ ﺍﻟﺸﻘﺮﺍ ...
ﺣﻨﺎﻥ : ﻣﻬﺎ ﺍﻣﺘﻰ ﻣﺴﺎﻓﺮﻩ ..
ﻣﻌﺎﻭﻳﻪ : ﻟﻴﻬﺎ ﺳﺎﻋﻪ ﺭﺍﻛﺒﻪ ﺍﻟﻄﻴﺎﺭﻩ ..
ﺣﻨﺎﻥ : ﻣﻦ ﻣﺎﺷﻲ ﻣﻌﺎﻫﺎ ..
ﻣﻌﺎﻭﻳﻪ : ﻣﺮﻳﻢ ...
ﺳﻜﺘﻮﺍ ﺷﻮﻳﻪ ..
ﻣﻌﺎﻭﻳﻪ " ﻣﺎﺗﺴﻜﺘﻴﺶ ﺗﻜﻠﻤﻲ "...
ﺑﺲ ﺣﻨﺎﻥ ﻗﻌﺪﺕ ﺳﺎﻛﺘﻪ ..
ﻣﻌﺎﻭﻳﻪ ﻳﻔﻜﺮ ﺷﻦ ﺑﻴﻘﻮﻝ : ﺑﻨﺎﺗﻚ ﺳﺎﻓﺮﻭﺍ؟
ﺣﻨﺎﻥ ﻭﻳﻦ ﺧﻄﺮﻭﺍ ﻋﻠﻴﻬﺎ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺍﻟﻌﺸﺮﻩ ﻣﻮﻋﺪ ﺭﺣﻠﺘﻬﻢ ..
ﻣﻌﺎﻭﻳﻪ ﺷﺎﻑ ﺍﻟﺪﻣﻮﻉ ﻓﻌﻴﻮﻧﻬﺎ ﺣﺲ ﺑﻨﺨﺼﺔ ﻓﻘﻠﺒﻪ ..." ﺧﻴﺮﻙ ﺍﻧﺖ ﺧﻴﺮﻙ ... ﺧﻼﺹ ﻳﺎﺳﺮ .." ﻳﻜﻠﻢ ﻓﻘﻠﺒﻪ
ﻣﻌﺎﻭﻳﻪ : ﺍﺣﻤﻢ .. ﺍﻧﺘﻲ ﻋﺸﺘﻲ ﻓﻲ ﺃﻟﻤﺎﻧﻴﺎ ﻓﺘﺮﻩ ﻃﻮﻳﻠﻪ؟
ﺣﻨﺎﻥ : ﺍﻧﻮﻟﺪﺕ ﻏﺎﺩﻱ ...
ﻣﻌﺎﻭﻳﻪ ﺗﻔﺎﺟﺄ : ﻭﺍﻣﺘﻰ ﻭﻟﻴﺘﻲ ﻫﻨﻲ ..
ﺣﻨﺎﻥ : ﺑﻌﺪ ﺯﻭﺍﺟﻲ ﺏ 5 ﺳﻨﻴﻦ ..
ﻣﻌﺎﻭﻳﻪ ﻟﻤﺎ ﺟﺎﺑﺖ ﺳﻴﺮﺓ ﺯﻭﺍﺟﻬﺎ ﺣﺲ ﺑﻀﻴﻖ ﺷﺪﻳﺪ ..
ﺣﻨﺎﻥ ﺷﺒﺤﺘﻠﻪ : ﺃﻧﺖ ﻋﺸﺖ ﻋﻤﺮﻙ ﻛﻠﻪ ﻫﻨﻲ؟
ﻣﻌﺎﻭﻳﻪ ﺷﺒﺤﻠﻬﺎ : ﻻ ... ﻓﺘﺮﻩ ﻣﻦ ﻋﻤﺮﻱ ﻋﺸﺘﻬﺎ ﺑﻴﻦ ﺍﻟﺴﻮﻳﺪ ﻭﺑﺮﻳﻄﺎﻧﻴﺎ
ﺣﻨﺎﻥ : ﺍﻫﺎ ...
ﺳﻜﺘﻮﺍ .. ﺷﻮﻳﻪ ﻭﺭﻥ ﺗﻠﻴﻔﻮﻥ ﺣﻨﺎﻥ ﺭﺩﺕ ..
ﺣﻨﺎﻥ : ﺍﻳﻮﻩ ﺑﻨﺘﻲ ..
ﺭﻫﻒ : ﻣﺎﻣﺎ ﺭﻛﺒﻨﺎ ﺍﻟﻄﻴﺎﺭﻩ ..
ﺣﻨﺎﻥ ﺩﻣﻮﻋﻬﺎ ﻃﺎﺣﻮﺍ ﻃﻮﻝ ..
ﻣﻌﺎﻭﻳﻪ
ﺭﻫﻒ : ﻣﺎﻣﺎ ﻻﺯﻡ ﻧﺼﻜﺮ ...
ﺣﻨﺎﻥ : ﺑﺎﻫﻲ .. ﺭﺩﻱ ﺑﺎﻟﻚ ﻉ ﺭﻭﺣﻚ ﺍﻧﺘﻲ ﻭﺍﺧﺘﻚ .. ﻭﻣﺎﺗﻌﺒﻮﺵ ﺑﻮﻛﻢ ...
ﺭﻫﻒ ﺑﺈﺑﺘﺴﺎﻣﻪ : ﺣﺎﺿﺮ ﻣﺎﻣﺎ ... ﺳﻼﻡ ..
ﺣﻨﺎﻥ : ﺍﺳﺘﻮﺩﻋﻜﻢ ﺍﻟﻠﻪ ... ﻭﻋﻠﻴﻜﻢ ﺍﻟﺴﻼﻡ ... ﺻﻜﺮﺕ .. ﻭﻗﻌﺪﺕ ﺗﺸﻮﻑ ﻟﺘﻠﻴﻔﻮﻧﻬﺎ ﻭﺩﻣﻮﻋﻬﺎ ﻳﻨﺰﻟﻮﺍ ﺑﻌﺪﻳﻦ ﻟﻔﺖ ﻭﺟﻬﻬﺎ ﻟﻠﺮﻭﺷﻦ ﺗﺤﺎﻭﻝ ﺗﺨﻔﻲ ﺩﻣﻮﻋﻬﺎ ...
ﻣﻌﺎﻭﻳﻪ ﻳﺸﺒﺤﻠﻬﺎ ﻭﻗﻠﺒﻪ ﻣﺶ ﻣﻬﻨﻴﻪ ﺑﻜﻞ ﻛﻴﻒ ﻳﺪﻳﺮ ﺑﺶ ﺗﻮﻗﻒ ﺑﻜﻲ ﻣﺶ ﻋﺎﺭﻑ ...
ﻣﻌﺎﻭﻳﻪ : ﺭﺑﻲ ﻳﺮﺟﻌﻬﻢ ﺳﺎﻟﻤﻴﻦ ..
ﺣﻨﺎﻥ ﺷﺒﺤﺘﻠﻪ ﻭﻫﻲ ﺗﻤﺴﺢ ﻓﻲ ﺩﻣﻮﻋﻬﺎ : ﺁﻣﻴﻦ ﻭﻣﻬﺎ ﻳﺎﺭﺏ ..
ﻣﻌﺎﻭﻳﻪ ﺗﻨﻬﺪ ﺑﺼﻤﺖ : ﺍﻳﻪ ... ﺁﻣﻨﻪ .. ﺍﻟﻴﻮﻡ ﺑﺪﺕ ﺩﻭﺍﻡ ..
ﺣﻨﺎﻥ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ : ﺑﺠﺪﻳﺎﺕ !!
ﻣﻌﺎﻭﻳﻪ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ : ﺍﻳﻪ ..
ﺣﻨﺎﻥ : ﻛﻮﻳﺲ ﺍﻟﺤﻤﺪ ﻟﻠﻪ ..
ﻣﻌﺎﻭﻳﻪ " ﺣﻠﻮﺓ ﻫﻠﺒﻪ .. ﺣﻠﻮﺓ ﻓﻜﻞ ﺷﻲ .. ﺍﺍﺍﺥ ﻭﺧﻼﺹ ... ﺷﻦ ﻫﺬﺍ ﻳﺎﻣﻌﺎﻭﻳﻪ ﻻﺍﻧﺖ ﺭﺳﻤﻲ ﻣﺶ ﻃﺒﻴﻌﻲ "...
ﺧﺸﻮﺍ ﻟﻤﻜﺎﻥ ﻓﻴﻪ ﺧﻀﺮﻩ ..
ﺣﻨﺎﻥ : ﺍﻟﺮﺑﻴﻊ ﺧﺶ ..
ﻣﻌﺎﻭﻳﻪ : ﺍﻳﻪ ...
ﺣﻨﺎﻥ ﺗﺸﺒﺢ ﻟﻄﺮﻳﻖ ﻭﺗﺘﺄﻣﻞ ﻓﻴﻬﺎ .. ﻭﻣﻌﺎﻭﻳﻪ ﻳﺘﺄﻣﻞ ﻓﻴﻬﺎ ﻫﻲ
ﻃﻮﻝ ﺍﻟﻄﺮﻳﻖ ﻛﺎﻥ ﺍﻟﺤﺪﻳﺚ ﺭﺳﻤﻲ ﺑﻌﺾ ﺍﻟﺸﻲﺀ .. ﺑﺲ ﺗﺴﻠﻮﺍ ﺑﻴﻪ ﻟﻴﻦ ﻭﺻﻠﻮﺍ ﻟﻠﻤﻮﻗﻊ ...
ﺣﻨﺎﻥ ﻗﻌﺪﺕ ﺗﺸﺒﺢ ﻭﺗﺘﻔﺤﺺ ﻭﺍﺩﻭﺭ ... ﻭﺗﻔﻜﺮ ﻭﻫﻮ ﻳﺸﺒﺤﻠﻬﺎ .. ﺳﺄﻻﺗﻪ ﻉ ﺍﻟﻤﺴﺎﺣﻪ ... ﻭﻗﺎﻋﺪﻩ ﺗﺸﻮﻑ ﻟﻠﻤﻜﺎﻥ ﻛﻮﻳﺲ .. ﺑﻌﺪ ﺷﻮﻳﻪ ﺟﺎﺗﻪ ..
ﺣﻨﺎﻥ : ﺍﻧﺖ ﻣﺶ ﺑﺎﻟﻚ ﺷﻲ ..
ﻣﻌﺎﻭﻳﻪ : ﻛﻴﻒ ﻳﻌﻨﻲ ..
ﺣﻨﺎﻥ : ﻳﻌﻨﻲ ﺍﻧﺖ ﻣﺶ ﻣﺘﺨﻴﻞ ﻛﻴﻒ ﺗﺒﻲ ﺍﻟﺘﺼﻤﻴﻢ ﻳﻜﻮﻥ ...
ﻣﻌﺎﻭﻳﻪ : ﺑﺎﻟﺰﺑﻂ ﻻ .. ﺑﺲ ﻧﺒﻴﻪ ﻓﺮﻳﺪ ﻭﻣﻤﻴﺰ ..
ﺣﻨﺎﻥ ﺷﺒﺤﺖ ﻟﻠﻤﻜﺎﻥ : ﻛﻮﻳﺲ ... ﺧﻼﺹ .. ﺧﻞ ﻧﺮﻭﺣﻮﺍ ...
ﻣﻌﺎﻭﻳﻪ : ﻋﻼﺵ ﻣﺴﺘﻌﺠﻠﻪ؟
ﺣﻨﺎﻥ : ﺷﻨﻮ؟ !
ﻣﻌﺎﻭﻳﻪ ﺍﺑﺘﺴﻢ : ﺷﻦ ﺭﺍﻳﻚ ﻧﺸﺮﺑﻮﺍ ﻗﻬﻮﺓ ﻓﻲ ﻣﻜﺎﻥ ﺣﻠﻮ ﻫﻨﻲ ﻧﻌﺮﻓﻪ ..
ﺣﻨﺎﻥ " ﻫﺬﺍ ﺯﻭﺩﻫﺎ ﻫﻠﺒﻪ " ﻭﻗﺎﻟﺖ ﺑﺠﺪﻳﻪ : ﺍﻧﺖ ﻗﻠﺖ ﺣﻨﻲ ﻣﺎﺷﻴﻴﻦ ﻧﺨﺪﻣﻮﺍ ﻣﺶ ﻧﺪﻫﻮﺭﻭﺍ ... ﻭﻫﺎﺩﻱ ﺍﻟﺨﺪﻣﻪ ﻭﺗﻤﺖ .. ﻧﻮﻟﻮﺍ ﻣﻦ ﻭﻳﻦ ﻣﺎﺟﻴﻨﺎ ...
ﻣﻌﺎﻭﻳﻪ ﺣﺲ ﺑﺎﻹﻫﺎﻧﻪ ﻣﺎﻓﻴﺶ ﺣﺪ ﻗﺒﻞ ﺭﻓﺾ ﻋﺮﺽ ﺍﻭ ﻃﻠﺐ ﻟﻴﻪ ... ﺑﺲ ﺗﻮﺍ ﺍﻟﺮﻓﺾ ﺟﺎﻩ ﻣﻨﻬﺎ ﻫﻲ ﺍﻛﺜﺮ ﺍﻧﺴﺎﻧﻪ ﻟﻴﻪ ﺭﻏﺒﻪ ﺷﺪﻳﺪﻩ ﺍﻧﻪ ﻳﻘﻌﺪ ﻣﻌﺎﻫﺎ ﺍﻛﺜﺮ ﻭﻗﺖ ﻣﻤﻜﻦ ..
ﻣﻌﺎﻭﻳﻪ ﺑﺤﺪﻩ : ﺗﻤﺎﻡ ... ﻟﻒ ﻭﻣﺸﻲ ﻟﻠﺴﻴﺎﺭﻩ ﻭﻫﻲ ﻣﺸﺖ ﻭﺭﺍﻩ ..
ﻣﺸﻲ ﻟﻠﺠﻬﻪ ﺍﻟﻠﻲ ﺑﻴﺮﻛﺐ ﻣﻨﻬﺎ ﺑﻌﺪ ﻓﺘﺤﻠﻪ ﺍﻟﺴﻮﺍﻕ ﺍﻟﺒﺎﺏ .. ﻭﻫﻲ ﻓﺘﺤﺖ ﺑﺎﺏ ﺍﻟﺠﻬﻪ ﺍﻟﻠﻲ ﺑﺘﻘﻌﻤﺰ ﻓﻴﻬﺎ ﺭﻛﺒﺖ ﺻﻜﺮﺕ ﺍﻟﺒﺎﺏ .. ﻭﺳﺮﻗﺖ ﻧﻈﺮﻩ ﻟﻴﻪ ﻟﻘﺎﺗﻪ ﻳﺤﻚ ﻓﻲ ﻟﺤﻴﺘﻪ " ﻋﺼﺐ ﻉ ﺍﻵﺧﺮ "..
ﻫﻴﺎ ﺣﺴﺖ ﺑﺄﻧﻪ ﻳﻐﻠﻲ .. ﻟﻔﺖ ﻭﺟﻬﻬﺎ ﻟﻠﺮﻭﺷﻦ ﻭﻣﺎﺃﻫﺘﻤﺘﺶ ..
ﻃﻮﻝ ﺍﻟﻄﺮﻳﻖ ﻭﻻ ﺣﺮﻑ .. ﻭﻫﻮ ﻗﺮﻳﺐ ﻳﻨﻔﺠﺮ ﻣﺶ ﻣﺘﺤﻤﻞ ﺭﻓﻀﻬﺎ ﻟﻴﻪ .. ﺣﺎﺳﺲ ﺍﻧﻬﺎ ﺗﺰﺩﺭﻱ ﻓﻴﻪ ﺍﻭ ﺗﺸﻮﻑ ﻓﻴﻪ ﺣﺪ ﻣﺶ ﻛﻮﻳﺲ ﻭﻣﺎﻳﺴﺘﺎﻫﻠﺶ ﻳﻜﻮﻥ ﻓﻲ ﻣﺤﻴﻄﻬﺎ ﺍﻟﻘﺮﻳﺐ .. ﺍﻭﻝ ﻣﺮﺓ ﺗﻬﺘﺰ ﺛﻘﺘﻪ ﺑﻨﻔﺴﻪ ﻭﻏﺮﻭﺭﻩ ﻳﻨﺠﺮﺡ ﻫﻜﻲ ...
ﻭﻫﻤﺎ ﻓﻲ ﺍﻟﻄﺮﻳﻖ ﺁﺫﻥ ﺍﻟﻈﻬﺮ ...
ﻭﻗﺖ ﺍﻟﻠﻲ ﻛﺎﻧﻮﺍ ﺟﺎﻳﻴﻦ ﻟﻤﺤﺖ ﺣﻨﺎﻥ ﺟﺎﻣﻊ ﻓﻲ ﺟﻨﺒﻪ ﻣﺒﻨﻰ ﻣﻜﺘﻮﺏ ﻋﻠﻴﻪ ﻣﺼﻠﻰ ﻟﻠﻨﺴﺎﺀ ... ﻫﻲ ﻃﺒﻌﺎ ﺗﺒﻲ ﺗﺼﻠﻲ .. ﺑﺲ ﻓﻜﺮﺕ ﻓﻲ ﺷﻲ ﻭﺗﺒﻲ ﺍﺩﻳﺮﻩ ﻭﺗﻐﺘﻨﻢ ﺍﻟﻔﺮﺻﻪ ...
ﺣﻨﺎﻥ : ﻣﻌﻠﻴﺸﻲ ﻟﻮ ﺳﻤﺤﺖ .. ﻗﻮﻟﻪ ﻳﻮﻗﻒ ﻟﻤﺎ ﻧﻮﺻﻠﻮﺍ ﻓﻲ ﺍﻟﺠﺎﻣﻊ ﻧﻬﺎﻳﺔ ﺍﻟﺸﺎﺭﻉ .. ﻧﺒﻲ ﻧﺼﻠﻲ .
ﻣﻌﺎﻭﻳﻪ ﻳﺤﺎﻭﻝ ﺿﺒﻂ ﺍﻋﺼﺎﺑﻪ : ﻟﻤﺎ ﺗﻮﺻﻞ ﻟﻠﺠﺎﻣﻊ ﻭﻗﻒ .. " ﺩﺭﺕ ﺍﻟﻠﻲ ﻗﺎﻟﺘﻠﻚ ﻋﻠﻴﻪ ﻃﻮﻝ ... ﻫﺎﺩﻱ ﺳﺎﺣﺮﺗﻨﻲ ﻭﻻﺷﻨﻲ "
ﻭﺻﻠﻮﺍ ﻓﻲ ﺍﻟﺠﺎﻣﻊ ﻧﺰﻟﺖ ﻭﺗﻮﺟﻬﺖ ﻟﻠﻤﺼﻠﻰ ﻭﻫﻮ ﻳﺸﻮﻓﻠﻬﺎ ﻟﻴﻦ ﺧﺸﺖ .. ﺑﻌﺪﻳﻦ ﻋﻴﻨﻪ ﺟﺖ ﻉ ﺍﻟﺠﺎﻣﻊ ... ﻳﺸﺒﺢ ﻓﻲ ﺍﻟﻨﺎﺱ ﺍﻟﻠﻲ ﺟﺎﻳﻪ ﺗﺼﻠﻲ .. ﺷﻴﺎﺑﻴﻦ .. ﺷﺒﺎﺏ .. ﻣﺮﺍﻫﻘﻴﻦ .. ﺻﻐﺎﺭ .. ﺭﻛﺰ ﻉ ﺍﻟﺼﻐﺎﺭ .. ﺟﺎﻳﻴﻦ ﺑﺮﻭﺣﻬﻢ ﻣﺎﻓﻲ ﺣﺪ ﺟﺎﻳﺒﻬﻢ ... ﺟﺎﻳﻴﻦ ﻭﻉ ﻭﺟﻮﻫﻢ ﺍﺑﺘﺴﺎﻣﻪ ... ﺑﺮﺿﺎﻫﻢ ﻳﻌﻨﻲ .. ﻏﻴﺮ ﻋﻴﻮﻧﻪ ﻭﺷﺎﻑ ﺍﻟﻠﻲ ﻣﺎﺧﻄﺮﺵ ﻉ ﺑﺎﻟﻪ ﻳﺸﻮﻓﻪ ... ﻭﺍﺣﺪ ﺭﺟﻠﻪ ﻣﻘﻄﻮﻋﻪ ﻭﺍﺛﺎﺭ ﺣﺮﻭﻕ ﻉ ﻭﺟﻬﻪ ﻭﻭﺍﺿﺢ ﻣﻦ ﺍﻟﻤﻌﺪﻣﻴﻦ ﻣﺎﺩﻳﺎ .. ﺑﻘﻴﻼﺗﻪ ﺟﺎﻱ ﻳﺴﺎﺑﻖ ﻓﻲ ﺧﻄﻮﺍﺕ ﻟﻠﺠﺎﻣﻊ .. ﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﺧﺶ .. ﻋﻴﻮﻧﻪ ﺗﻌﺒﻮﺍ ﺩﻣﻮﻉ .. ﺣﺲ ﺑﺸﻌﻮﺭ ﻏﺮﻳﺐ ...
ﺍﻟﺴﻮﺍﻕ ﻳﺒﻲ ﻳﻄﻠﻊ ﻳﺼﻠﻲ ﻭﻣﻮﻗﻒ ﺣﻨﺎﻥ ﺷﺠﻌﻪ : ﺍﺳﺘﺎﺫ ..
ﻣﻌﺎﻭﻳﻪ : ﺷﻨﻲ ..
ﺍﻟﺴﻮﺍﻕ : ﺍﺭﺟﻮﻙ ﺧﻠﻴﻨﻲ ﻧﻄﻠﻊ ﻧﺼﻠﻲ ..
ﻣﻌﺎﻭﻳﻪ ﻟﻤﺎ ﻗﺎﻟﻪ ﺍﺭﺟﻮﻙ ﺣﺲ ﺭﻭﺣﻪ ﻣﻦ ﻛﻔﺎﺭ ﻗﺮﻳﺶ .. ﻳﺘﺮﺟﺎ ﻓﻴﻪ ﺍﻟﺴﻮﺍﻕ ﺧﺎﻳﻒ ... ﺟﺖ ﻓﺒﺎﻟﻪ ﺍﻵﻳﻪ ﺍﻟﻠﻲ ﻓﻲ ﺍﻟﺤﻠﻢ ﺳﻤﻌﻬﺎ
◇ ﺃﺭﺃﻳﺖ ﺍﻟﺬﻱ ﻳﻨﻬﻰ ﻋﺒﺪﺍ ﺇﺫﺍ ﺻﻠﻰ ○ ﺍﺭﺃﻳﺖ ﺇﻥ ﻛﺎﻥ ﻋﻠﻰ ﺍﻟﻬﺪﻯ ﺃﻭ ﺃﻣﺮ ﺑﺎﻟﺘﻘﻮﻯ ◇
ﻣﻌﺎﻭﻳﻪ ﺣﺲ ﺑﺨﻮﻑ ﺷﺪﻳﺪ ﻭﺑﺮﺩﺕ ﺍﻃﺮﺍﻓﻪ ﻓﺠﺄﻩ ﻗﺎﻟﻪ : ﺑﺮﺍ ﺻﻠﻲ ..
ﺍﻟﺴﻮﺍﻕ ﻓﺮﺡ ﻭﻧﺰﻝ ﻃﻮﻝ .. ﻫﻮ ﻗﻌﺪ ﻳﺸﻮﻑ ﻓﻔﺮﺣﺘﻪ ﺧﺎﻃﺮﻩ ﻳﻌﺮﻑ " ﻋﻼﺵ ﺍﻟﻨﺎﺱ ﻫﺎﺩﻱ ﻛﻠﻬﺎ ﺍﻗﻞ ﻣﻨﻚ ﻳﺎﻣﻌﺎﻭﻳﻪ .. ﻧﺎﺱ ﺑﺴﻴﻄﻪ ﻓﻲ ﺍﻟﻠﻲ ﺍﻧﺤﺮﻡ ﻣﻦ ﺻﺤﺘﻪ ﻣﺎﺷﻲ ﻳﺠﺮﻱ ﺑﺶ ﻳﻠﺤﻖ ﻉ ﺍﻟﺼﻼﻩ ... ﻭﺍﻧﺖ ﺍﻟﻠﻲ ﻋﻨﺪﻙ ﻛﻞ ﺷﻲ ﻛﻞ ﺷﻲ .. ﻟﻴﻚ ﻓﻮﻕ 30 ﻋﺎﻡ ﻣﺎﺭﻛﻌﺖ ﺭﻛﻌﻪ ... ﻭﻣﻊ ﻫﺬﺍ ﻗﺎﻋﺪ ﺗﻨﺠﺢ ﻭﺗﻜﺒﺮ ﻳﻮﻡ ﻋﻦ ﻳﻮﻡ ...
ﺑﺘﻨﻜﺮ ﻳﺎﻣﻌﺎﻭﻳﻪ ﻛﻞ ﺷﻲ ﻋﻨﺪﻙ ﻣﻦ ﻫﻮ ﺍﻳﻪ ﻣﻦ ﻫﻮ .. ﺑﺲ ﺍﻧﻲ ﺑﻌﻴﺪ ﻋﻨﻪ ﻫﻠﺒﻪ ﻋﻼﺵ ﻫﻮ ﻳﺴﺎﻋﺪ ﻓﻴﺎ ﻟﻬﺎﻟﺪﺭﺟﻪ ..."
ﻗﻌﺪ ﻳﻔﻜﺮ ﻫﻠﺒﻪ .. ﺑﺲ ﻃﺒﻌﺎ .. ﺍﻟﺬﻧﻮﺏ ﺗﻘﺴﻲ ﺍﻟﻘﻠﺐ ﻭﺍﻟﺒﻌﺪ ﻋﻦ ﺭﺑﻲ ﻳﺪﻳﺮ ﻫﻠﺒﻪ ﺣﻮﺍﺟﺰ ﻣﺶ ﺑﺎﻟﺴﺎﻫﻞ ﺗﻨﻬﺪ .. ﻭﻣﺶ ﺑﻴﻦ ﻳﻮﻡ ﻭﻟﻴﻠﻪ ..
ﻗﻄﻊ ﺗﻔﻜﻴﺮﻩ ﺑﺎﺏ ﺍﻟﺴﻴﺎﺭﻩ ﺍﻟﻠﻲ ﺍﻧﻔﺘﺢ ﺟﻨﺒﻪ .. ﺷﺒﺤﻠﻬﺎ ﻛﻴﻒ ﺭﻛﺒﺖ ﻭﺗﺤﺮﻙ ﻓﻲ ﺷﻔﺎﻳﻔﻬﺎ ﻛﺈﻧﻬﺎ ﺗﺘﻜﻠﻢ ﺑﺼﻤﺖ ... ﺑﻌﺪﻳﻦ ﺷﺒﺢ ﻟﻠﺠﺎﻣﻊ ﻟﻘﺎﻫﻢ ﻃﺎﻟﻌﻴﻦ .. ﻭﻛﻞ ﻭﺍﺣﺪ ﻣﺎﺷﻲ ﻓﺤﺎﻟﻪ ﻭﻉ ﻭﺟﻮﻫﻬﻢ ﺗﺒﺎﻥ ﺍﻟﺮﺍﺣﻪ ... ﻳﺸﺒﺢ ﻟﻠﻤﺒﺘﻮﺭﺓ ﺭﺟﻠﻪ ﻛﻴﻒ ﻣﺎﺷﻲ ﻫﻮ ﻭﻭﺍﺣﺪ ﻳﻬﺪﺭﺯﻭﺍ ﻭﻳﻀﺤﻜﻮﺍ .. ﺭﺍﺣﻪ ﻧﻔﺴﻴﻪ ﺑﺎﻳﻨﻪ ﻓﻮﺟﻬﻪ ..
ﺍﻟﺮﺍﺣﻪ ﺍﻟﻨﻔﺴﻴﻪ ﻫﻲ ﻫﺎﺩﻱ ﺍﻟﻨﻌﻤﻪ ﺍﻟﻠﻲ ﻣﻌﺎﻭﻳﻪ ﻓﺎﻗﺪﻫﺎ ... ﻭﻓﺎﻗﺪﻫﺎ ﺑﺸﺪﻩ ... ﻭﻋﺮﻑ ﻭﻗﺘﻬﺎ ﺍﻧﻪ ﺍﻓﻘﺮ ﺍﻟﻤﻮﺟﻮﺩﻳﻦ ﻓﻲ ﺍﻟﻤﻜﺎﻥ ...
ﺣﻨﺎﻥ ﺷﺒﺤﺘﻠﻪ ﻭﻫﻮ ﻳﺸﻮﻑ ﻟﻠﺠﺎﻣﻊ ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ﻭﻛﻤﻠﺖ ﺗﺴﺒﻴﺢ ﺑﺼﻤﺖ ﻭﺷﺒﺤﺖ ﺍﻟﻘﺪﺍﻡ .. ﻟﻴﻦ ﺟﻲ ﺍﻟﺴﻮﺍﻕ ﻭﺭﻛﺐ ﻭﺗﺤﺮﻙ ..
ﻭﺣﺘﻰ ﻣﻌﺎﻭﻳﻪ ﻓﻴﻪ ﺷﻲ ﺗﺤﺮﻙ .. ﻭﺑﻘﻮﺓ ..
ﻭﺻﻠﻮﺍ ﻟﻠﺸﺮﻛﻪ ﻭﻧﺰﻟﻮﺍ ... ﺍﺷﺮ ﻣﻌﺎﻭﻳﻪ ﻟﻮﺍﺣﺪ ﻣﻦ ﺍﻟﺴﻜﻴﻮﺭﺗﻲ ﻭﻗﺎﻟﻪ ﻳﺠﻴﺐ ﺳﻴﺎﺭﺗﻬﺎ ... ﺟﺎﺑﻬﺎ ﻭﺟﻲ ...
ﺣﻨﺎﻥ : ﻋﻄﻴﻨﻲ ﺍﺳﺒﻮﻉ ﺑﺎﻟﺰﺑﻂ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﻣﻌﺎﻭﻳﻪ : ﻭﻋﻠﻴﻜﻢ ﺍﻟﺴﻼﻡ ..
ﻳﺸﺒﺤﻠﻬﺎ ﻟﻴﻦ ﻣﺸﺖ ﺭﻛﺒﺖ ﺍﻟﺴﻴﺎﺭﺓ ﻭﺗﺤﺮﻛﺖ ﻃﻮﻝ ﻭﻋﻴﻮﻧﻪ ﻻﺣﻘﺖ ﺳﻴﺎﺭﺗﻬﺎ ﻟﻴﻦ ﺍﺧﺘﻔﺖ ...
ﺗﻨﻬﺪ ﻣﻦ ﻭﺳﻂ ﻗﻠﺒﻪ .. ﻭﻟﻒ ﻭﺧﺶ ﻟﻠﺸﺮﻛﻪ ..
***
ﻭﺻﻠﻮﺍ ﻧﻀﺎﻝ ﻭﺑﻨﺎﺗﻪ ﻟﻘﺒﺮﺹ
" ﺑﺘﻘﻮﻟﻮﺍ ﻋﻼﺵ ﺷﺎﺩﻩ ﻗﺒﺮﺹ ﻓﻲ ﺭﻭﺍﻳﺎﺗﻬﺎ .. ﺧﺎﻃﺮﻱ ﻧﻤﺸﻴﻠﻬﺎ "
ﺍﻟﻤﻬﻢ ﻭﺻﻠﻮﺍ ﻭﺗﻮﺟﻬﻮﺍ ﻟﻔﻨﺪﻕ ﻣﻄﻞ ﻉ ﺍﻟﺒﺤﺮ ﺣﺎﺟﺰ ﻓﻴﻪ ﻧﻀﺎﻝ ﻣﻦ ﻗﺒﻞ ﺍﻟﺴﻔﺮ .. ﺧﺸﻮﺍ ﻟﻐﺮﻓﻬﻢ ... ﻭﻟﻠﻨﻮﻡ ... ﻃﻮﻝ ..
ﺍﻣﺎ ﻣﻬﺎ ﻓﻮﺻﻠﺖ ﻣﻦ ﻣﺪﺓ .. ﻭﺳﻜﻨﺖ ﻓﻲ ﻓﻨﺪﻕ ﻣﻘﺎﺑﻞ ﺍﻟﺤﺮﻡ ﺍﻟﻤﻜﻲ ﻭﻳﺎﻣﺤﻼﻫﺎ ﻣﻦ ﺟﻴﺮﺓ ...
ﻗﺒﺮﺹ
ﻣﺴﺎﺀﺍ ...
ﺧﺎﺵ ﻭﺷﻜﻠﻪ ﻳﺒﻴﻦ ﺍﻧﻪ ﻣﺘﺨﻔﻲ ﻣﻦ ﺷﻲ ﻳﺘﻜﻠﻢ ﺑﺎﻟﺘﻠﻴﻔﻮﻥ ..
: ﻣﺶ ﻗﺘﻠﻚ ﻳﺎﺑﺮﻭ ﻣﺎﺧﺪﺗﺶ ﻣﻨﻲ ﺳﺎﻋﻪ ﺯﻣﺎﻥ ﻭﻃﺎﺣﺖ ﻃﻮﻝ ﻭﻻﻛﻠﻤﺘﻬﺎ ﻻﻓﺘﺤﺖ ﻣﻌﺎﻫﺎ ﺣﺪﻳﺚ .. ﺷﻮﻳﺔ ﺣﺮﻛﺎﺕ ﺑﺲ ...... ﻻﻻ ﻗﻮﻟﻪ ﻣﺎﻧﺒﻲ ﺷﻲ ... ﺑﺲ ﻗﻮﻟﻪ ﺍﻧﻲ ﻫﺬﺍ ﺧﺎﻣﺲ ﺭﻫﺎﻥ ﻉ ﺑﻨﺖ ﻧﻜﺴﺒﻪ .. ﺧﻠﻴﻪ ﻳﻔﻮﺗﻨﻲ ﺧﻴﺮ ﻣﺎﻣﺮﺓ ﻧﺮﺍﻫﻨﻪ ﺑﺤﺎﺟﻪ ﺗﻬﺪ ﺣﻴﻠﻪ ... ﻫﻬﻬﻬﻬﻬﻬﻬﻬﻬﻬﻬﻪ .... ﺍﻳﻪ ﻋﻨﺪﻱ ﺣﻔﻠﻪ ﺑﻌﺪ ﺳﺎﻋﺘﻴﻦ .. ﺗﻤﺎﻡ .. ﺗﺸﺎﻭﻭﻭ ".. ﺻﻜﺮ ...
" ﻟﻮﺳﻤﺤﺖ "..
ﺗﻠﻔﺖ ﻭﻗﻌﺪ ﺟﺎﻣﺪ ﻓﻲ ﻣﻜﺎﻧﻪ ﻗﻌﺪ ﻳﺸﻮﻑ ﻟﻤﻼﻣﺤﻬﺎ ﺍﻟﻄﻔﻮﻟﻴﻪ ﻭﻋﻴﻮﻧﻬﺎ ﺍﻟﺰﺭﻗﺎ ﺑﺬﻫﻮﻝ ...
ﻟﺒﻨﻰ : ﺣﻮﻝ ﻟﻮﺳﻤﺤﺖ ..
ﻫﻮ ﺗﻠﻘﺎﺋﻴﺎ ﺣﻮﻝ ﻣﻦ ﻃﺮﻳﻘﻬﺎ ﻭﻫﻲ ﻣﺸﺖ ... ﻟﻘﻲ ﺭﻭﺣﻪ ﻻﺣﻘﻬﺎ ﻟﻴﻦ ﻗﻌﻤﺰﺕ ... ﻫﻮ ﻭﻳﺎﻫﺎ ﻃﻠﻌﻮﺍ ﻓﻲ ﻧﻔﺲ ﺍﻟﻔﻨﺪﻕ .. ﻭﺍﺿﺢ ﻋﻠﻴﻬﺎ ﻣﻘﻌﻤﺰﺓ ﺗﺴﺘﻨﻰ ﻓﻲ ﺻﺎﻟﺔ ﺍﻟﻔﻨﺪﻕ .. ﻗﻌﻤﺰ ﻓﻲ ﺍﻟﻜﺮﺳﻲ ﺍﻟﻠﻲ ﻭﺭﺍﻫﺎ ...
ﺟﺘﻬﺎ ﺭﻫﻒ : ﻟﺒﻮﻧﺘﻲ ..
ﻟﺒﻨﻰ : ﻭﻳﻦ ﻛﻨﺘﻲ ﺍﺍﺍﻫﺎﺍﺍ .. ﻗﻮﻟﻲ ﻗﻠﺒﺖ ﻋﻠﻴﻚ ﺍﻟﺪﻧﻴﺎ ..
ﺭﻫﻒ ﻗﻌﻤﺰﺕ ﻭﺑﻀﺤﻜﻪ : ﻛﻨﺖ ﻧﺤﺠﺰ ..
ﻟﺒﻨﻰ : ﻓﺸﻨﻮ ..
ﺭﻫﻒ : ﻓﻲ ﺣﻔﻠﺔ ﺑﺪﺭ ﺍﻟﻤﻨﺼﻮﺭﻱ .. ﻣﺎﺻﺪﻗﺘﺶ ﻟﻤﺎ ﻟﻘﻴﺖ ﻋﻨﺪﻩ ﺣﻔﻠﻪ ﻓﻲ ﺍﻟﻔﻨﺪﻕ ﻫﺬﺍ ..
ﻟﺒﻨﻰ : ﺍﺣﻴﺎﻧﺎ ﻧﺸﻮﻑ ﻓﻴﻚ ﺻﺎﺣﺒﺔ ﻋﻘﻞ ﻛﺒﻴﺮ ﻭﺍﺣﻴﺎﻧﺎ ﺗﺎﻓﻬﻪ ﻫﻠﺒﻪ ..
ﺭﻫﻒ ﺑﻀﺤﻜﻪ : ﺣﺠﺰﺗﻠﻚ ﻣﻌﺎﻱ ..
ﻟﺒﻨﻰ : ﻻﺍﺍﺍ ﺍﺣﻠﻤﻲ ﻣﺶ ﺣﻨﺤﻀﺮ ..
ﺭﻫﻒ : ﺑﺎﻟﻠﻪ ﻟﺒﻮﻧﺘﻲ ﺑﺎﺑﺎ ﻣﺶ ﺣﻴﺨﻠﻴﻨﻲ ﻟﻮﻣﺎﻣﺸﺘﻴﺶ ﻣﻌﺎﻱ ..
ﻟﺒﻨﻰ : ﺷﻦ ﺫﻧﺒﻲ ﻧﺤﻀﺮ ﺣﻔﻠﺘﻪ ﻉ ﺧﺎﻃﺮﻙ ﻭﺍﻧﻲ ﻣﺎﻧﺤﺒﺎﺵ ﻭﻻﻧﺤﺐ ﺍﻏﺎﻧﻴﻪ ﻣﺮﺯﻥ ﺩﻣﻪ ..
ﺍﻟﻠﻲ ﻭﺭﺍﻫﻢ ﻳﺴﻤﻊ ﻭﻣﺼﺪﻭﻡ ﻟﻤﺎ ﻋﺮﻑ ﺭﺃﻳﻬﺎ ﻓﻴﻪ ..
ﺭﻫﻒ : ﻋﻴﻨﻚ ﻭﺍﻟﻠﻪ ﻳﻬﺒﻞ ..
ﻟﺒﻨﻰ : ﻋﻨﺪﻙ ﺍﻧﺘﻲ ﺣﺒﻴﺒﺘﻲ ..
ﺭﻫﻒ : ﺷﻦ ﺭﺍﻳﻚ ﻣﺎﻻ ﻟﻮ ﻗﺘﻠﻚ ﻳﻘﺮﺍ ﻓﻲ ﺍﻟﻘﺎﻧﻮﻥ ..
ﻟﺒﻨﻰ : ﺧﻴﺮﻩ ﻫﺎﻟﺘﺨﺼﺺ ﻣﺎﻳﻠﻢ ﻏﻴﺮ ﻓﺎﻟﻨﻤﺎﺫﺝ ﺍﻟﻠﻲ ﺩﺭﻩ ﻓﻲ ﺍﻟﻜﺒﺪ .. ﻣﺎﺳﺪ ﻣﺮﺕ ﺑﻮﻙ ﻭﻛﻤﻠﺖ ﺑﺎﻟﻔﻨﺎﻥ ﻣﺘﺎﻋﻚ ﻫﺬﺍ .. ﺷﻜﻠﻲ ﺑﻨﻐﻴﺮ ﺭﺍﻳﻲ ..
ﺭﻫﻒ : ﻫﻬﻬﻬﻬﻬﻬﻬﻬﻪ ... ﻏﻴﺮ ﻟﺒﻮﻧﺘﻲ ﺑﻠﻴﻴﻴﺰ ﻗﻮﻟﻲ ﺑﺎﺍﺍﻫﻲ ﻉ ﺧﺎﻃﺮﻱ .. ﻭﻗﻌﺪﺕ ﺗﺘﺴﺨﻔﻠﻬﺎ ..
ﻟﺒﻨﻰ : ﻭﺍﺍﺍﺍﺍﻙ ﻣﻦ ﻃﻴﺒﺘﻲ ﺍﻟﺤﺮﻓﻪ .. ﺑﺎﻩ ﺗﻮﻧﻤﺸﻲ ﻣﻌﺎﻙ ﻭﺭﺑﻲ ﻳﻌﻄﻴﻨﻲ ﻗﺪﺭﺓ ﻧﺘﺤﻤﻞ ﺍﻟﺮﻛﻴﻚ ﺍﻟﻠﻲ ﻳﻐﻨﻲ ..
ﺭﻫﻒ : ﻧﺤﺒﻚ ﻟﺒﻮﻧﺘﻲ ﻫﻬﻬﻬﻬﻬﻬﻬﻪ ...
ﺍﻣﺎ ﺍﻟﻠﻲ ﻛﺎﻥ ﻣﻘﻌﻤﺰ ﻭﺭﺍﻫﻢ ﻭﻳﺴﻤﻊ ﻓﻲ ﺍﻟﺤﺪﻳﺚ ﻧﺎﺽ ﻣﻦ ﺣﺪﺍﻫﻢ ﻭﻫﻮ ﻳﻀﺤﻚ ...
***
ﻣﻘﻌﻤﺰﺓ ﺗﺘﻌﺸﺎ ﻫﻲ ﻭﺧﻮﻫﺎ ﻭﺻﺎﺣﺒﺘﻬﺎ ...
ﺭﺿﺎ : ﺟﻮ ﺍﻟﺒﻼﺩ ﺣﻠﻮ ...
ﻧﻴﺮﻭﺯ : ﺍﻟﺮﺑﻴﻊ ﺧﺶ ...
ﺭﺿﺎ : ﺍﻟﺮﺑﻴﻊ ﺍﻟﺒﺎﺭﺩ .. ﻣﻮﺳﻢ ﺍﻟﺘﻮﻟﻴﺐ ..
ﺣﻨﺎﻥ ﺑﺈﺑﺘﺴﺎﻣﻪ : ﺍﻳﻪ ..
ﺭﺿﺎ : ﺍﻳﻪ ﺣﻨﻮﻥ ﺧﺎﻃﺮﻱ ﻧﺴﺄﻝ ﻋﻼﺵ ﻣﺎﺗﺰﺭﻋﻴﺸﻲ ﺑﺮﺍ ...
ﺣﻨﺎﻥ : ﻧﺤﺒﻪ ﻳﻜﻮﻥ ﺩﺍﺧﻞ ﻣﺶ ﺑﺮﺍ ... ﻭﺍﻟﻮﺿﻊ ﻫﻨﻲ ﻣﺎﻳﻨﺎﺳﺒﺎﺵ ..
ﻧﻴﺮﻭﺯ : ﻭﺍﻟﻠﻲ ﻳﺠﻒ ﺣﻄﺎﺗﻪ ﻓﻲ ﻓﺎﺯﺓ ﻣﺮﺵ ﺷﻜﻠﻬﺎ ﺣﻠﻮ ﺑﺎﻟﻤﺮﺓ ..
ﺭﺿﺎ : ﻋﺸﻖ ﺣﺘﻰ ﻫﻮ ...
ﺣﻨﺎﻥ ﺑﻀﺤﻜﻪ : ﺑﺎﻩ ﻛﻮﻟﻮﺍ ﻭﺍﺳﻜﺘﻮﺍ ..
ﺿﺤﻜﻮﺍ ﺭﺿﺎ ﻭﻧﻴﺮﻭﺯ ..
ﻧﻴﺮﻭﺯ : ﻣﻬﺎ ﺑﻨﺖ ﻣﻌﺎﻭﻳﻪ ﺳﺎﻓﺮﺕ ..
ﺣﻨﺎﻥ : ﺍﻳﻪ ﺍﻟﺼﺒﺢ ﺑﻜﺮﻱ ..
ﺭﺿﺎ : ﺍﺣﻤﻢ .. ﺍﻟﺒﻨﻴﻪ ﺍﻟﻠﻲ ﺟﺖ ﺍﻣﺲ؟
ﻧﻴﺮﻭﺯ ﺑﻀﺤﻜﻪ ﻣﻜﺮ : ﺍﻳﻪ ﺍﻟﺒﻨﻴﻪ ﺍﻟﻠﻲ ﺟﺖ ﺍﻣﺲ ﻳﺎﺍﻣﺲ ﺍﻧﺖ ..
ﺭﺿﺎ ﺿﺤﻚ ﻭﻗﻌﺪ ﻳﺸﺒﺢ ﻟﻠﺼﻮﻧﻴﻪ ..
ﻭﺣﻨﺎﻥ ﺷﺒﺤﺖ ﻟﺨﻮﻫﺎ ﻭﺍﺑﺘﺴﻤﺖ ..
***
ﻗﺒﺮﺹ ..
ﺑﺪﺕ ﺍﻟﺤﻔﻠﻪ ﻭﺍﻟﻤﻜﺎﻥ ﺗﻌﺒﺎ ... ﻭﺭﻫﻒ ﻭﻟﺒﻨﻰ ﺟﻮ ﻓﻲ ﺻﻔﻮﻑ ﺍﻟﻘﺪﺍﻣﻴﻪ ..
ﻟﺒﻨﻰ : ﻛﻴﻒ ﺣﺼﻠﺘﻲ ﺍﻟﻘﺪﺍﻡ ﻭﺍﻧﺘﻲ ﺣﺠﺰﺗﻲ ﺗﻮﺍ ﺑﺲ
ﺭﻫﻒ ﺑﻀﺤﻜﻪ : ﻧﻌﺘﺮﻓﻠﻚ .. ﺍﻧﻲ ﺣﺠﺰﺕ ﻋﻦ ﻃﺮﻳﻖ ﺻﺎﺣﺒﻪ ﻟﻴﺎ ﻫﻨﻲ ﻣﻦ ﻗﺒﻞ ﻣﺎﻧﺠﻮﺍ ...
ﻟﺒﻨﻰ : ﻫﺬﺍ ﻋﻼﺵ ﺍﺧﺘﺮﺗﻲ ﺍﻟﻔﻨﺪﻕ ﻫﺬﺍ ...
ﺭﻫﻒ ﺑﻀﺤﻜﻪ : ﻳﺲ ..
ﻟﺒﻨﻰ :
ﺭﻫﻒ : ﺍﻫﻮ ﺑﺘﺒﺪﺍ ﺍﻟﺤﻔﻠﻪ ..
ﻃﺒﻌﺎ ﻗﺪﻣﻮﺍ ﺑﺪﺭ ﺍﻟﻤﻨﺼﻮﺭﻱ ... ﻭﻫﻮ ﻃﻠﻊ ﻣﻦ ﻫﻨﻲ ﻭﺍﺍﻧﻘﻠﺒﺖ ﺍﻟﻘﺎﻋﻪ ﺑﺎﻟﻌﻴﺎﻁ ... ﻟﺒﻨﻰ ﻛﺎﻧﺖ ﺗﺸﺒﺤﻠﻪ ..
ﻟﺒﻨﻰ : ﺷﻦ ﻋﺎﺟﺒﻜﻢ ﻓﻴﻪ ﺑﺲ
ﺭﻫﻒ : ﺍﻧﺘﻲ ﻋﻨﺪﻙ ﺿﻌﻒ ﻧﻈﺮ ..
ﻟﺒﻨﻰ : ﺻﺎﺭ ﺍﻧﻲ ﺍﻟﻠﻲ ﻋﻨﺪﻱ ﺿﻌﻒ ﻧﻈﺮ ...
ﺭﻫﻒ ﺑﻀﺤﻜﻪ : ﺍﺳﻜﺘﻲ ﺍﻫﻮ ﺑﻴﺒﺪﺍ ..
ﺑﺪﺭ : ﺗﺤﻴﻪ ﻟﻴﻜﻢ ﻭﻻﺩ ﻭﺑﻨﺎﺕ ﺑﻼﺩﻱ ﺍﺑﻨﺎﺀ ﺍﻟﺠﺎﻟﻴﻪ ﺍﻟﻠﻴﺒﻴﻪ ﻓﻘﺒﺮﺹ .. ﻭﻛﺬﻟﻚ ﺑﺎﻗﻲ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ .. ﻓﺮﺣﺘﻮﻧﻲ ﺑﺠﻴﺘﻜﻢ .. ﻭﺍﻥ ﺷﺎﺀ ﺍﻟﻠﻪ ﺗﺴﺘﻤﺘﻌﻮﺍ ﻣﻌﺎﻱ ﺍﺍﻟﻠﻴﻠﻪ .... ﻧﺤﺒﻜﻢ ﻭﺩﺍﺭ ﺣﺮﻛﺔ ﺍﻟﻘﻠﺐ ﻉ ﺻﺪﺭﻩ ﺟﻬﺔ ﺍﻟﻘﻠﺐ .. ﻭﺑﺪﻱ ﻓﻴﻬﺎ ﺍﻟﻌﻴﺎﻁ ﻋﺎﺩ ...
ﺑﺪﺕ ﺍﻟﺤﻔﻠﻪ ﻭﻫﻮ ﻳﻐﻨﻲ ... ﻭﻟﺒﻨﻰ ﻣﺮﻛﺰﺓ ﻓﻴﻪ ... ﻛﺎﻧﺖ ﺣﺮﻛﺎﺗﻪ ﺣﻠﻮﺓ ﻭﺗﺠﺬﺏ ﺍﻟﻜﺎﺭﻳﺰﻣﺎ ﻣﺘﺎﻋﻪ ﺣﻠﻮﺓ .. ﺑﺲ ﻫﻲ ﻣﺶ ﻣﺘﻘﺒﻼﺗﻪ ﺑﻜﻞ .. ﻭﻻﺍﻧﺴﺠﻤﺖ ﻣﻊ ﺍﻏﺎﻧﻴﻪ .. ﻋﻜﺲ ﺭﻫﻒ ﺍﻟﻠﻲ ﻛﺎﻧﺖ ﺗﻐﻨﻲ ﻣﻌﺎﻩ ..
ﻏﻨﻰ 5 ﺍﻏﺎﻧﻲ .. ﻭﺍﺭﺗﺎﺡ ﺷﻮﻳﻪ .. ﺷﺮﺏ ﻣﻴﻪ .. ﻭﺟﻮﻩ ﻣﻊ ﻭﺍﺣﺪ ﻣﻦ ﺍﻷﻣﻦ ﻭﺭﺩ ﻭﻭﺭﺍﻕ ﻓﻴﻬﺎ ﺭﺳﺎﺋﻞ ﺃﻋﺠﺎﺏ ﻫﻮ ﻳﻘﺮﺍ ﻭﻳﻀﺤﻚ ..
ﻭﻗﻒ ﺑﻌﺪ ﻛﻤﻞ .. ﻭﻗﺎﻝ : ﺑﺠﺪﻳﺎﺕ .. ﺍﻧﺘﻢ ﺍﻛﺒﺮ ﺩﺍﻋﻢ ﻟﺒﺪﺭ .. ﺍﻟﻜﻼﻡ ﺍﻟﻠﻲ ﻗﺮﻳﺘﻪ ﻳﺨﻠﻴﻨﻲ ﻧﻐﻨﻲ ﻟﻠﺼﺒﺢ ﺑﺪﻭﻥ ﺗﻌﺐ ﻉ ﺧﺎﻃﺮﻛﻢ .. ﻭﻧﻘﻮﻟﻬﺎ ﻣﻠﻴﻮﻥ ﻣﺮﻩ .. ﻧﺤﺒﺒﺒﺒﺒﺒﻜﻢ ﻭﺩﺍﺭ ﻧﻔﺲ ﺍﻟﺤﺮﻛﻪ ﻭﺍﻟﺪﻧﻴﺎ ﺗﻌﻴﻂ ..
ﻫﻮ ﻳﻀﺤﻚ ﻭﻳﻮﺯﻉ ﻑ ﻧﻈﺮﻩ ﻋﻠﻴﻬﻢ ﺟﺖ ﻋﻴﻨﻪ ﻉ ﻟﺒﻨﻰ .. ﺍﻟﻠﻲ ﻛﺎﻧﺖ ﻣﺪﺍﻳﺮﻩ ﻭﺟﻬﺎ ﻫﻜﻲ
ﺟﺖ ﻋﻴﻨﻪ ﻓﻲ ﻋﻴﻨﻬﺎ ﺍﺑﺘﺴﻤﻠﻬﺎ ﻭﺩﺍﺭ ﺣﺮﻛﻪ ﺟﺮﻳﺌﻪ .. ﻣﺘﺎﻉ ﺍﻟﺴﻬﻢ ﻭﺍﻟﻘﻮﺱ .. ﻛﺄﻧﻪ ﺭﻣﺎﻫﺎ ﺑﻴﻪ .. ﻭﺣﻂ ﻳﺪﻩ ﻉ ﻗﻠﺒﻪ ﻭﻳﺨﺒﻂ ﺑﻴﺪﻩ ﻋﻠﻴﻪ .. ﻭﻛﺄﻧﻪ ﻗﻠﺒﻪ ﻳﻨﺒﺾ ﻭﺑﻴﻄﻠﻊ ﺑﺮﺍ ...
ﺍﻟﻜﻞ ﻋﻴﻄﻮﺍ ﻭﻳﺒﻮﺍ ﻳﺸﻮﻓﻮﺍ ﻟﻤﻦ ﺩﺍﺭﻫﺎ ... ﺭﻫﻒ ﻣﺼﺪﻭﻣﻪ ﻭﺗﺸﺒﺢ ﻷﺧﺘﻬﺎ .. ﻭﻟﺒﻨﻰ ﺟﻤﺪﺕ ﻓﻲ ﻣﻜﺎﻧﻬﺎ ﻭﻭﺟﻬﻬﺎ ﻭﻻ ﺍﺣﻤﺮ ..
ﺿﺤﻚ ... ﻭﺑﺪﻱ ﻳﻐﻨﻲ .. ﻭﻫﻲ ﻃﺎﺭﺗﻠﻬﺎ .. ﻭﻗﺎﻟﺖ : ﺧﻴﺮﻩ ﺍﻟﻤﺘﻠﻒ ﻫﻮ !!
ﺭﻫﻒ ﺑﻀﺤﻜﻪ : ﺟﻮﻭ ﻋﻠﻴﻪ .. ﺷﻜﻠﻪ ﺯﺑﻄﻚ ﺧﺎﺷﻪ ﺑﺎﻟﺴﻴﻒ ﻋﻠﻴﻚ ..
ﻟﺒﻨﻰ : ﻣﺎﺗﻔﻬﻪ .. ﻫﺬﺍ ﻫﻮ ﺍﻟﻬﺎﺩﻑ ﺍﻟﻠﻲ ﺗﺤﻜﻲ ﻋﻠﻴﻪ
ﺭﻫﻒ ﺩﺍﺭﺕ ﺭﻭﺣﻬﺎ ﻣﺎﺗﺴﻤﻌﺶ ﻭﺗﻐﻨﻲ ﻣﻌﺎﻩ ...
ﺷﻮﻳﻪ ﺟﻲ ﻭﺍﺣﺪ : ﻳﺎﺁﻧﺴﻪ ..
ﻟﺒﻨﻰ : ﺍﻧﻲ ..
: ﺍﻳﻪ ﺍﻧﺘﻲ .. ﺗﻔﻀﻠﻲ ..
ﺷﺒﺤﺘﻠﻪ ﻣﻦ ﻓﻮﻕ ﻟﻠﻮﻃﺎ ..
: ﻣﺶ ﻣﻨﻲ ﻫﺎﺩﻱ .. ﻣﻦ ﺑﺪﺭ ..
ﻟﺒﻨﻰ : ﺷﺒﺤﺘﻠﻪ ﻟﻘﺎﺗﻪ ﻳﻐﻨﻲ .. ﻭﺷﺒﺤﺖ ﻟﻠﻮﻟﺪ ﺧﺪﺕ ﺍﻟﻮﺭﺩﻩ ﻭﻓﺮﺍﺳﻬﺎ ﺷﻲ ..
ﻭﺭﻫﻒ ﻻﻫﻴﻪ ﻣﻌﺎﻩ ﻣﺎﺗﻨﺪﺭﻱ ﻋﻠﻴﻬﺎ ﻣﻨﻴﻦ ﺯﺍﺭﻗﻪ ..
ﺗﻤﺖ ﺍﻟﺤﻔﻠﻪ ﻭﻃﻠﻌﻮﺍ ..
ﻟﺒﻨﻰ : ﺍﺧﺮ ﻣﺮﺓ ﻧﺴﺎﻳﺮﻙ ﻓﻲ ﺩﺍﺭﻩ ﺍﻟﻜﺒﺪ ﻫﺬﺍ ..
ﺭﻫﻒ ﺑﻀﺤﻜﻪ : ﻫﻴﺎ ﺑﺎﺑﺎ ﻣﻦ ﺑﻜﺮﻱ ﻳﺘﺼﻞ ..
ﻭﻫﻤﺎ ﻣﺎﺷﻴﺎﺕ ... ﻟﻘﻮﺍ ﺑﺪﺭ ﻃﺎﻟﻊ ﻭﻭﺣﻮﺍﻟﻴﻪ ﺍﻟﻤﻌﺠﺒﺎﺕ .. ﺟﺖ ﻋﻴﻨﻪ ﻉ ﻟﺒﻨﻰ ﺷﺒﺤﺘﻠﻪ ﻭﺍﺑﺘﺴﻤﺖ ﻭﻫﻲ ﺷﺎﺩﻩ ﺍﻟﻮﺭﺩﻩ .. ﻫﻮ ﺿﺤﻜﻠﻬﺎ ﻭﻏﻤﺰ .. ﻫﻲ ﺍﺷﺮﺗﻠﻪ ﺑﺎﻟﻮﺭﺩﻩ ﺑﻌﺪﻳﻦ ﻣﺸﺖ ﺣﺪﺍ ﺳﻄﻞ ﻛﻨﺎﺳﻪ ﻭﻟﻮﺣﺘﻬﺎ ﻓﻴﻪ .. ﻫﻮ ﺗﻘﻮﻝ ﻣﻦ ﻋﻄﺎﻩ ﻛﻒ ..
ﺭﻫﻒ ﺗﻀﺤﻚ ﺑﺼﺪﻣﻪ .. ﻭﻟﺒﻨﻰ ﺷﻘﻠﺒﺖ ﻋﻴﻮﻧﻬﺎ ﻭﻣﺸﺖ ﻭﻟﺤﻘﺘﻬﺎ ﺭﻫﻒ ..
ﻫﻮ ﺗﻠﺨﺒﻂ ﻣﺮﺓ ﻭﺣﺪﻩ ﺭﻗﺘﻠﻪ ﺍﻭﻝ ﻣﺮﻩ ﻳﺼﻴﺮ ﻣﻌﺎﻩ ﻣﻮﻗﻒ ﺯﻱ ﻫﺬﺍ ﻗﺒﻞ ﻣﺎﻓﻴﺶ ﺑﻨﺖ ﻣﺎﻃﺎﺭﺗﺶ ﻣﻦ ﻓﺮﺣﺘﻬﺎ ﻏﻴﺮ ﺗﺠﻲ ﻋﻴﻨﻪ ﻋﻠﻴﻬﺎ .. ﻣﺶ ﻫﺎﺩﻱ ﺍﻟﻠﻲ ﻋﻄﺎﻫﺎﻭﺭﺩﻩ ﻣﺮﺓ ﻭﺣﺪﻩ ﺷﻦ ﺩﺍﺭﺕ ﻓﻴﻪ ﻭﻓﻴﻬﺎ ..
***
ﻓﻲ ﺍﻟﻠﻴﻞ ..
ﺭﻗﺪﻭﺍ ﺍﻫﻞ ﺍﻟﺤﻮﺵ ﻣﻌﺎﺩﺍ ﺣﻨﺎﻥ ﺍﻟﻠﻲ ﺳﺎﻫﺮﻩ ﻉ ﺍﻟﺘﺼﻤﻴﻢ ...
ﻛﺎﻧﺖ ﻓﺎﺗﺤﻪ ﻧﺖ .. ﻭﺻﻠﻮﻫﺎ ﺭﺳﺎﺋﻞ ﻭﺍﺗﺲ ﻓﺘﻠﻴﻔﻮﻧﻬﺎ .. ﺧﺪﺕ ﺍﻟﺘﻠﻴﻔﻮﻥ ﻭﻓﺘﺤﺘﻬﻢ .. ﻟﻘﺖ ﺻﻮﺭ ﻟﻠﺒﻨﺎﺕ ﻭﺑﻮﻫﻢ ﻓﻲ ﺭﺣﻠﺘﻬﻢ .. ﺍﺑﺘﺴﻤﺖ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ .. ﻭﺑﻌﺘﺖ " ﺭﺑﻲ ﻳﺤﻔﻈﻜﻢ ﺑﻨﻴﺎﺗﻲ "...
ﺣﻄﺖ ﺍﻟﺘﻠﻴﻔﻮﻥ ﻭﻣﺴﺤﺖ ﺩﻣﻮﻋﻬﺎ ﺍﻟﻠﻲ ﻧﺰﻟﻮﺍ .. ﻭﻭﻟﺖ ﻟﺨﺪﻣﺘﻬﺎ .. ﺷﻮﻳﻪ ﻭﺟﺘﻬﺎ ﺭﺳﺎﻟﻪ ﺗﺎﻧﻴﻪ .. ﺧﺪﺕ ﺗﻠﻴﻔﻮﻧﻬﺎ ﻭﺷﺎﻓﺖ ﻟﻘﺘﻬﺎ ﻫﺎﻟﻤﺮﻩ ﻣﻦ ﻣﻬﺎ .. ﺑﺎﻋﺘﻪ ﺻﻮﺭﺓ ﻟﻴﻬﺎ ﻣﺼﻮﺭﺗﻬﺎ ﺣﺪﺍ ﺍﻟﻜﻌﺒﻪ ﻭﻻﺑﺴﻪ ﻣﻼﻳﻪ ﻭﻣﻌﺎﻫﺎ ﻣﺮﻳﻢ .. ﻭﻭﺍﺿﺢ ﻋﻠﻴﻬﺎ ﻓﺮﺣﺎﻧﻪ ﻫﻠﺒﻪ ..
ﺍﺑﺘﺴﻤﺖ ﺣﻨﺎﻥ ﻭﺑﻌﺘﺘﻠﻬﺎ " ﺭﺑﻲ ﻳﺘﻘﺒﻞ ﻣﻨﻚ ﻳﺎﻭﺭﺩﺗﻲ .. ﺍﺩﻋﻴﻠﻨﺎ ﻭﺍﺩﻋﻲ ﻟﺒﺎﺑﺎ ﺍﻛﺜﺮ ﻣﻦ ﻧﻔﺴﻚ .. ﺭﺑﻲ ﻳﺤﻔﻈﻚ "
ﺗﻨﻬﺪﺕ ﺣﻨﺎﻥ ﻭﺣﻄﺖ ﺍﻟﺘﻠﻴﻔﻮﻥ ﻭﻭﻟﺖ ﻟﺨﺪﻣﺘﻬﺎ ..
ﻓﻲ ﻧﻔﺲ ﺍﻟﻮﻗﺖ ..
ﻣﻌﺎﻭﻳﻪ ﻭﺻﻼﺗﻪ ﻧﻔﺲ ﺍﻟﺼﻮﺭﺓ ﻗﺎﻋﺪ ﻳﺘﺄﻣﻞ ﻓﻴﻬﺎ ﻭﻣﺒﺘﺴﻢ .. ﻳﺘﺎﻣﻞ ﻓﻲ ﻣﻼﻣﺢ ﺑﻨﺘﻪ ﺍﻟﻔﺮﺣﺎﻧﻪ ﻭﺍﻟﺮﺍﺣﻪ ﺍﻟﺒﺎﻳﻨﻪ ﻓﻲ ﺍﺑﺘﺴﺎﻣﺘﻬﺎ ... ﺧﻄﺮﺕ ﻋﻠﻴﻪ ... ﺍﻳﻪ ﻫﻲ ﺍﺻﻼ ﻣﺎﻏﺎﺑﺘﺶ ﻋﻦ ﺑﺎﻟﻪ ... ﻗﺒﻞ ﻟﺘﻮﺻﻠﻪ ﺭﺳﺎﻟﻪ ﺑﻨﺘﻪ ﻛﺎﻥ ﻣﻘﻌﻤﺰ ﻣﻐﻤﺾ ﻋﻴﻮﻧﻪ ﻭﻳﻔﻜﺮ ﻓﻴﻬﺎ ﻭﻳﺘﺨﺎﻳﻞ ﻓﻲ ﻣﻼﻣﺤﻬﺎ ﻓﻲ ﻛﻞ ﺣﺎﻻﺗﻬﺎ .. ﺗﻨﻬﺪ .. ﻭﻧﺎﺽ ... ﻭﻃﻠﻊ ﻣﻦ ﻣﻜﺘﺒﻪ .. ﻭﻛﻠﻢ ﺍﻟﺴﻮﺍﻕ ... ﺍﻟﻠﻲ ﻧﺎﺽ ﻣﻦ ﻧﻮﻣﻪ ﻣﺴﻜﻴﻦ ﻭﻗﺎﻟﻪ ﻳﺴﺘﻨﺎﻩ ﺑﺮﺍ .. ﻃﻠﻊ ﻣﻌﺎﻭﻳﻪ ﻣﻦ ﺍﻟﻘﺼﺮ .. ﻟﻘﻲ ﺍﻟﺴﻮﺍﻕ ﻛﻴﻒ ﻭﻟﻊ ﺍﻟﺴﻴﺎﺭﻩ .. ﺷﺎﻓﻪ ﺍﻟﺴﻮﺍﻕ ﻭﻛﺎﻟﻌﺎﺩﻩ ﻓﺘﺤﻠﻪ ﺍﻟﺒﺎﺏ .. ﻭﺭﻛﺐ .. ﻭﺷﻮﻳﻪ ﻭﺗﺤﺮﻛﻮﺍ ...
***
ﺣﻨﺎﻥ ﺣﺴﺖ ﺑﺘﻌﺐ ... ﻧﺎﺿﺖ ﺻﻜﺮﺕ ﺍﻟﻼﺏ ﺗﻮﺏ .. ﻭﻣﺸﺖ ﺷﺎﻓﺖ ﻣﺤﻤﺪ ﺍﻟﻠﻲ ﻛﺎﻥ ﺭﺍﻗﺪ ﻭﻳﻬﺒﻞ ﺷﻜﻠﻪ ...
ﻭﺧﺸﺖ ﺳﺮﻳﺮﻫﺎ .. ﻭﺑﺎﻟﺸﻮﻱ ﺑﺸﻮﻱ .. ﺟﺎﻫﺎ ﺍﻟﻨﻮﻡ ﻭﺭﻗﺪﺕ ..
ﻭﻣﺎﻋﻨﺪﻫﺎﺵ ﻋﻠﻢ .. ﺑﺎﻟﻠﻲ ﻭﺍﻗﻒ ﺑﺴﻴﺎﺭﺗﻪ ﺣﺪﺍ ﺣﻮﺷﻬﺎ ﻭﻳﺸﻮﻓﻠﻪ ... ﻳﺒﻲ ﻳﻜﻮﻥ ﻗﺮﻳﺐ ﻣﻨﻬﺎ .. ﻣﺶ ﺑﻴﺪﻩ .. ﺑﺲ ﺑﺪﻱ ﻳﺤﺲ ﺑﺮﻭﺣﻪ ﻣﺨﻨﻮﻕ ﻭﻫﻮ ﺑﻌﻴﺪ ﻋﻨﻬﺎ ... ﻭﻗﻠﺒﻪ ﻫﻮ ﺍﻟﻠﻲ ﻳﺒﻲ ﻗﺮﺑﻬﺎ ﺑﺄﻱ ﺷﻜﻞ .. ﻭﺍﻟﻘﻠﺐ ﻟﻤﺎ ﻳﺤﻜﻢ ﻓﻴﻨﺎ ﻳﻜﻮﻥ ﻃﺎﻏﻲ ﻭﻣﺘﺠﺒﺮ ...
ﻣﺎﺣﺴﺶ ﺑﺮﻭﺣﻪ ﻟﻤﺎ ﺭﻗﺪ ﻓﻲ ﺍﻟﺴﻴﺎﺭﻩ ﻭﺍﻟﺴﻮﺍﻕ ﺍﻟﻤﺴﻜﻴﻦ ﺭﻗﺪ ﺣﺘﻰ ﻫﻮ .. ﻭﻣﺎﻧﺎﺿﺶ .. ﺃﻻ ﻉ ﺻﻮﺕ ﺍﻟﻌﺼﺎﻓﻴﺮ .. ﺍﻟﻠﻲ ﻛﺎﻧﺖ ﺗﺴﺒﺢ ﻟﺮﺑﻬﺎ ﻗﺒﻞ ﺍﻟﺸﺮﻭﻕ ... ﻓﺎﻕ ... ﻭﻳﺤﺎﻭﻝ ﻳﺴﺘﻮﻋﺐ ﻫﻮ ﻭﻳﻦ .. ﺍﺳﺘﺎﻗﺾ ﻟﺮﻭﺣﻪ ﺍﻧﻪ ﺭﻗﺪ ﻃﻮﻝ ﺍﻟﻠﻴﻞ ﻓﻲ ﺍﻟﺴﻴﺎﺭﻩ .. ﺑﺲ ﺣﺲ ﺇﻥ ﻫﺎﻟﻨﻮﻣﻪ ﻛﺎﻧﺖ ﺍﺭﻳﺢ ﻧﻮﻣﻪ ﺭﻗﺪﻫﺎ ﻣﻦ ﻭﻗﺖ ﻃﻮﻳﻴﻴﻴﻞ ...
ﺍﻧﺘﺒﻪ ﻟﺒﺎﺏ ﺍﻟﺤﻮﺵ ﺍﻟﻠﻲ ﺍﻧﻔﺘﺢ ﻛﺎﻧﺖ ﻫﻴﺎ ... ﻃﺎﻟﻌﻪ .. ﻫﻮ ﺣﺴﻬﺎ ﺯﻱ ﺍﻟﺸﻤﺲ ﺍﻟﻠﻲ ﺯﺭﻗﺖ ﻋﻠﻴﻪ ... ﻗﺒﻞ ﻟﺘﺰﺭﻕ ﺷﻤﺲ ﺍﻟﺪﻧﻴﺎ ..
ﺷﺎﻓﻬﺎ ﻣﺎﺷﻴﻪ .. ﻧﻮﺽ ﺍﻟﺴﻮﺍﻕ .. ﻣﺴﻜﻴﻦ ﻧﺎﺽ ﻣﺨﻠﻮﻉ
ﻗﺎﻟﻪ : ﺍﻟﺤﻘﻬﺎ ﻭﻣﺎﺗﺨﻠﻴﻬﺎﺵ ﺗﺤﺲ ﺑﻴﻚ ..
ﺍﻟﺴﻮﺍﻕ : ﺣﺎﺿﺮ ..
ﻭﻓﻌﻼ ﻟﺤﻘﻮﻫﺎ ..
ﻟﻘﻮﻫﺎ ﺍﺩﻳﺮ ﻓﻲ ﺍﻟﻠﻲ ﺍﻧﺘﻢ ﺗﻌﺮﻓﻮﻩ ﻋﻨﻬﺎ ... ﻣﺎﺣﺴﺘﺶ ﺑﺤﺪ ﻳﻠﺤﻖ ﻓﻴﻬﺎ ﺑﻜﻞ .. ﻣﻨﺴﺠﻤﻪ ﻣﻊ ﺍﻟﺠﻮ ﺍﻟﺤﻠﻮ ﻭﺗﺴﺒﺢ ﻟﻴﻦ ﻭﺻﻠﺖ ﻓﻲ ﻣﺤﻞ ﺍﻟﻮﺭﺩ .. ﺧﺸﺖ ﺷﻮﻳﻪ ﻭﻃﻠﻌﺖ ﻣﻨﻪ ﺑﺒﺎﻗﻪ ﺗﻮﻟﻴﺐ ﺑﺄﻟﻮﺍﻥ ﻣﺨﺘﻠﻔﻪ ﺑﺲ ﺍﻟﻤﻮﻑ ﻏﺎﻟﺐ ﻋﻠﻴﻬﺎ .. ﻭﻃﻠﻊ ﻭﺭﺍﻫﺎ ﺍﻟﻌﻢ ﻣﺴﻌﻮﺩ .. ﻳﻜﻠﻢ ﻓﻴﻬﺎ ﻭﻳﻀﺤﻚ ﻭﻫﻲ ﺗﻀﺤﻚ ﻭﻣﺸﺖ ﺑﻌﺪﻳﻦ ..
ﻫﻮ ﺣﺴﺪﻩ ﻫﻠﺒﻪ ﻭﻏﺎﺭﻣﻨﻪ ﺭﻏﻢ ﺍﻧﻪ ﺷﻴﺒﺎﻧﻲ ﻛﺒﻴﺮ ... ﻭﺗﻤﻨﻰ ﻟﻮ ﻛﺎﻥ ﺑﺎﻳﻊ ﻭﺭﺩ ﺑﺶ ﺗﺸﺮﻱ ﻣﻨﻪ ﻭﺗﻀﺤﻚ ﻓﻮﺟﻬﻪ ﻛﻞ ﺻﺒﺢ ... ﻭﻻ ﻋﺎﻣﻞ ﻧﻈﺎﻓﻪ ﺑﺶ ﻟﻤﺎ ﻳﻨﻮﺷﻬﺎ ﻣﻦ ﻏﻴﺮ ﻣﺎﻳﻘﺼﺪ ﻃﺒﻄﺐ ﻉ ﻛﺘﻔﻪ ﻭﺗﺒﺘﺴﻤﻠﻪ ﺇﺑﺘﺴﺎﻣﺘﻬﺎ ﺍﻟﺤﻠﻮﺓ .. ﺍﻟﻤﻬﻢ ﺗﺘﻘﺒﻠﻪ ﻭﺗﻀﺤﻚ ﻓﻲ ﻭﺟﻬﻪ ﺑﺲ ..." ﺍﻟﺤﺐ ﻭﻋﻤﺎﻳﻠﻪ ﺗﺨﻠﻲ ﺍﻟﻤﻠﻴﺎﺭﺩﻳﺮ ﻳﺘﻤﻨﻰ ﻟﻮ ﻛﺎﻥ ﻋﺎﻣﻞ ﻧﻈﺎﻓﻪ ﺑﺶ ﻳﺤﻈﺎ ﺑﻮﺻﻞ ﺍﻟﻤﺤﺒﻮﺏ "...
ﻗﻌﺪﻭﺍ ﻭﺭﺍﻫﺎ ﻟﻴﻦ ﻭﺻﻠﺖ ﻟﻠﺤﻮﺵ ﻭﺧﺸﺖ .. ﻫﻮ ﺍﺗﻜﺎ ﻉ ﺍﻟﻜﺮﺳﻲ ﻭﺗﻨﻬﺪ .. ﻭﻗﺎﻝ ﻟﻠﺴﻮﺍﻕ : ﻭﻟﻲ ﺑﻴﻨﺎ ﻟﻤﺤﻞ ﺍﻟﻮﺭﺩ .. ﻭﻣﻨﻪ ﻟﻠﻘﺼﺮ ..
ﺍﻟﺴﻮﺍﻕ : ﺣﺎﺿﺮ ...
***
ﺑﻌﺪ ﺭﻭﺣﺖ ﻭﺗﺖ ﺍﻟﻔﻄﻮﺭ .. ﻭﻟﻘﺖ ﻧﻴﺮﻭﺯ ﻧﺎﺯﻟﻪ ﺑﻤﺤﻤﺪ ﻣﻦ ﻓﻮﻕ ..
ﻧﻴﺮﻭﺯ : ﻳﺎﺻﺒﺎﺡ ﺍﻟﻮﺭﺩ ﻳﺎﻭﺭﺩﺓ ..
ﺣﻨﺎﻥ ﺧﺪﺕ ﻣﻨﻬﺎ ﻣﺤﻤﺪ ﺍﻟﻠﻲ ﻛﺎﻥ ﻳﻨﺎﻏﻲ : ﺻﺒﺎﺣﻚ ﻋﺴﻞ ﺩﺍﻡ ﺗﺼﺒﺤﺘﻲ ﻓﻴﻪ ...
ﻧﻴﺮﻭﺯ ﺑﻀﺤﻜﻪ : ﻃﺒﻌﺎ ..
ﺭﺿﺎ ﻃﻠﻊ ﻣﻦ ﺍﻟﺪﺍﺭ : ﺻﺒﺎﺡ ﺍﻟﺨﻴﺮﺍﺕ ..
ﺍﻟﺰﻭﺯ : ﺻﺒﺎﺡ ﺍﻟﻮﺭﺩ .. ﺻﺒﺎﺡ ﺍﻟﻨﻮﺭ ...
ﻗﻌﻤﺰﻭﺍ ﻉ ﺍﻟﻄﺎﻭﻟﻪ ﻭﺑﺪﻭﺍ ﻳﻔﻄﺮﻭﺍ .. ﻭﺭﺿﺎ ﻳﺸﺒﺢ ﻟﻠﻮﺭﺩ ..
ﺭﺿﺎ : ﺣﻠﻮ ﺍﻟﻤﻮﻑ ...
ﺣﻨﺎﻥ ﺗﻠﻔﺘﺖ ﺷﺎﻓﺖ ﺍﻟﺘﻮﻟﻴﺐ ﺍﻟﻤﻮﻑ ﻭﺍﺑﺘﺴﻤﺖ ...
***
ﺑﻌﺪ ﺭﻭﺡ ﺍﻟﻘﺼﺮ ﻭﻣﻌﺎﻩ ﺍﻟﻮﺭﺩ ﻗﺎﻝ ﻟﻮﺣﺪﻩ ﻣﻦ ﺍﻟﺨﺪﻡ ﺗﺤﻄﻬﺎ ﻓﻲ ﺍﻟﻔﺎﺯﻩ ﻭﺗﺤﻄﻬﺎ ﻉ ﻃﺎﻭﻟﻪ ﺣﺪﺍ ﺍﻟﺒﺎﺏ ..
ﺭﻛﺐ ﺩﻭﺵ .. ﻟﺒﺲ ﻭﺗﺄﻧﻖ .. ﻭﻧﺰﻝ ... ﺗﻮﺟﻪ ﺟﻬﺔ ﺍﻟﻔﺎﺯﺓ ﺍﻟﻠﻲ ﻓﻴﻬﺎ ﺍﻟﻮﺭﺩ ﻭﻗﺪﻣﻠﻪ ﻭﻭﻗﻒ ﻗﺪﺍﻣﻪ ...
ﺍﺫﻛﺮ ﺍﻳﺎﻡ ﺯﻣﺎﻥ ﻟﻤﺎ ﻛﺎﻥ ﺑﻮﻩ ﻳﺴﺎﻓﺮ ﻭﺃﻣﻪ ﺗﻨﻮﺽ ﺍﻟﺼﺒﺢ ﺗﻔﺘﺢ ﺍﻷﻏﺎﻧﻲ ﺍﻟﻠﻴﺒﻴﻪ ﻭﺗﻐﻨﻲ ﻣﻌﺎﻩ .. ﻭﻣﻦ ﺿﻤﻨﻬﺎ ﺍﻏﻨﻴﻪ ﺍﻣﻪ ﺗﺤﺒﻬﺎ ﻫﻠﺒﻪ .. ﻗﺎﻋﺪﻩ ﺗﺘﺮﺩﺩ ﻓﻲ ﺭﺍﺳﻪ .. ﻟﻘﻲ ﺭﻭﺣﻪ ﻳﻐﻨﻲ ﻓﻴﻬﺎ ﻭﻫﻮ ﻳﻠﻤﺲ ﻓﻲ ﺍﻟﻮﺭﺩ ﺍﻟﻠﻲ ﻓﻲ ﺍﻟﻤﺰﻫﺮﻳﻪ ..
ﺣﺒﻴﺖ ﻟﻮﻥ ﺍﻟﻮﺭﺩ ﻻﺗﻠﻮﻣﻮﻧﻲ ...
ﺣﺒﻴﺖ ﻟﻮﻥ ﺍﻟﻮﺭﺩ ﻻﺗﻠﻮﻣﻮﻧﻲ ..
ﻭﺭﺩﺍﺕ ﺑﻴﻦ ﺃﻏﺼﺎﻧﻬﻢ ﺳﺤﺮﻭﻧﻲ ..
ﻭﺁﺍﺍﺍﻩ ﺁﺍﺍﻩ ﺁﺍﺍﻩ ﺁﺍﺍﻩ ﻻﺗﻠﻮﻣﻮﻧﻲ ...
ﺍﻟﺨﺪﺍﻣﻪ ﺟﺖ ﺑﺘﻨﺎﺩﻳﻪ ﻳﺠﻲ ﻳﻔﻄﺮ ﺳﻤﻌﺎﺗﻪ ﻳﻐﻨﻲ ﻣﺸﺖ ﻟﻠﺨﺪﻣﺎﺕ ﻭﻗﺎﻟﺘﻠﻬﻢ : ﺗﻌﺎﻟﻮﺍ ﺍﺳﻤﻌﻮﺍ .. ﺳﻴﺪﻱ ﻣﻌﺎﻭﻳﻪ ﻳﻐﻨﻲ ..
ﻣﺸﻮﺍ ﻛﻠﻬﻢ ﻳﺠﺮﻭﺍ ﻭﺍﺩﺭﻗﻮﺍ ﻓﻲ ﺍﻟﺘﺮﻛﻴﻨﻪ ﻭﻗﻌﺪﻭﺍ ﻳﺴﻤﻌﻮﺍ ﻓﻴﻪ ﻭﻫﺎﻳﻤﺎﺕ ﻓﻲ ﺍﻟﺼﻮﺕ ..
ﻫﻮ ﺍﻟﺘﻔﺖ ﻓﺠﺄﺓ .. ﻫﻤﺎ ﺗﻘﻮﻝ ﺷﺎﻓﻮﺍ ﻋﺰﺭﺍﺋﻴﻞ ... ﻫﺮﺑﻮﺍ ﻭﻗﻌﺪﺕ ﻭﺣﺪﻩ ﺯﻱ ﺍﻟﺒﻠﻬﺎﺀ ﻣﺴﻜﻴﻨﻪ ﻣﺎﻗﺪﺭﺗﺶ ﺗﺘﺤﺮﻙ ..
ﻣﻌﺎﻭﻳﻪ : ﺍﻟﻔﻄﻮﺭ ﻭﺍﺗﻲ ...
ﺍﻟﺨﺪﺍﻣﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺮﻋﺶ ..
ﻫﻮ ﻗﺪﻡ ﻭﻓﺎﺕ ﻣﻦ ﺟﻨﺒﻬﺎ ﻣﺘﻮﺟﻪ ﻟﻐﺮﻓﺔ ﺍﻷﻛﻞ ..
ﻫﻲ ﻣﺶ ﻣﺼﺪﻗﻪ ﻭﻭﻟﺖ ﺑﺴﺮﻋﻪ ﻟﻠﻜﻮﺟﻴﻨﻪ ..
ﺷﺒﺤﻮﻫﺎ ﺍﻟﻠﻲ ﻣﻌﺎﻫﺎ ..
: ﻟﺰﻙ؟؟؟
ﻫﻲ ﻣﺼﺪﻭﻣﻪ : ﻓﺎﺕ ﻣﻦ ﺣﺪﺍﻳﺎ ﻭﻣﺸﻲ ﻟﻠﻐﺮﻓﺔ ﺍﻷﻛﻞ ﻭﻻﻛﺄﻥ ﺻﺎﺭ ﺷﻲ ..
: ﻻﻻﻻ ﻭﺣﻖ ﺭﺑﻲ ﻣﺘﻐﻴﺮ ﺑﺮﺷﻪ ..
: ﺍﻳﻪ ﻣﻼﺣﻈﻪ ..
: ﻳﻜﻮﻧﺶ ﺑﻴﺤﺐ ﻳﺎﺑﻨﺎﺕ .. ﺿﺤﻜﻮﺍ ﻛﻠﻬﻢ ...
ﻭﻗﺎﻟﺖ ﻭﺣﺪﻩ : ﺟﺎﻳﺰ ... ﺇﻥ ﺍﻟﻠﻪ ﻉ ﻛﻞ ﺷﻲ ﻗﺪﻳﺮ ..
ﻛﻠﻬﻢ ﺿﺤﻜﻮﺍ ... ﻭﻛﻤﻠﻮﺍ ﺷﻐﻠﻬﻢ ..
ﺍﻣﺎ ﺳﻴﺪﻫﻢ ﻣﻌﺎﻭﻳﻪ ﻓﻜﺎﻥ ﻳﻔﻄﺮ ﻭﻫﻮ ﻣﺒﺘﺴﻢ ﻭﺣﺎﺱ ﺑﺴﻌﺎﺩﻩ ﺩﺍﺧﻠﻴﻪ ﻣﻦ ﻧﻮﻉ ﺁﺧﺮ ﻋﻤﺮﻩ ﻣﺎﺣﺲ ﺑﻴﻬﺎ ﻓﺤﻴﺎﺗﻪ ..
... ﻳﺘﺒﻊ
٢٣ / ١٠ / ٢٠٢٠ · Facebook for Android · ﺭ
