# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 16_
ﺍﻟﺰﻭﺯ ﻭﺍﻗﻔﻴﻦ ﻣﻘﺎﺑﻞ ﺑﻌﺾ ﻭﻻ ﻛﻠﻤﻪ .. ﻭﺍﻟﺰﻭﺯ ﻓﻲ ﻋﻘﻮﻟﻬﻢ ﺍﺩﻭﺭ ﺍﻷﺳﺌﻠﻪ ...
ﺍﻟﺒﻨﺎﺕ ﻣﻨﺸﻐﻼﺕ ﻓﻲ ﺍﻟﻬﺪﺭﺯﺓ ..
ﻭﺣﻨﺎﻥ ﻻﺣﻈﺖ ﺇﻥ ﻧﻀﺎﻝ ﻋﻄﻞ ﻓﻮﻗﻔﺘﻪ ﻉ ﺍﻟﺒﺎﺏ .. ﺍﺳﺘﻐﺮﺑﺖ .. ﻭﻣﺸﺖ ﺑﺘﺸﻮﻑ ﺷﻦ ﻓﻲ .. ﻭﺻﻠﺖ ﻓﻲ ﺍﻟﺒﺎﺏ ﻭﺗﻔﺎﺟﺌﺖ ﻫﻠﺒﻪ ...
ﻣﻌﺎﻭﻳﻪ ﻟﻤﺎ ﺷﺎﻓﻬﺎ ﺍﺑﺘﺴﻢ ﺑﻐﺮﻭﺭ ﺑﺲ ﻛﺎﻧﺖ ﻓﻌﻴﻮﻧﻪ ﻟﻤﻌﻪ ﻧﻀﺎﻝ ﻻﺣﻈﻬﺎ ...
ﺣﻨﺎﻥ ﺍﺑﺘﺴﻤﺖ : ﻋﻼﺵ ﻣﺨﻠﻲ ﺿﻴﻔﻨﺎ ﻭﺍﻗﻒ ﻉ ﺍﻟﺒﺎﺏ ﻫﻜﻲ ..
ﻧﻀﺎﻝ ﺑﺤﺪﻩ : ﻋﺪﻡ ﺍﻟﻤﺆﺍﺧﺬﻩ ﻣﺎﻋﺮﻓﺘﺎﺵ ..
ﻣﻌﺎﻭﻳﻪ : ﺍﻟﻤﺪﺍﻡ ﺗﻌﺮﻓﻨﻲ ...
ﻧﻀﺎﻝ ﺭﻓﻊ ﺣﺎﺟﺒﻪ ﻭﻫﻮ ﻳﺸﻮﻓﻠﻪ .. ﺍﻣﺎ ﻣﻌﺎﻭﻳﻪ ﺍﺑﺘﺴﻢ ﺍﺑﺘﺴﺎﻣﻪ ﻣﺴﺘﻔﺰﺓ ...
ﺣﻨﺎﻥ : ﻫﺬﺍ ﻭﺍﻟﺪ ﻣﻬﺎ ﺻﺎﺣﺒﺔ ﻟﺒﻨﻰ ...
ﻧﻀﺎﻝ : ﺍﻫﺎ ...
ﺣﻨﺎﻥ : ﻋﻴﺐ ﺍﻟﺮﺍﺟﻞ ﻗﺎﻋﺪ ﻭﺍﻗﻒ ﻉ ﺍﻟﺒﺎﺏ ﻫﻜﻲ ...
ﻧﻀﺎﻝ ﺑﺄﺑﺘﺴﺎﻣﻪ ﻓﻮﻕ ﻣﻦ ﺍﻟﻨﻔﺲ : ﺍﻳﻪ ﻋﻴﺐ ... ﺍﻫﻼ .. ﺗﻔﻀﻞ ...
ﻭﺧﺮﺕ ﺣﻨﺎﻥ ﻭﺧﺶ ﻣﻌﺎﻭﻳﻪ ﻭﻧﻀﺎﻝ ﻳﺼﻜﺮ ﻓﻲ ﺍﻟﺒﺎﺏ ﻭﻳﺸﺒﺤﻠﻪ ..
ﺣﻨﺎﻥ : ﺗﻔﻀﻞ ...
ﻣﻌﺎﻭﻳﻪ ﺍﺑﺘﺴﻤﻠﻬﺎ ﻭﺧﺶ ... ﻋﻴﻨﻪ ﻉ ﺍﻟﺘﻮﻟﻴﺐ ﺍﻟﺒﻨﻔﺴﺠﻲ ﺑﻌﺪﻳﻦ ﺷﺒﺢ ﺍﻟﻘﺪﺍﻡ ﻭﻛﻤﻞ .. ﻣﻬﺎ ﺷﺎﻓﺎﺗﻪ ﺗﻔﺎﺟﺌﺖ ﺑﻔﺮﺣﻪ ..
ﻣﻬﺎ : ﺑﺎﺑﺎ ..
ﻣﻌﺎﻭﻳﻪ ﺍﺑﺘﺴﻢ ﻭﻗﺪﻣﻠﻬﻢ ......
ﻣﻬﺎ ﺑﻀﺤﻜﻪ : ... ﻣﻮﻟﻲ ﺗﺤﺐ ﺍﻟﻤﻔﺎﺟﺂﺕ ﺍﻷﻳﺎﻡ ﻫﺎﺩﻱ ...
ﻣﻌﺎﻭﻳﻪ : ﺍﻫﻢ ﺷﻲ ﺗﻜﻮﻥ ﺣﻠﻮﺓ .. ﻣﺶ ﺛﻘﻴﻠﻪ ﻉ ﺍﺻﺤﺎﺏ ﺍﻟﻤﻜﺎﻥ ..
ﺣﻨﺎﻥ ﺑﺈﺑﺘﺴﺎﻣﻪ : ﺍﺑﺪﺍ ... ﺍﻫﻼ ﻭﺳﻬﻼ ﺑﻴﻚ .. ﺗﻔﻀﻞ ..
ﻣﻌﺎﻭﻳﻪ : ﻳﺰﻳﺪ ﻓﻀﻠﻚ ... ﻭﻗﻌﻤﺰ .. ﻭﻗﻌﻤﺰ ﻧﻀﺎﻝ ﺟﻨﺒﻪ ﺑﺲ ﻓﻲ ﺑﻴﻨﺎﺗﻬﻢ ﻣﺴﺎﻓﻪ ...
ﺣﻨﺎﻥ : ﺗﺸﺮﺏ ﻗﻬﻮﺓ ...
ﻣﻌﺎﻭﻳﻪ : ﻣﺶ ﺣﻨﻘﻮﻝ ﻻ .. ﺳﺎﺩﺓ ...
ﺣﻨﺎﻥ : ﺗﻤﺎﻡ ... ﻭﻣﺸﺖ
ﻣﻌﺎﻭﻳﻪ " ﻭﻻﻛﺄﻥ ﺻﺎﻳﺮ ﺑﻴﻨﻲ ﻭﺑﻴﻨﻬﺎ ﺻﺪﺍﻡ ﺍﺧﺮ ﻣﺮﺓ .. ﻣﺶ ﻋﺎﺭﻑ ﻟﻴﺶ ﻫﺎﻹﻧﺴﺎﻧﻪ ﺷﻮﻓﺔ ﻭﺟﻬﻬﺎ ﺑﺲ ﺗﺮﻳﺢ ﺍﻟﻨﻔﺲ "..
ﻧﻀﺎﻝ ﻻﺣﻈﻪ ﻳﺸﺒﺢ ﺟﻴﻬﺘﻬﺎ : ﻛﻴﻒ ﺍﻟﺤﺎﻝ ..
ﻣﻌﺎﻭﻳﻪ ﺷﺒﺤﻠﻪ : ﺍﻟﺤﻤﺪ ﻟﻠﻪ ... ﻛﻴﻒ ﺣﺎﻝ ﻣﺪﺍﻡ ﻳﺎﺭﺍ ...
ﻧﻀﺎﻝ : ﻛﻮﻳﺴﻪ ...
ﺍﻟﺒﻨﺎﺕ ﺍﺳﺘﻐﺮﺑﻮﺍ ﻣﻨﻴﻦ ﻳﻌﺮﻓﻬﺎ .. ﻭﻫﻞ ﻳﺎﺗﺮﻯ ﻳﻌﺮﻑ ﺑﻮﻫﻢ ﻣﻦ ﻗﺒﻞ؟ !!
ﻣﻬﺎ : ﺑﺎﺑﺎ .. ﻧﻌﺮﻓﻚ .. ﻫﺎﺩﻱ ﻟﺒﻨﻲ ﺻﺎﺣﺒﺘﻲ ﻭﺗﻘﺮﺍ ﻣﻌﺎﻱ ...
ﻣﻌﺎﻭﻳﻪ : ﺍﻫﻼ ﺑﻨﺘﻲ ..
ﻟﺒﻨﻰ ﺍﺑﺘﺴﻤﺖ : ﺍﻫﻼ ﺑﻴﻚ " ﻣﺤﻼﻙ ﻭﺍﻧﺖ ﺭﺍﻳﻖ "...
ﻣﻬﺎ : ﻭﻫﺎﺩﻱ ﺍﺧﺘﻬﺎ ﺍﻟﻜﺒﻴﺮﻩ ﺭﻫﻒ ..
ﻣﻌﺎﻭﻳﻪ : ﺍﻫﻼ ﻳﺎﺭﻫﻒ ..
ﺭﻫﻒ : ﺍﻫﻠﻴﻦ ﺑﻴﻚ " ﺟﺎﺫﺑﻴﻪ ﺩﺭﺟﻪ ﺍﻭﻟﻰ "...
ﺭﻥ ﺍﻟﺠﺮﺱ ..
ﺣﻨﺎﻥ ﻣﻦ ﺍﻟﻜﻮﺟﻴﻨﻪ : ﻟﺒﻨﻰ ﻣﺎﻣﺎ ﺍﻓﺘﺤﻲ ..
ﻟﺒﻨﻰ ﻧﺎﺿﺖ : ﺣﺎﺿﺮ ... ﻭﻣﺸﺖ ﺗﻔﺘﺢ ..
ﻣﻌﺎﻭﻳﻪ ﻳﺴﺮﻕ ﻓﻲ ﺍﻟﻨﻈﺮ ﻟﺤﻨﺎﻥ ... ﻭﻧﻀﺎﻝ ﻳﺒﻲ ﻳﻨﻮﺽ ﻳﻀﺮﺑﻪ ﻭﻓﻲ ﻧﻔﺲ ﺍﻟﻮﻗﺖ ﻳﺒﻲ ﻳﻌﺮﻑ ﺷﻦ ﻃﺒﻴﻌﻪ ﺍﻟﻤﻌﺮﻓﻪ ﺑﻴﻨﻪ ﻭﺑﻴﻦ ﺣﻨﺎﻥ ...
ﺧﺸﻮﺍ ﺃﺳﺎﻣﻪ ﻭﻧﻴﺮﻭﺯ ﻣﻊ ﺑﻌﺾ ... ﺑﻌﺪ ﺳﻠﻤﻮﺍ ﻉ ﺭﻫﻒ ..
ﺗﻔﺎﺟﺌﻮﺍ ﺑﺎﻟﺸﺨﺺ ﺍﻟﻐﺮﻳﺐ ﺍﻟﻤﻮﺟﻮﺩ ﺑﻴﻨﺎﺗﻬﻢ ...
ﺃﺳﺎﻣﻪ ﻭﻫﻮ ﻣﺴﺘﻐﺮﺏ : ﻛﻴﻒ ﺍﻟﺤﺎﻝ ..
ﻧﻀﺎﻝ : ﺍﻟﺤﻤﺪ ﻟﻠﻪ ...
ﻧﻴﺮﻭﺯ ﺗﺸﺒﺤﻠﻪ : ﻛﻴﻒ ﺣﺎﻟﻜﻢ ..
ﻛﻠﻬﻢ ﺭﺩﻭﺍ : ﺍﻟﺤﻤﺪ ﻟﻠﻪ ..
ﺟﺘﻬﻢ ﺣﻨﺎﻥ : ﺍﻫﻼ ﺍﻫﻼ .. ﻭﺳﻠﻤﺖ ﻉ ﻧﻴﺮﻭﺯ ... ﻗﻌﻤﺰﻭﺍ ﺧﻴﺮﻛﻢ ..
ﺍﺳﺎﻣﻪ ﻳﺘﺴﺎﺋﻞ ﺑﻌﻴﻮﻧﻪ ﻣﻨﻮ ﻫﺬﺍ ﻭﻫﻮ ﻳﻘﻌﻤﺰ ...
ﺣﻨﺎﻥ : ﻫﺬﺍ ﺍﻟﺴﻴﺪ ﻣﻌﺎﻭﻳﻪ ﻭﺍﻟﺪ ﻣﻬﺎ ..
ﻧﻴﺮﻭﺯ ﺑﺈﺑﺘﺴﺎﻣﻪ ﻋﺮﻳﻀﻪ : ﺍﻫﺎﺍﺍ ... ﺍﻫﻼ ﺍﻫﻼ ..
ﺍﺳﺎﻣﻪ : ﺷﺒﻬﺖ ﻋﻠﻴﻪ ... ﻣﻌﺎﻭﻳﻪ ﺍﻟﻬﺎﺩﻱ ﺻﺢ ..
ﻣﻌﺎﻭﻳﻪ : ﺻﺢ ..
ﺍﺳﺎﻣﻪ : ﺍﺷﻬﺮ ﻣﻦ ﺍﻟﻨﺎﺭ ﻉ ﺍﻟﻌﻠﻢ ..
ﻣﻌﺎﻭﻳﻪ : ﺷﻜﺮﺍ ...
ﻣﺸﺖ ﺣﻨﺎﻥ ﺗﺠﻴﺐ ﺍﻟﻘﻬﻮﺓ ﻭﻣﻌﺎﻫﺎ ﺍﻟﺤﻠﻮ ﻭﻧﻴﺮﻭﺯ ﻓﺠﺮﺗﻬﺎ ..
ﻧﻴﺮﻭﺯ : ﺇﻳﻴﻴﻴﻴﻴﻴﻴﻴﻴﻴﻪ ﺩﻩ ...
ﺣﻨﺎﻥ ﺑﻀﺤﻜﻪ : ﺧﻴﺮﻙ ..
ﻧﻴﺮﻭﺯ : ﻫﻴﺒﻪ ﻛﻠﻪ ﻫﻴﺒﻪ ﻳﺎﻛﺒﺪﻱ ﻭﻏﺰﺍﻝ ﻣﺼﻮﺭ .. ﺍﻧﺘﻲ ﻟﻤﺎ ﺗﺤﻜﻲ ﻋﻠﻴﻪ ﺗﺨﺎﻳﻠﺘﻪ ﺯﻱ ﺍﻟﻘﺒﻄﺎﻥ ﺍﻟﻠﻲ ﻓﻌﺪﻧﺎﻥ ﻭﻟﻴﻨﺎ ..
ﺣﻨﺎﻥ : ﻫﻬﻬﻬﻬﻬﻬﻬﻪ ...
ﻗﻌﺪﻭﺍ ﺍﻟﺮﺟﺎﻟﻪ ﻳﻬﺪﺭﺯﻭﺍ ﺑﻜﻠﻤﺎﺕ ﻣﺨﺘﺼﺮﻩ .. ﺷﺨﺼﻴﺔ ﻣﻌﺎﻭﻳﻪ ﺍﻟﻠﻲ ﻏﺎﻟﺐ ﻋﻠﻴﻬﺎ ﺍﻟﻜﺒﺮ .. ﻣﺨﻠﻴﺘﻬﻢ ﺍﻟﺰﻭﺯ ﻧﻀﺎﻝ ﻭﺃﺳﺎﻣﻪ .. ﻣﺶ ﻣﺮﺗﺎﺣﻴﻦ ﻓﻲ ﺍﻟﻬﺪﺭﺯﺓ ﻣﻌﺎﻩ ...
ﻟﻴﻦ ﺟﺖ ﺣﻨﺎﻥ ﺑﺎﻟﻘﻬﻮﺓ ..
ﺑﺪﺕ ﺑﻴﻪ ﻫﻮ ﺍﻷﻭﻝ ﺑﺈﻋﺘﺒﺎﺭﻩ ﺍﻭﻝ ﻣﺮﺓ ﻳﺨﺶ ﺍﻟﺤﻮﺵ .. ﺧﺪﻱ ﺍﻟﻔﻨﺠﺎﻥ ﻭﻗﺎﻝ ﺑﻬﻤﺲ : ﻣﺴﻤﻤﺘﻴﻪ ..
ﺣﻨﺎﻥ ﺍﻧﺼﺪﻣﺖ ﻭﻓﻨﺼﺖ ﻭﻛﺎﻥ ﺗﻠﻘﻰ ﻭﻗﺘﻬﺎ ﺗﻘﻠﺐ ﻋﻠﻴﻪ ﺍﻟﺼﻔﺮﺓ .. ﻫﻮ ﺿﺤﻚ ﻭﻫﻲ ﺭﻗﻴﺘﻠﻬﺎ ﻋﻄﺖ ﻷﺳﺎﻣﻪ ﺑﻌﺪﻳﻦ ﻧﻀﺎﻝ ﺍﻟﻠﻲ ﻛﺎﻥ ﺑﻴﻤﻮﺕ ﻭﻳﻌﺮﻑ ﺷﻦ ﻫﻤﺴﻠﻬﺎ ﻣﻌﺎﻭﻳﻪ ...
ﻓﺮﻗﺖ ﻉ ﺍﻟﻜﻞ ﻭﻗﻌﻤﺰﺕ ...
ﺷﺎﺩﻩ ﻓﻨﺠﺎﻟﻬﺎ ﻭﻣﻌﺼﺒﻪ ﻭﺗﻬﺰ ﺑﺮﺟﻠﻬﺎ .. ﻣﻌﺎﻭﻳﻪ ﻳﺴﺮﻗﻠﻬﺎ ﻓﻲ ﺍﻟﻨﻈﺮ ﻭﻣﺴﺘﻤﺘﻊ .. ﻳﺤﺐ ﻳﻌﺼﺒﻬﺎ ..
ﻣﻌﺎﻭﻳﻪ : ﺣﻀﺮﺗﻚ ﺩﻛﺘﻮﺭ ﺷﻨﻮ ..
ﺍﺳﺎﻣﻪ : ﺟﺮﺍﺣﺔ ﻗﻠﺐ ..
ﻣﻌﺎﻭﻳﻪ : ﺍﻫﺎ ...
ﻧﻀﺎﻝ : ﻣﺸﺮﻭﻉ ﺍﻟﻤﺪﻳﻨﻪ ﺍﻟﺴﻜﻨﻴﻪ ﺍﻟﺠﺪﻳﺪﻩ ﺗﺒﻌﻜﻢ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ..
ﻧﻀﺎﻝ : ﺍﻹﻗﺒﺎﻝ ﻋﻠﻴﻬﺎ ﻛﺒﻴﺮ .. ﻋﻨﺪﻱ ﺯﻣﻼﺀ ﻓﻲ ﺍﻟﺨﺪﻣﻪ ﻧﺎﻭﻳﻴﻦ ﻳﺸﺮﻭﺍ ﺷﻘﻖ ﻏﺎﺩﻱ ..
ﻣﻌﺎﻭﻳﻪ : ﺍﻟﻤﺪﻳﻨﻪ ﻣﺘﻜﺎﻣﻠﻪ ﻭﺍﻟﻤﺸﺮﻭﻉ ﻟﻴﻨﺎ ﻓﻮﻕ 7 ﺳﻨﻴﻦ ﻧﺨﺪﻣﻮﺍ ﻋﻠﻴﻪ ﻛﻞ ﺷﻲ ﻣﻦ ﺍﺣﺴﻨﻪ ...
ﺃﺳﺎﻣﻪ : ﺗﺤﻤﺴﺖ ﺣﺘﻰ ﺍﻧﻲ ...
ﺣﻨﺎﻥ ﺑﻔﺰﺓ : ﻣﺎﺗﺒﻴﻌﺶ ﺍﻟﺤﻮﺵ ...
ﺍﺳﺎﻣﻪ ﺷﺒﺤﻠﻬﺎ ﻭﺍﺑﺘﺴﻢ : ﺍﻧﻲ ﻋﻄﻴﺘﻚ ﻭﻋﺪ ... ﺣﻴﻘﻌﺪ ﻟﻤﺤﻤﺪ ..
ﺣﻨﺎﻥ ﺍﺑﺘﺴﻤﺖ ..
ﻣﻌﺎﻭﻳﻪ ﻣﻼﻣﺢ ﻭﺟﻬﻪ ﺗﻐﻴﺮﺕ ﻭﺑﺎﻥ ﻋﻠﻴﻪ ﺍﻧﻪ ﻋﺼﺐ .. ﻣﺶ ﻫﻮ ﺑﺲ ﺣﺘﻰ ﻧﻀﺎﻝ ﺍﻟﻠﻲ ﺷﺮﺏ ﻓﻨﺠﺎﻟﻪ ﻓﻲ ﻣﺮﻩ ..
ﻓﺠﺄﺓ ﻋﻴﻂ ﻣﺤﻤﺪ ...
ﺣﻨﺎﻥ ﺑﻀﺤﻜﻪ : ﻋﺮﻓﻚ ﺟﻴﺖ .. ﻭﻣﺸﺖ ﺑﺘﺠﻴﺒﻪ " ﻟﻤﺎ ﺗﻜﻮﻥ ﺗﺤﺖ ﺗﺤﻂ ﻓﻴﻪ ﻓﻲ ﺍﻟﺠﻠﺴﻪ ﺍﻟﻌﺮﺑﻴﻪ "...
ﻗﺎﻣﺎﺗﻪ ﻭﺟﺎﺑﺎﺗﻪ ﻟﺒﻮﻩ .. ﻣﻌﺎﻭﻳﻪ ﻳﺸﻮﻓﻠﻬﺎ ﻭﺩﻗﺎﺕ ﻗﻠﺒﻪ ﻗﻮﺕ ﺍﻛﺜﺮ .. ﻗﺮﺑﺖ ﻣﻦ ﺍﺳﺎﻣﻪ ﺍﻟﻠﻲ ﻧﺎﺽ ﺧﺪﺍﻩ ﻣﻨﻬﺎ ...
ﻭﻭﻟﺖ ﻟﻤﻜﺎﻧﻬﺎ .. ﻗﻌﻤﺰ ﺃﺳﺎﻣﻪ ..
ﻣﻌﺎﻭﻳﻪ ﺑﻔﻀﻮﻝ : ﻭﻟﺪﻙ ..
ﺃﺳﺎﻣﻪ ﺍﺑﺘﺴﻢ : ﺍﻳﻪ ...
ﻣﻌﺎﻭﻳﻪ ﻣﺴﺘﻐﺮﺏ ﻭﻟﺪﻩ ﺷﻦ ﻳﺪﻳﺮ ﻋﻨﺪ ﺣﻨﺎﻥ ...
ﻗﻌﺪ ﻳﻌﻴﻂ ...
ﺣﻨﺎﻥ : ﺷﻜﻠﻪ ﺟﻌﺎﻥ ... ﻧﺎﺿﺖ ﺑﺴﺮﻋﻪ .. ﺍﻧﻀﺮﺑﺖ ﺭﺟﻠﻬﺎ ﺑﺎﻟﻄﺎﻭﻟﻪ .. ﺍﺍﺍﻩ ..
ﺍﻟﺜﻼﺗﻪ ﻓﺰﻭﺍ ﻭﺑﺄﺻﻮﺍﺕ ﻣﺘﻘﻄﻌﻪ : ﻳﺎﺳﺎﺗﺮ .. ﺍﺳﻢ ﺍﻟﻠﻪ ... ﺑﺎﻟﺸﻮﻳﻪ ﻋﻠﻴﻚ ...
ﻧﻴﺮﻭﺯ ﺗﺸﺮﺏ ﻓﻲ ﻓﻨﺠﺎﻧﻬﺎ ﻗﺎﻣﺖ ﺣﻮﺍﺟﺒﻬﺎ ﻓﻮﻕ ..
ﺣﻨﺎﻥ ﺍﺑﺘﺴﻤﺖ ﺑﺈﺣﺮﺍﺝ : ﻣﺎﺻﺎﺭ ﺷﻲ .. ﻭﻣﺸﺖ ﻃﻮﻝ ..
ﺍﻟﺒﻨﺎﺕ ﻳﺘﻔﺮﺟﻮﺍ ﻉ ﺍﻟﻤﺸﻬﺪ ﺑﻜﻞ ﺗﻔﺎﺻﻴﻠﻪ ...
ﺟﺎﺑﺖ ﺣﻨﺎﻥ ﺍﻟﺮﺿﺎﻋﻪ ﻷﺳﺎﻣﻪ ﻭﻗﻌﺪ ﻳﺮﺿﻊ ﻓﻲ ﻣﺤﻤﺪ ... ﻗﻌﺪﻭﺍ ﻳﻬﺪﺭﺯﻭﺍ ﺑﺈﻗﺘﻀﺎﺏ .. ﻟﻴﻦ ﻣﻌﺎﻭﻳﻪ ﺷﺎﻑ ﻟﺴﺎﻋﺘﻪ ﻭﻛﺎﻥ ﻋﻨﺪﻩ ﻣﻮﻋﺪ ﻋﻤﻞ ..
ﻣﻌﺎﻭﻳﻪ : ﺳﻌﻴﺪ ﺟﺪﺍ ﺑﻤﻌﺮﻓﺘﻜﻢ .. ﻧﺎﺽ .. ﺷﻜﺮﺍ ﻉ ﺣﺴﻦ ﺍﻟﻀﻴﺎﻓﻪ ..
ﻧﻴﺮﻭﺯ " ﺣﺴﻦ ﺍﻟﻀﻴﺎﻓﻪ ﻟﺒﺎﻗﺔ ﺭﺟﻞ ﺍﻋﻤﺎﻝ ﻣﺼﻔﻲ "...
ﻧﺎﺽ ﻧﻀﺎﻝ ..
ﻧﻀﺎﻝ ﻣﻦ ﻓﻮﻕ ﻧﻔﺴﻪ : ﺁﻧﺴﺖ ..
ﻣﻌﺎﻭﻳﻪ ﺍﺑﺘﺴﻤﻠﻪ ﻣﺠﺎﻣﻠﻪ ﻭﺷﺒﺢ ﻟﻤﻬﺎ : ﻫﻴﺎ ﻣﻬﺎ ..
ﻣﻬﺎ ﻧﺎﺿﺖ : ﻫﻴﺎ ... ﺳﻠﻤﺖ ﻉ ﺍﻟﺒﻨﺎﺕ ﻭﺣﻨﺎﻥ ...
ﻭﻃﻠﻊ ﻧﻀﺎﻝ ﺳﻘﺪﻫﻢ ﻭﺣﻨﺎﻥ ﻣﺎﺑﺘﺶ ﺗﻤﺸﻲ ﻣﻌﺎﻩ ﻗﺼﺪﺍ ﻣﻨﻐﺎﺿﻪ ﻣﻦ ﻣﻌﺎﻭﻳﻪ ..
ﻭﺻﻠﻮﺍ ﻓﻲ ﺍﻟﺒﺎﺏ ..
ﻧﻀﺎﻝ : ﺗﺼﺒﺤﻮﺍ ﻉ ﺧﻴﺮ ..
ﻣﻬﺎ : ﻭﺍﻧﺖ ﻣﻦ ﺍﻫﻠﻪ ﻋﻤﻮ ..
ﻣﻌﺎﻭﻳﻪ : ﻭﺍﻧﺖ ﻣﻦ ﺍﻫﻠﻪ ... ﻭﻃﻠﻌﻮﺍ .. ﺻﻜﺮ ﻧﻀﺎﻝ ﺍﻟﺒﺎﺏ ﻭﻛﺎﻥ ﻳﻠﻘﻰ ﺟﺮﻩ ﻳﻜﺼﺮﻫﺎ ﻭﺭﺍﻩ ...
ﻃﻠﻌﻮﺍ ﻣﻌﺎﻭﻳﻪ ﻭﻣﻬﺎ ﻟﻘﻮﺍ ﺍﻟﺴﻮﺍﻕ ﺑﺮﺍ ... ﺭﻛﺒﻮﺍ ﺍﻟﺴﻴﺎﺭﻩ ﺑﻌﺪ ﻓﺘﺤﻠﻬﻢ ﺍﻟﺒﻴﺒﺎﻥ ... ﻭﺭﻛﺐ ﻭﺗﺤﺮﻛﻮﺍ ..
ﻣﻌﺎﻭﻳﻪ : ﺩﻳﻤﺎ ﺣﻮﺷﻬﻢ ﻣﻌﺒﻲ ﻫﻜﻲ ..
ﻣﻬﺎ : ﻓﻲ ﺍﻟﻐﺎﻟﺐ .. ﻋﻤﻮ ﺍﺳﺎﻣﻪ ﻳﻮﻣﻴﺎ ﻳﺠﻲ ..
ﻣﻌﺎﻭﻳﻪ : ﺍﻳﻪ ﺷﻦ ﻗﺼﺘﻪ ﻫﺬﺍ ﻭﻟﻴﺶ ﻣﺨﻠﻲ ﻭﻟﺪﻩ ﻋﻨﺪﻫﻢ ...
ﻣﻬﺎ ﺑﺄﻟﻢ : ﻫﻮ ﺻﺪﻳﻖ ﻗﺪﻳﻢ ﻟﻴﻬﻢ .. ﻭﺯﻭﺟﺘﻪ ﺣﺘﻰ ﻫﻲ ﻛﺎﻧﺖ ﺻﺪﻳﻘﻪ ﻣﻘﺮﺑﻪ ﻟﺨﺎﻟﺘﻲ ﺣﻨﺎﻥ .. ﺗﻮﻓﺖ ﻭﻫﻲ ﺗﺠﻴﺐ ﻓﻲ ﺍﻟﻮﻟﺪ .. ﻭﻷﻥ ﻋﻤﻮ ﺍﺳﺎﻣﻪ ﻣﺎﻋﻨﺪﻩ ﺣﺪ ﻫﻲ ﺧﺪﺕ ﺍﻟﻮﻟﺪ ﻋﻨﺪﻫﺎ ﻭﻣﺎﺗﺒﻴﺶ ﺗﺨﻠﻴﻪ ﺑﻜﻞ ﻹﻧﻪ ﺃﻣﺎﻧﻪ ﺻﺎﺣﺒﺘﻬﺎ ﻭﺍﻟﺸﻲ ﺍﻟﻮﺣﻴﺪ ﺍﻟﻠﻲ ﻗﻌﺪ ﻣﻨﻬﺎ ..
ﻣﻌﺎﻭﻳﻪ : ﻭﻳﻦ ﺍﻫﻞ ﺑﻮﻩ ﻭﻳﻦ ﺍﻫﻞ ﺍﻣﻪ ﻋﻼﺵ ﻳﻘﻌﺪ ﻋﻨﺪﻫﺎ؟
ﺣﻜﺘﻠﻪ ﻣﻬﺎ ﺍﻟﻘﺼﻪ ﻛﺎﻣﻠﻪ ﻭﻫﻮ ﺗﺄﺛﺮ ﺑﻌﺾ ﺍﻟﺸﻲ .. ﻭﺯﺍﺩﺕ ﺣﻨﺎﻥ ﺟﺬﺑﺎﺗﻪ ﻟﻴﻬﺎ ﺍﻛﺜﺮ ﻭﺃﻛﺜﺮ ... ﻣﺶ ﻣﺼﺪﻕ ﺃﻥ ﻓﻲ ﻧﺎﺱ ﻫﻜﻲ ﻓﻬﺎﻟﻮﻗﺖ ...
ﻣﻬﺎ : ﺍﻳﻪ ﺑﺎﺑﺎ ﺷﻦ ﺳﺮ ﺍﻟﺰﻳﺎﺭﺓ ﺍﻟﻤﻔﺎﺟﺌﻪ ﻫﺎﺩﻱ ...
ﻣﻌﺎﻭﻳﻪ ﺍﺑﺘﺴﻢ : ﺣﺒﻴﺖ ﻧﺘﻌﺮﻑ ﺍﻛﺜﺮ ﻉ ﺍﻟﻌﻴﻠﻪ ﺍﻟﻠﻲ ﺑﻨﺘﻲ ﺗﺨﺎﻟﻂ ﻓﻴﻬﻢ ﻭﻳﻦ ﺗﻤﺸﻴﻠﻬﻢ ﻛﺎﻥ ﺗﻠﻘﻰ ﻣﺎﺗﺮﻭﺣﺶ ..
ﻣﻬﺎ ﺑﻀﺤﻜﻪ : ﺷﻦ ﻟﻘﻴﺖ ..
ﻣﻌﺎﻭﻳﻪ : ﻛﻮﻳﺴﻴﻦ ..
ﻣﻬﺎ ﺿﺤﻜﺖ .. ﻭﻫﻮ ﺍﺑﺘﺴﻢ .. ﻭﺟﻲ ﺑﻴﻦ ﻋﻴﻮﻧﻪ ﺷﻜﻞ ﺣﻨﺎﻥ ﺍﻟﻤﻌﺼﺐ ﺿﺤﻚ ﻉ ﺍﻟﺨﻔﻴﻒ ﻭﺗﻨﻬﺪ ..
***
ﺭﻭﺡ ﺃﺳﺎﻣﻪ ﻭﺷﻮﻳﻪ ﻭﺭﻭﺡ ﻧﻀﺎﻝ .. ﺭﻭﺡ ﻭﻫﻮ ﻣﺎﻳﺒﻴﺶ ﻳﺮﻭﺡ ﺣﺲ ﺑﻀﻴﻖ ﺷﺪﻳﺪ ﻭﻫﻮ ﻃﺎﻟﻊ ﻣﻦ ﺍﻟﺤﻮﺵ ﻭﻓﺪﻣﺎﻏﻪ ﻣﻴﺖ ﻓﻜﺮﻩ ﻭﻓﻜﺮﻩ ...
ﻋﻨﺪ ﺣﻨﺎﻥ ..
ﻧﻴﺮﻭﺯ : ﻣﻐﺮﻭﺭ ﻭﻣﺘﻜﺒﺮ ﺻﺢ ﺑﺲ ﺯﻱ ﻣﺎﻗﺎﻟﺖ ﻧﻮﺍﻝ ﺍﻟﺰﻏﺒﻲ .. ﺑﻴﻠﺒﻘﻠﻚ ﻟﻮ ﺷﻔﺖ ﻋﻠﻴﻬﻦ ﺣﺎﻟﻚ ﻣﻦ ﻗﺪﻙ ﻳﺎﺳﺎﺣﺮﻧﻲ ﺑﺠﻤﺎﻟﻚ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺣﻨﺎﻥ ﺑﻀﺤﻜﻪ : ﺍﺭﻣﻞ ﻉ ﻓﻜﺮﻩ .. ﻛﺎﻧﻚ ﺗﺒﻲ ﺗﻮﺩﻋﻲ ﺍﻟﻌﺰﻭﺑﻴﻪ ﻳﻌﻨﻲ ..
ﻧﻴﺮﻭﺯ : ﻳﺎﺍﺍﺍﺍﺍﺍﺍﺍﺍﺭﻳﺖ ... ﺑﺲ ﻋﻴﻮﻧﻪ ﺍﻟﺤﻠﻮﻩ ﻣﺶ ﺧﺎﻟﻴﻪ ..
ﺭﻫﻒ ﺑﻀﺤﻜﻪ : ﻛﻴﻒ ﻳﻌﻨﻲ ..
ﻧﻴﺮﻭﺯ : ﺍﻣﻤﻢ .. ﺭﺍﻗﺒﺘﻪ ﻛﻮﻳﺲ ... ﺣﺴﻴﺘﻪ ﻣﻌﺠﺐ ..
ﻟﺒﻨﻰ : ﺑﻤﻨﻮ ...
ﻧﻴﺮﻭﺯ ﺑﻀﺤﻜﻪ ﻭﺷﺒﺤﺖ ﻟﻮﺭﺩ ﺍﻟﺘﻮﻟﻴﺐ ﺍﻟﻤﻮﻑ : ﺑﺎﻟﺘﻮﻟﻴﺐ ﻳﺎﺣﻨﻪ ﻣﺮﻩ ﻣﺮﺓ ﻳﺸﻮﻓﻠﻪ ..
ﺣﻨﺎﻥ : ﺯﻋﻤﻪ ﻫﺬﺍ ﻳﺤﺐ ﺍﻟﻮﺭﺩ ..
ﻧﻴﺮﻭﺯ : ﺣﺘﻰ ﻟﻮ ﻣﻜﺎﻧﺶ ﻳﺤﺒﻪ ﺑﺶ ﺣﺴﺎﺗﻪ ﺣﻴﺤﺒﻪ ..
ﻟﺒﻨﻰ : ﺗﺘﻜﻠﻤﻲ ﺑﺎﻷﻟﻐﺎﺯ ..
ﻧﻴﺮﻭﺯ ﺑﻀﺤﻜﻪ : ﻣﺎﻋﻠﻴﻜﻢ ﻣﻨﻲ ﻉ ﻗﻮﻟﺖ ﺍﻟﻜﻮﻳﺘﻴﻦ .. ﻗﻮﻟﻮﻟﻲ ... ﺷﻦ ﻧﺎﻭﻳﻴﻦ ﻓﻲ ﺍﻟﻌﻄﻠﻪ ..
ﺣﻨﺎﻥ : ﺑﺼﺮﺍﺣﻪ ﺍﻧﻲ ﻋﻨﺪﻱ ﺧﺪﻣﻪ ﻭﻧﺒﻲ ﺍﻟﺒﻨﺎﺕ ﻳﻤﺸﻮﺍ ﻣﻊ ﺑﻮﻫﻢ ..
ﻟﺒﻨﻰ : ﻻ .. ﻣﻊ ﻫﺪﻳﻜﺎ ﻻﺍﺍﺍ ...
ﺣﻨﺎﻥ : ﺑﻮﻛﻢ ﻗﺎﻝ ﺑﻨﻤﺸﻮﺍ ﻭﺑﻴﺤﺠﺰ ﻭﻫﻮ ﺍﺧﺘﺎﺭ ﻗﺒﺮﺹ ﻉ ﺧﺎﻃﺮﻙ ﻋﺎﺭﻓﻚ ﺗﺒﻲ ﺗﻤﺸﻴﻠﻬﺎ ..
ﻟﺒﻨﻰ : ﻧﻤﺸﻲ ﻣﻌﺎﻩ ﻟﻜﻦ ﻫﺪﻳﻜﺎ ﻣﺎﺗﻤﺸﻴﺶ ..
ﺣﻨﺎﻥ : ﻛﻴﻒ ﻣﺎﺗﻤﺸﻴﺶ ﻣﻌﻘﻮﻟﻪ ...
ﺭﻫﻒ : ﺯﻱ ﻣﺎﺇﻧﺘﻲ ﻣﺶ ﻣﺎﺷﻴﻪ ... ﻫﻲ ﺍﻟﻤﺸﻴﻪ ﻟﻴﻨﺎ ﻣﻦ ﺍﻷﺳﺎﺱ ﻧﻤﺸﻮﺍ ﻣﻌﺎﻩ ﺣﻨﻲ ﻭﺑﺲ ..
ﻧﻴﺮﻭﺯ : ﻛﻠﻤﻮﻩ ﻭﻗﻮﻟﻮﻟﻪ ﻣﻦ ﺗﻮﺍ .. ﺧﻞ ﺗﺮﻳﺢ ﻣﻔﺎﺻﻠﻬﺎ ﻫﺪﻳﻜﺎ ..
ﺣﻨﺎﻥ : ﻻﺣﻮﻝ ﻭﻻﻗﻮﺓ ﺇﻻﺑﺎﻟﻠﻪ ..
ﻛﻠﻬﻢ :
***
ﺧﻴﺮﻙ ﻣﻦ ﻟﻤﺎ ﺭﻭﺣﺖ ﻭﺍﻧﺖ ﻣﺶ ﻉ ﺑﻌﻀﻚ ..
ﻧﻀﺎﻝ : ﻣﺎﻓﻲ ﺷﻲ ﻋﺎﺩﻱ .. ﺍﻳﻪ ﺑﻨﻘﻮﻟﻚ .. ﺍﻷﺳﺒﻮﻉ ﺍﻟﺠﺎﻱ ﺑﻨﺴﺎﻓﺮ ﺍﻧﻲ ﻭﺍﻟﺒﻨﺎﺕ ﻟﻘﺒﺮﺹ .. ﺑﺪﺕ ﻋﻄﻠﺘﻬﻢ ..
ﻳﺎﺭﺍ : ﺍﻫﺎ ﺳﻔﺮﺓ ﻟﻸﺏ ﻭﺑﻨﺎﺗﻪ ﺑﺲ ..
ﻧﻀﺎﻝ : ﻣﻌﻠﻴﺸﻲ ﻫﺎﻟﻤﺮﻩ ... ﻧﺒﻲ ﻧﺤﻞ ﺍﻟﻠﻲ ﺑﻴﻨﻲ ﻭﺑﻴﻨﻬﻢ ﺗﺤﺪﻳﺪﺍ ﺑﻨﺘﻲ ﺍﻟﺼﻐﻴﺮﻩ ﻟﺘﻮﺍ ﺗﻜﻠﻢ ﻓﻴﺎ ﻣﻦ ﻓﻮﻕ ﻧﻔﺴﻬﺎ ..
ﻳﺎﺭﺍ ﺍﺑﺘﺴﻤﺖ : ﻣﺎﻋﻨﺪﻳﺶ ﻣﺸﻜﻠﻪ ﻋﺎﺩﻱ ... ﻟﻜﻦ ﻋﻨﺪﻱ ﺍﻗﺘﺮﺍﺡ ..
ﺍﻟﻴﻮﻡ ﺍﻟﻠﻲ ﻗﺒﻠﻪ ﺟﻴﺒﻬﻢ ﻳﺒﺎﺗﻮﺍ ﻫﻨﻲ ﺑﺶ ﻳﻄﻠﻌﻮﺍ ﻣﻌﺎﻙ ﺍﻟﻴﻮﻡ ﺍﻟﻠﻲ ﺑﻌﺪﻩ ﻃﻮﻝ ﻟﻠﻤﻄﺎﺭ .. ﻳﻌﻨﻲ ﻭﺑﺎﻟﻤﺮﺓ ﻧﺤﺎﻭﻝ ﻧﺒﻨﻲ ﺟﺴﻮﺭ ﻭﺩ ﺑﻴﻨﻲ ﻭﺑﻴﻨﻬﻢ ...
ﻧﻀﺎﻝ ﺍﺑﺘﺴﻢ : ﺗﻮ ﻧﻘﻮﻟﻠﻬﻢ ...
ﻳﺎﺭﺍ ﻗﺮﺑﺖ ﻣﻨﻪ : ﺍﺳﺘﺎﺣﺸﺘﻚ ..
ﻧﻀﺎﻝ ﺣﺲ ﺑﺸﻲ ﻣﺨﻠﻴﻪ ﺭﺍﻓﻀﻬﺎ : ﺣﺘﻰ ﺃﻧﻲ ﻭﺑﺎﺳﻬﺎ ﻣﻦ ﺧﺪﻫﺎ .. ﺑﺲ ﺑﺠﺪﻳﺎﺕ ﺣﺒﻴﺒﺘﻲ ﺗﺎﻋﺐ ...
ﻳﺎﺭﺍ ﺑﻌﺪﺕ ﺑﺈﺑﺘﺴﺎﻣﻪ : ﺑﺎﻩ ... ﺍﺭﺗﺎﺡ ﺣﺒﻴﺒﻲ ...
ﻭﺟﻌﺎﺗﻪ ﻗﺎﻝ : ﺗﻌﺎﻟﻲ ﺍﺭﻗﺪﻱ ﻓﺤﻀﻨﻲ ...
ﻳﺎﺭﺍ ﺍﺑﺘﺴﻤﺖ : ﺑﺎﻩ ... ﻭﺧﺪﺍﻫﺎ ﻓﺤﻀﻨﻪ ﻭﺭﻗﺪﻭﺍ .. ﺑﺲ ﻫﻲ ﻣﺶ ﻣﺮﺗﺎﺣﻪ ﺣﺎﺳﻪ ﺃﻥ ﻧﻀﺎﻝ ﻣﺘﻐﻴﺮ ﻫﻠﺒﻪ .. ﻭﺧﺎﻓﺖ ... ﺍﻣﺎ ﻧﻀﺎﻝ ﻳﻔﻜﺮ ﻓﻲ ﺍﻟﻠﻲ ﺻﺎﺭ ﺍﻟﻴﻮﻡ ... ﻭﻳﺤﺲ ﺭﻭﺣﻪ ﻳﻨﺤﺮﻕ ﺣﺮﻕ .. ﺑﺮﻏﻢ ﺍﻧﻬﺎ ﻗﺎﻋﺪﻩ ﻉ ﺫﻣﺘﻪ ﺑﺲ ﺣﺲ ﺍﻧﻬﺎ ﻣﻌﺎﺵ ﻭﻟﺖ ﻟﻴﻪ ﺧﻼﺹ ...
ﻭﺑﺪﻱ ﻋﻤﻚ ﺍﻟﻨﺪﻡ ﺑﺎﻟﺘﺴﻠﻞ ﺑﻴﻦ ﻣﺸﺎﻋﺮ ﻧﻀﺎﻝ ...
***
ﺗﺎﻧﻲ ﻳﻮﻡ ...
ﻛﻴﻒ ﻭﺻﻠﺖ ﻟﻠﻤﻜﺘﺐ ﺳﻠﻤﺖ ﻉ ﺯﻣﻴﻼﺗﻬﺎ ﻭﻗﻌﻤﺰﺕ ....
ﺯﻣﻴﻠﻪ ﻟﻴﻬﺎ ﺍﺳﻤﻬﺎ ﺳﻬﻰ : ﺣﻨﺎﻥ ﺑﺎﺵ ﻣﻬﻨﺪﺱ ﻣﻮﺳﻰ ﻳﺒﻴﻚ ﻓﻲ ﻣﻜﺘﺒﻪ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ﺧﻴﺮ ... ﻭﻧﺎﺿﺖ .. ﻃﻠﻌﺖ ..
ﻧﺠﻼﺀ : ﺍﻟﻠﻲ ﻫﻨﺎﻙ ﺧﺪﺍﺗﻪ ..
ﺳﻬﻰ : ﺧﺪﻣﺘﻬﺎ ﻣﺶ ﺯﻳﻨﺎ ﻫﻲ ﺍﻛﺒﺮ ﻣﻨﻲ ﻭﻣﻨﻚ ﻭﻏﻴﺮ ﻫﻜﻲ ﺧﺮﻳﺠﻪ ﻣﻦ ﺃﻟﻤﺎﻧﻴﺎ ..
ﻧﺠﻼ ﺳﻜﺘﺖ ﻭﻫﻲ ﺑﺘﻄﺮﺑﻖ ...
ﻭﺻﻠﺖ ﺣﻨﺎﻥ ﻓﻲ ﻣﻜﺘﺐ ﺍﻟﻤﻬﻨﺪﺱ ﻣﻮﺳﻰ ﻃﻘﺖ .. ﺑﻌﺪ ﺍﺫﻥ ﺑﺎﻟﺪﺧﻮﻝ ﺧﺸﺖ ...
ﺣﻨﺎﻥ : ﺻﺒﺎﺡ ﺍﻟﺨﻴﺮ ﺑﺎﺵ ﻣﻬﻨﺪﺱ ..
ﻣﻮﺳﻰ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﻨﻮﺭ ﺑﺎﺵ ﻣﻬﻨﺪﺳﻪ .. ﺗﻔﻀﻠﻲ ﻗﻌﻤﺰﻱ ..
ﺣﻨﺎﻥ ﻗﻌﻤﺰﺕ : ﻗﺎﻟﻮﺍ ﺗﺒﻴﻨﻲ ..
ﻣﻮﺳﻰ ﺑﺈﺑﺘﺴﺎﻣﻪ : ﺟﺎﺗﻚ ﻓﺮﺻﺔ ﻋﻤﺮ ﻭﻓﻲ ﻧﻔﺲ ﺍﻟﻮﻗﺖ ﺗﺤﺪﻱ ﻛﺒﻴﺮ ..
ﺣﻨﺎﻥ ﺍﺑﺘﺴﻤﺖ ﺑﺈﺳﺘﻐﺮﺍﺏ : ﺷﻨﻮ ...
ﻣﻮﺳﻰ : ﺍﻣﺲ ﺍﺗﺼﻞ ﺑﻴﺎ ﺭﺟﻞ ﺍﻋﻤﺎﻝ ﻣﻦ ﺍﻫﻢ ﺭﺟﺎﻝ ﺍﻷﻋﻤﺎﻝ ﻓﻲ ﺍﻟﺒﻼﺩ ﻭﻃﻠﺒﻚ ﺑﺎﻹﺳﻢ ﻟﺘﺼﻤﻴﻢ ﺧﺮﻳﻄﻪ ﻣﺸﺮﻭﻉ ﻛﺒﻴﺮ ﻟﻠﻤﺠﻤﻮﻋﻪ ﻣﺘﺎﻋﻪ ..
ﺣﻨﺎﻥ : ﻃﻠﺒﻨﻲ ﺑﺎﻹﺳﻢ ؟
ﻣﻮﺳﻰ : ﺍﻳﻪ .. ﻭﻗﺎﻟﻲ ﺍﻟﻤﻬﻨﺪﺳﻪ ﺣﻨﺎﻥ ﺳﺎﻟﻢ ...
ﺣﻨﺎﻥ ﺧﺪﺕ ﻧﻔﺲ ﻋﻤﻴﻖ ﻭﻗﺎﻟﺖ : ﺍﻋﻔﻴﻨﻲ ..
ﻣﻮﺳﻰ : ﺷﻦ ﺗﻘﻮﻟﻲ ﺍﻧﺘﻲ ﺗﻲ ﻫﺎﺩﻱ ﻓﺮﺻﻪ ﻳﺘﻌﺎﺭﻛﻮﺍ ﻋﻠﻴﻬﺎ ﻋﺮﺍﻙ ...
ﺣﻨﺎﻥ : ﺑﺲ ﺍﻧﺖ ﻗﻠﺖ ﻣﺸﺮﻭﻉ ﻛﺒﻴﺮ ﻭﺍﻧﻲ ﻣﺶ ﻣﺴﺘﻌﺪﻩ ﻧﺨﺶ ﻓﻲ ﻣﺸﺎﺭﻳﻊ ﻛﺒﻴﺮﻩ ..
ﻣﻮﺳﻰ : ﻣﺎﻧﻌﺮﻓﻜﺶ ﺗﺨﺎﻓﻲ ﻫﻜﻲ ﺍﻧﺘﻲ ﺗﺤﺒﻲ ﺍﻟﺘﺤﺪﻱ .. ﻭﺷﺠﺎﻋﻪ ..
ﺣﻨﺎﻥ : ﻣﺶ ﻟﺪﺭﺟﺔ ﻧﺨﺶ ﻉ ﺷﻲ ﺍﻛﺒﺮ ﻣﻦ ﺇﻣﻜﺎﻧﻴﺎﺗﻲ ..
ﻣﻮﺳﻰ : ﻣﺶ ﺍﻛﺒﺮ ﻣﻦ ﺇﻣﻜﺎﻧﻴﺎﺗﻚ ﻭﺍﻧﻲ ﻭﺍﺛﻖ ﻣﻦ ﻫﺎﻟﺸﻲ ﻭﻣﺎﻃﻠﺒﻮﻙ ﺑﺎﻹﺳﻢ ﺇﻻ ﻋﺎﺭﻓﻴﻨﻚ ﻛﻮﻳﺲ ﺗﻘﺪﺭﻱ ..
ﺣﻨﺎﻥ ﺑﺘﺴﺎﺅﻝ : ﺷﻦ ﻫﻲ ﺍﻟﻤﺠﻤﻮﻋﻪ ﻫﺎﺩﻱ ..
ﻣﻮﺳﻰ : ﻣﺠﻤﻮﻋﻪ MAH... ﺯﻱ ﻣﺎﻣﻌﺮﻭﻓﻪ ﻋﺎﻟﻤﻴﺎ .. ﺍﻭ ﻣﺠﻤﻮﻋﻪ ﺍﻟﻬﺎﺩﻱ ﺯﻱ ﻣﺎﻣﻌﺮﻭﻓﻪ ﻋﺮﺑﻴﺎ .. ﺻﺎﺣﺒﻬﺎ ﻣﻌﺎﻭﻳﻪ ﻋﺒﺪ ﺍﻟﻌﺰﻳﺰ ..
ﺣﻨﺎﻥ ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﻣﻦ ﺍﻟﺼﺪﻣﻪ ...
ﻣﻮﺳﻰ : ﺷﻔﺘﻲ ﺍﻧﻬﺎ ﻓﺮﺻﺔ ﻗﻮﻳﻪ ..
ﺣﻨﺎﻥ " ﻫﺬﺍ ﺷﻦ ﻳﺒﻲ ﺑﺎﻟﺰﺑﻂ ﻣﺎﻟﻘﺎﺵ ﻏﻴﺮﻱ !! ﻫﻮ ﻗﺎﺻﺪ ﻳﺪﻳﺮ ﻫﻜﻲ ﻳﺒﻲ ﻳﻬﻴﻨﻲ ﻭﻳﻬﺰﺍ ﻋﻠﻴﺎ .. ﻟﻜﻦ ﺑﺎﻫﻲ ﻳﺎﺳﻴﺪ ﻣﻌﺎﻭﻳﻪ "
ﺣﻨﺎﻥ : ﺗﻤﺎﻡ ...
ﻣﻮﺳﻰ ﺍﺑﺘﺴﻢ : ﻣﻦ ﺍﻷﻭﻝ .. ﻧﺸﻔﺘﻲ ﺭﻳﻘﻲ ... ﻭﺿﺤﻚ .. ﺍﻟﻤﻬﻢ ﺗﻮ ﻧﻜﻠﻤﻬﻢ ﺍﻟﻴﻮﻡ .. ﻭﻣﻦ ﻏﺪﻭﺓ ﺗﻤﺸﻲ ﻏﺎﺩﻱ .. ﻹﻧﻬﻢ ﻣﺴﺘﻌﺠﻠﻴﻦ ﻫﻠﺒﻪ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ ..
ﻣﻮﺳﻰ : ﻭﺗﻮ ﺗﻘﺪﺭﻱ ﺗﺘﻔﻀﻠﻲ ﺗﻜﻤﻠﻲ ﺷﻐﻠﻚ ..
ﺣﻨﺎﻥ ﻧﺎﺿﺖ ﻭﻃﻠﻌﺖ ﻭﻫﻲ ﻣﻌﺼﺒﻪ ﻉ ﺍﻵﺧﺮ ﺧﺸﺖ ﻟﻠﻤﻜﺘﺐ ﻭﻗﻌﻤﺰﺕ ...
ﺳﻬﻰ : ﻗﺎﻟﻚ ﻉ ﺍﻟﻌﺮﺽ ...
ﺣﻨﺎﻥ : ﺍﻳﻪ ..
ﺳﻬﻰ : ﺍﺗﻮﻗﻌﺘﻚ ﺍﻃﻴﺮﻱ ﻣﻦ ﺍﻟﻔﺮﺣﻪ ..
ﺣﻨﺎﻥ : ﻧﻄﻴﺮ ﻣﻦ ﺍﻟﻔﺮﺣﻪ ﻋﻼﺵ .. ﺍﻟﺤﻜﺎﻳﻪ ﻛﺒﻴﺮﻩ ﻫﺎﻟﻤﺮﻩ ﻭﺗﺒﻲ ﻣﻨﻲ ﺟﻬﺪ ﻭﺗﻔﻜﻴﺮ ﺯﻳﺎﺩﻩ ...
ﻧﺠﻼ ﺗﺴﻤﻊ ﻭﺩﺍﻳﺮﻩ ﺭﻭﺣﻬﺎ ﻻﻫﻴﻪ ﺑﺰﺑﻮﻧﻪ ﺟﺎﻳﺘﻬﺎ ..
ﺳﻬﻰ : ﺍﻛﻴﺪ ﻣﺶ ﺍﻱ ﺷﻲ .. ﻫﺎﺩﻡ ﺷﺮﻛﺎﺕ ﺍﻟﻬﺎﺩﻱ ..
ﺍﻟﺘﻔﺘﺖ ﺍﻟﺰﺑﻮﻧﻪ ﻟﻤﺎ ﺳﻤﻌﺖ ﺍﻹﺳﻢ ﻭﺷﺒﺤﺖ ﻟﺤﻨﺎﻥ ﺍﻟﻤﺮﺍﺓ ﺍﻟﻤﺤﺠﺒﻪ ..
ﺍﻟﺰﺑﻮﻧﻪ : ﺣﺘﺨﺪﻣﻲ ﻣﻊ ﻣﻌﺎﻭﻳﻪ ﻋﺒﺪ ﺍﻟﻌﺰﻳﺰ ﻭﺍﻧﺘﻲ ﻣﺤﺠﺒﻪ؟ !
ﺣﻨﺎﻥ ﺷﺒﺤﺖ ﻟﺴﻬﻰ ﻭﺷﺒﺤﺖ ﻟﻠﺰﺑﻮﻧﻪ ﺑﺈﺳﺘﻐﺮﺍﺏ : ﻋﻔﻮﺍ؟ !
ﺍﻟﺰﺑﻮﻧﻪ ﺍﺑﺘﺴﻤﺖ : ﻣﻌﺎﻙ ﺁﻣﻨﻪ ﺧﻠﻴﻞ ﻛﻨﺖ ﻣﻮﻇﻔﻪ ﺳﺎﺑﻘﻪ ﻏﺎﺩﻱ .. ﻭﻓﺼﻠﻮﻧﻲ ﻣﻦ ﺍﻟﺨﺪﻣﻪ ﻷﻧﻲ ﻟﺒﺴﺖ ﺍﻟﺤﺠﺎﺏ ..
ﺣﻨﺎﻥ ﺑﺼﺪﻣﻪ : ﻣﻌﻘﻮﻟﻪ؟ !
ﺁﻣﻨﻪ : ﺍﻟﺴﻴﺪﻣﻌﺎﻭﻳﻪ ﺗﻮﺟﻬﻪ ﻋﻠﻤﺎﻧﻲ ﻭﻣﺘﺸﺪﺩ ﻳﺨﻲ .. ﻭﻇﻴﻔﺘﻲ ﻓﻲ ﺍﻟﺸﺮﻛﻪ ﻏﺎﺩﻱ ﻛﺎﻧﺖ ﻣﻬﻤﻪ ﻭﻛﻨﺖ ﻣﺮﺗﺎﺣﻪ ﻓﻴﻬﺎ ﻫﻠﺒﻪ .. ﺑﺲ ﻳﻮﻡ ﻓﻜﺮﺕ ﻧﻠﺒﺲ ﺍﻟﺤﺠﺎﺏ .. ﻗﻠﺖ ﻟﻨﻔﺴﻲ ﺍﻟﺮﺯﻕ ﺑﻴﺪ ﺭﺑﻲ ﻭﺭﺑﻪ ...
ﺍﻟﻴﻮﻡ ﺍﻟﻠﻲ ﻣﺸﻴﺖ ﻓﻴﻪ ﻭﺍﻧﻲ ﻟﺒﺴﺎﺗﻪ ﻓﺼﻠﻨﻲ ﻃﻮﻝ ﻣﻦ ﻋﻨﺪﻩ ﺑﺲ ﻋﻄﺎﻧﻲ ﻣﻜﺎﻓﺂﺓ ﻣﻊ ﻣﺴﺘﺤﻘﺎﺗﻲ ﻷﻧﻲ ﻛﻨﺖ ﻣﻦ ﺍﺣﺴﻦ ﺍﻟﻤﻮﻇﻔﻴﻦ ﻋﻨﺪﻩ ﺑﺸﻬﺎﺩﺗﻪ ﻫﻮ ﻧﻔﺴﻪ ..
ﺣﻨﺎﻥ ﻭﻫﻲ ﻣﺼﺪﻭﻣﻪ : ﻛﻴﻒ ﺩﺭﺗﻲ ﺑﻌﺪﻳﻦ ..
ﺁﻣﻨﻪ : ﺍﻟﺤﻤﺪ ﻟﻠﻪ ﺣﺼﻠﺖ ﺧﺪﻣﻪ .. ﺑﺲ ﻧﻜﺬﺏ ﻋﻠﻴﻚ ﻟﻮ ﻧﻘﻮﻟﻚ ﺯﻱ ﺍﻟﻠﻲ ﻛﺎﻧﺖ ﻋﻨﺪﻫﻢ ﻭﺍﻟﺮﺍﺗﺐ ﻣﺎﻳﺠﻴﺶ ﻧﺺ ﺍﻟﺮﺍﺗﺐ ﺍﻟﻠﻲ ﻛﻨﺖ ﻧﺎﺧﺪ ﻓﻴﻪ ﻏﺎﺩﻱ .. ﺑﺲ ﺍﻟﺤﻤﺪ ﻟﻠﻪ ﺍﻟﻤﻬﻢ ﺭﺑﻲ ﺭﺍﺿﻲ .. ﺑﺲ ﺍﻟﺤﻖ ﺍﺳﺘﻐﺮﺑﺖ ﺗﻮﺍ ﺷﻦ ﺍﻟﻠﻲ ﺗﻐﻴﺮ ..
ﺣﻨﺎﻥ : ﺍﻧﻲ ﺑﺼﺮﺍﺣﻪ ﺍﻭﻝ ﻣﺮﺓ ﻧﺴﻤﻊ ﺑﺸﻲ ﺯﻱ ﻫﺬﺍ !!
ﺁﻣﻨﻪ ﺍﺑﺘﺴﻤﺖ : ﺳﺒﺤﺎﻥ ﺍﻟﻤﻐﻴﺮ ...
ﺣﻨﺎﻥ ﻗﻌﺪﺕ ﺗﻔﻜﺮ ﻓﻲ ﺍﻟﻠﻲ ﺳﻤﻌﺎﺗﻪ ﻭﻣﺎﺗﻮﻗﻌﺘﺶ ﺍﻟﺤﻜﺎﻳﻪ ﻭﺍﺻﻠﻪ ﺑﻤﻌﺎﻭﻳﻪ ﻟﻬﺎﻟﺤﺪ
ﺳﻬﻰ : ﻉ ﺍﻟﻌﻤﻮﻡ ﺍﻧﺘﻲ ﻣﻄﻠﻮﺑﻪ ﺑﺎﻹﺳﻢ ﻳﻌﻨﻲ ﻋﺎﺭﻓﻴﻨﻚ ..
ﺣﻨﺎﻥ ﻭﻫﻲ ﺷﺒﻪ ﺳﺎﺭﺣﻪ : ﺍﻛﻴﺪ .. ﻳﻌﺮﻓﻮﻧﻲ ﻛﻮﻳﺲ ..
***
ﺍﻟﺼﺪﺍﻉ ﻫﺪﻳﻜﺎ ﻛﻠﻤﺘﻨﻲ ﺍﻟﻴﻮﻡ ..
ﻣﻌﺎﻭﻳﻪ ﺑﻀﺤﻜﻪ : ﺧﻴﺮﻫﺎ ..
ﺃﻳﻤﻦ : ﺗﺴﺄﻝ ﻋﻠﻴﻚ ... ﺭﺩ ﻋﻠﻴﻬﺎ ﻭﺭﻳﺤﻨﻲ ﻣﻦ ﻋﻤﻬﺎ ..
ﻣﻌﺎﻭﻳﻪ ﺑﻀﺤﻜﻪ : ﻭﺗﺒﻴﻨﻲ ﺍﻧﻲ ﻧﺘﺼﺪﻉ ﻣﺶ ﻧﺎﻗﺺ ﺑﻜﻞ
ﺍﻳﻤﻦ : ﺗﻲ ﻳﺎﺭﺍﺟﻞ ﻗﺎﻟﺘﻠﻲ ﻟﻘﻴﺘﻠﻪ ﻣﻬﻨﺪﺱ ﻣﻬﻢ ﻓﻲ ﻛﻨﺪﺍ ﻭﻗﺎﻟﺖ ﻭﻫﻲ ﻣﺮﻭﺣﻪ ﺣﻴﺠﻲ ﻣﻌﺎﻫﺎ
ﻣﻌﺎﻭﻳﻪ : ﻗﻮﻟﻠﻬﺎ ﻣﺶ ﻻﺯﻡ ﻟﻘﻴﺖ ...
ﺃﻳﻤﻦ : ﻗﻮﻟﻠﻬﺎ ﺍﻧﺖ ... ﻟﺤﻈﻪ .. ﻟﻘﻴﺖ؟ !.. ﺍﻣﺘﻰ ﻭﻛﻴﻒ ﻭﻣﻨﻲ ..
ﻣﻌﺎﻭﻳﻪ ﺍﺑﺘﺴﻢ : ﻏﺪﻭﺓ ﺗﻌﺮﻑ ...
ﺍﻳﻤﻦ ﺍﺑﺘﺴﻢ : ﺗﺤﻤﺴﺖ ﻣﻦ ﺗﻮﺍ ...
ﻣﻌﺎﻭﻳﻪ ﺿﺤﻚ : ﻫﻴﺎ ﺗﻮﺍ ﺑﺮﺍ ﻛﻠﻢ ﺍﻟﻤﺴﺎﻫﻤﻴﻦ ﻗﻮﻟﻠﻬﻢ ﻳﺴﺘﻌﺪﻭﺍ ﺣﻨﺤﺪﺩﻭﺍ ﺗﺎﺭﻳﺦ ﻭﺿﻊ ﺣﺠﺮ ﺍﻷﺳﺎﺱ ...
ﺍﻳﻤﻦ ﺍﺑﺘﺴﻢ : ﺗﻢ ....
***
ﺭﻭﺣﺖ ﺣﻨﺎﻥ ﻳﻮﻣﻬﺎ ﻭﻫﻲ ﺗﻔﻜﺮ ﻓﻲ ﺍﻟﻤﻮﺿﻮﻉ .. ﻭﻓﺒﺎﻟﻬﺎ ﻫﻠﺒﻪ ﺣﺎﺟﺎﺕ ... ﺍﺳﺘﺎﻗﻀﺖ ﻣﻦ ﺳﺮﺣﺎﻧﻬﺎ ﻉ ﺻﻮﺕ ﻟﺒﻨﻰ ..
ﻟﺒﻨﻰ : ﻣﺎﻧﻲ ﻋﺎﻓﺴﺘﻪ ...
ﺭﻫﻒ : ﻣﺎﺗﺴﻜﺮﻳﺶ ﺭﺍﺳﻚ ﺑﺎﻟﻠﻪ ﻋﻠﻴﻚ ..
ﻟﺒﻨﻰ : ﺳﻜﺮﺗﻪ ﻭﻓﺎﺕ
ﺣﻨﺎﻥ : ﺧﻴﺮﻛﻢ؟
ﺭﻫﻒ : ﻗﺼﺪﻙ ﻣﺎﺳﻤﻌﺘﻨﻴﺶ ﻛﻨﺖ ﻧﺤﻜﻴﻠﻚ ﺗﻮﺍ ..
ﺣﻨﺎﻥ : ﺍﺳﻔﻪ ﺣﺒﻴﺒﺘﻲ ﺳﺮﺣﺖ ﺷﻮﻳﻪ ..
ﺭﻫﻒ : ﺑﺎﺑﺎ ﻛﻠﻤﻨﻲ ﻭﻗﺎﻝ ﻏﺪﻭﺓ ﺑﻴﺮﻓﻌﻨﺎ ﻧﺒﺎﺗﻮﺍ ﻋﻨﺪﻩ ﺑﺶ ﻳﻮﻡ ﺍﻟﺜﻼﺕ ﻧﻄﻠﻌﻮﺍ ﻣﻌﺎﻩ ﻟﻠﻤﻄﺎﺭ ﻃﻮﻝ ﺍﻟﺮﺣﻠﻪ ﺍﻟﺼﺒﺢ ..
ﺣﻨﺎﻥ ﺷﺒﺤﺖ ﻟﻠﺒﻨﻰ : ﺗﺒﻲ ﺭﺿﺎﻱ ﺑﺮﻱ ..
ﻟﺒﻨﻰ : ﻣﺎﺍﺍﺍﺍﻣﺎ !!!!
ﺣﻨﺎﻥ : ﻛﻠﻤﻪ ﻭﻗﻠﺘﻬﺎ ﺗﺒﻴﻨﻲ ﻧﺰﻋﻞ ﺩﻳﺮﻱ ﻣﺎﻓﻲ ﺭﺍﺳﻚ ..
ﻟﺒﻨﻰ : ﻣﺎﻣﺎ ﺍﻧﺘﻲ ﻣﺶ ﻣﻌﻘﻮﻟﻪ ﺍﻟﺤﻖ .. ﺗﺒﻴﻨﻲ ﻧﻤﺸﻲ ﻧﺒﺎﺕ ﻓﻲ ﺣﻮﺵ ﺍﻟﻤﺮﺍﺓ ﺍﻟﻠﻲ ﺧﺪﺕ ﻣﻨﺎ ﻭﻣﻨﻚ ﺑﺎﺑﺎ !!
ﺣﻨﺎﻥ ﻗﻠﺒﻬﺎ ﻭﺟﻌﻬﺎ : ﻣﺎﺧﺪﺕ ﻣﻨﺎ ﺣﺪ .. ﺑﻮﻙ ﻫﻮ ﺍﻟﻠﻲ ﻣﺸﺎﻟﻬﺎ ﺑﻨﺘﻲ .
ﺭﻫﻒ ﺷﺒﺤﺖ ﻟﻠﺒﻨﻰ ﺑﻐﻞ ﻷﻧﻬﺎ ﺿﺎﻳﻘﺖ ﺍﻣﻬﺎ ﺑﺎﻟﻜﻼﻡ ..
ﻟﺒﻨﻰ ﻧﺎﺿﺖ : ﺑﺎﺍﺍﻩ .. ﺑﺎﺍﺍﻫﻲ .. ﺗﻮ ﻧﻤﺸﻲ .. ﻭﻣﺸﺖ ﺭﻛﺒﺖ ﻓﻮﻕ ﻭﻫﻲ ﻧﺎﻭﻳﻪ ﻉ ﻧﻴﻪ ..
ﺭﻫﻒ : ﻣﺎﻣﺎ ...
ﺣﻨﺎﻥ ﺍﺑﺘﺴﻤﺖ : ﻣﺎﺩﻭﺭﻳﺶ ﺣﺒﻴﺒﺘﻲ .. ﺍﻧﻲ ﻛﻮﻳﺴﻪ ..
ﺭﻫﻒ ﺍﺑﺘﺴﻤﺖ ﺑﺄﻟﻢ ﻭﻫﻲ ﺗﺸﻮﻑ ﻓﻲ ﺍﻟﺪﻣﻮﻉ ﺍﻟﻤﺤﺒﻮﺳﻪ ﻓﻌﻴﻮﻥ ﺍﻣﻬﺎ ..
ﺻﺢ ﻧﻀﺎﻝ ﺷﺒﻪ ﻃﻠﻊ ﻣﻦ ﻗﻠﺐ ﺣﻨﺎﻥ .. ﺑﺲ ﺍﻟﺤﻜﺎﻳﻪ ﻣﺶ ﺳﺎﻫﻞ ﺗﻨﺘﺴﻰ ﻭﻟﻮ ﺑﻌﺪ 100 ﺳﻨﻪ ﺣﺘﻘﻌﺪ ﺣﺎﺭﻗﺘﻬﺎ ﺻﻌﺒﻪ ﻉ ﺍﻟﻤﺮﺍﺓ ﺍﻟﺤﺎﺟﻪ ﻫﺎﺩﻱ ﻣﻬﻤﺎ ﻛﺎﻧﺖ ﻗﻮﻳﻪ ...
***
ﺗﺎﻧﻲ ﻳﻮﻡ ...
ﺗﺴﻘﺪ ﻓﻲ ﺑﻨﺎﺗﻬﺎ ...
ﺣﻨﺎﻥ : ﺭﺩﻭﺍ ﺑﺎﻟﻜﻢ ﻣﻦ ﺍﺭﻭﺍﺣﻜﻢ ﻭﻣﺎﺗﺰﻋﻠﻮﺵ ﺑﺎﺑﺎ ...
ﻟﺒﻨﻰ ﺳﺎﻛﺘﻪ ﺍﻣﺎ ﺭﻫﻒ ﺭﺩﺕ : ﺣﺎﺿﺮ ..
ﻧﻀﺎﻝ : ﻫﻴﺎ ﺑﺎﺑﺎ ..
ﺭﻫﻒ : ﻫﻴﺎ ... ﺭﻛﺒﻮﺍ ﺍﻟﺰﻭﺯ ﻟﻠﺴﻴﺎﺭﻩ ﻭﻧﻀﺎﻝ ﻳﺸﺒﺢ ﻟﻠﺒﻨﻰ ﺍﻟﻠﻲ ﻗﺎﻟﺒﻪ ﻭﺟﻬﻬﺎ ﻭﻫﻮ ﻳﻀﺤﻚ ..
ﺣﻨﺎﻥ ؛ ﻭﺳﻊ ﺑﺎﻟﻚ ﻣﻌﺎﻫﺎ ..
ﻧﻀﺎﻝ ﺍﺑﺘﺴﻢ : ﻟﺒﻮﻧﺘﻲ ﻫﺎﺩﻱ ﻣﺴﺘﺤﻴﻞ ﻧﺰﻋﻞ ﻣﻨﻬﺎ ﻭﻻ ﻧﺠﺮﺣﻬﺎ ..
ﺣﻨﺎﻥ ﺍﺑﺘﺴﻤﺖ : ﺍﻥ ﺷﺎﺀ ﺍﻟﻠﻪ ﺗﻜﻮﻥ ﺭﺣﻠﻪ ﺣﻠﻮﺓ ..
ﻧﻀﺎﻝ ﺷﺒﺢ ﻟﻌﻴﻮﻧﻬﺎ ﻭﺍﺑﺘﺴﻢ ؛ ﺷﻜﺮﺍ ..
ﺣﻨﺎﻥ ﻣﺎﺗﺤﺮﻛﺘﺶ ﻓﻴﻬﺎ ﻭﻻﺷﻌﺮﻩ : ﻣﻊ ﺍﻟﺴﻼﻣﻪ ..
ﻟﺒﺲ ﻧﻀﺎﻝ ﻧﻈﺎﺭﺍﺗﻪ ﻭﺭﻛﺐ ﺳﻴﺎﺭﺗﻪ ﻭﺗﺤﺮﻙ ﺍﻟﺒﻨﺎﺕ ﺷﺒﺤﻮﺍ ﻷﻣﻬﻢ ﻭﺩﺍﺭﻭﻟﻬﺎ ... ﻭﻫﻲ ﻧﻔﺲ ﺍﻟﺸﻲ .. ﻣﺠﺮﺩ ﺍﺧﺘﻔﺖ ﺍﻟﺴﻴﺎﺭﺓ ﻧﺰﻟﻮﺍ ﺩﻣﻮﻋﻬﺎ .. ﺍﻭﻝ ﻣﺮﺓ ﻳﺒﻌﺪﻭﺍ ﻋﻨﻬﺎ ﺑﻨﺎﺗﻬﺎ ...
ﻣﺴﺤﺖ ﺩﻣﻮﻋﻬﺎ ﻭﺧﺸﺖ .. ﺧﺪﺕ ﺣﺎﺟﺘﻬﺎ ﻭﻗﺒﻞ ﺗﻄﻠﻊ : ﺳﺎﻟﻤﻪ ﻣﻌﻠﻴﺸﻲ ﺍﻟﻴﻮﻡ ﺑﻨﻌﻄﻞ ...
ﺳﺎﻟﻤﻪ ﺑﺄﺑﺘﺴﺎﻣﻪ؛ ﺍﺧﺘﻲ ﻋﻨﺪﻱ ﻗﺎﻋﺪﻩ ﻣﻊ ﺍﻟﺼﻐﺎﺭ ...
ﺣﻨﺎﻥ ﺍﺑﺘﺴﻤﺖ : ﻛﻮﻳﺲ .. ﺗﺒﻲ ﺍﻱ ﺷﻲ ﻛﻠﻤﻴﻨﻲ ..
ﺳﺎﻟﻤﻪ : ﺇﻥ ﺷﺎﺀ ﺍﻟﻠﻪ ...
ﻃﻠﻌﺖ ﺣﻨﺎﻥ ﻣﻦ ﺍﻟﺤﻮﺵ .. ﻭﺗﻮﺟﻬﺖ ﻟﺴﻴﺎﺭﺗﻬﺎ ﻭﺭﻛﺒﺖ .. ﺗﺤﺮﻛﺖ ﻭﻃﻠﻌﺖ ﻣﻦ ﺍﻟﺤﻮﺵ ﻭﻫﻲ ﺗﻔﻜﺮ ﻛﻴﻒ ﺣﺘﻜﻮﻥ ﻣﻘﺎﺑﻠﻪ ﺍﻟﻌﻤﻞ ﺍﻟﻴﻮﻡ ﻣﻊ ﺍﻛﺜﺮ ﺷﺨﺺ ﻣﺴﺘﻔﺰ ﻋﺮﻓﺎﺗﻪ ﻓﺤﻴﺎﺗﻬﺎ ..
***
ﻓﻲ ﺍﻟﺸﺮﻛﻪ ..
ﻣﻌﺎﻭﻳﻪ ﻳﺴﺘﻨﻰ ﻉ ﺃﺣﺮ ﻣﻦ ﺍﻟﺠﻤﺮ .. ﻳﻤﺸﻲ ﻓﻲ ﻣﻜﺘﺒﻪ ﻳﻤﻴﻦ ﻭﻳﺴﺎﺭ ﻭﻳﺸﻮﻑ ﻑ ﺍﻟﺴﺎﻋﻪ ...
ﺑﻌﺪ ﺭﺑﻊ ﺳﺎﻋﻪ ..
ﺭﻥ ﺗﻠﻴﻔﻮﻥ ﻣﻜﺘﺒﻪ .. ﻗﺪﻡ ﻃﻮﻝ ﻭﻗﺎﻡ ﺍﻟﺴﻤﺎﻋﻪ : ﺍﻳﻮﻩ ..
ﺍﻟﺴﻜﺮﺗﻴﺮﻩ : ﺍﻟﻤﻬﻨﺪﺳﻪ ﺣﻨﺎﻥ ﺳﺎﻟﻢ ﻭﺻﻠﺖ ...
ﻣﻌﺎﻭﻳﻪ ﻗﻠﺒﻪ ﻳﺮﻋﺪ : 3 ﺩﻗﺎﻳﻖ ﺑﺎﻟﺰﺑﻂ ﻭﺩﺧﻠﻴﻬﺎ ...
ﺍﻟﺴﻜﺮﺗﻴﺮﻩ : ﺣﺎﺿﺮ ..
ﺻﻜﺮ ﻣﻌﺎﻭﻳﻪ .. ﻭﻗﺪﻡ ﻟﻤﺮﺍﻳﺎ ﻃﻮﻳﻠﻪ ﻓﻲ ﻣﻜﺘﺒﻪ ﺣﻠﻮﻩ ﺑﺎﻟﻤﺮﻩ ﻗﻌﺪ ﻳﺴﺎﻭﻱ ﻓﻲ ﺭﻭﺣﻪ ﺑﻌﺪﻳﻦ ﻗﺎﻝ ﻓﻨﻔﺴﻪ " ﺍﻧﻲ ﺧﻴﺮﻧﻲ ﺷﻦ ﺻﺎﻳﺮﻟﻲ ﺷﻦ ﺍﻟﻠﻲ ﻗﺎﻋﺪ ﺍﻧﺪﻳﺮ ﻓﻴﻪ ؟ !".. ﺗﻠﻔﺖ ﻟﻤﻜﺘﺒﻪ ﻭﻗﻌﻤﺰ ﻭﺭﺍﻩ ﻭﺣﻂ ﺭﺟﻞ ﻉ ﺭﺟﻞ ..
ﻃﻖ ﺍﻟﺒﺎﺏ .. ﻭﻗﻠﺒﻪ ﻳﺪﻕ ﻣﻌﺎﻩ ..
ﻣﻌﺎﻭﻳﻪ : ﺗﻔﻀﻞ ..
ﺍﻧﻔﺘﺢ ﺍﻟﺒﺎﺏ ﻭﻫﻮﻳﺸﺒﺤﻠﻪ ﻟﻴﻦ ﺑﺎﻧﺖ ﻋﻠﻴﻪ ﻭﺧﺸﺖ ... ﻗﺪﻣﺖ ﻭﻫﻮ ﻋﻴﻮﻧﻪ ﻓﻴﻬﺎ .. ﺭﻛﺒﺖ ﺍﻟﺪﺭﺟﺘﻴﻦ ﻭﻭﻗﻔﺖ ﻗﺪﺍﻡ ﻣﻜﺘﺒﻪ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﻣﻌﺎﻭﻳﻪ ﺍﺑﺘﺴﻢ ﻭﻫﻮ ﻳﺸﻮﻑ ﻟﺘﻔﺎﺻﻴﻞ ﻭﺟﻬﻬﺎ : ﻭﻋﻠﻴﻜﻢ ﺍﻟﺴﻼﻡ .. ﻭﺑﺘﺸﺪﻳﺪ ﻓﻲ ﺍﻟﻨﻄﻖ ... ﺃﻫﻬﻬﻬﻼﺍﺍﺍ ﻭﺳﻬﻬﻬﻼﺍﺍﺍ ...
... ﻳﺘﺒﻊ
٢٠ / ١٠ / ٢٠٢٠ · Facebook for Android · ﺭﻭ
