ﺍﻪ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ _ ﺍﻟﻌﺎﺷﺮ
ﻓﺘﺢ ﺍﻳﺪﻳﻪ ﻭﻗﺎﻝ : ﺣﺒﻴﺒﺔ ﺑﺎﺑﺎ ..
ﻟﺒﻨﻰ ﺗﺸﺒﺤﻠﻪ ﺑﺒﺮﻭﺩ ﻛﻞ ﺍﻟﻠﻲ ﺩﺍﺭﺍﺗﻪ ﺍﻧﻬﺎ ﻣﺪﺕ ﻳﺪﻫﺎ ...
ﻧﻀﺎﻝ ﻗﻌﺪ ﻳﺸﺒﺢ ﻟﻴﺪﻫﺎ ﻭﻫﻮ ﻗﺎﻋﺪ ﻓﺎﺗﺢ ﺣﻀﻨﻪ ... ﺷﺒﺤﻠﻬﺎ ﻭﺍﺑﺘﺴﻢ ﻧﺰﻝ ﺍﻳﺪﻳﻪ ﻭﺣﺪﻩ ﺣﻄﻬﺎ ﻓﻲ ﺟﻴﺒﻪ ﻭﺍﻟﺘﺎﻧﻴﻪ ﺻﺎﻓﺢ ﺑﻴﻬﺎ ﺑﻨﺘﻪ .. ﻳﺎﺩﻭﺏ ﺳﻠﻤﺖ ﻋﻠﻴﻪ ﺑﺮﻭﺱ ﺻﻮﺍﺑﻌﻬﺎ ﻭﺧﺸﺖ ﻭﺧﻼﺗﻪ ..
ﻫﻮ ﻣﺘﻮﻗﻊ ﺍﺳﻮﺀ ﻣﻦ ﻫﻜﻲ ﻟﺬﻟﻚ ﺳﻜﺖ ﻭﺧﺶ ..
ﺣﻨﺎﻥ : ﻣﻨﻮ ﻟﺒﻨﻰ .. ﺳﻜﺘﺖ ﻟﻤﺎ ﺷﺎﻓﺎﺗﻪ ﺧﺎﺵ ...
ﻭﺭﻫﻒ ﺷﺎﻓﺎﺗﻪ ﺣﺘﻰ ﻫﻲ ﻗﻌﺪﺕ ﺗﺸﻮﻓﻠﻪ .. ﻧﻈﺮﺍﺕ ﻋﻴﻮﻥ ﺭﻫﻒ ﺫﺑﺤﻮﻩ ﻛﺎﻧﺖ ﻧﻈﺮﺍﺕ ﺇﺳﺘﻨﻜﺎﺭ ﻭﺍﺿﺤﻪ .. ﻋﻜﺲ ﻧﻈﺮﺍﺕ ﻟﺒﻨﻰ ﺍﻟﻠﻲ ﻛﺎﻧﺖ ﻏﻀﺒﺎﻧﻪ ﻻﺃﻛﺜﺮ ...
ﺣﻨﺎﻥ : ﺣﻤﺪﻟﻠﻪ ﻉ ﺍﻟﺴﻼﻣﻪ ..
ﻧﻀﺎﻝ ﺷﺒﺤﻠﻬﺎ : ﺍﻟﻠﻪ ﻳﺴﻠﻤﻚ ...
ﺣﻨﺎﻥ : ﻗﻌﻤﺰ ﻋﻼﺵ ﻭﺍﻗﻒ ...
ﻗﻌﻤﺰ ﻧﻀﺎﻝ ﻭﻋﻴﻮﻧﻪ ﻉ ﺑﻨﺎﺗﻪ ..
ﻧﻀﺎﻝ : ﺍﺣﻤﻢ ... ﻋﺎﺫﺭﻛﻢ ﻓﻲ ﺭﺩﺓ ﻓﻌﻠﻜﻢ ﻣﺶ ﺣﻨﻠﻮﻣﻜﻢ .. ﺑﺲ ﺍﻧﻲ ﻧﺒﻴﻜﻢ ﺗﺴﻤﻌﻮﻧﻲ ..
ﺍﻟﺰﻭﺯ ﻳﺸﺒﺤﻮﻟﻪ ﻭﻣﺎﺗﻜﻠﻤﻮﺵ .. ﻟﺒﻨﻰ ﻟﻔﺖ ﻭﺟﺖ ﺑﺘﺮﻛﺐ ..
" ﻟﺒﻨﻰ "..
ﻭﻗﻔﺖ ﻭﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﺍﻟﺘﻔﺘﺖ : ﻧﻌﻢ ﻣﺎﻣﺎ ..
ﺣﻨﺎﻥ : ﺗﻌﺎﻟﻲ ﻗﻌﻤﺰﻱ .. ﻭﺍﻧﺘﻲ ﺭﻫﻒ ﺗﻌﺎﻟﻲ ... ﺷﺒﺤﻮﺍ ﻟﺒﻌﻀﻬﻢ ﺍﻟﺰﻭﺯ ﻭﻗﺪﻣﻮﺍ ﻗﻌﻤﺰﻭﺍ ﻣﻘﺎﺑﻠﻴﻨﻪ ..
ﺣﻨﺎﻥ : ﻧﺴﺘﺄﺫﻥ .. ﻭﻣﺸﺖ ﻟﻠﺸﻤﺎﻋﻪ ﺧﺪﺕ ﺷﺎﻝ ﻏﻠﻴﻆ ﻭﻭﺷﺎﺡ ﻟﺒﺴﺘﻬﻢ ﻭﻃﻠﻌﺖ ﺑﺮﺍ ...
ﻧﻀﺎﻝ ﻛﺎﻥ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﻃﻠﻌﺖ ﺑﻌﺪﻳﻦ ﺷﺒﺢ ﻟﺒﻨﺎﺗﻪ ﻫﻠﺒﻪ ...
ﺑﻌﺪﻳﻦ ﻗﺎﻝ : ﺯﻋﻼﻧﻴﻦ !! ﺣﻘﻜﻢ ... ﻟﻜﻦ ﻻﺯﻡ ﺗﻌﺮﻓﻮﺍ ﺍﻧﻲ ﻋﺎﻳﺶ ﺑﻴﻜﻢ ﺍﻧﺘﻢ ﺍﻟﺰﻭﺯ ﻭﺍﻧﻜﻢ ﺍﻏﻠﻰ ﻣﺎﻋﻨﺪﻱ ﻭﻣﺎﻓﻴﺶ ﺃﻏﻠﻰ ﻣﻨﻜﻢ ..
ﻟﺒﻨﻰ ﺍﺑﺘﺴﻤﺖ ﺑﺘﻬﻜﻢ .. ﺷﺎﻓﻬﺎ ﻗﻠﺒﻪ ﻭﺟﻌﻪ ..
ﻧﻀﺎﻝ : ﻓﻲ ﺣﺎﺟﺎﺕ ﻳﺎﺑﺎﺑﺎ ﺍﻧﺘﻢ ﺻﻌﺐ ﺗﻔﻬﻤﻮﻫﺎ .. ﺑﺲ .. ﺍﻱ ﺍﺗﻨﻴﻦ ﻳﺮﺗﺒﻄﻮﺍ ﺑﺒﻌﺾ ﻳﻜﻮﻥ ﻓﻲ ﺣﺎﺟﺎﺕ ﺗﺪﻋﻢ ﻫﺎﻹﺭﺗﺒﺎﻁ ﻭﺍﻫﻤﻬﻢ ﺍﻟﺤﺐ ... ﻭﺍﻟﺤﺐ ﻟﻤﺎ ﻳﻨﺘﻬﻲ ﻳﺒﺪﺍ ﻓﻲ ﻓﺮﺍﻍ .. ﻭﺭﺍﺩ ﺟﺪﺍ ﻳﺠﻲ ﻧﻬﺎﺭ ﻭﻳﺘﻌﺒﺎ ﻫﺎﻟﻔﺮﺍﻍ ﻭﻫﺬﺍ ﺍﻟﻠﻲ ﺻﺎﺭﻟﻲ .. ﺍﻧﻲ ﺍﻣﻜﻢ ﻧﻘﺪﺭﻫﺎ ﻭﻧﺤﺘﺮﻣﻬﺎ ﻭﺍﻟﻠﻲ ﺩﺍﺭﺍﺗﻪ ﻉ ﺭﺍﺳﻲ ﻣﻦ ﻓﻮﻕ .. ﻟﻜﻦ ﺍﻧﻲ ﻭﻳﺎﻫﺎ ﻣﻌﺎﺵ ﻓﻲ ﺑﻴﻨﺎ ﺣﻴﺎﺓ ﻭﻻﻧﺼﻴﺐ ﺧﻼﺹ .. ﻭﺍﻧﺘﻢ ﻻﺯﻡ ﺗﻄﻠﻌﻮﺍ ﺑﺮﺍ ﺍﻟﺤﻜﺎﻳﻪ ﻫﺎﺩﻱ .. ﺍﻧﺘﻢ ﺷﻲ ﻭﻫﻲ ﺷﻲ .. ﻋﻼﻗﺘﻲ ﺑﻴﻬﺎ ﺷﻲ .. ﻭﻋﻼﻗﺘﻲ ﺑﻴﻜﻢ ﺷﻲ ﺗﺎﻧﻲ ...
ﺳﺎﻛﺘﻴﻦ ﻭﻣﺎﻳﺒﻮﺵ ﻳﺘﻜﻠﻤﻮﺍ ..
ﻧﻀﺎﻝ : ﺗﻜﻠﻤﻮﺍ ﻗﻮﻟﻮﺍ ﺣﺎﺟﻪ ﺣﺘﻰ ﻟﻮ ﺿﺎﻳﻘﺘﻨﻲ ﻣﺎﻓﻴﺶ ﻣﺸﻜﻠﻪ ..
ﺭﻫﻒ ﺗﻨﻬﺪﺕ ﻭﻗﺎﻟﺖ : ﺧﻼﺹ ﺍﻧﺖ ﻗﺮﺭﺕ ﺗﺸﻮﻑ ﺣﻴﺎﺗﻚ ﻭﺷﻔﺘﻬﺎ ... ﺗﻮﺍ ﺍﻧﺖ ﻋﻨﺪﻙ ﺣﻴﺎﺓ ﺗﺎﻧﻴﻪ ﺭﻛﺰ ﻓﻴﻬﺎ ﻫﻴﺎ .. ﺣﻨﻲ ﻛﺒﺮﻧﺎ ﺧﻼﺹ ﻣﺶ ﺑﺤﺎﺟﻪ ﻟﻮﺟﻮﺩﻙ .. ﺭﺑﻲ ﻳﻬﻨﻴﻚ ... ﻭﻧﺎﺿﺖ ﻭﻃﻮﻝ ﺭﻛﺒﺖ ...
ﻟﺒﻨﻰ : ﻛﻨﺖ ﻧﺒﻲ ﻧﻘﻮﻝ ﻛﻼﻡ ﺍﻗﺴﻰ ﻣﻦ ﻛﻼﻣﻬﺎ ﺑﺲ ﻳﻠﻼ ﺍﻋﺘﺒﺮ ﻛﻼﻣﻲ ﻫﻮ ﻛﻼﻣﻬﺎ ... ﻭﻧﺎﺿﺖ ﻫﻲ ﺍﻟﺘﺎﻧﻴﻪ ﻭﺭﻛﺒﺖ ..
ﻫﻮ ﻗﻌﺪ ﻣﻘﻌﻤﺰ ﻓﻲ ﻣﻜﺎﻧﻪ ﻭﺭﺍﻓﻊ ﺣﻮﺍﺟﺒﻪ .. ﻭﺣﺲ ﺑﻘﻠﺒﻪ ﻳﺘﻘﻄﻊ .. ﻫﻮ ﺧﻼﺹ ﺧﺴﺮ ﺑﻨﺎﺗﻪ .. ﻭﻻﻫﺎﺩﻱ ﺭﺩﺓ ﻓﻌﻞ ﻃﺒﻴﻌﻴﻪ .. ﻭﺗﺒﻲ ﺗﺎﺧﺪ ﻭﻗﺘﻬﺎ !!..
ﻧﺎﺽ ﺑﺼﻌﻮﺑﻪ ﻭﺑﺼﻮﺕ ﻋﺎﻟﻲ : ﺣﻨﺎﺍﺍﻥ .. ﺧﺸﺖ ﺣﻨﺎﻥ ..
ﺣﻨﺎﻥ ﻣﺎﻟﻘﺘﺶ ﺍﻟﺒﻨﺎﺕ ﻓﻬﻤﺖ ﺍﻟﻠﻲ ﺻﺎﺭ : ﻧﻌﻢ ...
ﻧﻀﺎﻝ : ﻧﺒﻲ ﻧﺮﻛﺐ ﻧﺎﺧﺪ ﺣﺎﺟﺎﺗﻲ ..
ﺣﻨﺎﻥ : ﺍﺳﺘﻨﻰ .. ﺗﻮﺟﻬﺖ ﻟﻮﺍﺣﺪ ﻣﻦ ﺍﻟﺮﻓﻮﻑ ﺍﻟﻤﻌﻠﻘﺎﺕ ﻉ ﺍﻟﺤﻴﻂ ﻭﺧﺪﺕ ﻣﻨﻬﻢ ﻣﻔﺎﺗﻴﺢ .. ﻭﻓﺘﺤﺖ ﺍﻟﺪﺍﺭ ﺍﻟﻔﺎﺿﻴﻪ ﻭﺷﺒﺤﺘﻠﻪ ﻭﻗﺎﻟﺖ : ﺣﺎﺟﺎﺗﻚ ﻫﻨﻲ ...
ﻫﻮ ﺭﻓﻊ ﺣﺎﺟﺒﻪ ﺍﻟﻴﺴﺎﺭ ﻭﺍﺑﺘﺴﻢ ﺑﺘﻬﻜﻢ ﻭﻗﺪﻡ ﻟﻠﺪﺍﺭ ﻭﺷﺎﻑ ﺍﻟﺸﻨﺎﻃﻲ ﺍﻟﻠﻲ ﻣﺴﺘﻔﺎﺕ ﺟﻨﺐ ﺑﻌﺾ ﺷﺒﺤﻠﻬﺎ ﻭﻫﻲ ﺷﺒﺤﺘﻠﻪ ﻋﺎﺩﻱ ﺟﺪﺍ ..
ﺧﺶ ﺑﺪﻱ ﻳﻄﻠﻊ ﻓﻲ ﺍﻟﺸﻨﺎﻃﻲ ... ﻭﻫﻲ ﺗﺸﻮﻓﻠﻪ ... ﺍﻟﺒﺎﺏ ﻛﺎﻥ ﻣﻔﺘﻮﺡ ﺧﺸﺖ ﻧﻴﺮﻭﺯ ﺷﺎﻓﺎﺗﻪ ﻭﺟﻬﻬﺎ ﺍﻧﻘﻠﺐ .. ﻫﻮ ﺷﺒﺤﻠﻬﺎ ﻭﻫﻲ ﻭﻻ ﻛﺄﻧﻪ ﺷﺎﻓﺎﺗﻪ ﺳﻠﻤﺖ ﻉ ﺣﻨﺎﻥ ﻭﺭﻛﺒﺖ ﻓﻮﻕ ...
ﻫﻮ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﻗﻌﺪ ﺳﺎﻛﺖ ...
ﻭﻫﻮ ﺟﺎﻱ ﻳﻄﻠﻊ ﻓﻲ ﺣﺎﺟﺎﺗﻪ ﺑﺮﺍ ﺍﻟﺤﻮﺵ .. ﻭﻭﺭﺍﻩ ﺣﻨﺎﻥ ..
ﺗﻼﻗﻮﺍ ﻣﻊ ﻋﺎﺋﺸﻪ ﻭﺃﺳﺎﻣﻪ ﺟﺎﻳﻴﻦ .. ﺷﺒﺤﺘﻠﻪ ﻋﺎﺋﺸﻪ ﺑﻜﺮﻩ ﻭﻣﺸﺖ ﻟﺤﻨﺎﻥ ﺳﻠﻤﺖ ﻋﻠﻴﻬﺎ ﻭﺧﺸﺖ ..
ﻫﻮ ﺍﺑﺘﺴﻢ ﺗﻬﻜﻤﺎ ﻭﻗﺎﻝ ﻟﺤﻨﺎﻥ : ﺷﻜﺮﺍ ...
ﺣﻨﺎﻥ : ﺍﻟﻌﻔﻮ .. ﻭﺧﺸﺖ ﻃﻮﻝ ..
ﺃﺳﺎﻣﻪ : ﻛﻴﻒ ﺍﻟﺤﺎﻝ ..
ﻧﻀﺎﻝ ﺑﻀﺤﻜﻪ : ﺯﻱ ﻣﺎﺗﺸﻮﻑ ... ﻏﺮﻳﺒﻪ ﻣﺎﺍﻧﻈﻤﻴﺘﺶ ﻟﻠﻤﻌﺎﺭﺿﻪ ..
ﺍﺳﺎﻣﻪ ﺑﺈﺑﺘﺴﺎﻣﻪ : ﻫﺎﺯﻱ ﻉ ﺍﻟﻮﺿﻊ ﻟﻬﺎﻟﺪﺭﺟﻪ !
ﻧﻀﺎﻝ ﺗﻼﺷﺖ ﺿﺤﻜﺘﻪ ﻭﻗﺎﻝ ﺑﻌﺼﺒﻴﻪ : ﺍﻟﻠﻲ ﻳﺴﻤﻌﻜﻢ ﻭﻳﺸﻮﻓﻜﻢ ﻫﻜﻲ ﻳﻘﻮﻝ ﺩﺭﺕ ﺟﺮﻳﻤﻪ ﻭﻻﺭﺗﺪﻳﺖ ﻋﻦ ﺍﻟﺪﻳﻦ .. ﺭﻩ ﻻﺍﻧﻲ ﺍﻭﻝ ﻭﻻ ﺃﺧﺮ ﻭﺍﺣﺪ .. ﻭﻫﺬﺍ ﺣﻖ ﻋﺎﻃﻴﻪ ﺭﺑﻲ .. ﺭﺑﻲ ﻣﻦ ﻓﻮﻕ .. ﺍﻧﺘﻢ ﺗﺒﻮﺍ ﺗﺤﺮﻣﻮﻩ !!
ﺃﺳﺎﻣﻪ : ﻻ ﺃﺑﺪﺍ ﺣﻘﻚ ... ﻳﻼﺍ ﺭﺑﻲ ﻳﻬﻨﻴﻚ ﻳﺎﻋﺮﻳﺲ .. ﻭﺧﺶ ﻭﺧﻼﻩ ..
ﻧﻀﺎﻝ ﻟﺤﻘﻪ ﺑﻌﻴﻮﻧﻪ ﻟﻴﻦ ﺧﺶ ﻭﻗﺎﻝ : ﺭﻳﺖ ﻣﻦ ﻳﺘﻜﻠﻢ .. ﻳﺎﻭﺍﻟﻠﻪ ﺣﺎﻟﻪ ﻭﺧﻼﺹ .. ﻭﺧﺪﻱ ﺷﻨﺎﻃﻴﻪ ﻃﻠﻌﻬﻢ ﻟﻠﺴﻴﺎﺭﻩ ... ﻭﺭﻛﺐ ﻭﺗﺤﺮﻙ ﻃﻮﻝ ..
ﺍﺳﺎﻣﻪ ﻗﻌﺪ ﺷﻮﻳﻪ ﻭﻃﻠﻊ ﻭﻗﻌﺪﻭﺍ ﺍﻟﻨﺴﺎﻭﻳﻦ ﺑﺮﻭﺣﻬﻢ ..
ﻧﻴﺮﻭﺯ : ﺍﺣﺴﻦ ﻣﺎﺩﺍﺭﻭ ..
ﺣﻨﺎﻥ : ﺷﻦ ﻫﻮ ﺍﻷﺣﺴﻦ !! ﻳﻌﻘﻮﺍ ﺑﻮﻫﻢ ﻭﻳﻄﺎﻭﻟﻮﺍ ﻋﻠﻴﻪ ..
ﻧﻴﺮﻭﺯ : ﻭﺭﺍﺱ ﺍﻣﻚ ﻓﻮﺗﻴﻨﻲ ﺗﺮﺍ ..
ﻋﺎﺋﺸﻪ : ﻫﻬﻬﻬﻬﻬﻬﻬﻪ
ﺣﻨﺎﻥ ﺑﻀﺤﻜﻪ : ﻣﺎﻻ ﻏﻴﺮﻭﺍ ﺍﻟﻤﻮﺿﻮﻉ ... ﺍﻳﻪ .. ﺣﻤﺎﺗﻜﻢ ﺑﺘﺤﺒﻜﻢ ﺭﻫﻮﻓﻪ ﺑﺪﻳﺮ ﺑﻴﺘﺰﺍ ﻣﻠﻔﻮﻓﻪ ..
ﻧﻴﺮﻭﺯ : ﺍﺍﺍﺍﺍﻩ ﻳﺎﻗﻠﺒﻲ ..
ﻋﺎﺋﺸﻪ : ﻗﺪﺍﺵ ﺧﺎﻃﺮﻱ ﻓﻴﻬﺎ ..
ﻧﻴﺮﻭﺯ : ﺍﻣﺘﻰ ﻣﻮﻋﺪﻙ ..
ﻋﺎﺋﺸﻪ ﻭﺟﻬﻬﺎ ﺗﻐﻴﺮ : ﻣﺎﺯﺍﻝ ﺍﺳﺒﻮﻋﻴﻦ ..
ﺣﻨﺎﻥ ﺷﺒﺤﺘﻠﻬﺎ ﻭﻗﻠﺒﻬﺎ ﻳﻨﻌﺼﺮ ﻋﺼﺮ : ﺧﻞ ﻧﺮﻛﺐ ﻟﻠﺒﻨﺎﺕ ﻧﻘﻮﻟﻠﻬﻢ ﻳﻨﺰﻟﻮﺍ ﻳﻜﻤﻠﻮﺍ ﺍﻟﻌﺸﻲ ..
***
ﻗﻌﺪ ﻳﺪﻭﺭ ﻓﻲ ﺍﻟﺸﻮﺍﺭﻉ ﺑﺎﻟﺴﻴﺎﺭﻩ .. ﻣﺶ ﻗﺎﺩﺭ ﻳﻨﺴﻰ ﻧﻈﺮﺍﺗﻬﻢ ﻭﻛﻼﻣﻬﻢ ﻟﻴﻪ .. ﻧﻘﻄﺔ ﺿﻌﻒ ﻧﻀﺎﻝ ﺑﻨﺎﺗﻪ ﻣﺎﻳﻘﺪﺭﺵ ﻳﻌﻴﺶ ﻣﻦ ﻏﻴﺮﻫﻢ .. ﺻﻌﺐ ﻳﺘﺤﻤﻞ ﺯﻋﻠﻬﻢ ..
ﺭﻭﺡ ﻟﻠﺤﻮﺵ ﻣﺘﺄﺧﺮ ﻭﻳﺎﺭﺍ ﻛﺎﻧﺖ ﺗﻐﻠﻲ ﻏﻠﻲ ... ﻧﺎﺿﺘﻠﻪ ..
ﻳﺎﺭﺍ ﺑﺤﺪﻩ : ﻭﻳﻦ ﻫﺬﺍ ﻛﻠﻪ ..
ﻧﻀﺎﻝ ﺷﺒﺤﻠﻬﺎ : ﻳﺎﺭﺍ .. ﺗﻌﺒﺎﻥ ..
ﻳﺎﺭﺍ ﻗﻠﺒﻬﺎ ﺗﻘﻄﻊ ﻋﻠﻴﻪ .. ﻉ ﻃﻮﻝ ﺣﻀﻨﺎﺗﻪ ...
ﻟﻴﻠﺘﻬﺎ ﻻﺑﻲ ﻳﺎﻛﻞ ﻭﻻﻳﺘﻜﻠﻢ .. ﻗﻌﺪ ﻓﻲ ﺣﻀﻦ ﻳﺎﺭﺍ ﻭﺑﺲ ... ﻳﺎﺭﺍ ﺧﺎﻳﻔﻪ ﻋﻠﻴﻪ ﻭﻓﻨﻔﺲ ﺍﻟﻮﻗﺖ .. ﺧﺎﻳﻔﻪ ﻟﺘﻜﻮﻥ ﺣﻨﺎﻥ ﺗﺴﺘﻐﻞ ﻓﺒﻨﺎﺗﻬﺎ ﺑﺶ ﺗﺮﺩ ﺑﻮﻫﻢ .. ﻉ ﺑﺎﻟﻬﺎ ﺣﻨﺎﻥ ﻣﻦ ﻧﻮﻋﻴﺔ ﺍﻟﻨﺴﺎﻭﻳﻦ ﺍﻟﺒﺴﻴﻄﻪ ﺍﻟﻠﻲ ﻫﻤﻬﺎ ﻛﻠﻪ ﺭﺍﺟﻠﻬﺎ ﻳﻜﻮﻥ ﻣﻌﺎﻫﺎ ﻭﺍﺩﻳﺮ ﺍﻟﻤﺴﺘﺤﻴﻞ ﺑﺶ ﺗﺮﺩﻩ ﻟﻮ ﺑﺎﻋﻬﺎ ﻭﺷﺎﻑ ﻟﻐﻴﺮﻫﺎ .. ﻟﻜﻦ ﺣﻨﺎﻥ ﻛﺎﻧﺖ ﻏﻴﺮ ..
ﺍﻟﻠﻲ ﺑﺎﻋﻬﺎ ﻣﺴﺘﺤﻴﻞ ﺗﺮﺟﻊ ﺗﺸﺮﻳﻪ ... ﻭﻧﻈﺮﺗﻬﺎ ﻟﻠﺤﻴﺎﺓ ﺍﻋﻤﻖ ﻣﻦ ﺍﻧﻬﺎ ﺗﻜﻤﻠﻬﺎ ﻭﻫﻲ ﺗﺤﺎﺭﺏ ﻉ ﺧﺎﻃﺮ ﺭﺍﺟﻞ ﻋﻄﺎﺗﻪ ﻛﻞ ﺷﻲ ... ﻭﻫﻮ ﺑﺪﺍ ﻏﻴﺮﻫﺎ ﻋﻠﻴﻬﺎ ***
ﻣﻘﻌﻤﺰﺓ ﻓﻲ ﺩﺍﺭﻫﺎ ﺗﻘﺮﺍ ﻃﻖ ﺍﻟﺒﺎﺏ ..
ﻣﻬﺎ ﻭﻫﻲ ﺗﻘﺮﺍ : ﺧﺸﻲ ﺍﺑﻠﻪ ﻣﺮﻳﻢ ..
ﺧﺶ ﻣﻌﺎﻭﻳﻪ ﻭﻫﻮ ﻳﺸﺒﺤﻠﻬﺎ ﻛﻴﻒ ﻣﻘﻌﻤﺰﻩ ﻉ ﻣﻜﺘﺒﻬﺎ ﻭﺗﻘﺮﺍ ..
ﻣﻬﺎ ﺣﺴﺖ ﺑﻬﺪﻭﺀ ﺗﺎﻡ ﺍﻟﺘﻔﺘﺖ ﻟﻤﺎ ﺷﺎﻓﺎﺗﻪ ﺭﺟﻌﺖ ﻟﻔﺖ ﻭﺟﻬﻬﺎ ﻣﻦ ﺟﺪﻳﺪ ﻟﻜﺘﺎﺑﺎﺗﻬﺎ ..
ﻣﻌﺎﻭﻳﻪ ﻗﺪﻡ ﻭﻳﻘﻮﻝ ﺑﺘﻬﻜﻢ : ﻛﺎﻥ ﻧﻌﺮﻑ ﻣﻦ ﻣﻘﻮﻳﻚ ﻫﻜﻲ ..
ﻣﻬﺎ ﺍﻟﺘﻔﺘﺖ ﻭﺷﺒﺤﺘﻠﻪ : ﺣﺪ ﺍﻧﺖ ﻣﺎﺗﻌﺮﻓﺎﺵ ...
ﻣﻌﺎﻭﻳﻪ ﺿﺤﻚ ﺑﺴﺨﺮﻳﻪ : ﻫﻬﻬﻬﻬﻬﻪ .. ﺍﻟﺼﻐﻴﺮﻩ ﻭﺍﻟﻜﺒﻴﺮﺓ ﻋﻨﻚ ﻧﻌﺮﻓﻬﺎ .. ﻭﻣﻴﺔ ﻣﺮﺓ ﻧﻘﻮﻝ ﻣﺶ ﻛﻮﻧﻲ ﺑﻌﻴﺪ ﺍﻏﻠﺐ ﺍﻟﻮﻗﺖ ﻣﻌﻨﺎﻫﺎ ﻏﺎﻓﻞ ﻭﻣﺎﻧﻌﺮﻑ ﺷﻲ .. ﺻﺎﺣﺒﺘﻚ ﺍﻟﺠﺪﻳﺪﻩ ﻣﺜﻼ .. ﻭﺯﻳﺎﺭﺍﺗﻚ ﻟﺤﻮﺷﻬﺎ ﻭﺍﻧﻲ ﻣﺴﺎﻓﺮ ..
ﻣﻬﺎ ﻫﻨﻲ ﺧﺎﻓﺖ : ﻭﻭﻳﻦ ﺍﻟﻤﺸﻜﻠﻪ ..
ﻣﻌﺎﻭﻳﻪ ﻗﺪﻡ ﻟﻴﻦ ﻭﺻﻞ ﻓﻴﻬﺎ ﻭﺍﻗﻒ ﻭﺍﻳﺪﻳﻪ ﻭﺭﺍ ﻇﻬﺮﻩ ﻭﻳﺸﺒﺤﻠﻬﺎ ﺑﺤﺪﻩ : ﺍﺳﻤﻌﻲ .. ﻋﻼﻗﺘﻚ ﺑﻴﻬﺎ ﺗﻘﻌﺪ ﻓﺤﺪﻭﺩ ﺍﻟﺪﺭﺍﺳﻪ ﻭﺍﻟﻤﺪﺭﺳﻪ ﺑﺲ .. ﺯﻳﺎﺭﺍﺕ ﻟﺤﻮﺷﻬﺎ ﻣﻤﻨﻮﻉ .. ﺑﺘﻌﻨﺪﻱ ﺑﺘﺴﻜﺮﻱ ﺭﺍﺳﻚ .. ﺣﻨﻀﺮﻫﻢ ﺭﻩ .. ﻭﺍﺷﺮ ﺑﺴﺒﺎﺑﺘﻪ ﻋﻠﻴﻬﺎ .. ﻭﺍﻧﺘﻲ ﺍﻟﺴﺒﺐ ..
ﻣﻬﺎ ﺧﺎﻓﺖ ﻫﻠﺒﻪ ..
ﻣﻌﺎﻭﻳﻪ : ﺇﻥ ﺷﺎﺀ ﺍﻟﻠﻪ ﺗﻜﻮﻧﻲ ﻓﻬﻤﺘﻲ ﻭﻣﺎﺗﻌﺎﻧﺪﻳﺶ ﻭﺗﺴﻜﺮﻱ ﺭﺍﺳﻚ .. ﻭﻟﻒ ﻭﻣﺸﻲ ﻃﻠﻊ ﻣﻦ ﺍﻟﺪﺍﺭ .. ﻭﻫﻲ ﻗﻌﺪﺕ ﺧﺎﻳﻔﻪ ﻫﻠﺒﻪ .. ﻓﻌﻼ ﺑﻮﻫﺎ ﻟﻤﺎ ﻳﺤﻂ ﻓﺮﺍﺳﻪ ﺣﺪ ﻳﺪﻣﺮﻩ .. ﻗﺮﺭﺕ ﺍﻧﻬﺎ ﺗﻘﻌﺪ ﻣﺤﺎﻓﻈﻪ ﻉ ﻋﻼﻗﺘﻬﺎ ﺑﻠﺒﻨﻰ ﺑﺲ ﺑﺤﺪﻭﺩ ﺍﻟﺪﺭﺍﺳﻪ ﺑﺲ ...
***
ﻟﻴﻜﻢ ﺣﻖ ﺍﻧﻜﻢ ﺗﺰﻋﻠﻮﺍ .. ﺑﺲ ﻣﺎﺗﻘﻄﻌﻮﺷﻲ ﻫﺬﺍ ﺑﻮﻛﻢ ... ﻭﺍﻧﻲ ﻣﺘﺄﻛﺪﻩ ﺍﻧﻪ ﻣﺘﻨﻜﺪ ﺗﻮﺍ ﻉ ﺧﺎﻃﺮﻛﻢ ..
ﻟﺒﻨﻰ ﺑﻤﻜﺮ : ﺍﺣﺴﻦ ﺧﻞ ﻳﻨﻜﺪ ﻋﻠﻴﻬﺎ ﻣﻌﺎﻩ ..
ﺣﻨﺎﻥ ﻣﻘﺪﺭﺗﺶ ﺗﺸﺪ ﺿﺤﻜﺘﻬﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻟﺒﻨﻰ : ﻳﺎﻭﺧﻴﺘﻲ ﺳﻠﻤﻠﻲ ﺍﻟﻀﺤﻜﻪ ﻭﺻﺎﺣﺒﺘﻬﺎ .. ﻭﺑﺎﺳﺖ ﺍﻣﻬﺎ ﻣﻦ ﺧﺪﻫﺎ ﺑﺎﻟﻘﻮﺓ .
ﺭﻫﻒ : ﻫﻬﻬﻬﻬﻬﻬﻬﻬﻬﻪ ﻛﻤﻠﺘﻴﻬﺎ ...
ﺣﻨﺎﻥ ﺑﻀﺤﻜﻪ : ﺍﺍﺍﺍﻩ ﺭﺑﻲ ﻣﺎﻳﺤﺮﻣﻨﻲ ﻣﻨﻜﻢ ﻣﺎﻧﺒﻲ ﺷﻲ ﻏﻴﺮﻛﻢ ﺍﻧﺘﻢ ﺍﻧﻲ ... ﺍﻟﺰﻭﺯ ﺟﻮ ﺣﻀﻨﻮﻫﺎ ﻭﺑﺎﺳﻮﻫﺎ ... ﻭﺭﻗﺪﻭﺍ ﻟﻴﻠﺘﻬﺎ ﻉ ﺳﺮﻳﺮ ﻟﺒﻨﻰ ﺑﺎﻟﻌﺮﺽ ﻭﻫﻤﺎ ﻳﻀﺤﻜﻮﺍ ﻭﻳﺒﺼﺮﻭﺍ ﻟﻴﻦ ﺧﺪﺍﻫﻢ ﺍﻟﻨﻮﻡ ﻭﺭﻗﺪﻭﺍ ... ﺑﺮﻏﻢ ﻗﻮﺓ ﺍﻷﻟﻢ .. ﺗﺴﺘﻤﺮ ﺍﻟﺤﻴﺎﻩ ...
ﺗﺎﻧﻲ ﻳﻮﻡ
ﻓﻲ ﺍﻟﺠﺎﻣﻌﻪ ..
ﺍﺍﺍﻩ ﻳﺎﺻﺎﺣﺒﻲ ﺗﻘﺘﻞ ﻓﻴﺎ ﺑﻤﻌﺎﻣﻠﺘﻬﺎ ﻫﺎﺩﻱ ..
ﻟﺆﻱ : ﺣﺘﻰ ﺍﻧﻲ ﻗﺎﻟﺒﻪ ﻭﺟﻬﻬﺎ ﻋﻠﻴﺎ ..
ﺃﺳﻨﺎﻡ : ﻟﻮ ﻧﻔﻬﻢ ﻭﻧﻌﺮﻑ ﺧﻴﺮﻫﺎ !! ﺗﻘﻮﻯ ﻣﺎﻟﻤﺤﺘﻠﻚ ﺑﺸﻲ ..
ﻟﺆﻱ : ﻛﻞ ﺍﻟﻠﻲ ﻗﺎﻻﺗﻪ ﻣﺸﺎﻛﻞ ﻋﺎﺋﻠﻴﻪ ﻭﺑﺲ ..
ﺃﺳﻨﺎﻡ ﺑﺤﺰﻡ : ﻏﻴﺮ ﺗﻮﺻﻞ ﻭﺍﻟﻠﻪ ﻣﺎﻧﻲ ﻃﺎﻟﻘﻬﺎ ﻟﻴﻦ ﻧﻌﺮﻑ ﺧﻴﺮﻫﺎ ..
ﻟﺆﻱ : ﺍﻫﻴﺎ ...
ﺍﺳﻨﺎﻡ ﺷﺒﺤﻬﺎ ﻫﻲ ﺷﺒﺤﺘﻬﻢ ﻭﺩﺍﺭﺕ ﺍﻟﺤﻮﻟﻪ ﻭﻛﻤﻠﺖ ﻃﺮﻳﻘﻪ ..
ﺍﺳﻨﺎﻡ ﻭﺻﻠﺖ ﺣﺪﻫﺎ ﻋﻨﺪﻩ ﻣﺸﺎﻟﻬﺎ ﺑﺴﺮﻋﻪ ﻟﺤﻖ ﻋﻠﻴﻬﺎ ﻭﻭﻗﻒ ﻗﺪﺍﻣﻬﺎ ...
ﺭﻫﻒ : ﺣﻮﻝ ﻟﻮﺳﻤﺤﺖ ..
ﺍﺳﻨﺎﻡ ﺑﺮﻓﻌﺔ ﺣﺎﺟﺐ : ﺷﻨﻮ ﺍﻷﺳﻠﻮﺏ ﻫﻮ ﻭﺍﻟﺠﻮ ﺍﻟﻠﻲ ﺩﻳﺮﻱ ﻓﻴﻪ ..
ﺭﻫﻒ : ﺣﻮﻝ ﺍﺭﺟﻮﻙ ..
ﺍﺳﻨﺎﻡ : ﻭﺍﻟﻠﻪ ﻣﺎﻧﻲ ﻣﺘﺤﺮﻙ ﻟﻴﻦ ﻧﻌﺮﻑ ﺧﻴﺮﻙ ..
ﺭﻫﻒ ﻣﺸﺖ ﻓﺎﺗﺎﺗﻪ ﻭﻫﻮ ﻟﺤﻖ ﻋﻠﻴﻬﺎ ﻭﺷﺪﻫﺎ ﻣﻦ ﻳﺪﻫﺎ ...
ﺍﺳﻨﺎﻡ ﺑﺈﺻﺮﺍﺭ : ﺭﻫﻒ ﻣﺶ ﺣﻨﺴﻴﺒﻚ ﻟﻴﻦ ﻧﻌﺮﻑ ﺧﻴﺮﻙ ..
ﺭﻫﻒ ﺷﺒﺤﺖ ﺣﻮﺍﻟﻴﻬﺎ ﺑﻌﺪﻳﻦ ﺷﺒﺤﺘﻠﻪ : ﺷﻦ ﺗﺒﻲ ﺗﻌﺮﻑ ..
ﺃﺳﻨﺎﻡ : ﺗﻌﺎﻟﻲ .. ﺟﺒﺪﻫﺎ ﻣﻦ ﻳﺪﻫﺎ ﻭﻗﻌﻤﺰﻫﺎ ﻉ ﻛﺮﺳﻲ ﻭﻗﻌﻤﺰ ﺟﻨﺒﻬﺎ ... ﺍﺣﻜﻲ ﻧﺴﻤﻊ ﻓﻴﻚ ..
ﺭﻫﻒ ﺗﺸﺒﺢ ﺍﻟﻘﺪﺍﻡ ﻭﺑﺄﻟﻢ : ﺑﺎﺑﺎ ﺗﺰﻭﺝ ﻉ ﻣﺎﻣﺎ ..
ﺍﺳﻨﺎﻡ ﺍﻧﺼﺪﻡ ﺻﺪﻣﻪ ﻗﻮﻳﻪ ..
ﺭﻫﻒ ﺑﻌﺼﺒﻴﻪ : ﻭﺍﻧﻲ ﺍﻟﻠﻲ ﺩﺍﺭﻩ ﺧﻼﻧﻲ ﻧﻜﺮﻩ ﺟﻨﺲ ﺁﺩﻡ ﻛﻠﻪ ﻟﺬﻟﻚ ﻣﻌﺎﺵ ﺗﺠﻲ ﺟﻨﺒﻲ ﻭﻻﺗﻜﻠﻤﻨﻲ .. ﻭﻧﺎﺿﺖ ﻭﺧﻼﺗﻪ ..
ﺃﺳﻨﺎﻡ ﻣﺎﻗﺪﺭﺵ ﻳﺘﻜﻠﻢ ﻭﻻﻳﺘﺤﺮﻙ .. ﻟﻴﻪ ﺳﻨﻴﻦ ﻳﻌﺮﻓﻬﺎ ﻭﻳﻌﺮﻑ ﻗﺪﺍﺵ ﺗﺤﺐ ﺑﻮﻫﺎ ﻭﺗﺸﻮﻑ ﻓﻴﻪ ﺭﺍﺟﻞ ﻏﻴﺮ ﻛﻞ ﺍﻟﺮﺟﺎﻟﻪ .. ﻫﻮ ﻧﻔﺴﻪ ﻗﺎﺑﻠﻪ ﺃﻛﺜﺮ ﻣﻦ ﻣﺮﻩ .. ﺍﺑﺪﺍ ﻣﺎﺗﻮﻗﻌﺶ ﻳﺪﻳﺮ ﻫﻜﻲ ﻭﻻﻳﺼﻴﺮ ﺷﻲ ﺯﻱ ﻫﺬﺍ ﻳﻮﻡ ﻣﻦ ﺍﻷﻳﺎﻡ ﻷﺏ ﻭﺃﻡ ﺣﺒﻴﺒﺘﻪ ﺭﻫﻒ ...
ﻭﺟﻌﻪ ﻗﻠﺒﻪ ﻫﻠﺒﻪ ﻭﻋﺬﺭﻫﺎ ﻭﺣﺐ ﻳﺨﻠﻴﻬﺎ ﺗﺎﺧﺪ ﻭﻗﺘﻬﺎ ﻓﻲ ﺍﺳﺘﻴﻌﺎﺏ ﺍﻟﻠﻲ ﺻﺎﺭ .... ﻟﻴﻦ ﺗﻬﺪﺍ ﻭﺗﺘﻘﺒﻞ ...
***
ﻓﻲ ﺍﻟﻤﺪﺭﺳﻪ ..
ﻟﺒﻨﻰ : ﺷﻦ ﺑﻴﺪﻳﺮ ﻳﻌﻨﻲ ..
ﻣﻬﺎ ﺑﻘﻠﻖ : ﻣﺎﻧﻌﺮﻓﺶ ﺑﺲ ﻧﺘﻮﻗﻊ ﻣﻨﻪ ﺃﻱ ﺷﻲ ﻣﺎﻳﺤﺒﺶ ﻣﻦ ﻳﻌﺎﻧﺪﻩ ..
ﻟﺒﻨﻰ : ﻟﻬﺎﻟﺪﺭﺟﻪ ﺑﻮﻙ ﻳﺨﻮﻑ ..
ﻣﻬﺎ : ﻭﺃﻛﺜﺮ ﻳﺎﻟﺒﻨﻰ ﺍﻧﻲ ﻟﻤﺎ ﻧﺸﺒﺤﻪ ﻧﺤﺲ ﻓﻲ ﺍﻟﻤﻮﺕ ﺟﺘﻨﻲ ﻣﻦ ﺍﻟﺨﻮﻑ ..
ﻟﺒﻨﻰ ﺷﺪﺕ ﺇﻳﺪﻫﺎ : ﺭﺑﻲ ﻳﻜﻮﻥ ﻣﻌﺎﻙ ..
ﻣﻬﺎ : ﺃﻧﻲ ﺧﺎﻳﻔﻪ ﻋﻠﻴﻜﻢ ﺍﻛﺜﺮ ﺗﻮﺍ ﻣﺎﻧﺒﻴﻜﻤﺶ ﺗﺘﺄﺫﻭﺍ ﺑﺴﺒﺒﻲ ..
ﻟﺒﻨﻰ : ﻫﻮ ﺷﻦ ﻣﺸﻜﻠﺘﻪ ﻣﻌﺎﻧﺎ ﻳﻌﻨﻲ ﻋﻼﺵ ﻳﺮﻓﺾ ﺗﺘﻮﺍﺻﻠﻲ ﻣﻌﺎﻧﺎ ﻭﺗﺠﻴﻨﺎ ..
ﻣﻬﺎ ﺑﺘﻬﻜﻢ : ﻷﻧﻜﻢ ﻋﻴﻠﻪ ﻣﺘﺪﻳﻨﻪ ...
ﻟﺒﻨﻰ : ﻛﻴﻴﻴﻒ؟؟
ﻣﻬﺎ : ﻫﻮ ﻓﻨﻈﺮﻩ ﺍﻟﻠﻲ ﺯﻳﻜﻢ ﻧﺎﺱ ﻣﺘﺨﻠﻔﻪ ﻭﻣﺎﻳﻔﺮﻗﻮﺵ ﻫﻠﺒﻪ ﻉ ﺍﻟﺪﻭﺍﻋﺶ ... ﺑﻮﻱ ﻋﻠﻤﺎﻧﻲ ﻳﺎﻟﺒﻨﻰ ﻭﻣﺶ ﻋﻠﻤﺎﻧﻲ ﺑﺲ ﻣﺘﺸﺪﺩ ..
....
ﺣﻨﺎﻥ : ﺍﻟﻌﻠﻤﺎﻧﻴﻪ .. ﻫﻲ ﻓﺼﻞ ﺍﻟﺪﻳﻦ ﻋﻦ ﺍﻟﺤﻴﺎﻩ ... ﻳﻌﻨﻲ ﺍﻟﺪﻳﻦ ﻣﺎﻳﺪﺧﻠﺶ ﺍﺑﺪﺍ ﻓﻲ ﺣﻴﺎﺓ ﺍﻹﻧﺴﺎﻥ ..
ﻟﺒﻨﻰ : ﺷﻦ ﺍﻟﻔﺮﻕ ﺑﻴﻨﻬﺎ ﻭﺑﻴﻦ ﺍﻹﻟﺤﺎﺩ ..
ﺣﻨﺎﻥ : ﺷﻌﺮﻩ ﻭﺣﺪﻩ ﻭﻫﻲ ﺍﻹﻳﻤﺎﻥ ﺑﺎﻟﻠﻪ ﻭﺍﻹﻗﺮﺍﺭ ﺑﻮﺟﻮﺩﻩ ..
ﻟﺒﻨﻰ : ﻳﻌﻨﻲ ﺑﻮﻫﺎ ﻣﺆﻣﻦ ﺑﺮﺑﻲ ﻟﻜﻦ ﻣﺎﻳﺒﻴﺶ ﻳﻄﻴﻌﻪ ...
ﺣﻨﺎﻥ ﺑﺈﺑﺘﺴﺎﻣﻪ : ﻫﻮ ﻫﻜﻲ ﻓﻌﻼ ..
ﻟﺒﻨﻰ : ﻭﺭﺑﻲ ﻋﺎﻃﻴﻪ ﻣﻦ ﻛﻞ ﺷﻲ ﻭﻣﻊ ﻫﺬﺍ ﻣﺎﻳﺒﻴﺶ ﻳﻄﻴﻌﻪ ﻭﻻﻳﻘﺮﺏ ﻣﻨﻪ ﻭﻻﻳﺒﻲ ﺑﻨﺘﻪ ﺗﻘﺮﺏ ﻣﻨﻪ ... ﺷﻦ ﺍﻟﺠﺤﻮﺩ ﻫﺬﺍ ..
ﺣﻨﺎﻥ : ﻫﻠﺒﻪ ﻫﻜﻲ ﻳﺎﺑﻨﺘﻲ ﻣﺶ ﺑﺲ ﻋﺎﻃﻴﻬﻢ ﻭﻳﻨﺠﻴﻬﻢ ﻭﻳﺤﻤﻴﻬﻢ ﻭﻳﻠﻄﻒ ﺑﻴﻬﻢ ﻭﻳﺴﺎﻋﺪﻫﻢ ... ﻭﻫﻤﺎ ﺭﺍﻓﻀﻴﻦ ﺣﺘﻰ ﻳﺤﻤﺪﻭﻩ .. ﻫﻜﻲ ﺍﻟﺒﻨﻲ ﺁﺩﻡ " ﺇﻧﻪ ﻟﺮﺑﻪ ﻟﻜﻨﻮﺩ "...
ﻟﺒﻨﻰ ﺗﻨﻬﺪﺕ : ﻭﺟﻌﺘﻨﻲ ﻣﻬﺎ ﻳﺎﻣﺎﻣﺎ ... ﻗﺎﻟﺘﻠﻲ ﻧﺼﻠﻲ ﺑﺎﻟﺪﺭﻗﻪ .. ﻭﺍﻟﺤﺠﺎﺏ ﻭﻫﻮ ﻣﻮﺟﻮﺩ ﻣﺎﻧﻠﺒﺴﺶ ﻓﻴﻪ ...
ﺣﻨﺎﻥ ﻭﺟﻌﺘﻬﺎ : ﻧﺴﺄﻝ ﺭﺑﻲ ﻳﺮﺣﻤﻬﺎ ﻭﻳﻬﺪﻱ ﺑﻮﻫﺎ ..
ﻟﺒﻨﻰ : ﻳﺎﺍﺍﺍﺭﺏ ..
ﺭﻫﻒ ﺟﺘﻬﻢ ﺑﺼﻔﺮﺓ : ﻭﻫﺎﺩﻱ ﺃﺣﻠﻰ ﻗﻬﻴﻮﻩ ﻭﺑﺎﻥ ﻛﻴﻚ ﻓﻲ ﺍﻟﺤﻴﺎﻩ ..
ﻟﺒﻨﻰ : ﻏﻴﺮ ﺍﻫﺪﻱ ﻭﺃﻟﻌﺒﻲ ﺍﺭﺿﻲ ..
ﺣﻨﺎﻥ : ﻫﻬﻬﻬﻬﻬﻬﻬﻬﻬﻬﻪ
***
ﻃﺎﻟﻌﻪ ﻣﻦ ﻣﻜﺘﺒﻬﺎ ﺭﻥ ﺗﻠﻴﻔﻮﻧﻬﺎ ﻭﻛﺎﻥ ﺭﻗﻢ ﻏﺮﻳﺐ ﺭﺩﺕ ..
ﻳﺎﺭﺍ : ﺁﻟﻮ ...
ﺇﻟﻴﺎﺱ : ﻣﺒﺮﻭﻙ ﻳﺎﻋﺮﻭﻭﻭﺳﻪ ..
ﻳﺎﺭﺍ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ ﻭﺑﺤﺪﻩ : ﺷﻦ ﺗﺒﻲ ..
ﺇﻟﻴﺎﺱ : ﺑﺎﺭﻛﺘﻠﻚ ﺍﻧﻲ .. ﻗﻮﻟﻴﻠﻲ ﺍﻟﻠﻪ ﻳﺒﺎﺭﻙ ﻓﻴﻚ ... ﻳﻠﻼ ﻣﺎﻋﻠﻴﻨﺎ .. ﻭﻋﺮﻳﺲ ﺍﻟﻐﻔﻠﻪ ﻳﻌﺮﻓﻚ ﺯﻳﻦ ...
ﻳﺎﺭﺍ ﺑﻌﺼﺒﻴﻪ : ﺍﻧﺖ ﺷﻦ ﺗﺒﻲ ﻣﻨﻲ ﻳﺎﺑﻨﻲ ﺁﺩﻡ ﺍﻧﺖ ...
ﺇﻟﻴﺎﺱ : ﻭﻟﺪﻱ ﻭﺣﻨﺎﺧﺪﻩ ﻟﻜﻦ ﻣﺶ ﺗﻮﺍ ... ﻭﺗﺎﻧﻲ ﺷﻲ ﺭﺍﺟﻠﻚ ﺣﻨﺪﻳﺮﻟﻪ ﺯﻳﺎﺭﻩ ﻳﻮﻡ ﻣﻦ ﺍﻷﻳﺎﻡ ﻭﻧﻬﺪﺭﺯ ﻋﻠﻴﻪ ﺷﻮﻳﻪ ﻭﻧﻌﻄﻴﻪ ﺗﻔﺎﺻﻴﻞ ﻣﺎﻳﻌﺮﻓﻬﺎﺵ ﻋﻨﻚ .. ﺑﺶ ﻳﻌﺮﻑ ﻛﻴﻒ ﻳﺘﻌﺎﻣﻞ ﻣﻌﺎﻙ ﻣﺴﺘﻘﺒﻼ ..
ﻳﺎﺭﺍ : ﺑﺮﺍ ﺩﻳﺮ ﺍﻟﻠﻲ ﺑﺪﻳﺮﻩ .. ﻭﺳﻜﺮﺕ ﻓﻮﺟﻬﻪ ﻭﺣﻄﺖ ﺍﻟﺮﻗﻢ ﻓﻲ ﺍﻟﺤﻈﺮ ﻭﺭﻛﺒﺖ ﺳﻴﺎﺭﺗﻬﺎ ﻭﻫﻲ ﺧﺎﻳﻔﻪ ﻓﻌﻼ ﻣﻦ ﺗﻬﺪﻳﺪﺍﺕ ﺁﻟﻴﺎﺱ ..
***
ﺷﻦ ﻗﺼﺘﻪ ﺍﻟﺼﺪﺍﻉ ﺍﻟﻠﻲ ﺷﺎﺩﻙ ﺑﻴﻦ ﻓﺘﺮﺓ ﻭﺍﻟﺘﺎﻧﻴﻪ ..
ﺍﺳﺎﻣﻪ : ﺿﻐﻂ ﺧﺪﻣﻪ ..
ﻋﺎﺋﺸﻪ : ﻛﻢ ﻣﺮﻩ ﻗﺘﻠﻚ ﺍﺭﺗﺎﺡ ﻣﻌﻘﻮﻝ ﺗﺨﺪﻡ ﻓﻲ ﻣﺴﺘﺸﻔﻰ ﻋﺎﻡ .. ﻭﺧﺎﺹ .. ﻭﻋﻴﺎﺩﺗﻚ ﻣﻌﺎﻫﻢ !!
ﺃﺳﺎﻣﻪ : ﺗﻌﺮﻓﻴﻨﻲ ﻳﺎﻋﺎﺋﺸﻪ ﻧﺤﺐ ﺧﺪﻣﺘﻲ ..
ﻋﺎﺋﺸﻪ ﺑﻀﻴﻖ : ﺍﻧﻲ ﺍﻟﻠﻲ ﻧﻌﺮﻑ ..
ﺃﺳﺎﻣﻪ ﺑﻤﺰﺡ : ﺑﺘﺒﺪﺍ ﺗﻮﺍ .. ﻫﺎﺗﻲ ﺍﻟﻤﻴﻪ ﻫﺎﺗﻲ .. ﻭﻣﺎﺗﺮﻗﻬﺎﻟﻴﺶ ﺑﺶ ﻣﺎﻧﺪﻳﺮﺵ ﺯﻱ ﻧﻀﺎﻝ ..
ﻋﻄﺎﺗﻪ ﺍﻟﻤﻴﻪ ﻭﻗﺎﻟﺖ : ﺣﺪﻳﺮﻫﺎ ﻋﺎﺟﻼ ﺍﻭ ﺍﺟﻼ .. ﻭﻣﺸﺖ ﻭﺧﻼﺗﻪ ..
ﺍﺳﺎﻣﻪ ﺿﺤﻚ ﻣﺎﻓﻬﻤﺶ ﻗﺼﺪﻫﺎ ... ﻟﻜﻦ ﻳﺠﻲ ﻧﻬﺎﺭ ﻭﻳﻔﻬﻢ ﺣﻴﺘﻤﻨﻰ ﻟﻮ ﻗﻌﺪ ﻣﺶ ﻓﺎﻫﻢ ﺣﺎﺟﻪ ...
***
ﺑﻌﺪ ﺍﻟﻌﺸﺎﺀ ..
ﻣﻘﻌﻤﺰﻭﺳﺎﺭﺡ .... ﻻﺣﻈﻪ ﺣﺪ ﻳﺤﺒﻪ ﻫﻠﺒﻪ ﺣﺐ ﻳﺸﺎﺭﻛﻪ ﺍﻟﻠﻲ ﻳﻔﻜﺮ ﻓﻴﻪ ...
ﺭﺷﻴﺪ : ﺃﺳﻨﺎﻡ ...
ﻻﺭﺩ
ﺭﺷﻴﺪﺑﺼﻮﺕ ﺃﻋﻠﻰ ﺷﻮﻱ : ﺃﺳﻨﺎﻡ ﻭﻟﺪﻱ ...
ﺍﺳﻨﺎﻡ ﺷﺒﺤﻠﻪ : ﻧﻌﻢ ﺑﻮﻱ ..
ﺭﺷﻴﺪ : ﻳﻨﻌﻢ ﻋﻠﻴﻚ .. ﺧﻴﺮ ﺍﻟﻤﺪﻩ ﻫﺎﺩﻱ ﻣﺶ ﻋﺎﺟﺒﻨﻲ ..
ﺃﺳﻨﺎﻡ : ﺍﺣﻤﻢ .. ﻣﺎﻓﻲ ﺷﻲ .. ﻳﻌﻨﻲ ﻧﻔﻜﺮ ﻓﻲ ﺍﻟﺘﻄﺒﻴﻖ ﺍﻟﻠﻲ ﺑﻴﺪﺍ ﻓﻲ ﺍﻟﻤﺴﺘﺸﻔﻰ ﻣﻦ ﺍﻷﺳﺒﻮﻉ ﺍﻟﺠﺎﻱ .. ﻭﻧﻔﻜﺮ ﻓﻲ ﺍﻟﻤﺎﺩﻩ ﺍﻟﻠﻲ ﺑﻨﺪﻳﺮ ﻓﻴﻬﺎ ﺗﻜﻤﻴﻠﻲ ﻓﻲ ﺍﻹﻣﺘﺤﺎﻧﺎﺕ ﺍﻟﺠﺎﻳﻪ .. ﻭﺩﻭﺷﻪ ..
ﺭﺷﻴﺪ ﺍﺑﺘﺴﻢ : ﻣﺎﺃﻗﺘﻨﻌﺘﺶ ..
ﺃﺳﻨﺎﻡ ﺑﻀﺤﻜﻪ : ﺑﺎﻩ ﺷﻦ ﻧﻘﻮﻝ ﺑﺶ ﺗﻘﺘﻨﻊ ..
ﺭﺷﻴﺪ : ﺗﻘﻮﻟﻲ ﺍﻟﺤﻖ ... ﺍﻧﺖ ﻗﺮﺍﻳﺘﻚ ﻋﻤﺮﻫﺎ ﻣﺎﻛﺎﻧﺖ ﻣﺸﻜﻠﻪ ﺑﺎﻟﻨﺴﺒﻪ ﻟﻴﻚ .. ﺣﺘﻰ ﺍﻟﻤﺎﺩﻩ ﺍﻟﻠﻲ ﻗﻌﺪﺗﻠﻚ ﻟﻮﻻ ﺍﻟﺤﺎﺩﺙ ﺍﻟﻠﻲ ﺩﺭﺗﻪ ﻭﻗﺘﻬﺎ ﺭﺍﻙ ﻣﺼﻔﻴﻬﺎ .. ﻗﻮﻝ ﻧﺴﻤﻊ ﻓﻴﻚ ..
ﺃﺳﻨﺎﻡ ﺷﺒﺢ ﺍﻣﻪ ﻗﻌﻤﺰﺕ ﺑﻌﻴﺪ ﻋﻠﻴﻬﻢ ﺷﻮﻱ ﻭﻓﻴﺪﻫﺎ ﻣﻠﻔﺎﺕ ﺍﺑﺘﺴﻢ : ﺑﻮﻱ ﺑﻨﺴﺄﻟﻚ ..
ﺭﺷﻴﺪ : ﺍﺳﺄﻝ ..
ﺃﺳﻨﺎﻡ : ﺍﻧﺖ ﻭﺍﻣﻲ ﺯﻭﺍﺟﻜﻢ ﺗﻘﻠﻴﺪﻱ ؟
ﺭﺷﻴﺪ ﺍﺑﺘﺴﻢ ﻭﺗﻨﻬﺪ : ﺗﺲ .. ﻋﻦ ﺣﺐ ..
ﺍﺳﻨﺎﻡ ﺗﻔﺎﺟﺄ : ﺟﺪﻳﺎﺕ !
ﺭﺷﻴﺪ : ﺍﻳﻪ ﺑﺲ ﻣﺶ ﺯﻱ ﺍﻟﻤﺄﻟﻮﻑ ... ﺍﻧﻲ ﻭﺍﻣﻚ ﻗﺮﻳﻨﺎ ﻓﻨﻔﺲ ﺍﻟﺪﻓﻌﻪ ﻋﺠﺒﺘﻨﻲ ﻫﻠﺒﻪ ﺧﻠﻮﻗﻪ ﻭﻣﺤﺘﺮﻣﻪ ﻭﺭﺍﻗﻴﻪ ﻭﺷﺎﻃﺮﻩ ..
ﺃﺳﻨﺎﻡ ﺑﻀﺤﻜﻪ : ﻭﺣﻠﻮﻩ ..
ﺭﺷﻴﺪ ﺑﻀﺤﻜﻪ : ﺍﻛﻴﻴﻴﺪ .. ﺍﻟﻤﻬﻢ ﺣﺒﻴﺘﻬﺎ ﻭﻫﻲ ﻣﺎﺗﻌﺮﻓﺶ ..
ﺍﺳﻨﺎﻡ ﺑﺈﻧﺘﺒﺎﻩ : ﺍﻳﻪ ..
ﺭﺷﻴﺪ : ﻭﻛﻨﺎ ﺍﻧﻲ ﻭﻳﺎﻫﺎ ﻭﻣﺠﻤﻮﻋﻪ ﺷﻠﺔ ﻣﻊ ﺑﻌﺾ .. ﻳﻌﻨﻲ ﻗﺮﻭﺏ ..
ﺃﺳﻨﺎﻡ : ﺍﻳﻪ ..
ﺭﺷﻴﺪ : ﺑﺮﻏﻢ ﺍﻟﺼﺪﺍﻗﻪ ﺍﻟﻠﻲ ﻛﺎﻧﺖ ﺑﻴﻨﺎﺗﻨﺎ ﻣﺎﻗﺪﺭﺗﺶ ﻧﻌﺘﺮﻓﻠﻬﺎ ﺑﻜﻞ ... ﺧﻔﺖ ﺗﺮﺩﻧﻲ ﻭﺍﻧﻲ ﻋﺎﺭﻑ ﺭﻭﺣﻲ ﻣﺶ ﺣﻨﺘﺤﻤﻞ ﻟﻮ ﻭﻟﺖ ﻟﻐﻴﺮﻱ ...
ﺍﺳﻨﺎﻡ ﻣﺮﻛﺰ ﻉ ﺍﻵﺧﺮ ..
ﺭﺷﻴﺪ : ﺟﻲ ﻳﻮﻡ ﺍﻟﺘﺨﺮﺝ ﻭﺷﻔﺖ ﻛﻴﻒ ﺍﻟﻌﻴﻮﻥ ﻋﻠﻴﻬﺎ ﻋﺮﻓﺖ ﺃﻥ ﻓﻲ ﻏﻴﺮﻱ ﻫﻠﺒﻪ ﻳﺴﺘﻨﻮﺍ ﻓﻲ ﻫﺎﻟﻠﺤﻈﻪ .. ﻭﻟﻌﺖ ﻓﻴﺎ ﺍﻟﻨﺎﺭ .. ﻭﺳﺒﻘﺘﻬﻢ ﻛﻠﻬﻢ ﻭﻛﻠﻤﺘﻬﺎ ..
ﺃﺳﻨﺎﻡ : ﻭﺷﻦ ﻗﺎﻟﺖ ..
ﺭﺷﻴﺪ ﺑﻀﺤﻜﻪ : ﺗﺤﺸﻤﺖ .. ﻭﻗﺎﻟﺘﻠﻲ ﻋﻄﻴﻨﻲ ﻭﻗﺖ ﻧﻔﻜﺮ ﻭﻧﺮﺩ ﻋﻠﻴﻚ .. ﺑﻌﺪ ﻭﻗﺖ ﺑﺴﻴﻂ ﺭﺩﺕ ﺑﺎﻟﻤﻮﺍﻓﻘﻪ ... ﻭﺗﺰﻭﺟﻨﺎ ...
ﺍﺳﻨﺎﻡ : ﻭﻗﺪﺭﺕ ﺗﺨﻠﻴﻬﺎ ﺗﺤﺒﻚ !! ؟
ﺭﺷﻴﺪ ﺑﻀﺤﻜﻪ : ﻣﺎﻫﻮ ﻫﻨﻲ ﺍﻟﺤﻜﺎﻳﻪ ﻫﻴﺎ ... ﺍﻣﻚ ﻃﻠﻌﺖ ﺣﺘﻰ ﻫﻲ ﺗﺤﺒﻨﻲ ﻭﺍﻧﻲ ﻣﺶ ﻋﺎﺭﻑ ﻭﺣﺎﺳﻪ ﺑﻴﺎ ﻭﺗﺮﺍﺟﻲ ﻓﻴﺎ ﺍﻣﺘﻰ ﻧﻌﺘﺮﻓﻠﻬﺎ ..
ﺍﺳﻨﺎﻡ ﺷﺒﺢ ﻷﻣﻪ " ﺍﺍﺍﻩ ﻟﻮ ﺗﻄﻠﻊ ﺭﻫﻒ ﻫﻜﻲ ﺣﺘﻰ ﻫﻲ "...
ﺭﺷﻴﺪ : ﻧﻨﺼﺤﻚ ﺍﺿﺮﺏ ﺍﻟﺤﺪﻳﺪ ﻭﻫﻮ ﺣﺎﻣﻲ ﻭﻛﻠﻤﻬﺎ .. ﺧﻴﺮ ﻣﺎﺗﻘﻌﺪ ﻓﻲ ﺣﺎﻟﺘﻚ ﻫﺎﺩﻱ ...
ﺃﺳﻨﺎﻡ ﺗﻨﻬﺪ : ﻧﺨﺎﻑ ﺗﺮﺩﻧﻲ ..
ﺍﻣﻪ ﺍﻟﻠﻲ ﻛﺎﻧﺖ ﺗﺴﻤﻊ ﻓﻴﻬﻢ ﻗﺎﻣﺖ ﺭﺍﺳﻬﺎ : ﻭﻫﻲ ﺍﻃﻮﻝ ﺍﺻﻼ ﻭﻟﻴﺪﻱ ﺍﻟﻠﻲ ﺯﻱ ﺍﻟﻐﺰﺍﻝ ﻳﺤﺒﻬﺎ ...
ﺭﺷﻴﺪ ﺍﻟﺘﻔﺘﻠﻬﺎ : ﻣﻠﻮﺣﻪ ﻭﺩﺍﻧﻚ ﻫﻨﻲ ﻳﺎﺩﻛﺘﻮﺭﺓ ...
ﻫﺎﻧﻴﻪ : ﻫﻬﻬﻬﻬﻬﻬﻬﻬﻬﻬﻬﻬﻪ ... ﻛﻨﺖ ﻧﺒﻲ ﻧﻜﻠﻤﻪ ﻟﻜﻦ ﺍﻧﺖ ﻛﻠﻤﺘﻪ ..
ﺭﺷﻴﺪ : ﻛﺒﺮ ﺭﻳﺘﻴﻪ ...
ﻫﺎﻧﻴﻪ : ﻧﺠﻴﻪ ﻳﺎﺭﺑﻲ ..
ﺭﺷﻴﺪ : ﺭﺍﺟﻞ ﻣﻌﺒﻲ ﻭﺟﻬﻪ ﺷﻌﺮ ﺭﻩ ..
ﻫﺎﻧﻴﻪ : ﻳﻘﻌﺪ ﻓﻲ ﻋﻴﻮﻧﻲ ﺍﺧﺮ ﺍﻟﻌﻨﻘﻮﺩ ﻭﺩﻟﻮﻋﻲ ..
ﺃﺳﻨﺎﻡ : ﻫﻬﻬﻬﻬﻬﻬﻬﻬﻬﻬﻪ ...
***
ﻟﺒﻨﻰ ﻛﺎﻧﺖ ﺗﻜﻠﻢ ﻑ ﻣﻬﺎ ﺳﻜﺮﺕ ﻭﻫﻲ ﻣﺘﻨﻜﺪﻩ ..
ﺭﻫﻒ : ﺧﻴﺮﻙ ..
ﻟﺒﻨﻰ : ﻭﺍﻟﻠﻪ ﺑﻮﻫﺎ ﻫﺬﺍ ﻛﺎﻥ ﻧﺤﺼﻞ ﻋﻠﻴﻪ ..
ﺭﻫﻒ : ﻣﺎﺑﻌﺪﻫﺎ ﻳﺎﻧﺎﺭﻱ ..
ﻟﺒﻨﻰ : ﻭﺣﺪﻩ ﺗﺎﻧﻴﻪ ﺭﻩ ﻣﺎﺧﻠﺖ ﻣﺎﺩﺍﺭﺕ .. ﻟﻜﻦ ﻣﺴﻜﻴﻨﻪ ﻫﻲ ﺗﺤﺒﺲ ﺭﻭﺣﻬﺎ ﻓﻲ ﺗﺮﻛﻴﻨﻪ ﻭﺗﻘﻌﺪ ﺗﺒﻜﻲ .. ﻣﺎﻋﻨﺪﻫﺎ ﺣﺪ ﻳﺤﻦ ﻋﻠﻴﻬﺎ ﻭﻳﻮﺍﺳﻴﻬﺎ .. ﻭﻗﻌﺪﺕ ﺗﺒﻜﻲ ..
ﺭﻫﻒ ﺣﺘﻰ ﻫﻲ ﺩﻣﻌﺖ ...
ﻉ ﺧﺸﺔ ﺣﻨﺎﻥ : ﺧﻴﺮﻛﻢ ... ﻗﻌﻤﺰﺕ ﺣﺪﺍ ﻟﺒﻨﻰ ﻉ ﺍﻟﺴﺮﻳﺮ ..
ﻟﺒﻨﻰ : ﻣﻬﺎ ﻳﺎﻣﺎﻣﺎ ﺗﻮﺍ ﻧﻜﻠﻢ ﻓﻴﻬﺎ ﻭﺗﺒﻜﻲ .. ﻗﺎﻟﺘﻠﻲ ﻣﺎﻧﻌﻬﺎ ﺗﻄﻠﻊ ﻣﻦ ﺍﻟﺤﻮﺵ ﻟﻐﻴﺮ ﺍﻟﻤﺪﺭﺳﻪ .. ﻭﺣﺘﻰ ﻣﻦ ﺩﺍﺭﻫﺎ ﻣﺎﺗﻄﻠﻌﺶ ..
ﺣﻨﺎﻥ : ﻫﺬﺍ ﺧﻴﺮﻩ ﻣﺮﻳﺾ !!
ﺭﻫﻒ : ﺍﻟﻠﻲ ﻳﺪﻳﺮ ﻫﻜﻲ ﺍﻛﻴﺪﻩ ﻣﺮﻳﺾ ..
ﻟﺒﻨﻰ : ﻣﺴﻜﻴﻨﻪ ﺗﻘﻄﻊ ﺍﻟﻘﻠﺐ .. ﻣﺎﻋﻨﺪﻫﺎ ﺣﺪ ﺗﻠﺠﺄﻟﻪ .. ﺗﺼﺪﻗﻲ ﻳﺎﻣﺎﻣﺎ ﺧﺎﻳﻔﻪ ﺗﺼﻠﻲ ﻳﻄﺐ ﻋﻠﻴﻬﺎ ..
ﺣﻨﺎﻥ : ﻫﺬﺍ ﺩﺍﻋﺸﻲ ... ﺑﺲ ﺑﺸﻜﻞ ﺗﺎﻧﻲ .. ﻭﻓﻲ ﻫﻠﺒﻪ ﻣﻨﻪ ﻓﻮﻗﺘﻨﺎ ﻫﺬﺍ ... ﺗﺸﺒﺢ ﻟﻠﺒﻨﻰ ﻛﻴﻒ ﺗﺒﻜﻲ .. ﻣﺎﻣﺎ ﻟﺒﻨﻰ ﺍﺗﺼﻠﻴﻠﻲ ﺑﻴﻬﺎ ..
ﻟﺒﻨﻰ ﺑﻔﺮﺣﻪ ﻣﻦ ﺑﻴﻦ ﺩﻣﻮﻋﻬﺎ : ﺑﺎﻫﻲ .. ﻭﻓﻌﻼ ﺿﺮﺑﺖ ﻉ ﺭﻗﻢ ﻣﻬﺎ ﻭﻋﻄﺎﺗﻪ ﻟﺤﻨﺎﻥ ..
ﺭﺩﺕ ﻣﻬﺎ ﺑﻨﺒﺮﻩ ﺑﺎﻛﻴﻪ : ﺃﻳﻮ .. ﻩ .. ﻟﺒﻨﻰ ..
ﺣﻨﺎﻥ ﻭﺟﻌﻬﺎ ﻗﻠﺒﻬﺎ : ﻣﻬﺎ ﺑﻨﺘﻲ ﺍﻧﻲ ﺧﺎﻟﺘﻚ ﺣﻨﺎﻥ ...
ﻣﻬﺎ ﻟﻤﺎ ﺳﻤﻌﺖ ﻛﻠﻤﺔ ﺑﻨﺘﻲ ﺣﺴﺖ ﺑﺸﻌﻮﺭ ﺣﻠﻮ ﻫﻠﺒﻪ : ﺍﻫﻼ .. ﺧﺎﻟﺘﻲ ..
ﺣﻨﺎﻥ : ﺗﻌﺮﻓﻲ ﻭﻳﻦ ﻧﺸﻮﻓﻚ ﻧﺬﻛﺮ ﺯﻫﺮﺓ ﺍﻟﺼﺒﺎﺭ ﺍﻟﻠﻲ ﺑﻴﻦ ﺷﻮﻙ ﺗﻄﻠﻊ ﻭﺗﻔﺘﺢ ﻭﺗﺰﻫﺮ ..
ﻣﻬﺎ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ...
ﺣﻨﺎﻥ : ﺍﻧﺘﻲ ﺗﺤﺒﻲ ﺭﺑﻲ ﻭﻻ؟
ﻣﻬﺎ : ﻫﻠﺒﻪ ..
ﺣﻨﺎﻥ : ﻭﻫﻮﺇﻥ ﺷﺎﺀ ﺍﻟﻠﻪ ﻳﺤﺒﻚ .. ﻓﻌﻼ ﻫﻮ ﻳﺤﺒﻚ .. ﻳﻌﻨﻲ ﻟﻮ ﻣﺎﻛﺎﻧﺶ ﻳﺤﺒﻚ .. ﻛﺎﻥ ﺧﻼﻙ ﺗﺘﻌﻠﻤﻲ ﺗﺼﻠﻲ ﻭﺗﻠﺒﺴﻲ ﺍﻟﺤﺠﺎﺏ ﻭﺍﻧﺘﻲ ﻣﺎﻋﻨﺪﻙ ﺣﺪ ﻳﻮﺟﻬﻚ ﻟﺪﻳﻨﻚ .. ﻫﻮ ﺍﻟﻠﻲ ﺩﻟﻚ ﻭﻭﺟﻬﻚ ..
ﻣﻬﺎ : ﺍﻧﻲ ﻣﺎﻧﺮﺗﺎﺣﺶ ﺇﻻ ﻟﻤﺎ ﻧﺼﻠﻲ ﻭﻧﺪﻋﻲ ..
ﺣﻨﺎﻥ : ﻭﻫﺬﺍ ﺍﻟﻠﻲ ﻗﻠﺖ ﻋﻠﻴﻪ ... ﺣﺒﻚ ﻟﺮﺑﻲ ﻫﺬﺍ ﻫﻮ ﺍﻟﻠﻲ ﺣﻴﺴﺎﻋﺪﻙ ﻭﻳﻄﻠﻌﻚ ﻣﻦ ﺍﻟﻠﻲ ﺍﻧﺘﻲ ﻓﻴﻪ .. ﺑﺲ ﺑﻨﻘﻮﻟﻚ ﺷﻲ ..
ﻣﻬﺎ : ﺷﻨﻮ ..
ﺣﻨﺎﻥ : ﺧﻠﻲ ﺩﻋﺎﺋﻚ ﻛﻠﻪ ﻟﺒﺎﺑﺎ ..
ﻣﻬﺎ ﺳﻜﺘﺖ ..
ﺣﻨﺎﻥ : ﺍﺩﻋﻲ ﻟﺒﺎﺑﺎ ﻓﻲ ﻛﻞ ﻭﻗﺖ ﺑﻨﺘﻲ .. ﺍﺩﻋﻴﻠﻪ ﻭﻣﺎﺗﻴﺄﺳﻴﺶ ﻣﻬﻤﺎ ﺑﺎﻥ ﻋﻠﻴﻚ ﻗﺎﺳﻲ ﻭﻣﺎﻓﻴﺸﻲ ﺃﻣﻞ .. ﺍﻣﻠﻚ ﻣﻦ ﺭﺑﻲ ﻣﺎﺗﻘﻄﻌﻴﺸﻲ .. ﺍﺩﻋﻴﻠﻪ ﺩﻳﻤﺎ .. ﻭﻣﻌﻠﻴﺸﻲ ﺗﺤﻤﻠﻲ ﺍﻟﻠﻲ ﻳﺪﻳﺮ ﻓﻴﻪ .. ﻉ ﺧﺎﻃﺮ ﺭﺑﻲ ... ﺍﻟﻠﻲ ﻗﺎﻝ " ﻭﺍﻋﺒﺪﻭ ﺍﻟﻠﻪ ﻭﻻﺗﺸﺮﻛﻮﺍ ﺑﻪ ﺷﻴﺌﺎ ﻭﺑﺎﻟﻮﺍﻟﺪﻳﻦ ﺇﺣﺴﺎﻧﺎ " ﻉ ﺧﺎﻃﺮ ﺭﺑﻲ ﻳﺎﻟﺒﻨﻲ .. ﻭﺭﺑﻲ ﻣﺎﻳﻀﻴﻊ ﻋﻨﺪﻩ ﺷﻲ ﻳﺎﺑﻨﺘﻲ ..
ﻣﻬﺎ : ﺧﺎﻟﺘﻲ ﺣﻨﺎﻥ ... ﻧﺤﺒﻚ ..
ﺣﻨﺎﻥ ﺑﺄﺑﺘﺴﺎﻣﻪ : ﺣﺘﻰ ﻭﺍﻟﻠﻪ ﻳﺎﺑﻨﺘﻲ ﺣﺒﻴﺘﻚ ﻣﻦ ﺍﻭﻝ ﻣﺮﺓ ﺷﻔﺘﻚ ﻓﻴﻬﺎ .. ﺑﻨﻴﻪ ﺣﻠﻮﺓ ﻭﻃﻴﺒﻪ ﻭﻣﺆﺩﺑﻪ ﺭﺑﻲ ﻳﺤﻔﻈﻚ ﻭﻳﻔﺘﺢ ﻋﻠﻴﻚ .. ﻭﺗﻮﺍ ﻧﺨﻠﻴﻚ ﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻭﺗﻮﺿﻲ ﻭﺻﻠﻲ ﻭﺍﺩﻋﻲ ﻓﻲ ﺳﺠﻮﺩﻙ .. ﻹﻧﻚ ﻓﻲ ﺍﻟﺴﺠﻮﺩ ﺗﻜﻮﻥ ﺍﻗﺮﺏ ﻫﻠﺒﻪ ﻟﺮﺑﻚ .. ﻭﺍﺩﻋﻲ ﻭﺍﺷﻜﻲ ﻭﻣﺎﺗﻨﻮﺿﻴﺶ ﻣﻦ ﺳﺠﻮﺩﻙ ﺇﻻ ﻭﺍﻧﺘﻲ ﻣﻄﻠﻌﻪ ﻛﻞ ﺍﻟﻠﻲ ﻓﻘﻠﺒﻚ .. ﺣﻴﻄﺒﻄﺐ ﻋﻠﻴﻪ ﺭﺑﻲ ﻭﻳﺮﻳﺤﻚ ﺑﻨﺘﻲ ..
ﻣﻬﺎ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ..
ﺣﻨﺎﻥ : ﺗﻮﺍ ﺗﺼﺒﺤﻲ ﻉ ﺧﻴﺮ ﻳﺎﻭﺭﺩﺗﻲ ﺍﻟﺤﻠﻮﺓ ..
ﻣﻬﺎ ﺑﺄﺑﺘﺴﺎﻣﻪ : ﻭﺍﻧﺖ ﻣﻦ ﺃﻫﻠﻪ ...
ﺻﻜﺮﺕ ﺣﻨﺎﻥ ...
ﺭﻫﻒ : ﻣﺎﻣﺎ ﺍﻧﻲ ﻧﺤﺒﻚ ﻫﻠﺒﻪ .. ﻭﺟﺘﻬﺎ ..
ﻟﺒﻨﻰ : ﻭﺍﻧﻲ ﺍﻛﺘﺮ ﻣﻨﻬﺎ .. ﻭﺣﻀﻨﻮﻫﺎ ﺍﻟﺰﻭﺯ ..
ﺣﻨﺎﻥ : ﻫﻬﻬﻬﻬﻬﻬﻬﻬﻪ ... ﺧﻨﻘﺘﻮﻧﻲ ....
ﻟﻴﻠﺘﻬﺎ ﻣﻬﺎ ﺩﺍﺭﺕ ﺍﻟﻠﻲ ﻗﺎﻟﺖ ﻋﻠﻴﻪ ﺣﻨﺎﻥ ﻭﺧﺸﺖ ﺳﺮﻳﺮﻫﺎ ﻭﻗﻌﺪﺕ ﺗﻘﺮﺍ ﻓﻲ ﺍﻟﻘﺮﺁﻥ ﻣﻦ ﺗﻄﺒﻴﻖ ﻣﺤﻤﻼﺗﻪ ﻓﻲ ﺗﻠﻴﻔﻮﻧﻬﺎ ﻭﺭﻗﺪﺕ ﺑﺮﺍﺣﻪ ...
ﻣﺮﻭﺍ ﻛﻢ ﻳﻮﻡ ..
ﻣﻬﺎ ﺗﺤﺎﻭﻝ ﺗﺘﺠﻨﺐ ﺑﻮﻫﺎ ﻉ ﻗﺪ ﻣﺎﺗﻘﺪﺭ ﻭﻫﻮ ﻻﻫﻲ ﻋﻨﻬﺎ ﺷﻮﻱ ﺑﺎﻟﺨﺪﻣﻪ ﺑﺲ ﻋﻴﻮﻧﻪ ﻭﺭﺍﻫﺎ ..
ﻧﻀﺎﻝ ﻧﻔﺴﻴﺘﻪ ﺯﻓﺖ ﻭﻣﺒﻌﺪ ﻋﻦ ﻳﺎﺭﺍ ﻭﻫﻲ ﻣﻀﺎﻳﻘﻪ ﻉ ﺧﺎﻃﺮﻩ ﻭﺗﺒﻲ ﺍﺩﻳﺮ ﺍﻱ ﺷﻲ ﺑﺶ ﺗﻔﺮﺣﻪ ...
ﺣﻨﺎﻥ ﻫﻤﻬﺎ ﺗﻮﺍ ﻋﺎﺋﺸﻪ ﻭﺑﺲ ﺧﺎﻳﻔﻪ ﻋﻠﻴﻬﺎ ﻭﻛﻞ ﻣﺎﺗﺸﻮﻑ ﺍﻟﺘﺎﺭﻳﺦ ﻭﻳﻘﺮﺏ ﻣﻮﻋﺪﻫﺎ ﺃﻛﺜﺮ ﻗﻠﺒﻬﺎ ﻳﻨﻘﺒﺾ ﻭﺗﺨﺎﻑ ..
ﻭﺭﺍﺟﻠﻬﺎ ﻭﻻﻛﺄﻧﻪ ﻫﻨﺎ ﻭﻫﻲ ﺧﺎﻳﻔﻪ ﻟﻮ ﻓﺼﻠﺖ ﻋﻠﻴﻪ ﺗﻘﻮﻝ ﻛﻞ ﺷﻲ ﻭﺗﺨﻠﻒ ﺑﻮﻋﺪﻫﺎ ﻣﻊ ﻋﺎﺋﺸﻪ ..
***
ﻓﻴﻮﻡ ...
ﺣﻨﺎﻥ ﻛﻌﺎﺩﺗﻬﺎ ﺍﻟﺼﺒﺢ ..
ﺩﺍﺭﺕ ﺍﻟﻠﻲ ﺗﻌﻮﺩﺕ ﻋﻠﻴﻪ ﻟﻴﻦ ﻭﺻﻠﺖ ﻟﻤﺤﻞ ﺍﻟﻮﺭﺩ ..
ﺍﻟﻌﻢ ﻣﺴﻌﻮﺩ : ﻭﻫﺎﺩﻱ ﺗﻮﺻﻴﺘﻚ ..
ﺧﺪﺕ ﺣﻨﺎﻥ ﻭﺭﺩ ﺍﻟﺘﻮﻟﻴﺐ ﺍﻟﻤﻮﻑ ﻭﻗﻌﺪﺕ ﺗﺘﺄﻣﻞ ﻓﻴﻪ ..
ﺍﻟﻌﻢ ﻣﺴﻌﻮﺩ : ﻗﻮﻟﻴﻠﻲ ﻋﻼﺵ ﻣﺎﺑﺪﺗﻴﺶ ﺗﻄﻠﺒﻲ ﻓﻲ ﻏﻴﺮﻩ ..
ﺣﻨﺎﻥ ﺍﺑﺘﺴﻤﺖ ﻭﺷﺒﺤﺘﻠﻪ : ﺣﺒﻴﺘﻪ ..
ﺍﻟﻌﻢ ﻣﺴﻌﻮﺩ : ﻓﻌﻼ ﺣﻠﻮ ..
ﺣﻨﺎﻥ : ﻗﻠﺒﻚ ﺍﻟﺤﻠﻮ ﻳﺎﻋﻤﻲ .. ﺭﺑﻲ ﻳﻔﺘﺢ ﻋﻠﻴﻚ .. ﻫﻲ ﺑﺎﻟﺴﻼﻣﻪ ..
ﺍﻟﻌﻢ ﻣﺴﻌﻮﺩ ﺑﺈﺑﺘﺴﺎﻣﻪ : ﺭﺑﻲ ﻳﺤﻔﻈﻚ ﻳﺎﺑﻨﺘﻲ ..
***
ﻃﺎﻟﻌﻪ ﺑﺘﻤﺸﻲ ﻟﻠﻤﺪﺭﺳﻪ ﺷﺒﺤﺖ ﺇﻗﺒﺎﻝ ﻭﺍﻗﻔﻪ ﻓﻲ ﺍﻟﺼﺎﻟﻪ ﺗﺘﻜﻠﻢ ﺑﺎﻟﺘﻠﻴﻔﻮﻥ ﻭﻋﺎﻃﻴﻪ ﺑﺎﻟﻈﻬﺮ ..
ﻣﻬﺎ " ﺷﻦ ﺟﺎﺑﻬﺎ ﻉ ﺍﻟﺼﺒﺢ ".. ﻗﺪﻣﺖ ﻣﻬﺎ ﻭﺍﺩﺭﻗﺖ ﻭﺗﺸﻮﻑ ﻓﻴﻬﺎ ..
ﺇﻗﺒﺎﻝ : ﻃﺎﻟﻌﻴﻦ ﺑﺮﺍ ﻃﺮﺍﺑﻠﺲ ﺧﺪﻣﻪ ﻳﺎﻣﺎﻣﺎ .. ﻣﻤﻜﻦ ﻧﺮﻭﺣﻮﺍ ﻏﺪﻭﺓ .......... ﺍﻛﻴﺪ ﻣﺶ ﺣﻨﺮﻭﺡ ﺇﻻ ﻭﺍﻧﻲ ﻣﺪﺍﻳﺮﻩ ﺍﻟﻠﻲ ﻓﺮﺍﺳﻲ ...... ﻫﻬﻬﻬﻬﻪ ﻋﻴﺐ ﻋﺎﺩ .................. ﻻﻻﺣﻨﻘﻨﻌﻪ ﻳﺪﺧﻠﻬﺎ ﻣﺪﺭﺳﻪ ﺧﺎﺻﻪ ﻟﻤﺎ ﺍﻗﺘﺮﺣﺖ ﻋﻠﻴﻪ ﺗﻘﺒﻞ ﺣﺴﻴﺘﻪ .. ﻭﻗﺎﻟﻲ ﻧﺒﻲ ﻧﺮﺗﺎﺡ ﻣﻦ ﻫﻤﻬﺎ .......... ﺍﻳﻪ ﻭﺣﺘﻰ ﺍﻧﻲ ﻧﻔﺘﻚ ﻣﻨﻬﺎ ﺯﻱ ﺍﻟﻬﻢ ﺣﻖ ................... ﺗﻤﺎﻡ ﺧﻞ ﻧﺼﻜﺮ ﺗﻮﺍ ﻣﺮﺍﺕ ﻳﺴﻤﻌﻨﻲ ﺣﺪ ... ﺍﻭﻛﻲ ... ﺑﺎﻱ ..
ﻣﻬﺎ ﻗﺮﻳﺐ ﻣﺎﺗﺖ ﻣﻦ ﺍﻟﻠﻲ ﺳﻤﻌﺎﺗﻪ ... ﻉ ﺍﻟﺴﻜﺖ .. ﻭﺧﺮﺕ ﻭﻃﻠﻌﺖ ﻣﻦ ﺍﻟﺤﻮﺵ ... ﻭﻫﻲ ﺣﺎﺳﻪ ﺑﻀﻴﺎﻉ ﻭﺻﺪﻣﻪ ﻭﺃﻟﻢ .. ﻋﻼﺵ ﻫﻜﻲ ﻳﺼﻴﺮ ﻓﻴﻬﺎ .. ﻋﻼﺵ ﺑﻮﻫﺎ ﺷﺎﻳﻔﻬﺎ ﻫﻢ ﻳﺒﻲ ﻳﺮﺗﺎﺡ ﻣﻨﻪ .. ﻣﻦ ﺍﻟﻬﻢ ﺑﺎﻟﻨﺴﺒﻪ ﻟﻠﺘﺎﻧﻲ ﻣﻦ ﺍﻟﻠﻲ ﻳﻌﺬﺏ ﻓﻲ ﺍﻟﺘﺎﻧﻲ ﻭﻗﺎﻫﺮﻩ ...
ﺭﻛﺒﺖ ﺍﻟﺴﻴﺎﺭﺓ ﻭﺗﺤﺮﻙ ﺍﻟﺴﻮﺍﻕ .. ﻭﻣﺸﻮﺍ ...
ﻓﻲ ﺍﻟﻄﺮﻳﻖ ..
ﻣﻬﺎ : ﻣﺎﺗﺮﻓﻌﻨﻴﺶ ﻟﻠﻤﺪﺭﺳﻪ ...
ﻓﻲ ﺍﻟﻘﺼﺮ
ﻧﺰﻝ ﻣﻌﺎﻭﻳﻪ ﻭﻟﻘﻲ ﺃﻗﺒﺎﻝ ﺗﺮﺍﺟﻲ ﻓﻴﻪ : ﺷﻦ ﺟﺎﺑﻚ ﻉ ﺍﻟﺼﺒﺢ ..
ﺇﻗﺒﺎﻝ ﺍﺑﺘﺴﻤﺖ : ﺻﺒﺢ ﻳﺎﻭﺩﻱ ..
ﻣﻌﺎﻭﻳﻪ : ﺻﺒﺎﺡ ﺍﻟﺨﻴﺮ .. ﺍﻧﻲ ﻗﻠﺖ ﻣﻦ ﺍﻟﺸﺮﻛﻪ ﺑﻨﻄﻠﻌﻮﺍ ﻭﻻ ! ؟
ﺇﻗﺒﺎﻝ : ﻭﺍﻧﻲ ﻓﻜﺮﺕ ﻧﺠﻴﻚ ﻧﻔﻄﺮﻭﺍ ﻣﻊ ﺑﻌﺾ ﻭﻧﻄﻠﻌﻮﺍ ﻭﻳﻦ ﺍﻟﻤﺸﻜﻠﻪ ..
ﻣﻌﺎﻭﻳﻪ ﺍﺑﺘﺴﻢ ﻉ ﺟﻨﺐ : ﻣﺎﻓﻴﺶ ﻣﺸﻜﻠﻪ ..
ﻭﻣﺸﻲ ﻭﻫﻲ ﻭﺭﺍﻩ ﻟﻐﺮﻓﺔ ﺍﻟﻄﻌﺎﻡ .. ﺗﺸﺒﺤﻠﻪ ﺇﻗﺒﺎﻝ ﺑﻨﻈﺮﺍﺕ ﻛﻠﻬﺎ ﺣﺐ ... ﺑﻌﺪﻳﻦ ﻗﺎﻟﺖ : ﺷﻦ ﺻﺎﺭ ﻓﻲ ﻣﻮﺿﻮﻉ ﺍﻟﻤﺪﺭﺳﻪ ﺍﻟﺨﺎﺻﻪ ..
ﻣﻌﺎﻭﻳﻪ : ﻻ .. ﺑﻨﺘﻲ ﺗﻘﻌﺪ ﻗﺪﺍﻡ ﻋﻴﻮﻧﻲ ..
ﺇﻗﺒﺎﻝ ﺗﻨﺮﻓﺰﺕ : ﺍﻧﺖ ﻗﻠﺖ ﺗﺒﻲ ﺗﻔﺘﻚ ﻣﻦ ﻫﻤﻬﺎ ..
ﻣﻌﺎﻭﻳﻪ : ﻟﻤﺎ ﻧﻜﻮﻥ ﻣﻌﺼﺐ ﻣﺎﺗﺎﺧﺪﻳﺶ ﻉ ﻛﻼﻣﻲ .. ﻭﺧﺮﻟﻬﺎ ﺍﻟﻜﺮﺳﻲ .. ﻗﻌﻤﺰﻱ ..
ﻗﻌﻤﺰﺕ ﺇﻗﺒﺎﻝ ﻭﻫﻲ ﺑﺘﺘﻔﺠﺮ .. ﻭﻫﻮ ﻗﻌﻤﺰ ﻳﻔﻄﺮ ﻭﻻ ﻉ ﺑﺎﻟﻪ ..
***
ﺣﻄﺖ ﺣﻨﺎﻥ ﻭﺭﺩ ﺍﻟﺘﻮﻟﻴﺐ ﻓﻲ ﺍﻟﻤﺰﻫﺮﻳﻪ ... ﺑﻌﺪ ﺳﻘﺪﺕ ﺑﻨﺎﺗﻬﺎ ﺍﻟﺰﻭﺯ ... ﻭﻣﺸﺖ ﺗﻠﻢ ﺻﻔﺮﺓ ﺍﻟﻔﻄﻮﺭ .. ﺭﻥ ﺍﻟﺠﺮﺱ ﺍﺳﺘﻐﺮﺑﺖ ..
ﻣﺸﺖ ﻓﺘﺤﺖ ﺍﻟﺒﺎﺏ ﻭﺗﻔﺎﺟﺌﺖ ...
ﻣﻬﺎ ﻭﺍﻗﻔﻪ ﺗﺒﻜﻲ ﺑﻌﺪﻳﻦ ﻗﺪﻣﺖ ﻭﺣﻀﻨﺘﻬﺎ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ .. ﺣﻨﺎﻥ ﻣﺼﺪﻭﻣﻪ ... ﺧﺸﺸﺘﻬﺎ ﺩﺍﺧﻞ ﻭﺻﻜﺮﺕ ﺍﻟﺒﺎﺏ ...
***
ﻓﻲ ﺍﻟﺠﺎﻣﻌﻪ ..
ﺭﻫﻒ ﻣﻘﻌﻤﺰﺓ ﺗﻘﺮﺍ ﻭﺗﺮﺍﺟﻲ ﻓﻲ ﻣﺤﺎﺿﺮﺗﻬﺎ ﺍﻟﻠﻲ ﺗﺄﺟﻠﺖ ﺳﺎﻋﻪ ﺗﺎﻧﻴﻪ ..
ﻗﻌﻤﺰ ﺣﺪﺍﻫﺎ : ﺻﺒﺎﺡ ﺍﻟﻔﻞ ..
ﺭﻫﻒ ﻭﻫﻲ ﺗﺸﺒﺢ ﻟﻠﺸﻴﺖ : ﺻﺒﺎﺡ ﺍﻟﺨﻴﺮ ..
ﺃﺳﻨﺎﻡ : ﻣﻦ ﻏﻴﺮ ﻧﻔﺲ ﺑﺲ ﻣﻘﺒﻮﻟﻪ ..
ﺭﻫﻒ ﺳﺎﻛﺘﻪ ..
ﺃﺳﻨﺎﻡ ﻗﻌﻤﺰ ﻗﺎﺑﻼﺗﻬﺎ ﻭﺭﺑﻊ ﺭﺟﻠﻴﻪ ﻭﻫﻲ ﻋﺎﻃﻴﺎﺗﻪ ﺑﺎﻟﺠﻨﺐ : ﺭﻫﻮﻓﻪ .. ﺍﻧﻲ ﺣﺎﺱ ﺑﻴﻚ ﻭﻓﺎﻫﻢ ﺍﻟﻠﻲ ﺗﻤﺮﻱ ﺑﻴﻪ .. ﺑﺲ ﻣﺶ ﻓﺎﻫﻢ ﺷﻦ ﺫﻧﺒﻲ ﺍﻧﻲ ..
ﺭﻫﻒ ﺷﺒﺤﺘﻠﻪ ﺑﺤﺪﻩ : ﺫﻧﺒﻚ ﺍﻧﻚ ﺭﺍﺟﻞ ..
ﺃﺳﻨﺎﻡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺭﻫﻒ :
ﺍﺳﻨﺎﻡ ﻫﺪﺍ ﺿﺤﻚ : ﺷﻮﻓﻲ ﺭﻫﻮﻓﻪ .. ﺯﻱ ﻣﺎﻳﻘﻮﻟﻮﺍ ﺻﻮﺍﺑﻊ ﺍﻳﺪﻳﻚ ﻣﺶ ﺯﻱ ﺑﻌﺾ ..
ﺭﻫﻒ ﻣﺪﺕ ﻳﺪﻫﺎ : ﻻ ﺯﻱ ﺑﻌﺾ ﻛﻠﻬﻢ ﺻﻮﺍﺑﻊ ﻏﻴﺮ ﻭﺍﺣﺪ ﻃﻮﻳﻞ ﻭﺍﺣﺪ ﻗﺼﻴﺮ ﻭﺍﺣﺪ ﻣﺘﻮﺳﻂ ...
ﺃﺳﻨﺎﻡ : ﻫﻬﻬﻬﻬﻬﻬﻬﻬﻪ .. ﺍﺳﺘﻐﻔﺮ ﺍﻟﻠﻪ .. ﺭﺍﺳﻚ ﻣﺎﺕ ﻓﻴﻪ ﺣﻤﺎﺭ ﺧﻼﺹ ..
ﺭﻫﻒ : ﺷﻦ ﻗﺼﺪﻙ ..
ﺍﺳﻨﺎﻡ : ﻣﻌﻨﺪﻩ ..
ﺭﻫﻒ : ﻣﻤﻜﻦ ﺗﺨﻠﻴﻨﻲ ﺑﺮﻭﺣﻲ ..
ﺃﺳﻨﺎﻡ ﻭﻫﻮ ﻳﻘﻠﺪ ﻓﻨﺒﺮﺓ ﺻﻮﺗﻬﺎ : ﻻ ﻣﺶ ﻣﻤﻜﻦ ..
ﺭﻫﻒ ﻏﺼﺐ ﻋﻨﻬﺎ ﺍﺑﺘﺴﻤﺖ .. ﻭﻫﻮ ﻗﻠﺒﻪ ﻗﺮﻳﺐ ﻓﺮ ...
ﺍﺳﻨﺎﻡ : ﺭﻫﻮﻓﻪ ﻭﻋﺪ ﻣﻨﻲ ﻟﻴﻚ .. ﺍﻥ ﺍﻟﻠﻲ ﺣﻨﺘﺰﻭﺟﻬﺎ ﻣﺴﺘﺤﻴﻞ ﻧﻔﺮﻁ ﻓﻴﻬﺎ ..
ﺭﻫﻒ : ﻣﺎﺗﻮﻋﺪﻧﻴﺶ ﺍﻧﻲ ﺍﻭﻋﺪﻫﺎ ﻫﻲ ...
ﺍﺳﻨﺎﻡ " ﻭﺍﻧﻲ ﺷﻦ ﻗﺎﻋﺪ ﻧﺪﻳﺮ ": ﺑﺎﻫﻲ ﻳﺎﺳﺘﻲ .. ﻏﻴﺮ ﺍﺭﺟﻌﻲ ﺍﺷﺒﺤﻲ ﻓﻲ ﻭﺟﻬﻲ ﺯﻱ ﻗﺒﻞ ..
ﺭﻫﻒ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺑﺎﻟﻠﻪ ﻋﻠﻴﻚ ﻳﺎﺃﺳﻨﺎﻡ ﻣﺎﺗﺠﺮﺣﻬﺎ ﻭﺗﻘﻬﺮ ﻗﻠﺒﻬﺎ ..
ﺍﺳﻨﺎﻡ ؛ ﺭﺑﻲ ﻳﺎﺧﺪﻧﻲ ﻗﺒﻞ ﻟﻨﺪﻳﺮﻫﺎ ..
ﺭﻫﻒ ﺍﺑﺘﺴﻤﺖ : ﺑﻌﻴﺪ ﺍﻟﺴﻮ ..
ﺍﺳﻨﺎﻡ " ﻳﺎﻗﻠﺒﻲ ﺍﻟﻤﺘﻔﺘﺮﺵ " ﻭﻗﻌﺪ ﻣﺒﺘﺴﻢ ﻭﻫﻮ ﺳﺎﻛﺖ .. ﻭﻫﻲ ﻣﺒﺘﺴﻤﻪ ... ﻭﺗﺸﻮﻑ ﻟﻌﻴﻮﻧﻪ ..
ﻫﻨﻲ ﺍﺳﻨﺎﻡ ﺍﺫﻛﺮ ﻛﻼﻡ ﺑﻮﻩ ﻭﺗﺸﺠﻊ ﺧﻼﺹ ﻭﺑﻴﻀﺮﺏ ﺍﻟﺤﺪﻳﺪ ﻭﻫﻮ ﺣﺎﻣﻲ ..
ﺍﺳﻨﺎﻡ : ﺭ ......
" ﺭﻫﻒ ﻋﻮﻥ "..
ﺭﻫﻒ ﻗﺎﻣﺖ ﺭﺍﺳﻬﺎ ﻭﺍﺳﻨﺎﻡ ﻣﻌﺎﻫﺎ ..
ﺭﻫﻒ : ﺍﻳﻪ ﺍﻧﻲ ﺗﻔﻀﻠﻲ ..
: ﻣﻌﺎﻙ ﻳﺎﺭﺍ ....
***
ﺣﺎﺿﻨﺘﻬﺎ ﻭﺗﺒﻴﻬﺎ ﺗﻬﺪﺍ ﻟﻴﻦ ﺭﻗﺪﺕ ﻓﺤﻀﻨﻬﺎ ... ﻭﻫﻲ ﺗﻔﻜﺮ ﺷﻦ ﺍﻟﻠﻲ ﺧﻼﻫﺎ ﺗﺠﻲ ﻫﻨﻲ ﻉ ﺍﻟﺼﺒﺢ ﻭﻣﺎﺗﻤﺸﻴﺶ ﻟﻠﻤﺪﺭﺳﻪ !!
ﻣﻦ ﺍﻷﻟﻢ ﺭﻗﺪﺕ ﻣﻬﺎ ﻫﻠﺒﻪ ﺳﺎﻋﺎﺕ ﻣﺘﻮﺍﺻﻠﻪ ﻟﻌﻨﺪ ﺍﻟﺴﺎﻋﻪ 2 ﺑﻌﺪ ﺍﻟﻈﻬﺮ .. ﻭﻛﺄﻧﻬﺎ ﻫﺎﺭﺑﻪ ﺑﺎﻟﻨﻮﻡ ﻣﻦ ﺍﻟﻮﺍﻗﻊ ..
ﻟﺒﻨﻰ ﺗﺸﻮﻓﻠﻬﺎ : ﻳﺎﺭﻭﻭﻭﺣﻲ .. ﺑﻮﻫﺎ ﻫﺬﺍ ﻳﺒﻲ ﺭﺻﺎﺻﻪ ﻓﺮﺍﺳﻪ ..
ﺣﻨﺎﻥ ﺑﺼﺪﻣﻪ : ﻧﻬﺎﺭ ﺍﺣﺮﺵ ..
ﺭﻫﻒ : ﻫﻬﻬﻬﻬﻬﻬﻬﻬﻪ ... ﺑﻨﺘﻚ ﺗﻮﺣﺸﺖ ..
ﻟﺒﻨﻰ : ﻳﻘﻬﺮ ﻳﺎﻣﺎﻣﺎ ﻣﻌﻘﻮﻟﻪ ﻫﻜﻲ ﻳﺪﻳﺮ ﻓﻴﻬﺎ !!..
ﺭﻫﻒ " ﺑﺎﺑﺎ ﺑﺮﻏﻢ ﺍﻟﻠﻲ ﺩﺍﺭﻩ ﺍﻛﺘﺸﻔﺖ ﺍﻧﻪ ﻳﺤﺒﻨﺎ ﻫﻠﺒﻪ "
ﺣﻨﺎﻥ ﺗﻨﻮﺽ ﻓﻴﻬﺎ : ﻣﻬﺎ ... ﻣﻬﺎ ﺑﻨﺘﻲ ... ﻣﻬﺎ ..
ﻣﻬﺎ ﻓﺎﻗﺖ ﻭﻓﺘﺤﺖ ﻋﻴﻮﻧﻬﺎ ﻭﺷﺎﻓﺘﻬﻢ ﻧﺎﺿﺖ ﻗﻌﻤﺰﺕ : ﺍﺍﺍﻩ .. ﺍﺳﻔﻪ ..
ﺣﻨﺎﻥ : ﻋﻼﺵ ﺗﺘﺄﺳﻔﻲ ..
ﻣﻬﺎ : ﺷﻐﻠﺘﻜﻢ ﺑﻴﺎ ..
ﻟﺒﻨﻰ : ﺭﻳﺤﻲ ﺟﻤﺎﻟﻚ ..
ﻣﻬﺎ ﺿﺤﻜﺖ ﻧﺺ ﺿﺤﻜﻪ ..
ﺭﻫﻒ : ﺧﻴﺮ ﻣﻬﺎ ﺷﻦ ﺻﺎﻳﺮ ﻣﻌﺎﻙ ..
ﻣﻬﺎ ﻭﺟﻬﻬﺎ ﺍﺭﺗﺴﻤﺖ ﻋﻠﻴﻬﺎ ﻣﻼﻣﺢ ﺍﻟﺤﺰﻥ ﻣﻦ ﺟﺪﻳﺪ ﻭﻋﻴﻮﻧﻬﺎ ﺩﻣﻌﻮﺍ ...
ﺣﻨﺎﻥ ﺣﺴﺖ ﺍﻧﻬﺎ ﺑﺘﺒﻜﻲ ﻧﺎﺿﺖ ﺻﻔﻘﺖ ﺑﺈﻳﺪﻳﻬﺎ : ﻫﻴﺎ ﺗﻮﺍ ﻣﺶ ﻭﻗﺖ ﺃﺳﺌﻠﻪ ﻭﻟﻘﻨﻲ .. ﺧﺸﻮﺍ ﻋﺎﻭﻧﻮﻧﻲ ﻓﻲ ﺍﻟﻌﺼﺒﺎﻥ ﺍﻟﻠﻴﻠﻪ ﺑﻴﺘﻌﺸﻮﺍ ﻋﻨﺪﻧﺎ ﺧﺎﻻﺗﻜﻢ ﻧﻴﺮﻭﺯ ﻭﻋﺎﺋﺸﻪ ﻭﺧﺎﻃﺮﻫﺎ ﻓﻲ ﺍﻟﻌﺼﺒﺎﻥ .. ﻫﻴﺎ ﻣﻬﺎ ﻧﻮﺿﻲ ﺻﻠﻲ ﻭ ﻋﻄﻴﻬﺎ ﻳﺎﻟﺒﻨﻰ ﻣﻦ ﺣﻮﺍﻳﺠﻚ ﺧﻞ ﺗﺨﺶ ﺣﺘﻰ ﻫﻲ ﻣﻌﺎﻛﻢ .. ﻣﺎﻧﻜﺶ ﺿﻴﻔﻪ ﺍﻧﺘﻲ ﻋﺎﺩ .. ﻭﻣﺸﺖ ﻟﻠﻜﻮﺟﻴﻨﻪ ... ﻧﺴﺘﻨﻰ ﻓﻴﻴﻴﻴﻜﻢ ..
ﺿﺤﻜﻮﺍ ﺍﻟﺘﻼﺗﻪ ﻭﻣﻬﺎ ﺗﺤﻤﺴﺖ ﻫﻠﺒﻪ ..
ﺧﺸﺖ ﻭﻋﻮﻟﺖ ﻣﻌﺎﻫﻢ ﻭﻣﺸﻲ ﺍﻟﺠﻮ ﺑﺼﺎﺭﻩ ﻭﺿﺤﻚ ﻭﻫﺪﺭﺯﺓ ﻭﻣﻬﺎ ﻧﺴﺖ ﻛﻞ ﺷﻲ ﺣﺘﻰ ﺑﻮﻫﺎ ...
ﻟﻴﻦ ﻇﻠﻤﺖ ﺍﻟﺪﻧﻴﺎ ﻭﺟﻮ ﻧﻴﺮﻭﺯ ﻭﻋﺎﺋﺸﻪ ﻭﺗﻌﺮﻓﻮﺍ ﻋﻠﻴﻬﺎ ﻭﻣﺎﺣﺴﺴﻮﻫﺎﺵ ﺍﻧﻬﺎ ﻏﺮﻳﺒﻪ ﺑﻜﻞ .. ﻫﻤﺎ ﺳﺒﻖ ﻭﻋﺮﻓﻮﺍ ﺷﻲ ﻋﻨﻬﺎ ﻣﻦ ﺣﻨﺎﻥ .. ﺑﻌﺪ ﺍﻟﻌﺸﻲ ﺍﻟﺴﻤﺢ ﻭﺍﻟﻬﺪﺭﺯﺓ ﺍﻟﺤﻠﻮﺓ ﺭﻭﺣﻮﺍ ﻛﻠﻬﻢ ..
ﺑﺲ ﻣﻬﺎ ﻣﻜﺎﻧﺘﺶ ﺗﺒﻲ ﺗﺮﻭﺡ ﺑﻜﻞ ... ﻭﺟﻬﻬﺎ ﻭﻻ ﺃﺻﻔﺮ ﻣﺠﺮﺩ ﻓﻜﺮﺕ ﻓﻲ ﺍﻟﻤﺮﻭﺍﺡ ..
ﻣﻬﺎ ﺷﺒﺤﺘﻠﻬﻢ : ﻣﺎﻧﺒﻴﺶ ﻧﺮﻭﺡ ...
ﻟﺒﻨﻰ ﻭﺟﻌﺘﻬﺎ ﻫﻠﺒﻪ ...
ﺣﻨﺎﻥ : ﻗﻠﺘﻲ ﺑﻮﻙ ﻣﺶ ﻓﻄﺮﺍﺑﻠﺲ ...
ﻣﻬﺎ : ﺍﻳﻪ ...
ﺣﻨﺎﻥ ﺍﺑﺘﺴﻤﺖ : ﺑﻨﺨﻠﻴﻚ ﺗﺘﻤﺮﺩﻱ ﻋﻠﻴﻪ ﻫﺎﻟﻤﺮﻩ .. ﺑﺎﺗﻲ ﻣﻌﺎﻧﺎ ..
ﺍﻟﺒﻨﺎﺕ ﻓﺮﺣﻮﺍ ﻭﻣﻬﺎ ﻣﺶ ﻣﺼﺪﻗﻪ ..
ﻣﻬﺎ : ﺑﺎﻟﻠﻪ ...
ﺣﻨﺎﻥ ﺑﻀﺤﻜﻪ : ﻭﺍﻟﻠﻪ ...
ﻓﺮﺣﻮﺍ ﻭﺭﻛﺒﻮﻫﺎ ﻣﻌﺎﻫﻢ ﻓﻮﻕ .. ﺣﻨﺎﻥ ﺧﺎﻓﺖ ﻉ ﻣﻬﺎ ﻟﻮﻗﻌﺪﺕ ﺑﺮﻭﺣﻬﺎ ﻓﻲ ﺍﻟﺤﻮﺵ ﺍﻧﻬﺎ ﺍﺩﻳﺮ ﻓﺮﻭﺣﻬﺎ ﺷﻲ .. ﺧﺼﻮﺻﺎ ﻟﻤﺎ ﺟﺘﻬﺎ ﻭﻛﺎﻧﺖ ﺗﺒﻜﻲ ﻗﻌﺪﺕ ﺗﺮﺩﺩ ﻓﻲ ﻛﻠﻤﻪ ﻧﺒﻲ ﻧﻤﻮﺕ .. ﻭﻓﻀﻠﺖ ﺍﻧﻬﺎ ﺗﺨﻠﻴﻬﺎ ﻋﻨﺪﻫﻢ ﺍﻟﻠﻴﻠﻪ ﻟﻌﻠﻬﺎ ﺗﻘﺪﺭ ﺗﺒﻌﺪ ﻋﻨﻬﺎ ﻫﺎﻟﻮﺳﺎﻭﺱ ...
ﻛﺎﻧﺖ ﺍﺣﻠﻰ ﻟﻴﻠﻪ ﺑﺎﻟﻨﺴﺒﻪ ﻟﻤﻬﺎ ... ﻭﺍﺣﻠﻰ ﺻﺒﺢ ﻛﺬﻟﻚ .. ﻓﺎﻗﺖ ﻉ ﺟﻮ ﺣﻠﻮ ﻫﻠﺒﻪ ﺗﻤﻨﺖ ﻟﻮ ﻳﻜﻮﻥ ﻓﻌﻼ ﻣﺴﺘﻤﺮ ﻣﻌﺎﻫﺎ ﺩﻭﻭﻡ ﻣﺶ ﻳﻮﻡ ...
ﻣﺸﺖ ﻟﻠﻤﺪﺭﺳﻪ ﻣﻊ ﻟﺒﻨﻰ ... ﻭﺭﺍﻓﻀﻪ ﺗﺮﺩ ﻉ ﺍﺗﺼﺎﻻﺕ ﻣﺮﻳﻢ ﺍﻟﻠﻲ ﻗﺮﻳﺐ ﺣﺮﻗﺖ ﺍﻟﺘﻠﻴﻔﻮﻥ ﻣﻦ ﺍﻷﺗﺼﺎﻻﺕ ...
ﻣﻊ ﺍﻟﻤﻐﺮﺏ ...
ﺭﻭﺡ ﻣﻌﺎﻭﻳﻪ ﻟﻠﻘﺼﺮ ... ﻭﻃﻮﻝ ﺧﺶ ﻟﻠﻤﻜﺘﺐ ﺟﺎﻩ ﺍﻟﺮﺍﺟﻞ ﻧﻔﺴﻪ ..
ﻣﻌﺎﻭﻳﻪ : ﺷﻦ ﻋﻨﺪﻙ ...
ﻃﻖ ﺍﻟﺒﺎﺏ ﻭﺧﺸﺖ ﻣﺮﻳﻢ ..
ﻣﻌﺎﻭﻳﻪ : ﻣﺶ ﻭﻗﺘﻪ ﺗﻮﺍ ..
ﻣﺮﻳﻢ : ﺿﺮﻭﺭﻱ ﻳﺎﺃﺳﺘﺎﺫ ﺍﻟﻤﻮﺿﻮﻉ ﻳﺨﺺ ﻣﻬﺎ ..
ﻣﻌﺎﻭﻳﻪ ﺿﻴﻖ ﻋﻴﻮﻧﻪ : ﺧﻴﺮﻫﺎ ..
ﻣﺮﻳﻢ : ﻣﻦ ﻃﻠﻌﺘﻬﺎ ﺍﻣﺲ ﺍﻟﺼﺒﺢ ﻟﻠﻴﻮﻡ ﻣﺎﺭﻭﺣﺘﺶ .. ﺍﺗﺼﻠﺖ ﺑﻴﻬﺎ ﻣﻴﺔ ﻣﺮﺓ ﻣﺎﺑﺘﺶ ﺗﺮﺩ ..
ﻣﻌﺎﻭﻳﻪ ﺑﺼﺪﻣﻪ : ﻛﻴﻴﻴﻴﻴﻴﻴﻒ !! ؟
ﺍﻟﺮﺍﺟﻞ : ﻭﻫﺬﺍ ﺍﻟﻠﻲ ﺑﻨﻘﻮﻟﻚ ﻋﻠﻴﻪ ﻣﺸﺖ ﻟﺤﻮﺵ ﻧﻔﺲ ﺍﻟﻨﺎﺱ ﺍﻟﻠﻲ ﻗﺘﻠﻚ ﻋﻠﻴﻬﻢ ﻭﺑﺎﺗﺖ ﻋﻨﺪﻫﻢ ..
ﻣﻌﺎﻭﻳﻪ ﻭﺻﻠﺖ ﻋﻨﺪﻩ ﻟﻠﺸﻴﻄﺎﻥ ﺍﻟﺮﺟﻴﻢ : ﻻﺍﺍﺍﺍﺍﺍﺍﺍﺍﺍﺍﺍﺍ .. ﻟﻬﻨﻲ ﻭﺑﺲ .. ﺳﻜﺮﺕ ﺭﺍﺳﻬﺎ ﻭﻛﺒﺮﺗﻬﺎ ﻣﻌﺎﻱ .. ﺍﻟﺤﻘﻨﻲ ﺍﻧﺖ ﻭ 3 ﻣﻌﺎﻙ ...
***
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻣﻬﺎ ﺑﻀﺤﻜﻪ : ﺟﻮ ﻋﻠﻴﻪ ﻟﻜﻦ ...
ﻟﺒﻨﻰ : ﺍﻳﻪ ..
ﻛﺎﻧﻮﺍ ﻳﺘﻔﺮﺟﻮﺍ ﻉ ﻓﻴﺪﻳﻮ ﻓﻲ ﺗﻠﻴﻔﻮﻥ ﻣﻬﺎ .. ﻓﺠﺎﺓ ﺭﻥ ﺗﻠﻴﻔﻮﻧﻬﺎ .. ﻭﺍﻧﺼﺪﻣﺖ ﻟﻤﺎ ﺷﺎﻓﺖ ﺍﻹﺳﻢ .. ﻛﺎﻧﺖ ﻣﺴﻤﻴﺎﺗﻪ ﺑﺈﺳﻤﻪ .. ﻣﻌﺎﻭﻳﻪ ... ﺑﺪﻱ ﺍﻟﺨﻮﻑ ﻳﺴﻴﻄﺮ ﻋﻠﻴﻬﺎ ..
ﻟﺒﻨﻰ : ﺑﻮﻙ ...
ﻣﻬﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺧﺎﻳﻔﻪ ﻭﺭﺩﺕ : ﺁﺍﺍﻟﻮ ..
ﻣﻌﺎﻭﻳﻪ ﺑﻌﺼﺒﻴﻪ : ﺍﻧﻲ ﺣﺬﺭﺕ ﻭﻧﺒﻬﺖ ﻟﻜﻦ ﺍﻧﺘﻲ ﻣﺎﺗﺴﻤﻌﻴﺶ ﻓﺎﻟﻜﻼﻡ .. ﻟﻬﺬﺍ ﺟﺎﻳﻚ ﺑﻨﺘﻔﺎﻫﻢ ﻣﻌﺎﻙ ﻭﻳﻦ ﻣﺎﺍﻧﺘﻲ ... ﻭﺍﻟﻨﺎﺱ ﺍﻟﻠﻲ ﻋﻨﺪﻫﻢ .. ﻭﺳﻜﺮ ﻓﻮﺟﻬﻬﺎ ...
ﻣﻬﺎ ﻗﺮﻳﺐ ﻣﺎﺗﺖ ﻣﻦ ﺍﻟﺨﻮﻑ ﻋﺎﻭﺩﺕ ﻋﻠﻴﻪ ﻣﺎﺑﺎﺵ ﻳﺮﺩ : ﺣﻴﻴﻲ ﻋﻠﻴﺎ ﺣﻴﻴﻲ .. ﺣﻴﻴﻲ ﻳﺎﻟﺒﻨﻰ ..
ﻟﺒﻨﻰ ﺑﺨﻮﻑ : ﺧﻴﺮﻙ ..
ﻗﻌﺪﺕ ﺗﺒﻜﻲ ﻭﻣﺶ ﻗﺎﺩﺭﻩ ﺗﺘﻜﻠﻢ ..
ﺳﻤﻌﺖ ﺣﻨﺎﻥ ﺻﻮﺗﻬﺎ ﻫﻲ ﻭﺭﻫﻒ ﻭﺟﻮﻫﻢ ﻳﺠﺮﻭﺍ ...
ﺣﻨﺎﻥ : ﺷﻦ ﻓﻲ ...
ﻣﻬﺎ ﺷﺒﺤﺘﻠﻬﺎ : ﺑﺎﺑﺎ ... ﺑﺎﺑﺎ .. ﺟﺎﻱ ... ﺟﺎﻱ ﻫﻨﻲ ..
ﺷﺪﺗﻬﺎ ﺣﻨﺎﻥ : ﺍﻫﺪﻱ ﺣﺒﻴﺒﺘﻲ ﻭﻓﻬﻤﻴﻨﻲ ﺑﺎﻟﺸﻮﻳﻪ ..
ﻣﻬﺎ : ﻗﺎﻟﻲ ﺟﺎﻳﻚ ﺑﻨﺘﻔﺎﻫﻢ ﻣﻌﺎﻙ .. ﺧﺎﻳﻔﻪ ﺧﺎﻳﻔﻪ ...
ﺣﻨﺎﻥ ﺣﻀﻨﺘﻬﺎ : ﺣﺒﻴﺒﺘﻲ ﺍﻫﺪﻱ .. ﻫﺬﺍ ﺑﻮﻙ ﻓﻲ ﺍﻟﻨﻬﺎﻳﻪ ﻣﺶ ﺣﻴﺄﺫﻳﻚ ﻭﻻﺗﻬﻮﻧﻲ ﻋﻠﻴﻪ ... ﺑﻌﺪﺗﻬﺎ .. ﻭﺷﺪﺕ ﻭﺟﻬﻬﺎ ... ﺑﻨﺘﻲ ﺍﻫﺪﻱ ﻭﺧﻠﻴﻚ ﻗﻮﻳﻪ ﻭﺣﺎﻭﻟﻲ ﺗﺘﻔﺎﻫﻤﻲ ﻣﻌﺎﻩ ﺑﻬﺪﻭﺀ ...
ﻣﻬﺎ : ﻟﻤﺎ ﻳﻌﺼﺐ ﻣﻌﺎﺵ ﻳﺸﻮﻑ ﻓﺸﻲ ﺑﻜﻞ ..
ﺣﻨﺎﻥ : ﺍﻫﺪﻱ ﺍﻫﺪﻱ .. ﻫﻮ ﻗﺎﻟﻚ ﺟﺎﻱ ﻫﻨﻲ .. ﺧﻼﺹ ﺍﺣﻨﻲ ﻣﻌﺎﻙ ..
ﺗﻮﺍ ﻟﻤﺎ ﻳﺠﻲ ﺗﻨﺰﻟﻲ ﺗﻔﺘﺤﻴﻠﻪ ﺍﻟﺒﺎﺏ ﻭﺗﻘﻌﻤﺰﻱ ﻣﻌﺎﻩ ﺑﺮﻭﺣﻜﻢ ﻭﺗﺘﻔﺎﻫﻤﻮﺍ .. ﺻﺎﺭ ﻣﺎﺻﺎﺭ ﺣﻨﻜﻮﻥ ﻣﻌﺎﻙ .. ﺑﻨﺘﻲ ﻣﺶ ﺣﻨﺨﻠﻴﻚ ..
ﻣﻬﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺩﻣﻮﻋﻬﺎ ﺗﻨﺰﻝ ...
ﻭﺻﻠﻮﺍ ﺳﻴﺎﺭﺗﻴﻦ ... ﻧﺰﻟﻮﺍ ﺭﺟﺎﻟﺘﻪ .. ﻭﻧﺰﻝ ﻫﻮ ﻭﻗﻒ ﻭﻗﻌﺪ ﺑﺸﺒﺢ ﻟﻠﺤﻮﺵ ﻟﻘﻲ ﺑﺎﺑﻪ ﺍﻟﺒﺮﺍﻧﻲ ﻣﺮﺩﻭﺩ .. ﺟﻲ ﻭﺍﺣﺪ ﻣﻦ ﺭﺟﺎﻟﻪ ﻭﻓﺘﺢ ﺍﻟﺒﺎﺏ ﺧﺶ ﻣﻌﺎﻭﻳﻪ ﻭﺧﺸﻮﺍ ﻣﻌﺎﻩ ...
ﺩﺍﺧﻞ
ﻣﻬﺎ ﻟﻮﻃﺎ ﻣﻘﻌﻤﺰﺓ ﺗﺮﺍﺟﻲ ﻓﻴﻪ ..
ﺍﻟﺒﻨﺎﺕ ﻓﻮﻕ ... ﻭﺣﻨﺎﻥ ﻟﻮﻃﺎ ﻗﺎﻋﺪﻩ ﻓﻲ ﺍﻟﻜﻮﺟﻴﻨﻪ ....
ﺭﻥ ﺍﻟﺠﺮﺱ ... ﻛﻠﻬﻢ ﺍﻧﺘﻔﻀﻮﺍ ﻣﺎﻋﺪﺍ ﺣﻨﺎﻥ ..
ﻧﺎﺿﺖ ﻣﻬﺎ ﺗﺤﺎﻭﻝ ﺗﻘﻮﻱ ﻧﻔﺴﻬﺎ .. ﻭﻓﺘﺤﺖ ﺍﻟﺒﺎﺏ ﺑﺼﻌﻮﺑﻪ ..
ﻟﻘﺎﺗﻪ ﻭﺍﻗﻒ ﻭﻳﺸﺒﺤﻠﻬﺎ ﺑﻨﻈﺮﺓ ﻣﺮﻋﺒﻪ .. ﻭﺧﺮﺕ ﺧﻄﻮﺗﻴﻦ ﻣﻦ ﺍﻟﺨﻮﻑ ﺍﻣﺎ ﻫﻮ ﺩﻓﻬﺎ ﻭﺧﺶ ..
ﻗﻌﺪ ﻳﺸﺒﺢ ﻟﻠﺤﻮﺵ .: ﻫﺎﺭﺑﻪ ﻫﻨﻲ ... ﻣﺴﻴﺒﻪ ﻗﺼﺮ ﺑﻮﻙ ﻭﻗﺎﻋﺪﻩ ﻫﻨﻲ ...
ﻣﻬﺎ ﺑﻘﻮﺓ : ﺍﻟﻤﻜﺎﻥ ﻫﺬﺍ ﺍﻭﺳﻊ ﻣﻦ ﺍﻟﻘﺼﺮ ﺍﻟﻠﻲ ﺭﻏﻢ ﻛﺒﺮﻩ ﺿﻴﻖ ﺯﻱ ﺍﻟﻘﺒﺮ ..
ﻣﻌﺎﻭﻳﻪ ﻫﺰﺍﺗﻪ ﻛﻠﻤﺘﻬﺎ ﻗﺪﻣﻠﻬﺎ : ﺍﻧﺘﻲ ﺩﻣﺎﻏﻚ ﻣﻠﻌﻮﺏ ﺑﻴﻪ ﻳﺎﺑﻨﺖ ﺍﻧﺘﻲ ﻓﻲ ﺣﺪ ﻣﻘﻮﻳﻚ ... ﻭﺍﻟﺒﺎﻳﻦ ﺍﻟﻠﻲ ﻣﻘﻮﻳﻚ ﻫﻜﻲ ﺍﺟﺒﻦ ﻣﻦ ﺃﻧﻪ ﻳﻄﻠﻊ ﻭﻳﺘﻜﻠﻢ ﻣﻌﺎﻙ ﺣﻄﻚ ﻓﻲ ﻭﺟﻪ ﺍﻟﻤﺪﻓﻊ ..
ﺣﻨﺎﻥ ﺗﺴﻤﻊ ﻓﻴﻪ ﻭﻣﺘﻤﺎﺍﻟﻜﻪ ﻧﻔﺴﻬﺎ ... ﻭﻟﺒﻨﻰ ﻓﻮﻕ ﺷﺎﺩﺗﻬﺎ ﺭﻫﻒ ﺑﺎﻟﺴﻴﻒ ..
ﻣﻬﺎ : ﻣﺎﺣﺪ ﻟﻴﻪ ﺩﺧﻞ ﺑﻴﺎ ... ﻟﻮ ﻓﻲ ﻣﻦ ﻣﻘﻮﻳﻨﻲ ﻋﻠﻴﻚ ﻓﻌﻼ ﻓﻬﻤﺎ ﻗﺴﻮﺗﻚ ﻭﻇﻠﻤﻚ ﻭﺗﺴﻠﻄﻚ ...
ﻣﻌﺎﻭﻳﻪ : ﻻﺍﺍ ﺍﻧﺘﻲ ﺗﺒﻲ ﺇﻋﺎﺩﺓ ﺗﺄﻫﻴﻞ .. ﺷﺪ ﻳﺪﻫﺎ ... ﺗﻮ ﻧﻮﺭﻳﻚ ﻗﺴﻮﺗﻲ ﻭﺗﺴﻠﻄﻲ ﺣﻖ ﻫﺎﻟﻤﺮﻩ ..
ﻣﻬﺎ ﺗﺠﺒﺪ ﻓﻴﺪﻫﺎ : ﻣﺶ ﻃﺎﻟﻌﻪ ﻣﻌﺎﻙ ﺇﻻ ﺟﺜﻪ ..
ﻣﻌﺎﻭﻳﻪ ﺑﻐﻀﺐ ﺷﺪﻳﺪ : ﻳﺎﺳﺮ ﺑﻼﻗﻄﺎﻑ ﻓﺎﺿﻲ ﻋﻄﻴﺘﻚ ﻓﺮﺻﻪ ﺗﺘﻜﻠﻤﻲ ﻫﻠﺒﻪ .. ﻭﺟﺒﺪ ﻳﺪﻫﺎ ﺑﻘﻮﺓ ﻟﻴﻦ ﻗﺮﻳﺐ ﺧﻠﻌﻬﺎ ..
ﻣﻬﺎ : ﺍﺍﺍﺍﺍﺍﺍﺍﺍﻩ .. ﺍﻳﻴﻴﺪﻱ ..
ﻫﻨﻲ ﺣﻨﺎﻥ ﻣﻌﺎﺵ ﻗﺪﺭﺕ ﺗﺘﺤﻤﻞ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﺑﻘﻮﺓ ﻭﺍﻧﺪﻓﺎﻉ ﻭﻣﺸﺘﻠﻬﻢ ﻭﻗﺪﻣﺖ ﻭﺣﻄﺖ ﺍﻳﺪﻫﺎ ﻉ ﺍﻳﺪﻩ ﺣﻮﻟﺘﻬﺎ ﻋﻨﻬﺎ ﺑﻘﻮﻩ ﻭﻭﻗﻔﺖ ﺑﻴﻨﻪ ﻭﺑﻴﻨﻬﺎﻭﺗﺸﺒﺤﻠﻪ ﺑﺤﺪﻩ ﻭﻏﻞ ...
ﺍﻣﺎ ﻫﻮ ﺷﺒﺢ ﻟﻴﺪﻩ ﻭﺭﺟﻊ ﺷﺎﻓﻠﻬﺎ ﻣﻦ ﻓﻮﻕ ﻟﻠﻮﻃﺎﻭﺭﻓﻊ ﺣﺎﺟﺒﻪ ﻭﻗﺎﻝ ﺗﻬﻜﻤﺎ : ﻳﺎﺳﻼﺍﺍﻡ ..
... ﻳﺘﺒﻊ
