ﺍﻟﺘ🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 17_
ﻗﻌﻤﺰﻱ ...
ﻗﻌﻤﺰﺕ ﻭﻫﻲ ﻣﺘﻮﺗﺮﻩ ﺑﻌﺾ ﺍﻟﺸﻲ ﺑﺲ ﺗﺤﺎﻭﻝ ﺗﺨﻔﻲ ﻫﺎﻟﺘﻮﺗﺮ ﻭﺭﺍ ﺗﺼﻨﻊ ﺍﻟﺜﺒﺎﺕ ﻭﺍﻟﺜﻘﻪ ﺑﺎﻟﻨﻔﺲ ...
ﻣﻌﺎﻭﻳﻪ ﺍﺗﻜﺎ ﺑﻤﺮﻓﻘﻪ ﻉ ﻳﺪ ﺍﻟﻜﺮﺳﻲ ﻭﻳﺪﻩ ﺗﺤﺖ ﺫﻗﻨﻪ ﺑﻄﺮﻳﻘﻪ ﻓﻴﻬﺎ ﺑﻌﺾ ﺍﻟﻐﺮﻭﺭ ﺻﻮﺍﺑﻌﻪ ﺍﻟﻐﻨﺼﺮ ﻭﺍﻟﺒﻨﺼﺮ ﺗﺤﺖ ﺫﻗﻨﻪ ﻭﺍﻟﻮﺳﻄﻰ ﻭﺍﻟﺴﺒﺎﺑﻪ ﻉ ﺧﺪﻩ ..." ﻗﺪﺭﺗﻮﺍ ﺗﺘﺨﻴﻠﻮﻫﺎ ﺍﻟﻠﻘﻄﻪ "..
ﻣﻌﺎﻭﻳﻪ : ﺷﻦ ﺗﺤﺒﻲ ﺗﺸﺮﺑﻲ ..
ﺣﻨﺎﻥ ﺑﺤﺪﻩ : ﺷﻜﺮﺍ ﻣﺎﻧﺒﻲ ﺷﻲ .. ﻳﺎﺭﻳﺖ ﻧﺨﺸﻮﺍ ﻓﻲ ﺍﻟﻤﻮﺿﻮﻉ ﻃﻮﻝ ..
ﻣﻌﺎﻭﻳﻪ ﺍﺑﺘﺴﻢ : ﺧﻴﺮﻙ ﻣﺘﻮﺗﺮﺓ ﺍﻫﺪﻱ ...
ﺣﻨﺎﻥ ﺷﺒﺤﺘﻠﻪ ﻭﻭﺟﻬﻬﺎ ﻭﻻﺃﺣﻤﺮ : ﺑﺼﺮﺍﺣﻪ ﻓﻲ ﺳﺆﺍﻝ ﻧﺒﻲ ﻧﺴﺄﻟﻪ ...
ﻣﻌﺎﻭﻳﻪ ﻭﻫﻮ ﻣﺮﻛﺰ ﻉ ﻟﻮﻥ ﻭﺟﻬﻬﺎ ﺍﻟﻠﻲ ﺗﺒﺪﻝ ﻟﻸﺣﻤﺮ : ﺃﺳﺎﻟﻲ ..
ﺣﻨﺎﻥ : ﻋﻼﺵ ﺍﻧﻲ؟
ﻣﻌﺎﻭﻳﻪ : ﺷﻦ ﻫﻮ ﺍﻟﻠﻲ ﻋﻼﺵ ﺍﻧﺘﻲ ... ؟
ﺣﻨﺎﻥ : ﺍﻟﻠﻲ ﻋﺮﻓﺘﻪ ﻋﻨﻚ ﺍﻥ ﺍﻏﻠﺐ ﻣﺸﺎﺭﻳﻌﻚ ﺍﻟﻠﻲ ﻧﻔﺬﺗﻬﺎ ﺗﻌﺎﻣﻠﺖ ﻓﻴﻬﺎ ﻣﻊ ﻣﻬﻨﺪﺳﻴﻦ ﺍﺟﺎﻧﺐ ﺍﻭﺭﺑﻴﻴﻦ ﻭﺃﻣﺮﻳﻜﺎﻥ ﻭﻣﻦ ﺍﻫﻢ ﺍﻷﺳﻤﺎﺀ ... ﻋﻼﺵ ﺍﻟﻤﺸﺮﻭﻉ ﻫﺬﺍ ﺟﺒﺖ ﻣﻬﻨﺪﺳﻪ ﻣﻦ ﺍﻟﺒﻼﺩ ... ﻭﻟﻴﻬﺎ ﻓﺘﺮﻩ ﻣﻮﻗﻔﻪ ... ﺍﻧﻲ ﺗﺤﺪﻳﺪﺍ ﻋﻼﺵ؟
ﻣﻌﺎﻭﻳﻪ ﺣﻮﻝ ﻳﺪﻩ ﻭﺣﻄﻬﺎ ﻉ ﻳﺪ ﺍﻟﻜﺮﺳﻲ : ﻣﺶ ﻭﺍﺛﻘﻪ ﻣﻦ ﻧﻔﺴﻚ؟ﻣﺶ ﺣﺎﺳﻪ ﺍﻧﻚ ﻗﺪﻫﺎ ؟
ﺣﻨﺎﻥ : ﺍﺳﻤﻊ ﺑﻄﻞ ﺗﻜﻠﻤﻨﻲ ﺑﺄﺳﻠﻮﺑﻚ ﺍﻹﺳﺘﻔﺰﺍﺯﻱ ﻫﺬﺍ .. ﻣﺶ ﺧﺎﺷﻪ ﺗﺤﺪﻱ .. ﻫﺎﺩﻱ ﺧﺪﻣﻪ .. ﻭﺍﻟﻤﺸﺮﻭﻉ ﻫﺬﺍ ﻣﺶ ﺑﺴﻴﻂ .. ﻭﺍﻧﻲ ﻟﻴﺎ ﻓﺘﺮﻩ ﻃﻮﻳﻠﻪ ﻣﺴﻴﺒﻪ ﺧﺪﻣﺘﻲ ﻭﻧﺤﺎﻭﻝ ﻧﺮﺟﻊ ﺗﺪﺭﻳﺠﻴﺎ .. ﻭﺍﻧﺖ ﻭﺍﺿﺢ ﺍﻧﻚ ﺫﻛﻲ ﻭﻧﺎﺟﺢ ﻛﻴﻒ ﺗﺠﺎﺯﻑ ﻫﺎﻟﻤﺠﺎﺯﻓﻪ ﻫﺎﺩﻱ ﺑﻤﺸﺮﻭﻉ ﻛﺒﻴﺮ ﻭﻳﻜﻠﻒ ﻣﻼﻳﻴﻴﻦ؟ !!
ﻣﻌﺎﻭﻳﻪ : ﻣﺠﺎﺯﻓﻪ؟ ﺍﻧﻲ ﻣﺎﻧﺤﺒﺶ ﻧﺠﺎﺯﻑ ﻧﻬﺎﺋﻲ ﺍﻟﺨﻄﻮﺓ ﺍﻟﻠﻲ ﻧﺨﻄﻴﻬﺎ ﻧﺤﺴﺒﻠﻬﺎ ﺻﺢ ﻭﻧﻔﻜﺮ ﻓﻲ ﺍﻹﺣﺘﻤﺎﻻﺕ ﺍﻟﺴﻴﺌﻪ ﻗﺒﻞ ﻛﻞ ﺷﻲ ... ﻟﺬﻟﻚ .. ﺍﻧﻲ ﻋﺎﺭﻑ ﺷﻦ ﻧﺪﻳﺮ ﻛﻮﻳﺲ .. ﻭﻣﺎﺍﺧﺘﺮﺗﻜﺶ ﺇﻻ ﻭﺍﻧﻲ ﻋﺎﺭﻑ ﺍﻧﻲ ﺣﻨﻨﺠﺢ ﻭﺣﻨﻜﺴﺐ ﻫﻠﺒﻪ ﻣﺶ ﺷﻮﻳﻪ ...
ﺣﻨﺎﻥ ﺗﺸﺒﺤﻠﻪ : ﻣﺶ ﻓﺦ ﻭﻻ ..
ﻣﻌﺎﻭﻳﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺣﻨﺎﻥ ﺗﻜﻨﻄﺖ ﻭﺍﻧﺤﺮﺟﺖ ﻓﻲ ﻧﻔﺲ ﺍﻟﻮﻗﺖ ..
ﻣﻌﺎﻭﻳﻪ ﻫﺪﺍ ﺿﺤﻚ : ﻫﻬﻬﻪ .. ﻋﻼﺵ ﺑﻨﺪﻳﺮﻟﻚ ﻓﺦ ... ﺍﻭﻛﻲ ﺍﻧﺘﻲ ﻧﺮﻓﺰﺗﻴﻨﻲ ﻓﻲ ﺑﻌﺾ ﺍﻟﻤﻮﺍﻗﻒ ﺑﺲ ﻫﺬﺍ ﺍﺑﺪﺍ ﻣﺎ ﻳﻌﻨﻴﺶ ﺍﻧﻲ ﻧﺤﻄﻚ ﻓﻲ ﺭﺍﺳﻲ ﻭﻧﺒﺪﺍ ﻧﺨﻄﻂ ﻧﺪﻳﺮﻟﻚ ﺍﻓﺨﺎﺥ .. ﻣﺶ ﻓﺎﺿﻲ ﺍﻟﺤﻖ ..
ﺣﻨﺎﻥ ﺷﺒﺤﺘﻠﻪ ﺑﺤﺪﻩ : ﺗﻤﺎﻡ ... ﺩﺍﻡ ﻫﻜﻲ ... ﺧﻠﻴﻨﺎ ﻧﺨﺸﻮﺍ ﻓﻲ ﻣﻮﺿﻮﻉ ﺍﻟﺸﻐﻞ ﻃﻮﻝ .. ﺣﻄﺖ ﺷﻨﻄﺘﻬﺎ ﻉ ﻃﺎﻭﻟﻪ ﺻﻐﻴﺮﻩ ﻗﺪﺍﻣﻬﺎ ﻭﻗﺎﻟﺖ ... ﻣﺸﺮﻭﻉ ﻣﻨﺘﺠﻊ ﺳﻴﺎﺣﻲ ﻓﻲ ﻣﻨﻄﻘﻪ ﻓﻴﻬﺎ ﻣﻌﺎﻟﻢ ﺍﺛﺮﻳﻪ ﻭﺑﺤﺮ ... ﺍﻟﻤﻨﺘﺠﻊ ﻻﺯﻡ ﻳﻌﺒﺮ ﻉ ﻣﻨﻄﻘﻪ ﻭﻉ ﺍﻟﻤﻌﻠﻢ ﺍﻟﻤﺸﻬﻮﺭ ﻓﻴﻬﺎ .. ﻟﻬﺬﺍ ﺣﻴﺘﺼﻤﻢ ﻉ ﺍﻟﻄﺮﺍﺯ ﺍﻹﻏﺮﻳﻘﻲ ... ﻃﺒﻌﺎ ﻧﺒﻲ ﻣﺴﺎﺣﺔ ﺍﻟﻤﻜﺎﻥ ﻭﻧﺒﻲ ﻧﻤﺸﻲ ﻧﺸﻮﻓﻪ .. ﻳﻌﻨﻲ ﺑﺎﻟﻜﺜﻴﺮ ﺍﺳﺒﻮﻉ ﻭﺍﻟﺘﺼﻤﻴﻢ ﻳﻜﻮﻥ ﻋﻨﺪﻙ ...
ﻣﻌﺎﻭﻳﻪ ﻣﺬﻫﻮﻝ ... ﻫﻲ ﻣﻔﻜﺮﻩ ﻓﻲ ﻛﻞ ﺷﻲ ﻭﺍﻟﺒﺎﻳﻦ ﺩﺍﻳﺮﻩ ﺑﺤﺚ ﻋﻨﻪ ﻭﻗﺎﺭﻳﻪ ﻣﻌﻠﻮﻣﺎﺕ ﻋﻨﻪ ﻓﻲ ﻣﻮﻗﻊ ﺍﻟﺸﺮﻛﻪ .. ﻭﻓﻬﻢ ﺍﻧﻪ ﻟﻤﺎ ﺳﺄﻻﺗﻪ ﻓﻲ ﺍﻟﺒﺪﺍﻳﻪ ﻛﺎﻧﺖ ﺗﺒﻲ ﺗﻌﺮﻑ ﻧﻴﺘﻪ ﻣﻦ ﺍﺧﺘﻴﺎﺭﻫﺎ ﻣﺶ ﻹﻧﻬﺎ ﻣﺶ ﻭﺍﺛﻘﻪ ﻣﻦ ﻧﻔﺴﻬﺎ ﺑﺲ ﻃﺒﻌﺎ ﺍﻻﻣﺒﺮﺍﻃﻮﺭ ﺍﻟﻤﺘﻜﺒﺮ ﻣﺎﻋﺠﺒﺎﺵ ﺍﻟﻮﺿﻊ ﻭﻗﺎﻝ ..
ﻣﻌﺎﻭﻳﻪ : ﺗﻮﻗﻌﺘﻚ ﺑﺘﻘﻮﻟﻲ ﺧﻼﻝ 4 ﺍﻳﺎﻡ ... ﺍﻗﺼﻰ ﺷﻲ ..
ﺣﻨﺎﻥ : ﻋﻨﺪﻙ ﻋﻠﻢ ﺍﻧﻲ ﻟﻮ ﻣﺸﻴﺖ ﻟﻠﻤﻨﻄﻘﻪ ﻭﺭﻭﺣﺖ ﻓﻲ ﻧﻔﺲ ﺍﻟﻴﻮﻡ ﻓﻲ ﺍﻟﻄﺮﻳﻖ ﺣﻨﻜﻮﻥ ﺭﺳﻤﺖ ﺧﺮﻳﻄﻪ ﻣﺒﺪﺋﻴﻪ ﻓﺮﺍﺳﻲ ..
ﻣﻌﺎﻭﻳﻪ ﺍﺑﺘﺴﻢ : ﻭﺗﺴﺄﻟﻲ ﻓﻴﺎ ﻋﻼﺵ ﺍﺧﺘﺮﺗﻚ ..
ﻭﺟﻬﻬﺎ ﺍﺣﻤﺮ : ﺍﺣﻤﻢ .... ﺑﺲ ﻉ ﻓﻜﺮﻩ ﻣﺎﺣﺴﻤﺘﺶ ﺍﻣﺮﻱ ..
ﻣﻌﺎﻭﻳﻪ ﺑﺈﺳﺘﻐﺮﺍﺏ : ﻛﻴﻒ ﻳﻌﻨﻲ؟
ﺣﻨﺎﻥ : ﻳﻌﻨﻲ ﺍﻧﻲ ﻋﻨﺪﻱ ﺷﺮﻁ ﺑﺶ ﻧﺨﺪﻡ ﻣﻌﺎﻛﻢ ..
ﻣﻌﺎﻭﻳﻪ : ﺷﺮﻁ ﺷﻨﻲ ﺍﻧﺘﻲ ﻣﻜﺘﺒﻚ ﺑﺎﻋﺘﻚ .. ﻳﻌﻨﻲ ﻣﺎﺗﻘﺪﺭﻳﺶ ﺗﺘﺮﺍﺟﻌﻲ .. ﻭﺍﻻ ﺍﻛﻴﺪ ﺣﺘﺨﺴﺮﻱ ﺧﺪﻣﺘﻚ ..
ﺣﻨﺎﻥ : ﻣﺶ ﻧﻬﺎﻳﺔ ﺍﻟﺪﻧﻴﺎ ..
ﻣﻌﺎﻭﻳﻪ " ﻋﺼﺒﺘﻨﻲ ﺑﺲ ﻣﺶ ﻋﺎﺭﻑ ﻛﻴﻒ ﺷﺎﺩ ﺭﻭﺣﻲ ﻋﻠﻴﻬﺎ "...
ﻣﻌﺎﻭﻳﻪ ﺑﻨﻔﺎﺩ ﺻﺒﺮ : ﺷﻨﻮ ﺷﺮﻃﻚ ..
ﺣﻨﺎﻥ : ﺁﻣﻨﻪ ﺧﻠﻴﻞ ..
ﻣﻌﺎﻭﻳﻪ ﺍﺗﻔﺎﺟﺄ ...
ﺣﻨﺎﻥ : ﻭﺍﺿﺢ ﺍﻧﻚ ﻣﺬﻛﺮﻫﺎ ﻛﻮﻳﺲ .. ﻧﻌﺮﻑ ﻗﺼﺘﻬﺎ .. ﻭﻧﻌﺮﻑ ﻋﻼﺵ ﺳﻴﺒﺖ ﻫﺎﻟﻤﻜﺎﻥ ﺑﺮﻏﻢ ﻛﻔﺎﺋﺘﻬﺎ .. ﺍﺷﺮﺕ ﺑﺴﺒﺎﺑﺘﻬﺎ ﻉ ﻭﺷﺎﺣﻬﺎ .. ﺍﻟﺴﺒﺐ ﻫﺬﺍ ... ﺗﺄﺳﻔﺖ ﻫﻠﺒﻪ ﻟﻤﺎ ﻋﺮﻓﺖ ﺷﻲ ﺯﻱ ﻫﻮ .. ﺗﺄﺳﻔﺖ ﻫﻠﺒﻪ ﻉ ﺗﻘﻴﻴﻤﻚ ﺍﻧﺖ ﻭﻫﻠﺒﻪ ﻧﺎﺱ ﻟﻠﻤﺮﺃﺓ ﻉ ﺍﺳﺎﺱ ﻟﺒﺴﻬﺎ ﻭﻣﻈﻬﺮﻫﺎ ... ﻭﺍﻟﻨﻈﺮﺓ ﺍﻟﻠﻲ ﻋﻨﺪﻛﻢ ﻋﻦ ﺍﻟﻤﺮﺍﺓ ﺍﻟﻤﺤﺠﺒﻪ ﻭﺍﻟﻤﻠﺘﺰﻣﻪ ﺑﺪﻳﻨﻬﺎ ﻭﺛﻘﺎﻓﺘﻬﺎ ﻉ ﺍﻧﻬﺎ ﻣﺘﺨﻠﻔﻪ ﻭﻗﺪﻳﻤﻪ .. ﻭﻣﺨﻠﻴﻴﻦ ﺍﻟﺤﺠﺎﺏ ﻋﺎﺋﻖ ﻗﺪﺍﻣﻬﺎ ﻳﻤﻨﻌﻬﺎ ﻣﻦ ﺍﻧﻬﺎ ﺗﺨﺪﻡ ﻓﻲ ﻣﺆﺳﺴﺎﺕ ﻛﺒﻴﺮﺓ ... ﺗﺮﺳﺨﻮﺍ ﻟﻔﻜﺮﺓ ﺍﻥ ﺍﻟﺤﺠﺎﺏ ﻳﻘﻴﺪ ﺍﻟﻤﺮﺍﺓ ﻭﻳﻘﻠﻞ ﻣﻦ ﺣﺮﻳﺘﻬﺎ ﻭﺍﺛﺒﺎﺕ ﻭﺟﻮﺩﻫﺎ ﻓﻲ ﺍﻟﻤﺠﺘﻤﻊ ... ﻫﺎﻟﻔﻜﺮﺓ ﺍﻟﻤﺘﺨﻠﻔﻪ ﻣﺶ ﻣﻮﺟﻮﺩﻩ ﻏﻴﺮ ﻋﻨﺪﻧﺎ ﺣﻨﻲ ﺍﻟﻌﺮﺏ .. ﻭﺍﻟﻘﻠﻪ ﺍﻟﻤﺘﻄﺮﻓﻪ ﻓﻲ ﺍﻟﻐﺮﺏ ﺍﻟﻤﻨﺒﻮﺫﺓ ﻣﻦ ﺑﺎﻗﻲ ﺍﻟﻤﺠﺘﻤﻊ ﺍﻟﻐﺮﺑﻲ ... ﺣﺮﺭﻭﺍ ﻋﻘﻞ ﺍﻟﻤﺮﺍﺓ ﻣﻦ ﻗﻴﻮﺩﻛﻢ ﺍﻟﻠﻲ ﺗﺤﻄﻮﺍ ﻓﻴﻬﺎ ﻋﻠﻴﻬﺎ ﻭﺗﻘﻴﻴﻤﻜﻢ ﺍﻟﺪﺍﺋﻢ ﻟﻴﻬﺎ ﻉ ﺃﺳﺎﺱ ﻣﻈﻬﺮﻫﺎ ﺍﻟﺨﺎﺭﺟﻲ ...
ﻣﻌﺎﻭﻳﻪ ﻳﺴﻤﻊ ﻓﻲ ﻛﻼﻣﻬﺎ ﻭﺣﺲ ﺭﻭﺣﻪ ﻛﻠﻪ ﻉ ﺑﻌﻀﻪ ﻏﻠﻂ ﻓﻐﻠﻂ .. ﺣﺲ ﺍﻧﻪ ﻣﺘﺨﻠﻒ ﻓﻌﻼ ... ﻣﺘﺨﻠﻒ ﺍﻟﻠﻲ ﻳﻘﻴﻢ ﺍﻟﻤﺮﺃﺓ ﻉ ﺍﺳﺎﺱ ﻟﺒﺴﻬﺎ ﻭﻣﻈﻬﺮﻫﺎ ... ﻭﻳﺴﻴﺐ ﻋﻘﻠﻬﺎ ﻉ ﺟﻨﺐ .. ﻭﻣﺘﺨﻠﻒ ﺍﻛﺜﺮ ﺍﻟﻠﻲ ﻳﺸﻮﻑ ﺍﻟﻤﺮﺍﺓ ﺍﻟﻤﺤﺠﺒﻪ ﻭﺍﻟﻤﺤﺘﺸﻤﻪ ﻣﺘﺨﻠﻔﻪ ...
ﻣﻌﺎﻭﻳﻪ : ﻟﻶﻥ ﻣﺎﻓﻬﻤﺘﺶ ﺷﻨﻮ ﻫﻮ ﺷﺮﻃﻚ ﺑﺎﻟﺰﺑﻂ ...
ﺣﻨﺎﻥ : ﺭﺩﻫﺎ ﻟﻮﻇﻴﻔﺘﻬﺎ ﺍﻷﻭﻟﻰ ...
ﻣﻌﺎﻭﻳﻪ : ﺗﻌﺮﻓﻲ ﺍﻟﻘﺼﻪ ﻫﺎﺩﻱ ﻗﺪﺍﺵ ﻟﻴﻬﺎ ..3 ﺳﻨﻮﺍﺕ .. ﻳﻌﻨﻲ ﺍﻛﻴﺪ ﺗﻮﺍ ﻟﻘﺖ ﻣﻜﺎﻥ ﻟﻴﻬﺎ ﻓﻲ ﺟﻬﺔ ﻣﺎ ..
ﺣﻨﺎﻥ : ﺻﺢ ﺑﺲ ﻣﺶ ﺑﻨﻔﺲ ﻣﻜﺎﻧﻬﺎ ﺍﻟﻠﻲ ﻛﺎﻧﺖ ﻓﻴﻪ ﻋﻨﺪﻙ .. ﻭﺑﺼﺮﺍﺣﻪ ﺍﻟﺨﺪﻣﻪ ﻫﻨﻲ ﻣﺶ ﺯﻱ ﺍﻟﺨﺪﻣﻪ ﻓﻲ ﺍﻣﺎﻛﻦ ﺗﺎﻧﻴﻪ ﻭﺍﻧﺖ ﻋﺎﺭﻑ .. ﺑﺶ ﻧﺤﻄﻚ ﻓﺎﻟﺼﻮﺭﺓ ﺻﺪﻓﺔ ﺍﺟﺘﻤﻌﺖ ﺑﻴﻬﺎ ﻭﻋﺮﻓﺖ ﺑﻘﺼﺘﻬﺎ ﻭﻗﺎﻟﺖ ﺍﻧﻬﺎ ﻣﺎﻟﻘﺘﺶ ﻣﻜﺎﻥ ﺯﻱ ﺍﻟﻠﻲ ﻛﺎﻧﺖ ﻓﻴﻪ ﻫﻨﻲ ... ﺷﺎﻳﻔﻪ ﺍﻥ ﻣﻦ ﺍﻟﻌﺪﻝ .. ﻟﻮ ﺗﺮﺩﻫﺎ ﺑﻌﺪ ﻛﺴﺮﺕ ﺍﻟﻘﺎﻋﺪﻩ ﺍﻟﻠﻲ ﺣﺎﻃﻬﺎ ﻭﺍﻟﻤﺘﻌﻠﻘﻪ ﺑﺎﻟﻠﻲ ﺯﻳﻲ ﻭﺯﻳﻬﺎ ...
ﻣﻌﺎﻭﻳﻪ ﻗﻌﺪ ﻳﺸﺒﺤﻠﻬﺎ ﻭﻳﻔﻜﺮ .. ﻭﻫﻲ ﺍﻧﺤﺮﺟﺖ ﻭﺷﺒﺤﺖ ﺟﻬﺔ ﺷﻨﻄﺘﻬﺎ ...
" ﻣﻮﺍﻓﻖ "..
ﺷﺒﺤﺘﻠﻪ ﻭﺍﺑﺘﺴﻤﺖ ﺑﻔﺮﺡ .. ﻭﻫﻮ ﺍﺑﺘﺴﻢ ﻹﺑﺘﺴﺎﻣﺘﻬﺎ ﺍﻟﻠﻲ ﻛﺎﻧﺖ ﺣﻠﻮﺓ ﻫﻠﺒﻪ ..
ﺣﻨﺎﻥ : ﺗﻤﺎﻡ ... ﺇﻥ ﺷﺎﺀ ﺍﻟﻠﻪ ﻧﻜﻮﻥ ﻋﻨﺪ ﺣﺴﻦ ﺍﻟﻈﻦ ..
ﻣﻌﺎﻭﻳﻪ ﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻃﻖ ﺍﻟﺒﺎﺏ ... ﺍﻟﻠﻲ ﺧﻠﻒ ﻣﻜﺘﺐ ﻣﻌﺎﻭﻳﻪ ..
ﻣﻌﺎﻭﻳﻪ : ﺧﺶ ..
ﺧﺶ ﺍﻳﻤﻦ ﻭﺍﺗﻔﺎﺟﺄ ﺑﺸﻮﻓﺔ ﺣﻨﺎﻥ ﻭﺗﻠﻘﺎﺋﻴﺎ ﻗﺎﻝ : ﺗﻮﻟﻴﺐ
ﻣﻌﺎﻭﻳﻪ ﺷﺒﺤﻠﻪ ﺑﺤﺪﻩ ..
ﺍﻳﻤﻦ ﺑﻀﺤﻜﻪ : ﻗﺼﺪﻱ .. ﺍﻫﻼ ﻭﻣﺮﺣﺒﺘﻴﻦ ﻣﺮﺣﺒﺎ ..
ﻣﻌﺎﻭﻳﻪ ﺑﺤﺪﻩ : ﺃﻳﻤﻦ ..
ﺃﻳﻤﻦ : ﺍﺳﻒ ... ﺑﺲ ﺣﻀﻮﺭﻫﺎ ﻳﻠﺨﺒﻂ ..
ﺣﻨﺎﻥ ﺍﻧﺤﺮﺟﺖ ...
ﻣﻌﺎﻭﻳﻪ : ﺃﻳﻤﻦ .. ﺧﻠﻴﻚ ﺟﺪﻱ ... ﻫﺎﺩﻱ ﺍﻟﻤﻬﻨﺪﺳﻪ ﺍﻟﻠﻲ ﺣﺘﻜﻮﻥ ﻣﺴﺆﻭﻟﻪ ﻉ ﻣﺸﺮﻭﻉ ﺍﻟﻤﻨﺘﺠﻊ ..
ﺍﻳﻤﻦ ﺑﻔﺮﺡ : ﺍﻟﻠﻪ ﺍﻛﺒﺮ ..
ﻣﻌﺎﻭﻳﻪ ﻓﻨﺺ ﻓﻴﻪ .. ﻭﺣﻨﺎﻥ ﺍﺑﺘﺴﻤﺖ ...
ﺍﻳﻤﻦ ﺑﻀﺤﻜﻪ : ﺳﻌﻴﺪ ﺟﺪﺍ ﺑﻮﺟﻮﺩ ﺣﻀﺮﺗﻚ ﻣﻌﺎﻧﺎ ..
ﻣﻌﺎﻭﻳﻪ ﺭﻗﻴﺘﻠﻪ ﺭﺳﻤﻲ : ﺑﺎﺵ ﻣﻬﻨﺪﺳﻪ ﺑﻤﺎ ﺇﻥ ﺍﺗﻔﻘﻨﺎ ﺍﻟﻴﻮﻡ .. ﻏﺪﻭﺓ ﺣﺘﻤﺸﻲ ﺗﺸﻮﻓﻲ ﺍﻟﻤﻨﻄﻘﻪ ﺍﻟﻠﻲ ﺣﻴﺘﻨﻔﺪ ﻓﻴﻬﺎ ﺍﻟﻤﺸﺮﻭﻉ ﻻﺯﻡ ﺗﺠﻲ ﺑﻜﺮﻱ ..
ﺣﻨﺎﻥ ﻧﺎﺿﺖ : ﺇﻥ ﺷﺎﺀ ﺍﻟﻠﻪ .. ﺧﺪﺕ ﺷﻨﻄﺘﻬﺎ ... ﺍﻟﺴﻼﻡ ﻋﻠﻴﻜﻢ ...
ﻣﻌﺎﻭﻳﻪ : ﻭﻋﻠﻴﻜﻢ ﺍﻟﺴﻼﻡ ..
ﻟﻔﺖ ﺣﻨﺎﻥ ﻭﺗﻮﺟﻬﺖ ﻟﻠﺒﺎﺏ ﻭﺍﻟﺰﻭﺯ ﻋﻴﻮﻧﻬﻢ ﻋﻠﻴﻬﺎ ﻟﻴﻦ ﻃﻠﻌﺖ ...
ﺍﻟﺰﻭﺯ ﺗﻨﻬﺪﻭﺍ ....
ﻣﻌﺎﻭﻳﻪ ﺷﺒﺢ ﻷﻳﻤﻦ ﺍﻟﻠﻲ ﻗﺎﻋﺪ ﻫﺎﻳﻢ ﻓﻲ ﺍﻟﺒﺎﺏ ﻭﺑﻌﺼﺒﻴﻪ : ﺍﻳﻤﻦ .. ﺷﻨﻮ ﺍﻟﺤﺮﻛﺎﺕ ﻫﺎﺩﻱ ﻭﺍﻟﻜﻼﻡ ﺍﻟﻔﺎﺿﻲ ﺍﻟﻠﻲ ﻛﻨﺖ ﺗﻘﻮﻝ ﻓﻴﻪ !! ﻣﺎﺗﻨﺴﺎﺵ ﺍﻧﻚ ﻣﺪﻳﺮ ﻣﻜﺘﺒﻲ ..
ﺍﻳﻤﻦ : ﺍﺳﻒ ﺟﺪﺍ .. ﻋﻨﺪﻙ ﺣﻖ .. ﺑﺲ ﻋﺎﺭﻓﻨﻲ ﻣﺮﺍﺕ ﻧﻔﻘﺪ ﺍﻟﻜﻨﺘﺮﻭﻝ ..
ﻣﻌﺎﻭﻳﻪ : ﺣﺎﻭﻝ ﻣﺎﺗﻔﻘﺪﺍﺵ ﻣﺮﻩ ﺗﺎﻧﻴﻪ .. ﺑﺶ ﺣﺘﻰ ﺍﻧﻲ ﻣﺎﻧﻔﻘﺪﺍﺵ .. ﻭﻧﺪﻳﺮ ﺗﺼﺮﻑ ﻳﻔﺎﺟﺌﻚ ..
ﺍﻳﻤﻦ ﺧﺎﻑ : ﺣﺎﺿﺮ ..
***
ﻓﻲ ﻧﻔﺲ ﺍﻟﻮﻗﺖ ..
ﻭﺻﻞ ﻧﻀﺎﻝ ﺑﺎﻟﺒﻨﺎﺕ ﻟﺤﻮﺵ ﻳﺎﺭﺍ ﺑﻌﺪ ﻓﻄﺮﻫﻢ ﺑﺮﺍ ﻭﺣﺎﻭﻝ ﻳﺮﻃﺐ ﺍﻟﺠﻮ ..
ﻟﺒﻨﻰ ﺗﻘﻮﻝ ﺭﺍﻓﻌﻴﻨﻬﺎ ﻟﺠﻬﻨﻢ ... ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﻻﺑﺴﻪ ﻭﺟﻬﻬﺎ ﺑﺎﻟﻤﻘﻠﻮﺏ ﺯﻱ ﻣﺎﻳﻘﻮﻟﻮﺍ ...
ﺑﻮﻫﺎ ﻗﺪﻡ ﻟﻠﺒﺎﺏ ﻭﻓﺘﺤﻪ ﻭﺧﺶ ﻭﺧﺸﻮﺍ ﻭﺭﺍﻩ ...
ﻧﻀﺎﻝ : ﻳﺎﺭﺍﺍﺍ ..
ﻟﺒﻨﻰ " ﻋﻄﻴﻬﺎ ﻏﺒﺎﺭﺓ "...
ﺟﺖ ﻳﺎﺭﺍ ﻭﻛﺎﻧﺖ ﻻﺑﺴﻪ ﺑﻠﻮﺯﺓ ﺑﻴﻀﺎ ﻭﺳﺮﻭﺍﻝ ﺃﺳﻮﺩ .. ﺍﺑﺘﺴﻤﺖ ﻭﺳﻠﻤﺖ ﻉ ﺭﻫﻒ ... ﻭﻟﻤﺎ ﺟﺖ ﺑﺘﺴﻠﻢ ﻉ ﻟﺒﻨﻰ ..
ﻳﺎﺭﺍ ﺑﺈﺑﺘﺴﺎﻣﻪ : ﻟﺒﻨﻰ ... ﻭﻣﺪﺕ ﻳﺪﻫﺎ ..
ﻟﺒﻨﻰ : ﺍﻫﻼ ﻭﺧﺸﺖ ﻭﺧﻠﺘﻬﺎ ﻣﺎﺩﻩ ﻳﺪﻫﺎ ...
ﻧﻀﺎﻝ ﻭﺭﻫﻒ ﺍﻧﺼﺪﻣﻮﺍ ... ﻫﻲ ﺍﻟﺘﻔﺘﺖ ﻭﺷﺒﺤﺖ ﻟﻨﻀﺎﻝ ﻭﻧﻀﺎﻝ ﻏﻤﺾ ﻋﻴﻮﻧﻪ ﻭﻓﺘﺤﺘﻬﻢ ﻭﺍﺑﺘﺴﻢ ﺑﻤﻌﻨﻰ ﻣﻌﻠﻴﺸﻲ ..
ﻫﻲ ﺍﺑﺘﺴﻤﺖ ﻭﻣﺸﺘﻬﺎ ... ﻗﻌﻤﺰﻭﺍ ﻣﻊ ﺑﻌﺾ ...
ﻳﺎﺭﺍ : ﻫﺎﻩ ﺭﻫﻒ .. ﺍﻣﺘﺤﺎﻧﺎﺗﻚ ﺗﻤﺎﻡ ..
ﺭﻫﻒ : ﺍﻳﻪ ﺍﻟﺤﻤﺪ ﻟﻠﻪ ..
ﻳﺎﺭﺍ : ﻭﺍﻧﺘﻲ ﻟﺒﻨﻰ؟
ﻟﺒﻨﻰ : ﺑﺎﺑﺎ ﺍﻟﺴﺎﻋﻪ ﻛﻢ ﺑﺎﻟﺰﺑﻂ ﺍﻟﺮﺣﻠﻪ ﻏﺪﻭﺓ ...
ﻳﺎﺭﺍ :
ﻧﻀﺎﻝ : ﺍﺣﻤﻢ .. ﺍﻟﺴﺎﻋﻪ 10...
ﻟﺒﻨﻰ : ﺍﻫﺎ ..
ﻳﺎﺭﺍ ﻧﺎﺿﺖ ﻭﺑﺈﺑﺘﺴﺎﻣﻪ : ﺧﻞ ﻧﺸﻮﻑ ﺍﻟﻐﺪﻱ ...
ﻧﻀﺎﻝ ﺑﻀﺤﻜﻪ : ﺇﻳﺎﺍﺍﺍﻩ ﻛﺒﻴﺮﻩ ﻳﺎﺭﺍ ﻃﻴﺒﺖ ..
ﻟﺒﻨﻰ ﺑﺘﻬﻜﻢ : ﻋﻼﺵ ﺍﻧﺖ ﺍﻟﻠﻲ ﻛﻨﺖ ﺍﻃﻴﺐ ﺑﺎﺑﺎ ..
ﺭﻫﻒ : ﻟﺒﻨﻰ ؟ !!
ﻳﺎﺭﺍ : ﺍﺣﻤﻢ ... ﺇﻥ ﺷﺎﺀ ﺍﻟﻠﻪ ﻳﻌﺠﺒﻜﻢ .. ﻭﻣﺸﺖ ﻟﻠﻜﻮﺟﻴﻨﻪ ﻭﻧﻀﺎﻝ ﻧﺎﺽ ﻭﺭﺍﻫﺎ ..
ﺭﻫﻒ : ﻣﺶ ﻫﻜﻲ ﻟﺒﻨﻰ ﻋﻴﺐ ..
ﻟﺒﻨﻰ : ﻉ ﺍﺳﺎﺱ ﻫﻲ ﺗﻌﺮﻑ ﺍﻟﻌﻴﺐ ﻟﻤﺎ ﺗﺎﺧﺪ ﺭﺍﺟﻞ ﻣﻦ ﻣﺮﺗﻪ ﻭﺻﻐﺎﺭﻩ ..
ﺭﻫﻒ : ﻟﻮ ﺗﻌﺮﻑ ﻣﺎﻣﺎ ﺣﺘﺰﻋﻞ ﻣﻨﻚ ﻳﺎﻟﺒﻨﻰ ﻭﺍﻧﺘﻲ ﺗﻌﺮﻓﻲ ﺯﻋﻠﻬﺎ ...
ﻟﺒﻨﻰ ﺳﻜﺘﺖ ﻭﺩﺍﺭﺕ ﺭﻭﺣﻬﺎ ﻻﻫﻴﻪ ﺑﺘﻠﻴﻔﻮﻧﻬﺎ ..
ﻓﻲ ﺍﻟﻜﻮﺟﻴﻨﻪ ..
ﻧﻀﺎﻝ : ﻛﻨﺖ ﻋﺎﺭﻑ ﺍﻥ ﻫﻜﻲ ﺑﻴﺼﻴﺮ .. ﻭﺍﻛﻴﺪ ﺣﺘﻰ ﺇﻧﺘﻲ ..
ﻳﺎﺭﺍ ﺑﺈﺑﺘﺴﺎﻣﻪ : ﻣﺶ ﺯﻋﻼﻧﻪ ﻣﻨﻬﺎ ﻃﺒﻴﻌﻲ ﻭﻋﻨﺪﻫﺎ ﺍﻟﺤﻖ ﻓﻲ ﺍﻟﻠﻲ ﺩﻳﺮ ﻓﻴﻪ ..
ﻧﻀﺎﻝ ﺑﺎﺳﻬﺎ ﻣﻦ ﺧﺪﻫﺎ : ﻳﺴﻠﻤﻠﻲ ﺍﻟﻌﺎﻗﻞ .. ﺿﺤﻜﺖ ﻳﺎﺭﺍ ..
ﻧﻀﺎﻝ : ﺩﻳﺮﻱ ﻓﻲ ﺑﻴﺸﺎﻣﻴﻞ ..
ﻳﺎﺭﺍ : ﺍﻳﻪ ..
ﻧﻀﺎﻝ ﺑﺎﺳﻬﺎ ﻣﺮﺓ ﺗﺎﻧﻴﻪ .. ﻭﻃﻠﻊ ..
ﻭﻫﻲ ﺗﻨﻬﺪﺕ ﻭﺗﻜﻤﻞ ﻓﻲ ﺷﻐﻠﻬﺎ ...
ﻓﺎﺕ ﺍﻟﻮﻗﺖ ﻭﺁﺫﻥ ﺍﻟﻈﻬﺮ .. ﻳﺎﺭﺍ ﻣﻘﻌﻤﺰﺓ ﻉ ﺍﻟﺘﻠﻔﺰﻳﻮﻥ ﻭﺍﻟﺒﻨﺎﺕ ﻳﺼﻠﻮﺍ ... ﻧﺎﺿﺖ ﻳﺎﺭﺍ ﻭﻣﺸﺖ ﻟﺪﺍﺭ ﺩﺧﻼﻧﻴﻪ ﺗﺸﻮﻑ ﻓﻲ ﺍﻟﺒﻨﺎﺕ ﻛﻴﻒ ﻳﺼﻠﻮﺍ ﻓﻴﻬﺎ ... ﺣﺴﺖ ﺑﺸﻲ ﻣﻦ ﺍﻟﺤﺴﺪ .. ﺍﻭﺍﻟﻐﻴﺮﻩ .. ﻭﺗﻤﻨﺖ ﻟﻮ ﻛﺎﻧﺖ ﻣﻜﺎﻧﻬﻢ ﻭﺗﺮﺑﺖ ﻓﻲ ﺑﻴﺌﺔ ﻧﻈﻴﻔﻪ ﻭﺻﺎﻟﺤﻪ ..
ﻭﻟﺖ ﻟﻤﻜﺎﻧﻬﺎ ﻭﻗﻌﻤﺰﺕ ﺗﺴﺘﻨﻰ ﺍﻣﺘﻰ ﻳﺮﻭﺡ ﻧﻀﺎﻝ ﻣﻦ ﺍﻟﺠﺎﻣﻊ ﻭﻣﻌﺎﻩ ﺟﺒﺮ ...
***
ﻣﻘﻌﻤﺰﺓ ﻣﻊ ﺻﺎﺣﺒﺘﻬﺎ ﻳﺘﻐﺪﻭﺍ ..
ﻧﻴﺮﻭﺯ : ﺣﻄﺘﻴﻠﻬﺎ ﻗﺮﺷﻴﻦ ﺗﺤﺘﻬﺎ ﺑﺶ ﻗﻨﻌﺎﺗﻪ ..
ﺣﻨﺎﻥ : ﺭﺑﻲ ﻳﻬﺪﻳﻬﺎ ﻣﺮﺕ ﺧﻮﻙ ﻫﺎﺩﻱ .. ﻭﻳﺨﻠﺼﻚ ﺍﻧﺘﻲ ﻣﻦ ﺍﻟﻌﻴﺸﻪ ﻣﻌﺎﻫﻢ ..
ﻧﻴﺮﻭﺯ ﺗﻨﻬﺪﺕ : ﺇﻥ ﺷﺎﺀ ﺍﻟﻠﻪ ..
ﺣﻨﺎﻥ ﺗﺎﻛﻞ ﻭﺗﻔﻜﺮ ..
ﻧﻴﺮﻭﺯ : ﺧﻴﺮﻙ ﺣﻨﻮﻥ ..
ﺣﻨﺎﻥ : ﻣﺶ ﻣﺘﻌﻮﺩﻩ ﻳﻐﻴﺒﻮﺍ ﻋﻠﻴﺎ ﻫﻜﻲ .. ﺣﺎﺳﻪ ﺑﺸﻌﻮﺭ ﺧﻴﻴﻲ ﻫﻠﺒﻪ ..
ﻧﻴﺮﻭﺯ : ﺗﻌﻮﺩﻱ ﻣﻦ ﺗﻮﺍ .. ﺳﻴﻮﺭﻩ ﻳﺠﻴﻬﻢ ﻧﺼﻴﺒﻬﻢ ﻭﻛﻞ ﻭﺣﺪﻩ ﺗﻤﺸﻲ ﻓﻲ ﺣﺎﻟﻬﺎ ..
ﺣﻨﺎﻥ : ﺍﺳﺘﻐﻔﺮﺍﻟﻠﻪ ... ﺗﻮﺍ ﺑﺲ ﺣﺴﻴﺖ ﺑﺤﺎﺟﻪ ﺯﻱ ﻫﺎﺩﻱ .. ﻣﺶ ﻋﺎﺭﻓﻪ ﻛﻴﻒ ﺑﻨﺘﺤﻤﻞ ...
ﻧﻴﺮﻭﺯ ﺑﻀﺤﻜﻪ : ﺍﻳﺎﺍﻩ .. ﻋﺎﺩ ﻳﺎﻣﻦ ﻋﺎﺵ .. ﻓﻜﻴﻨﺎ ﻣﻦ ﺍﻟﻨﻜﺪ ... ﺍﺳﺒﻮﻉ ﺑﺤﺎﻟﻪ ﺣﻨﺨﻠﻴﻚ ﺗﻤﻮﺗﻲ ﻣﻦ ﺍﻟﻀﺤﻚ ..
ﺷﺒﺤﺖ ﺣﻨﺎﻥ ﻟﻜﺮﻭﺳﺔ ﻣﺤﻤﺪ : ﻭﻫﺬﺍ ﺣﻴﺨﻠﻴﻚ ﺍﺳﺒﻮﻉ ﻛﺎﻣﻞ ﻣﻦ ﻏﻴﺮ ﻧﻮﻡ ..
ﻧﻴﺮﻭﺯ : ﺣﻼﺗﻪ ﺍﻟﻌﺴﻞ ﻳﻤﻮﻥ ...
***
ﻭﺍﻗﻒ ﻓﻲ ﺭﻭﺷﻦ ﻣﻜﺘﺒﻪ ﻭﻳﻔﻜﺮ .. ﻣﺎﺭﺍﺣﺘﺶ ﻣﻦ ﺑﺎﻟﻪ ﻭﻻﻟﺤﻈﻪ ﻳﻔﻜﺮ ﻓﻴﻬﺎ ﻭﺑﺲ ... ﺭﻥ ﺗﻠﻴﻔﻮﻧﻪ .. ﺭﺩ ..
ﻣﻌﺎﻭﻳﻪ : ﺍﻳﻮﻩ ﻣﻬﺎ ..
ﻣﻬﺎ : ﺑﺎﺑﺎ ﺍﻣﺘﻰ ﻣﺮﻭﺡ ..
ﻣﻌﺎﻭﻳﻪ : ﺳﺎﻋﻪ ﺗﺎﻧﻴﻪ ..
ﻣﻬﺎ : ﺑﺎﻫﻲ ﺍﻧﻲ ﺑﻨﻤﺸﻲ ﻧﺴﻠﻢ ﻉ ﺧﺎﻟﺘﻲ ﺣﻨﺎﻥ ﻗﺒﻞ ﻧﺴﺎﻓﺮ ﻏﺪﻭﻩ ..
ﻣﻌﺎﻭﻳﻪ : ﺗﻤﺎﻡ ... ﺑﺮﻱ
ﻣﻬﺎ : ﺍﻭﻛﻲ .. ﺑﺎﻱ ...
ﻣﻌﺎﻭﻳﻪ : ﺑﺎﻱ ... ﻭﺻﻜﺮ ..." ﺷﻦ ﺻﺎﻳﺮﻟﻲ ﺑﺲ .. ﺧﻴﺮﻧﻲ ﻣﺶ ﻗﺎﺩﺭ ﻧﺤﻮﻟﻬﺎ ﻣﻦ ﺭﺍﺳﻲ ﻭﺧﺎﻃﺮﻱ ﻧﺸﻮﻓﻬﺎ ﻓﻜﻞ ﻭﻗﺖ !! ؟ "
ﺧﺶ ﻋﻠﻴﻪ ﺃﻳﻤﻦ :Boss ﻭﺻﻠﺖ ﻓﻲ ﺁﻣﻨﻪ ﺧﻠﻴﻞ ...
ﻣﻌﺎﻭﻳﻪ : ﺍﻳﻪ ؟
ﺍﻳﻤﻦ : ﻓﺮﺣﺖ ﻫﻠﺒﻪ .. ﻗﻠﺘﻠﻬﺎ ﻣﻦ ﻏﺪﻭﺓ ﺗﺒﺪﺍ ﺍﺩﺍﻭﻡ .. ﻓﺮﺣﺖ ﻭﻗﺎﻟﺖ ﺍﻧﻬﺎ ﺑﺘﺠﻲ ﻏﺪﻭﺓ ..
ﻣﻌﺎﻭﻳﻪ : ﻛﻮﻳﺲ ..
ﺍﻳﻤﻦ : ﻣﻤﻜﻦ ﺳﺆﺍﻝ ..
ﻣﻌﺎﻭﻳﻪ : ﻻ ..
ﺍﻳﻤﻦ ﺑﻀﺤﻜﻪ : ﻭﺻﻠﺘﻨﻲ ﺍﻹﺟﺎﺑﻪ .. ﻭﺧﺶ ﻟﻤﻜﺘﺒﻪ ..
ﻭﻣﻌﺎﻭﻳﻪ ﺍﺑﺘﺴﻢ ...
***
ﺑﻌﺪ ﺭﻭﺡ ﻧﻀﺎﻝ ﺣﻄﺖ ﻳﺎﺭﺍ ﺍﻟﻐﺪﻱ ...
ﻭﻟﺒﻨﻰ ﻣﻘﻌﻤﺰﺓ ﻉ ﺍﻟﻄﺎﻭﻟﻪ ﻭﺗﺸﺒﺢ ﺑﻘﺮﻑ ..
ﺑﺪﻭﺍ ﻳﺎﻛﻠﻮﺍ ... ﻫﻮ ﻣﺶ ﻫﺬﺍﻛﺎ ﺍﻟﺸﻲ .. ﺑﺲ ﻧﻀﺎﻝ ﻭﺭﻫﻒ ﺟﺎﻣﻠﻮﻫﺎ ﻭﻗﻌﺪﻭﺍ ﻳﺎﻛﻠﻮﺍ ..
ﻳﺎﺭﺍ ﺗﺸﺒﺢ ﻟﻠﺒﻨﻰ : ﻟﺒﻨﻰ ﺣﺒﻴﺒﺘﻲ ﻛﻮﻟﻲ ﺩﺭﺗﻪ ﻉ ﺧﺎﻃﺮﻙ ...
ﻟﺒﻨﻰ : ﻭﻣﻦ ﻗﺎﻝ ﻧﺤﺒﻪ ..
ﻳﺎﺭﺍ ﺷﺒﺤﺖ ﻟﻨﻀﺎﻝ ﺍﻟﻠﻲ ﻳﺸﺒﺢ ﻟﻠﺒﻨﻰ : ﺑﺎﺑﺎ ﻗﺎﻝ ..
ﻟﺒﻨﻰ ﺷﺒﺤﺖ ﻟﺒﻮﻫﺎ : ﺍﻳﻪ ﻧﺤﺐ ﺍﻟﻠﻲ ﺩﻳﺮ ﻓﻴﻪ ﺃﻣﻲ .. ﺑﺴﺴﺲ ..
ﻳﺎﺭﺍ : ﺍﻫﺎ .. ﺗﻤﺎﻡ ..
ﻟﺒﻨﻰ ﻧﺎﺿﺖ ﻣﻦ ﺣﺪﺍﻫﻢ ﻭﺧﺸﺖ ﻟﻠﺪﺍﺭ ﺍﻟﻠﻲ ﺑﻴﻘﻌﺪﻭﺍ ﻓﻴﻬﺎ ﺍﻟﻴﻮﻡ ..
ﺭﻫﻒ ﻭﻻ ﻛﻠﻤﻪ ..
ﻧﻀﺎﻝ : ﻣﻌﻠﻴﺸﻲ ﻗﺎﻋﺪﻩ ﺻﻐﻴﺮﻩ ..
ﻳﺎﺭﺍ ﺍﺑﺘﺴﻤﺖ ﺑﺎﻟﻐﺼﺐ ﻭﻗﻌﺪﺕ ﺗﺎﻛﻞ ﻭﺗﻮﻛﻞ ﻓﻮﻟﺪﻫﺎ ...
ﻃﺒﻌﺎ ﻟﺒﻨﻰ ﻣﺎﺑﺘﺶ ﺗﻄﻠﻊ ﻣﻦ ﺍﻟﺪﺍﺭ ... ﻭﺭﻫﻒ ﺗﺘﻌﺎﻣﻞ ﻣﻊ ﻳﺎﺭﺍ ﺑﺴﻄﺤﻴﻪ ... ﻭﻳﺎﺭﺍ ﻓﺸﻠﺖ ﻓﻲ ﺍﻟﻠﻲ ﻛﺎﻧﺖ ﺗﺒﻲ ﺗﻮﺻﻠﻪ .. ﻭﻣﻌﺎﺵ ﺟﺮﺑﺖ ﻣﻌﺎﻫﻢ ﻣﺮﺓ ﺗﺎﻧﻴﻪ ..
***
ﺍﻟﻌﺸﻴﻪ
ﺣﻨﺎﻥ ﺗﺨﺪﻡ ﻉ ﺍﻟﻼﺏ ... ﻭﺣﺪﺍﻫﺎ ﻣﺤﻤﺪ
ﻭﻧﻴﺮﻭﺯ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ .. ﺭﻥ ﺍﻟﺠﺮﺱ ...
ﺣﻨﺎﻥ : ﺯﻋﻤﻪ ﻣﻨﻮ ..
ﻧﻴﺮﻭﺯ : ﺑﺎﻟﻚ ﺍﺳﺎﻣﻪ ..
ﺣﻨﺎﻥ : ﻻ ﺍﺳﺎﻣﻪ ﻣﺶ ﻓﻄﺮﺍﺑﻠﺲ ﺍﻟﻴﻮﻡ ... ﻧﺎﺿﺖ ﻭﺗﻮﺟﻬﺖ ﻟﻠﺒﺎﺏ ﻓﺘﺤﺎﺗﻪ ﻭﺷﻬﻘﺖ ﺑﺼﻮﺕ ﻋﺎﺍﺍﻟﻲ ...
: ﻫﻬﻬﻬﻬﻬﻬﻬﻬﻬﻬﻬﻪ ...
ﺣﻨﺎﻥ ﻋﻴﻮﻧﻬﺎ ﺩﻣﻌﻮﺍ : ﻳﺎﺍﺍﺭﺑﻲ ﻣﺶ ﻣﺼﺪﻗﻪ ..
: ﻫﻬﻬﻬﻬﻬﻬﻪ .. ﺑﺎﻩ ﻛﻴﻒ ﺑﻨﻘﻌﺪ ﻉ ﺍﻟﺒﺎﺏ ﻟﻴﻦ ﺗﺼﺪﻗﻲ ..
ﺣﻨﺎﻥ ﺑﻀﺤﻜﻪ : ﺗﻌﺎﻟﻰ ﻳﺎﻣﻌﻔﻦ .. ﻭﺣﻀﻨﺎﺗﻪ ﻭﻫﻮ ﺣﻀﻨﻬﺎ ..
ﻧﻴﺮﻭﺯ ﺟﺘﻬﻢ ﻭﺿﺤﻜﺖ : ﺭﺿﺎﺍﺍﺍ ...
ﺩﺧﻼﺗﻪ ﺣﻨﺎﻥ : ﺧﺰﺯﺯﻱ ﻋﻠﻴﻚ ﺧﺰﺯﺯﻱ .. ﻻﺗﺴﺄﻝ ﻻﺩﻭﺭ ﻧﺴﻴﺘﻨﻲ ﻣﺮﻩ ﻭﺣﺪﻩ ...
ﺭﺿﺎ : ﻛﺎﻥ ﻧﺴﻴﺘﻚ ﻋﻼﺵ ﺟﻴﺖ ..
ﺣﻨﺎﻥ : ﺧﺪﺍﺗﻚ ﺍﻟﻤﺎﻧﻴﺎ ... ﻗﺒﻞ ﺗﺠﻴﻨﻲ ﺯﻳﺎﺭﻩ ﻓﻲ ﺍﻟﻌﺎﻡ ﻣﺮﺓ .. ﺗﻮﺍ ﻟﻴﻚ ﻓﻮﻕ 4 ﺳﻨﻴﻦ ﻣﺎﺟﻴﺘﻴﺶ ﻭﺍﺧﺮ ﻣﺮﺓ ﻛﻠﻤﺘﻨﻲ ﻓﻴﻬﺎ ﻣﻦ 8 ﺷﻬﻮﺭ ..
ﺭﺿﺎ : ﺣﺎﺳﺒﺘﻴﻬﻢ ..
ﻧﻴﺮﻭﺯ ﺑﻀﺤﻜﻪ : ﻏﻴﺮ ﺧﻠﻴﻪ ﻳﺮﺗﺎﺡ ...
ﺭﺿﺎ : ﺍﻫﻮ ﺍﻟﻨﺎﺱ ﺍﻟﻠﻲ ﺗﻔﻬﻢ ..
ﺣﻨﺎﻥ ﺿﺮﺑﺎﺗﻪ ﻉ ﻛﺘﻔﻪ : ﻭﻃﻠﻌﺖ ﻣﺎﻧﻔﻬﻤﺶ !!
ﺭﺿﺎ ﻭﻧﻴﺮﻭﺯ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
" ﻃﺒﻌﺎ ﺳﺒﻖ ﻭﻗﻠﺖ ﺍﻥ ﺣﻨﺎﻥ ﻋﻨﺪﻫﺎ ﺍﺥ ﻭﺍﺣﺪ .. ﻭﻫﻮ ﺭﺿﺎ ... ﻣﻮﺍﻟﻴﺪ 89 .. ﻋﺒﻘﺮﻱ ﻛﻤﺒﻴﻮﺗﺮ ﻋﻨﺪﻩ ﺷﺮﻛﻪ ﺑﺮﻣﺠﻴﺎﺕ ﻓﻲ ﺃﻟﻤﺎﻧﻴﺎ .. ﺑﺮﻏﻢ ﺳﻨﻪ ﺍﻟﺼﻐﻴﺮ ﺇﻻ ﺍﻧﻪ ﻧﺠﺢ ﺑﺴﺮﻋﻪ .. ﺑﻌﺪ ﻭﻓﺎﺓ ﺑﻮﻩ ﻭﺍﻣﻪ ﻓﻀﻞ ﻳﻘﻌﺪ ﻓﻲ ﺃﻟﻤﺎﻧﻴﺎ ﻭﻳﻜﻤﻞ ﺣﻴﺎﺗﻪ ﻓﻴﻬﺎ ﻭﻳﺠﻲ ﺯﻳﺎﺭﺍﺕ ﺑﺲ ﺍﻟﻤﺪﻩ ﺍﻻﺧﻴﺮﻩ ﺍﻧﻘﻄﻊ ﻋﻦ ﺍﻟﺰﻳﺎﺭﺍﺕ ﺑﺴﺒﺐ ﺍﻧﺸﻐﺎﻻﺗﻪ "..
ﺭﺿﺎ : ﻭﻳﻦ ﺭﻫﻒ ﻭﻟﺒﻨﻲ ..
ﺣﻨﺎﻥ ﻭﺟﻬﻬﺎ ﺗﻐﻴﺮ ﺑﺲ ﺣﺎﻭﻟﺖ ﺗﺨﻔﻲ ﺑﺎﻹﺑﺘﺴﺎﻣﻪ : ﻋﻄﻠﺔ ﻧﺺ ﺍﻟﺴﻨﻪ ﺑﺪﺕ ﻭﺳﺎﻓﺮﻭﺍ ﻣﻊ ﺑﻮﻫﻢ ..
ﺭﺿﺎ : ﻭﻋﻼﺵ ﺍﻧﺘﻲ ﻣﺶ ﻣﻌﺎﻫﻢ؟
ﺣﻨﺎﻥ ﺷﺒﺤﺖ ﻟﻨﻴﺮﻭﺯ ﺑﻌﺪﻳﻦ ﺷﺒﺤﺘﻠﻪ : ﻋﻨﺪﻱ ﺧﺪﻣﻪ ...
ﺭﺿﺎ ﺗﻔﺎﺟﺄ : ﻭﻟﻴﺘﻲ ﺗﺨﺪﻣﻲ !! ﻳﺎﻓﺮﺣﺔ ﻧﻀﺎﻝ .. ﺍﺳﺎﺳﺎ ﺍﻛﻴﺪ ﻫﻮ ﺍﻟﻠﻲ ﺍﻗﻨﻌﻚ ..
ﺣﻨﺎﻥ ﻣﻠﺨﺒﻄﻪ ﻫﻠﺒﻪ ﻣﺎﺣﺴﺒﺘﺶ ﺣﺴﺎﺏ ﻟﺤﺎﺟﻪ ﺯﻱ ﻫﺎﺩﻱ ﺑﻜﻞ ...
ﺭﻥ ﺍﻟﺠﺮﺱ ..
ﻧﻴﺮﻭﺯ : ﺗﻮ ﻧﻔﺘﺢ .. ﻧﺎﺿﺖ .. ﻭﺻﻠﺖ ﻓﻲ ﺍﻟﺒﺎﺏ ﻓﺘﺤﺎﺗﻪ ..
ﻧﻴﺮﻭﺯ : ﺍﻫﻼ ﻣﻬﺎ ..
ﻣﻬﺎ ﺑﺈﺑﺘﺴﺎﻣﻪ : ﻛﻴﻒ ﺣﺎﻟﻚ ﺧﺎﻟﺘﻲ ﻧﻴﺮﻭﺯ ...
ﻧﻴﺮﻭﺯ : ﺍﻟﺤﻤﺪ ﻟﻠﻪ ﺧﺸﻲ ﺣﺒﻴﺒﺘﻲ ...
ﺧﺸﺖ ﻣﻬﺎ ... ﻭﻧﻴﺮﻭﺯ ﺻﻜﺮﺕ ﺍﻟﺒﺎﺏ ﻭﻗﺎﻟﺖ : ﺗﻌﺎﻟﻲ ..
ﺧﺸﻮﺍ ﺍﻟﺰﻭﺯ ﻭﺻﻠﻮﺍ ﻓﻲ ﺣﻨﺎﻥ ﻭﺭﺿﺎ ...
ﻣﻬﺎ : ﺍﻟﺴﻼﻡ ﻋﻠﻴﻜﻢ ..
ﺭﺿﺎ ﺿﺮﺑﺎﺗﻪ ﺻﺎﻋﻘﻪ ﺣﻠﻮﺓ ﺧﺸﺖ ﻓﻮﺳﻂ ﻗﻠﺒﻪ ﻟﻤﺎ ﺷﺎﻓﻬﺎ ﺍﺑﺘﺴﻤﻠﻬﺎ ﻃﻮﻝ
ﻫﻲ ﻭﻟﺖ ﻋﻠﻴﻬﺎ ﻧﻔﺲ ﺍﻟﺼﺎﻋﻘﻪ ﻧﺎﺷﺖ ﻗﻠﺒﻬﺎ ﺗﺤﺸﻤﺖ ﻭﻭﻃﺖ ﺭﺍﺳﻬﺎ ﻭﻫﻲ ﺗﺒﺘﺴﻢ
" ﺭﺑﻲ ﻳﻌﻄﻴﻜﻢ ﺻﻮﺍﻋﻖ ﺯﻱ ﻫﺎﺩﻱ "
ﺣﻨﺎﻥ : ﻭﻋﻠﻴﻜﻢ ﺍﻟﺴﻼﻡ ﺣﺒﻴﺒﺘﻲ .. ﺗﻌﺎﻟﻲ ﻗﻌﻤﺰﻱ ﻣﺎﺗﺘﺤﺸﻤﻴﺶ ..
ﻫﺬﺍ ﺭﺿﺎ ﺧﻮﻱ ﺍﻟﺼﻐﻴﺮ .. ﺭﺿﺎ ﻫﺎﺩﻱ ﻣﻬﺎ ﺻﺪﻳﻘﺔ ﻟﺒﻨﻰ ﻭﺯﻱ ﻟﺒﻨﻰ ﻭﺭﻫﻒ ﻋﻨﺪﻱ ..
ﻣﻬﺎ ﺍﺑﺘﺴﻤﺖ ﻭﺷﺒﺤﺘﻠﻪ : ﻓﺮﺻﻪ ﺳﻌﻴﺪﻩ ..
ﺭﺿﺎ ﺑﺈﺑﺘﺴﺎﻣﻪ : ﺍﻧﻲ ﺍﺳﻌﺪ ..
ﻣﻬﺎ : ﺟﻴﺖ ﺑﻨﺴﻠﻢ ﻋﻠﻴﻚ .. ﻏﺪﻭﺓ ﺑﺈﺫﻥ ﺍﻟﻠﻪ ﻣﺴﺎﻓﺮﻩ ﻟﻠﺴﻌﻮﺩﻳﻪ ﺑﻨﺪﻳﺮﻩ ﻋﻤﺮﻩ ..
ﺣﻨﺎﻥ ﺑﻔﺮﺣﻪ : ﻣﺒﺎﺭﻙ ﺣﺒﻴﺒﺘﻲ .. ﺭﺑﻲ ﻳﺘﻘﺒﻞ ﻣﻨﻚ ﻳﺎﺍﺍﺭﺏ ..
ﻣﻬﺎ : ﺁﺍﺍﺍﻣﻴﻦ ...
ﻫﺪﺭﺯﻭﺍ ﻭﺭﺿﺎ ﻋﻴﻮﻧﻪ ﻣﺎﻧﺰﻟﻬﻮﻣﺶ ﻣﻦ ﻋﻠﻴﻬﺎ ﺣﻠﻮﺓ ﻭﺧﺠﻮﻟﻪ ﻭﻗﻠﻴﻞ ﻣﺎﻳﺸﻮﻑ ﺍﻟﺼﻔﺎﺕ ﻫﺎﺩﻱ ﻣﺠﺘﻤﻌﻪ ﻓﻲ ﺍﻟﻤﺮﺍﺓ ﺑﺴﺒﺐ ﺍﻟﻤﺠﺘﻤﻊ ﺍﻟﻠﻲ ﻋﺎﻳﺶ ﻓﻴﻪ ...
ﺑﻌﺪ ﺍﻟﻤﻐﺮﺏ
ﺳﻠﻤﺖ ﻋﻠﻴﻬﻢ ﻣﻬﺎ ﺑﺘﺮﻭﺡ ﻃﻠﻌﺖ ﺳﻘﺪﺗﻬﺎ ﺣﻨﺎﻥ ...
ﺣﻨﺎﻥ : ﺭﺩﻱ ﺑﺎﻟﻚ ﻉ ﺭﻭﺣﻚ .. ﻭﺍﺩﻋﻲ ﻟﺒﺎﺑﺎ ﻫﻠﺒﻪ ﺑﺎﻫﻲ ...
ﻣﻬﺎ ﺍﺑﺘﺴﻤﺖ : ﺑﺎﻩ ..
ﻣﻌﺎﻭﻳﻪ ﻛﺎﻥ ﻓﻲ ﺍﻟﺴﻴﺎﺭﻩ ﻭﻛﺎﻥ ﻃﻮﻝ ﻣﺎﻫﻮ ﻗﺎﻋﺪ ﻣﺘﻤﻨﻲ ﺗﻄﻠﻊ ﻭﻳﻠﻤﺤﻬﺎ ﻭﻓﻌﻼ ﻃﻠﻌﺖ ﻭﺷﺒﺤﻬﺎ ﻛﻴﻒ ﺗﺒﺘﺴﻢ ﻭﻫﻲ ﺗﻜﻠﻢ ﻓﻲ ﻣﻬﺎ .. ﻣﺶ ﻗﺎﺩﺭ ﻳﺴﻴﻄﺮ ﻉ ﺷﻌﻮﺭﻩ ﻭﻧﺒﺾ ﻗﻠﺒﻪ .. ﺍﻭﻝ ﻣﺮﺓ ﻳﻌﻴﺶ ﺍﻟﺤﺎﻟﻪ ﻫﺎﺩﻱ ﺑﺮﻏﻢ ﺍﻧﻬﺎ ﻣﺘﻌﺒﻪ ﺑﺲ ﺣﻠﻮﺓ .
ﺷﺎﻑ ﻣﻬﺎ ﺟﺎﻳﺎﺗﻪ ﺍﺿﺎﻳﻖ ﻹﻥ ﺣﻨﺎﻥ ﺣﺘﺨﺶ .. ﻭﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺻﻜﺮﺕ ﺍﻟﺒﺎﺏ ...
ﺭﻛﺒﺖ ﻣﻬﺎ : ﺑﺎﺑﺎ ..
ﻣﻌﺎﻭﻳﻪ : ﻣﻦ ﻗﺎﻋﺪ ﻣﻌﺎﻫﺎ ..
ﻣﻬﺎ : ﺧﺎﻟﺘﻲ ﺣﻨﺎﻥ؟ ! ﻗﺎﻋﺪﻩ ﻣﻌﺎﻫﺎ ﻧﻴﺮﻭﺯ ﺻﺎﺣﺒﺘﻬﺎ ﻭﺧﻮﻫﺎ ﺍﻭﻝ ﻣﺮﺓ ﻧﺸﻮﻓﻪ ﻋﻨﺪﻫﺎ ..
ﻣﻌﺎﻭﻳﻪ : ﻋﻨﺪﻫﺎ ﺧﻮﺕ؟
ﻣﻬﺎ : ﺍﻳﻪ ﻭﺍﺣﺪ ﺑﺲ ﻭﻋﺎﻳﺶ ﺑﺮﺍ .. ﺑﺲ ﺷﻜﻠﻪ ﺟﺎﻫﺎ ﺯﻳﺎﺭﻩ ..
ﻣﻌﺎﻭﻳﻪ : ﺍﻫﺎ ....
***
ﻓﻲ ﺍﻟﻠﻴﻞ ...
ﺭﻫﻒ ﺳﻬﺮﺍﻧﻪ ﻉ ﻗﺮﻭﺏ ﺍﻟﻔﺎﻳﺒﺮ ..
ﺭﻫﻒ ( ﺗﻮ ﻧﺼﻮﺭﻟﻜﻢ ﺑﺎﻟﺘﻜﻪ )
ﻟﺆﻱ ( ﻣﺎﻧﺒﻴﺶ ﺻﻮﺭ ﻧﺒﻲ ﻫﺪﺍﻳﺎ )
ﺗﻘﻮﻯ ( ﺟﻌﺎﻥ )
ﻟﺆﻱ ( ﻓﻮﺗﻴﻬﺎ ﺭﻫﻒ .. ﺍﻟﻤﻬﻢ ﺟﻴﺒﻠﻲ ﻣﻌﺎﻙ ﺣﺎﺟﻪ ﺇﻥ ﺷﺎﺀ ﺍﻟﻠﻪ ﺑﻴﺮﻭ ﺍﺯﺭﻕ ﺍﻟﻤﻬﻢ ﻫﺪﻳﻪ ﻣﻦ ﺑﺮﺍ )
ﺭﻫﻒ ( ﻫﻬﻬﻬﻬﻬﻬﻬﻬﻬﻪ )
ﺗﻘﻮﻯ ( ﺣﺸﻤﺘﻨﺎ )
ﻟﺆﻱ ( )
ﺭﻫﻒ ( (
ﺍﺳﻨﺎﻡ ﻛﺎﻥ ﻳﻘﺮﺍ ﻓﻲ ﺍﻟﻤﺤﺎﺩﺛﻪ ﻭﻳﻀﺤﻚ ﺧﺎﻃﺮﻩ ﻳﻜﻠﻤﻬﺎ .. ﻳﺒﻲ ﺣﺪ ﻳﺠﻴﺐ ﺳﻴﺮﺗﻪ ﺑﺶ ﻳﺨﺶ .. ﺩﺍﻳﺮ ﻓﻴﻬﺎ ﺟﻮ ﺍﻟﻤﻜﺎﺑﺮﻩ ..
ﺭﻫﻒ ( ﻭﻳﻦ ﺃﺳﻨﺎﻡ )
ﺍﺳﻨﺎﻡ ﻗﻠﺒﻪ ﻓﻲ 1000
ﻟﺆﻱ ( ﺍﺳﻨﺎﻡ ﻣﺶ ﻻﻫﻲ ﻋﻨﺪﻩ ﻣﺎﻳﺪﻳﺮ )
ﺍﺳﻨﺎﻡ " ﻫﺬﺍ ﺷﻨﻮ ﻳﻘﻮﻝ "..
ﺭﻫﻒ ( ﺷﻦ ﻋﻨﺪﻩ )
ﺗﻘﻮﻯ ( ﻣﺎﺳﻤﻌﺘﻴﺶ .. ﺍﻟﻴﻮﻡ ﻓﻀﺎﻧﻴﺘﻪ ﻉ ﻗﺮﻳﺒﺘﻪ ﺍﻟﻠﻲ ﻗﺎﻟﻚ ﻋﻠﻴﻬﺎ )
ﺭﻫﻒ ﻗﻠﺒﻬﺎ ﻭﺟﻌﻬﺎ ﻫﻠﺒﻪ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺃﺳﻨﺎﻡ " ﺷﻦ ﻳﻘﻄﻔﻮﺍ ﻫﺎﺩﻡ "..
ﺭﻫﻒ ( ﺍﻫﺎ ... ﺍﻟﻠﻪ ﻉ ﺍﻟﺪﻧﻴﺎ ﺑﺪﻳﺖ ﺍﻧﻲ ﺍﺧﺮ ﻣﻦ ﻳﻌﻠﻢ ﻓﺸﻲ ﻳﺨﺺ ﺍﺳﻨﺎﻡ .. ﻳﻼﺍ ﺭﺑﻲ ﻳﻬﻨﻴﻪ ﻭﺧﻼﺹ )
ﺍﺳﻨﺎﻡ ﺧﺶ ﻉ ﻟﺆﻱ ﻉ ﺍﻟﺨﺎﺹ ..
( ﺍﻧﺖ ﻳﺎﺯﻓﺖ )
ﻟﺆﻱ ﻳﺸﺒﺢ ﻓﻲ ﺍﻟﺮﺳﺎﻟﻪ ﻣﻦ ﺳﺘﺎﺭ ﺍﻟﺸﺎﺷﻪ ﻭﻳﻀﺤﻚ ﻣﺎﺑﺎﺵ ﻳﺮﺩ
ﺍﺳﻨﺎﻡ ( ﻣﺎﺗﺒﻴﺶ ﺗﺮﺩ .. ﺳﻴﻮﺭﻙ ﺗﺤﺼﻞ )
ﻣﺸﻲ ﻟﺘﻘﻮﻯ ﻉ ﺍﻟﺨﺎﺹ ..
ﺍﺳﻨﺎﻡ ( ﺗﻘﻮﻯ .. ﺷﻦ ﺍﻟﻘﻄﺎﻑ ﺍﻟﻠﻲ ﻛﺘﺒﺘﻴﻪ ﻫﺬﺍ )
ﺗﻘﻮﻯ ﻣﻊ ﻟﺆﻱ ﻉ ﺍﻟﺨﺎﺹ
( ﺧﺸﻠﻲ ﺣﺘﻰ ﺍﻧﻲ (
ﻟﺆﻱ ( ﻣﺎﺩﻭﺭﻳﺸﻲ .. ﺻﺎﺭ ﻗﺎﻟﻠﻬﺎ ﻭﺣﺪﻩ ﻣﻦ ﺍﻟﻌﻴﻠﻪ )
ﺗﻘﻮﻯ ( (
ﺭﻫﻒ ﺩﻣﻮﻋﻬﺎ ﻳﻨﺰﻟﻮﺍ .. ﻭﻣﺶ ﻣﺴﺘﻮﻋﺒﻪ ﺍﻟﻠﻲ ﻳﺼﻴﺮ ﻣﻌﺎﻫﺎ .. ﻣﻌﻘﻮﻟﻪ ﻃﻠﻌﺖ ﺗﺤﺒﻪ ﻭﻫﻲ ﻣﺶ ﺣﺎﺳﻪ ﺑﺮﻭﺣﻬﺎ ؟ !!
ﺧﺸﺖ ﻉ ﺍﻟﻘﺮﻭﺏ
( ﺗﻘﻮﻯ )
ﻻﺭﺩ
( ﻟﺆﻱ )
ﻻﺭﺩ
ﺃﺳﻨﺎﻡ ﻛﺎﻥ ﻳﺸﻮﻑ ﻓﻲ ﺭﺳﺎﺋﻠﻬﺎ ﻭﻗﺮﻳﺐ ﻳﻬﺒﻞ ﻳﺒﻲ ﻳﻜﻠﻤﻬﺎ .. ﺑﺲ ﻣﻠﻌﻮﻥ ﺍﺑﻮ ﺍﻟﻜﺒﺮﻳﺎﺀ ﻓﻲ ﺍﻟﺤﺐ ..
***
ﺣﻨﺎﻥ ﺗﻔﻜﺮ ﻓﻲ ﺑﻨﺎﺗﻬﺎ ﺯﻋﻤﻪ ﺷﻦ ﺩﺍﺭﻭ ﻣﻊ ﻣﺮﺕ ﺑﻮﻫﻢ ﻭﺑﺎﻟﺬﺍﺕ ﻟﺒﻨﻰ .. ﻭﻓﻨﻔﺲ ﺍﻟﻮﻗﺖ ﻗﻠﺒﻬﺎ ﻭﺍﻛﻠﻬﺎ ﻋﻠﻴﻬﻢ .. ﺍﻭﻝ ﻣﺮﺓ ﻳﺴﺎﻓﺮﻭﺍ ﻣﻦ ﻏﻴﺮﻫﺎ .. ﻓﻲ ﻣﻜﺎﻥ ﺍﺧﺮ ..
ﻗﺼﺮ ﻣﻌﺎﻭﻳﻪ ..
ﻣﺎﺟﺎﺷﻲ ﻧﻮﻡ .. ﻭﻫﺎﺩﻱ ﺍﺣﺪ ﺍﻫﻢ ﻋﻼﻣﺎﺕ ﻫﺬﺍﻛﺎ ﺍﻟﻤﺮﺽ ﺍﻟﻤﻔﻀﻞ ﻋﻨﺪ ﻛﻞ ﺍﻟﻨﺎﺱ .. ﻧﺰﻝ ﻟﻐﺮﻓﺘﻪ ﺍﻟﺨﺎﺻﻪ .. ﺧﺶ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﻗﺪﻡ ﺟﻬﺔ ﺍﻟﺒﻴﺎﻧﻮ .. ﻗﻌﻤﺰ ... ﺷﺒﺢ ﻓﻮﻕ ﻏﻤﺾ ﻋﻴﻮﻧﻪ ﺧﺪﻱ ﻧﻔﺲ .. ﻭﺣﻂ ﺍﻳﺪﻳﻪ ﻉ ﺍﻟﺒﻴﺎﻧﻮ .. ﻭﻧﺰﻝ ﺭﺍﺳﻪ .. ﻭﺑﺪﻱ ﻳﻌﺰﻑ
ﻣﻌﺎﻭﻳﻪ ﻣﺎﻳﻌﺰﻓﺶ ﻓﻲ ﻣﻘﻄﻮﻋﻪ ﻣﺸﻬﻮﺭﻩ ﺍﻭ ﻣﻌﺮﻭﻓﻪ .. ﻣﻌﺎﻭﻳﻪ ﻋﻨﺪﻩ ﻣﻮﻫﺒﻪ ﻏﺮﻳﺒﻪ ﻓﻲ ﻋﺰﻑ ﺍﻟﺒﻴﺎﻧﻮ .. ﻳﺄﻟﻒ ﻣﻘﻄﻮﻋﻪ ﻉ ﺣﺴﺐ ﺣﺎﻟﺘﻪ ﻭﻗﺘﻲ .. ﻳﻌﺰﻓﻬﺎ .. ﺑﻤﺸﺎﻋﺮﻩ .. ﻭﺑﻌﺪ ﻳﻜﻤﻞ ﻳﻨﺴﺎﻫﺎ ﺗﻤﺎﻣﺎ ..
ﻫﺎﻟﻤﺮﺓ ﻋﺰﻓﻪ ﻛﺎﻧﺖ ﻓﻴﻪ ﻧﻐﻤﻪ ﻣﺨﺘﻠﻔﻪ .. ﻣﺶ ﻧﻐﻤﻪ ﺣﺰﻳﻨﻪ .. ﻻ ﻧﻐﻤﻪ ﺣﻠﻮﻩ .. ﺍﻟﻠﻲ ﻳﺴﻤﻌﻬﺎ ﻳﺤﺲ ﺑﺸﻌﻮﺭ ﺣﻠﻮ ... ﻉ ﻗﺪ ﻣﺎﻫﻲ ﺣﻠﻮﺓ
ﻣﻬﺎ ﺗﺴﻤﻊ ﻓﻲ ﺍﻟﻌﺰﻑ ﻭﻣﻨﺴﺠﻤﻪ ﻫﻠﺒﻪ .. ﺟﻲ ﺑﻴﻦ ﻋﻴﻮﻧﻬﺎ ﺻﺎﺣﺐ ﺍﻟﻨﻈﺮﺍﺕ ﺍﻟﻠﻲ ﻃﻴﺤﺘﻬﺎ ﻃﻮﻝ ... ﺍﺑﺘﺴﻤﺖ ..
ﻧﻔﺲ ﺣﺎﻟﺔ ﺑﻮﻫﺎ ﺍﻟﻠﻲ ﻳﻌﺰﻑ ﻭﺍﻹﺑﺘﺴﺎﻣﻪ ﻣﺎﻓﺎﺭﻗﺘﺶ ﻭﺟﻬﻪ .. ﻭﻛﺎﻥ ﻣﻐﻤﺾ ﻋﻴﻮﻧﻪ ﺑﺶ ﻳﺸﻮﻓﻬﺎ .. ﻭﺗﻠﻬﻤﻪ ﺑﺎﻷﻟﺤﺎﻥ ﺍﻟﻠﻲ ﻳﻌﺰﻑ ﻓﻴﻬﻢ ...
***
ﺗﺎﻧﻲ ﻳﻮﻡ ..
ﺗﻤﺎﻡ ﺣﺒﻴﺒﺘﻲ ... ﺍﻭﻝ ﻣﺎﺗﺮﻛﺒﻮﺍ ﺍﻟﻄﻴﺎﺭﻩ ﻛﻠﻤﻮﻧﻲ .. ﺍﺳﺘﻮﺩﻋﻜﻢ ﺍﻟﻠﻪ ﺍﻟﺬﻱ ﻻﺗﻀﻴﻊ ﻭﺩﺍﺋﻌﻪ .... ﻓﻲ ﺣﻔﻆ ﺍﻟﻠﻪ .. ﻭﺻﻜﺮﺕ ﻭﻣﺴﺤﺖ ﺩﻣﻮﻋﻬﺎ ﺍﻟﻠﻲ ﺧﺎﻧﻮﻫﺎ .. ﺍﺳﺘﺠﻤﻌﺖ ﻧﻔﺴﻬﺎ ﻭﻧﺰﻟﺖ ﻣﻦ ﺳﻴﺎﺭﺗﻬﺎ .. ﻭﺧﺸﺖ ﺍﻟﺸﺮﻛﻪ ..
ﻣﻌﺎﻭﻳﻪ ﻧﺎﺯﻝ ﺑﺶ ﻳﻄﻠﻊ ﻳﻼﻗﻴﻬﺎ ﻭﻳﻤﺸﻮﺍ ﻣﻊ ﺑﻌﺾ .. ﻭﻗﻒ ﻟﻤﺎ ﺷﺎﻓﻬﺎ ﺟﺎﻳﻪ ﻣﻦ ﺑﻌﻴﺪ ﺷﻮﻱ ..
ﻛﺎﻥ ﻓﻲ ﺷﺨﺺ ﺳﺘﻴﻨﻲ .. ﻳﻨﻀﻒ .. ﺗﺎﺑﻊ ﻟﺘﺸﺎﺭﻛﻴﻪ ﺗﻨﻈﻴﻒ ﻣﺘﻌﺎﻗﺪﻩ ﻣﻊ ﺍﻟﺸﺮﻛﻪ ﻟﺘﻨﻈﻴﻔﻬﺎ ...
ﺑﺪﻭﻥ ﻗﺼﺪ ﻣﻨﻪ ﺧﺒﻄﻬﺎ ﻉ ﺭﺟﻠﻬﺎ ﺑﺎﻟﻤﻜﻨﺴﻪ ..
ﺍﻟﺮﺍﺟﻞ : ﺳﺎﻣﻴﺤﻨﻲ .. ﻭﺍﻟﻠﻪ ﻣﺎﺭﻳﺘﻚ ﻳﺎﺑﻨﺘﻲ ..
ﺣﻨﺎﻥ ﺑﺈﺑﺘﺴﺎﻣﻪ ﻃﺒﻄﺒﺖ ﻉ ﻛﺘﻔﻪ : ﻭﻻﻳﻬﻤﻚ ﻣﺎﺻﺎﺭ ﺷﻲ .. ﺭﺑﻲ ﻳﻌﺎﻭﻧﻚ ... ﻭﻣﺸﺖ ﻣﻦ ﺣﺪﺍﻩ ... ﻫﻮ ﻛﺎﻥ ﻳﺸﻮﻓﻠﻬﺎ ... ﻭﺣﺴﺪ ﺍﻟﻌﺎﻣﻞ ﺍﻟﻠﻲ ﻃﺒﻄﺒﺘﻠﻪ ﻉ ﻛﺘﻔﻪ ﻭﺧﻼﺗﻪ ﻳﺒﺘﺴﻢ ...
ﻫﻲ ﺷﺎﻓﺘﻪ ﻭﺍﻗﻒ ﻭﻗﻔﺖ ﻣﻼﻣﺢ ﻭﺟﻬﻬﺎ ﺗﻐﻴﺮﻭﺍ ﻭﺑﺠﺪﻳﻪ : ﺻﺒﺎﺡ ﺍﻟﺨﻴﺮ ..
ﻣﻌﺎﻭﻳﻪ ﺍﺑﺘﺴﻢ ﺑﻐﺮﻭﺭ : ﺻﺒﺎﺡ ﺍﻟﻨﻮﺭ .. ﻫﻴﺎ ﺗﻌﺎﻟﻲ ﻟﺒﺲ ﻧﻈﺎﺭﺍﺗﻪ ﻭﻣﺸﻲ ﻭﺧﻼﻫﺎ ﻭﺭﺍﻩ .. ﻫﻲ ﺗﻤﺎﻟﻜﺖ ﻧﻔﺴﻬﺎ ﻭﻣﺸﺖ ﻭﺭﺍﻩ ...
ﻃﻠﻌﻮﺍ ﻭﻧﺰﻟﻮﺍ ﻣﻦ ﺍﻟﺪﺭﻭﺝ .. ﻫﻮ ﻭﺻﻞ ﻓﻲ ﺳﻴﺎﺭﺗﻪ ﻭﻫﻲ ﻣﺎﺷﻴﻪ ﻟﺴﻴﺎﺭﺗﻬﺎ ..
ﻣﻌﺎﻭﻳﻪ : ﻫﻴﻴﻴﻲ .. ﻭﻳﻦ ﻣﺎﺷﻴﻪ ..
ﺍﻟﺘﻔﺘﺖ : ﻭﻳﻦ ﻳﻌﻨﻲ ﻟﺴﻴﺎﺭﺗﻲ ...
ﻣﻌﺎﻭﻳﻪ : ﺍﻧﺘﻲ ﺣﺘﺮﻛﺒﻲ ﻣﻌﺎﻱ ...
ﺣﻨﺎﻥ : ﻧﻌﻢ؟ !!
ﻣﻌﺎﻭﻳﻪ : ﺍﻟﻄﺮﻳﻖ ﻭﺣﺪﻩ .. ﻭﻣﺎﻓﻴﺶ ﺩﺍﻋﻲ ﻟﺠﻮ ﻧﻤﺸﻲ ﻭﺭﺍﻛﻢ ﺍﻟﻄﺮﻳﻖ ﻣﺶ ﺁﻣﻨﻪ 100%.. ﻭﻓﻲ ﺍﻟﻨﻬﺎﻳﻪ ﺣﻨﻲ ﻣﺎﺷﻴﻴﻦ ﻧﺨﺪﻣﻮﺍ ﻣﺶ ﻧﺪﻫﻮﺭﻭﺍ ...
ﺣﻨﺎﻥ ﻗﻌﺪﺕ ﻭﺍﻗﻔﻪ ﻭﺗﺸﺒﺢ ﻟﺴﻴﺎﺭﺗﻬﺎ ..
ﻣﻌﺎﻭﻳﻪ ﺃﺷﺮ ﻟﻮﺍﺣﺪ ﻣﻦ ﺍﻟﺴﻜﻴﻮﺭﺗﻲ ﺟﺎﻩ : ﺧﻮﺩ ﺳﻴﺎﺭﺓ ﺍﻟﺒﺎﺵ ﻣﻬﻨﺪﺳﻪ .. ﻭﺣﻄﻬﺎ ﻓﻲ ﺍﻟﺒﺮﻛﻴﺪﺟﻮ ﻣﺘﺎﻉ ﺍﻟﺸﺮﻛﻪ ..
ﺣﻨﺎﻥ ﻋﻄﺎﺗﻪ ﺍﻟﻤﻔﺘﺎﺡ ﻭﻫﻲ ﻣﺶ ﺭﺍﺿﻴﻪ ..
ﻣﻌﺎﻭﻳﻪ : ﻫﻴﺎ ﺗﻌﺎﻟﻲ .. ﻓﺘﺤﻠﻬﺎ ﺍﻟﺒﺎﺏ .. ﻭﺍﻟﺴﻮﺍﻕ ﺍﺗﻔﺎﺟﺄ ..
ﺣﻨﺎﻥ : ﺍﻧﺖ ﻭﻳﻦ ﺣﺘﺮﻛﺐ ..
ﻣﻌﺎﻭﻳﻪ ﺑﺈﺑﺘﺴﺎﻣﻪ ﻣﺴﺘﻔﺰﺓ : ﻓﻲ ﻣﻜﺎﻧﻲ ﺍﻟﻄﺒﻴﻌﻲ ...
ﺣﻨﺎﻥ ﺍﺳﺘﺎﺀﺕ .. ﻭﺭﻛﺒﺖ ﻭﻫﻮ ﺻﻜﺮ ﺍﻟﺒﺎﺏ .. ﻭﺗﻮﺟﻪ ﻟﻠﺠﻬﻪ ﺍﻟﻠﻲ ﺣﻴﺮﻛﺐ ﻓﻴﻬﺎ ﻭﻛﺎﻥ ﺍﻟﺴﻮﺍﻕ ﺳﺎﺑﻘﻪ ﻭﻓﺎﺗﺢ ﺍﻟﺒﺎﺏ ﺭﻛﺐ ﻣﻌﺎﻭﻳﻪ .. ﻭﺻﻜﺮ ﺍﻟﺴﻮﺍﻕ ﺑﺎﺑﻪ ﻭﺭﻛﺐ ﺣﺘﻰ ﻫﻮ ﻭﺗﺤﺮﻙ
ﺣﻨﺎﻥ ﻻﺻﻘﻪ ﻓﻲ ﺍﻟﺒﺎﺏ ﻭﺗﺸﺒﺢ ﻟﻠﺮﻭﺷﻦ .. ﻣﻌﺎﻭﻳﻪ ﻳﺸﺒﺤﻠﻬﺎ ﻉ ﺟﻨﺐ ﺍﺑﺘﺴﻢ ﻭﻗﺎﻝ : ﻣﺎﺗﺨﺎﻓﻴﺶ .. ﻣﺎﻧﺎﻛﻠﺶ ﻓﻲ ﺍﻟﻮﺭﺩ ...
ﺣﻨﺎﻥ ﺍﻧﺼﺪﻣﺖ ﻓﻲ ﺍﻟﻜﻠﻤﻪ ﺍﻟﻠﻲ ﻗﺎﻟﻬﺎ ﺷﺒﺤﺘﻠﻪ ﻟﻘﺎﺗﻪ ﻣﻘﻌﻤﺰ ﺑﺄﺭﻳﺤﻴﻪ ﻭﻳﺸﺒﺢ ﻟﻠﺮﻭﺷﻦ ﻭﻣﺒﺘﺴﻢ ﻉ ﺧﻔﻴﻒ .. ﻭﻻﻛﺈﻧﻪ ﻗﺎﻝ ﺣﺎﺟﻪ ..
ﻫﻲ ﻭﻟﺖ ﺗﺸﻮﻑ ﻟﻠﺮﻭﺷﻦ ﻭﻗﺮﻳﺐ ﺗﻤﻮﺕ ﻣﻦ ﺍﻟﺨﺠﻞ ﻭﺍﻟﻤﻮﻗﻒ ﺍﻟﺒﺎﻳﺦ ﺍﻟﻠﻲ ﺍﻧﺤﻄﺖ ﻓﻴﻪ ..
ﻛﻞ ﺣﺪ ﻣﻨﻬﻢ ﺷﺎﺩ ﻓﻲ ﺍﻟﺒﺎﺏ ﺍﻟﻠﻲ ﻣﻘﻌﻤﺰ ﻓﻲ ﺟﻨﺒﻪ .. ﻓﻲ ﺑﻴﻨﺎﺗﻬﻢ ﻣﺴﺎﻓﻪ ﻛﺒﻴﺮﺓ ..
ﺑﺲ ﺍﻟﻮﻗﺖ ﻭﺍﻷﻳﺎﻡ ﻭﺍﻷﺣﺪﺍﺙ ... ﺣﺘﻠﻐﻲ ﻛﻞ ﻫﺎﻟﻤﺴﺎﻓﻪ ﻳﻮﻡ ﻣﻦ ﺍﻷﻳﺎﻡ
...
... ﻳﺘﺒﻊ .
٢٠ / ١٠ / ٢٠٢٠ · Facebook for Android · ﺭﻭﺍ
