ﺍﻳ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 32_
ﻫﺎﻛﻲ ﻣﺎﻣﺎ ﺍﺷﺮﺑﻲ ..
ﺣﻨﺎﻥ ﺗﺒﻜﻲ ﻭﺗﺸﻬﻖ ﺧﺪﺕ ﺍﻟﻤﻴﻪ ﻭﻳﺪﻫﺎ ﺗﺮﻋﺶ ﺷﺪﺕ ﺭﻫﻒ ﻃﺎﺳﺔ ﺍﻟﻤﻴﻪ ﻭﻫﻲ ﻓﻴﺪ ﺃﻣﻬﺎ ﻭﻗﻌﺪﺕ ﺗﺸﺮﺏ ﻓﻴﻬﺎ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻟﺒﻨﻰ ﻗﻌﻤﺰﺕ ﺣﺪﺍ ﺃﻣﻬﺎ ﻭﺷﺪﺕ ﻳﺪﻫﺎ : ﻭﻻﻳﻬﻤﻚ ﻳﺎﻏﺎﻟﻴﻪ ﺣﻨﻲ ﻋﺎﺭﻓﻴﻨﻚ ﺍﻧﺘﻲ ﺷﻨﻮ ﺣﺒﻴﺒﺘﻲ ..
ﺣﻨﺎﻥ ﺷﺒﺤﺘﻠﻬﺎ ﻭﺣﻮﻟﺖ ﻳﺪﻫﺎ ﻣﻦ ﻳﺪ ﻟﺒﻨﻰ ﻭﺣﻄﺘﻬﺎ ﻉ ﺧﺪﻫﺎ : ﻋﺎﺭﻓﻪ ﻳﺎﻣﺎﻣﺎ ..
ﺭﻥ ﺍﻟﺠﺮﺱ ﻧﺎﺿﺖ ﺭﻫﻒ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ﻓﺘﺤﺖ ﺍﻟﺒﺎﺏ .. ﺧﺸﺖ ﻧﻴﺮﻭﺯ ﺑﺴﺮﻋﻪ ..
ﻧﻴﺮﻭﺯ ﺑﺨﻮﻑ ﺟﺘﻬﺎ ﻗﻌﻤﺰﺕ ﺣﺪﺍﻫﺎ ﻭﺣﻀﻨﺘﻬﺎ : ﺍﻫﺪﻱ ﺣﺒﻴﺒﺘﻲ ﺍﻫﺪﻱ ﻳﺎﻏﻼﻱ .. ﻣﺶ ﺣﻨﺎﻥ ﺍﻟﻠﻲ ﻳﻬﺰﻫﺎ ﻛﻼﻡ ﻓﺎﺿﻲ ﻣﻦ ﻭﺍﺣﺪ ﻛﻼﻩ ﺍﻟﻨﺪﻡ ﻭﻗﻌﺪ ﻳﺨﺮﻑ ﺑﻜﺮﻱ ﺑﻜﺮﻱ ..
ﺣﻨﺎﻥ ﺑﻌﺪﺕ : ﻧﻴﺮﻭﺯ !!
ﻧﻴﺮﻭﺯ ﺷﺒﺤﺖ ﻟﺮﻫﻒ ﻭﻟﺒﻨﻰ : ﺳﺎﻣﺤﻮﻧﻲ ﺣﺒﻴﺒﺎﺗﻲ ﺑﺲ ﺩﻣﻲ ﻣﺤﺮﻭﻕ ..
ﺭﻫﻒ : ﻣﻌﺬﻭﺭﺓ ...
ﻟﺒﻨﻰ : ﺯﻱ ﻣﺎﻗﻠﺘﻲ ﺑﺎﺑﺎ ﻧﺎﺩﻡ ﻭﻋﺎﺭﻑ ﺭﻭﺣﻪ ﺧﺴﺮﻫﺎ ﻭﻳﺒﻲ ﻳﺨﺴﺮﻧﺎ ﺣﺘﻰ ﺣﻨﻲ ..
ﺣﻨﺎﻥ ﺭﺷﻔﺖ .. ﻭﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ ﺑﺤﺰﻡ : ﺑﻴﻨﻲ ﻭﺑﻴﻨﻪ ﺍﻧﺘﻢ ﻣﺎﺩﺧﻠﻜﻤﺶ ﻫﺬﺍ ﺑﻮﻛﻢ .. ﻭﺍﻟﻠﻲ ﺑﺘﻘﻠﻞ ﻣﻦ ﺍﺣﺘﺮﺍﻣﻬﺎ ﻟﻴﻪ ﺍﻭ ﺍﺩﻳﺮ ﺗﺼﺮﻑ ﻓﻴﻪ ﻋﻘﻮﻕ ﻟﺒﻮﻫﺎ .. ﺣﺘﺨﺴﺮﻧﻲ ﺍﻧﻲ ﻭﻗﺘﻬﺎ ..
ﻟﺒﻨﻰ ﻗﻠﺒﺖ ﻭﺟﻬﻬﺎ ﺍﻟﺠﻬﺔ ﺍﻟﺘﺎﻧﻴﻪ ﻭﻫﻲ ﺗﺒﻜﻲ .. ﻭﺭﻫﻒ ﻧﺰﻟﺖ ﺭﺍﺳﻬﺎ ﻭﺩﻣﻮﻋﻬﺎ ﺗﻨﺰﻝ ..
ﺣﻨﺎﻥ ﺑﺼﻮﺕ ﻋﺎﻟﻲ : ﺳﻤﻌﺘﻮﺍ ... ﻓﻬﻤﺘﻮﺍ
ﺍﻟﺰﻭﺯ ﺷﺒﺤﻮﻟﻬﺎ ﻭﻫﺰﻭ ﺭﻭﺳﻬﻢ ﺑﺈﻳﺠﺎﺏ .. ﻧﺎﺿﺖ ﺭﻫﻒ .. ﻭﻟﺤﻘﺘﻬﺎ ﻟﺒﻨﻰ ...
ﺣﻨﺎﻥ ﻭﻧﻴﺮﻭﺯ ﻣﻌﺎﻫﻢ ﺑﻌﻴﻮﻧﻬﻢ ﻟﻴﻦ ﺭﻛﺒﻮﺍ ..
ﻧﻴﺮﻭﺯ : ﻭﺍﻧﺘﻢ ﺷﻦ ﺑﻴﺘﻜﻢ ﻓﻲ ﻗﺼﺮ ﻣﻌﺎﻭﻳﻪ ..
ﺣﻨﺎﻥ ﺷﺒﺤﺘﻠﻬﺎ ﻉ ﺟﻨﺐ : ﺍﻧﻲ ﻏﻠﻄﺘﺖ .. ﻭﻋﻨﺪﻩ ﺣﻖ ﻧﻀﺎﻝ ﻓﻲ ﺍﻧﻔﻌﺎﻟﻪ .. ﺻﺢ ﻛﻼﻣﻪ ﺟﺎﺭﺡ ﻫﻠﺒﻪ .. ﺑﺲ ﻣﺎﻧﻘﺪﺭﺵ ﻧﺤﻂ ﺍﻟﺤﻖ ﻋﻠﻴﻪ ﻫﻮ ﺑﺮﻭﺣﻪ ..
ﻧﻴﺮﻭﺯ : ﻣﺎﺟﺎﻭﺑﺘﻨﻴﺶ .. ﺷﻦ ﺑﻴﺘﻜﻢ ﻏﺎﺩﻱ ..
ﺣﻨﺎﻥ ﺗﻨﻬﺪﺕ : ﺍﻣﺲ ﻓﺎﻟﻠﻴﻞ ﺍﺗﺼﻞ ﻣﻌﺎﻭﻳﻪ ..........
ﻭﺣﻜﺖ ﺣﻨﺎﻥ ﺑﺎﻟﺘﻔﺼﻴﻞ ﻛﻞ ﺍﻟﻠﻲ ﺻﺎﺭ .. ﻣﺎﻋﺪﺍ ﻗﺼﺔ ﻣﻌﺎﻭﻳﻪ ﻭﻣﺮﺗﻪ ..
ﻧﻴﺮﻭﺯ : ﻻﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ .. ﺑﺎﻫﻲ ﻭﺍﻟﺒﻨﻴﻪ ﺷﻦ ﻧﻔﺴﻴﺘﻬﺎ ﺗﻮﺍ ..
ﺣﻨﺎﻥ : ﻭﺍﺧﺪﻩ ﻣﻮﻗﻒ ﻣﻦ ﺑﻮﻫﺎ ..
ﻧﻴﺮﻭﺯ : ﺑﺎﻫﻲ ﻣﺪﺍﻡ ﺍﻣﻬﺎ ﺍﻧﺘﺤﺮﺕ ﺗﺰﻋﻞ ﻣﻦ ﺑﻮﻫﺎ ﻋﻼﺵ ..
ﺣﻨﺎﻥ ﺍﺿﻄﺮﺕ ﺗﻜﺬﺏ : ﻹﻧﻪ ﻣﺎﻗﺎﻟﻠﻬﺎﺵ ﻣﻦ ﺍﻟﺒﺪﺍﻳﻪ ﻭﺧﻼﻫﺎ ﺗﺴﻤﻊ ﻣﻦ ﻏﻴﺮﻩ ..
ﻧﻴﺮﻭﺯ : ﻫﻲ ﻋﻨﺪﻫﺎ ﺣﻖ ﻭﻫﻮ ﻋﻨﺪﻩ ﺣﻖ .. ﻫﻲ ﻋﻨﺪﻫﺎ ﺣﻖ ﺗﺰﻋﻞ ﻷﻧﻬﺎ ﻣﺎﻗﺎﻟﻠﻬﺎﺵ .. ﻭﻫﻮ ﻋﻨﺪﻩ ﺣﻖ ﻣﺎﻳﻘﻮﻟﻠﻬﺎﺵ ﻷﻥ ﺷﻲ ﺯﻱ ﻫﺬﺍ ﺣﻴﺄﺛﺮ ﻉ ﻧﻔﺴﻴﺘﻬﺎ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻧﻴﺮﻭﺯ ﺷﺒﺤﺘﻠﻬﺎ ﺑﺈﺑﺘﺴﺎﻣﻪ ﻣﺎﻛﺮﻩ : ﺍﻳﻪ ﻭﺷﻦ ﺟﻮ ﺍﻟﻘﺼﺮ ..
ﺣﻨﺎﻥ ﺷﺒﺤﺘﻠﻬﺎ ﻉ ﺟﻨﺐ : ﻋﺎﺩﻱ ..
ﻧﻴﺮﻭﺯ : ﻋﺎﺩﻱ !!!
ﺣﻨﺎﻥ ﻧﺎﺿﺖ : ﺧﻞ ﻧﻮﺽ ﻧﺸﻮﻑ ﺷﻦ ﺑﻨﺘﻐﺪﻭﺍ ﺧﻴﺮ ..
ﻧﻴﺮﻭﺯ : ﻫﻬﻬﻬﻬﻬﻬﻬﻬﻪ .. ﺧﻞ ﻧﺸﻮﻑ ﺣﺘﻰ ﺍﻧﻲ ﻣﻌﺎﻙ ..
ﻣﺸﺖ ﺣﻨﺎﻥ ﻭﻫﻲ ﺗﻀﺤﻚ ﻭﺗﻬﺰ ﻓﻲ ﺭﺍﺳﻬﺎ ﻳﻤﻴﻦ ﻭﻳﺴﺎﺭ .. ﻭﻟﺤﻘﺘﻬﺎ ﻧﻴﺮﻭﺯ ﻭﻫﻲ ﺗﻨﺎﺷﺐ ...
***
ﺑﻌﺪ ﺍﻟﻈﻬﺮ ..
ﺷﻦ ﺗﻔﺘﻔﺘﻲ ﺍﻧﺘﻲ ..
ﻓﺎﺩﻳﻪ : ﻫﺎﺩﻱ ﺍﻭﺍﻣﺮ ﺍﻟﺴﻴﺪ ﻣﻌﺎﻭﻳﻪ ...
ﺳﻤﻴﻪ : ﻭﻫﻮ ﻣﻮﺟﻮﺩ ..
ﻓﺎﺩﻳﻪ : ﺍﻳﻪ ﻣﻮﺟﻮﺩ .. ﺑﺲ ﻗﺎﻟﻲ ﻣﺎﻧﺪﺧﻠﻜﺶ ﻋﻠﻴﻪ ﺑﻜﻞ .. ﻭﻟﻮ ﺣﺎﻭﻟﺘﻲ ﺗﺨﺸﻲ ﻋﻨﻮﺓ ﺣﻴﺨﻠﻲ ﺍﻷﻣﻦ ﻳﻄﻠﻌﻮﻙ ..
ﺳﻤﻴﻪ ﺭﻓﻌﺖ ﺣﻮﺍﺟﺒﻬﺎ ﺑﺼﺪﻣﻪ : ﺻﺎﺭ ﻫﻜﻲ .. ﺃﻭﻭﻛﻲ .. ﻭﻟﻒﺕ ﻭﻣﺸﺖ ﻭﻫﻲ ﻣﻌﺼﺒﻪ .. ﻭﻓﺎﺩﻳﻪ ﻋﺎﺟﺒﻬﺎ ﺍﻟﻠﻲ ﺻﺎﺭ ﻭﻗﺎﻟﺖ " ﺃﺣﺴﻦ ..."
***
ﺟﺎﺑﺖ ﺍﻟﻄﺎﺟﻴﻦ ﻭﺣﻄﺎﺗﻪ ﻉ ﺍﻟﻄﺎﻭﻟﻪ ﻭﻗﺎﻟﺖ : ﻭﻫﺎﺩﻱ ﺍﻟﺒﻴﺸﺎﻣﻴﻞ ﻟﺤﺒﻴﺒﺔ ﺃﻣﻬﺎ .. ﻭﺑﺎﺳﺘﻬﺎ ﻣﻦ ﺧﺪﻫﺎ ..
ﻟﺒﻨﻰ ﺿﺤﻜﺖ ﻭﺑﺎﺳﺘﻬﺎ ﺣﺘﻰ ﻫﻲ : ﺭﺑﻲ ﻳﺤﻔﻈﻚ ﻟﻴﻨﺎ .. ﻧﺤﺒﻚ ﻣﺎﻣﺘﻲ ..
ﺭﻥ ﺟﺮﺱ ﺍﻟﺤﻮﺵ ..
ﻧﻴﺮﻭﺯ : ﺧﻠﻴﻜﻢ ﺗﻮ ﻧﻔﺘﺢ .. ﻧﺎﺿﺖ ﻟﻠﺒﺎﺏ ﻭﻓﺘﺤﺎﺗﻪ ... ﻳﺎﺍﺍﺍﺍﻫﻼ .. ﺣﻤﺪ ﻟﻠﻪ ﻉ ﺍﻟﺴﻼﻣﻪ ..
ﺭﺿﺎ ﺑﺈﺑﺘﺴﺎﻣﻪ : ﺍﻟﻠﻪ ﻳﺴﻠﻤﻚ .. ﻭﺧﺶ ...
ﺗﻔﺎﺟﺌﻮﺍ ﺍﻟﺒﻨﺎﺕ ﻭﺃﻣﻬﻢ ﻟﻤﺎﺷﺎﻓﻮﻩ ... ﺳﻠﻤﻮﺍ ﻋﻠﻴﻪ ..
ﺭﺿﺎ ﺑﻠﻬﻔﻪ ﻭﺧﻮﻑ : ﺧﻴﺮ .. ﻋﺮﻓﺘﻮﺍ ﺷﻦ ﺻﺎﻳﺮ ﻟﻤﻬﺎ؟ !!
ﻗﻌﺪﻭﺍ ﻳﺸﺒﺤﻮﻟﻪ ﻭﺷﺎﺩﻳﻦ ﺿﺤﻜﺘﻬﻢ ..
ﻧﻴﺮﻭﺯ : ﻫﻬﻬﻬﻬﻬﻬﻬﻬﻪ ... ﺍﻝﺭﺍﺟﻞ ﺟﺎﻱ ﻃﺎﻳﺮ ﻣﻦ ﺃﻟﻤﺎﻧﻴﺎ ﻟﻬﻨﻲ .. ﻭﺍﻟﻠﻪ ﺍﻋﻠﻢ ﻛﻴﻒ ﻭﺻﻞ .. ﺟﺎﻭﺑﻮﻩ ..
ﺭﺿﺎ ﺍﺑﺘﺴﻢ ﺑﺈﺣﺮﺍﺝ ..
ﺣﻨﺎﻥ ﺑﻀﺤﻜﻪ : ﺣﺎﻟﻬﺎ ﺑﺎﻫﻲ ﻭﺍﻣﻮﺭﻫﺎ ﺗﻤﺎﻡ .. ﻗﻌﻤﺰ ﺗﻐﺪﺍ ﺗﻮﺍ ... ﻭﺗﻮ ﻧﻬﺪﺭﺯﻭﺍ ...
ﺭﺿﺎ ﺑﻀﺤﻜﻪ : ﺑﺎﻫﻲ ...
ﻗﻌﻤﺰﻭﺍ ﻳﺘﻐﺪﻭﺍ ﻭﻳﻬﺪﺭﺯﻭﺍ .. ﻧﺴﻮﺍ ﺷﻮﻳﻪ ﺍﻟﻠﻲ ﺻﺎﺭ ﺃﻭﻝ ﺍﻟﻴﻮﻡ ..
ﻓﺎﺕ ﺍﻟﻨﻬﺎﺭ ﺑﺪﻭﻥ ﺟﺪﻳﺪ ...
ﺍﻟﻌﺸﻴﻪ ..
ﺭﺿﺎ ﻃﻠﻊ ﻟﻠﺠﻨﺎﻥ ... ﺍﺗﺼﻞ ﺑﻤﻬﺎ ... ﻧﺎﺩﻯ ﻣﺮﺗﻴﻦ ﻭﺍﻧﻔﺘﺢ ﺍﻟﺨﻂ ..
ﺭﺿﺎ ﻗﻌﺪ ﺳﺎﻛﺖ ..
ﻣﻬﺎ ﺑﺈﺣﺮﺍﺝ : ﺁﻟﻮ ..
ﺭﺿﺎ ﺗﻨﻬﺪ : ﻣﻌﻘﻮﻟﻪ ﻫﻜﻲ ..
ﻣﻬﺎ ﻗﻌﺪﺕ ﺳﺎﻛﺘﻪ ..
ﺭﺿﺎ : ﺧﻴﺮﻙ ﺳﻜﺘﻲ ... ﺭﺩﻱ .. ﻣﻌﻖﻭﻟﻪ ﺍﺩﻳﺮﻱ ﻫﻜﻲ .. ﺗﺨﺘﻔﻲ ﻣﺴﻜﺮﺓ ﺍﻟﺘﻠﻴﻔﻮﻥ ﻭﺍﻟﻨﺖ ﻭﺍﻧﺘﻲ ﻋﺎﺭﻓﻪ ﺍﻧﻲ ﺑﻌﻴﺪ ﻭﻣﺶ ﺑﺎﻟﺴﺎﻫﻞ ﻧﻮﺻﻞ ﻓﻴﻚ .. ﺍﻧﺸﻐﻠﺖ ﻟﺪﺭﺟﻪ ﺍﻟﻨﻮﻡ ﻣﺎﻗﺪﺭﺕ ﻧﺮﻗﺪﻩ ..
ﻣﻬﺎ ﻗﻠﺒﻬﺎ ﻳﺪﻕ : ﻟﻬﺎﻟﺪﺭﺟﻪ !!
ﺭﺿﺎ ﺗﻨﻬﺪ : ﺁﺍﺍﺍﻩ ﻣﻨﻚ ﻳﺎﻣﻬﺎ ... ﻳﻌﻨﻲ ﺍﻧﺘﻲ ﻣﺎﺗﻌﺮﻓﻴﺶ ﻣﻜﺎﻧﺘﻚ ﻋﻨﺪﻱ ..
ﻣﻬﺎ ﻗﻌﺪﺕ ﺳﺎﻛﺘﻪ ﻭﻗﻠﺒﻬﺎ ﻳﺪﻕ ..
ﺭﺿﺎ : ﻧﺤﺒﻚ
ﻣﻬﺎ ﻣﻦ ﻗﻮﺓ ﺗﺄﺛﻴﺮ ﺍﻟﻜﻠﻤﻪ ﻋﻠﻴﻬﺎ ﺳﻜﺮﺕ ﻓﻲ ﻭﺟﻬﻪ .. ﻭﺣﻄﺖ ﺍﻟﺘﻠﻔﻮﻥ ﻉ ﻗﻠﺒﻬﺎ ﺍﻟﻠﻲ ﻛﺎﻥ ﻣﺪﺍﻳﺮ ﻣﻬﺮﺟﺎﻥ ﺩﺍﺧﻞ .. ﺍﻭﻝ ﻣﺮﺓ ﻳﻘﻮﻟﻬﺎ ﻭﻳﻌﺘﺮﻑ ﺑﻤﺸﺎﻋﺮﻩ ﺍﺗﺠﺎﻫﻬﺎ ﺑﻜﻞ ﺻﺮﺍﺣﻪ ... ﻗﺎﻝ ﺍﻧﻪ ﻣﻌﺠﺐ ﺑﻴﻬﺎ .. ﻭﺗﻮ ﺑﺲ ﻗﺎﻝ ﺍﻧﻪ ﻳﺤﺒﻬﺎ ... ﻭﻓﻲ ﻓﺮﻕ ﻛﺒﻴﺮ ﺑﻴﻦ ﺍﻟﺤﺎﻟﺘﻴﻦ ..
ﺭﺟﻊ ﺭﻥ ﺍﻟﺘﻠﻴﻔﻮﻥ ﻣﺮﺓ ﺗﺎﻧﻴﻪ ﺍﻧﺨﻠﻌﺖ .. ﺷﺒﺤﺖ ﺍﻟﺸﺎﺷﻪ ﻟﻘﺎﺗﻪ ﻋﺎﻭﺩ ... ﻏﻤﻀﺖ ﻋﻴﻮﻧﻬﺎ ﻭﻋﺪﺕ ﻣﻦ ﻭﺍﺣﺪ ﻟﻠﺘﻼﺗﻪ ﻭﺭﺩﺕ ..
ﺭﺿﺎ : ﻫﻬﻬﻬﻬﻬﻪ ... ﺍﺳﺘﻌﺠﻠﺖ ﺷﻜﻠﻲ ..
ﻣﻬﺎ ﺑﺨﺠﻞ : ﺍﺣﻤﻢ .. ﻓﺎﺟﺌﺘﻨﻲ ..
ﺭﺿﺎ : ﻣﻬﺎ ... ﻛﻞ ﺷﻲ ﻭﺍﺿﺢ ﻓﺘﺼﺮﻓﺎﺗﻲ ﻭﻛﻼﻣﻲ ﻣﻌﺎﻙ .. ﻣﻦ ﺍﻷﺧﻴﺮ ﻣﻬﺎ .. ﺍﻧﻲ ﻧﺒﻲ ﻧﺨﻄﺒﻚ ..
ﻣﻬﺎ ﺍﻧﺼﺪﻣﺖ : ﺣﻴﻴﻲ ...
ﺭﺿﺎ ﺑﻀﺤﻜﻪ : ﺧﻴﺮﻙ ..
ﻣﻬﺎ : ﺭﺿﺎ ﻣﺎﺯﺍﻝ ﺣﺘﻰ ﻟﻠﺠﺎﻣﻌﻪ ﻣﺎﺧﺸﻴﺘﺶ .. ﺧﻴﺮﻙ ﻣﺴﺘﻌﺠﻞ ..
ﺭﺿﺎ : ﻳﺎﺑﻨﺘﻲ .. ﺍﻧﻲ ﻗﺼﺪﻱ ﺧﻄﻮﺑﻪ ﻣﺶ ﺯﻭﺍﺝ .. ﺍﻟﺰﻭﺍﺝ ﺍﻣﺘﻰ ﺍﻧﺘﻲ ﺗﺒﻲ ...
ﻣﻬﺎ : ﻣﺶ ﻋﺎﺭﻓﻪ ﺷﻦ ﻧﻘﻮﻟﻚ ..
ﺭﺿﺎ : ﻣﺎﺗﻘﻮﻟﻲ ﺷﻲ .. ﺍﻓﺘﺤﻲ ﺍﻟﻤﻮﺿﻮﻉ ﻣﻊ ﺑﻮﻙ .. ﻣﻬﺎ ﺭﺑﻲ ﺑﺲ ﻳﻌﺮﻑ ﻛﻴﻒ ﻋﺪﺕ ﻋﻠﻴﺎ ﻟﻴﻠﺔ ﺍﻟﺒﺎﺭﺡ .. ﺣﺠﺰﺕ ﻭﺟﻴﺖ ﺍﻟﻴﻮﻡ ﻭﺍﻧﻲ ﺍﻷﻓﻜﺎﺭ ﺗﺎﺧﺪﻧﻲ ﻭﺗﺠﻴﺒﻨﻲ ..
ﻣﻬﺎ ﺑﺪﻫﺸﻪ : ﺣﻴﻴﻲ ﻭﺍﻟﻠﻪ ﻣﺎﺭﻛﺰﺕ ﻉ ﺍﻟﺮﻗﻢ .. ﺣﻮﻟﺖ ﺍﻟﺘﻠﻴﻔﻮﻥ .. ﺍﻳﻪ ﺭﺿﺎ ...1
ﺭﺿﺎ : ﻫﻬﻬﻬﻬﻬﻬﻬﻪ .. ﻣﺴﺠﻞﺗﻴﻨﻲ ﺭﺿﺎ ﻭﺍﺣﺪ .. ﻭﺍﻟﻠﻪ ﺣﺘﻰ ﺍﺻﺤﺎﺑﻲ ﻣﺎﺩﺍﺭﻭﻫﺎ ..
ﻣﻬﺎ : ﻫﻬﻬﻬﻬﻬﻬﻬﻪ ...
ﺭﺿﺎ : ﺍﻟﻤﻬﻢ ﺗﻮﺍ ﺍﻓﺘﺤﻲ ﺍﻟﻤﻮﺿﻮﻉ ﻣﻊ ﺑﻮﻙ ﺗﻤﺎﻡ ..
ﻣﻬﺎ ﺑﻀﻴﻖ : ﺃﺟﻠﻬﺎﺷﻮﻳﻪ ﺗﻮﺍ ..
ﺭﺿﺎ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﺣﻜﺘﻠﻲ ﺣﻨﺎﻥ .. ﺑﺲ ﺣﺴﻴﺖ ﺍﻥ ﻓﻲ ﺍﻟﻠﻲ ﻗﺎﻟﺘﻬﻮﻟﻲ ﺷﻲ ﻧﺎﻗﺺ .. ﻣﺎﺳﺄﻟﺘﻬﺎﺵ ﻭﺣﺒﻴﺖ ﻧﻌﺮﻑ ﻣﻨﻚ .. ﺍﺫﺍ ﺣﺎﺑﻪ ﺗﺤﻜﻲ ..
ﻣﻬﺎ ﺗﻨﻬﺪﺕ ﺑﺄﻟﻢ : ﺍﻳﻪ .. ﻧﺒﻲ ﻧﺤﻜﻲ ..
ﻗﻌﻤﺰ ﺭﺿﺎ ﻉ ﻛﺮﺳﻲ : ﻭﺍﻧﻲ ﻧﺴﻤﻊ ﻓﻴﻚ ..
ﻣﻬﺎ ﺣﻜﺘﻠﻪ ﻛﻞ ﺷﻲ ﺑﺎﻟﺘﻔﺼﻴﻞ ﻭﺭﺿﺎ ﻛﺎﻥ ﺭﺍﺟﻞ ﺑﻜﻞ ﻣﻌﻨﻰ ﺍﻟﻜﻠﻤﻪ ﻭﺧﻮ ﺣﻨﺎﻥ ﻳﻌﻨﻲ ﻣﺘﺮﺑﻲ ﺯﻳﻬﺎ ﻟﻬﺎﻟﺴﺒﺐ ﺣﻜﺘﻠﻪ ﻛﻞ ﺷﻲ ﻭﻫﻲ ﻣﺮﺗﺎﺣﻪ ..
ﺭﺿﺎ : ﻛﻤﻠﺘﻲ ..
ﻣﻬﺎ ﻭﻫﻲ ﺗﺮﺷﻒ : ﺍﻳﻪ ..
ﺭﺿﺎ : ﻣﻬﺎ ﺍﺳﻤﻌﻴﻨﻲ .. ﻣﺘﻔﻘﻴﻦ ﺍﻧﻲ ﻭﻳﺎﻙ ﺍﻥ ﺑﻮﻙ ﻳﺘﺤﻤﻞ ﺟﺰﺀ ﻛﺒﻴﺮ ﻣﻦ ﺍﻟﻠﻲ ﺻﺎﺭ ﻏﻠﻂ ﻓﻲ ﺣﻖ ﺍﻣﻚ ﺍﻟﻠﻪ ﻳﺮﺣﻤﻬﺎ .. ﻟﻜﻦ ﻭﺑﻜﻞ ﺻﺮﺍﺣﻪ ﺍﻣﻚ ﻏﻠﻄﺖ ﻓﻲ ﺣﻘﻚ ﺍﻧﺘﻲ .. ﻟﻤﺎ ﺧﻼﺗﻚ ﻭﺍﻧﺘﻲ ﺑﺄﻣﺲ ﺍﻟﺤﺎﺟﻪ ﻟﻴﻬﺎ ﻭﺩﺍﺭﺕ ﺍﻟﻠﻲ ﺩﺭﺍﺗﻪ ﻭﻣﺎﻓﻜﺮﺗﺶ ﺇﻻ ﻓﻨﻔﺴﻬﺎ ﻭﻣﺸﺎﻋﺮﻫﺎ ﻭﻧﺴﺖ ﺍﻧﻬﺎ ﺃﻡ ..
ﻣﻬﺎ ﻟﻤﺎ ﺳﻤﻌﺖ ﻛﻼﻣﻪ ﻗﻠﺒﻬﺎ ﻭﺟﻌﻬﺎ ﻓﻌﻼ ﺍﻣﻬﺎ ﺗﺨﻠﺖ ﻋﻨﻬﺎ ﻭﻣﺎﻓﻜﺮﺗﺶ ﻓﻴﻬﺎ ..
ﺭﺿﺎ ﻛﻤﻞ : ﻋﺎﺭﻑ ﻛﻼﻣﻲ ﻗﺎﺳﻲ ﻋﻠﻴﻚ ﺑﺲ ﻫﺎﺩﻱ ﺍﻟﺤﻘﻴﻘﻪ .. ﻭﻣﻦ ﺑﺎﺏ ﺍﻹﻧﺼﺎﻑ ﻟﺒﻮﻙ .. ﻧﺠﻮ ﺗﻮﺍ ﻟﺴﺆﺍﻝ ﺃﻫﻢ .. ﺑﻮﻙ .. ﻛﺎﻥ ﺭﺍﻓﺾ ﺍﻧﻪ ﻳﻜﻮﻥ ﺍﺏ .. ﻭﻭﻛﺎﻥ ﻳﺘﻌﺎﻣﻞ ﻣﻌﺎﻙ ﻉ ﺍﻧﻚ ﻫﻢ ﻉ ﻗﻠﺒﻪ ﻉ ﺣﺴﺐ ﻭﺻﻔﻚ ... ﻋﻼﺵ ﻣﻌﻄﺎﻛﺶ ﻷﻫﻞ ﺍﻣﻚ .. ﻋﻼﺵ ﺧﻼﻙ ﻣﻌﺎﻩ ..
ﻣﻬﺎ ﻓﻜﺮﺕ ﺑﻌﺪﻳﻦ ﻗﺎﻟﺖ : ﻫﻤﺎ ﺍﺳﺎﺳﺎ ﻣﺶ ﻣﺘﻘﺒﻠﻴﻨﻲ ﺑﺴﺒﺒﻪ ..
ﺭﺿﺎ : ﻓﺮﺿﻨﺎ ﻫﺎﻟﺸﻲ .. ﺍﻧﺘﻲ ﻓﻲ ﺍﻟﻨﻬﺎﻳﻪ ﺍﻟﺬﻛﺮﻯ ﺍﻟﻮﺣﻴﺪﻩ ﻣﻦ ﺑﻨﺘﻬﻢ ﺣﺘﻰ ﻟﻮ ﻣﺎﺗﻘﺒﻠﻮﻛﺶ ﻓﻲ ﺍﻟﺒﺪﺍﻳﻪ ﺍﺧﺮﺗﻬﺎ ﺣﻴﺠﺒﻮﻙ ﻭﻭﺟﻮﺩﻙ ﻣﻌﺎﻫﻢ ﻳﺒﺪﺍ ﺍﻫﻢ ﺷﻲ ﺑﺎﻟﻨﺴﺒﻪ ﻟﻴﻬﻢ .. ﻭﺑﻮﻙ ﻋﺎﺭﻑ ﻭﻣﻊ ﻫﺬﺍ ﻣﺨﻼﻛﺶ ..
ﻣﻬﺎ : ﻣﺶ ﻣﻦ ﺣﺐ ﺍﺏ ﻟﺒﻨﺘﻪ .. ﺑﻞ ﺣﺐ ﺗﻤﻠﻚ ﻻﺍﻛﺜﺮ ..
ﺭﺿﺎ : ﺗﺒﺪﻱ ﻏﺎﻟﻄﻪ ﻭﻇﺎﻟﻤﻪ ﻳﺎﻣﻬﺎ ﻟﻮ ﻓﻜﺮﺗﻲ ﻫﻜﻲ .. ﻣﻬﺎ ﺑﻮﻙ ﻳﺤﺒﻚ .. ﻭﻫﻠﺒﻪ ﻣﺶ ﺷﻮﻳﻪ .. ﻟﻜﻦ ﻃﺒﻴﻌﺔ ﺷﺨﺼﻴﺘﻪ ﺧﻼﺗﻪ ﻣﺎﻋﺮﻓﺶ ﻳﻌﺒﺮ ﻋﻦ ﻫﺎﻟﺤﺐ .. ﻭﻓﻮﻕ ﻫﻜﻲ ﺍﻟﺤﺎﺩﺛﻪ ﻣﺘﺎﻉ ﻣﻮﺕ ﺍﻣﻚ ﺍﺛﺮﺕ ﻋﻠﻴﻪ .. ﺧﻼﻙ ﻣﻮﺟﻮﺩﻩ ﻣﻌﺎﻩ ﻭﺗﺤﺖ ﻋﻴﻮﻧﻪ ﻹﻧﻪ ﻳﺤﺒﻚ ﻭﻹﻧﻚ ﺍﻏﻠﻰ ﻋﻨﺪﻩ ﻣﻦ ﻛﻞ ﺷﻲ ﻳﻤﻠﻜﻪ ..
ﺭﻫﻒ ﺩﻣﻮﻋﻬﺎ ﻧﺰﻟﻮﺍ ﻭﻗﻌﺪﺕ ﺳﺎﻛﺘﻪ ..
ﺭﺿﺎ : ﻓﻜﺮﻱ ﻛﻮﻳﺲ ﻳﺎﻣﻬﺎ ﻭﻗﻠﺒﻴﻬﺎ ﻣﻊ ﻧﻔﺴﻚ ﺯﻳﻦ ﺣﺘﺠﻲ ﻟﻜﻼﻣﻲ ..
ﻣﻬﺎ ﺍﺑﺘﺴﻤﺖ : ﺷﻜﺮﺍ ..
ﺭﺿﺎ : ﻫﻬﻬﻬﻬﻬﻬﻬﻬﻪ .. ﺁﺍﺍﺍﻩ ﻣﻨﻚ ..
ﻣﻬﺎ ﺿﺤﻜﺖ ﺑﺨﺠﻞ ..
****
ﻃﻮﻝ ﺍﻟﻴﻮﻡ ﻛﺎﻥ ﻳﺪﻭﺭ ﻓﻲ ﺍﻟﺸﻮﺭﺍﻉ ﺑﺴﻴﺎﺭﺗﻪ ﻳﻮﻗﻒ ﺑﺶ ﻳﺼﻠﻲ ﺑﺲ .. ﻻﻛﻠﻲ ﻻﺷﺮﺏ .. ﻣﺶ ﻗﺎﺩﺭ ﻳﺴﺘﻮﻋﺐ ﻛﻴﻒ ﺗﺠﺮﺃ ﻭﺍﻫﺎﻥ ﺍﻛﺜﺮ ﺍﻧﺴﺎﻧﻪ ﻳﺤﺒﻬﺎ ﻭﻳﺤﺘﺮﻣﻬﺎ .. ﻭﻏﻴﺮ ﻫﻜﻲ ﻗﺪﺍﻣﻪ ﺑﻨﺎﺗﻬﻢ .. ﺍﻟﺒﻨﺎﺕ ﺍﻟﻠﻲ ﻛﺎﻧﺖ ﻧﻈﺮﺍﺗﻬﻢ ﻟﻴﻪ ﺃﻗﺴﻰ ﻣﻦ ﻛﻼﻣﻬﻢ ..
ﻭﻗﻒ ﻉ ﺍﻟﺒﺤﺮ ﺃﻭﻝ ﺍﻟﻠﻴﻞ ﻭﻫﻮ ﻳﺘﻔﺮﺝ ﻋﻠﻴﻪ ﻛﻴﻒ ﻫﺎﺩﻱ . ﻫﺪﻭﺀ ﺍﻟﺒﺤﺮ .. ﻋﻜﺲ ﻗﻠﺒﻪ ﺍﻟﻠﻲ ﻛﺎﻧﺖ ﺍﻣﻮﺍﺟﻪ ﻫﺎﻳﺠﻪ .. ﻗﺎﻋﺪ ﻳﺪﻭﺭ ﻓﻲ ﺩﺍﺋﺮﺓ ﻭﺣﺪﻩ ﺩﺍﺋﺮﺓ ﺍﻟﻨﺪﻡ ﻭﺍﻟﺤﻴﺮﺓ .. ﺍﻟﻠﻲ ﻗﻌﺪ ﻋﺎﻳﺶ ﻓﻴﻬﻢ ...
ﻟﻌﻨﺪ ﻣﺎﺟﺖ ﺍﻟﺴﺎﻋﻪ 2 ﻓﻲ ﺍﻟﻠﻴﻞ .. ﺧﺪﻱ ﺑﻌﻀﻪ ﻭﺭﻛﺐ ﺳﻴﺎﺭﺗﻪ ﻭﺗﻮﺟﻪ ﻟﺤﻮﺵ ﻳﺎﺭﺍ ...
ﻭﺻﻞ ﻭﻛﺎﻥ ﻣﺘﺮﺩﺩ ﻳﻨﺰﻝ ﺑﺲ ﺑﻌﺪﻳﻦ ﺣﺴﻢ ﺍﻣﺮﻩ ﻭﻧﺰﻝ ﻣﺎﺑﺎﺵ ﻳﻨﺰﻝ ﺍﻟﺸﻨﻄﻪ ﺑﺶ ﻣﺎﻳﺪﻳﺮﺵ ﺩﻭﺷﻪ .. ﻭﻗﻒ ﻓﻲ ﺍﻟﺒﺎﺏ ﻭﻓﺘﺤﻪ ﺑﺎﻟﻤﻔﺘﺎﺡ ﻭﺧﺶ ﺑﻬﺪﻭﺀ ﺣﺬﺭ ... ﻭﻫﻮ ﺧﺎﺵ ﻟﻤﺢ ﻓﻲ ﺍﻟﺼﺎﻟﻪ ﻉ ﺍﻟﻄﺎﻭﻟﻪ ﻛﺘﺎﺏ ﺟﺎﻩ ﻓﻀﻮﻝ ﻳﺸﻮﻓﻪ ﻷﻧﻪ ﺷﻜﻠﻪ ﻏﺮﻳﺐ ﺷﻮﻱ ... ﻗﺪﻡ ﻭﺷﺎﻓﻪ ﻭﻗﺮﻱ ﺍﻟﻌﻨﻮﺍﻥ ﻉ ﺍﻟﻐﻼﻑ ..
" ﻛﻴﻤﻴﺎﺀ ﺍﻟﺼﻼﺓ ..." ﺍﻟﻜﺎﺕﺏ .. ﺍﺣﻤﺪ ﺧﻴﺮﻱ ﺍﻟﻌﻤﺮﻱ .. ﺍﺑﺘﺴﻢ ﺑﺈﺳﺘﻐﺮﺍﺏ .. ﻫﻮ ﻗﺎﺭﻱ ﻟﻠﻜﺎﺗﺐ ﻫﺬﺍ ﺍﻏﻠﺐ ﻛﺘﺎﺑﺎﺗﻪ ﻭﺗﺤﺪﻳﺪﺍ ﻫﺬﺍ ..
ﻭﻗﻒ ﻉ ﺣﻴﻠﻪ ﻣﺼﺪﻭﻡ ﻟﻤﺎ ﺳﻤﻊ ﺻﻮﺕ ﻳﻘﻮﻝ ..
" ﺍﻟﻠﻪ ﺃﻛﺒﺮ .."
ﻫﻮ ﻋﺎﺭﻑ ﻫﺎﻟﺼﻮﺕ ﻟﻤﻨﻮ ﻣﺸﻲ ﺟﻴﻬﺘﻪ ﻟﻴﻦ ﻭﺻﻞ ﻓﻲ ﺩﺍﺭ ﺍﻟﻤﻌﻴﺸﻪ .. ﻟﻘﺎﻫﺎ ﻋﺎﻃﻴﻪ ﺑﺎﻟﻈﻬﺮ ﻭﻫﻲ ﻻﺑﺴﻪ ﻣﻼﻳﺔ ﻭﺗﺼﻠﻲ .. ﻗﻌﺪ ﻭﺍﻗﻒ ﻳﺸﺒﺤﻠﻬﺎ ﻟﻴﻦ ﻛﻤﻠﺖ .. ﺑﻌﺪﻫﺎ ﺭﻓﻌﺖ ﺍﻳﺪﻫﺎ ﻟﻠﺪﻋﺎﺀ ﻭﻛﺎﻥ ﺑﺼﻮﺕ ﺧﺎﻓﺖ .. ﻛﻤﻠﺖ .. ﻗﺎﻣﺖ ﺍﻟﺼﻼﻳﻪ ﻭﻧﺎﺿﺖ ﻛﻴﻒ ﻟﻔﺖ ﺍﻧﺼﺪﻣﺖ ﻟﻤﺎ ﻟﻘﺎﺗﻪ ﻭﺍﻗﻒ ..
ﻧﻀﺎﻝ ﻛﺎﻥ ﻳﺸﺒﺢ ﻟﻤﻼﻣﺤﻬﺎ ﺑﺎﻟﺤﺠﺎﺏ ﻛﺎﻧﻮﺍ ﺍﺣﻠﻰ ﺑﻬﻠﺒﻪ ﻣﻦ ﻏﻴﺮﻩ .. ﻭﻛﺎﻥ ﻣﺘﻔﺎﺟﺊ ﺑﻴﻬﺎ ﻫﻠﺒﻪ .. ﺑﺲ ﺑﻌﺪ ﻓﻜﺮ ﻗﺎﻝ ﻓﻨﻔﺴﻪ " ﺩﺍﺭﺕ ﻫﻜﻲ ﺑﺶ ﺗﻐﻴﺮ ﻧﻈﺮﺗﻲ ﻓﻴﻬﺎ ﻭﻣﺎﻧﻄﻠﻘﻬﺎﺵ .. ﻣﺤﺎﻣﻴﻪ ﻭﺃﻏﻠﺐ ﺍﻟﻤﺤﺎﻣﻴﻴﻦ ﺛﻌﺎﻟﺐ "
ﻳﺎﺭﺍ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ..
ﻧﻀﺎﻝ ﻣﻦ ﻓﻮﻕ ﻧﻔﺴﻪ : ﺍﻟﻠﻪ ﻳﺴﻠﻤﻚ ﻭﻣﺸﻲ ﻟﺪﺍﺭ ﺍﻟﻨﻮﻡ ...
ﻳﺎﺭﺍ ﻭﺟﻌﺘﻬﺎ ﺣﺮﻛﺘﻪ ﺑﺲ ﻣﺎﻗﺪﺭﺗﺶ ﺗﻠﻮﻣﻪ .. ﺑﺎﻫﻲ ﻟﺮﻭﺣﻠﻬﺎ ﺍﺳﺎﺳﺎ ..
ﻓﺎﺗﻮﺍ ﻳﻮﻣﻴﻦ ﻣﺎﺗﻐﻴﺮ ﻓﻴﻬﻢ ﺷﻲ ..
ﻣﻬﺎ ﻉ ﺣﺎﻟﻬﺎ ﻣﻊ ﺑﻮﻫﺎ ﻗﺎﻋﺪﺓ ﻣﺎﺗﻜﻠﻤﺶ ﻓﻴﻪ ﻭﺟﺎﺑﺪﻩ ﺭﻭﺣﻬﺎ ... ﻭﻣﻌﺎﻭﻳﻪ ﻣﻀﺎﻳﻘﻪ ﺍﻟﻠﻲ ﺩﻳﺮﻟﻪ ﻓﻴﻪ .. ﺣﺎﻭﻝ ﺍﻧﻪ ﻳﺘﺼﻞ ﺑﺤﻨﺎﻥ ﻭﻳﻜﻠﻤﻬﺎ ﺑﺲ ﻣﺎﻗﺪﺭﺵ ﻣﺎﻳﺒﻴﺶ ﻳﺤﻄﻬﺎ ﻓﻲ ﻣﻮﻗﻒ ﻣﺤﺮﺝ ..
ﺣﻨﺎﻥ ﻗﺎﻋﺪ ﻭﺍﺟﻌﻬﺎ ﻛﻼﻡ ﻧﻀﺎﻝ .. ﻭﻣﻊ ﻫﺬﺍ ﺣﺎﺳﻪ ﺍﻧﻪ ﻣﺲ ﺷﻲ ﺣﻘﻴﻘﻲ ﻣﻮﺟﻮﺩ ﻓﻴﻬﺎ ﻫﻲ ﺗﺤﺎﻭﻝ ﺗﺘﺠﺎﻫﻠﻪ ﻉ ﻗﺪﺭ ﻣﺎﺗﻘﺪﺭ .. ﺷﻌﻮﺭﻫﺎ ﺍﺗﺠﺎﻩ ﻣﻌﺎﻭﻳﻪ .. ﺍﻟﻠﻲ ﺇﻟﻰ ﺍﻵﻥ ﻣﺶ ﻻﻗﻴﺘﻠﻪ ﺗﻔﺴﻴﺮ .. ﺍﺳﺎﺳﺎ ﻫﻲ ﻣﺎﺗﺒﻴﺶ ﺗﻔﺴﺮﻩ ..
ﻓﻴﻮﻡ ..
ﻣﻌﺎﻭﻳﻪ : ﺑﻌﺪ ﻏﺪﻭﺓ ﺍﻟﺴﻔﺮ؟
ﺣﻨﺎﻥ : ﺍﻳﻪ ..
ﻣﻌﺎﻭﻳﻪ : ﻭﺟﻮﺩﻙ ﻣﻬﻢ ﺟﺪﺍ ﻓﻲ ﺍﻟﻤﻮﻗﻊ ﺑﺲ ﺇﻥ ﺷﺎﺀ ﺍﻟﻠﻪ ﺣﻴﺴﺪ ﻋﻨﻚ ﺍﻟﻤﻬﻨﺪﺱ ﻣﻮﺳﻰ ﻭﻟﻮ ﺑﺸﻲ ﺑﺴﻴﻂ ..
ﺣﻨﺎﻥ : ﻻﻣﺶ ﺑﺴﻴﻂ .. ﻛﺒﻴﺮ ...
ﻣﻌﺎﻭﻳﻪ " ﺑﺎﻟﻨﺴﺒﻪ ﻟﻴﻚ ﺍﻧﺘﻲ " .. ﺍﻛﺘﻔﻰ ﺑﺈﺑﺘﺴﺎﻣﻪ ..
ﺣﻨﺎﻥ : ﻧﺴﺘﺄﺫﻥ ﻣﻨﻚ ﺗﻮﺍ ..
ﻣﻌﺎﻭﻳﻪ : ﺍﻩ .. ﻟﺤﻈﻪ .. ﻗﺒﻞ .. ﻟﺘﻤﺸﻲ ﻧﺒﻲ ﻧﺴﺄﻝ ﺳﺆﺍﻝ ..
ﺣﻨﺎﻥ : ﺗﻔﻀﻞ ..
ﻣﻌﺎﻭﻳﻪ : ﺍﺣﻤﻢ .. ﻣﺎﺻﺎﺭﻟﻜﺶ ﻣﺸﻜﻠﻪ ﻟﻤﺎ ﺭﻭﺣﺘﻲ ﻳﻮﻣﻬﺎ؟
ﺣﻨﺎﻥ ﻭﺟﻬﻬﺎ ﺍﺗﻐﻴﺮ ﻭﺍﻟﺪﻣﻮﻉ ﻋﺒﻮ ﻋﻴﻮﻧﻬﺎ ..
ﻣﻌﺎﻭﻳﻪ ﻻﺣﻆ ﻭﻗﺎﻝ ﺑﻨﺒﺮﺓ ﺣﺎﺩﻩ : ﻭﺟﻌﻚ ﻓﻲ ﺍﻟﻜﻼﻡ ؟
ﺣﻨﺎﻥ ﺷﺒﺤﺘﻠﻪ : ﺣﺘﻰ ﻟﻮ .. ﺣﻘﻪ .. ﻫﻮ ﻳﻔﺴﺮ ﻓﻲ ﺗﻔﺴﻴﺮﺍﺕ ﻣﻦ ﺭﺍﺳﻪ .. ﺑﺲ ﺣﺘﻰ ﺍﻟﻠﻲ ﺍﻧﻲ ﺩﺭﺗﻪ ﻏﻠﻂ .. ﻭﻣﺎﻓﻴﺶ ﺭﺍﺟﻞ ﻳﻘﺒﻠﻪ ..
ﻣﻌﺎﻭﻳﻪ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﻗﺎﻝ : ﺍﻧﻲ ﺍﺳﻒ .. ﺍﻟﻠﻲ ﺻﺎﺭﻟﻚ ﺑﺴﺒﺒﻲ .. ﻧﻮﻋﺪﻙ .. ﺍﻧﻲ ﻧﺒﻌﺪﻙ ﻋﻦ ﺍﻟﻤﺸﺎﻛﻞ ﻭﺍﻟﺪﻭﺓ ﻭﻣﺎﻧﺨﻠﻲ ﺣﺪ ﻳﻤﺴﻚ ﺑﻨﻈﺮﺓ ..
ﺣﻨﺎﻥ ﻭﺟﻬﻬﺎ ﻭﻻﺃﺣﻤﺮ ﻭﻣﺎ ﻗﺪﺭﺗﺶ ﺗﺸﺒﺤﻠﻪ : ﻣﺸﻜﻮﺭ .. ﻋﻦ ﺍﺫﻧﻚ ..
ﻫﻮ ﺍﺑﺘﺴﻢ ﻟﺨﺠﻠﻬﺎ ﻭﻗﺎﻝ : ﻟﺤﻈﻪ .. ﺍﺧﺮ ﺳﺆﺍﻝ ..
ﺣﻨﺎﻥ ﺍﺑﺘﺴﻤﺖ ﻭﻋﻴﻮﻧﻬﺎ ﻟﻮﻃﺎ : ﺷﻦ ﻫﻮ؟
ﻣﻌﺎﻭﻳﻪ ﻭﻫﻮ ﻣﺒﺘﺴﻢ : ﺗﻌﺮﻓﻲ ﺩﺍﻋﻴﻪ ﺍﺳﻤﻪ ﻓﺎﺿﻞ ﺳﻠﻴﻤﺎﻥ ..
ﺣﻨﺎﻥ ﺭﻓﻌﺖ ﻋﻴﻮﻧﻬﺎ ﻭﺑﺤﻤﺎﺱ : ﺍﻛﻴﺪ .. ﺑﺲ ﻫﻮ ﻻﺷﻴﺦ ﻭﻻﺩﺍﻋﻴﻪ .. ﺩﻳﻤﺎ ﻳﻘﻮﻝ ﺍﻧﻲ ﻃﺎﻟﺐ ﻋﻠﻢ ﻭﻟﻮ ﺣﺒﻴﺘﻮﺍ ﺗﻨﺎﺩﻭﻧﻲ ﺑﻠﻘﺐ ﻗﺒﻞ ﺍﺳﻤﻲ ﻗﻮﻟﻮﺍ ﺍﻟﻤﻬﻨﺪﺱ ﻓﺎﺿﻞ ﺳﻠﻴﻤﺎﻥ ..
ﻣﻌﺎﻭﻳﻪ : ﺗﻌﺮﻓﻴﻪ ﻛﻮﻳﺲ .
ﺣﻨﺎﻥ : ﻋﺮﻓﺘﻪ ﻣﻦ ﺑﺮﻧﺎﻣﺞ ﺍﺳﻤﻪ ﺍﺳﻼﻣﻮﻓﻮﺑﻴﺎ ..
ﻣﻌﺎﻭﻳﻪ : ﺍﺳﻼﻣﻮ ﻓﻮﺑﻴﺎ !!
ﺣﻨﺎﻥ ﺑﺈﺑﺘﺴﺎﻣﻪ : ﻳﺘﻜﻠﻢ ﻓﻴﻪ ﻋﻦ ﻣﺤﺎﺭﺑﻪ ﺑﻌﺾ ﺍﻟﻐﺮﺑﻴﻴﻦ ﻟﻠﺪﻳﻦ ﺍﻹﺳﻼﻣﻲ ﻭﻭﺻﻔﻬﻢ ﻟﻴﻪ ﺑﺈﻧﻪ ﺩﻳﻦ ﺍﺭﻫﺎﺏ ﻭﺩﻳﻦ ﻣﻮﺕ ﻭﻋﻨﻒ ﻭﻇﻼﻡ .. ﺗﻜﻠﻢ ﻓﻴﻪ ﻋﻦ ﺍﻟﺘﻄﺮﻑ ﺍﻟﻌﻠﻤﺎﻧﻲ .. ﻭﻋﻦ ﺍﻹﻟﺤﺎﺩ .. ﻭﺍﻟﺘﻄﺮﻑ ﺍﻟﺪﻳﻨﻲ ﻛﺬﻟﻚ .. ﺩﻭﺭ ﻉ ﺣﻠﻘﺎﺕ ﺍﻟﺒﺮﻧﺎﻣﺞ ﻓﻲ ﺍﻟﻴﻮﺗﻮﻳﻮﺏ ﻭﺣﺘﻌﺮﻑ ﺍﻛﺜﺮ ...
ﻣﻌﺎﻭﻳﻪ : ﺑﺼﺮﺍﺣﻪ ! ﺗﺸﻮﻗﺖ .. ﻭﺿﺤﻚ ..
ﺣﻨﺎﻥ ﺍﺑﺘﺴﻤﺖ : ﻛﻮﻳﺲ .. ﻭﺗﻮﺍ ﺗﺴﻤﺤﻠﻲ ﻧﻤﺸﻲ ..
ﻣﻌﺎﻭﻳﻪ " ﻛﺎﻧﻚ ﻋﻠﻴﺎ ﻣﺎﻧﺒﻴﺶ ﻧﺴﻤﺤﻠﻚ ﺑﻜﻞ :" ﺍﺣﻤﻢ .. ﺗﻔﻀﻠﻲ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﻣﻌﺎﻭﻳﻪ : ﻭﻋﻠﻴﻜﻢ ﺍﻟﺴﻼﻡ .. ﻃﻠﻌﺖ ﻭﺭﻓﻌﺖ ﻗﻠﺒﻪ ﻣﻌﺎﻫﺎ ..
ﺳﺎﻓﺮﻭﺍ ﺣﻨﺎﻥ ﻭﺍﻟﺒﻨﺎﺕ ﻭﻃﺒﻌﺎ ﺑﻌﺪ ﻣﺎﺧﺪﻭﺍ ﺍﺫﻥ ﻧﻀﺎﻝ ﺍﻟﻠﻲ ﺍﺿﻄﺮﺕ ﺗﻜﻠﻤﻪ ﺣﻨﺎﻥ ﻭﻛﺎﻧﺖ ﺍﻟﻤﻜﺎﻟﻤﻪ ﻗﺼﻴﺮﻩ ﺟﺪﺍ ﻭﺭﺳﻤﻴﻪ ﻫﻠﺒﻪ ..
ﻛﺎﻧﻮﺍ ﻣﺴﺘﻌﺪﻳﻦ ﻟﻬﺎﻟﺴﻔﺮﺓ ﻭﻧﺎﻭﻳﻴﻦ ﻳﻐﻴﺮﻭﺍ ﻓﻴﻬﺎ ﺟﻮﻫﻢ ﻭﻳﻨﺴﻮﺍ ﺍﻟﻠﻲ ﻣﻀﺎﻳﻘﻬﻢ ﻛﻠﻪ ..
ﻫﻴﺠﻮﺍ ﻓﻲ ﺍﻟﻤﻮﻻﺕ .. ﻓﻲ ﻣﺪﻥ ﺍﻷﻟﻌﺎﺏ .. ﻣﺸﻮﺍ ﻟﺴﻴﻨﻤﺎ .. ﻭﻭﻗﺘﻬﺎ ﺑﺎﺩﻳﻪ ﻓﻌﺎﻟﻴﺎﺕ ﺻﻴﻒ ﺩﺑﻲ ﻛﺎﻧﺖ ﺍﻷﺟﻮﺍﺀ ﻭﻻ ﺍﺣﻠﻰ ..
ﻛﺎﻥ ﻳﻮﻣﻴﺎ ﻣﻌﺎﻭﻳﻪ ﻳﺘﺼﻞ ﺑﻤﻬﺎ ﻭﻳﺴﺄﻝ ﻓﻲ 3 ﻭﻻ 4 ﻣﺮﺍﺕ .. ﻫﻲ ﻛﺎﻧﺖ ﺟﺎﻓﻪ ﺑﻌﺾ ﺍﻟﺸﻲ ﻣﻌﺎﻩ ﺑﺲ ﻣﻦ ﺩﺍﺧﻞ ﻓﺮﺣﺎﻧﻪ ﺑﺈﻫﺘﻤﺎﻣﻪ ﺑﺮﻏﻢ ﺍﻧﻬﺎ ﻋﺎﺭﻓﻪ ﺍﻥ ﻫﺎﻹﺗﺼﺎﻻﺕ ﻣﺶ ﻟﻴﻬﺎ ﻫﻲ ﺑﺲ ﻟﻜﻦ ﻣﺎﺿﺎﻳﻘﺘﺶ ﺑﻜﻞ ..
ﺍﺳﺎﻣﻪ ﺍﻟﻠﻲ ﻗﻌﺪ ﻣﺎﺷﻲ ﺟﺎﻱ ﻉ ﺍﻷﺭﺩﻥ .. ﺧﻄﻒ ﺭﻭﺣﻪ ﻭﺟﺎﻫﻢ ﺑﻌﺪ ﻋﺮﻑ ﺑﻮﺟﻮﺩ ﺭﺿﺎ ﻣﻌﺎﻫﻢ ﻭﻗﻌﺪ ﻳﻮﻣﻴﻦ ﻫﻴﺞ ﻓﻴﻬﻢ ﻣﻊ ﻭﻟﺪﻩ ﺍﻟﻠﻲ ﻛﺒﺮ ﺑﻌﻴﺪ ﻋﻦ ﻋﻴﻮﻧﻪ ﻭﺗﻔﺎﺟﺄ ﻟﻤﺎ ﻟﻘﺎﻩ ﺑﺎﺩﻱ ﻳﺘﻌﻠﻢ ﺍﻟﻮﻗﻮﻑ ..
ﻣﺮﻭﺍ 15 ﻳﻮﻡ ﺯﻱ ﺍﻟﺒﺮﻕ .. ﻭﺭﻭﺣﻮﺍ .. ﻭﻫﻤﺎ ﻣﺶ ﻣﺘﻤﻨﻴﻴﻦ ﺍﻟﻤﺮﻭﺍﺡ .. ﺑﺲ ﺍﻟﻠﻲ ﻛﺎﻥ ﻣﻬﻮﻥ ﻋﻠﻴﻬﻢ ﺭﻣﻀﺎﻥ ﺍﻟﻠﻲ ﻗﺮﻳﺐ ﻳﺒﺪﺍ ..
ﺑﻌﺪ ﺭﻭﺣﻮﺍ ﺭﺟﻌﺖ ﺣﻨﺎﻥ ﻟﺸﻐﻠﻬﺎ ﻉ ﺍﻟﻤﺸﺮﻭﻉ .. ﻭﻛﺎﻧﺖ ﺗﻮﺗﻲ ﻟﺮﻣﻀﺎﻥ ..
ﺭﻣﻀﺎﻥ ﺍﻟﻠﻲ ﻧﻀﺎﻝ ﻛﺎﻥ ﻋﺎﻳﺶ ﻓﻴﻪ ﺑﺠﻮ ﺧﺎﺹ ﻣﻊ ﻋﻴﻠﺘﻪ ﻗﺒﻞ .. ﻭﻣﺎﻛﻠﺔ ﺣﻨﺎﻥ ﻭﺍﻷﺟﻮﺍﺀ ﺍﻟﺤﻠﻮﻩ ﺍﻟﻠﻲ ﻛﺎﻧﺖ ﺍﺩﻳﺮﻟﻬﻢ ﻓﻴﻬﺎ ﻛﻠﻬﺎ ﺣﻴﻔﻘﺪﻫﺎ ﻫﺎﻟﺴﻨﻪ ..
ﻫﺎﻟﺴﻨﻪ ﺍﻟﻠﻲ ﺍﻭﻝ ﻣﺮﺓ ﻳﺼﻴﻢ ﻓﻴﻬﺎ ﻣﻌﺎﻭﻳﻪ ﺭﻣﻀﺎﻥ .. ﺍﻧﺼﺪﻣﺘﻮﺍ !! ﻣﺎﺗﻨﺼﺪﻣﻮﺵ .. ﻳﻌﻨﻰ ﻫﻮ ﺍﻟﻠﻲ ﺯﻳﻪ ﻃﺒﻴﻌﻲ ﻳﻜﻮﻥ ﻫﻜﻲ .. ﻭﻓﻮﺍﻗﻌﻨﺎ ﺍﻟﺤﺎﻟﻲ ﻫﻠﺒﻪ ﻧﺎﺱ ﺯﻳﻪ ﻣﻊ ﺍﻷﺳﻒ ..
ﻫﻮ ﻛﺎﻥ ﻏﺎﻳﺔ ﻓﻲ ﺍﻟﺤﻤﺎﺱ ﻟﺮﻣﻀﺎﻥ ﺧﺼﻮﺻﺎ ﺑﻌﺪ ﺗﻮﻃﺪﺕ ﻋﻼﻗﺘﻪ ﺑﺎﻟﺸﻴﺦ ﻳﻮﻧﺲ .. ﻭﻗﻌﺪ ﻳﺼﻠﻲ ﻓﻲ ﺍﻟﻔﺮﺽ .. ﻓﻲ ﺍﻟﺠﺎﻣﻊ .. ﻭﺩﺍﺭ ﻣﺼﻠﻰ ﻓﻲ ﺍﻟﺸﺮﻛﻪ .. ﺍﻏﻠﺐ ﺍﻟﻤﻮﻇﻔﺎﺕ ﻓﺮﺣﻮﺍ ﺑﻴﻪ .. ﻭﻋﻄﻲ ﻧﺺ ﺳﺎﻋﻪ ﺍﺳﺘﺮﺍﺣﻪ ﻓﻮﻗﺖ ﺍﻟﺼﻼﻩ ﺑﺶ ﺍﻟﺮﺟﺎﻟﻪ ﺍﻟﻠﻲ ﻳﺼﻠﻲ ﻣﻨﻬﻢ ﻳﻄﻠﻊ ﻟﻠﺠﺎﻣﻊ ..
ﺑﺎﻟﻠﻪ !
ﺁﻣﻨﻪ : ﻭﺍﻟﻠﻪ ﺯﻱ ﻣﺎﻧﺤﻜﻴﻠﻚ .. ﺍﻫﻮ ﺷﻮﻓﻲ ..
ﺣﻨﺎﻥ ﻭﻗﻔﺖ ﻗﺪﺍﻡ ﺍﻟﻤﺼﻠﻲ .. ﺧﺸﺖ ﺷﺎﻓﺎﺗﻪ ﻛﺎﻧﺖ ﻣﺘﺠﻬﺰ ﺗﺠﻬﻴﺰ ﺗﺎﻡ .. ﻋﻴﻮﻧﻪ ﺗﻌﺒﻮﺍ ﺩﻣﻮﻉ ﻣﻦ ﺍﻟﻔﺮﺣﻪ ..
ﺣﻨﺎﻥ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ ..
ﺁﻣﻨﻪ : ﺳﺒﺤﺎﻧﻪ ﻳﻬﺪﻱ ﻣﻦ ﻳﺸﺎﺀ ..
ﺣﻨﺎﻥ : ﺳﺒﺤﺎﻧﻪ ..
ﻟﻔﻮﺍ ﻭﺭﺟﻌﻮﺍ ﻫﻤﺎ ﺍﻟﺰﻭﺯ ﻭﺑﻄﺮﻳﻘﻬﻢ ﻟﻘﺎﻋﺔ ﺍﻹﺟﺘﻤﺎﻋﺎﺕ ﻭﻛﻴﻒ ﺧﺸﻮﺍ ﻟﻠﺠﻬﺔ ﺍﻟﻠﻲ ﻓﻴﻬﺎ ﺍﻟﻘﺎﻋﻪ .. ﻣﻌﺎﻭﻳﻪ ﻛﺎﻥ ﺟﺎﻱ ﻣﻦ ﻣﻤﺮ ﺗﺎﻧﻲ ﺷﺎﻓﻮﻩ ﻭﻣﺎﺷﺎﻓﻬﻤﺶ ..
ﻛﺎﻥ ﻓﻴﺪﻩ ﻓﻨﺠﺎﻥ ﻗﻬﻮﺗﻪ .. ﻳﺸﺮﺏ ﻓﻴﻪ ..
ﺣﻨﺎﻥ ﺑﻬﻤﺲ : ﻉ ﺷﻜﻞ ﻃﺎﻭﺱ ﻭﻻ ..
ﺁﻣﻨﻪ ﺿﺤﻜﺖ ﺑﻜﺘﻤﺎﻥ : ﺍﻳﻪ .. ﻳﻌﺐﺭ ﻋﻨﻪ ﺯﻱ ﻛﺮﺳﻴﻪ ﺍﻟﻠﻲ ﻓﻤﻜﺘﺒﻪ .. ﻛﺒﺮﻳﺎﺀ ﻭﻏﺮﻭﺭ ..
ﺣﻨﺎﻥ ﺍﺑﺘﺴﻤﺖ ﻭﺳﻜﺘﺖ ..
ﻭﻫﺬﺍ ﻛﻠﻪ ﻭﻫﻮ ﻣﺶ ﺣﺎﺱ ﺑﺤﺪ ﻭﺭﺍﻩ ﻛﺎﻥ ﻓﻲ ﻣﺴﺎﻓﻪ ﺑﻴﻨﺎﺗﻬﻢ ..
ﻫﻮ ﺷﺮﺏ ﺭﺷﻔﻪ ﻣﻦ ﻓﻨﺠﺎﻧﻪ ﻭﻳﺨﻄﻢ ﻋﺎﻣﻞ ﻧﻈﺎﻓﻪ ﻛﺒﻴﺮ ﻓﻲ ﺍﻟﻌﻤﺮ ﺑﺪﻭﻥ ﻗﺼﺪ ﻧﺎﺷﻪ ﻓﻨﺠﺎﻥ ﺍﻟﻘﻬﻮﺓ ﺍﻧﻜﻔﻲ ﻭﻃﺎﺡ ﺍﻧﻜﺴﺮ ﻭﺗﺒﺰﻉ ﻟﻮﻃﺎ ﻭﻣﺎﺟﺎﺵ ﻋﻠﻴﻪ ..
ﻛﺈﻧﻪ ﻫﺎﻟﻤﻮﻗﻒ ﺗﻜﺮﺭ ﻗﺼﺪﺍ ﺍﺧﺘﺒﺎﺭ ﻟﻤﻌﺎﻭﻳﻪ ﻫﺎﻟﻤﺮﻩ ﺍﻟﻐﻠﻂ ﻣﻦ ﺍﻟﻌﺎﻣﻞ ﻣﺶ ﻣﻨﻪ ﺯﻱ ﺍﻟﻤﺮﺓ ﺍﻟﻠﻲ ﻓﺎﺗﺖ .. ﺣﻨﺎﻥ ﻭﺁﻣﻨﻪ ﻭﻗﻔﻮﺍ ﻳﺘﺮﻗﺒﻮﺍ ﺷﻦ ﺑﻴﺼﺮ ..
ﺍﻟﻌﺎﻣﻞ : ﺗﺮﺑﺢ ﻳﺎﺃﺳﺘﺎﺫ ﺗﺮﺑﺢ ﺳﺎﻣﺤﻨﻲ ﻣﺶ ﻋﺎﺭﻑ ﻛﻴﻒ ﺳﻬﻴﺖ .. ﻭﺍﻫﻮ ﺗﻮ ﻧﻤﺴﺤﻪ .. ﻣﻌﺎﻭﻳﻪ ﻭﻗﻔﻪ ﺑﺤﺮﻛﺔ ﻳﺪﻩ
ﻣﻌﺎﻭﻳﻪ : ﺍﺳﺘﻨﻰ ..
ﺣﻨﺎﻥ ﺧﺎﻓﺖ ﻭﺁﻣﻨﻪ ﻭﺟﻌﻬﺎ ﺍﻟﺸﻴﺒﺎﻧﻲ ﻟﻴﻪ ﻋﺸﺮﻩ ﺳﻨﻴﻦ ﻳﺨﺪﻡ ﻋﻨﺪﻫﻢ ﻭﻛﺎﻧﻮﺍ ﻳﺤﺒﻮﻩ ﻭﻳﺘﻮﻧﺴﻮﺍ ﺑﻜﻼﻣﻪ ﻣﻌﺎﻫﻢ ..
ﻣﻌﺎﻭﻳﻪ ﻗﺪﻣﻠﻪ ﻭﺍﻟﺮﺍﺟﻞ ﺧﺎﻳﻒ ﺣﻮﻝ ﺩﺟﺎﻛﺘﻪ ﻭﻣﺪﻫﺎﻟﻪ .. ﺧﺪﺍﻫﺎ ...
ﺧﺪﻱ ﻣﻨﻪ ﻣﻌﺎﻭﻳﻪ ﺍﻟﻤﺴﺎﺣﻪ ﻭﺍﻟﺴﻄﻞ ﻣﺘﺎﻉ ﺍﻟﺘﻨﻈﻴﻒ ..
ﻭﺑﺪﻱ ﻳﺤﻂ ﻓﻲ ﺍﻟﻤﺴﺎﺣﻪ ﻓﻲ ﺍﻟﻤﻴﻪ ﻭﻳﻌﺼﺮﻫﺎ ﻓﻲ ﺍﻟﻠﻲ ﺗﻌﺼﺮ .. ﻭﻳﻨﻈﻒ ﻓﻲ ﺍﻟﻤﻜﺎﻥ ..
ﺍﻟﺮﺍﺟﻞ ﻣﺼﺪﻭﻡ .. ﻭﺁﻣﻨﻪ ﻣﺼﺪﻭﻣﻪ .. ﺑﺲ ﺣﻨﺎﻥ ﻛﺎﻧﺖ ﺣﺎﺳﻪ ﺑﺸﻌﻮﺭ ﻣﺨﺘﻠﻒ ﻭﻫﻲ ﺗﺸﻮﻓﻠﻪ ﻛﻴﻒ ﻳﻨﻈﻒ ﻓﻲ ﺍﻟﻤﻜﺎﻥ .. ﺣﺮﺍﻡ ﺟﺎﺫﺑﻴﻪ ﻣﺎﻧﻘﺼﺖ ﻏﺮﺍﻡ .. ﺇﻻ ﺯﺍﺩﺕ ﻭﺯﺍﺩﺕ .. ﻭﻫﻲ ﺍﺣﻤﺮ ﻭﺟﻬﻬﺎ ﻣﻦ ﺍﻟﻠﻲ ﺗﺤﺲ ﺑﻴﻪ ..
ﻛﻤﻞ ﻭﺷﺒﺢ ﻟﻠﺮﺍﺟﻞ ﺑﻀﺤﻜﻪ : ﻫﻜﻲ ﺑﺎﻫﻲ ..
ﺍﻟﺮﺍﺟﻞ ﺿﺤﻚ ﺑﺼﺪﻣﻪ : ﺗﻮ ﻧﻌﺎﻭﺩ ﻋﻠﻴﻪ .
ﻣﻌﺎﻭﻳﻪ : ﻫﻬﻬﻬﻬﻬﻪ .. ﺗﻤﺎﻡ .. ﻣﻤﻜﻦ ﺩﺟﺎﻛﻪ .. ﺍﻟﺮﺍﺟﻞ ﻭﻫﻮ ﻓﺎﺗﺢ ﻓﻤﻪ ﺑﺪﻫﺸﻪ ﻋﻄﻬﺎﻟﻪ ..
ﺧﺪﺍﻫﺎ ﻭﻟﺒﺴﻬﺎ ﻭﻗﺎﻝ : ﻳﻌﻄﻴﻚ ﺍﻟﺼﺤﻪ . ﻭﻣﺸﻲ ..
ﺣﻨﺎﻥ ﺍﺑﺘﺴﻤﺖ ﻭﺁﻣﻨﻪ ﻭﻟﺤﻘﻮﻩ ..
ﺧﺶ ﻭﺧﺸﻮﺍ ﻭﺭﺍﻩ .. ﺷﺎﻓﻬﻢ ..
ﻫﻤﺎ ﺍﻟﺰﻭﺯ ﺷﺎﻓﻮﻟﻪ ﻭﺍﺑﺘﺴﻤﻮﺍ ﻭﻗﺎﻟﻮﺍ : ﻣﺴﺎﺀ ﺍﻟﺨﻴﺮ ..
ﻫﻮ ﺍﺑﺘﺴﻢ : ﻣﺴﺎﺀ ﺍﻟﺨﻴﺮﺍﺕ ..
ﺣﻨﺎﻥ ﻭﻃﺖ ﺭﺍﺳﻬﺎ ﻭﻛﻤﻠﺖ ﻃﺮﻳﻘﻬﺎ ﻭﻫﻮ ﻋﻴﻮﻧﻪ ﻣﻌﺎﻫﺎ ..
ﺑﺪﻱ ﺍﻹﺟﺘﻤﺎﻉ ﺍﻟﻠﻲ ﺗﻜﻠﻤﻮﺍﻓﻴﻪ ﻋﻦ ﻫﻠﺒﻪ ﺣﺎﺟﺎﺕ .. ﻣﻦ ﺑﻴﻨﻬﻢ ﻣﺸﺮﻭﻉ ﻣﺪﻳﻨﺔ ﺍﻷﻟﻌﺎﺏ ﺍﻟﻠﻲ ﺧﺎﺵ ﻣﺴﺎﻫﻢ ﻓﻴﻪ ﻭﻃﻠﺐ ﺣﻀﻮﺭ ﻣﺤﺎﻣﻲ ﺳﻤﻴﻪ .. ﺑﻌﺪ ﻣﺎﻋﺎﻗﺒﻬﺎ ﺑﻌﺪﻡ ﺩﺧﻮﻟﻬﺎ ﻟﻠﺸﺮﻛﻪ ... ﻭﻛﺎﻧﺖ ﻧﺠﻼﺀ ﻣﻮﺟﻮﺩﻩ ﻛﺬﻟﻚ ﻭﻃﻮﻝ ﺍﻟﻮﻗﺖ ﺗﺸﺒﺢ ﻟﺤﻨﺎﻥ ﺑﺤﻘﺪ ..
ﺍﻳﻤﻦ ﺍﻟﻔﺘﺮﺓ ﺍﻟﻠﻲ ﻓﺎﺗﺖ ﻃﻴﺮﻩ ﻣﻌﺎﻭﻳﻪ ﺑﺴﻔﺮﺓ ﻋﻤﻞ .. ﺭﻭﺡ ﻭﺣﻀﺮ ﻣﻌﺎﻫﻢ ﺍﻹﺟﺘﻤﺎﻉ ﻭﺍﻭﻝ ﻣﺎﻗﻌﻤﺰ ﺷﺒﺢ ﻟﺤﻨﺎﻥ ﻭﺣﻨﺎﻥ ﺷﺒﺤﺘﻠﻪ ﺣﻴﻮﺍ ﺑﻌﺾ ﺑﺤﺮﻛﺔ ﺍﻟﺮﺍﺱ ﻣﻊ ﺍﺑﺘﺴﺎﻣﻪ .. ﻭﻣﻌﺎﻭﻱﻩ ﻳﻐﻠﻲ ..
ﺑﻌﺪ ﺳﺎﻋﺘﻴﻦ ﻭﻧﺺ ﺗﻢ ﺍﻹﺟﺘﻤﺎﻉ ﻭﺑﺪﻭﺍ ﺃﻋﻀﺎﺋﻪ ﻳﻐﺎﺩﺭﻭﺍ ..
ﺟﻲ ﺃﻳﻤﻦ ﻟﺤﻨﺎﻥ ..
ﺣﻨﺎﻥ : ﺣﻤﺪ ﻟﻠﻪ ﻉ ﺳﻼﻣﺘﻚ ..
ﺃﻳﻤﻦ : ﺍﻟﻠﻪ ﻳﺴﻠﻤﻚ .. ﻛﻴﻒ ﺣﺎﻟﻚ ﻭﺣﺎﻝ ﺍﻟﻌﻴﻠﻪ ..
ﺣﻨﺎﻥ : ﺍﻟﺤﻤﺪ ﻟﻠﻪ .. ﻃﺒﻌﺎ ﻣﺶ ﺣﻨﺴﺄﻟﻚ ﻋﻦ ﺍﻟﻌﻮﻳﻠﻪ ﻹﻧﻲ ﺷﺒﻪ ﻧﻜﻠﻢ ﻓﻲ ﺳﻴﺮﻳﻦ ﻳﻮﻣﻴﺎ ..
ﺃﻳﻤﻦ ﺑﺈﺑﺘﺴﺎﻣﻪ : ﺩﺭﺗﻮﺍ ﺻﺤﺒﻪ ﻭﻓﺘﻮﻧﻲ ..
ﻣﻌﺎﻭﻳﻪ ﺣﻂ ﺍﻳﺪﻩ ﻉ ﻛﺘﻔﻪ : ﺍﻧﺖ ﺍﻟﻠﻲ ﻓﺎﻳﺖ ﺧﺪﻣﺘﻚ ﻭﻗﺎﻋﺪ ﺍﺩﻕ ﻓﻲ ﺍﻟﺤﻨﻚ .. ﺍﺳﺒﻘﻨﻲ ﻉ ﺍﻟﻤﻜﺘﺐ ﺗﻮﺍ ..
ﺍﻳﻤﻦ ﺷﺒﺤﻠﻪ ﺍﺑﺘﺴﻢ ﺑﺘﺤﺪﻱ ﻭﺭﻓﻌﺔ ﺣﺎﺟﺐ : ﺗﻤﺎﻡ .. ﻧﺘﻜﻠﻤﻮﺍ ﻭﻗﺖ ﺗﺎﻧﻲ ﺑﺎﺵ ﻣﻬﻨﺪﺳﻪ ..
ﺣﻨﺎﻥ : ﺇﻥ ﺷﺎﺀﺍﻟﻠﻪ .. ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
ﺍﻳﻤﻦ : ﻭﺍﻧﺘﻲ ﻋﻮﻳﻠﺘﻚ ﺑﺨﻴﺮ ﻭﺻﺤﺔ ﻭﺳﻼﻣﺔ ..
ﻣﻌﺎﻭﻳﻪ ﺧﺒﻂ ﻉ ﻛﺘﻔﻪ : ﻫﻴﺎ ﻗﻠﻨﺎ ..
ﺍﻳﻤﻦ ﺑﺮﻓﻌﺔ ﺣﺎﺟﺐ : ﻫﺎﻧﺎ ﻣﺎﺷﻴﻴﻦ .. ﻣﺸﻲ ﻭﻃﻠﻊ ﻣﻦ ﻏﺮﻓﺔ ﺍﻹﺟﺘﻤﺎﻋﺎﺕ ..
ﻣﻌﺎﻭﻳﻪ : ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﺣﻨﺎﻥ ﻭﻋﻴﻮﻧﻬﺎ ﻟﻮﻃﺎ : ﻭﺍﻧﺖ ﻭﻣﻬﺎ ﺑﺨﻴﺮ ..
ﻣﻌﺎﻭﻳﻪ ﺍﺑﺘﺴﻢ ..
ﻫﺬﺍ ﻛﺎﻥ ﺗﺤﺖ ﻋﻴﻦ ﻧﺠﻼﺀ ﺍﻟﻠﻲ ﻛﺎﻧﺖ ﻧﺎﺳﻴﻪ ﺗﻠﻴﻔﻮﻧﻬﺎ ﻭﺍﺫﻛﺮﺍﺗﻪ ﻭﻟﻠﺖ ﺑﺘﺎﺧﺪﻩ ﺷﺎﻓﺘﻬﻢ ﺑﺮﻏﻢ ﺍﻥ ﻛﺎﻥ ﻓﻲ ﻧﺎﺱ ﻏﻴﺮﻫﻢ ﻓﻲ ﺍﻟﻘﺎﻋﻪ ﺑﺲ ﻭﻗﻔﺘﻬﻢ ﻉ ﺑﻌﺾ ﻛﺎﻧﺖ ﻣﻠﻔﺘﻪ ﻭﻭﺣﺪﻩ ﺧﺒﻴﺜﻪ ﺯﻱ ﻧﺠﻼﺀ ﻣﺎﻳﻔﻮﺗﺶ ﻋﻠﻴﻬﺎ .. ﻭﻣﺶ ﺣﺘﺤﺴﻦ ﻧﻴﺘﻬﺎ ﺍﻟﻠﻲ ﺍﺳﺎﺳﺎ ﺳﻮﺩﺍ ﻣﻦ ﻋﻨﺪ ﻏﺎﺩﻱ ..
ﺧﺪﺕ ﺍﻟﺘﻠﻴﻔﻮﻥ ﻭﻫﻲ ﺗﺸﻮﻓﻠﻬﻢ ..
ﻣﻌﺎﻭﻳﻪ : ﺷﻦ ﺻﺎﺭ ﻓﻲ ﺟﻠﺴﺔ ﺃﻣﺲ ..
ﺣﻨﺎﻥ : ﻣﺎﺟﺎﺵ ..
ﻣﻌﺎﻭﻳﻪ : ﻋﺎﺟﻼ ﺍﻭ ﺍﺟﻼ ﺣﺎﺻﻞ ﺍﻟﻄﻼﻕ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﺍﻟﻜﻠﻤﻪ ﺧﺸﺖ ﻓﻲ ﻭﺫﻥ ﻧﺠﻼﺀ ﻃﻮﻝ ﻣﺸﺖ ﻣﻦ ﺣﺪﺍﻫﻢ ﻭﻫﻲ ﻣﺶ ﻣﺼﺪﻗﻪ ﺍﻟﻠﻲ ﺗﺴﻤﻊ ﻓﻴﻪ ﺍﺑﺘﺴﻤﺖ ﺑﺨﺒﺚ ﻭﻫﻲ ﻧﺎﻭﻳﻪ ﻉ ﻧﻴﻪ ..
ﻓﻲ ﺍﻟﻠﻴﻞ ..
ﺗﺘﻜﻠﻢ ﺑﺎﻟﺘﻠﻴﻔﻮﻥ ﺑﻌﺼﺒﻴﻪ ﻭﻫﻲ ﻭﺍﻗﻔﻪ ﻓﻲ ﺍﻟﺪﺍﺭ ﺑﺮﻭﺣﻬﺎ ..
ﺭﻫﻒ : ﺗﻮ ﺍﻧﺖ ﻋﻼﺵ ﻣﺎﺯﺍﻝ ﺗﻨﺎﻗﺶ ﻓﻴﺎ ... ﺧﻼﺹ ﻫﺎﻙ ﻋﺮﻓﺖ ﻭﺩﻳﺮ ﺍﻟﻠﻲ ﻳﻌﺠﺒﻚ .
ﻣﻬﺎﺏ : ﺻﺎﺭ ﻫﻜﻲ !!
ﺭﻫﻒ ﺑﺘﻬﻜﻢ : ﻫﻜﻲ ﺻﺎﺭ !!
ﻣﻬﺎﺏ : ﺗﻤﺎﻡ ﻳﺎﺭﻫﻒ .. ﻭﺻﻜﺮ ﻋﻠﻴﻬﺎ .. ﻭﻃﻠﻊ ﻣﻦ ﺩﺍﺭﻩ ﺗﻮﺟﻪ ﻟﻠﺼﺎﻟﻪ ﻓﻲ ﺣﻮﺷﻬﻢ ﺍﻟﻠﻲ ﻛﺎﻧﻮﺍ ﻓﻴﻬﺎ ﻋﻤﺎﺗﻪ ﻭﺍﻣﻪ ﻭﻧﺠﻼﺀ ﻣﻌﺎﻫﻢ ..
ﻋﻴﺎﺩﺓ ﺑﻐﻀﺐ : ﺷﻦ ﻗﺎﻟﺘﻠﻚ ..
ﻣﻬﺎﺏ ﺷﺒﺤﻠﻬﻢ ﻛﻠﻬﻢ ﺑﻀﻴﻖ ........:
...
ﻓﻲ ﺳﺘﻴﻦ ﻭﺩﺭﺓ .. ﺟﺖ ﻣﻨﻚ ﻳﺎﺟﺎﻣﻊ ..
ﺭﻫﻒ ﻋﻴﻮﻧﻬﺎ ﺩﻣﻌﻮﺍ ..
ﻟﺒﻨﻰ : ﻣﺎﺗﻘﻮﻟﻴﻠﻴﺶ ﺑﺘﺒﻜﻲ ﻋﻠﻴﻪ ..
ﺭﻫﻒ : ﻃﺒﻌﺎ ﻻ .. ﺑﺲ ﺍﻧﺘﻲ ﻋﺎﺭﻓﻪ ﺍﻟﻠﻲ ﻓﻴﺎ ...
ﻟﺒﻨﻰ ﺍﺿﺎﻳﻘﺖ ﻋﻠﻴﻬﺎ ..
ﺭﻫﻒ : ﻧﻔﻜﺮ ﻓﻲ ﻋﺮﺱ ﺗﻘﻮﻯ ﻭﻟﺆﻱ ﺷﻦ ﺑﻴﻔﻮﺗﻪ .. ﺍﻛﻴﺪ ﻳﻮﻡ ﺍﻟﺼﺎﻟﻪ ﺣﻴﻌﺰﻣﻮﺍ ﺧﻄﻴﺒﺘﻪ .. ﻣﺶ ﻋﺎﺭﻓﻪ ﻛﻴﻒ ﺑﻨﺘﺤﻤﻞ ﺷﻮﻓﺘﻬﺎ ..
ﻟﺒﻨﻰ ﻗﺪﻣﺘﻠﻬﺎ ﻭﺷﺪﺕ ﻳﺪﻫﺎ : ﺍﻟﻠﻪ ﻏﺎﻟﺐ ﻳﺎﻋﻤﺮﻱ ﻧﺼﻴﺐ ..
ﺭﻫﻒ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﺗﻨﻬﺪﺕ ﺑﺤﺮﻗﻪ ... ﻭﺩﻣﻌﺘﻬﺎ ﻧﺰﻟﺖ ..
***
ﺑﺎﻟﻠﻪ ﻋﻠﻴﻚ ﻳﺎﺳﻠﻮﻯ ﺻﻜﺮﻱ ﻉ ﺍﻟﻤﻮﺿﻮﻉ ..
ﺳﻠﻮﻯ : ﺍﺳﻤﻊ ﺑﺎﺑﺎ ﻭﻣﺎﻣﺎ ﻣﺴﺘﺤﻴﻞ ﻳﺨﻠﻮﻙ ﺗﻄﻠﻊ ﺍﻟﺒﻌﺜﻪ ﻣﺘﺎﻋﻚ ﻗﺒﻞ ﻟﺘﺘﺰﻭﺝ ..
ﺍﺳﻨﺎﻡ : ﻣﻦ ﻗﺎﻟﻚ ﺑﻨﻄﻠﻊ ..
ﺳﻠﻮﻯ ﺑﺼﺪﻣﻪ؛ ﺷﻨﻮ؟ !!
ﺍﺳﻨﺎﻡ : ﺍﻟﻠﻲ ﺳﻤﻌﺘﻴﻪ ﻣﺶ ﺣﻨﺴﺎﻓﺮ ..
ﺳﻠﻮﻯ : ﻋﻼﺵ ﺑﺎﻫﻲ ..
ﺍﺳﻨﺎﻡ : ﻫﻜﻲ ﻣﺎﻧﺒﻴﺶ ..
ﺳﻠﻮﻯ ﺷﺒﺤﺘﻠﻪ ﻫﻠﺒﻪ ﺑﻌﺪﻳﻦ ﻗﺎﻟﺖ : ﻉ ﺧﺎﻃﺮﻫﺎ ..
ﺍﺳﻨﺎﻡ ﻗﻠﺒﻪ ﻭﺟﻌﻪ : ﺳﻠﻮﻯ ﺍﻃﻠﻌﻲ ﺑﻨﺮﻗﺪ .. ﺗﻤﺪﺩ ﻉ ﺳﺮﻳﺮﻩ ﻭﻏﻄﻰ ﻋﻴﻮﻧﻪ ﺑﻌﺪ ﻏﻤﻀﻬﻢ ﺑﺬﺭﺍﻋﻪ ..
ﺳﻠﻮﻯ : ﺭﺑﻲ ﻳﻬﺪﻳﻚ .. ﻭﻧﺎﺿﺖ ﻃﻠﻌﺖ ﻣﻦ ﺣﺪﺍﻩ ﻭﺻﻜﺮﺕ ﺍﻟﺒﺎﺏ ..
ﻫﻲ ﻣﺠﺮﺩ ﻣﺎﺻﻜﺮﺕ ﺍﻟﺒﺎﺏ ﻫﻮ ﺧﺪﻱ ﺗﻠﻔﻮﻧﻪ ﻣﻦ ﻉ ﺍﻟﻜﺎﻣﺪﻳﻨﻮ ﻭﻧﺎﺽ ﻗﻌﻤﺰ ﻓﺘﺢ ﺍﻟﻔﻴﺲ ﻭﺧﺶ ﻉ ﺣﺴﺎﺑﻬﺎ ﺑﻌﺪ ﻣﺎﻓﻚ ﺍﻟﺤﻀﺮ ﻭﻗﻌﺪ ﻳﺸﻮﻑ ﻓﻲ ﺻﻮﺭﻫﺎ ﻣﻦ ﺳﻔﺮﺗﻬﺎ ﻟﺪﺑﻲ ﻛﺎﻧﺖ ﻣﺴﺘﺎﺣﺸﻬﺎ ﻣﻮﺕ ... ﻛﺎﻥ ﻛﻞ ﻣﺎﻳﺸﻮﻑ ﺻﻮﺭﺓ ﻳﺒﺘﺴﻢ ﻭﻗﻠﺒﻪ ﻳﺘﻮﺟﻊ ..
ﺃﻭﻝ ﻳﻮﻡ ﺭﻣﻀﺎﻥ ..
ﻛﺎﻥ ﻣﺨﺘﻠﻒ ﻋﻠﻰ ﺣﻨﺎﻥ ﻭﺑﻨﺎﺗﻬﺎ ﻷﻥ ﺍﻫﻢ ﺷﺨﺺ ﻛﺎﻥ ﻣﻮﺟﻮﺩ ﻓﻬﺎﻟﻤﻨﺎﺳﺒﻪ ﻣﺶ ﻣﻌﺎﻫﻢ .. ﻭﻣﺶ ﺑﻤﻮﺕ .. ﺑﺤﻴﺎﺓ ...
ﻛﺎﻧﺖ ﺣﻨﺎﻥ ﺗﺤﺐ ﺗﺰﻳﻦ ﺍﻟﺤﻮﺵ ﺑﺴﺮﺏ ﺿﻲ ﻣﻦ ﺩﺍﺧﻞ ﻭﻣﻦ ﺑﺮﺍ ﻭﺗﻌﻠﻖ ﻓﻲ ﻓﻮﺍﻧﻴﺲ .. ﻭﺍﺧﺪﻩ ﻫﺎﻟﻌﺎﺩﻩ ﻣﻦ ﺑﻮﻫﺎ ﻭﺃﻣﻬﺎ ﺯﻣﺎﻥ ﻟﻤﺎ ﻛﺎﻧﻮﺍ ﻓﻲ ﺃﻟﻤﺎﻧﻴﺎ ﺗﻌﺒﻴﺮﺍ ﻋﻦ ﺑﻬﺠﺘﻬﻢ ﺑﻘﺪﻭﻡ ﻫﺎﻟﺸﻬﺮ ﺍﻟﻤﺒﺎﺭﻙ ..
ﺟﻤﺎﻝ ﻣﻨﻈﺮ ﺍﻟﺤﻮﺵ ﻓﻬﺎﻟﺸﻬﺮ ﺍﻧﻜﺘﺐ ﻉ ﻧﻀﺎﻝ ﻳﺸﻮﻓﻪ ﻣﻦ ﺑﺮﺍ ﻭﻣﻦ ﺑﻌﻴﺪ ﺯﻱ ﺍﻟﻨﺎﺱ ﺍﻟﻐﺮﺏ ... ﺗﺄﻟﻢ ﻫﻠﺒﻪ ﻭﻣﺸﻲ ﻓﻄﺮ ﻋﻨﺪ ﺍﻣﺎﻟﻴﻪ ﺍﻟﻠﻲ ﺭﺟﻌﺖ ﻋﻼﻗﺘﻬﻢ ﺑﻮﻟﺪﻫﻢ ﻣﻬﻤﺎ ﻛﺎﻥ ﻳﻘﻌﺪ ﻭﻟﺪﻫﻢ ..
ﻳﺎﺭﺍ ﻛﺎﻧﺖ ﻋﺎﻳﺸﻪ ﺍﺟﻮﺍﺀ ﺧﺎﺻﻪ ﺍﻭﻝ ﺭﻣﻀﺎﻥ ﻟﻴﻬﺎ ﺗﺼﻴﻤﻪ ﻭﻛﺎﻧﺖ ﺗﻐﻴﺮﺕ ﻓﻲ ﻧﻔﺴﻴﺘﻬﺎ ﻫﻠﺒﻪ ﺣﺎﺟﺎﺕ .. ﺍﻏﻨﺎﻫﺎ ﺭﺑﻲ ﻋﻦ ﻛﻞ ﺍﻟﻨﺎﺱ ﻭﻋﺎﻳﺸﻪ ﻫﻲ ﺟﺒﺮ ﺟﻮ ﺣﻠﻮ ﻣﻊ ﺑﻌﺾ ﻓﻲ ﻫﺎﻟﺸﻬﺮ .. ﺑﺮﻏﻢ ﺍﻥ ﺑﻌﺪ ﻧﻀﺎﻝ ﻭﺍﺟﻌﻬﺎ ﺑﺲ ﺗﺤﺎﻭﻝ ﺗﺘﺠﺎﻫﻞ ﻉ ﻗﺪ ﻣﺎﺗﻘﺪﺭ ..
ﻣﻌﺎﻭﻳﻪ ﻭﻣﻬﺎ ﺍﻟﻠﻲ ﺭﺟﻌﺖ ﻋﻼﻗﺘﻬﺎ ﺑﻮﻫﺎ ﻛﻮﻳﺴﻪ ﻭﻧﺴﺖ ﺍﻟﺰﻋﻞ .. ﻛﺎﻧﻮﺍ ﻳﻔﻄﺮﻭﺍ ﻣﻊ ﺑﻌﺾ ﻭﺭﻣﻀﺎﻥ ﻫﺬﺍ ﻛﺎﻥ ﻏﻴﻴﻴﻴﺮ ﻭﻟﻴﻪ ﻧﻜﻬﻪ ﺧﺎﺻﻪ ﻋﻨﺪﻫﻢ ﻭﻛﻞ ﺣﺪ ﻓﻴﻬﻢ ﻟﻴﻪ ﺃﺳﺒﺎﺑﻪ ..
ﺑﻌﺪ ﺍﻟﺘﺮﺍﻭﻳﺢ ﺗﻔﺎﺟﺌﺖ ﺭﻫﻒ ﺑﺈﺗﺼﺎﻝ ﺍﻡ ﻣﻬﺎﺏ ﺗﻬﻨﻲ ﺑﺎﻟﺸﻬﺮ ﻭﻫﺪﺭﺯﺕ ﻭﺟﻮﻫﺎ ﻣﻠﻴﺢ ﻭﻋﺎﺩﻱ ﺟﺪﺍ ﻛﻠﻤﺖ ﺣﻨﺎﻥ ﺣﺘﻰ ﻫﻲ ﻭﻋﺘﺒﺖ ﻉ ﺭﻫﻒ ﺍﻟﻠﻲ ﻛﺎﻥ ﻣﻔﺮﻭﺽ ﻫﻲ ﺗﺘﺼﻞ ﺑﻴﻬﺎ ﻣﺶ ﺍﻟﻌﻜﺲ ...
ﺑﻌﺪ ﺻﻜﺮﺕ ﺷﻮﻳﻪ ﻭﻭﺻﻠﺘﻬﺎ ﺭﺳﺎﻟﻪ ..
( ﻛﻞ ﺷﻲ ﺣﻴﺘﺼﻠﺢ ﻟﻜﻦ ﻋﻨﻚ ﻣﺴﺘﺤﻴﻞ ﻧﺘﺨﻼ )
ﺍﺿﺎﻳﻘﺖ ... ﺷﻮﻳﻪ ﻭﺍﺗﺼﻞ ﺑﻴﻬﺎ .. ﻭﻗﺎﻟﻠﻬﺎ ﻣﺎﻗﺎﻟﺶ ﻷﻫﻠﻪ ﻭﺗﻮ ﻳﺪﺑﺮ ﻛﻴﻒ ﻳﺘﺼﺮﻑ ﻣﻌﺎﻫﻢ ﺑﺶ ﻣﺎﻳﺤﺮﻣﻮﺷﻲ ﻣﻨﻬﺎ .. ﻭﻫﻲ ﺳﻜﺘﺖ ﻷﻥ ﻣﺎﺩﺍﺑﻴﻬﺎ ﺗﺴﺘﻤﺮ ﻫﺎﻟﺨﻄﺒﻪ ﺣﺎﻟﻴﺎ ..
ﻓﺎﺗﻮﺍ ﺍﻳﺎﻡ ﺭﻣﻀﺎﻥ ﺑﻨﻔﺲ ﺍﻟﺮﻭﺗﻴﻦ ﺍﻟﺬﻱ ﻻﻳﻤﻞ
ﻟﻲ ﺟﻲ ﻳﻮﻡ ...26
ﺣﻨﺎﻥ ﻛﺎﻧﺖ ﺗﻘﺮﺍ ﻓﻲ ﺍﻟﻘﺮﺁﻥ ﺭﻥ ﺗﻠﻴﻔﻮﻧﻬﺎ ﺳﻜﺮﺕ ﺍﻟﻤﺼﺤﻒ ﻭﻧﺎﺿﺖ ..
ﺧﺪﺕ ﺗﻠﻔﻮﻧﻬﺎ ﺍﺿﺎﻳﻘﺖ ﻟﻤﺎ ﺷﺎﻓﺖ ﺍﺳﻢ ﺍﻟﻤﺘﺼﻞ ﺑﺲ ﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﺭﺩﺕ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ ..
ﻧﻀﺎﻝ : ﺍﺣﻤﻢ .. ﻭﻋﻠﻴﻜﻢ ﺍﻟﺴﻼﻡ .. ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﺣﻨﺎﻥ : ﻭﺍﻧﺖ ﺑﺨﻴﺮ ..
ﻧﻀﺎﻝ : ﺷﻦ ﺣﺎﻝ ﺍﻟﺒﻨﺎﺕ ..
ﺣﻨﺎﻥ : ﺍﻟﺤﻤﺪ ﻟﻠﻪ ﻛﻮﻳﺴﺎﺕ ...
ﻧﻀﺎﻝ : ﺍﻟﺤﻤﺪ ﻟﻠﻪ ..
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﺗﻜﻠﻢ ﻧﻀﺎﻝ ..
ﻧﻀﺎﻝ : ﺍﻧﻲ ﺍﺗﺼﻠﺖ ﻟﺴﺒﺒﻴﻦ .. ﺃﻭﻟﻬﻢ .. ﺍﻧﻲ ﻧﻌﺘﺬﺭ ﻣﻨﻚ ﺑﺸﺪﻩ .. ﻉ ﺍﻟﻜﻼﻡ .. ﺍﻟﺴﻔﻴﻪ ﺍﻟﻠﻲ ﺑﺪﺭ ﻣﻨﻲ .. ﺍﻧﻲ ﺍﺳﻒ ﺟﺪﺍ ..
ﺣﻨﺎﻥ : ﻋﻔﺎ ﺍﻟﻠﻪ ﻋﻤﺎ ﺳﻠﻒ .. ﻧﺴﻴﺖ ﻛﻞ ﺷﻲ ..
ﻧﻀﺎﻝ ﺑﻠﻊ ﺭﻳﻘﻪ ﻭﻗﺎﻝ : ﻛﻮﻳﺲ .. ﺑﺎﺭﻙ ﺍﻟﻠﻪ ﻓﻴﻚ ..
ﺣﻨﺎﻥ : ﻭﻓﻴﻚ ﺑﺎﺭﻙ ﺍﻟﻠﻪ .. ﻭﺍﻟﺴﺒﺐ ﺍﻟﺘﺎﻧﻲ؟
ﻧﻀﺎﻝ : ﻧﺒﻲ ﻧﻌﺰﻡ ﺭﻭﺣﻲ ﻉ ﻓﻄﻮﺭ ﻣﻌﺎﻛﻢ ﻓﻲ ﺍﻟﺤﻮﺵ ﻏﺪﻭﺓ ..
ﺣﻨﺎﻥ : ﻣﺮﺣﺒﺘﻴﻦ ﺑﻴﻚ .. ﺣﻴﺠﻮﺍ ﻏﺪﻭﺓ ﺍﻫﻞ ﻣﻬﺎﺏ ﻭﻧﺒﻴﻚ ﺗﻜﻮﻥ ﻣﻮﺟﻮﺩ .. ﻭﺑﺎﻟﻤﺮﺓ ﻧﻌﺰﻡ ﺍﺳﺎﻣﻪ ﻳﻔﻄﺮ ﻣﻌﺎﻧﺎ ﻣﺴﻜﻴﻦ .. ﻃﻮﻝ ﺍﻻﻳﺎﻡ ﺍﻟﻠﻲ ﻓﺎﺗﺖ ﻧﺒﻌﺘﻠﻪ ﻓﻔﻄﻮﺭﻩ ﻣﻊ ﻣﻤﺮﺿﻪ ﻧﻌﺮﻓﻬﺎ ﺗﺨﺪﻡ ﻣﻌﺎﻩ .. ﻭﺣﺘﻰ ﻧﻴﺮﻭﺯ ﻣﻌﺰﻭﻣﻪ
ﻧﻀﺎﻝ ﺍﺿﺎﻳﻖ ﺑﺲ ﻣﺸﺎﻫﺎ ﺍﻟﻤﻬﻢ ﻳﺤﺼﻞ ﻳﻮﻡ ﻣﻊ ﻋﻴﻠﺘﻪ ﻳﺮﺩﻩ ﻷﻳﺎﻡ ﺯﻣﺎﻥ : ﺗﻤﺎﻡ ... ﻏﺪﻭﺓ ﻧﻜﻮﻥ ﻋﻨﺪﻛﻢ ﻗﺒﻞ ﺍﻟﻤﻐﺮﺏ ..
ﺣﻨﺎﻥ : ﺇﻥ ﺷﺎﺀ ﺍﻟﻠﻪ .. ﺍﻟﺴﻼﻡ ﻋﻠﻴﻜﻢ .. ﻭﺻﻜﺮﺕ .. ﻡﺍﺭﺍﺟﺘﺶ ﺗﺴﻤﻊ ﺭﺩﻩ .. ﻫﻮ ﺍﺑﺘﺴﻢ ﺑﺄﻟﻢ ﻭﻳﺸﺒﺢ ﻟﺸﺎﺷﺔ ﺍﻟﺘﻠﻴﻔﻮﻥ ﺗﻨﻬﺪ ﻭﺧﺶ ﻟﺤﻮﺵ ﻳﺎﺭﺍ ﺍﻟﻠﻲ ﻟﻘﺎﻫﺎ ﻣﻘﻌﻤﺰﺓ ﺗﻘﺮﺍ ﻓﻲ ﺍﻟﻘﺮﺁﻥ ﻭﻣﺘﺠﺎﻫﻠﻪ ﻭﺟﻮﺩﻩ ﺗﻤﺎﻣﺎ .. ﻗﻌﺪ ﻳﺸﻮﻓﻠﻬﺎ ﺷﻮﻳﻪ ﺑﻌﺪﻳﻦ ﺧﺶ ﻟﺪﺍﺭ ﺍﻟﻨﻮﻡ ..
ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻗﺒﻞ ﺍﻟﻤﻐﺮﺏ ..
ﻭﻣﻦ ﻋﺎﺯﻣﻪ ..
ﻣﻬﺎ ﻭﻫﻲ ﺗﻠﺒﺲ ﻓﻲ ﺍﻟﻜﻨﺪﺭﻩ : ﻋﻤﻮ ﺃﺳﺎﻣﻪ .. ﻭﺧﺎﻟﺘﻲ ﻧﻴﺮﻭﺯ .. ﺷﺒﺤﺘﻠﻪ ..
ﻭﻋﻤﻮ ﻧﻀﺎﻝ ...
ﻣﻌﺎﻭﻳﻪ ﺑﻀﻴﻖ ﻫﺰ ﺭﺍﺳﻪ ﺑﺈﻳﺠﺎﺏ : ﺗﻤﺎﻡ .. ﻣﻊ 1 ﻳﺠﻴﻚ ﺍﻟﺴﻮﺍﻕ ..
ﻣﻬﺎ ﺍﺿﺎﻳﻘﺖ ﻉ ﺧﺎﻃﺮﻩ ﻗﺮﺑﺖ ﺑﺎﺳﺘﻪ ﻉ ﺭﺍﺳﻪ ... ﻭﺍﺑﺘﺴﻤﺖ ﻭﻃﻠﻌﺖ .. ﻫﻮ ﺍﺑﺘﺴﻢ ﻭﻟﻒ ﻭﺧﺶ ﺩﺍﺧﻞ ..
ﺑﻌﺪ ﺍﻟﻤﻐﺮﺏ ..
ﻛﺎﻧﺖ ﺍﺟﻮﺍﺀ ﺍﻟﻠﻤﻪ ﺗﻔﺘﺢ ﺍﻟﻨﻔﺲ ﻭﻧﻀﺎﻝ ﻧﻔﺴﻪ ﺍﻧﻔﺘﺤﺖ ﻉ ﺍﻵﺧﺮ ﻭﻗﻌﺪ ﻳﺎﻛﻞ ﻣﻦ ﻛﻞ ﺷﻲ .. ﻭﺍﺳﺎﻣﻪ ﻛﺎﻥ ﻻﻫﻲ ﺑﻮﻟﺪﻩ ﻉ ﻗﺪ ﻣﺎﻳﻘﺪﺭ ﻳﻐﻨﻢ ﻓﻔﺮﺻﺔ ﻭﺟﻮﺩﻩ ﻣﻌﺎﻩ ﺑﺶ ﻳﻬﺘﻢ ﺑﻴﻪ .. ﺍﻟﺒﻨﺎﺕ ﻭﻣﻬﺎ ﺟﻮﻫﻢ ﻓﻨﺎﺗﺎﺳﺘﻚ .. ﻟﻜﻦ ﺍﺩﺑﺴﻮﺍ ﻓﻐﺴﻞ ﺍﻟﻤﺎﻋﻴﻦ ﺧﺪﻭﻫﺎ ﺑﺎﻟﺠﻮ ﻭﻗﻌﺪﻭﺍ ﻗﺮﻳﺐ ﺳﺎﻋﻪ ﻓﻲ ﺍﻟﻜﻮﺟﻴﻨﻪ ﻭﻫﻤﺎ ﻫﺪﺭﺯﺓ ﻭﺿﺤﻚ ..
ﻣﻌﺎﻭﻳﻪ ﻛﺎﻥ ﻳﻔﻄﺮ ﺑﺮﻭﺣﻪ .. ﻭﻛﺎﻥ ﻣﻀﺎﻳﻖ ﻫﻠﺒﻪ .. ﻭﺟﻮﺩ ﻧﻀﺎﻝ ﻣﻌﺎﻫﻢ ﺧﻼﻩ ﻳﺤﺲ ﺑﺨﻴﺒﻪ ﺍﻣﻞ ﻓﻮﻕ ﻏﻴﺮﺗﻪ .. ﻃﺎﻟﻤﺎ ﻗﺎﻋﺪﻩ ﻉ ﺫﻣﺘﻪ ﺍﺣﺘﻤﺎﻝ ﺻﻠﺤﺘﻬﻢ ﻭﺍﺭﺩ ..
ﻭﻗﺖ ﺍﻟﺘﺮﻭﺍﻳﺢ ﻃﻠﻌﻮﺍ ﺍﺳﺎﻣﻪ ﻭﻧﻀﺎﻝ ﻟﻠﺠﺎﻣﻊ .. ﻭﺭﻫﻒ ﺭﻛﺒﺖ ﺗﻮﺗﻲ ﻓﺮﻭﺣﻬﺎ ﻭﻧﻴﺮﻭﺯ ﻭﺣﻨﺎﻥ ﺑﻌﺪ ﺩﺍﺭﻭﺍ ﺩﻭﺭﺓ ﻉ ﺍﻟﺤﻮﺵ ﻣﺸﻮﺍ ﻳﻮﺗﻮﺍ ﻓﻲ ﺭﻭﺣﻬﻢ ..
ﺑﻌﺪ ﺍﻟﺘﺮﻭﺍﻳﺢ ﺟﻲ ﻣﻬﺎﺏ ﻭﻣﻌﺎﻩ ﺍﻣﻪ ﻭﻧﺴﺎﻭﻳﻦ ﺧﻮﺗﻪ ﻭﺯﻭﺯ ﻣﻦ ﺧﻼﺗﻪ ﻭﺯﻭﺯ ﻣﻦ ﻋﻤﺎﺗﻪ " ﻗﺒﻴﻠﺔ ﻗﺮﻳﺶ .."
ﻭﺍﺳﺘﻘﺒﻞ ﻧﻀﺎﻝ ﻣﻬﺎﺏ ﻓﻲ ﺍﻟﻤﺮﺑﻮﻋﻪ ﻭﻫﺎﻟﺸﻲ ﻓﻨﺪ ﻛﻼﻡ ﻧﺠﻼﺀ ﻭﻃﻤﻦ ﻗﻠﺐ ﻋﻴﺎﺩﻩ .. ﻭﻣﻬﺎﺏ ﺍﻟﻠﻲ ﻳﻌﺮﻑ ﺍﻟﻠﻲ ﻓﻴﻬﺎ ﺍﺳﺘﺒﺸﺮ ﺧﻴﺮ ﺍﻥ ﻣﻤﻜﻦ ﻳﺘﺼﺎﻟﺤﻮﺍ ..
ﻣﺎﺧﻠﻮﺍ ﻣﺎﺟﺎﺑﻮﻟﻬﺎ .. ﺿﻴﻔﺖﻫﻢ ﺣﻨﺎﻥ ﺍﺣﺴﻦ ﺿﻴﺎﻓﻪ ﻋﺠﺒﺖ ﻋﻴﺎﺩﻩ ﻉ ﺍﻵﺧﺮ .. ﻭﻋﺠﺒﺘﻬﺎ ﺭﻫﻒ ﺷﻦ ﻻﺑﺴﻪ ﻭﻛﻴﻒ ﻃﺎﻟﻌﻪ ..
ﻣﺮ ﺍﻟﻮﻗﺖ ﻭﺭﻭﺣﻮﺍ .. ﻭﺭﻭﺡ ﻧﻀﺎﻝ ﺑﻌﺪﻫﻢ .. ﻭﺭﻭﺣﺖ ﻧﻴﺮﻭﺯ ﻗﻌﺪﺕ ﻣﻬﺎ .. ﺳﻠﻤﺖ ﻉ ﺍﻟﺒﻨﺎﺕ ﻭﺧﻠﺘﻬﻢ ﻓﻲ ﺍﻟﺪﺍﺭ ﻭﻧﺰﻟﺖ ..
ﻣﻬﺎ : ﺇﻥ ﺷﺎﺀ ﺍﻟﻠﻪ ﺩﻳﻤﺎ ﻋﺎﻣﺮ ﺧﺎﻟﺘﻲ ﺣﻨﺎﻥ ..
ﺣﻨﺎﻥ : ﻣﺮﻭﺣﻪ؟
ﻣﻬﺎ : ﺍﻳﻪ ..
ﺣﻨﺎﻥ : ﺍﺻﺒﺮﻱ ﺷﻮﻳﻪ .. ﺧﺸﺖ ﻟﻠﻜﻮﺟﻴﻨﻪ ﻃﻠﻌﺖ ﻣﻨﻬﺎ ﺣﺎﻓﻈﻪ ﻭﺑﺎﻛﻮﺍ .. ﻫﺎﻛﻲ .. ﻫﺎﺩﻡ ﺣﺼﺔ ﺑﺎﺑﺎ ..
ﻣﻬﺎ ﺍﺑﺘﺴﻤﺖ ﻭﺑﺎﺳﺖ ﺣﻨﺎﻥ ﻣﻦ ﺧﺪﻫﺎ : ﺳﻠﻤﻠﻲ ﻫﺎﻟﺤﻨﻮﻧﻪ .
ﺣﻨﺎﻥ ﺿﺤﻜﺖ ﺑﺨﺠﻞ ... ﻭﻃﻠﻌﺖ ﻣﻌﺎﻫﺎ ﺳﻘﺪﺗﻬﺎ ﻭﺧﺸﺖ ..
ﻓﻲ ﺍﻟﻘﺼﺮ ..
ﻣﻌﺎﻭﻳﻪ ﻛﺎﻥ ﻣﻘﻌﻤﺰ ﻓﻲ ﻏﺮﻓﺘﻪ ﺍﻟﺨﺎﺻﻪ ﻭﻳﺘﻔﺮﺝ ﻉ ﺍﻟﺠﻮ ﺑﺮﺍ ﻣﻦ ﺍﻟﻔﻴﺮﻧﺪﺍ ﻳﺸﺒﺢ ﻟﻠﻨﺠﻮﻡ ﻭﻳﺴﺒﺢ .. ﻉ ﺍﻣﻞ ﺭﺑﻲ ﻳﻬﻮﻥ ﻋﻠﻴﻪ ﺍﻟﻠﻲ ﻳﺤﺲ ﺑﻴﻪ ..
ﻃﻖ ﺍﻟﺒﺎﺏ ..
ﻣﻌﺎﻭﻳﻪ : ﺧﺶ ..
ﺧﺸﺖ ﻣﻬﺎ : ﻗﺎﻋﺪ ﻧﺎﻳﺾ ..
ﻣﻌﺎﻭﻳﻪ ﺍﺑﺘﺴﻢ : ﻣﺎﺟﺎﻧﻴﺶ ﻧﻮﻡ ﻗﻠﺖ ﺧﻞ ﻧﺴﻬﺮ ﻟﻠﺴﺤﻮﺭ ﻭﺧﻼﺹ .. ﺍﺣﻤﻢ .. ﺷﻦ ﺟﻮ ﺍﻟﻌﺰﻭﻣﻪ ..
ﻣﻬﺎ : ﺣﻠﻮ ﻫﻠﺒﻪ ﻳﺎﺑﺎﺑﺎ .. ﻭﻛﺎﻥ ﺗﺸﻮﻑ ﻛﻴﻒ ﻣﺰﻳﻦ ﺍﻟﺤﻮﺵ ﻣﻦ ﺑﺮﺍ ﺑﻔﻮﺍﻧﻴﺲ ﻭﺳﺮﺏ ﺿﻲ ﻭﻣﻦ ﺩﺍﺧﻞ ﺣﺘﻰ ﻫﻮ ﺍﻟﻤﻨﻈﺮ ﺑﺮﻭﺣﻪ ﻳﺸﺮﺡ ﺍﻟﺼﺪﺭ ..
ﻣﻌﺎﻭﻳﻪ ﺍﺑﺘﺴﻢ ﺑﻀﻴﻖ ﻭﻗﺎﻝ : ﺍﻣﺘﻰ ﺭﻭﺣﻮﺍ ﺍﺳﺎﻣﻪ ﻭﻧﻀﺎﻝ ..
ﻣﻬﺎ ﺍﺑﺘﺴﻤﺖ : ﻋﻤﻮ ﺍﺳﺎﻣﻪ ﻗﺒﻞ ﺍﻟﺘﺮﺍﻭﻳﺢ ﻭﻋﻤﻮ ﻧﻀﺎﻝ ﺑﻌﺪ ﻣﺎﺭﻭﺣﻮﺍ ﺃﻫﻞ ﺧﻄﻴﺐ ﺭﻫﻒ ..
ﻣﻌﺎﻭﻳﻪ ﺯﺍﺩ ﺍﺿﺎﻳﻖ ﻭﻫﺰ ﺭﺍﺳﻪ ﺑﺈﻳﺠﺎﺏ ﻭﻣﺎﻋﻠﻘﺶ ..
ﻣﻬﺎ ﻗﻌﺪﺕ ﺗﺸﻮﻓﻠﻪ ﺑﻌﺪﻳﻦ ﻗﺎﻟﺖ : ﺑﺎﺑﺎ ..
ﻣﻌﺎﻭﻳﻪ ﺷﺒﺤﻠﻬﺎ ..
ﻣﻬﺎ : ﺟﻌﺎﻥ ..
ﻣﻌﺎﻭﻳﻪ ﺷﺒﺢ ﺍﻟﻘﺪﺍﻡ : ﺗﺲ ..
ﻣﻬﺎ ﺑﺸﻘﺎﻭﺓ : ﺧﺴﺎﺍﺍﺍﺭﺓ .. ﺑﻌﺘﺘﻞﻙ ﻣﻌﺎﻱ ﺧﺎﻟﺘﻲ ﺣﻨﺎﻥ ﺣﺼﺘﻚ ﻣﺴﻤﻴﺘﻬﺎ ﻋﻠﻴﻚ ﻗﺒﻞ ﻟﻨﻄﻠﻊ ﻣﺪﺗﻬﺎﻟﻲ ﻭﻗﺎﻟﺖ ﻫﺎﺩﻱ ﺣﺼﺖ ﺑﺎﺑﺎ ..
ﻣﻌﺎﻭﻳﻪ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺪﻫﺸﻪ ﻭﻓﺮﺣﻪ .. ﺍﺑﺘﺴﻢ ﻣﻦ ﻭﺳﻂ ﻗﻠﺒﻪ ﻭﻧﺎﺽ ﻭﻗﻒ ﻗﺪﺍﻡ ﻣﻬﺎ : ﻗﻮﻟﻲ ﺍﻟﺤﻖ ﻫﻲ ﻫﻜﻲ ﻗﺎﻟﺖ ﺍﻧﺘﻲ ﻣﺎﻗﻠﺘﻠﻴﻬﺎ ﺷﻲ ﻳﻌﻨﻲ ﺧﻠﻲ ﻟﺒﺎﺑﺎ ﺍﻭ ﺣﺎﺟﻪ ﺯﻱ ﻫﺎﺩﻱ؟
ﻣﻬﺎ ﺑﻀﺤﻜﻪ : ﻻ ﻭﺍﻟﻠﻪ ﺃﺑﺪﺍ ﺍﻧﻲ ﺑﺮﻭﺣﻲ ﺗﻔﺎﺟﺌﺖ ﺯﻳﻚ ..
ﻣﻌﺎﻭﻳﻪ ﺍﻟﺸﻌﻮﺭ ﺍﻟﻠﻲ ﻳﺤﺲ ﺑﻴﻪ ﺣﺎﻟﻴﺎ ﺧﻼﻩ ﻳﺸﺪ ﺭﺍﺳﻪ ﺑﻨﺘﻪ ﻭﻳﺒﻮﺳﻪ : ﻟﻴﻚ ﻣﻨﻲ ﻏﻴﺮ ﺗﻨﺠﺤﻲ ﺳﻴﺎﺭﺓ ﻣﻮﺩﻳﻞ ﺍﻟﺴﻨﻪ ﺍﻟﻠﻲ ﻳﻌﺠﺒﻚ ﻗﻮﻟﻴﻠﻲ ﻋﻠﻴﻪ ..
ﻣﻬﺎ : ﻫﻬﻬﻬﻬﻬﻬﻬﻬﻪ .. ﻣﺎﻝﺍ ﻛﺎﻥ ﺑﻌﺘﺖ ﻣﻌﺎﻱ ﻛﻠﻤﺔ ﻧﺤﺒﻚ ﺷﻦ ﺩﺭﺕ ..
ﻣﻌﺎﻭﻳﻪ ﻓﻨﺺ ﻓﻴﻬﺎ ﻭﻫﻮ ﻳﻀﺤﻚ ﻭﺭﻳﺸﻬﺎ ﻣﻦ ﺷﻌﺮﻫﺎ .. ﻭﻫﻲ ﻣﻴﺘﻪ ﺑﺎﻟﻀﺤﻚ .. ﻃﻠﻊ ﻣﻌﺎﻭﻳﻪ ﻟﻐﺮﻓﺔ ﺍﻷﻛﻞ ﻭﻛﻠﻲ ﻣﻦ ﺍﻟﻠﻲ ﺑﻌﺘﺎﺗﻪ ﺣﻨﺎﻥ ﻛﻠﻪ .. ﻭﻣﺶ ﻣﺪﻭﺭ ﺷﻲ ﺑﻜﻞ .. ﻻﺳﻌﺮﺍﺕ ﺣﺮﺍﺭﻳﻪ ﻻﺩﻫﻮﻥ ﻻﺩﻻﻉ ...
ﻣﻬﺎ ﺗﺸﺒﺤﻠﻪ ﻭﻫﻲ ﻣﺒﺘﺴﻤﻪ ﻭﺩﻋﺖ ﻓﻨﻔﺴﻬﺎ ﺍﻥ ﺭﺑﻲ ﻳﻔﺮﺡ ﻗﻠﺐ ﺑﻮﻫﺎ ﻭﻳﻨﻮﻟﻪ ﻣﺮﺍﺩﻩ
..... ﻳﺘﺒﻊ ...
٠٨ / ١١ / ٢٠٢٠ · Facebook for Android · ﺭﻭﺍﻳﺎﺕ ﺑﺎ
