ﺍﻟﺘﺎﻟﻲ
❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 37_
ﻭﺗﻤﺮ ﺍﻷﻳﺎﻡ ...
ﺣﻨﺎﻥ ﺗﻌﺎﻓﺖ ﻭﺣﻮﻟﺖ ﺍﻟﺠﺒﺲ ﻭﺭﺟﻌﺖ ﻟﺨﺪﻣﺘﻬﺎ ﻣﻦ ﺃﻭﻝ ﻭﺟﺪﻳﺪ ... ﻭﻧﻀﺎﻝ ﻣﻌﺎﺵ ﺟﻲ ﻣﻦ ﺃﺧﺮ ﻣﺮﺓ .. ﻛﺎﻥ ﻋﺎﻳﺶ ﺻﺮﺍﻉ ﻣﻊ ﻧﻔﺴﻪ ﻭﺍﻟﻠﻪ ﻳﻌﻴﻦ ﺍﻟﻠﻲ ﺯﻳﻪ ﻟﻤﺎ ﺗﻜﻮﻥ ﻋﻨﺪﻙ ﺣﺎﺟﻪ ﻏﺎﻟﻴﻪ ﻫﻠﺒﻪ ﻭﺍﻧﺖ ﺍﺿﻴﻌﻬﺎ ﺑﺈﻳﺪﻙ ﺑﻌﺪ ﻣﺎﺿﻴﻊ ﺗﺤﺲ ﺑﻘﻴﻤﺘﻬﺎ ﻭﺃﻫﻤﻴﺘﻬﺎ ﺑﺎﻟﻨﺴﺒﻪ ﻟﻴﻚ ﻭﺑﻌﺪ ﻓﻮﺍﺕ ﺍﻷﻭﺍﻥ ﺗﺤﺎﻭﻝ ﻣﺤﺎﻭﻻﺕ ﻓﺎﺷﻠﻪ ﺇﻧﻚ ﺗﺮﺩﻫﺎ ﻭﻣﺎﺗﻔﻠﺤﺶ ﻭﻟﻤﺎ ﺗﻘﺮﺭ ﺗﺴﺘﺴﻠﻢ ﻟﻸﻣﺮ ﺍﻟﻮﺍﻗﻊ ﺗﻠﻘﻰ ﻗﻠﺒﻚ ﺭﺍﻓﺾ ﻭﻣﺶ ﻣﺘﻘﺒﻞ ﺍﻟﺨﺴﺎﺭﻩ ... ﻭﺗﻌﻴﺶ ﺻﺮﺍﻉ ﻣﺮﻳﺮ ﻣﻌﺎﻩ ﻳﺨﻠﻴﻚ ﺍﺩﻳﺮ ﺣﺎﺟﺎﺕ ﻋﻤﺮﻙ ﻣﺎﺗﻮﻗﻌﺖ ﺍﺩﻳﺮﻫﺎ
ﻳﺎﺭﺍ ﺣﺎﺳﻪ ﺑﻜﻞ ﺷﻲ ﻭﻓﺎﻫﻤﻪ ... ﻭﺧﻼﺹ ﺣﺴﻤﺖ ﺃﻣﺮﻫﺎ ﻣﻌﺎﻩ .. ﺑﺲ ﺣﺎﻟﻴﺎ ﻫﻲ ﻣﺸﻐﻮﻟﺔ ﺑﺎﻟﻘﻀﻴﻪ ﺍﻟﻠﻲ ﺑﻌﺪ ﺍﻭﻝ ﺟﻠﺴﺔ ﻟﻴﻬﺎ ﻧﻘﻀﺖ ﺣﻜﻢ ﺍﻹﻋﺪﺍﻡ ﻭﺧﻠﺘﻬﻢ ﺑﻌﻼﻗﺎﺗﻬﺎ ﻣﻊ ﻧﺎﺱ ﻓﻲ ﺍﻟﺪﻭﻟﻪ ﺿﺪ ﺭﺟﺐ ﻳﺤﻮﻟﻮﺍ ﺍﻟﻘﺎﺿﻲ ﺍﻟﻠﻲ ﻛﺎﻥ ﻣﺘﻮﺍﻃﺊ ﻣﻌﺎﻫﻢ ... ﻭﺭﺟﺐ ﺍﻟﻠﻲ ﻓﺘﺢ ﻣﻌﺎﻫﺎ ﺣﺮﺏ .. ﺿﻐﻂ ﻉ ﺇﻟﻴﺎﺱ .. ﻭﺇﻟﻴﺎﺱ ﻗﺮﺭ ﺍﻧﻪ ﻳﺴﻠﻢ ﺍﻟﻔﻴﺪﻳﻮﺍﺕ ﻟﻠﻨﻘﺎﺑﻪ ﻷﻧﻬﻢ ﻟﻤﺎ ﻳﺸﻮﻓﻮﻫﺎ ﺣﻴﺴﺤﺒﻮﺍ ﻣﻨﻬﺎ ﺍﻟﺮﺧﺼﺔ ﻭﻳﺒﻌﺪﻭﻫﺎ ...
ﻓﻲ ﻳﻮﻡ ...
ﺇﻟﻴﺎﺱ : ﺍﻳﻪ ﺗﻮﺍ ﺑﻨﻤﺸﻲ ﻧﺠﻴﺒﻬﻢ ﻓﻲ ﺍﻟﻌﻴﺎﺩﻩ ... ﻃﺒﻌﺎ ﺑﺎﻟﻚ ﺑﻨﺤﻄﻬﻢ ﻓﻲ ﺍﻟﺤﻮﺵ ... ﺗﻤﺎﻡ ﻭﺻﻜﺮ ﻋﻠﻴﻪ ..
ﻛﻤﻞ ﻃﺮﻳﻘﻪ ﻭﻣﺎﺷﻲ ﻟﻌﻴﺎﺩﺗﻪ ﺑﺶ ﻳﺎﺧﺪ ﺍﻟﻔﻼﺷﺎﺕ ﺍﻟﻠﻲ ﻋﻨﺪﻩ ﻟﻠﻨﻘﺎﺑﻪ ... ﺍﻭﻝ ﻣﺎﻗﺮﺏ ﻣﻦ ﺍﻟﺸﺎﺭﻉ ﺍﻟﻠﻲ ﻓﻴﻪ ﺍﻟﻌﻴﺎﺩﻩ ﻟﻘﻲ ﺩﺧﺎﻥ ﺭﺍﻗﻲ ﻭﺯﺣﻤﺔ ﻧﺎﺱ .. ﺯﺍﺩ ﺧﺶ ﺩﺍﺧﻞ ... ﺍﻧﺼﺪﻡ .. ﺍﻟﺪﺧﺎﻥ ﻃﺎﻟﻊ ﻣﻦ ﻋﻴﺎﺩﺗﻪ .. ﻧﺎﺍﺍﺭ ... ﻓﺘﺢ ﺍﻟﺒﺎﺏ ﻭﻃﻠﻊ ﻳﺠﺮﻱ ﺷﺪﻭﻩ ﺍﻟﻨﺎﺱ ..
ﺇﻟﻴﺎﺱ ﻳﻌﻴﻂ : ﺭﺯﺯﻗﻲ ﻳﺎﻧﺎﺍﺍﺱ .. ﺣﻮﻟﻮﺍ .....
ﻭﺻﻠﺖ ﺳﻴﺎﺭﺍﺕ ﺍﻹﻃﻔﺎﺀ ﻭﺑﺪﻭﺍ ﻳﻄﻔﻮﺍ ﻓﻲ ﺍﻟﻤﻜﺎﻥ ...
ﺑﻌﺪ ﻭﻗﺖ ...
ﺍﻟﻌﻴﺎﺩﻩ ﺍﻟﻤﺘﺠﻬﺰﺓ ﺑﺄﺣﺪﺙ ﺍﻟﻤﻌﺪﺍﺕ ﻭﺩﺍﻓﻊ ﻓﻴﻬﺎ ﺩﻡ ﻗﻠﺒﻪ .. ﻓﻠﻮﺳﻪ ﻓﻴﻬﺎ ... ﺃﻭﺭﺍﻗﻪ ﻛﻞ ﺷﻲ ﻣﻬﻢ ... ﻭﻟﻰ ﻛﻞ ﺷﻲ ﺭﻣﺎﺩ ...
ﻭﺻﻠﻮﺍ ﺍﻟﺒﺤﺚ ﺍﻟﺠﻨﺎﺋﻲ ﻭﻣﻌﺎﻫﻢ ﺧﺒﻴﺮ ﺍﻟﺤﺮﺍﺋﻖ .. ﺗﻔﺤﺼﻮﺍ ﺍﻟﻤﻜﺎﻥ ﻛﻮﻳﺲ ﺑﺶ ﻳﻌﺮﻓﻮﺍ ﺍﻟﺴﺒﺐ ...
ﺍﻟﺨﺒﻴﺮ : ﺍﻟﻮﺍﺿﺢ ﺇﻧﻪ ﻣﺎﺱ ﻛﻬﺮﺑﺎﺋﻲ ..
ﺇﻟﻴﺎﺱ : ﻣﺎﺱ ﻛﻬﺮﺑﺎﺋﻲ ؟ !!!
ﺍﻟﺨﺒﻴﺮ : ﺍﻳﻪ ﻭﻣﻦ ﺣﺠﺮﺗﻚ ﺃﻧﺖ ...
ﺇﻟﻴﺎﺱ ﻣﺼﺪﻭﻡ ... ﻫﻮ ﺷﺨﺺ ﺣﺮﻳﺺ ﻣﻦ ﻫﺎﻟﻨﺎﺣﻴﻪ ﻫﻠﺒﻪ ﻛﻴﻒ ﻫﺎﻟﻤﺮﺓ ﺳﻬﻲ ﻭﻧﺴﻲ ...
ﺭﻭﺡ ﻫﺪﺍﻛﺎ ﺍﻟﻴﻮﻡ ﻭﻫﻮ ﻣﺪﻣﺮ ﺗﻤﺎﻣﺎ ... ﻭﻣﺶ ﻣﺼﺪﻕ ﺍﻟﻠﻲ ﺻﺎﺭ ﺷﻚ ﻓﻲ ﻳﺎﺭﺍ ... ﺑﺲ ﺷﻦ ﺑﻴﻌﺮﻑ ﻳﺎﺭﺍ ﺍﻥ ﺍﻟﻔﻼﺷﺎﺕ ﻣﻮﺟﻮﺩﻩ ﻓﻲ ﻋﻴﺎﺩﺗﻪ ﻣﺎﺣﺪ ﻳﻌﺮﻑ ﻏﻴﺮﻩ ﻫﻮ ﻭﺭﺟﺐ ﻟﻤﺎ ﻛﺎﻥ ﻳﻜﻠﻢ ﻓﻴﻪ ...
ﻭﺯﻳﺎﺩﻩ ﻛﻼﻡ ﺍﻟﺨﺒﻴﺮ ﺍﻧﻪ ﻣﺶ ﻓﻌﻞ ﻓﺎﻋﻞ ....
ﻫﺬﺍﻛﺎ ﺍﻟﻴﻮﻡ ﻳﺎﺭﺍ ﻣﺎﻛﺎﻧﺶ ﻋﻨﺪﻫﺎ ﻋﻠﻢ ﻧﻬﺎﺋﻲ ﺑﺎﻟﻠﻲ ﺻﺎﺭ ... ﻛﺎﻧﺖ ﻣﻮﺟﻮﺩﻩ ﻓﻲ ﺣﻔﻠﺔ ﻣﺪﺍﻳﺮﺗﻬﺎ ﺍﻟﺮﻭﺿﻪ ﻟﻮﻟﺪﻫﺎ ﺗﻀﺤﻚ ﻭﻓﺮﺣﺎﻧﻪ ﺑﻴﻪ ﻭﻫﻲ ﺗﺸﻮﻑ ﻓﻴﻪ ﻛﻴﻒ ﻳﻤﺜﻞ ﻓﻲ ﺍﻟﻤﺴﺮﺡ ﻧﺴﻴﺖ ﻛﻞ ﺷﻲ ﻫﺬﺍﻛﺎ ﺍﻟﻮﻗﺖ ﻭﺍﺫﻛﺮﺕ ﺑﺲ ﺇﻧﻬﺎ ﺃﻡ ...
ﻟﺒﻨﻰ ﺍﻟﺤﻮﺍﺟﺰ ﺑﻴﻨﻬﺎ ﻭﺑﻴﻦ ﺑﺪﺭ ﺑﺪﺕ ﺗﺘﺤﻮﻝ .. ﻳﺘﺼﺒﺤﻮﺍ ﻉ ﺑﻌﺾ ﻳﺴﺄﻟﻮﺍ ﻉ ﺑﻌﺾ ﻉ ﺍﻟﻤﺎﺷﻲ .. ﻭﻟﺒﻨﻰ ﺑﺪﺕ ﺗﻨﺸﻐﻞ ﺑﻴﻪ ... ﻭﻫﻮ ﺑﺲ ﻛﺎﻥ ﻳﻤﻨﻊ ﻓﻲ ﻧﻔﺴﻪ ﻣﺎﻳﺒﻴﺶ ﻳﺴﻠﻢ ﻗﻠﺒﻪ ﻟﻠﺤﺐ ﻣﻦ ﺟﺪﻳﺪ ..
ﻣﺎﺑﻴﻨﺎﺗﻬﻢ ﻋﺰ ﺍﻟﺪﻳﻦ ﺍﻟﻠﻲ ﻛﺎﻥ ﻣﻼﺣﻆ ﻭﻗﻠﺒﻪ ﻭﺍﺟﻌﻪ .. ﻣﺶ ﺑﻴﺪﻩ ﻏﺼﺐ ﻋﻨﻪ ﺣﺒﻬﺎ ﻭﻫﻮ ﻋﺎﺭﻑ ﺍﻧﻬﺎ ﺗﻌﺎﻣﻞ ﻓﻴﻪ ﺑﺄﺧﻮﻳﺔ .. ﺑﺲ ﺻﻌﺐ ﻭﺣﺪﻩ ﺯﻱ ﻟﺒﻨﻰ ﻳﻘﺪﺭ ﻳﻘﺎﻭﻣﻬﺎ ﻭﻣﺎﻳﺨﻠﻴﻬﺎﺵ ﺗﻤﻠﻚ ﻗﻠﺒﻪ ..
ﻓﻲ ﻳﻮﻡ .
ﻛﺎﻧﺖ ﻣﻘﻌﻤﺰﺓ ﺗﻘﺮﺍ ﺑﺮﻭﺣﻬﺎ ﻭﻣﻬﺎ ﻛﺎﻟﻌﺎﺩﻩ ﻓﻲ ﻭﻗﺖ ﺍﻟﻔﺮﺍﻍ ﻣﺸﻐﻮﻟﻪ ﻣﻊ ﺣﺒﻴﺐ ﺍﻟﻘﻠﺐ ﺑﺎﻟﻤﻜﺎﻟﻤﺎﺕ ﺭﺿﺎ ﻣﺎﻳﻘﺪﺭﺵ ﻳﺼﺒﺮ ﻋﻠﻴﻬﺎ
ﻟﺒﻨﻰ ﺭﺍﺳﻬﺎ ﻓﻲ ﺍﻟﻜﺘﺎﺏ ... ﻣﺎﺣﺴﺘﺶ ﺑﻴﻪ ﺇﻻ ﻭﻫﻮ ﻣﻘﻌﻤﺰ ﺟﻨﺒﻬﺎ ..
ﺑﺪﺭ : ﻧﻘﺪﺭ ﻧﻘﻌﻤﺰ ..
ﻟﺒﻨﻰ ﺻﻜﺮﺕ ﺍﻟﻜﺘﺎﺏ ﻭﺑﻀﺤﻜﻪ : ﻗﻌﻤﺰﺕ ﻭﻓﺎﺕ ..
ﺑﺪﺭ ﺿﺤﻚ ﻭﻗﺎﻝ : ﺷﻦ ﺟﻮ ..
ﻟﺒﻨﻰ : ﺗﻤﺎﻡ .. ﻭﺍﻧﺖ ..
ﺑﺪﺭ : ﺍﻟﺤﻤﺪ ﻟﻠﻪ ...
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﺑﺪﺭ ﺗﻜﻠﻢ ..
ﺑﺪﺭ : ﺍﺣﻤﻢ .. ﻗﺎﻋﺪ ﻓﻲ ﺑﺎﻟﻚ ﻧﻔﺲ ﺍﻟﻔﻜﺮﺓ ﻋﻨﻲ ..
ﻟﺒﻨﻰ ﺑﻀﺤﻜﻪ : ﻓﻜﺮﺓ ﺷﻨﻲ ..
ﺑﺪﺭ ﺷﺒﺤﻠﻬﺎ ﻭﺍﺑﺘﺴﻢ : ﺍﻧﺘﻲ ﺃﺩﺭﻱ ..
ﻟﺒﻨﻰ ﺷﺒﺤﺖ ﺍﻟﻘﺪﺍﻡ : ﻟﻮ ﻛﺎﻧﺖ ﻗﺎﻋﺪﻩ ﻓﺒﺎﻟﻲ ﻣﺎﻛﻨﺘﺶ ﻣﻘﻌﻤﺰﺓ ﻣﻌﺎﻙ ..
ﺑﺪﺭ : ﺍﻣﻤﻢ .. ﺻﺢ .. ﺷﻦ ﺭﺍﻳﻚ ﻧﺘﻌﺎﺭﻓﻮﺍ ﺃﻛﺜﺮ ..
ﻟﺒﻨﻰ ﺷﺒﺤﺘﻠﻪ : ﻣﺎﻋﻨﺪﻳﺶ ﻣﺸﻜﻠﻪ ..
ﺑﺪﺭ ﺣﻂ ﺍﻳﺪﻩ ﻉ ﺻﺪﺭﻩ : ﻣﺤﺴﻮﺑﻚ ﺑﺪﺭ ﺇﻣﺤﻤﺪ ﺍﻟﻤﻨﺼﻮﺭﻱ ... ﺇﻧﺴﺎﻥ ﺑﺴﻴﻂ .. ﺣﺎﻟﻔﻨﻲ ﺍﻟﺤﻆ ﻭﺍﻟﻤﻮﻫﺒﻪ ﺍﻟﻠﻲ ﻋﻄﻬﺎﻟﻲ ﺭﺑﻲ ﻛﺎﻧﺖ ﺳﺒﺐ ﻓﻲ ﺷﻬﺮﺗﻲ ... ﺃﻧﻲ ﻉ ﻓﻜﺮﻩ ﺍﻧﺴﺎﻥ ﻣﻦ ﺑﻴﺌﻪ ﺷﻌﺒﻴﻪ ﻋﺸﺖ ﺑﻴﻦ ﻧﺎﺱ ﺑﺴﻴﻄﻪ .. ﻭﻣﺶ ﺣﻨﻨﻜﺮ ﻭﺑﺎﻟﻌﻜﺲ ﻛﻠﻲ ﻓﺨﺮ ..
ﻟﺒﻨﻰ ﺍﺑﺘﺴﻤﺖ .. ﻫﻮ ﺳﻜﺖ ﻭﻗﻌﺪ ﻳﻮﺯﻉ ﻓﻲ ﻧﻈﺮﻩ ﻉ ﻣﻼﻣﺢ ﻭﺟﻬﻬﺎ ﻭﻫﻲ ﺍﻧﺤﺮﺟﺖ ﻭﻭﻃﺖ ﺭﺍﺳﻬﺎ ..
ﺑﺪﺭ : ﻣﺎﻻ ﻋﻴﻨﻲ ﺍﻟﺸﻜﻞ ﺍﻟﺤﻠﻮ ..
ﺷﺎﻳﻒ ﺍﻛﺜﺮ ﻣﻦ ﺣﻠﻮ ..
ﻣﺎﺑﺼﺪﻕ ﺃﻧﻚ ﺍﻧﺘﻲ
ﺑﺴﺮﻋﻪ ﺑﻬﺎﻟﻘﻠﺐ ﺳﻜﻨﺘﻲ ..
ﻟﺒﻨﻰ ﺗﺴﻤﻊ ﻓﻲ ﺍﻷﻏﻨﻴﻪ ﺑﺼﻮﺗﻪ ﻭﺣﺎﺳﻪ ﻗﻠﺒﻬﺎ ﺑﻴﻔﺮ ﻣﻦ ﺻﺪﺭﻫﺎ ﻣﺶ ﻣﺼﺪﻗﻪ ﺭﻭﺣﻬﺎ ﺍﻧﻬﺎ ﺑﺴﺮﻋﻪ ﻫﻜﻲ ﻭﻻ ﻗﻠﺒﻬﺎ ﻳﺤﺒﻪ ..
ﻳﺎﺳﻼﻡ ﻳﺎﺳﻼﻡ ﻛﻴﻒ ﺑﺪﻭﺍ ﻳﻜﻮﻥ ..
ﻣﺠﻨﻮﻥ ﻣﺠﻨﻮﻥ ﻣﺠﻨﻮﻥ ﻫﺎﻟﻌﻴﻮﻥ ..
ﻳﻤﻜﻦ ﻭﺩﺍﻙ ﺍﻟﻘﺪﺭ ﺗﺮﺩﻱ ﻋﻦ ﻗﻠﺒﻲ ﺍﻟﻀﺠﺮ .
ﻭﻳﻤﻜﻦ ﻉ ﺑﺎﻟﻚ ﺧﻄﺮ ﺗﻜﻮﻧﻲ ﻟﻌﻴﻮﻧﻲ ﺍﻟﻨﻈﺮ ..
ﺑﺪﺭ : ﻫﻬﻬﻬﻬﻬﻬﻬﻬﻪ .... ﺗﻲ ﻏﻴﺮ ﺷﻦ ﻓﻲ ﻟﻮﻃﺎ ﺑﺲ ..
ﻟﺒﻨﻰ ﺿﺤﻜﺖ ﺑﺨﺠﻞ ﻭﻣﺎﺭﻓﻌﺘﺶ ﻋﻴﻮﻧﻬﺎ ﻓﻴﻪ ..
ﺑﺪﺭ : ﻟﺒﻨﻰ ..
ﺳﻤﻌﺖ ﺍﺳﻤﻬﺎ ﺑﺼﻮﺗﻪ ﻗﻠﺒﻬﺎ ﻳﺪﻕ ﺑﺴﺮﻋﻪ ﺷﺪﻳﺪﻩ ..
ﺑﺪﺭ : ﺍﺷﺒﺤﻴﻠﻲ ..
ﻟﺒﻨﻰ ﺗﻠﻘﺎﺋﻴﺎ ﺷﺒﺤﺘﻠﻪ ﻭﻫﻮ ﺳﺮﺡ ﻓﻌﻴﻮﻧﻬﺎ ﺑﻌﺪﻳﻦ ﺃﺑﺘﺴﻢ ﻭﻗﺎﻝ : ﻭﺍﻧﺘﻲ ..
ﻟﺒﻨﻰ : ﺍﻧﻲ ﺷﻨﻮ
ﺑﺪﺭ ﺑﻀﺤﻜﻪ : ﻋﺮﻓﻴﻨﻲ ﺑﻴﻚ ..
ﻟﺒﻨﻰ ﺿﺤﻜﺖ ﻭﺑﺪﺕ ﺗﺘﻜﻠﻢ ﻋﻦ ﻧﻔﺴﻬﺎ ﻭﺑﺪﺭ ﻣﺮﻛﺰ ﻉ ﺗﻔﺎﺻﻴﻠﻬﺎ ﺻﻮﺗﻬﺎ ﺣﺮﻛﺎﺗﻬﺎ ﻛﻼﻣﻬﺎ ﺍﺳﻠﻮﺑﻬﺎ .. ﻭﻗﻠﺒﻪ ﻣﺎﺑﺎﺵ ﻳﻬﺪﺍ ...
ﻭﻓﻲ ﻗﻠﺐ ﺗﺎﻧﻲ ﻳﺘﻮﺟﻊ ﺑﻘﻮﺓ ﻣﻦ ﺍﻟﻠﻲ ﻳﺸﻮﻑ ﻓﻴﻪ ... ﺷﻌﻮﺭ ﺍﺣﻴﺎﻧﺎ ﻳﺨﻠﻴﻚ ﺗﺘﻤﻨﻰ ﺍﻟﻤﻮﺕ .. ﻣﻦ ﻛﺜﺮ ﻣﺎﻫﻮ ﺻﻌﺐ ﻫﻠﺒﻪ ..
ﺑﺪﺭ ﻭﻟﺒﻨﻰ ﻳﻬﺪﺭﺯﻭﺍ ... ﻭﻗﺘﻴﺒﻪ ﻭﺍﻟﻘﺮﻭﺏ ﻣﺘﺎﻋﻪ ﻳﺸﻮﻓﻮﺍ ﻣﻦ ﺑﻌﻴﺪ
ﻫﺎﺩﻱ : ﺑﺪﻱ ﻳﺘﺤﺮﻙ ..
ﻗﺘﻴﺒﻪ : ﻣﺶ ﻋﺎﺭﻑ ﺷﻦ ﻓﻴﻪ ﺯﻳﺎﺩﻩ ﻣﺎﻓﻴﺶ ﺑﻨﺖ ﻓﻠﺘﺖ ﻣﻨﻪ ..
ﻋﻤﺎﺩ ﺑﻀﺤﻜﻪ : ﺍﻣﻜﺎﻧﻴﺎﺗﻪ ﻣﻤﺘﺎﺯﺓ
ﻗﺘﻴﺒﻪ : ﻣﺎ ﻋﻠﻴﻨﺎ ﺍﻟﻤﻬﻢ ﻳﺠﻴﺒﻬﺎﻟﻲ ..
ﻫﺎﺩﻱ ﻳﺸﺒﺢ ﻟﻌﺰ ﺍﻟﺪﻳﻦ : ﻳﺎﻋﻴﻨﻲ ﻳﺎﻋﻴﻨﻲ ﻳﺎﻋﻴﻨﻲ ﻉ ﺍﻟﻮﻻ ..
ﺷﺒﺤﻮﺍ ﻭﻳﻦ ﻣﺎﻳﺸﺒﺢ ﻭﺿﺤﻜﻮﺍ ..
ﻗﺘﻴﺒﻪ : ﻳﺴﺘﺎﻫﻞ ﻫﻮ ﺍﻟﻠﻲ ﺻﺪﻕ ﺭﻭﺣﻪ ...
ﻋﺰ ﺍﻟﺪﻳﻦ ﻗﻌﺪ ﺷﻮﻳﻪ ﺑﻌﺪﻳﻦ ﻣﺸﻲ ﻭﻣﻬﺎ ﺻﻜﺮﺕ ﺍﻟﻤﻜﺎﻟﻤﻪ ﻭﺷﺒﺤﺎﺗﻪ ﻛﻴﻒ ﻣﺎﺷﻲ ﺧﺎﻃﺮﻩ ﻣﻜﺴﻮﺭ ﻣﻄﺖ ﺷﻮﺍﺭﺑﻬﺎ ﺑﺈﺳﺘﻴﺎﺀ ﻭﺷﺒﺤﺖ ﺟﻬﺔ ﻟﺒﻨﻰ ﻭﺑﺪﺭ ﻭﺗﺸﻮﻑ ﻓﻴﻬﻢ ﻛﻴﻒ ﻣﻨﺴﺠﻤﻴﻦ ﻣﻊ ﺑﻌﺾ ...
ﻟﺒﻨﻰ : ﺍﻧﺖ ﻭﻫﺬﺍﻛﺎ ﺻﺤﺎﺏ ..
ﺑﺪﺭ ﺷﺒﺢ ﻟﻘﺘﻴﺒﻪ : ﺍﻳﻪ ..
ﻟﺒﻨﻰ : ﻛﻴﻒ ﻣﺼﺎﺣﺐ ﻭﺍﺣﺪ ﺯﻱ ﻫﺬﺍ ..
ﺑﺪﺭ : ﻫﻮ ﺻﺢ ﻓﻴﻪ ﻋﻴﻮﺏ ﻟﻜﻦ ﻟﻤﺎ ﻳﻮﻗﻒ ﻟﺤﺪ ﻭﻗﻔﺘﻪ ﻭﻗﻔﺔ ﺭﺍﺟﻞ ..
ﻟﺒﻨﻰ ﺑﻀﺤﻜﻪ : ﺳﺎﻣﺤﻨﻰ ﺑﺲ ﺍﻟﺮﺟﻮﻟﻪ ﻓﻮﺍﺩﻱ ﻭﻫﺬﺍ ﻓﻮﺍﺩﻱ ﺗﺎﻧﻲ ..
ﺑﺪﺭ : ﻫﻬﻬﻬﻬﻬﻬﻬﻪ ...
ﻟﺒﻨﻰ : ﻣﺎﺩﺍﻣﻚ ﺻﺎﺣﺒﻪ ﻣﻌﻨﺎﻫﺎ .. ﺯﻳﻪ ...
ﺑﺪﺭ ﺷﺒﺢ ﺍﻟﻘﺪﺍﻡ ﺑﻌﺪﻳﻦ ﺷﺒﺤﻠﻬﺎ : ﻟﻮﻛﻨﺖ ﻫﻜﻲ ﻣﺎﻛﻨﺘﻴﺶ ﻣﻘﻌﻤﺰﺓ ﻣﻌﺎﻱ
ﻟﺒﻨﻰ : ﻫﻬﻬﻬﻬﻬﻬﻬﻬﻪ ..
ﺑﺪﺭ ﻳﺸﺒﺤﻠﻬﺎ : ﺭﺑﻲ ﻳﺤﻔﻈﻚ
ﻟﺒﻨﻰ ﻭﻃﺖ ﺭﺍﺳﻬﺎ ﺑﺨﺠﻞ ﻭﻗﺎﻣﺖ ﻋﻴﻮﻧﻬﺎ ﻓﻲ ﻣﻬﺎ ﻟﻘﺘﻬﺎ ﻣﻜﻤﻠﻪ ﺍﻟﻤﻜﺎﻟﻤﻪ ﻭﺗﺸﻮﻓﻠﻬﺎ .. ﻧﺎﺿﺖ : ﻋﻦ ﺍﺫﻧﻚ ﺗﻮﺍ ..
ﺑﺪﺭ ﺍﺑﺘﺴﻢ : ﺗﻤﺎﻡ ...
ﻣﺸﺖ ﻟﺒﻨﻰ ﻭﻫﻮ ﻳﺸﺒﺤﻠﻬﺎ ﻭﻏﺼﺐ ﻋﻨﻪ ﻣﺶ ﻗﺎﺩﺭ ﻳﻤﻨﻊ ﻧﻔﺴﻪ ﻣﻦ ﺍﺣﺴﺎﺳﻪ ﺑﻴﻬﺎ .. ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﻧﺎﺿﺖ ﻭﻣﺸﺖ ﻣﻊ ﻣﻬﺎ ... ﺗﻠﻔﺖ ﻟﻘﺘﻴﺒﻪ ﻭﺟﻤﺎﻋﺘﻪ ﺣﻴﺎﻫﻢ .. ﻭﻧﺎﺽ ﻭﻣﺸﻲ ﻃﺎﻟﻊ ﻣﻦ ﺍﻟﻜﻠﻴﻪ ...
***
ﻣﺸﺖ ﺣﻨﺎﻥ ﻳﻮﻣﻬﺎ ﻟﻠﺸﺮﻛﻪ ﻛﺎﻥ ﻓﻲ ﺍﺟﺘﻤﺎﻉ ﻣﻬﻢ ... ﻭﻛﺎﻧﺖ ﺗﺒﻲ ﺗﻘﺪﻡ ﺗﻘﺮﻳﺮ ﻟﻠﻤﺴﺎﻫﻤﻴﻦ ﻋﻦ ﺍﻟﻤﺸﺮﻭﻉ .. ﻭﻳﺒﻮﺍ ﻳﻄﻤﺌﻨﻮﺍ ﻋﻠﻴﻬﺎ ﺑﻌﺪ ﺍﻟﺤﺎﺩﺛﻪ ﺍﻟﻠﻲ ﺻﺎﺭﺗﻠﻬﺎ .. ﻃﻮﻝ ﺗﻮﺟﻬﺖ ﻟﻘﺎﻋﺔ ﺍﻹﺟﺘﻤﺎﻋﺎﺕ .. ﻭﺧﺸﺖ .. ﻟﻘﺖ ﺁﻣﻨﻪ ﺳﻠﻤﻮﺍ ﻉ ﺑﻌﺾ ﻭﺳﺄﻟﺘﻬﺎ ﻋﻦ ﺣﺎﻟﻬﺎ ﻭﻛﻴﻒ ﺻﺎﺭ ﺍﻟﺤﺎﺩﺙ ﻭﺣﻨﺎﻥ ﻧﻔﺲ ﺍﻟﻜﻼﻡ ﻗﺎﻻﺗﻪ ...
ﺷﻮﻳﻪ ﻭﺧﺶ ﻣﻌﺎﻭﻳﻪ ﻣﻌﺎﻩ ﻓﺎﺩﻳﻪ ﻭﺃﻳﻤﻦ ... ﻣﺎﺷﺎﻓﻬﺎﺵ ﺇﻻ ﻟﻤﺎ ﻗﻌﻤﺰ ... ﺍﺑﺘﺴﻢ ﺑﻔﺮﺡ ﻭﻫﻲ ﺍﺑﺘﺴﻤﺖ ﺑﺨﺠﻞ ...
ﺑﺪﻱ ﺍﻹﺟﺘﻤﺎﻉ ... ﻭﻧﺎﻗﺸﻮﺍ ﺑﻨﻮﺩﻫﻢ ﻓﻴﻪ .. ﺑﻌﺪﻳﻦ ﺟﻲ ﺩﻭﺭ ﺣﻨﺎﻥ ﻭﻧﺎﺿﺖ ﺗﻜﻠﻤﺖ ﻋﻦ ﺍﻟﻌﻤﻞ ﺑﺎﻟﻤﻮﻗﻊ ﻭﻛﺎﻧﺖ ﻣﺪﺍﻳﺮﺓ ﻋﺮﺽ ﺩﺍﺗﺎ ﺷﻮ .. ﻭﻫﻮ ﻛﺎﻥ ﻳﺸﻮﻓﻠﻬﺎ ﻭﻫﺎﻳﻢ ﻓﻴﻬﺎ ﻣﺶ ﻣﺮﻛﺰ ﻉ ﻛﻼﻣﻬﺎ ﻫﺎﻟﻤﺮﺓ ﻋﻠﻴﻬﺎ ﻫﻲ ﺑﺲ ﻣﺴﺘﺎﺍﺍﺍﺍﺣﺸﻬﺎ ﻣﻮﺕ ... ﻭﻓﺮﺣﺎﻥ ﻭﻳﺤﻤﺪ ﻓﻲ ﺭﺑﻲ 1000 ﻣﺮﺓ ﺍﻟﻠﻲ ﻧﺠﺎﻫﺎ ﻭﻛﺎﻟﻌﺎﺩﻩ ﻳﺨﺘﻢ ﻓﻲ ﻛﻼﻣﻪ ﻋﻨﻬﺎ ﻣﻊ ﻧﻔﺴﻪ ﺑﺪﻋﺎﺀ " ﻳﺎﺭﺏ ﺍﻋﻄﻴﻬﺎﻟﻲ "..
ﻫﻲ ﻟﻤﺎ ﻛﺎﻧﺖ ﺗﺘﻜﻠﻢ ﻣﻼﺣﻈﻪ ﺣﺼﺎﺭﻩ ﻟﻴﻬﺎ ﺑﻨﻈﺮﺍﺗﻪ ﻗﻠﺒﻬﺎ ﻛﺎﻥ ﻣﺪﺍﻳﺮ ﺣﻔﻠﻪ ﺑﺲ ﺗﻤﺎﺳﻜﺖ .. ﺟﺖ ﻋﻴﻨﻬﺎ ﻓﻌﻴﻨﻪ ﺍﺑﺘﺴﻢ ﻭﻫﻲ ﺷﺪﺕ ﺭﻭﺣﻬﺎ ﻭﻃﺖ ﻋﻴﻮﻧﻬﺎ ﻭﺗﻨﺤﻨﺤﺖ ﺑﻌﺪ ﺭﻓﻌﺘﻬﻢ ﻭﻛﻤﻠﺖ ﻭﺗﺠﻨﺒﺖ ﺗﺸﻮﻓﻠﻪ ... ﻭﺍﻳﻤﻦ ﺍﻟﻠﻲ ﻛﺎﻥ ﻣﺮﺍﻗﺒﻬﻢ ﺍﺑﺘﺴﻢ ...
ﺣﻨﺎﻥ " ﻳﺎﺭﺑﻲ ﺷﻦ ﺍﻟﻠﻲ ﻗﺎﻋﺪ ﻳﺼﻴﺮﻟﻲ ﻧﺒﻲ ﻧﺸﺒﺤﻠﻪ ﺃﺳﺘﻐﻔﺮ ﺍﻟﻠﻪ "
ﻣﻌﺎﻭﻳﻪ " ﻛﺎﻥ ﻧﻠﻘﻰ ﻋﻴﻮﻧﻲ ﻣﺎﻳﺮﻣﻮﺷﻮﺵ ﺑﻜﻞ " ﺗﻨﻬﺪ ...
ﻭﻻ ﻓﻲ ﺍﻷﺣﻼﻡ ﻭﻻﺃﻱ ﻛﻼﻡ
ﻳﻮﺻﻒ ﻳﺎﺣﺒﻴﺒﻲ ﻋﻴﻨﻴﻚ ﺍﻟﺴﻮﺩ
ﻓﺠﻤﺎﻟﻚ ﻣﻴﻦ ﻭﻻﺷﺎﻓﺖ ﻋﻴﻦ .
ﺩﺍﻟﻠﻲ ﻓﻲ ﺣﺴﻨﻚ ﻣﺎﺑﻘﺎﺵ ﻣﻮﺟﻮﺩ
ﺃﻧﺎ ﺑﻌﺸﻖ ﻋﻴﻨﻲ ﻋﺸﺎﻥ ﺷﺎﻳﻔﺎﻙ
ﺃﻧﺎ ﺭﻭﺣﻲ ﺣﺒﻴﺒﻲ ﺧﻼﺹ ﻭﻳﺎﻙ
ﻗﻠﺒﻲ ﺍﻟﻠﻲ ﺍﺣﺘﺎﺭ ﻭﺭﻣﻴﺘﻮﺍ ﻓﻨﺎﺭ
ﺑﻴﻘﻮﻟﻚ ﺣﻦ ﻋﻠﻴﺎ ﺣﺮﺍﻡ ...
ﻛﻤﻠﺖ ﺣﻨﺎﻥ ﻭﻭﻟﺖ ﻗﻌﻤﺰﺕ ﻓﻲ ﻣﻜﺎﻧﻬﺎ .. ﺗﺒﻲ ﺗﻘﻴﻢ ﻋﻴﻮﻧﻬﺎ ﻭﺗﺸﻮﻓﻠﻪ ﺧﺎﻳﻔﻪ ﻳﻜﻮﻥ ﻳﺸﻮﻓﻠﻬﺎ ﺣﺘﻰ ﻫﻮ ... ﻗﺎﻣﺖ ﻋﻴﻮﻧﻬﺎ ﺟﺖ ﻓﻲ ﻋﻴﻨﻪ .. ﺿﺤﻜﻮﺍ ﺍﻟﺰﻭﺯ ﺿﺤﻜﻪ ﺧﻔﻴﻔﻪ ﻭﻣﻦ ﺑﻌﺪﻫﺎ ﺣﻨﺎﻥ ﻣﻌﺎﺵ ﺷﺒﺤﺖ ﺟﻴﻬﺘﻪ ﻟﻜﻦ ﻫﻮ ﺣﺘﻰ ﻟﻤﺎ ﻳﻨﺎﻗﺶ ﻓﻲ ﺍﻟﻠﻲ ﻣﻌﺎﻩ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﺤﺎﺿﺮﻳﻦ ﻗﺼﺪﺍ ﺑﺶ ﻳﺸﺒﺤﻠﻬﺎ ..
ﻟﻮ ﻛﻨﺖ ﻫﺄﻗﻮﻝ ﺍﻧﺎ ﺑﻴﻚ ﻣﺸﻐﻮﻝ
ﻣﺶ ﻣﻤﻜﻦ ﺃﻗﻮﻟﻚ ﻉ ﻷﻧﺎ ﻓﻴﻪ
ﺩﻧﺎ ﺩﺍﻳﺐ ﻓﻴﻚ ﻭﺍﻟﻠﻪ ﻳﺠﺎﺯﻳﻚ ..
ﺳﻬﺮﺕ ﻋﻴﻮﻧﻲ ﻭﻫﻌﻤﻞ ﺇﻳﻪ ..
ﺍﻧﺎ ﺑﻌﺸﻖ ﻋﻴﻨﻲ ﻋﺸﺎﻥ ﺷﺎﻳﻔﺎﻙ
ﺃﻧﺎ ﺭﻭﺣﻲ ﺣﺒﻴﺒﻲ ﺧﻼﺹ ﻭﻳﺎﻙ
ﻗﻠﺒﻲ ﺍﻟﻠﻲ ﺍﺣﺘﺎﺭ ﻭﺭﻣﻴﺘﻮﺍ ﻓﻨﺎﺭ
ﺑﻴﻘﻮﻟﻚ ﺣﻦ ﻋﻠﻴﺎ ﺣﺮﺍﻡ ...
ﺗﻢ ﺍﻹﺟﺘﻤﺎﻉ
ﻭﺑﺪﻭﺍ ﻳﻄﻠﻌﻮﺍ ﻭﻫﻮ ﻛﺎﻥ ﻣﺮﻛﺰ ﻣﻌﺎﻫﺎ ﻳﺒﻲ ﻳﻜﻠﻤﻬﺎ .. ﺟﺎﻩ ﻭﺍﺣﺪ ﻣﻦ ﺭﺟﺎﻝ ﺍﻷﻋﻤﺎﻝ ﻭﻗﻌﺪ ﻳﻜﻠﻢ ﻓﻴﻪ ﻭﻫﻲ ﺧﺪﺕ ﺣﺎﺟﺎﺗﻬﺎ ﻭﻃﻠﻌﺖ ..
ﻣﻌﺎﻭﻳﻪ " ﻭﻗﺘﻚ ﻳﺎﺑﻠﻮﺓ "
ﺣﻨﺎﻥ ﻭﻫﻲ ﻃﺎﻟﻌﻪ ﺗﻼﻗﺖ ﻣﻊ ﺇﻗﺒﺎﻝ .
ﺇﻗﺒﺎﻝ ﺑﺮﻓﻌﺔ ﺣﻮﺍﺟﺐ : ﺑﺶ ﻣﻬﻨﺪﺳﻪ !! ﺣﻤﺪ ﻟﻠﻪ ﻉ ﺳﻼﻣﺘﻚ ..
ﺣﻨﺎﻥ ﺍﺑﺘﺴﻤﺖ : ﺍﻟﻠﻪ ﻳﺴﻠﻤﻚ ..
ﺇﻗﺒﺎﻝ ﻗﻌﺪﺕ ﺗﺸﻮﻓﻠﻬﺎ : ﻻﺍﺍﺍﺍ ﻳﺨﺰﻱ ﺍﻟﻌﻴﻦ ﺯﻱ ﻣﺎﻳﻘﻮﻟﻮﺍ ﺍﻟﺸﺎﻣﻴﻪ ﺣﺎﻟﻚ ﻣﻴﻪ ﻣﻴﻪ ..
ﺣﻨﺎﻥ : ﺍﻟﺤﻤﺪ ﻟﻠﻪ ..
ﺁﻗﺒﺎﻝ : ﻛﻴﻒ ﻃﺤﺘﻲ ..
ﺣﻨﺎﻥ ﺍﺑﺘﺴﻤﺖ : ﻓﻘﺪﺕ ﺗﻮﺍﺯﻧﻲ ..
ﺇﻗﺒﺎﻝ : ﺍﻫﺎ ﻋﻨﺪﻙ ﺣﻖ ﺍﻟﻌﻤﺮ ﻟﻴﻪ ﺩﻭﺭ ..
ﺣﻨﺎﻥ : ﻫﻬﻬﻬﻬﻬﻬﻪ ..
ﺇﻗﺒﺎﻝ ﺑﺈﺳﺘﻐﺮﺍﺏ : ﻋﻼﺵ ﺿﺤﻜﺘﻲ ..
ﺣﻨﺎﻥ ﻫﺪﺕ ﺷﻮﻳﻪ : ﺻﺪﻗﺘﻲ ﺍﻟﻌﻤﺮ ﻟﻴﻪ ﺩﻭﺭ " ﺗﺴﺘﻔﺰ ﻓﻴﻬﺎ "..
ﻣﻌﺎﻭﻳﻪ ﻋﺮﻑ ﻛﻴﻒ ﻳﺨﻠﺺ ﻣﻦ ﺍﻟﻠﻲ ﻣﻌﺎﻩ ﻭﻃﻠﻊ ﻭﻓﺮﺡ ﻟﻤﺎ ﺷﺎﻓﻬﺎ ﻗﺎﻋﺪﻩ ﻣﺸﺎﻟﻬﻢ ...
ﻣﻌﺎﻭﻳﻪ : ﺑﺸﻤﻬﻨﺪﺳﻪ .. ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ..
ﺣﻨﺎﻥ ﺍﺑﺘﺴﻤﺖ : ﺍﻟﻠﻪ ﻳﺴﻠﻤﻚ ..
ﺇﻗﺒﺎﻝ ﺍﺑﺘﺴﻤﺖ ﺑﺰﻳﻒ : ﻫﻲ ﻣﺎﻻ ﻧﺴﺘﺄﺫﻥ ..
ﺣﻨﺎﻥ : ﺇﺫﻧﻚ ﻣﻌﺎﻙ ...
ﺍﻗﺒﺎﻝ ﺷﺒﺤﺘﻠﻬﺎ ﻭﻣﺸﺖ ﻭﻫﻲ ﻣﻌﺼﺒﻪ ﻭﺗﻐﻠﻲ ﻏﻠﻲ " ﻓﻠﺘﺘﻲ ﻣﻨﻬﺎ ﻫﺎﻟﻤﺮﺓ ﺑﺲ ﺍﻟﺠﺎﻳﺎﺕ ﺍﻛﺜﺮ ..."
ﻣﻌﺎﻭﻳﻪ : ؛ﺣﺎﻟﻚ ﺑﺎﻫﻲ ﻣﻌﺎﺵ ﺗﺤﺴﻲ ﻓﺸﻲ ..
ﺣﻨﺎﻥ : ﺍﻟﺤﻤﺪ ﻟﻠﻪ ..
ﻣﻌﺎﻭﻳﻪ : ﺗﺮﺍﺟﻌﻲ ﻗﺎﻋﺪﻩ ﻭﻻ؟
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺃﻳﻪ ..
ﻣﻌﺎﻭﻳﻪ ﺣﻚ ﺣﺎﺟﺒﻪ : ﻓﻲ ﺩﻛﺘﻮﺭ ﻣﻤﺘﺎﺯ ﻧﻌﺮﻓﻪ ﻧﻌﻄﻴﻚ ﺭﻗﻢ ﺍﻟﻌﻴﺎﺩﻩ ﻣﺘﺎﻋﻪ ﺗﻤﺸﻴﻠﻪ ﻭﺍﺩﻳﺮﻱ ﺻﻮﺭﺓ ﺗﺎﻧﻴﻪ ﻟﺮﺍﺳﻚ .. ﻳﻌﻨﻲ ﻣﻦ ﺑﺎﺏ ﺍﻹﻃﻤﺌﻨﺎﻥ ..
ﺣﻨﺎﻥ ﺍﺑﺘﺴﻤﺖ : ﺷﻜﺮﺍ .. ﺑﺲ ﺍﻧﻲ ﺭﺍﺟﻌﺖ ﻋﻨﺪ ﺩﻛﺘﻮﺭ ﻣﻌﺮﻭﻑ ﺍﺳﻤﻪ ﺭﺷﻴﺪ ﻛﻌﺒﺎﺯﻱ ﻭﻗﺎﻟﻲ ﺍﻥ ﻛﻠﻪ ﺗﻤﺎﻡ ﻣﺎﻓﻲ ﺷﻲ ..
ﻣﻌﺎﻭﻳﻪ : ﻛﻮﻳﺲ ﻣﺎﺩﺍﻡ ﺗﻌﺮﻓﻴﻪ ﺧﻼﺹ .. ﺍﻟﻤﻬﻢ ﺍﻧﻚ ﺑﺨﻴﺮ ..
ﺣﻨﺎﻥ ﺍﺑﺘﺴﻤﺖ : ﺍﻳﻪ ﺑﺨﻴﺮ ..
ﻣﻌﺎﻭﻳﻪ : ﺗﺒﻲ ﺍﻱ ﺷﻲ ﺍﻭﻝ ﻭﺍﺣﺪ ﺧﻠﻴﻪ ﻳﺨﻄﺮ ﻉ ﺑﺎﻟﻚ ﺍﻟﻌﺒﺪ ﺍﻟﻔﻘﻴﺮ ﻟﻠﻪ ..
ﺣﻨﺎﻥ ﺑﻀﺤﻜﻪ : ﻣﺸﻜﻮﺭ ...
ﺧﻄﻤﺖ ﻣﻦ ﺣﺪﺍﻫﻢ ﻧﺠﻼ ﻭﻫﻲ ﺗﺸﺒﺢ ﻓﻲ ﺍﻟﻀﺤﻚ .. ﺳﻠﻤﺖ ﻭﻣﺸﺖ ﻟﻤﻜﺘﺐ ﺇﻗﺒﺎﻝ .. ﺧﺸﺖ ..
ﻧﺠﻼ : ﻣﺴﺎﺀ ﺍﻟﺨﻴﺮ ..
ﺍﻗﺒﺎﻝ : ﺍﺍﻫﻼ ﻧﺠﻼ ..
ﻗﻌﻤﺰﺕ : ﺷﻨﻮ ﺍﻟﺸﺮﻛﻪ ﻭﻟﺖ ﻣﻜﺎﻥ ﻟﻠﻌﺸﺎﻕ ..
ﺍﻗﺒﺎﻝ : ﺷﻦ ﻗﺼﺪﻙ ..
ﻧﺠﻼ : ﻉ ﺍﻟﺮﺋﻴﺲ ﻭﺍﻟﻤﻬﻨﺪﺳﻪ ..
ﺍﻗﺒﺎﻝ : ﺍﻓﻔﻔﻒ ... ﻣﺶ ﻋﺎﺭﻓﻪ ﻛﻴﻒ ﺻﺎﺭ ﻫﻜﻲ ..
ﻧﺠﻼ : ﻣﺎﺻﺪﻗﺖ ﺍﻃﻠﻘﺖ .
ﺍﻗﺒﺎﻝ ﺑﺼﺪﻣﻪ : ﺍﻃﻠﻘﺖ ..
ﻧﺠﻼ : ﺍﻳﻪ ﺍﻃﻠﻘﺖ .. ﻭﻗﺎﻋﺪﻩ ﻓﻲ ﺍﻟﻌﺪﻩ ﻭﻋﺎﻳﺸﻪ ﺟﻮ ﺍﻟﻐﺮﺍﻣﻴﺎﺕ ﻭﺩﺍﻳﺮﻟﺘﻨﺎ ﻓﻴﻬﺎ ﺍﻟﺸﻴﺨﺔ ﺍﻟﺘﻘﻴﺔ ..
ﺇﻗﺒﺎﻝ ﺑﺮﻓﻌﺔ ﺣﺎﺟﺐ : ﺷﻜﻠﻚ ﺗﺤﺒﻴﻬﺎ ﻫﻠﺒﻪ ..
ﻧﺠﻼ ﺑﻀﺤﻜﻪ : ﺍﻳﻪ ... ﻳﺎﺁﻧﺴﻪ ﻫﺎﺩﻱ ﻣﺜﻠﻬﺎ ﻣﺘﺎﻳﻞ ﺣﻴﻪ ﻣﻦ ﺗﺤﺖ ﺗﺒﻦ .. ﻻﺑﺴﻪ ﺗﻮﺏ ﺍﻟﻄﻴﺒﻪ ﻭﺍﻟﺘﺪﻳﻦ ﻭﺍﻷﺧﻼﻕ .. ﻭﺗﺤﺖ ﻫﺎﻟﺘﻮﺏ ﻓﻲ ﺧﺒﺚ ﺍﻟﻠﻪ ﺑﻴﻪ ﻋﻠﻴﻢ ..
ﺇﻗﺒﺎﻝ ﺍﺑﺘﺴﻤﺖ ﺑﻤﻜﺮ ..
ﻧﺠﻼ :: ﻋﻨﺪﻙ ﻋﻠﻢ ﺍﻥ ﻭﻟﺪ ﺧﺎﻟﻲ ﻛﺎﻥ ﺧﺎﻃﺐ ﺑﻨﺘﻬﺎ ﻭﺳﻴﺒﻬﺎ ﺑﻌﺪ ﻋﺮﻑ ﺑﻄﻼﻕ ﺃﻣﻬﺎ ﻭﺳﻤﻊ ﻛﻼﻡ ﻋﻦ ﻋﻼﻗﺘﻬﺎ ﺍﻟﺴﺮﻳﻪ ﺑﻤﻌﺎﻭﻳﻪ ..
ﺇﻗﺒﺎﻝ : ﻋﻼﻗﺔ ﺳﺮﻳﻪ؟ !!!
ﻧﺠﻼ : ﺍﻳﻪ ﻳﺎﺣﺒﻴﺒﺘﻲ .. ﻋﻼﻗﺔ ﺳﺮﻳﺔ ... ﻭﺍﻧﺘﻲ ﺍﺩﺭﻯ ..
ﺇﻗﺒﺎﻝ " ﻭﺩﺍﻳﺮﻟﻲ ﺭﻭﺣﻪ ﻳﺘﻜﻠﻢ ﻋﻦ ﺍﻟﺸﺮﻑ ﻭﺍﻷﺧﻼﻕ "..
ﺇﻗﺒﺎﻝ : ﻫﻠﺒﻪ ﻧﺎﺱ ﻣﺨﺪﻭﻋﻴﻦ ﻓﻴﻬﺎ ..
ﻧﺠﻼ؛ ﻫﻠﻠﻠﺒﻪ ..
ﺇﻗﺒﺎﻝ ﺍﺑﺘﺴﻤﺖ ﺑﺨﺒﺚ : ﻭﺣﻨﻲ ﻭﺍﺟﺐ ﻋﻠﻴﻨﺎ ﻧﻔﺘﺤﻮﺍ ﻋﻴﻮﻧﻬﻢ ..
ﻧﺠﻼ ﺷﺒﺤﺘﻠﻬﺎ ﻫﻠﺒﻪ ﺑﻌﺪﻳﻦ ﺿﺤﻜﺖ : ﻋﻨﺪﻙ ﺍﻟﺤﻖ ..
ﺇﻗﺒﺎﻝ ﺑﻀﺤﻜﻪ : ؛ﺗﻌﺠﺒﻴﻨﻲ ﻫﻬﻬﻬﻬﻬﻪ ..
***
ﺣﺒﻴﺒﻲ ..
ﺭﻫﻒ : ﺍﻣﻤﻢ ..
ﺃﺳﻨﺎﻡ : ﻧﺒﻲ ﻧﺘﺰﻭﺝ ..
ﺭﻫﻒ ﺑﻀﺤﻜﻪ : ﺗﺒﻴﻨﻲ ﻧﺨﺒﻄﻠﻚ ...
ﺍﺳﻨﺎﻡ ﺑﻀﺤﻜﻪ : ﺍﻳﻪ ..
ﺭﻫﻒ : ﻣﻨﻮ ..
ﺃﺳﻨﺎﻡ : ﺍﻣﻤﻢ .. ﺷﻦ ﺭﺍﻳﻚ ﻓﻲ ﺍﻟﺪﻛﺘﻮﺭﺓ ﺭﺍﻧﻴﺎ ...
ﺭﻫﻒ ﺑﺮﻓﻌﺔ ﺣﺎﺟﺐ : ﺭﺍﻧﻴﺎ !!! ﺿﺮﺑﺎﺗﻪ ﻉ ﻛﺘﻔﻪ ..
ﺍﺳﻨﺎﻡ : ﺍﺍﺍﻩ ﻫﻬﻬﻬﻬﻬﻬﻬﻪ .. ﺍﻧﺘﻲ ﺍﻟﻠﻲ ﺑﺪﻳﺘﻲ ..
ﺭﻫﻒ ﻟﻔﺖ ﻭﺟﻬﻬﺎ ﻋﻨﻪ : ﻣﺒﺮﺩﻙ ..
ﺃﺳﻨﺎﻡ : ﻫﻬﻬﻬﻬﻪ ... ﺑﺎﻫﻲ ﺍﺷﺒﺤﻴﻠﻲ ..
ﺭﻫﻒ : ﺑﺮﺍ ﻏﺎﺩﻱ ..
ﺃﺳﻨﺎﻡ ﺑﻀﺤﻜﻪ : ﻏﻴﺮ ﺍﺷﺒﺤﻴﻠﻲ ﺑﺎﻫﻲ ..
ﺭﻫﻒ ﺷﺒﺤﺘﻠﻪ : ؛ﻫﺎﻩ ..
ﺃﺳﻨﺎﻡ : ﻧﺒﻲ ﻧﺘﺼﺒﺢ ﻭﻧﺘﻤﺴﻰ ﻓﻬﺎﻟﻌﻴﻮﻥ ﺍﻟﻠﻲ ﻫﺒﻠﻮﻧﻲ ... ﻧﺒﻲ ﺗﻜﻮﻧﻲ ﻣﻌﺎﻱ ﻭﻳﻦ ﻣﺎﻧﻤﺸﻲ .. ﻭﻧﺒﻲ .. ﻭﻧﺒﻲ ﻭﻧﺒﻲ .. ﺣﺎﺟﺎﺕ ﺗﺎﻧﻴﻪ ﺑﻌﺪﻳﻦ ﺗﻌﺮﻓﻴﻬﺎ ﻭﻏﻤﺰﻟﻬﺎ ..
ﺭﻫﻒ ﻟﻔﺖ ﻭﺟﻬﻬﺎ : ﺳﺨﻴﻒ ..
ﺃﺳﻨﺎﻡ : ﻫﻬﻬﻬﻬﻬﻬﻬﻪ ... ﻫﺎﻩ ﺭﻳﺤﻴﻠﻲ ﻗﻠﺒﻲ ﻭﻋﻄﻴﻨﻲ ﻣﻮﻋﺪ ﻧﺠﻴﺐ ﺍﻣﻲ ﻭﺍﺧﺘﻲ ﻳﺮﺑﻄﻮﻙ .
ﺭﻫﻒ : ﻳﺮﺑﻄﻮﻧﻲ ؟ ! ﻧﻌﺠﺔ ﺍﻧﻲ !!
ﺍﺳﻨﺎﻡ : ﻫﻬﻬﻬﻬﻬﻬﻬﻬﻬﻪ ... ﻭﺃﺣﻠﻰ ﻧﻌﺠﻪ ..
ﻣﻬﺎﺏ ﻛﺎﻥ ﻳﺸﻮﻑ ﻓﻴﻬﻢ ﻭﺧﻼﺹ ﻣﻌﺎﺵ ﻗﺪﺭ ﻳﺘﺤﻤﻞ ﻗﺪﺍﺵ ﻟﻴﻪ ﻳﺸﻮﻑ ﻓﻴﻬﻢ ﻭﺳﻤﻊ ﺑﻌﻼﻗﺘﻬﻢ ﻭﻣﺤﺮﻭﻕ ﻣﻦ ﺩﺍﺧﻞ ... ﻓﻲ ﻟﺤﻈﺔ ﺍﻟﻐﻀﺐ ﻫﺎﺩﻱ ﻗﺮﺭ ﻳﺤﺮﻗﻬﻢ ﻣﻌﺎﻩ ﻭﻗﺪﻣﻠﻬﻢ ..
ﻣﻬﺎﺏ : ﻫﺬﺍ ﻋﻼﺵ ﻓﺴﺨﺘﻲ ﺍﻧﺘﻲ ..
ﺃﺳﻨﺎﻡ : ﺧﻴﺮ ﺑﻼﻙ ..
ﻣﻬﺎﺏ : ﺍﻟﺪﻭﺓ ﻣﺶ ﻟﻴﻚ .. ﺍﻧﺘﻲ ﻳﺎﻣﺤﺘﺮﻣﻪ ﻫﺬﺍ ﻋﻼﺵ ﺳﻴﺒﺘﻲ ... ﻣﻦ ﺍﻟﺒﺪﺍﻳﻪ ﻛﻨﺖ ﻣﻼﺣﻆ ﻭﻧﻜﺬﺏ ﻓﻲ ﻋﻴﻨﻲ ﻣﻦ ﻟﻤﺎ ﻛﻨﺖ ﺧﺎﻃﺒﻚ ... ﻟﻜﻦ ﻗﻠﺖ ﻣﺴﺘﺤﻴﻞ ﺑﻨﺖ ﻧﺎﺱ ﻭﻣﺘﺮﺑﻴﻪ ﻣﺎﺩﻳﺮﻫﺎﺵ ...
ﺭﻫﻒ ﺑﺼﺪﻣﻪ : ﺷﻦ ﺗﺨﺮﻑ ﺃﻧﺖ !!
ﺃﺳﻨﺎﻡ ﺷﺪﻩ ﻣﻦ ﺍﻟﻴﻮﻧﻴﻔﻮﺭﻡ : ﺍﺩﻭﻱ ﻣﻌﺎﻱ ﻫﻨﻲ .. ﺍﻟﻘﻄﺎﻑ ﻫﺬﺍ ﻣﺎﺯﺍﻝ ﺗﻌﺎﻭﺩﻩ ﻟﺴﺎﻧﻚ ﻧﻘﺼﻪ ..
ﻣﻬﺎﺏ ﻋﻼ ﺻﻮﺗﻪ : ﻻﺑﻨﻌﺎﻭﺩﻩ ﺑﻨﻘﻮﻟﻪ ﻉ ﺍﻟﻤﺤﺘﺮﻣﻪ ﺍﻟﻠﻲ ﺩﺍﻳﺮﺓ ﺭﻭﺣﻬﺎ ﺗﺨﺎﻑ ﺭﺑﻲ ﻭﻫﻲ ﻭﺣﺪﻩ ﺧﺎﻳﻨﻪ ..
ﺿﺮﺑﻬﺎ ﺍﺳﻨﺎﻡ ﺑﻮﻛﺲ ﻉ ﻓﻤﻪ .. ﻭﺭﻫﻒ ﺗﻌﻴﻂ ﻭﺗﺒﻜﻲ ..
ﻣﻬﺎﺏ ﺣﻂ ﺍﻳﺪﻩ ﻉ ﻓﻤﻪ ﺷﺎﻑ ﺍﻟﺪﻡ : ﻛﻼﻡ ﺍﻟﺤﻖ ﻭﺟﺎﻉ .. ﻟﻜﻦ ﺻﺪﻗﻴﻨﻲ ﺣﺘﻰ ﻫﻮ ﺗﻮ ﻳﺴﻴﺒﻚ ﺑﻌﺪ ﻳﻌﺮﻑ ﺍﻧﻚ ﻭﺣﺪﻩ ﺧﻮﺍﻧﻪ ﻣﺎﻳﺘﺄﻣﻨﻠﻬﺎﺵ ..
ﺭﻫﻒ : ﺻﻜﺮ ﻓﻤﻚ ﻳﺎﻭﺍﻃﻲ ﻳﺎﻣﻨﺤﻂ ..
ﺍﺳﻨﺎﻡ : ﺍﺳﻜﺘﻲ ﺭﻫﻒ .. ﺷﺒﺤﻠﻪ .. ﻋﻴﺐ ﻋﻴﺐ ﻋﻠﻴﻚ ﻳﺎﺩﻛﺘﻮﺭ ﺍﺳﻠﻮﺏ ﺍﻟﺸﻮﺍﺭﻋﻴﻪ ﻫﺬﺍ ... ﺗﺒﻲ ﺗﺸﻮﻩ ﺳﻤﻌﺘﻬﺎ ﻷﻧﻬﺎ ﺳﺎﻳﺒﺎﺗﻚ ... ﻋﻴﻴﻴﺐ ﻻﻫﻲ ﺍﺧﻼﻕ ﺩﻛﺘﻮﺭ ﻭﻻ ﺍﺧﻼﻕ ﻭﻟﺪ ﺃﺻﻞ ﻭﻻﺍﺧﻼﻕ ﺭﺍﺟﻞ ...
ﺭﻫﻒ : ﺍﺧﺮ ﺣﺎﺟﻪ ﻛﻨﺖ ﻧﺘﻮﻗﻌﻬﺎ ﺍﻧﻚ ﺗﻨﺰﻝ ﻟﻬﺎﻟﻤﺴﺘﻮﻯ ﻳﺎﻣﻬﺎﺏ ﺧﺴﺎﺭﻩ ...... ﺭﻣﺖ ﺍﻟﻴﻮﻧﻴﻔﻮﺭﻡ ﻭﻃﻠﻌﺖ ﺗﺠﺮﻱ ﻫﺮﺑﺎ ﻣﻦ ﻋﻴﻮﻥ ﺍﻟﻠﻲ ﻛﺎﻧﻮﺍ ﻳﺘﻔﺮﺟﻮﺍ ﻭﺳﻤﻌﻮﺍ ﺍﻟﺪﻭﺓ ... ﻭﺃﺳﻨﺎﻡ ﻟﺤﻘﻬﺎ .. ﻭﻣﻬﺎﺏ ﺣﺲ ﺭﻭﺣﻪ ﺣﻘﻴﻴﻴﻴﻴﺮ ..
ﺭﻫﻒ ﻭﻫﻲ ﺗﻤﺸﻲ ﻭﺗﺒﻜﻲ ﺍﻧﻘﻬﺮﺕ ﻫﻠﺒﻪ ﺃﻭﻝ ﻣﺮﺓ ﺗﺘﻌﺮﺽ ﻟﻤﻮﻗﻒ ﺯﻱ ﻫﺬﺍ ﻓﺤﻴﺎﺗﻬﺎ ﻣﻮﻗﻒ ﺑﺎﻳﺦ ﻭﻣﺴﻬﺎ ﻓﺄﻋﺰ ﻣﺎﺗﻤﻠﻚ ﺍﺧﻼﻗﻬﺎ ... ﺣﺴﺖ ﺍﻟﻨﻔﺲ ﻫﺮﺏ ﻋﻠﻴﻬﺎ ﻭﻣﻌﺎﺵ ﺷﺎﻓﺖ ﺷﻲ ﻭﻃﺎﺣﺖ ﻓﻲ ﺣﻀﻦ ﺃﺳﻨﺎﻡ ﺍﻟﻠﻲ ﻛﺎﻥ ﻭﺭﺍﻫﺎ ..
***
ﻣﻌﺎﻭﻳﻪ : ﻣﺶ ﺣﻴﻔﻮﺕ ﻋﻠﻴﺎ ﺍﻧﻲ ﻋﺎﺭﻑ ﺍﻧﻚ ﻣﺪﺭﻗﻪ ﺷﻲ ..
ﺣﻨﺎﻥ ﺗﻨﻬﺪﺕ : ﺷﻦ ﺑﻨﻘﻮﻟﻚ ..
ﻣﻌﺎﻭﻳﻪ : ﺍﻟﺤﻖ .. ﻛﻴﻒ ﻃﺤﺘﻲ ..
ﺣﻨﺎﻥ ﻗﺮﺭﺕ ﺗﺤﻜﻴﻠﻪ ﻭﻛﻴﻒ ﺟﺖ ﺑﺘﺘﻜﻠﻢ ﺭﻥ ﺍﻟﺘﻠﻴﻔﻮﻥ ...
ﻟﻘﺎﺗﻪ ﺭﻗﻢ ﺃﺳﺎﻣﻪ ﺍﺳﺘﻐﺮﺑﺖ ﻭﺭﺩﺕ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ .. ﻛﻴﻒ ﺣﺎﻟﻚ ﺃﺳﺎﻣﻪ ...... ﺧﻴﺮﻫﺎ !!!..... ﻫﻲ ﺟﺎﻳﻪ ﺟﺎﻳﻪ ...
ﻣﻌﺎﻭﻳﻪ : ﺷﻦ ﻓﻲ ..
ﺣﻨﺎﻥ : ﻭﻻ ﺣﺎﺟﻪ ﻧﺴﺘﺄﺫﻥ ... ﻭﻣﺸﺖ ﻃﻮﻝ ... ﻫﻮ ﻗﻌﺪ ﻭﺍﻗﻒ ﻳﺸﻮﻓﻠﻬﺎ ... ﺑﻌﺪﻳﻦ ﻟﺤﻘﻬﺎ ﻃﻮﻝ ..
...
ﺯﻱ ﻣﺎﻧﺤﻴﻜﻴﻠﻚ ..
: ﻣﺴﺘﺤﻴﻞ ﺍﻟﻤﺮﺍﺓ ﻣﺤﺘﺮﻣﻪ ﻫﻠﺒﻪ ..
: ﻳﺎﻣﺎ ﺗﺤﺖ ﺍﻟﺴﻮﺍﻫﻲ ﺩﻭﺍﻫﻲ .. ﺍﻟﻤﻬﻨﺪﺳﻪ ﻧﺠﻼ .. ﻋﻨﺪﻫﺎ ﻭﻟﺪ ﺧﺎﻟﻬﺎ ﻛﺎﻥ ﺧﺎﻃﺐ ﺑﻨﺘﻬﺎ ﻭﺳﻴﺒﻬﺎ ﺑﻌﺪ ﻋﺮﻑ ﻣﻮﺍﻭﻳﻞ ﺃﻣﻬﺎ ..
: ﻭﺍﻧﺘﻲ ﻣﻦ ﻗﺎﻟﻚ ..
: ﺳﻤﻌﺖ ﺍﻟﻤﻬﻨﺪﺳﻪ ﺗﺤﻜﻲ ﻓﻴﻬﺎ ﻟﺤﺪ ﻉ ﺍﻟﺘﻠﻴﻔﻮﻥ ..
: ﺗﺲ ﺗﺲ ﺗﺲ ...
ﺷﺎﻓﻮﺍ ﺣﻨﺎﻥ ﻣﺎﺷﻴﻪ ﺑﺴﺮﻋﻪ ... ﻭﺷﻮﻳﻪ ﻭﺷﺎﻓﻮﺍ ﻣﻌﺎﻭﻳﻪ ﻃﺎﻟﻊ ﻭﺭﺍﻫﺎ ... ﻭﻗﻔﻮﺍ ﻟﻤﺎ ﺧﻄﻢ ...
: ﺭﻳﺘﻲ ..
: ﺍﺳﺘﻐﻔﺮ ﺍﻟﻠﻪ ﻭﺧﻼﺹ ..
***
ﺭﻛﺒﺖ ﺣﻨﺎﻥ ﺳﻴﺎﺭﺗﻬﺎ ﻭﺗﺤﺮﻛﺖ ﻃﻮﻝ ﻭﻣﻌﺎﻭﻳﻪ ﻭﺭﺍﻫﺎ ... ﻭﻛﺎﻧﺖ ﺇﻗﺒﺎﻝ ﺗﺸﻮﻑ ﻓﻴﻬﻢ ﻣﻦ ﻓﻮﻕ ﻭﻗﺮﻳﺐ ﺗﻤﻮﺕ ...
ﻭﺻﻠﺖ ﺣﻨﺎﻥ ﻟﻠﻤﺴﺘﺸﻔﻰ ﺧﺸﺖ ﺗﺠﺮﻱ .. ﻻﻗﺖ ﺃﺳﺎﻣﻪ ..
ﺍﺳﺎﻣﻪ : ﺗﻌﺎﻟﻲ .. ﺗﺒﻜﻲ ﻣﻦ ﺑﻜﺮﻱ ﻭﻣﺎﺑﺘﺶ ﺗﺴﻜﺖ ..
ﺧﺸﺘﻠﻬﺎ ﺣﻨﺎﻥ : ﺭﻫﻒ .. ﻗﻌﻤﺰﺕ ﺣﺪﺍﻫﺎ ﺣﻀﻨﺘﻬﺎ ... ﺧﻴﺮﻙ ﻳﺎﻣﺎﻣﺎ ﺷﻦ ﺻﺎﺭﻟﻚ ..
ﺭﻫﻒ ﺗﺒﻜﻲ ﻭﺧﻼﺹ ..
ﺑﺮﺍ ..
ﺃﺳﻨﺎﻡ : ﻭﺍﺣﺪ ﺗﺎﻓﻪ ﻗﻌﺪ ﻳﺨﺘﺮﻑ ﻭﻳﻘﻮﻝ ﻓﻲ ﻛﻼﻡ ﺳﻔﻴﻪ
ﺃﺳﺎﻣﻪ : ﻫﻤﺎ ﻟﻴﻬﻢ ﻓﺘﺮﺓ ﻣﺴﻴﺒﻴﻦ ﺑﻌﺾ ﺷﻦ ﺧﻄﺮ ﻋﻠﻴﻪ ﺗﻮﺍ ..
ﺍﺳﻨﺎﻡ ﻣﺴﺢ ﺑﺈﻳﺪﻩ ﻉ ﻭﺟﻬﻪ ..
ﺃﺳﺎﻣﻪ ﻗﻌﺪ ﻳﺸﺒﺤﻠﻪ : ﺍﺳﻨﺎﻡ .. ﺍﻧﺖ ﺗﺒﻲ ﺭﻫﻒ ...
ﺃﺳﻨﺎﻡ ﺷﺒﺤﻠﻪ ﺑﻌﺪﻳﻦ ﺷﺒﺢ ﺍﻟﻘﺪﺍﻡ ﻭﻫﺰ ﺭﺍﺳﻪ ﺑﺈﻳﺠﺎﺏ ...
ﺷﻮﻳﻪ ﻭﺷﺎﻓﻮﺍ ﻣﺴﻌﻔﻴﻦ ﻳﺠﺮﻭﺍ ﻓﻲ ﺑﺎﺭﻳﻼ ﻓﻴﻬﺎ ﻃﻔﻞ ﺻﻐﻴﺮ ... ﻭﻭﺭﺍﻩ ﻣﺮﺍﺓ ﺗﺠﺮﻱ ﻭﺗﺒﻜﻲ ﻭﺭﺍﺳﻬﺎ ﺩﻡ ..
ﺍﻧﺼﺪﻡ ﺃﺳﺎﻣﻪ ﻟﻤﺎ ﺷﺎﻓﻬﺎ ... ﻣﺸﻲ ﻭﺭﺍﻫﻢ ﻭﺍﺳﻨﺎﻡ ﻣﻌﺎﻩ ..
....
ﺣﻨﺎﻥ : ﺍﺃﺛﺒﺖ ﺍﻧﻪ ﻣﺎﻋﻨﺪﺍﺵ ﺍﺧﻼﻕ .. ﺍﻟﻠﻲ ﻳﺪﻳﺮ ﻫﻜﻲ ﻣﺎﻳﺒﻜﻴﻜﺶ ﻭﻻ ﻳﻜﺴﺮﻙ .. ﻋﺎﺭﻓﻪ ﺭﻭﺣﻚ ﺑﻨﺘﻲ ﻣﺎﻏﻠﻄﺘﻴﺶ ﻣﺎﻳﻬﻤﻚ ﺣﺪ ﻧﻮﺿﻲ ﺗﻮﺍ ﻣﺎﻣﺎ ﻭﻛﻤﻠﻲ ﺷﻐﻠﻚ ﻭﺧﻠﻲ ﺭﺍﺳﻚ ﻣﺮﻓﻮﻉ ﻭﺧﻠﻴﻚ ﻭﺍﺛﻘﻪ ﻣﻦ ﻧﻔﺴﻚ ... ﻧﻈﺮﺓ ﺍﻟﻨﺎﺱ ﺍﻟﻠﻲ ﺧﻔﺘﻲ ﻣﻨﻬﺎ ﻣﺎﺗﻘﺪﺭﻳﺶ ﺗﻐﻴﺮﻫﺎ ﺇﻻ ﻟﻤﺎ ﺗﻜﻮﻧﻲ ﻗﻮﻳﻪ ﻭﺗﻮﺍﺟﻬﻲ ..
ﺭﻫﻒ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﺑﺎﺳﺘﻠﻬﺎ ﺍﻣﻬﺎ ﺭﺍﺳﻬﺎ ﻭﻗﺎﻟﺖ .. ﻫﻴﺎ ﻧﻮﺿﻲ ﻭﺭﻳﻨﻲ ﺑﻨﺘﻲ ﺍﻟﻠﻲ ﻧﻌﺮﻓﻬﺎ ..
ﺍﺑﺘﻤﺴﺖ ﺭﻫﻒ ﺑﺎﺳﺖ ﺍﻳﺪ ﺍﻣﻬﺎ ﻭﺭﺍﺳﻬﺎ ... ﻭﻧﺎﺿﺖ ﻭﻃﻠﻌﺖ ﻭﻭﺭﺍﻫﺎ ﺃﻣﻬﺎ ..
ﺣﻨﺎﻥ : ﻧﻤﺸﻲ ﺧﻼﺹ ..
ﺭﻫﻒ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺑﺮﻱ ﺣﺒﻴﺒﻴﺘﻲ ﻭﺍﻧﺘﻲ ﻣﻄﻤﻨﻪ ...
ﺣﻨﺎﻥ ﺑﺎﺳﺘﻬﺎ : ﻓﻲ ﺍﻣﺎﻥ ﺍﻟﻠﻪ ..
ﺭﻫﻒ : ﺳﻼﻡ .. ﻟﻔﺖ ﺭﻫﻒ ﻭﻣﺸﺖ ﻣﻦ ﺟﻬﻪ ﻭﺣﻨﺎﻥ ﻣﺸﺖ ﻣﻦ ﺟﻬﺔ ﺣﻨﺎﻥ ﻭﻫﻲ ﻣﺎﺷﻴﻪ ﺗﻔﻜﺮ ﻓﻲ ﺍﻟﻜﻼﻡ ﺍﻟﻠﻲ ﺳﻤﻌﺎﺗﻪ ﻣﻦ ﺑﻨﺘﻪ ﻭﻛﺎﻧﺖ ﺍﺩﻭﺭ ﻓﻲ ﻣﻬﺎﺏ ﺍﻟﻜﻼﻡ ﺣﺮﻗﻬﺎ ﻭﺗﺒﻲ ﺗﺒﺮﺩ ﻉ ﺭﻭﺣﻬﺎ ...
ﺍﻧﺼﺪﻣﺖ ﻟﻤﺎ ﺷﺎﻓﺖ ﻳﺎﺭﺍ ﻃﺎﻟﻌﻪ ﻣﻦ ﺍﻷﺻﻨﺼﻴﺮ ﺗﺒﻜﻲ .. ﻭﻉ ﺭﺍﺳﻬﺎ ﻓﻲ ﻟﺼﻘﺔ ﺟﺮﺡ ﻣﺸﺖ ﻭﺭﺍﻫﺎ ﻭﻗﻌﺪﺕ ﺗﺸﺒﺤﻠﻬﺎ ... ﻟﻴﻦ ﻭﺻﻠﻮﺍ ﻟﻐﺮﻓﺔ ﺍﻟﻌﻤﻠﻴﺎﺕ ﻳﺎﺭﺍ ﺍﺗﻜﺖ ﻉ ﺍﻟﺤﻴﻂ ﻭﻗﻌﺪﺕ ﺗﺒﻜﻲ .. ﻭﺣﻨﺎﻥ ﻭﺍﻗﻔﻪ ﺑﻌﻴﺪ ﺷﻮﻱ ﻭﺗﺸﻮﻑ ﻓﻴﻬﺎ ...
ﻟﻮﻃﺎ ﻛﺎﻥ ﺍﺳﺎﻣﻪ ﻣﻊ ﺃﺳﻨﺎﻡ ﺗﻜﻠﻤﻮﺍ ﺷﻮﻳﻪ ﻭﺍﺳﻨﺎﻡ ﻣﺸﻲ .. ﻭﺍﺳﺎﻣﻪ ﻛﻴﻒ ﺟﺎﻱ ﺑﻴﻤﺸﻲ ﻟﻘﻲ ﻣﻌﺎﻭﻳﻪ ﻣﻘﻌﻤﺰ ﺟﺎﻩ ..
ﺍﺳﺎﻣﻪ : ﺳﻴﺪ ﻣﻌﺎﻭﻳﻪ ..
ﻣﻌﺎﻭﻳﻪ ﻧﺎﺽ ﻭﻣﺪ ﻳﺪﻩ : ﻛﻴﻒ ﺣﺎﻟﻚ ﺩﻛﺘﻮﺭ ..
ﺍﺳﺎﻣﻪ ﺻﺎﻓﺤﻪ : ﺍﻟﺤﻤﺪ ﻟﻠﻪ .. ﺧﻴﺮ ﺇﻥ ﺷﺎﺀ ﺍﻟﻠﻪ ! ؟؟
ﻣﻌﺎﻭﻳﻪ ﺣﻂ ﺍﻳﺪﻳﻪ ﻓﻲ ﺟﻴﻮﺑﻪ : ﺍﺣﻤﻢ .. ﺣﻨﺎﻥ ﺟﺎﻫﺎ ﺍﺗﺼﺎﻝ ﻣﻨﻚ ﻭﻃﻠﻌﺖ ﻭﻫﻲ ﺧﺎﻳﻔﻪ ﻣﻦ ﺍﻟﺸﺮﻛﻪ .. ﺍﻧﺸﻐﻠﺖ ﻭﺟﻴﺖ ﻧﺸﻮﻑ ﺷﻦ ﻓﻲ ..
ﺍﺳﺎﻣﻪ ﺍﺑﺘﺴﻢ : ﺍﻃﻤﻦ ﻛﻞ ﺧﻴﺮ ..
ﻣﻌﺎﻭﻳﻪ : ﻫﻲ ﻭﻳﻨﻬﺎ ﺗﻮﺍ؟
ﺃﺳﺎﻣﻪ : ﺧﻠﻴﺘﻬﺎ ﻓﻮﻕ ﻣﻊ ﺑﻨﺘﻬﺎ ..
ﻣﻌﺎﻭﻳﻪ : ﺭﻫﻒ ﻭﻻ؟
ﺍﺳﺎﻣﻪ : ﺍﻳﻪ ..
ﻣﻌﺎﻭﻳﻪ : ﺧﻴﺮﻫﺎ؟
ﺍﺳﺎﻣﻪ : ﻣﺸﻜﻠﻪ ﺑﺴﻴﻄﻪ ﻭﻋﺪﺕ ...
ﺟﺘﻬﻢ ﻣﻤﺮﺿﻪ : ﺩﻛﺘﻮﺭ ﺍﺳﺎﻣﻪ .. ﺍﻟﺪﻛﺘﻮﺭ ﻋﺒﺪﺍﻟﺮﺯﺍﻕ ﻳﺒﻴﻚ ﻓﻲ ﺣﺠﺮﺗﻪ ..
ﺃﺳﺎﻣﻪ ﻭﺟﻬﻪ ﺗﻐﻴﺮ : ﺟﺎﻱ ... ﺷﺒﺢ ﻟﻤﻌﺎﻭﻳﻪ .. ﻧﺴﺘﺄﺫﻥ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻭﻻﻗﻌﻤﺰ .. ﻭﺃﺳﺎﻣﻪ ﻣﺸﻲ ...
ﻓﻮﻕ ...
ﺣﻨﺎﻥ ﻗﺎﻋﺪﺓ ﺗﺸﻮﻑ ﻓﻴﺎﺭﺍ ﻭﺗﺒﻲ ﺗﻌﺮﻑ ﺷﻦ ﺻﺎﺭ ﻟﻴﻦ ﺷﺪﺕ ﻭﺣﺪﻩ ﻣﻦ ﻣﻤﺮﺿﺎﺕ : ﻋﻔﻮﺍ .. ﺧﻴﺮﻫﺎ ﺍﻟﻤﺮﺍﺓ ﺍﻟﻠﻲ ﻏﺎﺩﻱ ..
ﺍﻟﻤﻤﺮﺿﻪ : ﻭﻟﺪﻫﺎ ﺿﺮﺑﺎﺗﻪ ﺳﻴﺎﺭﺓ ..
ﺣﻨﺎﻥ ﺍﻧﺼﺪﻣﺖ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ... ﺑﺎﻫﻲ ﻫﻴﺎ ﺗﺒﺎﻥ ﻣﻨﺼﺎﺑﻪ ..
ﺍﻟﻤﻤﺮﺿﻪ : ﻭﻫﻲ ﺗﺠﺮﻱ ﻓﺠﺮﺗﻪ ﻃﺎﺣﺖ ...
ﺣﻨﺎﻥ ﺍﻧﻮﺟﻌﺖ ﻫﻠﺒﻪ ﻋﻠﻴﻬﺎ : ﺭﺑﻲ ﻳﻠﻄﻒ ﺑﻴﻬﺎ .. ﺍﻟﻤﻤﺮﺿﻪ ﻣﺸﺖ ﻭﺣﻨﺎﻥ ﻗﺎﻋﺪﺓ ﺗﺸﻮﻓﻠﻬﺎ ﺑﺲ ﻣﺶ ﻗﺎﺩﺭﻩ ﺗﻘﺮﺏ ﻣﻨﻬﺎ ...
ﺷﻮﻳﻪ ﻭﺷﺎﻓﺖ ﻭﺍﺣﺪ ﺟﺎﻳﻬﺎ ﻳﺠﺮﻱ ..
ﺇﻟﻴﺎﺱ ﺷﺪﻫﺎ ﻣﻦ ﺫﺭﺍﻋﻬﺎ ﻭﻧﻬﻀﻬﺎ ﻭﻗﻌﺪ ﻳﺠﺮ ﻓﻴﻬﺎ ..
ﻳﺎﺭﺍ ﺑﻼ ﺍﺭﺍﺩﺓ ﻣﻨﻬﺎ ﻳﺠﺮ ﻓﻴﻬﺎ ﻣﺶ ﻗﺎﺩﺭﻩ ﺍﺩﻳﺮ ﺭﺩﺓ ﻓﻌﻞ . ﻭﺻﻞ ﺑﻴﻬﺎ ﺍﺧﺮ ﺍﻟﻤﻤﺮ ﻭﺩﻓﻬﺎ ﻉ ﺍﻟﺤﻴﻂ ...
ﺇﻟﻴﺎﺱ : ﺍﺭﺗﺤﺘﻲ ﺗﻮﺍ ... ﺍﺭﺗﺤﺘﻲ .. ﺻﻜﺮﺗﻲ ﺭﺍﺳﻚ ﻭﻗﻌﺪﺗﻲ ﻓﻲ ﺟﺮﺓ ﻭﻟﺪ ﺭﺟﺐ ﻟﻴﻦ ﺷﺪﻭﻩ .. ﺗﺤﺴﺎﺑﻴﻬﺎ ﺑﺘﻔﻮﺕ ﻫﻜﻲ .. ﺷﻔﺘﻲ ﺷﻦ ﺩﺍﺭ ﻳﺎﻫﺎﻧﻢ .
ﻳﺎﺭﺍ ﻓﻲ ﺍﺿﻌﻒ ﺣﺎﻻﺗﻬﺎ ﺗﺒﻜﻲ ﺑﻘﻬﺮ ﻭﻣﺶ ﻗﺎﺩﺭﻩ ﺗﺘﻜﻠﻢ ..
ﺇﻟﻴﺎﺱ : ﺑﻌﺪ ﻳﻄﻠﻊ ﻣﻦ ﻫﻨﻲ ﻣﻌﺎﺵ ﺗﺤﻠﻢ ﺗﺸﻮﻓﻴﻪ .. ﺍﻧﺴﻴﻪ ..
ﺍﻟﻨﺎﺱ ﺍﻟﺘﻤﺖ ﻭﻗﻌﺪﺕ ﺗﺘﻔﺮﺝ ..
ﺍﻟﻴﺎﺱ : ﺍﻧﻲ ﺍﻟﻐﺎﻟﻂ ﻣﻦ ﺍﻟﺒﺪﺍﻳﻪ ﺍﻟﻠﻲ ﺧﻠﻴﺘﻪ ﻋﻨﺪ ﻭﺣﺪﻩ ﺯﻳﻚ ﻣﺎﺗﺴﺘﺤﻘﺶ ﺗﻜﻮﻥ ﺍﻡ .. ﺍﺻﻼ ﻣﺎ ﺗﺸﺮﻓﻴﺸﻲ ﺍﻧﺘﻲ ﻭﻋﻤﺎﻳﻠﻚ ﻭﻣﺎﺿﻴﻚ ﺍﻷﺳﻮﺩ ....
ﺣﻨﺎﻥ ﺗﺸﺒﺢ ﻓﻴﻪ ﻛﻴﻒ ﻳﻬﻴﻦ ﻓﻴﻬﺎ ﻭﻫﻲ ﻣﺶ ﻗﺎﺩﺭﺓ ﺗﻘﻮﻝ ﺷﻲ ﻣﻨﻬﺎﺭﺓ ﻭﺍﻟﻨﺎﺱ ﺗﺘﻔﺮﺝ .. ﻟﻠﺤﻈﻪ ﺣﻄﺖ ﻧﻔﺴﻬﺎ ﻓﻲ ﻣﻜﺎﻧﻬﺎ ﺣﺴﺖ ﺑﺸﻌﻮﺭ ﺃﻟﻢ ﻓﻀﻴﻊ .. ﻭﺍﺫﻛﺮﺕ ﻛﻼﻡ ﺑﻨﺘﻬﺎ ﻭﺣﺎﻟﺘﻬﺎ ...
ﺇﻟﻴﺎﺱ : ﻭﺣﺪﻩ ﺃﻟﻌﺒﻲ ﺯﻳﻚ ﺣﻨﻤﺤﻴﻬﺎ ﻣﻦ ﺣﻴﺎﺓ ﻭﻟﺪﻱ .. ﻭﻛﺎﻥ ﻻﺯﻡ ﻣﻦ ﺍﻷﻭﻝ ﻧﺪﻳﺮ ﻫﻜﻲ ﻛﻨﺖ ﻣﻌﺎﻙ ﺭﺍﺟﻞ ﺯﻳﺎﺩﻩ ﻋﻦ ﺍﻟﻠﺰﻭﻡ
ﺣﻨﺎﻥ ﻣﻌﺎﺵ ﻗﺪﺭﺕ ﺗﺴﻜﺖ ﻗﺪﻣﺖ ﻣﻨﺪﻓﻌﻪ : ﻭﺗﺼﺮﻓﻚ ﻫﺬﺍ ﻓﻴﻪ ﺷﻲ ﻣﻦ ﺍﻟﺮﺟﻮﻟﻪ .. ﻭﺍﻗﻒ ﺗﻬﻴﻦ ﻓﻲ ﺍﻡ ﻭﻟﺪﻙ ﻭﺗﺴﺐ ﻓﻴﻬﺎ ﻗﺪﺍﻡ ﺍﻟﻨﺎﺱ .. ﻣﺎﺗﺸﻮﻓﺶ ﻓﺤﺎﻟﺘﻬﺎ ﺟﺎﻱ ﺗﺰﻳﺪ ﻓﻴﻬﺎ ﻉ ﻣﺎﺑﻴﻬﺎ .. ﻓﻲ ﺍﻟﻮﻗﺖ ﺍﻟﻤﻔﺮﻭﺽ ﻓﻴﻪ ﺗﻜﻮﻧﻮﺍ ﻣﻊ ﺑﻌﺾ ﻉ ﺧﺎﻃﺮ ﻭﻟﺪﻛﻢ ﺍﻟﻠﻲ ﻳﻌﺎﻧﻲ ﺩﺍﺧﻞ .. ﻟﻮ ﻳﻬﻤﻚ ﻭﻟﺪﻙ ﻭﻟﻮ ﺷﻮﻳﻪ ﻣﺎﻛﻨﺘﺶ ﺩﺭﺕ ﺍﻟﻠﻲ ﺩﺭﺗﻪ ..
ﺇﻟﻴﺎﺱ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﺍﻧﻲ ﻧﻌﺮﻓﻚ ﻛﻮﻳﺲ ﻉ ﻓﻜﺮﺓ ﻣﺶ ﺍﻧﺘﻲ ﻫﻲ ﻧﻔﺴﻬﺎ ﺍﻟﻤﺮﺍﺓ ﺍﻟﻠﻲ ﺧﻄﻔﺖ ﻣﻨﻬﺎ ﻫﺎﺩﻱ ﻭﺃﺷﺮ ﻉ ﻳﺎﺭﺍ ﺭﺍﺟﻠﻬﺎ ..
ﺍﻟﻨﺎﺱ ﻳﺸﺒﺤﻮﺍ ﺑﺼﺪﻣﻪ ..
ﺣﻨﺎﻥ ﺷﺒﺤﺘﻠﻪ ﺑﺈﺯﺩﺭﺍﺀ : ﺍﻧﺖ ﻭﺍﺣﺪ ﻣﺮﻳﺾ ﻭﻣﺴﻜﻴﻦ ... ﻭﺍﻟﻜﻼﻡ ﺍﻟﻠﻲ ﻗﻠﺘﻪ ﻣﺎﻓﻴﺶ ﻣﻨﻪ ﻭﻻﺻﺎﺭ .. ﻟﻮ ﻫﻜﻲ ﻓﻌﻼ ﻋﻼﺵ ﻭﺍﻗﻔﻪ ﻗﺪﺍﻣﻚ ﺗﻮﺍ ...
ﺇﻟﻴﺎﺱ ﻗﻌﺪ ﺳﺎﻛﺖ ..
ﺣﻨﺎﻥ : ﻋﻴﺐ ﻋﻠﻴﻚ ﻋﻴﺐ .. ﻫﺎﺩﻱ ﺍﻡ ﻭﻟﺪﻙ ﻟﻮ ﻣﺶ ﻉ ﺧﺎﻃﺮﻫﺎ ﻉ ﺧﺎﻃﺮ ﻭﻟﺪﻙ ﻣﺎﺩﻳﺮﺵ ﻓﻴﻬﺎ ﻫﻜﻲ ...
ﺷﻮﻳﻪ ﻭﺟﻲ ﺃﻣﻦ ﺍﻟﻤﺴﺘﺸﻔﻰ ﺟﺒﺪﻭﺍ ﺇﻟﻴﺎﺱ ..
ﺇﻟﻴﺎﺱ ﺷﺒﺢ ﻟﻴﺎﺭﺍ : ﺗﻮ ﺗﺸﻮﻓﻲ ﻳﺎﻛﻠﺒﻪ .. ﺟﺒﺪﻭﻩ ﻭﻃﻠﻌﻮﻩ ﺑﺮﺍ ...
ﺣﻨﺎﻥ ﺑﺼﺪﻓﻪ ﻟﻤﺤﺖ ﻭﺣﺪﻩ ﺗﺼﻮﺭ ﻣﺸﺘﻠﻬﺎ ﻃﻮﻝ ﺟﺒﺪﺕ ﻣﻨﻬﺎ ﺍﻟﺘﻠﻴﻔﻮﻥ : ﺍﺗﻘﻮﺍ ﺍﻟﻠﻪ ﻳﺎﺑﺸﺮ ﺧﺎﻓﻮﺍ ﺭﺑﻲ .. ﺭﺍﻙ ﻭﻟﻴﻪ ﺯﻳﻚ ﺯﻳﻬﺎ ﺍﻟﻴﻮﻡ ﺗﺼﻮﺭﻱ ﻏﺪﻭﺓ ﻳﺼﻮﺭﻭﻙ ..
: ﻫﺎﺗﻲ ﺍﻟﺘﻠﻴﻔﻮﻥ ...
ﺣﻨﺎﻥ ﻣﺴﺤﺖ ﺍﻟﻠﻲ ﻓﻴﻪ ﻭﻋﻄﺘﻬﻮﻟﻬﺎ : ﺧﺎﻓﻲ ﺭﺑﻚ ﺍﻟﺪﻧﻴﺎ ﺩﻭﺍﺭﺓ ﻭﺭﺑﻲ ﻣﺎﻳﺨﻠﻲ ﺷﻲ .. ﻭﺯﻋﺖ ﻧﻈﺮﻫﺎ ﻋﻠﻴﻬﻢ ﺍﺗﻘﻮﺍ ﺍﻟﻠﻪ ﻓﻲ ﺃﻧﻔﺴﻜﻢ ﻳﺎﻧﺎﺱ ... ﺍﻟﻠﻲ ﻳﻬﺘﻚ ﺳﺘﺮ ﺧﻮﻩ ﺍﻟﻤﺴﻠﻢ ﺭﺑﻲ ﻳﺒﻌﺘﻠﻪ ﻣﻦ ﻳﻬﺘﻚ ﺳﺘﺮﻩ .. ﻭﻳﻨﻜﻢ ﻋﻦ ﺍﻟﺤﺪﻳﺚ ﺍﻟﻠﻲ ﻳﻘﻮﻝ " ﻣﻦ ﺳﺘﺮ ﻣﺴﻠﻤﺎ ﺳﺘﺮﻩ ﺍﻟﻠﻪ ﻳﻮﻡ ﺍﻟﻘﻴﺎﻣﻪ " ...
ﺍﻟﻨﺎﺱ ﺷﺒﺤﻮﺍ ﻟﺒﻌﻀﻬﻢ ﻭﺍﻟﻠﻲ ﻫﺬﺍ ﻣﺸﻲ ﻓﺤﺎﻟﻪ .. ﺣﻨﺎﻥ ﺯﻓﺮﺕ ﺑﻘﻮﺓ ... ﻭﺍﻟﺘﻔﺘﺖ ﻟﻘﺖ ﻳﺎﺭﺍ ﺗﺸﻮﻓﻠﻬﺎ ﺑﺼﺪﻣﻪ ﻭﺩﻣﻮﻋﻬﺎ ﺗﻨﺰﻝ .. ﺣﻨﺎﻥ ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﻣﺸﺖ ...
ﻟﻮﻃﺎ ..
ﺃﺳﺎﻣﻪ ﻛﺎﻥ ﻣﺎﺷﻲ ﻭﻓﻴﺪﻩ ﻭﺭﻗﻪ ﻭﻣﺼﺪﻭﻡ .. ﻣﻌﺎﻭﻳﻪ ﻗﻌﺪ ﻳﺸﺒﺤﻠﻪ ﻭﻣﺴﺘﻐﺮﺏ .. ﻗﻌﻤﺰ ﺍﺳﺎﻣﻪ ﺑﻌﺪ ﻛﺮﺳﻴﻦ ﻣﻦ ﺍﻟﻠﻲ ﻣﻘﻌﻤﺰ ﻋﻠﻴﻪ ﻣﻌﺎﻭﻳﻪ ... ﻭﻗﻌﺪ ﻳﺸﻮﻑ ﻟﻠﻮﺭﻗﻪ ..
ﻣﻌﺎﻭﻳﻪ : ﺇﻥ ﺷﺎﺀ ﺍﻟﻠﻪ ﺧﻴﺮ ﺩﻛﺘﻮﺭ ..
ﺍﺳﺎﻣﻪ ﺍﺑﺘﺴﻢ ﺷﺒﺤﻠﻪ : ﺧﻮﺩ ﺍﻗﺮﺍ ﻭﻗﻮﻟﻲ ﺍﻟﻠﻲ ﻓﻬﺎﻟﻮﺭﻗﻪ ﺷﻨﻮ ..
ﻣﻌﺎﻭﻳﻪ ﻣﺴﺘﻐﺮﺏ ﻓﻴﻪ ﻫﻠﺒﻪ ﻫﻮ ﺩﻛﺘﻮﺭ ﻭﻳﻘﻮﻟﻪ ﺍﻗﺮﺍﻟﻲ !!
ﻣﻌﺎﻭﻳﻪ ﺧﺪﺍﻫﺎ ﻭﻗﻌﺪ ﻳﻘﺮﺍ ﻋﻴﻮﻧﻪ ﺍﻧﻔﺘﺤﻮﺍ ﻉ ﻭﺳﻌﻬﻢ ﺑﺼﺪﻣﻪ .. ﺃﺳﺎﻣﻪ ﻛﺎﻥ ﻳﺸﺒﺤﻠﻪ ﻟﻤﺎ ﺷﺎﻑ ﻋﻼﻣﺎﺕ ﺍﻟﺼﺪﻣﻪ ﺑﺎﻳﻨﻪ ﻓﻮﺟﻬﻪ ﻗﺎﻝ : ﺳﺮﻃﺎﻥ ﻓﻲ ﺍﻟﻤﺦ .. ﻣﻌﻨﺎﻫﺎ ﺍﻟﻠﻲ ﻗﺮﻳﺘﻪ ﺻﺢ ...
ﻣﻌﺎﻭﻳﻪ : ﻗﺼﺪﻙ ﺍﻟﺪﻛﺘﻮﺭ ﻧﺎﺩﺍﻙ ﻟﻬﺎﻟﺴﺒﺐ ..
ﺃﺳﺎﻣﻪ ﺧﺪﻱ ﺍﻟﻮﺭﻗﻪ ﻭﻗﻌﺪ ﻳﺸﻮﻓﻠﻬﺎ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻣﻌﺎﻭﻳﻪ ﻗﻌﺪ ﻳﺸﺒﺢ ﻟﻮﻃﺎ ﻭﻫﻮ ﻣﺼﺪﻭﻡ ..
ﺍﻣﺎ ﺃﺳﺎﻣﻪ ﺍﺑﺘﺴﻢ ﻭﻗﺎﻝ : ﺷﻜﻠﻲ ﺑﻨﺨﺶ ﺍﻟﺠﻨﻪ ﻃﻮﻝ ..
ﻣﻌﺎﻭﻳﻪ ﺷﺒﺤﻠﻪ ..
ﺃﺳﺎﻣﻪ ﺗﻨﻬﺪ؛ﺗﻌﺬﺑﺖ ﻫﻠﺒﻪ ﻓﻲ ﺍﻟﺪﻧﻴﺎ ﻭﺍﺛﻖ ﻣﻦ ﺃﻥ ﺭﺍﺣﺘﻲ ﻣﺪﺳﻮﺳﻪ ﻓﻲ ﺍﻵﺧﺮﺓ .. ﻫﻜﻲ ﻛﺎﻧﺖ ﺗﻘﻮﻝ ﺣﻨﺎﻥ ﻟﻌﺎﺋﺸﻪ ﺍﻟﻠﻪ ﻳﺮﺣﻤﻬﺎ .. ﻛﺎﻧﺖ ﺗﻘﻮﻝ ﺣﺪﺍ ﻭﺫﻧﻬﺎ ﻭﻫﻲ ﻓﺎﻟﺘﺎﺑﻮﺕ .. ﺗﻌﺬﺑﺘﻲ ﻓﻲ ﺩﻧﻴﺘﻚ ﻟﻜﻦ ﺭﺍﺣﺘﻚ ﻋﻨﺪ ﺭﺑﻲ ﻣﺪﺳﻮﺳﻪ ﻟﻴﻮﻡ ﻏﺪﻭﺓ ...
ﻣﻌﺎﻭﻳﻪ ﺗﻨﻬﺪ ...
ﺃﺳﺎﻣﻪ : ﺗﺤﺒﻬﺎ ؟
ﻣﻌﺎﻭﻳﻪ ﺍﻧﺼﺪﻡ ﻓﻲ ﺍﻟﺴﺆﺍﻝ .
ﺃﺳﺎﻣﻪ ﺍﺑﺘﺴﻢ : ﻭﺍﺿﺢ ﻋﻠﻴﻚ .. ﻭﺣﺘﻰ ﻫﻲ ﺗﺮﺗﺒﻚ ﻑ ﺣﻀﻮﺭﻙ ﻭﻭﺟﻬﺎ ﻳﺘﻐﻴﺮ ﻟﻮﻧﻪ ﻟﻸﺣﻤﺮ ...
ﻣﻌﺎﻭﻳﻪ ﺷﺒﺢ ﺍﻟﻘﺪﺍﻡ ﻭﺍﺑﺘﺴﻢ ..
ﺃﺳﺎﻣﻪ : ﺍﻧﺖ ﺭﺍﺟﻞ ﺗﻘﺪﺭ ﺍﻟﺤﺎﺟﻪ ﺍﻟﻐﺎﻟﻴﻪ ... ﻭﺣﺘﻌﺮﻑ ﻛﻴﻒ ﺗﺤﺎﻓﻆ ﻋﻠﻴﻬﺎ ..
ﻣﻌﺎﻭﻳﻪ : ﻫﻲ ﻋﻨﺪﻱ ﻣﺎﺗﺘﻘﺪﺭﺵ ﺑﺜﻤﻦ ..
ﺃﺳﺎﻣﻪ ﺍﺑﺘﺴﻢ : ﺍﻧﺖ ﺑﺲ ﺍﻟﻠﻲ ﺗﺴﺘﺎﻫﻠﻬﺎ ..
ﻣﻌﺎﻭﻳﻪ ﺷﺒﺤﻠﻪ ﻭﺍﺑﺘﺴﻢ ﻭﺣﻂ ﻳﺪﻩ ﻉ ﺭﺟﻞ ﺃﺳﺎﻣﻪ : ﺗﺒﻲ ﺍﻱ ﺷﻲ ﺍﻧﻲ ﺣﺎﺿﺮ ..
ﺍﺳﺎﻣﻪ ﺑﺈﺑﺘﺴﺎﻣﻪ : ﻧﺒﻴﻚ ﺗﻜﺘﻢ ﺳﺮﻱ ..
ﻣﻌﺎﻭﻳﻪ : ﻛﻴﻒ ؟ !!
ﺃﺳﺎﻣﻪ : ﺍﺭﺟﻮﻙ ﻣﺎﻧﺒﻲ ﺣﺪ ﻳﻌﺮﻑ ﻭﺑﺎﻟﺬﺍﺕ ﻫﻲ ..
ﻣﻌﺎﻭﻳﻪ ﻏﻤﺾ ﻋﻴﻮﻧﻪ ﺑﺸﺪﻩ ﻭﻓﺘﺤﻬﻢ ..
ﺍﺳﺎﻣﻪ : ﺍﻫﻲ ﺟﺖ ﺯﻱ ﻣﺎﺃﺗﻔﻘﻨﺎ ..
ﺣﻨﺎﻥ ﺷﺎﻓﺘﻬﻢ ﻭﺗﻔﺎﺟﺌﺖ ﺑﺸﻮﻓﺔ ﻣﻌﺎﻭﻳﻪ .. ﻗﺮﺑﺖ ﻣﻨﻬﻢ .. ﻭﻫﻤﺎ ﻧﺎﺿﻮﺍ ﻭﻗﻔﻮﺍ
ﺣﻨﺎﻥ : ﺳﻴﺪ ﻣﻌﺎﻭﻳﻪ ..
ﻣﻌﺎﻭﻳﻪ : ﺍﺣﻤﻢ .. ﺷﻦ ﺣﺎﻝ ﺑﻨﺘﻚ ..
ﺣﻨﺎﻥ : ﻛﻮﻳﺴﻪ .. ﺑﺲ ﺣﻀﺮﺗﻚ ﺧﻴﺮﻙ ﻫﻨﻲ ..
ﺃﺳﺎﻣﻪ : ﺟﺎﻱ ﻳﻄﻤﻦ ﻭﺍﺑﺘﺴﻢ ..
ﺣﻨﺎﻥ ﺑﺈﺳﺘﻐﺮﺍﺏ : ﻉ ﻣﻨﻮ ..
ﺍﺳﺎﻣﻪ : ﻋﻠﻴﻜﻢ ..
ﺣﻨﺎﻥ ﺷﺒﺤﺘﻠﻪ ﻭﻭﺟﻬﺎ ﻭﻻﺍﺣﻤﺮ ﻭﻫﻮ ﺭﻛﺰ ﻭﺍﺑﺘﺴﻢ ..
ﺍﺳﺎﻣﻪ ﺑﻀﺤﻜﻪ : ﻳﻼﺍ ﺍﻫﻮ ﻛﺴﺒﻨﺎ ﺷﻮﻓﺘﻪ ..
ﻣﻌﺎﻭﻳﻪ ﺑﻀﺤﻜﻪ : ﻣﺸﻜﻮﺭ ..
ﺣﻨﺎﻥ ﺍﺑﺘﺴﻤﺖ ﻭﺑﻌﺪﻳﻦ ﺗﻼﺷﺖ ﺍﺑﺘﺴﺎﻣﺘﻬﺎ ﻟﻤﺎ ﺍﺫﻛﺮﺕ ﻳﺎﺭﺍ : ﺷﻔﺖ ﻳﺎﺭﺍ ..
ﻣﻌﺎﻭﻳﻪ ﺍﺳﺘﻐﺮﺏ ..
ﺍﺳﺎﻣﻪ : ﻭﻟﺪﻫﺎ ﺿﺮﺑﺎﺗﻪ ﺳﻴﺎﺭﺓ ﻭﺍﺻﺎﺑﺘﻪ ﺧﻄﻴﺮﻩ ..
ﺣﻨﺎﻥ ﻭﻣﻌﺎﻭﻳﻪ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﺣﻨﺎﻥ : ﻭﺷﻦ ﺑﻴﺼﻴﺮ ﻓﻴﻪ ﺗﻮﺍ .
ﺍﺳﺎﻣﻪ ﺑﺄﻟﻢ : ﺍﺣﺘﻤﺎﻝ ﻛﺒﻴﺮ ﻳﺘﻌﺮﺽ ﻟﺸﻠﻞ ﻧﺼﻔﻲ ..
ﺣﻨﺎﻥ ﺣﻄﺖ ﺍﻳﺪﻫﺎ ﻉ ﻓﻤﻬﺎ : ﻳﺎﺍﺍﺭﺑﻲ ..
ﻣﻌﺎﻭﻳﻪ ﺗﺄﺛﺮ ﻫﻠﺒﻪ ..
ﺍﺳﺎﻣﻪ : ﺭﺑﻲ ﻳﻠﻄﻒ ﺑﻴﻪ ..
ﺣﻨﺎﻥ ﻭﺩﻣﻮﻋﻬﺎ ﻧﺰﻟﻮﺍ : ﻭﺑﻴﻬﺎ ...
ﻓﻮﻕ ﺗﻠﻘﺖ ﻳﺎﺭﺍ ﺍﻟﺼﺪﻣﻪ ﺍﻟﻜﺒﻴﺮﻩ ﻫﻲ ﺇﺻﺎﺑﺔ ﻭﻟﺪﻫﺎ ﺑﺸﻠﻞ ﻧﺼﻔﻲ ﺍﻟﻄﻔﻞ ﺍﻟﻠﻲ ﻋﻤﺮﻩ ﻣﺎﺗﻌﺪﺍﺵ 6 ﺳﻨﻮﺍﺕ ﺣﻴﻜﻤﻞ ﺑﺎﻗﻲ ﺣﻴﺎﺗﻪ ﻉ ﻛﺮﺳﻲ ﻣﺘﺤﺮﻙ .. ﺍﻧﻬﺎﺭﺕ ﻳﺎﺭﺍ ﻭﻓﻘﺪﺕ ﺍﻟﻮﻋﻲ ﻭﺣﻄﻮﻫﺎ ﻓﻲ ﻭﺣﺪﻩ ﻣﻦ ﻏﺮﻑ ﺍﻟﻤﺴﺘﺸﻔﻰ ﻭﻫﻲ ﻓﺤﺎﻟﺔ ﺻﻌﺒﻪ ..
" ﺍﻟﻠﻪ ﻻﻳﺤﺮﻗﻠﻜﻢ ﻛﺒﺪ ﻉ ﻏﺎﻟﻲ "..
ﺑﺮﺍ ﺍﻟﻤﺴﺘﺸﻔﻰ ..
ﻣﻌﺎﻭﻳﻪ : ﺧﻼﺹ ﺣﻨﺎﻥ ﻫﺪﻱ ﻧﻔﺴﻚ .. ﺧﻮﺩﻱ ﺍﺷﺮﺑﻲ ..
ﺣﻨﺎﻥ ﺗﺒﻜﻲ ﻭﺷﺪﺕ ﺍﻟﺸﻴﺸﻪ ﻭﻳﺪﻫﺎ ﺗﺮﻋﺶ ﻭﻗﻌﺪﺕ ﺗﺸﺮﺏ .
ﺣﻨﺎﻥ : ﺍﻛﺜﺮ .. ﺷﻲ .. ﻗﺎﻫﺮﻧﻲ ﺭﺍﺟﻠﻬﺎ ﺍﻟﻠﻲ ﻣﺨﻠﻴﻬﺎ ﺑﺮﻭﺣﻬﺎ ..
ﻣﻌﺎﻭﻳﻪ : ﻻﻳﻘﻬﺮﻙ ﻭﻻﻳﻬﻤﻚ ﻓﻲ ﺣﺎﺟﻪ ﻣﺶ ﻋﺎﺭﻑ ﻛﻴﻒ ﻛﻨﺘﻲ ﻣﺘﺰﻭﺟﻪ ﻭﺍﺣﺪ ﺯﻳﻪ ..
ﺣﻨﺎﻥ ﻣﺴﺤﺖ ﺩﻣﻮﻋﻬﺎ : ﻣﺎﻛﺎﻧﺶ ﻫﻜﻲ .. ﻧﻀﺎﻝ ﺍﻟﻠﻲ ﻋﺮﻓﺘﻪ ﺭﺍﺟﻞ ﻓﻲ ﻛﻞ ﺷﻲ .. ﻣﺶ ﻋﺎﺭﻓﻪ ﺷﻦ ﺍﻟﻠﻲ ﻏﻴﺮ ﺣﺎﻟﻪ .
ﻣﻌﺎﻭﻳﻪ ﺍﺿﺎﻳﻖ : ﻓﻜﻴﻨﺎ ﻣﻦ ﺳﻴﺮﺗﻪ ..
ﺣﻨﺎﻥ ﺷﺒﺤﺖ ﻟﻤﻌﺎﻭﻳﻪ ﻭﺍﺑﺘﺴﻤﺖ ﻭﻫﻮ ﻟﺒﺲ ﻧﻈﺮﺍﺗﻪ ﺍﺑﺘﺴﻢ ﻭﻗﺎﻝ : ﺧﻴﺮﻙ ﺗﺸﺒﺤﻴﻠﻲ ﻫﻜﻲ ..
ﺣﻨﺎﻥ ﺑﺈﺑﺘﺴﺎﻣﻪ : ﺷﻲ ..
ﻣﻌﺎﻭﻳﻪ ﺗﻨﻬﺪ ﻭﻫﻮ ﻳﺸﻮﻓﻠﻬﺎ ..
ﻭﻫﻲ ﻭﻃﺖ ﻋﻴﻮﻧﻬﺎ : ﻫﻲ ﺑﻨﺮﻭﺡ .... ﺍﻟﺴﻼﺍﻡ ﻋﻠﻴﻜﻢ ... ﻭﻣﺸﺖ ﺭﻛﺒﺖ ﺳﻴﺎﺭﺗﻬﺎ ﻭﻫﻮ ﻳﺸﻮﻓﻠﻬﺎ : ﺍﻫﺮﺑﻲ ﺗﻮﺍ .. ﺳﻴﻮﺭﻙ ﺗﺤﺼﻠﻲ ﺣﺼﻠﻪ ﻻﺧﻼﺹ ﻣﻨﻬﺎ .. ﺿﺤﻚ ﻭﻣﺸﻲ ﻟﺴﻴﺎﺭﺗﻪ ﺭﻛﺒﻬﺎ ﻭﺗﺤﺮﻙ ...
... ﻳﺘﺒﻊ
