# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 27_
ﺗﻮﺍ ﻧﺒﻲ ﻧﻌﺮﻑ ﺷﻦ ﻓﻲ .. ﻃﻮﻝ ﺍﻟﻤﺪﻩ ﺍﻟﻠﻲ ﻓﺎﺗﺖ ﻧﺸﻮﻑ ﻭﺳﺎﻛﺘﻪ ﻭﻧﺮﺍﺟﻲ ﻓﻴﻚ ﺗﺠﻲ ﻭﺗﺘﻜﻠﻤﻲ ﻣﺎﺑﻴﺘﺶ ﻧﻀﻐﻂ ﻋﻠﻴﻚ .. ﺣﺘﻰ ﺧﻄﻮﺑﺘﻚ ﺭﻩ ﻣﺶ ﺭﺍﺿﻴﻪ ﻋﻠﻴﻬﺎ ﻹﻧﻲ ﺣﺎﺳﻪ ﺍﻧﻚ ﻭﺍﻓﻘﺘﻲ ﻭﺍﻧﺘﻲ ﻣﺎﻟﻜﺶ ﺭﻏﺒﻪ ﻓﻲ ﺍﻟﻤﻮﺿﻮﻉ .. ﺭﻫﻒ ... ﻣﺶ ﺣﺘﻄﻠﻌﻲ ﻣﻦ ﻫﻨﻲ ﻗﺒﻞ ﻟﻨﻔﻬﻢ ﻛﻞ ﺷﻲ ..
ﺭﻫﻒ ﺩﻣﻮﻋﻬﺎ ﻃﺎﺣﻮﺍ ﻃﻮﻝ ﻭﺑﺪﺕ ﺗﺤﻜﻲ ﻷﻣﻬﺎ ..
***
ﻭﺍﻟﻠﻪ ﺍﻟﻮﺍﺣﺪ ﻣﺎﻋﺎﺭﻑ ﺷﻦ ﻳﻘﻮﻝ ...
ﺗﻘﻮﻯ : ﻟﺘﻮﺍ ﻣﺶ ﻣﺼﺪﻗﻪ ...
ﻟﺆﻱ ﻗﻌﺪ ﺳﺎﻛﺖ ﻭﻳﻔﻜﺮ ..
ﺗﻘﻮﻯ : ﺣﺒﻴﺒﻲ ﻓﺸﻦ ﺗﻔﻜﺮ ..
ﻟﺆﻱ : ﺗﻌﺮﻓﻲ ﻗﻠﺒﻲ ﺣﺎﺳﺲ ﺍﻥ ﻫﺎﻟﺰﻭﺯ ﻟﺒﻌﺾ ..
ﺗﻘﻮﻯ : ﻳﺎﺍﺍﺭﺏ .. ﻏﻴﺮ ﻧﻔﺘﻜﻮﺍ ﻣﻦ ﺍﻟﻠﻲ ﺍﺳﻤﻪ ﻣﻬﺎﺏ ..
ﻟﺆﻱ ﺷﺒﺤﻠﻬﺎ : ﻣﺎﻫﻮ ﻫﺬﺍ ﺍﻟﻬﻢ ﻛﻴﻒ ﺑﺘﺨﻠﺺ ﻣﻦ ﻭﺍﺣﺪ ﺯﻱ ﻫﺬﺍ ...
***
ﻋﻼﺵ ﻳﺎﻣﺎﻣﺎ ﻋﻼﺵ ﺍﺩﻳﺮﻱ ﻫﻜﻲ ﻭﻳﻦ ﻋﻘﻠﻚ ..
ﺭﻫﻒ ﺑﺒﻜﻲ : ﺍﻧﻘﻬﺮﺕ ﻳﺎﻣﺎﻣﺎ ﺣﺴﻴﺖ ﻗﻠﺒﻲ ﺍﻧﺤﺮﻕ .. ﺑﻌﺪ ﻣﺎﻓﻬﻤﺖ ﻣﺸﺎﻋﺮﻱ ﻭﻋﺮﻓﺘﻬﺎ .. ﺍﻧﻚ ﺗﺤﺒﻲ ﻭﺍﺣﺪ ﻭﻳﻜﻮﻥ ﻟﻐﻴﺮﻙ ﺻﻌﺒﻪ ﻳﺎﻣﺎﻣﺎ ...
ﺣﻨﺎﻥ ﺍﺫﻛﺮﺕ ﺍﻟﻠﻲ ﻣﺮﺕ ﺑﻴﻪ ﺣﻀﻨﺘﻬﺎ : ﺣﺘﻰ ﻟﻮ ﻳﺎﺑﻨﺘﻲ ﺍﻧﻚ ﺗﺤﺎﻭﻟﻲ ﺗﻨﺴﻴﻪ ﺑﻐﻴﺮﻩ ﺭﻩ ﻫﺬﺍ ﻣﺶ ﺣﻞ ﻫﺬﺍ ﺣﻴﻌﺬﺑﻚ ﺍﻛﺜﺮ .. ﺻﻌﺐ ﺍﻟﻮﺣﺪﻩ ﺗﺮﺗﺒﻂ ﺑﻮﺍﺣﺪ ﻣﺶ ﻣﺘﻘﺒﻼﺗﻪ ﻻ ﻭﻓﻮﻗﻬﺎ ﺗﺤﺐ ﻏﻴﺮﻩ ..
ﺭﻫﻒ : ﻣﺎﻣﺎ .. ﺍﻧﻲ ﻣﻮﺟﻮﻋﻪ ﻫﻠﺒﻪ ﻭﻣﺨﻨﻮﻗﻪ ...
ﺣﻨﺎﻥ ﻗﻠﺒﻬﺎ ﺗﻘﻄﻊ ﻭﺯﺍﺩﺕ ﺣﻀﻨﺘﻬﺎ ﺍﻛﺜﺮ ﻭﻗﺎﻟﺖ : ﺑﻨﺘﻲ .. ﻫﺎﺩﻱ ﺣﻴﺎﺗﻚ ﺍﻧﺘﻲ ﻓﻜﺮﻱ ﻭﺍﻟﻘﺮﺍﺭ ﺍﻟﻠﻲ ﺗﺎﺧﺪﻳﻪ ﺍﻧﻲ ﻣﻌﺎﻙ ﻓﻴﻪ ..
ﺭﻫﻒ ﺍﻛﺘﻔﺖ ﺑﺎﻟﺒﻜﺎﺀ ﺑﺼﻤﺖ ..
ﺑﻌﺪ ﻳﻮﻣﻴﻦ ..
ﻃﺎﻟﻊ ﻣﻦ ﻣﻜﺘﺒﻪ ﻭﻓﻴﺪﻩ ﻭﺭﻗﻪ ﻭﻛﻞ ﻣﻦ ﻳﺸﻮﻓﻪ ﻛﺎﻥ ﻳﻼﺣﻆ ﻋﻠﻰ ﻣﻼﻣﺢ ﻭﺟﻬﻪ ﺍﻧﻪ ﻓﻲ ﻗﻤﺔ ﺍﻟﻐﻀﺐ .. ﻃﻠﻊ ﻣﻦ ﻣﻜﺎﻥ ﻋﻤﻠﻪ ﻭﺗﻮﺟﻪ ﻟﺴﻴﺎﺭﺗﻪ ﺭﻛﺒﻬﺎ ﻭﻃﻠﻊ ﺑﺴﺮﻋﻪ ..
ﻛﺎﻥ ﻳﺸﻮﻑ ﻓﻴﻪ ﺻﺎﺣﺒﻪ ﻣﻦ ﺍﻟﺮﻭﺷﻦ : ﺧﻼﺹ ﻳﺎﺻﺎﺣﺒﻲ ﻣﻌﺎﺵ ﻓﻲ ﺷﻲ ﺗﻘﺪﺭ ﺗﺮﺟﻌﻪ ﺯﻱ ﻗﺒﻞ ﻣﻬﻤﺎ ﺩﺭﺕ ..
ﻭﺻﻞ ﻟﻠﻤﻜﺘﺐ ﺍﻟﻬﻨﺪﺳﻲ ﺍﻟﻠﻲ ﺗﺨﺪﻡ ﻓﻴﻪ ..
ﺳﻬﻰ : ﻣﺶ ﻫﻨﻲ،ﻣﻮﺟﻮﺩﻩ ﻓﻲ ﻣﻮﻗﻊ ﻣﺸﺮﻭﻉ ﺷﺮﻛﺎﺕ ﺍﻟﻬﺎﺩﻱ ..
ﻧﻀﺎﻝ ﺑﺤﺪﻩ : ﻭﻳﻦ ﺍﻟﻤﻮﻗﻊ ﻫﺬﺍ ..
ﺳﻬﻰ : ﻳﺒﻌﺪ ﻋﻦ ﺍﻟﻌﺎﺻﻤﻪ ﺳﺎﻋﻪ ﻭﻧﺺ ﺑﺎﻟﺴﻴﺎﺭﺓ ﻓﻲ *****
ﻧﻀﺎﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻟﻒ ﻭﻃﻠﻊ ﻣﻦ ﺍﻟﻤﻜﺘﺐ ..
ﺭﻛﺐ ﺳﻴﺎﺭﺗﻪ ﻭﺑﻄﺮﻳﻘﻪ ﻟﻤﻜﺎﻥ ﺍﻟﻤﻮﻗﻊ ..
...
ﻛﺎﻧﺖ ﻭﺍﻗﻔﻪ ﺗﻄﻠﻊ ﻉ ﺍﻟﺸﻐﻞ ﻭﻳﻦ ﻭﺻﻞ ﺗﺸﺒﺢ ﻟﻠﻤﺨﻄﻂ ﻭﺗﺮﺍﻗﺐ ﻓﻲ ﺍﻟﻌﻤﻞ .. ﻛﺎﻥ ﺍﻟﻤﻮﻗﻊ ﻛﺒﻴﺮ ﻭﻫﻲ ﺗﺸﺒﺢ ﻓﻴﻬﻢ ﻭﻳﻦ ﻭﺻﻠﻮﺍ ﻭﺷﻦ ﺩﺍﺭﻭ .. ﻭﺗﺸﻴﻚ ﻉ ﻣﻮﺍﺩ ﺍﻟﺒﻨﺎﺀ ﻭﻣﺎﻳﺘﺒﻌﻬﺎ ...
ﻗﻌﺪﺕ ﺗﻤﺸﻲ ﻭﺗﺸﻮﻑ ﻣﻦ ﺑﻌﻴﺪ ﻭﺍﻟﺠﻮ ﻛﺎﻥ ﺑﺎﺩﻱ ﻳﺴﺨﻦ .. ﻭﻫﻲ
ﻣﺘﺤﻤﻠﻪ ﺍﻟﻮﻗﻔﻪ ﺑﺎﻟﺴﻴﻒ .. ﻣﺎﺗﺤﺒﺶ ﺍﻟﺼﻴﻒ "... ﺯﻳﻲ .."
ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ﻭﻫﻲ ﺗﻤﺮﻭﺡ ﻉ ﺭﻭﺣﻬﺎ .. ﺷﺎﻓﺖ ﻣﻦ ﺑﻌﻴﺪ ﺻﺎﺣﺐ ﺍﻟﻤﻜﺎﻥ ﺟﺎﻱ ﻭﻣﻌﺎﻩ ﻣﺴﺎﻋﺪﻩ ... ﺣﺴﺖ ﺭﻭﺣﻬﺎ ﺗﺒﻲ ﺗﻬﺮﺏ ﻭﻣﺶ ﻋﺎﺭﻓﻪ ﻛﻴﻒ ..
ﺗﺼﻴﺮ ﻣﻌﺎﻛﻢ ﺍﻣﺘﻰ ﻳﺼﺮﺣﻠﻜﻢ ﺣﺪ ﺑﻤﺸﺎﻋﺮﻩ ﺍﻭ ﻳﺒﻴﻨﻬﺎﻟﻜﻢ ﻭﺍﺗﺮﺕ ﻓﻴﻜﻢ ﺑﺸﻜﻞ ﺍﻭ ﺑﺄﺧﺮ .. ﻟﻜﻦ ﻣﺎﺯﺍﻝ ﻣﺎﺗﻘﺒﻠﻮﺗﻮﺵ .. ﺗﺒﺪﻭﺍ ﻭﻳﻦ ﻣﺎﺗﺸﻮﻓﻮﻩ ﺍﻭ ﺗﻘﺎﺑﻠﻮﻩ ﺗﺒﻮﺍ ﺗﻬﺮﺑﻮﺍ .. ﺍﻣﺎ ﻫﻲ ﺗﻤﺎﺳﻜﺖ ﻭﻗﻌﺪﺕ ﻭﺍﻗﻔﻪ ..
ﻣﻦ ﺑﻌﻴﺪ ..
ﺍﻳﻤﻦ : ﺍﻟﻠﻲ ﻧﺸﻮﻑ ﻓﻴﻪ ﺍﻧﺠﺎﺯ ﻓﻲ ﻭﻗﺖ ﻗﻴﺎﺳﻲ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﺘﻔﺮﺝ ..
ﺟﺎﻩ ﺭﺋﻴﺲ ﺍﻟﻌﻤﺎﻝ : ﺗﺤﺖ ﺍﻣﺮﻙ ﻳﺎﺑﻴﻪ ..
ﻣﻌﺎﻭﻳﻪ ﺣﻮﻝ ﻧﻈﺎﺭﺍﺗﻪ : ﻣﺎﻓﻲ ﺷﻲ ﻧﺎﻗﺺ ..
ﺭﺋﻴﺲ ﺍﻟﻌﻤﺎﻝ : ﺍﺑﺪﺍ ﻳﺎﺑﻴﻪ ﻛﻞ ﺗﻤﺎﻡ .. ﺩﺍﻧﺎ ﺣﺘﻰ ﻗﺒﻞ ﺷﻮﻳﻪ ﻗﻠﺖ ﻟﻠﺒﺎﺵ ﻣﻬﻨﺪﺳﻪ ﺇﻥ ﻣﺎﻓﻴﺶ ﺣﺎﺟﻪ ﺑﺘﻨﻘﺺ ﺍﻟﻤﻜﺎﻥ ﻫﻨﺎ
ﻣﻌﺎﻭﻳﻪ ﺷﺒﺤﻠﻪ : ﺍﻟﻤﻬﻨﺪﺳﻪ ﻫﻨﻲ ؟
ﺭﺋﻴﺲ ﺍﻟﻌﻤﺎﻝ : ﺍﻳﻮﻩ .. ﺗﻠﻔﺖ ﻭﺍﺷﺮﻟﻪ ﺑﺴﺒﺎﺑﺘﻪ .. ﻫﻨﺎﻙ ﺍﻫﻲ ..
ﻣﻌﺎﻭﻳﻪ ﺷﺒﺤﻬﺎ ﻓﺮﺡ ﻣﻦ ﻭﺳﻂ ﻗﻠﺒﻪ ﺑﺎﻧﺖ ﻋﻠﻴﻪ ﻓﺮﺣﺘﻪ ..
ﺃﻳﻤﻦ : ﻗﺪﺍﺵ ﻟﻴﺎ ﻣﺎﺭﻳﺘﻬﺎ ..
ﻣﻌﺎﻭﻳﻪ ﺷﺒﺤﻠﻪ ﻉ ﺟﻨﺐ ﺑﺤﺪﻩ ﻭﺷﺒﺢ ﻟﺮﺋﻴﺲ ﺍﻟﻌﻤﺎﻝ : ﺗﻤﺎﻡ ﺑﺮﺍ ﻛﻤﻞ ﺷﻐﻠﻚ ..
ﺣﻨﺎﻥ ﻛﺎﻧﺖ ﻣﺘﺠﺎﻫﻠﻪ ﻭﺟﻮﺩﻩ ﺗﻤﺎﻡ ﻭﺩﺍﻳﺮﻩ ﺭﻭﺣﻬﺎ ﺗﺸﻮﻑ ﻓﻲ ﺍﻟﺨﺮﻳﻄﻪ .. ﻭﻫﻮ ﻋﺎﺭﻑ ﻭﻣﺎﺗﺤﺮﻛﺶ ﻣﻦ ﻣﻜﺎﻧﻪ ﻳﺸﻮﻓﻠﻬﺎ ﻣﻦ ﺑﻌﻴﺪ ﻭﺧﻼﺹ .. ﺷﻮﻳﻪ ﻭﺧﺪﻱ ﺍﻳﻤﻦ ﻣﻌﺎﻩ ﻭﻗﻌﺪﻭﺍ ﻳﺸﻮﻓﻮﺍ ﻓﻲ ﺍﻟﺸﻐﻞ ﻭﻳﻦ ﻭﺻﻞ ...
ﻫﻲ ﻟﻤﺎ ﺍﺧﺘﻔﻮﺍ ﻣﻦ ﻗﺪﺍﻣﻬﺎ .. ﻛﺎﻧﺖ ﺣﺘﻬﺮﺏ ﺭﺳﻤﻲ ... ﻭﻫﻲ ﻣﺎﺷﻴﻪ ﻭﻗﻔﺖ ﺟﺎﻣﺪﻩ ﻓﻲ ﻣﻜﺎﻧﻬﺎ ﻟﻤﺎ ﺷﺎﻓﺖ ﻧﻀﺎﻝ ﺟﺎﻳﻬﺎ ﻣﻦ ﺑﻌﻴﺪ ...
ﺍﺭﺗﺒﻜﺖ ﻉ ﺍﻵﺧﺮ ﺷﺒﻪ ﻋﺎﺭﻓﻪ ﻋﻼﺵ ﺟﺎﻱ ﻭﺧﺎﻳﻔﻪ ﻳﺼﻴﺮ ﻣﻮﻗﻒ ﻣﺶ ﺣﻠﻮ ﻗﺪﺍﻡ ﺍﻟﻨﺎﺱ ﺍﻟﻠﻲ ﺗﺨﺪﻡ ﻣﻌﺎﻫﺎ ..
ﻭﺻﻞ ﻓﻴﻬﺎ ﻭﻫﻮ ﻣﻌﺼﺐ ﻉ ﺍﻻﺧﺮ ﺭﻓﻊ ﻳﺪﻩ ﺍﻟﻠﻲ ﻓﻴﻬﺎ ﺍﻟﻮﺭﻗﻪ ﻓﻮﻕ ﻭﻗﺎﻝ : ﺩﺭﺗﻴﻬﺎ !!
ﺣﻨﺎﻥ : ﻣﺶ ﻣﻜﺎﻧﻪ ﺍﻟﻨﻘﺎﺵ ﻓﻲ ﺍﻟﻤﻮﺿﻮﻉ ﻫﺬﺍ ..
ﻧﻀﺎﻝ ﺑﻌﺼﺒﻴﻪ : ﺷﻦ ﺗﺤﺴﺎﺑﻲ ﺭﻭﺣﻚ ﺩﺭﺗﻲ .. ﻭﺭﻓﻌﺘﻲ ﻗﻀﻴﻪ ... ﺑﻨﺼﻜﺮ ﺭﺍﺳﻲ ﻭﻣﺶ ﻣﻄﻠﻖ ..
ﺣﻨﺎﻥ ﺗﺒﻲ ﺗﺪﺍﺭﻙ ﺍﻟﻤﻮﻗﻒ ﻭﺍﻃﻠﻌﻪ ﻣﻦ ﺍﻟﻤﻜﺎﻥ : ﺑﺎﻫﻲ .. ﺧﻠﻴﻨﺎ ﻧﻄﻠﻌﻮﺍ ﻣﻦ ﻫﻨﻲ ﻭﺑﻌﺪﻳﻦ ﻧﺘﻔﺎﻫﻤﻮﺍ ..
ﻧﻀﺎﻝ : ﻋﻠﻰ ﺷﻨﻮ ﺑﻨﺘﻔﺎﻫﻤﻮﺍ ... ﻗﺪﻡﻟﻬﺎ . ﺍﻫﺎ ... ﺧﻼﺹ ﺍﻟﻜﻼﻡ ﺗﻢ .. ﻣﺶ ﻣﻄﻠﻘﻚ ﻭﺑﺮﻱ ﺍﺭﻓﻌﻲ 100 ﻗﻀﻴﻪ ..
ﻣﻌﺎﻭﻳﻪ ﻭﺃﻳﻤﻦ ﻛﺎﻧﻮﺍ ﻳﺴﻤﻌﻮﺍ ﻓﻲ ﺍﻟﺪﻭﺷﻪ .. ﺗﺒﻌﻮﺍ ﺍﻟﺼﻮﺕ ﻟﻴﻦ ﺷﺎﻓﻮﻫﻢ .. ﻣﻌﺎﻭﻳﻪ ﺭﻗﺘﻠﻪ ﻟﻤﺎ ﺷﺎﻓﻪ .. ﻭﺍﻳﻤﻦ ﻗﺎﻝ : ﻣﻦ ﻫﻮ ﻫﺬﺍ ..
ﺣﻨﺎﻥ : ﺍﻃﻠﻊ ﺑﺎﻫﻲ ﻣﺎﺩﻳﺮﻟﻴﺶ ﺍﻟﻌﺎﺭ ..
ﻧﻀﺎﻝ ﺑﺴﺨﺮﻳﻪ : ﻫﻬﻬﻬﻬﻬﻬﻬﻪ .. ﺧﺎﻳﻒﻩ ﺻﺎﺣﺐ ﺍﻟﻤﻜﺎﻥ ﻳﺸﻮﻓﻨﻲ .. ﺍﻧﻲ ﺟﺎﻱ ﻫﻨﻲ ﻗﺼﺪﺍ ﻭﻧﺒﻴﻪ ﻳﺸﻮﻓﻨﻲ .. ﻗﺪﻡ ﻭﺟﻲ ﺣﺪﺍ ﻭﺫﻧﻬﺎ ﻭﻗﺎﻝ .. ﻭﻳﻌﺮﻑ ﺍﻧﻚ ﻣﻠﻜﻲ ﺍﻧﻲ ﻭﻻﻋﻤﺮﻙ ﺣﺘﻜﻮﻧﻲ ﻟﻐﻴﺮﻱ ..
ﻣﻌﺎﻭﻳﻪ ﻭﻟﻌﺖ ﻓﻴﻪ ﺍﻟﻨﺎﺭ ..
ﺃﻳﻤﻦ : ﻫﺬﺍ ﻣﻨﻮ ﺍﻟﻠﻲ ﻭﺍﺧﺪ ﺭﺍﺣﺘﻪ ﻫﻜﻲ .... ﺷﺒﺢ ﻟﻤﻌﺎﻭﻳﻪ .. ﺭﺍﺟﻠﻬﺎ؟؟
ﻣﻌﺎﻭﻳﻪ ﻭﻫﻮ ﻳﺸﻮﻓﻠﻬﻢ : ﻣﻊ ﺍﻷﺳﻒ ﺇﻳﻪ ..
ﺣﻨﺎﻥ ﺑﻌﺪﺕ ﻭﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻓﺘﺤﺘﻬﻢ ﻭﻗﺎﻟﺖ ﺑﻬﺪﻭﺀ : ﺯﻳﺪ ﻃﻴﺢ ﻣﻦ ﻋﻴﻨﻲ ﺃﻛﺜﺮ ﻭﺃﻛﺜﺮ ﻭﺧﻠﻴﻨﻲ ﻧﻨﺪﻡ ﻉ ﺍﻟﻨﻬﺎﺭ ﺍﻟﻠﻲ ﺣﺒﻴﺘﻚ ﻓﻴﻪ ﻭﺍﺧﺘﺮﺗﻚ ﺑﺶ ﺗﻜﻮﻥ ﺷﺮﻳﻚ ﺣﻴﺎﺗﻲ .. ﻣﺶ ﻣﺼﺪﻗﻪ ﺍﻧﻚ ﻫﻮ ﻧﻔﺴﻪ ﺍﻟﺮﺍﺟﻞ ﺍﻟﻠﻲ ﺣﺒﻴﺘﻪ ﺯﻣﺎﻥ ﺍﻟﺮﺍﻗﻲ ﺍﻟﻌﺎﻗﻞ ﺍﻟﻤﺤﺘﺮﻡ .. ﻣﻊ ﺍﻷﺳﻒ ﺍﻟﻠﻲ ﻧﺸﻮﻑ ﻓﻴﻪ ﻗﺪﺍﻣﻲ ﺗﻮﺍ ﻭﺍﺣﺪ ﻣﺎﻧﻌﺮﻓﺎﺵ ﺑﻜﻞ ﻭﻳﺎﺭﻳﺘﻨﻲ ﻣﺎﻋﺮﻓﺘﻪ ..
ﻧﻀﺎﻝ ﻛﻼﻣﻬﺎ ﻳﻨﺰﻝ ﻋﻠﻴﻪ ﺯﻱ ﺍﻟﺴﻢ ﻗﻌﺪ ﻳﺸﺒﺤﻠﻬﺎ ﻭﻗﺎﻝ ﺑﺼﻮﺕ ﻛﻠﻪ ﺃﻟﻢ : ﻧﺤﺒﻚ ..
ﺣﻨﺎﻥ ﺗﻨﻬﺪﺕ : ﺗﺒﻲ ﻧﻘﻮﻟﻚ ﺣﺎﺟﻪ ﻣﺎﻛﻨﺘﺶ ﻧﺒﻲ ﻧﻘﻮﻟﻬﺎ ﺑﺶ ﻣﺎﻧﺠﺮﺣﻜﺶ ﺍﻭ ﻧﻀﺎﻳﻘﻚ ﺑﺲ ﺍﺿﻄﺮﻳﺘﻨﻲ ﻧﻘﻮﻟﻬﺎ .. ﺍﻟﻜﻠﻤﻪ ﺍﻟﻠﻲ ﺗﻮﺍ ﻗﻠﺘﻬﺎ ﺯﻣﺎﻥ ﻛﺎﻧﺖ ﺗﺨﻠﻲ ﻓﻲ ﻗﻠﺒﻲ ﻳﺮﻋﺶ ﻣﻦ ﺩﺍﺧﻞ ﺭﻋﺸﻪ ﺣﻠﻮﺓ ﺗﺴﺮﻱ ﻓﻲ ﺟﺴﻤﻲ ﻛﻠﻪ ﻭﺗﺨﻠﻴﻨﻲ ﺍﺳﻌﺪ ﻣﻦ ﺧﻠﻖ ﺭﺑﻲ .. ﻟﻜﻦ ﺗﻮﺍ .. ﺳﻤﻌﺘﻬﺎ ﻭﻣﺎﺣﺴﻴﺘﺶ ﺑﻮﻻ ﺣﺎﺟﻪ ..
ﻭﻛﺄﻧﻲ ﻧﺴﻤﻊ ﻓﻲ ﻛﻠﻤﻪ ﻋﺎﺩﻳﻪ ﺟﺪﺍ ﻣﺎﺗﻌﻨﻴﻠﻲ ﺷﻲ .. ﺧﻼﺹ ﻳﺎﻧﻀﺎﻝ ﺍﺳﺘﻮﻋﺐ .. ﺭﺑﻚ ﻣﺶ ﺭﺍﻳﺪ ﻧﻜﻤﻠﻮﺍ ﻣﻊ ﺑﻌﺾ ﺧﻼﺹ .. ﺍﻗﺘﻨﻊ ﻃﻠﻘﻨﻲ ﺑﻬﺪﻭﺀ ﺍﺭﺟﻮﻙ ..
ﻧﻀﺎﻝ ﻗﻌﺪ ﻳﺸﻮﻓﻠﻬﺎ ﻭﻫﻮ ﺳﺎﻛﺖ ..
ﻭﻣﻌﺎﻭﻳﻪ ﻭﺃﻳﻤﻦ ﻗﺎﻋﺪﻳﻦ ﻳﺘﻔﺮﺟﻮﺍ .. ﻭﻳﺒﻮﺍ ﻳﻌﺮﻓﻮﺍ ﻓﺸﻦ ﻳﺘﻨﺎﻗﺸﻮﺍ ﻷﻥ ﻧﻘﺎﺷﻬﻢ ﻳﺒﺎﻥ ﺣﺎﺩ ...
ﻧﻀﺎﻝ : ﻣﺶ ﺣﻨﻄﻠﻖ ... ﻟﻮﺡ ﺍﻟﻮﺭﻗﻪ ﻭﻣﺸﻲ ..
ﻭﻫﻲ ﺗﺸﻮﻓﻠﻪ ﺑﻀﻴﻖ ﺷﺪﻳﺪ ﻟﻴﻦ ﺍﺧﺘﻔﻲ .. ﻏﻴﺮﺕ ﻋﻴﻮﻧﻬﺎ ﺟﻮ ﻓﻌﻴﻮﻥ ﻣﻌﺎﻭﻳﻪ .. ﻗﻌﺪﺕ ﺗﺸﺒﺤﻠﻪ ﻭﻫﻮ ﻳﺸﺒﺤﻠﻬﺎ .. ﺛﻮﺍﻧﻲ .. ﻫﻲ ﻟﺤﻈﺘﻬﺎ ﺣﺴﺖ ﺑﺸﻲ ﻣﺨﻠﻴﻬﺎ ﻣﺎﺣﻮﻟﺘﺶ ﻋﻴﻮﻧﻬﺎ ﻋﻨﻪ .. ﺍﻣﺎ ﻫﻮ ﻓﻜﺎﻥ ﻳﺴﺘﻨﻰ ﻓﻠﺤﻈﻪ ﺯﻱ ﻫﺎﺩﻱ ﻗﺪﺍﺵ ﻟﻴﻪ ..
ﻓﺎﻗﺖ ﻉ ﻧﻔﺴﻬﺎ ﻭﻣﺸﺖ ﻛﻤﻠﺖ ﻃﺮﻳﻘﻬﺎ ﻟﺴﻴﺎﺭﺗﻬﺎ ﻭﻋﻴﻮﻧﻪ ﻣﻌﺎﻫﺎ ..
ﺍﻳﻤﻦ ﻃﻮﻝ ﻣﺸﻲ ﻟﻠﻤﻜﺎﻥ ﺍﻟﻠﻲ ﻛﺎﻧﻮﺍ ﻭﺍﻗﻔﻴﻦ ﻓﻴﻪ .. ﻭﻣﻌﺎﻭﻳﻪ ﻳﺸﺒﺤﻠﻪ ..
ﻭﺻﻞ ﺍﻳﻤﻦ ﻭﻫﻮ ﻳﺸﺒﺢ ﻟﻮﻃﺎ ﻟﻴﻦ ﺟﺖ ﻋﻴﻨﻪ ﻉ ﺍﻟﻮﺭﻗﻪ ﻃﺒﺲ ﻭﺧﺪﺍﻫﺎ ﻭﻗﺮﺍﻫﺎ .. ﻭﺍﻧﺼﺪﻡ ﻭﻓﺮﺡ ﻓﻲ ﻧﻔﺲ ﺍﻟﻮﻗﺖ .. ﻣﺸﻲ ﺑﺴﺮﻋﻪ ﻟﻤﻌﺎﻭﻳﻪ ..
ﺍﻳﻤﻦ ﻭﻓﻴﺪﻩ ﺍﻟﻮﺭﻗﻪ ﻗﺎﻣﻬﺎ ﻭﻗﺎﻝ : ﺭﺍﻓﻌﻪ ﻗﻀﻴﺔ ﻃﻼﻕ ..
ﻣﻌﺎﻭﻳﻪ ﻻﺇﺭﺍﺩﻳﺎ ﺍﺑﺘﺴﻢ ﺑﻔﺮﺣﻪ .. ﻭﺃﻳﻤﻦ ﻻﺣﻆ ﻭﺭﻓﻊ ﺣﺎﺟﺒﻪ ﺍﻷﻳﺴﺎﺭ ...
ﺍﻳﻤﻦ : ﻟﻜﻦ ﺷﻜﻠﻪ ﻣﺼﻜﺮ ﺭﺍﺳﻪ .. ﻣﺎﻳﻨﻼﻣﺶ ﻭﺣﺪﻩ ﺯﻳﻬﺎ ﻣﺎﻳﺘﻔﺮﻃﺶ ﻓﻴﻬﺎ ..
ﻣﻌﺎﻭﻳﻪ " ﻓﺮﻁ ﻓﻴﻬﺎ ﻭﻓﺎﺕ :" ﺍﻳﻤﻦ ﺟﻴﺐ ﺍﻟﻮﺭﻗﻪ ..
ﺍﻳﻤﻦ ﻋﻄﻬﺎﻟﻪ ﻭﻫﻮ ﻳﺸﻮﻓﻠﻪ ﺑﻨﻈﺮﻩ ﺷﻚ ... ﻣﻌﺎﻭﻳﻪ ﻣﺰﻗﻬﺎ ﻭﻟﻮﺣﻬﺎ ..
ﻣﻌﺎﻭﻳﻪ : ﺧﺪﻣﺘﻨﺎ ﺍﻫﻢ ﻣﻦ ﺍﻟﺘﺪﺧﻞ ﻓﻲ ﺣﻴﺎﺓ ﻏﻴﺮﻧﺎ ﺍﻟﺸﺨﺼﻴﻪ ..
ﻭﻣﺸﻲ ﻭﺃﻳﻤﻦ ﺃﺑﺘﺴﻢ ﺑﺘﻬﻜﻢ ﻭ ﻟﺤﻘﻪ ..
***
ﺭﻭﺣﺖ ﻟﻄﺮﺍﺑﻠﺲ ﻭﻣﺸﺖ ﻟﻤﻄﻌﻢ ﺑﺤﺮﻱ ﻛﺎﻥ ﻣﻄﻞ ﻉ ﺍﻟﻤﻜﺎﻥ ﺍﻟﻠﻲ ﺗﻌﺸﻘﻪ ﻭﺍﻟﻠﻲ ﻣﺼﺒﺮﻫﺎ ﻉ ﺍﻟﺼﻴﻒ ..
ﺷﻮﻳﻪ ﻭﺟﺖ ﺻﺎﺣﺒﺘﻬﺎ ﺍﻟﻠﻲ ﻛﺎﻧﺖ ﻣﺤﺘﺎﺟﻪ ﺗﺘﻜﻠﻢ ﻣﻌﺎﻫﺎ ..
ﻗﻌﻤﺰﺕ ﻧﻴﺮﻭﺯ ﻭﺑﻌﺪ ﻛﻼﻡ ﻭﺳﻼﻡ .. ﺣﻜﺘﻠﻬﺎ ﺣﻨﺎﻥ ﻉ ﺍﻟﻠﻲ ﺻﺎﺭ ..
ﻧﻴﺮﻭﺯ : ﻓﻲ ﻫﻠﺒﻪ ﺭﺟﺎﻟﻪ ﻣﻦ ﻧﻮﻋﻴﺔ ﻧﻀﺎﻝ .. ﻳﺒﺪﻭﺍ ﺧﺎﻃﺮﻫﻢ ﻓﻲ ﺣﺎﺟﺎﺕ ﻣﺎﻳﻘﺪﺭﻭﺵ ﻳﺪﻳﺮﻭﻫﺎ ﻷﻧﻬﻢ ﻣﻤﻜﻦ ﻳﺨﺸﻮﺍ ﻓﻲ ﺍﻟﺤﺮﺍﻡ ﻓﻴﺨﺘﺎﺭﻭﺍ ﺍﻟﺤﻼﻝ ﻳﻌﻴﺸﻮﺍ ﺑﻴﻪ ﺍﻟﻠﺤﻈﻪ ﻭﻣﺴﺘﻌﺪﻳﻦ ﻭﻗﺘﻬﺎ ﻳﺒﻴﻌﻮﺍ ﻛﻞ ﺷﻲ ﻉ ﺧﺎﻃﺮﻫﺎ .. ﻭﺍﻟﻠﺤﻈﻪ ﻫﺎﺩﻱ ﻣﻤﻜﻦ ﺗﺴﺘﻤﺮ ﺷﻬﺮ ﺷﻬﺮﻳﻦ ﺳﻨﻪ ﺳﻨﺘﻴﻦ .. ﺑﻌﺪﻳﻦ ﻳﺴﺘﺎﻗﻀﻮﺍ ﻭﻳﺒﻮﺍ ﻳﺮﺟﻌﻮﺍ ﻛﻞ ﺷﻲ ﻉ ﺣﺎﻟﻪ ﺍﻷﻭﻝ .. ﻭﻳﺘﻮﻗﻌﻮﺍ ﺍﻥ ﺍﻟﻤﺮﺍﺓ ﺣﺘﻘﻌﺪ ﺣﺎﻃﻪ ﺍﻳﺪﻫﺎ ﻉ ﺧﺪﻫﺎ ﻭﺗﺴﺘﻨﻰ ﻟﻴﻦ ﻳﺸﺒﻌﻮﺍ ﺑﻨﺰﻭﺗﻬﻢ ﻭﻳﺮﺟﻌﻮﺍ ..
ﺣﻨﺎﻥ : ﺑﺲ ﻓﻲ ﻧﺴﺎﻭﻳﻦ ﻳﺪﻳﺮﻭﺍ ﻫﻜﻲ ﻓﻌﻼ ..
ﻧﻴﺮﻭﺯ : ﺍﻟﻠﻲ ﺩﻳﺮ ﻫﻜﻲ ﺍﻣﺎ ﺍﻧﻬﺎ ﺿﻌﻴﻔﻪ ﻭﻣﺎﻋﻨﺪﻫﺎ ﺣﺪ .. ﺍﻭ ﺍﻧﻬﺎ ﻣﺪﺍﻳﺮﻩ ﺻﻐﺎﺭ ﻭﻣﺘﻌﻠﻘﻪ ﺑﻴﻬﻢ ﻭﺗﺒﻲ ﺗﻘﻌﺪ ﻉ ﺧﺎﻃﺮﻫﻢ ... ﺍﻭ ﺍﻧﻬﺎ ﻣﺎﻳﻔﺮﻗﺶ ﻋﻨﺪﻫﺎ ﺍﻟﻤﻬﻢ ﻓﻲ ﺍﻟﻨﻬﺎﻳﻪ ﺣﻴﻮﻟﻴﻠﻬﺎ ..
ﺣﻨﺎﻥ : ﻭﺍﻟﻠﻲ ﻋﺎﺵ ﻟﺤﻈﺘﻬﺎ ﻉ ﻗﻮﻟﺘﻚ ﻣﻌﺎﻫﺎ ﺷﻦ ﻣﺼﻴﺮﻫﺎ ..
ﻧﻴﺮﻭﺯ : ﺗﺘﺤﻤﻞ ﻣﺎﻳﺠﻴﻬﺎ ﻣﺎﺩﺍﻡ ﻋﺎﺭﻓﻪ ﻣﻦ ﺍﻟﺒﺪﺍﻳﻪ ﺍﻧﻪ ﻣﺘﺰﻭﺝ .. ﻭﻟﻴﻪ ﺣﻴﺎﺓ ﺗﺎﻧﻴﻪ ..
ﺣﻨﺎﻥ : ﺑﺒﺴﺎﻃﻪ ﺗﻘﻮﻟﻲ ﻓﻴﻬﺎ !! ﻣﺶ ﺑﺸﺮﻁ ﺍﻟﻤﺮﺍﺓ ﺍﻟﺘﺎﻧﻴﻪ ﻓﻲ ﺣﻴﺎﺓ ﺭﺍﺟﻞ ﻣﺘﺰﻭﺝ ﺗﻜﻮﻥ ﺧﻄﺎﻓﺔ ﺭﺟﺎﻟﻪ ﺯﻱ ﻣﺎﻳﻘﻮﻟﻮﺍ .. ﻣﻤﻜﻦ ﺍﺟﺒﺮﺗﻬﺎ ﻇﺮﻭﻓﻬﺎ ﺍﻟﺼﻌﺒﻪ ﻣﺎﻓﻴﺶ ﻭﺣﺪﻩ ﺗﺘﻤﻨﻰ ﺗﺎﺧﺪ ﺭﺍﺟﻞ ﻋﻨﺪﻫﺎ ﻓﻴﻪ ﺷﺮﻳﻜﻪ .. ﻟﻜﻨﻬﺎ ﻣﺮﻏﻤﻪ ﺇﻣﺎ ﺍﺭﻣﻠﻪ ﻭﻋﻨﺪﻫﺎ ﺻﻐﺎﺭ ﺗﺒﻲ ﻣﻦ ﻳﻌﻮﻟﻬﻢ ﺍﻭ ﻣﻄﻠﻘﻪ ﺧﺎﻳﻔﻪ ﻣﻦ ﻧﻈﺮﺓ ﺍﻟﻨﺎﺱ ﺍﻟﻠﻲ ﻗﺎﻋﺪﻩ ﺗﻘﻄﻊ ﻓﻲ ﻟﺤﻤﻬﺎ ﺑﺎﻷﻓﺘﺮﺍﺀﺍﺕ ﻭﺍﻟﻜﺬﺏ ﻓﺘﺒﻲ ﺗﻨﺴﺘﺮ ﻭﺧﻼﺹ .. ﺍﻭ ﻭﺣﺪﻩ ﻋﺎﻳﺸﻪ ﻋﻨﺪ ﺍﻫﻠﻬﺎ ﻓﺠﺤﻴﻢ ﻓﺘﺒﻲ ﺗﻄﻠﻊ ﻣﻨﻪ ﺑﺄﻱ ﻃﺮﻳﻘﻪ ...
ﻧﻴﺮﻭﺯ : ﻳﺎﺭﺍ ﻣﺎﺗﻨﻄﺒﻘﺶ ﻋﻠﻴﻬﺎ ﻭﻻﺣﺎﻟﻪ ﻣﻦ ﺍﻟﻠﻲ ﺫﻛﺮﺗﻴﻬﻢ ﻣﺤﺎﻣﻴﻪ ﻣﻌﺮﻭﻓﻪ ﻭﻧﺎﺷﻄﻪ ﺣﻘﻮﻗﻴﻪ ﻭﻋﻨﺪﻫﺎ ﻋﻼﻗﺎﺕ ﺑﻨﺎﺱ ﻋﻨﺪﻫﻢ ﻧﻔﻮﺫ ﻓﻲ ﺍﻟﺒﻼﺩ ﻳﻌﻨﻲ ﻗﻮﻳﻪ ﻭﻣﺶ ﻫﺎﻣﺘﻬﺎ ﻧﻈﺮﺓ ﺍﻟﻨﺎﺱ ﻛﻮﻧﻬﺎ ﻣﻄﻠﻘﻪ ..
ﺣﻨﺎﻥ : ﻟﻴﻨﺎ ﺍﻟﻈﺎﻫﺮ ﻳﺎﺻﺎﺣﺒﺘﻲ .. ﺑﺲ ﻧﺒﻴﻚ ﻣﺎﺗﻨﺴﻴﺶ ﺣﺎﺟﻪ ﻧﻀﺎﻝ ﻫﻮ ﺍﻟﻠﻲ ﻣﺸﺎﻟﻬﺎ ﺑﺮﺟﻠﻴﻪ ... ﺑﺼﻔﻪ ﻋﺎﻣﻪ ﺍﻟﺮﺍﺟﻞ ﻫﻮ ﺻﺎﺣﺐ ﺍﻟﻤﺒﺎﺩﺭﺓ ... ﺍﻭ ﻓﻲ ﺩﺍﺧﻠﻪ ﻓﻲ ﺭﻏﺒﻪ ﻟﻠﺨﻴﺎﻧﻪ ﺍﻭ ﺍﻟﺘﻌﺪﺩ .. ﻳﻌﻨﻲ ﻛﺬﺍﺏ ﺍﻟﻠﻲ ﻳﻘﻮﻟﻚ ﺍﻥ ﺍﻟﺮﺍﺟﻞ ﻣﺴﻜﻴﻦ ﺍﻟﻤﺮﺍﺓ ﻫﻲ ﺍﻟﻠﻲ ﺗﻐﻮﻱ ﻓﻴﻪ .. ﻫﻮ ﺍﻟﻠﻲ ﻳﺒﻲ ﻳﻌﻨﻲ ﺯﻱ ﻣﺎﻳﻘﻮﻟﻮﺍ .. ﻳﺘﻤﻨﻊﻥ ﻭﻫﻦ ﺍﻟﺮﺍﻏﺒﺎﺕ ..
ﻧﻴﺮﻭﺯ : ﻉ ﻫﻜﻲ ﻣﺎﻓﻴﺶ ﺭﺍﺟﻞ ﻣﺨﻠﺺ ..
ﺣﻨﺎﻥ ﺍﺑﺘﺴﻤﺖ : ﻻﻓﻲ ... ﺑﺲ ﻗﻠﻪ ..
ﻧﻴﺮﻭﺯ : ﺑﺎﻩ ... ﺗﻮﺍ ﺷﻦ ﺑﺪﻳﺮﻱ ...
ﺣﻨﺎﻥ : ﻭﻻ ﺣﺎﺟﻪ ﺍﺧﺮﺗﻬﺎ ﺣﻴﻄﻠﻖ ﻭﺭﺟﻠﻴﻪ ﻓﻮﻕ ﺭﺍﺳﻪ .. ﺑﺲ ﺍﻧﻲ ﺍﻟﻠﻲ ﻣﻀﺎﻳﻘﻨﻲ ﺗﻮﺍ ﺍﻥ ﺍﻟﻌﺎﺭ ﺍﻟﻠﻲ ﺩﺍﺭﻩ ﺷﻬﺪ ﻋﻠﻴﻪ ﻣﻌﺎﻭﻳﻪ ..
ﻧﻴﺮﻭﺯ ﺑﻀﺤﻜﻪ : ﺍﻟﻠﻪ !!! ﻳﻌﻨﻲ ﺳﻤﻊ ﺍﻟﺪﻭﺓ ﺍﻟﻠﻲ ﺻﺎﺭﺕ .
ﺣﻨﺎﻥ ﺑﺈﺳﺘﻐﺮﺍﺏ : ﻣﺎﻧﻌﺮﻑﺵ ...
ﻧﻴﺮﻭﺯ : ﺇﻥ ﺷﺎﺀ ﺍﻟﻠﻪ ﻳﻜﻮﻥ ﺳﻤﻊ ..
ﺣﻨﺎﻥ ﺗﺸﺒﺤﻠﻬﺎ ﻭﻫﻲ ﻣﻀﻴﻘﻪ ﻋﻴﻮﻧﻬﺎ : ﻋﻼﺵ !!! ؟
ﻧﻴﺮﻭﺯ ﺷﺮﺑﺖ ﺍﻟﻤﻴﻪ : ﺍﻣﻤﻢ .. ﻫﻜﻲ ﻭﺧﻼﺹ .. ﻭﺯﻋﺖ ﻧﻈﺮﻫﺎ ﻉ ﺍﻟﻤﻄﻌﻢ .. ﻭﻳﻦ ﻳﺎﺑﺨﻴﻠﻪ ﺍﻟﻐﺪﻱ ﺭﻳﺤﺔ ﺍﻟﺤﻮﺕ ﺍﻟﻤﺸﻮﻱ ﺳﻠﺒﺘﻠﻲ ﻋﻘﻠﻲ ..
ﺣﻨﺎﻥ ﺑﺮﻓﻌﺔ ﺣﺎﺟﺐ ﺷﺒﺤﺘﻠﻬﺎ ﻭﻧﺎﺩﺕ ﻉ ﺍﻟﻘﺮﺳﻮﻥ ﺑﺶ ﻳﻄﻠﺒﻮﺍ ﻏﺪﺍﻫﻢ
***
ﻣﺶ ﺣﺘﺴﺘﻔﻴﺪ ﺷﻲ ﻣﻦ ﺍﻟﻤﻌﺎﻧﺪﻩ ﻭﺍﻧﺖ ﻋﺎﺭﻑ ﻣﺎﺩﺍﻡ ﺭﻓﻌﺖ ﻗﻀﻴﻪ ﺍﺧﺮﺗﻬﺎ ﺣﺘﻄﻠﻖ ..
ﻧﻀﺎﻝ : ﻫﻲ ﻋﻼﺵ ﺭﺍﻓﻀﻪ ﺗﻌﻄﻴﻨﻲ ﻓﺮﺻﻪ ﺗﺎﻧﻴﻪ !!
ﻭﺍﺋﻞ : ﻛﻴﻒ ﺷﻜﻠﻬﺎ ﺍﻟﻔﺮﺻﻪ ﺍﻟﺘﺎﻧﻴﻪ ﻫﺎﺩﻱ .. ﺍﻟﻤﺮﺍﺓ ﺍﻷﺧﺮﻯ ﻛﻴﻒ ﺑﺪﻳﺮ ﻓﻴﻬﺎ ...
ﻧﻀﺎﻝ : ﺑﻨﻄﻠﻘﻬﺎ ..
ﻭﺍﺋﻞ ﺑﺼﺪﻣﻪ : ﻗﺴﻤﺎ ﺑﺎﻟﻠﻪ ﻟﻮ ﺍﻧﻲ ﻣﻦ ﺣﻨﺎﻥ ﻧﺮﻓﻊ ﻋﻠﻴﻚ ﻗﻀﻴﺔ ﺧﻠﻊ ..
ﻧﻀﺎﻝ ﺷﺒﺤﻠﻪ ﺑﺤﺪﻩ ..
ﻭﺍﺋﻞ : ﻣﺎﺗﺸﺒﺤﻠﻴﺶ ﻫﻜﻲ .. ﺍﻧﻲ ﻣﺼﺪﻭﻡ ﻓﻴﻚ ﺑﺠﺪ ﺍﻧﺖ ﻳﻄﻠﻊ ﺗﻔﻜﻴﺮﻙ ﺑﻬﺎﻟﺸﻜﻞ؟ !! ﺗﻠﻌﺐ ﺑﻴﻬﻢ ﻭﻻﺗﺤﺴﺎﺑﻬﻢ ﺟﻮﺍﺭﻱ .. ﺗﺘﺰﻭﺝ ﺍﻟﻠﻲ ﺗﺒﻲ ﻭﺍﻃﻠﻖ ﺍﻟﻠﻲ ﺗﺒﻲ ﻣﺎﻧﻠﻮﻣﻮﺵ ﻉ ﺍﻟﺠﻬﻠﻪ ﻟﻮ ﺍﻟﻤﺘﻌﻠﻤﻴﻦ ﻫﻜﻲ ﻳﺪﻳﺮﻭﺍ ..
ﻧﻀﺎﻝ ﻧﺎﺽ : ﻏﺎﻟﻂ ﺍﻟﻠﻲ ﺟﻴﺘﻚ ﺃﺳﺎﺳﺎ .. ﻭﻣﺸﻲ ..
ﻭﺍﺋﻞ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
***
ﺍﻟﻌﺸﻴﻪ ...
ﻛﻴﻒ ﺧﺸﺖ ﺣﻨﺎﻥ ﻟﻠﺤﻮﺵ ...
ﻟﺒﻨﻰ ﻗﺎﺑﻠﺘﻬﺎ ﻻﺑﺴﻪ ﻭﻓﻴﺪﻫﺎ ﺷﻨﻄﻪ ﻭﻛﺘﺎﺑﺎﺕ : ﻣﺎﻣﺎ ﺣﺒﻴﺒﺘﻲ ﺧﻠﻴﻚ ﺯﻱ ﻣﺎﺇﻧﺘﻲ ..
ﺣﻨﺎﻥ : ﺧﻴﺮﻙ ..
ﻟﺒﻨﻰ : ﻣﺎﻣﺎ ﺑﺎﻟﻠﻪ ﻋﻠﻴﻚ ﻭﺻﻠﻴﻨﻲ ﻟﺤﻮﺵ ﻣﻬﺎ ﺑﻨﻘﺮﺍ ﻋﻨﺪﻫﺎ ﺍﻟﻴﻮﻡ ..
ﺣﻨﺎﻥ : ﻭﺧﻴﺮﻫﺎ ﺭﻫﻒ ﻣﺎﺭﻓﻌﺎﺗﻜﺶ .
ﻟﺒﻨﻰ : ﺧﻤﻴﺮﺓ ﻧﻮﻡ ﺗﻌﺮﻓﻴﻬﺎ .. ﺭﻭﺣﺖ ﺻﻠﺖ ﻭﺭﻗﺪﺕ ..
ﺣﻨﺎﻥ ﺗﻨﻬﺪﺕ : ﺑﺎﻫﻲ ﻫﻴﺎ ...
ﻟﺒﻨﻰ ﺍﺑﺘﺴﻤﺖ ﺑﻔﺮﺣﻪ : ﺍﻧﻲ ﻭﺍﺗﻴﻪ ﻫﻴﺎ ..
ﻃﻠﻌﺖ ﺣﻨﺎﻥ ﺭﻛﺒﻮﺍ ﻫﻲ ﻭﻟﺒﻨﻰ ﻟﻠﺴﻴﺎﺭﺓ ﻭﻃﻠﻌﻮﺍ ﻣﻦ ﺍﻟﺤﻮﺵ ..
ﻓﻲ ﺍﻟﺴﻴﺎﺭﺓ ..
ﺣﻨﺎﻥ : ﺗﺰﺑﻄﻲ ﺍﻟﻄﺮﻳﻖ ..
ﻟﺒﻨﻰ : ﺗﻮ ﻧﻜﻠﻤﻬﺎ ﺍﺩﻟﻨﺎ .. ﻭﺍﺗﺼﻠﺖ ﻟﺒﻨﻰ ﺑﻤﻬﺎ .. ﻭﻗﻌﺪﺕ ﺍﺩﻝ ﻓﻴﻬﻢ ﻟﻴﻦ ﺧﺸﻮﺍ ﻟﻤﻨﻄﻘﻪ ﻛﻠﻬﺎ ﻣﺒﺎﻧﻲ ﻓﺨﻤﻪ ﻭﻛﺒﻴﺮﻩ ﺗﺒﻴﻦ ﺍﻟﻤﺴﺘﻮﻯ ﺍﻹﺟﺘﻤﺎﻋﻲ ﺍﻟﻤﺮﻓﻪ ﺍﻟﻠﻲ ﻋﺎﻳﺸﻴﻦ ﻓﻴﻪ ﻧﺎﺳﻬﺎ .. ﻟﻴﻦ ﻭﺻﻠﺖ ﻗﺪﺍﻡ ﺑﻮﺍﺑﺔ ﺍﻟﻘﺼﺮ .. ﻗﻌﺪﺕ ﻣﺮﻛﺰﻩ ﻋﻠﻴﻪ ﻭﻗﺎﻟﺖ ﻓﻲ ﻧﻔﺴﻬﺎ " ﻫﺬﺍ ﺑﻜﺒﺮﻩ ﻋﺎﻳﺶ ﻓﻴﻪ ﻫﻮ ﻭﺑﻨﺘﻪ ﺑﺲ !! ؟ "
ﻧﺰﻟﺖ ﻟﺒﻨﻰ : ﻣﺎﻣﺎ ﺑﻌﺪ ﺍﻟﻤﻐﺮﺏ ﺗﻌﺎﻟﻴﻠﻲ ..
ﺣﻨﺎﻥ : ﺗﻤﺎﻡ ...
ﻣﺸﺖ ﻟﺒﻨﻰ ﺧﺸﺖ .. ﻭﺣﻨﺎﻥ ﺗﺤﺮﻛﺖ ﻃﻮﻝ ..
ﻓﻲ ﺍﻟﻘﺼﺮ ..
ﻭﺻﻠﺖ ﻟﺒﻨﻰ ﻓﻲ ﺍﻟﺒﺎﺏ ﺍﻟﺪﺧﻼﻧﻲ ﻭﺭﻧﺖ ﺍﻟﺠﺮﺱ ..
ﻓﺘﺤﺘﻠﻬﺎ ﺧﺪﺍﻣﻪ ﺧﺸﺖ .. ﺷﻮﻳﻪ ﻭﺟﺘﻬﺎ ﻣﻬﺎ ... ﺳﻠﻤﻮﺍ ﻉ ﺑﻌﺾ ..
ﻣﻬﺎ : ﺧﻔﺖ ﻣﺎﺗﺠﻴﺶ ..
ﻉ ﻃﻠﻌﺔ ﻣﻌﺎﻭﻳﻪ ﺍﻭﻝ ﻣﺎﺷﺎﻑ ﻟﺒﻨﻰ ﺗﻔﺎﺟﺄ ..
ﻟﺒﻨﻰ ﺑﺈﺑﺘﺴﺎﻣﻪ : ﻛﻴﻒ ﺣﺎﻟﻚ ﻋﻤﻮ ..
ﻣﻌﺎﻭﻳﻪ : ﺍﻫﻼ ﺑﻨﺘﻲ .. ﺍﻟﺤﻤﺪ ﻟﻠﻪ .. ﻭﺍﻧﺘﻲ ﻛﻴﻒ ﺣﺎﻟﻚ ﻭﺣﺎﻝ ﺍﻷﻫﻞ ..
ﻟﺒﻨﻰ : ﺍﻟﺤﻤﺪ ﻟﻠﻪ ..
ﻣﻬﺎ : ﻭﺍﺧﻴﺮﺍ ﺟﺘﻨﻲ ...
ﻟﺒﻨﻰ : ﺟﻴﺘﻚ ﻣﺮﺓ ..
ﻣﻬﺎ : ﻫﺪﻳﻜﺎ ﻣﺶ ﻣﺤﺴﻮﺑﻪ ..
ﻟﺒﻨﻰ : ﺑﺎﻫﻲ ﺍﻟﻠﻲ ﻣﺎﻣﺎ ﺭﺿﻴﺖ ﺗﺠﻴﺒﻨﻲ ..
ﻣﻌﺎﻭﻳﻪ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺪﻫﺸﻪ .. ﻭﻣﺮﻛﺰ ﻣﻌﺎﻫﻢ ..
ﻟﺒﻨﻰ : ﻋﻼﺵ ...
ﻣﻬﺎ : ﺍﻟﻤﺴﻜﻴﻨﻪ ﺍﺳﺘﻠﻤﺘﻬﺎ ﻣﻦ ﻓﻢ ﺍﻟﺒﺎﺏ ﻭﻭﺍﺿﺢ ﻋﻠﻴﻬﺎ ﺗﻌﺒﺎﻧﻪ ..
ﻣﻌﺎﻭﻳﻪ : ﻛﻨﺘﻲ ﻛﻠﻤﺘﻲ ﻣﻬﺎ ﺗﺒﻌﺘﻠﻚ ﺍﻟﺴﻮﺍﻕ ﻳﺠﻴﺒﻚ .. ﺗﻌﺒﺘﻲ ﺍﻣﻚ ﻓﻲ ﻫﺎﻟﻤﺸﻮﺍﺭ ..
ﻣﻬﺎ ﺍﺑﺘﺴﻤﺖ : ﺍﻳﻪ ﺗﻌﺒﺘﻴﻬﺎ ﺍﻟﻠﻪ ﻳﺴﺎﻣﺤﻚ ﻳﺎﻟﺒﻨﻲ ..
ﻟﺒﻨﻰ ﺍﺑﺘﺴﻤﺖ ﺑﺄﺳﺘﻐﺮﺍﺏ ..
ﻣﻌﺎﻭﻳﻪ ﻓﻨﺺ ﻓﻤﻬﺎ ﻭﻗﺎﻝ : ﻣﻦ ﺑﻴﺮﻭﺡ ﺑﻴﻚ ..
ﻟﺒﻨﻰ : ﻫﻴﺎ ..
ﻣﻌﺎﻭﻳﻪ : ﻣﺶ ﻻﺯﻡ ﺗﻮ ﻳﺮﻭﺡ ﺑﻴﻚ ﺍﻟﺴﻮﺍﻕ ﻭﻣﻌﺎﻙ ﻣﻬﺎ ..
ﻟﺒﻨﻰ : ﻭﺍﻟﻠﻪ ﻣﺎﻟﻴﻪ ﻟﺰﻭﻡ ..
ﻣﻌﺎﻭﻳﻪ : ﺧﻼﺹ ﻳﺎﺑﻨﺘﻲ ﻫﻲ ﻛﻠﻤﻪ .. ﺍﻣﻚ ﺍﻟﻴﻮﻡ ﻛﺎﻧﺖ ﻋﻨﺪﻫﺎ ﺧﺪﻣﻪ ﻫﻠﺒﻪ ﻭﻫﺬﺍ ﻏﻴﺮ ﻣﺸﻮﺍﺭ ﺍﻟﻄﺮﻳﻖ ﻟﻤﻜﺎﻥ ﺧﺪﻣﺘﻬﺎﺳﺎﻋﻪ ﻭﻧﺺ ﻣﺸﻲ ﻭﺳﺎﻋﻪ ﻭﻧﺺ ﻣﺮﻭﺍﺡ .. ﺧﻠﻴﻬﺎ ﺗﺮﺗﺎﺡ ...
ﻟﺒﻨﻰ ﺍﺑﺘﺴﻤﺖ ﻭﻣﻬﺎ ﺷﺎﺩﻩ ﺿﺤﻜﺘﻬﺎ ..
ﻣﻌﺎﻭﻳﻪ ﺗﻠﺨﺒﻂ : ﻫﻴﺎ .. ﺑﺎﻱ .. ﻭﻃﻠﻊ ..
ﻟﺒﻨﻰ : ﺑﻮﻙ ﺭﺍﺟﻞ ﻃﻴﺐ ..
ﻣﻬﺎ : ﻭﺣﻨﻴﻦ ﻭﻋﺴﻮﻝ ﻭﺳﻤﻮﺡ ..
ﻟﺒﻨﻰ : ﻫﻬﻬﻬﻬﻬﻬﻬﻪ ... ﻛﺒﻲﺭ ﻋﻠﻴﺎ ﺧﺴﺎﺭﻩ ..
ﻣﻬﺎ ﺑﻀﺤﻜﻪ : ﺣﻴﻠﻘﻰ ﺍﻟﻠﻲ ﺗﻨﺎﺳﺒﻪ ﻓﻲ ﻛﻞ ﺷﻲ ..
ﻟﺒﻨﻰ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ﻛﺎﻥ ﺍﻧﺘﻲ ﻫﻜﻲ ﺗﺒﻲ ..
ﻣﻬﺎ : ﻛﺎﻥ ﻉ ﺍﻟﻠﻲ ﻓﺒﺎﻟﻲ .. ﻧﺒﻲ ﻭﺑﻘﻮﺓ ..
ﻟﺒﻨﻰ ﺷﺒﻪ ﺑﺪﺕ ﺗﻔﻬﻢ ﺑﺲ ﻓﻀﻠﺖ ﺍﺩﻳﺮ ﺍﻟﺤﻮﻟﻪ ... ﻭﺭﻛﺒﻮﺍ ﻫﻤﺎ ﺍﻟﺰﻭﺯ ﻟﺪﺍﺭ ﻣﻬﺎ .. ﻫﺪﺭﺯﻭﺍ ﺷﻮﻳﻪ ﻭﺑﺪﻭﺍ ﻳﻘﺮﻭﺍ ..
***
ﺍﻧﺖ ﻗﺎﻋﺪ ﺗﻀﻐﻂ ﻉ ﺍﻋﺼﺎﺑﻲ ﺑﺘﺼﺮﻓﺎﺗﻚ ﻫﺎﺩﻱ ..
ﻧﻀﺎﻝ : ﺍﺳﻤﻌﻲ ﺭﺍﺳﻲ ﻣﺼﺪﻉ ﻭﻣﺎﻋﻨﺪﻳﺶ ﻧﻴﻪ ﻟﻠﻨﻘﺎﺵ ﻭﻭﺭﺍﻱ ﺳﻔﺮ ﻓﻲ ﺍﻟﻠﻴﻞ .. ﺧﻠﻴﻨﻲ ﻧﺮﻗﺪ ﻫﺎﻟﺴﺎﻋﺘﻴﻦ ﻣﻦ ﻓﻀﻠﻚ .. ﺣﻂ ﺭﺍﺳﻪ ﻉ ﺍﻟﻤﺨﺪﻩ ﻭﺭﻗﺪ ..
ﻫﻲ ﺷﺒﺤﺘﻠﻪ ﺑﻨﻈﺮﺓ ﺃﻟﻢ ﻣﻤﺰﻭﺟﻪ ﺑﺎﻟﻴﺄﺱ ﻭﻃﻠﻌﺖ ﻣﻦ ﺣﺪﺍﻩ ﻭﻗﻌﻤﺰﺕ ﺑﺮﺍ .. ﺗﻔﻜﺮ ﻛﻴﻒ ﺩﻳﺮ .. ﺍﻟﻮﺿﻊ ﻭﻻﺻﻌﺐ ﻫﻠﺒﻪ ﻭﻫﻲ ﻣﻌﺎﺵ ﻣﺘﺤﻤﻠﻪ .. ﻓﺠﺄﺓ ﺭﻥ ﺗﻠﻴﻔﻮﻧﻬﺎ ..
ﺧﺪﺍﺗﻪ ﻣﻦ ﻉ ﺍﻟﻄﺎﻭﻟﻪ ﻭﺭﺩﺕ ..
ﻳﺎﺭﺍ : ﺁﻟﻮ ..
ﺇﻟﻴﺎﺱ : ﻳﺎﺃﺣﻠﻰ ﺃﻟﻮ ..
ﻳﺎﺭﺍ : ﺍﻓﻔﻔﻔﻔﻔﻒ ..
ﺇﻟﻴﺎﺱ : ﻫﻬﻬﻬﻬﻬﻬﻪ .. ﻫﺪﻱ ﻳﺎﺣﻠﻮ ﻭﻣﺎﺗﻨﻔﺨﺶ ﻋﻠﻴﺎ .. ﻧﺒﻲ ﻭﻟﺪﻱ ..
ﻳﺎﺭﺍ : ﺗﺒﻲ ﻋﻴﻨﻚ ﺑﺮﺍ ﺍﻗﻠﺐ ﻭﺟﻬﻚ ﺗﺮﺍ .. ﺻﻜﺮﺕ ﻋﻠﻴﻪ .. ﻫﻮ ﻋﺎﻭﺩ ﺣﻄﺎﺗﻪ ﻓﻲ ﺍﻟﺤﻈﺮ ..
ﺷﻮﻳﻪ ﻭﺭﻥ ﺭﻗﻢ ﺗﺎﻧﻲ ﻋﺮﻓﺎﺗﻪ ﻫﻮ ﻗﺮﺭﺕ ﺗﺮﺩ ﻭﺗﻔﺼﻞ ﻋﻠﻴﻪ ..
ﻳﺎﺭﺍ : ﺍﻧﺖ ﻳﺎﺑﻨﻲ ﺁﺩﻡ ﻣﺎﺗﺨﻠﻴﻨﻴﺶ ﻧﺤﻄﻚ ﻓﺮﺍﺳﻲ ..
ﺇﻟﻴﺎﺱ : ﻻﺗﺤﻄﻨﻲ ﻟﻔﺮﺍﺳﻚ ﻭﻻ ﻓﺮﻗﺒﺘﻚ .. ﻧﺒﻲ ﻧﺸﻮﻑ ﻭﻟﺪﻱ ﻳﻮﻣﻴﻦ ﺗﻼﺗﻪ ﺍﻋﺘﻘﺪ ﻣﻦ ﺣﻘﻲ ..
ﻳﺎﺭﺍ : ﻭﺍﻧﻲ ﺑﻨﺼﺪﻗﻚ ﻭﻧﻮﺛﻖ ﻓﻴﻚ ﻭﺑﻨﺨﻠﻴﻚ ﺗﺎﺧﺪﻩ ﻳﻮﻣﻴﻦ ﺗﻼﺗﻪ؟
ﺇﻟﻴﺎﺱ : ﻳﺎﺭﺍ ﺍﻧﻲ ﻟﻮ ﻧﺒﻲ ﻧﺎﺧﺪﻩ ﻓﻲ ﻋﻨﺪﻱ ﻣﻠﻴﻮﻥ ﻃﺮﻳﻘﻪ ﻧﺎﺧﺪﻩ ﻓﻴﻬﻢ .. ﻭﺍﻭﻟﻬﻢ ﻣﻦ ﺍﻟﺮﻭﺿﻪ ﺍﻟﻠﻲ ﻫﻮ ﻓﻴﻬﺎ .. ﻳﺎﺭﺍ ﺍﻧﻲ ﻧﺒﻲ ﻧﺸﻮﻓﻪ ﻻﺍﻛﺜﺮ .. ﺍﺳﺎﺳﺎ ﻣﺎﻧﻴﺶ ﻓﺎﺿﻲ ﻟﻤﻌﺎﻧﺎﺗﻪ ...
ﻳﺎﺭﺍ ﺳﻜﺘﺖ ﻭﻗﻌﺪﺕ ﺗﻔﻜﺮ .. ﺑﻌﺪﻳﻦ ﻗﺎﻟﺖ : ﺑﺎﻫﻲ ..
ﺃﻟﻴﺎﺱ : ﺍﻭﻛﻲ ﺑﻌﺪ ﺳﺎﻋﻪ ﻣﻦ ﺗﻮﺍ ﺟﺎﻱ ﻃﻠﻌﻴﻪ ﻗﺪﺍﻡ ﺍﻟﺒﺎﺏ ..
ﻳﺎﺭﺍ ﻣﺴﺘﻐﺮﺑﻪ ﻓﻲ ﺃﺳﻠﻮﺑﻪ : ﺑﺎﻫﻲ .. ﻭﺻﻜﺮﺕ ﻓﻮﺟﻬﻪ ﻭﻟﻮﺣﺖ ﺍﻟﺘﻠﻴﻔﻮﻥ ﻉ ﺍﻟﻜﻨﺒﻪ ﺣﺪﺍﻫﺎ ... ﺣﻄﺖ ﺍﻳﺪﻫﺎ ﻉ ﺟﺒﻬﺘﻬﺎ ﻭﻗﻌﺪﺕ ﺗﻔﺮﻙ ﻓﻴﻬﺎ ﻭﻫﻲ ﻣﻌﺼﺒﻪ ﻉ ﺍﻵﺧﺮ ..
***
ﺍﻧﻲ ﺳﻌﻴﺪﻩ ﺍﻧﻚ ﺣﺘﺴﺎﻫﻢ ﻓﻲ ﺍﻟﻤﺸﺮﻭﻉ ..
ﻣﻌﺎﻭﻳﻪ : ﺍﻟﻔﻜﺮﻩ ﺣﻠﻮﺓ ﻭﺗﺴﺘﺤﻖ ﺍﻟﺘﺸﺠﻴﻊ .. ﻣﺪﻳﻨﻪ ﺍﻷﻟﻌﺎﺏ ﻫﺎﺩﻱ ﺗﺼﻤﻴﻤﻬﺎ ﻣﺨﺘﻠﻒ ﻭﻋﺠﺒﻨﻲ ﻫﻠﺒﻪ .. ﻭﺣﻠﻮ ﻳﻜﻮﻥ ﻓﻲ ﻣﻨﻪ ﺷﺒﻴﻪ ﻓﻲ ﺍﻟﻌﺎﻟﻢ ﺍﻟﻌﺮﺑﻲ ..
ﺳﻤﻴﻪ : ﻣﺶ ﺣﻴﻜﻮﻥ ﺯﻱ ﺍﻟﻠﻲ ﻓﺎﻟﻨﻤﺴﺎ ﺑﺎﻟﺰﺑﻂ ﻳﻌﻨﻲ ..
ﻣﻌﺎﻭﻳﻪ : ﻭﻋﻼﺵ ﻻ ﻣﺎﻧﺎﻗﺼﻨﺎ ﺷﻲ ..
ﺳﻤﻴﻪ ﺍﺑﺘﺴﻤﺖ : ﻛﻼﻣﻚ ﻳﺤﻤﺲ ﺑﺰﻳﺎﺩﻩ ..
ﻣﻌﺎﻭﻳﻪ : ﺍﻳﻪ ﺗﺤﻤﺴﻲ ﺍﺧﺪﻣﻲ ﻉ ﻣﺸﺮﻭﻋﻚ ﺑﺤﻤﺎﺱ ﻣﻨﻀﺒﻂ ﻭﺣﻴﻨﺠﺢ ﺣﺘﻤﺎ ...
ﺟﺘﻬﻢ ﺍﻗﺒﺎﻝ ﺗﻔﺮﻕ ﻋﻠﻴﻬﻢ ﻓﻲ ﺍﻟﻘﻬﻮﺓ : ﺍﻟﻤﻬﻨﺪﺳﻪ ﺍﻟﻠﻲ ﺗﺼﻤﻢ ﻓﺎﻟﻤﺪﻳﻨﻪ ﻣﻦ ﻣﻜﺘﺐ ﺍﻟﻤﻬﻨﺪﺱ ﻣﻮﺳﻰ ..
ﻣﻌﺎﻭﻳﻪ ﻳﺸﺮﺏ ﻓﻲ ﺍﻟﻘﻬﻮﻩ : ﺍﻣﻤﻢ .. ﺍﺣﺴﻨﺘﻮﺍ ﺍﻹﺧﺘﻴﺎﺭ ...
ﺳﻤﻴﻪ : ﻗﻮﻟﻲ ﻣﺸﺮﻭﻉ ﺍﻟﻤﻨﺘﺠﻊ ﺷﻦ ﺻﺎﻳﺮﻓﻴﻪ ..
ﺷﺒﺢ ﻹﻗﺒﺎﻝ : ﻣﺎﺗﺤﻜﻴﻠﻜﺶ ..
ﺳﻤﻴﻪ : ﻻ ﺗﺤﻜﻲ .. ﺑﺲ ﺍﻧﺖ ﺻﺎﺣﺐ ﺍﻟﻤﺸﺮﻭﻉ ﻛﻠﻪ ﻧﺒﻲ ﻧﺴﻤﻊ ﻣﻨﻚ ﺍﻧﺖ ..
ﻣﻌﺎﻭﻳﻪ ﺍﺑﺘﺴﻢ : ﻛﻠﻪ ﻣﺎﺷﻲ ﺗﻤﺎﻡ ... ﻭﺍﺣﺴﻦ ﻣﻦ ﺍﻟﻤﺘﻮﻗﻊ ..
ﺳﻤﻴﻪ : ﺍﻟﺘﺼﻤﻴﻢ ﻣﺘﺎﻋﻪ ﻣﻤﻴﺰ .. ﺷﻜﻠﻬﺎ ﻣﻬﻨﺪﺳﻪ ﺷﺎﻃﺮﻩ .
ﻣﻌﺎﻭﻳﻪ ﺍﺑﺘﺴﻢ :. ﻣﻤﺘﺎﺯﺓ
ﺷﺒﺤﺖ ﺳﻤﻴﻪ ﻟﺒﻨﺘﻬﺎ ﻭﺑﻨﺘﻬﺎ ﺷﺒﺤﺘﻠﻬﺎ ..
ﺳﻤﻴﻪ : ﻛﻮﻳﺲ ... ﻫﻲ ﻣﺎﻻ ﺍﻧﻲ ﺑﻨﻮﺽ ﻋﻨﺪﻱ ﻣﻮﻋﺪ ..
ﻣﻌﺎﻭﻳﻪ ﺗﻬﻜﻤﺎ : ﻣﻮﻋﺪ ﻋﻤﻞ ..
ﺳﻤﻴﻪ : ﻫﻬﻬﻬﻬﻪ ﺗﻘﺪﺭ ﺗﻘﻮﻝ ﻫﻜﻲ ﻋﺰﻳﺰﻱ .. ﺑﺎﻱ .. ﻭﻣﺸﺖ ...
ﻣﻌﺎﻭﻳﻪ ﻗﻌﺪ ﻳﺸﺒﺢ ﻟﻠﺒﺴﺘﻬﺎ ﻭﺷﺒﺢ ﻷﻗﺒﺎﻝ : ﺍﻣﻚ ﻣﺎﺯﺍﻝ ﻣﺎﺗﺒﻴﺶ ﺗﻌﻘﻞ .. ﺍﻟﻠﻲ ﺍﺩﻳﺮ ﻓﻴﻪ ﻳﺴﻲﺀ ﻟﻴﻜﻢ ﺭﻩ ..
ﺇﻗﺒﺎﻝ : ﻭﻋﻼﺵ ﺷﻦ ﻫﻮ ﺍﻟﻠﻲ ﺩﺍﺭﺗﻪ ﻋﺎﻳﺸﻪ ﺣﻴﺎﺗﻬﺎ ﻋﺎﺩﻱ ..
ﻣﻌﺎﻭﻳﻪ ﺍﺑﺘﺴﻢ ﺗﻬﻜﻤﺎ ﻭﺳﻜﺖ ..
ﺇﻗﺒﺎﻝ ﻧﺎﺿﺖ : ﺧﻞ ﻧﺠﻴﺒﻠﻚ ﺍﺫﻭﻕ ﻣﻦ ﺣﻠﻮ ﺍﻧﻲ ﺩﺭﺗﻪ ...
ﻣﻌﺎﻭﻳﻪ : ﺗﺒﻲ ﺗﻘﺘﻠﻴﻨﻲ ﺷﻜﻠﻚ ..
ﺇﻗﺒﺎﻝ : ﻫﻬﻬﻬﻬﻬﻬﻬﻬﻬﻪ .. ﻻﺣﻴﻌﺠﺒﻚ ﺻﺪﻗﻨﻲ .. ﻭﺧﺸﺖ ﺩﺍﺧﻞ .. ﻣﻌﺎﻭﻳﻪ ﻃﻠﻊ ﺗﻠﻴﻔﻮﻧﻪ ﻭﻗﻌﺪ ﻳﺸﻮﻑ ﻓﻴﻪ ..
ﻭﺍﻗﺒﺎﻝ ﺑﻌﺪ ﺧﺪﺕ ﺍﻟﺼﻮﻧﻴﻪ ﺍﻟﻠﻲ ﻓﻴﻬﺎ ﺍﻟﺤﻠﻮ .. ﻃﻠﻌﺖ ﻭﻗﻔﺖ ﻉ ﻣﺮﺍﻳﺎ ﻓﻲ ﺍﻟﻤﻤﺮ .. ﺳﺎﻭﺕ ﺭﻭﺣﻬﺎ .. ﻭﻓﺘﺤﺖ ﺑﻄﻤﻪ ﺍﻟﺒﻠﻮﺯﻩ ﻣﺘﺎﻋﻬﺎ ﻣﻦ ﻓﻮﻕ .. ﻭﺑﺨﺖ ﺭﻳﺤﻪ ﻣﺜﻴﺮﺓ .. ﻭﻋﻄﺖ ﻟﺮﻭﺣﻬﺎ ﺑﻮﺳﻪ ﻓﻲ ﺍﻟﻤﺮﺍﻳﻪ ﻭﺿﺤﻜﺖ ﻭﺧﺪﺕ ﺍﻟﺼﻮﻧﻴﻪ ﻭﻣﺸﺖ .. ﻟﻘﺎﺗﻪ ﻻﻫﻲ ﺑﺘﻠﻴﻔﻮﻧﻪ ﻗﺮﺑﺖ ﻣﻨﻪ ﻭﺿﻴﻔﺎﺗﻪ ﺍﻟﺤﻠﻮ : ﺫﻭﻕ ﻭﺍﺣﻜﻢ ..
ﻗﺎﻡ ﻋﻴﻮﻧﻪ ﺷﺎﻑ ﺍﻟﺴﻮﺭﻳﻪ ﺍﻟﻠﻲ ﻣﻔﺘﻮﺣﻪ ﻣﻦ ﻓﻮﻕ ﻭﻛﺎﺷﻔﻪ ﻣﻔﺎﺗﻨﻬﺎ .. ﺷﺒﺤﻠﻬﺎ ﺑﺮﻓﻌﺔ ﺣﺎﺟﺐ ﻭﺧﺪﻱ ﻣﻦ ﺍﻟﺤﻠﻮ .. ﻫﻲ ﺣﻄﺖ ﺍﻟﺼﻮﻧﻴﻪ ﻭﻗﻌﻤﺰﺕ ﺟﻨﺒﻪ .. ﻭﻫﻮ ﻳﺸﺒﺢ ﺍﻟﻘﺪﺍﻡ ﻭﻳﺎﻛﻞ ..
ﻣﻌﺎﻭﻳﻪ : ﺍﻣﻢ .. ﻣﺶ ﺑﻄﺎﻝ ..
ﺣﻄﺖ ﺭﺟﻞ ﻉ ﺭﺟﻞ ﻗﺼﺪﺍ ﻭﺍﺭﺗﻔﻌﺖ ﺍﻟﻘﻮﻧﻪ ﻫﻠﺒﻪ ..
ﻣﻌﺎﻭﻳﻪ ﺷﺒﺤﻠﻬﺎ ﻉ ﺟﻨﺐ ..
ﺇﻗﺒﺎﻝ ﺑﻨﺒﺮﺓ ﺻﻮﺕ ﻣﺎﻳﻌﻪ : ﻛﻮﻳﺲ ﺍﻟﻤﻬﻢ ﻛﻠﻴﺖ ﻣﻨﻪ ... ﻭﺣﻄﺖ ﺍﻳﺪﻫﺎ ﻉ ﻛﺘﻔﻪ ..
ﻣﻌﺎﻭﻳﻪ ﺭﻗﻴﺘﻠﻪ ﻭﺣﻮﻝ ﻳﺪﻫﺎ ﺑﻬﺪﻭﺀ ﻭﺣﻂ ﺍﻟﺤﻠﻮ ﻓﻲ ﺍﻟﺼﻮﻧﻴﻪ ﻭﻧﺎﺽ .
ﺍﻗﺒﺎﻝ ﻧﺎﺿﺖ : ﺧﻴﺮﻙ؟
ﻣﻌﺎﻭﻳﻪ : ﺍﻗﺒﺎﻝ .. ﺍﺳﻤﻌﻴﻨﻲ ﻭﻫﺎﺩﻱ ﺍﺧﺮﻩ ﻣﺮﻩ ﺣﻨﺘﻜﻠﻢ ﻓﻴﻬﺎ .. ﺍﻧﻲ ﻣﺪﺍﻳﺮ ﺧﺎﻃﺮ ﻟﻌﻤﻲ ﻋﺒﺪﺍﻟﻠﻪ ﺍﻟﻠﻪ ﻳﺮﺣﻤﻪ ﺍﻟﻠﻲ ﻭﻗﻒ ﻣﻌﺎﻱ ﻫﻠﺒﻪ ﻭﺩﻋﻤﻨﻲ ﻓﻲ ﻏﺮﺑﺘﻲ .. ﻟﻬﺬﺍ ﻗﺎﻋﺪ ﺳﺎﻛﺖ ﻭﻧﺘﻐﺎﻇﻰ .. ﻣﺎﺗﻮﺻﻞﻧﻴﺶ ﻟﻤﺮﺣﻠﻪ ﻧﻨﺴﻰ ﻓﻴﻬﺎ ﻣﻌﺮﻭﻓﻪ ﻣﻌﺎﻱ ﻭﻧﺘﺼﺮﻑ ﺑﻄﺮﻳﻘﻪ ﻣﺎﻧﺤﺒﻬﺎﺵ ..
ﺍﻗﺒﺎﻝ : ﺑﺲ ﺍﻧﻲ ﻧﺤﺒﻚ ﻭﻧﻤﻮﺕ ﻉ ﺗﺮﺍﺏ ﺭﺟﻠﻴﻚ .. ﺣﺲ ﺑﻴﺎ ﺍﺭﺟﻮﻙ .. ﻭﻗﺮﺑﺖ ﻣﻨﻪ ﻫﻮ ﺑﻌﺪ ﻭﺩﺍﺭ ﺣﺮﻛﺔ ﺑﺈﻳﺪﻩ ﺗﻮﻗﻔﻬﺎ ..
ﻣﻌﺎﻭﻳﻪ : ﻣﻌﺎﺵ ﺗﺮﺧﺼﻲ ﻧﻔﺴﻚ ﻳﺎﺳﺮ .. ﺍﻧﺘﻲ ﻣﺎﻧﺎﻗﺼﻚ ﺷﻲ ﺑﺶ ﺗﺘﺒﻌﻲ ﻉ ﻫﺎﻷﺳﺎﻟﻴﺐ ﺍﻟﻤﻨﺤﻄﻪ .. ﻭﺗﺤﻄﻲ ﻋﻴﻨﻚ ﻉ ﺭﺍﺟﻞ ﺍﻛﺒﺮ ﻣﻨﻚ ﺏ 20 ﺳﻨﻪ .. ﺑﺮﻱ ﺷﻮﻓﻲ ﻭﺍﺣﺪ ﻣﻦ ﺳﻨﻚ ﻳﺎﺇﻗﺒﺎﻝ ﺣﺘﻠﻘﻲ ﻫﻠﺒﻪ ﻳﺘﻤﻨﻮﻙ ﺑﺪﻭﻥ ﻣﺎﺗﺘﺼﺮﻓﻲ ﺑﻬﺎﻟﻄﺮﻳﻘﻪ ﺍﻟﻤﻘﺮﻓﻪ .. ﻷﺧﺮ ﻣﺮﺓ ﻧﺘﻜﻠﻢ .. ﻭﺣﺮﻙ ﺳﺒﺎﺑﺘﻪ ﺑﺘﻬﺪﻳﺪ .. ﺍﺧﺮ ﻣﺮﻩ ... ﻭﻃﻠﻊ ﻣﻦ ﺣﺪﺍﻫﺎ ﻭﺧﻼﻫﺎ ﻣﺼﺪﻭﻣﻪ ﻭﻗﻠﺒﻬﺎ ﻣﻮﺟﻮﻉ ﻭﺩﻣﻮﻋﻬﺎ ﻳﻨﺰﻟﻮﺍ ...
***
ﺑﻌﺪ ﺍﻟﻤﻐﺮﺏ ..
ﺭﻭﺣﺖ ﻟﺒﻨﻰ ﻟﻠﺤﻮﺵ .. ﻭﻟﻘﺖ ﺍﻣﻬﺎ ﻭﺍﺧﺘﻬﺎ ﻣﻘﻌﻤﺰﻳﻦ ﻳﺘﻔﺮﺟﻮﺍ ..
ﻟﺒﻨﻰ : ﺍﻟﺴﻼﻡ ﻋﻠﻴﻜﻢ .
ﺍﻟﺰﻭﺯ ﺭﺩﻭﺍ : ﻭﻋﻠﻴﻜﻢ ﺍﻟﺴﻼﻡ ..
ﺭﻫﻒ ﺑﻀﺤﻜﻪ : ﺍﻳﻮﻩ ﺣﻤﻲ ﺭﻭﺣﻨﺎ ﺑﺎﻟﻤﺮﺳﻴﺪﺱ ﻭﺳﻮﺍﻕ ﻭﺣﺎﻟﻪ ..
ﻟﺒﻨﻰ ﺑﺘﺮﻗﻴﺼﺔ ﺣﻮﺍﺟﺐ : ﺻﻘﻊ ﻋﻠﻴﻚ ..
ﺣﻨﺎﻥ ﺿﺤﻜﺖ ﺑﻌﺪﻳﻦ ﻗﺎﻟﺖ : ﺍﻧﺘﻲ ﻗﻠﺘﻴﻠﻬﻢ ﻳﺮﻭﺣﻮﺍ ﺑﻴﻚ
ﻟﺒﻨﻰ ﻗﻌﻤﺰﺕ : ﺍﻣﻤﻢ .. ﻻ
ﺭﻫﻒ : ﻣﻬﺎ ﺷﻜﻠﻬﺎ ..
ﻟﺒﻨﻰ : ﻭﻻﻣﻬﺎ ..
ﺭﻫﻒ ﺑﺘﻬﻜﻢ : ﻣﺎﻻ ﻣﻨﻮ ﺑﻮﻫﺎ؟
ﻟﺒﻨﻰ ﺍﺑﺘﺴﻤﺖ : ﻳﺲ ..
ﺣﻨﺎﻥ : ﻋﻼﺵ؟ !!
ﻟﺒﻨﻰ : ﻭﺍﻟﻠﻪ ﺷﻦ ﺑﻨﻘﻮﻟﻚ ﻳﺎﻣﺎﻣﺘﻲ .. ﺍﻧﻲ ﺍﻭﻝ ﻣﺎﺧﺸﻴﺖ ﻗﺎﺑﻠﺘﻪ ﻭﻗﻠﺖ ﻟﻤﻬﺎ ﺍﻧﻲ ﺷﺪﻳﺘﻚ ﻭﺍﻧﺘﻲ ﻣﺮﻭﺣﻪ ﻭﻗﺘﻠﻚ ﺗﻮﺻﻠﻨﻲ ﻭﻫﻮﻛﺎﻥ ﻣﻌﺎﻧﺎ .. ﻣﺎﻧﻠﻘﺎﻟﻚ ﺇﻻ ﺍﻟﺮﺍﺟﻞ ﻧﺎﺯﻝ ﻓﻴﺎ ﻟﻮﻡ .. ﻭﻋﻼﺵ ﻣﺘﻌﺒﻪ ﺍﻣﻚ ﻭﺍﻣﻚ ﺍﻟﻴﻮﻡ ﻋﻨﺪﻫﺎ ﺧﺪﻣﻪ ﻫﻠﺒﻪ ﻭﻗﺎﻃﻌﻪ ﻣﺴﺎﻓﻪ ﺳﺎﻋﻪ ﻧﺺ ﻣﺸﻲ .. ﻭﻛﺎﻥ ﻗﻠﺘﻲ ﻟﻤﻬﺎ ﺗﺒﻌﺘﻠﻚ ﺍﻟﺴﻮﺍﻕ .. ﺑﻌﺪﻳﻦ ﺳﺄﻟﻨﻲ ﻣﻦ ﺑﻴﺮﻭﺡ ﺑﻴﻚ ﻗﺘﻠﻪ ﻣﺎﻣﺎ ... ﻗﺎﻟﻲ ﻳﺮﻭﺡ ﺑﻴﻚ ﺍﻟﺴﻮﺍﻕ ﺧﻠﻲ ﺍﻣﻚ ﺗﺮﺗﺎﺡ
ﺣﻨﺎﻥ ﻭﺟﻬﻬﺎ ﺍﺣﻤﺮ ﻭﺗﺸﺒﺢ ﻟﻠﺘﻠﻔﺰﻳﻮﻥ : ﺑﺎﺭﻙ ﺍﻟﻠﻪ ﻓﻴﻪ ..
ﺭﻫﻒ ﺷﺒﺤﺖ ﻟﻠﺒﻨﻰ ﻭﻟﺒﻨﻰ ﺭﻓﻌﺖ ﺣﻮﺍﺟﺒﻬﺎ ﻭﺍﺑﺘﺴﻤﺖ ..
ﻧﺎﺿﺖ ﻟﺒﻨﻰ : ﺑﻨﺮﻛﺐ ﻧﺒﺪﻝ .. ﻭﻣﺸﺖ ﻣﻦ ﺣﺪﺍﻫﻢ ﻭﺷﻮﻳﻪ ﻭﺭﻫﻒ ﻧﺎﺿﺖ : ﺑﻨﻤﺸﻲ ﻧﻮﺗﻲ ﺣﻮﺍﻳﺠﻲ ﻟﻐﺪﻭﺓ ... ﻭﺭﻛﺒﺖ ﻭﺭﺍﻫﺎ .. ﻭﺣﻨﺎﻥ ﺗﻠﻔﺘﺖ ﺷﺒﺤﺘﻠﻬﺎ ﻟﻴﻦ ﺭﻛﺒﺖ ﻭﺗﻠﻔﺘﺖ ﺍﻟﻘﺪﺍﻡ ﺗﻨﻬﺪﺕ ﻭﻧﺎﺿﺖ ﺭﻛﺒﺖ ﻟﺪﺍﺭﻫﺎ ..
ﻓﻲ ﺩﺍﺭ ﺍﻟﺒﻨﺎﺕ ..
ﻟﺒﻨﻰ : ﺍﻧﻲ ﻛﻨﺖ ﺣﺎﺳﻪ .. ﻧﻈﺮﺍﺗﻪ ﻟﻤﺎﻣﺎ ﻭﺗﺼﺮﻓﺎﺗﻪ ﻣﻌﺎﻫﺎ .. ﺣﺘﻰ ﺗﻐﻴﻴﺮﻩ ﻫﺬﺍ ﻣﻨﻬﺎ ﻫﻲ ..
ﺭﻫﻒ : ﻳﻌﻨﻲ ﻫﻮ ﻳﺤﺒﻬﺎ ..
ﻟﺒﻨﻰ : ﻣﺶ ﻋﺎﺭﻓﻪ ﺍﺫﺍ ﻛﺎﻥ ﺣﺐ ﻭﻻﺇﻋﺠﺎﺏ
ﺭﻫﻒ : ﻣﺮﺍﺕ ﻳﻜﻮﻥ ﺗﻘﺪﻳﺮ ﻭﺍﺣﺘﺮﺍﻡ ..
ﻟﺒﻨﻰ : ﺗﺲ .. ﺍﻟﻠﻲ ﺷﻔﺘﻪ ﺷﻲ ﺗﺎﻧﻲ ..
ﺭﻫﻒ : ﻭﻣﺎﻣﺎ ..
ﻟﺒﻨﻰ : ﻣﺎﻣﺎ ﻧﺤﺲ ﻓﻴﻬﺎ ﺗﺘﻌﺎﻣﻞ ﻣﻌﺎﻩ ﺑﺴﻄﺤﻴﻪ ..
ﺭﻫﻒ : ﻟﻜﻦ ﺣﺴﻴﺘﻬﺎ ﺗﻠﺨﺒﻄﺖ ﻟﻤﺎ ﻛﻨﺘﻲ ﺗﺤﻜﻲ ..
ﻟﺒﻨﻰ ﻣﻄﺖ ﺷﻮﺭﺍﺑﻬﺎ ﺑﺘﺴﺎﺅﻝ ﻭﻗﺎﻟﺖ : ﻣﺎﻧﻌﺮﻓﺶ .. ﻛﻞ ﺍﻟﻠﻲ ﻧﻌﺮﻓﻪ ﺍﻥ ﻣﺎﻣﺎ ﺣﺘﻄﻠﻖ ﻣﻦ ﺑﺎﺑﺎ ﻭﻣﻦ ﺣﻘﻬﺎ ﺗﻌﻴﺶ ﺣﻴﺎﺗﻬﺎ ﺣﺘﻰ ﻫﻲ ﻟﻮ ﻟﻘﺖ ﺍﻹﻧﺴﺎﻥ ﺍﻟﺼﺢ ﺍﻟﻠﻲ ﻳﻌﻮﺿﻬﺎ ..
ﺭﻫﻒ ﺍﺑﺘﺴﻤﺖ : ﻋﻘﻠﻚ ﺍﻛﺒﺮ ﻣﻦ ﻋﻤﺮﻙ ﻳﺎﺑﻨﺘﻲ ..
ﻟﺒﻨﻰ ﺿﺤﻜﺖ : ﻣﺶ ﺩﻳﻤﺎ ﺭﻩ ..
ﺭﻫﻒ : ﻫﻬﻬﻬﻬﻪ ﻓﻬﺎﺩﻱ ﺻﺪﻗﺘﻲ ..
ﺭﻥ ﺗﻠﻴﻔﻮﻥ ﺭﻫﻒ ﺷﺎﻓﺎﺗﻪ ﻟﻘﺎﺗﻪ ﻣﻬﺎﺏ ﻭﺟﻬﻬﺎ ﺍﻧﻘﻠﺐ ﺑﺲ ﻣﻀﻄﺮﻩ ﺗﺮﺩ .. ﻃﻠﻌﺖ ﻟﻠﺒﺎﻟﻜﻮﻧﻪ ﻭﺭﺩﺕ ﻭﻟﺒﻨﻰ ﺗﺸﻮﻓﻠﻬﺎ ﺗﻨﻬﺪﺕ ﻭﺧﺪﺕ ﺣﻮﺍﻳﺠﻬﺎ ﻭﺧﺸﺖ ﻟﻠﺤﻤﺎﻡ ...
***
ﻧﻀﺎﻝ ﻭﺍﺧﺪ ﺷﻨﻄﺘﻪ ﻭﻃﺎﻟﻊ ﻣﻦ ﺍﻟﺤﻮﺵ : ﻭﻳﻦ ﺟﺒﺮ ..
ﻳﺎﺭﺍ : ﺭﻓﻌﻪ ﺑﻮﻩ ﻣﻦ ﺑﻜﺮﻱ ..
ﻧﻀﺎﻝ ﺗﻠﻔﺘﻠﻬﺎ : ﻛﻴﻒ؟؟
ﻳﺎﺭﺍ : ﺍﻟﻠﻲ ﺳﻤﻌﺘﻪ ﺑﻮﻩ ﺟﻲ ﻭﺭﻓﻌﻪ ..
ﻧﻀﺎﻝ : ﻭﺗﻘﻮﻟﻲ ﻓﻴﻬﺎ ﻋﺎﺩﻱ ﻫﻜﻲ ..
ﻳﺎﺭﺍ : ﻋﻼﺵ ﻳﻬﻤﻚ؟ !
ﻧﻀﺎﻝ ﻋﺼﺐ ﻫﻠﺒﻪ ﺑﺲ ﺗﻤﺎﻟﻚ ﻧﻔﺴﻪ : ﺑﺎﻫﻲ ﻳﺎﻳﺎﺭﺍ .. ﻟﻤﺎ ﻧﺮﻭﺡ ﺗﻮ ﻧﺘﻔﺎﻫﻤﻮﺍ .. ﻭﻃﻠﻊ ﺑﺸﻨﻄﺘﻪ ﻭﺻﻜﺮ ﺍﻟﺒﺎﺏ ...
ﺍﻣﺎ ﻫﻲ ﻓﻤﺸﺖ ﻗﻌﻤﺰﺕ ﻉ ﺍﻟﻜﻨﺒﻪ ﻭﻗﻌﺪﺕ ﺗﺒﻜﻲ ﻭﺗﺒﻜﻲ ﺑﻘﻬﺮ ﻭﺑﺄﻟﻢ ﻭﺑﺤﺮﻗﻪ .. ﺑﻌﺪﻳﻦ ﻣﺴﺤﺖ ﺩﻣﻮﻋﻬﺎ ﻭﻗﺎﻣﺖ ﺗﻠﻴﻔﻮﻧﻬﺎ ﻭﺍﺗﺼﻠﺖ ﺑﺮﻗﻢ ﻣﺤﺪﺩ ...
***
ﺧﻼﺹ ﺣﺒﻴﺒﺘﻲ ﺍﻫﺪﻱ ..
ﺍﻗﺒﺎﻝ ﺑﺒﻜﻲ : ﺑﻨﻤﻮﺕ ﻳﺎﻣﺎﻣﺎ ... ﻋﻼﺵ ﻫﻜﻲ ﻋﻼﺵ ... ﺷﻦ ﻓﻴﺎ ﻣﺶ ﻋﺎﺟﺒﻪ ﻗﻮﻟﻴﻠﻲ ﺷﻦ ﻧﺎﻗﺼﻨﻲ ﻳﺎﻣﺎﻣﺎ ..
ﺍﻣﻬﺎ ﺣﻀﻨﺘﻬﺎ : ﻣﺎﻧﺎﻗﺼﻚ ﺷﻲ ... ﻏﻴﺮ ﻫﻮ ﺍﻟﻠﻲ ﻧﻈﺮﻩ ﻉ ﻗﺪﻩ .. ﻭﺷﺎﻳﻒ ﺭﻭﺣﻪ ..
ﺇﻗﺒﺎﻝ : ﻻﻳﺎﻣﺎﻣﺎ ﻋﺎﺭﻓﻪ ﺧﻴﺮﻩ .. ﻫﺪﻳﻜﺎ ﺍﻟﻤﺘﺨﻠﻔﻪ ﺍﻟﻠﻲ ﺩﺍﻳﺮﻩ ﺭﻭﺣﻬﺎ ﺍﻟﺨﻀﺮﺍ ﺍﻟﺸﺮﻳﻔﻪ ﻭﺍﻟﻤﻼﻙ ﺍﻟﻠﻲ ﻧﺎﺯﻝ ﻣﻦ ﺍﻟﺴﻤﻲ .. ﻫﻲ ﺍﻟﻠﻲ ﻗﻠﺒﺎﺗﻪ ﻫﻜﻲ ﺍﻧﻲ ﻣﺘﺄﻛﺪﻩ ﻳﺎﻣﺎﻣﺎ ﺍﻧﻪ ﻳﺤﺒﻬﺎ ..
ﺳﻤﻴﻪ : ﺷﻦ ﺑﻴﺤﺐ ﻓﻴﻬﺎ ﻣﺶ ﺯﻳﻪ ﻓﻮﻻ ﺣﺎﺟﻪ ..
ﺃﻗﺒﺎﻝ : ﺍﺍﺍﺍﺍﺍﺍﺍﺍﺍﺍﺍﺍﻩ .. ﺑﻨﻤﻮﺕ ... ﻟﻜﻦ ﻻ ﻣﻌﺎﻭﻳﻪ ﻟﻴﺎ ﺍﻧﻲ ﻭﺑﺲ ﻭﻟﻮ ﻣﺎﻛﺎﻧﺶ ﻟﻴﺎ ﻣﺶ ﺣﻴﻜﻮﻥ ﻟﻐﻴﺮﻱ ...
ﻧﺎﺿﺖ ﻭﻭﻗﻔﺖ ﺣﺪﺍ ﺷﻴﺶ ﺍﻟﺨﻤﺮ ﻭﺧﺪﺕ ﻭﺣﺪﻩ ﻭﺧﺸﺖ ﺑﻴﻬﺎ ﻟﺪﺍﺭﻫﺎ ..
ﺯﻱ ﻣﺎﺩﺍﺭﺕ ﻳﺎﺭﺍ ﺑﺎﻟﺰﺑﻂ ﺍﻟﻠﻲ ﻭﺻﻠﺘﻬﺎ ﻣﺠﻤﻮﻋﻪ ﺷﻴﺶ ﺧﻤﺮ ﺣﺘﻰ ﻫﻲ ﻭﺻﺖ ﻋﻠﻴﻬﻢ .. ﻭﺑﺪﺕ ﺗﺸﺮﺏ ﺯﻱ ﺍﻟﻤﺠﻨﻮﻧﻪ ﻭﺗﺒﻜﻲ ﻭﺑﺲ
***
ﻣﺮﺕ ﺃﻳﺎﻡ ..
ﻳﺎﺭﺍ ﻛﺎﻥ ﻧﻬﺎﺭﻫﺎ ﻓﻲ ﺍﻟﻤﻜﺘﺐ ﻭﻟﻴﻠﻬﺎ ﻣﻊ ﺍﻟﺸﺮﺏ .. ﻭﻧﻀﺎﻝ ﻣﺎﺍﺗﺼﻠﺶ ﺑﻴﻬﺎ ﺑﺘﺎﺗﺎ .. ﻭﻣﺎﺗﺮﺩﺵ ﻉ ﺍﺗﺼﺎﻻﺕ ﺇﻟﻴﺎﺱ ..
ﺇﻗﺒﺎﻝ ﻛﺎﻧﺖ ﺗﻤﺸﻲ ﻟﻠﺸﺮﻛﻪ ﺑﺲ ﻣﻌﺎﻭﻳﻪ ﻛﺎﻧﺖ ﻣﺘﺠﻨﺒﻬﺎ ﺗﻤﺎﻣﺎ ﻭﻫﻲ ﺯﺍﺩﺕ ﺍﻧﻘﻬﺮﺕ ﻣﻦ ﻣﻌﺎﻣﻠﺘﻪ ﻟﻴﻬﺎ ..
ﺍﻷﻣﺘﺤﺎﻧﺎﺕ ﺍﻟﻨﻬﺎﺋﻴﻪ ﺑﺪﺕ .. ﻭﺍﻟﺒﻨﺎﺕ ﻻﻫﻴﻴﻦ ﺑﺎﻟﻘﺮﺍﻳﻪ ..
ﻭﺣﻨﺎﻥ ﻣﺸﻐﻮﻟﻪ ﻋﻠﻴﻬﻢ .. ﻭﻛﺬﻟﻚ ﻉ ﺍﺳﺎﻣﻪ ﺍﻟﻠﻲ ﻟﻴﻪ ﺍﺳﺒﻮﻋﻴﻦ ﻣﺴﺎﻓﺮ ﻭﻣﺎﺍﺗﺼﻠﺶ ﻭﺳﺄﻝ ﺣﺘﻰ ﻉ ﻭﻟﺪﻩ ...
ﻭﺷﺒﻪ ﺍﻟﺤﻴﺎﻩ ﻣﺎﺷﻴﻪ ﺯﻱ ﻗﺒﻞ ﻭﻛﻞ ﺣﺪ ﻉ ﺣﺎﻟﻪ ﻧﻔﺴﻪ ..
ﻓﻲ ﻳﻮﻡ ..
ﺇﻟﻴﺎﺱ ﺟﺎﺏ ﻭﻟﺪﻩ ﻟﺤﻮﺵ ﺍﻣﻪ .. ﻭﻗﻒ ﻃﻖ ﻉ ﺍﻟﺒﺎﺏ ﻣﺎﻓﻴﺶ ﺍﺳﺘﺠﺎﺑﻪ ﺍﺗﺼﻞ ﻣﺎﺣﺪ ﻳﺮﺩ ... ﻋﻘﻠﻪ ﻣﺎﻗﺎﻻﺵ ﺧﻴﺮ ... ﻷﻧﻪ ﻟﻴﻪ ﺍﺳﺒﻮﻉ ﺟﺒﺮ ﻣﻌﺎﻩ ﻭﻳﺎﺭﺍ ﻣﺎﺩﻭﺭﺗﺎﺵ ...
ﺍﺿﻄﺮ ﻳﻔﺘﺢ ﺍﻟﺒﺎﺏ ﺑﺎﻟﻤﻔﺘﺎﺡ ﺍﻟﻠﻲ ﻣﻌﺎﻩ ﻋﻨﺪﻩ ﻧﺴﺨﻪ ﻣﻦ ﺍﻟﻤﻔﺘﺎﺡ ﻭﻳﺎﺭﺍ ﻣﺎﻋﻨﺪﻫﺎﺵ ﻋﻠﻢ ..
ﻓﺘﺢ ﺍﻟﺒﺎﺏ ﻭﺧﺶ .. ﻓﺎﺣﺖ ﻋﻠﻴﻪ ﺭﻳﺤﻪ ﻣﺶ ﺣﻠﻮﺓ ﻗﺪﻡ ﻟﻘﻲ ﺷﻴﺶ ﺍﻟﺴﻜﻴﺮ ﻓﻲ ﻛﻞ ﺗﺮﻛﻴﻨﻪ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ .. ﺧﺪﻱ ﺟﺒﺮ ﻭﺣﻄﻪ ﻓﻲ ﺍﻟﺪﺍﺭ ﺍﻟﻠﻲ ﻓﻴﻬﺎ ﺍﻟﺘﻠﻔﺰﻳﻮﻥ ﻓﺘﺤﻠﻪ ﻉ ﺍﻟﺮﺳﻮﻡ ﻭﺻﻜﺮ ﺍﻟﺒﺎﺏ ..
ﻣﺸﻲ ﻳﺪﻭﺭ ﻋﻠﻴﻬﺎ ﻣﺎﻟﻘﻬﺎﺵ ﻣﺸﻲ ﻟﻠﻤﻤﺮ ﺍﻟﻠﻲ ﻳﻮﺻﻞ ﻟﻠﺪﻳﺎﺭ ﻭﺍﻧﺼﺪﻡ ... ﻟﻘﻲ ﻳﺎﺭﺍ ﻃﺎﻳﺤﻪ ﻭﻗﺎﻃﻌﻪ ﺍﻳﺪﻳﻬﺎ ﻭﻭﺍﺿﺢ ﺍﻧﻪ ﻣﻦ ﺷﻮﻳﻪ ﻣﺪﺍﻳﺮﻩ ﻫﻜﻲ .. ﺇﻟﻴﺎﺱ ﻗﺮﻳﺐ ﻣﺎﺕ .. ﺑﺪﻭﻥ ﻭﻋﻲ ﻗﺎﻣﻬﺎ ﻭﻗﻌﺪ ﻳﺤﻀﻦ ﻓﻴﻬﺎ ﻭﻃﺎﻟﻊ ﺑﻴﻬﺎ ﻳﺠﺮﻱ : ﻳﺎﻣﺠﻨﻮﻧﻪ ﻳﺎﻏﺒﻴﻪ .. ﺣﻄﻬﺎ ﻓﻲ ﺍﻟﺴﻴﺎﺭﻩ .. ﻭﺑﻌﺪﻳﻦ ﺍﺫﻛﺮ ﺟﺒﺮ .. ﺧﺒﻂ ﺑﺈﻳﺪﻩ ﻉ ﺍﻟﺴﻴﺎﺭﻩ ﺑﻘﻮﺓ ﺑﻌﺪﻳﻦ ﺧﺶ ﺧﺪﺍﻩ ﺭﻛﺒﻪ ﺟﻨﺒﻪ ﻭﻃﺎﺭ ﺑﻴﻬﺎ ﻟﻌﻴﺎﺩﻩ ...
ﻓﻲ ﺍﻟﻄﺮﻳﻖ ..
ﺟﺒﺮ ﺗﻠﻔﺖ ﻷﻣﻪ : ﻣﺎﻣﺎ ﺭﺍﻗﺪﻩ؟
ﺍﻟﻴﺎﺱ ﻭﻫﻮ ﻓﻘﻤﺔ ﺍﻟﺨﻮﻑ ﻭﺍﻟﺘﻮﺗﺮ : ﺭﺍﻗﺪﻩ ﺍﻳﻪ ﺣﺒﻴﺒﻲ ... ﻭﺻﻞ ﺍﻟﻌﻴﺎﺩﻩ .. ﻭﻧﺎﺩﺍﻫﻢ ﻳﺪﺧﻠﻮﻫﺎ ..
ﺧﺸﺸﻮﻫﺎ ﻃﻮﻝ .. ﻋﻠﻘﻮﻫﺎ ﻛﻴﺲ ﺩﻡ .. ﻭﺑﺪﻭﺍ ﻳﺨﻴﻄﻮﻟﻬﺎ ﻓﻲ ﺍﻳﺪﻳﻬﺎ ..
ﻗﻌﺪ ﺍﻟﻴﺎﺱ ﺣﺪﺍﻫﺎ ﺳﺎﻋﺎﺕ ... ﻟﻴﻦ ﻓﺎﻗﺖ ﻓﻲ ﺃﻭﻝ ﺍﻟﻠﻴﻞ ..
ﻓﺘﺤﺖ ﻋﻴﻮﻧﻬﺎ ﻭﺷﺎﻓﺖ ﺧﻴﺎﻝ ﺍﻟﻴﺎﺱ ﺻﻜﺮﺕ ﻋﻴﻮﻧﻬﺎ ﻭﻓﺘﺤﺘﻬﻢ ﻃﻠﻊ ﻫﻮ ﻓﻌﻼ ...
ﻳﺎﺭﺍ ﺑﺼﻮﺕ ﺗﺎﻋﺐ : ﺷﻦ .. ﺩﻳﺮ ... ﻫﻨﻲ .
ﺍﻟﻴﺎﺱ : ﻧﻨﻘﺬ ﻓﻲ ﺣﻴﺎﺗﻚ ﻳﺎﻣﺠﻨﻮﻧﻪ ...
ﻳﺎﺭﺍ : ﻋﻼﺵ .. ﻋﻼﺵ .. ﺩﺭﺕ .. ﻫﻜﻲ ..
ﺇﻟﻴﺎﺱ : ﻷﻧﻚ ﻟﻸﺳﻒ ﺍﻡ ﻭﻟﺪﻱ .. ﻭﻟﻸﺳﻒ ﺍﻛﺜﺮ ﻏﺎﻟﻴﻪ ﻋﻨﺪﻱ ..
ﻳﺎﺭﺍ ﺍﺑﺘﺴﻤﺖ ﺑﺘﻬﻜﻢ ..
ﺇﻟﻴﺎﺱ : ﺍﻧﺘﻲ ﺣﺮﻩ ﺗﺼﺪﻗﻲ ﻭﻻﻣﺎﺗﺼﺪﻗﻴﺶ ..
ﻳﺎﺭﺍ : ﻭﻳﻦ .. ﺟﺒﺮ ...
ﺇﻟﻴﺎﺱ : ﺭﻓﻌﺘﻪ ﻳﺒﺎﺕ ﻣﻊ ﺍﻣﻲ ..
ﻳﺎﺭﺍ ﻗﻌﺪﺕ ﺳﺎﻛﺘﻪ ..
ﺇﻟﻴﺎﺱ : ﺑﻌﺘﺖ ﻣﻦ ﻳﻨﻈﻔﻠﻚ ﺷﻘﺘﻚ ﻛﺎﻧﺖ ﻣﺰﺑﻠﻪ .
ﻳﺎﺭﺍ ﻓﻨﺼﺖ ﻋﻴﻮﻧﻬﺎ ﻭﺍﺫﻛﺮﺕ ﺍﻥ ﻧﻀﺎﻝ ﺑﻴﺮﻭﺡ ﻏﺪﻭﺓ ﺷﺒﺤﺖ ﻹﻟﻴﺎﺱ : ﻧﻀﻔﻮﻫﺎ ... ﻛﻮﻳﺲ .. ﻣﺎﻗﻌﺪ ﻓﻴﻬﺎ ﺷﻲ ..
ﺇﻟﻴﺎﺱ : ﺍﻃﻤﻨﻲ ... ﻣﺎﻗﻌﺪ ﺷﻲ ﻣﻦ ﺍﺛﺎﺭ ﺍﻟﺠﺮﻳﻤﻪ ﺍﻟﻠﻲ ﺧﺎﻳﻔﻪ ﺭﺍﺟﻠﻚ ﺍﻟﻤﺤﺘﺮﻡ ﻳﻜﺸﻔﻬﺎ ..
ﻳﺎﺭﺍ ﺷﺒﺤﺖ ﻓﻮﻕ ﻭﺩﻣﻮﻋﻬﺎ ﻧﺰﻟﻮﺍ : ﻧﺒﻲ ﻧﺮﻭﺡ
ﺇﻟﻴﺎﺱ : ﺍﻟﻠﻴﻠﻪ ﻣﺴﺘﺤﻴﻞ ..
ﻳﺎﺭﺍ ﺷﺒﺤﺘﻠﻪ ..: ﻏﺪﻭﺓ .. ﺑﻴﺮﻭﺡ
ﺇﻟﻴﺎﺱ : ﻳﺮﻭﺡ ﻭﻻ ﺇﻥ ﺷﺎﺀ ﺍﻟﻠﻪ ﻋﻤﺮﻩ ﻣﺎﺭﻭﺡ ..
ﺭﻥ ﺗﻠﻴﻔﻮﻥ ﻳﺎﺭﺍ ...
ﻳﺎﺭﺍ : ﻫﺬﺍ .. ﺗﻠﻴﻔﻮﻧﻲ ...
ﺇﻟﻴﺎﺱ : ﺟﺒﺘﻪ ﻣﻌﺎﻱ ﻗﻠﺖ ﺑﺎﻟﻚ ﺑﺘﻜﻠﻤﻲ ﺣﺪ ﻣﺶ ﻗﺎﺻﺪﻩ ﻫﻮ .. ﻫﺎﻛﻲ ..
ﺧﺪﺕ ﻳﺎﺭﺍ ﺍﻟﺘﻠﻴﻔﻮﻥ ﻭﻗﻌﺪﺕ ﺗﺸﻮﻓﻠﻪ ﻭﺧﺎﻳﻔﻪ ﺗﺮﺩ ﺍﻟﻴﺎﺱ ﻧﺎﺽ ﺟﺒﺪﻩ ﻭﺭﺩ ..
ﺇﻟﻴﺎﺱ : ﺁﺍﺍﻟﻮ ..
ﻳﺎﺭﺍ ﺗﺨﺒﻂ ﻉ ﻭﺟﻬﻬﺎ ﻭﺗﺒﻜﻲ ..
ﻧﻀﺎﻝ ﺑﺈﺳﺘﻐﺮﺍﺏ : ﻫﺬﺍ ﺗﻠﻴﻔﻮﻥ ﻳﺎﺭﺍ ..
ﺇﻟﻴﺎﺱ : ﺍﻳﻪ ﺗﻠﻴﻔﻮﻧﻬﺎ ﻭﺍﻟﻤﺪﺍﻡ ﻓﻲ ﻋﻴﺎﺩﺓ ***** ﻷﻧﻬﺎ ﺣﺎﻭﻟﺖ ﺗﻨﺘﺤﺮ ﻭﺻﻜﺮ ﻓﻮﺟﻬﻪ ..
ﻳﺎﺭﺍ ﺑﺒﻜﻲ : ﻋﻼﺍﺍﺍﺵ ﻫﻜﻲ ﻋﻼﺍﺍﺍﺵ ... ﻋﻴﻄﺖ ﺑﻬﺴﺘﻴﺮﻳﺎ .. ﻟﻴﻦ ﺟﻮ ﻃﻠﻌﻮﺍ ﺍﻟﻴﺎﺱ ﻭﻋﻄﻮﻫﺎ ﻣﻨﻮﻡ ...
ﺍﻟﻴﺎﺱ ﻃﻠﻊ ﻣﻦ ﺍﻟﻌﻴﺎﺩﻩ ﻭﺭﻭﺡ ﻭﻉ ﻭﺟﻬﻪ ﺇﺑﺘﺴﺎﻣﻪ ﻧﺼﺮ ..
ﺍﻣﺎ ﻧﻀﺎﻝ ﺍﻟﻠﻲ ﺭﻭﺡ ﻓﻲ ﺍﻟﻠﻴﻞ ﻉ ﻋﻜﺲ ﻣﺎﻛﺎﻥ ﻣﺤﺪﺩ ... ﺍﻧﺼﺪﻡ ﻓﻲ ﺍﺍﻟﻲ ﺳﻤﻌﻪ ﻭﻣﻦ ﺍﻟﻤﻄﺎﺭ ﻟﻠﻌﻴﺎﺩﻩ ﻃﻮﻝ ...
ﻟﻤﺎ ﺧﺶ ﻋﻠﻴﻬﺎ ﺍﻟﻐﺮﻓﻪ ﻭﺷﺎﻑ ﺷﻜﻠﻬﺎ ﻭﺟﻌﺎﺗﻪ ﻫﻠﺒﻪ ﻭﺃﻧﺒﻪ ﺿﻤﻴﺮﻩ ﻋﻠﻴﻬﺎ ... ﻭﻗﻌﺪ ﻧﻀﺎﻝ ﻋﺎﻳﺶ ﺑﻴﻦ ﺍﻟﻨﺪﻡ ﻭﺗﺄﻧﻴﺐ ﺍﻟﻀﻤﻴﺮ ﺑﺴﺒﺐ ﺍﺗﺒﺎﻋﻪ ﻟﻬﻮﺍﻩ ﻭﺣﺒﻪ ﺍﻟﺰﺍﻳﺪ ﻟﻨﻔﺴﻪ ..
ﻗﻌﺪ ﺣﺪﺍﻫﺎ ﻟﻴﻦ ﻧﺎﺿﺖ ﺍﻟﺼﺒﺢ ﻭﺷﺎﻓﺎﺗﻪ ﻣﺎﺻﺪﻗﺘﺶ ... ﻫﻮ ﻗﻌﺪ ﻳﺸﺒﺤﻠﻬﺎ ﺑﻌﺪﻳﻦ ﻗﺎﻝ ..
ﻧﻀﺎﻝ : ﻋﻼﺵ ﺩﺭﺗﻲ ﻓﺮﻭﺣﻚ ﻫﻜﻲ ..
ﻳﺎﺭﺍ ﻗﻌﺪﺕ ﺗﺒﻜﻲ ..
ﻧﻀﺎﻝ : ﻭﺍﻧﻲ ﺍﻟﻠﻲ ﻛﻨﺖ ﻧﻘﻮﻝ ﻋﻠﻴﻚ ﻗﻮﻳﻪ ﻭﻣﺎﻳﻬﺰﻙ ﺷﻲ ..
ﻳﺎﺭﺍ ﺷﺒﺤﺘﻠﻪ ﺑﻌﻴﻮﻧﻬﺎ ﺍﻟﻤﺪﻣﻌﻪ : ﺍﻧﻲ ﺿﻌﻴﻔﻪ ﻓﻲ ﺣﺒﻚ ﻭﻣﻌﺎﻙ ﺍﻧﻲ ﻧﻤﻮﺕ ﻣﻦ ﻏﻴﺮﻙ ﻧﻤﻮﺕ .. ﻭﻛﻤﻠﺘﻬﺎ ﺑﻜﻲ .. ﻫﻮ ﻣﺎﺗﺤﻤﻠﺶ ﻭﻧﺎﺽ ﺣﻀﻨﻬﺎ ﻭﻗﻌﺪ ﻳﻄﺒﻄﺐ ﻋﻠﻴﻬﺎ ...
***
ﻓﻲ ﺍﻟﺠﺎﻣﻌﻪ ...
ﺭﻫﻒ ﺣﺎﺿﻨﻪ ﺗﻘﻮﻯ ..
ﺭﻫﻒ : ﻣﺒﺮﻭﻙ ﺗﻮﺗﻲ ﺣﺒﻴﺒﺘﻲ .
ﺗﻘﻮﻯ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﻋﻤﺮﻱ .. ﺑﻌﺪﻭﺍ ..
ﺭﻫﻒ : ﻫﺎﻩ ﻭﺷﻨﻮ ﻧﺎﻭﻭﻳﻦ ..
ﺗﻘﻮﻯ ﺭﺩﺕ ﺑﺎﻟﻤﺼﺮﻱ : ﻋﻠﻰ ﺍﻟﺠﻮﺍﺯ ﻳﺎﺣﺒﻴﺒﺘﻲ ..
ﺭﻫﻒ : ﺍﻟﻠﻪ؟؟ !
ﺗﻘﻮﻱ ﻫﺰﺕ ﺣﻮﺍﺟﺒﻬﺎ ﺑﻤﻌﻨﻰ ﺍﻳﻪ ...
ﺭﻫﻒ ﺣﻀﻨﺘﻬﺎ ﻭﻗﺎﻟﺖ : ﺭﺑﻲ ﻳﺘﻤﻢ ﻉ ﺧﻴﺮ .. ﺑﻌﺪﺕ .. ﺍﻣﺘﻰ ..
ﺗﻘﻮﻯ : ﺑﻌﺪ ﺍﻷﻣﺘﺤﺎﻧﺎﺕ ﺑﺸﻬﺮﻳﻦ ..
ﺭﻫﻒ : ﺗﻠﺤﻘﻲ ﺗﻮﺗﻲ ﺭﻭﺣﻚ؟
ﺗﻘﻮﻯ : ﺍﻳﻪ ﺍﺻﻼ ﻗﺪﺍﺵ ﻟﻴﺎ ﻧﻮﺗﻲ ..
ﺭﻫﻒ ﺑﺄﺑﺘﺴﺎﻣﻪ : ﺭﺑﻲ ﻳﺘﻤﻢ ﻉ ﺧﻴﺮﻳﺎﺭﺏ ﻭﻳﻬﻨﻴﻜﻢ ..
ﺗﻘﻮﻯ : ﺗﺴﻠﻤﻴﻠﻲ .. ﻭﺍﻟﻔﺎﻝ ﻟﻴﻚ ..
ﺭﻫﻒ ﺍﺑﺘﺴﻤﺖ ﺑﻀﻴﻖ ﻭﻭﻃﺖ ﺭﺍﺳﻬﺎ ﺑﻌﺪﻳﻦ ﻗﺎﻣﺎﺗﻪ ﻭﻗﺎﻟﺖ : ﺍﻛﻴﺪ ﺍﺳﻨﺎﻡ ﺑﻴﺪﻳﺮ ﻋﺮﺳﻪ ﺣﺘﻰ ﻫﻮ ﻣﻊ ﻟﺆﻱ ..
ﺗﻘﻮﻯ ﺗﻠﺨﺒﻄﺖ " ﻳﺎﺭﺑﻲ ﺷﻦ ﺑﻨﻘﻮﻟﻠﻬﺎ ﺗﻮﺍ .. ﻭﺍﻟﻠﻪ ﻣﺎﻣﺘﺤﻤﻠﻪ ﻧﻜﻤﻞ ﻓﻬﺎﻟﻜﺬﺑﻪ .. ﺑﺲ ﺷﻦ ﺑﻴﺼﻴﺮ ﻟﻮ ﻗﻠﺖ ﻣﺮﺍﺕ ﺗﺨﺶ ﺑﻌﻀﻬﺎ ﺍﻛﺜﺮ ﻣﻦ ﻫﻜﻲ .."
ﺭﻫﻒ : ﺍﻭﻭﻭﻭﻭﻭ ﺗﻮﺗﻲ ..
ﺗﻘﻮﻯ ﺍﺳﺘﺎﻗﻀﺖ : ﻣﻌﺎﻙ .. ﻻﻻ ﻣﺶ ﻣﻌﺎﻩ ﻣﺎﺯﺍﻝ ﺍﺳﻨﺎﻡ .. ﺑﺎﻟﻚ ﻟﻴﻦ ﺗﻜﻤﻞ ﻗﺮﺍﻳﺘﻬﺎ ..
ﺭﻫﻒ ﺑﻀﻴﻖ : ﻋﻼﺵ ﻫﻲ ﻛﻢ ﻋﻤﺮﻫﺎ ..
ﺗﻘﻮﻯ : ﻭﺍﻧﻲ ﺷﻦ ﻋﺮﻓﻨﻲ .. ﻓﻮﺗﻴﻨﺎ ﻣﻦ ﻫﺎﻟﺴﻴﺮﻩ ﻭﺗﻌﺎﻟﻲ ﻧﻘﺮﻭﺍ ﻫﻴﺎ ...
ﺭﻫﻒ ﺳﻜﺘﺖ ﻭﻣﺸﺖ ﻣﻌﺎﻫﺎ ﻭﻗﻠﺒﻬﺎ ﻳﻐﻠﻲ ..
***
ﺑﻌﺪ ﺍﻟﻌﺼﺮ
ﺭﻭﺡ ﻧﻀﺎﻝ ﺑﻴﺎﺭﺍ ﻭﻗﻌﺪ ﺭﺍﺩ ﺑﺎﻟﻪ ﻋﻠﻴﻬﺎ ﻭﻫﻲ ﻓﺮﺣﺎﻧﻪ ﺑﺈﻫﺘﻤﺎﻣﻪ ﺍﻟﻠﻲ ﺭﺟﻊ ﺯﻱ ﻗﺒﻞ .. ﻭﺭﻗﺪﺕ ﻟﻴﻠﻬﺎ ﻛﻠﻪ ﻓﻲ ﺣﻀﻨﻪ .. ﺍﻣﺎ ﻫﻮ ﻓﻜﺎﻥ ﻳﺨﻠﺺ ﻓﻲ ﺿﻤﻴﺮﻩ ﺯﻱ ﻣﺎﻳﻘﻮﻟﻮﺍ ﻻﺍﻛﺜﺮ ﻭﻻﺃﻗﻞ ...
ﺗﺎﻧﻲ ﻳﻮﻡ ..
ﻧﻮﺿﻬﺎ ﺍﻟﺼﺒﺢ ..
ﺩﺧﻠﻬﺎ ﻟﻠﺤﻤﺎﻡ ﻭﻏﺴﻠﻠﻬﺎ ﻭﺟﻬﻬﺎ ... ﻭﻏﻴﺮﻟﻬﺎ ﺣﻮﺍﻳﺠﻬﺎ .. ﻭﻣﺸﻄﻠﻬﺎ ﺷﻌﺮﻫﺎ .. ﻛﺎﻥ ﻣﻬﺘﻢ ﺑﻴﻬﺎ ﺗﻘﻮﻝ ﺑﻨﺘﻪ ﻭﻫﻲ ﺣﺎﺳﻪ ﺭﻭﺣﻬﺎ ﻓﻲ ﺩﻧﻴﺎ ﻏﻴﺮ ﺍﻟﺪﻧﻴﺎ ﻣﻦ ﻓﺮﺣﺘﻬﺎ ..
ﻧﺎﺽ ﻳﺎﺭﺍ ﻧﺎﺿﺖ ﻣﻌﺎﻩ ﻭﻗﺎﻟﺖ : ﻭﻳﻦ ﻣﺎﺷﻲ ..
ﻧﻀﺎﻝ ﺍﺑﺘﺴﻢ : ﺑﻨﺪﻳﺮﻟﻚ ﻓﻄﻮﺭ ﻣﻠﻮﻛﻲ ...
ﻳﺎﺭﺍ ﻗﺮﺑﺖ ﻣﻨﻪ ﻭﺑﺎﺳﺎﺗﻪ ﺑﺤﺐ ﻭﻫﻮ ﻣﺎﻗﺪﺭﺵ ﻳﺼﺪﻫﺎ ﻭﺑﺎﺩﻟﻬﺎ ... ﺑﻌﺪﻳﻦ ﻭﺧﺮ ..
ﻧﻀﺎﻝ : ﻫﻴﺎ ﻗﻌﻤﺰﻱ .. ﺷﻮﻳﻪ ﻭﺟﺎﻱ ..
ﻳﺎﺭﺍ ﺑﻀﺤﻜﻪ : ﺑﺘﺠﻴﺒﻪ ﻟﻠﺴﺮﻳﺮ .
ﻧﻀﺎﻝ : ﺍﻳﻪ .. ﺍﺧﺮ ﺩﻟﻊ ﻭﻻ .. ﻫﻬﻬﻬﻬﻬﻪ
ﻳﺎﺭﺍ ﺣﻀﻨﺎﺗﻪ : ﻧﻌﺸﻘﻚ
ﻫﻮ ﺍﺑﺘﺴﻢ ﺑﻀﻴﻖ ﻭﺑﻌﺪﻫﺎ ﺑﺎﻟﺸﻮﻳﻪ : ﻫﻴﺎ ﻗﻌﻤﺰﻱ .. ﻭﻃﻠﻊ ﻣﻦ ﺣﺪﺍﻫﺎ .. ﻭﻫﻲ ﻗﻌﻤﺰﺕ ﻭﻓﺮﺣﺎﻧﻪ ﺑﻄﻴﺮ ..
ﺧﺶ ﻟﻠﻜﻮﺟﻴﻨﻪ ﻓﺘﺢ ﺍﻟﺘﻼﺟﻪ ﻭﻃﻠﻊ ﻣﻨﻬﺎ ﺣﺎﺟﺎﺕ ..
ﺑﺪﻱ ﺍﻭﻝ ﺷﻲ ﺑﺎﻟﻌﺼﻴﺮ .. ﺑﻴﺪﻳﺮﻟﻬﺎ ﻋﺼﻴﺮ ﺑﻨﺠﺮ ﻣﻔﻴﺪ ﻟﺰﻳﺎﺩﻩ ﺍﻟﺪﻡ .. ﻗﻌﺪ ﻳﺪﻭﺭ ﻉ ﺍﻟﺨﻼﻁ .. ﻓﺘﺢ ﺍﻟﺪﻭﺍﻟﻴﺐ ﻭﻳﺪﻭﺭ .. ﻟﻴﻦ ﻭﺻﻞ ﻓﻮﺍﺣﺪ ﻓﺘﺤﻪ ... ﻭﺍﻧﺼﺪﻡ ﺻﺪﻣﻪ ﻋﻤﺮﻩ ..
ﻳﺎﺭﺍ ﻛﺎﻧﺖ ﻣﻘﻌﻤﺰﺓ ﺗﺴﺘﻨﻰ ... ﺗﺸﺒﺢ ﻟﻠﺮﻭﺷﻦ ﻓﻲ ﺍﻟﺠﻮ ﺍﻟﺤﻠﻮ ﺍﻟﻠﻲ ﺑﺮﺍ ...
" ﻳﺎﺭﺍ .."
ﺍﻟﺘﻔﺘﺖ ... ﺇﺑﺘﺴﺎﻣﺘﻬﺎ ﺗﻼﺷﺖ .. ﻭﻗﻌﺪﺕ ﺗﺮﻋﺶ ﻣﻊ ﺑﻌﻀﻬﺎ ..
ﻧﻀﺎﻝ ﻭﺍﻗﻒ ﻗﺪﺍﻣﻬﺎ ﻭﻉ ﻭﺟﻬﻪ ﻣﻼﻣﺢ ﺍﻟﺨﻴﺒﻪ ﻣﻤﺰﻭﺟﻪ ﺑﺎﻟﺼﺪﻣﻪ ﻭﻗﺎﻳﻢ ﻓﻲ ﻳﺪﻩ ﺷﻴﺸﻪ ﺧﻤﺮﻩ ﻭﻗﺎﻝ : ﻫﺬﺍ ﺷﻨﻮ؟؟ !!
... ﻳﺘﺒﻊ ...
٠٨ / ١١ / ٢٠٢٠ · Facebook for Android · ﺭﻭﺍﻳﺎ
