ﺕ ❤🔥
# ﻣﻮﺳﻢ _ ﺍﻟﺘﻮﻟﻴﺐ
# ﺟﻤﺎﻥ _ ﻓﺮﻳﺪ
# ﺍﻟﺠﺰﺀ 31_
ﺻﻮﺕ ﺁﺫﺍﻥ ﺍﻟﻔﺠﺮ
ﻳﺼﺪﺡ ﻓﻲ ﺍﻟﻤﻜﺎﻥ ..
ﺍﺳﺘﻐﺮﺑﺖ ﻟﻤﺎ ﺳﻤﻌﺖ ﺻﻮﺕ ﺍﻵﺫﺍﻥ ﻗﺮﻳﺐ ﻭﺍﺿﺢ .. ﻣﻌﻨﺎﻫﺎ ﻓﻲ ﺣﺪﺍﻫﻢ ﺟﺎﻣﻊ ...
ﻧﺎﺿﺖ ﻭﻧﻮﺿﺖ ﺍﻟﺒﻨﺎﺕ ... ﺗﻮﺿﻮﺍ ﻭﺻﻠﻮﺍ ... ﻭﻫﻲ ﺑﻌﺪ ﺻﻠﺖ ﻃﻠﻌﺖ ﻣﻦ ﺍﻟﺪﺍﺭ .. ﺗﺒﻲ ﺗﺸﻮﻓﻪ ... ﺑﺲ ﻣﻜﺎﻧﺶ ﻣﻮﺟﻮﺩ ﻓﻲ ﺍﻟﺼﺎﻟﻪ ..
ﻧﺰﻟﺖ ﻟﻮﻃﺎ ﻭﻗﻌﺪﺕ ﺗﻤﺸﻲ ﻓﻲ ﺍﻟﻘﺼﺮ ﻭﺗﺸﻮﻑ ﻓﻲ ﺗﻔﺎﺻﻴﻠﻪ ﺗﺮﻛﻴﺰﻫﺎ ﻣﺎﻛﺎﻧﺶ ﻉ ﺍﻷﺛﺎﺙ ﻗﺪ ﻣﺎﻛﺎﻥ ﻉ ﺗﻔﺼﻴﻞ ﺍﻟﻘﺼﺮ ﺑﺤﺪ ﺫﺍﺗﻪ .. ﻋﺠﺒﻬﺎ .. ﺗﻔﺎﺟﺌﺖ ﻟﻤﺎ ﻭﺻﻠﺖ ﺣﺪﺍ ﺍﻟﺒﺎﺏ ﺑﺎﻟﻤﺰﻫﺮﻳﻪ ﺍﻟﻠﻲ ﻓﻴﻬﺎ ﻭﺭﺩ ﺗﻮﻟﻴﺐ ﺷﺒﻪ ﻳﺎﺑﺲ ... ﺷﻮﻳﻪ ﻭﺟﺖ ﻭﺣﺪﻩ ﻣﻦ ﺍﻟﺨﺪﻡ ..
ﺍﻟﺨﺪﺍﻣﻪ : ﺻﺒﺎﺡ ﺍﻟﺨﻴﺮ ..
ﺍﻟﺘﻔﺘﻠﻬﺎ ﺣﻨﺎﻥ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﻨﻮﺭ ..
ﺍﻟﺨﺪﺍﻣﻪ : ﺗﺒﻲ ﺷﻲ ﺣﺎﺟﻪ ..
ﺣﻨﺎﻥ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻﺷﻜﺮﺍ .. ﺑﺲ ﻛﻨﺖ ﻧﺒﻲ ﻧﺴﺄﻟﻚ ﺍﻟﻮﺭﺩ ﻫﺬﺍ ﻣﻦ ﻳﺠﻴﺐ ﻓﻴﻪ ﻫﻨﻲ ...
ﺍﻟﺨﺪﺍﻣﻪ : ﺳﻴﺪﻱ ﻣﻌﺎﻭﻳﻪ .. ﻭﻓﻲ ﺍﻟﻤﺪﻩ ﺍﻷﺧﻴﺮﻩ ﻛﻞ ﺍﺳﺒﻮﻉ ﺗﺠﻲ ﺑﺎﻗﻪ ﻟﻠﻘﺼﺮ ﻫﻮ ﻣﻮﺻﻲ ﻋﻠﻴﻬﻢ ..
ﺣﻨﺎﻥ ﺷﺒﺤﺖ ﻟﻠﻮﺭﺩ : ﻳﻌﻨﻲ ﺍﻟﻴﻮﻡ ﻣﻔﺮﻭﺽ ﺗﺠﻲ ﻭﺣﺪﻩ ..
ﺍﻟﺨﺪﺍﻣﻪ : ﺗﻘﺮﻳﺒﺎ ..
ﺣﻨﺎﻥ ﺷﺒﺤﺘﻠﻬﺎ : ﺍﻟﺴﻴﺪ ﻣﻌﺎﻭﻳﻪ ﻣﻮﺟﻮﺩ ..
ﺍﻟﺨﺪﺍﻣﻪ : ﻻﻣﺶ ﻣﻮﺟﻮﺩ ...
ﺣﻨﺎﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺍﻟﺨﺪﺍﻣﻪ : ﻛﺎﻥ ﻣﺎﺗﺒﻲ ﻣﻨﻲ ﺷﻲ ﻧﺴﺘﺄﺫﻧﻚ ..
ﺣﻨﺎﻥ : ﺍﺫﻧﻚ ﻣﻌﺎﻙ .. ﻣﺸﺖ ﺍﻟﺨﺪﺍﻣﻪ ...
ﺣﻨﺎﻥ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺷﺎﻓﺖ ﺭﺟﺎﻟﺘﻪ ﻭﺍﻗﻔﻴﻦ ﻓﻲ ﻛﻞ ﺗﺮﻛﻴﻨﻪ ... ﺍﺑﺘﺴﻤﺖ .. ﻭﺻﺒﺤﺖ ﻉ ﻛﻞ ﻭﺍﺣﺪ ﺗﺨﻄﻢ ﺣﺪﺍﻩ ... ﻗﻌﺪﺕ ﺗﺪﻫﻮﺭ ﻓﻲ ﺍﻟﻤﻜﺎﻥ ﻛﺎﻥ ﻭﺍﺳﻊ ﻫﻠﺒﻪ ﺍﻛﻴﺪ ﻃﺒﻴﻌﻲ ﺣﺪﻳﻘﺔ ﻗﺼﺮ .. ﻭﻛﺎﻥ ﻭﺍﺿﺢ ﺍﻵﻫﺘﻤﺎﻡ ﻓﻴﻬﺎ .. ﻭﻫﻲ ﻣﺎﺷﻴﻪ ﺷﺎﻓﺖ ﻃﺎﻭﻟﻪ ﻭﻛﺮﺍﺳﻲ ﻛﺎﻧﺖ ﺣﻠﻮﺓ ﺑﺎﻟﻤﺮﺓ ﻗﻌﺪﺕ ﺗﺸﺒﺤﻠﻬﺎ ﻓﻜﺮﺕ ﻓﻲ ﺣﺎﺟﻪ ﻭﻗﺮﺭﺕ ﺗﻨﻔﺪﻫﺎ ...
ﻓﻲ ﻧﻔﺲ ﺍﻟﻮﻗﺖ ...
ﻣﻌﺎﻭﻳﻪ ﻛﺎﻥ ﻣﻘﻌﻤﺰ ﺣﺪﺍ ﻫﺬﺍﻛﺎ ﺍﻟﺠﺎﻣﻊ ﺍﻟﻠﻲ ﺣﺮﻛﻠﻪ ﻗﻠﺒﻪ ﺍﻹﻣﺎﻡ ﻣﺘﺎﻋﻪ .. ﺭﺟﺎ ﻟﻴﻦ ﺍﻟﻨﺎﺱ ﻃﻠﻌﺖ ﺑﺲ ﺍﻹﻣﺎﻡ ﻣﺎﺯﺍﻝ ﻣﻄﻠﻌﺶ ..
ﻟﻤﺎ ﺷﺎﻑ ﺍﻟﺰﺣﻤﻪ ﺧﻔﺖ .. ﻧﺎﺽ ﻭﻗﺪﻡ ﺟﻴﻬﺘﻪ ﻭﻗﻌﺪ ﻭﻣﺘﺮﺩﺩ ﻳﺨﺶ ﻭﻓﻲ ﺻﻮﺕ ﻳﻜﻠﻢ ﻓﻴﻪ ﻓﻌﻘﻠﻪ " ﺗﻮﺍ ﺑﻌﺪ 40 ﺳﻨﻪ ﻣﺎﺭﻛﻌﺘﺶ ﻓﻴﻬﻢ ﻟﺮﺑﻚ ﻭﻛﻨﺖ ﺗﻤﻨﻊ ﻓﻲ ﺍﻟﻨﺎﺱ ﻣﻨﻬﺎ .. ﺟﺎﻱ ﺗﺒﻲ ﺗﺼﻠﻲ ﻭﺗﻮﻟﻲ .. ﺗﻲ ﻧﺴﻴﺖ ﺍﻧﺖ ﻛﻨﺖ ﺗﺤﺎﺭﺏ ﻓﻴﻪ ﻣﻦ ﻗﺎﻝ ﻭﺍﺣﺪ ﺯﻳﻚ ﺍﻧﺖ ﺍﺧﻄﺎﺋﻪ ﺗﻐﺘﻔﺮ .. ﺧﻼﺹ ﻓﺎﺕ ﺍﻟﻔﻮﺕ ﻣﻬﻤﺎ ﺍﺩﻳﺮ ﻣﺶ ﺣﺘﻘﺪﺭ .. ﺳﻴﻮﺭﻙ ﺗﺮﺟﻊ ﺯﻱ ﻣﺎﻛﻨﺖ "
ﻫﻮ ﺣﺲ ﺑﺈﻧﻪ ﺧﺎﻳﻒ ﻟﻮ ﻓﻌﻼ ﺍﻟﻤﺴﺄﻟﻪ ﺗﻜﻮﻥ ﻣﺠﺮﺩ ﻃﻬﻘﻪ ﻭﻳﺮﺟﻊ ﺑﻌﺪﻫﺎ ﺯﻱ ﻣﺎﻛﺎﻥ ﺯﻱ ﻫﻠﺒﻪ ﻧﺎﺱ .. ﻟﻒ ﻭﺑﻴﻤﺸﻲ ..
" ﻳﺎﻭﻟﺪﻱ .."
ﻣﻌﺎﻭﻳﻪ ﻃﻮﻝ ﺍﻟﺘﻔﺖ ..
ﺍﻟﺸﻴﺦ : ﺧﺶ ﺻﻠﻲ .. ﻛﺎﻥ ﻓﺎﺗﻚ ﺍﻟﻮﻗﺖ ﺍﻗﻀﻲ .. ﻭﺍﺣﺮﺹ ﻣﺮﺓ ﺗﺎﻧﻴﻪ ﺗﺠﻲ ﻉ ﺍﻟﻮﻗﺖ .. ﺭﺑﻚ ﻗﺎﻝ " ﺇﻥ ﺍﻟﺼﻼﺓ ﻛﺎﻧﺖ ﻋﻠﻰ ﺍﻟﻤﺆﻣﻨﻴﻦ ﻛﺘﺎﺑﺎ ﻣﻮﻗﻮﺗﺎ .." ﻳﻌﻨﻲ ﻣﻔﺮﻭﺿﻪ ﺑﺎﻟﻮﻗﺖ ..
ﻣﻌﺎﻭﻳﻪ ﻗﻌﺪ ﻳﺸﺒﺤﻠﻪ ﻭﻣﺶ ﻋﺎﺭﻑ ﺷﻦ ﻳﻘﻮﻝ ..
ﺍﻟﺸﻴﺦ : ﺧﻴﺮﻙ .. ﻣﺘﺤﺸﻢ ﻭﻻﺧﺎﻳﻒ .. ﻻﺍﺍ ﺍﻧﺖ ﻛﺎﻥ ﺟﻴﺖ ﻟﺒﻴﺘﻪ ﻭﻭﻗﻔﺖ ﺑﻴﻦ ﺍﻳﺪﻳﻪ ﺣﺘﺘﺤﺸﻢ ﻭﺗﺨﺎﻑ ﻣﻨﻪ ﺣﺒﺎ ﻓﻴﻪ ﻭﺗﺼﻠﻲ ﻭﺗﺴﺄﻟﻪ ﻳﻌﻴﻨﻚ ﻉ ﺍﻟﻄﺎﻋﻪ ..
ﻣﻌﺎﻭﻳﻪ ﺑﻠﻊ ﺭﻳﻘﻪ : ﺃﻧﻲ .. ﻟﻴﺎ 40 ﺳﻨﻪ ﻣﺎﺭﻛﻌﺘﺶ ﻭﻻﺭﻛﻌﻪ .. ﺍﺳﺎﺳﺎ ﻧﺴﻴﺖ ﻛﻴﻔﻴﺘﻬﺎ .. ﻭﻧﺴﻴﺖ ﺍﻟﻮﺿﻮﺀ ... ﻭﻣﺶ ﻋﺎﺭﻑ ﻫﻞ ﻭﺍﺣﺪ ﺯﻳﻲ ﻫﻮ ﻣﺎﺯﺍﻝ ﻳﻘﺒﻠﻪ ﻭﻻﻻ ..
ﺍﻟﺸﻴﺦ ﺷﺒﺤﻠﻪ ﻫﻠﺒﻪ ﺑﻌﺪﻳﻦ ﺳﺄﻟﻪ : ﺃﻧﺖ ﻋﻼﺵ ﺟﻴﺖ
ﻣﻌﺎﻭﻳﻪ : ﻧﻌﺘﺬﺭ ...
ﺍﻟﺸﻴﺦ ﺍﺑﺘﺴﻢ : ﻉ ﺷﻨﻮ ..
ﻣﻌﺎﻭﻳﻪ : ﻉ ﻫﻠﺒﻪ ﺣﺎﺟﺎﺕ ﺩﺭﺗﻬﻢ .. ﻭﺃﻭﻟﻬﻢ ﻧﺴﻴﺎﻧﻲ ﻟﻴﻪ ..
ﺍﻟﺸﻴﺦ : ﻭﻟﻴﺶ ﻣﺎﺧﺸﻴﺘﺶ ..
ﻣﻌﺎﻭﻳﻪ : ﺧﺎﻳﻒ ﻣﻨﻪ ﻭﻣﻦ ﻧﻔﺴﻲ ..
ﺍﻟﺸﻴﺦ : ﻛﻴﻒ؟
ﻣﻌﺎﻭﻳﻪ : ﻧﺨﺎﻑ ﻟﻮ ﻣﺎﻳﻘﺒﻠﻨﻴﺶ .. ﻭﻧﺨﺎﻑ ﻣﻦ ﻧﻔﺴﻲ ﻟﻮ ﻧﺮﺟﻊ ﻧﻨﺴﻰ ﻣﺮﺓ ﺗﺎﻧﻴﻪ ..
ﺍﻟﺸﻴﺦ ﺍﺑﺘﺴﻢ ﻭﻗﺪﻣﻠﻪ : ﺍﻧﺖ ﻣﺎﺟﻴﺘﺶ ﺑﺶ ﺗﻮﻟﻲ .. ﻭﺑﻌﺪﻳﻦ ﻛﻴﻒ ﻣﺎﻳﻘﺒﻠﻤﺶ ﻭﻫﻮ ﺍﻟﻠﻲ ﺟﺎﺑﻚ ﻫﻨﻲ ..
ﻣﻌﺎﻭﻳﻪ ﺍﻧﺪﻫﺶ ﻣﻦ ﺍﻹﺟﺎﺑﻪ ..
ﺍﻟﺸﻴﺦ : ﺭﺑﻚ ﻟﻤﺎ ﻳﺸﻮﻑ ﺧﻴﺮ ﻓﻲ ﻋﺒﺪ ﻣﻦ ﻋﺒﺎﺩﻩ ﻳﺴﺎﻋﺪﻩ ﻭﻳﻮﺟﻬﻪ ﻟﻠﺨﻴﺮ .. ﻃﺒﻄﺐ ﻉ ﻛﺘﻔﻪ ... ﺧﺶ ﻭﺗﻮ ﻧﻮﺭﻳﻚ ﻛﻴﻒ ﺗﺘﻮﺿﺎ ﻭﺗﺼﻠﻲ ...
ﻣﻌﺎﻭﻳﻪ ﻗﻌﺪ ﻳﺸﺒﺢ ﻟﻠﺠﺎﻣﻊ ..
ﺍﻟﺸﻴﺦ ﺧﺶ ﻳﺎﻭﻟﺪﻱ ..
ﻣﻌﺎﻭﻳﻪ ﻳﺴﻤﻊ ﻓﻲ ﺍﻟﺼﻮﺕ ﺍﻟﻠﻲ ﻓﻌﻘﻠﻪ " ﺍﻧﺖ ﻣﺎﺟﻴﺘﺶ ﻉ ﺧﺎﻃﺮﻩ .. ﺍﻧﺖ ﺟﻴﺖ ﻉ ﺧﺎﻃﺮ ﻧﻔﺴﻚ .. ﺍﻧﺖ ﻣﻨﺎﻓﻖ "
ﺍﻟﺸﻴﺦ ﺭﻛﺰ ﻋﻠﻴﻪ ﻭﻗﺎﻝ ◇: ﻛﻼ ﻻﺗﻄﻌﻪ ﻭﺍﺳﺠﺪ ﻭﺍﻗﺘﺮﺏ ◇
ﻣﻌﺎﻭﻳﻪ ﺷﺒﺢ ﻟﻠﺸﻴﺦ ﻭﺍﻟﺸﻴﺦ ﺍﺑﺘﺴﻢ ﻭﻗﺎﻝ : ﺍﻗﺘﺮﺏ ..
ﻣﻌﺎﻭﻳﻪ ﺷﺒﺤﻠﻪ ﻫﻠﺒﻪ ﺑﻌﺪﻳﻦ ﺍﺑﺘﺴﻢ ﻭﺧﺶ ..
ﺭﻓﻊ ﺍﻟﺸﻴﺦ ﻟﻤﻜﺎﻥ ﺍﻟﻮﺿﻮﺀ ﻗﻌﺪ ﻳﺘﻮﺿﺎ ﻭﻳﻮﺭﻱ ﻟﻤﻌﺎﻭﻳﻪ ﻛﻴﻒ ﻳﺘﻮﺿﺎ .. ﻃﻮﻝ ﺍﻟﻮﻗﺖ ﺍﻟﺸﻴﺦ ﻛﺎﻥ ﻣﺒﺘﺴﻢ ﻭﺑﺸﻮﺵ ﻭﻣﻌﺎﻭﻳﻪ ﺍﺭﺗﺎﺣﻠﻪ ﻫﻠﺒﻪ .. ﻟﻠﺤﻈﻪ ﺍﺫﻛﺮ ﺑﻮﻩ ﻛﻴﻒ ﻛﺎﻥ ﻳﻌﻠﻢ ﻓﻴﻪ ﺑﻔﻀﺎﺿﻪ ﻭﻫﺰﺍﻳﺐ ... ﻧﻔﺾ ﻫﺎﻟﺬﻛﺮﻯ ﻋﻦ ﺭﺍﺳﻪ ﻭﻗﻌﺪ ﻋﺎﻳﺶ ﺍﻟﺸﻌﻮﺭ ﺍﻟﻤﺮﻳﺢ ﺍﻟﻠﻲ ﻫﻮ ﻓﻴﻪ ..
ﻛﻤﻞ ﻭﺿﻮﺀ ﻭﺧﺶ .. ﻭﻣﺠﺮﺩ ﺧﺶ .. ﺣﺲ ﺑﺄﻧﻪ ﻓﻲ ﻋﺎﻟﻢ ﺁﺧﺮ ﻓﻴﻪ ﻛﻤﻴﻪ ﻃﺎﻗﻪ ﺍﻳﺠﺎﺑﻴﻪ ﻫﺎﺋﻠﻪ .. ﺣﺲ ﻭﻛﺄﻧﻪ ﻓﻲ ﻣﻦ ﻳﺮﺣﺐ ﺑﻴﻪ ... ﺷﻌﻮﺭ ﺧﻼﻩ ﻳﺤﺲ ﻫﻜﻲ .. ﻟﻴﻦ ﻭﻗﻒ ..
ﺍﻟﺸﻴﺦ : ﺗﺒﻲ ﺗﺼﻠﻲ ﻫﻨﻲ ..
ﻣﻌﺎﻭﻳﻪ : ﺍﻳﻪ ﻓﻲ ﻣﺸﻜﻠﻪ ..
ﺍﻟﺸﻴﺦ ﺿﺤﻚ : ﺭﺑﻚ ﻣﺎﻳﺠﻴﺐ ﻣﺸﺎﻛﻞ .. ﻫﻴﺎ ﻭﻟﺪﻱ ﺍﻭﻗﻒ ﺧﻞ ﻧﻮﺭﻳﻚ ﻛﻴﻒ ﺗﺘﻼﻗﻰ ﻣﻊ ﺭﺑﻚ ﻟﺒﻀﻊ ﺩﻗﺎﺋﻖ ...
ﻣﻌﺎﻭﻳﻪ ﺍﺑﺘﺴﻢ ..
ﺍﻟﺸﻴﺦ ﺍﺑﺘﺴﻢ ﻭﺑﺪﻱ ﻳﻌﻠﻢ ﻓﻴﻪ ... ﺭﺣﻤﺔ ﺍﻟﺸﻴﺦ ﻭﺃﺳﻠﻮﺑﻪ ﺍﻟﺴﻤﺢ ﻣﺨﻠﻴﻴﻦ ﻣﻌﺎﻭﻳﻪ ﻏﺼﺐ ﻋﻨﻪ ﻳﺬﻛﺮ ﺑﻮﻩ ﻭﻓﻀﺎﺿﺘﻪ ﻭﻗﺴﻮﺗﻪ ﻭﻫﻮ ﻳﻌﻠﻢ ﻓﻤﻌﺎﻭﻳﻪ ﺍﻟﺼﻼﺓ .. ﻛﺮﻫﻪ ﻓﻴﻬﺎ ﻣﻦ ﺍﻭﻝ ﻟﺤﻈﻪ .. ﺑﺲ ﺭﺟﻊ ﻭﺗﻨﺎﺳﻰ ﻭﺭﻛﺰ ﻉ ﺍﻟﻠﺤﻈﻪ ﺍﻟﻠﻲ ﻫﻮ ﻓﻴﻬﺎ .. ﺑﻌﺪ ﻛﻤﻞ ﺍﻟﺸﻴﺦ ..
ﺍﻟﺸﻴﺦ : ﻫﺎﻩ ﻳﺎﻭﻟﺪﻱ .. ﺟﺎﻫﺰ ..
ﻣﻌﺎﻭﻳﻪ ﺧﺪﻱ ﻧﻔﺲ : ﺟﺎﻫﺰ ..
ﺍﻟﺸﻴﺦ : ﻳﻌﻨﻲ ﺣﻔﻈﺖ ﻛﻞ ﺷﻲ ﻓﺮﺍﺳﻚ ..
ﻣﻌﺎﻭﻳﻪ : ﺍﺫﻛﺮﺕ ﺍﺷﻴﺎﺀ ﻭﺣﻔﻈﺖ ﺣﺎﺟﺎﺕ ﺗﺎﻧﻴﻪ ..
ﺍﻟﺸﻴﺦ ﺍﺑﺘﺴﻢ : ﻛﻮﻳﺲ ﺗﻮﺍ ﻧﺨﻠﻴﻚ ﻣﻌﺎﻩ ... ﺃﻭﻝ ﻟﻘﺎﺀ ﺑﻌﺪ ﺍﺭﺑﻌﻴﻦ ﺳﻨﻪ ..
ﻣﻌﺎﻭﻳﻪ ﺍﺑﺘﺴﻢ ..
ﻣﺸﻲ ﺍﻟﺸﻴﺦ .. ﻭﻣﻌﺎﻭﻳﻪ ﻭﻗﻒ .. ﻛﺎﻥ ﻳﺴﺘﻌﺪ ﻏﻤﺾ ﻋﻴﻮﻧﻪ ﺍﺳﺘﺸﻌﺮ ﺃﻧﻪ ﻓﻲ ﺍﻟﺤﻀﺮﺓ ﺍﻹﻟﻬﻴﻪ .. ﺣﻀﺮﺕ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻲ .. ﻓﺘﺢ ﻋﻴﻮﻧﻪ .. ﺭﻓﻊ ﺍﻳﺪﻳﻪ ﻓﻮﻕ ﻭﻗﺎﻝ ..
" ﺍﻟﻠﻪ ﺃﻛﺒﺮ .."
ﺿﻢ ﺍﻳﺪﻳﻪ ﻟﺼﺪﺭﻩ ﻭﺩﻣﻮﻋﻪ ﻃﺎﺣﻮﺍ .. ﻗﻌﺪ ﻳﻘﺮﺍ ﻓﻲ ﺍﻟﻔﺎﺗﺤﻪ ﺑﻨﺒﺮﺓ ﺑﺎﻛﻴﻪ .. ﺷﻌﻮﺭ ﺑﺎﻟﻨﺪﻡ ﺑﺎﻟﺤﻴﺎﺀ ﺑﺎﻟﺨﻮﻑ .. ﻛﺎﻥ ﻳﻌﺘﺬﺭ ﺑﺪﻣﻮﻋﻪ .. ﺩﻣﻮﻉ ﺍﻟﺘﺎﻳﺐ ﺍﻟﻠﻲ ﻋﻨﺪ ﺭﺑﻲ ﻏﺎﻟﻴﻪ .. ﻭﻳﺎﺭﻳﺖ ﻳﻌﺮﻑ ﻣﻌﺎﻭﻳﻪ ﺑﻔﺮﺣﺔ ﺭﺑﻪ ﺑﺮﺟﻮﻋﻪ ﻟﻴﻪ ..
ﻛﺎﻥ ﺍﻟﺸﻴﺦ ﻳﺴﻤﻊ ﻭﺩﻣﻮﻋﻪ ﺗﻨﺰﻝ ... ﻭﻳﻘﻮﻝ : ﻳﺎﺣﻈﻪ ﻛﺴﺐ ﺣﺐ ﺍﻟﻠﻪ ﻓﻬﺎﻟﻠﺤﻈﻪ ﻭﻫﻮ ﻋﺎﺭﻑ " ﺇﻥ ﺍﻟﻠﻪ ﻳﺤﺐ ﺍﻟﺘﻮﺍﺑﻴﻦ ..."
ﻣﻌﺎﻭﻳﻪ ﺻﻠﻰ ﺑﺲ ﻟﻜﻦ ﻣﺪﻋﺎﺵ .. ﻣﺎﻗﺪﺭﺵ ﻳﻌﺒﺮ ﻏﻴﺮ ﺑﺎﻟﺪﻣﻮﻉ ﻭﺑﺲ ... ﻛﻤﻞ ﺍﻟﺼﻼﺓ .. ﻭﻣﺎﻛﺎﻧﺶ ﻣﺘﻤﻨﻴﻬﺎ ﺍﺗﻢ ...
ﺗﻠﻔﺖ ﻳﺪﻭﺭ ﻓﻲ ﺍﻟﺸﻴﺦ ﺷﻴﺦ ﺍﺑﺘﺴﻢ ﻭﻧﺎﺽ ﻗﺪﻣﻠﻪ ﻭﻗﻌﻤﺰ ﺟﻨﺒﻪ ..
ﺍﻟﺸﻴﺦ : ﻫﺎﻩ ﻛﻴﻒ ﻛﺎﻥ ﺍﻭﻝ ﻟﻘﺎﺀ ..
ﻣﻌﺎﻭﻳﻪ ﺍﺑﺘﺴﻢ : ﺍﻟﺤﻤﺪ ﻟﻠﻪ ..
ﺍﻟﺸﻴﺦ : ﻛﻠﻤﺔ ﺗﻐﻨﻲ ﻋﻦ ﻛﻞ ﺍﻟﻜﻼﻡ ..
ﻣﻌﺎﻭﻳﻪ : ﺍﻧﻲ ... ﻏﻠﻄﺖ ﻫﻠﺒﻪ .. ﻭﺑﻌﺪﺕ ﻫﻠﺒﻪ ... ﻭﺣﺘﻰ ﻋﺎﺩﻳﺘﻪ ﺑﺲ ﺑﺪﻭﻥ ﻗﺼﺪ .. ﺑﺲ ﺍﻟﻠﻲ ﻣﺶ ﻓﺎﻫﻤﻪ ﻫﻮ ﻋﻼﺵ ﻛﺎﻥ ﻳﻌﻄﻲ ﻓﻴﺎ ﻫﻠﺒﻪ ﻭﻣﺎﻓﻴﺶ ﺣﺎﺟﻪ ﻧﺨﺶ ﻓﻴﻬﺎ ﺇﻻ ﻭﻧﻨﺠﺢ ﻭﻧﺘﻮﻓﻖ .. ﻭﻓﻮﻕ ﻫﻜﻲ .. ﻋﻄﺎﻧﻲ ﺑﻨﺖ ﻛﻮﻳﺴﻪ .. ﺑﺮﻏﻢ ﺍﻧﻲ ﻣﺎﻛﻨﺘﺶ ﺑﺎﺭ ﺑﺒﻮﻱ ﻭﺍﻣﻲ ..
ﻣﺎﻓﻬﻤﺘﺶ ..
ﺍﻟﺸﻴﺦ : ﺷﻮﻑ ﻳﺎﻭﻟﺪﻱ ﺍﻟﺒﻨﻲ ﺁﺩﻡ ﺍﻟﻠﻲ ﺯﻱ ﺣﺎﻟﺘﻚ ﺗﻮﺍ ﻳﻌﻄﻴﻪ ﺭﺑﻲ ﻭﻳﻔﺘﺢ ﻋﻠﻴﻪ ﻣﻦ ﻛﻞ ﺷﻲ .. ﻷﺣﺪ ﺍﻟﺴﺒﺒﻴﻦ .. ﺃﻣﺎ ﻷﻧﻪ ﻳﺒﻴﻚ ﺗﻨﻌﻤﻰ ﺑﺎﻟﺪﻧﻴﺎ ﺍﻛﺜﺮ ﻭﺍﻛﺜﺮ ﻭﺗﻐﺮﻕ ﻓﻴﻬﺎ ﻭﺍﻧﻜﺘﺐ ﻋﻠﻴﻚ ﻭﻗﺘﻬﺎ .. ﺍﻥ ﺗﻜﻮﻥ ﻣﻦ ﺍﻫﻞ ﺍﻟﻨﺎﺭ ﻭﻣﻤﻜﻦ ﻣﻦ ﺍﻟﻤﺨﻠﺪﻳﻦ ﻓﻴﻬﺎ .. ﺍﻭ ﻷﻥ ﻳﺒﻲ ﻳﺬﻛﺮﻙ ﺑﻴﻪ ﻳﻮﻡ ﻣﻦ ﺍﻷﻳﺎﻡ ﺑﺶ ﻟﻤﺎ ﺗﺠﻲ ﻟﺤﻈﻪ ﺯﻱ ﺍﻟﻠﻲ ﺍﻧﺖ ﻓﻴﻬﺎ ﺗﻮﺍ ﺗﺴﺄﻝ ﻫﺎﻟﺴﺆﺍﻝ ﻭﺗﻌﺮﻑ ﺍﻥ ﺭﺑﻚ ﻓﺎﺗﺤﻠﻚ ﺑﺎﺑﻪ ﻭﻣﺎﺳﻜﺮﺍﺵ ﻋﻠﻴﻚ ﻓﻮﻻ ﻣﺮﺓ ..
ﻣﻌﺎﻭﻳﻪ : ﺑﺎﻫﻲ ﻋﻼﺵ ﺻﻜﺮﻩ ﻉ ﻏﻴﺮﻱ ﻭﻓﺘﺤﻬﻮﻟﻲ ..
ﺍﻟﺸﻴﺦ : ﻹﻥ ﻋﺎﻟﻢ ﺑﻴﻚ ﻭﻋﺎﺭﻑ ﺍﻥ ﻓﻴﻚ ﺧﻴﺮ ﻣﺪﻓﻮﻥ .. ﻭﺍﻧﻚ ﻣﻤﻜﻦ ﺗﻜﻮﻥ ﺍﻧﻈﻠﻤﺖ ﻓﻲ ﺣﻴﺎﺗﻚ ﻭﻫﻮ ﺍﺭﺍﺩ ﺍﻧﺼﺎﻓﻚ ..
ﻣﻌﺎﻭﻳﻪ ﻳﻔﻜﺮ ﻓﻲ ﻛﻼﻣﻪ ﻛﻮﻳﺲ ..
ﺍﻟﺸﻴﺦ : ﺑﺎﻟﻌﻤﻮﻡ ﺭﺑﻚ ﻣﺎﻳﺼﻜﺮﺵ ﺑﺎﺑﻪ ﻓﻲ ﻭﺟﻪ ﺣﺪ ﺍﻭ ﻟﻮ ﻫﺎﻟﺤﺪ ﻫﻮ ﺍﻟﻠﻲ ﻳﺒﻲ ﻟﻬﺎﻟﺒﺎﺏ ﺍﻧﻪ ﻳﺘﺼﻜﺮ ..
ﻣﻌﺎﻭﻳﻪ : ﺑﺲ ﺍﻧﻲ ﻏﻠﻄﺖ ﻫﻠﺒﻪ ﻫﻠﺒﻪ ..
ﺍﻟﺸﻴﺦ : ﻟﻮﺑﻠﻐﺖ ﺫﻧﻮﺑﻚ ﻋﻨﺎﻥ ﺍﻟﺴﻤﺎﺀ ﻭﺍﺳﺘﻐﻔﺮﺗﻪ ﻣﻦ ﻗﻠﺒﻚ ﻏﻔﺮ ﻟﻚ ﻭﻻﻳﺒﺎﻟﻲ .. ﻻﻧﻪ ﻏﻔﻮﺭ ﻭﻻﻧﻪ ﻛﺒﻴﺮ ﻭﻋﻔﻮﻩ ﻋﻈﻴﻢ ﺍﻋﻈﻢ ﻣﻦ ﻛﻞ ﺫﻧﻮﺑﻨﺎ ﻣﺠﺘﻤﻌﻪ .. ﺑﺲ ﻏﻔﺮﺍﻧﻪ ﻫﺬﺍ ﻣﺎﻳﻌﻨﻴﺶ ﺍﻧﻪ ﺣﻨﻲ ﻧﻐﻠﻄﻮﺍ ﻭﺣﻨﻲ ﻋﺎﺭﻓﻴﻦ ﺍﻧﻪ ﻏﻠﻂ ﻭﻧﻘﻮﻟﻮﺍ ﻋﺎﺩﻱ " ﺇﻥ ﺍﻟﻠﻪ ﻏﻔﻮﺭ ﺭﺣﻴﻢ "
ﺭﺑﻚ ﻳﻐﻔﺮ ﺑﺲ ﻟﻠﻲ ﻟﻮ ﻏﻠﻂ ﻳﻨﺪﻡ ﻉ ﻏﻠﻄﻪ ﻭﻳﺠﺎﻫﺪ ﻧﻔﺴﻪ ﺍﻧﻪ ﻣﺎﻳﻜﺮﺭﺍﺵ .. ﻭﻟﻮﺭﺝﻉ ﻏﻠﻂ ﻓﺮﺑﻲ ﻳﻐﻔﺮﻟﻪ ﻻﻧﻪ ﺿﻌﻒ ..
ﻣﻌﺎﻭﻳﻪ ﻫﺰ ﺭﺍﺳﻪ ﺑﺈﻳﺠﺎﺏ ..
ﺍﻟﺸﻴﺦ : ﺗﻌﺮﻑ ﻋﻠﻴﻪ ﺑﺶ ﺗﻌﺮﻑ ﻛﻴﻒ ﺗﻌﺒﺪﻩ ﺻﺢ ..
ﻣﻌﺎﻭﻳﻪ : ﻛﻴﻒ ...
ﺍﻟﺸﻴﺦ : ﻣﺶ ﺣﻨﻘﻮﻟﻚ ﺍﺑﺪﺍ ﺑﺎﻟﻘﺮﺁﻥ ... ﺑﺲ ﺣﻨﻘﻮﻟﻚ ﻉ ﺍﺳﻢ ﺷﺨﺺ ﺩﻭﺭ ﻋﻠﻴﻪ ﻓﻲ ﺍﻟﻨﺖ .. ﺍﺑﺘﺴﻢ .. ﻫﻮ ﺍﻟﻠﻲ ﺣﻴﻌﺮﻓﻚ ﺑﻴﻪ ..
ﻣﻌﺎﻭﻳﻪ : ﻣﻦ ﻫﻮ ..
ﺍﻟﺸﻴﺦ : ﻭﺍﺣﺪ ﺍﺳﻤﻪ ﻓﺎﺿﻞ ﺳﻠﻴﻤﺎﻥ .. ﻣﺼﺮﻱ .. ﻉ ﻓﻜﺮﻩ ﻫﻮ ﻣﻬﻨﺪﺱ ﻓﻲ ﺍﻷﺳﺎﺱ .. ﺑﺲ ﻗﺎﺭﻱ ﻓﻲ ﻛﻞ ﺍﻷﺩﻳﺎﻥ ﻭﻋﻨﺪﻩ ﺍﻟﻠﻲ ﻳﻔﻴﺪﻙ ..
ﻣﻌﺎﻭﻳﻪ ﻟﻤﺎ ﺳﻤﻊ ﻛﻠﻤﺔ ﻣﻬﻨﺪﺱ ﺍﺑﺘﺴﻢ ﺑﻌﺪﻳﻦ ﻧﺎﺽ .. ﻭﺍﻟﺸﻴﺦ ﻧﺎﺽ ﻣﻌﺎﻩ ...
ﻣﻌﺎﻭﻳﻪ ﻣﺪ ﻳﺪﻩ : ﺑﺎﺭﻙ ﺍﻟﻠﻪ ﻓﻴﻚ ﻳﺎ ﺷﻴﺦ ....
ﺍﻟﺸﻴﺦ ﺻﺎﻓﺤﻪ : ﻳﻮﻧﺲ ..
ﻣﻌﺎﻭﻳﻪ ﺍﺑﺘﺴﻢ : ﻳﺎﺷﻴﺦ ﻳﻮﻧﺲ ..
ﺍﻟﺸﻴﺦ : ﻭﻓﻴﻚ ﺑﺎﺭﻙ ﺍﻟﻠﻪ ﻳﺎﻭﻟﺪﻱ ... ﻭﻣﺒﺎﺭﻙ ﻋﻠﻴﻚ ﺍﻟﻌﻮﺩﺓ ..
ﺍﺑﺘﺴﻢ ﻣﻌﺎﻭﻳﻪ ﻭﻫﺰ ﺭﺍﺳﻪ ﺑﺈﻳﺠﺎﺏ ﻭﻃﻠﻊ ..
ﻭﺍﻟﺸﻴﺦ ﻳﺸﺒﺤﻠﻪ ﻭﻗﺎﻝ : ﺍﻟﺤﻤﺪ ﻟﻠﻪ ... ﻳﺎﺭﺏ ﺛﺒﺘﻪ ...
ﻃﻠﻊ ﻣﻌﺎﻭﻳﻪ ﻭﻫﻮ ﻣﺶ ﻧﻔﺴﻪ ﺍﻟﺸﺨﺺ ﺍﻟﻠﻲ ﻛﺎﻥ ﻗﺒﻞ ﻟﻴﺨﺶ ﻟﻠﺠﺎﻣﻊ .. ﺭﻛﺐ ﺳﻴﺎﺭﺗﻪ ﻭﺍﻹﺑﺘﺴﺎﻣﻪ ﻣﺎﻓﺎﺭﻗﺘﺶ ﻭﺟﻬﻪ ﻭﺗﻮﺟﻪ ﻟﻠﻘﺼﺮ ..
ﻭﺍﻟﻠﻪ ﺍﺣﺴﻦ ﻣﺎﺩﺭﺗﻲ ..
ﻣﻬﺎ : ﻣﺎﻃﻠﻌﻨﺎﺵ ﻗﺒﻞ ﻭﻗﻌﻤﺰﻧﺎ ﻫﻨﻲ ..
ﺣﻨﺎﻥ : ﺭﺑﻲ ﻳﺴﺎﻣﺤﻜﻢ .. ﻣﻜﺎﻥ ﺯﻱ ﻫﺬﺍ ﻳﺸﺮﺡ ﺍﻟﺼﺪﺭ ﻣﺨﻠﻴﻴﻨﻪ !!
ﺿﺤﻜﻮﺍ ﺍﻟﺒﻨﺎﺕ ..
ﺭﻫﻒ : ﻭﻳﻦ ﻟﺒﻨﻰ ..
ﺣﻨﺎﻥ : ﺗﻠﺒﺲ ﻓﻲ ﻣﺤﻤﺪ ﺩﺍﺧﻞ .. ﻭﺧﺸﺖ
...
ﺧﺶ ﻣﻌﺎﻭﻳﻪ ﻣﻦ ﺑﻮﺍﺑﻪ ﺍﻟﻘﺼﺮ ﻭﻛﺎﻧﻮﺍ ﻣﺴﺘﻐﺮﺑﻴﻦ ﻓﻴﻪ ﻛﻴﻒ ﻫﻮ ﺍﻟﻠﻲ ﻛﺎﻥ ﻳﺴﻮﻕ .. ﻻﻧﻪ ﻣﻦ ﺑﻌﺪ ﺍﻟﺤﺎﺩﺙ ﻣﻌﺎﺵ ﺳﺎﻕ ﺍﻟﺴﻴﺎﺭﺓ ..
ﻧﺰﻝ ﻣﻦ ﺍﻟﺴﻴﺎﺭﺓ .. ﻭﺭﻛﺐ ﺍﻟﺪﺭﻭﺝ ﻭﺧﺶ ... ﻭﺍﻟﻠﻲ ﻳﺸﻮﻓﻪ ﻣﻦ ﺍﻟﺨﺪﻡ ﺍﻭ ﺍﻟﺤﺮﺍﺱ ﻳﺼﺒﺢ ﻋﻠﻴﻪ ﻭﻣﻌﺎﻭﻳﻪ ﻳﺮﺩ ... ﺭﻛﺐ ﻓﻮﻕ ﻳﺒﻲ ﻳﺸﻮﻑ ﻣﻬﺎ .. ﻫﻮ ﻓﻲ ﺍﻟﺤﻘﻴﻘﻪ ﻣﺶ ﻣﻬﺎ ﺑﺲ ... ﺑﺲ ﻣﺎﻟﻘﻲ ﺣﺪ ﻓﻮﻕ .. ﺍﺳﺘﻐﺮﺏ ﻧﺰﻝ ﻟﻮﻃﺎ ﻭﻫﻮ ﻣﺎﺷﻲ .. ﺍﻧﺨﺒﻄﺖ ﺭﺟﻠﻪ ﺧﺒﻄﻪ ﻗﻮﻳﻪ ﺑﺤﺎﺟﻪ ..
ﺷﺒﺢ ﻟﻮﻃﺎ ﻟﻘﻲ ﺣﻤﻮﺩﻱ ﻓﻲ ﺍﻟﺠﺮﺍﻱ ﻳﺸﺒﺤﻠﻪ ..
ﻟﺒﻨﻰ ﻛﺎﻧﺖ ﺗﺠﺮﻱ ﻭﺭﺍﻩ ﻭﺗﺤﺸﻤﺖ ﻟﻤﺎ ﺷﺎﻓﺖ ﺍﻟﻠﻘﻄﻪ ..
ﻟﺒﻨﻰ ﺑﺈﺣﺮﺍﺝ : ﺻﺒﺎﺡ ﺍﻟﺨﻴﺮ ..
ﻣﻌﺎﻭﻳﻪ ﺍﺑﺘﺴﻢ : ﺻﺒﺎﺡ ﺍﻟﻨﻮﺭ ..
ﻉ ﺟﻴﺔ ﺣﻨﺎﻥ ﻭﺭﺍﻫﺎ ﻭﻓﻴﺪﻫﺎ ﺑﺎﻗﺔ ﺍﻟﺘﻮﻟﻴﺐ ﺍﻟﻠﻲ ﻭﺻﻠﺖ ﻣﻦ ﺑﻜﺮﻱ ..
ﺣﻨﺎﻥ ﻟﻤﺎ ﺷﺎﻓﺎﺗﻪ ﺍﺑﺘﺴﻤﺖ : ﺻﺒﺎﺡ ﺍﻟﺨﻴﺮ ..
ﻣﻌﺎﻭﻳﻪ ﻭﻫﻮ ﻳﺸﻮﻓﻠﻬﺎ ﻭﺍﻟﻮﺭﺩ ﻓﻴﺪﻫﺎ " ﻳﺎﻋﻠﻴﻚ ﺻﺒﺎﺡ ﻳﺎﻣﻌﺎﻭﻳﻪ ﺍﺣﻠﻰ ﺻﺒﺢ ﻓﻲ ﺣﻴﺎﺗﻚ ﻛﻠﻬﺎ :" ﺻﺒﺎﺡ ﺍﻟﻮﺭﺩ
ﻟﺒﻨﻲ ﺷﺪﺕ ﺿﺤﻜﺘﻬﺎ ﻭﺣﻨﺎﻥ ﺍﻧﺤﺮﺟﺖ .. ﺍﻣﺎ ﻫﻮ ﺍﺳﺘﺎﻗﺾ ﻟﺮﻭﺣﻪ ﻭﻭﺟﻬﻪ ﻭﻻ ﺍﺣﻤﺮ ..
ﺣﻨﺎﻥ : ﺍﺣﻤﻢ .. ﻫﻴﺎ ﻟﺒﻨﻰ ﺧﻮﺩﻳﻪ ﻃﻠﻌﻴﻪ ..
ﻟﺒﻨﻰ : ﺣﺎﺿﺮ .. ﺍﺑﺘﺴﻤﺖ ﻟﻤﻌﺎﻭﻳﻪ ﻭﺧﺪﺕ ﻣﺤﻤﺪ ﺑﺎﻟﺠﺮﺍﻱ ﻭﻃﻠﻌﺎﺗﻪ .. ﺣﻨﺎﻥ ﻛﺎﻥ ﺗﺸﺒﺤﻠﻬﺎ ﻭﻫﻮ ﻛﺎﻥ ﻳﺸﺒﺢ ﻟﺤﻨﺎﻥ ..
ﻏﻴﺮﺕ ﻋﻴﻮﻧﻬﺎ ﺟﺖ ﻓﻌﻴﻮﻧﻪ ﻭﻗﻌﺪﺕ ﺗﺸﺒﺤﻠﻬﻢ ﻭﺧﻼﺹ .. ﻭﻫﻮ ﻫﺎﻳﻢ .. ﺍﻣﺎ ﻫﻲ ﻓﺤﺴﺖ ﺭﻭﺣﻬﺎ ﻣﺶ ﻗﺎﺩﺭﺓ ﺗﺤﻮﻝ ﻋﻴﻮﻧﻬﺎ .. ﺑﺲ ﻓﻴﺴﻊ ﻣﺎﺍﺳﺘﺎﻗﻀﺖ ﻟﻨﻔﺴﻬﺎ ﻭﺟﻬﻬﺎ ﺍﻛﺘﺴﻲ ﺑﺎﻟﻠﻮﻥ ﺍﻷﺣﻤﺮ ﺍﻟﻠﻲ ﻳﺸﺒﻪ ﻟﻮﻥ ﺍﻟﺘﻮﻟﻴﺐ ﺍﻟﻠﻲ ﺷﺪﺍﺗﻪ ..
ﻗﺪﻣﺘﻠﻪ : ﻛﻴﻒ ﺣﺎﻟﻚ ﺍﻟﻴﻮﻡ ..
ﻣﻌﺎﻭﻳﻪ ﺍﺑﺘﺴﻢ : ﺍﻟﺤﻤﺪ ﻟﻠﻪ ..
ﺣﻨﺎﻥ : ﺍﻟﺤﻤﺪ ﻟﻠﻪ ..
ﻣﻌﺎﻭﻳﻪ : ﻭﻣﻬﺎ؟
ﺣﻨﺎﻥ ﺍﺑﺘﺴﻤﺖ : ﺍﻃﻤﻦ ﻛﻮﻳﺴﻪ ﺍﻟﺤﻤﺪ ﻟﻠﻪ ..
ﻣﻌﺎﻭﻳﻪ : ﺍﻟﺤﻤﺪ ﻟﻠﻪ ..
ﻗﻌﺪﻭﺍ ﺳﺎﻛﺘﻴﻦ ﻳﺸﻮﻓﻮﺍ ﻟﺒﻌﺾ .. ﻫﻲ ﺗﻨﺤﻨﺤﺖ ..
ﺣﻨﺎﻥ : ﺍﺣﻤﻢ .. ﺗﻌﺎﻟﻰ ﺍﻓﻄﺮ .. ﺍﻟﻔﻄﻮﺭ ﺑﺮﺍ ﺍﻟﻴﻮﻡ ..
ﻣﻌﺎﻭﻳﻪ ﺗﻔﺎﺟﺄ : ﺍﻫﺎ .. ﺧﻞ ﻧﺮﻛﺐ ﻗﺒﻞ ﻧﺪﻭﺵ ﻭﻧﻨﺰﻝ ..
ﺣﻨﺎﻥ ﺍﺣﻤﺮ ﻭﺟﻬﻬﺎ ﻣﺮﺓ ﺗﺎﻧﻴﻪ : ﺑﺎﻫﻲ ... ﻧﺘﺴﻨﻮﺍ ﻓﻴﻚ .. ﻣﺸﺖ ﻭﻫﻮ ﻳﺸﻮﻓﻠﻬﺎ ﻭﻣﺒﺘﺴﻢ ﻭﻳﻘﻮﻝ ﻓﻲ ﻧﻔﺴﻪ " ﻛﺎﻥ ﻗﻌﺪﺕ ﺷﻮﻳﻪ ﺗﺎﻧﻴﻪ ﺭﻩ ﺣﻀﻨﺘﻬﺎ " ﺿﺤﻚ .. ﻭﻟﺤﻘﻬﺎ ﻭﻗﻒ ﻉ ﺍﻟﻤﺮﺵ ﻳﺸﻮﻑ ﻓﻴﻬﻢ ..
ﻛﻴﻒ ﻣﻘﻌﻤﺰﻳﻦ ﻭﻳﻬﺪﺭﺯﻭﺍ ﻭﻣﻬﺎ ﺟﻮﻫﺎ ﺣﻠﻮ ﻭﺗﻀﺤﻚ .. ﻋﻴﻮﻧﻪ ﺟﻮ ﻉ ﻣﺤﻤﺪ ﻳﺠﺮﻱ ﺑﺎﻟﺠﺮﺍﻱ ﻭﻟﺒﻨﻰ ﻓﺠﺮﺗﻪ ﺿﺤﻚ .. ﺑﻌﺪﻳﻦ ﺷﺒﺢ ﻟﺤﻨﺎﻥ ﺗﻜﻠﻢ ﻓﻴﻬﺎ ﻭﺗﻀﺤﻚ ﻭﺑﻌﺪﻫﺎ ﺍﻟﺘﻔﺘﺖ ﻟﻠﻔﺎﺯﺍ ﺍﻟﻠﻲ ﻉ ﺍﻟﻄﺎﻭﻟﻪ ﻭﺑﺪﺕ ﺗﺤﻂ ﻓﻴﻬﺎ ﻓﻲ ﺍﻟﺘﻮﻟﻴﺐ .. ﺷﻜﻠﻬﺎ ﻛﺎﻥ ﻣﻠﻔﺖ ﻛﺎﻧﺖ ﺗﻬﺒﻞ ﻣﺒﻬﺮﺓ ﻟﻠﻌﻴﻦ ﻭﺍﻟﻮﺭﺩ ﻓﻴﺪﻫﺎ ﻭﺗﺤﻂ ﻓﻴﻪ ﻓﻲ ﺍﻟﻔﺎﺯﺍ ﻭﻫﻮ ﻗﻠﺐ ﺑﻴﻔﺮ ﻓﺮﺍﻥ ... ﻳﺬﻛﺮ ﻓﻲ ﻧﻈﺮﺍﺕ ﻋﻴﻮﻧﻬﺎ ﻟﻤﺎ ﺗﺠﻲ ﻓﻌﻴﻨﻪ ﺣﺲ ﺑﺄﻥ ﺍﻟﻨﻈﺮﻩ ﻓﻴﻬﺎ ﺷﻲ ﻏﺮﻳﺐ ﻣﺶ ﺯﻱ ﻗﺒﻞ ...
ﻗﺎﻋﺪ ﻳﺘﺄﻣﻞ ﻓﻴﻬﺎ . ﻭﻳﺤﻤﺪ ﻓﻲ ﺭﺑﻲ ﺍﻧﻪ ﻃﻠﻊ ﻫﺎﻹﻧﺴﺎﻧﻪ ﻓﻲ ﻃﺮﻳﻘﻪ " ﺷﻜﻠﻪ ﺭﺑﻲ ﻳﺤﺒﻨﻲ ﻫﻠﺒﻪ ﺍﻟﻠﻲ ﻃﻠﻌﻚ ﻓﺤﻴﺎﺗﻲ ... ﻣﻦ ﺑﻌﺪ ﻣﺎﺧﺸﻴﺘﻲ ﻓﻴﻬﺎ ﻛﻞ ﺷﻲ ﻭﻻﻓﻴﻪ ﺭﻭﺡ ﻭﻋﺮﻓﺖ ﻓﻌﻼ ﺷﻦ ﻫﻲ ﺍﻟﺴﻌﺎﺩﻩ "
ﻓﻴﻚ ﻋﻴﻮﻥ ﻗﺎﻟﻠﻲ ﺗﻌﺎﻟﻰ
ﻭﺃﻧﺎ ﺑﺸﻮﻕ ﺩﺍﻳﺐ ﻣﻦ ﺳﻨﻴﻦ ..
ﺣﺎﻟﺔ ﺣﺐ ﺭﺳﻤﻬﺎ ﺧﻴﺎﻟﻪ ..
ﺟﻴﺘﻲ ﺣﻠﻢ ﻟﻠﻘﻠﺐ ﺍﻟﺤﺰﻳﻦ ..
ﺻﺪﻓﺔ ﻋﻤﺮ ﻣﺎﻛﻨﺘﻲ ﻓﺒﺎﻟﻪ
ﺑﻴﻚ ﻳﻄﻴﺐ ﻫﺎﻟﺠﺮﺡ ﺍﻟﺪﻓﻴﻦ ..
ﻗﺒﻠﻚ ﻟﻮ ﺗﺪﺭﻱ ﺣﻮﺍﻟﻪ
ﻃﻴﻔﻪ ﻳﻤﺮ ﺑﻴﻦ ﺍﻟﺤﺎﺿﺮﻳﻦ ..
ﻭﻧﻨﺸﺪ ﻓﻴﻚ ﻳﺎﺷﺒﻪ ﺍﻟﻐﺰﺍﻟﻪ
ﺯﻭﻟﻚ ﻭﻳﻦ ﻏﺎﻳﺐ ﻣﻦ ﺳﻨﻴﻦ ..
ﻓﻲ ﻣﻠﻘﺎﻙ ﺟﺪﺩﻫﻦ ﺃﻣﺎﻟﻪ
ﻭﺟﻬﻚ ﺧﻴﺮ ﻳﺎﺿﺎﻭﻱ ﺍﻟﺠﺒﻴﻦ ..
ﺩﻭﺵ ﻭﻟﺒﺲ ﻛﺎﺟﻮﻝ ﻫﺎﻟﻤﺮﺓ .. ﻭﻛﺎﻥ ﺍﺧﺮ ﺃﻧﺎﻗﻪ .. ﺑﺦ ﺑﺮﻓﺎﻧﻪ .. ﻭﻃﻠﻊ ﻣﻦ ﺍﻟﺪﺍﺭ ﻭﻧﺰﻝ .. ﻭﺗﻮﺟﻪ ﻟﻠﺨﺎﺭﺝ ..
ﻟﺒﻨﻰ : ﺍﻫﻮ ﻋﻤﻲ ﻣﻌﺎﻭﻳﻪ ..
ﺷﺒﺤﻮﻟﻪ ﻭﺣﻨﺎﻥ ﻣﺎﺩﺍﻣﺘﺶ ﺍﻟﻨﻈﺮ ﻓﻴﺴﻊ ﺣﻮﻟﺖ ﻋﻴﻮﻧﻬﺎ ﻟﺤﻤﻮﺩﻱ ﺗﻮﻛﻞ .. ﻋﻴﻮﻧﻬﺎ ﺑﺪﻭﺍ ﻳﺨﻮﻧﻮﺍ ﻓﻴﻬﺎ ﻭﻫﻲ ﻣﺎﺗﺒﻴﺶ ﺗﻜﻮﻥ ﺧﻮﺍﻧﻪ ﻟﺮﺑﻲ ﺛﻢ ﺍﻟﺮﺍﺟﻞ ﺍﻟﻠﻲ ﻣﺎﺯﺍﻟﺖ ﻉ ﺫﻣﺘﻪ .. ﻭﻫﻮ ﻻﺣﻈﻬﺎ ..
ﻗﺪﻡ ﻭﻗﻌﻤﺰ ﻭﻗﺎﻝ : ﺻﺒﺎﺡ ﺍﻟﺨﻴﺮ ..
ﺭﺩﻭﺍ ﻋﻠﻴﻪ ... ﺑﺲ ﻣﻬﺎ ﺭﺩﺕ ﺑﺎﻟﺴﻴﻒ ﻭﻣﺎﺗﺒﻴﺶ ﺗﺸﺒﺤﻠﻪ ﻭﻫﻮ ﺍﺿﺎﻳﻖ ..
ﺟﺘﻬﻢ ﺍﻟﺨﺪﺍﻣﻪ : ﺷﻦ ﺗﺒﻲ ﻧﺤﻄﻠﻚ ﺳﻴﺪﻱ ..
ﺣﻨﺎﻥ ﺷﺒﺤﺘﻠﻬﺎ ﻭﺷﺒﺤﺘﻠﻪ ..
ﻫﻮ ﺍﻧﺤﺮﺝ : ﺷﻜﺮﺍ ﺗﻮ ﻧﺎﺧﺪ ﺑﺮﻭﺣﻲ ..
ﺍﻟﺨﺪﺍﻣﻪ ﺣﻴﺎﺗﻪ ﻭﻣﺸﺖ ..
ﻭﺣﻨﺎﻥ ﺍﺑﺘﺴﻤﺖ ﻭﻫﻲ ﺗﻮﻛﻞ ﻓﻲ ﻣﺤﻤﺪ ..
ﻫﻤﺎ ﺑﺪﻭﺍ ﻳﺎﻛﻠﻮﺍ ﺑﺼﻤﺖ ﻭﻫﻮ ﻣﺮﺓ ﻣﺮﺓ ﻳﺸﻮﻑ ﻟﻤﻬﺎ ﺍﻟﻠﻲ ﻛﺎﻧﺖ ﻗﺎﻟﺒﻪ ﻭﺟﻬﻬﺎ ...
ﻟﺒﻨﻰ ﻓﻲ ﻓﻤﻬﺎ ﻛﻼﻡ ﻭﺗﺒﻲ ﺗﻘﻮﻟﻪ ﻭﺗﺸﺠﻌﺖ : ﺍﺣﻤﻢ .. ﻋﻤﻲ ﻣﻌﺎﻭﻳﻪ ..
ﻛﻠﻬﻢ ﺷﺒﺤﻮﻟﻬﺎ ..
ﻣﻌﺎﻭﻳﻪ : ﻧﻌﻢ ﺑﻨﺘﻲ ...
ﻟﺒﻨﻰ ﺍﺑﺘﺴﻤﺖ : ﻳﻨﻌﻢ ﻋﻠﻴﻚ .. ﺑﻨﻘﻮﻟﻚ .. ﺡﻧﻲ ﺗﻮﺍ ﻓﻲ ﺍﺟﺎﺯﺓ ﺍﻟﺼﻴﻒ .. ﻭﻣﺨﻄﻄﻴﻦ ﻧﺴﺎﻓﺮﻭﺍ ﻗﺒﻞ ﻳﺒﺪﺍ ﺭﻣﻀﺎﻥ ﻭﻣﻌﺎﻧﺎ ﻣﺎﻣﺎ ..
ﺷﺒﺢ ﻟﺤﻨﺎﻥ ...
ﻟﺒﻨﻰ : ﻳﻌﻨﻲ ﻟﻮ ﺗﺴﻤﺢ ﻟﻤﻬﺎ ﺗﻤﺸﻲ ﻣﻌﺎﻧﺎ ..
ﻣﻌﺎﻭﻳﻪ ﺷﺒﺢ ﻟﻤﻬﺎ ﻭﻫﻲ ﻛﺎﻧﺖ ﺳﺎﻛﺘﻪ ﻭﻣﺎﺗﺒﻴﺶ ﺗﺸﻮﻓﻠﻪ ﺑﻜﻞ ..
ﻣﻌﺎﻭﻳﻪ : ﻭﻳﻦ ؟
ﻟﺒﻨﻰ : ﺩﺑﻲ ..
ﻣﻌﺎﻭﻳﻪ ﻗﻌﺪ ﻳﻔﻜﺮ ﺑﻌﺪﻳﻦ ﻗﺎﻝ : ﺗﻤﺎﻡ .. ﻣﺎﻓﻴﺶ ﻣﺸﻜﻠﻪ ﻭﺷﺒﺢ ﻟﺒﻨﺘﻪ ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ..
ﻫﻮ ﺍﺑﺘﺴﻢ ...
ﻭﻭﻟﻮﺍ ﻳﺎﻛﻠﻮﺍ ﻣﻦ ﺟﺪﻳﺪ .. ﺑﺲ ﻫﺎﻟﻤﺮﺓ ﻣﻌﺎﻭﻳﻪ ﻛﺎﻥ ﻣﺮﻛﺰ ﻣﻊ ﺣﻨﺎﻥ ﺍﻟﻠﻲ ﻻﻫﻴﻪ ﺑﻤﺤﻤﺪ ﻭﺷﺒﻪ ﻣﺎﺗﺎﻛﻠﺶ ..
ﻣﻌﺎﻭﻳﻪ : ﻛﻮﻟﻲ ﺍﻧﺘﻲ .. ﻣﻦ ﺑﻜﺮﻱ ﻭﻫﻮ ﺑﺲ ﺍﻟﻠﻲ ﻳﺎﻛﻞ ..
ﺷﺒﺤﻮﻟﻪ ..
ﺣﻨﺎﻥ : ﻗﻮﻝ ﻣﺎﺷﺎﺀ ﺍﻟﻠﻪ ..
ﻣﻌﺎﻭﻳﻪ ﺑﻀﺤﻜﻪ : ﻳﺎﺳﺘﻲ ﻣﺎﺷﺎﺀ ﺍﻟﻠﻪ .. ﺑﺲ ﻛﻮﻟﻲ ..
ﺣﻨﺎﻥ ﺷﺒﺤﺖ ﻟﺒﻨﺎﺗﻬﺎ ﻭﺍﻧﺤﺮﺟﺖ : ﺇﻥ ﺷﺎﺀ ﺍﻟﻠﻪ ..
ﻫﻮ ﻗﻌﺪ ﻣﺒﺘﺴﻢ ﻭﻳﺸﻮﻓﻠﻬﺎ .. ﻧﺎﺳﻲ ﻭﺟﻮﺩ ﺑﻨﺎﺗﻬﺎ ﺗﻤﺎﻣﺎ .. ﻟﺒﻨﻰ ﺷﺒﺤﺖ ﻟﺮﻫﻒ ﻭﺭﻫﻒ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﻬﺎ ﺷﺎﻓﺘﻬﻢ ..
ﻓﺠﺄﺓ ﺭﻥ ﺗﻠﻴﻔﻮﻥ ﻭﺍﻟﺘﻠﻴﻔﻮﻥ ﻫﺬﺍ ﻛﺎﻥ ﻟﻠﺒﻨﻰ ..
ﺷﺎﻓﺖ ﺍﻟﻤﺘﺼﻞ ﻭﺟﻬﻬﺎ ﺍﻧﺨﻄﻒ ..
ﺣﻨﺎﻥ ﺑﺄﺳﺘﻐﺮﺍﺏ : ﻣﻨﻮ ..
ﻟﺒﻨﻰ ﺷﺒﺤﺘﻠﻬﺎ : ﺑﺎﺑﺎ ..
ﻣﻌﺎﻭﻳﻪ ﻭﻫﻮ ﻳﺎﻛﻞ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺑﺈﺳﺘﻴﺎﺀ ...
ﺣﻨﺎﻥ : ﻫﺎﺗﻲ ﺗﻠﻴﻔﻮﻧﻚ . ﺷﻜﻠﻪ ﺍﺗﺼﻞ ﺑﻴﺎ ﻭﺗﻠﻴﻔﻮﻧﻲ ﻧﺴﻴﺘﻪ ﻓﻮﻕ ..
ﻣﺪﺗﻠﻬﺎ ﻟﺒﻨﻰ ﺍﻟﺘﻠﻴﻔﻮﻥ ﻭﻫﻲ ﺧﺪﺍﺗﻪ ﻭﺭﺩﺕ ﻭﻣﻌﺎﻭﻳﻪ ﻳﺸﻮﻓﻠﻬﻢ ..
ﺣﻨﺎﻥ : ﺍﻟﺴﻼﻡ ﻋﻠﻴﻜﻢ
ﻧﻀﺎﻝ : ﻭﻋﻠﻴﻜﻢ ﺍﻟﺴﻼﻡ .. ﺧﻴﺮﻙ ﻣﺎﺗﺮﺩﻳﺶ ..
ﺣﻨﺎﻥ : ﻣﺶ ﺑﺤﺪﺍﻱ ..
ﻧﻀﺎﻝ : ﺑﺎﻩ ﻭﻳﻨﻜﻢ ﺍﻧﺘﻢ ﻣﻦ ﺑﻜﺮﻱ ﻭﺍﻧﻲ ﻧﺮﻥ ﻓﻲ ﺍﻟﺠﺮﺱ ﻭﻧﻄﻖ ..
ﺣﻨﺎﻥ ﺷﺒﺤﺘﻠﻬﻢ ﻭﻗﺎﻟﺖ : ﺣﻨﻲ ﺑﺮﺍ ﺍﻟﺤﻮﺵ ..
ﻧﻀﺎﻝ : ﻭﺍﺿﺢ .. ﻧﺒﻲ ﻧﻌﺮﻑ ﻭﻳﻨﻜﻢ ..
ﺣﻨﺎﻥ ﺷﺒﺤﺘﻠﻬﻢ ﻭﻣﻌﺎﺵ ﻋﺮﻓﺖ ﺷﻦ ﺗﻘﻮﻝ ..
ﻧﻀﺎﻝ : ﺍﻟﻮ .. ﺣﻨﺎﻥ ..
ﺣﻨﺎﻥ ﺗﺸﺠﻌﺖ : ﻓﻲ ﺣﻮﺵ ﺻﺎﺣﺒﺔ ﻟﺒﻨﻰ ..
ﻧﻀﺎﻝ ﺍﻧﺼﻌﻖ : ﻧﻌﻌﻌﻤﻢ ..
ﺣﻨﺎﻥ : ﺗﻮ ﻧﺤﻜﻴﻠﻚ ﻟﻤﺎﻧﺮﻭﺣﻮﺍ ..
ﻧﻀﺎﻝ : ﺣﻨﺎﻥ .. ﺷﻦ ﺑﺘﺤﻜﻴﻠﻲ ﺷﻦ ﺭﻓﻌﻚ ﻏﺎﺩﻱ ﺍﻧﺘﻲ .. ﻭﻛﻴﻒ ﻣﺎﺗﺎﺧﺪﻳﺶ ﺍﺫﻧﻲ ... ﻗﺎﻋﺪ ﻣﺎﻃﻠﻘﺘﺶ ﺭﻩ !!
ﺣﻨﺎﻥ ﻋﻄﺖ ﻣﺤﻤﺪ ﻟﺮﻫﻒ ﻭﻧﺎﺿﺖ .. ﻣﺸﺖ ﻭﻣﻌﺎﻭﻳﻪ ﻋﻴﻮﻧﻪ ﻣﻌﺎﻫﺎ ..
ﺣﻨﺎﻥ : ﺻﺎﺭﺕ ﻣﺸﻜﻠﻪ ... ﻭﻟﺠﺌﻮﻟﻲ ﻣﺎﻗﺪﺭﺗﺶ ﻧﺮﺩﻫﻢ
ﻧﻀﺎﻝ : ﻫﻬﻬﻬﻬﻬﻬﻬﻬﻪ .... ﺍﺍﺍﺍﺍﺥ ﻳﺎﺭﺑﻲ .. ﻋﺬﺭ ﻣﻘﻨﻊ ﻳﻌﻨﻲ !!
ﺣﻨﺎﻥ : ﻫﺬﺍ ﺍﻟﻠﻲ ﺻﺎﺭ ..
ﻧﻀﺎﻝ : ﻭﺷﻦ ﻫﻲ ﺍﻟﻤﺸﻜﻠﻪ ﺍﻟﻠﻲ ﻋﻨﺪﻫﻢ ﻣﻦ ﺻﺒﺎﺣﺎﺕ ﺭﺑﻲ ..
ﺣﻨﺎﻥ : ﺍﻣﺲ ﻣﺶ ﺍﻟﻴﻮﻡ ..
ﻧﻀﺎﻝ ﺑﺼﺪﻣﻪ : ﺗﺒﻲ ﺗﻘﻮﻟﻴﻠﻲ ﺍﻧﻜﻢ ﺑﺎﻳﺘﻴﻦ ﻏﺎﺩﻱ ..
ﺣﻨﺎﻥ ﺑﻠﻌﺖ ﺭﻳﻘﻬﺎ : ﺍﻳﻪ .
ﻧﻀﺎﻝ ﺑﺴﺨﺮﻳﻪ : ﻳﺎﻋﻴﻨﻲ ﻉ ﺍﻟﻤﻠﺘﺰﻣﻪ ﺍﻟﻤﺤﺘﺮﻣﻪ ﺍﻟﻠﻲ ﺑﺎﻳﺘﻪ ﻓﻲ ﺣﻮﺵ ﻓﻴﻪ ﺭﺍﺟﻞ ﻏﺮﻳﺐ ﻋﻨﻬﺎ .. ﻭﻓﻮﻗﻬﺎ ﻣﻦ ﻏﻴﺮ ﻋﻠﻢ ﺭﺍﺟﻠﻬﺎ ..
ﺣﻨﺎﻥ ﻋﺼﺒﺖ : ﺍﺣﺘﺮﻡ ﻧﻔﺴﻚ ﻭﺗﻜﻠﻢ ﺯﻳﻦ ..
ﻧﻀﺎﻝ : ﺍﻧﻲ ﺍﻟﻠﻲ ﻧﺤﺘﺮﻡ ﻧﻔﺴﻲ ﺻﺎﺭ !!
ﺣﻨﺎﻥ : ﺍﺳﻤﻊ ﻣﺶ ﺣﻨﺎﻗﺸﻚ ﻭﺍﻧﺖ ﻫﺬﺍ ﺣﺪ ﺗﻔﻜﻴﺮﻙ .. ﻭﺻﻜﺮﺕ ﻋﻠﻴﻪ ..
ﻫﻮ ﻟﻤﺎ ﺷﺎﻓﻬﺎ ﺳﻜﺮﺕ ﻓﻮﺟﻬﻪ ﻭﺻﻠﺖ ﻋﻨﺪﻩ ﺣﺪﻫﺎ ﺣﺬﻑ ﺍﻟﺘﻠﻴﻔﻮﻥ ﻉ ﻃﻮﻝ ﻳﺪﻩ ﻓﺘﺮﺷﻪ .. ﻭﻗﻌﺪ ﻳﻤﺸﻲ ﻭﻳﺠﻲ ﻭﺍﻟﻨﺎﺭ ﺗﺎﻛﻞ ﻓﻴﻪ ...
ﺍﻣﺎ ﻫﻲ ﻓﻌﺎﺭﻓﻪ ﺍﻥ ﺍﻟﻠﻲ ﺩﺍﺭﺍﺗﻪ ﻏﻠﻂ ﺑﺲ .. ﻛﺎﻧﺖ ﻣﻀﻄﺮﺓ ... ﺗﻨﻬﺪﺕ .. ﻭﻟﻔﺖ ﻭﻣﺸﺘﻠﻬﻢ ..
ﺣﻨﺎﻥ : ﻧﻮﺿﻮﺍ ﻭﺗﻮﺍ ﺭﻭﺍﺣﻜﻢ ﻫﻴﺎ ...
ﺭﻫﻒ ﻭﻟﺒﻨﻰ ﺑﺨﻮﻑ : ﺑﺎﻫﻲ .. ﻭﻧﺎﺿﻮﺍ ﻭﺭﻛﺒﻮﺍ ﻭﻣﻬﺎ ﻟﺤﻘﺘﻬﻢ ..
ﻣﻌﺎﻭﻳﻪ ﻳﺸﻮﻑ ﻟﺤﻨﺎﻥ ﻛﻴﻒ ﺗﻤﺴﺢ ﻓﻲ ﻓﻢ ﻣﺤﻤﺪ ﻭﻫﻲ ﻣﻌﺼﺒﻪ ..
ﻣﻌﺎﻭﻳﻪ : ﺗﺴﺒﺒﺘﻠﻚ ﻓﻲ ﻣﺸﻜﻠﻪ ..
ﺣﻨﺎﻥ ﻭﻫﻲ ﻣﻌﺼﺒﻪ : ﻻﻣﺸﻜﻠﻪ ﻻﺷﻲ .. ﺍﺻﻼ ﻫﻮ ﻋﻦ ﻗﺮﻳﺐ ﻣﺶ ﺣﻴﻜﻮﻥ ﻟﻴﻪ ﺣﻜﻢ ﻋﻠﻴﺎ ..
ﻣﻌﺎﻭﻳﻪ ﺍﺑﺘﺴﻢ ﻉ ﻋﺼﺒﻴﺘﻬﺎ ﺗﻜﻠﻤﺖ ﻓﻲ ﺣﺎﺟﻪ ﺧﺎﺻﻪ ﻣﻌﺎﻩ ﺑﺪﻭﻥ ﻣﺎﺗﺤﺲ ..
ﻫﻲ ﺍﺳﺘﺎﻗﻀﺖ ﺑﺲ ﺩﺍﺭﺕ ﺍﻟﺤﻮﻟﻪ ...
ﻣﻌﺎﻭﻳﻪ ﻧﺎﺽ : ﻣﻬﺎ ﻭﺍﺧﺪﻩ ﻣﻨﻲ ﻣﻮﻗﻒ ..
ﺣﻨﺎﻥ : ﺧﻠﻴﻬﺎ ﺗﺎﺧﺪ ﻭﻗﺘﻬﺎ ﻭﺣﺎﻭﻝ ﻣﺎﺗﻘﺮﺑﺶ ﻣﻨﻬﺎ ﺇﻻ ﻟﻮ ﻫﻲ ﺟﺎﺗﻚ .. ﺧﻠﻴﻬﺎ ﺑﺮﻭﺣﻬﺎ ﺷﻮﻳﻪ ﺗﻔﻜﺮ ﻭﺗﺴﺘﻮﻋﺐ ﺍﻟﻠﻲ ﻋﺮﻓﺎﺗﻪ .. ﻟﻜﻦ ﻫﻲ ﻣﻨﻴﻦ ﻋﺮﻓﺖ؟؟
ﻣﻌﺎﻭﻳﻪ : ﺍﻳﻪ .. ﺻﺢ .. ﻣﺎﻓﻲ ﺣﺪ ﻓﻲ ﺍﻟﻘﺼﺮ ﻳﻌﺮﻑ ﺑﺎﻟﻠﻲ ﺻﺎﺭ ﻏﻴﺮ ﻣﺮﻳﻢ ﻭﻣﺮﻳﻢ ﺗﺤﻔﻆ ﺍﻟﺴﺮ ﻭﺍﻧﻲ ﻭﺍﺛﻖ ﻣﻨﻬﺎ ﻣﺴﺘﺤﻴﻞ ﺍﻃﻠﻌﻪ ..
ﺣﻨﺎﻥ ﻣﻄﺖ ﺷﻮﺍﺭﺑﻬﺎ ﺑﺘﺴﺎﺅﻝ ..
ﻣﻌﺎﻭﻳﻪ ﻗﻌﺪ ﻳﻔﻜﺮ .. ﺍﺫﻛﺮ ﺍﻣﺲ ﺍﻟﺼﺒﺢ ﻟﻤﺎ ﺍﺗﺼﻞ ﺑﺴﻤﻴﻪ .. ﺷﻦ ﻗﺎﻟﻠﻬﺎ .. ﻭﻫﻲ ﺗﻌﺮﻑ ﻛﻞ ﺷﻲ .. ﺍﻛﻴﺪ ﻫﻲ ﺍﻟﻠﻲ ﻗﺎﻟﺖ ﺭﺩﺍ ﻋﻠﻴﻪ ﻟﻤﺎ ﺍﻫﺎﻧﻬﺎ ...
ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﻗﺮﻥ ﺣﻮﺍﺟﺒﻪ ﻓﺒﻌﺾ ..
ﺟﻮ ﺍﻟﺒﻨﺎﺕ ..
ﺭﻫﻒ : ﻫﻴﺎ ﻣﺎﻣﺎ ..
ﺣﻨﺎﻥ : ﻫﻴﺎ ... ﺟﺘﻬﺎ ﻟﺒﻨﻰ ﺧﺪﺕ ﻣﻨﻬﺎ ﻣﺤﻤﺪ ..
ﻣﻌﺎﻭﻳﻪ ﻧﺎﺽ .. ﻭﻗﻒ ﻗﺪﺍﻣﻬﺎ ﺍﺑﺘﺴﻢ : ﺷﻜﺮﺍ ﻉ ﻛﻞ ﺷﻲ ..
ﺣﻨﺎﻥ ﺍﺑﺘﺴﻤﺖ : ﺍﻟﻌﻔﻮ ... ﻭﺷﺒﺤﺖ ﻟﻤﻬﺎ .. ﻣﻬﺎ ﺟﺘﻬﺎ ﻭﺣﻀﻨﺘﻬﺎ ..
ﺣﻨﺎﻥ ﺑﻌﺪﺕ ﺷﺎﺩﺗﻬﺎ : ﺭﺩﻱ ﺑﺎﻟﻚ ﻉ ﺭﻭﺣﻚ .. ﺣﻀﻨﺘﻬﺎ ﻭﻫﻤﺴﺘﻠﻬﺎ ﻓﻮﺫﻧﻬﺎ .. ﻭﻣﻦ ﺑﺎﺑﺎ .. ﻭﺑﻌﺪﺕ .. ﻣﻪﺍ ﺍﺑﺘﺴﻤﺖ ﻣﺠﺎﻣﻠﻪ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻣﺸﻮﺍ ﻣﻌﺎﻫﻢ ﻟﻴﻦ ﻭﺻﻠﻮﻫﻢ ﻟﻠﺴﻴﺎﺭﺓ ﺭﻛﺒﻮﺍ .. ﻭﺗﺤﺮﻛﺖ ﺍﻟﺴﻴﺎﺭﺓ .. ﻭﻃﻠﻌﻮﺍ ﺑﺮﺍ ﺍﻟﻘﺼﺮ ..
ﻣﻌﺎﻭﻳﻪ ﺣﺲ ﺑﺎﻟﻮﺣﺸﻪ ﻣﺠﺮﺩ ﻣﺎﻃﻠﻌﺖ ﺍﻟﺴﻴﺎﺭﺓ ﻭﻣﻬﺎ ﺯﻳﻪ .. ﺗﻨﻬﺪ ﻭﺗﻠﻔﺖ ﺟﺖ ﻋﻴﻨﻪ ﻓﻌﻴﻦ ﺑﻨﺘﻪ .. ﺷﺒﺤﺘﻠﻪ ﺑﺤﺪﻩ ﻭﻟﻔﺖ ﻭﻣﺸﺖ ..
ﻣﻌﺎﻭﻳﻪ ﻫﺰ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻭﻳﻔﻜﺮ ﺷﻦ ﺣﻴﺪﻳﺮ ﻓﻲ ﺳﻤﻴﻪ ﻭﺑﻨﺘﻬﺎ ..
***
ﻛﺎﻧﺖ ﻣﻘﻌﻤﺰﺓ ﺗﻘﺮﺍ ﻓﻲ ﺍﻟﻜﺘﺎﺏ ﺍﻟﻠﻲ ﺧﺪﺍﺗﻪ ﻣﻦ ﺍﻟﻤﻜﺘﺒﻪ ﻫﺪﻳﻪ ﻣﻦ ﺑﻨﺖ ﺻﺎﺣﺐ ﺍﻟﻤﻜﺘﺒﻪ ﺍﻹﺳﻼﻣﻴﻪ ..
ﺭﻥ ﺟﺮﺱ ﺍﻟﺤﻮﺵ ﻣﻦ ﻛﺜﺮ ﻣﺎﻛﺎﻧﺖ ﻣﻨﺘﺒﻬﻪ ﺷﺒﻪ ﻣﺎﺳﻤﻌﺘﺎﺵ .. ﻟﻴﻦ ﺭﻥ ﻣﺮﺓ ﺗﺎﻧﻴﻪ .. ﺣﻄﺖ ﺍﻟﻜﺘﺎﺏ ﻭﻧﺎﺿﺖ ﻭﺗﻮﺟﻬﺖ ﻟﻠﺒﺎﺏ .. ﺷﺎﻓﺖ ﻣﻦ ﺍﻟﻌﻴﻦ ﻣﺘﺎﻉ ﺍﻟﺒﺎﺏ .. ﻣﻄﺘﺖ ﺷﻮﺍﺭﺑﻬﺎ ﺑﺈﺳﺘﻴﺎﺀ ... ﻭﻓﺘﺤﺖ ﺍﻟﺒﺎﺏ ... ﺟﺎﻫﺎ ﺟﺒﺮ ﻳﺠﺮﻱ ﺣﻀﻦ ﺭﺟﻠﻴﻬﺎ ﻫﻲ ﺍﺑﺘﺴﻤﺖ ﻭﻧﺰﻟﺘﻠﻪ ﺣﻀﻨﺎﺗﻪ ﻭﻗﺎﻣﺎﺗﻪ ..
ﺟﺒﺮ : ﺳﺘﺎﺣﺸﺘﻚ ﻣﺎﻣﺎ ..
ﺑﺎﺳﺘﻪ ﻣﻦ ﺧﺪﻩ : ﻭﺍﻧﻲ ﺍﻛﺜﺮ ﺭﻭﺣﻲ ..
ﺇﻟﻴﺎﺱ ﺑﺘﻬﻜﻢ : ﺑﻌﻼﻣﺔ ﻣﺎﺧﻼﺗﻚ ﻗﺮﻳﺐ ﺷﻬﺮ ﻭﻻﺳﺄﻟﺖ ﻓﻴﻚ .
ﻳﺎﺭﺍ ﺷﺒﺤﺘﻠﻪ ﺑﺤﺪﻩ ﻭﺧﺸﺖ ﻭﺳﻜﺮﺕ ﺍﻟﺒﺎﺏ ﻓﻲ ﻭﺟﻬﻪ ..
ﻫﻮ ﻗﻌﺪ ﻣﻔﻨﺺ ﻋﻴﻮﻧﻪ ﺑﺼﺪﻣﻪ ".. ﺑﺎﻫﻲ ﻳﺎﻛﻠﺒﻪ .."
ﺧﺸﺖ ﻫﻲ ﻭﻟﺪﻫﺎ ﻟﺪﺍﺭﻩ ...
ﻳﺎﺭﺍ : ﻋﻨﺪﻱ ﻟﻴﻚ ﺳﻮﺭ ﺑﺮﺍﻳﺰ ﺣﻠﻮ ..
ﺟﺒﺮ ﺑﻔﺮﺡ : ﺷﻦ ﻫﻮ ﻣﺎﻣﺎ .. ﻧﺰﻻﺗﻪ ﻟﻮﻃﺎ .. ﻭﻃﻠﻌﺘﻠﻪ ﺑﺎﻛﻮ ﻛﺒﻴﺮ .. ﻛﺎﻥ ﻓﻴﻪ ﺧﺮﻳﻄﻪ .. ﺃﻟﻌﺎﺏ .. ﺟﻨﻮﺩ ﻭﺩﺑﺎﺑﺎﺕ ﻭﺍﺳﻠﺤﻪ .. ﻛﺎﻧﺖ ﻟﻌﺒﻪ ﻃﺎﻟﺒﻬﺎ ﻣﻨﻬﺎ ﻣﻦ ﻣﺪﻩ ﻃﻮﻳﻠﻪ .. ﻓﺮﺡ ﻗﺮﻳﺐ ﻃﺎﺭ ﺑﻴﻬﺎ ..
ﺟﺒﺮ ﺷﺒﺤﻠﻬﺎ : ﻟﻜﻦ ﺍﻧﺘﻲ ﺗﻠﻌﺒﻲ ﻣﻌﺎﻳﺎ .. ﻻﺯﻡ ﻳﻠﻌﺒﻮﺍ ﺯﻭﺯ ...
ﻳﺎﺭﺍ : ﺍﻣﻤﻤﻢ ..
ﺟﺒﺮ ﻣﻼﻣﺤﻪ ﺍﻧﻘﻠﺒﺖ ﻟﻠﺤﺰﻥ ﻭﻃﺮﻡ ﺷﻮﺍﺭﺑﻪ ﻳﺎﺭﺍ ﻗﻠﺪﺍﺗﻪ ﻭﻗﺎﻟﺖ : ﺯﻋﻠﺖ ﺣﺒﻴﺒﻲ ... ﻣﺎﺗﺰﻋﻠﺶ ﻳﺎﻋﺴﺴﺴﻞ ﺍﻧﺖ ﻧﻠﻌﺐ ﻣﻌﺎﻙ .. ﻓﺮﺡ ﻭﺣﻀﻨﻬﺎ ﻭﻗﻌﺪ ﻳﺒﻮﺱ ﻓﻴﻬﺎ ﻭﻫﻲ ﻛﺬﻟﻚ ..
***
ﻭﺻﻠﺖ ﻟﻠﺤﻮﺵ ﻭﺩﺧﻠﺖ ﺍﻟﺴﻴﺎﺭﺓ ﻟﻘﺎﺗﻪ ﻳﺴﺘﻨﻰ ﻓﻴﻬﻢ ..
ﺣﻨﺎﻥ " ﺍﺳﺘﻐﻔﺮ ﺍﻟﻠﻪ .."
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺑﻨﺎﺗﻬﺎ ﻧﺰﻟﻮﺍ ..
ﻧﻀﺎﻝ ﻣﺎﻳﺸﺒﺢ ﻓﻲ ﺷﻲ ﺟﺎﻫﺎ ﻳﺠﺮﻱ ﺷﺪﻫﺎ ﻣﻦ ﺫﺭﺍﻋﻬﺎ ﻭﺍﻟﺒﻨﺎﺕ ﻋﻴﻄﻮﺍ ..
ﻧﻀﺎﻝ ﺑﻌﺼﺒﻴﻪ : ﻣﻦ ﺗﺤﺴﺎﺑﻲ ﺭﻭﺣﻚ ﺍﻧﺘﻲ .... ﺗﺘﺼﺮﻓﻲ ﻣﻦ ﺩﻣﺎﻏﻚ ﻭﺩﺍﻳﺮﺓ ﻣﺎﺗﺒﻲ ..
ﺍﻟﺒﻨﺎﺕ ﻣﺼﺪﻭﻣﻪ ﻫﻮ ﺍﻭﻝ ﻣﺮﺓ ﻳﺮﻓﻊ ﺻﻮﺗﻪ ﻉ ﺃﻣﻬﻢ ﻗﺪﺍﻣﻬﻢ ﻭ ﺗﺠﺮﺃ ﻭﻣﺪ ﻳﺪﻩ ..
ﺣﻨﺎﻥ ﻣﺘﻤﺎﻟﻜﻪ ﻧﻔﺴﻬﺎ : ﻧﻀﺎﻝ ﺍﺭﺟﻊ ﻟﻌﻘﻠﻚ ..
ﻧﻀﺎﻝ : ﺧﻠﻴﺘﻲ ﻓﻴﻬﺎ ﻋﻘﻞ ﻳﺎﻣﺮﺍﺓ ﻳﺎﻓﺎﺿﻠﻪ ﻳﺎﻣﺤﺘﺮﻣﻪ ...
ﺣﻨﺎﻥ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ... ﺣﻮﻝ ﻳﺪﻙ ﺑﻪ .. ﺧﻞ ﻧﺘﻨﺎﻗﺸﻮﺍ ﺑﺎﻟﻌﻘﻞ ..
ﻧﻀﺎﻝ ﻳﻬﺰ ﻓﻴﻬﺎ : ﺧﻠﻴﺘﻲ ﻓﻴﻬﺎ ﻋﻘﻞ ﺍﻧﺘﻲ ... ﻛﺒﺮﺗﻲ ﻭﻫﺒﻠﺘﻲ ..
ﺣﻨﺎﻥ ﻋﺼﺒﺖ ﻭﻧﻔﻀﺖ ﻳﺪﻩ ﺑﻜﻞ ﻗﻮﺗﻬﺎ : ﺭﻫﻒ ﻟﺒﻨﻰ ﺧﺸﻮﺍ ﺩﺍﺧﻞ ..
ﻧﻀﺎﻝ : ﻻﻋﻼﺵ ﻳﺨﺸﻮﺍ ﺧﻠﻴﻬﻢ ﻳﻌﺮﻓﻮﺍ ﺍﻣﻬﻢ ﻉ ﺷﻨﻮ ﻧﺎﻭﻳﻪ .. ﻉ ﻣﻨﻮ ﺣﺎﻃﻪ ﻋﻴﻨﻬﺎ ﻭﻫﻲ ﻣﺮﺍﺓ ﻉ ﺫﻣﺔ ﺭﺍﺟﻞ ...
ﺍﻟﺒﻨﺎﺕ ﺍﻧﺼﺪﻣﻮﺍ ﻫﻠﺒﻪ ...
ﺣﻨﺎﻥ ﺑﺼﺪﻣﻪ : ﺍﻧﺖ ﻃﺒﻴﻌﻲ ؟ !!!
ﻧﻀﺎﻝ : ﻓﻜﻴﻨﻲ ﻣﻦ ﺍﻟﺠﻮ ﻣﺘﺎﻋﻚ ﺗﺮﺍ .. ﻓﻲ ﺍﻷﻭﻝ ﻛﻨﺘﻲ ﺭﺍﻓﻀﻪ ﺍﻟﻄﻼﻕ ... ﻭﺗﻮﺍ ﻭﺻﻠﺖ ﺑﻴﻚ ﺗﺮﻓﻌﻲ ﻗﻀﻴﻪ .. ﺷﻦ ﺟﺪ ﻋﻠﻴﻚ ..
ﺣﻨﺎﻥ ﻣﺶ ﻣﺼﺪﻗﻪ ﺍﻥ ﺍﻟﻠﻲ ﻳﺘﻜﻠﻢ ﻧﻀﺎﻝ ﻧﻬﺎﺋﻲ ..
ﻟﺒﻨﻰ : ﻻﺍﺍﺍﺍﻟﻬﻨﻰ ﻭﻳﺎﺳﺮ ... ﺍﻧﺖ ﺗﺴﻤﻊ ﻓﻲ ﺍﻟﻠﻲ ﺗﻘﻮﻝ ﻓﻴﻪ ﺭﻩ ﺍﻟﻠﻲ ﺗﺘﻜﻠﻢ ﻋﻠﻴﻬﺎ ﻫﺎﺩﻱ ﺣﻨﺎﻥ ﺳﺎﻟﻢ ﺳﺎﺳﻲ .. ﻣﺜﺎﻝ ﺍﻷﺧﻼﻕ ﻭﺍﻟﺸﺮﻑ .. ﺍﻟﻤﺮﺍﺓ ﺍﻟﻠﻲ ﺻﺎﻧﺎﺗﻚ ﻓﺤﻀﻮﺭﻙ ﻭﻏﻴﺎﺑﻚ .. ﺍﻟﻠﻲ ﺑﺮﻏﻢ ﺍﻟﻠﻲ ﺩﺭﺗﻪ ﻓﻴﻬﺎ ﻗﺎﻋﺪﻩ ﻣﺤﺎﻓﻈﻪ ﻉ ﺻﻮﺭﺗﻚ ﺍﻟﺤﻠﻮﺓ ﻗﺪﺍﻡ ﺑﻨﺎﺗﻚ ... ﻭﺩﺍﻓﻌﺖ ﻋﻠﻴﻚ ﺣﺘﻰ ﻗﺪﺍﻡ ﺍﻫﻠﻚ ﻟﻤﺎ ﺧﺪﻳﺖ ﻋﻠﻴﻬﺎ ... ﻣﺘﺄﺳﻔﻪ ﺍﻧﻲ ﻧﺴﻤﻊ ﻛﻼﻡ ﺯﻱ ﻫﺬﺍ ﻣﻨﻚ ﺍﻧﺖ ... ﻭﻣﻬﻤﺎ ﻗﻠﺘﻲ ﻳﺎﻣﺎﻣﺎ ﻭﻻ ﺑﺮﺭﺗﻲ ﻣﺶ ﺣﺘﺮﺟﻌﻴﻪ ﻓﻲ ﻧﻈﺮﻱ ﺯﻱ ﻣﺎﻛﺎﻥ ... ﻭﺧﺸﺖ ﺗﺒﻜﻲ ..
ﺭﻫﻒ ﻭﺩﻣﻮﻋﻬﺎ ﻳﻨﺰﻟﻮﺍ : ﺍﻧﺖ ﻣﺶ ﺑﻮﻱ ﻣﻊ ﺍﻷﺳﻒ ... ﻭﺧﺸﺖ ..
ﺣﻨﺎﻥ ﻗﻌﺪﺕ ﺗﺸﻮﻓﻠﻪ ﺑﺤﺪﻩ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ...
ﻭﻧﻀﺎﻝ ﻛﻼﻡ ﺑﻨﺎﺗﻪ ﺯﻱ ﺍﻟﻜﻔﻮﻑ ﺍﻟﻠﻲ ﻛﻼﻫﻢ ﻭﻓﻴﻘﻮﻩ ﻉ ﻧﻔﺴﻪ ... ﺍﻟﻐﻴﺮﺓ ﻋﻤﺎﺗﻪ .. ﺍﺩﺭﺍﻛﻪ ﺍﻥ ﺧﺴﺮ ﺣﻨﺎﻥ ﻧﻬﺎﺋﻲ ﻃﻠﻌﻪ ﻣﻦ ﻋﻘﻠﻪ .. ﻭﻗﺼﺔ ﻳﺎﺭﺍ ﻣﻌﺎﺵ ﺧﻠﺖ ﻓﻴﻪ ﻋﻘﻞ .. ﻭﻃﺎ ﺭﺍﺳﻪ ﻭﻃﻠﻊ ﻃﻮﻝ ﻣﻦ ﺍﻟﺤﻮﺵ ﻭﺣﻨﺎﻥ ﺗﺸﻮﻓﻠﻪ ﻭﺩﻣﻮﻋﻬﺎ ﻧﺰﻟﻮﺍ " ﻳﺎﺧﺴﺎﺭﺓ ﻳﺎﻧﻀﺎﻝ ﻣﺴﺤﺖ ﻛﻞ ﺷﻲ ﺣﻠﻮ ﻗﻌﺪ ﻣﻨﻚ ﻓﻲ ﻧﻔﺴﻲ .."
... ﻳﺘﺒﻊ ...
٠٨ / ١١ / ٢٠٢٠ · Facebook for Android · ﺭ
