فيروز.
بقلم زينب سعيد.
الحلقة السادسة عشر
في الشرقية في الجنينة.
يجلس سامر بعصبية وبجواره ساجد ووالدته يحاولون تهدأته ولكن لا فائدة.
تحدثت والدته بهدوء:
يا أبني إهدي عشان خاطري متزعلش.
صاح سامر بعصبية:
يعني أيه مزعلش بعد كل إلي عملته فيا وبدل ما بابا وجدو يسيبوني أجيب حقي منها لا كل شوية يسكتوني.
تسأل ساجد بهدوء:
هتجيب حقك أزاي يا دكتور قولي عشان يبقي عندي فاكرة هتضربها مثلاً ؟
رد سامر بعصبية:
وأكسر رقبتها كمان دي واحدة مش متربية .
سهام بعصبية:
سامر أخرس خالص إلي بتتكلم عنها دي بنت عمك حتي لو واحدة غريبة مينفعش تغلط فيها بالطريقة دي يا بني أنت متعرفش ظروفها كانت أيه أو عايشة أزاي أو أتربت أزاي ؟
ساجد بهدوء:
وأنت أتربيت علي كده ولا دي من الرجولة أصلا يا سامر أنك تمد أيدك علي واحدة بنت ده ينفع حتي لو بنت من الشارع ده ميداكش الحق أنك تمد أيدك عليها.
سامر بهدوء:
طيب وأجيب حقي أزاي منها حط نفسك مكاني ؟
ساجد بهدوء:
طيب حقك أنا معاك أنك لازم نجيبه بس بالعقل بالنسبة للحصل هنا فالأفضل أنك تحاول تتغاضي عليه عشان جدك وبابا وإلي عملته معاك في المحاضرة ده ميخصناش ده يخصك أنت طالبة غلطت في فيك يا دكتور حقك تجيبه بطريقتك.
سهام بهدوء:
أيوة يا أبني أخوك بيتكلم صح عشان خاطري متكسرش فرحة جدك بيها.
تنهد سامر بسأم:
حاضر يا أمي هنسي إلي حصل هنا لكن في الكلية هي مجرد طالبة عندي وحقي أجيبه بطريقتي كده يا ساجد يبقي عداني العيب .
ساجد بهدوء:
أيوه كده هو ده الكلام الصح يا سامر يلا بقي ندخل للجماعة.
سامر بهدوء:
يلا.
..................
في الغرفة التي تجلس بها أسمي.
تسألت ليلي:
قررتي أيه يا أسمي ؟
أسمي بحيرة:
مش عارفة بس أنا كنت مقررة لو طلعوا كويسين فعلا هفضل هنا لكن سامر ده بوظلي كل خطتي.
ليلي بهدوء:
أنتي إلي غلطانة فيه يا أسمي في المرتين والمفروض تعتذري منه.
أسمي بغيظ:
عارفة بس هو إلي راجل مستفز وبارد.
ليلى بهدوء:
بالعكس يا أسمي أنتي إلي أعصابك تعبانة مش أكتر.
أسمي بهدوء:
خلينا في المهم أعمل أيه ؟
ليلي بهدوء:
خليكي هنا أفضل يا أسمي أهو هترتاحي من أمك وعزيز شوية.
أسمي بملل:
بس سامر.
أنت تقرأ
رواية فيروز قيد التعديل (جاري تعديل السرد والحوار)
Mistério / Suspenseرواية رومانسية المقدمة .... هي بنت جميلة بترت قدمها في سن صغير وتحطم حلمها لتظن أنها النهاية ليأتيها العوض من ربها الذي ينسيها كل ما مرت به فصبرا جميل..... هو شاب ناجح أختار أن ينجح بنفسه ويبني مستقبله بعيدا عن أموال أبيه........... هي جميلة جمالها...
