رواية فيروز قيد التعديل (جاري تعديل السرد والحوار)

الحلقة الرابعة والعشرون

رواية فيروز.
بقلم زينب سعيد.

             الحلقة الرابعة و العشرون

في الشرقية.

يجلس الرجال مع رجالة البلد.

ليتحدث الشيخ حسن بإحراج:والله يا حج رؤوف أن مكسوف منك ومش عارف أقولك أيه أنتا كبيرنا وملناش كبير غيرك بس الراجل جلنا وطلب مساعدتنا.

الحج رؤوف:قول شيخ حسن إلي عايز تقوله.

الحج حسن بهدوء:بص ياحج إمبارح بعد صلاة الظهر لقيت راجل غريب جاي.

فلاش باك.

بعد صلاة الظهر يجلس الرجال سويا يتسامرون ليأتي رجل غريب :السلام عليكم.

الرجال :وعليكم السلام.

الشيخ حسن :أتفضل أي خدمة.

الرجل بخبث:أنا بصراحة جاي أشتكي ليكم من كبيركم يا شيخ.

احد الرجال :أنتو بتقول أيه يا راجل أنتي تشتكي لينا من مين.

الرجل بخبث :بصراحة بقي أنا عارف أنكم ولاد بلد وحقانيين وهتجيبولي حقي صح ولا غلط يا رجالة و أنا ليا حق عرب عند كبيركم.

الشيخ حسن بهدوء:خير حضرتك مين وأيه الحق إلي ليك عند الحج رؤوف.

الرجل بخبث:بص يا شيخ أن عزيز متجوز مرات المرحوم عامر إبن الحج رؤوف.

الشيخ بهدوء:تمام كمل يا أستاذ عزيز.

عزيز بخبث:بص يا شيخنا وركزوا معانا يا رجالة مستني حكمكم دلوقتي بنت المرحوم عامر كانت قاعدة معانا من وقت ما أتجوزت أمها وكانت الدنيا تمام وأنا ربتها مع أبني زي بنتي وأكتر وكانوا بيبعتوا فلوس ملاليم ليها بس والله ما كان بيفرق معايا دي بنتي بردو المهم النت بقي عندها عشرين سنه وخلاص هتبلغ السن القانوني يقوموا وخدين البنت منينا تعيش معاهم عشان متطلبش تاخد فلوسها منهم تمام كده يا شيخنا.
الشيخ بهدوء:تمام كمل المشكلة فين.

عزيز بخبث :أديني جيالك في الكلام أنا معترضتش والله قولت دول أهلها لكن لا مؤاخذة في شابين في البيت ينفع بردو بنت علي وش جواز تقعد في بيت فيه شابان من غير حاجة رسمية بردو.

الشيخ بهدوء:عندك حق مينفعش يا أستاذ عزيز ولا أيه رأيكم يا رجالة.

أحد الرجال ويدعى حامد:بس يا شيخ حضرتك عارف أن الحج رؤوف ميفتهوش العيبة وميوقعش نفسه في الغلط.

رجل آخر يدعي علي:فعلا عندك حق يا حج حامد.

عزيز بخبث :طيب أيه رأيكم تروحوا للحج رؤوف وتتأكدوا من كلامي أنت ورجالة لو طلع كلامي غلط ليكوا عندي حق عرب ولو أنا الصح ليا عندكم أنتو وكبيركم حق عرب.

الشيخ حسن:خلاص يا حج عزيز هنقابل الشيخ بكره ونشوف الموضوع ده معاه.

عزيز بخبث :تمام وأنا هسافر القاهرة وهاجي ليكم بكره بعد العشاء ترسوني بإذن الله السلام عليكم.